Kyzylorda-news.kz. Биылғы жыл Сыр медицинасы үшін жағымды жаңалықтарға толы жыл болды.&nbsp; Денсаулық сақтау саласына биыл 138,6 млрд теңгеден астам қаржы бағытталды.Өңірде жаңа заманауи медициналық нысандар бой көтеруде. Мәселен, Қызылорда қаласында 36,4 млрд теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухана құрылысы басталды.Медицина ұйымдарын сапалы қанмен қамтамасыз ету мақсатында&nbsp; 2,9 млрд теңгеге Қан орталығының құрылысы қарқынды жүруде. Сондай-ақ, «Ауылдық денсаулық сақтауды жаңғырту» ұлттық жобасы аясында елді мекендерде 27 медициналық нысан салынады. Оның 15-і биылғы жылы ел игілігіне пайдалануға берілуде. Саланың материалдық-техникалық базасын жаңартуға 5,3 млрд теңге бөлінді. Бұл өткен жылмен салыстырғанда 3 есеге артқан.Сонымен қатар, жедел жәрдем қызметіне &nbsp;осы жылы 25 санитарлық көлік алынды.

Ұлттық жоба аясында Сыр өңірінде 27 денсаулық сақтау нысаны салынады

<a href="https://kyzylorda-news.kz/">Kyzylorda-news.kz.</a>&nbsp; Қазақстандық ауыр атлет, Олимпиада чемпионы Илья Ильинге тізе буынының жарақатынан кейін академик Нұрлан Батпенов атындағы Ұлттық Травматология және ортопедия ғылыми орталығында сәтті операция жасалды. Жаттығу барысында чемпион менисктің жыртылуы түрінде жарақат алды.ҚР Денсаулық сақтау министрлігі баспасөз қызметінің хабарлауынша емдеуге жатқызылғаннан кейін бірден зерттеп-қараудан өтіп, келесі күні оған операция жасалған. &nbsp;Артроскопия және спорттық жарақат бөлімінің травматолог-ортопед дәрігері Нұржан Мұхамеджанұлы Асанов спортшының денсаулығын тез әрі тиімді қалпына келтіруге бағытталған операцияны сәтті өткізді.<blockquote>"Менің көңіл-күйім өте жақсы, емдеу штаттық режимде өтті. Өзімнің емдеуші дәрігерім Нұржан Мұхамеджанұлы Асановқа алғысымды білдіремін, ол өз ісінің нағыз маманы. Көптеген кәсіби спортшылар Академик Н.Ж. Батпенов атындағы ҰҒТОО емделеді және қалпына келтіріледі, қазақстандық травматолог-ортопедтер ең үздік, олар спорттың не екенін біледі, спортшыларды аяғына қалай дұрыс қою керектігін біледі", - деп дәрігерлерге белгілі ауыр атлет Илья Ильин алғысын білдірді.</blockquote>Қазір Илья өзін жақсы сезінеді және операциядан кейін қалпына келтіруде шешуші рөл атқаратын оңалту курсын алуда.

Ауыр атлет Илья Ильинге  операция сәтті жасалды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен облыс әкімдігі жанындағы сыбайлас жемқорлыққа қарсы іс-қимыл комиссиясының кезекті отырысы өтті. Онда денсаулық сақтау саласында сыбайлас жемқорлық тәуекелдерін болдырмау және алдын алу мәселелері қаралды.Аймақ басшысы халыққа қызмет көрсететін мемлекеттік орган қызметкерлері міндетін адал атқаруы керектігін атап өтті.<blockquote>«Президентіміз мемлекеттік қызметте ашықтық әрі қолжетімділік қағидалары бірінші кезекте екенін баса айтуда. Әлеуметтік салада сыбайлас жемқорлық тәуекелдерінің алдын алып, өрескел заң бұзушылықтарға жол бермеуіміз керек. Шын мәнінде, денсаулық сақтау – ең ауқымды сала. Осы кезге дейінгі нәтижелі жұмыстардың арқасында салада оң динамика бар. Өткен жылмен салыстырғанда өлім-жітім көрсеткіші 4,8 пайыз, ана өлімі жағдайы 79, сәби өлімі 1,2, туберкулезден аурушаңдық 8,5 және одан өлім-жітім көрсеткіші 14,2 пайыз төмендеген. Дегенмен, жүрек қан-тамыр ауруларынан болатын өлім-жітім көрсеткіші өткен жылдың осы кезеңімен салыстырғанда 6,3 пайыз, қатерлі ісіктерден болатын аурушаңдық көрсеткіші 8,7, қатерлі ісіктерден болатын өлім-жітім 16,4 пайыз өскен. Жасыратыны жоқ, қоғамда медициналық қызмет алуға қатысты сын-ескертпелер аз емес», – деді Нұрлыбек Машбекұлы.</blockquote>Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының бірінші орынбасары Асылхан Ашиков облыстық медициналық мекемелерге жүргізген сыртқы талдау нәтижелерін таныстырып, тәуекелдерге тоқталды. Мұнан бөлек, облыстық денсаулық сақтау басқармасының басшысы Олжас Искаков сыбайлас жемқорлықты жою және алдын алу бойынша атқарған жұмыстарын баяндады.Жиын барысында анықталған кемшіліктер талқыланып, оларды жою қадамдары белгіленді.Комиссия отырысын қорытындылай келе, аймақ басшысы әрбір тұрғын сапалы медициналық көмек алып, мемлекет ұсынған игілікті пайдалануы керек екенін атап өтті. Осыған орай, басқарма жетекшілік ететін мекемелерінде жемқорлық фактілерін анықтап, тәуекелдерді болдырмау үшін қажетті шараларды қолға алуы тиіс. Жиында бюджет қаражатын жоспарлау мен игеруге, мемлекеттік сатып алуға, медициналық қызмет көрсетуге жасалған сыртқы талдаудан соң анықталған фактілерге орай нақты шешімдер қабылдау тапсырылды.<figure class="image"><img src="https://knadmin.beoblood.kz/uploads/411499294_662066962781218_1817234005660181144_n_bbe59af29f.jpg" alt="411499294_662066962781218_1817234005660181144_n.jpg"></figure>

