<a href="https://kyzylorda-news.kz/">Kyzylorda-news.kz</a> 2026 жылы МӘМС жүйесінде қосымша бір млн-нан астам адам қамтылады. Бұл туралы ҚР Денсаулық сақтау министрлігі МӘМС жүйесін жетілдіру және талдау департаментінің директоры Ләззат Шоманова мәлім етті. Бұл туралы <a href="https://kaz.inform.kz/news/2026-zhili-mams-zhuyesnde-ne-ozgered-231c9b/">kaz.inform.kz </a>хабарлады.&nbsp;Айта кетейік, 2025 жылдың 14 шілдесінде Мемлекет басшысы міндетті әлеуметтік медициналық сақтандыру туралы Заңға енгізілген өзгерістерге қол қойды.<blockquote>- Заңның негізіне ұзақ мерзімді актуарлық модельді қалыптастыру кезінде қаржыландыру моделін қайта қарауды талап ететін демографиялық және экономикалық факторлар ескерілді. Бұл тұрғыда халықтың 7 %-ға өсуі (2018 жылдан бастап 2025 жылға дейін), медициналық көмекті тұтынушылар санының ұлғаюы, сырқаттанудың өсуі сияқты мәселелер қамтылды, - деді Л.Шоманова Орталық коммуникациялар қызметіндегі баспасөз мәслихатында.</blockquote>Оның айтуынша, медициналық көмек пакеттер бойынша жасанды бөлу проблемасын шешу үшін ТМККК пакетінен МӘМС жүйесіне негізгі міндеттемелерді 2026 жылдан бастап (бірінші кезең ішінара 2025 жылдан басталады) ауыстыра отырып, пакеттерді кезең-кезеңмен біріктіру ұсынылды. Бұл ретте:- сақтандыру мәртебесіне қарамастан, ең көп таралған аурулар бойынша базалық медициналық көмекпен қамтамасыз етуге кепілдік беруге;- пакеттер арасындағы медициналық қызметтердің қайталануы мен ағынын болдырмауға мүмкіндік береді. Осылайша, 2027 жылдан бастап қаржыландырудың басымдықпен сақтандыру моделіне көшіру жоспарланып отыр.Сонымен қатар ол 2026 жылғы 1 қаңтардан бастап МӘМС жүйесіне жарналарды есептеу үшін базаның жоғарғы шегін арттыру ескерілгенін айтты. Бұл тұрғыда МӘМС жүйесіне жоғары жалақысы бар қызметкерлердің жарналары мен аударымдарын төлеу бойынша жеңілдіктердің күші жойылмақ. Осы өзгерістер барлық жалдамалы жұмысшылар мен олардың жұмыс берушілерінің шамамен 9 пайызына әсер етеді.<blockquote>- 2027 жылдан бастап МӘМС-ке мемлекет жарналарының мөлшерлемесін біртіндеп арттыру ескерілген. 2015 жылы МӘМС туралы ҚР Заңының бірінші редакциясында белгіленген бастапқы қаржы моделіне ішінара қайта оралуды бастаймыз... Мемлекет жарналарын кезең-кезеңмен өсіру нәтижесінде, оның мөлшері биылғы 2%-дан 2037 жылға қарай 4,7%-ға дейін өседі, бұл денсаулық сақтау жүйесіне қосымша 2,8 трлн теңге қаражат түсуін қамтамасыз етеді, - деді департамент директоры.</blockquote>Екіншіден, жергілікті бюджет қаражаты есебінен жұмыссыздар мен қиын жағдайдағы адамдар үшін МӘМС жарналарын төлеуді жүзеге асыру жолымен қамтуды арттыру қарастырылған. Қазірі шамамен 16,7 млн (82,3 %) адам сақтандырылды, олардың 12,1 миллионы (72,5%) жеңілдікті санаттарға жатады. 3,3 млн адам МӘМС жүйесімен қамтылмаған, оның ішінде 2,4 миллионы өмір сүру деңгейі қолайлы және қанағаттанарлық азаматтар. Ал 1 млн адам - бұл әлеуметтік әл-ауқаттың дағдарыстық (Д) және төмен (Е) деңгейлеріне жатады, яғни табысы төмен азаматтар. Олардың табысы отбасының негізгі қажеттіліктерін жабуға жетпейді. Осы санат үшін жарналарды халықаралық тәжірибеге сәйкес қажетті медициналық қызметтерге қол жеткізуді қамтамасыз ете отырып, олардың медициналық көмекке жүгіну фактісі бойынша жергілікті атқарушы органдарға жүктеу ұсынылды. Сондай-ақ, ресми тіркелген жұмыссыздар үшін МӘМС жарналарын төлеуге шығыстарды жергілікті бюджеттерге жүктеу ұсынылды. Осы шаралардың арқасында 2026 жылы МӘМС жүйесінде қосымша бір млн-нан астам адам қамтылады.Фото: freepik

