<a href="https://kyzylorda-news.kz/">Kyzylorda-news.kz</a> Сақтандыру - бұл күтпеген жағдайларда, соның ішінде жол жүру кезінде сіздің мүдделеріңізді қорғау. Автокөлікті сақтандырудың қандай түрлері бар және сізге қажет түрін қалай таңдау керектігін Fingramota.kz айтып береді.Қазақстанда автосақтандыру негізінен екі түрге бөлінеді:Көлік құралдары иелерінің азаматтық-құқықтық жауапкершілігін міндетті сақтандыру (КҚИ АҚЖМ)&nbsp;Автокөлік құралдарын ерікті сақтандыру (жиі жағдайда — КАСКО)Міндетті сақтандыру &nbsp;КҚИ АҚЖМ — бұл сақтандыру қорғанысының заңнамалық минимумы. Егер сіз біреудің көлігіне зақым келтірсеңіз немесе жол-көлік оқиғасы кезінде басқа адамның денсаулығына зиян келтірсеңіз — сақтандыру компаниясы (зардап шеккен тарапқа келтірілген зиянды заңда белгіленген лимиттер шеңберінде) өтейді. Сіздің сақтандыруыңыз зақым келтірілген сіздің көлігіңіздің өзін емес, егер мұндай зиян сіздің кінәңізден болса, үшінші тұлғалардың алдындағы &nbsp;жауапкершілікті өтейді.&nbsp;Маңызды! Қолыңызда КҚИ АҚЖМ полисі болмаса, сіздің жолға шығуға құқығыңыз жоқ — және бұл үшін айыппұл көзделген (Қазақстанда бұл 10 АЕК).&nbsp;Тариф қалай қалыптасады: базалық сақтандыру сыйлықақысы + коэффициенттерКҚИ АҚЖМ бойынша базалық сыйлықақы (2025 жылы) өзгеріссіз қалады және заңмен белгіленген — 1,9 АЕК. Бірақ полистің қорытынды бағасы сақтандыру мерзіміне және қорытынды соманы есептеу үшін қолданылатын коэффициенттерге байланысты:Жүргізушінің жасы мен тәжірибесі;Түзету коэффициенттерін ескере отырып, автокөлікті тіркеу (пайдалану) аймағы;Көлік құралының түрі;Көлік құралын пайдалану мерзімі;«Бонус-малус» сыныбы — сіздің сақтандыру тарихыңыз (апатқа ұшырамау, бұзушылықтардың болмауы).«Бонус-малус» жүйесінің қағидаты қарапайым, егер сіз апатқа ұшырмай &nbsp;жүрсеңіз, сақтандыру сыйлықақысы азаяды (жеңілдік немесе «бонус» беріледі), егер сіз ЖКО кінәлі болсаңыз, сыйлықақы көбейеді (үстемеақы немесе «малус»).Сондай-ақ, есептеу кезінде мыналар ескеріледі:сіздің міндетті сақтандыру жүйесіне қатысу жылдарыңыз;сізде жол қозғалысы ережелерін бұзу болды ма, егер ЖКО сіздің кінәңізбен болса және сізде ЖҚЕ бұзушылықтар тіркелген болса, бұл сақтандыру құнының өсуіне қосымша әсер етуі мүмкін.&nbsp;Төлемдер туралы нені білу керекЕгер мүлік бойынша шығын сомасы лимиттен асып кетсе, өтемеген бөлігін кінәлі адамның өзі немесе ерікті сақтандыру (егер бар болса) арқылы төлейді. ЖКО кейін сақтандыру компаниясы келтірілген шығынның мөлшерін анықтау үшін көлік құралының зақымдануын бағалауы керек.