<a href="https://kyzylorda-news.kz/">Kyzylorda-news.kz</a> “AMANAT” партиясы алаңында облыстық әділет департаменті басшысының міндетін атқарушы Оразгелді Ұзақбай Оразгелдіұлы қоғамдық қабылдау өткізді.Қабылдау барысында несие тарихын реттеу, алимент өндіру, жеке сот орындаушылардың әрекетсіздіктері және т.б тақырыптар төңірегінде өтініштер мен ұсыныстар тыңдалды.&nbsp;Келушілерге ҚР «Атқарушылық iс жүргiзу және сот орындаушыларының мәртебесi туралы» Заң нормалары түсіндірілді. Алимент міндетті төлем екені және бір бала үшін табысының 25%-ын период сайын өндіру жүргізіледі. Алимент төлемеген жағдайда ҚР «Әкімшілік құқық бұзушылық туралы» Кодексінің 669 бабы, ҚР Қылмыстық Кодексінің 139 және 460 баптары бойынша қарастырылған жауапкершілік түрлері түсіндірілді.&nbsp;Сондай-ақ жеке сот орындаушылардың әрекеттері бойынша қолданыстағы заң нормалары түсіндіріліп, &nbsp;өтініш иесінің мәселесін оңтайлы шешуге көмек көрсетілетіні айтылды.

“AMANAT”: Заң аясында кеңес берді

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қайта жаңғыртудан өткен Қорқыт ата саябағында өткен «Таза Қазақстан» экологиялық акциясы аясындағы тал егу шарасына қатысты. Оған ҚР Парламенті Сенатының депутаттары, зиялы қауым өкілдері, ел ағалары және қала тұрғындары келді."Қорқыт ата" кітабының 1300 жылдығына арнап орнатылған ескерткіш маңындағы саябақ 2002 жылы ашылған. Бүгінде толық жаңарып, тұрғындардың демалысына, серуендеуіне, балалардың ойнауына қолайлы орынға айналды.Абаттандыру жұмыстары 38 828 шаршы метр аумақты қамтыды. Оның &nbsp;1 826 шаршы метрі – құрылыс алаңы, 13 430 шаршы метріне брусчатка төселген, ал 23 572 шаршы метрі көгалдандырылған.Саябақ аумағында заманауи субұрқақтар, спорт және балалар ойын алаңдары, серуен жолдары мен жарықшамдар орнатылған. Сондай-ақ келушілердің жайлы демалысы үшін &nbsp;орындықтар, шағын сәулеттік нысандар қойылып, &nbsp;көгалдандыру және суару жүйесі жүргізілген.«Таза Қазақстан» жалпыұлттық экологиялық акциясы аясында өңірдің барлық елді мекенінде жаппай сенбіліктер мен тал егу шаралары ұйымдастырылды.Шара барысында облыс аумағындағы скверлер мен аллеялар, парктер мен көшелер, теміржол бойы, су айдындары және республикалық, облыстық маңызы бар автомобиль жолдарының бойы тазартылды.Жалпы экологиялық акцияға 20 мыңға жуық адам қатысып, зиялы қауым, еріктілер, экобелсенділер, үкіметтік емес ұйымдар өкілдері, кәсіпорындар мен мекеме қызметкерлері белсенділік танытты. Нәтижесінде облыс аумағына 13 мың түп &nbsp;тал егілді.<img src="https://knadmin.beoblood.kz/uploads/Taza_aza_stan_senbilik_2_9f23d07c01.jpg" alt="Таза Қазақстан сенбілік 2.jpg">