2026 жылы МӘМС жүйесінде не өзгереді  

<a href="https://kyzylorda-news.kz/">Kyzylorda-news.kz</a> Бүгін Сыр өңірінде ҚР Еңбек сіңірген көрнекті жаттықтырушы, талай спортшының бағын жаққан білікті бапкер Пак Велорий Викторовичтің жүлдесіне арналған ересектер арасындағы республикалық турнирдің ашылу салтанаты өтті.&nbsp;Пак Велорий – аймақтың ғана емес, еліміздің спорт саласын қарқынды дамытуға сүбелі үлес қосқан біртуар азамат. Бүгінде құрметті ұстаздың шәкірттері әлемдік аренаның биік шыңдарын бағындырып, даңқты спортшыларға айналды. Олардың қатарында Алмас Өтешов, Илья Ильин, &nbsp;Қуаныш Рахатов, Шин Олег, Роман Русиновский, Александр Зайчиков бар. Сонымен қатар, білекті болаттай шыңдаған көрнекті жаттықтырушы 60-тан астам спорт шеберін, 12 халықаралық дәрежедегі спорт шеберін және 3 ҚР еңбек сіңірген спорт шеберін дайындады.&nbsp;Көрнекті жаттықтырушының жүлдесіне арналған республикалық турнирге еліміздің әр өңірінен келген 10 команда, 100-ге жуық зілтемірші бақ сынаспақ. Олар ерлер және әйелдер бойынша 8 салмақ дәрежесінде сынға түседі.&nbsp;Салтанатты шараның ашылуына облыс әкімінің орынбасары Мейрамбек Зинабдинұлы, құрметті жаттықтырушы Пак Велорий Викторович, облыстық ауыр атлетика федерациясының президенті Темірхан Бердәліұлы қатысып, жарыс қатысушыларына сәттілік тіледі. &nbsp;<blockquote>– Киелі Сыр елінің тумасы, облысымыздың құрметті жаттықтырушысы Пак Велорий Викторович – талай жылдар бойы еліміздің спортына адал еңбек етіп, ауыр атлетика саласының дамуына өлшеусіз үлес қосқан біртуар азамат. Даңқты спортшыларды тәрбиелеген дара тұлғаның жүлдесіне арналған бүгінгі турнирдің маңызы да ерекше. Себебі әр аймақтан жиналған мықты зілтемішілер жарыс алаңында өз мүмкіндіктерін көрсетіп, жеңіске деген жігерін танытады. Осы орайда, барлық спортшыларға сәттілік тілей отырып, дүбірлі додада шын мықты жеңіске жетсін деп тілек білдіремін, - деді облыс әкімінің орынбасары.&nbsp;</blockquote>Шара барысында облыс әкімінің орынбасары Мейрамбек Зинабдинұлы құрметті жаттықтырушы Пак Велорий Викторовичке облыс әкімі Нұрлыбек Машбекұлының тапсырмасына сәйкес арнайы Алғыс хаты табысталып, қазақтың дәстүріне сай құрмет көрсетті.&nbsp;Өз кезегінде құрметті жаттықтырушы Пак Велорий Викторович турнирді жоғары деңгейде ұйымдастыруға атсалысқан барша сырбойылық жанкүйерлерге, спортшыларға және сала қызметкерлеріне өз ризашылығын білдіріп, алғысын жеткізді.&nbsp;Сондай-ақ, облыстық ауыр атлетика федерациясының президенті Темірхан &nbsp;Бердәліұлы да құттықтау сөз сөйлеп, Пак Велорий Викторовичке федерация атынан құрмет көрсетті. &nbsp;Айта кетейік, биылдан бастап аймақ басшысы Нұрлыбек Машбекұлының үлкен қолдауымен зілтемішілер арасындағы тартысты бәсеке алғаш рет өткізілуде. Сонымен қатар, аталмыш турнир осы жылдан бастап халықаралық деңгейдегі жарыстардың күнтізбелік жоспарына енгізіліп, өңір басшысының қолдауымен дәстүрлі түрде жыл сайын халықаралық деңгейде ұйымдастырылмақ.&nbsp;Жарыс барысында үздік атанған қатысушыларға қомақты сыйақы мен арнайы медальдар табысталады. Ал турнир 13 тамызға дейін жалғасады.&nbsp;<img src="https://knadmin.beoblood.kz/uploads/Ziltemir_dodasy_2_e37bdf0c7b.jpg" alt="Зілтемір додасы 2.jpg">

