<a href="https://kyzylorda-news.kz/">Kyzylorda-news.kz</a> &nbsp;Қызылорда облысының ПД Есірткі қылмысына қарсы іс-қимыл басқармасы тарапынан, арнаулы орта және жалпы білім беретін оқу орындарының оқушы, студеттері үшін «Жас ұрпаққа туындаған жаңа қауіп – синтетикалық есірткі заттар» тақырыбында &nbsp;семинар-тренинг ұйымдастырылды.&nbsp;Семинар-тренингтің мақсаты – нашақорлыққа байланысты проблемаларды анықтау және есірткі мен басқа да психоактивті заттарды алғашқы қолданудың алдын алу.<img src="https://knadmin.beoblood.kz/uploads/1_Zhas_rpa_a_tuynda_an_zha_a_auip_sintetikaly_esirtki_zattar_ta_yrybynda_seminar_trening_tti_e94dbe866a.jpg" alt="1«Жас ұрпаққа туындаған жаңа қауіп – синтетикалық есірткі заттар» тақырыбында семинар-тренинг өтті.jpg">Есірткіге тәуелділіктің алдын-алудың басты ерекшелігі – жасөспірімдерге психоактивті заттарды қолданудың әлеуметтік салдарларын түсіндіру, себебі медициналық салдары туралы жасөспірімдер біледі. Профилактикалық жұмыстың ең тиімді әдісі тренинг сабақтары болып табылады.Семинар-тренинг жастар мен жасөспірімдер аудиториясымен жұмыс істеудің негізгі әдістемелік талаптарын ескере отырып, аудиториямен «тең дәрежеде» қарым-қатынас жасалуды қолданылды.&nbsp;<img src="https://knadmin.beoblood.kz/uploads/2_Zhas_rpa_a_tuynda_an_zha_a_auip_sintetikaly_esirtki_zattar_ta_yrybynda_seminar_trening_tti_43bd0565f9.jpg" alt="2«Жас ұрпаққа туындаған жаңа қауіп – синтетикалық есірткі заттар» тақырыбында семинар-тренинг өтті.jpg">Кездесу барысында, балалардың нашақорлық проблемасы туралы хабардар болу деңгейін арттыру, нашақорлыққа көзқарасын өзгерту, «Есірткіге жоқ!» деп айта білу және денсаулықты сақтауға уәждемені қалыптастыру бойынша жұмыс жүргізілді. Семинар-тренингтерге 10000-нан астам оқушы, студент &nbsp;қатысты.

«Жас ұрпаққа туындаған жаңа қауіп – синтетикалық есірткі заттар» тақырыбында  семинар-тренинг өтті

<a href="https://kyzylorda-news.kz/">Kyzylorda-news.kz</a> Республика күніне орай біржолғы төлем беріледі.Республика күніне орай кейбір астаналықтар қаржылай төлем алады. Бұл туралы Астана қаласының Жұмыспен қамту және әлеуметтік қорғау басқармасы мәлім етті, деп хабарлады <a href="https://baq.kz/respublika-kunine-oray-keybir-astanalyqtarga-birzholgy-tolem-beriledi-200023420/">BAQ.KZ </a>тілшісі.Төлем Астана қаласы мәслихатының 2023 жылдың қазан айында бекіткен әлеуметтік көмек көрсету, оның мөлшерін белгілеу және көмек алуға құқылы азаматтардың жекелеген санаттарының тізімін анықтау қағидаларына сәйкес жүзеге асырылады.Құжатқа сай, мерекелік күнге арналған қаржылай төлем әлеуметтік осал топтарға жататын азаматтарға жылына бір рет, тек бір негіз бойынша және ең жоғары сома көлемінде беріледі.25 қазанға дейін Астанадағы атаулы әлеуметтік көмек алушыларға 4,5 АЕК (17 694 теңге) мөлшерінде төлем жүргізіледі, – деп хабарлады басқармада.Тізімді жұмыспен қамту және әлеуметтік қорғау басқармасы осы жылдың 25 қазанына дейін түскен атаулы әлеуметтік көмек алушылардың өтініштері негізінде қалыптастырады.&nbsp;Фото: BAQ.KZ

