<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде 1 маусым – Халықаралық балаларды қорғау күніне орай «Үкідей үлпілдеген – ерекше еркем менің!» атты отбасылық өнер фестивалі өтті.Аталмыш шара мүгедектігі бар балалар мен олардың отбасыларының шығармашылығына қолдау көрсету, өнер мен мейірім арқылы инклюзивті қоғам құру мақсатында ұйымдастырылды.Фестиваль аясында мәдениет үйінің фойесінде балалардың өз қолдарынан жасаған түрлі қолөнер бұйымдарының көрмесі қойылды.Шараның шымылдығында «Сынық құмыра» атты бейнебаян көрсетіліп, «GN» өнер академиясының бишілер тобы заманауи биімен мерекелік көңіл-күй сыйлады.Фестивальдің ашылуында аудан әкімінің орынбасары Н.Бохаев сөз алып, қатысушылар мен ата-аналарды мерекемен құттықтады.<blockquote>«Қымбатты балалар, қадірлі ата- аналар! Баршаңызды 1 маусым – Халықаралық балаларды қорғау күнімен барлығыңызды шын жүректен құттықтаймын! Жарқыраған күндей күлкісі мен тәтті тілімен әлемді ғажап ете алатын балдырғандарымыздың қуанышы – баршамыздың ортақ бақытымыз. Адамзат қоғамы әрқашанда өз ұрпағын түрлі қауіп-қатерден қорғап, олардың жарқын болашағы үшін күресіп келеді. Ұрпағымызға қамқорлық жасау, балалардың денсаулығын сақтау мен оларға саналы тәрбие беру – аса маңызды міндет. Бүгінгі «Үкідей үлпілдеген ерекше еркем менің» атты отбасылық өнер фестивалі – балалардың талантын танытып, жүрегіндегі жарықты сыртқа шығаратын тамаша алаң. Жас өрендердің өнерге деген құштарлығын, өмірге деген құлшынысын көру – жүрекке жылу, көңілге медеу сыйлайды. Бүгінгі мереке әрбір отбасыға шаттық, жүректерге нұр сыйласын! Барша фестиваль қатысушыларына сәттілік тілеймін», - деді.</blockquote>Мұнан соң, ерекше балаларды тәрбиелеп отырған бірқатар ата-аналар мен қолөнер көрмесіне белсене қатысқан балалар аудан әкімінің «Алғысмен» марапатталды.Шара одан әрі балалардың және олардың отбасы мүшелерінің арнайы дайындаған концерттік бағдарламасына ұласты. Олар бірлесе ән шырқап, би билеп, түрлі жанрда өнер көрсетті. «Ана мен бала», «Аға мен қарындас», «Аққу-арман», «Қара жорға» сынды туындылар сахналанып, көрермендердің ыстық ықыласына бөленді.Фестиваль соңында барлық өнерпаздар арнайы дипломдармен және естелік сыйлықтармен марапатталды.Сондай-ақ, жергілікті кәсіпкерлердің демеушілігімен бүлдіршіндерге тәттілер үлестірілді.<img src="https://knadmin.beoblood.kz/uploads/Aral_balalar_k_ni_e36e0ea272.jpg" alt="Арал балалар күні.jpg">

