<a href="https://kyzylorda-news.kz/">Kyzylorda-news.kz</a> Түркістан қаласында NIS командалары арасында волейболдан желілік спартакиаданың аймақтық кезеңі өз мәресіне жетті. Додаға Алматы, Қызылорда, Тараз және Шымкент қалаларындағы зияткерлік мектептердің ұлдар мен қыздардан құралған он команда қатысты.<img src="https://knadmin.beoblood.kz/uploads/nish_e44c041287.jpg" alt="ниш.jpg">Жарыс қорытындысы бойынша Сыр өңіріндегі NIS-тің ұлдар құрамасы кәсіби ойын көрсетіп, қарсыластарынан озып шықты және мектеп қоржының алтын медальдармен толықтырды. II орын – Тараздағы NIS, ал III орын – Шымкент-Абай NIS командасына бұйырды.Қыздар арасында I орынды – Тараздық сұлулар, II орынды – Алматы-Наурызбай құрамасы, III орынды – Шымкент-Қаратау зияткерлері жеңіп алды.<img src="https://knadmin.beoblood.kz/uploads/nish1_ea2f24d60d.jpg" alt="ниш1.jpg"><img src="https://knadmin.beoblood.kz/uploads/nish2_69b0ab83ce.jpg" alt="ниш2.jpg">Қызылордалық NIS қыздар командасы да жоғары дайындық деңгейін көрсетіп, жүлделі үштікке бір қадам қалды.

Қызылордалық зияткерлер – волейболдан аймақтық спартакиаданың чемпиондары

<a href="https://kyzylorda-news.kz/">Kyzylorda-news.kz</a> Бүгін облыс әкімінің бірінші орынбасары Данияр Жаналиновтың төрағалығымен мәжіліс өтті. Оған облыстық мәслихат төрағасы Мұрат Тлеумбетов, қала әкімі Нұржан Ахатов, зиялы қауым өкілдері, қоғам қайраткерлері қатысты.Данияр Еренғалиұлы Президент бастамасымен қолға алынған «Таза Қазақстан» республикалық акциясына белсенді атсалысқан, Мемлекет басшысының жұмыс сапарын жоғары деңгейде ұйымдастыруға үлес қосқан азаматтарға алғысын білдірді.<blockquote>«Өздеріңізге белгілі өткен аптада Мемлекет басшысы Қасым-Жомарт Кемелұлы Сыр өңіріне жұмыс сапарымен келді. Сапар барысында аймақтағы жаңа әлеуметтік, инфрақұрылымдық, өндірістік нысандарда болды. Бірқатар ірі инвестициялық жобаларды жүзеге асыру барысымен танысып, облыс жұртшылығымен кездесті.Атқарылған істерге «Облыс жақсы дамып келе жатыр. Қарқыны жоғары» деп оң баға берді. Бұл – Мемлекет басшысының биік сенімін ақтап, халыққа адал қызмет жасаудың, елдік мұрат жолында білімі мен білігін жұмсаудың, ел үшін аянбай еңбек етудің үлгісін танытқан, барша жерлестерімізді береке-бірлікке ұйытқан аймақ басшысының қыруар жұмысты ұтымды ұйымдастыруының нәтижесі.Мемлекет басшысының жұмыс сапарын жоғары деңгейде ұйымдастыруға қосқан елеулі үлестеріңіз үшін Сіздерге Нұрлыбек Машбекұлының риясыз алғысын жеткіземін. Алдағы уақытта да Қызылорда облысының өсіп-өркендеуіне, халқымыздың әл-ауқатының артуына аянбай еңбек ете бергейсіздер! Егемен еліміздің жарқын болашағы жолындағы қызметтеріңізге биік абырой, Өздеріңізге зор денсаулық, отбасыларыңызға бақ-береке тілеймін!», – деді Д.Жаналинов.</blockquote><img src="https://knadmin.beoblood.kz/uploads/2_Azamattar_a_al_ys_ajtty_942e5dc935.jpg" alt="2Азаматтарға алғыс айтты.jpg"><img src="https://knadmin.beoblood.kz/uploads/3_Azamattar_a_al_ys_ajtty_aa528e1e28.jpg" alt="3Азаматтарға алғыс айтты.jpg"><img src="https://knadmin.beoblood.kz/uploads/Azamattar_a_al_ys_ajtty_ea4a7e3e7d.jpg" alt="Азаматтарға алғыс айтты.jpg">Жиында бірқатар қызметкерлер облыстың Құрмет грамотасымен және облыс әкімінің Алғыс хатымен марапатталды.Облыстық мәслихат төрағасы Мұрат Тлеумбетов, облыстық ардагерлер кеңесінің төрағасы Серік Дүйсенбаев, Қызылорда облысының құрметті азаматы Шакизат Төребаев құттықтау сөз сөйлеп, марапат иелеріне ізгі тілектерін жеткізді.Фото: Қызылорда облысы әкімінің баспасөз қызметі

