<a href="https://kyzylorda-news.kz/">Kyzylorda-news.kz</a>&nbsp; Елімізде жыл басынан бері 391 адам көкжетел болса, оның 7-еуі біздің Қызылорда облысына тиесілі. Әзірге Жалағаш ауданынан аталған дертке шалдыққандар анықталған жоқ. Десе де мамандар сақтану қажеттігін айтады. Оның үстіне күн енді жылынған шақта дерт дендейтін көрінеді. Аталған дерттің алдын алуда қайтпек керек, науқастар қандай ем-шаралар қабылдайды, осы және өзге де бірқатар сауалдарға ауданның бас санитары Гүлзираш Айымбетова кешегі брифингте жауап берді.&nbsp;Жалпы&nbsp;көкжөтел –&nbsp;тыныс&nbsp;алу&nbsp;жол­дарының&nbsp;жұқпалы&nbsp;ауруы.&nbsp;Дерт­тің&nbsp;қоздырғыштары – «Bordetellapertussis»&nbsp;деп&nbsp;аталатын&nbsp;спецификалық&nbsp;бактериялар.&nbsp;Спикер&nbsp;оны&nbsp;адам&nbsp;ағзасына&nbsp;ауа&nbsp;тамшылары&nbsp;арқылы&nbsp;берілетінін&nbsp;айтады.&nbsp;Бұл&nbsp;індет&nbsp;циклды&nbsp;ағыммен&nbsp;өтіп,&nbsp;кеңірдек,&nbsp;көмей,&nbsp;брон­хылардың&nbsp;шырышты&nbsp;қабығын&nbsp;за­қымдайды.&nbsp;Аурудың&nbsp;алғаш&nbsp;жұғу&nbsp;сәті&nbsp;катаральды&nbsp;кезең, оның&nbsp;ұзақ­тығы 3-14&nbsp;күнге&nbsp;дейін&nbsp;созылады.&nbsp;<blockquote>-&nbsp;Басты&nbsp;белгісіне&nbsp;келсек,&nbsp;тоқтаусыз&nbsp;қатты&nbsp;жөтелдің&nbsp;пайда&nbsp;болуы.&nbsp;Мұндай&nbsp;кезде&nbsp;кейбір&nbsp;науқаста&nbsp;дене&nbsp;қызуы&nbsp;мүлдем&nbsp;көтерілмейді, ал&nbsp;кей­біреулерде&nbsp;субфебрильді&nbsp;тем­пература (37-37.5С)&nbsp;сақталып&nbsp;тұ­рады.&nbsp;Бұдан&nbsp;кейін, яғни&nbsp;ұстамалы&nbsp;жөтел&nbsp;кезеңі басталады. Ол 3-8&nbsp;аптаға&nbsp;дейін,&nbsp;кейбір&nbsp;жағдайда&nbsp;одан&nbsp;да&nbsp;көпке&nbsp;созылуы&nbsp;мүмкін.&nbsp;Ұстамалы&nbsp;жөтелдің&nbsp;ерекшелігі&nbsp;катаральді&nbsp;ке­зеңдегі&nbsp;жөтел&nbsp;өзгеріп,&nbsp;күшейіп,&nbsp;ты­ныс&nbsp;алудың&nbsp;қиындауы,&nbsp;булығу&nbsp;пай­да&nbsp;болады. Қатты&nbsp;жөтел&nbsp;кезінде&nbsp;ба­­ланың&nbsp;беті&nbsp;қызарып,&nbsp;тілін&nbsp;сыртқа&nbsp;шы­ғарады.&nbsp;Жөтелден&nbsp;соң&nbsp;құсу,&nbsp;тұтқыр&nbsp;қақырықтың&nbsp;бөлінуі,&nbsp;бет-ауыз­­дың&nbsp;ісінуі&nbsp;сынды&nbsp;белгілер&nbsp;бай­қалады.&nbsp;Тіпті&nbsp;көзге&nbsp;де&nbsp;кері&nbsp;әсерін&nbsp;тигізіп, конъюнктива&nbsp;астына&nbsp;қан&nbsp;құйылулар&nbsp;болуы&nbsp;мүмкін.&nbsp;Ал&nbsp;көк­жөтел&nbsp;көпке&nbsp;созылып&nbsp;асқынып&nbsp;кетсе,&nbsp;қайғылы&nbsp;жағдай&nbsp;орын&nbsp;алуы&nbsp;ықтимал.&nbsp;Әсіресе 1 жасқа дейінгі балалар үшін қауіпті, – дейді ол.</blockquote>Спикердің сөзінше, бала өзінен-өзі ауырмайды. Көп жағдайда көк­жөтел ересектерден жұғады екен. Егер үлкендер ұзақ уақыт жөтелсе, ол көкжөтелмен ауырды деген сөз. Бірақ бұл сырқат оларда жеңіл өтетіндіктен көбі созылмалы жөтелін елемей жүре береді. Салдарынан балалар зардап шегеді екен. Оның үстіне қазір ауа райы да жылы бол­ғандықтан адамдар көп қы­дырады, қоғамдық орындарға жиі барады. Бұл жағдай да ауру таяқшаларының ауа тамшылары арқылы тез таралуына ықпал етеді екен.&nbsp;Соңғы кездері екпе алудан бас тартатындар көбейген. Салдарынан жұқпалы ауруларды жұқтырғандар қатары артқан. Негізі, аурудың алдын алу үшін халықтың 95 пайызы екпе алуы тиіс.&nbsp;Жалпы соңғы рет Қазақстанда көк­жөтелдің көбею жағдайы 2018 жылы, оның алдында 2015 жылы тіркелген. Аурудың алдын алудың ең тиімді жолы – көкжөтелге қарсы екпе алу. Екпе салдырған балалар арасында көкжөтелмен сырқаттану көрсеткіші өте төмен екен. Яғни егілген балалар аталған індетпен сирек ауырады әрі жұқтырған күннің өзінде жеңіл түрде өтеді.&nbsp;Жалағаш ауданының бас санитары керісінше егілмеген балалар арасында көк­жөтел ауруын жұқтыру көрсеткіші жоғары екенін айтады. Сондай-ақ олардың ауруы да созылып, ұзақ уақыт емдеуді қажет етеді. Мұндайға жол бермеу үшін уақытында екпе алу керек. Мәселен, биыл осы дертті жұқтырғандардың дені егілмеген балалар екені белгілі болып отыр. Сонымен қатар көптен бері жөтеліп жүрген адамдардан сақтану қажет. Оларды оқшаулап, көкжөтел таяқшасының бар-жоғын анықтап, ауруын асқындырмай емдеген жөн.ҚР Ұлттық егу күнтізбесіне сәй­кес балаларға екпе егу бір мез­гілде тиісінше 5-6 аурудан, яғни дифте­риядан, сіреспеден, көкжө­телден, по­лиомиелиттен, В типті гемофильді инфекциядан және В гепатитінен қор­­ғайтын құрамында АбКДС бар бес және алты компонентті құрама вакциналарды қолданып жүргі­зіледі. Көкжөтелден барынша қорғау үшін балаларға 5 екпе алу қажет, оның ішінде 2 айдан бастап 1 ай аралығымен 3 екпе, содан кейін бірінші ревакцинация бір жарым жаста, екінші ревакцинация 6 жаста жүргізіледі. Осы ретте спикер де дертті дендетпеудің басты жолы вакцина екенін жасырмады.Фото: Нұрболат Нұржаубай