Егер сіз бағалаумен немесе сақтандырушының шешімімен келіспесеңіз, сақтандыру омбудсманына хабарласып, бұл шешімге шағымдануға құқылысыз. Заң бойынша сақтандыру компаниясы барлық қажетті құжаттарды алғаннан кейін 15 күннен кешіктірмей сақтандыру төлемін төлеуге міндетті.Ерікті түрде автосақтандыру (КАСКО және басқа нұсқалар)Ерікті түрде автосақтандыру жүргізуші өз қалауымен ресімдейтін қосымша қорғауды қамтамасыз етеді. Жауапкершілікті міндетті сақтандырудан (КҚИ АҚЖМ) айырмашылығы ерікті түрде сақтандыру автокөліктің өзіне келтірілген шығынды өтейді және оны пайдалануға байланысты басқа да тәуекелдерді қамтуы мүмкін.Автокөлікті ерікті түрде сақтандырудың ең көп таралған түрі – КАСКО, ол ЖКО-ға кім кінәлі болса да, көліктің өзіне қатысты тәуекелдерді өтейді. Егер сіз жолда өз қателігіңіз болса да, көлігіңізді қорғауға сенімді болғыңыз келсе, бұл – өте маңызды.Сақтандыру талаптарына қарай КАСКО мыналарды қамтуы мүмкін:ЖКО (тіпті сіз кінәлі болсаңыз да);айдап кету, ұрлау;үшінші тұлғалардың заңсыз әрекеттері (вандализм және т.б.);объектілердің (бұтақтардың, құрылымдардың) құлауы, табиғи құбылыстар, табиғи апаттар, өрт, жарылыс;сыртқы факторлардың әсерінен басқа да зақымдану.Әдетте, сақтанушының өзі «тәуекелдер жиынтығын» — өз көлігін қорғағысы келетін жағдайларды таңдайды. КҚИ АҚЖМ-дан айырмашылығы, КАСКО көліктің өзіне келтірілген шығынды (үшінші адамдар алдындағы жауапкершілік емес) өтейді.КАСКО полисінің құны мыналарға байланысты:Автокөліктің маркасы, моделі және нарықтық құныМашинаның шығарылған жылыЖүргізушінің жасы мен еңбек өтіліАвтокөлік пайдаланылатын географиялық аймақШығындар мен апаттар тарихы&nbsp;Полиске енгізілген тәуекелдер жиынтығыКүзет жүйесінің, дабылдың, қорғаудағы тұрақтың болуы&nbsp;Франшизалар (сақтандыру жағдайы орын алса, сіз көтеретін сома)Қаншалықты көп тәуекел түрлерін енгізсеңіз, КАСКО полисінің құны соғұрлым жоғары болады. Полисті сақтандыру компаниясының кеңсесінде немесе онлайн түрде — сақтандырушының сайты не қосымшасы арқылы ресімдеуге болады. Ол үшін көлік құжаты, жеке куәлік және жүргізуші куәлігі қажет. Полисті ресімдеу кезінде қандай жағдайлар қамтылатынын, қайсысы қамтылмайтынын, франшиза мөлшерін және басқа да шарттарды нақтылап алу маңызды.Бұл пайдалы болатын жағдайларға мысалдарСізде жаңа немесе қымбат автокөлік бар — залал сіздің бюджетіңізге айтарлықтай әсер етуі мүмкінСіз жиі қауіп деңгейі жоғары аудандарда жүресізЖол-көлік оқиғасы өз кінәңізден болса да, өзіңізді қорғалған сезінгіңіз келедіСіз көліктің ұрлануынан немесе үшінші тұлғалардың зақым келтіруінен қауіптенесізҚаншалықты көп тәуекел түрлерін енгізсеңіз, КАСКО полисінің құны соғұрлым жоғары болады. Полисті сақтандыру компаниясының кеңсесінде немесе онлайн түрде — сақтандырушының сайты не қосымшасы арқылы ресімдеуге болады. Ол үшін көлік құжаты, жеке куәлік және жүргізуші куәлігі қажет. Полисті ресімдеу кезінде қандай жағдайлар қамтылатынын, қайсысы қамтылмайтынын, франшиза мөлшерін және басқа да шарттарды нақтылап алу маңызды.