<a href="https://kyzylorda-news.kz/">Kyzylorda-news.kz</a> Пифагор ілімінен бас­тау алатын, мыңдаған жыл тарихы бар математика саласында сан түрлі теория бір ғылымның түпқазығы саналады. Нақты ғылымға негізделген аталған пән адам өмірінде ешқашан өзектілігін жойған емес. Есеп-қисаптан тұратын күрделі ілімді игерген жетікөлдік Айнаш Пайзекеева талай үздіктің бағын ашқан десек, қателеспейміз. Арманы асқақ оқушының болашағына ерекше әсер ететін ұстаз тағылымы өмірлік азық екені даусыз.Балаға формула жаттатып, теориялық білімді практикалық тұрғыдан меңгертетін аяулы жан әрбір сабаққа дайындықпен келеді. Себебі сыныптағы барлық оқушыны бір мезетте есеп-қисапқа баулу оған асқан жауапкершілік жүктейді. Шын мәнінде, тәжірибесі толысқан ұстаз 1986-1991 жыл аралығында Н.В.Гоголь атындағы педагогикалық институтының математика және физика пәнінің мұғалімі мамандығы бойынша тәмамдаған. Расында, 32 жылдық еңбек өтілі бар Айнаш Қалдыбекқызы дарынды балалардың жол бастаушысы саналады.<blockquote>– Үнемі шәкірттеріме білімді ұрпақ қана биікке шығатынын айтудан жалықпаймын. Қашанда білек сүріңдіре алмағанды, білім сүріндіретінін ұмытпаған абзал. Ұстаз болудан жалықпаған адам сүйікті ісінен еш уақытта ажырамайды. Өзім ауыл мектебінде қызмет ете жүріп, аға буынның тәлімін ала білдім. Алғаш оқу бітірген сәттен сүйікті мамандығымның үздігі атануға бекіндім. Іздене жүріп, үйрендім, шәкіртіме бар білгенімді игерте білдім. Математика пәні бұрмалауға жол бермейді. Сондықтан «Математика – ғылымдар патшасы» деп бекер айтылмаса керек-ті, – дейді тәжірибесі мол жан.</blockquote>Бағасы құнды зат қай кезде де тот баспайтын секілді ұстаздың өмірден түйгені ешқашан сарқылмайды. Шындығында Айнаш Пайзекееваның бірнеше ғылыми еңбегі арнайы жинаққа енген. Сонымен қатар оның шәкірттері талай жарыста шашасына шан жұқтырмаған білімпаз қатарынан көрінген. «Кенгуру», «Ақ бота», жалпы білім беретін пәндер бойынша республикалық олимпиаданың бірнеше кезеңінде, ерекше білім беруге қажеттіліктері бар балалар арасындағы «Менің қолымнан бәрі келеді» тақырыбындағы облыстық олимпиадада оқушылары даралана алған.Жері ырысты бола білген, Сыр салысымен аты шыққан Шиелі ауданының тумасы Айнаш Пайзекеева әркез қайсарлық пен тегеурінділік танытып, өткен жылдары іргелі білім ошағынан 4 «Алтын белгі» иегері шығуына себепкер атанған. Отбасында 3 ұл, 2 қыз тәрбиелеген ұлағатты ұстаз бала санымен зейнет демалысына шыққан. Десек те, ақ жүректі ана сүйікті ісіне барынша адалдық танытып келеді.<blockquote>– Аядай ғана ауылда білім сапасын арттыруға бар ғұмырымызды арнай білген едік. Педагогикалық жұмыс өтілімде 4 сыныптың жетекшісі атандым. Жалпы, мектепте жаратылыстану-математика бірлестігінде 11 мұғалім жұмыс жасаймыз. Бір-бірімізбен тәжірибе алмасып, көптеген семинар алаңында бас қосамыз. Ұжымның мерейін тасыту мақсатында халық баласына сапалы білім беруге қашанда ынталымыз. Биыл бір оқушым «Алтын белгі» иегері атануда. Бұл мен үшін – зор мәртебе. Әрдайым бала бағбаны бола жүріп, еңбегіміздің жемісін көру – керемет сезім, – деді аяулы жан.</blockquote>Әрине, үздіктердің үздігі бола білген аяулы ұстаз әлі талай дарынды шәкірттердің бағын еселей бермек. Өз кезегінде биыл «Алтын белгіге» үміткер атанған бітіруші түлек Айым Мұрат ұстазына өз алғысын жеткізді.<blockquote>– Менің аяулы ұстазым Айнаш апай математика пәнінен баулыды. Есеп-қисапты шығаруды үйретіп, күрделі формулалардың шешімін табуға көмектесті. Біз ұстазымыздың еңбегін жоғары бағалаймыз. Бұған дейін талай шәкіртке бағыт-бағдар берген ұстазымның үмітін ақтауға барымызды саламыз. Бірер күннен кейін ҰБТ-дан жоғары балл алып, жақсы нәтижеге қол жеткізгіміз келеді, – дейді бітіруші түлек.</blockquote>

Айнаш Пайзекеева: Математика пәні бұрмалауға жол бермейді

<a href="https://kyzylorda-news.kz/">Kyzylorda-news.kz</a> Қазіргі кезең бой емес, ой жарыстырғанды, жай ғана сөз емес, жасалған қадамды талап етеді. Заман талабына сай дарыны мен қарымы қатар ұштасқан жас таланттар аз емес. Облыстағы дарынды балаларды анықтау, қолдау, оқыту және дамытуға жағдай жасауды басты мақсат еткен «Дарын» облыстық қосымша білім беру орталығының үздіксіз қызмет етіп келе жатқанына биыл 17 жыл болыпты.Президент Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» тақырыбындағы Жолдауында көрсетілген «Ғылым саласын дамыту үшін бізге тың көзқарас пен жаңа тәсілдер керек. Халықаралық тәжірибеге арқа сүйеуіміз қажет. «Жас ғалым» жобасы аясында зерттеу жүргізу үшін 1000 грант бөлуді тапсырамын. Бізге елімізді ғылыми-технологиялық тұрғыдан дамыту жөніндегі арнаулы бағдарламалық құжат қажет. Оның басты міндеті ұлттық деңгейдегі нақты мәселелерді шешуге ғылымның әлеуетін пайдалану болмақ» деп ғылым саласына бет бұруға бағыт көрсетті. Орталық тарапынан да Президент Жолдауын басшылыққа ала отырып, дарынды балаларды қолдауға, дамытуға және кәсiби қалыптасуына сапалы жағдайлар жасалып келеді. Айта кетейік, биылғы оқу жылында облыстық «Дарын» орталығы 297 жалпы білім беру ұйымындағы 169475 оқушымен басты 3 бағыт бойынша жұмыс атқаруда.<blockquote>– «Ақпараттандыру және баспа қызметі» бөлімі білім саласын цифрландыру мәселелерімен айналысады. Оның ішінде облыстағы барлық білім беру ұйымдарының ұлттық білім беру деректер қорын толтыруын, электронды оқыту жүйесін сүйемелдеу, «SmartCity» тұжырымдамасын, «Кundelik.kz», «BilimLand», «Darуnonlinе», «College.sitcen.kz», «Jumys.sitcen.kz» және «Цифрлы Қазақстан» бағдарламаларын қамтиды. «Дарынды балалармен жұмыстарды ұйымдастыру» бөлімі облыстық, республикалық, халықаралық олимпиадалар, ғылыми жоба конкурстары, әртүрлі деңгейдегі олимпиадалар мен конкурстарға қатысуына ықпал жасайды. Жүзден жүйрік шыққан оқушылар жыл сайын облыс әкімінің қабылдауында болып, «Сыр дарыны» медалімен марапатталады. Жүлдегер атанған дарынды балалар жоғары оқу орнының грант иегерлері атанып, аймақ мәртебесін асқақтатуда. «Қосымша білім беру» бөлімі «Тәрбие және білім» кіші бағдарламасы шеңберінде 4 базалық бағытта &nbsp;республикалық, облыстық &nbsp;деңгейде өткізілетін шараларды, сонымен қатар ерекше білім қажеттіліктері бар балаларға арналған олимпиадалар мен түрлі іс-шараларды және студент жастардың арасында дебаттық қозғалысты ұйымдастырады.Мәселен, өткен оқу жылында халықаралық олимпиадалар мен ғылыми жобаларға 25 оқушы қатысып, 16 оқушы жүлдегер атанды. №10 дарынды балаларға арналған облыстық «Білім-инновация» лицей-интернатының 11 сынып оқушысы Қалдан Жанай Ақтөбе қаласындағы А.Жұбанов атындағы &nbsp;жоғары оқу орнының білім грантына ие болды. Ауыл балаларына арналған IQANAT олимпиадасының республикалық кезеңіне 51 оқушы жолдама алды, – дейді орталық директоры Баян Ниязова.</blockquote>Айта кетейік, биыл орталық жанынан «Дарынды балалар ұйымы» &nbsp;құрылды. Ұйымның құрамына түрлі байқаулардың 76 жеңімпазы қабылданып, облыстық «Достық керуені» фестивалі ұйымдастырылды. Фестиваль республикадағы үздік ауылдардың бірі де бірегейі – Сырдария ауданындағы Н.Ілиясов ауылынан бастау алып, әрі қарай жас таланттар Қорқыт бабамыздың кесенесіне барып, музеймен танысты. Сонымен бірге, облысымызда «Жауқазын жүрек» І облыстық жас өрендердің шығармашылығын дамытуға арналған 5-11 сынып оқушылар аралығындағы &nbsp;көшпелі әдеби алаң алғаш рет ұйымдастырылып отыр.<blockquote>– Халықаралық балаларды қорғау күні қарсаңында елордаға өз жетістіктерімен ерекшеленген балалар, балалар қозғалысының көшбасшылары және түрлі жағдайларда адам өмірін арашалап қалған батыр балалар жиналып, Оқу-ағарту министрінің Алғыс хатымен марапатталды. олардың қатарында Нұрислам Сақтаған, Бекнұр Жолдасбаев есімді екі дарынды оқушымыз да бар. Сонымен қатар 1-2 маусым күні Еркежан Әскербекова, Салтанат Абдуалиева, Амелия Пак есімді оқушылар да мерекелік шараларға қатыспақ дейді Баян Бақытжанқызы.</blockquote>Басшының айтуынша, алдағы уақытта республикалық «Дарын» орталығы облыстық бірлескен кеңес өткізуді, БИЛ жұмысын үлгі ретінде көрсетуді, олимпиадалар мен ғылыми жобаларға дайындауды, «Сыр дарыны» оқу-жаттығу жиынын ұйымдастыруды жоспарлауда.Дина Бөкебай

