Қызылорда: Ғасыр жасаған білім ордасы 

<a href="https://kyzylorda-news.kz/">Kyzylorda-news.kz</a>&nbsp;&nbsp; Қызылорда қаласындағы Достық үйінің мәжіліс залында мектеп оқу жылының аяқталуына орай Славян жазуы мен мәдениеті күні аталып өтті. Оған облыстық қоғамдық даму басқармасының «Қоғамдық келісім» КММ директоры Бақытжан Камалов, этномәдени бірлестіктің жетекшілері, белсенділері, қаладағы №5, 8, 112, 198, 233 және «Зияткер» инновациялық мектеп-лицейінің оқушылары мен ұстаздары, «Анар бэби» орталығы қатысты.Айта кету керек, Славян әліппесінің пайда болғанына мың жылдан асқан. IX ғасырда ағайынды Кирилл мен Мефодий құрған әліппе бүгінде көп халыққа қызмет етуде. Олар ойлап тапқан әліппе ағартушы Кирилл құрметіне «кириллица» деп аталған болатын.Іс-шарада алғы сөз алған «Қоғамдық келісім» КММ директоры Бақытжан Камалов бұл күннің маңыздылығына тоқталып өтті.<blockquote>- Славян жазуы мен мәдениеті күні 24 мамыр жыл сайын әлемнің көптеген елдерінде, соның ішінде Қазақстанда аталып өтіледі. Көпмәдениетті Қазақстандағы славян жазуы мерекесі өзінің ерекшелігі мен маңыздылығына ие. Кітап оқуға деген сүйіспеншілік және білімге деген ұмтылыс әрқашан адамзат дамуының шешуші факторы болып табылады. Айта кету керек, «Славян» орталығы облыстың белсенді этномәдени бірлестіктерінің бірі болып табылады. Бірлестік 26 жылдан астам әртүрлі форматтағы көптеген іс-шараларды өткізіп келеді. Мерекелеріңіз құтты болсын! Достық, бірлік, келісімді сақтау мен нығайту жолында сіздерге табыс тілеймін! – деді.</blockquote>Іс-шарада А.С.Пушкин атындағы орталық кітапхана ақынның 225 жылдығына орай кітап көрмесін ұйымдастыруға атсалысты. Славян әліппесінің құрылу тарихы, ақын А.С. Пушкиннің 225 жылдығы және оның кереметтей ертегілері жайлы айтылды. Қонақтар бірлестіктің белсенді жастары әзірлеген көріністі тамашалады. Өлеңдер оқылып, ән шырқалды, деректерге толы бейнероликтер көрсетілді. Келген қонақтар арасында викторина жүргізіліп, бірнеше блиц-сұрақтар қойылды. Пушкиннің ертегілері туралы қызықты мәліметтер жасырылып, қатысушылар дұрыс жауабын табуға белсенді түрде атсалысты. Мектеп оқушылары мен бірлестік белсенділері әсем ән шырқап, көрермендердің ыстық ықыласына бөленді.Кеш соңында «Славяне» қоғамдық мәдени орталығы» қоғамдық бірлестігінің жетекшісі Галина Щербакова барлық қатысушыларға алғысын білдірді.

Облыс орталығында славян жазуы мен мәдениеті күні аталып өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапханалар жүйесіне қарасты №3 кітапханада «Жазғы кітапхана» бағдарламасы аясында «Дәрумендер – денсаулық кепілі» атты денсаулық сағаты өткізілді. Дұрыс тамақтану, зиянды әдеттердің алдын-алу – денсулық кепілі!Шара барысында кітапхана оқырмандарына адамзат денсаулығын сақтаудың басты шарты – дұрыс тамақтанудың маңыздылығы жайлы айтылды. Тамақтануға ерекше көңіл бөлген жөн. Тамақ құрамының құндылығы басты назарда болғаны дұрыс. Тиімді, дұрыс тамақтану денсаулықты сақтауға, ағзаның қалыпты өсуі мен дамуына, жұмыс қабілетінің жоғарылуына және ағзаның қалыпты өсуі мен дамуына, жұмыс қабілетінің жоғарылауына және ағзаның қоршаған ортаның әртүрлі жағымсыз әсеріне қарсылығын күшейтуге ықпалын тигізетіні жөнінде және сонымен қатар зиянды әдеттердің алдын-алу мәселесіде айтылды. Темекі тарту, алкогольдік ішімдік ішу, газдалған сусындарды тұтыну, фасфуд өнімдерін жеу және тағы басқа зиянды әдеттердің соңы айықпас ауруға шалдығуы мүмкін. Сондықтан бұл әдеттерден ерте жастан бас тартып, өз өміріңізді қолға алған жөн. Оның орнына спортпен шұғылданып, уақытты тиімді өткізген жөн. Салауатты өмір салты – денсаулық кепілі.Шарада «Салауатты өмір – бар байлықтың бастауы» атты кітап көрмесі жасалып оқырмандарға насихатталды.Коллаж: qazaly.kz