Бұл пайдалы болатын жағдайларға мысалдарСізде жаңа немесе қымбат автокөлік бар — залал сіздің бюджетіңізге айтарлықтай әсер етуі мүмкінСіз жиі қауіп деңгейі жоғары аудандарда жүресізЖол-көлік оқиғасы өз кінәңізден болса да, өзіңізді қорғалған сезінгіңіз келедіСіз көліктің ұрлануынан немесе үшінші тұлғалардың зақым келтіруінен қауіптенесізКеңестер: сақтандыру шартын рәсімдеу кезінде нені ескеру керек1. Сақтандырушының лицензиясы. &nbsp;Сақтандыру компаниясының ҚР Қаржы нарығын реттеу және дамыту агенттігі берген жарамды лицензиясы бар екеніне көз жеткізіңіз.2. Сақтандыру жағдайының шарттары. &nbsp;Шартта нақты көрсетілуі тиіс: қандай жағдайларда төлем жасалады, қандай тәуекелдер қамтылады және қайсысы қамтылмайды.3. Сақтандыру сомасы мен лимиттері. &nbsp;Полис бойынша ең жоғарғы төлем мөлшерін тексеріңіз — кейде базалық лимиттер жеткіліксіз болуы мүмкін.4. Франшиза. &nbsp;Өзіңіз көтеретін сома мөлшерін анықтаңыз (залалдың өтелмейтін бөлігі). Кейде кіші франшизаны таңдау тиімді, бірақ полис бағасы қымбаттайды.5. Бонус-малус коэффициенттері (міндетті сақтандыру үшін). &nbsp;Сізге қандай сақтандыру класы қолданылатынын және ЖКО немесе өзге де факторлар тарифке қалай әсер еткенін біліңіз.6. Құжаттар мен өтініш беру тәртібі. &nbsp;Сақтандыру жағдайы туындаған кезде қандай құжаттар қажет, қанша мерзім ішінде хабарлау керек, залал қалай бағаланады және даулы жағдайларда қайда жүгіну керектігін нақтылап алыңыз.7. Төлем мерзімдері. &nbsp;Шартта төлемнің ақылға қонымды мерзімде (мысалы, 15 күннен кешіктірмей) жүргізілетіні және есептеу жазбаша түрде берілуі міндетті екені көрсетілгеніне көз жеткізіңіз.8. Мәліметтерді тексеру. &nbsp;Шартқа қол қоймас бұрын енгізілген барлық деректердің дұрыс екеніне көз жеткізіңіз. Мысалы, көлікті қолданатын өңір мен пайдалану ерекшеліктері дұрыс көрсетілген бе. Егер жалған немесе қате деректер берілсе, сақтандыру төлемі төленбеуі мүмкін.9. Шартты өзгерту шарттары. Егер сіз тәуекелдерді кеңейткіңіз немесе шарт талаптарын өзгерткіңіз келсе, мұны қандай жағдайда және қалай жасауға болатынын анықтап алыңыз.<img src="https://knadmin.beoblood.kz/uploads/infographics_1211_41_93b18fd152.png" alt="infographics-1211-41.png">Егер сіз тәуекелдерді кеңейткіңіз немесе шарт талаптарын өзгерткіңіз келсе — оны қандай жағдайда және қандай тәртіппен жасауға болатынын анықтап алыңыз.Фото: fingramota.kz

