<a href="https://kyzylorda-news.kz/">Kyzylorda-news.kz</a> Бүгін Ә.Тәжібаев атындағы облыстық әмбебап-ғылыми кітапханасында сырбойылық журналистер Қазақстан Журналистер одағына мүшелікке қабылданды. 28 маусым – Байланыс және ақпарат қызметкерлері күніне орай одақтың куәлігі мен төсбелгісіне ие болды. Іс-шараға облыстық қоғамдық даму басқармасының басшысы Руслан Каюпов, "Сыр медиа" ЖШС бас директоры Марат Аралбаев, Қазақстан Журналистер одағы облыстық филиалының төрағасы, облыстық «Сыр бойы» газетінің бас редакторы &nbsp;Қуат Шарабидинов қатысты.<img src="https://knadmin.beoblood.kz/uploads/Zhurnalister_oda_y_0a9929106e.jpeg" alt="Журналистер одағы.jpeg"><blockquote>– Ең алдымен барлығыңызды байланыс және ақпарат қызметкерлері күнімен шын жүректен құттықтаймын. Бұқара мен билік арасындағы алтын көпірге айналған журналистер қауымы қоғамның белді мүшелері десем қателеспеймін. Облыстық "Сыр бойы" газетінің ұжымы газеттің 95 жылдық мерейтойы қарсаңында ұлттық "Үркер" сыйлығын, облыстық "Qyzylorda" телеарнасы "Тұмар" сыйлығын иеленді. Мұның өзі аймақтық БАҚ саласының үздіктер қатарынан ойып тұрып орын алғанының дәлелі. Кәсіби мерекеде марапат төрінен көрініп, еңбектерінің жемісін көріп жатқан ардагер журналистерді, одаққа мүше болғалы тұрған жандарды құттықтай келе, еңбекте табысты болыңыздар дегім келеді. Сіздерге шығармашылықтың шыңына жететін күш-қуат тілеймін, – деді басқарма басшысы Р.Каюпов.</blockquote>Биыл мүшелікке қабылданғандардың дені жастар. Олардың қатарында ақын, Қазақстан Жазушылар одағының мүшесі Сағыныш Мұхитқызы, детектив шығармалар авторы Бекдулла Абдрасуллаев, "Жаңақорған тынысы" газетінің авторы Ардақты Бақдәулетқызы, "Кызылординские вести" газетінің тілшілері Перизат Абдулазисова мен Айдана Мусаева, "Ақмешіт жастары" газетінің тілшісі Әлия Тәжібай, "Жаңақорған тынысы" газетінің тілшілері Мақпал Патенова мен Әсел Рзаева бар. Сонымен қатар "Сыр түлегі" газетінің бас редакторы Азамат Әбимолдаев, облыстық энергетика басқармасының баспасөз хатшысы Адина Ұзақбай және "Ұстаз мәртебесі" газетінің тілшісі Замира Қонысжан да одаққа мүше болды.<blockquote>Жылдағы дәстүрге айналған іс-шара биылда өз жалғасын тапты. Қалам ұстап, қасиетті мамандықтың бел ортасында жүрген жандарды құттықтаймын. Еңбектеріңіз еленіп, қашан да абырой биігінен көрінулеріңізге тілектеспін, – деді облыстық филиал төрағасы Қуат Әбішұлы.</blockquote><img src="https://knadmin.beoblood.kz/uploads/aza_stanny_rmetti_zhurnalisi_957ec2993a.jpeg" alt="Қазақстанның құрметті журналисі.jpeg">Сондай-ақ, аталған іс-шарада отандық журналистиканың дамуына елеулі үлес қосқаны үшін бірқатар БАҚ саласының қызметкерлері, ардагер журналистер марапат төрінен көрінді. Ең алдымен басқарма басшысы Қазақстан Журналистер одағының "Қазақстанның құрметті журналисі" медалімен Ерімбетов Кенжалы Райымбекұлын марапаттады. Сонымен бірге Қазақстан Журналистер одағының Құрмет грамотасымен облыстық "Сыр бойы" газетінің ардагер журналисі Қайырбек Мырзахметұлы, Рысты Бекбергенова, Арал аудандық "Толқын" газеті бас редакторының орынбасары Абай Елеш, Қазалы аудандық "Қазалы" газетінің бас редакторы Есет Табынбаев марапатталды.Іс-шарада ақын Сағыныш Мұхитқызы журналистер қауымын мерекемен құттықтап, шығармашылық табыс тіледі.<img src="https://knadmin.beoblood.kz/uploads/Zhurnalister_oda_y_d70382de66.jpeg" alt="Журналистер одағы.jpeg">Аружан ЕРАЛЫ

