<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖ департаментінің №60 мекемесінің ақпаратына сәйкес, жазасын өтеушіге әкелінген сәлем-сауқатты тексеру барысында ҚР ІІМ Ұлттық ұланының 5547 әскери бөлімі мен мекеме қызметкерлері күдікті затты анықтады.&nbsp;Тексеру кезінде маркердің ішіне жасырылған, иісі өткір, жасыл түсті шөп тәріздес зат табылған. Оқиға орнына жедел тергеу тобы шақыртылып, күмәнді зат тәркіленіп, сот-химиялық сараптамаға жолдады. Сараптама нәтижесінде оның кептірілген марихуана екені белгілі болды.Аталған дерек бойынша сәлем-сауқат әкелген азаматқа қатысты Қазақстан Республикасы Қылмыстық кодексінің 297-бабының 1-бөлігімен тергеу амалдары жүргізіліп жатыр. ҚР ІІМ Ұлттық ұлан мен ҚАЖ мекемесі қызметкерлерінің қырағылығы мен кәсібилігінің арқасында тыйым салынған заттың мекемеге өтуіне жол берілмеді.

Қызылордада сотталған азаматқа жеткізген сәлемдеме ішінен күдікті зат табылды

<a href="https://kyzylorda-news.kz/">Kyzylorda-news.kz</a> Мемлекет басшысының өңірлердегі спорттық инфрақұрылымдарды дамыту тапсырмасы негізінде аймақ басшысының үлкен қолдауымен Қызылорда қаласының сол жағалауында жалпы құны 20,9 млрд теңгені құрайтын 11 мың орындық жаңа стадионның құрылысы жүргізілуде.Қазіргі таңда стадион құрылысының 75 пайызы аяқталды. Сәйкесінше, батыс және шығыс трибуналарына металл конструкциялары орнатылып, қабырғалар, ішкі бөлмелер мен сыртқы витраждар қаланған.Сондай-ақ, футбол алаңын жабдықтау, ішкі әрлеу, аумақты абаттандыру және сыртқы аумаққа тас төсеуіш орнату, ғимаратқа электр желілерін жүргізу жұмыстары қолға алынған.Айта кетейік, жаңа стадионда жасыл алаңнан бөлек, спорттың бірнеше түріне арналған спорт залдары қарастырылған. Атап айтқанда, бокс, күрес залдары, көркем гимнастика, ауыр атлетика, таеквондо және жаттығу залдары қамтылады.

Стадион құрылысы аяқталуға жақын

<a href="https://kyzylorda-news.kz/">Kyzylorda-news.kz</a> ҚМА Астана қаласы бойынша департаменті Астана қаласы әкімдігіне қарасты «№81 Astana English School халықаралық мектебі» КММ-нің лауазымды тұлғаларына қатысты бюджет қаражатын жымқыру фактісі бойынша тергеу жүргізуде, деп хабарлайды <a href="https://baq.kz/mektep-direktory-memleket-aqshasyna-kottedzh-pater-zhane-kolik-satyp-algan-200016495/">BAQ.KZ.</a>Астана қаласы бойынша ҰҚКД қызметкерлерімен бірлесіп, бұрынғы директор мен бас бухгалтердің 900 млн теңгеден астам қаражатты жымқырғаны анықталды.Бұл соманың бір бөлігі – ата-аналардан дайындық сыныптарына оқыту және жазғы лагерьге қатысу үшін қолма-қол алынған ақша, алайда бұл қаражат мекеме шоттарына түспей, ұрланған.Сонымен қатар, шамамен 16 млн теңге іс жүзінде ұйымда жұмыс істемейтін жалған қызметкерлер атына аударылған. Олардың қатарында күдіктілердің жалған түрде рәсімделген туыстары да бар.<blockquote>Күдіктілер қылмыстық жолмен алынған табыстарға жалпы құны 382 млн теңгені құрайтын мүлік сатып алған: коттедж, елордада екі пәтер және автокөлік. Сот санкциясымен бұл мүлікке тыйым салынды. Күдіктілер қамауға алынды. Қылмыстық-процестік кодекстің 201-бабына сәйкес өзге ақпарат жариялауға жатпайды, - дейді ҚМА.</blockquote>

Мектеп директоры мемлекет ақшасына коттедж, пәтер және көлік сатып алған

<a href="https://kyzylorda-news.kz/">Kyzylorda-news.kz</a> «AMANAT» партиясының «Сәулет» бастауыш партия ұйымына қарасты «Ә.Тәжібаев атындағы облыстық әмбебап ғылыми кітапханасында» облыстық мәслихаттағы фракция мүшелері Бақдәулет Мақашев, Нұркен Бақытбекұлы және Гүлшат Мұсаева партия мүшелерімен кездесіп, атқарылған жұмыстар туралы ақпарат берді.&nbsp;Алдымен аймақтың өнеркәсіп және ауылшаруашылық саласындағы жаңалықтарына тоқталған Бақдәулет Мақашев Сырдария өзенінің өзектілігіне, шаруаларға беретін мол пайдасы мен өңір экономикасының әлауқатын жақсартудағы маңыздылығына тоқталды.&nbsp;Одан кейін қаламыздағы құрылыс қарқынын тілге тиек еткен Нұркен Бақытбекұлы қалада қайта жаңғырудан өткен парк пен орталық алаңның, төрт жолақты Тәуелсіздік даңғылының жұмысына тоқталды.&nbsp;Айта кету керек, қаланың Сол жағалауында 11 мың орынға арналған стадион. С.Бейбарыс даңғылы бойында «Қызылорда Арена», «Достық үйі» ғимараттары бой көтеруде. Бұдан бөлек, «Президент саябағы» қайта жаңғыру жұмыстарынан өтуде.&nbsp; Басқосуда Гүлшат Мұсаева партияның қолға алаған маңызды жобаларының іске асуына тоқталды.Бұдан бөлек, Мемлекет басшысының бастамасымен жүзеге асқан «Таза Қазақстан», партия бастамасымен жүзеге асқан «Таза бейсенбі» экологиялық акциясының өзектілігіне тоқталды.&nbsp;Кездесуде бастауыш ұйым мүшелері түрлі мәселелер бойынша сауалдарын жолдап, пікір алмасты.<img src="https://knadmin.beoblood.kz/uploads/Amanat_bastauysh_jym_kilderimen_kezdesu_438896d986.jpg" alt="Аманат бастауыш ұйым өкілдерімен кездесу.jpg">