Азаматтарға алғыс айтты

<a href="https://kyzylorda-news.kz/">Kyzylorda-news.kz</a> Ұлттық Ассамблея мүшесі, Генерал Хон Бом До ескерткіш қоғамының президенті Пак Хонгын бастаған делегацияны Қорқыт ата атындағы университетінің Басқарма Төрағасы-Ректор Бейбіткүл Каримова жылы ілтипатпен қарсы алды.&nbsp;Шығыс Азиядан келген мәртебелі меймандарға білім ордасының басшысы оқу орнының бай тарихы мен толымды табыстарын таныстырып өтті. Делегация өкілдері университеттің сирек кездесетін кітаптар қоры мен ғылыми жетістіктеріне ерекше таңданыс білдірді. Әсіресе 18 ғасырда көне корей тілінде жазылған көптомдық жинақтың мән-маңызына айырықша тоқталды.&nbsp;Сапардың негізгі мақсаты - корё-сарам қауымдастығымен бірге «Тәуелсіздік армиясы: Аяқталмаған соғыс» атты деректі фильмнің арнайы көрсетілімін тамашалау. Аталған кинотуындыда Корей түбегіне қоныс тепкен халықтың тәуелсіздік жолындағы күресі және генерал Хон Бом Доның көзсіз ерлігі кеңінен дәріптеледі. &nbsp;

Қорқыт ата университетіне Корея Республикасынан делегация келді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы бойынша экономикалық тергеп-тексеру департаменті қаржы пирамидасын ұйымдастырған азаматтың заңсыз әрекетінің жолын кесті.&nbsp;Тергеу барысында анықталғандай &nbsp;«HRT» компаниясы өз қызметін самокаттарды салымшыларға сату және сол самокаттарды жалға беру арқылы пайда табу жүйесімен жүзеге асырған. Компанияның аймақтық филиалын ашып, пайда табуды көздеген Т.Теңелбаева аталмыш компанияның қызметімен толық танысып, «Telegram» желісіндегі «Remo 888» аккаунты арқылы байланыс орнатқан. Кейін «HRT» жүйесіне жаңа салымшыларды тіркеу арқылы өз пайдасын арттыру жоспарын құрған. Жаңа қатысушыларды тартқаны үшін ол әр салымшыдан 15 пайыз көлемінде сыйақы алып келген. Осылайша, облыс аумағында қаржы (инвестициялық) пирамидасын ұйымдастырып, жалпы &nbsp;көлемі 33 004 300 теңге материалдық шығын келтіргені анықталды.Аппеляциялық сот үкімімен Т. Теңелбаева ҚК-нің 217-бабы 3-бөлігінің 2-тармағымен және ҚК-нің 218-бабы 1-бөлігінде көзделген қылмыстарды жасағаны үшін кінәлі деп танылып 6 (алты) жыл мерзімге бас бостандығынан айыру жазасы тағайындалды.Оған &nbsp;ҚК-нің 74-бабының 1-бөлігі қолданылып, айаталушының кәмелетке толмаған балаларының болуына байланысты 5 (бес) жыл мерзімге кейінге қалдырылған.Сонымен қатар, жәбірленушілерге келтірілген залалды өтеу үшін, сотталушымен қылмыстық жолмен сатып алынған құны &nbsp;5 604 000 теңге құрайтын «Changan Alsvin» автокөлігі тәркіленді. &nbsp;&nbsp;Қызылорда облысы бойыынша Экономикалық тергеп-тексеру департаменті