Автокөлікті сақтандыру дегеніміз не және ол не үшін қажет? 

<a href="https://kyzylorda-news.kz/">Kyzylorda-news.kz</a> Астанада «Назарбаев Зияткерлік мектептері» дербес білім беру ұйымының «Цифрлық дәуірдегі мектеп білімі: басты трендтер мен талаптар» атты XIV халықаралық конференциясы өз жұмысын бастады.Конференцияға еліміздің барлық өңірлерінен келген педагогтер, мемлекеттік органдардың өкілдері, сондай-ақ Қазақстан, Ұлыбритания, АҚШ, Финляндия, Австралия, Италия, Испания, Қытай және басқа да елдердің сарапшыларын қоса алғанда, шамамен 1500 қатысушы жиналды. Олар цифрлық трансформация жағдайындағы мектеп білімінің қазіргі үрдістері, сын-қатерлері және даму болашағын талқылауда.Сонымен қатар конференция жұмысына Әзербайжан, Өзбекстан, Қырғызстан, Камерун және Малайзия елдерінің өкілдері қатысуда. Бұл форумның халықаралық деңгейін және ашық диалог алаңы екенін айқын көрсетеді.Конференцияның ашылуында Қазақстан Республикасының Президентінің кеңесшісі Алексей Цой форумның тақырыбы елдің білім беру саласындағы стратегиялық бағытымен үйлесетінін атап өтті. Ол өңірлер мен халықаралық қауымдастық өкілдерінің кең қатысуы бұл шараны тәжірибе мен идея алмасудың бірегей алаңына айналдыратынын айтты. Алексей Цойдың айтуынша, жасанды интеллект білім беру үдерісін қолдауға бағытталуы тиіс, алайда оны алмастыра алмайды. Сол себепті заманауи технологияларды білім беру жүйесінің дамуына тиімді бағыттап пайдалану аса маңызды.«Назарбаев Зияткерлік мектептері» дербес білім беру ұйымының Басқарма төрағасы Әнуар Жанғозин өз баяндамасында білім беру жүйесіне жасанды интеллект технологияларын енгізу бағытындағы NIS тәжірибесін таныстырды. Оның айтуынша, бұл үдеріс кезең-кезеңімен жүзеге асырылып келеді. Алдымен білім беру тұғырын қалыптастыру, кейін ұйымның цифрлық өнімдерін әзірлеу қолға алынған. Солардың бірі – Arizona State University университетімен бірлесе әзірленген Beyim.ai жобасы. Бұл платформа оқыту үдерісін жекелендіруге және жасанды интеллект көмегімен білім сапасын талдап, жетілдіруге мүмкіндік береді.<img src="https://knadmin.beoblood.kz/uploads/nish_1aa1386429.jpg" alt="ниш.jpg">Сондай-ақ Әнуар Қанатұлының сөзінше, технологиялық шешімдер білім сапасын арттыруға бағытталғанымен, басты назар әрдайым мұғалім тұлғасына аударылуы тиіс.<blockquote>– Технологиялар білім беру жүйесіне өзгеріс әкеліп жатыр, алайда олар ешқашан мұғалімді алмастыра алмайды. Білімнің шынайы мәнін ашатын – адамның ақылы, құндылықтары мен жүрек жылуы. Назарбаев Зияткерлік мектептері оқушылардың ойлау, сезіну және технологияны тиімді қолдану қабілеттерін тең дамытуға ұмтылады. Біздің мақсат – жасанды интеллект адамды емес, адам жасанды интеллектті басқаратын қоғам қалыптастыру, – деп түйіндеді өз сөзін NIS Басқарма төрағасы.</blockquote>Халықаралық сарапшылар жаңа буын технологияларын білім беру жүйесіне енгізу бойынша өз көзқарастарын ұсынды. Ұлыбританиядағы Bedrock AI және Diverse AI компанияларының негізін қалаушы әрі бас директоры Тоджу Дьюк жасанды интеллектті қолданудағы этикалық және қауіпсіздік аспектілеріне назар аударды. Гонконгтағы Yew Chung ерте білім беру колледжінің вице-президенті Эрик Ченг жекелендірілген оқытуға арналған бейімделетін платформаларды енгізу тәжірибесін бөлісті. Ал Ұлыбританиядан келген цифрлық білім беру жөніндегі сарапшы Дэн Фицпатрик жасанды интеллектті оқу үдерісінде қолдану тәсілдері туралы баяндама жасады.<blockquote>– Білім берудегі жасанды интеллекттің ықпалы туралы осы конференцияда сөз алу мен үшін үлкен қуаныш. Қазақстанның жасанды интеллект технологияларын енгізуге және оқушыларды жаңа технологиялық дәуірге қажетті заманауи құралдар мен дағдылармен қамтамасыз етуге деген талпынысы ерекше әсер қалдырды, – деді Дэн Фицпатрик.</blockquote>Екі күнге жалғасатын конференцияда қатысушылар оқытудың заманауи әдістемелері, оқушылардың цифрлық сауаттылығын арттыру, PISA 2025&nbsp;шеңберінде дағдыларды бағалау, сондай-ақ жасанды интеллектті білім беру процесінде қолданудың мүмкіндіктері мен тәуекелдері жөнінде пікір алмасады. Бағдарламада пленарлық отырыстар, тақырыптық секциялар, сараптамалық пікірталастар, практикалық воркшоптар мен демонстрациялық сабақтар қамтылған. Ал «NIS.KORME» көрмесінде отандық және шетелдік компаниялар Қазақстанның EdTech саласын дамытуға арналған инновациялық шешімдері мен өнімдерін ұсынады.Сондай-ақ&nbsp;елдің әр өңірінен келген 100-ден аса педагог өздерінің ғылыми-зерттеу жобалары мен педагогикалық тәжірибелерін ұсынатын зерттеу постерлері байқауына қатысуда. Байқау қорытындысы бойынша ең үздік 10 жұмыс арнайы марапатталады.