Республика күніне орай біржолғы төлем беріледі

<a href="https://kyzylorda-news.kz/">Kyzylorda-news.kz</a> Қармақшы ауданы, Ақай ауылдық округі, Дене шынықтыру сауықтыру кешенінде 2011–2017 жылдары туған балалар мен жасөспірімдер арасында таеквондо спорт түрінен облыстық ашық турнир өтті.Жарыстың басты мақсаты – жасөспірімдер арасында салауатты өмір салтын насихаттау, спорттық шеберлікті арттыру және облыс бойынша таеквондо спортын дамыту болып табылады.Турнирдің ашылу салтанатына Қармақшы ауданы әкімінің орынбасары Диас Асылбекұлы мен Байқоңыр қаласының Таеквондо федерациясының президенті Николай Петрович қатысып, қатысушыларға сәттілік тілеп, жарыстың маңыздылығын атап өтті.Жарысқа Қызылорда, Байқоңыр қалаларынан және Қармақшы ауданынан келген жас спортшылар қатысып, өзара тартысты кездесулер өткізді.Жарыс жоғары деңгейде ұйымдастырылып, жас спортшылар өздерінің шеберліктері мен дайындығын көрсетті.Сайыс қорытындысы бойынша жеңімпаздар мен жүлдегерлерге арнайы медальдар мен дипломдар табысталды.Осындай турнирлер ауданымыздағы спорттың дамуына серпін беріп, жасөспірімдердің спортқа деген қызығушылығын арттыруға үлкен үлес қосуда.

Таеквондо облыстық турнирі өз мәресіне жетті

<a href="https://kyzylorda-news.kz/">Kyzylorda-news.kz</a> &nbsp;Есболатовтар отбасындағы 5 баланы баспанамен қамту мәселесін Ақтөбе қаласы әкімдігі шешеді. Облыс әкімі Асхат Шахаров тапсырма <a href="https://kaz.inform.kz/news/aktobede-anasina-arasha-suragan-bes-bala-baspanamen-kamtiladi-5f2c9f/">берді.</a>Ақтөбе әкімдігінде балалар қауіпсіздігі, арнайы мекемелердің жауапкершілігі мәселесі қаралды.<blockquote>- Бес баланың тағдыры. Мәселені өздері жеткізіп отыр. Бес баланы орналастыру керек. Қалған мәселелерді біз қолға аламыз, одан бас тартпаймыз. Біз үшін ең маңыздысы - бес баланың болашағы. Егер заң бұзушылық болса, жауапқа тартылады. Балалардың тағдыры тікелей бақылауымда болады, - деді Ақтөбе облысының әкімі Асхат Шахаров.</blockquote>Облыс әкімінің баспасөз қызметі Ақтөбе қаласының әкімдігі бес балалы отбасыны баспанамен қамтамасыз ету мәселесін шешуі тиіс екенін хабарлады.Еске салсақ, Есболовтар отбасындағы 5 бала қазір өздерін қолдаған еріктінің үйінде тұрады. Ал анасы Жұлдыз Тлеуф өзінің жүйке ауруына шалдықпағанын растау үшін Алматыдағы емдеу орталығында тексеріліп жүр. Отбасының тұңғышы Құралай Есболатова осы жағдайға жеткізгендердің жауапқа тартылуын <a href="https://kaz.inform.kz/news/aktobede-br-uydn-5-balasi-anasina-arasha-suradi-61b8c5/">сұрады.</a>Фото: Видеодан алынған скрин