Облыс әкімі жаңарған саябаққа тал егу шарасына қатысты

<a href="https://kyzylorda-news.kz/">Kyzylorda-news.kz</a> Қала күні қарсаңында Тәуелсіздіктің 25 жылдығы даңғылының екінші кезеңі аяқталып, Әбілқайыр хан көшесінен Саламатов көшесіне дейін жаңадан салынған автомобиль жолының салтанатты ашылу рәсімі өтті. Оған &nbsp;ҚР Парламент сенатының депутаттары,зиялы қауым өкілдері мен ел ағалары, қала тұрғындары қатысты.Аймақ басшысы Нұрлыбек Нәлібаев &nbsp;жол инфрақұрылымын дамытуда атқарылған жұмыстарды атап өтіп, жиналған қауымды жаңа жолдың ашылуымен құттықтады.<img src="https://knadmin.beoblood.kz/uploads/T_uelsizdik_da_yly_3_f900370bdd.jpg" alt="Тәуелсіздік даңғылы 3.jpg"><blockquote>“Қызылорда - мегаполис болмағанымен, қарқынды қалалық инфрақұрылым мен өмір сүру сапасын арттыру, экономиканы әртараптандыру бағытында нақты қадам жасаған қала. Халық саны жыл сайын өсуде, аймақ тұрғындарының шамамен 50%-ға жуығы облыс орталығында тұрады. Біз жұртшылықтың жайлы өмір сүруіне бағытталған, қауіпсіз, таза, қолжетімді әрі зияткер қала құру бағытында нақты қадамдар жасадық. Облыс орталығының негізгі көшелері –Шиелі ауданынан кіреберіс жол, Яссауи, Жаппасбай батыр магистральді көшелері төрт жолақты болып кеңейтілді. Бүгін міне, Тәуелсіздікке 25 жыл даңғылының екінші кезеңі аяқталып, ел игілігіне табысталуда. Қорқыт ата әуежайының жаңа терминалынан бастап Гагарин көпіріне дейінгі 27,3 шақырым жол төрт жолақты болып салынды. Жол бойындағы Сыздық, Жаңадария, Шіркейлі каналдары үстіндегі 3 көпір қайта жаңғыртудан өтіп, төрт жолақты болып кеңейтілді. Бұл мақсатқа бюджеттен &nbsp;23 млрд. 962 млн. теңге бөлінді. Жолдарды дамыту қалада өмір сүруді әлдеқайда ыңғайлы әрі қауіпсіз етіп, көліктердің кедергісіз қозғалысына оң септігін тигізеді. Құрылыс жұмыстарын сапалы әрі мерзімінде жүргізген «УАД» жауапкершілігі шектеулі серіктестігіне қызылордалықтардың атынан шынайы алғысымды білдіремін. Әрдайым бірлігіміз бекем, ынтымағымыз ырысты болсын! Жаңа жол берекенің бастауына айналсын! Еліміз еңселі, Тәуелсіздігіміз мәңгілік болсын!”,- деді Нұрлыбек Машбекұлы.</blockquote><img src="https://knadmin.beoblood.kz/uploads/T_uelsizdik_da_yly_4_fef9b62d63.jpg" alt="Тәуелсіздік даңғылы 4.jpg">Рәсімде жаңа жолды сапалы &nbsp;етіп салуға үлес қосқан мердігер мекеме қызметкерлері Құрмет грамотасымен және облыс әкімінің Алғыс хатымен марапатталды. Қоғам қайраткері Ибрагим Әбибуллаев ақ батасын берді.Тәуелсіздік даңғылының ашылу рәсімінде &nbsp;авто және велошеру ұйымдастырылды. Шеруде кейінгі жылдары заманауи техникамен қамтамасыз етілген салалардың көліктері көрсетілді.&nbsp;Атап айтқанда, соңғы үш жылда облыстың медицина ұйымдары мен жедел жәрдем станцияларына 270 жаңа санитарлық көлік, білім саласына 30 оқушы автобусы, қоғамдық көлік паркіне 300 жаңа автобус және 100 экотакси, төтенше жағдайлар қызметіне 31 өрт сөндіру техникасы, коммуналдық кәсіпорындарға 169 арнайы техника, ветеринария саласына 98 көлік берілген.<img src="https://knadmin.beoblood.kz/uploads/T_uelsizdik_da_yly_2_ca5babc1f5.jpg" alt="Тәуелсіздік даңғылы 2.jpg">

