<a href="https://kyzylorda-news.kz/">Kyzylorda-news.kz</a> 1 маусым – Халықаралық балаларды қорғау күніне орай «Байсат» мейрамханасында «Бар мейіріміміз балаларға» атты мерекелік шара өтті.Арнайы құттықтап барған қала әкімінің орынбасары Бақытжан Омаров «Қазіргі таңда баршамыздың алдымызда тұрған зор міндет – ұрпаққа сапалы, әрі заман талабына сай білім беріп, саламатты өмір салтын ұстануға жағдай жасау. Себебі бүгінгі ұрпақ – ертеңгі ел үміті, ұлттың жалғасы. Балғын бүлдіршіндеріміз қырандай самғап, алыстарды көздеп, биіктерді бағындыратын Қазақстанның елеулі азаматтары мен азаматшылары болсын» деген тілегін жеткізді.Кеш барысында көңілді ән шырқалып, балаларға сыйлықтар табысталды.

«Бар мейіріміміз балаларға» атты мерекелік шара өтті

<a href="https://kyzylorda-news.kz/">Kyzylorda-news.kz</a> Қазақстандық продюсер Баян Алагөзова жұбайы, кәсіпкер Тұрсын Алагөзовтің 100 қызметкеріне пәтер сыйлаған әрекетіне қатысты пікір білдірді, деп хабарлады<a href="https://turkystan.kz/article/261451-tursyn-alagozovtyn-zumyssylarga-ne-sebepti-baspana-bergeni-belgili-boldy">&nbsp;turkystan.kz.</a>Әлеуметтік желілерде жарияланған видеожолдауында ол халықтың қолдауы мен жылы лебізіне алғысын айтты.<blockquote>"Шын айтсам, мұны ешкім күтпеді. Мен де, тіпті Тұрсынның өзі де. Ол әлі де аң-таң, халық осылай қабылдайды деп ойламады", – деді Баян Алагөзова.</blockquote>Оның айтуынша, Тұрсын Алагөзов бұл әрекетін қарапайым ғана түсіндірген:<blockquote>"Мен тек өзімнің азаматтық борышымды орындадым. Көмекке мұқтаж жандарға қолдау көрсеткім келді", - деп айтқан Тұрсын Алагөзов.</blockquote>Баянның айтуынша, жұбайы бұрыннан бері адамдарға көмектесіп келеді, алайда оны жария етуді құп көрмеген. Ол әрдайым көмек беріп жүреді, бірақ мұны көпшілікке айтпайды. Біз жақсылықты жария етпей жасауды жөн көрген. Дегенмен, бұл жолы продюсер бұл оқиғаның ел ішінде кеңінен тарағанын өзі қалағанын жасырмады. Себебі мұндай қадам басқа кәсіпкерлерге де үлгі болуы мүмкін екенін айтты.<blockquote>"Ол 100 пәтер сыйлаймын деген шешім қабылдағанда, мен: “Тұрсын, бұл туралы халық білуі керек. Бұл өзге кәсіпкерлерге де серпін береді”, – деп айтқан жұбайына продюсер.</blockquote>Тұрсын Алагөзовтің бұл әрекеті қоғамда кеңінен талқыланып, әлеуметтік желілерде алғыс пен құрметке толы пікірлерге ұласты.Фото: https://www.instagram.com/tursenalaguzov/