Ерекше балаларға арналған өнер фестивалі өтті

<a href="https://kyzylorda-news.kz/">Kyzylorda-news.kz</a> 38 жастағы марқұм сол күні мектептегі 20 жылдық кездесу кешіне қатысқан. <a href="https://smartnews.kz/news/20056-atpen-sujrep-atyp-tastady-er-adam-ajelin-synyptastarymen-kezdeskeni-ushin-oltirip-tastady">SMARTNEWS.KZ</a> басылымының хабарлауынша, Қырғызстанның Ош облысы Қара-Кұлжа ауданында ер адам әйелін қызғаныштан қатыгездікпен өлтірді. Бұл туралы марқұмның ауылдастары әлеуметтік желілерде хабарлаған.&nbsp;Оқиға 26 мамыр күні болған. Ауыл тұрғындарының айтуынша, 38 жастағы әйел сол күні мектептегі 20 жылдық кездесу кешіне қатысқан. Осы жағдай күйеуінің ашу-ызасын тудырған. Ер адам әйелін үйге келген соң соққыға жығып, арқанмен жылқыға байлап, жермен сүйреген. Кейін оны атып тастаған. Ош облыстық милициясы бұл ақпаратты растады. 26 мамыр күні 102 пультіне Қара-Кұлжа ауданының тұрғыны алған ауыр жарақаттарынан ауруханаға жетпей көз жұмғаны туралы хабар түскен.&nbsp;Оқиға бойынша «Кісі өлтіру» бабы бойынша қылмыстық іс қозғалды. Сот-медициналық сараптама тағайындалды. Күдікті — 40 жастағы марқұмның күйеуі — ұсталып, уақытша ұстау изоляторына қамалды. Тергеу жалғасып жатыр.Фото: Аиса Махамбет/smartnews.kz

«Атпен сүйреп, атып тастады»: Ер адам әйелін сыныптастарымен кездескені үшін өлтіріп тастады 

<a href="https://kyzylorda-news.kz/">Kyzylorda-news.kz</a> Бүгін «Достық» үйінде ҚР Конституциясының 30 жылдығына арналған «Ата Заң – Тәуелсіздік тірегі» атты кездесу өтті. Оған Конституциялық сот судьясы Айгүл Қыдырбаева, Конституциялық Сот Аппаратының талдаушысы Алия Бердібаева, Бас прокуратура өкілі Серік Әділкенұлы, заңгерлер мен аймақ прокурорлары қатысты.Басқосуда қоғамда заң үстемдігін қамтамасыз ету, құқықтық мемлекетті дамыту, азаматтардың құқықтарын қорғау мәселелері талқыланды. Жиынға облыс әкімінің орынбасары Шахмардан Байманов төрағалық етіп, қатысушыларды Қазақстан Республикасы Конституциясының 30 жылдығымен құттықтады.«Мемлекет басшысы Қасым-Жомарт Кемелұлының бастамасымен еліміз үшін аса маңызды саяси реформалар жүзеге асырылды. Бұл өз ретінде елдің басты заңы – Конституцияға бірқатар өзгеріс жасауды талап етті.2022 жылы республикалық референдум өткізіліп, Ата Заңның 33 бабына 56 өзгерту енгізілді. Республикалық референдумдер, Президент, Парламент Сенаты мен Мәжіліс және мәслихаттар сайлауы саяси трансформацияның нақты көрінісі болды. Осы ретте тәуелсіз сот жүйесін, қуатты құқық қорғау органдарын қалыптастыру құқықтық мемлекет құрудың басты шартына айналды. Біз осы реформалар арқылы саяси жаңғыруға, Әділетті Қазақстанды құру жолына қадам басудамыз», – деді Шахмардан Асқарұлы.Кездесуде спикерлер мазмұнды баяндамалар жасап, қатысушылар өз пікірлері мен ұсыныстарын ортаға салды.Фото: Қызылорда облысы әкімінің баспасөз қызметі