Медицина саласындағы сыбайлас жемқорлықпен күрес мәселелері талқыланды

Фото: Zakon.kz<a href="https://kyzylorda-news.kz/">Kyzylorda-news.kz.</a>&nbsp; 2023 жыл да аяқталуға жақын. МӘМС жүйесінде сақтандырылып үлгермеген азаматтар бұл мүмкіндікті қалт жіберіп алмау керек. Олар желтоқсан айының соңына дейін жарна төлесе, жаңа жылмен салыстырғанда 9 000 теңге кем төлейді. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.2023 жылы ең төменгі жалақы мөлшері 70 000 теңгені құрайды, яғни дербес төлеушілер ай сайын 3 500 теңге жарна төлейді (1 ЕТЖ-ның 5%) - немесе жылына 42 000 теңге. Банктер осы соманы ағымдағы жылдың соңына дейін алдағы 12 айға жарналар ретінде қабылдайды. 1 қаңтардан бастап ең төменгі жалақы 85 000 теңгеге дейін өсетіндіктен, бұл төлем 51 000 теңгеге дейін ұлғаяды.<blockquote>«Сақтандыру мәртебесін алу үшін өткен немесе алдағы 12 айларға төлем болу керек. Екінші жағдайда төлеушілер алдағы жылға мәртебе алады. Яғни, қазір алдағы бір жылға сақтандырылу үшін 2024 жылдың қаңтарынан желтоқсанға дейінгі аралыққа жарналар төлеп шығу керек», - деді Бақыт Исмаханбетов.&nbsp;</blockquote>Осылайша, 2023 жылдың желтоқсан айында сақтандырылған мәртебесін алған дербес төлеушілер 9 000 теңге үнемдей алады. Қазақстандықтар үшін МӘМС жарналары мен аударымдарының мөлшері туралы толығырақ мына жерден біле аласыз.Сақтандыру мәртебесін келесі жолдармен тексеруге болады:• &nbsp; &nbsp; &nbsp; &nbsp; Qoldau 24/7 мобильді қосымшасы • &nbsp; &nbsp; &nbsp; &nbsp; fms.kz ресми сайты • &nbsp; &nbsp; &nbsp; &nbsp; Telegram-дағы @SaqtandyrýBot • &nbsp; &nbsp; &nbsp; &nbsp; 1414 байланыс орталығы • &nbsp; &nbsp; &nbsp; &nbsp; Damumed мобильді қосымшасы • &nbsp; &nbsp; &nbsp; &nbsp; Halyk мобильді қосымшасы • &nbsp; &nbsp; &nbsp; &nbsp; BCC.KZ мобильді қосымшасы • &nbsp; &nbsp; &nbsp; &nbsp; Kaspi.kz мобильді қосымшасы • &nbsp; &nbsp; &nbsp; &nbsp; egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы.&nbsp;

Ақша үнемдей отырып 2024 жылға қалай сақтандырылуға болады?

Фото: egemen.kz<a href="https://kyzylorda-news.kz/">Kyzylorda-news.kz.</a>&nbsp; Биыл прокуратура органдары Қызылорда облысында 19 медициналық ұйымның жұмысы тексеру барысында заң бұзушылықтарды жоюға бағытталған 52 қадағалау актісін енгізді. Нәтижесінде 13 мың адамның құқығы қорғалып, бұзушылыққа жол берген 242 тұлға тәртіптік (140) және әкімшілік жауапқа (102) тартылды. Бюджетке 27 млн теңге өндірілген. Бұл туралы Қызылорда облысының прокуратурасының баспасөз қызметі хабарлады.&nbsp;<blockquote>«Қызылорда қаласының 1300 астам тұрғынын басқа медициналық ұйымға ескертпестен заңсыз бекіту фактісі анықталды. Қабылданған шаралармен азаматтардың бұзылған құқығы қалпына келтіріліп, 31 млн теңге сомасына бюджет қаражатының негізсіз жұмсалуына жол берілмеді.&nbsp; Сонымен бірге, әскери борышын өтеуге кеткен және тұрғылықты мекен жайында тұрмайтын адамдардың алғашқы медициналық көмек үшін төленген 19,6 млн теңге бюджет қаржысы мемлекетке қайтарылды. Мысалы әскери борышын өтеуге жөнелтіліп, тұрғылықты мекен жайында болмаған 915 тұлғаға 17 млн теңге төлеген.&nbsp; Байқоңыр қаласындағы Қазақстан азаматтарының тегін медициналық көмек алу мәселесін көтердік. Байқоңыр қаласы тұрғындарын зейнетақымен қамсыздандыру Ресей Федерациясы заңнамасы бойынша жүргізіледі. Ресей Федерациясымен жасалған Келісімге сәйкес Байқоңыр қаласының зейнеткерлері Қазақстан Республикасы Еңбек және халықты әлеуметтік қорғау министрлігінің ақпараттық жүйесінде жоқ. Осыған байланысты Байқоңыр қаласының тұрғындары міндетті әлеуметтік медициналық сақтандыру аясында тегін медициналық көмек алмай келген», - делінген хабарламады. &nbsp;</blockquote>Мәселенің шешімін табу үшін «Міндетті медициналық сақтандыру туралы» Заңына тиісті толықтыру енгізуді қажет етті.&nbsp; Осы орайда Денсаулық сақтау және Еңбек, халықты әлеуметтік қорғау министрліктері заңға өзгеріс енгізу жөнінде қызметтік хат жолданған.&nbsp;<blockquote>«Облыс прокуратурасының тексерісі нәтижесінде аймақта денсаулық сақтау саласында тиісті сертификаты жоқ тұлғалар фармацевтикалық қызметпен айналысқаны анықталды. №3 қалалық емханада маман сертификаты жоқ 2 тұлғаның «ренгтген-зертханашысы» ретінде жұмысқа қабылданған. Жалпы, Қызылорда қаласының емханаларында 21 медицина қызметкері сертификатсыз жұмыс жасағаны анықталып, қадағалау актілері енгізілді. Осыдан кейін аталған мамандар тиісті біліктіліктен өтіп, сертификат алды», - дейді прокуратура мамандары.&nbsp;</blockquote>Тұрғындарды дәрілік заттармен қамтамасыз ету.Ағымдағы жылы медицина ұйымдарында жүргізілген тексерумен облыс бойынша 21 мың‬ науқастың тегін дәрілік заттармен қамтамасыз етілмегені анықталған.&nbsp;<blockquote>«Қазалы аудандық ауруханасында 2 942 науқас тегін дәрілік заттармен тек ішінара қамтамасыз етілсе, 400 науқас мүлдем қамтамасыз етілмеген. Одан бөлек қала, аудан аумағындағы медицина ұйымдарында 6 жасқа дейінгі 2 мыңнан астам балаға дәрілік рецептілер негізсіз жазылған. Ал, Сәбилер үйінде балаларға қарсы көрсетілімі бар дәрілік заттар негізсіз сатып алынып, тағайындалған. Прокуратураның ұсынуымен заң бұзушылықтар жойылды», - делінген Қызылорда облысының прокуратурасының баспасөз қызметінің хабарламасында.</blockquote>Денсаулық сақтау саласындағы заңбұзушылықтардың алдын алу мақсатында жүргізіліп жатқан қадағалау жұмыстары медицина қызметкерлерінің жағдайын да назардан тыс қалдырмады.&nbsp;Ішінара тексерумен облыс бойынша медицина қызметкерлері арнайы киім және басқа да жеке қорғаныш құралдарымен талапқа сәйкес қамтамасыз етілмегені анықталған. Бұндай фактілер тексерумен қамтылған 9 медицина ұйымында орын алған. Қадағалау актісінің қаралуымен қызметкерлерді арнайы киімдермен қамтамасыз етілуде.

