<a href="https://kyzylorda-news.kz/">Kyzylorda-news.kz</a> Бас прокуратурада&nbsp;«Заң мен Тәртіп»&nbsp;қағидатын іске асыру аясында&nbsp;Халықаралық есірткіге қарсы күрес күніне&nbsp;орайластырылған Қазақстан Республикасының Заңдылықты, құқықтық тәртіпті және қылмысқа қарсы күресті қамтамасыз ету жөніндегі&nbsp;үйлестіру кеңесінің отырысы&nbsp;өткізілді.Кеңес алаңында&nbsp;есірткінің заңсыз айналымынабайланысты&nbsp;қазіргі заманғы сын-қатерлер қаралып, оларды ұлттық және халықаралық деңгейде бейтараптандыру бойынша бірлескен шаралар әзірленді.Отырысқа Президент Әкімшілігінің, Үкіметтің өкілдері, Парламент депутаттары, мемлекеттік органдардың басшылары, халықаралық серіктестер, соның ішінде БҰҰ-ның Есірткі және қылмыс жөніндегі басқармасы, ЕҚЫҰ, ОАӨАҮО&nbsp;(Есірткі құралдарының, психотроптық заттар мен олардың прекурсорларының заңсыз айналымына қарсы күрес жөніндегі Орталық Азия өңірлік ақпараттық үйлестіру орталығы), CADAP, шет елдердің дипломатиялық миссиялары (Қазақстандағы АҚШ, Германия, Қытай, Сауд Аравия Корольдігі, Түркия мемлекеттерінің елшіліктері), сондай-ақ үкіметтік емес ұйымдардың өкілдері қатысты.Өз сөзінде Бас Прокурор&nbsp;Берік АсыловМемлекет басшысының тапсырмасы&nbsp;бойынша елімізде есірткі бизнесін ұйымдастырушылардың қылмыстық жауапкершілігін қатаңдатуға, есірткі арналарын анықтау және жолын кесу тетіктерін цифрландыруға, қаржы ағындарын жабуға және халықаралық өзара іс-қимылды кеңейтуге негізделген есірткіге қарсы жүйелі саясат іске асырылып жатқанын атап өтті.Есірткіні бақылау жөніндегі&nbsp;БҰҰ-ның&nbsp;барлық&nbsp;үш негізгі конвенциясын&nbsp;ратификациялаған Қазақстан БҰҰ-ның есірткі жөніндегі комиссиясының құрамына сайланған және&nbsp;2029 жылға дейінАзия-Тынық мұхиты өңірінің&nbsp;атынан өкілдік етеді, бұл біздің елімізге елеулі жауапкершілікті жүктейді.Соңғы бес жылда заңсыз айналымнан алынған синтетикалық есірткінің көлемі&nbsp;100 есеге&nbsp;–&nbsp;13 кг-нан 1,5 тоннаға&nbsp;дейін ұлғайған.Тек ағымдағы жылдың басынан бастап&nbsp;9&nbsp;ұйымдасқан қылмыстық топ, оның ішінде&nbsp;3 трансұлттық топ&nbsp;жойылған. Есірткі жеткізудің&nbsp;111&nbsp;арнасы жабылған, оның&nbsp;19-ы халықаралық.Құқық қорғау органдары барлығы&nbsp;10 млрд&nbsp;теңгеден астам сомаға&nbsp;есірткі табысын&nbsp;бұғаттаған.«Follow the money»&nbsp;қағидаты бойынша криптовалюталарды пайдалана отырып, жасалған қылмыстық схемалардың жолы кесілген,&nbsp;2,4 млрд&nbsp;теңгеден астам сомаға&nbsp;50 мыңнан астам дроп-шоттар&nbsp;бұғатталған.Резонанстық тергеулердің&nbsp;нақты мысалдары жария етілді.Маңғыстау облысында&nbsp;қылмыстық топ жойылған, олардың&nbsp;2,3 млрд&nbsp;теңге сомасына қолма-қол ақшалары мен цифрлық активтері тәркіленген.Ұлытау облысында&nbsp;шетел азаматтары ұйымдастырған&nbsp;«Kaef-mafia»&nbsp;ірі есірткі алаңы анықталып, жойылған.&nbsp;6 миллион АҚШ доллары&nbsp;көлеміндегі криптовалюта бұғатталып, үш адам ұсталған, төртеуіне іздеу жарияланған.Халықаралық ынтымақтастық&nbsp;мәселелеріне ерекше назар аударылған.Шымкент қаласында&nbsp;арнайы прокурорлар алғаш рет&nbsp;АҚШ Әділет министрлігінің есірткіге қарсы күрес басқармасымен&nbsp;(DEA) бірлесіп,«Карбон» есірткі маркетіне&nbsp;қатысты іс бойынша мемлекетаралық жедел-тергеу тобын құрған. Криптовалюта транзакциясын қоса алғанда, шетелдік шоттар анықталған.Нәтижесінде&nbsp;халықаралық қылмыстық схема&nbsp;ашылып,&nbsp;70 млрд&nbsp;теңгеге&nbsp;500 мың&nbsp;заңсыз транзакция анықталған,&nbsp;500 млн&nbsp;теңге мүлікке тыйым тәркіленді.&nbsp;24&nbsp;қылмыскер ұсталып, 18-і қамауға алынды.Б. Асылов&nbsp;атап өткендей,&nbsp;цифрлық есірткі желісі&nbsp;Қазақстан үшін жаңа шындыққа айналған. Есірткі қылмыстарының барлығы дерлік интернет кеңістігінде жасалады және көбінесе шетелден ұйымдастырылады.Есірткі бизнесінің жаһандануы мемлекеттік органдардың, халықаралық серіктестердің және азаматтық қоғамның жаңа тәсілдері мен күш-жігерін шоғырландыруды талап етеді.Заңнамалық реформа басталған.Сондай-ақ, есірткі өндіргені үшін өмір бойына бас бостандығынан айыруға дейін&nbsp;жаза күшейтілгені&nbsp;айтылды. Бір мезгілде есірткі тізбегінің ең төменгі буынына жататын&nbsp;«есірткі жасырып кетушілер»&nbsp;үшін&nbsp;жазалау&nbsp;шаралары&nbsp;жеңілдетілген.Бұл өзгерістер&nbsp;3 800-ден&nbsp;астам сотталушыға әсер еткен:&nbsp;328-і&nbsp;босатылып,&nbsp;2 600-ден&nbsp;астамына жазалау мерзімі қысқартылған.