Білімді жасқа жол ашқан орталық

 Гүлзира Абдазиева: Бала болашағын бірге қалауымыз қажет 

<a href="https://kyzylorda-news.kz/">Kyzylorda-news.kz</a> Заманауи 3D модельдеу және визуализация технологиялары сәулет практикасында шешуші рөл атқарады, бұл сәулетшілер мен дизайнерлерге өз жобаларының әсерлі және шынайы бейнелерін жасауға мүмкіндік береді. Бұл мақалада нақты архитектуралық кескіндерді жасау үшін бағдарламалық жасақтаманы қолдану қарастырылады, сонымен қатар осы саланың қазіргі тенденциялары мен даму перспективалары талданады.Зерттеу сәулетшілер SketchUp және Twinmotion сияқты визуализация жасау үшін пайдаланатын негізгі бағдарламалық өнімдерді талдады. Әр құралдың негізгі артықшылықтары мен кемшіліктері анықталды, сонымен қатар олардың шынайы бейнелерді жасаудағы мүмкіндіктері салыстырылды.Заманауи 3D модельдеу және визуализация технологиялары сәулет практикасында маңызды рөл атқарады, бұл сәулетшілер мен дизайнерлерге өз жобаларының әсерлі және шынайы бейнелерін жасауға мүмкіндік береді. Жыл сайын визуализациямен жұмыс істеудің жақсартылған мүмкіндіктерін ұсынатын және жоғары сапалы көрсетуді қамтамасыз ететін жаңа бағдарламалық өнімдер пайда болады. Бұл мақалада біз нақты архитектуралық визуализация кескіндерді жасау үшін бағдарламалық жасақтаманы қолдануды қарастырамыз.Сәулетшілер визуализация жасау үшін қолданатын негізгі құралдардың бірі-SketchUp. Бұл бағдарламалар қарапайым модельдер мен тұжырымдамалық кескіндерді жылдам жасау үшін тамаша таңдау. SketchUp сонымен қатар оның функционалдығын кеңейтуге және жаңа мүмкіндіктер қосуға мүмкіндік беретін плагиндер мен кеңейтімдердің кең таңдауын ұсынады.Фотореалистік кескіндерді жасау үшін сәулетшілер Twinmotion бағдарламасын жиі пайдаланады. Бұл құрал жарық, көлеңке және шағылысу әсерлері бар жоғары сапалы визуализацияларды жылдам жасауға мүмкіндік береді. Lumion сонымен қатар дайын материалдар мен нысандардың кітапханасын ұсынады, бұл визуализация жасау процесін едәуір жылдамдатады.SketchUp-дизайн мен инженерияның әртүрлі салаларында кеңінен қолданылатын үш өлшемді модельдеу бағдарламалық құралы. Бағдарлама қолданудың қарапайымдылығымен және интуитивті интерфейсімен ерекшеленеді, бұл оның әр түрлі деңгейдегі пайдаланушылар арасында танымал болуына ықпал етеді.Артықшылықтары: Пайдаланудың қарапайымдылығы - SketchUp пайдаланушыларға мамандандырылған құралдарды терең білмей-ақ үш өлшемді модельдерді жылдам жасауға мүмкіндік беретін ыңғайлы интерфейс пен интуитивті құралдарды ұсынады. Жұмыс тиімділігі оңтайландырылған құрылымымен және қарапайым құралдарымен SketchUp қарапайым модельдер мен тұжырымдамалық кескіндерді жылдам жасауға мүмкіндік береді. Плагиндер арқылы жетілдірілген мүмкіндіктері бағдарлама оның функционалдығын кеңейтетін және басқа қолданбалардан модельдерді импорттау және анимациялар жасау сияқты жаңа мүмкіндіктерді қосатын көптеген плагиндер мен кеңейтімдерді қолдайды. Нақты уақыттағы жұмысы нақты уақыт режимінде жұмыс істеу мүмкіндігі пайдаланушыларға олармен жұмыс істеу кезінде модельдеріндегі өзгерістерді бірден көруге мүмкіндік береді.Кемшіліктері: Күрделі модельдер үшін шектеулі мүмкіндіктері қарапайым модельдерді құрудағы тиімділігіне қарамастан, SketchUp жетілдірілген құралдар мен мүмкіндіктерді қажет ететін күрделі жобаларды жасау үшін жеткіліксіз болуы мүмкін. Материалдар мен жарықтандырудың шектеулі параметрлеріі кейбір бәсекелес бағдарламалармен салыстырғанда, SketchUp материалдардың, жарықтандырудың және басқа параметрлердің конфигурациясында шектеулерге ие болуы мүмкін, бұл жасалған модельдердің шынайылығына әсер етуі мүмкін. Қораптан тыс реализмнің жеткіліксіз деңгейі SketchUp-та фотореалистік нәтижелерге қол жеткізу үшін көбінесе үшінші тарап плагиндерін немесе бағдарламаларын пайдалану қажет.Twinmotion - бұл Epic Games әзірлеген үш өлшемді модельдерді визуализациялау және анимациялау бағдарламасы. Бұл пайдаланушыларға архитектуралық жобалардың, Ландшафттардың және интерьерлердің жоғары сапалы визуализацияларын жасауға мүмкіндік береді, бұл көріністердің шынайы көрінісін және жобалармен жылдам жұмыс істеуді қамтамасыз етеді.Артықшылықтары: Шынайы визуализация: twinmotion фотореалистік кескіндер мен анимацияларды жасауға мүмкіндік беретін материалдардың, жарықтандырудың және Текстураның кең таңдауын ұсынады.Басқа бағдарламалармен Интеграция: бағдарлама SketchUp сияқты әртүрлі үш өлшемді модельдеу пакеттерімен жақсы үйлеседі, бұл модельдерді импорттау процесін және жобалармен бірлесіп жұмыс істеуді жеңілдетеді.Нақты уақыттағы жұмыс: Twinmotion нақты уақыт режимінде жұмыс істеуге мүмкіндік береді, бұл жобадағы өзгерістерді бірден көруге және жылдам түзетулер енгізуге мүмкіндік береді.Кемшіліктері: Жаңадан бастаушылар үшін қиындық: кейбір құралдардың бай функционалдығы мен күрделілігіне байланысты Twinmotion жаңадан бастаушылар үшін визуализация үшін қиын болуы мүмкін және оны меңгеру үшін уақыт қажет.Аппараттық талап: Twinmotion-да жоғары сапалы жобалармен жұмыс істеу үшін қуатты аппараттық құрал қажет, бұл өнімділігі төмен компьютерлері бар пайдаланушылар үшін кедергі болуы мүмкін.Шектеулі анимация мүмкіндіктері: twinmotion анимация жасау мүмкіндіктерін ұсынғанымен, кейбір пайдаланушылар оны басқа арнайы анимациялық бағдарламалармен салыстырғанда шектеулі деп санауы мүмкін.Тұтастай алғанда, SketchUp және Twinmotion бағдарламалары кең функционалдығы мен нақты уақыт режимінде жұмыс істеу мүмкіндігі бар, дизайн мен инженерияның жоғары сапалы үш өлшемді модельдік визуализацияларды құрудың қуатты құралы. Оның фотореалистік кескіндерді жасау және басқа бағдарламалармен біріктіру мүмкіндіктері оны сәулет және дизайн мамандары арасында танымал етеді, пайдаланудың қарапайымдылығы, кең функционалдығы және қол жетімділігі оны көптеген пайдаланушылар арасында танымал етеді.&nbsp;Хасен ЗЕЙНУЛЛАҚорқыт Ата атындағы Қызылорда университетінің студенті

