Kyzylorda-news.kz. Наурыз думан аясында бүгін А.Тоқмағамбетов атындағы мәдениет үйінде «Атадан балаға мұра» атты облыстық қолөнер байқауының көрмесі ұйымдастырылып, шеберлердің өнімдері көптің назарына ұсынылды.
Облыс әкімі Гүлшара Әбдіқалықова жас қолөнершілердің қолынан шыққан бұйымдарды көріп, жергілікті ісмерлердің туындыларын жоғары бағалады.
Қолөнершілер бисерден тоқылған, оюлы кестемен өрнектелген туындылар мен ұлттық аспаптар, ағаш бұйымдарының бірнеше түрін әзірлеген. Мектеп оқушылары түрлі стильдегі бейнелер негізінде әр өнімге ұлттық нақыш беруді мақсат тұтқан.
Байқауға 60-тан астам шебер қатысып, 21 қолөнерші үздік деп танылды. Бас жүлде “Бегім ай” өнер орталығындағы қолөнер үйірмесінің оқушысы Толысбай Нұрайға бұйырды.
<img src="https://kyzylorda-news.kz/wp-content/uploads/2022/03/fb_img_1647861969476.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647861965908.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647861960796.jpg" alt="" />

Қызылордалық оқушылардың қолөнер бұйымдары арнайы көрмеге қойылды

Kyzylorda-news.kz. Қорқыт ата атындағы Қызылорда университетінде қауымдастырылған профессор, ұстаз, ғалым Айман Айтбаеваның 60 жасқа толуына арналған «Алаш әдебиетін орта мектепте және ЖОО-да оқытудың өзекті мәселелері» атты республикалық ғылыми-әдістемелік конференциясы өтті.
Жиынға Нұр-Сұлтан, Алматы қалаларының ғалымдары, университеттің оқытушы-профессорлар, білім алушылары мен БАҚ өкілдері қатысты. Белгілі ғалымның мерейтойына орай ұйымдастырылған шарада оның еңбектері сараланып, ғылымға қосқан үлесі айтылды.
Конференция барысында Қорқыт ата атындағы Қызылорда университетінің профессоры Ұлжан Жанбершиева, филология ғылымдарының кандидаты Болат Боранбай, М.Әуезов атындағы Әдебиет және өнер институтының бас ғылыми қызметкері Гүлжаһан Орда, Қазақ ұлттық қыздар педагогикалық университетінің қауымдастырылған профессоры Гаухар Балтабаева, филология ғылымдарының кандидаты Бекзада Қожакеева, Әл-Фараби атындағы ҚазҰУ-дың доценті Райхан Имаханбет, Абай атындағы Қазақ ұлттық педагогикалық университетінің аға оқытушысы Гауһар Асқарова баяндама оқыды.
Айман Ералықызы – Қорқыт ата атындағы университетінде 1993 жылдан бастап қызмет етеді. Қазіргі таңда Қазақ тілі мен әдебиеті және журналистика кафедрасының аға оқытушысы. Саналы ғұмырында ҚР Білім беру саласында шығармашыл, тәжірибелі ұстаздық қызметі үшін «Білім беру ісіне қосқан үлесі үшін» төсбелгісімен, облыс әкімінің Алғыс хатымен, Қармақшы аудандық кәсіподақ комитетінің Құрмет грамотасымен, «Болашаққа бағдар: рухани жаңғыру» бағдарламасын жүзеге асыруға зор үлес қасқаны үшін облыстық Білім басқармасының Құрмет грамотасымен, Тәуелсіздігіміздің 30 жылдығына орай «Қызылорда біліктілікті арттыру Ұлттық орталығы» АҚ филиалы Құрмет грамотасымен марапатталды.
Әдебиеттану ғылымының өзекті мәселелері бойынша «Қазақ прозасындағы тарих романдардағы ұлттық қаһарман бейнесі», «Мәңгілік ел идеясы», «Қазақ прозасындағы антропология», «Қазіргі қазақ драматургиясының жаңалықтары жайлы» зерттеу жұмыстарының авторы. Ғалымның 140-тан аса ғылыми мақаласы, оқу-әдістемелік мазмұндағы еңбектері мен 1 монографиясы бар. Сонымен қатар, 4 ғылым магистріне жетекшілік еткен.
Айта кетейік, республикалық ғылыми-әдістемелік конференция Гуманитарлық-педагогикалық институты Кеңесінің салтанатты мәжілісіне жалғасып, «Жаралған көрмек үшін дүние сарай…» кітабының тұсаукесері өтті. Университет басшысы Бейбіткүл Кәрімова мерейтой иесіне қазақы дәстүр бойынша құрмет көрсетті. Сонымен қатар, Айман Ералықызына облыс әкімінің Құрмет грамотасы, «Ахмет Байтұрсынов» атындағы алтын медалі табысталды. Салтанатты жиын барысында сөз алған қонақтар мен ғалымның шәкірттері, әріптестері ақжарма ізгі тілегін білдіріп, естелік суретке түсті.
<img src="https://kyzylorda-news.kz/wp-content/uploads/2022/03/fb_img_1647664336778.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647664340176.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647664343143.jpg" alt="" />