Жалағаш ауданында көкжөтелден 7 науқас тіркелген

<a href="https://kyzylorda-news.kz/">Kyzylorda-news.kz</a>&nbsp; &nbsp;Медицинаның ажырамас бөлігіне айналған зертхана cаласында көпшілік біле бермейтін күрделі жұмыс жүйесі қалыптасқан. Адам ағзасындатүрлі ауру синдромы жайсыздық тудыратыны анық. Шындығында емхана дәлізінде ұшырасқан екі адамның біреуі денсаулығындағы кінәратты анықтау мақсатында қан сынамасын тапсырады. Күн сайын Сара Мұхамбетқалиқызы жетекшілік ететін лаборатория бөліміне 100-ге жуық адамның қан және несеп сынамалары әкелініп, нәтиже шығарылады. Бұл ретте үздіксіз қан талдауымен айналысып, адам жанының арашасына айналған Сара Ермағанбетованың негізгі қызметімен танысу үшін аудандық емханаға атбасын бұрған болатынбыз.Биязы қалпынан таймайтын білікті дәрігер біз барғанда жұмыс үстелінде қан құрамына талдау жасап отыр екен. Кәнігі маманның нұсқаулығымен аядай ғана бөлімнің бірнеше бағытқа бөлінген қызметіне қанықтық. Үй мен жұмыстың екі ортасында жүріп, үздіксіз еңбек ететін абзал жанның жұмысы қай кезде де қауырт. Бүгінде үш бағыт бойынша зертхана қызметі үйлестіріледі. Алғаш ем-шара жасау бөлмесінен науқастан қан алынады. Бұдан кейін арнайы құтыдағы қанның құрамын зерттеу үшін мамандар негізгі жұмыс сатысына кіріседі. Қан талдау нәтижесі дайын болған жағдайда арнайы компьютерлік бағдарламаның көмегімен қан және несеп сынамаларының нәтижесі дәрігерге жолданады. Қазіргі таңда зертханада цифрлы технология жақсы дамыған. Автоматты гемотологиялық анализатор Sysmex XS-500-I аппараты арқылы қан құрамына бірнеше талдау жасалады. Аталған аппаратпен жұмыс істеуді Сара Мұхамбетқалиқызы жетік меңгерген.&nbsp;Сонымен бірге биохимиялық анализатор ВА-200 Вio Systems аппараты бір мезетте 44 адамның қанын биохимиялық сынамадан өткізеді. Мұндай аппараттар сала мамандарының жұмысын жеңілдететіні рас.Сара Ермағанбетова эпидемиология саласын таңдағанымен кейіннен зертхана қызметінде еңбек етуге ұйғарым жасапты. Осыдан 31 жыл бұрын Қарағанды мемлекеттік медициналық институтын бітіріп келген жас маманға медицинаның нағыз майталманы Тұрғанбай Маханов зертхананың қыр-сырын меңгеруге кеңес береді. Қиындығы мол мамандықта жұмыс жасауға шешім қабылдаған абзал жан 1994 жылы Тереңөзек орталық ауруханасына клиникалық-диагностикалық лабораториясының дәрігері қызметіне қабылданады. Сол кездегі аурухананың бас дәрігері Рүстем Садықов табиғатынан барлық қызметке икемді жас маманға зор жауапкершілік жүктейді.Шындығында алты ай бойы интернатурадан тәлім алған жас маман үшін зертхана әлемі бастапқыда таңсық көрінді. Қиындығы мол салада ауыртпалықты көтере білген дәрігер нағыз кәсіби маман ретінде дағдыланды. Ең бірінші жылдары қолындағы микроскоптың көмегімен қан талдауларын жасады. Терезеден түсетін саңылау жарыққа микроскопты жақындатып, сынама қорытындысына қол жеткізу оңайға соқпаған. 3 мың жылдамдықта айналым жасайтын құрылғыны қолдана отырып, қаннан сары суын ажырату керек. Сары су арқылы әрбір адамның сынама нәтижесіндегі өзгеріс анықталады. Кейде күн-түн демей, ауыр хәлде түскен науқастың қан талдауларын жасау үшін зертханадан табылады.– Ең алғаш аурухана табалдырығын аттағанда жауапкершілігі жоғары мамандық иесі атанғанымды білдім. Медицинадағы салғырттықты кешірмейтін зертхана саласында кез келген адам еңбек етуге жүрексінеді. Себебі қан талдау барысында әр адамның тағдыры қолымызда екенін сезінеміз. Дұрыс нәтижеге қол жеткізу арқылы емдеуші дәрігерге айқын нұсқаулық көрсетеміз. Қай кезде де жедел әрекет ету үшін барымызды саламыз. Мен жетекшелік ететін ұжым қызметкерлі өте тәжірибелі. Айта кету керек, олардың жұмыс өтілі 10 жыл мен 30 жыл аралығын құрайды. Қазіргі таңда электронды аппаратпен жұмыс жасау тиімді. Дегенмен оны күтіп ұстау маңызды. Кейде бір тетігін дұрыс баспаған жағдайда аппарат істен шығады. Сондықтан арнайы білімін жетілдірген санаулы мамандарға аппаратпен жұмыс істеуге рұқсат беріледі. Бұрынғыдай емес, микроскоп та электронды жүйеде жұмыс жасайды, – дейді білікті дәрігер.Биохимия сынама нәтижелерін анықтаумен айналысатын аға зертханашы Назерке Омарқызы мен несеп және цитология сынамасының нәтижерін анықтайтын тәжірибелі зертханашы Гүлсім Қайранбаевамен қатар, зертханадағы тәжірибелі мамандар Сара Мұхамбетқалиқызының үнемі ақыл-кеңесіне жүгінеді. Күніне меңгерушімен бірге 200-ге жуық қан талдауларын сараптамадан өткізеді. Ең алдымен төзімділік пен ыждағаттылық мамандардан талап етіледі.Осы күні тәжірибелі дәрігерге отбасы мүшелері үнемі қолдау көрсетеді. Беймезгіл уақытқа қарамастан зайыбы жедел шақыртулар болған кезде Фаридон әйелін жұмысына жеткізсе, анасымен бірге ұлы Нұртілеу ауыр хәлде түскен науқастың жазылып кетуін тілеп отырады.&nbsp;Медицина қызметімен бар ғұмырын байланыстырған Сара Ермағанбетова бұған дейін бірнеше рет марапат төрінен көрінді. Ең бастысы халықтың алғысын арқалаған жан әрбір қан талдауының нәжижелі болуын қалайды. Медицина қызметкерлерінің кәсіби мерекесін зор қуанышпен қарсы алатын ақ халатты абзал жан мамандығымен мақтанады. Күн сайын білмегенін үйреніп, білгенін өзгеге үйретуге жалықпайды. Ол халық денсаулығын жақсару үшін күніне 24 сағат жұмыс жасауға дайын. Өйткені, тәжірибелі маман Гиппократ антына адал.&nbsp;