Шынайы сәулеттік кескіндерді жасау үшін бағдарламалық жасақтаманы пайдалану

<a href="https://kyzylorda-news.kz/">Kyzylorda-news.kz</a> Абайдың ғұмыры қаншалықты тартысты болса, оны соншалықты қызықты да шынайы етіп ұрпаққа тағылымды еңбек етіп жазып берген заңғар жазушы – Мұхтар атамыздың ұстаздарға берген бағасы – тарихта өлшеусіз баға боп қала бермек. Демек, аталмыш ойдың түп төркініне үңілсек, ұстаздық бұралаңы көп асудың әр белесі еңбекпен келетінін ұғынамыз. Сондықтан, ұстаз атына лайық болу – үлкен еңбекті, жүректі, адамдықты, батылдықты қажет ететіні даусыз. Дәл осы қасиеті бар, бүгінде ұстаздардың ұстазы атанып отырған Қармақшы ауданына қарасты №277 мектеп-лицейінің &nbsp;география пәні мұғалімі – Зәуре Батырханқызының еңбегі көпшілікке үлгі.Ол – сұлу сөздің сарқылмас уызын сәндеп жеткізер, тоқсан ауыз сөздің тобықтай түйінін ажырамастай бекітер, маңғаз болмысымен біліктілігін үйлестіргенде, небір кереметті аузына қаратар нағыз ұстаз. Кәсіподақ комитеті – қоғамымыздағы болып жатқан өзгерістерден шет қалмай, ұстаздар қауымы мен жастардың әлеуметтік-экономикалық құқығын қорғауда еліміздегі заң аясына сәйкес, әлеуметтік әріптестіктің үлгісін көрсетіп, ұстаз игілігіне өз күш-жігерін жұмсап жүрген қоғамдық ұйым болса, осынау жауапты істі де ұлағатты мұғаліміміздің абыройы биік деп сеніммен айта аламыз. Себебі маңызы зор қызметтен бөлек, мектептің әдеп кеңесінің төрайымы қызметін қоса ұстап жүр және мектеп өміріндегі терең ақылы мен шетсіз білім көкжиегінің таразысына салып, байлауы ұнамды да жөн бола кететін қасиетімен жүргізуі – көшбасшы ұстазымыздың көрегендігі деп білеміз. Апайымыз тек шәкірт, ата-анамен жұмыс істеп қоймай, ұстаздыққа қадам басқан жас мамандардың жол сілтеуші, бағыт-бағдар беруші жанашыры да. Ақылды ұстаз ешнәрсені назардан тыс қалдырмай, тәлім жинақтаушыны білдірмей жетелейді, байқатпай бағыт-бағдар береді. Өзі де әркез ізденуден жалықпайды, жаңалыққа жаны құмартып тұрады. Еңбегі де жеміссіз емес. Жас ұстаздардың жігерлеріне жалын беріп, көкірександығын ашуға тамшыдай қосар үлесі – ұстаздық мақсатының орындалғаны. Бұл қасиеттерін біз қайдан байқадық? Одан бөлек, болмысында тәлім-тәрбие мен талғампаздықтың көрінісі қазақылықтың иісімен қабаттаса келгенде нағыз сұлулықтың символына көз жүгірткендей боламыз-ау, сірә.«Ескіден қол үзіп, жаңаға қол жеткізгендер ғана мұғалім бола алады» деп қытайдың дана ойшылы Конфуций айтқандай, өткен тәжірибесін жаңамен ұштастыра алатын, кәсіби қызығушылығы жоғары, танымы биік, бастаған ісінің нәтижесін көре алатын, ғылыми зерттеу жұмыстарын таңдай білетін, педагогикалық үрдістің заңдылықтарымен етене таныс, оқытудың әдістемелік жаңалықтарынан хабардар, оқыту үрдісін ізденімпаздықпен арттыратын өз ісінің шебері атанған Зәуре Калышованың жетістігі аз емес. Мәселен, оның шәкірттері түрлі білім додалары мен ғылыми жоба байқауларынан, жалпы білім беретін пәндерден республикалық олимпиаданың&nbsp;қорытындысы бойынша да оқ бойы озып жеңімпаз атанып келеді. Сынып жетекшілік қызмет пен қоғамдық іс-шаралардың өзі ұстаздың тұлғалық биіктігін паш ете білді. Мемлекеттің әр саласында қызмет атқарып отырған білім алушылардың басым көпшілігі айтарлықтай жетістікке қол жеткізуде. Осындай жетістіктердің нәтижесінде ұлағатты ұстаз Қазақстан Республикасы Оқу-ағарту министрлігінің салалық кәсіподақ төрағасынан және облыстық білім басқармасының басшысынан Құрмет грамотасын иеленді. Бұл жетістіктер мұхиттың арнасына сыймас еңбектің тамшыдай бөлігі ғана. Парасатты ұстаздың сіңірген еңбегі түпсіз терең деп толық сеніммен айта аламыз.Құрметті жан бүгінде алпыстың асқарына шығып отыр. Білім саласы оны осы кезге дейін еңбексүйгіш, қоғамдық белсенділікпен ерекшеленіп, азаматтық қасиеттерге ие білікті маман ретінде таныды. Саладағы ұзақ жылдар еліміздің нығаюына да үлес қосты. Ұжымның анасы болған ұстазымызды осыбір ігілікті істе қанаты талмай, қажыр-қайратыңыз арта бергей. Шығар шыңдары әрқашанда биік болғай.Т.СЕРІКОВА

Еңбегі көпке үлгі байқоңырлық ұлағатты ұстаз

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөлімінің ұйымдастыруымен Абай атындағы үш тілде оқытатын дарынды балаларға арналған мамандандырылған сыныптары бар мектебінде ағылшын тілі бірлестіктерінің 2023-2024 оқу жылында жасалған қорытынды есебі өткізілді.Іс-шара барысында қалалық білім бөлімі әдіскері Ғалия Ермағанбетқызы мен қалалық кәсіподақ комитетінің төрағасы Ануза Аманжолқызы қатысты.2023-2024 оқу жылының қорытынды есебі бойынша үздік көрсеткіш көрсеткен қалалық ағылшын тілі бірлестіктерін қалалық білім бөлім басшысының арнайы алғыс хатымен марапатталды. Оның ішінде республикалық олимпиадалар және ғылыми жобалар, үздік бағдарламалар 2024, үздік бірлестіктер 2024, үздік кабинеттер 2024 бағыты бойынша үздіктер сараланды.Кәсіподақ комитетінің төрайымы Шамшатова Ануза Аманжолқызы 2023-2024 оқу жылында пәндік олимпиада, ғылыми жоба байқауларының республикалық кезеңдерінен жүлделі орын алған ағылшын тілі мұғалімдерін марапаттап, арнайы сыйлықтарын табыстады.Кеш қорытындысы бойынша «EduStream Express Publishing» баспасының демеушілігімен Қызылорда қаласы бойынша қалалық мектептерінің ағылшын тілі мұғалімдері арасынан зейнет жасына шыққан аяулы ұстаздарымызды арнайы сыйлықтармен және Алғыс хаттармен марапаттады.Зейнет жасына шыққан ұстаздарымызға арнап Абай мектебі ағылшын тілі бірлестігі ұжымының атынан «Teacher’s day at school» қойылымы қойылды және кешті қорытындылау үшін «Snowman» әні орындалды.

Қызылордада қалалық білім бөлімі есеп беру жиынын өткізді

<a href="https://kyzylorda-news.kz/">Kyzylorda-news.kz</a> &nbsp;Бүгінде ұлттық құндылықтар дегенде ана тіліміз, дініміз, салт-дәстүріміз, әдеби, мәдени бай мұраларымыз – бабадан мирас болып қалған көне жәдігерлеріміз еске түседі.Аталған асыл мұраларымызды ұрпақтан ұрпаққа жеткізу – өз ұлтын ұлықтаған әрбір азаматтың қасиетті борышы .Өскелең ұрпақтың денсаулығын сақтау және нығайту, ұлттық құндылықтарды ойын-сауық, ұлттық нақыш белгілері арқылы тәрбиелеу мақсатында Н.Ергешбаев атындағы №172 орта мектебінде мектеп жанындағы «Балауса» этно-шатырлы лагерінің ашылу салтанаты болды.Шара мектеп директоры Мария Шынәліқызының құттықтау сөзімен бастау алып, ән-әуез пәнінің мұғалімі Жеңіскүл Әділбекқызыныңәннен шашу шашты. Сонымен қатар қазанға «Бауырсақ Пати» пісіріліп, жеті күлшенің қадір қасиеті жайлы мағлұмат беріліп, аспаздар палау пісірді.Қазақтың қасиетті домбырасымен мектептің «Мереке» домбырашылар ансамблі «»Нәр ағашы» халық күйін нақышына келтіре орындады.Сондай-ақ шара барысында балаларды ұлттық өнерге баулып, қолөнерін бұйымдарынан көрмелер жасап, ұлттық ойындар ойнатып, ұлттық тағам түрлерінен дәм ауыз тиіп, мағлұматтар берілді.