«Алаш әдебиетін орта мектепте және ЖОО-да оқытудың өзекті мәселелері» атты республикалық ғылыми-әдістемелік конференциясы өтті

<a href="https://kyzylorda-news.kz/">Kyzylorda-news.kz</a>.&nbsp;Қызылордалық оқушылар енді аспан денелерін жаңа обсерватория құрылғысы арқылы көре алады. Президент тапсырмасы аясында Балалар жылында Қызылорда қаласындағы үздік білім беру ұйымы атанған №264 мектепте жаңа обсерваториялық орталық пен балалар киностудиясы ашылды. Өткен жылы облыс әкімінің сыйақысы ретінде 34 миллион теңгенің сертификатын иеленген білім ошағын қолдау нәтижесінде балалар астрономия іліміне еніп, мектеп студиясы арқылы журналистикаға бет бұра алады.
Наурыз мерекесі қарсаңында балалардың игілігіне бағытталған заманауи кабинеттердің ашылу рәсіміне облыс әкімі Гүлшара Әбдіқалықова қатысып, дарынды және өнертапқыш оқушылармен пікірлесті.
Обсерваторияда балалар телескоп, процессор, спектроскоп, арнайы призма мен Vive pro 2 шлемі секілді құрал-жабдықтармен жұмыс істей алады. Ал, киностудия арқылы сапалы бейнеконтент түсіруге арналған заманауи жабдықтар қойылып, балалардың шығармашылық жұмыстармен еркін айналысуына жағдай жасалды. Сондай-ақ, «Bio Master» кабинеті арқылы оқушылар қолдан макет жасап, жергілікті өлкетану іліміне тереңдей түседі. 
Ал, жаңадан ашылған инклюзивті кабинетте ерекше қолдауды қажет ететін балалар ребилитациядан өтеді. Мұнда сенсорлық кабинет және емдік дене шынықтыру бөлмелері қарастырылған.
Облыс әкімі балалардың танымдық және шығармашылық бағытта жұмыс істеуіне жол ашатын кабинеттердегі құрылғылар арқылы озық идеяларды іске асырып, жаңа жобалар жасауға жол ашатынын атап өтті.
Айта кетейік, бұл оқу орны жапон елшілігінің «Шөп тамыры» бағдарламасы аясында 2 млн.теңгенің грантын иеленіп, қала маңындағы «Сабалақ», «Эдельвейс» саяжай аудандарынан қатынап оқитын оқушыларды тасымалдауға «ПАЗ» автобусы сатып алды. Ал, алдағы уақытта «Газель» автокөлігін алмақ.
<img src="https://kyzylorda-news.kz/wp-content/uploads/2022/03/276052560_264461102541808_3738063631553110381_n.jpg" alt="" />
<img src="https://kyzylorda-news.kz/wp-content/uploads/2022/03/276099243_264460932541825_3885469076931672959_n.jpg" alt="" />
<img src="https://kyzylorda-news.kz/wp-content/uploads/2022/03/276110570_264461119208473_3741019488801231502_n.jpg" alt="" />
<img src="https://kyzylorda-news.kz/wp-content/uploads/2022/03/276142023_264461219208463_6203179656763386620_n.jpg" alt="" />
<img src="https://kyzylorda-news.kz/wp-content/uploads/2022/03/276161932_264461195875132_4290472681581324507_n.jpg" alt="" />
<img src="https://kyzylorda-news.kz/wp-content/uploads/2022/03/276303193_264461275875124_5436567741617414219_n.jpg" alt="" />
<img src="https://kyzylorda-news.kz/wp-content/uploads/2022/03/275960515_264461185875133_1739475033912929424_n.jpg" alt="" />
<img src="https://kyzylorda-news.kz/wp-content/uploads/2022/03/276184115_264461299208455_1094004478961107870_n.jpg" alt="" />