Қызылорда:  21 медицина қызметкері сертификатсыз жұмыс істегені анықталды

<a href="https://kyzylorda-news.kz/">Kyzylorda-news.kz.</a> 30 күннен асатын жыл сайынғы демалысқа шыққан азаматтардың басым бөлігі сақтандырылған мәртебесінен айрылғандарын айтады. Оған бірден-бір себеп – жарналар әр айға жеке-жеке түсу керек. Ал жұмыс берушінің бухгалтериясы төлемнің дұрыс жасалғанына сенімді. Әлеуметтік медициналық сақтандыру қорында жағдайды жан-жақты жіктеп, түсіндіріп берді.2023 жылдың 1 маусымынан бастап қазақстандықтар міндетті әлеуметтік медициналық сақтандыру аясындағы сұрақтармен 1414 қысқа нөміріне хабарласып, кеңес алады. &nbsp;Оның нәтижесінде қабылданбайтын қоңыраулар саны 15 есе – 489,5 мыңнан 31,6 мыңға дейін қысқарды. Бұл ретте жауап берілген қоңыраулардың үлесі 2,4 есе өсті: бұрын ол 37%-ды құраса, қазір 88,5%-ға жетіп отыр.&nbsp;<blockquote>&nbsp; «1414-ке көшу кезінде қоңырау шалушыларды толық қамтып, жауап күту уақытын 5 минуттан 18 секундқа дейін қысқарту міндеттері қойылды. Яғни көрсеткіш 16 есе жақсарды деуге болады», – деді Әлеуметтік медициналық сақтандыру қоры жеке және заңды тұлғалармен жұмыс жөніндегі департамент директоры Забира Оразалиева.&nbsp;</blockquote>Спикердің айтуынша, адамдар көбіне мәртебесін тексеру үшін немесе &nbsp;оны алу жолдарын сұрауға хабарласады. Мысалы, жазда және қараша айында 30 күннен астам күнге еңбек демалысына шығатын мұғалімдер мен дәрігерлер мәртебелерін қалпына келтіру жолдарын сұрап көп жүгінген. Яғни, мекеме бухгалтері демалысқа кеткен айға ғана жарна төлеп, келесі айда берешек қалыптасқан.&nbsp;Бұл жағдайда не істеу керек?«МӘМС туралы» Заңға сәйкес, сақтандырылған мәртебесін алу үшін өткен немесе алдағы 12 айға төлем болуы керек. Ал мәртебені сақтау үшін ай сайын үзбей жарна төлеп тұру қажет. &nbsp; Егер бір айды болсын өткізіп алса, қызметкер мәртебесін жоғалтады. Сол себепті жұмыс беруші қажет төлемдерді үзбей төлеу керек. Егер еңбек демалысы 30 күннен артық болса, МӘМС жарналары мен аударымдарын әр айға жеке жеке төлеу керек.&nbsp;Еңбек кодексінің 90-бабының 1-тармағына сәйкес, демалыс күндерін есептеу кезінде әр айдың күнтізбелік күндері ескеріледі. Тиісінше, аударымдар мен жарналар әр айға есептеледі. &nbsp;Еңбек демалысы бір айдан асса, МӘМС төлемдерін кезеңдер бойынша бөлу қажет.&nbsp;Яғни, еңбек демалысы күндерін есептеу кезінде әр айдың күнтізбелік күндері ескеріледі. Сондықтан аударымдар мен жарналар әр айға түсуі керек.Осылайша, демалыс бірнеше кезеңді (бір айдан астам) қамтыса, МӘМС төлемдерін кезеңдер бойынша бөлу қажет. Бұл алгоритм 1С бухгалтерия бағдарламасында іске асырылды. 2020 жылдан бастап «Профессионально PRO1C» порталында, сондай-ақ Павлодар облысының білім саласының бухгалтердік есебі жүйесінде түсіндірмелер бар. Бұл ақпаратты қызметкерін ұзақ демалысқа жіберетін жұмыс берушілер назарға алуы тиіс.Егер төлем қате жасалсаЕңбек демалысына шыққан барлық айларға жарна төленбесе, жұмыс беруші қате төленген аударымдар мен жарналарды қайтарып, жоғарыда көрсетілген алгоритмге сәйкес төлем жасай алады.Төлемдерді қайтару тәртібімен Қор сайтына кіріп танысуға болады («МӘМС-ГИД» бөлімі, ары қарай «Пациенттер үшін» - «Қате немесе артық төленген аударымдар мен жарналарды қайтару қалай жүзеге асырылады?»).Балама тәсілБұдан бөлек, жұмыс беруші ұзақ еңбек демалысына шыққан қызметкер үшін ең төменгі жалақы мөлшерінің 5 пайызы мөлшерінде дербес төлеуші ретінде МӘМС жарналарын төлей алады (2023 жылы – айына 3500 теңге).Жарналар 11 айға төленген болса&nbsp;Қорда атап өткендей, 11 айдың жұмыс қорытындысы бойынша демалысқа шығатын адамдардан да өтініштер көптеп түседі. Яғни, олар үшін МӘМС жүйесіне 12 айға төлем жасалмағандықтан, сақтандырылған мәртебі болмайды. Жұмыс беруші ол үшін 12-ші төлемді жіберген кезде ғана мәртебе беріледі.&nbsp;Кеңес алу үшін&nbsp;Естеріңізге сала кетейік, 1414 байланыс орталығы қоңырауларды сағат 9.00-ден 21.00-ге дейін қабылдайды, ал баламалы байланыс арналары арқылы өтініштерді тәулік бойы қалдыруға болады.Қорда атап өткендей, операторлар мәртебені тексеру және жарналарды төлеу, емханаға тіркелу, медициналық көмек алу мәселелері бойынша көмектесе алады. Сондай-ақ, пациенттің құқығын түсіндіріп, МӘМС жүйесінде сақтандырылған азаматтың мүмкіндіктері туралы айтып береді. Егер жағдай егжей-тегжейлі зерттеуді және медициналық ұйымнан түсініктеме алуды қажет етсе, онда өтініш екінші жолға беріледі. Қабылданған шешім өтініш берушіге хабарланады.Сақтандыру мәртебесін келесі жолдармен тексеруге болады: • Qoldau 24/7 мобильді қосымшасы • &nbsp;fms.kz ресми сайты • Telegram-дағы @SaqtandyrýBot&nbsp; • 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы&nbsp; • Kaspi.kz мобильді қосымшасы • egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік &nbsp; қызметі арқылы. &nbsp;