Қызылордада «Балауса» этно-шатырлы лагері ашылды

<a href="https://kyzylorda-news.kz/">Kyzylorda-news.kz</a> Ұлағатты ұстаз Шынаркүл Асылбекова ұлт болашағы үшін ұрпақ тәрбиесіне аса мән беріп келеді.&nbsp;Жыраулар елі Қармақшы топырағынан түлеп ұшқан аяулы жан Жетікөл ауылына келін болып түскеніне биыл 30 жылға жуықтады. Содан бері білімнің қарашаңырағынан бір сәтке қол үзген емес.&nbsp;Ауылдағы мектептің тыныс-тіршілігін жақсы білетін ұстаз&nbsp;ұлттың тілі мен әдебиетінің көсегесін көгертіп, шәкіртіне рухани құндылық хақында барынша тәлім беруде.Инновациялық білім үдерісінде ағартушылық саланың озық үлгідегі көптеген реформасы баланың зейінін ашуға бағытталған. Жыл өткен сайын тың жаңалыққа иек артатын Шынаркүл Асылбекова ұдайы өзінің біліктілігін жан-жақты шыңдап отырады. Оның шәкірт алдыңдағы атқарар міндеті – өз пәніне қызықтыра білу, сауатты, білімді оқушы дайындап шығу және дарынды бала тәрбиелеу екені даусыз.<blockquote>– Асылында, соңғы 10 жылдықта білім беру ісінде көптеген елеулі өзгеріс орын алғаны мәлім. Бүгінде мұғалім жаңалығы көп бағыт-бағдарға тез бейімделіп, оқулықтың мазмұнына тереңдей алды. Қазақ тілі мен әдебиеті пәні құрылымдық жағынан өзге пәнге қарағанда қарапайым болғанымен, өзіндік жүйесі күрделі саналады. Егемендігіміздің нышаны – мемлекеттік тілдің қолдану аясын кеңейтіп қана қоймай, бала білімін жетілдіруге үлес қоса береміз. Әрине, қашанда ақырын жүріп, анық басқан қалпымыздан таймаймыз. Білім мен ілім нағыз жанып тұрған шырақ десек, шәкірттеріміз сәулелі ұшқынды бойына жиған білімпаз дер едім, – дейді ардақты ұстаз.</blockquote>Негізінен, Шынаркүл Оразбайқызы педагог-зерттеуші ретінде №174 орта мектеп базасында жас ұстаздарға жол көрсетуде. Мәртебелі мұғалім Ыбырай Алтынсариннің 180 жылдығына арналған «Қазіргі білім беру жүйесінің заманауи контексі жағдайында Қа­зақстан Республика­сының үздіксіз білім беруі» та­қырыбындағы халық­аралық ғылыми-практикалық конференциясына қатысқаны үшін сертификат еншіледі. Сонымен қатар «Ұлы халықтың ұлы Абайы» тақырыбында авторлық бағдарлама ұсынған. Білім беру ісінің үздігі атанған маман тағылымы мол саладағы әр белесін өмірлік тәжірибе жүзінде қабылдайды. Оның кез келген шәкірті білімнің сан алуан бәсекесінде топ жарып, ұстаз үмітін ақтап жүрген жайы бар.<blockquote>– Біз Шынар екеуміз бірнеше жылдан бері №174 орта мектепте қызмет етіп келеміз. Әріптесімнің бала оқытудағы қарым-қабілетін жоғары бағалаймын. Әрине, «Ұстаз болу – үлкен мәртебе». Сондықтан біліктілігі мол мұғалім өз есімін облыс көлемінде бала берген сапалы білімнің арқасында танытып келеді. Педагог мәртебесі жоғары болған сәтте оған деген оқушының құрметі арта түседі. «Ғылым – теңіз, білім – қайық» деген тәмсіл өз өміршеңдігін әлі күнге жойған емес. Қиын да, күрделі қызметтегі әріптесімнің жұмысына сәттілік пен абырой тілеймін, – дейді ауылға белгілі азамат Қанат Көзейбай.</blockquote>Білім ошағында білікті маман мықты мұғалім болса, үйде үлкеннің өнегесін көрген 4 перзенттің асыл анасы. Осыдан 30 жыл бұрын жетікөлдік Ерлан Болатовпен отау құрған мақтаулы маман осы уақытқа дейін 4 сыныптың түлегін бітірткен. Ал алдағы оқу жылында оның оқушылары 11 сыныпты 10 оқушы аяқтап, үлкен өмірге қанат қағады. Қазақта «Ұстазыңды атаңнан да, әзиз тұт» деген тәмсілді берік ұстанған біздің кейіпкеріміз жетікөлдік оқушыларды әрқашан білім нәрімен сусындата білген. Білім биігін бағындырған білікті маманның алдағы уақытта да жақсы жетістіктерге жететініне сенеміз.