Қызылордалық үздік мектепте обсерватория мен киностудия ашылды

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының басшысы Ақзира Қасымова жалпы білім беретін пәндер бойынша республикалық ғылыми жобалар конкурсы мен республикалық «Зерде» байқауының жеңімпаздары мен жүлдегерлерімен кездесті.
Онлайн форматта өткен жиында Ақзира Бақтыбайқызы білім бәйгесінде оза шапқан 29 оқушы мен жетекші ұстаздарды және ата-аналарды алғыс хаттармен марапаттады.
Кездесуде басқарма басшысы дарынымен дараланған Сыр дарындарына алдағы білім бәйгелеріне сәттілік тіледі.
<blockquote>
 «Бұл Сыр жұлдыздары өңіріміздің ғана емес, республика көлемінде білім бәйгелерінде аймақ абыройын асқақ етіп жүрген өрелі өрендер. Осы орайда біз бүгін білімді де дарынды, өнерлі де талантты шәкірттерімізді мақтан ете отырып, марапаттау үшін жиналып отырмыз. Атап айтар болсақ, ХVII республикалық «Зерде» конкурсына Қызылорда облысы бойынша 18 жобамен 21 оқушы қатысып, нәтижесінде 16 жобамен 18 оқушы жүлделі Гран-При, І, ІІ ІІІ дәрежелі дипомдармен және 3 оқушы грамота иеленді. Шымкент қаласында өткен жалпы білім беретін пәндер бойынша республикалық ғылыми жобаларда 23 жоба қатысып, 7 оқушы жүлделі орын, 2 оқушы алғыс хат иеленді. 3 түлегімізге Қорқыт ата атындағы университетінің гранты берілді. Бұл ұстаздардың тынымсыз еңбегі мен ата-аналардың ерекше қолдауының арқасында жеткен жетістіктер деп білемін. Сіздердің аймағымыздың абыройын асқақтатқан осы жетістіктеріңізбен мақтанамыз», – деді Ақзира Бақтыбайқызы.
</blockquote>

Ақзира Қасымова дарынды оқушылармен кездесті

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының басшысы Ақзира Қасымованың төрағалығымен техникалық және кәсіптік білім беру саласына арналған кеңейтілген жиын өтті.
Басқосуға аймақтағы барлық 30 колледждің директорлары шақырылып, әрбір білім беру ұйымының атқарылып жатқан жұмыстары мен стратегиялық жоспарлары талқыланып, мемлекеттік бағдарламалардың орындалу барысы талданды.
Жиынның күн тәртібінде колледждер бойынша атқарылған жұмыстар мен алдағы міндеттер, «Worldskills – 2022» конкурсының аймақтық іріктеу кезеңін ұйымдастыру және өткізу, колледж директорларын аттестациядан өткізу және ротациялау, колледж студенттерінің жетістіктеріне және колдеждерге жүргізілген зерделеу жұмыстарының нәтижелері қаралды.
Кездесуде Қызылорда облысының білім саласын бақылау департаментінің басшысы Ғалия Даулетова колледждергі жаңа мамандықтарға лицензия алу мәселесін қозғап, колледж студенттерін «Worldskills» білімділер бәйгесіне белсенді түрде қатыстыру қажеттігін атап өтті.
Енді колледж директорлары министрлік талабына сай аттестациядан өтеді. Яғни басқару жүйесін жетілдіру, білім сапасын көтеру, маман даярлау мәселесінде директорлардың менеджментік қасиеті бағаланады.
Басқарма басшысы Ақзира Бақтыбайқызы жиында бірқатар колледж директорларына білім сапасы мен «Worldskills» Ұлттық чемпионатына қатысу белсенділігінің төмендігін сынға алып, ескертулер жасады. Сонымен қатар, колледжде білім алатын балалардың мамандығына сай өмірлік дағдылары қалыптасуы керектігін атап өтті. 
Жиын соңында колледж басшыларына білім басқармасы тарапынан бірқатар нақты тапсырмалар мен міндеттер жүктелді.