Сыр елінде зілтеміршілер арасында республикалық турнир басталды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов Жалағаш теміржол вокзалының құрылыс жұмыстарымен танысты. Мемлекет басшысының, Үкімет пен облыс әкімінің қолдауымен ауданда заманауи үлгідегі теміржол вокзалы қайта жаңғыртылуда.Аудан аумағынан 47,0 шақырым темір жол өтеді. Темір жол бойында 3 станция және 3 разъезд орналасқан. Жалағаш станциясы арқылы 6 жолаушылар пойызы өтеді (Алматы-1 – Ақтөбе, Ақтөбе – Алматы-1, Алматы-2 – Маңғыстау, Маңғыстау – Алматы-2, Қызылорда – Павлодар, Павлодар – Қызылорда).Бүгінде теміржол вокзалы ғимаратының құрылыс жұмыстары басталды. Қазіргі уақытта ескі нысанды бұзу (демонтаж), жаңа ғимараттың іргетасын қалау жұмыстары жүргізілуде.&nbsp;Жоба аясында жаңа үлгідегі вокзал ғимараты, перронды абаттандыру және жарықтандыру жұмыстары қарастырылған. Құрылыс жұмыстарын желтоқсан айына дейін аяқтау жоспарланып отыр.Аудан әкімі құрылыс жұмыстарының сапалы әрі белгіленген мерзімде аяқталуын, сондай-ақ жолаушыларға жайлы әрі заманауи талаптарға сай келетін вокзал ғимаратын ел игілігіне уақытылы пайдалануға беруді тапсырды.

Жалағашта теміржол вокзалы жаңғыртылуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев &nbsp;Сыр еліне жұмыс сапарымен келген «Orient Ceramic» компаниясы директорының өндіріс жөніндегі орынбасары Азизбек Жилоновпен кездесті.<blockquote>«Биыл сәуір айында Ташкент қаласында Қызылорда облысының әкімдігі мен «Orient Ceramic» компаниясы арасында өзара ынтымақтастық туралы меморандумға қол қойылған болатын. Бұл компания – Орталық Азиядағы керамикалық плитка өндіретін жетекші кәсіпорындардың бірі. Белгілі болғандай, осыған ұқсас жобаны біздің өңірде іске асыру мүмкіндігін қарастырудасыздар. Қызылорда облысының әкімдігі зауыт құрылысының барлық кезеңінде қолдау көрсетуге дайын. Кеше Индустриялық аймаққа барып, бірқатар инвестициялық жобамен таныстыңыз, олардың қатарында қытайлық инвесторлармен бірлесіп іске асырылған шыны зауыты және кірпіш өндіретін зауыт бар. Биыл бұл жерде айна өндіру зауыты іске қосылады, жылына 220 миллион бөтелке шығаратын зауыттың құрылысы басталады. &nbsp;Испаниялық «Roca Group» компаниясымен бірлесіп санитарлық-техникалық бұйымдар өндіру жобасы жүзеге асады. Биыл облыс аумағында жалпы құны 1 млрд АҚШ доллары болатын 14 жобаның құрылысы қолға алынады. Олар - &nbsp;кальцийленген сода өндіретін зауыт, «Шалқия» кен &nbsp;байыту фабрикасы, көкөніс-жеміс сақтау және алма шырынын өндіру кешені, бес жұлдызды «Rixos» қонақ үйі, оңтүстіккореялық «With You» компаниясының қатты тұрмыстық қалдықтарды қайта өңдеу зауыты. Осы жылы түркиялық инвестор «Aksa Energy» компаниясы салған ЖЭО іске қосылады. Катарлық инвестормен бірлескен қуаттылығы 1100 мегаватт болатын бу-газ қондырғысының құрылысы басталады. Көріп отырғаныңыздай, өңірде ірі инвестициялық жобаларды іске асыруға қажетті қуатты энергетикалық база қалыптасуда. Біз Индустриялық аймақтан жер телімін беру, түрлі жеңілдіктер көзделген инвестициялық келісімшарт жасау, сондай-ақ жобаны іске қосу үшін қаржы институттарымен (ҚР Даму Банкі АҚ) &nbsp;жұмыс істеуге қолдау көрсетуге дайынбыз», - деді Н.Нәлібаев.</blockquote>Азизбек Жилонов та ауқымды жобаларды бірлесіп жүзеге асыруға дайын екенін айтып, көрсетілген құрметке алғысын жеткізді.Өңірде шикізат қоры жеткілікті, кварц құмы, әк және саз балшық бар, ал шыны зауытында далалық шпат өңделеді. Қызылорда облысы бүгінде қарқынды құрылыс алаңына айналды.Тек өткен жылы ғана жалпы құны 242 млн АҚШ долларын құрайтын 197 нысанның құрылысы салынды. Олардың қатарында мектептер, медициналық мекемелер, балабақшалар, мәдениет орталықтары және жеке тұрғын үйлер бар. Биыл 870 мың шаршы метр тұрғын үй пайдалануға беріледі деп жоспарлануда.Керамикалық бұйымдарға деген сұраныс өте жоғары, өткізу нарығы кең. Облыстың «Батыс Еуропа – Батыс Қытай» халықаралық көлік дәлізі бойында орналасуы дайын өнімді Ресей нарығына экспорттауға зор мүмкіндік береді.

