Мемлекет басшысы Қасым-Жомарт Тоқаев&nbsp;ғалымдармен кездесуінде жастардың жаңғыру үдерістеріне атсалысып, елімізде жүргізіліп жатқан реформалардың игілігін толық сезінуі қажет екенін ерекше атап өтті, деп хабарлайды Казинформ.&nbsp;<blockquote>«Стратегиялық бағдарымыз Қазақстанның мемлекеттілігін нығайтуға және халықтың тұрмысын жақсартуға бағытталған. Еліміздің барлық азаматы, әсіресе жастар мұны жақсы түсінуі керек және реформалардан шет қалмағаны абзал. Бүгінгі жас ұрпақ жаңғыру үдерістеріне атсалысып, елімізде жүргізіліп жатқан реформалардың игілігін толық сезінуі қажет. Дарынды, талапты және еңбекқор жастар, оның ішінде ғалымдар – заманауи Қазақстанның жарқын келбеті. Жас әрі терең білімді азаматтар – ұлтымыздың басты капиталы және қоғамдағы оң өзгерістердің қозғаушы күші. Халқымыз қашанда жаңашылдыққа құштар болған. Әрдайым білімге, шығармашылыққа және жасампаздыққа ұмтылған, бірлік пен ынтымақты ту еткен. Бүгінде халқымыздың жоғары білім деңгейі, озық ойлау жүйесі, азаматтардың жауапкершілігі, көп тілді жетік меңгеруі және мәдени әралуандылығы ұлттық бірегейлігіміз бен қазақтың «жұмсақ күші» дейтін ұғымның негізін құрайды. Мұның бәрін бір ауыз сөзбен қазақтың «жұмсақ күші», яғни «soft power» деуге болады», - деді Мемлекет басшысы.&nbsp;</blockquote>

 Қасым-Жомарт Тоқаев: Білімді азаматтар – қоғамдағы оң өзгерістердің қозғаушы күші 

Kyzylorda-news.kz. Бүгін Президент Қасым-Жомарт Тоқаев Алматыда ғалымдармен кездесті.<img src="https://knadmin.beoblood.kz/uploads/IMG_20240601_WA_0036_37df666961.jpg" alt="IMG-20240601-WA0036.jpg"><img src="https://knadmin.beoblood.kz/uploads/IMG_20240601_WA_0028_b26a7dea70.jpg" alt="IMG-20240601-WA0028.jpg"><img src="https://knadmin.beoblood.kz/uploads/IMG_20240601_WA_0038_2657aa7245.jpg" alt="IMG-20240601-WA0038.jpg"><img src="https://knadmin.beoblood.kz/uploads/IMG_20240601_WA_0022_11ed3a81a4.jpg" alt="IMG-20240601-WA0022.jpg"><img src="https://knadmin.beoblood.kz/uploads/IMG_20240601_WA_0021_84a1b32afb.jpg" alt="IMG-20240601-WA0021.jpg"><img src="https://knadmin.beoblood.kz/uploads/IMG_20240601_WA_0020_949aecd72b.jpg" alt="IMG-20240601-WA0020.jpg"><img src="https://knadmin.beoblood.kz/uploads/IMG_20240601_WA_0018_4cc7239917.jpg" alt="IMG-20240601-WA0018.jpg"><img src="https://knadmin.beoblood.kz/uploads/IMG_20240601_WA_0024_422cb43520.jpg" alt="IMG-20240601-WA0024.jpg"><img src="https://knadmin.beoblood.kz/uploads/IMG_20240601_WA_0025_e6d9f85a77.jpg" alt="IMG-20240601-WA0025.jpg"><img src="https://knadmin.beoblood.kz/uploads/IMG_20240601_WA_0026_21effd5af7.jpg" alt="IMG-20240601-WA0026.jpg"><img src="https://knadmin.beoblood.kz/uploads/IMG_20240601_WA_0034_55d88a71ae.jpg" alt="IMG-20240601-WA0034.jpg"><img src="https://knadmin.beoblood.kz/uploads/IMG_20240601_WA_0023_e1f155ce2b.jpg" alt="IMG-20240601-WA0023.jpg"><img src="https://knadmin.beoblood.kz/uploads/IMG_20240601_WA_0040_6b204e7340.jpg" alt="IMG-20240601-WA0040.jpg"><img src="https://knadmin.beoblood.kz/uploads/IMG_20240601_WA_0006_5ef22f29b1.jpg" alt="IMG-20240601-WA0006.jpg"><img src="https://knadmin.beoblood.kz/uploads/IMG_20240601_WA_0001_6c30c11f96.jpg" alt="IMG-20240601-WA0001.jpg"><img src="https://knadmin.beoblood.kz/uploads/IMG_20240601_WA_0005_4d9e5bb1b2.jpg" alt="IMG-20240601-WA0005.jpg"><img src="https://knadmin.beoblood.kz/uploads/IMG_20240601_WA_0004_ba2c8b6ccd.jpg" alt="IMG-20240601-WA0004.jpg"><img src="https://knadmin.beoblood.kz/uploads/IMG_20240601_WA_0000_cc31214e9e.jpg" alt="IMG-20240601-WA0000.jpg"><img src="https://knadmin.beoblood.kz/uploads/IMG_20240601_WA_0017_193bed1320.jpg" alt="IMG-20240601-WA0017.jpg"><img src="https://knadmin.beoblood.kz/uploads/IMG_20240601_WA_0015_94bf7d7848.jpg" alt="IMG-20240601-WA0015.jpg"><img src="https://knadmin.beoblood.kz/uploads/IMG_20240601_WA_0012_40b21fd130.jpg" alt="IMG-20240601-WA0012.jpg"><img src="https://knadmin.beoblood.kz/uploads/IMG_20240601_WA_0016_b2c5ac2dd7.jpg" alt="IMG-20240601-WA0016.jpg"><img src="https://knadmin.beoblood.kz/uploads/IMG_20240601_WA_0019_06abb9fd4f.jpg" alt="IMG-20240601-WA0019.jpg">

