Бүгін 1- маусым балаларды қорғау күні қайта жаңғыртудан өткен қалалық мәдени-демалыс паркінің ашылу рәсімі өтті. Оған Қазақстан Республикасы Премьер-министрінің орынбасары Ермек Көшербаев, облыс әкімі Нұрлыбек Нәлібаев, Парламент Сенатының депутаттары Наурызбай Байқадамов, Руслан Рүстемов, Мәжіліс депутаттары Мұрат Әбенов, Мархабат Жайымбетов, Мұрат Ергешбаев, академик, Мемлекеттік сыйлықтың иегері, физика-математика ғылымдарының докторы, Қазақстанның Еңбек Ері Асқар Жұмаділдаев арнайы қатысты, деп хабарлайды облыс әкімінің баспасөз қызметі.Рәсімде Премьер-министрдің орынбасары Ермек Беделбайұлы алғы сөз сөйледі. Аймақ басшысы жиналған қауымды Балалар күнімен және мәдени-демалыс паркінің қайта жаңғыртудан кейінгі ашылуымен құттықтады.“Президентіміз Қасым-Жомарт Кемелұлы: «Ұл-қыздарымыздың парасатты, жан-жақты болып өсуіне жағдай жасау, жас азаматтарымыздың құқығын қорғап, денсаулығын сақтау – мемлекетіміздің басты міндеті», – деген болатын. Бүгін – аймағымыз үшін айтулы күн. Мерекеге орай қайта жаңғыртудан өткен қалалық мәдени-демалыс паркі, физика-математика мектеп-интернаты, музыкалық колледждің жаңа ғимараты, облыстық тарихи-өлкетану музейі ашылуда. Бұл ұлтымыздың «Қазақ» атауының қайтарылғанының, Қызылорданың Қазақ елінің астанасы болғанының 100 жылдық мерейтойына үлкен тарту болды. Жаңа, әсем, заманауи парктің құрылысын сапалы жүргізіп, мерзімінде пайдалануға берген елімізге белгілі «BI GLOBAL» компаниясының ұжымына Сыр жұртшылығының, өзімнің атымнан шынайы алғысымды білдіремін. Егемен елімізді дамыту жолындағы абыройлы істеріміз, өскелең ұрпақты тәрбиелеудегі өрелі жұмыстарымыз табысты болсын! Балаларымыз аман, еліміз тыныш, Тәуелсіздігіміз тұғырлы болғай! Мереке құтты болсын!”,- деді Нұрлыбек Машбекұлы.Жиында Парламент Мәжілісінің депутаты Мархабат Жайымбетұлы құттықтау сөз сөйледі. Жобаны сапалы әрі уақытылы салып бітірген мердігер мекеме «BI GLOBAL» жауапкершілігі шектеулі серіктестігінің қызметкерлері облыс әкімінің алғыс хатымен марапатталды.Айта кетейік, Президентіміздің бастамасымен жүзеге асқан «Таза Қазақстан» республикалық экологиялық акциясы аясында облысымызда кең ауқымды абаттандыру жұмыстары жүргізілуде. Қала, аудан және ауылдардағы парктер, скверлер, аллеялар мен көпқабатты үйлердің аулалары жаңартылып, көркейтілуде.Өңірдің сәулеттік келбеті жаңарып келеді. Кәсіпкер, меценат Асқар Әубәкіровтың демеушілігімен Қызылорда қаласының Орталық алаңы толық қайта жаңғыртылды. Сонымен қатар демеушілердің қолдауымен Жаңақорған ауданында 790 млн теңгеге заманауи демалыс паркі, Сырдария ауданы, Нағи Ілиясов ауылында 450 млн теңгеге «Еңбекшілер паркі» пайдалануға берілді. Мұндай демалыс орны жақында Қазалы ауданында да ашылып, тұрғындар игілігіне ұсынылды. Қазіргі таңда Президент саябағын, Батырхан Шөкенов атындағы парк пен Қорқыт ата мемориалды аллеясын жаңғырту жұмыстары қарқын алған.

Балаларға базарлық: аттракциондар паркінің жаңа келбеті

<a href="https://kyzylorda-news.kz/">Kyzylorda-news.kz</a>&nbsp; Қостанайдағы Береке шағын ауданында 980 орынға шақталған мектептің құрылыс жұмыстарына тексеру жүргізіліп, нәтижесінде кемшіліктер анықталды. Бұл туралы Қаржы министрлігінің ішкі аудит комитетіне сілтеме жасай отырып&nbsp;<a href="https://el.kz/mektep-qurylysyna-bolingen-123-mlrd-tenge-talan-tarazhga-salyngan_400025487/">El.kz</a>&nbsp;интернет порталы хабарлайды.Мердігер ұйым «Лидер-НК» ЖШС бюджеттен 1,23 млрд теңге көлемінде&nbsp;қаражат алып, іс жүзінде өзіне жүктелген міндетті тиісті түрде орындамаған. Бұған аудиторлар жұмыс актілерін нысанның жағдайымен салыстыру кезінде көз жеткізді.Аудит материалдары құқық қорғау органдарына тапсырылды.&nbsp;Аталған факті бойынша қылмыстық іс қозғалды.&nbsp;Фото: freepik.com

