<a href="https://kyzylorda-news.kz/">Kyzylorda-news.kz</a> &nbsp;Атышулы суреттен кейін Атырауда полицейлер қылмыстық іс қозғап, суретке түскен төрт күдіктіні анықтады, – деп хабарлады&nbsp;<a href="https://aikyn.kz/">Aikyn.kz</a>&nbsp;Суретті журналист Диас Нұрақын әлеуметтік желідегі парақшасында жариялады.&nbsp;&nbsp;<blockquote>– Қара жамылғандар көк байрағымызға арабша бірдеңелерді жазып алған. Бірақ фотоның түпнұсқа екеніне дәлел жоқ. Фотошоп болуы да ықтимал деп жатыр. Енді осының анық-қанығын полиция тексеруге кірісіпті. Егер, ақпарат расталса, елдің батысы жат діннің жетегінде кеткендердің ордасына айналды деген сөз, – делінген журналистің инстаграм-парақшасындағы постта.</blockquote>Атырау облыстық Полиция департаменті әлеуметтік желіде таралған жазба бойынша мемлекеттік рәміздерді қорлау бабымен қылмыстық іс тіркеліп, сотқа дейінгі тергеу амалдары жүргізілуде.<blockquote>«Таралған жазбадағы төрт күдікті де анықталып, полиция бөлімшесіне жеткізілді. Олардың екеуі жасөспірім болғандықтан, ата-анасының қатысуымен жауап алынуда. Өзге ақпарат тергеу мүддесіне сәйкес жариялануға жатпайды», – деп нақтылады Атырау облысы Полиция департаментінің баспасөз – хатшысы Мейірім Ердәулет.</blockquote>Біз Атырау облысының Бас имамы Болатбек Ұласқанұлына хабарласып, Туда не жазылғанын анықтадық.<blockquote>«Туда радикалдық сөз жоқ. Алладан басқа Тәңір жоқ, Мұхаммед оның елшісі» деп жазылған. Алайда, мемлекеттік рәміздерге құрмет көрсетуге барша азамат міндетті», – деді Атырау облысының Бас имамы Болатбек Ұласқанұлы.&nbsp;</blockquote>Фото: Aikyn.kz

Атырауда Мемлекеттік Туды қорлағандар ұсталды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімінің міндетін атқарушы Шерхан Есжановтың төрағалығымен аудан тазалығына қатысты және «Таза Қазақстан» экологиялық бағдарламасының жүзеге асырылу барысы жөнінде арнайы жиын өтті.Жиын барысында Арал қаласының санитарлық тазалығына қатысты суреттер арнайы слайд арқылы көрсетіліп, кемшіліктер бойынша Арал қаласында тазалық, абаттандыру жұмыстарын жандандыру қажеттігі айтылды.Аудан әкімінің міндетін атқарушы Шерхан Жұбаханұлы қала тазалығына сай бөлінген сектор жетекшілеріне ертеңгі сенбілік жұмыстарын қарқынды жүргізіп, қажет болса арнайы техникалардың мүмкіндігін қарастыру керектігі жөнінде атап өтті.Аллея, саябақ аумақтарын, тал түптерін, жарық бағаналарын сырлау, әктеу жұмыстарын қазірден бастау керектігі айтылып, жауапты бөлім басшыларына қала көшелеріндегі жол белгілеріне зерделеу жұмыстарын жүргізу және кемшіліктерді қалпына келтіру жөнінде тапсырма жүктелді. Сондай-ақ қала аумағын ластаған тұрғындарға қолданыстағы заңға сәйкес айыппұл салу арқылы тәртіпке шақырып, учаскелік полиция инспекторларын қауіпті учаскелерге бекітуді жауаптыларға тапсырды.Жиын соңында аудан әкімінің міндетін атқарушы Ш.Есжанов «Таза Қазақстан» бағдарламасы аясында атқарылған жұмыстардың бірде-біреуі назардан тыс қалмайтын жеткізді.Фото: Арал ауданының әкімдігі