Ақтөбеде анасына араша сұраған бес бала баспанамен қамтылады  

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев іс-шараға қатысушыларды зауыттың ашылуымен құттықтап, бұл еліміздегі машина жасау саласын дамыту бағытындағы өте маңызды қадам екеніне назар аударды.Мемлекет басшысы осыдан екі жыл бұрын Қостанайға сапары кезінде KIA Sportage автокөлігінің өндірісі іске қосылғанын еске салды. Бүгін KIA Motors корпорациясымен жасалған келісімге сәйкес зауыт ашылды.Қасым-Жомарт Тоқаев KIA Corporation президенті Хо-сунг Сонгқа және компанияға шынайы ризашылығын білдіріп, ауқымды жұмыс атқарылғанын, нәтижесінде өзара тиімді және жемісті байланыс нығая түскенін атап өтті.<blockquote>– Жалпы, бүгінгі айтулы оқиға Қазақстан мен Корея арасындағы стратегиялық серіктестік пен табысты қарым-қатынастың жарқын көрінісі екені анық. Корея Республикасы – Қазақстанның Азиядағы сенімді әріптесі. Біз ынтымақтастығымызды күшейте түсуге мүдделіміз. Қазір Қазақстанда Кореяның 800-ден астам компаниясы табысты жұмыс істеп жатыр. Соның ішінде автокөлік жасау саласын өзара тиімді ықпалдастық көзі деп айтуға толық негіз бар. Бүгін ашылып жатқан бірегей зауыт – соның айқын дәлелі. КІА корпорациясы автомобиль шығаратын әлемдегі 10 ірі компанияның қатарына кіреді. Сондай-ақ КІА – Қазақстан азаматтары ең көп сатып алатын үш көлік маркасының бірі. KIA брендінің атауы «көтеріліп келе жатқан» және «Азия» деген екі иероглифтен құралуының символдық мәні бар. Шын мәнінде, компания Азияның жаңа экономикалық өрлеуі мен гүлденуінің жарқын көрінісіне айналды. KIA – келешектің корпорациясы. Кәсіпорын шығаратын автокөліктерде озық технология, тартымды дизайн және жоғары деңгейдегі сенімділік үйлесім тапқан, – деді Президент.</blockquote>Қасым-Жомарт Тоқаев KIA компаниясы әлеуметтік жауапкершілік аясында адам капиталын дамытуға белсенді түрде инвестиция салып келе жатқанына тоқталды.<blockquote>– Әлемдік автоалпауыт еліміздегі зауытты іске қоспай тұрып, Қазақстан және Корея университеттерімен, колледждерімен ұзақ мерзімді ынтымақтастықты жолға қоя бастады. Бұдан бөлек, білікті кадрларды даярлау үшін компания корпоративтік оқу орталығын ашуды жоспарлап отыр. KIA осы арқылы қызметкерлерге қамқорлық – ұйым мәдениетінің маңызды бөлшегі екенін көрсетеді. Бұл шынайы құрмет пен ниеттестік ортасын қалыптастырады. Жұмысшы мамандарға дәл осындай қарым-қатынас қоғамда еңбекқорлық пен әлеуметтік әділдік құндылықтарының орнығуына септігін тигізеді. Зауытта өндіріс локализациясына екпін қойылып отыр. Бұл шығарылатын өнімдегі қазақстандық үлесті едәуір арттыруға мүмкіндік береді. Сарапшылардың есебінше, автозауыттағы әрбір жұмыс орны логистика, сервис, инфрақұрылым салаларында жанама түрде бес-алты адамды жұмыспен қамтуға ықпал етеді. Бұл – жай ғана өндіріс желісінің кеңеюі емес, толық өнеркәсіп кластерін қалыптастыру үшін жасалған зор қадам. Мұндай жүйеде шағын және орта бизнес тұрақты дамуға мүмкіндік алады. Өндірісті ұйымдастырудың осындай кешенді тәсілі Қостанай облысының ғана емес, тұтас еліміздің индустриялық әлеуетін күшейтеді. KIA зауыты қазақстандық автоөнеркәсіптің өркендеуіне тың серпін беретініне сенімдімін. Жаңа кәсіпорынның жұмысы отандық автопарктің жаңаруына септігін тигізеді. Ол қалалар мен күре жолдардағы жол қозғалысы қауіпсіздігіне оң әсер етеді, – деді Мемлекет басшысы.</blockquote>Президент мемлекеттің машина жасау саласына баса мән беретінін жеткізді.<blockquote>– Былтыр осы салаға 290 миллиард теңгеден астам инвестиция тартылды. Бұл – алдыңғы жылмен салыстырғанда екі жарым есе көп. Осы үрдіс биыл да жалғасуда. Жыл басынан бері осы салаға 178 миллиард теңге қаражат салынды. Инвесторлар Қазақстанға зор қызығушылық танытып отыр. Ауқымды шаралардың нәтижесінде бұл бағытта бірқатар табысқа қол жеткіздік. Өткен жылы елімізде 145 мыңнан астам көлік шығарылды. Астана, Алматы, Семей, Орал, Көкшетау, Қостанай және Саран қалаларында автокөлік өндірісіне қатысты кәсіпорындар жұмыс істеп тұр. Он мыңнан астам азаматымыз осы салада еңбек етеді. Оның жартысына жуығы – жастар. Ал Қостанайдағы зауытта бір жарым мың адам жұмыс істейтін болады. Жұмысшылар жаңа дағдыларды игеріп, білікті маман ретінде қалыптасады. Алдағы уақытта кәсіпорын инженерлердің нағыз шеберханасы болады деп сенемін, – деді Қасым-Жомарт Тоқаев.</blockquote>Президент жақында Үкіметке экономикалық ахуалды тұрақтандыру үшін нақты шаралар әзірлеу туралы тапсырма беріліп, осыған байланысты бірқатар маңызды шешім қабылданғанын айтты.<blockquote>– Соған сәйкес енді азаматтарға автокөлікті лизингпен алу мүмкіндігі ұсынылады. Соның арқасында автокөліктер халыққа мейлінше қолжетімді бола түспек. Елімізде KIA Qazaqstan зауытының іске қосылуы осы саланы технологиялық тұрғыдан жаңғыртуға зор серпін берері сөзсіз. Кәсіпорын болашақта басқа да жаңа көлік түрлерін шығарады деп сенемін. Осылайша, әлемдік озық талаптарға сай көліктерімізді сыртқы нарыққа, яғни шетелге шығаруға мүмкіндік болмақ. Қазақстан жаһандық автокөлік өнеркәсібінің дамуына бар күш-жігерін салуға дайын, – деді Президент.</blockquote>Мемлекет басшысы Қасым-Жомарт Тоқаев KIA Corporation президенті Хо-сунг Сонгты ІІ дәрежелі «Достық» орденімен марапаттады.<blockquote>– Біз Сіздің қазақ-корей ынтымақтастығының дамуына, қос халықтың арасындағы достықтың нығаюына қосқан үлесіңізді жоғары бағалаймыз. Шын мәнінде, еліміздің автокөлік саласын дамытуға сіңірген еңбегіңіз мол, – деді Президент.</blockquote>KIA Qazaqstan зауытын салу туралы шешім 2023 жылы қабылданды. Кәсіпорын Қостанай қаласының индустриялық аймағындағы 62,95 гектар аумақта орналасқан. Зауыт жылына 70 мың көлік өндіре алады. Инвестиция көлемі – 131,5 миллиард теңге. Кәсіпорында 1500 жұмыс орны ашылған. Ал оның өнімі Қазақстанға, Орталық Азия және ЕАЭО елдерінің нарықтарына шығарылады.Фото: Ақорда

