<a href="https://kyzylorda-news.kz/">Kyzylorda-news.kz</a> &nbsp;Сырдария ауданындағы "Руханият" орталығында аудан әкімі Берік Сәрменбаевтың қатысуымен Чернобыль апатының зардаптарын жоюға қатысқан ардагерлерге арналған тағылымды кездесу өтті. Іс-шараға аудан ардагерлері, мекеме басшылары, жастар және аудан тұрғындары қатысты.Кездесу барысында аудан басшысы 40 жыл бұрын орын алған апаттың себеп-салдарына кеңінен тоқталып, оның адамзат пен қоршаған ортаға тигізген ауыр зардаптарын атап өтті.<blockquote>– Мемлекет басшысы Қасым-Жомарт Тоқаев «Біз Чернобыль апатының зардаптарын жоюға атсалысқан азаматтардың ерлігін әрдайым жоғары бағалаймыз. Олардың жанқияр еңбегі мен батылдығы – кейінгі ұрпаққа үлгі» деп атап көрсетті. Радиоактивті сәуленің аса қауіпті зардаптары мыңдаған адамның өміріне үлкен қауіп төндірді. Бұл апат табиғатқа да, адамзатқа да орасан зиян келтірді. Осындай ауыр кезеңде өз өмірін қатерге тігіп, апаттың зардаптарын жоюға қатысқан азаматтардың ерлігі өлшеусіз. Сіздер уақытпен санаспай, қауіптен тайсалмай, адамзат алдындағы борыштарыңызды бәрінен жоғары қойдыңыздар. Бұл – шынайы патриотизм мен азаматтық жауапкершіліктің айқын көрінісі. Біздің ауданымыздан аталған апатты жоюға 43 азамат қатысса, бүгінгі күні олардың 12-сі ортамызда. Сіздердің ерліктеріңізді ұлықтау және оны жас ұрпақтың санасына сіңіру – аса маңызды міндет, – деді Берік Әбдіғаппарұлы.</blockquote>Чернобыль апатының зардаптарын жоюға қатысқан ардагерлерге арнайы төсбелгілер табысталып, сый-құрмет көрсетілді.Аудандық ардагерлер кеңесінің төрағасы Мұса Келдібаев сөз сөйлеп, Чернобыль апатының зардаптарын жоюға қатысқан азаматтардың ерлігі ешқашан ұмытылмайтынын атап өтсе, зардапты жоюға қатысқан ардагерлер ұсыныс-пікірлерін жеткізіп, көрсетілген құрмет үшін алғыстарын білдірді.Фото: Сырдария ауданы әкімінің баспасөз қызметі

Чернобыль апатының жоюға қатысқан ардагерлерге құрмет көрсетілді

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінде цифрлық технологиялар және педагогтерді даярлаудағы EdTech бағыттарын дамытуға арналған Қазақ ұлттық қыздар педагогикалық университеті жанындағы 012 – мектепке дейінгі тәрбиелеу және оқыту педагогикасы, 013 – пәндік мамандандырылмаған мұғалімдерді даярлау, 018 – әлеуметтік педагогика мамандарын даярлау бағыттары бойынша оқу-әдістемелік бірлестігінің көшпелі отырысы өтті. &nbsp;Жиынның ашылуында Қазақ ұлттық қыздар педагогикалық университетінің Басқарма төрағасы – ректор Бейбіткүл Каримова алғы сөз сөйледі. Ол өз сөзінде цифрлық технологиялар білім беру жүйесінің ажырамас бөлігіне айналып, ауқымды өзгерістерге жол ашып отырғанын атап өтті. ҚР Оқу-ағарту министрлігінің 2026 жылғы деректеріне сәйкес, елімізде 841 мың ашық педагогикалық вакансия тіркелгенін, оның ішінде әлеуметтік педагог пен педагог-психолог мамандары да бар екенін айтты. Сондай-ақ, бүгінгі кездесу білім беру жүйесіндегі стратегиялық маңызы бар заңнамалық өзгерістерді талқылауға арналған маңызды бақосу екенін айтты.Келесі сөз кезегінде университеттің Басқарма төрағасы – ректор Наурызбай Байқадамов жиынның маңыздылығына тоқталып, оқу орнында цифрлық білім беру платформалары енгізіліп, онлайн курстар әзірленіп жатқанын және оқытушылардың цифрлық құзыреттілігін арттыруға бағытталған арнайы бағдарламалар жүзеге асырылып жатқанын атап өтті. Оның айтуынша, алдағы уақытта педагогтерді даярлау жүйесінде EdTech мүмкіндіктерін тиімді пайдалану жұмыстары жалғасады. Басты мақсат – халықаралық стандарттарға сай, бәсекеге қабілетті, заманауи педагог кадрларды даярлау.Жиын аясында мазмұнды баяндамалар ұсынылды. Жоғары және жоғары оқу орнынан кейінгі білім комитетінің төрағасы Гүлжан Жарасова «Педагогтерді даярлау: өзекті мәселелер» тақырыбында баяндама жасап, білім беру жүйесіне жасанды интеллектіні енгізу, сондай-ақ оқушылар мен студенттердің цифрлық дағдылары мен IT құзыреттерін дамыту қажеттігін атап өтті.ҚР Оқу-ағарту министрлігінің Мектепке дейінгі білім беру департаментінің директоры Манара Адамова «Мектепке дейінгі білім беру саласының дамуындағы басым бағыттар және педагогтың кәсіби дайындығы» тақырыбында баяндама жасап, қазіргі мектепке дейінгі білім беру педагогтарының цифрлық құзыреттіліктеріне қойылатын талаптарды жан-жақты түсіндірді.Халықаралық және отандық сарапшылар да өз тәжірибелерімен бөлісті. Anikó Nagy Varga (онлайн) «Жасанды интеллект дәуірінде ерте жастағы балаларды оқытуды қалыптастыру: ықпалы, құралдары және этикалық мәселелері» тақырыбында баяндама жасады.Сондай-ақ, Қазақстан Республикасы Ғылым және жоғары білім министрлігінің Жоғары білімді дамыту ұлттық орталығы директорының орынбасары Ботагөз Бермұхамбетова «Болашақ зерттеу тәжірибелері: студенттер мен оқытушылардың ғылыми жұмысында жасанды интеллекттің рөлі» тақырыбында баяндама жасады.Аталған көшпелі отырыс педагог кадрларды даярлау сапасын арттыру, білім беру мазмұнын жаңғырту және цифрлық технологияларды тиімді енгізу бағытындағы өзекті мәселелерді талқылауға арналды.

