<a href="https://kyzylorda-news.kz/">Kyzylorda-news.kz</a> &nbsp;Ішкі істер министрлігі Алматы облысында&nbsp;77 жастағы әжеге жабылып, кейін оны бар күшімен итеріп жіберген полиция қызметкерлерінен қатысты пікір білдірді.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлады.Құқық қорғау органдары күш қолданған кейуананың қабырғасы сынған.&nbsp;“Оқиға Алматы облысындағы Өтеген ауылында қазан айының басында болған. Мәжбүрлеп көшіру кезінде полиция қызметкері 77 жастағы әжейді итеріп жіберген. Әйел темір тұтқаға соғылып, ауырсынған. Кейін дәрігерге көрінген&nbsp;оның қабырғасы&nbsp;сынғанын анықталды”, –&nbsp;деп мәлімдеді&nbsp; Ішкі істер министрі Ержан Сәденов.Оның айтуынша, әжейді итерген полицей қызметінен босатылды. Сондай-ақ&nbsp;оның тікелей басшылығына қатысты қызметтік тексеріс басталды.Фото: Видеодан скрин

Қабырғасы сынған: Кейуананы үйінен күштеп шығарған полиция қызметкері жұмыстан кетті

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков мәжіліс залында қоғам және мемлекет қайраткері, жазушы, публицист Алтыншаш Қайыржанқызы Жағанованы 80 жылдық мерейтойымен құттықтады.Алқалы жиынға аудандық мәслихат төрағасы, аудан әкімінің орынбасарлары, «AMANAT» партиясы аудандық филиалының атқарушы хатшысы, мәдениет пен білім саласының өкілдері, ардагер ұстаздар мен жастар қатысты.Аудан басшысы өз сөзінде Алтыншаш Қайыржанқызының ел дамуына, отбасылық құндылықтарды насихаттауға, руханият пен мәдениетті өркендетуге қосқан зор үлесін атап өтті.<blockquote>– Алтыншаш Қайыржанқызы – қазақ әдебиеті мен қоғамының көрнекті өкілі. Өзінің өнегелі өмір жолында елдің рухани жаңғыруына, әйел теңдігі мен ұлттық мәдениеттің дамуына зор еңбек сіңірді. Сіздің шығармаларыңыз бен қоғамдық қызметіңіз жас ұрпақ үшін үлкен өнеге. Аудан халқы Сіздің еңбегіңізді жоғары бағалайды, – деді Айтбай Насриддинұлы.</blockquote>Кездесу соңында аудан әкімі Алтыншаш Жағановаға ауданның Құрмет грамотасын табыстап, ұзақ ғұмыр мен шығармашылық шабыт тіледі.Өз кезегінде қоғам қайраткері Алтыншаш Қайыржанқызы аудан басшылығына және жерлестеріне жылы лебізін білдіріп, Шиелі ауданының өсіп-өркендеп келе жатқанына қуанышты екенін айтты.Жиын барысында сондай-ақ аудан ардагерлері ізгі тілектерін арнап, ел дамуына сіңірген еңбегі үшін Алтыншаш Қайыржанқызына алғыстарын жеткізді.Фото: Шиелі ауданы әкімінің баспасөз қызметі

