<a href="https://kyzylorda-news.kz/">Kyzylorda-news.kz.</a>&nbsp; Биыл түлектерге Ұлттық бірыңғай тестілеуді екі рет тапсыруға рұқсат беріледі. Бұл жайында биыл мектеп бітіретін оқушыларға хат жазған ҚР Білім және ғылым министрі Асхат Аймағамбетов мәлімдеді.
<blockquote>
 «Жақсы жаңалық та бар. Instagram-да мені белгілеп, грантқа түсу үшін бір емес, екі рет ҰБТ тапсыру туралы өтініш жазып жүргендеріңізді білемін. Шешім қабылдау кезінде біз оқушылардың ұсынысын, қызығушылығын назардан шығармауға тырысамыз. Сол себепті осы жолы да сіздердің ұсыныстарыңыз бойынша шешім қабылдадық. Яғни енді сіздер екі рет ҰБТ тапсырып, грантқа түсуге мүмкіндік аласыздар. Бұл шара эмоционалды стресс деңгейін төмендететініне сеніміміз мол», – деп жазды министр&nbsp;<a href="https://stan.kz/">Facebook</a>&nbsp;парақшасында.
</blockquote>
Сонымен қатар ол түлектерге Ұлттық бірыңғай тестілеу сынағынан сүрінбей өтулеріне тілектес екенін жеткізді.
<blockquote>
 «Білімдеріңіздің арқасында жоғары нәтижеге қол жеткізіп, грантқа ие болыңыздар! Баршаңызға сәттілік тілеймін!», – деді Асхат Аймағамбетов.
</blockquote>

Қазақстанда биыл түлектерге ҰБТ-ны екі рет тапсыруға рұқсат беріледі

Kyzylorda-news.kz. Қызылордада «Жас ұлан» балалар мен жасөспірімдер ұйымының ұйымдастыруымен қайырымдылық жәрмеңкесі өтті. Балалар жылында сөзден іске көшкен Сыр ұландары көп балалы және тұрмысы төмен отбасыларға көмектесуді мақсат еткен.
Сый жәрмеңкеге арнайы шақырылған отбасылар қойылған киім-кешек, оқу құралдары мен тұрмысқа қажетті заттардан керегін алды.
Көпшілікке қуаныш сыйлаған игі істе жасұландықтар белсенділік танытты. Өздері киген, бұдан кейін де киюге жарайтын киім-кешектері мен ата-аналардың көмегімен жаңа заттар және оқу құралдарын қайырымдылық шараға ұсынған.
<blockquote>
 “Жас ұлан” ұйымының мектепте өткізіліп жатқан шараларын білеміз. Бүгін қала мектептерінің басын қосып қайырымдылық шараларының да ұйытқысы болып жатқанын көрдік. Достарын қуантуға асыққан жасұландықтарға аналық алғысымды білдіремін. 8 балам бар. Осы жерден әр қайсысына бір-бірден керек жарағымды алдым. Бұл біз үшін үлкен көмек”,- дейді көпбалалы ана Фариза Елеуова.
</blockquote>
“Қайырымдылықпен қадам басамыз” атты акция аясында ұйымдастырылған әлеуметтік жәрмеңке алдағы уақытта да жалғасын табады. Ұйымдастырушылар қайырымды істі 1 маусым — Халықаралық балалар күнінің қарсаңында да өткізуді жоспарлап отыр.
<blockquote>
 “Мемлекет басшысы биыл елімізде” Балалар жылы” деп жариялады. Өскелең ұрпақтың үйлесімді дамуы мен бақытты балалық шағы бұл біздің жалпыұлттық міндетіміз. Осы орайда Қызылорда облыстық “Жас ұлан” ұйымында 2022 жылды “Жас ұланның жұлдызды жылы” деп жариялады. Ұйым осы уақытқа дейін іс-шаралар, акциялар, түрлі жобалар іске асырып жатыр. Бүгінде аймақ мектептірінде “Ақылды бейсенбі”, “Әкем үйреткен”, “Оқуға құштар ұлан”, “Көңілді үзіліс”, “Менімен бірге арманда” тағы сол сияқты түрлі іс-шаралар жүргізіліп жатыр. Бұған қоса ұландар әлеуметтік жобалардан да қалыс қалмайды. Бүгінгі қайырымдылық шарасы соның дәлелі. Барлық бала тең дәрежеде мектепке барып білім алуға құқылы. Олардың достарымен қатар мектепке баруына тұрмыстық жағдайы кедергі келтірмеуі үшін жас ұландықтар қолдан келген көмегін беріп жатыр. Көптеген отбасына толық қажеттіліктерін өтей алмасақ та көмектесе алдық деп ойлаймыз. Игі іс алдағы уақытта да жалғасын табатын болады”,- деді облыстық “Жас ұлан” балалар мен жасөспірімдер ұйымының атқарушы хатшысы Гүлайым Ақмырзаева.
</blockquote>
<img src="https://kyzylorda-news.kz/wp-content/uploads/2022/03/img-20220331-wa0048.jpg" alt="" />
<img src="https://kyzylorda-news.kz/wp-content/uploads/2022/03/img-20220331-wa0042.jpg" alt="" />
<img src="https://kyzylorda-news.kz/wp-content/uploads/2022/03/img-20220331-wa0037.jpg" alt="" />