Цифрлық білім беру және EdTech: Педагог кадрларды даярлаудың жаңа бағыттары

<a href="https://kyzylorda-news.kz/">Kyzylorda-news.kz</a>&nbsp; Шиелі ауданы әкімі Айтбай Жандарбековтың қатысуымен Жөлек ауылдық округіндегі «Шолпан ана» шаруа қожалығының егіс алқабында алғашқы дән себіліп, «ДАЛА КҮНІ – 2026» атты көктемгі дала жұмыстарының басталуына арналған салтанатты шара өтті.Шараға мәслихат депутаттары, аудан ардагерлері, зиялы қауым өкілдері және шаруа қожалықтардың жетекшілері қатысты.Ашық аспан астында өткен шарада сөз сөйлеген аудан әкімі:<blockquote>— “Берекелі «Дала күні» аясында көктемгі егіс науқанына сәтті қадам басып отырмыз. Тіршіліктің тамыры – жер десек, сол жерге дән сеуіп, ел ырысын еселеп жүрген диқан қауымының еңбегі әрдайым құрметке лайық.42 Еңбек Ерінің отаны атанған киелі Шиелі өңірінде дихандар ауыл шаруашылығы саласын әртараптандырып, өнім көлемін арттыру бағытында жүйелі жұмыстар жүргізуде.Мемлекет басшысы Қасым-Жомарт Кемелұлы Тоқаевтың, Үкіметтің және облыс әкімі Нұрлыбек Машбекұлының қолдауының арқасында ауданның аграрлық саласы қарқынды дамып, заманауи технологиялар кеңінен енгізілуде, - деді аудан басшысы.</blockquote>Аудан бойынша бүгінде 1497 шаруа қожалығы тіркелсе, оның 217-сі егін шаруашылығымен айналысады. Ауданымыз бойынша биылғы жылы 31 213 гектарға егін дақылдарын егу межеленіп отыр. Оның ішінде басты дақылымыз Сыр салысы - күріш дақылы 10 600 гектарға, бидай 1623 гектарға, тары 200 гектарға, жүгері 2000 гектарға, мақсары 1000 гектарға, күнбағыс 10 гектарға, соя 70 гектарға, мал азығы дақылдары 10 680 гектарға, картоп, көкөніс, бақша дақылдары 5030 гектарға егу көзделуде.<img src="https://knadmin.beoblood.kz/uploads/Egiske_al_ash_y_d_n_sebildi_f8e8df85a6.jpg" alt="Егіске алғашқы дән себілді.jpg">Ал, егіс алқаптарына қажетті 15 300 тонна минералдық тыңайтқыш пен 13 547 литр гербицид толық қамтамасыз етілген.Сонымен қатар, соңғы жылдары ауыл шаруашылығы техникалары айтарлықтай жаңарып, шаруашылықтар заманауи комбайндар мен тракторлар сатып алуда. Нәтижесінде, соңғы 4 жылда техника паркі 68,5 пайызға жаңарған. Биылғы науқанға 703 дана ауыл шаруашылығы техникасы жұмылдырылған.Су ресурстарын тиімді пайдалану бағытында да ауқымды жұмыстар жүргізілуде. Атап айтқанда, "Таң LTD" ЖШС-і 1000 гектар жерге жүгері дақылын тамшылатып суару әдісімен ексе, "Центр Семеноводства" ЖШС-і тағы 1000 гектар жерге осы жүгері дақылын жаңбырлатып суару тәсілімен егуде. Сондай-ақ, ауданымызда 3100 гектар жерге тамшылатып суару әдісімен бау-бақша дақылдары да егілуде.Су үнемдеу шаралары тек жаңа технологиямен шектелмей, агротехникалық тәсілдермен де толықтырылуда. Биыл 10 мың гектар жер лазерлік тегістеуден өткізіліп, бұл жұмыстарға 45 заманауи техника тартылған.Су жеткізу бағытында «Шиелісушар» өндірістік учаскесі тарапынан каналдарды тазалау және қалпына келтіру жұмыстары жүргізілді. Сондай-ақ, «Базар арығы» каналына темір-бетонды науалар орнатылуда.Шара соңында алқапқа алғашқы дән себіліп, көктемгі егіс науқаны ауданымызда ресми түрде бастау алды. Бұл – берекелі тірліктің бастауы, диқан қауымының маңдай тері мен қажырлы еңбегінің алғашқы қадамы. Ақ дән жерге сіңіп, мол өнімге ұласып, ел ырысын арттырып, қамбамызды астыққа толтырсын деген ақжарма тілектер айтылды.Фото:&nbsp;Шиелі ауданы әкімнің баспасөз қызметі