Мемлекет басшысы телекөпір арқылы KIA Qazaqstan автомобиль зауытын ашты

<a href="https://kyzylorda-news.kz/">Kyzylorda-news.kz</a> Қызылорда тұрғыны заңсыз ойын бизнесін ұйымдастырған. Сот оны 2,5 жылға бас бостандығынан айырылды.Сотталушы бір топ тұлғалармен сөз байласу арқылы ойын бизнесімен заңсыз айналысқан. Пәтерді жалға алғаннан кейін ол процессорлар, мониторлар мен ноутбуктер әкеліп, жабдықты интернетке қосып және онлайн казино ойындарын іске қосқан. Сондай-ақ, ойыншыларға қолма-қол ақша тігу және ойындарға қатысу мүмкіндігін берген делінген Қызылорда қалалық №2 сотының <a href="https://kzl.sud.kz/kaz/news/zansyz-oyyn-biznesin-uyymdastyrgan-7">хабарламасында.</a>Осылайша, сотталушы жеке адамдар тобымен алдын ала сөз байласу арқылы заңсыз ойын мекемесін ашып, қызмет көрсетіп, ойын және онлайн казино қызметін жүзеге асырып, осы арқылы ойын бизнесі саласындағы қызметті заңсыз ұйымдастырған.Сотталушының кінәсі қылмыстық іс материалдарымен расталды.Сот әйелді Қазақстан Республикасы Қылмыстық кодексінің 307-бабының 2-бөлігінің 2- тармағымен кінәлі деп танылып, оған 2 жыл 6 ай мерзімге бас бостандығынан айыру жазасы тағайындады.Фото: freepik.com