Бас прокуратурада есірткі бизнесінің жаһандық сын-қатерлерін талқылады

<a href="https://kyzylorda-news.kz/">Kyzylorda-news.kz</a> &nbsp;Бала күннен кітап оқуды әдетке айналдырдым. Оның бірі – Абай Құнанбайұлының шығармалары. «Абай жолын» оқып өстік. Абайдың қара сөздерін жадымызға тоқыдық. Ұлы ақынды үлгі еттік. Абай салған сара жолды жалғап келе жатқан ұрпақ үшін Абай – тау тұлға.«Адамзаттың бәрін сүй бауырым деп...». Бұл – Абайдың мәңгі жасайтын қағидасы.Абай - ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды көздеген реформатор.Абай ақындық шығармаларында қазақ халқының әлеуметтік, қоғамдық, моральдық мәселелерін арқау еткен. Абай Шығыс пен Батыс мәдениеті мен өркениетін жетік білген. Бірқатар әлем ойшылдарының еңбектерімен жақсы таныс болған.Болашақ ақынның дүниеге көзқарасының қалыптасуына оның озық ойлы орыс зиялы қауымының өкілдерімен араласуы орасан зор ықпал етті.Абай – ұлы ақын әрі ойшыл. Ол өз төңірегіндегі адамдардың, жақындары мен шәкірттерінің бойындағы өз халқына риясыз берілгендікті, оның мүдделерін қорғау қасиеттерін қолдап отырды.Ұлы ақын жас ұрпақты имандылыққа, адамгершілікке, ғылым-білім үйренуге шақырды.Жастарды бес нәрседен – өсектен, өтіріктен, мақтаншақтықтан, еріншектіктен, бекер мал шашпақтықтан қашық болуға, бес асыл іске – талап етуге, еңбекті сүюге, терең ойлай білуге, қанағатшыл болуға, қайырымды рақымшылық жасауга шақырды.Абай жастардың бойындағы кеселді кемістіктерді, арсыздық пен ұятсыздықты, дөрекі надандықты тәрбие және білім беру арқылы жоюға үндеді.А.ЫсқақоваҚызылорда облысының мамандандырылған&nbsp;ауданаралық әкімшілік сотының бас маман,&nbsp;&nbsp;сот отырысының хатшысы&nbsp;Фото: adebiportal.kz