«Дала күні – 2026»: Егіске алғашқы дән себілді

<a href="https://kyzylorda-news.kz/">Kyzylorda-news.kz</a> Қызылорда қаласындағы педагогикалық жоғары колледжінің базасында студенттермен мерзімді әскери қызметті насихаттау және әскери оқу орындарына түсу бағыты бойынша кешенді үгіт-насихат жұмыстары жүргізілді.Шараға Қызылорда облысының қорғаныс істері жөніндегі департаменті бастығының орынбасары, подполковник Е.С. Өткелбаев, «Қарулы Күштері ардагерлері» РҚБ филиал төрағасы, отставкадағы подполковник М.С.Ршауов және Қызылорда қаласының қорғаныс істері жөніндегі басқарма инспекторы А.Ж.Бердібаева қатысты.Кездесу барысында мерзімді әскери қызметтің келесі маңызды бағыттары егжей-тегжейлі баяндалды:Білім беру саласындағы жеңілдіктер:Мерзімді әскери қызметін өтеген азаматтар үшін еліміздің жоғары оқу орындарына ҰБТ-сыз, ақылы негізде түсуге мүмкіндік беріледі. Ал қызмет барысында жоғары көрсеткіш көрсеткендер мемлекеттік білім беру грантын (тегін оқу) иелене алады. Бұл — педагогикалық мамандықтың жоғары курстарында оқитын немесе бітіруші түлектер үшін үлкен мүмкіндік.Қаржылық қолдау (Несие каникулы):Әскерге шақырылған азаматтардың мерзімді қызмет атқару кезеңінде және одан кейін 60 күн ішінде банктер мен микроқаржы ұйымдарындағы несиелері бойынша төлемдерін кейінге қалдыру мүмкіндігі қарастырылған. Бұл жеңілдік сарбаздың отбасына түсетін қаржылық жүктемені азайтады.Әлеуметтік кепілдіктер:Мерзімді әскери қызметшілер толықтай мемлекет есебінен киім-кешекпен, тамақпен және медициналық көмекпен қамтамасыз етіледі. Сонымен қатар, мерзімді қызметтен кейін келісімшарт бойынша әскери қызметке орналасуға немесе құқық қорғау органдарында жұмыс істеуге басымдық беріледі.Жоғары әскери оқу орындары:Студенттерге еліміздегі және шетелдегі мамандандырылған әскери институттарға түсу талаптары, оқу кезіндегі толық мемлекеттік қамтамасыз ету және болашақ офицерлік мансаптың артықшылықтары туралы ақпараттық парақшалар таратылды.Мақсат — болашақ педагогтердің құқықтық сауаттылығын арттырып, оларды Отан алдындағы борышты өтеудің маңыздылығымен таныстыру.