Қызылордада колледж директорлары аттестациядан өтеді

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде экономика ғылымдарының кандидаты, профессор Қазыбай&nbsp; Құдайбергенұлының 80 жасқа толуына арналған салтанатты ғылыми кеңес өтті. Сондай-ақ, дәрісханаға Қазыбай Құдайбергенұлының есімі берілді.&nbsp;
Жиынға облыс әкімінің орынбасары Қайрат Нұртай, қалалық мәслихат хатшысы Ибадулла Құттықожаев, Ұлттық ғылым академиясының академигі, техника ғылымдарының докторы, профессор Қылышбай Бисенов, облыстық ардагерлер кеңесінің төрағасы Серік Дүйсенбаев, Алматы облысының және Жамбыл ауданының құрметті азаматы Әскербек Абаев,«Qyzylorda» телеарнасының директоры Жағыпар Қарабала, Халықаралық “Қазақ тілі” қоғамдық бірлестігінің Қызылорда филиалының төрағасы, республикалық “Тіл сақшысы” газетінің бас редакторы Сәдуақас Аңсат және зиялы қауым өкілдері, университеттің ғылыми кеңес мүшелері қатысты.
Ғылыми кеңесте университеттің Басқарма Төрағасы-Ректоры Бейбіткүл Кәрімова профессордың білім саласына қосқан үлесін ерекше атап өтті.
<blockquote>
 &nbsp;Қазыбай Құдайбергенұлы – университеттің&nbsp;&nbsp; білім беру қызметін, ғылыми және кадрлық әлеуетін заман талабына сай нығайту ісіне елеулі еңбегін сіңірген қайраткер азамат.&nbsp; Профессор 200-ден аса&nbsp; ғылыми проблемалық мақаланың, бірнеше монография мен&nbsp; оқу құралдарының авторы. Сондай-ақ, 10-нан аса халықаралық, республикалық, облыстық ғылыми практикалық конференцияларда баяндамалар жасады. Университетте ашылған дәрісхана мемлекеттік қызметшілерді, еліміздің дамуына елеулі үлес қосатын экономистерді даярлайтын орталық болатынына сенімдімін. Арнайы кабинетте біздің білім алушыларымыз мемлекеттік қызметке қабылдау сынама-тесттерін тапсырып дайындалуына және практик-мамандардың дәріс және практикалық сабақтарды өткізуіне мүмкіндік бар, – деді Бейбіткүл Сәрсемханқызы.
</blockquote>
Салтанатты шарада Қазыбай Құдайбергенұлына облыс және қала әкімінің Құрмет грамотасы табысталды. Сонымен қатар, ҚР Жоғары оқу орындары қауымдастығының шешімімен Қазақстанның білім және ғылым жүйесінің дамуына қосқан айрықша үлесі және білікті мамандарды дайындаудағы ерен еңбегі үшін А.Байтұрсынұлы атындағы орденімен, Қорқыт ата атындағы Қызылорда университетінің «Үздік оқытушысы» медалімен, облыстық ардагерлер кеңесінің шешімімен «Облыстың құрметті ардагері» медалімен, Халықаралық «Қазақ тілі» қоғамының Құрмет грамотасымен марапатталды.
Қазыбай Құдайбергенұлы – экономика ғылымдарының кандидаты, профессор, Мәскеудегі Педагогикалық білім беру халықаралық ғылым академиясының корреспондент мүшесі.
Қазыбай Құдайбергенұлы ҚР Президентінің, ҚР кәсіподақтарының, &nbsp;облыстық және қалалық мәслихаттың, облыс әкімінің, университет&nbsp; ректорының&nbsp; алғыс хаттарымен, ҚР Конституциясының 10 жылдық мерекелік және «Ерен еңбегі үшін»&nbsp; медальдарымен марапатталған. ҚР Білім беру ісінің құрметті қызметкері әрі үздігі.
Ол Қорқыт ата атындағы Қызылорда университетінде кафедра меңгерушісі, факультет деканы, проректор, университет ректорының кеңесшісі қызметін атқарып, қоғамдық ұйымдарды басқарды. Сондай-ақ, университет жанындағы Тарих, филология және өнер ғылыми-зерттеу институтының директоры қызметін атқарған. Профессор – қазіргі уақытта Қорқыт ата атындағы Қызылорда&nbsp; университетінің ардагерлер кеңесінің төрағасы.
<img src="https://kyzylorda-news.kz/wp-content/uploads/2022/03/cf8ef35d-2540-49fc-b7f6-79f814923621.jpg" alt="" />
<img src="https://kyzylorda-news.kz/wp-content/uploads/2022/03/b2f102e3-ec08-458e-97bf-3e78747bd752.jpg" alt="" />
<img src="https://kyzylorda-news.kz/wp-content/uploads/2022/03/f2a88874-d421-43ff-9644-56ab296abc49.jpg" alt="" />