Қызылордалық келіншек ойын бизнесін заңсыз ұйымдастырған

<a href="https://kyzylorda-news.kz/">Kyzylorda-news.kz</a> &nbsp;Танымал актер Олжас Абай жеке парақшасында жазба жариялап, оқырманын ойландырып қойды. Бұл туралы <a href="https://stan.kz/zhanaligimiz-bar-olzhas-abay-ariptesi-badikova-turali-z-425109/">Stan.kz</a> ақпарат агенттігі хабарлады.Өнер иесі халыққа рақмет айтты.<blockquote>“Біздің шығармашылығымызды жоғары бағалап, бізбен бірге жеңіске жетіп келе жатқан, талғамы биік көрермендерге көп&nbsp;алғыс айтамын. “Ыстық ұя”&nbsp;фильмі&nbsp;жай ғана драма емес, қоғамның бір айнасы екенін өздеріңіз дәлелдеп бердіңіздер. Рақмет! Алдағы жаңалық бұдан да шынайы, бұдан да қызық&nbsp;болмақ", – деп жазды актер.</blockquote>Желі қолданушылары актердің жеке басына қатысты болжам&nbsp;жасап жатыр.<blockquote>“Ендігі жаңалық үйлену той&nbsp;ма?", "Сөз салуды ұйымдастырып жатыр-ау”, "Енді жасыра бермей айтыңыздар, тиіспейміз", "Ең бастысы бақыттысыңдар!", "Әдемі жұпсыңдар, әпкеме жездем сай", “Ештеңеге қарамай бақытты болыңдар”&nbsp;–&nbsp;деп жазды көпшілік.</blockquote>Фото:&nbsp;https://www.instagram.com/ochooou_official

"Жаңалығымыз бар": Олжас Абай әріптесі Бадықова туралы жазбасымен елді қызықтырып қойды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы Достық үйінің мәжіліс залында облыста этномедиация мен медиацияны дамыту бойынша ғылыми және әлеуметтік жобалар байқауы өз жұмысын бастады.Байқау Қызылорда облыстық Қазақстан халқы Ассамблеясының бастамасымен және Қызылорда облыстық қоғамдық даму басқармасының «Қоғамдық келісім» КММ-нің ұйымдастыруымен өтуде.Іс-шараны ашқан «Қоғамдық келісім» КММ бөлім басшысы Шахизат Абдраманова қатысушыларды құттықтап, медиация институтын дамыту мен татуласу мәдениетін қоғамда қалыптастырудың маңыздылығына тоқталды.Сондай-ақ облыстық Қазақстан халқы Ассамблеясы жанындағы Этномедиация орталығының төрағасы, психолог-медиатор Жанна Мирамбекқызы сөз сөйлеп, қатысушыларға сәттілік тілеп, жобалар қоғамдағы келісім мен бірлікті нығайтуға бағытталған маңызды бастама екенін атап өтті.Байқаудың басты мақсаты – медиация және этномедиация институттарын насихаттау, соттан тыс татуласу тетіктерін жетілдіру, сондай-ақ елдегі қоғамдық келісім мен жалпыұлттық бірлікті нығайту болып табылады.Жоба қатысушылары өздерінің ғылыми және әлеуметтік бастамаларын таныстырып, медиация мәдениетін дамытудың жаңа тәсілдері мен тиімді ұсыныстарын ұсынбақ.