Журналистер одағына жаңа лек қосылды

<a href="https://kyzylorda-news.kz/">Kyzylorda-news.kz</a> Бүгін Қармақшы ауданы әкімдігінің мәжіліс залында облыс әкімінің төрағалығымен өткен жиыннан кейінгі кезекті мәжіліс өткізілді.Мәжілісті аудан әкімі Жандос Еркінбек жүргізіп, халықты сапалы ауыз сумен қамтамасыз ету, санитариялық қауіпсіздік, салықтық тәртіп және инфрақұрылым мәселелері жан-жақты қаралды.Жиын барысында елді мекендердегі ауыз су жүйелері мен судың уақытша тоқтауы, сондай-ақ су сапасына қатысты тұрғындар тарапынан түсетін шағымдар айтылды. Бұл бағытта тиісті сала басшыларына нақты шаралар қабылдау тапсырылды.Сонымен қатар, ауданда аса қауіпті Конго-Қырым геморрагиялық қызбасы тіркелуіне байланысты эпидемиологиялық ахуалды бақылауда ұстау, түсіндірме жұмыстарын күшейту және залалсыздандыру шараларын жүйелі ұйымдастыру мәселесі қозғалды.Сондай-ақ, Темір жол вокзалдарын күрделі жөндеу жұмыстарының кешеуілдеуі себептері қаралып, құрылыс жұмыстарының уақытылы басталуын және сапалы орындалуын бақылау жүктелді.Жиын қорытындысымен барлық тиісті мекемелер мен ауыл әкімдеріне нақты тапсырмалар беріліп, мәселелер тұрақты бақылауға алынуы тапсырылды.Фото: Нұрболат Нұржаубай

Ауыз су және эпидемиологиялық жағдай мәселелері қаралды

<a href="https://kyzylorda-news.kz/">Kyzylorda-news.kz</a>&nbsp; 2025 жылдың 17 тамызында&nbsp;дәстүрлі республикалық Тамыз конференциясы ұйымдастырылмақ.&nbsp;Сол жиында білім саласына қатысты барлық өзгеріс айтылатын болады, деп хабарлайды&nbsp;<a href="http://inbusiness.kz/">inbusiness.kz</a>&nbsp;сайты.&nbsp;Мұны Оқу-ағарту министрі Ғани Бейсембаев Парламент палаталарының бірлескен отырысынан соң БАҚ өкілдерінің сауалына жауап беру барысында айтты.<blockquote>– Жаңа оқу жылында ешқандай пән жойылмайды. Дегенмен, қазір сарапшылар қауымымен кеңесіп жатырмыз. Бұл ретте, барлық жаңалықты тамыз айында жариялаймыз. Биыл 17 тамызда дәстүрлі республикалық Тамыз конференциясын өткізуді жоспарлып отырмыз. Сол кезде барлық жаңа өзгерістерді айтамыз, – деді елдің бас ұстазы. &nbsp;</blockquote>Айта кетейік, ол жаңа қадамдар әлі де талқылаудан өтетінін, сол себепті түпкілікті шешім қабылданбағанын да жеткізді.&nbsp;Фото: "Өркен" институты