Шиелі: Аудан әкімі Алтыншаш Жағанованы 80 жас мерейтойымен құттықтады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтіп, оған құқық қорғау органдарының бірінші басшылары, басқарма басшылары, қала, аудан әкімдері қатысты.Нұрлыбек Машбекұлы Қызылорда облысы бойынша Қылмыстық-атқару жүйесі департаментінің бастығы болған Шаймерден Есенкелдиевті басқа қызметке ауысуына байланысты құрметпен шығарып салды. Ол ротация тәртібімен Ақтөбе облысы бойынша Қылмыстық-атқару жүйесі департаментінің бастығы лауазымына тағайындалды.<blockquote>«Бүгін Өздеріңізбен бірге әріптесіміз Шаймерден Тәжіқұлұлы Есенкелдиевті басқа қызметке ауысуына байланысты шығарып салу үшін арнайы жиналдық. Әріптесіміз еңбек жолын қарапайым полиция қызметкерінен бастап, жоғары басшылық лауазымға дейін сатылап өскен азаматтардың бірі. Өңірімізде алты жыл нәтижелі жұмыс жасап, департамент жоғары жетістіктерге қол жеткізді.Мемлекет басшымыз Қасым-Жомарт Кемелұлы «Қылмыстық атқару жүйесін барынша жетілдіру қажет. Негізгі мақсат – сотталған адамды қоғамнан алшақтату емес. Тиісті тәрбие жұмысын жүргізу өте маңызды. Олардың бойына заң мен тәртіп құндылығын сіңіретін және қалыпты өмірге оралуына ықпал ететін озық тәсілдерді енгізу керек», – деген болатын.</blockquote>Аймағымызда атқарылған жүйелі жұмыстардың арқасында соңғы жылдары жазасын өтеушілерді еңбекке тарту үлесі 68 пайызға өсті. №60 мекемеде 18 өндірістік цех іске қосылып, 400-ден астам бас бостандығынан айырылған азамат жұмыспен қамтылып, қайта әлеуметтендірілді.<img src="https://knadmin.beoblood.kz/uploads/1_riptesteri_Shajmerden_Esenkeldievti_bas_a_yzmetke_auysuyna_oraj_rmetpen_shy_aryp_saldy_554937a635.jpg" alt="1Әріптестері Шаймерден Есенкелдиевті басқа қызметке ауысуына орай құрметпен шығарып салды.jpg">Қылмыстық-атқару жүйесі инфрақұрылымын жақсарту бағытында жергілікті атқарушы органдармен бірлесіп, ауқымды жұмыс атқарылды. № 60 мекемеге 91 млн. теңгеге 97 электрондық есік орнатылып, № 68 мекеменің емхана ғимаратына 171 млн. теңгеге күрделі жөндеу жүргізілуде. Пробация қызметінің тиімділігін арттыру мақсатында жергілікті бюджет есебінен 39 млн. теңгеге серверлік жүйе орнатылып, 34 млн.теңгеге 176 смарт-білезік алынды. Бұл шаралар қайта қылмысқа бару деректерін 28 пайызға дейін азайтуға мүмкіндік берді», –деді облыс әкімі.Басқосуда Шаймерден Тәжіқұлұлына өңірдің әлеуметтік-экономикалық дамуына, қоғамдық қауіпсіздік пен құқықтық тәртіпті қамтамасыз етуге қосқан үлесі үшін Қызылорда облысының Құрмет грамотасы, «Қызылорда облысының дамуына қосқан үлесі үшін» медалі мен облыс әкімінің Алғыс хаты табысталды.Облыс прокуроры Ризабек Ожаров, облыстық мәслихат төрағасы Мұрат Тлеуімбетов құттықтау сөз сөйлеп, ізгі тілектерін жеткізді.Фото: Қызылорда облысы әкімінің баспасөз қызметі

Әріптестері Шаймерден Есенкелдиевті басқа қызметке ауысуына орай құрметпен шығарып салды

<a href="https://kyzylorda-news.kz/">Kyzylorda-news.kz</a> Көпбейінді Қызылорда облыстық ауруханасында Хадия, Хафиз, Хамза есімді үшем дүниеге келді. Бұл туралы аурухананың баспасөз қызметі <a href="https://www.facebook.com/Mob.Kyzylorda?locale=ru_RU">хабарлады.</a>Қызылорда қаласының тұрғыны Әсел Сабырбаева 23 жасында осылайша алғашқы сәбиін дүниеге әкелді. Жас ананы акушерлік бөлім меңгерушісі Арман Ержанова мен акушер-гинеколог Фатима Қосназарова босандырды. Нәрестелердің арасынан қыз баланың салмағы 1 996, ер баланікі 1938, үшінші ер баланікі 1918 грамм болды.<blockquote>- Жүктіліктің 35 аптасында, яғни мерзімінен бұрын босанды. Нәрестелердің жағдайы ауыр болды. Жансақтау бөлімінде 2 күн аппаратта жатты. Олардың өкпесін дамыту үшін дәрі берілді, - деді аурухананың жаңа туған нәрестелердің реанимация және патология бөлімшесінің меңгерушісі Индира Бекжанова.</blockquote>&nbsp;<img src="https://knadmin.beoblood.kz/uploads/9ff934ab_c0df_4e73_94d2_93e886d7bfc8_edf0f3b3a3.jpg" alt="9ff934ab-c0df-4e73-94d2-93e886d7bfc8.jpg">Аурухананың баспасөз қызметі хабарлағандай, үшемнің денсаулығын жақсарту үшін мамандар жоғары сапалы медициналық көмек көрсетті. Қазір нәрестелердің жағдайлары тұрақты. Анасымен бірге палатада ана сүтімен қоректеніп жатыр.Айта кету керек, аурухананың акушерлік бөлімінде жыл басынан бері 1343 нәресте дүниеге келген. Соның 537-сі осы бөлімшеде қосымша ем алған.Фото: Көпбейінді Қызылорда облыстық ауруханасы