Облыс әкімі «ORIENT CERAMIC» компаниясының өкілдерімен кездесті

<a href="https://kyzylorda-news.kz/">Kyzylorda-news.kz</a> Қазақстан Республикасының білім беру мекемелерінде аймақтың әлеуметтік-экономикалық дамуын айқындайтын өңірге қажетті мамандықтар бойынша (еңбек ресурстар балансына сәйкес) әлеуметтік тұрғыдан халықтың осал топтарынан шыққан мектеп бітірушілеріне облыс әкімінің 42 гранты бөлінді.&nbsp;Оның ішінде, Қызылорда қаласы және қалаға қарасты кенттер мен ауылдық округтердегі орта мектеп бітірушілеріне техникалық, ауыл шаруашылығы, агрономия, қызмет көрсету, энергетика, құрылыс салалары бойынша бакалавр академиялық дәрежесінде мамандарды дайындауға 34 грант, &nbsp;жалпы медицинаға 8 грант бөлінді.Қазіргі таңда қала бойынша үміткерлерден құжаттар қабылдау жұмыстары &nbsp;қаладағы М.Әуезов көшесі № 2а ғимаратта орналасқан Қызылорда қалалық жұмыспен қамту және әлеуметтік бағдарламалар бөлімі арқылы 2025 жылдың &nbsp;5-15 тамызы аралығында жүргізілетіндігін хабарлаймыз.Бөлімге келіп толық ақпарат алуға болады. &nbsp;Байланыс телефондары: 40-04-81, 8 777 452 2611.

Қызылорда қаласы бойынша облыс әкімінің гранты бөлінді

<a href="https://kyzylorda-news.kz/">Kyzylorda-news.kz</a> «AMANAT» партиясы «Халықпен бірге!»,- деп аталатын 2023-2027 жылдарға арналған Сайлауалды бағдарламасында білім беру ұйымдарында оқушылар үшін қауіпсіз және қолайлы жағдайлар жасауды мақсат еткен болатын.&nbsp;Осы орайда бүгін партияның облыстық филиалының төрағасы Алмасбек Есмаханов және облыстық, қалалық партиялық бақылау комиссиясының мүшелері Қызылорда қаласындағы М.Дүйсенов атындағы №15 жалпы білім беретін мектеп-лицейінің күрделі жөндеу құрылысы жұмыстарына бақылау жасады.Білім ордасының іргетасы 1974 жылы қаланған. Мектептің жобалық қуаты 480 оқушыға арналған. Қазіргі таңда екі ауысымда 709 оқушы оқиды.Құрылысқа жауапты «N Строй Сервис» ЖШС өкілінің айтуынша жоба құны 126 406,2 млн теңге. Күрделі жөндеу жұмыстары мамыр айында басталған. Қаржының бөлінуі мен құрылыс материалдарынан еш кедергі жоқ. Жаңа оқу жылына яғни, тамыз айының 20 на дейін аяқтамақ.Қазіргі таңда білім ошағында жөндеу жұмыстарының 65 %-ы орындалған. Ғимараттың құрылысы жұмыстары бойынша демонтаждау жұмыстары аяқталған. Жаңартылған электр жүйелері толықтай жасалып, жылу, су құбырлары сонымен қатар ғимараттың ішкі жұмыстары яғни, қабырғаларды тегістеу, сырлау жұмыстары жүргізілуде.&nbsp;Күрделі жөндеу жұмыстарымен танысқан партияның облыстық филиалының төрағасы Алмасбек Есмаханов мердігерлерге құрылысты оқу жылына дейін сапалы бітіру қажеттігі жөнінде талап қойды.