Еліміздің бас ұстазы жақында ерекше жаңалық жариялайтынын хабарлады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен мәжілісте әріптестері облыстық төтенше жағдайлар департаментінің бастығы қызметін атқарған Руслан Қайрақбаевты жаңа қызметке шығарып салды. Жиынға облыс әкімінің орынбасарлары, басқарма басшылары, қала, аудан әкімдері, аумақтық департаменттер, инспекция және мекеме басшылары қатысты.Облыс әкімі департаментті басқарған Р.Қайрақбаевтың адал қызметі мен ұзақ жылдық тәжірибесін атап өтіп, оған алғыс білдірді.<img src="https://knadmin.beoblood.kz/uploads/1_riptesteri_Ruslan_ajra_baevty_zha_a_yzmetke_shy_aryp_saldy_9217e812be.jpg" alt="1 Әріптестері Руслан Қайрақбаевты жаңа қызметке шығарып салды.jpg"><blockquote>«Әріптесіміз табиғи және техногендік сипаттағы төтенше жағдайлардың алдын алуға, оларды жоюға, өрт қауіпсіздігін қамтамасыз етуге, азаматтық қорғанысты ұйымдастыруға бағытталған нәтижелі жұмыстар мен маңызды жобаларды жүзеге асыруда аянбай еңбек етті. Ол басшылық жасаған тұста департаменттің материалдық-техникалық базасы күшейтілді. Мемлекеттік өртке қарсы қызмет органдарының бөлімшелері жоқ шалғай орналасқан елді мекендерде 30 өрт сөндіру бекеті құрылып, 4 өрт сөндіру бөліміне жөндеу жұмыстары жүргізілді. Жергілікті бюджет қаражаты есебінен 2023-2024 жылдары департаментке 21 өрт сөндіру техникасы мен материалдық жабдықтар, цифрлық бейнекамералар алынды. Бүгінде төтенше жағдайлар департаменті облыс аумағындағы 7 жағажайды ресми түрде бекітті»,– деді Нұрлыбек Машбекұлы.</blockquote>Мәжілісте өңірдің әлеуметтік-экономикалық дамуына қосқан ерекше үлесі үшін Руслан Сламбекұлына Қызылорда облысының ең жоғары наградасы – облыстың Құрмет грамотасы табысталды.Облыстық мәслихат төрағасы Мұрат Тілеумбетов ізгі тілегін білдіріп, өз кезегінде Руслан Қайрақбаев әріптестеріне көрсетілген құрмет үшін ризашылығын жеткізді.Фото: Қызылорда облысы әкімінің баспасөз қызметі

Әріптестері Руслан Қайрақбаевты жаңа қызметке шығарып салды

<a href="https://kyzylorda-news.kz/">Kyzylorda-news.kz</a> Осы жолы ол 13 жастағы Алима&nbsp;есімді үшінші топтағы мүгедек қызды тосынсыйымен қуантып отыр, деп хабарлайды<a href="http://inbusiness.kz/">&nbsp;inbusiness.kz</a>&nbsp;сайты.Сирек кездесетін дертке шалдыққан қыз осыған дейін жалғызбасты анасы және кәмелетке толмаған інісімен пәтер жалдап келген. Қаршадай қыз аурумен бетпе-бет келсе де, өзіне қажетті шетелдегі ем үшін анасымен бірігіп жасаған білезіктерін сатып, ақша жинауға әрекет еткен.<blockquote>– Маған өте сирек кездесетін «ұзарған QT интервалы синдромы» деген диагноз қойылды. Соңғы уақытта есімді жиі жоғалтып, құлайтын болдым. Шетелде қымбат операция жасау қажет екен. Жүрекке кардиодефибриллятор орнату керек, өйткені жүрегім кез келген сәтте тоқтап қалуы мүмкін. Сондай-ақ мен сол жақ аяғым қысқа болып туылдым, таяқтың көмегімен жүремін. Біз жалдамалы пәтерде өмір сүріп жатырмыз. Күнде жатарда Жаратушыдан маған көмек бере алатын адам жіберуін сұрап, жалбарынамын, – деді 13 жастағы Алима.</blockquote>Маскадағы жігіт осы кезде оған емі мен оқуы үшін қомақты қаржы табыстап, пәтердің кілтін сыйлады. Дәл осындай сый күтпеген қыз бен оның отбасы қуанышын жасыра алмай, ағыл-тегіл жылады.Айта кетейік, бетперделі жігіт ақпан айында 3 баласын жалғыз асырап жүрген анаға үй сыйлап, дүкен ашып берсе, мамырда&nbsp;«аш қалмасақ екен»&nbsp;деп жүріп науқас ата-анасын асыраған&nbsp;Сержан есімді&nbsp;баланы баспаналы еткен еді.&nbsp;Фото: бейнежазбадан