23 жастағы қызылордалық дүниеге үшем әкелді  

<a href="https://kyzylorda-news.kz/">Kyzylorda-news.kz</a>&nbsp; Аймақ басшысының қолдауымен аулаларды абаттандыру, тұрғындарға қолайлы орта қалыптастыру жұмыстары белсенді түрде атқарылуда. Бұл жоба бойынша 19 шағын футбол алаңы, 25 жаттығу аймағы, 21 балалар ойын алаңы, 15 аулаішілік шаруашылық алаңы мен 13 демалыс орнын салу көзделсе, әрбір нысан талапқа сай жабдықталып, техникалық жағдайын, тазалық пен тәртіпті, балалар қауіпсіздігін сақтау бірінші міндет болып тұр.<img src="https://knadmin.beoblood.kz/uploads/1_8ab6a8ed1e.jpg" alt="1.jpg">Мұндай шараларды «Универсам» мөлтек ауданындағы Бектұрғанов көшесі №13 үйдің ауласында бой көтеріп жатқан ойын алаңынан көруге болады. «Еңбек Қызылорда» мекемесі атқарып жатқан балаларға арналған заманауи сырғанақтар мен әткеншектердің айналасына қауіпсіздік төсеніштері төселіп, түнгі жарық шамдары қойылуда.<img src="https://knadmin.beoblood.kz/uploads/Aulalar_abattandyryluda_fdb5e402be.jpg" alt="Аулалар абаттандырылуда.jpg">Жалпы, қала тұрғындарының жайлы өмір сүру сапасын арттыруға бағытталған бағалы бастама тұрғындардың көңілінен шығуда.

Аулалар абаттандырылуда

<a href="https://kyzylorda-news.kz/">Kyzylorda-news.kz</a> Сыр өңірінде өткен Kyzylorda Idea Battle инновациялық идеялар байқауында Назарбаев Зияткерлік мектебінің оқушылары денсаулық сақтау, білім беру, қауіпсіздік және маркетинг салалары бойынша 11 IT-жобасын таныстырды.Өнертапқыш өрендер қазіргі заманғы технологияларды қолдану арқылы әлеуметтік және тәжірибелік мәселелерді шешудің тиімді жолдарын ұсынды.Ең ерекше марапат – Қорқыт ата атындағы Қызылорда университетінің білім грантын Ерасыл Айдарбек иеленді. Оның «Remotion» жобасы – инсульттан кейін қолдың ұсақ моторикасын ойын арқылы қалпына келтіретін портативті құрылғы. Бұл шешім ауылдық өңірлерге қолжетімді әрі тиімді медициналық құрылғы ретінде жоғары бағаланды.&nbsp;Kyzylorda Idea Battle байқауы өңірдің жастар стартап-экожүйесін дамытуға және идеялармен алмасуға арналған маңызды алаңға айналды.<img src="https://knadmin.beoblood.kz/uploads/2dd37942_bb63_4f56_b806_71db5cae4764_e8c673be48.jpg" alt="2dd37942-bb63-4f56-b806-71db5cae4764.jpg">