Білім ордасындағы күрделі жөндеу жұмыстарына партиялық бақылау жасалды

<a href="https://kyzylorda-news.kz/">Kyzylorda-news.kz</a> Маңғыстау облысында «Келешек мектептері» ұлттық жобасы аясында жалпы саны 12 мың 600 оқушыға арналған 13 білім ұясын салу көзделіп отыр. Бүгінге дейін төртеуі ел игілігіне тапсырылса, алдағы екі айда тағы тоғыз мектеп ашылады.Оның бірі тұрғын саны жоғары деген Мұнайлы ауданының Батыр ауылында бой көтереді. Мұндағы Самал шағын ауданындағы мектептің құрылысы толық аяқталып, қазір іші жабдықталып жатыр. Білім ұясы 1 мың 200 балаға арналған. &nbsp;Фото: Нұрболат Нұржаубай

Маңғыстау облысында 13 «Келешек мектеп» салынады

<a href="https://kyzylorda-news.kz/">Kyzylorda-news.kz</a> «Руханият» орталығында ғұлама, ақын Абай Құнанбайұлының 180 жылдық мерейтойына орай «Абайға оралу – болашаққа жол» атты әдеби кеші өткізілді.Тағылымды кеш ұлы ойшылдың шығармашылығын қайта танып, заманауи қоғаммен сабақтастыруға бағытталды.Әсерлі прологтан бастау алған кеште Ұлы ақынның 17-ші қара сөзі сахналық шеберлікпен сомдалды.Әдеби кеш Абайдың қара сөздері мен өлеңдеріне әдеби шолу, TEDx форматындағы жастардың «Абай – бүгінгі өмір айнасы» ой толғауы, ақынның шығармаларын мәнерлеп оқу, әндерін орындау , Абай нақылдарына құрылған пікір алмасу алаңы, көрерменмен өзара сұхбат арқылы рухани байланыс орнату бағытында өткізілді.Абайдың күйге деген талғамы – оның рухани тереңдігін көрсететін тағы бір қыры дей отырып, Арал ауданының Құрметті азаматы, Қазақстанның Құрметті журналисі Жақып Жұмабай ұлы ақынға арнаған «Қараңғы түнде тау қалғып » күйін орындады.Жергілікті ақын, журналист әрі мәдениет қайраткері Базаралиев Оңталап Ералыұлы, аудандық «Толқын» газетінің бас редакторы Сайлауов Айдар Абайдың 180 жылдығына орай өз жүрек жарды жыр шумағын ақтарса, оқырмандар Абайдың өлеңдерін жүрек тебіренте орындады.Кеш соңында шараға қатысушылар Абайдың даналық мұрасын жүрекпен сезініп, оның ой-тұжырымдарын қазіргі өмірмен байланыстыра келе, өз ойларын ортаға салды.