Қызылордада «HRT» атауымен құрылған қаржы пирамидасының жолы кесілді

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетов, аймақ басшысының тапсырмасына сәйкес жауапты сала басшылары жаңадан салынып жатқан нысандар құрылысымен танысу үшін Бейбарыс сұлтан көшесіндегі «Көрме орталығы» және «Достық үйі» ғимараттарына барды.«Көрме орталығының» құрылысы мамыр айында басталды. Ғимаратта көрме, конференция залдары, әкімшілік кабинеттер, санитарлық-тұрмыстық, техникалық бөлмелер бар. Көпфункционалды нысанда көрме, жәрмеңке, концерт өткізіледі, яғни бұл – әртүрлі ауқымдағы және форматтағы іс-шараларды ұйымдастыру мен өткізуге арналған экспозициялық кеңістік. Кең, ашық кеңістік түрінде жобаланған, жинақталып-бөлшектелетін көрме құрылымдарын орнату және жиі ауыстыру мүмкіндігі ескерілген. Бір мезетте 215 адамды қабылдай алады.<img src="https://knadmin.beoblood.kz/uploads/Stroitelstvo_pod_kontrolem_c588f02bd5.jpg" alt="Строительство – под контролем.jpg">«Достық үйі» желтоқсан айында пайдалануға беріледі. Ғимарат күн сәулесінен қорғайтын өрнектері бар сәндік панельдермен перфорацияланған. Офистік үй-жайлар екінші және үшінші қабаттарда орналасқан. Атап айтсақ, холл, фойе, ресепшн, гардероб, 200 орындық үлкен зал, 60 орындық кофейня, кеңсе бөлмелері бар. Конференц-зал видеопроектормен және интерактивті тақтамен жабдықталған.<img src="https://knadmin.beoblood.kz/uploads/Stroitelstvo_pod_kontrolem_2_47d366b0c7.jpg" alt="Строительство – под контролем 2.jpg">Цокольді қабатта музыка және вокал бөлмесі, гардероб, киім-кешек қоры, би студиясы, клуб, кеңсе, архив, күзет, қоймалар және қосалқы бөлмелер қарастырылған.Бүгінгі күнге бірінші, екінші және үшінші қабаттардың колонна-ригельдері және жабын плиталары толығымен құйылды. Инженерлік желілері (электр, ауыз су, жылу, кәріз жүйесі), ішкі сылақ жұмыстары толық аяқталып, әрлеу, дизайнерлік безендіру қолға алынған. Бұған қоса сыртқы абаттандыру, витраж орнату және қасбетін қаптау жұмыстары жүргізілуде.Фото: Қызылорда облысы әкімінің баспасөз қызметі

Құрылыс барысы бақылауда 

<a href="https://kyzylorda-news.kz/">Kyzylorda-news.kz</a> Қызылорда облысы бойынша «Заң мен Тәртіп» идеологиясын насихаттау аясында өңірде «Халық Заңгері» республикалық акциясы өтті.Акцияның негізгі мақсаты – халықтың құқықтық сауаттылығын арттыру, азаматтарға тегін заңгерлік көмек көрсету, олардың өз құқықтары мен заң алдындағы мүмкіндіктерін білуіне жағдай жасау.Өңірдің қала, аудан және ауылдық округтар аймақтарында жүзден аса білікті мамандармен түсіндірме жұмыстары жүргізілді. Соның ішінде белгілі адвокаттар, заңгерлер, нотариустар, прокурорлар, тергеушілер, сот орындаушылары, полиция қызметкерлері, әкімдіктердің, әділет органдарының, салық органдарының, жылжымайтын мүлікті тіркеу бөлімінің қызметкерлері және т.б. қатысты.Акция барысында тұрғындарға прокуратура қызметкерлерімен түсіндірмелі үнпарақтар таратылып, жер қатынастары, әлеуметтік төлемдер, еңбек даулары, тұрғын үй, несиелік, жергілікті соттарда қаралып жатқан даулар және отбасы мәселелері бойынша кеңес алды.Тоғыз жүзге жуық тұрғындар мен қонақтар өз мәселелері бойынша кеңестер мен құқықтық көмек алып, олардың бірқатары шешімін тапты, қалғандары бойынша шешім қабылдау жөнінде нақты нұсқаулар берілді.Мұндай игі бастамалар қоғамдағы заң үстемдігін нығайтуға, азаматтардың билікке деген сенімін арттыруға зор үлес қосады.<img src="https://knadmin.beoblood.kz/uploads/f27f08b9_3a12_4535_8cd5_6d34f2ebc2b4_3f5502198d.jpg" alt="f27f08b9-3a12-4535-8cd5-6d34f2ebc2b4.jpg">