«Жаратушыға күнде жалбарынатынмын»: Бетперде таққан жігіт сирек кездесетін ауруы бар қызға баспана табыстады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты мәжілісте облыстық экономика және қаржы басқармасының басшысы таныстырылды.Облыс әкімі аппараты бірыңғай конкурстық комиссиясының шешімі негізінде, облыс әкімінің өкімімен облыстық экономика және қаржы басқармасының басшысы лауазымына Мырзабек Сәкен Салхадинұлы тағайындалды.Жиында облыс әкімі басқарманың жаңа басшысын құттықтап, оған алдағы уақытта атқарылуы тиіс маңызды міндеттерді тапсырды.<blockquote>«Әріптесіміз мемлекеттік қызметте біртіндеп өсіп, басшылықта мол тәжірибе жинаған білікті маман. Осыған орай басқарма мен оның басшысына маңызды тапсырмалар берілді. Атап айтқанда, бюджет қаражатын жоспарлау кезінде заңнама талаптарын қатаң сақтау, бөлінген қаржының әлеуметтік-экономикалық тиімділігіне талдау жүргізу қажет.Сондай-ақ, республикалық және жергілікті бюджеттен бөлінген қаражаттың мақсатты әрі тиімді жұмсалуын, уақытылы игерілуін қамтамасыз ету, өңірдің негізгі макрокөрсеткіштерінің республикалық деңгейден төмен болмауын қадағалау, салық түсімдерін арттыру және субвенция көлемін ұлғайту бағытында нақты жұмыстар атқарылуы тиіс», – деді аймақ басшысы.</blockquote>Сәкен Салхадинұлы 1980 жылы Жалағаш ауданында дүниеге келген. Қорқыт ата атындағы Қызылорда мемлекеттік университетінде «Бухгалтерлік есеп және аудит» мамандығы бойынша білім алған.<img src="https://knadmin.beoblood.kz/uploads/5_b1d8852f13.jpg" alt="5.jpg">Еңбек жолын 2001 жылы Қызылорда облысы бойынша салық комитеті заңды тұлғаларға аудит бөлімінің бас маманы ретінде бастаған. Әр жылдары облыс бойынша мемлекеттік кірістер департаментінің бөлім басшысы, басқарма басшысы, Қаржы министрлігі Ішкі мемлекеттік аудит комитетінің Қызылорда облысы бойынша департаменті басшысының орынбасары, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары лауазымдарында абыройлы еңбек етті. 2023 жылдың қазан айынан осы күнге дейін облыстық тексеру комиссиясының мүшесі қызметін атқарып келді.Фото: Қызылорда облысы әкімінің баспасөз қызметі

Облыстық экономика және қаржы басқармасының басшысы тағайындалды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев мекемелік наградаларға қызмет бабында қаза болған қаһармандардың есімін беру мәселесін қарастырды.&nbsp;Сондай-ақ, көшелер мен құқық қорғау мекемелерін батырлардың атымен атауға болатынына да ерекше екпін қойды.Қасым-Жомарт Тоқаев мұндай тәжірибе елімізде бұрыннан бар екенін де еске салды.&nbsp;<blockquote>– Лаңкесті ұстау кезінде ерлікпен қаза тапқан Халық қаһарманы Ғазиз Байтасовтың есімі Тараздағы орталық көшелердің біріне берілді. Сондай-ақ қаладағы оқу-жаттығу полигоны да батырдың атымен аталған. Таяуда оның өмірі мен ерлігі туралы «Капитан Байтасов» атты көркем фильм көрермен назарына ұсынылмақ.Өрт сөндіру кезінде опат болған Асқар Забикулин де елдің есінде. Астанадағы Өрт сөндіру бөліміне және сол бөлім орналасқан көшеге оның есімі берілді. Бұл азаматтарды нағыз бейбіт күннің батырлары деуге болады. Олар ақтық демі қалғанша антқа адал болды, қызметтік парызын өтеу жолында өз өмірлерін құрбан етті.Елге және заңға қызмет етуге бел буған әрбір азамат адамгершілік пен әділдік құндылықтарын басшылыққа алады. Қылмысқа қарсы күресті қастерлі парыз деп санайды. Мұндай қасиеттер адамға, ең алдымен, отбасындағы тәрбие арқылы беріледі. Құқық қорғау саласында ата-анасының жолын қуып, отбасы дәстүрін жалғастырып жүрген қызметкерлер аз емес. Қазір біз үш атадан бері тәртіп сақшысы болған Зайнулиндер әулетінің өкілдерін марапаттаймыз. Мен барша құқық қорғау жүйесінің ардагерлеріне зор алғыс айтамын. Сіздердің мінсіз қызметтеріңіз – өскелең ұрпаққа үлгі-өнеге, – деді ел Президенті.&nbsp;</blockquote>Қасым-Жомарт Тоқаев ешқандай қауіп-қатерге қарамастан, Отан үшін қызмет жасап жүргендерге зор ризашылығын білдірді. Сонымен қатар, 5 жылда бірде-бір қылмыс тіркелмеген бірқатар ауылдың ақсақалдарын марапаттайтынын жеткізді.&nbsp;<blockquote>– Жалпы, заң мен тәртіп ұғымы көшедегі тазалық пен қауіпсіздік сияқты қарапайым нәрседен басталады. Жергілікті билік, бизнес және қоғам белсенділері ортақ мүдде жолында күш біріктіріп жұмыс істесе, қоғамдағы заң мен тәртіп те нығая түседі. Қазір Ақмола облысында «Зиялы қауым» жобасы жүзеге асырылып жатыр. Ауыл әкімдері, ақсақалдар және шаруа қожалықтарының басшылары бірлесіп, учаскелік инспекторларға қолғабыс етуде. Жергілікті азаматтардың осындай үлгілі ісіне қолдау көрсету керек. Бұл – азаматтық жауапкершіліктің айқын көрінісі.Сондай-ақ бүгін мен бес жылда бірде-бір қылмыс тіркелмеген бірқатар ауылдың ақсақалдарын марапаттаймын. Құқық қорғау органдарының көп жұмысы сырт көзге көріне бермейді. Жедел қызметкерлер, тергеушілер, прокурорлар, криминалистер, патруль қызметкерлері, учаскелік инспекторлар мен басқа да құрылым қызметкерлері күн сайын ел тыныштығын қас қақпай күзетуде, – деп сөзін қорытындылады Қасым-Жомарт Тоқаев.&nbsp;</blockquote>Ерсұлтан КЕНЖЕБАЙ