Кітапхана оқырмандарына салауатты өмір салты насихатталды

<a href="https://kyzylorda-news.kz/">Kyzylorda-news.kz</a>&nbsp; Облыстық жыраулар үйінің залында «Адал адам» мәдени-тәрбие орталығының «Жанұя шуағы» бағыты бойынша және Аналар күніне орай «Өнегелі Ана, өнерлі бала» атты өнерлі, талантты, Сыр елінің атын шығарып, додаларда топ жарып жүрген жас көшбасшыларды тәрбиелеп отырған аналармен кездесу өтті.Кездесудің басты қонақтары – білім, өнер, спорт саласында топ жарып жүрген балалар және оларды тәрбиелеп отырған әжелері мен аналары болды.Кешке арнайы балалар ақыны, педагогика ғылымдарының докторы, аудармашы Рахат Наурызбаева қатысып, бала тәрбиесі жайлы алғы сөз алды.№264 орта мектептің 7 сынып оқушысы, түрлі көркемсөз оқу өнерінен Дубай, Грузия, Түркия елдеріндегі байқаулардың бас жүлде иегері, қала деңгейіндегі мәдени іс-шаралардың және Қызылорда облыстық телеарнасында «Айбала» бағдарламасының тележүргізушісі Сармырзаев Ержігіт өзінің анасы Сармырзаева Динара ханыммен, білімділігімен топ жарып жүрген, түрлі халықаралық, республикалық олимпиадалардың жүлдегері, № 101 Әли Мүсілімов атындағы мектеп-лицейінің 5 сынып оқушысы Бақыт Бақдәулет әжесі Сазанбаева Қатыс апамен, «Қазақстан дауысы» балалар жобасының жартылай финалисі, әнші, түрлі облыстық, республикалық, халықаралық ән байқауларының жүлдегері Сезім Қаһарман анасы Музарапова Айгерім ханыммен, жасөспірімдер арасында ҚР-ның, Азия чемпионатының, Әлем чемпионатының самбо, белбеу күресінен қола жүлдегері Жайсаңбай Жібек анасы Жұмашова Бақыт апаймен кешке қатысып, сұқбат берді.Кеш барысында жас көшбасшылардың жеткен жетістіктерінен, өмірінен лед экран арқылы бейнероликтер көрсетілді.Көркемсөз оқу өнері бойынша додаларда топ жарып жүрген Ержігіт Сармырзаев «Менің атым Қожа» «Қазақстан дауысы» балалар жобасының жартылай финалисі, әнші, түрлі облыстық, республикалық, халықаралық ән байқауларының жүлдегері Сезім Қаһарман Нұртуған Жаңабайдың «Ғаламшар» әнімен кеш қонақтарына көтеріңкі көңіл-күй сыйлады.Кездесу соңында қонақтарға арнайы сый-сияпат көрсетіліп, ұлағатты ұстаз Рахат Наурызбаеваның тәуелсіз елдің болашағы – талантты, талапты жастарына деген бата-лебізімен аяқталды.Фото: tirshilik-tynysy.kz

Қызылордада «Өнегелі ана, өнерлі бала» атты кездесу кеші өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапханалар жүйесіне қарасты №12 кітапхананың ұйымдастыруымен Смағұл Ысқақов атындағы Қызылорда құрылыс және бизнес колледжі студенттерінің қатысуымен «Ызғарлы жылдар іздері» атты танымдық сағаты өткізілді.Шараның мақсаты – қаншама зобалаң жылдарды бастан кешкен ұлтымыздың айтқан зары,кешкен мұңы, жүріп өткен тар жолдарын оқырман қауымға насихаттай отырып, жастарымызды елжандылыққа, өткенімізді ұмытпауға, тарихымызды зерделей білуге тәрбиелеу.Колледждің тарих пәнінің мұғалімі Рахманбаева Асылзат Әбдімәжитқызы қатысып, 31 мамыр қуғын–сүргін құрбандарының өмір жолдарымен тереңірек таныстырып, 1932 -1933 жылдардағы қазақ еліндегі ашаршылық зұлматы қолдан жасалған құбылыс жайында тарихи ащы шындықты жастарға қарапайым тілмен жеткізе білді. Шара барысында оқырмандар тақырыпқа сай «Зардабы мұңлы жаңғырық жылдар» атты кітап көрмесіне Қойгелдиев Мәмбет «Тарих тағылымы не дейді?», Қойшыбаев Бейбіт «Жазықсыз жапа шеккендер», Дихан Қамзабекұлы «Алаш және әдебиет», Жүсіп Сағат «Ашаршылық ақиқаты», Әсіп Сапабек «Қазақ қасіреті», Михайлов Валерий «Ғаламат жұт шежересі», Әлихан Бөкейханов «Шығармалар», Манаш Қозыбаев «Ақтаңдақтар ақиқаты», Нәубет», Михайлов Валерий «Ұлы жұттың жазбалары», Мұстафа Шоқай «Түркістанның қилы тағдыры»,«Алаш қозғалысы», т.б мерзімді басылым беттеріндегі жарық көрген тарихи деректі кітаптар мен танысып «Ызғарлы жылдар іздері» атты 10 минуттық бейнебаян арқылы тағдыры тәлкек болған қазақ зиялыларымен 1932-1933 жылдардағы ашаршылық тарихы қазақ халқын орны толмас қайғы - қасіреті жайында деректермен танысты.