Еңбек демалысы кезінде МӘМС мәртебесі сақталмаған жағдайда қайда жүгінеміз?

Kyzylorda-news.kz. «Ақсауле-Мед» клиникасында пациенттерді аяғына тұрғызады. Мұнда кардиологиялық, неврологиялық, лор аурулары бар науқастарды медициналық оңалтуға және емдеуге барлық жағдай жасалған. «Ақсәуле-Мед» клиникасының бас дәрігері Біржан Мұқашев біздің тілшімізге берген сұхбатында медициналық орталықтың жұмысы мен менеджменті туралы айтып берді.Біржан Сейітжанұлы, медициналық орталық қашан және қандай мақсатта құрылды?Клиника өз жұмысын 2015 жылы бастады. Өңірде танымал отоларинголог Алмат Байнаев «Ақсауле — Мед» ЖШС және қала маңындағы Тасбөгет кентінде лор-кабинет ашады. Тәжірибелі маманның көмегіне тек қызылордалықтар ғана емес, басқа аймақтардың тұрғындары да жүгінді. Әрі қарай Алмат Айтуарұлы иглотерапевт, массажист мамандарын жұмысқа шақырады. Пациенттердің ауқымы кеңейеді. Содан кейін кәсіпкер Бақтияр Әбдірамановпен бірлесіп Саяхат шағын ауданында «Ақсауле — Мед» клиникасын құрады. 2020 жылдың 1 маусымында медициналық орталық ресми түрде ашылды, ал 2021 жылдың 1 қаңтарынан бастап - Әлеуметтік медициналық сақтандыру қорының медициналық қызмет көрсетушісі. Сәйкесінше, мұнда бүкіл Сыр елінен пациенттер жіберіледі. Пандемия кезінде науқастардың саны айтарлықтай өсті, - деп еске алады Біржан Сейітжанұлы. Қиындықтарға қарамастан, жаңа жас ұжым алға қойылған міндеттерді орындады.Медициналық орталық қандай қызметтерді ұсынады, кәсіби мамандар жеткілікті ме?Клиникада лор, неврологиялық, кардиологиялық ауруларды диагностикалау және емдеу, сонымен қатар үшінші кезеңдегі медициналық оңалту жүргізіледі. Мұнда инсульттан, түрлі жарақаттардан кейін науқастар оналту емін алады. Тәулік бойы жұмыс істейтін стационарда 60, күндізгі стационарда — 15 төсек-орын бар. Клиникада 38 адам жұмыс істейді, оның 8-і жергілікті дәрігерлер. Кардиолог Айгүл Қасымжан, реабилитолог-невропатолог Фархат Байзақова, терапевт — реабилитолог Жансая Амангелді, невропатологтар Әсел Құлтаева және Айнұр Бауыржанқызы, лор дәрігер Бекболат Құрақбаев сияқты мамандар. Клиниканың бас дәрігері Біржан Мұқашев балалар хирургі, әскери дәрігер болып жұмыс істеді, Апаттар медицинасы орталығының филиалын басқарды, Республикалық электрондық денсаулық сақтау орталығы филиалы басшысының орынбасары, Қызылорда облысы бойынша «СК-Фармация» өкілдігінің басшысы болып қызмет атқарды. Сондай-ақ, медициналық орталықта басқа аймақтардың мамандары кеңес береді және емдейді. Бұл елордалық балалар ортопеді, медицина ғылымдарының кандидаты Болат Досанов, Шымкент қаласынан проктолог Айдос Нұрымбетов лазермен оталарды жасайды.Біржан Сейітжанұлы, емделген жағдайлардың мысалдарын келтірсеңіз Клиниканың басты бағыты - медициналық оңалту. Қалпына келтіру емін жүргізгенде кинезитерапия әдісі, проприоцептивтік жүйке-бұлшықеттік жеңілдету (PNF) қолданылады. Бұл созылу рефлекстерін тежеу ​​арқылы бұлшықет релаксациясына ықпал етеді. Инсульт немесе ауыр жарақат алған науқастарды отыруға, тұруға, жүруге үйретеміз, дейді бас дәрігер. Ол үшін түрлі оңалту аппараттары қарастырылған. «Экзарта» кинезиотерапиялық қондырғы жұмыс істемейтін бұлшықеттерді анықтауға және белсендендіруге мүмкіндік береді. «Артромот» тренажерлері тізе, жамбас буындарының қызметін ауыртпалықсыз қалпына келтіруге көмектеседі. Вертикализатор жүру дағдыларын қалпына келтіруге бағытталған. Сондай-ақ, логопед, психолог пациенттермен жұмыс істейді. Нәтиже айқын. Инсульттан кейін 54 жастағы Кеңес Рамазанов клиникаға жатқан күйінде түсті. Оңалту емінен өтіп, 15 күннің ішінде пациент аяғына тұрғызылды, дейді бас дәрігер. Мұндай нәтежелер көп.Медициналық қызметтер қол жетімді ме? Тәулік бойы стационарда 10 күндік емдеу курсының орташа құны шамамен 200-300 мың теңгені құрайды, 15 күндік оңалту - жарты миллионға жуық.&nbsp; Сақтандырылған пациенттерге медициналық қызметтер тегін көрсетіледі. 2023 жылы «Ақсауле — Мед» клиникасының пациенттерін емдеуге Әлеуметтік медициналық сақтандыру қорынан 185 млн. теңге бөлінді. 2023 жылдың басынан бері мыңға жуық емделген жағдайлар бар. Клиникада емделу үшін барлық сынақтар мен жергілікті дәрігердің негізделген жолдамасы қажет. Медициналық рәсімдер ҚР Денсаулық сақтау министрлігі бекіткен емдеу хаттамаларына сәйкес тағайындалады.Сұхбатыңызға рақмет!

Медициналық сақтандыру арқылы емханада қалай емделуге болады?