Қызылордада Тәуелсіздікке 25 жыл даңғылының екінші кезеңі пайдалануға берілді

<a href="https://kyzylorda-news.kz/">Kyzylorda-news.kz</a> Өнер орталығында «Қорқыт және Ұлы дала сазы» &nbsp;халықаралық фольклорлық-музыкалық өнер фестивалінің гала-концерті өтті.&nbsp;Фестиваль Қызылорда облысы әкімдігінің қолдауымен, халықаралық «Түркі мәдениеті және мұрасы» қорымен бірлесіп ұйымдастырылған.Оған «Түркі мәдениеті және мұрасы» қорының президенті Ақтоты Райымқұлова, &nbsp;Түркия, Әзербайжан, Қырғызстан, Өзбекстан және отандық &nbsp;белгілі ғалымдар, зерттеушілер, мәдениет пен өнер майталмандары, зиялы қауым өкілдері, қоғам қайраткерлері қатысты.Аймақ басшысы Нұрлыбек Нәлібаев фестивальдің түркі халықтарының мәдени байланысын нығайтудағы және ұлттық өнерді дәріптеудегі маңызын атап өтіп, бауырлас елдерден келген &nbsp;қонақтарға алғысын білдірді.<img src="https://knadmin.beoblood.kz/uploads/Muzykaly_ner_festivali_2_135f1b408d.jpg" alt="Музыкалық өнер фестивалі 2.jpg"><blockquote>«Президентіміз Қасым-Жомарт Кемелұлы күні кеше Әзербайжан Республикасының Габала қаласында өткен &nbsp;Түркі мемлекеттері ұйымының 12-ші саммитінде: «Түбі бір түркі жұртының тарихы тамырлас, халықтарымызға ортақ сан ғасырлық шежіреміз бар деп үнемі айтып жатырмыз. Мұның бәрі – берекелі бірлігіміз бен мәңгілік ынтымағымыздың алтын арқауы», – деген болатын. Бауырлас халықтардың рухын көтеру, фольклорлық-музыкалық өнерін дәріптеу, өзара мәдени байланысын нығайтуда фестивальдің маңызы зор. Қорқыт баба мұраларының Біріккен Ұлттар Ұйымы жанындағы ЮНЕСКО-ның ғаламдық материалдық емес мұралар тізіміне енгізілуі – жылдар бойы бірлесіп атқарған жұмысымыздың нәтижелі жемісі. Күллі түркі дүниесінің назарын өзіне аударған, кең даланы жырға бөлеп, нұрға толтырған бұл дәстүрлі өнер &nbsp;мерекесі – ұлттық рухымыздың, түркі жұртының мәңгілік мұрасы мен мәдени сабақтастығының жарқын көрінісі. Түркі халықтарының бірлігі мен рухани тұтастығы нығая берсін! Тәуелсіз еліміздің тұғыры биік, егемендігі еңселі болғай!», – деді Нұрлыбек Машбекұлы.</blockquote>«Түркі мәдениеті және мұрасы» қорының президенті Ақтоты Райымқұлова түбі бір түркі туыстардың басын қосқан халықаралық іс-шараны жоғары деңгейде ұйымдастырған Қызылорда облысының басшылығына алғысын айтты. &nbsp;Концертте әйгілі жыраулар мен жыршылардың қайталанбас мақамдарын бүгінге жеткізген, ұлттық өнеріміздің шынайы насихатшыларына айналған Сыр сүлейлерінің ізбасарлары Елмұра Жаңаберген, Ұлжан Байбосынова, &nbsp;Ақмарал Ноғайбаева, Шолпан Бимбетова, Майра Сәрсенбаева, Серік Жақсығұлов, Күнсұлу Түрікпен, Бисембек Төлеубай және Жетісу жыр мектебінің түлегі Нұржан Жанпейісов, Арқа мектебінің өкілі Біржан Есжанов, Салтанат Ерсұлтан жырдан шашу шашты.Ресей Федерациясының Алтай Республикасынан келген Урмат Ынтаев, Айдын Орсулов табиғатқа, ата-баба рухына және ерлік жырларына негізделген көшпелі халықтың әуені өз болмысын жоғалтпағанын тағы бір көрсетті. Көмеймен айту өнері мен топшур, қобыз сияқты көне аспаптардың үні Алтай халықтарында әлі күнге дейін сақталған. Бұл әуендер таудың желін, өзен суының сылдырын және малшы өмірінің тынысын бейнелейді.Әзербайжаннан келген «Карабах» мұғамшылар тобы ұлттық нақыштағы күрделі әуен өрнектерін орындап, көрерменді ерекше әсерге бөледі. Қырғыз елінің қомызшылар ансамблі мен Самат Кочербаев «Ақақ» шығармасын орындап, түркі халықтарының көне саз мұрасын жаңғыртты. Өзбекстанның «Шашмақом» ансамблі мен бишілер тобы ұлттық өнердің үздік үлгісін сахнаға шығарды. Алматы қаласынан келген «Арқайым» нео-этно фольклорлық ансамблі «Тенгир Азун» шығармасын орындап, ескі сарынды заманауи тәсілмен үйлестірді.Көне түріктердің көмеймен ән салу дәстүрі Тыва халықтарында жақсы сақталған. &nbsp;Олар көмеймен ән салуды «хоомей» &nbsp;деп атайды. Ықылым заманның мұра өнерін сақтап қалған халықтың «Эш» фольклорлық дуэті де бүгінгі фестивальдің құрметті қонағы болды. Түркия Республикасынан келген Синан Барыш, Камбер Нардың өнеріне көрермен ерекше қошемет көрсетті.Халықаралық фестиваль бүгінгі түркі мәдениеті мен музыкасы ортақ тарих пен рухани тамырдан нәр алғанын, туыс халықтардың әндері мен әуендері бір-бірімен үндесіп, бауырлас елдердің бірлігін күшейтетінін тағы бір дәлелдеді.