Қызылорда қаласында «Ызғарлы жылдар іздері» атты танымдық сағат өтті

Қызылорда: Толымды тірлігі бар Талсуат

<a href="https://kyzylorda-news.kz/">Kyzylorda-news.kz</a> &nbsp;Қызылордалық археологтар Еуропа ғалымдарымен бірлесіп көне Жанкент қалашығынан табылған жәдігерлерді зерттеуде.&nbsp;Орта ғасырға жататын шаһардан тұрмыстық дүниелерден бөлек көптеген жануарлардың сүйегі табылған.Сыр өңіріне арнайы келген Англияның Оксфорд университетінің археологы Эшли Харуда «Ұлы Жібек» жолының бойында көшпенді халықтың қалыптасуы мен урбанизациясы» тақырыбында ғылыми жобаға атсалысуда. Ағылшындық ғалымды Орта ғасырда адамдардың өмір сүру дәстүрінен бөлек, қолда ұстаған жануарлар дүниесі қызықтырып отыр. Жалпы Жанкентте мал шаруашылығынан бөлек, аңшылық, балық аулау кәсіптері жақсы дамығанын зерттеу жұмыстары көрсетіп отыр.<blockquote>– Қорқыт ата университетінің шақыртуымен Қызылорда облысына келдім. Жергілікті археологтар көне Жанкент шаһарынан түйе, сиыр, жылқы мен қойдың көп сүйегін тапқан. Бұл – сол кездің өзінде мал шаруашылығынық жақсы дамығандығына дәлел бола алады. Сондай-ақ балықтың сүйектері табылып отыр. Тағы да айта кететін қызықты дерек, оғыздар үйінде мысыққа дейін ұстаған. Алдағы уақытта осы табылған көне жәдігерлер арқасында терең талдау жұмыстарын жүргізіп, қортынды шығаратын боламыз, – дейді Оксфорд университетінің археолог-палезоологы Эшли Харуда.</blockquote>&nbsp;Қорлан САРЫ Фото:inbusiness.kz

Қызылордадан көне жәдігерлер табылды

<a href="https://kyzylorda-news.kz/">Kyzylorda-news.kz</a>&nbsp; Мұғалім – мамандық болса, ұстаздық адам бойындағы абзал қасиет. Ұстаз мәртебесінің артуы ең алдымен ұстаз деген есімге қаншалықты лайық болуына байланысты. Бүгінгі жаңа дәуірдің, жаңарған білімнің мұғалімге қояр талабының жүгі ауыр, олар үлгі боларлық бар жақсылық атаулының ең биігінен көрінуі тиіс. «Жақсы адам – Алланың нұры» дейді. Жақсылық атаулыны ішкі жан дүниесімен қабылдап, өз бойындағы сезімді, берік қалыптасқан көзқарасты оқушы бойына дарыта білетін, өз бойындағы жасампаздық пен шығармашылық, өз-өзіне сенімділік пен сабырлылық, табандылық пен төзімдік сияқты мінез-құлық ерекшеліктерімен, сондай-ақ өзгелерге қолдау көрсете білетін, жылы жүрегімен жақсылық сәулесін шашып, мейірім шуағын төгіп тұратын ұстаздар ортамызда жетерлік. Өмір аңсаған мамандығынан басқа арнаға бұрса да, жүрек түкпіріндегі мамандыққа деген адалдықты сақтаған қармақшылық Зинакүл Жалғасбаеваның ұстаздыққа бұрылуы кездейсоқтық емес.Зинакүл Шамшатқызы Қармақшы ауданына қарасты Ақжар ауылының тумасы. Еңбек жолы комсомол комитетінің хатшылығынан басталып, 1974 жылы &nbsp;коммунистік &nbsp;партия қатарына қабылданады. Одан соң «Айдын» комсомол жастар &nbsp;күріш &nbsp;егіс бригадасын &nbsp;құрып, әр гектардан 66 центнерден өнім &nbsp;жинап &nbsp;рекорд &nbsp;жаңартады. &nbsp;Мұнан соң аудандық және облыстық &nbsp;советтің депутаты, &nbsp;облыстық комсомол комитетінің пленум мүшесі болып сайланып, 1976 жылы аудандық партия&nbsp;комитетінің бірінші хатшысының шешімімен Ақжар кеңшарының &nbsp; 2 егіс бригадасының бригадирі болып &nbsp;қызметін ауыстырды. Сол кезеңде бригадада &nbsp;жұмысы жақсы бағаланып, Қазақстан Комсомол Комитетінің 14 съезіне делегат болып сайланды, сол &nbsp;съезде ауылшаруашылық &nbsp;министрінің медалімен және Құрмет грамотасымен марапатталды.