Kyzylorda-news.kz. 2023 жылы Қызылорда облысы тұрғындарының нысаналы топтарына скринингтік зерттеулер жүргізуге 2,8 млрд теңге бөлінді.Профилактикалық тексерулердің арқасында қатерлі ауруларды ерте кезеңде анықтап, уақтылы емдеуді бастауға болады. Скринингтерді денсаулықтарына шағымдары жоқ және аталған аурулар бойынша есепте тұрмайтын азаматтар белгілі бір жаста өтеді. Қызылорда қаласындағы № 3 емхананың онколог-дәрігері Айгүл Әділова біздің тілшімізге берген сұхбатында скринингтің кімге және қандай түрлерінен өту керектігін еске салды.Айгүл Бақытбекқызы, онкологиялық аурулардың пайда болуына қандай факторлар себеп болады? Кез келген патологияның пайда болуының басты себебі - иммундық жүйесінің жеткіліксіз жұмыс істеу. Қәтерлі ісік барлық тірі организмде бар. Біздің иммундық жүйеміз олармен күресетін болса, ісіктер пайда болмайды. Бірақ дене әлсіреген кезде және атипті жасушалармен күресуге күші аз болған кезде, олар өсе бастайды. Негізгі себептерге зиянды әдеттер жатады - темекі шегу, алкоголь, есірткіні қолдану. Біздің ішіп-жейтініміз үлкен әсер етеді. Ластанған ауа, күйзеліс, дұрыс тамақтанбау, жұмыс және демалыс кестесін бұзу да иммундық жүйеге әсер етеді.Ерлер мен әйелдер қатерлі ісік ауруын анықтау үшін қандай жүйелілікпен скринингтен өтуі керек? Тұрғындар бекітілген емханасында учаскелік мейірбикенің шақыруы бойынша скринингтен өтеді. Скринингтен өтуге қажетті жасқа жеткен кезде азаматтар емханаға өз бетінше де жүгіне алады.&nbsp; 30-39 жас аралығындағы әйелдер мінез-құлық қауіп факторларын ерте анықтау үшін скринингтен өтеді. Темекіні пайдалануға, дұрыс тамақтанбауға, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі. Скрининг жүргізу кезінде пациенттің денсаулығы тексеріледі. Созылмалы аурулар немесе олардың даму қаупі анықталған жағдайда пациентті дәрігерлердің қадағалауына қояды, қажетті емдеу-диагностикалық іс-шаралар жүргізіледі. 40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтауға арналған скринингтен өтеді. Қан қысымының, холестериннің, қан глюкозасының деңгейі және дене салмағының индексі анықталады. Скрининг осы аурулардың дамуын болдырмауға және қауіп тобындағы пациенттерді бақылауға жүргізіледі, қажет болған жағдайда — есепке алуға және емдеу мен дәрі-дәрмектермен қамтамасыз етуге мүмкіндік береді. 30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест немесе тереңдетілген диагностика — (бейне) кольпоскопия, биопсия және гистология, бейінді мамандардың консультациясын алады.&nbsp; Әйелдер 40 жастан 70 жасқа дейін сүт безі обырын ерте анықтау үшін тексеруден өтеді — екі проекциядағы маммография. Қажет болған жағдайда тереңдетілген диагностика — нысаналы маммография, сүт бездерінің УДЗ-і, трепанобиопсия, пункциялық немесе аспирациялық биопсия, гистология, бейінді мамандардың консультациясы. 50-ден 70 жасқа дейінгі ерлер мен әйелдер гемокульт-тест көмегімен колоректальды обырды ерте анықтауға тексеруден өтеді. Қажет болған жағдайда тереңдетілген диагностика — жаппай бейне колоноскопия, оның ішінде наркозбен, эндоскопиялық шертпелі биопсия, гистология, мамандардың консультациясы жүргізіледі.Өкінішке қарай, Қазақстанда сүт безі қатерлі ісігі өкпе және колоректальды обырдан оқ бойы озып тұр. Бұл аурудың алдын алу үшін қандай жұмыс атқарылуда? Онкологияның бұл түрі әйелдермен қатар, ерлерде де болады. Бірақ, әйелдерде ең көп кездесетін дерттің бірі.