  Ата заң – Тәуелсіздік тірегі

<a href="https://kyzylorda-news.kz/">Kyzylorda-news.kz</a> Бүгін облыс әкімінің орынбасары Шахмардан Байманов өңіріміздің намысын республика көлемінде қорғап жүрген дарынды балалармен кездесу өткізді. Қабылдауға ғылым, өнер, спорт және білім салаларында үздік нәтиже көрсеткен оқушылар шақырылды.Кездесуге келген халықаралық, республикалық олимпиадалар мен ауыл мектептерінің оқушыларына арналған жалпы білім беретін пәндер бойынша олимпиадалар, ғылыми жобалар байқауы және түрлі мәдени шығармашылық байқаулардың жеңімпаздарына облыс әкімінің Алғыс хаты мен бағалы сыйлық табысталды.Сыр дарындары Венгрия, Грузия, Түркіменстан, Түркия елдерінде, Молдова Республикасы астанасы Кишиневте, Египет мемлекетінің Александрия қаласында, Ташкент, Баку, Өзбекстан мемлекетінің Бұхара қаласы және Астана, Алматы қалаларында өткізілген түрлі білім бәсекесі мен шығармашылық байқаулардың жеңімпаздары.Айта кетейік, облыс әкімінің қолдауымен Сыр дарындыларының олимпиадалар мен ғылыми жобалар конкурстарынан жоғары нәтиже көрсетуіне Жаңақорған ауданындағы «Талдысу» мен Арал ауданындағы «Қамбаш» олимпиадалар және қосымша білім беру орталықтарында “Сыр дарыны” оқу-жаттығу жиыны үш жыл қатарынан жұмыс жасап келеді.Оқу-жаттығу жиынына олимпиадалық резерв мектептерінің 7-10 сынып оқушылары аралығында үздік нәтиже көрсеткен 960 оқушы жыл бойы үзбей жаратылыстану-математикалық бағыттағы (математика, физика, химия, биология, география, информатика) пәндері бойынша дайындық сабақтарына қатысады. Шебер, педагог-зерттеуші мұғалімдер заманауи жабдықталған лагерь кабинеттерінде оқу- жаттығу сабақтарын жоғарғы деңгейде жүргізіп келеді.

Дарынды балалар марапатталды

<a href="https://kyzylorda-news.kz/">Kyzylorda-news.kz</a> Қаржылық мониторинг агенттігінің Қызылорда облысы бойынша департаменті «HRT» атауымен белгілі қаржы пирамиданың қызметін тоқтатты Ұйымдастырушылар азаматтарға заңды инвестициялық жоба ретінде ұсынылған схеманы жарнамалап, оған электросамокаттарды сатып алу және оларды Еуропа елдерінде жалға беру арқылы пайда табуға болады деп сендірген. Жобаға қатысу үшін қатысушылардан арнайы «HRT» шотына криптовалюта аудару талап етілген. Негізгі шарт – кем дегенде екі жаңа салымшы тарту болатын.&nbsp;200-ден астам азамат жобаға 50 АҚШ долларынан 35 мың АҚШ долларына дейінгі қаражаттарын салып, ай сайын 1 200 АҚШ долларына дейін сыйақы алып отырамыз деп үміттенген. Заңсыз алынған кірістің жалпы сомасы 28 млн теңгеден асты. Тергеу барысында күдіктілер салымшылардың ақшасына екі автокөлік – «BMW 530I Xdrive» және «Changan Alsvin» сатып алғаны анықталды. Аталған көліктерге сот санкциясымен тыйым салынды.Күдіктілерге қатысты үйқамақ ретіндегі бұлтартпау шарасы қолданылды. Сонымен қатар қазіргі уақытта «HRT» қаржы пирамидасының құрылымдық бөлімшелерін еліміздің жеті өңірінде – Ақтөбе, Алматы, Атырау, Жамбыл облыстарында, сондай-ақ Астана және Алматы қалаларында құру фактісі бойынша сотқа дейінгі тергеп-тексеру жүргізілуде.

Қызылордада «HRT» қаржы пирамидасы жойылды

<a href="https://kyzylorda-news.kz/">Kyzylorda-news.kz</a> Атырау облысында егде жастағы әйелдің өліміне байланысты қылмыстық іс қозғалды, деп хабарлайды <a href="https://el.kz/atyrau-oblysynda-kelini-enesin-oltirdi-degen-kudikke-ilindi_400025554/">El.kz </a>интернет порталы.Атырау облысы Қызылқоға ауданына қарасты Жасқайрат ауылында 1942 жылы туған әйелдің қайтыс болуына байланысты қылмыстық іс қозғалды.Полиция мәліметінше, күдікті ретінде 1986 жылы туған азаматша ұсталған. Ол – марқұмның келіні.Атырау облыстық Полиция департаменті қазіргі уақытта жан-жақты тергеу шаралары жүргізіліп жатқанын мәлімдеді.<blockquote>Оқиғаның мән-жайы нақтылануда, ал қылмыстың себептері анықталу үстінде. Тергеу мүддесіне байланысты өзге ақпарат жарияланбайды, – деп нақтылады департамент өкілдері.</blockquote>Ауыл тұрғындары болған жайтқа қатты таңғалған. Тергеу амалдары жалғасуда.Фото: Pixabay.com