Қасым-Жомарт Тоқаев жас ғалымдармен кездесуінде не айтты?

Мемлекет басшысы Қасым-Жомарт Тоқаев Алматыда ғалымдармен кездесу барысында&nbsp;Кезінде Шоқан, Абай, Әлихан, Ахмет, Қаныш сияқты арыстарымыз зиялылығымен талайды таңғалдырғанын айтты. Бұл туралы Ақорданың баспасөз қызметі хабарлады.Президент бізді әлем елдері көзі ашық, көкірегі ояу халық ретінде танитынын атап өтті.<blockquote>«Кезінде Шоқан, Абай, Әлихан, Ахмет, Қаныш сияқты арыстарымыз зиялылығымен талайды таңғалдырған. Өзге жұрттың қазақ туралы пікірі осындай тұлғаларымыз арқылы қалыптасқан. Қазір де өзінің білімі, өнері арқылы әлемді мойындатып жүрген жастарымыз аз емес. Олар кез келген тілді тез меңгеріп алады. Қандай ортаға да жылдам бейімделеді.&nbsp;Бізді әлем елдері көзі ашық, көкірегі ояу халық ретінде таниды. Білімпаздық, еңбекқорлық, алғырлық пен жасампаздық – қанымызға сіңген қасиет. Осы қасиеттерімізді әрдайым тиімді пайдалана білуіміз керек», - деді Президент. &nbsp;</blockquote>Мемлекет басшысы қазіргі заманғы технологияны меңгерген жас ғалымдарға зор үміт артатынын жеткізді.<blockquote>«Жастардың ғылыммен айналысуына барынша жағдай жасап жатырмыз. Биыл Ұлттық ғылым академиясының жанынан Жас ғалымдар кеңесі құрылды. Бұл кеңес талапты жастардың басын қосып, ғылым жолына жұмылдырады деп сенемін. Шәкәрім «Жас көңілде жарық бар» деп айтқан. Жастарымыз жасампаз және жаңашыл болуы керек.&nbsp;Жастық шақ – уақытты босқа өткізетін емес, ел үшін табанды қызмет ететін кез. Академик Қаныш Сәтбаевтың өмір жолы – осының жарқын мысалы. Ғұлама ғалым небәрі 25 жасында «Алгебра» оқулығын жазуға кіріскен. Ал 30 жас шамасында Жезқазғандағы кен орнын ашқан. Жас ғалымдарымыз туған еліне пайдасы тиетін жұмыспен айналысқаны жөн. Ұрпақтың білімді, отаншыл, мемлекетшіл болуы маңызды. Жастарымыз Адал азамат болуы керек. Еліне, өз ісіне адал азаматтар ғана Қазақстанды көркейте алады», - деді Президент.</blockquote>