&#8220;Жас ұлан&#8221; ұйымы қайырымдылық жәрмеңкесін ұйымдастырды

<a href="https://kyzylorda-news.kz/">Kyzylorda-news.kz.</a> Бірінші сынып оқушыларының құжатын қабылдау 1 сәуірде басталып, 1 тамызға дейін жалғасады. Бұл туралы бүгін Өңірлік коммуникциялар қызметінде өткен IV тоқсандағы оқу форматы туралы баспасөз конференциясында облыстық білім басқармасының бөлім басшысы Нұрлан Дәулеталиев мәлімдеді.
Жаңа 2022-2023 оқу жылында алдын-ала болжам бойынша 1 сыныпқа 19 568 оқушы қабылданады деп күтілуде. Олардың 17 582 – і қазақ, 1 986 – ы орыс тілінде. Ал 2021-2022 оқу жылында бірінші сыныпқа барлығы 18 721 оқушы қабылданса, биылғы жылы бірінші сыныпқа келетін оқушылар саны – 847 – ге артқан.
<blockquote>
 «Мектепке алты жасар балалар мен ағымдағы жылы 6 жасқа толатын балалар қабылданады. Баланың жасы 1 қыркүйекте толық 6 жаста болса, барлық бала қабылданады. Ал жасы толық 6 – ға толмаған балалардың олардың жасы 1 қыркүйектен кейін толатын болса, тек ата-аналары немесе басқа заңды тұлғалары қалаған жағдайда мектепке бару мүмкіншіліктері бар», – деді Нұрлан Дәулеталиев.
</blockquote>
Нұрлан Базарғалиұлының айтуынша, мектепке құжаттар «электронды үкімет» веб-порталы арқылы электронды түрде жіберіледі. Ережеге сәйкес 1 сыныпқа қабылдау кезінде алдымен қызмет көрсету аумағынан өтініш (тіркелу орны бойынша) білдірген 3 үміткер, содан кейін басқа аумақтан 1 үміткер қабылданады.
Айта кетейік, ата–аналар электронды форматта өтініш, туу туралы куәлік көшірмесін, баланың денсаулық паспорты, денсаулық жағдайы туралы №065/У нысандағы анықтама және 3*4 көлеміндегі 2 дана фотосурет тапсырады. Балаларды 1 – сыныпқа қабылдауға байланысты ешқандай емтихан тапсырудың қажеттілігі жоқ.

Қызылордада 19 568 бүлдіршін 1 сыныпқа барады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Жоғары оқу орындары мен колледж, мектептерде дене тәрбиесі құралдары арқылы жастардың рухани интеллектуалдық деңгейін қалыптастыру жолдары» атты республикалық ғылыми-тәжірибелік конференциясы өтті. Жиын Халықаралық педагогикалық білім академиясының академигі, педагогика ғылымдарының кандидаты, профессор Жақсыбек
Егізбаевтың 80 жасқа толуына орай ұйымдастырылды.
<blockquote>
 «Әдіскер-ғалым дене тәрбиесінің методологиялық бағыттарын педагогикалық, эстетикалық, философиялық тұрғыдан негіздей отырып, спорт пен дене мәдениетін&nbsp; тәрбие құралы ретінде ұзақ жылдар зерттеп келеді. Бұл бағытта жарық көрген&nbsp; ғылыми, әдістемелік, танымдық еңбектері&nbsp; ғылыми қауымдастыққа, спортшылар қауымына жақсы таныс. Ғалым дене мәдениетін жетілдіру ісіне үлкен үлес қосуда»,-деді Ғылыми жұмыстар және халықаралық байланыстар жөніндегі проректор м.а. Абайбек Жүнісов.
</blockquote>
Онлайн және офлайн форматта өткен конференция барысында профессор Жақсыбек Егізбаевтың алпыс жылдық педагогикалық қызмет барысында қорытқан&nbsp; тұжырымдары талқыланып, кейінгі ұрпаққа дәріптелді. ҚР Білім және ғылым министрлігі Ұлттық ғылыми-практикалық дене тәрбиесі орталығының бас директоры Сағдат Садықов, Әл–Фараби атындағы Қазақ ұлттық университетіінің профессоры, педагогика ғылымдарының докторы Елемес Әлімханов, Қ.Жұбанов атындағы Ақтөбе өңірлік университетінің профессоры, педагогика ғылымдарының докторы Төлеген Ботағариев, Қазақ ұлттық педагогикалық университетінің профессоры, педагогика ғылымдарының кандидаты Еркін Уанбаев, Ш.Есенов атындағы Технологиялар және инжиниринг университетінің кафедра меңгерушісі, педагогика ғылымдарының кандидаты, доцент Нұрсапа Ахметов,&nbsp; Түркістандағы Халықаралық туризм және меймандостық университетінің қауымдастырылған профессоры,&nbsp; педагогика ғылымдарының кандидаты Жандос Есіркепов баяндама жасады.
Сондай-ақ, шараға еліміздегі жоо мен колледж білім алышулары, оқытушылары мен мектеп мұғалімдері қатысты.