Мектеп құрылысына бөлінген 1,23 млрд теңге талан-таражға салынған

<a href="https://kyzylorda-news.kz/">Kyzylorda-news.kz</a>&nbsp; 5 сәуірден бастап елімізде тіркелмеген мопедтерді пайдалануға, жүргізуші куәлігінсіз жүруге тыйым салынды. Соған қарамастан Қызылорда облысында қос дөңгелекті көлікті тіркеусіз, сақтандырусыз және жүргізуші куәлігінсіз басқару дерегі <a href="https://kaz.inform.kz/news/zan-kusheygel-kizilordada-600-den-astam-moped-trkeld-120c45/">тыйылмай тұр</a>.Облыстық Полиция департаментінің мәліметіне сүйенсек, өңірде жыл басынан бері 12 жол-көлік оқиғасы тіркелді. Оның басым бөлігі жол қозғалысы кезіндегі талапты сақтамағаннан, жолда жүру ережесін бұзғаннан болып отыр.– 5 сәуірден бастап мопедтер механикалық көлік құралына теңестірілді. Содан бері мопед пайдалануға тек полицияда тіркелген, A1, A және B санатындағы жүргізуші куәлігі, техникалық тексеруден өткен және азаматтық-құқықтық жауапкершілікті сақтандырған жағдайда ғана рұқсат етіледі. Заң күшіне енгелі кәмелетке толмағандар арасында мопед тізгіндеу жағдайы азайды, – деді департаменттің Әкімшілік полиция басқармасы бастығының орынбасары, полиция подполковнигі Нұркен Бақтияров.Заң талабы күшейген соң облыс көлемінде 600-ден астам мопед тіркелді. Қос дөңгелекті көлікті тіркеусіз басқарғандарға Әкімшілік кодекстің 590-бабының 2-бөлігі негізінде 60, жүргізуші куәлігінсіз басқарғандарға 612-бабының 2-бөлігімен 62 әкімшілік шара қолданылды.– 16-17 жасқа толмағандар мопедті жүргізуші куәлігінсіз басқарған жағдайда Әкімшілік кодекстің 612-бабының 2-бөлігіне сәйкес 50 айлық есептік көрсеткіш көлемінде айыппұл салынады. Ал 16 жасқа толмаған жасөспірімдердің ата-анасына Әкімшілік кодекстің 127-бабының 1-бөлігімен 10 айлық есептік көрсеткіш көлемінде айыппұл салынады, – деді Нұркен Бақтияров.Фото: Қызылорда облыстық ПД

Заң күшейгелі Қызылордада 600-ден астам мопед тіркелді

Мемлекет басшысы Қасым-Жомарт Тоқаев Балаларды қорғау күнімен құттықтады, деп хабарлайды <a href="https://baq.kz/prezident-memleket-balalardyn-zhan-zhaqty-damuyna-barlyq-zhagdaydy-zhasay-beredi-200014619/">BAQ.KZ.</a>Бұл туралы Ақорда мәлімдеді.Балаларды қорғау күні құтты болсын! Жас ұрпаққа тағылымды тәрбие, сапалы білім беріп, олардың бойына асыл қасиеттерді сіңіру – баршаға ортақ парыз. Мемлекет балалардың жан-жақты дамуына барлық жағдайды жасай береді. Әрбір бүлдіршіннің балалық шағы бақытты, болашағы баянды болсын! – деп жазды Президент Х әлеуметтік желідегі өзінің парақшасында.