Колледж студенттеріне мерзімді әскери қызметтің артықшылықтары түсіндірілді

<a href="https://kyzylorda-news.kz/">Kyzylorda-news.kz</a>&nbsp; Арал ауданының прокуроры Дарын Әбіш қалада жүзеге асырылып жатқан бірқатар инвестициялық жобалардың жұмысымен танысты.Аудандық кәсіпкерлік және өнеркәсіп бөлімінің басшысы Р. Жанаев ауданда қолға алынып жатқан өзге де жұмыстар жөнінде баяндап, ауқымды жобалардың басым бөлігі биыл аяқталып, іске қосылатынын жеткізді.Алдымен прокурор түйе сүтінен құрғақ ұнтақ өндіретін зауытқа барды. Жоба бастамашысы «Qazaq Camel» ЖШС. Кәсіпорын жылына 392 тонна өнім шығаруды жоспарлап отыр. Зауыт құрылысына 3 млрд теңге инвестиция салынған. Оның 1,8 млрд теңгесі мемлекеттік қолдау (жеңілдетілген несие), ал 1,2 млрд теңгесі жеке қаражат.Негізгі өндірістік ғимараттың құрылысы мен құрал-жабдықтарды орнату жұмыстары толық аяқталған. Қазіргі таңда 13 Қытай азаматы монтаждау жұмыстарын жүргізуде.Ұлы Жібек жолының бойында қарқынды жүргізіліп жатқан жобалардың бірі – «Алаш Метан» ЖШС-нің метан газ құю бекеті. Аудан прокурор нысан басында мердігер мекеменің өкілдерімен кездесіп, жұмыс барысымен танысты.Қазіргі уақытта метан газ құю қондырғылары орнатылып, қосымша ғимарат құрылысы жүргізілуде. Жобаның жалпы құны – 600 млн теңге. Іске қосылған кезде 10 адамды тұрақты жұмыспен қамту жоспарланған. Бекет тәулігіне 200 автокөлікке қызмет көрсетуге қауқарлы және осы жылы пайдалануға беріледі деп күтілуде.Мұнан соң «Эко Энерджи Плюс» ЖШС-нің «Арал ауданында автомобиль газ толтыру компрессорлық станциясы бар көпфункционалды жол бойындағы кешен салу» жобасы аясында салынып жатқан метан газ құю бекетінде болды.Аудан прокуроры құрылыс алаңында жоба жұмыстарының барысымен танысты.Жалпы құны 1 млрд теңгені құрайтын бұл инвестициялық жоба аймақта алғашқылардың бірі болып жүзеге асырылуда. Қазіргі таңда кешеннің бірінші кезеңі іске қосылып, 15 адам жұмыспен қамтылған. Сонымен қатар 2026 жылдың сәуір айында қосымша құрылыс жұмыстары басталып, автомобиль жолын салу жұмыстары жүргізілуде.Кешеннің жылдық қуаттылығы 12 мың автокөлікті метан газымен қамтамасыз етуге мүмкіндік береді.Аудан прокуроры Дарын Елтайұлы жобаларды жүзеге асыру барысында ең алдымен қауіпсіздік талаптарын қатаң сақтау қажеттігін атап өтті. Сонымен қатар сапаға ерекше мән беріп, өндіріс көлемін арттырудың маңыздылығын жеткізді.

Аудан прокуроры қаладағы бірқатар инвестициялық жобалардың жұмысымен танысты

<a href="https://kyzylorda-news.kz/">Kyzylorda-news.kz</a> Қазалы ауданында Қазақстан Республикасы Тәуелсіздігінің 35 жылдығына орай Қазақстан Композиторларының «Көк байрағым, желбіре!» атты фестиваль-концерті өтті.Роза Бағланова атындағы аудандық мәдениет орталығында өткен концертте ҚР Композиторлар Одағының құрметті төрағасы, ҚР Мемлекеттік сыйлығының лауреаты, «Құрмет» және «Парасат» ордендерінің иегері Балнұр Балғабекқызының, ҚР Композиторлар Одағының басқарма мүшесі, ҚР «Мәдениет қайраткері», Қазалы ауданының Қорқыт Ата атындағы өнер мектебінің директоры, аудандық мәдениет орталығының жанындағы аудандық «Мырза» атындағы халық аспаптар оркестрінің және «Қорқыт сазы» ансамблінің көркемдік жетекшісі Сәукен Әлмамбетұлының және халықаралық және республикалық конкурстардың лауреаты, облыстық филармония жанындағы Тұрмағанбет атындағы халық аспаптар оркестрінің бас дирижері Руслан Серікқалиұлының таңдаулы туындыларын «Мырза» халық аспаптар оркестрі орындады.Фестиваль-концертте өнер майталмандарының «Бөрілі менің байрағым», «Ақтайлақ», «Концерттік вальс», «Алтай-Атырау арасы», «Туған жерім - Күреңбел», «Қырғыз күй», «Сыр шертпе», «Қазақ елі» толғауы, «Дала үні», «Ұлы дала қыпшақтары» сынды шығармалары қазалылық көрерменге ұсынылды.Кеш соңында аудан әкімі Алмасбек Есмаханов сөз сөйлеп, ежелден өнер қонған қасиетті Қазалы жерінде ел Тәуелсіздігінің 35 жылдығына орай өткізіліп жатқан концерттің ұйымдастырушыларына және «Мырза» халық аспаптар оркестрінің ұжымына аудан жұртшылығының атынан шынайы алғысын жеткізді.ҚР Композиторлар Одағының құрметті төрағасы Балнұр Балғабекқызына аймақ басшысы Нұрлыбек Нәлібаевтың «Алғыс хатын» табыстап, иығына камзол мен жаулық жауып сый-құрмет көрсетті. Концерттік кеште Сәукен Әлмамбетұлы мен кештің дирижері Руслан Серікқалиұлы да жиылған жұртшылықтың зор қошеметіне бөленді.Еліміздің ең қастерлі құндылығы – Тәуелсіздігіміздің 35 жылдығына арналған ауқымды мәдени шара – ұлттық өнеріміздің мәңгілік екенін, рухани құндылықтарымыздың ешқашан өлмейтінін айшықтайтын тағылымды кеш болды.