Мемлекет басшысы: Жастық шақ – уақытты босқа өткізетін емес, ел үшін табанды қызмет ететін кез

Президент&nbsp;Алматыда ғалымдармен өткен кездесу соңында жас ғалымдарға әлеуметтік тұрғыдан қолдау көрсету мемлекеттің міндеті екенін атап өтіп, ғылымның түрлі саласында еселі еңбек етіп жүрген бірнеше азаматқа салтанатты түрде пәтер сертификатын табыстады, деп хабарлады Ақорданың баспасөз қызметі.Пәтер сертификаттарына мына жас ғалымдар ие болды: 1. Абилдина Айназ Қайратқызы – Қ.Сәтбаев атындағы Қазақ ұлттық техникалық зерттеу университетінің қауымдастырылған профессоры; 2. Молдамұратов Жанғазы Нұржанұлы – Халықаралық білім беру корпорациясының жалпы құрылыс факультетінің деканы; 3. Әлия Темірхан – Қазақстан-Британ техникалық университетінің ғылыми қызметкері; 4. Құрманов Ерғали Бержігітұлы – Әл-Фараби атындағы Қазақ ұлттық университетінің доценті; 5. Жанұзақ Рамазан Жақсыбайұлы – Ә.Х.Марғұлан атындағы Археология институтының зертхана меңгерушісі; 6. Омарова Жансая Бағдатқызы – Қ.И.Сәтбаев атындағы Қазақ ұлттық техникалық зерттеу университетінің аға оқытушысы; 7. Бакранов Нұрлан Болатұлы – Қазақстан Республикасы Президенті жанындағы Ұлттық Ғылым академиясының бас қызметкері; 8. Құлтаева Шынар Мәлікқызы – Халықаралық білім беру корпорациясының қауымдастырылған профессоры; 9. Байжұма Сәмет – Әл-Фараби атындағы Қазақ ұлттық университетінің оқытушысы. 10. Әділхан Бауыржан Нүкербекұлы – Сейсмологиялық бақылау және зерттеу ұлттық ғылыми орталығының лаборатория меңгерушісі. &nbsp;

Президент жас ғалымдарға пәтер сертификатын табыстады

<a href="https://kyzylorda-news.kz/">Kyzylorda-news.kz</a> &nbsp;Шығармашылық талғам мен тұлғалық қасиетті қалыптастыратын, терең поэзия мен ұлттың рухани байлығы болған ұлы «Абай оқулары» республикалық шығармашылық конкурсының облыстық кезеңі өтті. Шығармашылық конкурсқа облыстағы бірқатар мектептің оқушылары қатысып, бақтарын сынады.Солардың бірі – Е.Әуелбеков атындағы №4 облыстық мамандандырылған мектеп-лицей-интернатының дарынды оқушылары Дамир Қашақбаев, Ақерке Тәуекел, Аяна Байниязова.Қазақтың ұлы ақыны Абай Құнанбайұлының жауһар жырларын жатқа мәнерлеп айтқан дарынды мектеп оқушылары оқ бойы озып алға шықты.Айта кетейік, «Көңілім әнді ұғады» номинациясы бойынша жүлделі 1-орынды иленген Дамир Қашақбаев қанша күндік еңбегінің ақталғанына қуанышты.<blockquote>– Бұл байқауға қатысу үшін қанша күн дайындалдым. Жетекшім Гүлнар Қожағұлова маған үміт артып, жүлдемен оралатыныма сенді. Ең алдымен жетекшімнің сенімін ақтағаныма қуаныштымын. Алда талай жеңісті күндер күтіп тұрғанына сенімім мол. Әлі де еңбектеніп, үлкен жетістіктерге қол жеткіземін, – деді ол.</blockquote>Ал, «Өлең – сөздің патшасы, сөз сарасы» номинациясы бойынша 3-орын иеленген Ақерке Тәуекел сан оқушының арасынан жүлделі орын алғанына қатты қуанды.<blockquote>– «Абай оқулары» мен үшін маңызы зор байқау. Жетістікке жетіп, жүлдеге ие болғаныма жетекшім Гүлзада Мырзахметқызының еңбегі мол. Апайыма үлкен алғысымды білдіремін. Алдағы уақытта басқа да байқауларға қатысып, бақ сынағым келеді, – деді ол.</blockquote>Сондай-ақ, «Абайдың қара сөздері» номинациясы бойынша Аяна Байниязова Алғыс хат иеленіп, жетістіктер қоржынына тағы бір марапатын салды. Олда сенім артқан ұстазына алғыс білдіріп, басқа да сайыстарда жүлделі орын алатынына сенім білдірді.Қазақ халқының әдеби мұраларын дәріптеп, мектеп оқушыларының классикалық әдебиеттерді оқуға деген қызығушылығын оятқан жетекшілері де қуаныштарымен бөлісіп, дарынды да талантты оқушылардың көбеюіне күш салатындарын жеткізді.Мектеп атынан республикалық кезеңге жолдама алған Дамир Қашақбаев, ақтық сында бақ сынамақ.