Мемлекет басшысы Қасым-Жомарт Тоқаев Балаларды қорғау күнімен құттықтады

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда қалалық филиалының Саяси кеңесі бюросының отырысы өтті. Қалалық мәслихаттағы депутаттық фракциямен жыл басынан атқарған жұмыстар сараланған алқалы жиынға партияның облыстық филиалының төрағасы Алмасбек Есмаханов арнайы қатысты.Атап өтейік, Қызылорда қалалық мәслихатындағы 23 мандаттың 82,6 пайызын «AMANAT» партиясы мүшелері құрайды. Есепті кезеңде депутаттық фракцияның 1 отырысы өткізіліп, онда партияның Жол картасының 2025 жылы Қызылорда қаласында орындалуы тиіс шаралары мен сайлаушылар тарапынан түскен талап-тілектердің іске асуы талқыланған.<blockquote>«Жыл басынан Жол картасының биылға жоспарланған 72 іс-шараның 12,5% орындалса, 63 іс-шара орындалу үстінде. Сайлау науқаны кезінде тұрғындар тарапынан түскен 166 ұсыныс, талап-тілектің 96% жүзеге асты. Фракция мүшелерінің қатысуымен партиялық жобалар аясында 28 іс-шара ұйымдастырылды. Партия алаңында фракция мүшелерінің қатысуымен 37 қоғамдық қабылдау өткізіліп, азаматтардан түскен 185 өтініштің 87,5 пайызы оң шешілді. Бұл бағыттағы жұмыстар фракция мүшелерімен жалғаса беретін болады», – дейді жиында есеп берген депутаттық фракция жетекшісі Талғат Мақаш.</blockquote>Жиын барысында сөз алған партияның облыстық филиалының төрағасы Алмасбек Есмаханов фракция мүшелерінің жұмысына жүргізілген мониторинг қорытындысымен таныстырып, фракция мүшелерінің жұмысын жетілдіруге қатысты бірқатар ұсыныстарын жеткізді.<blockquote>«Депутат – халықтың талап-тілегін, күрделі мәселелерін жоғарыға жеткізіп, оның оң шешілуіне ықпал жасаушы тұлға. Депутаттық қызмет – мансап емес, ол үлкен жауапкершілік. Сондықтан әр депутат жұмыс жоспарына сәйкес жүйелі жұмыс жүргізуі қажет. Оның ішінде халық алдында есеп беріп, бастауыш партия ұйымдарында кездесулер өткізу, партияның сайлауалды бағдарламасының орындалуына бақылау жасау, жеке қабылдаулар өткізіп, сайлаушылар өтініштерінің оң шешілуіне ықпал ету, депутаттық сауалдар, атқарылған жұмыстарды БАҚ пен әлеуметтік желілерде кеңінен насихаттап отыру мәселелері күн тәртібінен түспеу керек. Сәйкесінше әр тоқсан сайын мәслихаттағы фракцияда, жарты жылда бір рет Саяси кеңес бюросында депутаттардың атқарған жұмыстарының есебі тыңдалуы керек», – деді Алмасбек Есмаханов.</blockquote>Жиын барысында айтылған ұсыныстар хаттамаланып, жұмыс барысында ескерілетін болды.Фото: «AMANAT» партиясы

Бюро отырысында фракция жұмысы сараланды

<a href="https://kyzylorda-news.kz/">Kyzylorda-news.kz</a> Қызылордада Қазақстан халқы Ассамблеясының 30 жылдық мерейтойына арналған неміс этномәдени бірлестігінің онкүндігі аясында мерекелік шығармашылық кеш өтті.Шараның шымылдығы неміс этносының мәдениеті мен тұрмысын танытатын қолданбалы өнер көрмесімен ашылды. Көрме қонақтарға неміс этносының салт-дәстүрінен сыр шертетін ерекше атмосфера сыйлады.Алғашқы құттықтау сөзді Қызылорда облысының қоғамдық даму басқармасы басшысының орынбасары Артур Қамбаров сөйледі. Ол еліміздегі татулық пен келісімнің маңыздылығын атап өтіп, бірлестіктің қоғам өміріндегі белсенділігін ерекше бағалады.Айта кетейік, Қызылорда облысындағы “Wiedergeburt” неміс этномәдени бірлестігі 1998 жылы құрылған. Қазіргі таңда өңірде 165 неміс этносының өкілі тұрады. Бірлестік мәдени, әлеуметтік және қайырымдылық бағыттағы түрлі жобаларға белсене қатысып келеді.Концерттік бағдарлама көрерменге көтеріңкі көңіл-күй сыйлады. Жас өнерпаз Цой Анна “Қазақ елі осындай” әнімен кешті ашса, “Орда драйв” тобының заманауи биі мен Адажио” би тобының неміс полькасы көрерменді тәнті етті. “Liebe Frau” вокалдық ансамблі орындаған “Суссана” әні зор қошеметке ие болды. Балалар шырқалған “Біз кішкентай жұлдыздармыз” әні кештің шырайын кіргізіп, көрерменді қуанышқа бөледі.Қонақтарға ұлттық дәм ұсынылып, белсенді қатысушылар марапаттарға ие болды. Балдырғандарға тәтті сыйлықтар табысталды.Кеш соңында бірлестік төрағасы Ирина Шек қатысушыларға алғысын білдіріп, ынтымақ пен бірлігіміз арта берсін деген лебізін жеткізді.Фото: Ассамблея Қызылорда

Архив

Балаларға базарлық: аттракциондар паркінің жаңа келбеті

Мектеп құрылысына бөлінген 1,23 млрд теңге талан-таражға салынған

Заң күшейгелі Қызылордада 600-ден астам мопед тіркелді

Мемлекет басшысы Қасым-Жомарт Тоқаев Балаларды қорғау күнімен құттықтады

Бюро отырысында фракция жұмысы сараланды

Неміс этномәдени бірлестігінің шығармашылық кеші өтті