Қызылордада республикалық ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz.</a> Балалар жылы аясында биыл өңірде 4 жаңа мектеп пен 2 апаттық жағдайдағы мектептер үшін жаңа ғимарат және бір балабақша ашылады деп күтілуде.
Сонымен қатар заманауи әдіспен жұмыс істейтін жаңа аутизм орталығы қолданысқа беріледі. Осы жылы 47 балабақша мен 28 мектепте инклюзивтік кабинеттер ашылып, оған арнайы мамандар қамтылмақ. Бұл жөнінде Өңірлік коммуникациялар қызметінде өткен баспасөз конференциясында облыстық білім басқармасының басшысы Ақзира Қасымова мәлімдеді.
<blockquote>
 «Қазіргі уақытта балалар жылын өткізу жөніндегі іс-шаралар жоспары облыс әкімімен әзірленіп, бекітілді. Балалардың шығармашылық идеяларын іске асыру мақсатында 100-ден астам түрлі шара енгізілді. Сондай-ақ, балалар жылында қаламыздағы №264 мектеп-лицейінің жанынан оқушыларға арналған замануи обсерватория ашылды. Бұл өз кезегінде балалардың жан-жақты дамуына оң әсерін тигізеді. Қосымша білім берумен қамтамасыз ету мақсатында қалада 150 орындық қосымша білім беру орталығы, Қармақшы ауданында 150 орындық тыңығу лагері, Жалағаш ауданында 200 орындық оқушылар үйі мен 50 орындық өнер мектебі ашылады. Биыл техникалық және кәсіптік орта білімнен кейінгі білімі бар кадрларды даярлауға 1600 орынға қосымша мемлекеттік тапсырыс берілді. Сонымен қатар, «Көп бейінді облыстық балалар ауруханасы» базасында 2 жастан 14 жасқа дейінгі балаларға арналған оңалту орталығы ашылады. «Атамекен» ҰК палатасымен бірлесіп сауда орталықтарында арнайы күтімді қажет ететін балалар үшін «Денсаулық бұрыштарын» ашу жоспарлануда. Әлеуметтік қолдау көрсету үшін әртүрлі санаттағы балаларға «Жақсылық жаса балаға» мереке күндеріне орай қайырымдылық шаралары мен «Бірге армандайық» ауыр дертпен ауыратын балаларды кумирлерімен кездесу шарасын ұйымдастыру жоспарланды», – деді басқарма басшысы Ақзира Қасымова.
</blockquote>
Айта кетейік, балалар жылында ең үздік деп танылған жобалар мен белсенді қатысушылар «Ең үздік әлеуметтік жоба», «Мейірімді жүрек» номинация бойынша марапатталады.

Қызылордада биыл 4 жаңа мектеп ашылады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Жолдауын іске асыру мақсатында педагогтердің біліктілігін кемінде үш жылда бір рет арттыру нормасы енгізіледі. Бұл туралы Орталық коммуникациялар қызметі алаңында өткен брифингте ҚР БҒМ Мектепке дейінгі және орта білім комитетінің төрайымы Гүлмира Кәрімова мәлімдеді.
<blockquote>
 «Бұл ретте халықаралық тәжірибе қарастырылды. Білім саласында жоғары нәтиже көрсетіп жүрген Финляндия елінде мұғалімдер біліктіліктерін жыл сайын арттырады. Шекаралас Ресей Федерациясында мұғалімдер үш жылда бір рет өз білімдерін өзектендіреді. Сонымен қатар, жалпы статистикалық және халықаралық зерттеулердің қорытындысы ескерілді. Мысалы, TALIS зерттеулерінің нәтижесі мұғалімдердің 87% сұраныс бар екендігін көрсетті. Педагогикалық қызметті жаңадан бастаған мұғалімдердің шамамен 70%-ы кәсіби деңгейінің жеткіліксіздігі жөнінде мәселе көтеріп, үш жылда бір рет оқу жағдайын қалап отыр. Сондай-ақ, мұғалімдердің жыл сайын үздік ұстаздардың сабақтарына, конференцияларға, арнайы съездерге қатысуы да ынта ретінде олардың болашақтағы біліктіліктерін арттыруға үлкен серпін болады деп ойлаймыз», – деді Г.Кәрімова.
</blockquote>

Мұғалімдер 3 жылда 1 рет біліктілігін арттырады

<a href="https://kyzylorda-news.kz/">Kyzylorda-news.kz.</a> Бірінші сыныпқа баратындар үшін құжаттарды қабылдау 1 сәуірден басталады.&nbsp;Бұл туралы Орталық коммуникациялар қызметінде өткен брифингте ҚР БҒМ Мектепке дейінгі және орта білім комитетінің төрайымы Гүлмира Кәрімова хабарлады.
Баланың ата-анасынан немесе заңды өкілінен еркін нысандағы өтініш, емханадан 026/у-3 және 063/у нысанындағы анықтамалар, сондай-ақ туу туралы куәліктің көшірмесі және 3х4 екі фотосурет талап етіледі.
<blockquote>
 «Басқа ешқандай құжаттар қажет емес. Кейде қоңырау шалып, &nbsp;менен ПИК-тен немесе жұмыс орнымнан анықтама сұрап жатыр деп айтады… Бұл анықтамалар қажет емес. Мектепке қабылдау үшін тек 4 құжат қана қажет. 2022-2023 оқу жылына арналған болжам бойынга оқушылар саны артып келеді. Бірінші сыныптарға 420 мыңға жуық білім алушыны қабылдау жоспарланып отыр», – деп атап өтті спикер.
</blockquote>
Талдау көрсеткендей, ата-аналардың 80% – ы электронды түрде жұмыс істегенді жөн көреді, сондықтан өтінімдер Еgov.kz электрондық үкіметтің веб-порталы арқылы да қабылданады. Айта кетейік, бірінші сыныпқа туған күні желтоқсан айының соңында болатын балалар да бара алады.