Білім биігін бағындырған білікті маман

<a href="https://kyzylorda-news.kz/">Kyzylorda-news.kz</a> «Қазір «Тойың тойға ұлассын» деп әндетіп, той тойлап жүретін уақыт емес. Бүгінгідей технологияның заманында тойтомалақтың әңгімесін айтып, бірбірін асыра мақтап, ас ішіп, аяқ босатқанға риза кейіпте жүру әдетінен арылу керек. Мемлекеттің өзі өлермендікпен өмір сүретін кезге келдік. Сондықтан еңбек ету – өмір салтына айналып, бас ты міндет саналуға тиіс. Той қуалайтын емес, ой қуалайтын кезеңмен бетпе-бет келдік.Бұл дәуір – ақыл-ойдың, ғылым мен білімнің, еңбектің дәуірі!» деген ел Президенті Қасым-Жомарт Тоқаевтың пікірі пандемия кезінде кеңінен таралып, үлкен мәнге ие болған еді. Алайда арада төрт жыл жылжығанда бұл пікірді көбісі есінен шығарып алған сияқты. Екі жастың үйлену тойы, мерейтой, сүндет той, тұсаукесер секілді ежелден келе жатқан тойлардың саны көбеймесе, азаймақ емес бүгінде. Қазір «Басқа тойды тойламасаң тойлама, екі жастың бақыт тойы тойлансын» деп қарап отыратын ешкім жоқ. Барлығы шаңырағындағы шаттықты үлкен дастарханмен, қымбат мейрамханада атап өткісі келеді. Тіпті туған күндерді де елеусіз қалдырмай, дүркіретіп өткізіп жатқандар қаншама?! Бірақ біздің базынамыз, тойдың көптігінде емес, оның тәрбие мен мәдениеті хақында. Оның ішінде мамыр, маусым айында белең алатын мектеп бітіру кешінің қандай деңгейде өтіп жатқанында.Қазақ тойшыл халық болғандықтан әңгімемізді әріден бастайық. «Той десе қу бас домалайды», «Бұрын-соңды осындай той Отырарда болмаған» деген секілді өлең жолдары барлығымызға таныс. Той туралы сын айтқанда өзімізді ақтап алатын, бір жағынан жұбататын аргумент те – осы. Бұған «Той – халықтың қазынасы» дегенді қосып, көрпемізге қарай көсілмей, әліміз келмегенмен әлекке түсіп, тіпті банкке берешек боламыз. Бірақ қандай той екені маңызды емес, ең бастысы той болса болды!«БАЛАМ ҚАТАРЫНАН ҚАЛМАСЫН»2023-2024 оқу жылын 4 млн-ға жуық оқушы аяқтайды, оның 186 мыңы бітіруші түлек.&nbsp;Ал облыс бойынша 330 мектепті 181 мыңнан астам оқушы тәмамдаса, оның ішінде 8240 түлек мектеппен қоштасады.&nbsp;Шиелі аудандық білім бөлімінің берген ақпаратына сәйкес, биыл шежірелі өлкедегі 38 мектепті 1-11 сынып арасында 18 379 оқушы аяқтайды. Оның ішінде 11-сынып түлектерінің саны – 870, 9-сынып бітірушілері 1803-ті құрады.Жуырда еліміздегі су тасқынына байланысты соңғы қоңырау болмайды деген хабар шығып, көпшілік әсіресе жас түлектер дүрліккен болатын. Оның үстіне ата-аналар да әлеуметтік желіде жеке ойымен бөлісіп, жылда бір келетін соңғы қоңыраудың болғанын қалады. Әлгіндегі аргументке осы «жылда бір келетін қуаныш» деген сөзін қосып қоюға да болады. Ата-аналар мен оқушылар осылай жарыса жазып, наразылығын білдірген соң, Оқу-ағарту министрлігі салған тыйымды алып тастады. Осындай мәлімдеме шыққан соң, әлеумет әмиянын санап кеткені ащы шындық. Себебі той туралы тарқатқанда теңгені тілге тиек етпеу мүмкін емес. Ешқандай шығынсыз, мектептің ішінде болады деген салтанатты шараға да оқушылар оңды-солды шашылады. Оқушылар дейміз-ау, айналып келгенде барлық салмақ ата-аналарға түсетіні ақиқат. Бірақ қай ана «Балам қатарынан кем болсын» деп мектеп бітіру кешіне көйлек кигізбей, опадалап жаққызбай жібереді? Оның үстіне қазіргі таңда екі жағына бантик байлап, мектеп форма киіп қоңырау соға салатын түлектер жоқтың қасы. Міндетті түрде барлығы бірдей форма тіктіріп, оның үстіне арнайы лента тағып, макияж бен шаш үлгісін жасатып, тіпті бірдей аяқ киім де алып жатады. Жасыратыны жоқ, кейбір оқушылар 11 сыныпқа аяқ басқаннан ҰБТ немесе ЖОО-ның қамына емес, мектеп бітіру кешіне кірісіп кетеді. Кейбіреулер сол кешке ақша жинайын деп түңгі кезекте жұмысқа шығуға мәжбүр болады. Әрине, түнімен теңгенің қамымен жүрген оқушының сабаққа қайдан зейіні болсын? Мұндай сәтте мектепке мұғалімнің ескертуімен ғана келіп, күні бойы партада делсал ұйықтап жататындар жеткілікті. Мүмкін бітіру кешіне емес, сабаққа көбірек көңіл бөлсек бізде ғалымдар мен білікті мамандардың саны әлдеқайда артушы ма еді?!Байдың асын байғұс қызғандық емес бұл. Тек осындай бітіру кештеріне қарап, өзгенің өзегінде берері жоқ бәсекелестік пайда болмаса дейміз. Өйткені бір сынып мектепті бітірген соң, кезекте тұрған келесі бітіруші түлектер «Біз олардан кемміз ба?» деп керек емес жерде кеуде керіп ысырапшылдыққа, дарақылыққа салынады. Тіпті сондай даңғаза кештердің соңы адам өліміне алып келіп жатқаны хақ. Оның үстіне бойында жастықтың оты жалындап тұрған бозбала мен бойжеткендер тек ас ішіп, аяқ босату үшін ғана жиналмайды, арнайы шоуменді, әнші-бишіні, алты Алашқа емес, алты құрлыққа аты шыққан мега жұлдыздарды жиып алады.«500 МЫҢ ТЕҢГЕ НЕСИЕ АЛДЫМ»«Қаздың жүрісін саламын деп, қарғаның шаты айырылыпты» демекші, қалтасындағы қаржысы жетпесе де, қарызданып-қауғаланып баласын мектеп бітіру кешіне жіберіп отырған ата-аналар жоқ емес. Олар сырттай күліп, баласының жаңа өмірге қадам басқанына қуанып тұрғанымен, іштей жан-жақтан қыспаққа алған қарыздан қалай құтыламын деп ойлап тұруы да бек мүмкін. Мәселен, жуырда бір анамен кездестім. Қызы ауданымыздағы беткеұстар мектепті бітіріп жатыр екен. Әдетте ұлға қарағанда қыздың шығыны көп екені белгілі. Бес баласын бауырына басқан ана қызының көңілі түспес үшін аузынан шыққан әр затын алып беруге тырысқан. Тіпті сол үшін 500 мың теңге несие алыпты. «Қызым осы уақытқа дейін үздік оқыды, тек жоғарғы сыныпқа ауысқанда бағасы төмендей бастады. Өтпелі кезең деп барынша түсінуге тырыстым. Үйдің үлкені деп кейде жауапкершілікті де соға артып қоямын. Сондықтан соңғы қоңырау да, бітіру кешінде ештеңені аяғым келмеді. Өзім еден жуушы болсам да, ай сайын төлеп отырамын деп несие де алдым. Оны қызым білмейді. Әйтпесе, өзің кінәлі сезінеді» деп ағынан жарылды ана. Осылай бір-бірінен қалмас үшін, яки ата-ана бала алдындағы айыбын жуып-шаю үшін қарызға белшесінен батып жатады. Әрине, уақыт өте келе ол қарыздың да орны толар. Бірақ арамызда толық емес отбасы, көпбалалы отбасы, тек 1 адам жұмыс істейтін жанұя, тіпті мүмкіндігі шектеулі ата-аналар да болуы мүмкін екенін естен шығармаған абзал. Соқпағы көп өмірдің ақ-қарасын ажырата білмейтін жасөспірімдер мұны түсіне бермес, бірақ оларға әрнәрсенің шегі бар екенін ескертіп, үйретіп отыратын – ересектер. Бәлкім алдыңғы буын өкілдері «Бір-бірінен кем қалмасын» деп жастардың ығына жығыла бермей, мектеп бітіру кешін өздері ұйымдастырғаны құптарлық іс болар ма еді?!«ӨМІРІҢНІҢ СОҢҒЫ ҚОҢЫРАУЫ БОЛМАСЫН»Жыл сайын түлектер кешінде қайғылы оқиға орын алатыны ақиқат. Биыл да Жамбыл облысындағы орны толмас өкініш көпшілікті есеңгіретіп тастады. Мектеппен қоштасу кешінде жасөспірім қыз ойда жоқта өмірімен қоштасып, мәңгілік сапарға аттанды. Өкініштісі, оның ажалы өзі тізгіндеген темір тұлпардан болды. Еліміздің әр аймағында бітіру кеші қатаң қадаланса да, жастар ата-ана мен жауапты мамандардан тығылып, қателікке бой алдыруда. Мұның барлығы бітіру кешіндегі көлік шеруінің пайдасынан зияны көп екенін көрсетіп тұрғандай. Бұл үлкен жауапкершілікті ғана талап етпейді, оның үстіне қомақты қаржыны да қажетсінеді. «Ас – аттынікі, той – тондікі» десек те бала жүрген жүрде жауапкершілік пен қауіпсіздікке барлығымыз жауапты екеніміз анық. Олай болса тәртіпті тізгіндеп, жастарды жөнге салуға да әлі де кеш емес.БІТІРУ КЕШІМЕН ЕМЕС, БІЛІММЕН МАҚТАНАЙЫҚӘңгіменің әлқиссасында айтқандай, біз де жастар білім бәйгесінен гөрі бітіру кешіне көп көңіл бөледі. Әрине, мұнымен соңғы қоңырау болмасын деп табалаудан аулақпыз. Себебі бұл мереке тек біздің елде ғана емес, әлемнің түкпір-түкпірінде аталып келеді. Мысалы Польшада мектеппен қоштасу кешін емтиханға 100 күн қалғанда ұйымдастырады. Кештен соң оқушылар қайтадан сабаққа ден қойып, бар уақытын оқуға арнайды. Ал Қытайда оқушылар түрлі ойындар ойнап, ұстаздармен көңіл көтереді екен. Еуропаның кейбір елдері соңғы қоңыраудың белгісін арнайы киім стилімен ерекшелейді. Данияда түлектер тек ақ түсті киім киіп, таңғы асқа жиналады. Сондай-ақ норвегиялық мектеп бітірушілер оқу жылының аяқталуы жақындағанда қызыл мен көк түсті комбинезон киеді. Бұл – жылдар бойы қалыптасқан дәстүр. Байқағанымыздай әлемдегі барлық ел соңғы қоңырауды атап өтеді. Бірақ даңғаза мен дарақылық байқалмайды. Тек өздерінің дәстүрін әрмен қарай жалғастырып, мектеп бітіруді қарапайым мереке ретінде қарастырады. Есесіне осы аталған елдердің терезесі тең, керегесі кең екені жалған емес. Арасында азуын айға білеп, күннен күнге жаңа технология ойлап тауып, білім кемесінде емін-еркін жүзіп жүргендер де бар.«Ел болашағы – жастарда» деп жиі айтамыз, ал жастарымыз осылай бітіру кешімен мақтанып, тек киген көйлек, мінген көлікті талқылайтын болса, еліміздің ертеңі бұлыңғыр болары сөзсіз. Сондықтан жас шыбықтай иілгіш кезде, мектеп берген білімді бойға сіңіріп, болашаққа жасалған баспалдақты дұрысынан басайық.&nbsp;Маржан БОЛАТҚЫЗЫ