“Кітап AMANAT”: Абайға оралу – болашаққа жол

<a href="https://kyzylorda-news.kz/">Kyzylorda-news.kz</a> Егде жастағы адамдар мен зейнеткерлер – алаяқтар үшін халықтың ең осал санаттарының бірі. Бұл сенгіштікке, цифрлық сауаттылықтың жеткіліксіздігіне және кейде жақындарының тұрақты қолдауының болмауына байланысты.Fingramota.kz аға буын үшін ең көп таралған алаяқтық схемалар туралы әңгімелейді және алданып қалмау үшін практикалық кеңестер береді.«Сіздің картаңыз бұғатталған»: «банктен» соғылған қауіпті қоңырау«Сәлеметсіз бе, сіздің шотыңызда күдікті операция тіркелді. Бұл сіздің картаңызға кіруге тырысып жатқан алаяқтар болуы мүмкін. Қаражатты қорғау үшін, өз деректеріңізді растаңыз», - көбінесе бөгде адамдар мен құқық қорғау органдарының қызметкерлерін тарта отырып құрылған тұтастай алаяқтық схема осындай сөздерден басталады.Алаяқтардың түпкі ойы – жалғыз кіріс көзі болып табылатын егде жастағы адамдардың зейнетақы картасына қол жеткізу. Олар қаражатты «қауіпсіздендіруді», карта нөмірін, CVV кодты, PIN кодты, сондай-ақ SMS кодтарды айтуды сұрайды. Кейде «ақшаны қауіпсіз шотқа аударуға көмектесу» үшін телефонға қашықтан қол жеткізу бағдарламаларын орнатуды сұрайды. Негізгі мақсат – банктік шотқа қол жеткізу және қаражатты ұрлау.Өзіңізді қалай қорғауға болады – төмендегі қағидаларды туыстарыңызға айтыңыз:Есіңізде болсын! Банк ешқашан телефон арқылы жеке деректер мен кодтарды сұрамайды.Ешкімнің өтініші бойынша бөгде қосымшаларды орнатпаңыз.Күмәнді қоңырау кезінде телефонды қойып, ресми нөмір бойынша банкке қайта қоңырау шалыңыз.Ешқашан телефон арқылы қосымшаларды, әсіресе «қашықтан қол жеткізуге» арналған қосымшаларды орнатпаңыз (Anydesk, TeamViewer және т.б.).«Сіздің туысыңыз қиындыққа тап болды»: алаяқтардың адамның эмоциясы мен қорқынышын өз пайдасына қолдануыАлаяқтар эмоционалды қысымды жиі қолданады. Олар өздерін полиция немесе дәрігер ретінде таныстырып, қарт адамдарға қоңырау шалады, немересі немесе ұлы апатқа ұшырағанын, қамауға алынғанын немесе ауруханада жатқанын хабарлайды. «Мәселені шешу» үшін жедел түрде ақша аударуды немесе қолма-қол ақшаны курьер арқылы жіберуді сұрайды.Схеманың мәні –&nbsp;адамды сасқалақтатып қорқыту және асықпай ойлануға және мән-жайды тексеруге мүмкіндік бермеу.Қалай қорғану керек:Туыстарыңызбен тікелей байланысқанша ешқандай әрекет жасамаңыз.Ақшаны бөгде адамдарға бермеңіз.Осындай қоңыраулар полицияға туралы хабарлаңыз.Жалған жұмысшылар және «мемлекеттік төлемдер»: сендіре отырып алдауЗейнетақы қорының, әкімдіктің қызметкерінің немесе еріктілердің атынан алаяқтар зейнетақыға қосымша төлемдер, өтемақылар, субсидиялар және басқа да «тиісті» төлемдерді уәде етеді. Ақшаны алу үшін адамға банктік карта нөмірін және SMS кодтарын айтуды немесе тіпті белгілі бір «өтініш бланкісіне» қол қоюды ұсынады.Көбінесе мұндай «әлеуметтік қызметкерлер» пәтерлерді аралап, бейдждер мен жалған құжаттарды қолдана отырып, ресми көрініс жасайды. Олар әр түрлі «акцияларды», «жеңілдіктерді», тегін қызметтерді ұсынады немесе керісінше, міндетті түрде бірдеңе жасауды талап етуі мүмкін. Мысалы, медициналық тексеруден өту, үйді жөндеуге, коммуникацияларға ақы төлеу немесе банктердегі немесе eGov-тағы жеке кабинетіңізге кіруге рұқсат беру.Қалай қорғану керек:Есте сақтаңыз: мемлекеттен төлемдер ХҚКО немесе eGov.kz арқылы ғана ресімделеді.Куәлігі жоқ «мемлекеттік өкілдерге» сенбеңіз, тіпті бар болғанның өзінде олардың барлық әрекетін қайта-қайта тексеріңіз. Ол үшін 1414 нөміріне немесе қызметкерімін деп тұрған ұйымға тікелей қоңырау шалыңызТіпті адам сенімді болып көрінсе де, жеке деректеріңіз мен кодтарды ешкімге айтпаңыз.Жалған инвестициялар: «тәуекелсіз табыс»Кейбір қарт адамдар қаржы пирамидаларының не жалған инвестициялардың құрбаны болады. Алтынға, криптовалютаға, стартаптарға немесе акцияларға инвестиция салу сылтауымен алаяқтар айына 10%-дан 30%-ға дейінгі жоғары табысқа уәде береді. Олар мұны «қауіпсіз» және «ресми» деп сендіріп, жалған сайттар мен құжаттарды көрсетеді.Адам ақшасын салғаннан кейін компаниямен байланыс үзіліп, қаражат із-түзсіз жоғалады.Қалай қорғану керек:ҚР Қаржы нарығын реттеу және дамыту агенттігінің сайтында ұйымдардың лицензияларын тексеріңіз.Сенімді ақпарат ала алмайтын жобаларға инвестиция салмаңыз.Есте сақтаңыз: егер «тәуекелсіз жоғары табысқа» уәде берсе, бұл – алдап-арбау. Қаржылық қауіпсіздік қағидалары:Жеке деректерді, карта деректемелерін немесе SMS-пен келген кодтарды телефон арқылы ешқашан бермеңіз.Туыстарыңыздың атынан қоңырау шалса да, курьерлер арқылы ақша бермеңіз.Өздерін мемлекеттік органдардың немесе коммуналдық қызметтердің қызметкері деп таныстырғандардың барлығының құжаттарын тексеріңіз.Қағаздарға қол қоймас бұрын немесе ақша аудармас бұрын туыстарыңызбен кеңесіңіз.Жақындарыңыздың, банктің және полицияның телефондары қолжетімді болсын.Үйде қомақты қаржыны сақтамаңыз.Бейтаныс адамдар «өте ресми» болып көрінсе де оларға «жоқ» деп айтудан қорықпаңыз.<img src="https://knadmin.beoblood.kz/uploads/1_aa29aabe81.png" alt="1.png">Қаржылық сауаттылық пен сақтық – алаяқтардан қорғанудың ең дұрыс жолы. Бұл схемалар туралы ата-анаңызға, ата-әжелеріңізге айтыңыз. Дегенмен, алаяқтардың арбауына түсіп қалсаңыз, дереу полицияға хабарласып, картаңызды бұғаттаңыз. Fingramota.kz – қаржыңыз бен тыныштығыңыздың сақшысы!Фото: fingramota.kz

Қарт адамдарға қаржылық алаяқтардан қалай сақтану керек?