Тағдырдың бұйрығымен жосалылық Әбдісадық Қожахметовпен отау құрып, 1980 жылы аудандық ауылшаруашылық&nbsp;басқармасында юрист-консульт қызметін атқарады. Осыдан кейін ғана өзінің &nbsp;негізгі мамандығы биология пәнінің мұғалімі ретінде жұмыс істеу бақыты бұйырып, 1982 жылы аудандағы &nbsp;№14 кәсіптік-техникалық &nbsp;училищесіне&nbsp;өз мамандығы бойынша жұмысқа&nbsp;тұрды. Ұстаздық қызметімен қатар 1985-1989 жылдар училищеде бастауыш партия ұйымның &nbsp;хатшылығы жұмысын қоса атқарады.<blockquote>­­– Бүгінде ойлап отырсам, мұғалімдік еңбекке кездейсоқ келген жоқ екенмін. Біздің мектеп қабырғасында оқып жүрген кездегі білімге құштарлығымыз бір шөліркеген жанның сусынға ұмтылысындай еді. Мұғалімнің айтқанын екі етпейтін едік. «Шәкірт болып көрмеген – ұстаз болып жарытпас» дегендей, мектеп қабырғасында оқып жүрген кезде-ақ өзіммен құрдас, не болмаса өзімнен сәл-ақ кіші көрші ауылдың балаларын жинап алып, өзімнің сүйікті ісіме – мұғалім болуға кірісемін. Мектепте өз мұғалімім нені үйретті, қалай сөйледі, мен де соны балаларға үйретіп, жақсы мұғалім болуға тырысатын едім. Осылайша өзім қатарлы оқушыларға сабақ үйретуден ұзақты күн жалықпаушы едім. Осылайша ұстаз болуды бар жан-тәніммен армандадым. Кейін мен сол арманыма жеттім, – дейді ардақты ұстаз.</blockquote>Кейіннен, яғни 1994 жылы аудандағы №105 мектепке &nbsp;қызмет&nbsp;ауыстырған ол мектепте де өзінің адалдығымен еселі еңбегін көрсете білді. Қандай жұмыс тапсырылса да тиянақты, жауапкершілікпен қарайтындықтан, атқарған ісі жемісті, еңбегі елеулі болатын. Мектепте дайындаған оқушылары республикалық, облыстық, аудандық &nbsp;ғылыми жобалардан жоғарыы орындарға ие болып, грант иегері атанды. Жоғары санатты мұғалім атанып, &nbsp;Қорқыт ата университетінен, облыстық департаменттен,&nbsp;облыс, аудан әкімінен, аудандық білім бөлімінен алғыс, &nbsp;құрмет грамоталарымен марапатталған.Арманына қол жеткізген ардақты ұстаз Зинакүл Шамшатқызы саналы ғұмырында елге қызмет ете жүріп, 4 перзент тәрбиелеген. Бақытын еңбектен таба білген жан отбасылық өмірде де бақытты. Адал жар, ардақты ана. Сүйікті әже. Бүгінде үбірлі-шүбірлі отбасының ортасында 9 немере өсіріп отыр. Ұл-қыздарына тәлімді тәрбие берген ақылшы ұстаздың өмір жолы, қызметіне деген адалдығы көпке үлгі боларлық. Адалдықтан айнымаған ардақты ұстаздың жолын бүгінде қызы Жадыра жалғаған. Ол кентіміздегі №121 мектептің білікті ұстаздары қатарында.Мұғалім болуды арман еткен, бүгінгі таңда еңбегімен ел арасында, шәкірт махаббатына бөленген тәжірибелі маман, ардагер ұстаз, білікті биология пәнінің мұғалімі Зинакүл Жалғасбаева саналы ұрпақ тәрбиелеуде аянбай тер төккен жан. Ардақты ұстаздың есімі ­жақсы ұстаздың үлгісі ретінде шәкірт жүрегінде әрдайым сақталмақ.&nbsp;