1500 отандық және шетелдік педагог цифрлық дәуірдегі мектеп білімінің болашағын талқылады

<a href="https://kyzylorda-news.kz/">Kyzylorda-news.kz</a> Сырдария ауданында облыстық Қазақстан халқы Ассамблеясы жанындағы Ғылыми-сарапшылық топ мүшелерінің қатысуымен «Еліміздің басты құндылығы – бірлік пен келісім» тақырыбында мазмұнды кездесу өтті.Шараның мақсаты – ел ішіндегі татулық пен қоғамдық келісімнің маңыздылығын насихаттау, этносаралық қатынастар мәдениетін нығайту және бірлікті арттыру бағытында пікір алмасу болды.Кездесуді Сырдария ауданы әкімінің орынбасары Димаш Байдушев модератор ретінде жүргізіп, аудан көлемінде этносаралық қатынастарды дамыту және қоғамдық келісімді қалыптастыру бағытында атқарылып жатқан жұмыстарға тоқталды.Жиын барысында облыстық Ақсақалдар кеңесінің мүшесі Жақсыбай Жакеев, Қорқыт Ата атындағы Қызылорда университетінің аға оқытушысы, заң ғылымдарының магистрі, облыстық ҚХА жанындағы Ғылыми-сарапшылық топтың мүшесі Қуаныш Жарекеев, сондай-ақ Сырдария аудандық Ақсақалдар кеңесінің мүшесі Марат Омаров өз ой-пікірлерін білдіріп, қоғамдағы тұрақтылық пен бірліктің маңызын атап өтті.Кездесуге сондай-ақ Қызылорда облысының «Қоғамдық келісім» коммуналдық мемлекеттік мекемесінің аға сарапшысы Бауыржан Жанұзақов қатысып, Ассамблея жанындағы Ғылыми-сарапшылық топтың мақсат-міндеттері мен өңірде жүзеге асып жатқан жобалар жөнінде ақпарат берді.Кездесу соңында қатысушылар елдің бірлігі мен ынтымағын сақтау жолында бірлесіп жұмыс істеудің қажеттілігіне тоқталып, ұсыныстар мен пікірлерін ортаға салды.Шараға аудан әкімдігі мен қоғамдық даму бөлімінің өкілдері, Ақсақалдар мен Аналар кеңесінің мүшелері, медиаторлар, белсенді жастар және этнос өкілдері қатысты.

«Еліміздің басты құндылығы – бірлік пен келісім» тақырыбында кездесу өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Абай атындағы Мемлекеттік сыйлықтың иегері, Ұлттық Құрылтайдың мүшесі, белгілі ақын Светқали Нұржанмен шығармашылық кездесу өтті.Кездесуге зиялы қауым өкілдері, университеттің профессор-оқытушылар құрамы, басқа өңірлерден келген қонақтар, студенттер мен БАҚ өкілдері қатысты.Жиында Ғылыми жұмыстар және халықаралық байланыстар жөніндегі проректор Майнура Бурибаева сөз сөйлеп, ақынның қазақ руханиятына қосқан зор еңбегін атап өтіп, университеттің ең жоғары марапаты &nbsp;«Қорқыт Ата атындағы Алтын медальді» табыстады.Светқали Нұржан – қазақ әдебиетінің көрнекті өкілі, ел руханиятына ерекше серпін берген қаламгер. Оның «Аруана», «Ай таранған түн», «Таңның лағыл жұлдызы», «Жұлдыздардың жұпары», «Сарыайшықтың көзесі» атты жыр жинақтары – қазақ поэзиясының інжу-маржандары саналады. Сондай-ақ, ақын Генрих Гейне, Еуропа поэзиясы мен «Қырық хикмет» секілді әлем әдебиетінің жауһарларын қазақ тіліне аударған талантты тәржімашы ретінде де кеңінен танымал.&nbsp;Қаламгердің әдеби еңбегі жоғары бағаланып, ол 1996 жылы «Дарын» мемлекеттік сыйлығының лауреаты, 2017 жылы «Құрмет» орденінің иегері атанды. Сонымен қатар, Махамбет атындағы сыйлықтың иегері, Қазақстан Жазушылар одағының және Президенттік стипендияның лауреаты.Кездесу барысында студенттер өздері шығарған өлеңдерін оқып, Светқали Нұржанның авторлық әнін орындады. Шығармашылық кеш жыр мен рухтың, сөз бен сырдың тоғысқан ерекше сәтіне айналды.Светқали Нұржан қатысушылармен еркін сұқбат құрып, олардың сұрақтарына жауап берді. Бұл жүздесу – ұлт рухының биігін дәріптеген, жастарға шабыт пен рухани қуат сыйлаған мәнді кездесу болды.<img src="https://knadmin.beoblood.kz/uploads/or_yt_ata_universitetinde_belgili_a_yn_Svet_ali_N_rzhanmen_kezdesu_tti_5de6711c04.jpeg" alt="Қорқыт ата университетінде белгілі ақын Светқали Нұржанмен кездесу өтті.jpeg">