Қазалыда «Көк байрағым, желбіре!» атты фестиваль-концерт өтті

<a href="https://kyzylorda-news.kz/">Kyzylorda-news.kz</a> Шиелі кентінің тұрғыны, жеке кәсіпкер Есенов Нұрбол Кенжебекұлы «ORDA» сауда маркасымен дәретхана қағазы мен қағаз майлықтарын өндірумен айналысады.Отандық өнім өндіруді мақсат еткен кәсіпкер 2025 жылы «Қызылорда» өңірлік инвестициялық орталығы арқылы жылдық 6%-бен 50 млн. теңге көлемінде жеңілдетілген несие алған. Несие қаражаты есебінен өндіріске қажетті заманауи құрал-жабдықтар мен өндірістік желілер сатып алынып, цех жұмысы жолға қойылған.Өндірісте шикізат ретінде экологиялық таза табиғи целлюлоза пайдаланылады. Шикізат көрші Өзбекстан Республикасынан жеткізіледі.Бүгінде цехта тәулігіне 3000 данадан астам дәретхана қағазы мен қағаз майлықтары өндіріледі. Әрбір қаптамада 10-нан 24 данаға дейін дәретхана қағазы болады.Қазіргі таңда Шиелі кентінде шығарылатын «ORDA» өнімдері Қызылорда қаласы мен көршілес аудандарға жеткізілуде. Кәсіпкер 4 адамды тұрақты жұмыспен қамтып отыр."Қызылорда" өңірлік инвестициялық орталығының" мақсаты – шағын және орта бизнесті қолдау, жаңа кәсіпорындар мен жұмыс орындарын құру. «Қызылорда» өңірлік инвестициялық орталығы – өңір кәсіпкерлерінің жобаларын жеңілдетілген несиемен қамтамсыз етіп, бизнестің экономикалық белсенділігін дамыту және жаңадан шағын және орта кәсіпкерлік субъектілерінің қалыптасуына өз үлесін қосып келеді.

Шиеліде «Orda» Брендімен қағаз өнімдерін шығаратын цех жұмыс жасауда

<a href="https://kyzylorda-news.kz/">Kyzylorda-news.kz</a> Байқоңыр қаласына сапары барысында «AMANAT» партиясы Қызылорда облыстық филиалының төрағасы Жандос Базартай, партия филиалы жанындағы Жастарды қолдау жөніндегі кеңес төрағасы, Қазақстан Заңгерлер Одағының мүшесі, «Әділет» құқықтық қызмет көрсету орталығының жетекшісі Даулет Ізбасарұлы «Будущее Байконура» жастар бастамаларын қолдау орталығының 6 жылдығына арналған мерекелік іс-шараға қатысты.Салтанатты жиында орталықтың есепті кезеңде атқарған жұмыстары қорытындыланып, жастарды қолдау бағытындағы жетістіктері таныстырылды.Іс-шарада «AMANAT» партиясы облыстық филиалының төрағасы Жандос Базартай құттықтау сөз сөйлеп, жастар саясатын жүзеге асырудағы партияның рөліне тоқталды.<blockquote>«Жастар саясатын тиімді жүзеге асыруда «AMANAT» партиясының рөлі ерекше. Осы бағытта ынтымақтастықты нығайту, кері байланысты дамыту және өзара байланысты күшейту-ортақ міндетіміз. Жастар арасындағы достық қарым-қатынасқа қолайлы ортаны қалыптастыру, халықтардың мәдени құндылықтары мен дәстүрлерімен алмасу, жастар саясаты саласындағы іс-шараларды жүйелі түрде әзірлеу және іске асыру, әлеуметтік маңызы бар жобалар мен еріктілік бағдарламаларын дамыту, мүмкіндігі шектеулі жандарды қоғамға бейімдеуді қамтамасыз ету, сондай-ақ жастарды әлеуметтік мәселелерге тарту және белсенді өмірлік ұстанымды насихаттау-біздің басты басымдықтарымыздың бірі. Алдағы уақытта да бірлескен жұмысты жалғастырып, жастардың жан-жақты дамуына бағытталған жобаларды қолдауға дайынбыз», – деді төраға Жандос Базартай.</blockquote>Өз кезегінде Байқоңыр қаласы әкімшілігі басшысының орынбасары Сергей Волков және орталық басшысы Александр Радаев орталықтың өңір жастары үшін маңыздылығын атап өтті.Сондай-ақ, орталықтың 6 жылдығына орай және әлеуметтік маңызы бар шаралар мен еріктілік бағдарламаларын жүзеге асыру, мүмкіндігі шектеулі жандарды қоғамға бейімдеу бағытында атқарылған жұмыстары үшін бірқатар белсенділер арнайы естелік медальдармен және &nbsp;«AMANAT» партиясы Қызылорда облыстық филиалының «Алғыс» хаттарымен марапатталды.Алдағы уақытта да Байқоңыр қаласында жастар саясатын тиімді жүзеге асыру бағытындағы бірлескен жұмыстар жалғасып, жас ұрпақтың әлеуетін арттыруға бағытталған жаңа бастамаларға қолдау көрсетілетін болады.