Зинакүл Жалғасбаева: Жақсы адам ғана жақсы ұстаз бола алады

<a href="https://kyzylorda-news.kz/">Kyzylorda-news.kz</a>&nbsp; Ертеректе алғашқы кітапханашылар ер-азаматтар болған екен. Жазу тасқа қашалып жазылғандықтан, оны көтеріп жүру ерлерге тапсырылған деседі. Ал бүгінде атқарар жүгі ауыр мамандықтың тізгінін ұстап, тірлігін дөңгелетіп жүргендер – нәзік жандылар. Өмірінің ширек ғасырын кітапханаға арнап, басты мақсатын – білімді ұрпақ тәрбиелеуге арнаған жанның бірі – Гүлназ Ешниязова.Ол Қармақшы ауданына қарасты Ақтөбе ауылында дүниеге келген. Орта мектепті тәмамдаған соң, өзін жетілдіру мақсатында аспаз, іс жүргізуші, бухгалтер мамандықтарын меңгерген. Өмір ағыны кітап жолымен байланысқан соң Жетісай қаласындағы Г.Мұратбаев атындағы колледжде «Кітапхана ісі» мамандығы бойынша кәсіби білім алған. 1995 жылдан бері Ақтөбе ауылындағы №109 мектепте кітапханашы қызметін атқаратын Гүлназ Асарбайқызының еңбегі елеуге тұрарлық.&nbsp;Рухани өміріміздің өзегі іспеттес ғылымды көпшілік оқырманға, ертеңгі ел тізгінін ұстар жас жеткіншекке таныстырушы, табыстаушы – кітапханашы екені мәлім. Кітапханашының еңбегі көзге көрінбейтін, қолға ұсталмайтын сәуле секілді. Атқарған істерінің барлығы бала санасында білім шырағын егу, оны рухани әлемге жақын етуге бағытталады.&nbsp;<blockquote>– Рас, технология дамыған сайын, кітап, газет оқушылардың қарасы азайып бара жатқандығы жасырын емес. Ұялы телефон мен планшеттен-ақ баспасөз беттерін шолып шығуды жөн санайтындардың қатары көбеюде. &nbsp;Алайда мен оны құп көрмеймін. Газетті &nbsp;қолға алып, оның әр бетін парақтай оқудың әсері мүлде бөлек. Ал кітап – өткеннің рухы ғана емес, келешектің кілті екендігін де естен шығармауымыз керек. Біздің сан ғасырлық тарихымыз бен тыныс-тіршілігіміздің құнды жәдігерлерін бізге жеткізген алтын сандығымыз да кітап екендігі көпшілікке аян. Жастарды «кітап оқымайды» деп бекерге кінәлай бергенше, олар қызығып оқитын көркем әдебиеттер мен кітаптарды көптеп шығарып, кітапханалардағы кітап қорын молайту керек,– дейді кітапханашы.</blockquote>Елімізде де жыл сайын кітап оқушыларға арналған жаңа жобалар қолға алынып, оқушылардың білім көкжиегін кеңейтуге жағдай жасалуда. Осы орайда Мемлекет басшысы Қасым-Жомарт Тоқаевтың тапсырмасы аясында Қазақстан Республикасы Білім және ғылым министрлігі орта білім саласында «Оқуға құштар мектеп» жобасы. Бұл жоба білім саласын дамытудың Жол картасы аясында қолға алынып, еліміздегі мектеп қасындағы кітапханалардың жұмысын дамыту арқылы жүзеге асыру жоспарланып отыр. Осы бағдарлама іске асқан жағдайда еліміздегі мектеп кітапханаларының қоры жыл сайын 20 процентке жаңарып отырады деген болжам бар. Бұдан бөлек мектеп кітапханаларының материалдық техникалық жағдайын жақсарту жолға қойылып, мектеп кітапханаларында оқушылардың кітап оқуына қолайлы оқу залдары ашылып, атаулы даталарға арналған көрмелер, «Коворкинг» орталықтары мен «Парасат бұрыштары» ашылуда. Аталған жобалардың барлығы кітапханашылардың жұмысын екі еселегені рас. Десе де өмірінің ширек ғасырын кітапханаға арнаған Гүлназ апайға бұл істер қиындық тудырмайды. Мамандығын сүйетін білікті маман әрбір ісін зор ықыласпен, шынайы жауапкершілікпен атқарады.Мектеп ұстаздарымен бірлесе түрлі іс-шара, онан бөлек танымдық сабақтар мен кітап оқушылар арналған конференциялар мен дөңгелек үстел отырыстары, кездесу кештерін өткізудің шебері барлық жұмысын мектептің әлеуметтік желідегі парақшасында бөлісіп отырады. Атқарылған жұмыстың ауқымды екенін осыдан аңғардық. Ол дайындаған кітапсүйер оқырмандары аудандық додада топ жарып, жүлделі орындар иеленуде. Мәселен Ақерке Нұрғалиева есімді оқырман аудандық кітап оқушылар сайысында ІІ орынды қанжығасына байлаған. Мұнан бөлек, оқушылар мен кітапханашының жеткен жетістігі мол.&nbsp;<blockquote>– Кітапхана – баршаға ортақ қазына. Сондықтан да біз ауылымыздағы Молдахмет Дабылұлы атындағы кітапханамен де тығыз байланыста жұмыс істейміз. Өзге ауылдардағы кітапханашылармен де әріптестік байланыс орнатқанбыз. Семинарлар өткізіп, іс-тәжірибе алмасып отырамыз. Олжас Сүлейменовтің «Кітап барда адамзаттың мәдениеті мен білімі бар» деген сөзі бар. Міне, осы сөздің астарында көп мағына жатыр, сондықтан барша қалың оқырманды кітапханамен байланыс жасауға, кітап оқып, баспасөз бетін парақтап күнделікті ақпарат көзімен жақынырақ танысып өзін рухани жағынан өсуге шақырамын, – дейді Гүлназ Асарбайқызы.&nbsp; &nbsp;</blockquote>