Қызылордада «Халық заңгері» республикалық әлеуметтік акциясы өтті

<a href="https://kyzylorda-news.kz/">Kyzylorda-news.kz</a> “Таза Қазақстан” республикалық экологиялық бағдарламасы аясында аймақта жаппай сенбілік жалғасуда. Барлық елді мекенде санитарлық тазарту, абаттандыру және көркейту жұмыстары атқарылды.<img src="https://knadmin.beoblood.kz/uploads/Taza_aza_stan_2_7f8b72ba45.jpg" alt="Таза Қазақстан 2.jpg">Бүгінгі күнге тазалық шараларына 420 мыңнан астам ерікті, қоғам қайраткерлері, бюджет саласы мен кәсіпорын қызметкерлері қатысты. Жұмыс барысында 18 мың тоннадан астам қоқыс қалдықтары шығарылып, өңірдегі 510 сквер мен парк, 256 тарихи-мәдени ескерткіш, 1019 әлеуметтік нысан (мектептер, балабақшалар, спорт, денсаулық сақтау және т.б.), 3 548 өнеркәсіп және бизнес нысаны, 332 су объектісі (өзендер, көлдер, жасанды су айдындары, субұрқақтар, арықтар және т.б), мен 39 894 көше бойы (9 525 көпқабатты үй мен 30 369 жер үй ауласы) тазартылды. Оған 540-тан аса техника жұмылдырылды.<img src="https://knadmin.beoblood.kz/uploads/Taza_aza_stan_425a561c54.jpg" alt="Таза Қазақстан.jpg">Жыл басынан бері климатқа жерсінетін 255 500 түп қарағаш, терек және Сыр талының көшеті егілді. Республикалық бағдарлама аясындағы жұмыстар алдағы уақытта да жалғасады.Фото: Қызылорда облысы әкімінің баспасөз қызметі

Облыс аумағында сенбілік өтті

<a href="https://kyzylorda-news.kz/">Kyzylorda-news.kz</a> Жыл басынан бері облыс бойынша 88 рет бос жұмыс орындары жәрмеңкесі өткізілген. Нәтижесінде, 1 038 адам тұрақты, 1 008 адам уақытша жұмысқа орналасқан. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева айтты.<blockquote>– Биыл «2025 жылға арналған өңірлік жұмыспен қамту жол картасы» шеңберінде 46 560 жұмыс орнын құру жоспарланса, бүгінгі күнге 33 546 адам жұмыспен қамтылды. 4 123 отбасына атаулы әлеуметтік көмек және отбасыларындағы бір жастан алты жасты қоса алғанға дейінгі 6 622 балаға қосымша төлем төленді. Әлеуметтік келісімшарт негізінде көмек алушылардың қатарындағы еңбекке жарамды жастағы 364 адам жұмыспен қамтудың белсенді шараларымен қамтылды. Сондай-ақ, аз қамтылған отбасыларға коммуналдық қызмет шығындарын өтеу үшін тұрғын үй көмегін көрсетуге бюджеттен тиісті қаржы бөлініп, есепті кезеңге 783 отбасына 53,9 млн теңгеге тұрғын үй көмегі төленді. Жергілікті атқарушы органдардың шешімдері бойынша жекелеген санаттағы әлеуметтік қолдауды қажет ететін 8 733 адамға әлеуметтік төлем төленді. Бюджеттен тыс көздерден көмекке мұқтаж халықтың әлжуаз топтарынан шыққан 10 835 адамға қайырымдылық көмек көрсетілді. Айта кету керек, облыс бойынша 34 768 мүгедектігі бар адамдар тіркелген. Әлеуметтік қызметтер порталы арқылы 28 578 адам техникалық оңалту құралдарымен қамтамасыз етілді,- деді Жанар Жұмабекқызы.</blockquote>Фото: Қызылорда облысының Өңірлік коммуникациялар қызметі