Байқоңырда жастарды қолдау және өзара ынтымақтастық жұмыстары жалғасуда

<a href="https://kyzylorda-news.kz/">Kyzylorda-news.kz</a> Байқоңыр қаласында «AMANAT» партиясы Қызылорда облыстық филиалының төрағасы Жандос Базартай және Қазақстан Заңгерлер Одағының мүшесі, «Әділет» құқықтық қызмет көрсету орталығының жетекшісі Дәулет Ізбасарұлының қатысуымен «Құқықтық көмек» партиялық жобасы аясында тақырыптық қабылдау ұйымдастырылды.Қабылдау барысында азаматтар түрлі әлеуметтік-құқықтық мәселелер бойынша өтініштерін білдірді. Атап айтқанда, тұрғын үй кезегі, әлеуметтік төлемдер, жеке кәсіпкерлікке қатысты құқықтық сұрақтар, сондай-ақ мүлікке байланысты салық мәселелері көтерілді.Әрбір өтініш мұқият тыңдалып, қолданыстағы заңнама аясында жан-жақты түсіндірмелер берілді.Келіп түскен сұрақтардың бірі І топ мүгедектігі бар, Чернобыль апатының ардагері санатындағы азаматтарға тұрғын үйдің кезектен тыс немесе басым тәртіппен берілу мүмкіндігіне қатысты болды. Бұл бағытта заңмен белгіленген нормалар мен талаптар түсіндірілді.Сондай-ақ, жеке кәсіпкер ретінде жақында ғана жұмысын бастаған азаматшаның декреттік төлем тағайындау тәртібі жөніндегі сұрағы қаралды. Бұл ретте әлеуметтік төлемдерді тағайындау шарттары мен міндетті әлеуметтік сақтандыру жарналарының маңыздылығына назар аударылды.Қабылдау қорытындысы бойынша тұрғындардың өтініштерін оңтайлы шешу бақылауға алынып, тиісті мемлекеттік органдармен бірлесіп жұмыс жүргізу қажеттігі атап өтілді.«Бүгін ұйымдастырылған “Құқықтық көмек” партиялық жобасы аясындағы тақырыптық қабылдау азаматтардың өзекті мәселелерін заң аясында шешуге бағытталған маңызды алаң. Біз үшін әрбір тұрғынның өтініші мен ұсынысы маңызды. Қоғамдағы кез келген мәселе ашық айтылып, заң шеңберінде шешімін табуы тиіс. Әсіресе әлеуметтік қолдау, тұрғын үй мәселесі, жұмыспен қамту және әлеуметтік төлемдер сияқты бағыттарда түсіндіру жұмыстарын күшейту қажет. Бүгін көтерілген әрбір мәселе назардан тыс қалмайды. Біз тиісті мемлекеттік органдармен бірлесіп, нақты шешімдер қабылдауға жұмыс жасаймыз», – деді төраға Жандос Базартай.Азаматтардың құқықтық сауаттылығын арттыру және өзекті мәселелерін шешуге ықпал ету – мұндай қабылдаулардың басты мақсаты болып қала береді.