5 жылда бірде-бір қылмыс тіркелмеген ауылдар бар

<a href="https://kyzylorda-news.kz/">Kyzylorda-news.kz</a> Бүгін Қазалы ауданының әкімі Мейрамбек Шермағанбеттің төрағалығымен өткен мәжілісте сумен жабдықтау және су бұру жүйелерін дамыту, суды үнемдейтін және цифрлық технологияларды енгізу мәселесі қаралды.Мәжілісте аудан басшысы Мемлекет басшысының Жолдауында айтылған 2025 жылдың соңына дейін халықты 100 пайыз таза ауыз сумен қамтуды тапсырмасына сәйкес, тиісті сала басшыларына аудан халқын ауыз сумен қамту бойынша жүргізіліп жатқан жобаларды жыл соңына дейін аяқтау жөнінде тапсырма берді.Бүгінгі таңда Қазалы ауданында елді мекендерді ауыз сумен қамтамасыз ету үшін жалпы құны 1,2 млрд. теңге болатын 4 жоба жүзеге асырылуда. Аталмыш жобадағы Шәкен, Сарбұлақ, Шилі және Шитүбек елді мекендері орталықтандырылған ауыз су желісіне қосылғаннан кейін аудан халқы 100 пайыз таза ауыз сумен қамтылмақ. Бүгінде елді мекендердегі құрылыс жұмыстары қарқынды жүргізілуде.Жиында аудан әкімі жауапты сала басшыларына тұрғындарды ауыз сумен қамту, сапалы қызмет көрсетуде ешқандай мәселе болмауы керектігін және барлық нысандарға мониторинг жасауды айтып, аудан бойынша тозығы жеткен су нысандарына, мұнараларға жөндеу жұмыстарын жүргізуді тапсырды.Сонымен қатар соңғы уақыттары тұтынушылар тарапынан ауыз судың сапасына да наразылықтарын жиі туындап жүргенін айтып, аудандық санитарлық-эпидемиологиялық басқармасының басшысына ауыз судың сапасын, тазалығын күнделікті бақылауға алуды тапсырды.