1 сәуірде бірінші сыныпқа өтінімдер қабылдау басталады

<a href="https://kyzylorda-news.kz/">Kyzylorda-news.kz.</a> 30 наурызда аймағымыздағы жоғары оқу орындарының 300-ге жуық білім алушысы «Taza sessiya» акциясына қатысады.
Акция барысында 1-4 курс студенттері, магистранттар мен докторанттар сыбайлас жемқорлыққа байланысты сауалнама сұрақтарына жауап береді. Бұл туралы Өңірлік коммуникациялар қызметінің баспасөз алаңында «AMANAT» партиясы жанындағы Жастар қанаты Қызылорда облыстық филиалының жетекшісі Медет Жорабек мәлімдеді.
<blockquote>
 «Қазіргі таңда жоғары оқу орындарында сыбайлас жемқорлықтың кең таралуы өзекті мәселе екені мәлім. Білім алушылар сауалнамада берілетін 22 сұрақты бөгде кісілердің араласуынсыз жауап береді. Енгізілген сұрақтар сыбайлас жемқорлық әрекеттеріне байланысты әзірленген. Құпиялық талаптарды сақтау мақсатында жеке сұрақтарды енгізуге қатаң түрде тыйым салынады. Құпиялық талаптарының бұзылуына кінәлі адамдар заң бойынша жауапқа тартылады», – деді Медет Ерданаұлы.
</blockquote>
Айта кетейік, сауалнама нәтижелері ҚР Ұлттық және коммерциялық емес акционерлік жоғары оқу орындары арасында сыбайлас жемқорлықты анықтау үшін жалпылама түрде пайдаланылады.

Қызылордада «Taza sessiya» акциясы басталды

<a href="https://kyzylorda-news.kz/">Kyzylorda-news.kz</a>. Қазақстанда ұлттық бірыңғай тестілеуге тақырыптық талдау жасалады. Бұл туралы білім және ғылым министрі Асхат Аймағамбетов хабарлады.
<blockquote>
 «Енді ҰБТ қорытындысы бойынша әр мектеп, облыс, тіпті пән бойынша талдау жасап, оны мектептердің жұмысын бағалау үшін пайдалануға шешім шығардық. Электронды форматқа көшу енді тестілеуге тақырыптық талдау жасауға мүмкіндік береді. Мұндай жаңалықты біз наурыз айындағы ҰБТ кезінде пилоттық режимде енгіздік», – деп жазды министр әлеуметтік желідегі парақшасында.
</blockquote>
Айтуынша, тест тапсырған түлек қандай тақырыптарды білетіні және қайсысына көңіл бөлу қажет екені туралы қосымша талдау алады.
Министрлік дәл осындай талдауды мектепке, нақты пәнге қатысты, аудан, облыс және жалпы республика көлемінде жасауды жоспарлап отыр. 
Бұл тестілеушілерге қандай тақырыптарға назар аудару, қандай тақырыптарды күшейту керегін көруге мүмкіндік береді.
<blockquote>
 «Яғни сынаққа қатысушылар қазірдің өзінде өздерінің әлсіз тұстарын анықтап, жеке тақырыптарға көбірек уақыт бөліп, қателермен жұмыс істей алады», – деп нақтылады Аймағамбетов.
</blockquote>
Сонымен қатар, мұғалімдер де оқушылардың қандай тақырыптарда қиналғанын көреді.
«Тиісінше, талдауға байланысты оқу бағдарламаларын пысықтау, мұғалімдердің мақсатты түрде біліктілігін арттыру, біліктілікті арттыру бағдарламаларын өзгерту бойынша шешімдер қабылдай аламыз», – деді ведомство басшысы.
Министр жазғы ҰБТ қорытындысы бойынша әрбір мектеп, облыс, мұғалім және түлек осындай талдау алатынын атап өтті.
Білім министрі бірнеше жыл бұрын ҰБТ қорытындысы бойынша мектептер рейтингін өткізуге неге тыйым салынғанын түсіндірді. Оның бірнеше себебі болған:
директорлардың басқа пәндерге зиянын тигізе отырып, 10-11 сынып оқушыларын тест сұрақтары бойынша ғана дайындау;
өтініш жинауда мұғалімдерге қосымша жүктеме;
үлгерімі нашар оқушыларды ҰБТ-ға қатысудан шеттету;
әкімдіктердің өңірдің орташа ұпайын әртүрлі тәсілмен көбейтуге тырысуы.
Бұл ретте ҰБТ-ның орташа балының өзі диагностикалық функцияны орындай алмады.
<blockquote>
 «Тек орташа балды білу пайдалы ақпаратпен қамтамасыз етілуді ғана білдірмейді. Ал егер тақырыптар мен пәндер бойынша талдау болса, бұл басқарушылық шешімдерді қабылдауға мүмкіндік береді. 
 Сол кезде қабылданған шешім өз рөлін атқарғанын, мұғалімдер мен мектептерге түсетін жүктемені азайтқанын көріп отырмыз. Яғни оқушылар ҰБТ-ға электронды форматта өз бетінше өтініш берді, оларды ҰБТ-дан шеттету, сондай-ақ тек тест арқылы ғана дайындау және әкімдіктердің облыс рейтингіне ықпал ету әрекеттері тоқтатылды», – деді Аймағамбетов.
</blockquote>