Қызылордада "Қорқыт және ұлы дала сазы» халықаралық фольклорлық- музыкалық өнер фестивалі өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Парламент Сенаты Қаржы және бюджет комитетінің көшпелі отырысы өтіп, онда жаңартылған заңнама талаптарына сәйкес бюджет процесін іске асыру мәселелері талқыланды.Отырысқа Парламент Сенаты Қаржы және бюджет комитетінің төрағасы Сұлтанбек Мәкежанов, Ұлттық экономика министрлігі бюджет саясаты департаментінің директоры Гульором Муллабаева, Қаржы министрлігі бюджеттік жоспарлау департаментінің директоры Сейілхан Исмағұлов қатысты.Аймақ басшысы Президент тапсырмасында нақтыланған бюджет қаражатын ұтымды жоспарлау мен тиімді игеру міндетін атап өтті.<blockquote>«Мемлекет басшымыз Қасым-Жомарт Кемелұлы бюджет қаржысын тиімді жоспарлау, мақсатқа сай бөлу мен игеру жөнінде міндеттер жүктегені белгілі. Облыс бюджетінен әлеуметтік салаға 2023-2025 жылдары бөлінген қаражаттың мақсатты жұмсалуына жүргізілген зерделеу, бақылау шараларының нәтижесінде 100 млрд. теңгеге жуық қаржы үнемделді. Оның ішінде білім саласынан 58 млрд. 600 млн. теңге, «Арт спорт» бағдарламасынан 13 млрд. 100 млн. теңге, әлеуметтік қорғау саласынан 8 млрд. 200 млн. теңге үнемделіп, бюджет қазынасында қалды. Жаңадан жүзеге асырылатын инвестициялық жобаларға құжаттама әзірлеуге демеушілер есебінен 7 млрд. теңге бөлінді. Барлық 7 ауданда «Руханият орталықтарын» салып, бұған дейін әр жерде орналасқан мекемелерді бір орталыққа біріктірдік. Бұл ғимараттарды ұстап тұру шығындарын қысқартуға жол ашты. Мектептерге қосымша ғимараттар салу арқылы үш ауысымдық оқу мәселесін түбегейлі шешіп, жаңа мектеп салуға қажеттіліктің алдын алдық. Осылайша, бюджетке түсетін салмақ азайтылып, 13 млрд. 100 млн. теңге оңтайландырылды», – деді Нұрлыбек Машбекұлы.</blockquote>Мамандардың айтуынша, жаңа үшжылдық кезеңге арналған жалпы сипаттағы трансферттер Үкіметтің алдына қойылған негізгі міндеттерді шешуге, оның ішінде өңірлердің қаржылық дербестігін кеңейтуге, халық үшін әлеуметтік игіліктер мен мемлекеттік қызметтердің қолжетімділігін теңестіруге, сондай-ақ өңірлер арасындағы инфрақұрылымдық теңсіздіктерді азайтуға ықпал етеді.Жиынға қатысушылар бюджет процесін іске асыру барысында туындайтын өзекті мәселелерді, сондай-ақ елімізде қолданыстағы трансферттік тетіктерді талқылап, туындаған сұрақтарға жауап алды.

Архив

“AMANAT”: Заң аясында кеңес берді

БЕС ЖАҢАЛЫҚ: Апталық шолу

Облыс әкімі жаңарған саябаққа тал егу шарасына қатысты

Қызылордада Тәуелсіздікке 25 жыл даңғылының екінші кезеңі пайдалануға берілді

Қызылордада "Қорқыт және ұлы дала сазы» халықаралық фольклорлық- музыкалық өнер фестивалі өтті

Көшпелі отырыста жаңартылған заңнама талаптары талқыланды