“AMANAT”:Құқықтық көмек көрсетілді

<a href="https://kyzylorda-news.kz/">Kyzylorda-news.kz</a> Қызылорда қаласында облыстық татар этномәдени орталығының 35 жылдық мерейтойына арналған салтанатты шара ұйымдастырылды. Мерейтой аясында орталықтың көпжылдық қызметі, өңірдің қоғамдық келісімі мен этносаралық татулықты нығайтуға қосқан сүбелі үлесі кеңінен насихатталды.Салтанатты кеш орталықтың 35 жылдық тарихынан сыр шертетін бейнероликпен басталды. Одан кейін татар этномәдени орталығының құрылу кезеңін бейнелейтін театрландырылған көрініс ұсынылды. Көрермендерге орталықтың қалыптасу жолы, оның негізгі мақсат-міндеттері мен атқарған жұмыстары жан-жақты таныстырылды.Шара барысында сөз алған Қызылорда облыстық қоғамдық даму басқармасының басшысы Руслан Каюпов этномәдени бірлестіктің өңірдегі қоғамдық келісім мен бірлікті нығайтудағы рөліне тоқталып, мерейтой иелерін құттықтады. Ол татар этномәдени орталығының ұлттық құндылықтарды сақтап, ұрпақ сабақтастығын жалғастыруда, сондай-ақ этносаралық татулықты нығайтуда айрықша еңбек сіңіріп келе жатқанын атап өтті.Сонымен қатар, Руслан Мұхамедәліұлы Қазақстан халқы Ассамблеясының XXXIV сессиясында Мемлекет басшысы жүктеген міндеттер аясында өңірде бірқатар маңызды бастамалар жүзеге асып жатқанын жеткізді. Атап айтқанда, облыс әкімі Нұрлыбек Нәлібаевтың қолдауымен Қызылорда қаласында жаңа Достық үйі бой көтергенін атап өтті. Бұл – өңірдегі қоғамдық келісімді нығайтуға, этномәдени бірлестіктердің жұмысын жандандыруға және этносаралық ынтымақтастықты одан әрі дамытуға бағытталған маңызды қадам.Мерекелік жиында Татарстан Дүниежүзілік конгресі Атқару комитеті мен Татарстан Республикасының Қазақстан Республикасындағы Өкілетті өкілдігі тарапынан да бірқатар азаматтар арнайы марапаттарға ие болды.Кеш аясында татар этномәдени орталығының 35 жыл ішіндегі атқарған ауқымды жұмыстары сараланды. Орталықтың бастамасымен жүзеге асқан тарихи-танымдық, мәдени-ағартушылық жобалар мен игі істер көпшілік назарына ұсынылды. Атап айтқанда, көрнекті педагог Нағима Ахмадеева есімін ұлықтау, қоғам қайраткерлері Фарит Фаткульдинов, Фаат Китаев, Фуат Сайфельмулюков, Камал Шүкенов және Батырхан Шүкенов сынды тұлғалардың есімдерін дәріптеу бағытында атқарылған жұмыстар кеңінен айтылды.Сондай-ақ, татар этносының мәдени мұрасын насихаттаудағы маңызды жобалар – «Сабантой» мерекесі, «Татарча диктант» халықаралық акциясы, «Тақиямен жүгіру» спорттық шарасы, «Еңбектеу жарысы» отбасылық жобасы және басқа да дәстүрлі іс-шаралар таныстырылды. Өткен жылы Сыр өңірінде «Сабантой» мерекесінің 20 жылдығы да кең көлемде аталып өткенін ерекше атап өткен жөн.Мерейтой барысында татар этномәдени орталығы жанынан құрылған «Сарман» вокалдық ансамблі мен «Жасмин» би тобының шығармашылық жетістіктері де ерекше аталып өтті. Бұл ұжымдар ширек ғасырдан астам уақыт бойы өңірдің мәдени өміріне белсенді араласып, түрлі байқаулар мен фестивальдерде жоғары нәтижелерге қол жеткізіп келеді.Шараға Қазақстанның түрлі өңірлерінен, сондай-ақ Татарстан Республикасынан арнайы қонақтар қатысты. Олардың қатарында татар қоғамдық ұйымдарының жетекшілері, қоғам қайраткерлері және танымал өнерпаздары болды. Татарстан Республикасының еңбек сіңірген әртістері Чулпан Юсупова, Рүстем Насыбуллин және баяншы Ильнур Ғаниев көрермендерге ерекше концерттік бағдарлама тарту етті.Мерейтойлық кеш – достық пен рухани сабақтастықтың, мәдени әртүрлілік пен қоғамдық келісімнің жарқын көрінісіне айналды. Үш жарым онжылдық ішінде Қызылорда облыстық татар этномәдени орталығы өңірдегі этносаралық татулықты нығайтуға, ұлттық мәдениетті дамытуға және жас ұрпақты достық пен толеранттылық рухында тәрбиелеуге өлшеусіз үлес қосып келеді.Бүгінде Қызылорда облысында 2000-ға жуық татар этносының өкілдері өмір сүруде. Орталық тек татар этносының мәдениетін дәріптейтін ұйым ғана емес, ол – Қазақстан халқының бірлігі мен қоғамдық келісімін нығайтатын маңызды қоғамдық институттардың бірі. Оның 35 жылдық белесі – татулық пен бірліктің, мәдени сабақтастық пен рухани жаңғырудың айқын айғағы.