Шиелі ауданында 870 оқушы мектеп бітіріп жатыр 

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы, Тасарық ауылындағы №238 орта мектепте 2022 жылы «Учебный мир» компаниясы есебінен заманауи үлгіде химия кабинеті жабдықталып, пайдалануға берілді. Химия кабинеті «Жаратылыстану» бағытында лабораториялық құралдармен және сенсорлық экранмен оқушыларға сабақ өткізу мүмкіндігі жасалған. Лаборатория бөлмесінде зертханалық жұмыстар жүргізіліп келеді, зертханалық жұмыстар жүргізуге барлық құрал жабдықтармен қамтылған. Жалпы, бұл кабинетті оқушы партасы, оқушы үстелі және зертханалық&nbsp;құрал жабдықтармен қамтыған.1970 жылдың қыркүйек айында ауылдан алғашқы төрт класстық бастауыш мектеп ашылған. Алғашқы ұстаз Шобдар Ержанов болған, мектепте отыздан астам бала білім алған. 1973 жылы сол кездегі ауыл басшысы Жалғасбай Аханов атамыздың мұрындық болуымен ауылдан мектеп құрылысы салынып, осы жылдың қазан айынан бастап, бұрынғы бастауыш мектеп сегіз жылдық мектепке айналған, бірақ сегізінші сыныпта бала саны жетіспеуіне байланысты алғашқы жылы жеті сынып болған. Мектепке №238 «Коммунизм» сегіз жылдық мектебі деген атау берілген. Мектептің алғашқы директоры Ерғали Кәрібаев, оқу тәрбие ісі меңгерушісі болып, Жұмағали Ниязымбетов тағайындалған. Мектепте алғашқы жылдарда ұстаздық еткен мұғалімдер: Шобдар Ержанов, Патима Кәрібаева бастауыш сынып мұғалімдері: Айнагүл Биманова география, Жұмағали Ниязымбетов қазақ тілі, Набатбай Сәдуақасов орыс тілі, Жанымкүл Мылтықбаева тарих, Ерғали Кәрібаев математика, Әнуәрбек Әбдімұратов дене тәрбиесі, Мұсабек Каримов еңбек пәндерінен дәріс берген. Келер оқу жылында бұл құрамда Құттыбай Аханов математика, Набат Өтепбергенова бастауыш сынып тағыи басқа жас кадрлармен толыққан. Ерғали Кәрібаев бұл білім ордасын 1981 жылға дейін басқарған бұл жылдарда мектептің техникалық базасы нобайын мектеп жанынан шопан балаларына арналған 50 балалық интернат ашылған. Бұрынғы мектеп басшыларына интернат үйі осы жылдары мектеп интернаты облыстық үйіне айналдырылған. Бір айта кетерлігі соцалистік жарыстың жеңімпазы ауыспалы қызыл ғимарат әлі күнге дейін пайдалануға бірнеше рет жеңіп алды. Жарамды, қазіргі әкімшілік үйі осы ғимаратты пайдаланып отыр. Сол кезеңдерде мектептегі бала саны – 150-ге жеткен мектеп жанына интернат үйіне арнап, қосымша құрылыс салынған. Мектеп жаңа жас кадрлармен толыққан. 1981 жылдың қыркүйек айынан 1983 жылдың тамыз айына дейін мектеп директоры қызметін Сәрсен Сейілов атқарды. Оқу тәрбие ісі жөніндегі орынбасар Құттыбай Аханов болды.1983 жылдың қыркүйек айынан 1988 жылдың наурыз айына дейін мектеп директоры қызметін Бақытжан Шаханов атқарды. 1988 жылдың сәуір айынан 1989 жылдың қыркүйек айына дейін Жетібай Тақманбетов 1989 жылдың қыркүйегінен 2005 жылдың қыркүйегіне дейін Аманбай Есетов директор қызметін атқарды. Бұл аралықта мектепте бірнеше кадрлық өзгерістер болды. 2000 жылдың қыркүйегінен бастап, мектеп орта мекемеге айналды. Қоғамдағы өзгерістерге байланысты мектеп жанындағы интернат жабылды. 2005 жылдың қыркүйек айынан 2007 жылдың қараша айына дейін мектеп директоры қызметін қайтадан Жетібай Тақмамбетов атқарды. 2007 жылдың желтоқсан айынан 2009 жылдың ақпан айына дейін Жарқынбай Қалымбетов 2009 жылдың наурызынан 2014 жылдың сәуір айына дейін Құттыбай Аханов, 2014 жылдың қыркүйегінен 2018 жылдың тамыз айына дейін Нұрсұлтан Құламетов 2018 жылдың қаңтар айынан &nbsp;2020 жылдың қыркүйегіне дейін Айдос Имановтар мектеп директоры қызметін атқарды. 2020 жылдың қыркүйегінен 2021 жылдың қыркүйегіне дейін мектеп директоры міндетін уақытша атқарушы Тойбазар Бөлебаев атқарды. 2021 жылдың қыркүйегінен бастап, бұл қызметті Әлия Талғатбекқызы Кеулімжай атқарып келеді.Қазіргі таңда №238 мектепке қарасты «Тасөткел» бастауыш сыныбын және МАД тобын қоса алғанда – 112 бала білім алады. Мектепте – 37 мұғалім, 30 кіші қызметкер және мектеп жанынан құрылған «Қуаныш» шағын орталығында – 10 қызметкер жұмыс жасайды.Сонымен қатар, 2022-2023 оқу жылында, (11.04.2022ж. күнгі №5 педагогикалық кеңестің шешімімен) атаулы үш бөлме ауылдағы еңбектері елге белгілі, ауыл ақсақалдарының атына беріліп, ұрпақтары жабдықтап пайдалануға берілген. Атап айтар болсақ, 2022 жылдың 11 сәуірі күнгі №5 педагогикалық кеңестің шешіміне сәйкес,Тасарық ауылындағы тарихы ғасырлармен үндескен киелі қара шаңырақ №238 орта мектебінде көп жылдар бойы осы білім ордасының жарқыраған маңдайшасына айнала білген үлгілі ұстаз, білікті басшы Кәрібай Ерғали Биманұлы атындағы ұстаздар бөлмесі ашылып, пайдалануға берілді. Тарих – бұл Сіз бен Біз: өскен ортаң, оқытқан ұстазың, ұшқан ұяң, айтылған сөзің, қалдырған ізің, қолтаңбаң, елің үшін жасаған игілі істерің болмақ. Тарих осынысымен қымбат. Ардақты азамат, абыройлы ұстаз Кәрібай Ерғали Биманұлы осынау киелі қара шаңырақта ұзақ жылдар бойы аянбай еңбек етіп, ұрпақ тәрбиесіне сүбелі үлес қосып, ұлағатты ұстаздық қолтаңбасын қалдыра білді. Абзал азаматтың ұрпақтары аталған бөлмені талапқа сай заманауи үлгіде жабдықтап, бала жанының бағбандары ұстаздарды зор қуанышқа бөледі. Еңбек ардагерлері, ұрпақтары және аудандық білім бөлімінің өкілі А.Бейсенбай, аудандық кәсіподақ ұйымының төрағасы Әбілқасым Раман ұстазға берілген арнайы тақтаның ашылу рәсімін жасап, лентасын қиды. Шара барысында Ерғали ұстаздың бойындағы қадір-қасиеті, сіңірген еңбегі, өмір жолы насихатталып, оқушылармен өткен тәрбие сағатында ата-ана қадірі, ұрпақтар сабақтастығы, адамгершілік мінез-қылықтар үлгі етілді. 1973 жылы №238 &nbsp;«Коммунизм» сегіз жылдық мектебі деген атау беріліп, ашылғаннан &nbsp;осы мектептің алғашқы директоры Ерғали Кәрібаев атындағы «Мұғалімдер бөлмесі» ашылды. Ерғали Кәрібаев бұл білім ордасын 1981 жылға дейін басқарған бұл жылдарда мектептің техникалық базасы нобайын мектеп жанынан шопан балаларына арналған 50 балалық интернат ашылған.Қазіргі таңда, аталған мұғалімдер бөлмесінде мұғалімдерге арналған оқу-әдістемелік құралдар, көрнекіліктер, заманауи АКТ орналастырылған. Бұл кабинетте мұғалімдер жаңаша сабаққа дайындалу іс-тәжірибемен бөлісу мүмкіндіктері қаралған.Екінші, Бекқожа Бөлебаев атындағы «Мектеп мұражайы» №238 орта мектебінде де, өскелең ұрпаққа рухани азық беретін, «Ер есімі – ел есінде» атты еңбек ардагері Бекқожа Бөлейбайұлы Бөлебаев атындағы тарихи-өлкетану мұражайы ашылды. Мұражайды ашудағы мақсатымыз – осы ауылда туып-өскен, мақтан тұтуға лайықты қасиетті тұлғалардың тағылымды өмірі жайлы қысқаша дерек беріп, өскелең ұрпаққа рухани азық бере отырып, отансүйгіштікке тәрбиелеу мақсатында мұражайдың ашылуына байланысты мектепте салтанатты іс-шара өтті. Іс-шараға ауданнан, ауылдан арнайы қонақтар шақырылды.Бірінші бөлімінде арнайы құрылған бағдарлама бойынша мұражайдың салтанатты түрде лентасын қию рәсімі болды. Бұл рәсімді арнайы қонақ болып отырған аудан әкімінің орынбасары Дәурен Оңғарбайұлы Тілеуімбетов пен облыстық маслихатының депутаты, жерлесіміз Ібайдулла Тілеп ағамыз қиды.Бұдан кейін, мектептің тарих пәнінің мұғалімі Бақыткүл Бөлебаева мұражайдың ішіндегі орналасқан әрбір бұрыштың құрылымымен қатысушыларды таныстырды.Жалпы, мұражайдың ішіндегі мәліметтер екі бағытта жинастырылған: Ауыл тарихы мен мектеп тарихы. Сонымен қатар, мұражайдың ерекшелігі – барлық жиналған құжаттар мен жәдігерлерне QR код жасалып, электронды форматта жасақталған.Құнды жәдігерлерді, танымдық фото-суреттерді, аудан, облыс көлемінде кітаптарда басылып шыққан мәліметтерді жинақтауға №238 орта мектебінің ұжымы мен ауылымыздың азаматтары атсалысты.Үшінші, Құттыбай Аханов атындағы «Ардагерлер бөлмесі» "Ер есімі – ел есінде" атты ерін ұлықтаған ұрпақ,ардагер ұстаз Аханов Құттыбай Жалғасбайұлы атындағы Ардагерлер мен мектеп ұстаздарына арналған демалыс бөлмесіДемалыс бөлмесінің ашылуына арнайы қонақтар мен ауыл тұрғындары шақырылды.Ардагер ұстаз, Аханов Құттыбай ағай демалыс бөлмесінің ескерткіш тақтайшасын өз қолымен ашты. Ғұмырын балалардың жарқын болашағына арнаған мұғалімдердің еңбегі өлшеусіз. Мектепте мұғалім мәртебесінің жоғары болуы қашанда маңызды, қолдау жоғары.Айта кету керек, педагогтарға арналған арнайы бөлме барлық керек жабдықтармен қамтылған. Сондай-ақ, «Қалдырған ізің мәңгілік» атты арнайы ардагер ұстаздың өмірбаянынан стенд ілінген.Сонымен қатар, №238 орта мектептің гимні ретінде "Тасарықтың мектебі" атты әнінің тұсаукесері болып өтті. Өлеңнің сөзін ардагер ұстазымыз Алмат Сұлтамұратов, әнін отыз беске тарта хит әндердің иесі Жарасхан Төлебай жазды. Бұл ән болашақта мектебіміздің гимні ретінде орындалады. Барлық ұстаздар қауымы қандай құрметке де лайық. Ардагер ұстаздар мен бүгінгі буын жас мамандар арасындағы сабақтастық жалғасын таба берсін! – деген тілегімізді білдіреміз.2023-2024 оқу жылында республикалық мың мектеп жобасына №238 орта мектеп яғни (біздің мектеп) еніп, облыстық семинар өткізді. Осы оқу жылында бірқатар оқушыларымыз бен ұстаздарымыз пәндік олимпиада, ғылыми жоба, әртүрлі байқауларға қатысып, жүлделі орындарға ие болды. «Оқуға құштар мектеп» жобасы аясында аудандық байқау, театрланған қойылым, көркем сөз оқу байқауларынан да, жүлделі орындар алды.Фото: bilimainasy.kz