«Абай оқулары» шығармашылық конкурсының жеңімпаздары анықталды

<a href="https://kyzylorda-news.kz/">Kyzylorda-news.kz</a> Мүмкіндігі шектеулі балаларды үйде оқыттық деп көрсетіп, заңсыз ақша алған. Ақтөбе облысында негізсіз қосымша ақы алған 16 мұғалім ұсталды, деп хабарлайды <a href="https://sn.kz/sn-akparat-agyny/113042-aktobe-oblysynda-16-mug-alim-zhalgan-derek-korsetip-ustemeaky-alyp-kelgen">Skifnews.kz </a>ақпарат порталы.Qazaqstan арнасының мәліметінше, Хромтау қаласындағы бұл заңсыздықты облыс прокурорлары анықтады.Ақтөбе облысында мұғалімдер мүмкіндігі шектеулі балаларды үйде оқыттық деп көрсетіп, заңсыз ақша алып келген. Шындығында, ол балалар мектеп қабырғасында білім алған.Денсаулық сақтау басқармасының дерегіне сүйенсек, шағын шаһарда барлығы 117 мүгедек бала тіркелген. Оның 48-і үйде оқытуды қажет етеді. Алайда, білім беру ұйымдары осындай 6 баланың құқығын бұзып, оларды мектеп қабырғасында оқытқан. Сонымен қатар, 16 мұғалімге негізсіз қосымша ақы төлеген.Аталған балалардың ата-аналарына 98 мың теңге көлемінде әлеуметтік төлем қамтамасыз етіліп, мұғалімдерден 300 мың теңге көлемінде негізсіз төлем өндірілді. Мүгедек балалардың құқықтарын бұзуға жол берген кінәлі тұлғалар қатаң тәртіптік жауапкершілікке тартылды, - деді Ақтөбе облысы прокурорының көмекшісі Өркен Ещанов.Фото: stan.kz