Қызылордадағы NIS оқушылары Idea Battle байқауында жүлделі болды

<a href="https://kyzylorda-news.kz/">Kyzylorda-news.kz</a> Kyzylorda Hub бизнес-инкубаторы ұйымдастыруымен өткен «Idea Battle» стартаптар жарысы өз мәресіне жетті. 135 қатысушы бақ сынасқан тартысты бәсекеде өңірдің ең үздік жас инноваторлары анықталып, жеңімпаздар жалпы сомасы 1 000 000 теңге көлеміндегі жүлде қорын бөліске салды.Қызылорда облысы әкімі аппаратының «Ақпараттық технологиялар орталығы» КММ мен Қорқыт ата атындағы Қызылорда университеті қолдау көрсеткен «Idea Battle» байқауы – өңірдегі идеясы бар кез келген жасқа өз жобасын сарапшылар алдында таныстырып, оны дамытуға алғашқы қадам жасауға мүмкіндік беретін жоба. Байқау финалында денсаулық сақтау, қауіпсіздік, білім беру және маркетинг сияқты маңызды салалардағы ондаған жоба бақ сынасты. Байқаудың 1-орны мен 500 000 теңге жүлдесін Әбдіжәлелұлы Ернардың «ToiBastar» жобасы жеңіп алды. Бұл – той индустриясына арналған, мейрамхана мен әртістерді бір платформада таңдауға мүмкіндік беретін бірегей экожүйе. 2-орын мен 300 000 теңге жүлдесін жүк тасымалын жеңілдететін «MoveLink» логистикалық сервисінің авторы Дүзенов Нұрдәулет, ал 3-орын мен 200 000 теңге жүлдесін маркетингті автоматтандыруға арналған «Addwise» AI-агентінің авторы Мұқағали Жантүгел иеленді.<img src="https://knadmin.beoblood.kz/uploads/Zhas_innovatorlar_shaj_asy_1_zhe_impazdary_belgili_boldy_f193ee828c.jpg" alt="Жас инноваторлар шайқасы 1 жеңімпаздары белгілі болды.jpg">Байқаудың ең маңызды жүлделерінің бірі – Қорқыт Ата атындағы Қызылорда университетінің білім грантын Айдарбек Ерасыл жеңіп алды. Оның «Remotion» жобасы – инсульттан кейін қолдың ұсақ моторикасын ойын арқылы қалпына келтіретін портативті құрылғы. Бұл әсіресе ауылдық жерлер үшін қолжетімді медициналық шешім ретінде сарапшылардың жоғары бағасын алды.<img src="https://knadmin.beoblood.kz/uploads/Zhas_innovatorlar_shaj_asy2zhe_impazdary_belgili_boldy_31f4549aa7.jpg" alt="Жас инноваторлар шайқасы2жеңімпаздары белгілі болды.jpg">Жеңімпаздардан бөлек, байқауда «Qorğa» (жұмысшылар қауіпсіздігін бақылайтын AI-камера), «Pulse Diagnoser» (жүрек жағдайын диагностикалайтын құрылғы), «Kutim.kz» (бет терісін талдайтын мобильді қосымша) сияқты денсаулық сақтау саласындағы маңызды жобалар; «Stop bullying App» (балаларды буллингтен қорғайтын қосымша) сияқты әлеуметтік бастамалар; және «PrepAI» (халықаралық емтихандарға дайындайтын AI-платформа) сияқты білім беру жобалары таныстырылды.<blockquote>«Бұл байқау Қызылорда өңіріндегі таланттардың қаншалықты жоғары деңгейде екенін тағы бір дәлелдеді. Біз тек идеяларды емес, денсаулықты сақтау, қауіпсіздікті қамтамасыз ету сияқты нақты мәселелерді шешуге дайын, терең ойлайтын жас буынды көрдік. Бұл – біздің аймақтың технологиялық болашағының жарқын екенінің белгісі», – деп атап өтті Kyzylorda Hub жетекшісі Тубекбаев Жанарыс.</blockquote>«Idea Battle» сияқты бастамалар жастардың әлеуетін ашып, олардың кәсіпкерлік пен инновацияға деген қызығушылығын арттыруда маңызды рөл атқарады. Ұйымдастырушылар алдағы уақытта мұндай жобаларды дәстүрлі түрде өткізуді жоспарлап отыр. Бұл өз кезегінде аймақтағы стартап экожүйесінің дамуына серпін беріп, жаңа идеялардың өмірге келуіне жол ашады.Kyzylorda Hubбизнес-инкубаторы