Тұрсын Алагөзовтың жұмысшыларға не себепті баспана бергені белгілі болды

<a href="https://kyzylorda-news.kz/">Kyzylorda-news.kz</a> &nbsp;Жұмысшы мамандықтарды дәріптеп, бірнеше буын ұрпаққа сапалы білім мен тәрбие беріп жүрген Арал көпсалалы колледжінің 65 жылдық мерейтойына арналған салтанатты семинар өтті.Семинарға ауданы әкімінің орынбасары Н.Бохаев, аудандық мәслихат төрағасы Б.Төреахметов, Қызылорда облыстық білім басқармасының директорлар кеңесінің төрағасы, «М.Саламатов» атындағы қызмет және сервис көрсету колледжінің директоры Б.Ахметов пен түрлі әлеуметтік серіктестік ұйымдарының басшылары, ардагер ұстаздар, кәсіпкерлер, колледж түлектері мен студент жастар қатысты.Шарада алғы сөз алған аудан әкімінің орынбасары:<blockquote>«Біз аймағымыздың техникалық және кәсіптік білім беру саласында елеулі орны бар, Арал өңірінің білім мен өндіріс әлеміндегі қарашаңырақтың бірі – Арал көпсалалы колледжінің 65 жылдық мерейтойына арналған маңызды жиында бас қосып отырмыз. Бұл – тек бір білім ордасының ғана емес, бүтін бір өңірдің еңбекқорлығы мен өрлеу жолының шежіресін айғақтайтын ерекше белес. Асқарлы 65 жыл ішінде оқу ордасы мыңдаған техникалық және жұмысшы мамандарын даярлап, ауданымыздың, облысымыздың және тұтас еліміздің өндірістік әлеуетінің артуына зор үлес қосып келеді. Мемлекет басшысы Қасым-Жомарт Кемелұлы Тоқаев 2025 жылды «Жұмысшы мамандықтар» жылы деп жариялап, техникалық және кәсіптік білім беру жүйесінің қоғамдағы маңызын арттырып, жұмысшы кадрлардың беделін көтеруге ерекше басымдық беріп отыр. Бұл – жұмысшы маман иесінің абыройын арттыру, қоғамдағы орнын биіктету жолындағы үлкен қадам. Сіздерді бүгінгі мерейлі сәтпен шын жүректен құттықтаймын! Білім ордасының мерейі үстем, жастары жалынды, ұстаздары еңселі болсын!», – деп, колледждің тарихи кезеңдерінен бастап, бүгінгі күнге дейінгі жетістіктерін саралай отырып, қазіргі заманғы инфрақұрылым, заманауи шеберханалар мен зертханалардың мүмкіндіктеріне тоқталды.</blockquote>Мұнан соң, колледж тарихынан сыр шертетін, еңбекпен өрілген «Ауыл шамшырақтарын түлеткен білім ордасы» атты жылнамалық кітаптың тұсаукесер рәсімі өтті. 5 бөлімнен тұратын бұл кітапта колледждің өткен жолы мен бүгінгі белесі тереңінен қамтылған.Шара аясында өзара ынтымақтастық пен серіктестікті нығайтуға бағытталған оқу ордасы мен әлеуметтік серіктестер арасындағы ынтымақтастық меморандумына қол қойылды.Семинарда әлеуметтік серіктестікке белсенді атсалысып жүрген мекеме басшылары мен ардагерлер арнайы алғыс хаттармен марапатталды. Шара одан әрі стундеттердің қолынан шыққан түрлі жобалардың көрмесі мен мерекелік концертке ұласты.Фото: Арал ауданы әкімдігі

Жұмысшы мамандықтары – 65 жылдық колледж тарихының алтын арқауы

<a href="https://kyzylorda-news.kz/">Kyzylorda-news.kz</a> &nbsp;Оқу-ағарту министрлігі 2024–2025 оқу жылының қорытындысы бойынша еліміздегі ең үздік 100 мектептің тізімін жариялады. Бұл туралы <a href="https://stan.kz/kazakstandagi-en-uzdik-100-mekteptin-tizimi-zhariyaland-418594/">Stan.kz </a>ақпарат агенттігі хабарлайды.&nbsp;<a href="https://www.gov.kz/memleket/entities/control/documents/details/847511?lang=kk">Тізім</a> Қазақстандағы орта білім беру сапасына жүргізілген кешенді бағалау негізінде жасалған.Ең үздік мектептерді іріктеу оқу-ағарту министрлігіне қарасты білім саласында сапаны қамтамасыз ету комитетінің талдауы негізінде жүргізілді. Бағалау барысында тек академиялық көрсеткіштер ғана емес, сондай-ақ бірнеше әлеуметтік факторлар да ескерілген:- білім сапасын сырттай бағалау нәтижелері;- PISA және PISA for Schools халықаралық зерттеулеріне қатысуы;- білім жетістіктерін мониторингтеу деректері;- мұғалімдердің біліктілігі мен оқушылардың жетістіктері;- инклюзивті білім беру сапасы;- мектеп ішіндегі микроклимат пен тәрбие беру ортасы;- мектептердің экологиялық, ғылыми және әлеуметтік жобаларға қатысуы.<blockquote>"Бұл жай ғана рейтинг емес, бұл – мектептегі білім беру үдерісіне қатысушы барлық тараптардың: мұғалімдер мен директорлардан бастап, оқушылар мен ата-аналарға дейінгі кәсібилігін бағалау", – дейді комитет төрағасының орынбасары Майра Мелдебекова.</blockquote>Астана қаласында үздік мектептер ретінде келесі білім ордалары танылды:- Жамбыл Жабаев атындағы №4 мектеп-гимназиясы;- №73 мектеп-лицейі;- Шейх Халифа бен Заид Әл Нахаян атындағы №84 мектеп-лицейі;- Әлімхан Ермеков атындағы №38 мектеп-лицейі;- Абай Құнанбайұлы атындағы №87 мектеп-гимназиясы.Алматы қаласында:- Бауыржан Момышұлы атындағы №131 мектеп-лицейі;- №173 мектеп-лицейі;- Мұқағали Мақатаев атындағы №140 гимназия;- №16 лицей;- №15 гимназия.Шымкент қаласында үздік деп танылған мектептер тізімі төмендегідей:- Зоя Космодемьянская атындағы №23 мектеп-лицейі;- Ыбырай Алтынсарин атындағы №65 мектеп-гимназиясы;- А.С. Пушкин атындағы №1 мектеп-гимназиясы;- Н.Д. Оңдасынов атындағы №38 мектеп-гимназиясы;- Өлкетанушы ғалым О. Жолдасбеков атындағы №9 IT лицейі.Үздік мектептердің <a href="https://www.gov.kz/memleket/entities/control/documents/details/847511?lang=kk">толық тізімін</a> министрлік сайтынан көруге болады.Фото: Нұрболат Нұржаубай