Сара Мұхамбетқалиқызы: Қан талдау барысында әр адамның тағдыры қолымызда екенін сезінеміз

<a href="https://kyzylorda-news.kz/">Kyzylorda-news.kz</a> Жалағаш ауданында былтыр туберкулездің 20 жаңа жағдайы тіркелген.&nbsp;100 мың халыққа шаққанда аурушаңдық көрсеткіші – 55,6. Оның ішінде туберкулездің 2 асқынған жағдайы Жалағаш кенті мен Аққұм елді мекенінен тіркелген.&nbsp;Бұл көрсеткіш алдыңғы жылмен салыстырғанда 4 жағдайға өскен. Тіркелген туберкулез ауруының 10 жағдайы, яғни 50 пайызы 18-44 жас аралығындағы еңбекке жарамды жастағы тұрғындар болса, қалғаны жұмыссыздар мен зейнеткерлер үлесінде. БАҚ өкілдерімен өткен брифингте аудандық санитарлық-эпидемиологиялық бақылау және қадағалау, қызметті жоспарлау және талдау бөлімінің бас маманы Светлана Жүнісахметова осылай деді.Спикердің сөзінше, биыл І тоқсанда туберкулез ауруы­ның 5 жағдайы тіркелген. Оның ішінде 4-еуі жаңа жағдай болса, 1-еуі туберкулезбен қайта ауырған. Осы көрсеткішті 2023 жылдың осы мерзімімен салыстырсақ, 5 жағдайға өскенін байқауға болады. Биыл тіркелген кеселдің 4 жағ­дайы Жалағаш кентінен, 1-еуі Мақпалкөл елді мекенінен. Науқастар оқушылар, зейнеткерлер, жұмыссыздар ара­сынан анықталып отыр.&nbsp;<blockquote>– Туберкулез өкпе және лимфа түйіндерде ерекше қабыну өзгерістерінің пайда болуымен сипатталады. Бұл тек өкпе ауруы ғана емес, сонымен&nbsp; қатар адамның бар­­лық ағзаларының, яғни сүйектердің, бүйректердің, мидың және ми қабықтарының, терінің, көздің және басқа да ағзалардың зақымдануынан пайда болады. Алайда өкпе туберкулезі жиі кездеседі. Жұқтырудың негізгі көзі – туберкулездің ашық түрімен ауыратын, яғни сыртқы ортаға микобактерияны бөлетін адам, – деді С.Елтайқызы.</blockquote>Маманның сөзіне сенсек, бұл дерт адамға ауамен таралады. Жөтелгенде, түшкіргенде өкпе туберкулезі бар адамдар ауаға туберкулез бактерияларын жаяды. Жұқтыру үшін адамға&nbsp; осындай бактериялардың аз ғана мөлшері жеткілікті екен.&nbsp;<blockquote>– Туберкулез қоздырғышының сыртқы ортада ұзақ уақыт сақталу қабілеті бар. Мысалы, микобактериялар тозаңданған, көгерген үй-жайларда адамдар үшін қауіпті, сондай-ақ олар жылдар бойы өмір сүруге қабілетті. Науқас адам жөтелгенде қақырықпен бірге түшкіру, сөйлегенде қоршаған ортаға 2-6 м радиуста ауада таралатын мил­лиондаған микобактерияларды бөледі, олар еденге, заттарға шаңмен бірге тұнады және көптеген жылдар бойы өміршең болып қалуы мүмкін. Туберкулез ауруына тек адамдар ғана емес, сонымен қатар мал да шалдығады. Ауру жануардың сүті, еті адам үшін жұқтыру көзі болуы мүмкін. Егер өкпе туберкулезімен ауыратын науқас барлық гигиеналық талаптарды сақтаса, ол айналадағыларға қауіпсіз. Өкпе туберкулезі тұқым қуаламайды, – деді спикер.</blockquote>Ол туберкулез ауруымен ауыратын ата-аналардың балалары сау болып туатынын айтады. Алайда сақтық шараларын сақтамаған жағдайда бала туберкулезді жұқтырып, ауырып қалуы мүмкін екен. Туберкулез мико­бактериялары адам ағзасына түскен кезде ауру жұғады, бірақ оның дамуы әр жағдайда болмайды. Өкпе туберкулезінің ауруы иммунитет төмендеген, жеткіліксіз тамақтану, қанағаттанарлықсыз санитариялық-гигиеналық жағдайларда орын алады. Негізінен иммунитеті нашар балалар, жыныстық жетілу кезеңіндегі жасөспірімдер және иммунитеті төмен қарт адамдар ауырады.&nbsp;Бұл дерттің пайда болуына не әсер етеді? Жур­налистердің бұл сауалына сала маманының жауабы бар. Яғни толыққанды тамақтанбаудан, осы дертпен ауыратындармен тығыз, ұзақ қарым-қатынас жасаудан, маскүнемдік, нашақорлық, шылым шегу, ілеспе аурулардың болуынан аталған кесел пайда болады екен. Белгілеріне келсек, екі аптадан астам жөтелу, шаршау және әлсіздік, дене салмағының төмендеуі, температураның ұзақ көтерілуі, түнде тершеңдік, кеуде қуысындағы ауырсыну, қан түкіру дерттің негізгі белгілері болып табылады.&nbsp;Туберкулезді қалай анықтауға болады? Ең алдымен тері туберкулин сынамасы адамның жұқтырғанын көрсетеді. Рентгенологиялық тексеру өкпенің зақымданғанын айқын­дайды. Қақырықты зерттеу жөтел кезінде бөлінетін микроб­тардың бар-жоғын анықтайды. Ал бұл дерттің қайтсек алдын аламыз? Бұл сауалымызды да сала маманы жауапсыз қалдырмады.&nbsp;<blockquote>– Салауатты өмір салтын ұстану керек. Бұл мақсатқа жетудің ең жақсы жолы – күн тәртібін құру және ағзаны шынықтыру. Таза ауада серуендеу, күн және су про­цедуралары, дене шынықтырумен айналысу, дема­лыспен еңбек жүктемесінің дұрыс үйлесімі, толық дәрумендерге бай тамақтану, жеткілікті және уақытылы ұйқы, яғни дұрыс гигеналық тәртіп адам ағзасының нығаюына ықпал етеді және оны туберкулез ауруынан қорғайды. Жыл мез­гіліне қарамастан таза ауада мүмкіндігінше көбірек болу қажет, өйткені таза ауа ағзаға жақсы әсер етеді және шынығудың тамаша жолы болып табылады. Жеке гигиена ережелерін сақтау керек. Жуу құралдарын және ағынды суды пайдалана отырып, қолды, ыдыстарды жуып, тұрғын үй-жайларды ылғалды жинау және желдету, ет пен сүтті міндетті термалық өңдеу, жеке гигиеналық құралдармен ыдыстарды пайдалану, су процедуралары, яғни сүртіну, құю бәрі-бәрі маңызды. Жөтел этикетін де сақтаған жөн. Гигиеналық тәртіптің маңызды бөлімі дұрыс тамақтану болып табылады. Адам тәбетінің жоғарылауына ықпал ететін және ағза жақсы сіңіретін түрлі тағамдарды жеу керек. Тағам құрамына ақуыздар, майлар мен көмірсулардан басқа міндетті түрде витаминдермен минералды тұздар кіруі тиіс. Ақуыздар, ет, сүт, сүзбе, жұмыртқа да болады. Көмірсулар, қант, нан, картоп, жарма да болғаны дұрыс. Витаминдер мен минаралды тұздар негізінен жаңа піскен көкіністермен жемістерде болады. Туған кезде БЦЖ-мен міндетті түрде вакцинациялау және 6-7 жаста қайта вакцинациялау, туберкулезді дер кезінде диагностикалау да маңызды, – дейді сала маманы.</blockquote>Фото: Нұрболат Нұржаубай