&nbsp; Әдетте, бұл дерт сүт безі тінінде киста немесе түйін түрінде пайда болады. Бұл жасушалар лимфа жүйесі немесе қан тамырлары арқылы қоршаған тіндер мен мүшелерге таралуы мүмкін. Ауруды асқындырып алған жағдайда емдеу қиынға соғады. Маммография және самопальпация секілді медициналық тексерулер сүт безі обырын ерте анықтап, сәтті емдеу мүмкіндігін арттырады.&nbsp; 40 пен 70 жас аралығындағы сақтандырылған әйелдер тіркелген емханасында 2 жылда 1 рет сүт безі обырын ерте анықтау үшін скринингтік тексеруден өте алады. Оған келесі тексеру түрлері кіреді: сүт бездеріне ультрадыбыстық зерттеу, мақсатты маммография (1 проекция), маммография (4 сурет).&nbsp; Қажет болған жағдайда дәрігер қосымша тексеруге жолдама береді: пункциялық/ стереотактикалық бақылаудағы аспирациялық биопсия, трепанобиопсия, күрделілігі 3 санаттағы операциялық-биопсиялық материалдың 1 блок-препаратын гистологиялық зерттеу.&nbsp; Нәтижесі бойынша келесі дәрігерлерге жолдама беріледі: акушер-гинеколог, рентгенолог (рентгенограмманы 2-ші мәрте қарау), онколог немесе онколог-хирург, маммолог. Айта кетейін, жұмыс берушілер скринингтерді өту үшін қызметкерлерді &nbsp;жұмыс уақыты кезеңінде лауазымын және орташа жалақысын сақтай отырып, кедергісіз жіберуі керек («Халық денсаулығы және денсаулық сақтау жүйесі туралы» Кодексінің 87 бабына сәйкес).Сұхбатыңызға рақмет!

Скринингтер қатерлі ауруларды ерте кезеңде анықтайды

Фото:egemen.kz.Kyzylorda-news.kz. Тамақты жылдам жеу әдетіңізге айналып кеткен болуы мүмкін. Бұл балалық шақта қалыптасқан болуы мүмкін. Алайда тамақты жылдам тауысып қою ағзаға зиян. Ал асықпай тамақтанудың бірқатар артықшылығы бар.Арықтауға көмектеседіЖылдам тамақтанатын адамдарға қарағанда баяу тамақтанатын адамдар калорияны азырақ тұтынады. Себебі ағза тоқтықты сезіну үшін оған шамамен 20 минуттай уақыт қажет. Тамақты тез жеген кезде тойғаныңызды сезініп үлгермейсіз. Сондықтан бұл әдетте артық тамақтануға әкеледі. Ал әр бөлікті шайнап, тамақты асықпай жесеңіз, тойғаныңызды жылдам сезесіз. Бұл кезде миға тойғаныңыз жайлы белгі келеді.Көбірек ләззат сыйлайдыТамақты тез жеп тастаған кезде не жегеніңізді білмей қаласыз және оның дәмін аса сезбегеніңізді байқаған боларсыз. Егер асықпай тамақтансаңыз, одан көбірек ләззат аласыз. Себебі баяу жеген кезде ағзада бақыт гормоны бөлінеді.Асқорыту жақсарадыБаяу тамақтану асқорытудың жақсаруына ықпал етеді. Біріншіден, баяу тамақтанған кезде сілекей көбірек бөлінеді. Екіншіден, жақсылап шайналған тамақ асқазанға түскен кезде асқазан сөлімен біртекті араласады. Үшіншіден, баяу тамақтанған кезде ағзаға тамақтағы барлық пайдалы микроэлемент пен дәруменнің сіңуіне уақыт бересіз.Күйзелістен арылуға көмектеседіБаяу тамақтану босаңсуға көмектеседі. Сондай-ақ асықпай тамақ ішу өмір ырғағын баяулатуға көмектесіп, сіздің психикалық және физикалық денсаулығыңызға жағымды әсер етеді.Тамақты асықпай жеуді қалай әдетке айналдыруға болады?Жалғыз бастамаңыз. Жігітіңізді, құрбыңызды немесе отбасы мүшелерін сізбен бірге асықпай тамақ ішуді үйренуге шақырыңыз. Алаңдататын факторлардан арылыңыз. Тыныш жерде тамақтанған жөн. Дастархан басында смартфон немесе ноутбук қарамаңыз. Бастапқы кезде уақыт белгілеп қойыңыз. Тамақ ішерде уақыт қойып, өзіңізді тексеріңіз. Егер белгіленген уақыттан ерте тауысып қойсаңыз, келесі жолы одан да асықпай жеуге тырысыңыз.Ақпарат дереккөзі:massaget.kz