Этномедиация мен медиацияны дамытуға бағытталған жобалар байқауы басталды

<a href="https://kyzylorda-news.kz/">Kyzylorda-news.kz</a> Ағымдағы жылдың 18 қазан күні Қызылорда қаласында облыстық «Алтын Күз – 2025» мерекелік шарасы аясында Қармақшы ауданының ауыл шаруашылығы өнімдерінің жәрмеңкесі ұйымдастырылған болатын. Ауқымды шара аясында ауданнан жеткізілген күріш, бақша өнімдері, көкөніс, ет, балық, сүт өнімдері қала тұрғындарына қолжетімді бағада ұсынылды. Жәрмеңкеге келген тұрғындар өнімдердің сапасына оң бағасын беріп, ризашылықтарын білдірді.Осыған орай, Қармақшы ауданы әкімшілігінің мәжіліс залында аталған шараға белсенді атсалысқан азаматтарды марапаттау рәсімі өтті. Іс-шараны аудан әкімі Жандос Еркінбек ашып, жиналғандарды құттықтады.<blockquote>«Облыс орталығында өткен осындай ауқымды шараға белсене қатысып, аудан абыройын арттырған барлық азаматтарға шынайы алғысымды білдіремін. Бұл — бір ғана саланың емес, бүкіл ауданның ортақ жеңісі. Қармақшы қашан да еңбек пен бірліктің мекені екенін тағы бір мәрте дәлелдеді», – деді өз сөзінде.</blockquote>Шара барысында бірнеше сала қызметкерлері облыс әкімінің Алғыс хатымен марапатталды.Марапаттау рәсімінен кейін сөз алған аудандық мәслихат төрағасы Әділ Қошалақов аудан еңбеккерлеріне ризашылығын білдіріп, ауыл шаруашылығы саласының ел экономикасындағы маңызына тоқталды.Еске салсақ, Қармақшы ауданы былтыр егін шаруашылығынан «Үздік» деп танылса, биыл мал шаруашылығы саласы бойынша «Озат аудан» атанып отыр. Бұл жетістік — аудан басшылығы мен ауыл еңбеккерлерінің тынымсыз еңбегінің нәтижесі.<img src="https://knadmin.beoblood.kz/uploads/7_arma_shy_audany_auylsharuashyly_zh_rme_kesinde_zho_ary_ba_alandy_495d6d1046.jpg" alt="7Қармақшы ауданы ауылшаруашылық жәрмеңкесінде жоғары бағаланды.jpg">