Жалағаш: Туберкулездің 20 жаңа жағдайы тіркелген

<a href="https://kyzylorda-news.kz/">Kyzylorda-news.kz</a>&nbsp; Мемлекеттік әлеуметтік сақтандыру қоры жұмыс істейтін азаматтарды әлеуметтік қорғаудың қосымша деңгейін жүзеге асырады.Міндетті әлеуметтік сақтандыру жүйесінің қаржы ресурстары жұмыс берушілердің өз жұмыскерлері үшін, сондай-ақ дара кәсіпкерлер мен жеке практикамен айналысатын адамдардың өздері үшін ең төменгі бір жалақыдан кем емес және жеті еселенген мөлшерінен аспайтын табыстың 3,5% мөлшерінде төленетін әлеуметтік аударымдары есебінен қалыптасады.&nbsp;Әлеуметтік аударымдардың уақтылы түсуі әлеуметтік тәуекелдердің 6 түрі: еңбекке қабілеттілігінен, асыраушысынан, жұмысынан айырылуы, жүктілікке және босануға, жаңа туған баланы асырап алуына байланысты, сондай-ақ бала бір жарым жасқа толғанға дейін оның күтіміне байланысты кірісінен айырылу жағдайларына тағайындалатын әлеуметтік төлемдердің мөлшеріне тікелей әсер етеді.Міндетті әлеуметтік сақтандыру жүйесінің қатысушысы болудың артықшылықтарына оралсақ, ең алдымен Қордың әлеуметтік-маңызы бар екі ұзақ мерзімді әлеуметтік төлемдерін атап өткен жөн.Мұндай төлемдер республикалық бюджеттен берілетін базалық жәрдемақыларға (мүгедектігіне байланысты мемлекеттік әлеуметтік жәрдемақы және асыраушысынан айрылуы бойынша мемлекеттік әлеуметтік жәрдемақы) қосымша жүзеге асырылады. Еңбекке қабілеттіліктен айырылу жағдайы бойынша әлеуметтік төлем медициналық-әлеуметтік сараптама жалпы еңбекке қабілеттіліктен айырылу дәрежесін 30%-дан 100%-ға дейін белгілеген кезеңге тағайындалады, тағайындаудың максималды мерзімі - алушының зейнеткерлік жасқа жетуі, асыраушысынан айырылу жағдайы бойынша әлеуметтік төлем – асыраушының асырауындағылардың 18 жасқа толғанға дейін, ал күндізгі оқу нысаны бойынша оқығанда 23 жасқа дейін тағайындалады.&nbsp;Жыл сайын Қазақстан Республикасы Үкіметінің қаулысы негізінде мемлекеттік әлеуметтік жәрдемақылармен бірге Қордың ұзақ мерзімді төлемдері де арттырылады. Ағымдағы жылы еңбекке қабілеттілігінен айырылуы және асыраушысынан айырылуы жағдайларына тағайындалатын әлеуметтік төлемдер 7%-ға арттырылады.Қызылорда облысы бойынша 3090 алушыға еңбекке қабілеттілігінен айырылған жағдайға және 2690 асыраушысынан айырылған жанұяға төлемдер мөлшері ұлғайтылады.Осылайша, жұмыс істейтін азаматтар алатын төлемдердің жиынтық мөлшері жұмыс істемейтін азаматтарға қарағанда көбірек болады. Бұдан басқа Қазақстан Республикасының Әлеуметтік кодексіне сәйкес бала бір жарым жасқа толғанға дейін оның күтіміне байланысты ай сайынғы әлеуметтік төлемнің мөлшері ұсталуға жататын міндетті зейнетақы жарналарын қосымша есептей отырып, бала туу кезектілігіне қарай белгіленген бала күтіміне байланысты мемлекеттік жәрдемақының мөлшерінен кем болмайды. &nbsp;Осыған байланысты, осы жылдан бастап Қызылорда облысы бойынша осы төлем 8 504 алушыға арттырылатын болады.Сонымен қатар, жоғарыда аталған әлеуметтік төлемдерді арттыру автоматтандырылған режимде жүргізілетінін, яғни алушыларға қосымша құжаттар жинаудың қажеті жоқ екенін атап өтеміз.Міндетті әлеуметтік сақтандыру жүйесі туралы толығырақ ақпаратты Қордың gfss.kz интернет-ресурсы арқылы, сондай-ақ Қор мен филиалдардың әлеуметтік желідегі парақшаларынан алуға болады. &nbsp;Фото: Нұрболат Нұржаубай

Кейбір әлеуметтік төлемдердің мөлшері артады

<a href="https://kyzylorda-news.kz/">Kyzylorda-news.kz</a>&nbsp;Медициналық қызметтерді тұтынушының мәртебесін тексеру қызметі (сақтандырылған/ сақтандырылмаған) Қазақстан Халық банкі, ЦентрКредит Банкі және Kaspi Bank мобильді қосымшаларына енгізілді. Бұл туралы Әлеуметтік медициналық сақтандыру қорының Қызылорда облысы бойынша филиалының бөлім басшысы Ғалымжан Салықов мәлімдеді.Спикердің айтуынша, Әлеуметтік медициналық сақтандыру қоры МӘМС жүйесіндегі мәртебені тексерудің және соңғы 12 айдағы төлемдерді көрсетудің қолжетімді тәсілдерін кеңейту бойынша жұмыстар жүргізуде. Енді бұны кейбір екінші деңгейлі банктердің (ЕДБ) мобильді қосымшаларында жасауға болады.Алдағы 12 айға жасалған төлемдер мен мәртебені Халық банкінің қосымшасы арқылы тексеруге болады. Ол үшін Halyk мобильді қосымшасын орнатып, авторизациядан өтіп, «Мемлекеттік қызметтер» бөлімін таңдап, ізінше «МӘМС» бөлімшесінде ЖСН жазу керек. Halyk арқылы медициналық ұйымға тіркелгені туралы ақпарат қолжетімді. «Мемлекеттік қызметтерге» кіріп, «Анықтамалар» батырмасын басқан кезде тұрғылықты мекенжайы, емхананың атауы, тіркелген күні көрініп тұрады.Алдағы 12 айға жасалған төлемдер мен мәртебені ЦентрКредит Банкінің қосымшасы арқылы да білуге болады. BCC.KZ мобильді қосымшасын орнатқаннан кейін, авторизациядан өтіп, «Мемлекеттік қызметтер» бөлімін таңдап, ізінше «МӘМС туралы ақпарат» бөлімшесінде ЖСН жазу қажет.&nbsp; Сондай-ақ Kaspi.kz мобильді қосымшасын орнатып, Kaspi Bank қосымшасында сақтандырылған мәртебесін тексеруге болады. Авторизациядан өткеннен кейін «Мемлекеттік қызметтер» бөліміне кіріп, ары қарай «МӘМС мәртебесін» таңдау керек.Ғалымжан Салықов түсіндіргендей, соңғы 12 ай ішінде төленбеген кезеңдер болса, оларды банк қосымшаларында төлеуге болады. Төлемдер тексерілгеннен кейін «САҚТАНДЫРЫЛҒАН» мәртебесі беріледі.&nbsp;Естеріңізге сала кетейік, азаматтар мәртебесін келесі қосымшалар арқылы тексере алады: • Qoldau 24/7 &nbsp; мобильді қосымшасы&nbsp; • fms.kz &nbsp;ресми сайты • Telegram-дағы @SaqtandyrýBot &nbsp; • 1414 байланыс орталығы&nbsp; • Damumed мобильді қосымшасы.Сондай-ақ, Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp;&nbsp;