Қазалы: Биыл аудан халқы 100 пайыз таза ауыз сумен қамтылады

<a href="https://kyzylorda-news.kz/">Kyzylorda-news.kz</a> «Әлеуметтік медициналық сақтандыру қоры» КЕАҚ Қызылорда облысы бойынша филиалында Сыбайлас жемқорлықтың қоғам өмірінің түрлі салаларына тигізетін кері әсері, оның салдары, сондай-ақ сыбайлас жемкорлықпен байланысты құқық бұзушылықтың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері жөнінде талқыланды.&nbsp;Филиалдың заңгері Олжас Шаманың сыбайлас жемкорлықпен байланысты құқық бұзушылықтың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері және корпоративтік этика жөніндегі баяндамасы тындалды. Талқылау барысында сыбайлас жемқорлыққа қарсы тестілеуде келтірілген мысалдар негізінде практикалық жағдайлар, қатысушылар мүдделер қақтығысы, лауазымдық өкілеттіктерді теріс пайдалану, сондай-ақ әкімшілік немесе қылмыстық құқық бұзушылық белгілері бар іс-әрекеттер бойынша нақты мысалдарды заңнама тұрғысынан талқылады.Нәтижесімен Филиал қызметкерлерінен сыбайлас жемқорлық санатындағы орын алған құқық бұзушылық, оның ішінде заңсыз сыйақы беру фактiлерiн болдырмау және алдын алу қажеттігін ескеріп &nbsp;«Сыбайлас жемкорлыкқа қарсы іс-қимыл туралы» талабының қатаң сақталуы, өзге тұлғалармен процессуалды емес қатынастарға бармау, «Сыбайлас жемкорлыққа қарсы iс-қимыл туралы» заңына сәйкес, мемлекеттiк ұйымдар мен квазимемлекеттік сектор субъектiлерiнiң басшылары бағынысты қызметкерлердiң сыбайлас жемкорлық құқық бұзушылықтар жасауының алдын алу жөніндегі лауазымдық міндеттерін орындамағаны немесе тиісінше орындамағаны үшін тәртіптік жауаптылыққа әкеп соғатыны қатаң ескертіліп, Филиалдың бөлiм басшыларына өздерi жетекшiлiк ететін қызметіне ведомстволық бақылауды күшейтіп, қызметкерлердің жауапкершілігін арттыру мақсатында заңдылықты бұзу қылмыстық қудалауға әкеп соғатыны түсіндірілді.Сонымен қатар, сыйлықтар, заңсыз ақшалай, материалдық сыйақы алу және беру фактілеріне және заңдарда көзделмеген басқа да игіліктер мен артықшылықтар алу фактілеріне (оның ішінде үшінші тұлғалар тарапынан ықтимал арандатушылық әрекеттерге) жол бермеуге, қызмет барысында, жеке тұлғалармен немесе медициналық мекемелердің өкілдерімен тілдесу барысында өзін дұрыс ұстап, сыбайлас жемқорлық сипатындағы әрекеттеріне дайын деген ойға алып келетін сөздерге жол бермеу қажеттігі түсіндірілді.&nbsp;Фото: Нурболат Нуржаубай&nbsp;

Сыбайлас жемқорлықтың қоғам өмірінің түрлі салаларына тигізетін кері әсері

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде сумен жабдықтау және су бұру жүйелерін дамыту, суды үнемдейтін цифрлық технологияларды енгізу шаралары қаралды. Оған облыс әкімі Нұрлыбек Нәлібаев селекторлық режим арқылы қатысып, баяндама жасады.<blockquote>"2024 жылдың қорытындысы бойынша облыс халқын орталықтандырылған ауыз сумен қамту деңгейі 98,6 пайыз болды. Өңірде орталықтандырылған ауыз су жүйесіне 9 ауылдық елді мекен қосылмаған. Оның 5-еуін топтық су құбырына қосу және 4-не ішкі су жүйелерін салу жоспарланған. Өзіңіздің тікелей қолдауыңызбен қажетті қаржы бөлініп, бүгінде құрылыс жұмыстары қарқынды жүргізілуде. Осы жылы Президентіміздің халықты 100 пайыз сапалы ауыз сумен қамту тапсырмасы толық орындалады", - деді Нұрлыбек Машбекұлы.</blockquote>Үкімет отырысынан кейін аймақ басшысының төрағалығымен өткен мәжілісте осы және өзге де мәселелер жан-жақты талқыланып, жауапты сала басшыларына тапсырмалар жүктелді.«Президентіміз Қасым-Жомарт Кемелұлы халыққа арнаған Жолдауында 2025 жылдың соңына дейін ел тұрғындарын 100 пайыз таза ауыз сумен қамтамасыз етуді тапсырды. Осыған сәйкес, біздің басты міндетіміз – жыл соңына дейін өңір тұрғындарына сапалы ауыз суды толықтай жеткізу. Тапсырманың мерзімінде орындалуын қамтамасыз етіңіздер.Жаз мезгілінде ауыз су қысымына тұрғындар жиі шағымданатыны белгілі. Осыған байланысты 1 апта ішінде тұрғындарға ауыз судың жеткізілуі мен көрсетілетін қызметтің сапасын тексеріп, тиісті рейдтік іс-шаралар ұйымдастырыңыздар. Бұл ретте ешқандай олқылық болмауы тиіс. Судың қысымын тұрақты бақылауда ұстап, үздіксіз берілуін қамтамасыз етіңіздер.Қала, аудан әкімдеріне, облыстық басқарма, аумақтық департаменттер мен инспекция басшыларына қатаң ескерту жасаймын, өз аумақтарыңыздың тазалығын сақтау, көгалдандыру, көркейту және абаттандыру жұмыстарын жүйелі түрде ұйымдастырыңыздар», – деді облыс әкімі.Бүгінде Мемлекет басшысының қалалардағы кәріз тазарту станцияларын жаңғырту жөніндегі тапсырмасына сәйкес, арнайы Жол картасы бекітіліп, тиісті жұмыстар атқарылуда. Қызылорда қаласында қуаттылығы тәулігіне 70 мың текше метр биологиялық тазарту станциясын жаңғырту қолға алынған.Фото: Қызылорда облысы әкімінің баспасөз қызметі