Абай – ұлы тұлға

<a href="https://kyzylorda-news.kz/">Kyzylorda-news.kz</a> Қазақстандық пойыздардың барлығында дерлік&nbsp;бейнекамералар пайда болады. Ол құқықбұзушылықтардың санын азайтып, жолаушылар&nbsp;ұмытып кеткен&nbsp;заттарды&nbsp;табуға көмектеседі. Қазірдің өзінде төрт мың камера орнатылған. Жыл соңына дейін барлық 112 бағыттағы пойыздарды толық бейнекамералармен жабдықтау жоспарланған. Бұл туралы <a href="http://stan.kz/">Stan.kz</a> ақпарат агенттігі <a href="https://www.ktk.kz/ru/news/video/2025/06/26/295293/">KTK</a> телеарнасына сілтеме жасап хабарлайды.Мамандардың айтуынша, бейнебақылау камераларындағы жазбалар ситуациялық орталықта мұқият бақыланады. Вагондардағы&nbsp;видеолар&nbsp;нақты уақыт режимінде таратылады. Бұл стандартты емес жағдайларға дер кезінде әрекет етуге көмектеседі.&nbsp;"Қазақстан темір жолы"&nbsp;өкілдері бейнебақылау жақында&nbsp;пайда болғанына қарамастан, пойыздардағы тәртіп бұзушылық деңгейі қазірдің өзінде 21% төмендегенін атап өтті. Шағымдар саны да үштен бірге азайған. Ал ұмытылған әрбір тоғызыншы зат иелеріне қайтарылған. Ал жаңа вагондар бейнебақылау жүйесімен жабдықталған күйде келіп жатыр екен."Бейнеаналитикалық жүйенің көмегімен пойыздардағы түтін, бұзақылық, бет-әлпетті тану сияқты ерекше жағдайларды анықтай аламыз. Бұл бірінші кезекте жолаушылардың жайлылығына, олардың қауіпсіздігіне бағытталған", – "Жолаушылар тасымалы" АҚ басқарма төрағасының орынбасарыМұрат Төрегелдин.