Жаңашылдыққа баулитын мектеп

<a href="https://kyzylorda-news.kz/">Kyzylorda-news.kz</a> Өмірге бағдаршамдай жол сілтеп тұратын, тәлім-тәрбие кілтін ұстаған, саналы ғұмырын білім беруге арнаған ұлағатты ұстаз Дариха Әмзебекова биыл 70 жасқа толды.Ардагер ұстаз Қармақшы ауданындағы Тұрмағамбет ақын атымен аталатын ауылда дүниеге келді. Н.Гоголь атындағы Қызылорда педагогикалық институтынан физика-математика пәнінің мұғалімі мамандығын алған.Атасы Байғұлы, өз әкесі Әмзебек, анасы Қойқын түйгені мол, айтары бар ел құрметіне бөленген ақжарқын кісілер еді. Атақты Жиенбай жыраудың бел баласы Үрістембек жырау Байғұлы ақсақалдың қарындасымен шаңырақ көтереді. Кешегі күміс көмей Көшеней мен Бидас жырау Байғұлыға жиен болып келетіні тарихтан тағылым беріп тұрған тәрізді. Ұстаздардың ұстазы атанған кейіпкеріміздің негізгі тәрбие өзегі осында болса керек.Ол еңбек жолын Қармақшы ауданы Жаңажол ауылындағы №107 орта мектепте ұстаздықтан бастайды да, туған жері Тұрмағамбет ауылындағы №29 орта мектепке ауысып, осында қызметін жалғастырды. Кейін мектеп директоры, ұйымдастырушылық қабілетінің арқасында көптеген істің көшбасшысы болды. 1990 жылдан 2012 жылға дейін мектеп директоры қызметін абыроймен атқарып, зейнет демалысына шықты.Мектеп басшылығында жүрген жылдары пән кабинеттерінің талапқа сай жабдықталуына күш салды. Ондағы мақсат – оқушыға тәжірибе арқылы салауатты сана қалыптастыру. Өзіне де, өзгеге де талап қоя білетін және сол үдеден шығуға жұмыс жасайтын. Нәтижесінде мектеп оқушылары аудандық, облыстық тіпті республикалық байқаулардың жеңімпазы атанып жүрді.Мектеп басшылығының бастамасымен 1996 жылы Қызылорда қаласында мұғалімдердің республикалық ғылыми конференциясына ұсынған «Халықтық педагогика – ұлттық тәрбие негізі» тақырыбындағы іс-шарасы үздік деп танылып, республика аумағына әдістемелік құрал ретінде таратылды. 1999-2003 жылдар аралығында білім гранттарын жеңіп алуда үздік көрсеткіштерге жеткені үшін №29 орта мектебі Қазақстанның үздік 100 мектебінің қатарына енгізілді. Бұл ұжым жетістігінің жарқын көрінісі болатын.Дариха апайдың тағы бір қайраткерлік қыры – үнемі ізденіс үстінде жүретіні. Соның бірі – оқушыларға бабалар мұрасын насихаттау, өнер туындысымен таныстыру үшін ашылған мектепішілік музейдің жандануы.«Сыр елі – жыр елі» деп аталатын бұрыш 1973 жылы Қазақ КСР Оқу ісінің үздігі Қаражан Қожабаевтың бастамасымен қазақ тілі мен әдебиеті пәні кабинетінен ашылған болатын. Мұғалімдер мен оқушылардың ізденісі арқылы ең алғаш жергілікті ақын-жыршылар шығармалары, өмірдеректері жинақталып толықтырыла түсті. Оған әйгілі Тұрмағамбет шайырдың тақиясы мен тұтынған заттары қойылды. Ақынның ұлы Әбдірауық ақсақал пышақ пен оның қынын, көзәйнегін табыстаған болатын. Бес бөлімнен тұратын мектеп музейіне Ешнияз салдан бастап шежіреші Үбісұлтан Аяпов, Әлиакбар Жұматаев, Запа Дәулетбаевқа арналған бөлімдер топтастырылды. Сонымен қатар Кеңес Одағының батыры Тәйімбет Көмекбаев, Социалистік Еңбек Ері, Батыр ана Сәлима Жұмабекова жайлы деректер де осында жинақталды. Өлке тарихы қатталған музей бүгінге дейін көпшілік қазынасына айналып отыр.Ұстaз – өзен секiлді, айналасына нәр беріп, жанындағыларды жайқалтып жіберетін күш иесі. Шәкірттеріне шуақ төккен күн тәрізді. Ғибратты ғұмыр иесі осы үдеден шыға білген майталман маман.<blockquote>– Оқушы озат болу үшін мұғалім, ата-ана үнемі байланыста болуы керек. Сабақ беру тек сыныппен шектелмеу қажет. Сонда ғана елге тұтқа боларлық тұлға тәрбиеленеді. Қыздарға шаш қидырған жоқпын, ер балаларға шашын өсіруге үзілді-кесілді қарсы болдым. Мектеп формасын киюін міндеттедім. Оқушы екенін өзі де, өзге де сезінуі керек. Сабақтан тыс уақытта балаларды еңбекке баулитынбыз. Ал оқу мен еңбек – өмірдің даңғыл әрі дұрыс жолы.</blockquote>Сырттай қарапайым болғанымен, тарихтағы ұлы істі атқарып жүргендер – ұстаздар екені даусыз. Жас ұрпақтың санасына сыналай енгізетін тәлім-тәрбие, үлгі-өнегесі өлшеусіз. Білімге баулып, биікке ұшыратын оқушыларының оқуда озат, өмірде патриот болуы мұғалім ұстанымына байланысты, – дейді ардагер бізбен әңгімесінде.Дариха апайдан дәріс алып, бүгінде еліміздің әр саласында абыройлы қызмет атқарып жүрген шәкірттері жүздеп, тіпті мыңдап саналады. Олардың «жүз жыраудың отаны» атанған киелі Тұрмағамбет ауылынан түлеп ұшып, қоғамнан өз орнын табуында ұстаз қолтаңбасы жатыр.Ұлы Абай: «Адамның адамшылығы – жақсы ұстаздан» деп мұғалім тәрбиесі мен өнегесі оқушы болашағының түп қайнары екеніне көңіл аударды емес пе?!Д.Әмзебекова «Білім беру ісінің үздігі» атанды, Білім министрлігінің «Құрмет грамотасымен» марапатталды. «Үздік мектеп директоры – 2008» номинациясын иеленді. Бұл – ұзақ жылғы еңбектің жемісі.Әр адамның өмір жолы – бір тарих. Алайда дара жолын тауып, өз қолтаңбасын қалдыру әркімнің өз еншісінде. Бұл тұрғыдан алғанда Дариха Әмзебекқызы ізгі мұратына жетті деуге болады. Өйткені, бар болмысымен бала бағбаны атанған ардақты тұлға хакім Абай айтпақшы, дүние кетігіне &nbsp;кірпіш болып қаланды.Жетпістің белесіне шыққан ардагер әлі де білім саласының беталысынан күнделікті хабар алып, әлеуметтік мәселелерді жиі зерделеп, өз пайымын білдіріп отырады. Мекен-жайы да мектепке етене екен. Ондағысы зейнетке шықса да, білім ордасымен көңіл үндесіп тұрсын дегені болар.&nbsp;Тұрар Бекмырзаев