Келіні енесін өлтірді деген күдікке ілінді

<a href="https://kyzylorda-news.kz/">Kyzylorda-news.kz</a> Қазақстан мұсылмандары діни басқармасының бастамасымен онлайн құрбандық шалу пандемия кезінде басталған. Биыл да бұл дәстүр жалғасын табады, деп хабарлайды <a href="https://baq.kz/onlayn-qurbandyq-et-aluga-otinim-qaldyruga-bolady-200014531/">BAQ.KZ </a>тілшісі.Мүфтият Құрбан шалу рәсімін қашықтан өткізуге арналған qurban.muftyat.kz сайтын іске қосты. Онлайн құрбан шалғысы келетін адам сайтқа кіріп, өңірін көрсетіп, аты-жөнін жазып, құрбандық малын таңдап, онлайн төлем жасайды. Кейіннен шалынған құрбандықтың есебін де онлайн алады. Сондай-ақ сайтта құрбан етін алғысы келетін мұқтаж жанның да өтінім қалдыруына болады.Онлайн форматта шалынған құрбандықтың жыл сайын өсімі бар. Онлайн құрбандық шалу толықтай мұқтаж жандарға беріледі. Онлайнмен 2021 жылы 14804 қой, 2022 жылы 31053 қой, 2024 жылы 35929 қой шалынған, - деп ақпарат берді ҚМДБ төрағасы, Бас мүфти Наурызбай қажы Тағанұлы Құрбан айт мерекесіне байланысты баспасөз мәслихатында.ҚМДБ төрағасының орынбасары, наиб мүфти Сансызбай Шоқанов құрбандыққа қандай малды шалуға болатынын айтты.<blockquote>Төрт түлік малдан қой, ешкі, сиыр, түйе шалынады. Қой мен ешкінің жасы 1 жылдан асу керек. Сиырдыкі 2 жастан асып, 3 жасқа кету керек. Түйенікі 5 жасқа толып, 6 жасқа өту керек. Құрбан айт намазы оқылғаннан кейін мал “Бисмиллә, Аллаһу әкбар” деп сойылды ма, болды, құрбандық орындалды, - деді ол.</blockquote>Фото: Нұрболат Нұржаубай

Онлайн құрбандық: Ет алуға өтінім қалдыруға болады

<a href="https://kyzylorda-news.kz/">Kyzylorda-news.kz</a> 1 маусым Балалардың құқығын қорғау мерекесіне орай отбасына қолғабыс болып жүрген ауыл балалары құрметке ие болды.“Мейірім құшағы” әйелдер, балалар және отбасы істері жөніндегі комиссияның Қызылорда облысындағы төрайымы Динара Ибадуллаева мен “Ауыл” партиясының өңірлік филилалының саяси кеңесінің мүшесі, Mansap мектебінің құрылтайшысы &nbsp;София Абдуразакова мереке қарсаңында үлгілі балаларды құттықтап, партияның төрағасы Серік Егізбаевтың дипломын табыстап, сый-құрмет көрсетті.Айта кетейік, “Ауыл баласы” жобасы облыс көлемінде үлгі көрсетіп жүрген балаларды марапаттау алдағы уақытта да жалғасын табатын болады.<img src="https://knadmin.beoblood.kz/uploads/Auyl_balalary_rmetke_b_lendi_1_573e446e45.jpg" alt="Ауыл балалары құрметке бөленді 1.jpg"><img src="https://knadmin.beoblood.kz/uploads/Auyl_balalary_rmetke_b_lendi_2_361e403a69.jpg" alt="Ауыл балалары құрметке бөленді 2.jpg">