Облыста өңірлік жұмыспен қамту жол картасы аясында 33 546 адам жұмыспен қамтылды

<a href="https://kyzylorda-news.kz/">Kyzylorda-news.kz</a> Танымал продюсер Мөлдір Мұқанова Тұрсынбек Қабатовпен ажырасқанын растап, журналист Жанар Байсемізге көлемді <a href="https://www.youtube.com/watch?v=k1yAokNZFtk&amp;embeds_referring_euri=https%3A%2F%2Ftengrinews.kz%2F&amp;source_ve_path=MjM4NTE">сұхбат</a> берді. Осы сұхбаттан кейін әзілкеш Тұрсынбек Қабатов кейбір жайттарға қатысты пікір білдірді, - деп хабарлады <a href="https://massaget.kz/">Massaget.kz</a>&nbsp;Бұл туралы ол әлеуметтік желіде жазды."Ардақты ағайын, мен балаларымды ешқашан блокқа қойған емеспін және балаларыммен біргемін, жақсы көремін. Осы күнге дейін балаларым үшін еңбек еттім, әлі де еңбек етемін", - деді ол.<img src="https://knadmin.beoblood.kz/uploads/122b9c1e439595d0c60031a52c5e8946_e7819f68e2.jpg" alt="122b9c1e439595d0c60031a52c5e8946.jpg">Фото: instagram.com/tursynbek_kabatov_resmi

Мөлдір Мұқанованың сұхбатынан кейін Тұрсынбек Қабатов пікір білдірді

<a href="https://kyzylorda-news.kz/">Kyzylorda-news.kz</a> 7-8 қараша күндері&nbsp;Қызылорда қаласында облыстық инновациялық жобалар фестивалі – «Innofest Qyzylorda 2025» өтеді. Бұл – аймақтың ең ірі технологиялық және шығармашылық шараларының бірі. Фестивальді Қызылорда облысының әкімдігі, Қызылорда облысы әкім аппаратының "Ақпараттық технологиялар орталығы"&nbsp;және Kyzylorda Hub бизнес-инкубаторы бірлесе ұйымдастыруда.Innofest Qyzylorda 2025 – Қызылорда облысының жастарына арналған инновациялық жобалар фестивалі. Шараның басты мақсаты – жастардың технологиялық және креативті әлеуетін арттыру, өңірдің инновациялық экожүйесін дамыту және жаңа идеяларды нақты нәтижеге жеткізуге мүмкіндік беру.Фестиваль барысында қатысушыларға 24 сағат ішінде нақты кейстер аясында өз идеяларын жұмыс істейтін прототипке айналдыру тапсырмасы беріледі. Үздік жобалар 5 400 000 теңге жүлде қорын және жоғары оқу орындарының білім грантын ұтып алу мүмкіндігіне ие болады. Бұл шара өңірдің талантты жастарына өз идеясын жүзеге асырып, оны кәсіби деңгейде қорғауға мүмкіндік береді.Innofest Qyzylorda 2025 фестивалі үш негізгі бағыт бойынша өтеді: Software Development – қатысушылар берілген тапсырма негізінде IT-әзірлеме жасайды. Бұл бағыт код жазуға бейім жастар үшін өз идеяларын нақты өнімге айналдыру алаңы болмақ. Artificial Intelligence – жасанды интеллект технологияларына қызығушылық танытқан қатысушылар берілген кейстерді шешу арқылы ЖИ құралдарын әзірлейді. Movies &amp; Video – шығармашылық бағыттағы жастар 2 минуттық қысқаметражды бейнеролик түсіріп, өз идеясын бейнелеу арқылы көрсетеді. Үздік жұмыстардың авторлары марапатталады.Фестиваль аясында панельдік сессиялар, стартап-питчтер, көрмелер, концерт және нетворкинг аймақтары ұйымдастырылады. Бұл қатысушылар үшін жаңа байланыстар орнатуға, тәжірибе алмасуға және өз жобаларын таныстыруға тамаша мүмкіндік.Фестивальдің спикерлері мен сарапшылары қатарында еліміздің және шетелдің тәжірибелі мамандары бар. Software Development секциясында: Асқар Болат – Qalan.kz СЕО, кәсіпкер; Ғани Абадан – кәсіпкер, EdTech және AI саласының сарапшысы; Жандос Оңалбеков – JSoft СЕО, кәсіпкер. Artificial Intelligence секциясында: Тимур Бектұр – IT сарапшы, жасанды интеллект зерттеушісі; Джесу Ким – ЖИ саласының профессоры; Айдос Жұманазар – Eduser СЕО, кәсіпкер. Movies &amp; Video бағытының спикерлері: Дәурен Серғазин – актер, режиссер, тележүргізуші; Азамат Тұрсынбай – блогер, актер, сценарист; Ғани Абдиев – ПТК СЕО, продюсер.Ұйымдастырушылардың айтуынша, фестиваль өңірдің жас инноваторлары мен шығармашыл жастарына жаңа мүмкіндіктер ашып, олардың идеяларын жүзеге асыруға серпін береді.Фестивальге студенттер, кәсіпкерлер, инноваторлар, IT-мамандар және шығармашылық жастар қатыса алады. Қатысу тегін, алайда алдын ала тіркелу қажет. Тіркелу және толық ақпарат алу үшін&nbsp;www.innofest.kz сайтқа өтіңіз.Kyzylorda Hubбизнес-инкубаторы