Ұлағатты ұстаздың өнегелі өмірі

<a href="https://kyzylorda-news.kz/">Kyzylorda-news.kz</a> Жазғы каникул кезеңінде балалар мен жасөспірімдердің демалысын, сауықтырылуын және жұмыспен қамтылуын ұйымдастыру үшін қажетті жағдайлар жасау, балалардың қадағалаусыз қалуының, құқықбұзушылығы мен қылмыс жасауының алдын-алу, жазғы каникул кезеңінде балалардың денсаулығын нығайту, қауіпсіздігі мен шығармашылығын дамыту мақсатында оқушыларды лагерьмен қамтамасыз етеді. Лагерьге аз қамтылған, көпбалалы, жетім және ата-ана қамқорлығынсыз қалған патронаттық тәрбиедегі отбасы балаларын қамтуға басымдық беріледі.Көптеген лагерьлердің басты мақсаты – білім беру, спорттық немесе мәдени дамуды қолға алу. Әсіресе, балаларға арналған жазғы лагерь адамдарға қауіпсіз және тәрбиелі ортада жаңа дағдыларды игеруге мүмкіндік беруі мүмкін. Жазғы лагерьдегі тәжірибе баланың дамуына тұрақты психологиялық әсер береді.Қазалы ауданында соңғы қоңырау соғылып, кезекті оқу жылы да аяқталды. Енді балалар мен жасөспірімдердің жазғы демалысын ұйымдастыру қолға алынуда. Жалпы, Қазалы ауданы бойынша 1-10 сыныптар аралығында 15960 оқушы жазғы демалыс шараларына қамтылуға тиісті.Облыс әкімдігінің «2024-2026 жылдардағы жазғы демалыс кезінде балалардың сауықтырылуын, демалысын, бос уақытын өткізуге бағытталған іс-шаралар жоспары» басшылыққа алынған. Балалар мен жасөспірімдердің жазғы демалысына сыртқы лагерь жұмыстарын ұйымдастыру мен облыс көлемiнде және облыстан тыс лагерьге балаларды жіберу қамтылмақ. Сонымен бірге, туристік саяхат, тарихи-танымдық экскурциялар ұйымдастыру және мектеп жанындағы күндізгі тынығу лагерлерін ашу бағыттары жүзеге асырылатын болады. Жазғы демалыс шараларын ұйымдастыру көздері – міндетті оқу қоры мен демеушілер арқылы және ата-аналар есебінен жүргізіледі.Сыртқы лагерь жұмыстарын ұйымдастыру бойынша «Шағала» балаларды сауықтыру демалыс орны биыл 1 маусымынан бастап, өз қызметін бастайды. Жаз бойы 7 ауысымда 875 баланы міндетті оқу қорынан демалдыру жоспарлануда. Жолдама құны 1 балаға – 30 мың теңгені құрайды. Ауысым ұзақтығы – 10 күн, балалар 5 мезгіл тамақпен қамтылатын болады. Онда тұрақты түрде – 13 үйірме жұмыс істейді. Мұнда оқушылардың уақытын тиімді, әрі қызықты өткізу мақсатында ән, өрнек бишілер, қылқалам, жас дизайнер, көркем сөз, шебер қолдар өнеріне баулиды. Денсаулықты ширату бағытында баскетбол, волейбол, футбол ойнатылып, аққайың үйірмесінде ойлау қабілетін дамыту үшін шахмат, шашка үйретіледі. Сонымен қатар, суда жүзу үйірмесінде сымбатты болуға қалыптастырады. Ал, роботехника мен өлкетану бойынша балаларды ғылыми жобаларға бейімдейді.«Шағала» демалыс орталығы 1957 жылы салынған. Осы кезге дейін күрделі жөндеу жұмыстары жүргізілмеген. 2020 жылы «Жол картасы» аясында ағымдағы жөндеу жұмыстары жүргізілген, ондада екі жатын ғимаратының, асхана ғимаратының шатырлары, есік-терезелері ауыстырылып, сырты қапталған. Осы жылы бюджеттен лагерьге – 55 миллион 131 мың теңге қаржы бөлінді. Оның ішінде, ағымдағы жөндеу жұмыстары мен шаруашылық шығындарға және кеңсе тауарларына – 761 мың теңге қаралған. Былтыр «Шағала» балаларды сауықтыру демалыс орнына бюджеттен лагерьге – 49 миллион 308 мың теңге ақша аударылған. Ағымдағы жөндеу жұмыстары мен шаруашылық шығындарға және кеңсе тауарларына – 723 мың теңге тағы қарастырылды.<blockquote>– Диеталық тамақтармен сауықтырылады. Еңбекке баулынады. Ұялы телефоннан ажыратылады. Тек ғана, кешкісін сөйлесуге мүмкіндік беріледі. Қозғалмалы ойындар ұзақтау ұйымдастырылады. Қазір сегіз тәрбиеші қызмет көрсетуге әзірміз. Оның ішінде – жүзуге үйрететін жетекші, денешынықтыру мұғалімі мен музыкант және аға тәлімгер бар. Қалғаны тәрбиеші тәлімгер. Осы қызметкерлердің әрқайсысына өз үйірмелері бекітілген. Тағы қосымша жастар практикасымен төрт тәлімгер алынады деп күтілуде.</blockquote>«Балдырған», «Жас ұлан» мен «Достық» және «Болашақ» топтары бойынша балалар жас шамаларына сай бөлінеді, – дейді «Шағала» балаларды сауықтыру демалыс орнының аға тәлімгері Айнұр Сыдық.Мектеп жанындағы және қосымша білім беру ұйымдары жанынан күндізгі тынығу лагерлерін ашу бойынша биыл 27 мамыр – 18 маусым аралығында 40 мектепте – 6358 оқушы қамтылады деп күтілуде. Мектеп жанындағы тынығу лагерьлері «Шатырлы», «Киіз үй» (ұлттық құндылықтар), «Туристік», «Еңбекке баулу», «Шығармашылық», «Зияткерлік» бағыттары бойынша жұмыс атқарады.Барлық үлгідегі лагерлерде «Jas Qazag», «Ауыл laif» жобалары (шатырлы лагерлерде), «Kieli Qazagstan» жобасы (танымдық экскурция лагерлерінде), «жазғы кинотайм», «дәстүрлі қоржын», «Ауылым – алтын қазығым» жобасы (ұлттық құндылықтар лагерлерінде), «Қазыналы Қазалы», «Сыр-CAMP» жобалары (танымдық археологиялық лагерлерде), «Tarbie», «Fitness Camp» жобалары (спорттық лагерлерде) жобалар жүзеге асатын болады.Тамақпен ұйымдастырлатын лагерге – 1347 оқушы, тамақсыз ұйымдастырылатын лагерге – 5011 оқушы қатысады. Шатырлы лагерлер: №93, №225, №238 мектептерде ұйымдастырылады. Ал, №98, №88, №134, №78, №94 білім ордаларында киіз үй лагерлері қарастырылады. Еңбек лагерлері: №190, №24, №25, №226, №276, танымдық археологиялық лагерлер: №102, №104, №97, №96, спорттық лагерлер: №103, №92, №182 мектептерге берілді. Зияткерлік бойынша Әйтеке би кенті мен Қазалы қаласындағы мектептері құзырына алды. Шығармашылыққа баулу мүмкіндігіне Оқушылар үйі және Қорқыт ата атындағы өнер мектебі ие болды. Олар 350 оқушыны қамтуы тиіс.Биылғы маусымда Шымкент қаласындағы "Таңнұры" және Алматы қаласындағы "Арман дала", "Праус", "Тау-Жаңашар" лагерлеріне ата-аналар мен демеушілер және инвесторлар есебінен аз қамтамасыз етілген отбасынан шыққан 60 бала демалатын болады. Білім саласы кәсіподақ ұйымы арқылы педгогтардың 100 баласын жіберу жоспарлануда.Сондай-ақ, «Қазақстан қоры» арқылы Түркістан облысы, Төле би ауданы, «Қуаныш» лагеріне – 100 оқушыны жіберу көзделуде. Танымдық экскурсияларға – 1973 бала, тарихи экскурсияларға аудандық, облыстық музейге – 987, «Қорқыт ата» кешеніне – 468, Түркістан қаласына – 146, жабық бассейндермен тағы басқа да жерлерге – 372 бала апару жұмыстары жүргізілмек. Көркейту-көгалдандыруға байланысты, яғни, гүл егу мен талдардың түбін әктеу және тазалық жұмыстарына – 1800 оқушы, тұрғын үй ауласындағы ойын алаңдарына – 4694 бала тартылады. Жалпы алғанда, 1-10 сынып аралығындағы – 15960 баланың барлығы жазғы демалыс шараларына қамтылады деп жоспарлануда.

Қазақстан және Қызылорда облысының жаңалықтары: Білім