МӘМС жүйесіндегі мәртебе мен төлемдерді  банк қосымшалары арқылы тексеруге болады

<a href="https://kyzylorda-news.kz/">Kyzylorda-news.kz</a> МӘМС жүйесі туралы жиі келіп түсетін сұрақтарға жауап беруді жалғастырамыз. Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова түсініктеме берді.Қызым студент (Ресей Федерациясында күндізгі оқу түрі бойынша оқиды), бірақ тұрғылықты жері бойынша емханада тегін медициналық көмек ала алмайды. Неліктен?Егер сіздің балаңыз Қазақстан Республикасынан тыс жерде оқитын болса, онда ол шетелде оқитын студент ретінде тіркелуі керек. Шетелдік жоғары оқу орындарында оқитын студенттерге МӘМС жүйесінде сақтандыру мәртебесін алу үшін egov.kz порталында «Шетелде оқитын студенттерді тіркеу» тіркелу қажет.Өтінішті толтыру, оқуды растайтын құжаттарды қоса беру және ЭЦҚ-ға қол қою керек. Әр семестрден кейін сақтандырудың мәртебесін тексеріп, қажет болған жағдайда оны жаңарту қажет.МӘМС-ке қандай жұмыс орындарынан аударымдар түсетінін білгім келеді?Аударымдар туралы анықтаманы еgov.kz электрондық үкімет порталы арқылы онлайн алуға болады, егер сізде ЭЦҚ кілті болса, сондай-ақ халыққа қызмет көрсету орталығына өз бетінше жүгінген кезде. Егер сізде сұрақтар туындаса, 1414 нөміріне хабарласуыңызды сұраймыз.Мен бірінші ай ресми түрде жұмыс істеймін. Неліктен мен дәрігерлерге бармасам, өткен жылға медициналық сақтандыруды төлеуім керек?МӘМС туралы Заңның 5-бабының 3-тармағына сәйкес Қорға аударымдар және (немесе) жарналар төленбеген тұлғалар МӘМС жүйесінде медициналық көмекке құқық алу үшін төленбеген кезең үшін, бірақ төлем күнінің алдындағы он екі айдан аспайтын мерзім үшін Қорға ең төменгі жалақы мөлшерінің 5 пайызы мөлшерінде жарналар төлеуге міндетті республикалық бюджет туралы заңмен ағымдағы қаржы жылына белгіленген төлемдер (дербес төлеуші, 2023 ж. – 3 500 теңге, 2024 ж. – 4 250 теңге).Неліктен дәрігер үйге келмейді?Дәрігерді үйге шақыру қызметін көрсетудің көрсеткіштері созылмалы ауру жағдайлары болып табылады, бұл пациенттің емханаға өз бетінше баруына мүмкіндік бермейді (онкологиялық аурулардың ауыр ағымы, мүгедектік (I - II топ), паралич, аяқ-қолдың парезі.Науқасқа үйде белсенді баруды негізінен учаскелік медбике немесе фельдшер жүзеге асырады. Дәрігерді үйге телефон байланысы арқылы қоңырау шалуға немесе e.gov.kz электрондық үкімет порталы арқылы шақыруға болады (мемлекеттік қызмет).&nbsp;

Дәрігерлерге бармаса да өткен жылға медициналық сақтандыруды төлеу дұрыс па? 