Қорқыт ата университетінде белгілі ақын Светқали Нұржанмен кездесу өтті

<a href="https://kyzylorda-news.kz/">Kyzylorda-news.kz</a> Қоршаған ортаны қорғау және санитарлық тазалықты сақтау бағытындағы «AMANAT» партиясының «Таза бейсенбі» акциясы аманаттықтармен әр апта сайын тұрақты түрде ұйымдастырылып келеді. Партияның Шиелі аудандық филиалының белсенділері кент орталығындағы «Достық» аллеясына тазалық жұмыстарын жүргізді.&nbsp;<blockquote>«Таза бейсенбі» – өте маңызды әрі пайдалы бастама. Бұл шара тек айналаны тазарту ғана емес, сонымен қатар ұжымдық жауапкершілікті арттыруға, табиғатты қорғауға деген саналы көзқарас қалыптастыруға үлкен үлес қосады. Апта сайынғы тазалық жұмыстары бізді тәртіпке, ұқыптылыққа, ұйымшылдыққа баулиды. Қоршаған ортаның таза болуы – әр адамның денсаулығы мен өмір сапасының кепілі. Сондықтан мұндай іс-шаралар жастарға да, ересектерге де үлкен тәрбие береді,- дейді партия филиалының консультанты Нұрсұлтан Сапарбаев.</blockquote>Тазалық акциясына Жастар рухының еріктілері мен партия жақтастары жалпы 30 - дан астам азамат үлес қосты. Олар аллея маңын қоқыстан тазартып, ағаштар түбін әктеп, аллеяға сән берді.&nbsp;Атап өтеу керек, Мемлекет басшысының «Таза Қазақстан» жалпыұлттық бастамасына қолдау көрсету бағытында «AMANAT» партиясы қолға алған «Таза бейсенбі» акциясының мақсаты: қоршаған ортаны қорғау және санитарлық тазалықты сақтау, елді мекендерді және қоғамдық орындарды таза ұстауға ынталандыру, тұрғындардың экологиялық мәдениетін қалыптастыру, қоғамдық жауапкершілікті арттыру, ұжымдық еңбекке баулу мен табиғатты аялау, тұрмыстық қалдықтарды дұрыс басқаруға үндеу.<img src="https://knadmin.beoblood.kz/uploads/Dosty_alleyasy_2_40a50a26fd.jpg" alt="Достық аллеясы 2.jpg">

«Таза бейсенбі»: Достық аллеясына тазалық жұмысы  жүргізілді

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек бірқатар әлеуметтік және құрылыс нысандарды аралап, атқарылып жатқан жұмыстардың барысымен танысты.Алдымен аудан басшысы аудандық дене шынықтыру-сауықтыру кешенінде болды. Қазіргі таңда 300 көрермен орындықтары жаңартылып, үлкен спорт залының ішкі жарықтандыру жүйесі толық ауыстырылуда. Сонымен қатар, таеквондо және тренажер залдарына жаңа жабдықтар орнату, резеңке негізді спорттық жабынды төсеу, пластикалық отырғыштар жұмыстары жүргізілуде. Кешеннің ішкі есіктерін орнату жұмыстары да аяқталуға жақын.Аудан әкімі одан кейін Тәуелсіздік ықшам ауданда салынып жатқан тұрғын үй құрылысының сапасын бақылады. Бұл нысандарда екі мердігер жұмыс атқаруда. Инженерлік-коммуникациялық жүйелер бойынша екі нысанда да электр және су жүйелері толық қосылған. Газ жүйесін қосу жұмыстары аяқталуға жақын. Жылу жүйесі және төбе жабынын орнату жұмыстары жоспарлы түрде жалғасуда. Сыртқы абаттандыру, қоршау, тас төсегіш (брусчатка) төсеу жұмыстары кезеңімен орындалуда.<img src="https://knadmin.beoblood.kz/uploads/Audan_kimi_bir_atar_rylys_nysandaryn_aralady_4046eb5626.jpg" alt="Аудан әкімі бірқатар құрылыс нысандарын аралады.jpg">Аудан әкімі бұдан соң «Қазавтожол сервис» жауапкершілігі шектеулі серіктестігінің №56 «Қармақшы жол пайдалану бөлімшесіне» барып, қыс мезгілінде автожолдарды күтіп ұстауға дайындық жұмыстарымен танысты. Мұнда қысқы маусымға арналған арнайы техникалар мен материалдардың дайындық деңгейі, жол қызметкерлерінің жұмыс жоспары қамтамасыз етілуі қаралды.Жалпы, аудан әкімі аталған нысандардың барысын тұрақты түрде бақылауда ұстап келеді. Әрбір нысанның уақытылы аяқталуы, сапалы орындалуы және тұрғындардың игілігіне пайдалануға берілуі – аудан басшысының үнемі қадағалауындағы басты міндеттердің бірі. Осыған орай, Жандос Еркінбек жүргізіліп жатқан жұмыстардың сапасы мен мерзімінде аяқталуының маңыздылығына назар аударып, тиісті сала басшылары мен мердігерлерге нақты тапсырмалар берді.