Жыл соңына дейін барлық пойызға бейнекамералар орнатылады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Бұқаралық ақпарат құралдары қызметкерлері күніне арналған «Қанатты қалам – 2025» &nbsp;салтанатты шарасы өтті. Басқосуға Мәдениет және ақпарат вице-министрі Айбек Сыдықов, өңірдің БАҚ саласы мен зиялы қауым өкілдері, құқық қорғау және жауапты сала басшылары қатысты.Аймақ басшысы журналистерді кәсіби мерекемен құттықтап, өңірдегі бастамалар мен жаңашылдықтарды халыққа жеткізудегі қаламгерлер рөліне тоқталды.<blockquote>«Бүгінгі мереке - мерзімді басылымдар мен телеарналарда, ақпараттық агенттіктер мен сайттарда қызмет жасайтын шығармашылық өкілдерінің, журналист жасаған сюжет пен жазған мақаланың техникалық, көркемдік тұрғыдан толыққанды жарыққа шығуына еңбек сіңіретін оператор, дизайнер, режиссер, инженерлердің мерейлі күні.Сіздер жаңа бетбұрыстар кезеңінде қоғам мен биліктің арасында алтын көпір болып, жұртшылыққа реформалардың маңыздылығын жеткізуде жауапты міндет атқарып келесіздер.Мереке қарсаңында Президентіміз Қасым-Жомарт Кемелұлы Бұқаралық ақпарат құралдарының бір топ қызметкерлерін Ақорда төрінде қабылдап, мемлекеттік наградалар табыстады. Салтанатты қабылдауда жерлесіміз, ақпарат саласында аянбай еңбек етіп жүрген «Qyzylorda» телеарнасының директоры Әмиша Нұрбек Шынтемірұлы «Ерен еңбегі үшін» медалімен наградталды. Бұл - Сыр журналистикасының бүгінгі беталысына берілген жоғары баға.&nbsp;Мемлекет басшымыз бірлік пен берекенің, өнер мен мәдениеттің құтты ұясы болған Сыр өңірін алтын бесікке теңеп, айрықша бағасын берген еді.&nbsp;Осыдан 100 жыл бұрын Қызылорда еліміздің тұңғыш астанасы болған тұста әлеуметтің рухани өмірінде ерекше серпіліс жасалды. Тарихи кезеңде республикалық мерзімді басылымдардың барлығы көшірілді. Ұлттық сөз өнерінің майталмандары, Алаш зиялылары Сәкен Сейфуллин, Бейімбет Майлин, Жүсіпбек Аймауытов, Сәбит Мұқанов журналистік шеберліктерін шыңдап, халыққа ақпарат тарату ісіне белсене қатысты.&nbsp;«Алаштың анасы» атанған қасиетті Сыр өңірінің ұлттық журналистика тарихында айрықша орны бар. Қазақ тарихындағы маңызды оқиғалар Қызылорда – ұлт баспасөзі мен журналистикасының рухани астанасы екенін айқын дәлелдейді. Тарихи сәттердің куәсі болған ардагерлеріміз бүгінде ортамызда. «Сыр бойымен» бірге сырласындай өмір сүріп келе жатқан Қазақстанның құрметті журналистері – Шәкірат Дәрмағанбетов, Қайырбек Мырзахметов ағаларымыз бен Рысты Бекбергенова апамыз мерейлі 90 жастың үстіне шықты. Осы газеттерден шыққан шығармашылық өкілдері елімізге танылып, қазақ әдебиетінде өзіндік ізін қалдырды. Олар: Асқар Тоқмағанбетов, Жақсылық Түменбай, Тынымбай Нұрмағанбетов, Әскербек Рахымбеков, Асқар Кіребаев, Қази Данабаев, Жолтай Жұмат секілді белгілі ақын-жазушылар.Аймағымызда Президентіміздің тапсырмасымен, Үкіметтің қолдауымен жүзеге асырылған жұмыстарды, игі бастамаларды халық арасында кеңінен насихаттауда қалалық, аудандық басылымдармен қатар «Халық», «Әлімсақ», «Ұстаз мәртебесі», «Тіл сақшысы», «Сыр мектебі» секілді &nbsp;газет-журналдар мен интернет ресурстардағы бірнеше ақпараттық агенттік белсенді қызмет атқаруда.Сыр өңірінің жылнамасын, Тәуелсіздік шежіресін &nbsp;жасаудағы қажырлы еңбектеріңіз үшін сіздерге зор ризашылығымды, алғысымды білдіремін.&nbsp;Ақпарат айдынында заман көшінен қалмай, жаңа медианы меңгеріп, елдікті сақтау, азаттықты баянды ету жолында абыройлы қызмет атқара беріңіздер! Мерейлі мерекеде дендеріңізге саулық, шығармашылықтарыңызға шабыт, отбасыларыңызға бақ-береке тілеймін!», - деді Н.Нәлібаев.</blockquote>Мерекелік жиында &nbsp;салаға ізденісі мен кәсіби шеберлігін арнап, оқырман мен көрермен құрметіне бөленген журналистер марапат төрінен көрінді. Мемлекет басшысының Жарлығымен облыстық «Сыр бойы» газеті "Руханият" бөлімінің меңгерушісі, Қазақстан Жазушылар және Журналистер &nbsp;одағының мүшесі Дүйсенбек Беркінбаев «Құрмет» орденімен, республикалық «Казахстанская правда» газетінің меншікті тілшісі Әлібек Байшүленов пен "Қоғам ТВ" арнасының шеф-редакторы Баян Құлтанова «Ерен еңбегі үшін» медалімен марапатталды. Сондай-ақ, бірқатар тілшілерге облыстың ең жоғарғы наградасы - Қызылорда облысының «Құрмет» грамотасы, облыс әкімінің Алғыс хаты мен номинациялар табысталды.Бүгінде Сыр журналистикасының тарихы өзінің ғасырлық белесіне жақындады. Өткен жылы еліміздегі ең байырғы басылымдардың бірі &nbsp;- облыстық «Сыр бойы» газетінің жарыққа шыққанына 95 жыл толса, биыл «Кызылординские вести» газеті 95 жылдығын атап өтуде. &nbsp;Жалағаш аудандық «Жалағаш жаршысы» басылымына 90 жыл, Шиелі аудандық «Өскен өңір», Сырдария аудандық «Тіршілік тынысы» газеттеріне 85 жыл, Қызылорда қалалық «Ақмешіт апталығы» газетінің жарық көргеніне 30 жыл толды.Фото: Қызылорда облысы әкімінің баспасөз қызметі