Фракция мүшелері бастауыш ұйым өкілдерімен кездесті

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінің мәжіліс залында аудан әкімінің міндетін атқарушы Шыңғыс Әбділәмитұлының төрағалығымен «Ауыл аманаты» бағдарламасы шеңберінде мемлекеттік қолдау шараларын түсіндіру бойынша жұмысшы топтың кәсіпкерлермен кездесуі өтті.Кездесудің негізгі мақсаты – ауыл тұрғындарының кәсіпкерлік бастамаларын қолдау, бағдарламаның іске асырылу барысы мен мемлекеттік қолдаулар жөнінде түсіндіру.Жиын барысында сала мамандары мен жұмысшы топ мүшелері – Индира Сансызбайқызы, Бахыткүл Әділбекқызы, Күндібай Мырзабайұлы және басқа да қатысушылар түсіндірме жұмыстарын жүргізіп, кәсіпкерлердің сауалдарына жауап беріп, кеңестерін ұсынды.Жиын соңында сұрақ-жауап, пікір алмасу ұйымдастырылып, кәсіпкерлер бағдарламаның тиімді тетіктері мен шарттары туралы нақты ақпарат алды.Айта кетейік, Қармақшы ауданы бойынша «Ауыл аманаты» жобасы аясында 2023 жылдан бері жалпы сомасы 486,7 млн теңгені құрайтын 77 жобаға жеңілдетілген несие берілген.

"Ауыл аманаты" бағдарламасы аясында кәсіпкерлермен кездесу өтті

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен аудан бюджетінің орындалуы және салық базасын ұлғайту мәселелері бойынша мәжіліс өтті.Күн тәртібінде 2025 жылдың 26 маусымына аудан кірістерінің орындалу жоспары, бюджеттік түсімдерге жүргізілген түгендеу жұмыстарының нәтижесі, салық төлеушілерді тіркеу барысы және негізгі макроэкономикалық көрсеткіштердің болжамы қаралды.Аудан әкімі тиісті бөлім басшыларына бюджет кірісін арттыру үшін тіркелмеген салық төлеушілерді анықтау және дер кезінде тіркеуге қою, салық берешектерін өндіру бағытында кешенді шаралар қабылдауды тапсырды.Мәжіліс қорытындысымен жауапты сала жетекшілеріне және ауылдық округ әкімдеріне нақты міндеттер жүктеліп, олардың орындалуына бақылау жасау тапсырылды.

Салық базасын ұлғайту мәселесі қаралды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы бірқатар құрылыс нысандарын аралады.Алдымен аймақ басшысы балалар мен жасөспірімдерге арналған шығармашылық иновациялық орталықтың жұмысымен танысты. Заманауи талаптарға сай бой көтерген бұл кешен бір мезетте 500 оқушы, тәулігіне 3 мың оқушыға дейін қабылдайды. Орталықта бассейн, топтық жаттығу бөлмесі, көркем гимнастика және фитнес залдары, үстел ойындарына арналған кабинет, жекпе-жек және үстел теннисі залдары қарастырылған.Ұлдар мен қыздарға арналған жеке-жеке киім ауыстыру бөлмелері бар. Көркемдік-эстетикалық бағытта кескіндеме, сурет салу, резин арт, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.Әрі қарай, “Қызылорда-нан” ЖШС-ның кондитерлік және макарон өнімдерін өндіретін кешендегі жұмыс барысын көрді. Бұл жобаға мемлекеттік қолдау ретінде 5 гектар жер беріліп, су және кәріз жүйелерін жеткізуге қаржы бөлінген.Аймақ басшысы Әбілқайырхан көшесінен Саламатов көшесіне дейінгі жол құрылысының барысын көрді. Ұзындығы 2,9 шақырымды құрайтын жол құрылысы қарқынды жүргізілуде. Бүгінгі күні 2,4 шақырым аумақта астыңғы қабатты тазалау және ашу жұмыстары аяқталып, 2 шақырым бөлікте тірек қабырғаларын құю жұмыстары жалғасуда. Жобаның мердігері – “Автомобиль жол басқармасы” ЖШС.Сол жағалаудағы жаңа стадион құрылысы да назардан тыс қалмады.Мұнда шығыс және батыс трибуналардың металл конструкциялары орнатылып, қабырғалар, ішкі бөлмелер мен сыртқы витраждар қаланған. Қазіргі таңда футбол алаңын жабдықтау, ішкі әрлеу және аумақты абаттандыру жұмыстары жүргізілуде.