Бүгін ұлы ақын, философ, ағартушы Абай Құнанбайұлының 180 жылдығына орай Қызылордадағы №2 Абай атындағы үш тілде оқытатын дарынды балаларға арналған мамандандырылған мектеп алдында орналасқан Абай ескерткішіне гүл шоқтарын қою рәсімі өтті.Шараға аймақ басшылығы, зиялы қауым өкілдері, қала тұрғындары және жастар қатысты.Абай – қазақ халқының рухани көшбасшысы, ұлттық сананы қалыптастырған ұлы тұлға. Оның мол мұрасы – адамзатқа ортақ қазына, ұлт мәдениеті мен әдебиетінің алтын арқауы. Абай шығармалары - ел бірлігі мен руханиятының берік тірегі.«Қазақтың бас ақыны – Абай Құнанбаев. Онан асқан бұрынғы-соңғы заманда қазақ баласында біз білетін ақын болған жоқ», – деп Ахмет Байтұрсынұлы атап өткендей, ұлы ақын есімін ұлықтау - бүгінгі ұрпақтың парызы.Рәсімде Абайдың «Нұрлы аспанға тырысып өскенсің сен» өлеңі оқылып, «Көзімнің қарасы» әні орындалды.Жалпы, Абай атамыздың 180 жылдығын атап өтуге арналған облыс көлеміндеге қала, аудан, ауылдық елді мекендерде байқаулар, интелектуалды сайыстар мен түрлі форматтағы іс шаралар ұйымдастырылып өткізілді.

Абай Құнанбайұлының ескерткішіне гүл шоқтары қойылды

Фото: АқордаПрезидент Қасым-Жомарт Тоқаев Абай Құнанбайұлының туғанына 180 жыл толуына орай өтетін салтанатты іс-шараға қатысушыларға құттықтау жолдады, деп хабарлайды Ақорданың <a href="https://kaz.inform.kz/news/abaydin-oy-tolgamdari-men-osietternn-ozektlg-eshkashan-zhogalmaydi-prezident-44efd5/">баспасөз қызметі</a>.-Қадірлі қауым! Сіздерді Абай Құнанбайұлының туғанына 180 жыл толуымен құттықтаймын! Абай – төл мәдениетімізді дамытуға өлшеусіз үлес қосқан әлемдік деңгейдегі кемеңгер тұлға, халқымыздың сана-сезімін жаңғыртқан ұлы ақын. Ол жаңа әдебиетіміздің негізін қалап, дүниетанымымыздың көкжиегін кеңейтті. Өскелең ұрпақты білімпаз, еңбекқор, адал азамат болуға шақырып, ұлттың жаңа сапасын қалыптастыратын қасиеттерді кеңінен дәріптеді. Отанға деген сүйіспеншіліктің және ел мүддесі үшін қалтқысыз қызмет етудің озық үлгісін көрсетті, – делінген құттықтауда.Сондай-ақ онда Мемлекет басшысы хәкім Абайдың мол мұрасы – қазақ халқының ғана емес, барша адамзаттың өнеге алатын асыл қазынасы екендігіне тоқталды.– Оның ой-толғамдары мен өсиеттерінің өзектілігі ешқашан жоғалмайды. Сондықтан Абайды тану және таныту, шығармашылығын терең зерделеу өте маңызды. Бүгінгі салтанатты іс-шараның түпкі мәні де – осында. Бұл өңір – Абаймен қатар Шәкәрім Құдайбердіұлы, Мұхтар Әуезов сынды ұлттың ұлы перзенттерін дүниеге әкелген киелі өлке. Мемлекет осы аймақты ұлттық құндылықтар мекені ретінде өркендетуге баса мән береді. Ұлы ойшылдың өміршең өлеңдері мен қастерлі қара сөздері әлі талай ұрпаққа рухани азық болары анық. Ұлы Абайдың аманатына адал болайық, – делінген Мемлекет басшысының құтықтауында.Осыған дейін жазғанымыздай, 10 тамыз қазақ халқының ұлы ақыны Абай Құнанбайұлының туған күні. Бұл күн 2020 жылдан бері «Абай күні» ретінде ресми түрде атап өтіледі.