«Қанатты қалам – 2025» салтанатты шарасы өтті

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы жанындағы Отбасы және халықты әлеуметтік қорғау мәселелері жөніндегі республикалық кеңестің отырысы өтіп, онда жастар денсаулығы орталықтарының жұмысын нығайту және жасөспірімдер арасындағы ерте жүктіліктің алдын алу туралы қаралып, талқыланды.Жиынға өңірден бейнебайланыс режимінде партияның облыстық филиалының атқарушы хатшысы Ләйлә Төрешова, аймақтық кеңестің мүшелері мен жауапты басқарма өкілдері қатысты.Бүгінгі күні облысымызда 839 388 адам өмір сүруде, оның ішінде 14-28 жас аралығындағы жастардың саны 167 739, бұл тұрғындардың 20%-ын құрайды.2025 жылдың 6 айында Жастар денсаулығы орталығына жүгінген жастардың саны – 26831. Ағымдағы жылдың 6 айында 504 адам (3,7%) (2024 ж.- 397) тұрғылықты жері бойынша жергілікті емханаларда сауықтырылған.Психологиясы әлі толық қалыптасып үлгірмеген жастарға түрлі аурулар, жұмыссыздық, әлеуметтік күйзелістер қатты әсер етіп, түрлі жағдайларға баруы мүмкін. Сондықтан да жастар денсаулық орталығында күйзеліс жағдайындағы жастардың хабарласуына арналған «Қызу желі» ұйымдастырылған. «Қызу желінің» байланыс телефоны - 8 800 080 22 26.<img src="https://knadmin.beoblood.kz/uploads/Amanat_respublikaly_ke_es_89a3ab0bd3.jpg" alt="Аманат республикалық кеңес.jpg">

"АМАНАТ": Республикалық кеңес отырысы өтті

<a href="https://kyzylorda-news.kz/">Kyzylorda-news.kz</a> Партияның облыстық филиалының мәжіліс залында «Білім беру және денсаулық сақтау», «Отбасы және халықты әлеуметтік қорғау» мәселелері жөніндегі аймақтық кеңестердің бірлескен отырысы өтті.Күн тәртібінде жастар денсаулығы орталықтарының жұмысын нығайту және жасөспірімдер арасындағы ерте жүктіліктің алдын алу және жазғы демалыс уақытында балалардың салауатты өмір салтын қалыптастыратын іс-шараларды өткізу, балалы отбасыларды дене шынықтыру және спортпен шұғылдануға тарту үшін жағдай жасау, спорт кешендері мен нысандарына күрделі және ағымдағы жөндеу жұмыстарын жүргізу барысы талқыланды.Бірлескен жиынға партияның облыстық филиалының атқарушы хатшысы Ләйлә Төрешова қатысып, күн тәртібіндегі мәселелердің маңыздылығына тоқталып өтті.Жиында тиісті сала өкілдері көтерілген мәселелер бойынша атқарылып жатқан жұмыстар жайын баяндады.Өңірдегі халықтың 1000 адамға шаққандағы спорттық инфрақұрылыммен қамтамасыз етілуі 2024 жылдың қорытындысымен 1 494 ғимаратты құрап, 46,2%-ға жетті. Оның ішінде: 12 стадион, 51 спорт кешені, 1 футбол манежі, 1 жеңіл атлетикалық манеж, 1 есу базасы, 12 ату тирі, 1 хоккей корты, 1 390-жазықтық құрылғылар, 13 теннис корты, 3 ипподром, 9 жүзу бассейні.Аймақ басшысының тікелей тапсырмасымен Сыр спортын дамытуда тағы бір байыпты бастама жүзеге асырылды. Атап айтсақ, осы уақытқа дейін өзге мекемені жалға алып отырған басқармаға бағынысты бірқатар мектептер тұрақты спорт ғимараттарына көшті.Осы жылы облыста бұқаралық спортпен айналысушылар үлесін 42 пайызға жеткізу жоспарлануда. Сонымен қатар, өңірдегі халықтың 1000 адамға шаққандағы спорттық инфрақұрылымдармен қамтамасыз ету деңгейін арттырып, құрылысы аяқталған спорт кешендерін пайдалануға беру жоспарланған. Бұдан бөлек, министрлік тарапынан көрсетілген қолдау нәтижесінде аймақтағы спорттық нысандарға инвестиция тартып, заманауи ғимараттар санын көбейту жоспарлануда. Осы жұмыстардың нәтижесінде спортшыларымызды әлемдік деңгейдегі жарыстарға қатыстырып, олардың дайындығын жоғары деңгейде жүргізу аясы кеңейе түспек.Жиынды ашып, жүргізген Білім беру және денсаулық сақтау мәселелері жөніндегі аймақтық кеңес төрағасы Нұридин Амитов күн тәртібінде қаралған мәселелерге қатысты жүйелі жұмыстар атқарылуы қажеттігін тілге тиек етіп, бұл шаралардың бақылауда болатындығын айтты.