<a href="https://kyzylorda-news.kz/">Kyzylorda-news.kz</a> 12 тамыз – Халықаралық жастар күніне орай «QYZYLORDA JASTAR FEST» тақырыбында мәдени-көпшілік іс-шаралар ұйымдастырылады.Бұл туралы баспасөз орталығында өткен брифингте «Qosyl» қалалық жастар ресурстық орталығының директоры Медет Жорабек баяндады.<blockquote>– 8-11 тамыз аралығында жастар арасында түрлі шаралар ұйымдастырылады. Атаулы күнді мерекелеу 8 тамыз күні қала жастарының арасында тазалықты дәріптеу мақсатында «Табиғатты сақта – болашақты қорға» атты жастардың экологиялық қоқыс жинау сайысын өткізуден бастау алады. Шаралар легі әрі қарай, 9 тамыз күні – «Qyzylorda Youth Fest» би сайысымен, 10 тамыз – «Абай сөзі» челленджі – жастар арасындағы онлайн-акциясымен жалғасады. Ал, 11 тамызда – Орта Азия мен Қазақстан жастарының көшбасшысы Ғани Мұратбаев ескерткішіне тағзым ету шарасы, «Қызылорда – жастар қаласы» атты фотокөрме сайысы, «Шыңды бағындыр» – турникке тартылу сайысы және «Qyzylorda Youth Fest» мерекелік гала-канцерті өтеді. Қала жастарын айтулы мерекемен құттықтай отырып, жастар күніне орай өтетін шаралар легіне белсене қатысуға шақырамыз!, – деді орталық директоры Медет Ерданаұлы.</blockquote>Бұл шаралар жастардың шығармашылығын қолдауға, экологиялық мәдениетті қалыптастыруға, салауатты өмір салтын насихаттауға және ұлттық құндылықтарды дәріптеуге бағытталған.

Жастар күніне орай түрлі бағытта іс-шаралар өтеді

<a href="https://kyzylorda-news.kz/">Kyzylorda-news.kz</a> Облыс әкімінің төрағалығымен өткен мәжілістен кейін шаһар басшысы Нұржан Ахатов сауданың цифрлық трансформациясы және өзге де мәселелер бойынша тиісті сала жетекшілеріне бірқатар тапсырма жүктеді.<blockquote>– Өздеріңізге белгілі, Қазақстан Республикасының Сауда және интеграция министрлігі «Электрондық сауда нарығын дамытудың 2027 жылға дейінгі іс-шаралар жоспарын» қабылдады. Жоспар шеңберінде электрондық сауда мәселелері бойынша талаптарды жетілдіріп, қала көлемінде электрондық сауда бойынша оқу курстарын жүргізуді ұйымдастырып, кәсіпкерлерге мемлекеттік қаржылық қолдау шараларын әлі де күшейтуіміз қажет. Электронды сауданы жүргізіп отырған кәсіпкерлер тұтынушыларға ұсынылатын тауарының сапасына мән беріп, оған жауапкершілікпен атсалысқаны жөн, – деді Нұржан Сәбитұлы.</blockquote>Жиында жаңа оқу жылына дайындық мәселесі де пысықталды.<blockquote>– Жаңа оқу жылының басталуына да аз ғана уақыт қалды. Білім беру мекемелеріндегі күрделі және ағымдағы жөндеу жұмыстары дер кезінде аяқталып, жаңа оқу жылына дайын болуы тиіс. Сондай-ақ, балалар қауіпсіздігін қатаң сақтау үшін мектептер аумағындағы жол белгілерін, жаяу жүргіншілер жолдарын қалыпқа келтіру қажет, – деді қала әкімі.</blockquote>Аталған мәселелер бойынша жауапты сала басшыларына бірқатар тапсырмалар жүктеліп, қысқа мерзім ішінде кемшіліктерді түзеу міндеттелді.