Ақтөбе облысында 16 мұғалім жалған дерек көрсетіп, үстемеақы алып келген

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінде дүниежүзілік WRO-2024 робототехникадан олимпиадасының аймақтық кезеңі аяқталды.Сайыс «Жердегі одақтастар» тақырыбына арналды. Жас роботқұрастырушылар табиғатпен үйлесімді өмір суруге және экологияны жақсартуға көмектесетін өз өнертабыстарын таныстырды.Ақай ауылының №99 орта мектебінен келген Ердәулет пен Нұрзерек - олимпиаданың ең кішкентай қатысушылары. Робототехникаға деген қызығушылықтары бір жыл бұрын басталды және мұндай сайыстарға алғаш рет қатысып отыр.<blockquote>– Біз көлік құрастырып жатырмыз. Бұл көлік кедергілерден өту, заттарды бір нүктеден екінші нүктеге қозғалту секілді әрекеттерді орындауы тиіс. Автоматты құрылғыларды жасау өзіме қатты ұнайды. Робототехника біздің логикалық ойлау қабілетімізді арттырады, – дейді 2-сынып оқушысы Нұрзерек Нұрадинов.</blockquote>Ал Эльдар мен Мақсат құрастырған роботтары табиғи су ағындарын қоқыспен ластануы және халықты таза ауыз сумен қамтамасыз ету мәселелерін шешуге көмектеседі.<blockquote>– Біздің жобамыз «Second Life» деп аталады. Өзең-көлдер мен су қоймаларындағы қоқыстарды сұрыптап, оларды арнайы фабрикаларға жібереді. Cұрыпталған қоқыстардф қайта өндеп, тұрмысқа қажетті бұйымдар жасалынады, – дейді №277 мектеп-лицейінің оқушысы Мақсат Жетенов.</blockquote>Облыс бойынша жалпы білім беретін мектептерден барлығы 50-ге жуық команда қатысты.<blockquote>– Бұл сайыстың негізгі үйлестірушісі – «Назарбаев Зияткерлік мектептері» дербес білім беру ұйымы. Жыл сайын қатысушылардың саны артып келеді және оқушылардың жасаған роботтары ерекше. Бүгінгі аймақтық кезең жеңімпаздары тамыз айында өтетін республикалық кезеңге жолдама алады, – дейді ұйымдастырушы, NIS-тің информатика пәнінің мұғалімі Серік Ахметов.</blockquote>Сайыс қорытындысы бойынша «RoboMission» категориясында – Б.Шалғынбаев атындағы №217 ІТ-мектеп-лицейі мен Қызылорда қаласындағы Назарбаев Зияткерлік мектебі, «Future Innovators» категориясында – Zyiatker инновациялық мектебі мен NIS, «RoboSports» категориясында – зияткерлік мектеп оқушылары І орынды жеңіп алды.Жеңімпаз командалар республикалық кезеңде облыс намысын қорғап, әлемдік додаға қатысатын Қазақстан құрамасы сапында жүлде үшін сайысқа түсетін болады.&nbsp;

WRO-2024: Облыс құрамасы жасақталды

<a href="https://kyzylorda-news.kz/">Kyzylorda-news.kz</a>&nbsp; Оқушылар үшін ең қызықты мезгіл – жаз маусымы. Үш ай демалыста балалар алаңсыз асыр салып ойнап, бір жасап қалады. Бұл уақытта бүлдіршіндер мен жасөспірімдердің көпшілігі лагерьге баратыны да сөзсіз. Яғни, лагерь олар үшін – жаздың көркі. Қызылорда облысының білім басқармасының мәліметіне сәйкес, биыл облыс аумағында орналасқан 8 лагерьде 7 ауысымда 7 035 бала демалыспен қамтылады деп күтілуде. Бұл туралы облыстық білім басқармасы басшысының орынбасары Бектұр Қали мен Қызылорда облысының санитарлық-эпидемиологиялық бақылау департаменті басшысының орынбасары Ерлан Ұзақбаев хабарлады.<blockquote>– Маусым басталар алдында барлық лагерь халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды алуға міндетті. Бүгінгі күні маусымдық 6 лагерьден қорытынды алуға өтініш келіп түсті, Жаңақорған ауданындағы «Тау самалы» лагеріне санэпид қорытынды берілсе, қалған 5-еуі жұмыс үстінде. Қызылорда облысының санитариялық-эпидемиологиялық бақылау қызметі жазғы сауықтыру маусымы қарсаңында қала сыртындағы балалар лагерьлерінде санитариялық-эпидемиологиялық салауаттылықты қамтамасыз етуге бағытталған іс-шаралар кешенін өткізді,- деді Бектұр Асанханұлы. &nbsp;</blockquote>Сондай-ақ, 290 мектеп жанынан тамақпен және тамақсыз күндізгі тынығу лагерьлерінің жұмысы ұйымдастырылады.&nbsp;<blockquote>– &nbsp;Облыс көлемінде орналасқан жазғы сауықтыру лагерлеріндегі су айдындары мен жабық бассейндерден 24 су сынамасы және топырақтан 18 сынама іріктеліп алынды, зертханалық зерттеулер нәтижелері бойынша сынамалар гигиеналық нормативтерге сәйкес келеді.Маусым бойы су айдындары мен бассендердің жай-күйіне тұрақты мониторинг жүргізілетін болады. Демалатын балалардың арасында инфекциялық ауруларды болдырмау мақсатында лагерьге баратын балалар денсаулық жағдайы туралы 071/е нысаны бойынша «Сауықтыру лагеріне баратын оқушыға арналған медициналық анықтамасы» мен инфекциялық аурулармен байланысы жоқ және профилактикалық егу жұмыстары жүргізілгені туралы медициналық анықтамасы болған жағдайда қабылданады,- деді Ерлан Амантайұлы.</blockquote>Фото: Қызылорда облысының Өңірлік коммуникациялар қызметі