Қармақшы: Аудан әкімі бірқатар құрылыс нысандарын аралады

<a href="https://kyzylorda-news.kz/">Kyzylorda-news.kz</a> ​Мемлекет басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына арнаған Жолдауында футбол клубтарын жекешелендіруге қатысты жұмысты жеделдету керектігін баса айтқан болатын.​Осыған байланысты Президент тапсырмасына сәйкес, қызылордалық «Қайсар» футбол клубы 2025 жылдың 30 қазанынан бастап ресми түрде «TAU Group LTD» компаниясының басшысы Исламғали Қозбақовтың жеке басқаруына &nbsp;берілді.Алдағы уақытта «Қайсар» футбол клубын дамыту бойынша нақты шаралар қабылданып, клуб академиясы мен инфрақұрылымын дамытуға 12 млрд. теңге көлемінде инвестиция салу жоспарлануда.​Айта кетейік, елімізде алғашқылардың бірі болып қызылордалық «Қайсар» футбол клубы легионерлерден толық бас тартып, жаңа маусымды жергілікті ойыншылармен бастаған болатын.​Ал, биылғы маусымда «Қайсар» футбол клубы 22 ұпай жинап, жалпы кестеде 11 орынға тұрақтап, Қазақстан Премьер-лигасындағы орнын сақтап қалды.Фото: Сыр спорты

«Қайсар» футбол клубы ресми түрде жеке басқаруға берілді  

<a href="https://kyzylorda-news.kz/">Kyzylorda-news.kz</a> &nbsp;Әлеуметтік қорғау саласындағы қызметкерлердің басты міндеті – адамдарға деген қамқорлық. Олардың мақсаты – көмекке мұқтаж жандарға өз уақытында қол ұшын беру. Расында, қоғамымыздың, өміріміздің тұрақтылығы мен әл-ауқаты көп жағдайда халықтың әлеуметтік қорғалу деңгейіне, әлеуметтік кепілдіктерге байланысты болса, оның жүзеге асуы әлеуметтік қорғау жүйесінің мамандарымен тікелей байланысты.Бүгін осы күрделі сала қызметкерлерінің кәсіби мерекесіне орай А.Тоқмағамбетов атындағы қалалық мәдениет үйінде салтанатты шара өтті.Шарада сала жұмысын алға өрлетудегі өлшеусіз үлесі үшін бірқатар сала үздіктеріне, әлеуметтік салада халыққа қызмет көрсетіп жүрген Үкіметтік емес ұйымдарының төрағаларына, қоғамдық қызметкерлерге қала әкімінің алғыс хаттары табысталды.

Әлеуметтік қорғау саласы қызметкерлерінің кәсіби мерекесі аталып өтті

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Сыр еліне жұмыс сапарымен келіп, өңірдің әлеуметтік-экономикалық дамуымен, өндіріс, инфрақұрылым, мәдениет және спорт нысандарымен танысты.Сапар «Қорқыт ата» халықаралық әуежайының жаңа терминалын аралаудан басталды. Мемлекет басшысына өткізу мүмкіндігі жылына 300 мың жолаушыдан 500 мыңға дейін артқан әуе айлағының тіркеу және тексеру аймақтары, шекаралық-кедендік бақылау пункттері, күту залы, сондай-ақ автоматтандырылған жүк беру жүйесі көрсетілді.Өнер орталығында аймақ басшысы Нұрлыбек Нәлібаев Қызылорда облысының әлеуметтік-экономикалық дамуы, инвестициялық жобаларды жүзеге асыру барысы, «Таза Қазақстан» экологиялық бағдарламасы аясында атқарылған жұмыстар, облыс орталығы мен елді мекендерді абаттандыру жөнінде есеп берді.Инвестициялық жобалар таныстырылып, Orient Ceramic KZO компаниясының қыш тақта өндіретін зауыты, Fabe Agro жылыжай кешені, With You қатты тұрмыстық қалдықтарды өңдейтін кәсіпорны, Seven Rivers Technologies компаниясының шыны ыдыстар, Roka Group компаниясымен бірлескен санитарлық-техникалық бұйымдар өндірісі және басқа да жобалар жөнінде баяндалды. Шыны кластерін дамыту, бу-газ қондырғысы, тау-кен байыту фабрикасы, кальцийлендірілген сода өндіру зауыты, тауарлы сүт фермасы жобаларын іске асыру жоспары жайында айтылды.Өткен жылдың наурыз айында ашылған 1000 орындық көпфункционалды Өнер орталығы &nbsp;бүгінде қала сәулетіне ерекше сән берген ғимаратқа айналды. Мұнда симфониялық, эстрадалық және ұлттық өнер бағытындағы концерттік бағдарламалар, шығармашылық кештер, түрлі форматтағы қоғамдық іс-шаралар өткізілуде.Осы орталықта өңір жұртшылығымен кездескен Қасым-Жомарт Тоқаев аймақтың жоғары даму қарқынына тоқталып, алдағы уақытта да ауқымды жұмыс атқарылатынын айтты.Мемлекет басшысы «Сыр жұлдыздары» шығармашылық-инновациялық академиясын, «Қызылорда-нан» цехын, жылу-электр орталығын, 11 мың орындық жаңа стадионды, үстел теннисі орталығын, тарихи-өлкетану музейін көріп шықты.Алдағы жоспарларды уақытылы және сапалы іске асыру, инвестициялық климатты жақсарту және бизнес жүргізу үшін қолайлы жағдай жасау бағытындағы жұмыстарды жалғастыруды тапсырды.Сапардан соң облыс әкімі Нұрлыбек Нәлібаевтың төрағалығымен мәжіліс өтті. Аймақ басшысы Президент сапарын жоғары деңгейде ұйымдастыруға атсалысқан азаматтарға және облыстық басқармалар мен мекемелер қызметкерлеріне алғыс білдірді.<img src="https://knadmin.beoblood.kz/uploads/Oblys_kimi_esep_beru_2_381ac8db35.jpg" alt="Облыс әкімі есеп беру 2.jpg">