<a href="https://kyzylorda-news.kz/">Kyzylorda-news.kz</a> Күн райы сан құбылатын көктемнің алғашқы айын өткердік. Алайда сол құбылмалы ауа райы адамның иммунитетін әлсіретіп, түрлі аурудың тарауына алып келеді. Мәселен, тұмау, аллергия, көкжөтел. Бұлардың барлығы – ауа арқылы таралатын жедел вирус. Бұл пневмония, бронхит, жүрек, бүйрек және созылмалы аурумен ауыратын адамдарға қатты зиянын тигізеді. Ал Шиелі ауданындағы ахуал қандай? Осы сұрақтың төңірегінде Шиелі аудандық көпбейінді орталық ауруханасының жұқпалы аурулар бөлімінің меңгерушісі Айгерім Айтжанқызына хабарласқан едік.<blockquote>– Көктемде жедел респираторлы-вирусты инфекциялық аурулар өршиді. Оның ішінде тұмау, фарингит, ларингит, бронхит секілді аурулар асқынады. Суық тигенде, вирус түскенде, осы түтік қабынады. Құлақ ауырып, қызу көтеріледі, есту қабілеті нашарлайды. Дер кезінде емдемесе, соңы аурудың күрделі сатысына ауысу мүмкін. Бүгінде Шиелі ауданында жедел респираторлы-вирусты инфекциямен 1-14 жас аралығындағы 281 бала емделген. Ал ересектер бойынша 91 науқас тіркелген, – деді маман.</blockquote>Тұмаудың алғашқы белгілері ағзаға түскен вирус бөлшектерінің санына, оның түріне, адамның иммундық жүйесіне байланысты бірнеше сағаттан 2-4 күнге дейін созылатын инкубациялық кезеңнен басталады. Егер адамның дене қызуы 3-5 күн бойы түспесе, ауырсынуды басатын дәрілерді қабылдағаннан кейін де басылмайтын қатты бас ауруы, сондай-ақ ентігу, сананың бұзылуы, геморрагиялық бөртпелер шықса, жедел медициналық көмекке жүгінгені жөн.ТҰМАУДАН ҚАЛАЙ АРЫЛАМЫЗ?Алдымен тұмауға қарсы маусымдық профилактикалық екпе алған дұрыс. Одан кейін құнарлы тамақтанып, салауатты өмір салтын ұстанған абзал. Сондай-ақ маусымдық өршу кезінде жиі ауыратын балаларды көпшілік ортаға алып баруды тоқтату керек. Ойын орталықтарына, адам көп жиналатын орталарға апармаған жөн. Тұмаудың белгілері пайда болғанда, яғни жөтелу, дене қызуының 38,6 градусқа көтерілуі, мұрыннан шырышты бөлініс ағуы, жалпы әлсіздік, мазасыздық, тәбеттің төмендеуі, ұйқының бұзылуы, көздің жасаурауы мен бастың ауруында дереу медициналық қызметке және инфекционист маманға жүгінген тиімдірек.&nbsp;Айналамызға қарасақ, көкжөтелдің де өршіп тұрғаны байқалады. Бұл жөнінде де ақ желеңділерден сұрап көрдік. Әсіресе, бұл індеттен балалар жапа шегуде. Сондықтан ата-аналар балаларын жұқпалы індеттен қорғауы керек.&nbsp;Мамандардың айтуынша, көкжөтел – тыныс алу жолдарының жұқпалы ауруы. Дерттің қоздырғыштары – «Bordetella pertussis» деп аталатын спецификалық бактериялар. Ол адам ағзасына ауа тамшылары арқылы беріледі. Бұл індет циклды ағыммен өтіп, кеңірдек, көмей, бронхылардың шырышты қабығын зақымдайды. Аурудың алғаш жұғу сәтін катаральды кезең деп атайды. Оның ұзақтығы 3-14 күнге дейін созылады. Басты белгісі – тоқтаусыз, қатты жөтелдің пайда болуы. Бұндай кезде кейбір науқастарда дене қызуы мүлде көтерілмейді, ал кейбіреулерде субфебрильді температура (37-37.5 С) сақталып тұрады. Бұдан кейін, яғни екіншісі – ұстамалы жөтел кезеңі басталады. Ол 3-8 аптаға дейін, кейбір жағдайда одан да көпке созылып кетуі мүмкін. Ұстамалы жөтелдің ерекшелігі – катаральді кезеңдегі жөтел өзгеріп, күшейіп, тыныс алу қиындап, булығу пайда болады. Қатты жөтел кезінде баланың беті қызарып, тілін сыртқа шығарады. Жөтелден соң құсу, тұтқыр қақырықтың бөлінуі, бет-ауыздың ісінуі сынды белгілер байқалады. Тіпті көзге де кері әсерін тигізіп, конъюнктива астына қан құйылулар болуы мүмкін. Ал көкжөтел көпке созылып, асқынып кетсе, қайғылы жағдай орын алуы ықтимал. Әсіресе, 1 жасқа дейінгі балалар үшін қауіпті.&nbsp;Осы тақырып бойынша кент тұрғыны Г.Асанова былайша пікір білдіреді:&nbsp;<blockquote>– Бала өзінен-өзі ауырмайды. Бірақ олар ауырса, тыпыршып, күндіз-түні ем-домын беріп, қарайлаймыз. Меніңше, көп жағдайда көкжөтел ересектерден жұғады. Егер үлкендер ұзақ уақыт жөтелсе, демек ол көкжөтелмен ауырды деген сөз. Алайда бұл сырқат оларда жеңіл өтетіндіктен, көбі созылмалы жөтел екенін елемейді. Салдарынан бала зардап шегеді. Сондықтан біз өзіміз аурудың алдын алып, балаларға жұқтырып алмауды ойлауымыз қажет.&nbsp;</blockquote>КӨКЖӨТЕЛДІ ЕМДЕУДІҢ ЖОЛЫ ҚАНДАЙ?Аурудың алдын алудың ең тиімді жолы – көкжөтелге қарсы екпе қабылдау. Екпе салдырған балалар арасында көкжөтелмен сырқаттану көрсеткіші өте төмен екенін айта кеткен жөн. Яғни егілген балалар аталған індетпен сирек ауырады әрі жұқтырған күннің өзінде жеңіл түрде өткереді. Керісінше, егілмеген балалар арасында көкжөтел ауруын жұқтыру көрсеткіші жоғары. Олардың ауруы да созылып, ұзақ уақыт емдеуді қажет етеді. Бұндай жағдайларға жол бермес үшін уақытында екпе алу керек. Мәселен, биыл осы дертті жұқтырғандардың дені егілмеген балалар екені анықталды. Айта кетейік, көптен бері жөтеліп жүрген адамдардан сақтану қажет. Оларды оқшаулап, көкжөтел таяқшасының бар-жоғын анықтап, ауруын асқындырмай емдеген жөн.&nbsp;ТҮЙІН: Қысқасы, тұмау тиіп, салқындасаңыз, бірден қаралыңыз. Егер ол өршіп кетсе, оның бетін қайтару қиынға соғады. Сондықтан инфекциялардың таралуына тоқтау салу үшін медицина мамандарының кеңесіне құлақ түріп, міндеттелген екпеден бас тартпайық, денсаулыққа мән берейік.Фото: Нұрболат Нұржаубай

Шиелі: Асқынған аурудың түрі қайсы?

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың қатысуымен облыстық мәслихаттың кезекті ХХІІ сессиясы өтті. Күн тәртібінде 11 мәселе қаралды. 2024 жылға арналған облыстық бюджет нақтыланып, депутаттардың назарына ұсынылды. Бұл туралы&nbsp;Қызылорда облысы әкімінің баспасөз қызметі хабарлады.Аймақ басшысы денсаулық сақтау ұйымдарының санитарлық автокөліктерін жаңарту өзекті мәселенің бірі екенін айтты.<blockquote>«Әкімдердің халықпен кездесулерінде тұрғындар көтеретін негізгі мәселенің бірі – облыстық және аудандық денсаулық сақтау ұйымдарын санитарлық автокөліктермен қамтамасыз ету. Бұл түйткілді өздеріңіз де бірнеше рет депутат мінберінен көтеріп келесіздер. Тұрғындардың сұранысына сәйкес былтыр облыстық бюджеттен 512,5 млн. теңге бөлініп, 25 санитарлық автокөлік сатып алынды. Дегенмен, бұл саладағы көліктердің 68,4 пайызының тозығы жеткен. Автокөлік паркін жаңарту үшін 200 санитарлық автокөлікті алудың бастапқы жұмыстарына 100 млн.теңге бағытталуда», – деді Нұрлыбек Нәлібаев.</blockquote>Облыстық мәслихат депутаттары көтерілген мәселенің маңыздылығын ескеріп, қолдау білдірді.Сессияда облыстық құрылыс, сәулет және қала құрылысы басқармасының басшысы Ерлан Төралиев, облыстық экономика және қаржы басқармасының басшысы Қамбарбек Мүбәраков, облыс әкімі аппаратының басшысы Шахмардан Байманов, облыстық мәдениет, архивтер және құжаттама басқармасының басшысы Мира Қазбекова, облыстық табиғи ресурстар және табиғат пайдалануды реттеу басқармасының басшысы Серік Сермағамбетов, облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев, облыстық мәслихат депутаты Балжан Шәменова, облыстық мәслихаттың төрағасы Наурызбай Байқадамов баяндама жасады.<img src="https://knadmin.beoblood.kz/uploads/434317003_717805410540706_5485726523906341300_n_2138ff9a43.jpg" alt="434317003_717805410540706_5485726523906341300_n.jpg"><img src="https://knadmin.beoblood.kz/uploads/434301256_717805743874006_5789380930576306178_n_c3b3eb4f8b.jpg" alt="434301256_717805743874006_5789380930576306178_n.jpg"><img src="https://knadmin.beoblood.kz/uploads/434195873_717805753874005_6329429206707767609_n_cee992a0c6.jpg" alt="434195873_717805753874005_6329429206707767609_n.jpg"><img src="https://knadmin.beoblood.kz/uploads/434167173_717805620540685_8348849371123968027_n_374f4acdc8.jpg" alt="434167173_717805620540685_8348849371123968027_n.jpg"><img src="https://knadmin.beoblood.kz/uploads/434160136_717805773874003_7646349767575681954_n_b5bf8f1885.jpg" alt="434160136_717805773874003_7646349767575681954_n.jpg"><img src="https://knadmin.beoblood.kz/uploads/434153711_717805810540666_5599343686526060273_n_de87925f5c.jpg" alt="434153711_717805810540666_5599343686526060273_n.jpg"><img src="https://knadmin.beoblood.kz/uploads/432788284_717805877207326_6894679986892159152_n_11c96e4024.jpg" alt="432788284_717805877207326_6894679986892159152_n.jpg">