Ауыл балалары құрметке бөленді

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен әкімдік отырысы өтті. Жиынға аудандық мәслихат төрағасы Ержан Әжікенов, аудандық полиция бөлімі бастығының орынбасары Қасымхан Асанұлы, кент және ауылдық округ әкімдері, бөлім басшылары мен меншік түріне қарамастан мекеме басшылары қатысты.Бірінші мәселе – 2024-2025 оқу жылын аяқтау және балалардың жазғы демалысын ұйымдастыру шаралары туралы аудандық білім бөлімінің басшысы Еркебұлан Жақып хабарлама жасады. Ағымдағы жылы жазғы каникул кезеңінде бекітілген жоспарға сәйкес балаларды сауықтыру демалысымен қамту, қорытынды емтиханға дайындық жұмыстары және жазғы демалыс кезінде балалардың қауіпсіздігі туралы ақпарат берді.Екінші мәселе – Денсаулық сақтау саласында атқарылып жатқан жұмыстар туралы аудандық аурухананың бас дәрігері Жалғас Үсенов баяндады. Аудандық аурухана құрамында ауысымына 250 адам қабылдайтын аудандық емхана, 10 дәрігерлік амбулатория, 2 фельдшерлік - акушерлік бекет, 1 медициналық бекет жұмыс жасауда. Сонымен қатар, Тереңөзек кентінде орналасқан ауруханаға қарасты 6000 шаршы метр болатын физиатерапия ғимараты күрделі жөндеу жүргізіліп, 60 төсек орын паллиативтік медициналық көмек көрсету бөлімшесі ел игілігіне берілгенін атап өтті.Үшінші мәселе – Қоғалыкөл ауылдық округіндегі атқарылған жұмыстар және алдағы міндеттер туралы ауылдық округ әкімі Бақытжан Рақымбеков хабарлама жасады. Елді мекенде өткен жылы бірқатар жобалар іске асқан. Атап айтқанда, Қызылорда-Аэропорт-Қоғалыкөл-Шіркейлі бағытындағы 10,2 км тас жолына орташа жөндеуге мердігер «Қызылорда Жолдары» ЖШС анықталып бүгінгі таңда жұмыстары аяқталып пайдалануға берілді. О.Садықұлы көшесінің бойына құны 7 млн. 280 мың теңге спорттық ойын алаңы салынды. Сонымен қатар, елді мекенді газдандыру бойынша демеушілік есебінен жобалық сметалық құжаттар әзірленді.Аудан басшысы жазғы демалыс уақытында балалардың бос уақытын тиімді өткізу мақсатында барлық үйірмелердің тұрақты жұмыс жасауды жеткізді. Сонымен қатар, құқық қорғау органдары мен төтенше жағдайлар бөліміне жазғы каникул кезінде балалардың қауіпсіздігін қатаң бақылауда ұстауды тапсырды. Аудандық емхананың бас дәрігеріне аудандағы барлық медицина нысандарының тазалығымен қатар күтіп-ұстау жұмыстарын жүйелі жүргізуді атап өтті. Сондай-ақ, Қоғалыкөл шағын және орта кәсіпкерлікті дамыту бағытында жаңа жобаларды ұсынуды тапсырды.<img src="https://knadmin.beoblood.kz/uploads/Syrdariya_audany_zhiyn_2_03efe74437.jpg" alt="Сырдария ауданы жиын 2.jpg">