Мемлекет басшысы жоспарлы жұмыстарды жалғастыруды тапсырды

<a href="https://kyzylorda-news.kz/">Kyzylorda-news.kz</a> «AMANAT» партиясы алаңында облыстық мәслихаттағы депутаттық &nbsp;фракциясының мүшесі, партияның облыстық филиалы жанындағы партиялық бақылау комиссиясының төрағасы Нұркен Бақытбекұлы қоғамдық қабылдау өткізіп, &nbsp;тұрғындар өтініштерін тыңдады.&nbsp;Қабылдау барысында азаматтардан &nbsp;әлеуметтік қолдау, ата-ана қамқорлығынсыз қалған жандарға көрсетілетін көмектер және өзге де қоғамдық мәселелер бойынша өтініштер мен ұсыныстар ортаға салынды.&nbsp;Нұркен Бақытбекұлы аталған мәселелерді жан-жақты зерттеп, құзырлы мекемелерге депутаттық сауал жолдайтынын, ұсыныстарын жүзеге асыру барысы қатаң бақылауында болатынын айтты.&nbsp;Келушілерге партияның бағдарламасы аясында атқарлып жатқан шаралар таныстырылып, алдағы жоспарлар түсіндірілді.

Фракция мүшесі қабылдау өткізді 

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінде «Ауыл мектебі: сапалы білім мен кәсіби ынтымақтастық алаңы» атты тірек мектептерінің облыстық форумы өтті. Іс-шараға «Ауылдық мектептердің әлеуетін арттыру» ұлттық жобасына қатысушы білім ордаларынан жүзден астам директор, орынбасары, мұғалім, зертханашы және дефектолог маманы қатысты.Пленарлық отырыс барысында ауыл мектептерін дамыту мәселелері талқыланып, тірек мектептердің мұғалімдері өздерінің тиімді оқыту тәжірибелерімен бөлісті. Педагогикалық шеберлік орталығының тренерлері фасилитациялық сессиялар өткізіп, Назарбаев Зияткерлік мектептерінің ұстаздары заманауи оқыту әдістерін ұсынған тәжірибелік сабақтар ұйымдастырды.Жаңақорған ауданындағы №286 орта мектеп - 2023 жылдан бастап ұлттық жоба қатысушысы. Осы кезең ішінде NIS тарапынан әдістемелік қолдау көрсетіліп келеді. Бірлескен жұмыс нәтижесінде мектеп ұжымы жүргізген зерттеу жобаларын қараша айында Жапонияда өтетін халықаралық WALS конференциясында дүниежүзілік қауымдастыққа таныстыруға мүмкіндік алды.Бүгінгі форум өңірдің білім беру жүйесіндегі кәсіби ынтымақтастықты нығайтуға, инновациялық педагогикалық тәжірибелерді таратуға және ауыл мектептеріндегі сапалы білім беруді дамытуға бағытталған маңызды алаңға айналды.<img src="https://knadmin.beoblood.kz/uploads/nish2_f4f6474f63.jpg" alt="ниш2.jpg">

Архив