Баяу тамақтанудың артықшылықтары

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Жалағаш ауданына жұмыс сапарымен барып, Мырзабай ахун ауылындағы дәрігерлік амбулаторияның ашылу рәсіміне қатысты. Сыр өңірінде Президент бастамасымен қолға алынған «Ауылдық денсаулық сақтауды жаңғырту» ұлттық жобасы аясында 27 медициналық нысан салу жоспарланғаны белгілі. Биыл оның 15-інің құрылысы бітті. Мырзабай ахун ауылындағы амбулатория – осы 15 медицина мекемесінің бірі.Ауыл тұрғындарын Тәуелсіздік күнімен және жаңа нысанның ашылуымен құттықтаған аймақ басшысы денсаулық сақтау саласындағы келелі істерге тоқталды.<blockquote>«Мемлекет басшысы Қасым-Жомарт Кемелұлы «Еліміздің басты құндылығы – адам. Бұл – айқын нәрсе. Ұлт саулығы жақсы болса ғана, қоғам орнықты дамиды» деп саладағы реформалардың басты мақсатын белгіледі. Ол – бірінші кезекте, медициналық қызметтің қолжетімділігі, денсаулық сақтау саласының инфрақұрылымын жетілдіру. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасымен аймақтың елді мекендерінде 27 нысан салынуда. Бүгінде 15 дәрігерлік амбулатория құрылысы аяқталып, ел игілігіне берілуде. Жаңа нысан ауыл медицинасының кәсіби деңгейін көтеруге қызмет етсін!», – деді Нұрлыбек Машбекұлы.</blockquote>Рәсімде Денсаулық сақтау саласының үздігі Абдулла Шүленбаев тұрғындарды құттықтап, ақ батасын берді. Сондай-ақ, мердігер мекеме өкілдері мен ауыл азаматтары марапатқа ие болды.Айта кетейік, амбулатория құрылысын «Бақ-Береке» ЖШС салды. Ғимарат ішінде тіркеу орны, аптекалық бекет, қабылдау, оқшаулау, физотерапиялық емдеу, егу бөлмелері, лаборатория, архив, күндізгі емдеу стационары, жалпы тәжірибелік дәрігердің кабинеті бар, мүмкіндігі шектеулі жандар үшін қолайлы жағдай жасалған.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<figure class="image"><img src="https://knadmin.beoblood.kz/uploads/411471180_658711419783439_1044044526733997156_n_7d339e1b7a.jpg" alt="411471180_658711419783439_1044044526733997156_n.jpg"></figure>&nbsp;<figure class="image"><img src="https://knadmin.beoblood.kz/uploads/411464503_658711203116794_8051855285207785316_n_3b0a664df8.jpg" alt="411464503_658711203116794_8051855285207785316_n.jpg"></figure>&nbsp;<figure class="image"><img src="https://knadmin.beoblood.kz/uploads/411459161_658711349783446_8078720004786724718_n_4d9366a32a.jpg" alt="411459161_658711349783446_8078720004786724718_n.jpg"></figure><img src="https://knadmin.beoblood.kz/uploads/411497486_658711233116791_1454320087687643779_n_fb6c44306b.jpg" alt="411497486_658711233116791_1454320087687643779_n.jpg">&nbsp;

Жалағаш ауданында жаңа амбулатория ашылды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сыр өңіріне арнайы келген ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев және Мәжіліс депутаты Мархабат Жайымбетовпен Сырдария ауданына жұмыс сапарымен барып, Нағи Ілиясов ауылындағы дәрігерлік амбулаторияның ашылу рәсіміне қатысты. Бұл – Президент тапсырмасымен қолға алынған "Ауылдық денсаулық сақтауды жаңғырту" ұлттық жобасы аясында Сыр өңірінде салынған 27 медициналық нысанның алғашқысы.Аймақ басшысы тұрғындарды Тәуелсіздік күнімен құттықтады.<blockquote>«Мемлекет басшысы Қасым-Жомарт Кемелұлы денсаулық сақтау саласына айрықша көңіл бөліп келеді. Медициналық қызметтің қолжетімділігін қамтамасыз ету, денсаулық сақтау инфрақұрылымын одан әрі жаңғырту үшін облыста кешенді шаралар қабылдануда. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасымен аймақтың елді мекендерінде 27 нысан салынуда. Бүгінде 15 дәрігерлік амбулатория құрылысы аяқталып, ел игілігіне берілуде. Саладағы бастамалар алдағы уақытта да өңір халқының игілігіне айнала берсін», - деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/411210105_658250736496174_2831941166159898147_n_fc6f948b81.jpg" alt="411210105_658250736496174_2831941166159898147_n.jpg"></figure>ҚР Парламенті Мәжілісіндегі «AMANAT» партиясы фракциясының жетекшісі Елнұр Бейсенбаев ауыл тұрғындарын жаңа нысанның ашылуымен құттықтады. Медицина саласының ардагері Тұрғанбай Маханов ақ батасын берді. Сондай-ақ, іс-шарада дәрігерлік амбулатория құрылысын сапалы жүргізуге атсалысқан мердігер мекеме өкілдері және ауылдың дамуына үлес қосқан азаматтар марапатталды.Айта кетейік, амбулатория құрылысы осы жылдың мамыр айында басталған. Ғимараттың жалпы ауданы - 860 шаршы метр.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.<img src="https://knadmin.beoblood.kz/uploads/411188166_658192666501981_7774867173582143690_n_08c7aa233a.jpg" alt="411188166_658192666501981_7774867173582143690_n.jpg">Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<img src="https://knadmin.beoblood.kz/uploads/411205869_658250643162850_8647399996849446336_n_fec3a762e7.jpg" alt="411205869_658250643162850_8647399996849446336_n.jpg">