Қызылордада Innofest Qyzylorda 2025 инновациялық жобалар фестивалі өтеді

<a href="https://kyzylorda-news.kz/">Kyzylorda-news.kz</a> &nbsp;Іс-шараның мақсаты – жасөспірімдердің отансүйгіштік рухын арттыру, туған өлкенің тарихымен терең таныстыру және жас буынның мәдени көзқарасын қалыптастыру.Оқушылар музей залдарын аралап, Сыр өңірінің бай тарихи мұраларымен, табиғи ерекшеліктерімен және ұлы тұлғалар жайлы мол ақпаратпен танысты. Экскурсия барысында оларға білікті мамандар тарихи жәдігерлер туралы қызықты деректер айтып, оқушылар тарапынан қойылған сұрақтарға жауап берді.Іс-шара соңында оқушылар алған әсерлерімен бөлісіп, полиция қызметкерлеріне алғыс білдірді.Мұндай тәрбиелік бағыттағы шаралар жас ұрпақтың бойында патриоттық сезімді нығайтып, ел тарихына деген қызығушылығын арттыра түседі.<img src="https://knadmin.beoblood.kz/uploads/7643b8fd_c590_4f4b_b790_a6808da3aab0_9f66743d45.jpg" alt="7643b8fd-c590-4f4b-b790-a6808da3aab0.jpg">Фото: Нұрболат Нұржаубай

Жас сақшылар облыстық тарихи-өлкетану музейіне экскурсия жасады

<a href="https://kyzylorda-news.kz/">Kyzylorda-news.kz</a> Алматылық клубтан ұлттық командаға шақырту алған Дастан Сәтпаев, Темірлан Анарбеков, Еркін Тапалов және Дамир Қасаболат Бельгияға қарсы өтетін ойынды аяқтаған соң Алматыға қайтады. Бұл туралы Stan.kz ақпарат агенттігі <a href="https://stan.kz/kayrattin-zhyldizdi-oyinshilari-kazakstan-kyramasinin-a-425703/">Kazfootball.kz</a> сайтына сілтеме жасап хабарлайды.Еске сала кетейік, Қазақстан құрамасы 2026 жылғы әлем чемпионатының іріктеу кезеңіндегі соңғы кездесуін 15 қараша күні өз алаңында Бельгия құрамасына қарсы өткізеді. Бұл ойыннан кейін "Қайрат" ойыншылары ұлттық құраманың Хорватияда өтетін, Фарер аралдарына қарсы жолдастық матчына қатыспайды. Клубтың мұндай шешімі алдағы Чемпиондар лигасы топтық кезеңінің бесінші турындағы маңызды ойынмен байланысты. “Қайраттықтар” 26 қараша күні өз алаңында Данияның "Копенгаген" клубымен ойнайды.Фото: Kazfootball.kz

Архив