Бірлескен отырыста маңызды мәселелер талқыланды

<a href="https://kyzylorda-news.kz/">kyzylorda-news</a> Сыр елінде бұқаралық ақпарат құралдары қызметкерлері күніне арналған «Қанатты қалам-2025» мерекелік салтанатты шарасы өтіп, аймақ басшысы Нұрлыбек Нәлібаев журналистерді төл мерекемен құттықтап, ақжарма тілегін арнады.Аймақ басшысы ақпарат ағынынан қалмай, өз көрермендері мен оқырмандарына адал қызмет етіп, мамандығын қадір тұтқан журналистердің қоғамда алар орнына тоқталды.

Сыр өңірінде "Қанатты қалам-2025" салтанатты шарасы өтуде

<a href="https://kyzylorda-news.kz/">Kyzylorda-news.kz</a> Қызылордада «AMANAT» партиясы Жаңақорған аудандық филиалының ұйымдастыруымен «Таза бейсенбі» экологиялық акциясы аясында Саяси қуғын-сүргін және ашаршылық құрбандарына арналған «Тағзым» мемориалына тазалық жұмыстары жүргізілді.<blockquote>«Таза бейсенбі» акциясының ауқымы кең. Акция аясында әр апта сайын түрлі іс-шаралар жүзеге асып жатыр. Бүгін біз қасіретті жылдарда жазықсыз жапа шеккен құрбандарға арналған мемориалға тазалық жұмыстарын жүргіздік. Оларды ұмытпау-біздің парызымыз»,- дейді Жаңақорған аудандық партия филиалының атқарушы хатшысы Арман Мәжитов.</blockquote>Игілікті шараға аудандық филиалдың қызметкерлері, «Жастар» бастауыш партия ұйымы мен «Жастар Рухы» жастар қанатының мүшелері белсенді қатысты.Акция барысында алаңдағы ескерткіштер тазартылып, қоқыстар шығарылды.

"Тағзым" мемориалы тазартылды

<a href="https://kyzylorda-news.kz/">Kyzylorda-news.kz</a> Сыр өңіріне арнайы келген халықаралық туристік экспедиция мүшелері Байқоңыр қаласы мен киелі Қармақшы ауданына табан тіреді.Құрамында Қазақстан, Қырғызстан, Өзбекстан, Ресей және Тәжікстан елдерінің 100-ден астам өкілі бар «Еуразия жүрегіне саяхат» экспедициясы алдымен әлемге әйгілі Байқоңыр ғарыш айлағында барды. Қонақтар ғарыш зымырандарының ұшу алаңы мен тарихи музейді аралап, адамзаттың ғарышты игеру жолындағы алғашқы қадамдарына куә болды.Мұнан соң, экспедиция мүшелері Ұлы Жеңістің 80 жылдығына орай Байқоңыр қаласындағы “Тағзым алаңына” барып, мәңгілік алау жанына гүл шоқтарын қойды.Сапар әрі қарай Қармақшы ауданындағы Қорқыт ата мемориалды кешенінде жалғасты. Мұнда туристерді қазақтың салт-дәстүріне сай ұлттық киім киген өнерпаздар қарсы алып, арнайы әзірленген дәмнен ауыз тигізді. Қонақтар кешен ішіндегі Қорқыт мұражайын аралап, ұлтымыздың тарихи-мәдени құндылықтарымен жақын танысты.Бұл сапардың мақсаты — Еуразия кеңістігіндегі тарихи нысандар мен мәдени мұраларды дәріптеу, мемлекетаралық туризмді дамыту және Сыр өңірінің бай тарихын таныстыру.Ендігі кезекте экспедиция мүшелері Қызылорда қаласындағы бірқатар нысандарды аралайды деп жоспарлануда.<img src="https://knadmin.beoblood.kz/uploads/Euraziya_zh_regine_sayahat_2_fab36628c6.jpg" alt="Еуразия жүрегіне саяхат 2.jpg">