Қармақшы ауданы ауылшаруашылық жәрмеңкесінде жоғары бағаланды

<a href="https://kyzylorda-news.kz/">Kyzylorda-news.kz</a> 17-18 қазан күндері Kyzylorda Hub бизнес-инкубаторында өткен EdTech Hackathon-да өңірдің технологиялық болашағының жаңа беті ашылды. 170-ке жуық жастың басын қосқан ауқымды шарада 50-ден астам жоба ұсынылып, қатысушылар білім беру саласының ең өзекті мәселелерін шешу үшін бақ сынасты. Тартысты бәсеке нәтижесінде инклюзивті білім беру және оқу процесін автоматтандыруға бағытталған үздік жобалар анықталды.Қызылорда облысы әкімі аппаратының «Ақпараттық технологиялар орталығы» КММ мен Қорқыт ата атындағы Қызылорда университеті қолдауымен өткізілген бұл хакатон – жай ғана жарыс емес, білім мен технологияның тоғысында жаңа идеялардың дүниеге келуіне арналған іс-шара. Қатысушыларға үш негізгі бағыт бойынша нақты кейстер ұсынылды: ерекше қажеттіліктері бар балаларға арналған платформа жасау, оқытушының жұмысын жеңілдететін цифрлық көмекші құру және білім беру мекемелеріндегі процестерді оңтайландыру.<img src="https://knadmin.beoblood.kz/uploads/Zha_a_buyn_zha_a_sheshimder_yzylordada_bilim_tehnologiyalary_hakatony_tti_6675a15186.jpg" alt="Жаңа буын – жаңа шешімдер Қызылордада білім технологиялары хакатоны өтті.jpg">Терең талдау мен сарапшылардың жоғары бағасынан кейін 1-орын және 500 000 теңге жүлде қорын Дархан Серікбаевтың «AllLearn» жобасы иеленді. Әлеуметтік маңызы зор бұл платформа көру, есту қабілеті шектеулі және аутизм спектріндегі балаларға арналған бірегей шешімдер ұсынады. 2-орын және 300 000 теңгені әр оқушыға жеке оқу траекториясын құратын «Beyim» инклюзивті платформасының авторы, М.Мәметова атындағы педагогикалық колледждің студенті Мұхтар Тұрсынбайдың командасы алды. Ал 3-орын және 200 000 теңге жүлдесін &nbsp;білім беру процесін автоматтандыратын «Birlestik» жобасымен Назарбаев Зияткерлік мектебінің оқушылары Дәулет Сейтқұл мен Нұрдәулет Әділбек иеленді.Хакатонның ең шабыттандыратын сәті – Қорқыт Ата атындағы Қызылорда университетінің білім грантының табысталуы болды. Бұл ерекше жүлдені №1 мектеп-гимназия оқушысы Рауза Берекбайдың «Dreamclass»&nbsp;білім беру платформасы жеңіп алды. Бұл жоба диагнозға сай оқыту пәндерін ұсынып, бағалауды автоматтандырады және әр оқушыға жеке оқыту жоспарын құрады, бұл оның болашақта үлкен сұранысқа ие болатынын көрсетеді.<blockquote>«Бұл хакатон біздің жастарымыздың тек код жазып қана қоймай, қоғамның ең маңызды мәселелеріне терең үңіле алатынын дәлелдеді», – дейді Kyzylorda Hub жетекшісі Жанарыс Тубекбаев. – «Біз жай ғана жеңімпаздарды анықтаған жоқпыз, біз Қызылорданың болашақ технологиялық көшбасшыларының жаңа буынын көрдік. Бұл – біздің өңірдің жаңа технологиялық ордаға айналу жолындағы маңызды қадамы».</blockquote><img src="https://knadmin.beoblood.kz/uploads/1_Zha_a_buyn_zha_a_sheshimder_yzylordada_bilim_tehnologiyalary_hakatony_tti_3ddf45d839.jpg" alt="1 Жаңа буын – жаңа шешімдер Қызылордада білім технологиялары хакатоны өтті.jpg"> Бұл іс-шара Қызылорда облысындағы инновациялық экожүйенің қарқынды дамып келе жатқанының және жергілікті таланттардың әлемдік деңгейдегі мәселелерді шешуге қауқарлы екенінің жарқын дәлелі болды.Kyzylorda Hubбизнес-инкубаторы

Жаңа буын – жаңа шешімдер: Қызылордада білім технологиялары хакатоны өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Басқарма Төрағасы – Ректор Бейбіткүл Каримова грек-рим күресінен Әлем чемпионы атанған университет түлегі Айдос Сұлтанғалиді қабылдады.Айдос Сұлтанғали 2014–2018 жылдары Қорқыт ата университетінің «Дене шынықтыру және спорт» мамандығы бойынша білім алған. Ол студенттік жылдарында спорттағы жоғары нәтижесімен, табандылығымен және үлгілі мінезімен көзге түсе білді.Кездесу барысында ректор Бейбіткүл Каримова чемпионды тарихи жеңісімен құттықтап, университеттің ең жоғарғы марапаты «Қорқыт Ата атындағы Алтын медальді» табыстады.<blockquote>«Сіз өз жеңісіңіз арқылы қазақ спортының абыройын асқақтатып, еліміздің атын әлемге таныттыңыз. Бұл – үлкен еңбектің, мақсатқа деген адалдықтың жемісі. Қорқыт ата университеті Сіздей түлектерімен әрдайым мақтанады», – деді университет басшысы.</blockquote>Айта кетейік, жуырда Хорватияның Загреб қаласында өткен Әлем чемпионатында Айдос Сұлтанғали 60 келіге дейінгі салмақта қарсыластарына мүмкіндік бермей, жеңімпаз атанды. Бұл – Қазақстан спортшылары үшін грек-рим күресінен 1999 жылдан кейінгі алғашқы алтын медаль.Айдос Сұлтанғали бұған дейін 2018 және 2022 жылдары Әлем чемпионатының қола жүлдегері атанған болатын. Ал биылғы жеңіс – оның табандылығы мен ерен еңбегінің жемісі.

Архив

«Жас ұрпаққа туындаған жаңа қауіп – синтетикалық есірткі заттар» тақырыбында семинар-тренинг өтті