Гүлназ Ешниязова: Кітап барда адамзаттың мәдениеті жоғалмайды

<a href="https://kyzylorda-news.kz/">Kyzylorda-news.kz</a>&nbsp; Үкіметтік емес ұйымдар, қоғамдық бірлестіктер баршылық. Бірақ біз білетін, қандай қиындық болса да жұмысын тоқтатпаған, жетістігі мен жемісі мол, халықтың алғысын арқалаған бір ұйым бар. Ол заңды түрде құрылғанына 13 жыл болған Қармақшыдағы «Аңсаған» мүмкіндігі шектеулі балалар қоғамдық бірлестігі. Жетекшісі Бақыткүл Райымбаеваның қасынан қай кезде көрсең де бала арылған күн жоқ. Әсіресе бойжеткендерді жанына жинап әжелік ақылын, өнегесін көрсетіп келеді.&nbsp;Киіз басу, ши тоқу сынды өнер кенжелеп кеткенін жасырмаймыз. Он саусағынан өнер тамған жанның кілем тоқуы бір бөлек. Жалпы іс тігу қыз баланы сабырлыққа, төзімділікке, шыдамдылыққа тәрбиелейді. Сол игі дәстүрді өзінің ғана емес, елдің балаларына үйретуден жалықпаған апайымызбен әңгімелессек мейірім деген құндылықтың лебі сезіледі.&nbsp; Бірлестік жетекшісі Бақыткүл Сейіткәрімқызының Аңсаған есімді қызы табанын басып жүре алмайтын науқас еді. Мектепке өздігінен бара алмайтын болған соң 2007 жылдары үйден оқитын. Кішкентайынан шығармашылық жұмыспен айналысқан ол бірде қағаз бен қалам алып өлең жазса, бірде кесте тоқиды. Бірде көйлек тігеді. Ата-анасы, аға-жеңгесі жұмыста. Үйде жалғыз отырып зеріккен бала анасына:&nbsp;<blockquote>– Өзім секілді 2-3 қыз тауып беріңізші. Мен қыздарға өзім білетін бисер, кесте тоқуды үйреткім келеді, – деп өтініпті.</blockquote>Бала тілегін орындамайтын ана бар ма? Дереу кент ішінен ерекше балалар іздеп, мән-жайды баяндайды. Үйде төрт қабырғаға телміріп отырған бала ауруынан ешқашан айықпайды. Олардың басын қосатын орта керек. Осылай шырылдап жүріп 2-3 қыз табады. Олардың аналарымен ақылдасып, үйіне шақырады.&nbsp;<blockquote>– Меруерт пен Айгерім есімді қыздарды аналары үйге алып келді. Біз өзімізше отырып әңгімелестік, шай іштік. Үш қыз күні бойы алаңсыз ойнады. Бұрыннан таныстардай бір-бірін жібергісі келмей, бір жасап қалды. Мұны көрген мен қуаныштан жарыла жаздай боп үйге шақыра бердім, шақыра бердім. Үш қыз үйде отырып қолөнер шеберханасын ашты. Түрлі бұйымдарға тапсырыс қабылдай бастады. Екі бөлмелі аядай үйімізге 1 жылдың ішінде бала сыймай кетті. Үлкені, кішісі, құндақтаулысы бар көптеген бала келетін болды. Мектепте аспазшы болып жұмыс істейтінмін. Тәуекел етіп, қызымның денсаулығы үшін жұмыстан шығуыма тура келді. Аудан әкіміне барып, жағдайды айтып, көмек сұрадым. №27 орта мектептен бос тұрған бір сынып берді. Біраз жыл сонда отырып, кейін қайтадан үйге көштік. Аудан кәсіпкерлерінен демеуші тартып, түрлі оқу құралын, кесте тігетін саймандар сатып алатынмын. Сол жылдары «Бота» қорының еріктісі болып жұмыс істедім. Көпбалалы, тұрмысы төмен отбасыларға ай сайын қор ақша беретін. Көшеде көрген адамдарға тоқтатып қойып осы жеңілдіктің барын айтып жүретінмін. Содан көпбалалы аналардың біразы мені танып қалған. Солай 2011 жылы заңды түрде кәсіпкерлік ашып, «Аңсаған» мүміндігі шектеулі қоғамдық бірлестігін құрдым, – дейді бірлестіктің қалай пайда болғанын айтқан апайымыз.&nbsp;</blockquote>Осындай игі іс басталысымен Аңсағанның денсаулығы түзеліп, аяғынан тік тұрып кеткен. 2010-2011 жылдары сабақты мектепте оқиды. Университетке түсіп, оны қызыл дипломмен бітірген. &nbsp;Қазір тұрмыста. 2 баланың анасы. Бірлестіктің жұмысын өзі қолға алмаса да қолдауын көрсетеді. Жарысқа баратын жастарға демеуші болып, жаңа идеяларын бөлісіп отырады.Ал Бақыткүл апай тәрбиелеген Айгерім есімді ару жоғары оқу орнының, Айбек атты шәкірті медициналық университет студенті. &nbsp;Бірлестікте тәрбиеленушілерден ақы сұрамайды. 2020 жылы бастамаларды қолдау орталығымен 500 мың теңге грант ұтып алған.&nbsp;<blockquote>– Іс-шараларды өткізуге жұмсалатын қаржыдан ауысқанына жіп, мата, бисер, тастар алуға тырысамын. Жасаған қолөнерді сатамыз. Бір бұйым жасау үшін бірнеше құрал керек. Өзімнің зейнетақымды осында жұмсаймын. Өзім білгенді қыздарға үйретсем деген арманым орындалып жатқанына қуанамын. «Дәстүр» қолөнер орталығының мүшесімін. Альбина Әбдірахманова, Іңкәр Боранбай, Айжан Жақсыбайлар қазір кілемді жақсы тоқиды. Азаннан кешке дейін үзіліссіз, демалыссыз жұмыс істейміз. Балаларға тәттісін, суын алып беріп қуантып қоямын. Ерекше балалармен жұмыс істеу өте күрделі әрі қызық. Сауабы да мол. Бастысы – ерекше балалар қайда барам деп қарап отырмаса екен, – &nbsp;дейді ағынан жарылған бірлестік жетекшісі.</blockquote>«Аңсаған» мүмкіндігі шектеулі қоғамдық бірлестігіне 2019 жылы Абай көшесінің бойында орналасқан бұрынғы кітапхананың ғимараты берілді. Қазір мұнда 25 оқушы тәрбиленуде. Жазғы демалыста бала саны тіпті көбейеді. Себебі келгеннің бәріне құшақ жаятын апамыз ешкімді жат санамайды. Бисер, кесте, кілем тоқытады, ойнатады, билетеді. Уақыттарын тиімді әрі қызықты өткізеді.&nbsp;Аудан ардагерлерінің, кент әкімі бастамасымен 2021 жылы аталған бірлестіктің 10 жылдығын атап өтті. Кент әкімі өнерлі балаларды жүлделі орындармен марапаттаса, ауданға белгілі кәсіпкерлер Рабиға Балғабаеава, Балахан Балмаханов, Алмат Сүлейменов, Ибрагим Бертілеуовтер демеушілік жасап, сый-сияпат ұсыныпты. Иә, Бақыткүл Сейіткәрімқызының ауданда ерекше балалардың шығармашылығын шыңдау бағытында атқарған еселі.&nbsp;Қазірде бұл бірлестіктің жаңа ғимаратқа да көшті. Талай республикалы додаларда топ жарып жүрген өрендеріде де бар. Иә, ерекше балалардың өнеріне жұрт таңдана, сүйсіне қарайды.&nbsp; &nbsp;