Қызылордада Татар этномәдени орталығының 35 жылдығы аталып өтті

<a href="https://kyzylorda-news.kz/">Kyzylorda-news.kz</a> Қазіргі заманда ақпарат көп. Бірақ сол ақпараттың сапалысы мен пайдалысын таңдай білу — маңызды қабілет. Осы тұрғыда кітап оқу — адамды дамытатын ең тиімді әдеттердің бірі.Кітап — білімнің сарқылмас көзі. Ол адамға жаңа ой, жаңа көзқарас береді. Кітап оқыған адам сөздік қорын байытып қана қоймай, ойлау қабілетін де дамытады. Әсіресе, көркем әдебиет адамның қиялын кеңейтіп, сезімін тереңдетеді.Бүгінде көп жастар “уақытым жоқ” деп кітап оқуды кейінге қалдырады. Бірақ шын мәнінде, мәселе уақыттың жоқтығында емес, қызығушылықтың аздығында. Күнделікті 10–15 минуттың өзі үлкен өзгеріс әкелуі мүмкін. Ең бастысы — тұрақтылық.Кітап оқу — табысқа бастар жолҚазіргі заманда ақпарат көп. Бірақ сол ақпараттың сапалысы мен пайдалысын таңдай білу — маңызды қабілет. Осы тұрғыда кітап оқу — адамды дамытатын ең тиімді әдеттердің бірі.Кітап — білімнің сарқылмас көзі. Ол адамға жаңа ой, жаңа көзқарас береді. Кітап оқыған адам сөздік қорын байытып қана қоймай, ойлау қабілетін де дамытады. Әсіресе, көркем әдебиет адамның қиялын кеңейтіп, сезімін тереңдетеді.Бүгінде көп жастар “уақытым жоқ” деп кітап оқуды кейінге қалдырады. Бірақ шын мәнінде, мәселе уақыттың жоқтығында емес, қызығушылықтың аздығында. Күнделікті 10–15 минуттың өзі үлкен өзгеріс әкелуі мүмкін. Ең бастысы — тұрақтылық.Осы тақырыпқа Абай Құнанбайұлының кітап пен білім туралы кеңірек айтылған ойы өте сәйкес келеді:«Пайда ойлама, ар ойла,Талап қыл артық білуге.Артық білім кітапта,Ерінбей оқып көруге.»Абай бұл сөздері арқылы адамды тек материалдық пайданы емес, рухани дамуды да ойлауға шақырады. Оның пікірінше, шынайы байлық — білім. Ал сол білімнің негізгі көзі — кітап. Кітап оқу арқылы адам дүниетанымын кеңейтеді, өзін тәрбиелейді және болашақта жетістікке жетудің жолын табады. Бұл дәйексөз сіздің «Кітап оқу — табысқа бастар жол» тақырыбыңызды тереңірек аша түседі.Сонымен қатар, кітап оқу адамның өзін-өзі тануына көмектеседі. Әр оқылған шығарма — жаңа тәжірибе, жаңа сабақ. Кейіпкерлердің өмірі арқылы адам өз қателігін түсініп, дұрыс шешім қабылдауды үйренеді.Кітап — үнсіз ұстаз. Ол ешқашан шаршамайды, ешқашан алдамайды. Кітаппен дос болған адам ешқашан тоқырап қалмайды. Егер өзіңді дамытқың келсе, ең қарапайым қадамнан баста — кітап оқы. Назым Әбілхай,Қорқыт ата атындағы Қызылорда университетінің 4-курс студенті&nbsp;

Кітап оқу — табысқа бастар жол

<a href="https://kyzylorda-news.kz/">Kyzylorda-news.kz</a> 24 сәуір күні облыстық кітапханада «Жаңа Қызылорда»: даму мен руханиат үндестігі» атты «Әкім аға тілеулестері» РҚБ халықаралық Х форумы аясында мемлетет және қоғам қайраткері, жазушы Ә.Ысқақтың «Өлімді жеңген махаббат», «Алтыным» кітабының қарақалпақ тіліндегі аударма кітаптарының тұсаукесер рәсімі ұйымырылды.Кешті Қызылорда облыстық мәслихат депутаты, республикалық Әкелер Одағының Қызылорда облыстық филиалың төрағасы Е.Ескендір жүргізді. Мақсаты – қаламгердің өмір жолын өскелең жастарға үлгі ету, шығармаларын насихаттау.Қызылорда облыстық мәслихатының төрғасы М.Тілеумбетов ашып, облыс әкімінің құттықтауын табыстады. Облыс әкімнің орынбасары М.Шермағанбет, мемлекет және қоғам қайраткерлері Б.Еламанов, Б.Каюпов құттықтап, шығармашылығына табыс тіледі.Кешке «Өлімді жеңген махаббат» кітабының редакторы, журналисты, тарихшы, ҚР Президенті жанындағы жастар саясаты жөніндегі кеңес мүшесі З.Әшірбек, Бердак атындағы Қарақалпақстан университетские профессора И.Сейітназарова, «Өлімді жеңген махаббат» кітабының кейіпкері Қ.Бақбергеновтің туыстары Ж.Бақбергенова, Р.Шамұратова, семейлік ақын Ү.Шарипова, «Өлімді жеңген махаббат» кітабының редакторы, С.Сейфуллин атындағы Қазақ агротехникалық зерттеу университетінің профессоров Р.Махамбетова, жергілікті зиялы қауым, бұқаралық ақпарат құралдары өкілдері қатысты.Кеш қонақтары әмбебап тұлға, майталман қайраткер, асыл сөзден өлең өрген қаламгердің өмір жолы мен шығармашылығы туралы баяндады. Жыршы, республикалық байқаулардың лауреаты Ж.Жақсанов арнауын арнады. «Өлімді жеңген махаббат» кітабының кейіпкері Қ.Бақбергеновтің сөзіне жазылған әндерін белгілі әнші-композитор Ү.Ерниязов, Г.Ермағанбетова, М.Байжановтар, қаламгердің жаңа әнін әнші Т.Шерниязқызы орындады.Оқырмандар өмірді сүюге үндеп, дем берген, күш-қайрат сыйлаған «Алтыным» кітабынан үзінділер оқыды. Кеш қонағы Әкім Ысқақ өз шығармашылығынан сөз өрбітті, кітапханаға кітаптарын тарту етті.Оқырмандар назарына «Кемел ой, кестелі сөздің есі» кітап көрмесі ұсынылды.Фото: Облыстық кітапхана

Архив