Қызылордада денсаулық сақтау ұйымдарына санитарлық автокөліктер сатып алынады

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгін Қызылорда қалалық санитариялық - эпидемиологиялық бақылау басқармасының басшысы Гүлмира Сыздықова Қызылорда қаласында Конго-Қырым геморрагиялық қызбасы ауруының эпидемиологиялық ахуалы және алдын алу шаралары туралы баяндады.Биыл қала бойынша конго-қырым геморрагиялық қызбасы ауруының қолайсыз аймақтары ретінде 12 ошақ есепке алынды. Олар: Қызылорда қаласы («КБИ» аймағы, ПМК-29, Бәйтерек, Әл-Фараби мөлтек аудандары), Тасбөгет кенті, Белкөл кенті («Көкжиде» аймағы, Бірқазан ауылы), Абай, Баймұрат батыр, Досан, Ж.Махамбетов, Иіркөл, Қарауылтөбе, Қызылжарма, 11 бекет (Талсуат) елді мекендері және Қараөзек станциясы.Қолайсыз аймақтар ретінде есепке алынған ошақтарда 10 -23 сәуір аралығында ҚР ДСМ СЭБК «Ұлттық сараптама орталығы» Қызылорда облысы бойынша филиалының дезинсекциялық бригадасы «Дельтаметрин» препаратымен кенеге қарсы өңдеу жұмыстарын жүргізетін болады. Қолайсыз аймақтардағы буферлік зоналарда және мал бастарына ЖК Б.Танкеевтің «Дезинфекция и К», «Satti tulik», «Ақтөбе-Дезинфекция» ЖШС мекемелерімен ауылшаруашылық мал бастары (28215, оның ішінде 7927 уақ мал) мен мал қора-жайларына (65400 ш.м) «Ципэк» препаратымен кенеге қарсы жұмыстары жүзеге асырылады.- Көктемгі эпидмаусымда барынша сақтық шараларын қатаң сақтауымыз керек. Кене малдың үстінде болатындығын ескере отырып, малды алдын ала кенеге қарсы егіп, мал қорада кенеге қарсы улау жұмыстарын жүргізу керек және мал күтімімен айналысу барысында бөлек арнайы киім пайдалану қажет, - деді басқарма басшысы Гүлмира Жамбылқызы.Айта кету керек, былтырғы жылы Қызылорда қаласында Конго-Қырым геморрагиялық қызбасының алғашқы диагнозымен 13 жағдайы тіркелген. Оның 1 жағдайы клиникалық және зертханалық расталды. Жүргізілген эпидемиологиялық тексеріп-зерттеу қорытындысымен науқастың жеке шаруашылықтағы ауылшаруашылық мал бастарын бағуға барғандығы анықталды.

Қызылорда қаласында кенеге қарсы залалсыздандыру жұмыстары басталады 

«Ауыл – ел бесігі»: Қармақшыда орталық аурухана ғимараты күрделі жөндеуден өтті 

<a href="https://kyzylorda-news.kz/">Kyzylorda-news.kz</a>&nbsp;&nbsp; «Аңсаған сәби» бағдарламасының арқасында 2023 жылы Қызылорда облысында 86 сәби дүниеге келді. Бұл жоба МӘМС аясында қаржыландырылады.&nbsp;Әлеуметтік медициналық сақтандыру қорының Қызылорда облысы бойынша филиалында ЭКҰ-ға кімдер қатыса алады және оған жолдаманы қалай алады, қайда өтуге болады деген сынды сұрақтарға жауап берді. &nbsp;Облыстық филиалының директоры Бақыт Исмаханбетовтың айтуынша, Әлеуметтік медициналық сақтандыру қоры 2018 жылдан бастап тегін медициналық көмектің кепілдік берілген көлемі шеңберінде ЭКҰ бағдарламаларын қаржыландыруды жүргізеді. ЭКҰ-ға жолдама алу үшін тіркелген жері бойынша емханаға жүгіну қажет. Мамандар пациентті бедеулігі бар диспансерлік пациенттердің электрондық тіркеліміне қосады және бірқатар тексерулер тағайындайды. 12 ай ішінде емхананың бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Оң шешім қабылданған жағдайда, әйел «Емдеуге жатқызу бюросы» порталында тіркеліп, рәсімге дайындала бастайды. Пациент экстракорпоралдық ұрықтандыру үшін клиниканы өз бетінше таңдауға құқылы. Жеткізушілер тізімімен Қор <a href="https://fms.kz/kz/useful-to-know/vybrat-kliniku/">сайтында</a> танысуға болады.ЭКҰ кімдерге арналған?&nbsp;Процедура терапевтік жолмен емдеуге келмейтін бедеулік диагнозы қойылғандарға арналған. &nbsp;ЭКО-ға отбасылық жұптар да, жеке адам да қатыса алады. Міндетті түрде үміткердің ерікті жазбаша &nbsp;келісімі болуы керек.Қазақстан азаматы болуы және денсаулық сақтау министрлігі белгілеген медициналық параметрлерге сәйкес келуі қажет – бұл репродуктивті жас (18-ден 42 жасқа дейін), қалыпты соматикалық және эндокриндік мәртебе, жоғары фолликулярлық резерв. МӘМС бойынша ЭКҰ процедурасынан жылына бір рет тегін өтуге болады. Талпынысы сәтсіз аяқталған жағдайда қайтадан кезекке тұра алады.Қандай жағдайда квота берілмеуі мүмкін?Науқасқа ұрықтандырудан бас тарту бірнеше жағдайда әсер етуі мүмкін: жатырдың туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез-келген локализацияның онкологиясы.Бақыт Исмаханбетовтың ақпараты бойынша, ЭКҰ жүргізу қағидалары және ілеспе іс-шаралар туралы толық ақпарат Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-272/2020 «Қосалқы репродуктивтік әдістер мен технологияларды жүргізу қағидалары мен шарттарын бекіту туралы» бұйрығында жарияланды.Қызылорда облысында «Аңсаған сәби» бағдарламасы аясында ЭКҰ-ға кезекте 750 әйел тұр. Пациенттердің құжаттарын қабылдауды облыстық денсаулық сақтау басқармасы жүргізеді. Өткен жылы өңірде 274 квота игерілді, экстракорпоральды ұрықтандыру кезінде 86 бала дүниеге келді. Жүктілік кезінде тағы 51 әйел.Биыл облыста аталмыш бағдарлама бойынша мұқтаж отбасыларға 270 квота бөлінді.&nbsp;&nbsp;