Қармақшыда балаға бақыт сыйлайтын бірлестік жұмыс істейді

Қазалыда мәдениет саласында жетістік мол

<a href="https://kyzylorda-news.kz/">Kyzylorda-news.kz</a>&nbsp; &nbsp;Білім беру сапасын арттыру мақсатында қолға алынған «Жайлы мектеп» ұлттық жобасы аясында өткен жылдан бастап құрылыс жұмыстары қарқын алған болатын. Бұл бір жағынан өңірлердегі мектеп тапшылығын, үш ауысымды және апатты жағдайдағы білім ошақтарын жою мақсатында жүзеге асырылуда.Жалпы жоба аясында 2025 жылға дейін елімізде 842 &nbsp;мың оқушыға арналған жаңа үлгідегі мектептер пайдалануға беріледі деп жоспарлануда. Сондай-ақ 100 мыңнан астам жұмыс орны ашылады деп күтілуде.&nbsp; Аталған пилоттық жоба туралы Мемлекет басшысы Қасым-Жомарт Тоқаевтың халыққа Жолдауында айтылған еді. Онда: «Жайлы мектеп» ұлттық жобасы қолға алынды. Біз 2025 жылға дейін 800 мың баланың &nbsp;заманауи мектепте оқуына жағдай жасаймыз. Осылайша, апатты жағдайдағы және үш ауысыммен оқитын мектеп мәселесін толық шешеміз. Бұл ауыл және қала мектептерінің айырмашылығын едәуір азайтады. Мектеп салу Үкімет және әкімдіктер үшін басты міндеттің бірі болуы керек. Жемқорлар сотталғанда, олардың заңсыз тапқан қаржысы мемлекетке өтіп, түгелдей мектеп құрылысына жұмсалуға тиіс. Үкімет осы бастаманы заң тұрғысынан рәсімдеу туралы шешім қабылдауы керек» деген еді Жолдауда мемлекет басшысы.Президент Жолдауындағы айтылған тапсырма былтырдан бастау алды. Жаңа да жайлы мектеп бірыңғай құрылыс стандартын сақтай отырып балалардың қауіпсіздігін қамтамасыз ете алатын, пәндік бөлмелер мен зертханалары толық жабдықталған, 1-4 және 5-11 сынып оқушылары үшін бөлек оқу аумағы мен спорт залы бар, ерекше білім беру қажеттілігі бар балалар үшін тиісті жағдай жасалған оқу орны болуы қажет.Қаншама реформаны бастан өткерсе де білім саласындағы қажеттіліктер азаймақ емес. Демографиялық ахуалдың артуы, қоныстанушылардың көбеюі нәтижесінде жаңа шағын аудандардың бой көтеруі білім ошағына деген сұраныс тудыруда. Мемлекет басшысы өз сөзінде елімізде әлі күнге дейін апатты, үш ауысымды мектептердің мәселесі шешілмегендігін, сондықтан аталған жобаны іске асыру Үкімет пен жергілікті атқарушы органдардың бақылауында болуы керектігін баса айтқан. Сондай-ақ бөлінген қаржының әрбір тиыны мақсатты бағытына жұмсалуын да қадағалау керектігі айтылды. Осы орайда құрылыс жүргізетін мердігер мекемелерді анықтау «Samruk-Kazyna Construction» АҚ жауапкершілігіне берілген. &nbsp;Бүгінде ұлттық жоба бойынша 17 облыс пен республикалық маңызы бар 3 қала бойынша конкурс жарияланған. Бұл бағыттағы жұмыстар сәуір айының соңында аяқталмақ.&nbsp; Жалпы еліміз бойынша «Жайлы мектеп» ұлттық жобасымен 401 мектеп салынбақ. Оның 217-сінің құрылысы былтыр басталған. «Samruk-Kazyna Construction» АҚ ресми сайтында берілген ақпаратқа сүйенсек, өткен жылы 185 нысанға конкурс жарияланып, 32 мектепке жер телімдерін бөлу жұмыстары жүргізілуде.«Жайлы мектеп» ұлттық жобасы аясында мектеп салынатын &nbsp;өңірлер қатарында Қызылорда облысы да бар. Аймақта 2025 жылға дейін 15 100 орынға арналған, құны 100 млрд теңгеден асатын 21 мектеп бой көтереді деп жоспарланған. Облыстық құрылыс басқармасының мәліметінше, былтыр 10 білім ошағының құрылысы басталды. Ал оның 5-еуі облыс орталығына салынады.Білім ошағын салу тұрғындардың қажеттілігі негізінде жүзеге асатыны белгілі. Қазіргі таңда шаһардағы білім ордасы қажет деген шағын аудандар анықталған, соған сәйкес орындар белгіленген. Мәселен, сол жағалауда 900 орындық, Арай, СПМК-70 шағын ауданында 2000, КБИ шағын ауданында 600, Қызылжарма ауылдық округінде 900 орындық мектеп құрылысы &nbsp;жүргізілуде.