Абайдың ой-толғамдары мен өсиеттерінің өзектілігі ешқашан жоғалмайды – Президент

<a href="https://kyzylorda-news.kz/">Kyzylorda-news.kz</a> &nbsp;Қазірдің өзінде 2,5 мыңнан астам педагог, психолог және білім беру жүйесінің қызметкерлері оқытылды. Жаңа оқу жылынан бастап барлық мектеп пен колледжде алғаш рет буллингке қарсы «ДосболLIKE» профилактикалық бағдарламасы енгізіледі, деп хабарлайды Sputnik Қазақстан оқу-ағарту министрлігінің&nbsp;<a href="https://www.gov.kz/memleket/entities/edu/press/news/details/1047570?lang=kk">ресми сайтына</a>&nbsp;сілтеме жасап.Бағдарлама «шағым → талдау → көмек жоспары → қадағалау үлгісі» тәртібі бойынша жұмыс істейді. Соның аясында арнайы антибуллингтік топтар мен кейінгі бақылау шаралары да қолданылады. Бұған дейін бұл тәжірибені 50 мектепте сынап көрген.<blockquote>Біз «ДосболLIKE» бағдарламасын буллингтің алдын алудағы тұрақты құрал ретінде қарастырамыз. Апробация нәтижелері көрсеткендей, мұғалімдер, ата-аналар мен балалар бірлесіп жұмыс істейді. Соның нәтижесінде жанжалдасу деңгейі төмендеп, сенім мен сыйластық мәдениетін қалыптастасады және мектеп ортасы анағұрлым қауіпсіз әрі қолайлы бола бастайды, — дейді балалардың құқықтарын қорғау комитетінің төрағасы Насымжан Оспанова.</blockquote>Бағдарлама аясында мамандарды даярлау шаралары да қарастырылды. Қазірдің өзінде 2,5 мыңнан астам педагог, психолог және білім беру жүйесінің қызметкерлері оқытылды.Жыл соңына дейін бұл көрсеткішті 8 мыңнан астам маманға жеткізу жоспарланып отыр.Фото: Нұрболат Нұржаубай&nbsp;

Бірінші қыркүйектен бастап барлық мектепте буллингке қарсы бағдарлама іске қосылады

<a href="https://kyzylorda-news.kz/">Kyzylorda-news.kz</a>&nbsp; Сырдария &nbsp;ауданының әкімі Берік Сәрменбаев ауданның құрылыс саласы қызметкерлері мен ардагерлерін кәсіби мерекемен құттықтады. Аудан басшысы Сыр елі құрылыс алаңына айналғанын атап өтті.– Мемлекет басшысы Қасым-Жомарт Кемелұлы Тоқаевтың қолдауымен, аймақ басшысы Нұрлыбек Машбекұлы Нәлібаевтың тапсырмасымен өңірде ауқымды жобалар жүзеге асырылуда. Қызылорда қаласында 215 млрд. теңгеге қуаттылығы 240 МВт жаңа жылу-электр орталығы салынуда.Президенттің Катар еліне жұмыс сапары аясындағы үкіметаралық келісімге сәйкес, қуаттылығы 1100 МВт, құны 892 млрд теңге болатын бу-газ қондырғысын салу келісілді. Бұл мегажоба 2028 жылы толығымен іске қосылады. Бүгінде Қызылорда қаласының көпқабатты тұрғын үйлеріне ыстық су қосылуда. Тарихи-өлкетану музейі, «Сыр жұлдыздары» шығармашылық-инновациялық академиясы пайдалануға берілді. 11 мың адамға арналған заманауи орталық стадион жақын күндері пайдалануға беріледі. Биыл Ассамблеяның 30 жылдығы аясында Қызылорда қаласында құны 3 млрд. 800 млн.теңгені құрайтын «Достық үйі» бой көтеруде. Ауданда да құрылыс қарқыны бәсеңдеген жоқ. 2025 жылдың І жартыжылдығында құрылыс жұмыстары 44,4 пайызға артып, көлемі 12,6 млрд. теңгені құрады. Пайдалануға берілген тұрғын үй көлемі 10 225 шаршы метрді құрап, өткен жылдың тиісті кезеңімен салыстырғанда 7,2 пайызға артық орындалды.Өткен жылы облыстық бюджеттен 2,1 млрд. теңге қаржы бөлініп, аудан орталығында халықтың әлеуметтік осал топтарына 144 пәтердің кілті табысталды. Аудан орталығында биыл «Руханият» орталығы бой көтеріп, пайдалануға берілді.Бүгінде Шаған ауылындағы дәрігерлік амбулатория, Сәкен Сейфуллин ауылындағы №137 орта мектеп ғимараты күрделі жөндеуден өткізілуде, – деді Берік Әбдіғаппарұлы.Бұл жұмыстардың жүзеге асуында құрылыс мамандарының еңбегі зор екенін айтқан аудан басшысы сала қызметкердері мен ардагерлеріне "Құттықтау" табыс етіп, сый-құрмет көрсетті.Өз кезегінде аудандық ардагерлер кеңесінің төрағасы Мұса Келдібаев, құрылыс саласының ардагерлері Құдайберген Шыманов пен Нәзтай Тілемісова мерекелік лебізін білдіріп, іс-шараны ұйымдастырушыларға ризашылығын жеткізді.Фото: Сырдария ауданы әкімінің баспасөз қызметі