"Еуразия жүрегіне саяхат" туристік экспедициясы жалғасын тапты

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың халықпен кездесуі Қаракеткен және М.Шәменов ауылдық округтерінде жалғасын тапты.Кездесу барысында аудан әкімі Мемлекет басшысының, Үкіметтің және облыс әкімінің қолдауымен ауданда атқарылып жатқан жұмыстар мен алдағы жоспарларды халыққа таныстырды.Айта кетейік, Қаракеткен, Далдабай елді мекендерінің 16 көшесіне күрделі жөндеу жұмыстары басталды.Бұдан бөлек, 639,1 млн. теңгеге 150 орындық ауылдық клуб құрылысының, 94,1 млн. теңгеге елді мекен кіреберіс автомобиль жолын жарықтандыруға ЖСҚ әзірленіп, қаржыландыру бюджеттік өтінімдер ұсынылды.М.Шәменов елді мекенін газдандыру жұмыстарына жоба құны 684,2 млн. теңгеге газ жүргізу жұмыстары және 305,1 млн. теңге аудандық маңызы бар М.Шәменов ауылына кіре беріс автомобиль жолын күрделі жөндеу жұмыстары жүргізілді.Сонымен қатар, 67,3 млн. теңгеге Жамбыл, Б.Ердүзелова көшелеріне күрделі жөндеу жұмыстары қарқынды жүргізіліп келеді.Елді мекендегі тұрғын үйлер секторының инженерлік-коммуникациялық инфрақұрылымын (электр беру желілері) жаңартуға 340,5 млн теңге бөлініп, жақын арада құрылыс жұмыстары басталатын болады.Кездесу барысында ауыл тұрғындары өз ұсыныс-пікірлерін жеткізіп, ауылдық округтерде жүргізіліп жатқан ілкімді істерге және аудандағы оң өзгерістерге ризашылықтарын білдірді.

Ауылдық округ тұрғындарының талап-тілегін тыңдады

Қазақстанда қазақ тілінің орнын ешқандай тіл баса алмайды

<a href="https://kyzylorda-news.kz/">Kyzylorda-news.kz</a> Қызылорда қаласындағы демалыс паркінде облыстық дене шынықтыру, спорт және туризм басқармасының бастамасымен алғаш рет “Спорт фестиваль – 2025” атты ауқымды спорттық іс-шара өтті.Фестиваль аясында жас спортшылар дзюдо, таеквондо, каратэ, үстел теннисі, көркем гимнастика, футбол фристайлы сынды спорттың бірнеше түрінен өнер көрсетіп, өздерінің шеберліктерін паш етті. Шараның негізгі мақсаты – жас буынның спортқа деген қызығушылығын арттырып, салауатты өмір салтын насихаттауға бағытталған.Іс-шараның ашылу салтанатында облыстық дене шынықтыру, спорт және туризм басқармасы басшысының орынбасары Жігер Оңдасынұлы сөз сөйлеп, спорт фестивалінің маңыздылығына тоқталып, бұл шараның алдағы уақытта дәстүрлі түрде жыл сайын өткізіліп тұратынын жеткізді.Сонымен қатар, халықаралық және республикалық жарыстарда ел намысын абыроймен қорғап жүрген бірқатар спортшыларға басқарма басшысының Алғыс хаты табысталды.Іс-шара соңында көрермендер арасында арнайы сайыстар ұйымдастырылып, белсенді қатысушыларға естелік сыйлықтар табысталды. Жиналған жұртшылық естелік суретке түсіп, көтеріңкі көңіл-күйде тарқады.<img src="https://knadmin.beoblood.kz/uploads/Sport_festival_d8d69c346e.jpg" alt="Спорт фестиваль.jpg">

Архив