Жазғы сауықтыру лагерьлерінде 7 035 бала демалыспен қамтылады деп күтілуде

<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты А.С.Пушкин атындағы орталық кітапханасында «Жазғы кітапхана» жобасы аясында 1-маусым Балаларды қорғау күніне орай Абылайхан атындағы №140 орта мектептің бастауыш сынып оқушыларының қатысуымен «Балғын балалар-біздің болашағымыз» атты мерекелік Бэби-шоу өтті.&nbsp;Шара барысында кішкентай бүлдіршіндеріміз «Балалар бұрышында» өздеріне арнайы ұйымдастырылған кітап көрмесімен танысып, балаларға арналған ертегі кітаптармен, классик жазушылардың туындыларымен, халық ауыз әдебиетінің озық үлгілерімен, балаларға арналған қызықты энциклопедиялармен танысты. Сондай-ақ ,осы кітаптар төңірегінде викториналық сұрақтар қойылып, қызықты ойын өткізілді.&nbsp;Шарада сынып жетекшілері Пауадинова Назыгүл, Бедерова Базаркүл, Кенжеғараева Назиға сөз кезегін алып « Болашақ ұрпаққа білім мен тәрбие беру, әрбір баланың тыныштығын қорғау, жақсы көңіл күй мен күлкі сыйлау барлығымыздың міндетіміз»-деп мерекелік шараны қортындылады. Шара соңында кішкентай бүлдіршіндеріміз қазақ ертегілері мен әр түрлі жанрдағы кітаптарды үйге жаздырып алды. Балалардың рухани мәдениетін байытып, туған елі мен жерін сүюге, ата-анасын сыйлауға, имандылыққа тәрбиелеу, кітапханаға оқырман тарту мақсатында ұйымдастырылған шараға барлығы 63 оқырман қатысты.

Қызылордада кітапхана оқырмандары балалар күнін тойлады 

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінде дүниежүзілік WRO-2024 робототехникадан олимпиадасының аймақтық кезеңі аяқталды.&nbsp;Сайыс «Жердегі одақтастар» тақырыбына арналды. Жас роботқұрастырушылар табиғатпен үйлесімді өмір суруге және экологияны жақсартуға көмектесетін өз өнертабыстарын таныстырды.&nbsp;Ақай ауылының №99 орта мектебінен келген Ердәулет пен Нұрзерек - олимпиаданың ең кішкентай қатысушылары. Робототехникаға деген қызығушылықтары бір жыл бұрын басталды және мұндай сайыстарға алғаш рет қатысып отыр:<blockquote>&nbsp;– Біз көлік құрастырып жатырмыз. Бұл көлік кедергілерден өту, заттарды бір нүктеден екінші нүктеге қозғалту секілді әрекеттерді орындауы тиіс. Автоматты құрылғыларды жасау өзіме қатты ұнайды. Робототехника біздің логикалық ойлау қабілетімізді арттырады, – дейді 2-сынып оқушысы Нұрзерек Нұрадинов.&nbsp;</blockquote>Ал Эльдар мен Мақсат құрастырған роботтары табиғи су ағындарын қоқыспен ластануы және халықты таза ауыз сумен қамтамасыз ету мәселелерін шешуге көмектеседі.&nbsp;<blockquote>– Біздің жобамыз «Second Life» деп аталады. Өзең-көлдер мен су қоймаларындағы қоқыстарды сұрыптап, оларды арнайы фабрикаларға жібереді. Cұрыпталған қоқыстардф қайта өндеп, тұрмысқа қажетті бұйымдар жасалынады, – дейді №277 мектеп-лицейінің оқушысы Мақсат Жетенов.</blockquote>Облыс бойынша жалпы білім беретін мектептерден барлығы 50-ге жуық команда қатысты.&nbsp;<blockquote>– Бұл сайыстың негізгі үйлестірушісі – «Назарбаев Зияткерлік мектептері» дербес білім беру ұйымы. Жыл сайын қатысушылардың саны артып келеді және оқушылардың жасаған роботтары ерекше. Бүгінгі аймақтық кезең жеңімпаздары тамыз айында өтетін республикалық кезеңге жолдама алады, – дейді ұйымдастырушы, NIS-тің информатика пәнінің мұғалімі Серік Ахметов.&nbsp;</blockquote>Сайыс қорытындысы бойынша «RoboMission» категориясында – Б.Шалғынбаев атындағы №217 ІТ-мектеп-лицейі мен Қызылорда қаласындағы Назарбаев Зияткерлік мектебі, «Future Innovators» категориясында – Zyiatker инновациялық мектебі мен NIS, «RoboSports» категориясында – зияткерлік мектеп оқушылары І орынды жеңіп алды. Жеңімпаз командалар республикалық кезеңде облыс намысын қорғап, әлемдік додаға қатысатын Қазақстан құрамасы сапында жүлде үшін сайысқа түсетін болады.