Кәсіпкерлікті дамыту бағытында бірқатар тапсырмалар берді

<a href="https://kyzylorda-news.kz/">Kyzylorda-news.kz</a> Түп тарихында үш дәуірдің астанасы болған, одан бері кешегі ХХ ғасырдың басында Қазақ Автономиялы Кеңестік Социалистік Республикасының астанасы Ақмешітте өткен алқалы жиында бас қаланың аты Қызылорда болып өзгертілгені, сонымен қатар, Алаш зиялыларының бастамасымен ұлтымызға «қазақ» атауы қайтарылғанына биыл 100 жыл толып отыр. Қай заманда да қазаққа құтты ұя болған байырғы мекенде атаулы жылға байланысты іс-шаралар жүйелі ұйымдастырылуда.Сондай игі шаралардың бірі А. Тоқмағамбетов атындағы қалалық мәдениет Үйінде «Ғасыр сөйлейді» деген атаумен басталды. Қалалық «Жастар театрының» әртістері сахналаған қойылыммен басталған тарихи-танымдық кештің алғы сөзін сөйлеген қалалық мәслихат төрағасы Ибадулла Құттықожаев тарихи әділдік орнаған қаланың сол әділдік туын төмендетпей, Тәуелсіздіктің арқасында қарыштай дамып, күннен-күнге жаңарып, &nbsp;заманауи үлгіде қайта &nbsp;түрлене түскенін, шаһарымызды және оның терең тарихын мақтан тұту керектігін атап өтті.Шара барысы бәсі биік мерейтой аясында ел дамуы жолында елеулі еңбек еткен ардақты азаматтарға арнайы сый-құрмет көрсетілумен жалғасты.Кеште мемлекет және қоғам қайраткері Айтбай Көшербаев сөз алып, қала дамуындағы оң өзгерістерге жоғары баға беретінін, облыс орталығының өсіп-өркендей беруін тілейтінін жеткізді.Белгілі режиссер-сценарист, «Тұран» сыйлығының иегері, қалалық «Жастар театрының» көркемдік жетекшісі Оңталап Нұрмаханов Қызылорда тек астана ғана емес, елдің рухани ордасы болып, кәсіби ұлт театрының негізі осында қаланғанын тілге тиек етсе, белгілі ғалым, тарих ғылымдарының кандидаты, Әбділда Тәжібаев атындағы облыстық әмбебап ғылыми кітапханасының директоры Нұрлыбек Мыңжас шаһар тарихынан сыр шертетін тың деректерді ортаға салып, келелі ой айтты. Сондай-ақ, Қызылорда облыстық тарихи мәдени мұраны қорғау орталығының директоры Ерғазы Алданазаров көне ғимараттардың тарихына тоқталды.Тарихи-танымдық кеш барысында Махмұтбай Әміреевтің сөзіне жазылған Тәңірберген Қалауовтың әні «Қызылорда вальсі», Сәкен Сейфуллиннің «Тау ішінде», қала өнерпаздарының орындауында Рамазан Таймановтың «Қызылорда» әндері шырқалып, бір топ жастардың мәнерлеп оқуында Қызылордаға арналған поэзиялық туындылар, Руслан Бурабайдың «Қызылорда» күйі ұсынылды.

"Ғасыр сөйлейді" атты тарихи-танымдық кеш өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев зияткерлік мектебінде 2024–2025 оқу жылының аяқталуына арналған салтанатты жиын өтті. Бұл күн – мектеп қауымдастығы үшін толағай табыстардың, ал бітіруші түлектер үшін толқынысқа толы сәттің символына айналды.<img src="https://knadmin.beoblood.kz/uploads/nish_bdc87e280a.jpg" alt="ниш.jpg">Биылғы оқу жылы мектеп үшін жемісті болды. Оқушылар ғылыми жобалар байқауларында және пәндік олимпиадаларда түрлі деңгейде жүлделі орындарға ие болды. Жас өнертапқыштардың 27 жобасы білім беру грантына ие болса, оқушылар мен мұғалімдердің 6 жұмысы патентпен тіркелді. Ерекше жетістіктерімен көзге түскен оқушылар мен ұстаздарға дәстүрлі «Жұлдыздар шеруі» аясында құрмет көрсетіліп, мектептің дамуына қосқан үлестері үшін алғыс білдірді.Мерекелік іс-шараның ең әсерлі сәті – түлектермен қоштасу кезеңі болды. Биыл "Зияткерлер" бекетінен 151 оқушы сапарға атанды. Оның төртеуі – «Алтын белгіге», он екісі – Үздік аттестатқа үміткер.<img src="https://knadmin.beoblood.kz/uploads/nish2_8577e70817.jpg" alt="ниш2.jpg">Салтанатты жиында мектеп директорының міндетін атқарушы Қалман Беймбетов мектеп ұжымын соңғы қоңырау мерекесімен құттықтап, түлектерге ақ жол тіледі. &nbsp;Түлектер өз алғыстарын жүрекжарды әндер арқылы жеткізді. Білім кілтін ізбасарларына табыстап, мектеп дәстүрінің сабақтастығын жалғастырды. Ата-аналар да ыстық ықыластарын білдіріп, балаларына сәттілік тіледі.Іс-шара соңында шырқалған мектеп вальсі мен сыңғырлаған соңғы қоңырау үні – балалық шақ пен жастықтың тоғысқан ерекше де әсерлі сәтіне айналды.<img src="https://knadmin.beoblood.kz/uploads/nish4_af5f640a8d.jpg" alt="ниш4.jpg"><img src="https://knadmin.beoblood.kz/uploads/nish_5e21b49368.jpg" alt="ниш.jpg">