Профессор Қазыбай Құдайбергенұлы атындағы дәрісхана ашылды

<a href="https://kyzylorda-news.kz/">Kyzylorda-news.kz.</a> ҚР Қазақстан Республикасының бас мемлекеттік санитарлық дәрігері Айжан Есмағамбетова еліміздің білім беру ұйымдарының қызметіне қатысты жаңа қаулы шығарды, деп хабарлайды ҚазАқпарат.
<blockquote>
 «Жасыл» және «сары» аймақтарда әлеуметтік қашықтықты міндетті түрде сақтауға қойылатын талаптар алынып тасталсын. Күн сайынғы «кіру» сүзгісіне де (жанаспайтын термометрмен термометрия) талап қойылмайды. Сонымен қатар «Ashyq» мобильді қосымшасын пайдалану, әлеуметтік қашықтықты сақтау және термометрия жүргізу білім беру ұйымдары әкімшілігінің шешімі бойынша ерікті түрде жүзеге асырылуы мүмкін», – делінген қаулыда.
</blockquote>
Дегенмен бас санитар дәрігердің қаулысында көрсетілгендей «Ashyq» жүйесі қолданыстан мүлдем алынбайды.
<blockquote>
 «Эпидемиологиялық жағдайды бағалау матрицасына сәйкес өңір «қызыл» аймаққа ауысқан кезде меншік нысанындағы және ведомстволық тиісті білім беру ұйымдарында «Ashyq» мобильді қосымшасын міндетті түрде пайдалану, әлеуметтік қашықтықты сақтау және күн сайынғы «кіру» сүзгісін (жанаспайтын термометрмен термометрия) жүргізу қамтамасыз етіледі», – деп хабарланды.
</blockquote>
Одан бөлек, құжатта білім беру ұйымдарында санитариялық-эпидемияға қарсы шаралардың толықтай сақталу керектігі айтылған.

Білім беру ұйымдарының қызметіне қатысты бас санитар дәрігердің жаңа қаулысы шықты