Сумен жабдықтау және үнемдеу шаралары қаралды

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясы Қызылорда облыстық филиалы алғашқы жарты жылда аймақтық және аумақтық филиалдармен атқарылған жұмыстарды қорытындылады.Партияның облыстық филиалының төрағасы Алмасбек Есмхановтың төрағалығымен өткен жиынға партияның аумақтық филиалдарының атқарушы хатшылары, облыстық филиалдың жауапты бөлім басшылары, «Жастар Рухы» ЖҚ облыстық филиалының төрағасы қатысты.«AMANAT» партиясы Мемлекет басшысының қоғамдық тірегі ретінде оның барлық бастамалары мен саяси реформаларын толық қолдау жұмыстарын жүргізіп келеді. Осы орайда 2023-2027 жылдарға жоспарланған «Халықпен бірге!» - деп аталатын Сайлауалды бағдарламасын өңірде нақты жүзеге асыруға бағытталған Жол картасында ағымдағы жылға 110 іс-шара жоспарланып, есепті мерзімде оның 15,5% орындалған, 81,8% іс -шара орындалу сатысында.Партияның облыстық филиалы жанында түрлі бағытта 8 кеңес пен 1 комиссия жұмыс жасаса, ағымдағы жылдың 6 айында олардың 85 отырысы өтіп, оларда 139 мәселе қаралған. Нәтижесінде 547 ұсыныс көтеріліп, тиісті органдарға жолданған.Жергілікті мәслихаттардағы депутаттық фракциялардың 30 отырысы өтіп, фракция мүшелерімен 772 депутаттық сауал жолданған. Сайлаушылармен 354 кездесу ұйымдастырылса, әкімдер мен орынбасарлары фракцияларда есептерін беріп, қоғамдық қабылдаулар өткізген.Партия филиалдарының қоғамдық қабылдау бөлмелеріне азаматтардан 4136 өтініш тіркеліп, оның 65,4% оң шешімін тапқан. 1372 мәселе бойынша нақты заңнамалық кеңес берілген. Сонымен қатар, 63 елді мекенде мобильді қабылдау ұйымдастырылып, оларда өтінішпен келген 629 тұрғынның 409 мәселесі шешімін тапты. 208 азаматтың мәселесіне қатысты түсіндірме жұмыстары жүргізілген.Жиын барысында атқарылған жұмыстарға тоқталып өткен партияның облыстық филиалының төрағасы Алмасбек Есмаханов жұмысты әлде де жетілдіруді қажет ететін бағыттар бойынша бірқатар тапсырмалар берді.<blockquote>«Өздеріңізге белгілі біз ең алдымен халыққа берген сайлауалды уәдемізді орындауымыз керек. Жол картаға түскен әрбір іс-шараның уақытылы, сапалы жүзеге асуы қатаң бақылауға алыңыздар. Екіншіден, партияға сенім артып өтінішпен келген азаматтардың мәселесін мүмкіндігінше шешуге жұмыс жасау қажет. Әрине, көп мәселелер қаржыға және уақытты талап етеді. Келген азаматқа мұны түсіндіріп, заңнамалық тұрғыда кеңес беру керек. Әрбір нысаналы топқа бағытталған партиялық жобаларымыздың өз мақсатына сай жүзеге асуын қамтамасыз етіңіздер. Жасалған жұмыстар халыққа кеңінен насихатталуы керек»,- деді Алмасбек Есмаханов.</blockquote>Атап өтейік есепті кезеңде партия филиалдарымен бұқаралық ақпарат құралдарында 1138 материал жарық көрсе, партия филиалдарының әлеуметтік желілердегі ресми парақшаларында 7 мыңға жуық жазбалар жарияланған.&nbsp;<img src="https://knadmin.beoblood.kz/uploads/2_18c6e5c0e2.jpg" alt="2.jpg">