«Kyzylorda Idea Battle» жеңімпаздары белгілі болды

<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім вице-министрі Гүлзат Көбенова Сыр өңіріне сапары аясында Қорқыт ата атындағы Қызылорда университетінің әлеуетімен танысты. Вице-министрді қарсы алған университеттің Басқарма Төрағасы-Ректоры Бейбіткүл Каримова кампус-турда алдымен №1 оқу ғимаратындағы арнайы кабинеттерді көрсетті.&nbsp;Одан әрі Гүлзат Ізбасарқызы «Шоқайтану» орталығындағы қазақ халқының азаттығы үшін күрескен Мұстафа Шоқай жөніндегі ғылыми мақалалар мен әдеби еңбектеріне шолу жасап, құнды деректерге қанықты. Вице-министр бастаған жұмысшы топ заманауи оқу құралдарымен жабдықталатын кітапхана құрылысымен де танысты. Ізденушінің білім көкжиегін кеңейтуге арналған нысанда 2 миллионға жуық кітап сақталады. Құрылысшылармен жұмыс барысын талқылаған Гүлзат Ізбасарқызы &nbsp;күрделі жаңғыртудың сапалы әрі уақытылы аяқталуына сенім білдіретінін жеткізді. &nbsp;Мәртебелі мейман Студенттер сарайындағы «Open space» үлгісінде қайта ашылған кітапханаға да арнайы барды. Соңғы үлгідегі компьютер, ноутбук, 30 орындық конференц зал, 10 орындық кіші зал және студенттер үшін 40 орындық жеке орынмен қамтылған «Open Space» қызметіне жоғары баға берді. Вице-министр аралау барысында сирек кездесетін құнды кітаптарға ерекше назар аударды. Әсіресе 18 ғасырда көне корей тілінде жазылған көптомдық жинақтың мән-маңызына айырықша тоқталды. Сондай-ақ 1907 жылы Қазанда жарық көрген құран кітабына да қызығушылық білдірді. &nbsp;<img src="https://knadmin.beoblood.kz/uploads/2_Vicze_ministr_universitet_leuetin_zho_ary_ba_alady_d362015755.jpg" alt="2Вице-министр университет әлеуетін жоғары бағалады.jpg">Сонымен қатар меймандар университет жанындағы студенттер мен оқытушыларға арналған жатақхананың жағдайымен де танысты. Жатақхана ішінде студенттердің бос уақытын тиімді өткізуге арналған демалыс бөлмелері мен оқу залы қарастырылған.Одан әрі вице-министр №9 оқу ғимаратындағы «Арал өңірі экожүйелерін зерттеу халықаралық орталығына» барып, теңіздің құрғаған ұлтанын көгалдандыру жобаларымен танысты. Сонымен қатар «Зоологиялық мұражай», «Жалпы және бейорганикалық химия» оқу-зерттеу лабороториясы, «Микробиология және вирусология» және бірнеше ғылыми-әдісетемелік орталықтың жұмысын көрді. &nbsp; &nbsp;&nbsp;№5 оқу ғимаратында ҚР Ғылым және жоғары білім вице-министрі Гүлзат Көбенованы университеттің жас ғалымдары қарсы алды. Вице-министрге қауыз бен сабаннан алынған биочар, терра прета, целлюлоза, кремний диоксиді секілді ізденушілер өндірген өнімдер жөнінде кеңінен баяндалды. Сонымен қатар Корей мемлекетінің Сеул ұлттық ғылым және технология университетімен бірлескен жобалар көрмесімен танысты. Білім алушылар жасанды интеллект, цифрландыру, робототехника бағытындағы жетістіктерімен бөлісіп, ауқымды жоспарларын ортаға салды. &nbsp;&nbsp;<img src="https://knadmin.beoblood.kz/uploads/1_Vicze_ministr_universitet_leuetin_zho_ary_ba_alady_11b7114c6c.jpg" alt="1 Вице-министр университет әлеуетін жоғары бағалады.jpg"> Гүлзат Ізбасарқызы бастаған топ жұмыс сапары соңында Ботаникалық бақта тал егіп, жасыл желектің артуына үлес қосты. Сонымен қатар күзгі жиын-терімге кіріскен жылыжайды аралап көрді. Вице-министр Сыр өңірінің басты білім ордасының &nbsp;ғылыми-тәжірибелік прогреспен &nbsp;қатар мәдени-спорттық, қоғамдық-әлеуметтік әлеуетті теңдей дамытуды оң жолға қойған жұмысына оң баға берді.