Міндеттер орындалуымен маңызды

<a href="https://kyzylorda-news.kz/">Kyzylorda-news.kz</a> Қазіргі таңда ана сүтінің бала денсаулығына тигізер пайдасы бұрынғыдан да айқын дәлелденіп отыр. Ол тек табиғи қорек көзі ғана емес, сәбидің иммундық жүйесін қалыптастыратын, өмірін сақтайтын, ана мен баланың арасындағы психоэмоциялық байланысты нығайтатын теңдессіз табиғи ресурс. Осыған орай жыл сайын 1-7 тамыз аралығында аталып өтетін Дүниежүзілік ана сүтімен емізу апталығы аясында Қызылорда облысында кешенді шаралар ұйымдастырылып, бағдарлама аясындағы жетістіктер мен өзекті мәселелер талқылануда. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысының орынбасары Мая Мирзанова және «Ана сүтімен емізуді қолдау, қорғау және насихаттау» бағдарламасының өңірлік үйлестірушісі Нұргүл Скакова мәлімдеді.<blockquote>– Дүниежүзілік ана сүтімен емізу апталығы жыл сайын 1-7 тамыз аралығында әлем бойынша аталып өтеді. Апталықтың басты мақсаты - ана сүтінің маңыздылығын кеңінен насихаттау және оны қолдауға бағытталған кешенді шараларды жүзеге асыру. Ана сүті - жаңа туған нәресте үшін теңдесі жоқ табиғи тағам. Ол баланың иммундық жүйесін нығайтып, түрлі жұқпалы және созылмалы аурулардың алдын алады. Сонымен қатар, ана сүтімен емізу – ана мен бала арасындағы эмоционалдық байланысты күшейтіп, психологиялық және физиологиялық саулықты қамтамасыз ететін маңызды үдеріс. Ана сүтінің өмірлік маңызын ескере отырып, Денсаулық сақтау министрлігі бұл бағыттағы жұмысты жандандырып, Дүниежүзілік денсаулық сақтау ұйымы мен ЮНИСЕФ ұсынған «Ана сүтімен емізуді қолдау, қорғау және насихаттау» бағдарламасын еліміздің өңірлерінде жүйелі түрде іске асырып келеді. Қызылорда облысында бұл бағдарлама 1997 жылдан бері жүзеге асырылып келеді. Сол жылы Арал және Қазалы аудандық перзентханалары, ал 1998 жылы Қызылорда қалалық перзентханасы «Балаға ізгі ниетті аурухана» деген халықаралық мәртебеге ие болды. 2022 жылы бұл үш мекеме қайтадан халықаралық сертификаттаудан сәтті өтті. Сол жылы Қызылорда қалалық №3 емхана мен Көпбейінді облыстық балалар ауруханасы алғаш рет «Балаға ізгі ниетті мекеме» мәртебесіне ие болды. Бүгінгі күні облыс бойынша 5 медициналық ұйым ДДСҰ мен ЮНИСЕФ ұсынған стандарттарға сәйкес жоғары нәтижелер көрсетіп, «Алтын тақта» марапатына ие болды. Бұл халықаралық деңгейде үздік тәжірибенің мойындалуы. Бағдарламаны үйлестіру мақсатында арнайы облыстық үйлестіруші тағайындалған. Бұл өңірдегі барлық емдеу-алдын алу ұйымдарында бірізді жұмыс жүргізуге, білім мен тәжірибе алмасуға, стандарттардың сақталуын қамтамасыз етуге мүмкіндік беріп отыр,-деді Мая Миранбайқызы.</blockquote>&nbsp;Ана сүтінің маңызы мен оның нәресте мен емізулі ананың денсаулығына әсері соңғы 30 жылда көптеген зерттеулермен дәлелденген.<blockquote>– Дүниежүзілік денсаулық сақтау ұйымының мәліметі бойынша жыл сайын шамамен 3 миллион нәресте өмірден өтеді, алайда дәлелді медицина мен денсаулық сақтау тәжірибесіне негізделген шараларды қолдану арқылы олардың көпшілігін құтқаруға болады. Қазіргі таңда нәрестелердің денсаулығын жақсартуға арналған күрделі және қымбат құралдар қажет емес. Ең арзан әрі тиімді технологиялардың бірі - ана сүтін қолдану болып табылады. Ана сүтін насихаттау - нәрестелердің денсаулығын қамтамасыз етудің басты кепілі. Ана сүті нәрестенің иммундық жүйесін нығайтады, инфекцияларға қарсы тұруға көмектеседі, сонымен қатар ішек аурулары, тыныс жолдары инфекциялары, аллергия және диабет сияқты ауруларға қарсы қорғаныс береді. Ана сүті баланың толыққанды тамақтануына қажетті барлық қоректік заттарға бай – су, витаминдер, майлар, ақуыздар, көмірсулар мен ферменттер. Ана сүтін насихаттау - болашақ ұрпақтың денсаулығына жасалған инвестиция. Бұл бағдарламалар қаржыны қажет етпейді, тек білім мен кәсіби дайындықты талап етеді. Сондықтан барша мамандардың және қоғам мүшелерінің бұл бағыттағы еңбегі маңызды,-деді Нұргүл Жанайқызы.</blockquote><img src="https://knadmin.beoblood.kz/uploads/Ana_s_ti_deni_sau_rpa_ty_negizi_4afa0f791b.jpg" alt="Ана сүті – дені сау ұрпақтың негізі.jpg">Фото: freepik com

Архив