НЗМ: Мектеп ұжымы толағай табысқа қол жеткізді

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстан Республикасы Конституциясының 30 жылдығына арналған «Ата Заң-тәуелсіздік тірегі» атты көшпелі сараптамалық кездесу өтті.Жиында Қорқыт ата атындағы Қызылорда университетінің Ғылыми жұмыстар және халықаралық байланыстар жөніндегі проректор Майнура Бурибаева «Құқықтану» бағыты бойынша атқарылып жатқан жұмыстарға тоқталды.Іс-шараның мақсаты – ел Конституциясының қоғамдағы рөлін кеңінен насихаттау, оның тарихи және құқықтық маңызын терең түсіндіру, жастардың құқықтық мәдениетін арттыру, құқықтық сана мен азаматтық жауапкершілікті қалыптастыру.Кездесуде Қазақстан Республикасы Конституциялық Сот судьясы Айгүл Қыдырбаева «Қазақстан Республикасы Конституциясының үстемдігін қамтамасыз ету» атты баяндамасында Қазақстан Республикасы Конституциясының үстемдігін қамтамасыз ету мемлекеттің құқықтық негізін сақтау мен нығайтудың басты міндеті екендігіне тоқталды. Конституция еліміздің ең жоғары заңды құжаты болып, барлық заңдар мен нормативтік актілердің оған сәйкес болуын қамтамасыз ететінін атап өтті. Сондай-ақ, Конституцияның үстемдігі қоғамдағы құқықтық тәртіпті нығайтып, азаматтардың құқықтары мен бостандықтарын қорғауға мүмкіндік беретініне тоқталды.Сонымен қатар, «Қазақстан Республикасы Конституциялық Сотына жүгінуге жол беру мәселесі және конституциялық бақылау органы қызметінің жай-күйі» тақырыбы бойынша Қазақстан Республикасы Конституциялық Сот апаратының сарапшысы Алия Бердібаева баяндама жасап, Конституциялық Сотқа жүгінудің қолжетімділігі мен ашықтығы конституциялық құқықтардың қорғалуын қамтамасыз етуде маңызды екендігін сөз етті.Жиынға сондай-ақ, Қазақстан Республикасы Бас прокуратурасының Аға прокуроры Серік Әділкенұлы және Қызылорда облысы прокурорының бірінші орынбасары Исламбек Төлегенов пен университеттің профессор-оқытушылар құрамы қатысты.Кездесу – тек ақпарат алмасу алаңы ғана емес, қоғамның құқықтық санасын оятатын, ой саларлық маңызды диалог алаңына айналды. Ата Заңның құндылықтары мен қағидаттарын терең түсіну – әр азаматтың борышы. Осындай мазмұнды шаралар – құқықтық мәдениетті қалыптастыру жолындағы маңызды қадам.

Архив