Қазақстандағы ең үздік 100 мектептің тізімі жарияланды

<a href="https://kyzylorda-news.kz/">Kyzylorda-news.kz</a> Оңтүстік өңірлерде электр энергиясының тапшылығын болдырмау мақсатында қолға алынған ауқымды жоба – Қызылорда қаласынан 240 МВт электр энергиясы мен 277 Гкал жылу энергиясын өндіретін жаңа жылу-электр орталығын салу. Құны 215 млрд теңге болатын құрылысты Түркияның «Aksa Energy» компаниясы жүргізуде. Бүгінде орталық құрылысына 137 млрд теңгеден астам инвестиция салынды.Жоба аясында қуатылығы 180 МВт болатын 2 газ-турбина қондырғысы (General Electric, АҚШ), 95 МВт-тық бу турбинасы (Doosan Skoda, Чехия), 2 бу қазандығы (AC BOILERS, Италия) мен 4 жылу қазандығы (Mimsan, Түркия) қойылады. Қазіргі кезде негізгі қондырғылар жеткізіліп, орнатылуда. Құрылыс жұмыстарының 70%-ға жуығы аяқталды.Президент тапсырмасымен Қызылорда облысында салынатын, құны 800 млрд теңге, қуаттылығы 1100 МВт болатын бу-газ қондырғыларының құрылысы – оңтүстік өңірлердің энергетикалық тәуелсіздігіне бағытталған мегажоба. «Самұрық Энерго» компаниясы Катар инвесторымен келіссөз жүргізіп, техникалық-экономикалық негіздемесін әзірледі. Жаңа бу-газ қондырғыларын салу үшін облыс әкімдігі 280 гектар жер телімін бөлді. Өңірдің әлеуметтік-экономикалық дамуындағы өте маңызды жобаны 2028 жылы іске қосу жоспарланған.Оңтүстік өңірлерге табиғи газ тарту мақсатында «Бейнеу-Бозой-Шымкент» газ құбырының екінші желісін салу көзделген. Ұзындығы 1500 шақырым болатын газ желісінің 843 шақырымы Қызылорда облысының аумағынан өтеді деген болжам бар.Фото: Нұрболат Нұржаубай