Қызылорда: WRO-2024 роботехника олимпиадасының қалалық кезеңі аяқталды

<a href="https://kyzylorda-news.kz/">Kyzylorda-news.kz</a> Әбілдә Тәжібаев атындағы облыстық әмбебап кітапханасында 1 маусым – халықаралық балаларды қорғау күніне орай болашақ ұрпақтың бақытты өмірін қалыптастыру, шығармашылық қабілеттерін шыңдау және оларға естен кетпес көңіл-күй сыйлау мақсатында «Балғын балалық шақ» атты мерекелік кеш ұйымдастырылды.Мерекеге «Жайна Құлыншақ» балалар бақшасының, «Айзере», «Медина» балаларды дамыту орталықтарының, сондай-ақ, Т.Есетов атындағы №264 мектеп-лицейінің оқушылары қатысты. Балаларға арналған мерекелік кеште оқушылар өз өнерлерін ортаға салып, балалар мен ата-ана, ұстаздарға көтеріңкі көңіл-күй сыйлады. Шарада сонымен қатар «Мол-Бақыт» дуэті көрермендерге ән шырқап, би билеп шараның қызықты өтуіне өз үлестерін қосты.Сондай-ақ, мерекелік шараны қала мектептерінің жазғы лагерлерінде тынығушы балалар, кітапхананың белсенді оқырмандары, ата-аналар және ұстаздар тамашалады.Шара соңында қатысушылар баланың дүниетанымын кеңейтетін, ақыл-ойын дамытып, шығармашылық қабілетін шыңдайтын «Балалық шақтың шуақты әлемі» атты кітап көрмесімен танысты.&nbsp;Көрмеге 300-ге жуық балалар әдебиеті қойылды.

Облыстық кітапханада  «Балғын балалық шақ» мерекелік кеш өтті

<a href="https://kyzylorda-news.kz/">Kyzylorda-news.kz</a> Облыс орталығында 1 маусым – халықаралық балаларды қорғау күніне арналған «Бақытты шақ – балдаурен» атты мерекелік кеш өтті. Салтанатты шараға М.Ералиева атындағы мәдениет үйінің үйірме өнерпаздары қатысты. Шараны Титов шағын ауданындағы М.Ералиева атындағы мәдениет үйінің директоры Молдашев Манас Батырбекұлы ашып, бүлдіршіндерді мерекесімен құттықтап, ата аналар мен ұстаздарға, сондай-ақ, жергілікті тұрғындарына өз алғысын білдірді.&nbsp;Мерекелік кеште «Бозторғай» хор, «Сандуғаш» және «Ақбаян» ән үйірмелері мен дәстүрлі өнерді насихаттайтын «Тәлім» жыр терме, «Балбұлақ» домбыра үйірмелерінің өнерпаздары өнер көрсетті. Сонымен қатар Ә.Молдағұлова атындағы №173 орта мектептің тынығу лагерінде демалушы оқушылар және «Ақ білек» балабақша бүлдіршіндері қатысып, өз өнерлерін паш етті. Үйірме өнерпаздарының мерекелік концертін тамашалауға келген Титов және Гагарин аймағының жас бүлдіршін тұрғындарына М.Ералиева атындағы мәдениет үйінің ақылы қызметінен түскен қаржыға балмұздақтар таратылды. Балалар күніне орай ұйымдастырылған шарада ұйымдастырушылар 200-ге жуық балаға мерекелік көңіл-күй сыйлады.&nbsp;

Қазақстан және Қызылорда облысының жаңалықтары: Білім