Алты айда атқарылған жұмыстар қорытындыланды

<a href="https://kyzylorda-news.kz/">Kyzylorda-news.kz</a>&nbsp; Кеше аудандық мәдениет үйінде Қазақстан полициясы күні мерекесіне орай салтанатты шара шымылдық түрді.Ішкі істер қызметкерлерінің қажырлы еңбегін ел қашанда жоғары бағалайды. Себебі уақытпен санаспай, қоғам тыныштығы үшін қызмет ететін олардың еңбектері ел өміріндегі түрлі жағдайлардың алдын алып, қауіпсіздікті қатаң сақтауда үлкен маңызға ие. Бұл жолы тәртіп сақшыларына көрсетілген құрмет көпшіліктің алғысы іспеттес десек артық айтқандық емес.Полиция қызметкерлерінің қоғаммен тығыз байланысын, заң мен тәртіптің орындалуын ұдайы бақылауда ұстайтын олардың өмірі бейнеленген бейнеролик шараға келген қонақтардың көңіліне ерекше жылылық сыйлағандай.Мазмұнды шараға қатысқан аудан әкімі Аманжол Оңғарбаев полиция қызметкерлеріне ізгі лебізін жеткізді.<blockquote>– Құрметті Полиция қызметкерлері. Сіздерді кәсіби мерекелеріңіз – Қазақстан полициясы күнімен құттықтаймын! Ішкі істер органдары – қоғамдағы құқықтық тәртіп пен азаматтардың қауіпсіздігін қамтамасыз ететін мемлекеттік биліктің ең маңызды құрылымдарының бірі. Біз әрбір ішкі істер қызметкерлерінің қажырлы еңбегін қашанда жоғары бағалаймыз. Уақытпен санаспай, қоғам тыныштығы үшін қызмет ететін Сіздердің еңбектеріңіз ел өміріндегі түрлі жағдайлардың алдын алып, қауіпсіздікті қатаң сақтауларыңыз арқылы әркез жоғары бағаланып келеді. Заң мен тәртіпті қатаң басшылыққа алып, антқа деген адалдықты, рух беріктігі мен асқан жауапкершілікті сезініп жүрген полиция қызметкерлері әр уақытта дараланып, елден лайықты бағасын алуда. бағалаймын. Әрдайым анттарыңызға адал болып, ел қорғаны деген атақты абыройды арқалап, мемлекет пен халыққа аянбай қызмет ете берулеріңізге тілектеспін! Халқымыздың амандығын сақтау мен Отанымыздың өркендеуі жолындағы еңбектеріңіз әрқашан табысты болсын, – деді Аманжол Сақыпұлы.</blockquote>Салтанатты кеште аудандық Полиция бөлімінің басшысы Н.Әлтай әріптестеріне ізгі тілегін арнап, мерекемен құттықтады.Мерекелік шарада заң мен тәртіпті қатаң сақтап, елге адал қызмет етіп жүрген бір топ полиция қызметкерлері облыс, аудан әкімдерінің, салалық министрлік, басқарма және бөлімнің арнайы Алғыс хатымен марапатталды.Елге қызмет етіп жүрген құқық қорғау қызметкерлернің мерейін тасытқан мерекелік шара одан әрі тәртіп сақшылары және аудан өнерпаздарының концерттік бағдарламасына ұласты.Фото: Арал ауданы әкімдігінің баспасөз қызметі

Архив