Жаңа жылу-электр орталығының құрылысы қарқынды жүруде

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде ұлағатты ұстаз, тарихшы ғалым, тарих ғылымдарының кандидаты, профессор Меруерт Нағыметқызы Аңсатованы еске алуға «Отан тарихының іргелі мәселелері: алаштану, тұлғатану және тарихнамалық зерттеулер» тақырыбында республикалық семинар өтті.&nbsp; &nbsp;Жиынға зиялы қауым өкілдері, профессор-оқытушылар құрамы, ұстаздың шәкірттері, әріптестері мен туған-туыстары қатысты.Конференцияда Ғылыми жұмыстар және халықаралық байланыстар жөніндегі проректор Майнура Бурибаева Меруерт Нағыметқызының ғылымдағы жолы мен қоғамға сіңірген еңбектеріне тоқталды.Меруерт Аңсатова – саналы ғұмырын білім мен ғылымға арнап, бірнеше буын тарихшы мамандарын даярлаған ұлағатты ұстаз. Ұстаздық қызметімен қатар, ғылыми-зерттеу жұмыстарын да қатар алып жүрген ол отандық тарих ғылымының дамуына елеулі үлес қосты. Ғалымның халықаралық және республикалық басылымдарда 120-дан астам ғылыми мақаласы, 20-ға жуық ғылыми-әдістемелік құралы жарық көрген. Облыс тарихшыларымен бірлесіп «Сыр өңірі тарихы» ұжымдық еңбегін дайындауға атсалысқан.Ұстаздың еңбегі елеусіз қалған жоқ. Ол «Қазақстан Республикасының білім беру ісінің үздігі», Ыбырай Алтынсарин төсбелгісінің иегері, Қазақстан Республикасы Президентінің және министрлік деңгейіндегі бірнеше Құрмет грамоталары мен Алғыс хаттарымен марапатталған. 2019 жылы Қазақстан Республикасы жоғары оқу орындары қауымдастығының шешімімен «Жоғары және жоғары оқу орнынан кейінгі білім саласының үздік педагогы» атағын иеленді. Сонымен қатар, Қазақстан педагогикалық ғылымдар академиясының корреспондент мүшесі және облыс әкімінің 2012 жылғы стипендианты, «Қорқыт ата атындағы Алтын медаль» иегері.Семинарда Қорқыт ата атындағы Қызылорда университеттің «Тарих және археология» білім беру бағдарламасының аға оқытушысы, тарих ғылымдарының кандидаты Айтжан Оразбақов, Сәкен Сейфуллин атындағы Қазақ агротехникалық зерттеу университетінің Қазақстан тарихы кафедрасының қауымдастырылған профессоры, тарих ғылымдарының кандидаты Ляззат Джумалиева, әл-Фараби атындағы Қазақ ұлттық университетінің «Археология, этнология және музеология» кафедрасының қауымдастырылған профессоры Гүлжан Мейрманова, педагогика ғылымдарының магистрі, Қызылорда облыстық тарихи-өлкетану музейінің бөлім меңгерушісі Айгерім Беккулиева, Анкара Хажы Байрам Вели университетінің профессоры, тарих ғылымдарынын докторы Гүлжанат Құрманғалиева, Қорқыт ата атындағы Қызылорда университетінің су шаруашылығы және жерге орналастыру білім беру бағдарламасының профессоры, техника ғылымдарының докторы Серікбай Қошқаров, университет ардагері тарих ғылымдарының кандидаты, профессор Минсара Караманова, «Қазақ тілі мен әдебиеті және журналистика» білім беру бағдарламасының оқытушысы, доцент, филология ғылымдарының кандидаты Алдажар Әбілов және профессордың сіңілісі Фарида Ансатова, Гуманитарлық-педагогикалық институтының директоры, тарих ғылымдарының кандидаты, доцент Сағат Тайман ғалымның өмірі мен ғылыми мұрасы жайлы кеңінен баяндады.Конференция – ұлағатты ұстаздың жарқын бейнесін ұлықтап, оның ғылым мен қоғамдағы ізі мен өнегелі жолын кейінгі ұрпаққа үлгі етуге арналған тағылымды басқосу болды.

 Ұлағатты ұстаз Меруерт Аңсатованы еске алуға арналған республикалық конференция өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде “Электр энергетикасы, техносфералық қауіпсіздік негіздері және экология” білім беру бағдарламасының ұйымдастыруымен 5 маусым – Дүниежүзілік қоршаған ортаны қорғау күніне орай семинар өтті.Іс-шараның мақсаты – экологиялық мәдениетті қалыптастыру, қоршаған ортаны қорғаудың маңыздылығын түсіндіру және болашақ мамандардың экологиялық сауаттылығын арттыру болды.Семинарға Қызылорда облысы бойынша экология департаментінің мемлекеттік экологиялық бақылау бөлімінің бас маманы Қуаныш Бурибай, Санитарлық-гигиеналық зертхана меңгерушісі Айнұр Шойбекова, Инженерлі-технологиялық институтының директоры Бақытбек Абжалелов, сонымен қатар “Электр энергетикасы, техносфералық қауіпсіздік және экология” білім беру бағдарламасының профессор-оқытушылары мен студенттері қатысты.Жиын барысында сала мамандары қазіргі экологиялық жағдайға, табиғи ресурстарды ұтымды пайдалану жолдарына, өндірістік мекемелердің экологиялық жауапкершілігіне және жас ұрпақтың табиғатты аялаудағы рөліне тоқталды.Семинарда студенттер өздерін қызықтырған сұрақтарға сала мамандарынан нақты жауап алды. Сондай-ақ, кездесуде экологиялық мәселелерді шешуде жастардың белсенділігін арттыру қажеттілігі айтылды.Іс-шара соңында ғылыми-зерттеу жұмыстарында үздік нәтиже көрсеткен студенттерге алғыс хат табысталды.