Вице-министр университет әлеуетін жоғары бағалады

<a href="https://kyzylorda-news.kz/">Kyzylorda-news.kz</a> Қызылорда қаласындағы Арбат алаңында Шешен этномәдени бірлестігінің онкүндігі аясында «Лезгинка – достық ритмінде» атты мерекелік іс-шара өтті.&nbsp;Шараның басты мақсаты – би өнері арқылы этносаралық достық пен татулықты дәріптеу, ел ішіндегі бірлік пен келісімнің маңызын кеңінен ұғындыру.Кештің шымылдығын Шешен этномәдени бірлестігінің төраға орынбасары Лайла Пашаева құттықтау сөзімен ашты. Ол өз сөзінде Қазақстан халқы Ассамблеясының 30 жылдығы аясында ұйымдастырылған бұл шараның қоғамдағы өзара түсіністік пен татулықты нығайтуға бағытталғанына тоқталды.<blockquote>– Ассамблея – бейбітшілік пен келісімнің, өзара құрмет пен сенімнің бірегей алаңы. Бірлік пен ынтымақ – еліміздің тұрақтылығы мен дамуының басты кепілі. Біздің бірлестік те осы құндылықтарды насихаттап, ел ішіндегі татулықты нығайту жолында еңбек етіп келеді, – деді Лайла Пашаева.</blockquote>Оның айтуынша, Қызылорда облысындағы Шешен этномәдени бірлестігі 1995 жылы құрылған. Сол уақыттан бері Вайнах этносының мәдениеті мен дәстүрін ұлықтап, жас ұрпақты ұлттық өнерге баулу ісін тұрақты түрде жалғастырып келеді.Әсіресе, шырайлы «Лезгинка» биі этностың рухы мен бірлігін бейнелейтін ерекше өнер ретінде ұрпақтан-ұрпаққа жалғасып келеді.Мерекелік жиында облыстық қоғамдық даму басқармасының «ҚХА хатшылығы – этносаралық қатынастар мәселелері бөлімі» басшысы Ерлан Сисенбиев құттықтау сөз сөйлеп, шараның маңыздылығын атап өтті.<blockquote>– Бұл шара – түрлі этнос өкілдерін бір сахнаға біріктіріп, достық пен келісімнің әуенін тербейтін тамаша дәстүрдің көрінісі. Шешен этномәдени бірлестігі өңірдегі қоғамдық келісім мен бірлікті сақтауға зор үлес қосып келеді, – деді ол.</blockquote>Кеш барысында қала тұрғындары мен қонақтары ұлттық би мен әуенге толы қойылымдарды тамашалап, «Лезгинканың» ырғағына қосылып, бірге би биледі.Мерекелік кеш соңында қатысушылар мен көрермендер бірліктің биік рухын сезініп, Қазақстан халқының достығы мен бейбіт өмірі мәңгі болсын деген тілекпен шараны қорытындылады.<img src="https://knadmin.beoblood.kz/uploads/562807939_18095278150741788_4423535594048966514_n_ea935e6be9.jpg" alt="562807939_18095278150741788_4423535594048966514_n.jpg">