Жоспар бойынша ұлттық жобамен іргесі қаланатын жайлы мектеп барлық ауыл-аймақ, қалада бірыңғай стандартпен салынады. Басты ерекшелігі бастауыш сынып оқушылары бөлек, жоғары сынып оқушылары бөлек блокта білім алады. Балалардың қауіпсіздігі үшін әр блокта бейнебақылау, дыбыстық хабарлау сынды күшейтілген қауіпсіздік құрылғылары орнатылмақ. Сондай-ақ қолайлы жағдай жасау мақсатында оқушылардың оқу құралын, ауыстыратын артық киімін қоюға арналған шкафтар орнатылады. Бос уақытты тиімді өткізуге, шығармашылығын шыңдауға да лайықты жағдай жасалады. Бұл білім ошақтарында физика, химия, биология және робототехника сыныбы заманауи құралдармен жабдықталады. Жоғары жылдамдықтағы интернетке қосылып, сыныптарға touch-экрандар орнатылады. Бұдан бөлек ерекше балалардың білім алуына да бар мүмкіндік жасалады. Оқушылардың мектеп қабырғасында спортпен еркін айналысуына да қолайлы болмақ. Жайлы мектептің жобалық қуатына сәйкес бірнеше спорт залы болады. Мұндай мектепте тек оқушыларға емес мұғалімдерге де жағдай жасалады. Білім ошағына қатынау үшін қоғамдық көлік, жаяу жүргіншілер жолы, жарық бағаналары сынды мәселе туындамайды. &nbsp;Ал осыншама мүмкіндік қарастырылған нысанның құрылысы мемлекет тарапынан қаржыландырылады.Аймақта салынатын жайлы мектептің жайы облыс әкімінің үнемі назарында. Облыс басшысы Нұрлыбек Нәлібаев өңірдегі мектептер құрылысын уақытылы аяқтаудың өте маңызды екенін қатаң ескертіп келеді.<blockquote>– Өздеріңізге белгілі, Мемлекет басшысы жақында өткен Үкіметтің кеңейтілген отырысында «Жайлы мектеп» ұлттық жобасын бойынша Үкіметке және облыс әкімдіктеріне құрылыстарды уақытылы әрі сапалы аяқтауды тапсырды. Облыста 12 300 орынға арналған 21 мектеп салу жоспарланған. Биыл 6900 орындық 10 мектеп, 2025 жылы 5400 орындық 11 мектеп пайдалануға беріледі деп күтілуде. Құрылысы былтыр басталған барлық мектептерге жер телімдері беріліп, құжаттары рәсімделді. Мемлекеттік бюджеттен өткен жылы 19,6 миллиард теңге бөлінсе, осы жылы 24,5 миллиард теңге бөлінетін болады. Биыл тапсырылатын 10 мектептің мердігері анықталып, 9-ның құрылысы қарқын алды, 1 мектеп бойынша мемлекеттік сатып алу конкурсының қорытындысы кеш шығуына байланысты жұмыс енді басталады (Арал ауданы Сексеуіл кентіндегі 300 орындық мектеп). Конкурс ұйымдастырушы – «Samruk-Kazyna Construction» АҚ», – деген болатын Нұрлыбек Машбекұлы.</blockquote>Бүгінде құрылыс алаңдарына инфрақұрылым жеткізу бойынша жергілікті бюджеттен 118,4 миллион теңге бөлініп, жоба-сметалық құжаттары әзірленді. Жобаны үйлестіруші «Samruk-Kazyna Construction» акционерлік қоғамы өкілдерімен бірлескен жол картасына сәйкес жұмыстар жүргізілуде. Дегенмен, кейбір мектептер құрылысының уақытында аяқталмау қаупі бар. Десе де аймақ басшысы мердігер мекеме басшыларына құрылысшылар санын арттырып, екі ауысыммен үздіксіз әрі сапалы жұмыс жүргізіп, былтыр басталған 10 мектепті алдағы 1 қыркүйекке ел игілігіне пайдалануға беруді тапсырды. Облыстық құрылыс, сәулет және қала құрылысы басқармасы маусым айының соңына дейін 10 мектептің барлығын сыртқы инженерлік инфрақұрылыммен қамтамасыз етуі тиіс. Ал, қала және аудан әкімдері 1 тамызға дейін мектептерге жол-көлік желілерін жеткізуге, жарықтандыруға, абаттандыруға, жаяу жүргіншілер жолдары және аялдамалар салуға жауапты.Иә, бүгінде білім аламын деген балаға мектептерде барынша мүмкіндік қарастырылған. Ал «Жайлы мектеп» жобасымен салынатын оқу ошақтары мұнан да зор мүмкіндікке ие.Фото: azattyq-ruhy.kzА.Әлім

Қазақстан және Қызылорда облысының жаңалықтары: Білім