 «Аңсаған сәби»: Былтыр Қызылорда облысында 86 сәби дүниеге келді

<a href="https://kyzylorda-news.kz/">Kyzylorda-news.kz</a> Қанша жеке кәсіпкер &nbsp;міндетті әлеуметтік медициналық сақтандыру қорына төлем жасайды? &nbsp;Олар өз қызметкерлері үшін қандай көлемде аударым жасайды және жеңілдік санатына кіретін жұмыскерлер үшін төлем жасай ма? Осы және басқа да сұрақтарға біздің тілшімізге «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов жауап берді.Жеке кәсіпкерлер міндетті әлеуметтік медициналық сақтандыруға өз пайдасы &nbsp;үшін қанша төлем жасайды?Жеке кәсіпкерлер мен жеке практикамен айналысатын азаматтар басқа да әлеуметтік аударымдармен қатар міндетті медициналық сақтандыруға белгіленген жарналарды төлейді. 2023 жылы осы санаттағы төлеушілер үшін жарналардың мөлшері ЕТЖ-ның 1,4 еселенген мөлшерінің 5%-ын немесе ай сайын 5 950 теңгені құрады. (85 000*1,4)*5% = 5 950 теңге.Қалай төлейді?Жеке кәсіпкер ретінде өзі үшін МӘМС төлемін екінші деңгейдегі банктің кез келген бөлімшесі арқылы, оның ішінде мобильді қосымшалар арқылы, сондай-ақ "Қазпошта" АҚ, Касса 24 және Qiwi әмиян өзіне-өзі қызмет көрсету терминалдары арқылы аударуға болады. Төлем коды (ТК) – 122.&nbsp; Сіз ай сайын да, ұзақ мерзімге де алдын ала төлем жасай аласыз. 2-3 жұмыс күні ішінде қаражаттың қайтарылуын міндетті түрде тексеріңіз. Егер ЖСН немесе аты-жөні, төлем сомасы дұрыс көрсетілмеген болса немесе 10 ЕТЖ-дан асатын аударым базасы асып кетсе, жарналар қайтарылуы мүмкін.Жеке кәсіпкерлер ретінде жұмыс берушілер медициналық сақтандыруға қанша төлейді?Егер жеке кәсіпкердің жалдамалы қызметкерлері болса, онда олар жұмыс беруші ретінде төлемдер бойынша жауапты болады.&nbsp; Аударымдар (жұмыс берүші қаражаты есебінен) – қызметкерлердің жалақысының 3% мөлшерінде, бірақ 25 500 теңгеден аспайды. Жарналар (қызметкердің жалақысынан ұстап қалу) - қызметкерлердің жалақысынан 2% мөлшерінде, бірақ 17 000 теңгеден аспайды.Қалай төлем жасауға болады?Жеке кәсіпкер қызметкерлері үшін МӘМС төлемін банктің кез келген бөлімшесі, оның ішінде мобильді қосымшалар және «Қазпошта» АҚ арқылы аударуға болады. Төлем коды (ТК) - 121.Егер жеке кәсіпкер жеңілдік санатына кіретін болса, МӘМС үшін ақы төлеу қажет пе?Жеке кәсіпкер өзі немесе оның жалдамалы қызметкерлері келесі санаттарда болған жағдайда жарналар мен аударымдарды төлемейді:• балалар (18 жасқа дейінгі); • зейнетақы төлемдерін алушылар, оның ішінде Ұлы Отан соғысының қатысушылары мен мүгедектері; • «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар; • мүгедектер; • орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар.Декреттік демалыстағы әйел жеке кәсіпкер болса, МӘМС үшін төлем жасауы керек пе?Егер әйел жеке кәсіпкер болса, онда ол өзі үшін 5 950 теңге мөлшерінде белгіленген жарнаны төлейді. Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.&nbsp; Егер жеке кәсіпкер жұмыс жасамаса (кірісі болмаса), онда салық органдарында кәсіпкерлігін тоқтата тұру үшін тиісті рәсімдерді жүргізу қажет.Егер жеке кәсіпкер зейнеткер немесе мүгедек болса, ол медициналық сақтандыру үшін жарна төлеуі керек пе?Жоқ. Мүгедектігі бар адамдар МӘМС жарналарын төлеуден толық босатылған азаматтардың жеңілдік санатына жатады, оның ішінде жеке кәсіпкер ретінде де. Сондай-ақ, Қазақстандағы қордан зейнетақы алушылар да МӘМС жарналарын төлеуден босатылды.Жеке кәсіпкерге МӘМС жарналарын төлемегені үшін өсімпұл салына ма?Иә. Төлем күнін қоса алғанда, мерзімі өткен әрбір күн үшін қайта қаржыландыру мөлшерлемесінің 2,5 еселенген мөлшерінде өсімпұл есептеледі.&nbsp; Өсімпұлды болдырмау үшін жалдамалы қызметкерлері болса, жарналар мен аударымдарды уақтылы төлеу қажет. Есепті кезеңнен кешіктірмей, яғни кірістер төленген айдан кейінгі айдың 25-күнінен кешіктірмеу керек.Жарналарды және (немесе) медициналық сақтандыру қорына аударымдарды төлеуден жалтарған жағдайда қандай шаралар қолданылады? Мемлекеттік кіріс органдары (салық комитеті) аударымдар мен жарналардың уақтылы және толық есептелуіне және аударылуына бақылау жүргізеді.&nbsp; Егер жеке кәсіпкер жарналарды және (немесе) аударымдарды төлеуден жалтарса, әкімшілік жауапкершілікке тартылады.&nbsp; Жұмыс берушiлердiң, жеке кәсiпкерлердiң, жеке нотариустардың, жеке сот орындаушыларының, адвокаттардың, кәсiби медиаторлардың мiндеттi медициналық сақтандыруға аударымдарды және (немесе) жарналарды төлемеуi, уақтылы және (немесе) толық төлемеуi – ескерту жасауға әкеп соғады.Бір жыл ішінде ескерту қайталанған жағдайда айыппұл салынады.&nbsp; • Шағын кәсіпкерлік субъектілеріне МӘМС төленбеген, уақтылы және (немесе) толық төленбеген аударымдар және (немесе) жарналар сомасының 20%-ы мөлшерінде&nbsp; • орта кәсіпкерлік субъектілеріне-30% мөлшерінде • ірі кәсіпкерлік субъектілеріне-50% мөлшеріндеМӘМС жарналарын және/немесе аударымдарын төлеу кезінде жеке кәсіпкер нені есте сақтауы қажет?• Қаражаттың қайтарылмауы үшін алушының ЖСН мен аты-жөнін дұрыс көрсету керек; • Міндетті түрде медициналық сақтандыруға төлемдердің қабылдануын 2-3 жұмыс күн ішінде тексеру қажет. Егер төлем қайтарылған болса, онда дұрыс ақпаратты көрсете отырып, төлемді қайта жүргізу қажет; • Есепті кезеңнен кешіктірмей салық органдарына есептілікті дайындау және тапсыру керек; • Өз жұмыскерлерін МӘМС төлемінің аударылғаны туралы хабардар ету керек.Сіздер үшін fms.kz ресми сайты, 1414 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар. &nbsp;

Қазақстан және Қызылорда облысының жаңалықтары: Денсаулық