Арбат алаңында мерекелік іс-шара өтті

<a href="https://kyzylorda-news.kz/">Kyzylorda-news.kz</a> Қазалы ауданында қазан айының 12-21 күндері Қазалы ауданының аумақтық қорғаныс батальонымен «Қалқан-2025» арнайы тактикалық оқу-жаттығу жиыны өткізілуде.Осыған сәйкес, Әйтеке би кенттік мәдениет үйінің ғимаратында оқу-жаттығуға қатысатын аумақтық әскери міндеттілердің қатысуымен арнайы жиын өтті. Жиынға аудан әкімінің орынбасары Дәурен Тлеумбетов, Қызылорда облысы әкімінің әскери қауіпсіздік және қорғаныс мәселелері жөніндегі көмекшісі Нұрболат Сейітов және №99 215 әскери бөлімінің командирі Шайзатхан Абжапбаров бастаған бірқатар азаматтар қатысты.Жиында әскери міндеттілерге «Қалқан-2025» арнайы тактикалық оқу-жаттығуның мақсаты түсіндірілді.Оқу-жаттығудың мақсаты - аудан халқын, аумақтық қорғаныс объектілерін және аумағын жұмылдыру, соғыс жағдайы кезеңінде және соғыс уақытында қарсыластың әрекеттерінен қорғау болып табылады. Бүгінгі күнде ауданмыздың әскери міндеттілерінен 91 қазалылық азамат оқу жаттығуға қатысуда. Әскери жиынға шақырылған азаматтар 10 күн бойы Қазалы қаласындағы «Шағала» лагерінде орналасқан казармада тұратын болады. Олар теориялық білімдерін бекітіп, оқу полигонында атыс дайындығынан өтетін практикалық сабақтарға қатысады.Бұл жиындар – жай ғана әскери дайындық емес, әскери міндеттілер арасында бірлікті, үйлесімділікті және жауапкершілікті нығайтудың құралы. Әрбір қатысушы ұлттық қауіпсіздік жүйесіндегі өз рөлінің маңызын түсінеді. Мұндай шаралар азаматтардың кез келген қатер жағдайында әрекет етуге дайын болуының кепілі.<img src="https://knadmin.beoblood.kz/uploads/Taktikaly_o_u_zhatty_u_zhiyny_2_a722ed6b14.jpg" alt="Тактикалық оқу-жаттығу жиыны 2.jpg">