ҰБТ қорытындысы бойынша тақырыптық талдау жасалады

<h4 id="kyzylordanewskz">Kyzylorda-news.kz. Қызылорда қаласындағы «Атамекен» отбасы үлгісіндегі балалар ауылында Наурыз мейрамы тойланды. Ұлттық мереке қарсаңында демеушілердің көмегімен салынған жылыжай пайдалануға берілді.</h4>
Балалар ауылындағы думанды тойға келген «Мелиоратор» ЖШС-ның директоры, белгілі меценат Бердібек Мыханов пен облыстық әйелдер кеңесінің төрайымы Райкүл Байназарова жылыжайдың лентасын қиды.&nbsp;
<img src="https://baq.kz/userfiles/images/%D0%B6%D1%8B%D0%BB%D1%8B4.jpg" alt="" />
Жылыжай іске қосылған сәттен бастап балалар ауылында «Еңбектену мұратым» айдарымен еңбекке баулу және экологиялық тәрбие жұмыстары қолға алынған. Әр сенбі сайын аталған жоба аясында ауыл балалары өз үйлерінің аумағын тазалап, көгалдандыру жұмыстарын жүргізеді. Олар жылыжайда жұмыс істеп, көктемде еккен дақылдарын жаз бойы күтіп-баптап, күзде жинап алады.
<img src="https://baq.kz/userfiles/images/%D0%B6%D1%8B%D0%BB%D1%8B3.jpg" alt="" />
Химиялық қоспаларсыз таза табиғи дәрумендермен тамақтандыруды, баланы еңбекке баулуды көздеген жанашыр жандардың бұл көмегіне атамекендік балалар алғысын білдірді.
«Атамекен» отбасы үлгісіндегі балалар ауылының директоры Лиза Ысқақованың айтуынша ауыл балалары республикалық балалар байқауынан жүлделі орын алып, 200 мың теңге ұтып алған. Аталған қаржы жаңадан ашылып жатқан жылыжайдың жұмысын жандандыруға жұмсалмақ.&nbsp;
<blockquote>
 Екі жыл бұрын мен осы қаламыздағы балалар ауылымен таныстым. Бұған дейін мен мұндай отбасының барынан хабарсыз екенмін. Төккен тер, еткен еңбегіміздің арқасында талай жетістікке жетіп жатырмыз. Өзіміз үшін атқарылып жатқан дүние көп әрине. Бірақ осындай қайырымдылық іс-шаралардан да қалыс қалмауға тырысамыз. Осы балаларға жылыжай салу туралы ұсынысты қуана қабылдадым. Бала тәрбиелеу, оны жетілдіріп қатарға қосу деген үлкен жұмыс. Кейде үлкен адамдарды да тәрбиелеуге тура келіп жатады. Сондықтан да мұндағы жұмыс тобының еңбеі өлшеусіз. Менің көмегім мұнымен тоқтап қалмайды. Мен сіздерді қашан да демеуге, қолдау көрсетуге дайынмын, – дейді меценат Бердібек Мыханов.
</blockquote>
Салтанатты рәсім балалар ауылындағы Наурыз мерекесіне ұласты. Қазақтың киіз үйі тігіліп, алтыбақан жанында балалар айтысы өтті. Қонақтар шығармашылық ұжымның өнерін тамашалап, балалардың қолынан шыққан қолөнер бұйымдары мен ұлттық тағамдардың көрмесі ұсынылды.&nbsp;
<blockquote>
 Мен 10 сыныпта оқимын. Біздің отбасымызда 7 бала бар. Барлығымыз тату-тәтті, ауызбіршілікте өмір сүріп жатырмыз. Домбыра, би үйірмелеріне қатысамын. Жылда асыға күтетін Наурыз мейрамы биыл да ерекше өтті. Мен шуақты көктеммен қатар келетін ұлттық мерекемізді жақсы көремін. Қазақтың барлық салт-дәстірлері мен ұлттық ойындары таныстырылып, балаларға ерекше көңіл-күй сыйлайды. Бір жағынан ұлтымыздың тарихын, мәдениеті мен дәстүрін танып-білуге көмектеседі, – дейді «Үшқоңыр» отбасының тәрбиленушісі Маржан Әуезханова.
</blockquote>
<a href="https://baq.kz/qyzylordada-otbasy-ulgisindegi-balalar-auylynda-zhylyzhay-ashyldy_274328/">Baq.kz</a>
<img src="https://kyzylorda-news.kz/wp-content/uploads/2022/03/nawryz57.jpg" alt="" />