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының алаңында өткен кездесуде жеке мектеп ашуға қойылатын талаптар, қаралатын қаржы және жүзеге асырылу механизмі қаралды.
Шараға Білім және ғылым министрлігіне қарасты Қаржы орталығының өкілдері Алпамыс Сатыбалдин мен Айнұр Сағындықова, аймақ кәсіпкерлері мен жергілікті білім саласының мамандары қатысты.
Кездесуде Кәсіпкерлер палатасы директорының орынбасары Пірмұхаммед Сыздықов жеке мектеп ашуға қызылордалық кәсіпкерлердің қызығушылығы жоғары екенін атап өтті.
<blockquote>
 «Білім беру жүйесінің инфрақұрылымын дамыту мақсатында Үкімет жеке мектептер мен студенттік жатақханаларды салу жобаларын жүзеге асырып жатыр. Бүгінде Қызылорда облысының өзінде кәсіпкерлер 15 жеке білім ошағын ашып, 5 жатақхана салды», – деді отырыста Пірмұхаммед Сыздықов.
</blockquote>
Қаржы орталығының департамент директоры Алпамыс Сатыбалдин жекеменшік мектептер салу және реконструкциялау жан басына шаққандағы нормативтік қаржыландыру аясында жүргізілетінін жеткізді.
Ол үшін екі түрлі төлем қолданылады: амортизациялық және операциялық. Амортизациялық шығындар реконструкция үшін 1 оқушыға 47 АЕК (144 мың теңге), құрылыс үшін 1 оқушыға 96 АЕК (294 мың теңге), ал операциялық шығындар орта есеппен 1 оқушыға 532 мың теңге көлемінде төленеді.
Мемлекеттік тапсырыс негізінде қаражат алу алгоритмі:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – «Қаржы орталығы» АҚ-мен алдын ала шарт жасау (механизм операторы);
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – мектеп салу немесе реконструкциялау (санитарлық нормаларға, ҚНжЕ және өрт қауіпсіздігіне сәйкес жүргізіледі);
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – 20 жыл мерзімге нысаналы мақсатын өзгертпеуге құқық ауыртпалығын тіркеу (ХҚКО-да тіркеу);
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – білім беру қызметімен айналысу құқығына лицензия алу кадрларды іріктеу;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Ұлттық білім беру деректер базасында (ҰБДҚ) тіркелу;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – оқушыларды қабылдау;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – мемлекеттік сатып алу веб-порталында тіркелу;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – мемлекеттік білім беру тапсырысын орналастыруға операторға өтініш жолдау;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – мемлекеттік білім беру тапсырысын орналастыруға шарт жасау.
Мемлекеттік тапсырыс нысан пайдалануға берілгеннен кейін 8 жыл ішінде жылына 1 оқушыға жобалық қуаттан аспайтын мөлшерде беріледі. Норматив оқушылардың нақты саны бойынша төленеді.
Шара барасында қызылордалық кәсіпкерлер Қаржы орталығының мамандарына салаға қатысты сұрақтарын қойып, жетілдіруге қатысты ұсыныстарын білдірді.
Аймақта жеке мектеп немесе студенттік жатақхана салуға/ашуға ниетті азаматтар қосымша сұрақтары бойынша Қызылорда облысының кәсіпкерлер палатасы мамандарына жүгіне алады. Жауапты маман Жобаларды сүйемелдеу бөлімінің бастығы Мұрат Балабай. Байланыс телефоны 8 /7242/ 40-09-81.
<img src="https://kyzylorda-news.kz/wp-content/uploads/2022/03/img_4343-scaled.jpg" alt="" />

Қаржы орталығы қызметкерлері жеке мектеп ашуға ниетті қызылордалық кәсіпкерлермен кездесті

<a href="https://kyzylorda-news.kz/">Kyzylorda-news.kz.</a> Алдағы аптада оқушыларымыздың көктемгі каникулы басталады, деп жазды ҚР Білім және ғылым министрлігінің баспасөз қызметі.
<blockquote>
 «Демалыс 2022 жылғы 19 наурыздан басталып, 30 наурызды қоса алғанда 12 күнге созылады. Оқушыларымызға осы аптада жақсы оқып, тоқсандық бағаларын жақсартуларына тілектеспін»,-делінген хабарламада.
</blockquote>

Оқушылардың көктемгі каникулы қашан басталады?