Құрылысшылар марапат төрінде

Қадірлі қауым!Сіздерді Абай Құнанбайұлының туғанына 180 жыл толуымен құттықтаймын!Абай – төл мәдениетімізді дамытуға өлшеусіз үлес қосқан әлемдік деңгейдегі кемеңгер тұлға, халқымыздың сана-сезімін жаңғыртқан ұлы ақын.Ол жаңа әдебиетіміздің негізін қалап, дүниетанымымыздың көкжиегін кеңейтті. Өскелең ұрпақты білімпаз, еңбекқор, адал азамат болуға шақырып, ұлттың жаңа сапасын қалыптастыратын қасиеттерді кеңінен дәріптеді. Отанға деген сүйіспеншіліктің және ел мүддесі үшін қалтқысыз қызмет етудің озық үлгісін көрсетті.&nbsp;Хәкім Абайдың мол мұрасы – қазақ халқының ғана емес, барша адамзаттың өнеге алатын асыл қазынасы. Оның ой-толғамдары мен өсиеттерінің өзектілігі ешқашан жоғалмайды. Сондықтан Абайды тану және таныту, шығармашылығын терең зерделеу өте маңызды. Бүгінгі салтанатты іс-шараның түпкі мәні де – осында.&nbsp;Бұл өңір – Абаймен қатар Шәкәрім Құдайбердіұлы, Мұхтар Әуезов сынды ұлттың ұлы перзенттерін дүниеге әкелген киелі өлке. Мемлекет осы аймақты ұлттық құндылықтар мекені ретінде өркендетуге баса мән береді.&nbsp;Ұлы ойшылдың өміршең өлеңдері мен қастерлі қара сөздері әлі талай ұрпаққа рухани азық болары анық.&nbsp;Ұлы Абайдың аманатына адал болайық!

Мемлекет басшысы Қасым-Жомарт Тоқаевтың  құттықтауы

<a href="https://kyzylorda-news.kz/">Kyzylorda-news.kz</a> Жалағаш ауданы әкімі Ардақ Ибраимов кезектілік тәртібімен жазылған аудан тұрғындарын жеке қабылдады.Қабылдауда тұрғындар баспана, жұмыспен қамту, спорттық және білім беру нысандарында үйірме шараларын көбейту секілді ұсыныс-пікірлерін мен өтініштерін жеткізді. Тұрғындардың сауалдары назарға алынып, заң аясында шешілу жолдары қарастырылды. Сондай-ақ, көтерілген мәселелерге заңға сәйкес түсіндіру жұмыстары жүргізіліп, сала басшыларына тиісті тапсырмалар берілді.Айта кетейік, тұрғындар аудан әкімінің қабылдауына&nbsp;egov.kz порталы, е-otinish бірыңғай базасы арқылы немесе әкімдікке келіп, жазбаша өтініш беру арқылы жазыла алады.

Архив

Абай Құнанбайұлының ескерткішіне гүл шоқтары қойылды

Абайдың ой-толғамдары мен өсиеттерінің өзектілігі ешқашан жоғалмайды – Президент

Бірінші қыркүйектен бастап барлық мектепте буллингке қарсы бағдарлама іске қосылады

Құрылысшылар марапат төрінде

Мемлекет басшысы Қасым-Жомарт Тоқаевтың құттықтауы

Жалағаш: Аудан әкімі тұрғындарды жеке қабылдады