«Атамекен» отбасы үлгісіндегі балалар ауылында жылыжай ашылды

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде педагогика ғылымдарының кандидаты, профессор Жақсыбек Егізбаевтың 80 жасқа толуына орай салтанатты ғылыми кеңес өтті.
Жиында Басқарма Төрағасы-Ректор Бейбіткүл Кәрімова профессордың білікті кәсіби маман, педагог-ғалым ретінде университет даму тарихында өз қолтаңбасын қалыптастырған тұлға екенін атап өтті. &nbsp;
<blockquote>
 «Жақсыбек Егізбаев Қорқыт ата атындағы Қызылорда университетінде 30 жылдан астам уақыттан бері еңбек етіп келеді. Профессор 150-ден астам ғылыми мақала, 10-нан астам оқу-әдістемелік құралдың авторы. Оқытушыдан бастап құрметті профессорға дейінгі қажырлы еңбек жолы көпке үлгі. Қазақстан Республикасының елдік, ұлттық тұтастық, тұрақтылық мүдделерін қорғайтын демократиялық бағыттағы «Ұлт тағдыры» ҚБ Қызылорда облыстық филиалының төрағасы ретінде ұлт болашағы, тарихы, мәдениетін дамыту бағытында үлкен қызмет атқарып келеді», – деді Бейбіткүл Сәрсемханқызы.
</blockquote>
Салтанатты шарада Жақсыбек Егізбаев облыс және қала әкімінің Құрмет грамотасымен марапатталды. Сонымен қатар, ҚР Жоғары оқу орындары қауымдастығының шешімімен Қазақстанның білім және ғылым жүйесінің дамуына қосқан айрықша үлесі және білікті мамандарды дайындаудағы ерен еңбегі үшін А.Байтұрсынұлы атындағы ордені, Қорқыт ата атындағы Қызылорда университетінің «Үздік оқытушысы» медалі, Халықаралық «Қазақ тілі» қоғамының Құрмет грамотасы, облыстық ардагерлер кеңесінің шешімімен «Облыстың құрметті ардагері» медалі мен облыстық ардагерлер кеңесінің Құрмет грамотасы, қалалық ардагерлер кеңесінің Құрмет грамотасы табысталды.
Сондай-ақ, ғылыми кеңесте университеттің 9 оқу ғимаратындағы №101 дәрісханаға Жақсыбек Егізбаевтың есімін беру туралы шешім қабылданды.
Жақсыбек Егізбаев 1970-1980 жылдары Жаңақорған ауданындағы балалар және жасөспірімдер спорт мектебінің директоры қызметін атқарды. 1977-1979 жылдары Жаңақорған ауданының «Орленек» тынығу лагеріне директор етіп тағайындалып, оның бастамасымен 1937 жылдан бері өзгермей келе жатқан «Орленек» атауы «Жас сұңқар» деп ауыстырылды.
1980-1990 жылдары Қызылорда облыстық білім бөлімінің мектеп инспекторы, А.С.Макаренко атындағы балалар үйінің директоры, облыстық мұғалімдер білімін жетілдіру институтының меңгерушісі, облыстық балалар және жасөспірімдер спорт мектебінің оқу ісі жөніндегі меңгерушісі қызметтерін атқарды.
1990 жылдан бастап Қорқыт ата атындағы Қызылорда мемлекеттік университетінде кафедра меңгерушісі, Жаратылыстану факультетінің тәрбие жұмыстары жөніндегі декан орынбасары болып еңбек етті.
1999 жылы Алматы қаласындағы Қазақ спорт және туризм академиясында «Дене тәрбиесі құралдарын жүйелі қолдану арқылы оқушылар денсаулығын нығайту» тақырыбында кандидаттық диссертациясын сәтті қорғады.
1999-2003 жылдары екінші шақырылған Қызылорда қалалық мәслихат депутаты болып сайланды. Депутат ретінде қаланың қоғамдық-әлеуметтік, саяси өміріне белсене араласып, дене тәрбиесі мен спортты насихаттап, бұқаралық спорттың дамуына қомақты үлес қосты.
Жақсыбек Егізбайұлы – ҚР Журналистер Одағының мүшесі. Сонымен қатар, Қызылорда облысы спорт ардагерлері кеңесі және республикалық «Ұлт тағдыры» қоғамдық бірлестігінің облыстық филиал төрағасы қызметтерін атқарып келеді.
Педагог «Қазақстанның құрметті спорт қайраткері» және ҚР «Білім беру ісінің құрметті қызметкері», «Қазақстан Республикасы дене тәрбиесі мен спортына сіңірген еңбегі үшін» құрмет белгісі, «Дене шынықтыру мен спортты дамытуға қосқан үлесі үшін», «Қызылорда қаласына – 190 жыл», «Қызылорда облысына – 70 жыл», «Қазақстан Республикасының тәуелсіздігіне – 20 жыл», Қазақстан Республикасы мәслихат депутаттарының 20 жылдығына арналған мерекелік медалімен және Қорқыт ата атындағы Қызылорда университетінің Алтын медалімен марапатталған. Сондай-ақ, «Халықаралық педагогикалық Білім академиясының академигі», «Жаңақорған ауданының құрметті азаматы» атақтарын иеленген.
Айта кету керек, ғылыми кеңеске облыстық мәслихат аппаратының басшысы Бақытжан Ідірісов, &nbsp;Қазақстанның еңбек сіңірген қайраткері, Ұлттық ғылым академиясының академигі, техника ғылымдарының докторы, профессор Қылышбай Бисенов, қалалық мәслихат хатшысы Ибадулла Құттықожаев, облыстық ардагерлер кеңесінің төрағасы Серік Дүйсенбаев, Қызылорда облыстық дзюдо федерациясының президенті, ҚР Еңбек сіңірген жаттықтырушысы Садық&nbsp; Мұстафаев, Түркістан қаласындағы Халықаралық туризм және меймандостық университеті, Спорт кафедрасының қауымдастырылған профессоры, педагогика ғылымдарының кандидаты&nbsp; Жандос Есіркепов,халықаралық “Қазақ тілі” қоғамдық бірлестігінің Қызылорда филиалының төрағасы, республикалық “Тіл сақшысы” газетінің бас редакторы Сәдуақас Аңсат және университеттің Ғылыми Кеңес мүшелері қатысты.
<img src="https://kyzylorda-news.kz/wp-content/uploads/2022/03/p1733583-scaled.jpg" alt="" />
<img src="https://kyzylorda-news.kz/wp-content/uploads/2022/03/p1733436-scaled.jpg" alt="" />
<img src="https://kyzylorda-news.kz/wp-content/uploads/2022/03/p1733613-scaled.jpg" alt="" />