Kyzylorda-news.kz. «Сенімен Болашақ» Республикалық ата-аналар қоғамдық бірлестігі мен Қызылорда облысы әкімдігінің ұйымдастыруымен еліміздегі ата-аналар қоғамдастығы арқылы саналы ата-ана мәдениетін қалыптастыру мақсатында Қызылорда қаласында «Ата-ана-ұстаз-оқушы: болашаққа бағытталған ынтымақтастық» атты аймақтық ата-аналар форумын өткізді.
Форумның мақсаты – Баланың кемел адам болып қалыптасуында ата-ананың рөлін айқындау. Сонымен қатар елімізде көп талқыланатын тақырыптың бірі – педагог статусы мен мұғалімнің әлеуметтік жағдайының жақсаруына үн қосу. 
Ауқымды іс-шараға тіркелу оффлайн-онлайн түрде жүзеге асырылды. 
Форум үш бөлімнен тұрды: Пленарлық отырыс, Бала тәрбиесіне қатысты семинар-тренингтер, 
Ата-аналармен сұхбат.
Форум жұмысына ҚР Парламенті Мәжілісінің депутаты Саясат Нұрбек, ҚР Ақпарат және қоғамдық даму министрлігі жастар және отбасы істері комитеті төрағасының орынбасары Дамир Жүнісов, Қызылорда облысы әкімінің орынбасары Балжан Шаменова, Қызылорда облыстық мәслихатының хатшысы Наурызбай Байқадамов, Нұркен Асанов – «Сенімен Болашақ» Республикалық ата-аналар қоғамдық бірлестігінің құрылтайшысы, қоғам қайраткері Нұркен Асанов, ата-аналар, үкіметтік емес ұйымдар және т.б. қатысты.
Шараның пленарлық отырысын «Сенімен Болашақ» Республикалық ата-аналар қоғамдық бірлестігінің төрағасы Рақымбек Жолаев жүргізіп отырды.
Сонымен қатар, қатысушы ата-аналар мен қонақтарға тақырыптық спикерлердің қатысуымен төмендегідей семинар-тренингтер өткізді: 
1) Бала тәрбиесіндегі эксперт-маман, педагог Елжас Ертайұлы «Бақытты бала химиясы» тақырыбында; 
2) «Сенімен Болашақ» Республикалық ата-аналар қоғамдық бірлестігі Түркістан облыстық филиалының директоры Ақбаян Жакипова «Буллинг жəне кибербуллингті болдырмауда ата-ананың рөлі» тақырыбында; 
3) Қорқыт ата атындағы Қызылорда университетінің профессоры Рабиға Игенбаева «Еркін тəрбие: проблемалар мен шешу жолдары» тақырыбында өз ойларымен бөлісті.
Шара соңында сарапшы мамандар ата-аналардың сұрақтарына жауап беріп, кері байланыс жұмыстарын жүргізеді. Шараға еліміздің барлық облыстарынан зум платформасы арқылы ата-аналар қатысты.
<img src="https://kyzylorda-news.kz/wp-content/uploads/2022/03/img-20220312-wa0015.jpg" alt="" />
<img src="https://kyzylorda-news.kz/wp-content/uploads/2022/03/img-20220312-wa0014.jpg" alt="" />