Тәуелсіздік күні қарсаңында Сыр өңірінде жаңа амбулатория ашылды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында 8 716 тұрғын медициналық ұйымды таңдау құқығын пайдаланды. Олардың көпшілігі, 6 696 адам тікелей емханада өтініш беру арқылы тіркелді, қалған 2 020 азамат egov.kz. портал арқылы электрондық әдісті таңдады. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.Азаматтардың көпшілігі яғни 6 472 адам жеке клиникаларда тіркелген. Қалған 2 244 адам мемлекеттік емханаларды таңдады.&nbsp;<blockquote>«Жыл сайынғы акцияға облыс бойынша 27 емхана қатысты, оның 14-і жекеменшік, 13-і мемлекеттік. Науқан денсаулық сақтау субъектілерінің деректер базасында тіркелген және тегін медициналық көмектің кепілдік берілген көлемі (бұдан әрі - ТМККК) және міндетті әлеуметтік медициналық сақтандыру (МӘМС) шеңберінде медициналық қызметтерді көрсетуге өтініш білдірген медициналық ұйымдар арасында ғана өткізілетінін атап өткім келеді. Толық ақпаратты Қордың www.fms.kz сайтында «Клиника таңдау» бөлімінде білуге болады. Денсаулық сақтау ұйымына тіркелу медициналық көмектің ТМККК және МӘМС жүйесі шеңберінде медициналық қызметтердің толық көлемін алудың қажетті шарты болып табылады. Үйде медициналық көмекті ұйымдастыру кезінде қолжетімділікті қамтамасыз ету үшін тұрғылықты жеріне тікелей жақын жерде тіркелгеніңіз жөн», - деді Бақыт Исмаханбетов.</blockquote>Тіркеу науқаны - емхананы ауыстырудың жалғыз мүмкіндігі болып емес. Бұл рәсімді жылына бір рет еркін таңдау құқығымен жасауға болады. Сондай-ақ егер адам тұрақты немесе уақытша тұратын жерін, жұмыс немесе оқу орнын ауыстырған жағдайда, басқа елді мекенге көшкен болса немесе ол тұрған емхана қайта ұйымдастырылса, жойылса және басқа да жағдайларда емхананы ауыстыруға құқылы.Сондай - ақ, егер БМСК ұйымында тіркелген адамдар шамадан тыс көп болса, Денсаулық сақтау басқармасының бұйрығымен қызмет көрсету аймақтан тыс жерде тұратын азаматқа бұл емханаға тіркелуге бас тартылуы мүмккін. Қолданыстағы нормативтер бойынша жергілікті дәрігердің аймағында 1700 пациенттен артық болмауы тиіс.&nbsp;<blockquote>«Жыл сайынғы науқанын өткізуге бақылау мен жауапкершілік аумақтық Денсаулық сақтау басқармаларына жүктелгендігін атап өткен жөн, егер медициналық ұйымның өзі азаматтардың көңілдерінен шығатындай етіп &nbsp;жауап бере алмаған және шешім шығара алмаған жағдайда, тіркелушілер көкейлеріндегі сұрақтарын, шағымдары мен ұсыныстарын аумақтық Денсаулық сақтау басқармаларына жолдауға болады. Естеріңізге сала кетейін, электрондық үкіметтің www.egov.kz веб-порталы арқылы жүгінген кезде тіркеу ЭЦҚ болған кезде жүргізіледі. Денсаулық сақтау бөлімінде «Медициналық - санитарлық алғашқы көмек көрсететін медициналық ұйымға бекіту» қызметін таңдау қажет. Емхана пациент туралы ақпаратты мемлекеттік ақпараттық жүйелерден автоматты түрде алады. Операция сәтті болған жағдайда азаматқа медициналық ұйымның ЭЦҚ қойылған электрондық құжат түрінде тіркеу туралы хабарлама беріледі», - деді филиал директоры.&nbsp;</blockquote>&nbsp;Халықтың жекелеген санаттары тікелей емханаға тіркеле алады. Ол үшін еркін нысандағы өтініш пен жеке басын куәландыратын құжатты беру қажет. Бұл санаттарға зейнеткерлер, мүгедектер, заң бойынша бала кезінен мүгедекке тағайындалған қамқоршылар, сондай-ақ қорғаншылар немесе қамқоршылар, патронат тәрбиешілер; колонияларда (өтеу орны бойынша) жазасын өтеп жатқан сотталғандар, студенттер, мерзімді қызметтегі әскери қызметшілер, шет мемлекеттерде туған балалар, сенімхат бойынша тіркеуді ресімдейтін адамдар жатады.Айта кету керек, алғашқы медициналық - санитариялық көмек ұйымына тіркелген азаматтар 2024 жылдың 1 қаңтарынан бастап тегін медициналық көмектің кепілдік берілген көлемі шеңберінде және МӘМС жүйесінде осы ұйымда медициналық көмекті ала бастайды.Сақтандыру мәртебесіне қарамастан, барлық азаматтар тегін медициналық көмектің кепілдік берілген көлеміне құқылы. Жоспарлы емдеуге жатқызу, бейінді мамандардың қабылдауы, қымбат тұратын тексерулерден өту және жоғары технологиялық ем алу үшін МӘМС жүйесінде сақтандырылған болуы қажет. Сақтандыру мәртебесін Электрондық үкімет порталында, Қор сайтында, Telegram-дағы SaqtandyryBot арқылы және «Колдау 24/7» мобильді қосымшасы арқылы білуге болады. &nbsp;

Қазақстан және Қызылорда облысының жаңалықтары: Денсаулық