Профессор Жақсыбек Егізбаев – 80 жаста

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласындағы Назарбаев Зияткерлік мектебінің оқушысы Нұрбол Жақсылық құрастырған пилотсыз ұшу аппаратының прототипі Түркістан қаласында өткен Наурыз кездесулерінде үздік ғылыми жобалар көрмесінде таныстырылды. Бұл туралы Назарбаев Зияткерлік мектебінің баспасөз қызметі хабарлады.
Назарбаев Зияткерлік мектептерінің жыл сайынғы көктемгі ғылыми жобалар байқауы – Наурыз кездесулері биыл «Жасанды интеллект және мехатроника» тақырыбына арналды. Республиканың әр өңірлерінен жиналған NIS оқушылары мен жалпы білім беретін мектептердің білім алушылары алдымен қазақ, ағылшын және орыс тілдеріндегі вебинарларға қатысып, жасанды интеллект, цифрлы технологиялар, робототехника, инженерия, сәулет және экология саласындағы танымал отандық және шетелдік спикерлерлермен пікір таласты. Олардың қатарында Швейцариядан еуропалық футурист Герд Леонхард, Австралиядан сутек негізінде қозғалатын көліктер бойынша сарапшы Брендан Норман, ресейлік «R:ED» компаниясының білім беру жобаларын дамыту бөлімінің басшысы Алиса Большакова, Назарбаев Университетінің ғылыми қызметкері Жанат Махатаева және басқа да беделді ғалымдар бар.
Зияткерлік мектептер базасында ұйымдастырылған барлық практикалық сабақтар топографиядағы Пифагор теоремасы, жер сілкінісін түсіну үшін математикалық модельдеуді қолдану, ғарыштық материалдарды құру және химия, биология, физика, математика және информатика саласындағы басқа да жобаларға арналды.
<blockquote>
 «Назарбаев Зияткерлік мектептері 10 жылдан бері Наурыз кездесулерін өткізіліп келеді. Бұл ғылыммен айналысқысы келетін оқушылар кездесетін алаңы. Негізгі мақсаты – пән бойынша алған білімін тәжірибеде іске асыру», – дейді Басқарма төрайымы Күләш Шәмшидинова.
</blockquote>
Наурыз басқосуларының негізгі күні алғаш рет жаңа NIS-те, көне Түркістанда өтті. Бұл жерде «Назарбаев Зияткерлік мектептері» ДББҰ қызметкерлері әзірлеген оқу және цифрлы ресурстар көрмесінде оқулықтар, әдістемелік құралдар, жинақтар, оқушылардың оқу жетістіктерін бағалауға арналған нұсқаулық, сонымен қатар ел педагогтері арасында танымал «Жүйелік-әдістемелік кешен» онлайн платформасы, 3D форматтағы «NIS LAB» виртуалды зертханасы, NIS MEET POINT ашық онлайн платформасы ұсынылды.
Арнайы ұйымдастырылған көрмеде жас ғалымдар мен өнертапқыштар STEAM жобалармен таңқалдырды, олар медицина, экология, математика, химия, биология, физика салаларына жасанды интеллектті енгізуге арналған. Мәселен, қызылордалық зияткер Нұрбол Жақсылық ауылшаруашылық саласында қолдануға тиімді ұшу аппаратын құрастырды. Бұл қондырғылар үлкен алқаптарды тынайтқыштармен құнарландыруға мүмкіндік береді.
<blockquote>
 «Бүгіндде пилотсыз ұшу аппараттар технологиясы қарқынды дамып келеді. Қазіргі таңда өндірістің көптеген салалары автоматтандырылған жүйеге көшуде. Біздің жобамыз егін саласында пислотсыз ұшу аппараттарын қолдануға бағыттылған. Бұл фермесіз-ақ үлкен аумақтарды тынайтқыштармен байытуға мүмкіндік береді. «Ұшатын фермер» өзге дрондардан айырмашылығы – ұшу уақытының ұзақтығы, әрі климаттық жағдайға төзімді болып келді», – дейді жас ғалым.
</blockquote>
Шара барысында экологиялық жобалардың үлкен сериясы дайындалды, оның ішінде істен шыққан техникалар бойынша «Екінші өмір» жобасы, сондай-ақ тұрмыстық қалдықтарды ақылды жинауға, атмосфераны және жалпы табиғатты сақтауға, қоршаған ортаны қорғауға, экологиялық мәдениет пен жауапкершілікті қалыптастыруға бағытталған роботтар мен роботтық жүйелер бар.
ІТ аймағында Түркістан облысындағы жалпы білім беретін мектептердің информатика пәні мұғалімдеріне дизайн және 3D модельдеу бойынша арнайы курс дайындалды. NIS-тің Наурыз кездесулеріне оңтүстік өңірінен барлығы 150-ге жуық мұғалім, мектеп директорлары мен олардың орынбасарлары, сондай-ақ 300-ге жуық оқушы келді. 
Наурыз кездесулерінің негізгі оқиғалары ретінде бағдарламанған оқу-жаттығу дрондарының ұшуы, «Ең сейсмикалық төзімді құрылым» командалық ойыны, сондай-ақ жас өнертапқыштар құрастырған автокөліктер шыққан «NIS Intell Race» автожарысы мен «Алтын сақа» ойның атауға болады.
Әрбір Наурыз кездесулерінің мәдени бағдарламасында міндетті түрде тарихи көрікті жерлерге экскурсиялар кіреді. Түркістан облысында мектеп оқушылары ЮНЕСКО-ның Бүкіләлемдік мұралар тізіміне енген Қожа Ахмет Яссауи кесенесіне, сонымен қатар Арыстан баб пен Отырар төбеге және көне Түркістанның жаңа нысандары – «Ұлы Дала мұражайы» және Керуен сарайында болды.
Наурыз кездесулері – Назарбаев Зияткерлік мектептері үшін айтулы оқиға, биыл олар дәстүрлі форматқа орала бастады. Жыл сайын наурыз айында NIS-те жас ғалымдар мен өнертапқыштар жасанды интеллект, цифрлы технологиялар және әлемдік ғылымның соңғы тенденциялары халықтық дәстүрлер мен ұлттық мәдениетпен қолдау табатын бірегей жобаларды ұсынады.
<img src="https://kyzylorda-news.kz/wp-content/uploads/2022/03/276057836_3049763558686891_3362303139549975913_n.jpg" alt="" />