Қызылордада ата-аналар форумы өтті

Kyzylorda-news.kz. ҚР Білім және ғылым министрінің кеңесшісі, «Республикалық қосымша білім беру оқу-әдістемелік орталығы» республикалық мемлекеттік қазыналық кәсіпорнының директоры Раиса Шер университеттегі жастар ұйымдарының жұмысымен танысты.
Студенттер сарайында өткен жиын барысында Раиса Петровна университеттегі «Бизнес-старт» жастар кәсіпкерлігі орталығының резиденттері, «Ақиқат» саяси пікір-сайыс клубы, «Студенттік Парламент», «Жайдарман», «КТА» және «Жауқазын» студенттер театры, «Алтын домбыра», «Сырлы қалам», «Кітап құрттары» және «Book club» ұйымдарының мүшелерімен кездесті.
Жиын барысында университеттің Басқарма Төрағасы – Ректоры Бейбіткүл Кәрімова студенттік өзін-өзі басқару жүйесі – болашақ мамандардың әлеуметтік белсенділігін көтерудің ең маңызды жолы екенін атап өтті.
<blockquote>
 “Университетте 2004 жылы ашылған “Ақиқат” саяси пікірсайыс клубы – ұшқыр ойлы көшбасшылардың мектебі. Бүгінде бұл ортада шыңдалып, үлкен жетістіктерге жеткен түлектер өте көп. Ұйымның барлық институтта бөлімшелері ашылды. Клуб мүшелері Қызылорда қаласындағы мектептермен тығыз байланыста. Бүгінде 25 мектепте филиалы бар. Филиалдар бойынша 250-ден астам оқушы тіркеліп, жұмыс жасауда. Жыл соңына дейін тағы да 20 мектепте филиал ашу жоспарлануда”, – деді «Ақиқат» саяси пікірсайыс ұйымының төрағасы Айжан Орынбасар.
</blockquote>
Жиында Раиса Шер дебат клубтары еліміздің әр аймағында жандана түскенін атап өтті.
<blockquote>
 “Пікірсайыс ең алдымен жастардың білімді болуына ықпал етіп, көшбасшылыққа баулиды. Сенімділікті арттырып, дипломатиялық қасиеттеріңіздің дамуына әсер етеді. Көшбасшылық қасиет сіздерге өмір бойына көмектесетін болады. 
 Университетте жастардың сапалы білім алуына, мәдени, спорттық шараларға қатысуына, студент кезден-ақ кәсіпкер атануына қолайлы жағдай жасалғаны қуантып отыр. Бұл – сіздер үшін үлкен мүмкіндік”, – деді Райса Шер.
</blockquote>
Бүгінде университет Қазақстан Республикасының үздік көпбейінді жоғары оқу орындарының ұлттық рейтингісі бойынша ондыққа кіреді. Оқу ордасында студенттердің білім ала жүріп ғылыми ізденістер жасауы, қоғамдық шараларға белсене қатысуы, шығармашылық қабілеттерін дамытуы, кәсіпкерлік салаға бейімделуі үшін жұмыстар жүйеленген. Қазіргі уақытта 22 жастар ұйымы жұмыс жасайды.
Университеттің негізгі мақсаттарының бірі – сапалы маман даярлаумен қатар, өзін-өзі жұмыспен қамтыған кәсіпкер тәрбиелеу. Оқу орнында ІТ саланы игеріп, бизнес бастаймын деген жастарға нақты қолдау бар. Студенттер арасында кәсіпкерлікті дамыту үшін «Business-START» жастар кәсіпкерлігі орталығы жұмыс істейді. Қазіргі уақытта бизнес-инкубатор резиденттері 40 студентті тіркеді. Оқу орны тарапынан жас кәсіпкерлерге тиімді түрде жұмыс орны беріліп, жобаларына инвестор тарту бойынша қолдау көрсетіледі.
2020 жылы университет пен Astana Hub халықаралық технопаркі арасында ынтымақтастық туралы меморандум жасалды. Меморандум нәтижесінде облысымыздағы инновациялық жобаларды дамыту мақсатында бірлескен түрде жұмыстар жүргізілуде. Бұл студенттер үшін инновациялық жобаларын халықаралық деңгейге шығаруға бағытталған үлкен мүмкіндік деуге болады.
Жиын «Дидар» халықтық фольклорлы-этнографиялық ансамблі және вокальды-аспапты ансамбльдің бірлескен концертімен қорытындыланды.
<img src="https://kyzylorda-news.kz/wp-content/uploads/2022/03/p1700748-scaled.jpg" alt="" />
<img src="https://kyzylorda-news.kz/wp-content/uploads/2022/03/p1700733-scaled.jpg" alt="" />
<img src="https://kyzylorda-news.kz/wp-content/uploads/2022/03/p1700671-scaled.jpg" alt="" />

Жастар ұйымдары жаңа жобаларды жүзеге асыруда

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің жас ғалымдары АҚШ-тың Мичиган мемлекеттік университетімен бірлесіп, құны 38 мың долларды құрайтын жаңа гранттық жобаны ұтып алды.
Жобаның негізгі мақсаты – экология, қоршаған орта саласы бойынша жас ғалымдардың білімін тереңдету мен оқытушы профессорлық құрамның біліктілігін арттыруға бағытталған.
<blockquote>
 «Біздің ғалымдар жоба аясында АҚШ-тың іргелі оқу орындарымен тәжірибе алмасып, экология саласының оқытылу процесімен таныспақ. Аталған жоба екі ел университеттері арасындағы ынтымақтастықтың артуына және студенттердің жоғары тәжірибе алмасуына ықпал етеді. Жоба барысында жас ғалымдарға он күн бойы Мичиган мемлекеттік университеті, Вашингтон, Оңтүстік Дакота, Майн және Нью-Йорк қалаларындағы Пэйс университеттерінің профессорлары офлайн форматта дәрістер өткізіп, Арал теңізі жанына барып дала жұмыстарына зерттеу жүргізеді. Бұл жоба АҚШ-тың елшілігі тарапынан қаржыландырылады», – деді Қорқыт ата атындағы ҚУ-дың халықаралық байланыстар бөлімінің басшысы Гүлназия Әлмаханова.
</blockquote>
Айта кетейік, жобаға еліміздегі бірқатар жоғары оқу орындарын қатыстыру жоспарлануда.
<img src="https://kyzylorda-news.kz/wp-content/uploads/2022/03/275674683_1488141491581358_5335378104021935476_n.jpg" alt="" />

Қазақстан және Қызылорда облысының жаңалықтары: Білім