Қазалы ауданында «Қалқан-2025» арнайы тактикалық оқу-жаттығу жиыны өткізілуде

<a href="https://kyzylorda-news.kz/">Kyzylorda-news.kz</a> Қызылорда қаласында Қазақстан халқы Ассамблеясының 30 жылдығы аясында «Қазақстандағы орыс қауымдастығы» республикалық қоғамдық бірлестігінің Қызылорда облыстық филиалы ұйымдастырған онкүндік өз мәресіне жетті.«Бірлігіміз – сан алуандығымызда» атты қорытынды концертке түрлі этнос өкілдері, мәдени бірлестіктердің жетекшілері мен жастар ұйымдарының белсенділері қатысты. Шарада ел бірлігін, этносаралық татулықты және өзара құрметті дәріптеген мазмұнды көріністер мен ән-билер көрерменге көтеріңкі көңіл-күй сыйлады.<img src="https://knadmin.beoblood.kz/uploads/MW_6_A0354_9f82c5d960.jpg" alt="MW6A0354.jpg">Салтанатты кештің ашылуында Қызылорда облысының қоғамдық даму басқармасының басшысы Руслан Каюпов сөз сөйлеп, Ассамблеяның қоғамдағы бірлік пен келісімнің символына айналғанын атап өтті. Ол онкүндік аясында белсенділік танытқан бірқатар азаматтарға алғыс хаттар табыстады.Марапат иелерінің қатарында «Қайсар» футбол командасының ойыншылары, &nbsp;«Дамир» жеке балабақшасының басшысы Әсел Базарбай, «Сиқырлы әлем» балабақшасының жетекшісі Ақмарал Төрешова, «Ассамблея жастары» ұйымының белсенділері және «Жемчужина» би тобының жетекшісі Ирина Ащеулова бар.Концерт барысында түрлі этностардың әндері мен билері орындалды. Көрермендер назарына «Дамир» балабақшасының тәрбиеленушілерінен орыс биі, Анар Ізденнің орындауындағы «Скоростное шоссе» әні, «Индиго» би орталығының «Паук» биі және М.Мәметова атындағы педагогикалық колледждің «Япурай» хорының «Прекрасное далёко» әні ұсынылды.<img src="https://knadmin.beoblood.kz/uploads/MW_6_A0233_c18f6da3fc.jpg" alt="MW6A0233.jpg">Онкүндік аясында ерекше белсенділік танытқан азаматтар түрлі номинациялар бойынша марапатталды. • «Жүректерді біріктірген дауыс» – Анар Ізден • «Үздік суретші» – Гүлзат Жұрқабаева • «Үздік этномәдени орталық жетекшісі» – Неміс орталығы төрағасы Ирина Шек • «Жылдың қолдаушысы» – «Венера Принт» және «Пумба Фемели» • «Спорттық қолдау» – Динара Табынбаева • «Халық достығы» – Байқоңыр қаласы әкімшілігі • «Жыл стилі» – Светлана Цой • «Үздік БАҚ өкілі» – журналист Мира Жакибаева«Қазақстандағы орыс қауымдастығы» облыстық филиалының төрағасы Наталья Мишукова онкүндіктің жоғары деңгейде өтуіне атсалысқан барлық қатысушылар мен серіктестерге ризашылығын білдіріп:<blockquote>— Бұл онкүндік – тек мәдени іс-шаралар жиынтығы емес, ол – халық арасындағы достықтың, өзара түсіністік пен сыйластықтың нақты көрінісі. Бізді біріктіретін басты құндылық – бейбітшілік пен келісім, — деді.</blockquote>Кеш соңында «Ассамблея жастары» ұйымының мүшелері «Менің Қазақстаным» әнін орындап, сахна төрін мерекелік көңіл-күйге бөледі.<img src="https://knadmin.beoblood.kz/uploads/MW_6_A0246_c4a3c03208.jpg" alt="MW6A0246.jpg">

Сыр өңірінде орыс қауымдастығының онкүндігі қорытындыланды

<a href="https://kyzylorda-news.kz/">Kyzylorda-news.kz</a> 2025 жылғы 10 қазанда әл-Фараби атындағы Қазақ ұлттық университетінде Қазақстан халқы Ассамблеясы Журналистер клубының Қазақстан халқы Ассамблеясының 30 жылдығына арналған кеңейтілген отырысы өтті.Іс-шараға Журналистер клубының мүшелері, этноБАҚ өкілдері, өңірлік «Қоғамдық келісім» КММ баспасөз қызметтерінің мамандары, медиаменеджерлер, журналистер мен блогерлер қатысты.Жиынды ҚР Парламенті Сенатының депутаты, ҚХА Журналистер клубының төрағасы Алишер Сатвалдиев ашып, бұқаралық ақпарат құралдарының қоғамдық келісім мен бірлікті нығайтудағы айрықша рөліне тоқталды.ҚР Парламенті Сенатының депутаты, Бас редакторлар клубының төрағасы Бибігүл Жексенбай этноБАҚ қызметін, кәсіби стандарттарды жетілдіру бойынша өз ой-пікірін білдіріп, тәжірибесімен бөлісті.Бағдарлама этносаяси терминологияны дұрыс қолдану, жаңа медиа мен цифрлық технологиялардың этножурналистикаға, антикризистік PR-ға әсерін қамтыды. Сондай ақ, қатысушылар М.Барманқұлов атындағы телестудия мен университет музейін аралады.Кездесудің қорытындысында ҚХА Журналистер клубы мен Бас редакторлар клубы арасында кәсіби ынтымақтастықты дамыту және бірлескен медиажобаларды жүзеге асыруға бағытталған ынтымақтастық туралы меморандумға қол қойылды. Іс-шара соңында қатысушыларға сертификаттар табысталды.<img src="https://knadmin.beoblood.kz/uploads/560915503_4205579846427830_7921791176811655229_n_68ed9eabf5.jpg" alt="560915503_4205579846427830_7921791176811655229_n.jpg">

Архив