Қазақстан және Қызылорда облысының жаңалықтары: Білім

Қазақстанда биыл түлектерге ҰБТ-ны екі рет тапсыруға рұқсат беріледі

“Жас ұлан” ұйымы қайырымдылық жәрмеңкесін ұйымдастырды

Қызылордада 19 568 бүлдіршін 1 сыныпқа барады

Қызылордада республикалық ғылыми-тәжірибелік конференция өтті

Қызылордада биыл 4 жаңа мектеп ашылады

Мұғалімдер 3 жылда 1 рет біліктілігін арттырады

1 сәуірде бірінші сыныпқа өтінімдер қабылдау басталады

Қызылордада «Taza sessiya» акциясы басталды

ҰБТ қорытындысы бойынша тақырыптық талдау жасалады

«Атамекен» отбасы үлгісіндегі балалар ауылында жылыжай ашылды

Профессор Жақсыбек Егізбаев – 80 жаста

Қызылордалық зияткердің «ұшатын фермері» диханшылар жұмысын жеңілдетпек

Қазақстан және Қызылорда облысының жаңалықтары: Білім

Қазақстанда биыл түлектерге ҰБТ-ны екі рет тапсыруға рұқсат беріледі

&#8220;Жас ұлан&#8221; ұйымы қайырымдылық жәрмеңкесін ұйымдастырды

Қызылордада 19 568 бүлдіршін 1 сыныпқа барады

Қызылордада республикалық ғылыми-тәжірибелік конференция өтті

Қызылордада биыл 4 жаңа мектеп ашылады

Мұғалімдер 3 жылда 1 рет біліктілігін арттырады

1 сәуірде бірінші сыныпқа өтінімдер қабылдау басталады

Қызылордада «Taza sessiya» акциясы басталды

ҰБТ қорытындысы бойынша тақырыптық талдау жасалады

«Атамекен» отбасы үлгісіндегі балалар ауылында жылыжай ашылды

Профессор Жақсыбек Егізбаев – 80 жаста

Қызылордалық зияткердің «ұшатын фермері» диханшылар жұмысын жеңілдетпек

“Жас ұлан” ұйымы қайырымдылық жәрмеңкесін ұйымдастырды