Тазалыққа талап босаңсымайды

<a href="https://kyzylorda-news.kz/">Kyzylorda-news.kz</a> &nbsp;Облыс орталығындағы «Мың бала» спорт кешенінде Қызылорда облысы Полиция департаментінің Есірткі қылмысына қарсы іс-қимыл басқармасының жүлдесіне жасөспірімдер арасында бокстан ашық турнир өтті.Турнир «Спорт есірткіге қарсы» ұранымен өтуде. Айта кетерлігі мұндай шара өңірімізде алғаш рет ұйымдастырылып отыр.Турнирдің ашылу салтанатына Қызылорда облысы Полиция департаменті бастығының бірінші орынбасары полиция полковнигі Тоқтыбаев Серік Әбдімәуленұлы, Есірткі қылмысына қарсы іс-қимыл басқармасының бастығы полиция подполковнигі Біржан Бағысов, «Наман ата» қоғамдық қоры мен «Мың бала» спорт кешенінің директоры Сәдірбек Жұмабеков, сондай-ақ полиция қызметкерлері мен спорт өкілдері қатысты.Үш күнге созылатын жарыста 10 салмақ дәрежесі бойынша 100-ге жуық спортшы бақ сынамақ.Жастарды салауатты өмір салтын ұстануға шақыру мақсатында ұйымдастырылған шаршы алаң додасында болашағынан зор үміт күттіретін жас спортшылар іріктелмек.Фото: Qyzylorda PD

Қызылордалық полицейлер жасөспірімдер арасында бокстан ашық турнир ұйымдастырды

<a href="https://kyzylorda-news.kz/">Kyzylorda-news.kz</a> Ә.Тәжібаев атындағы облыстық кітапханада қазақ әдебиетінің көрнекті өкілі, жазушы Тынымбай Нұрмағанбетовтың 80 жасқа толуына орай «Дара дарын, қарымды қаламгер» атты әдеби кеш ұйымдастырылды.Іс-шараның мақсаты – қазақ әдебиетінде прозаға бүкіл өмірін арнаған қаламгердің өмірі мен шығармашылығын таныстыру.Ж.Қизатов атындағы №23 мектеп-лицейінің қазақ тілі мен әдебиеті пәнінің мұғалімі А.Қозыбаева оқырманның сүйіктісіне айналған “Періштелер өлімі” шығармасына жан-жақты талдау жасады.&nbsp;Іс-шара барысында оқырмандар арнау өлеңдерін оқып, ән-жырдан шашу шашты. Оқырмандар назарына «Жансарайы жарқын жазушы» атты кітап көрмесі ұсынылды.

Дара дарын, қарымды қаламгер

<a href="https://kyzylorda-news.kz/">Kyzylorda-news.kz</a>&nbsp; Әлеуметтік желіде Қадір түні Астанадағы Әзірет Сұлтан мешітінің алдында жиналған жамағаттың тегін тамаққа таласқан видеосы тарады. Тегін тамақ үшін қаумалап, жанталасқан жұрт желі қолданушылардың ашуын туғызды. Бұл туралы <a href="https://stan.kz/">Stan.kz</a> ақпарат агенттігі хабарлады.Елорадалық мейманхана Қадір түнін күткен астаналықтарға Әзірет Сұлтан мешінің алдында тегін тамақ таратқан. Тегін тамақтан дәметкендердің қарасы көбейіп, мешіттің алдында бейберекетсіздік орнады. Әлеуметттік желіде тараған видеодан жас балалар мен ересектердің тамақ тиелген көлікке қарай жүгіріп бара жатқанын көруге болады. Тамаққа таласқан адамдар желі қолданушыларының наразылығын туғызды.<blockquote>«Дым көрмегендер», «Бізде бәрі баяғыдай», «Осындай жағдай болмас үшін мұндай шаралар ұйымдастырмау керек», «Аштан келгендей, үйлеріңде тамақ жоқ па? Жабайыларға ұқсап тап бергені несі?», «Халық аш», «Бізде тегін ештеңе таратуға болмайды. Адамдар жануардан бетер болып кетеді», «Мынау ұят қой», «Мешітке не үшін келгендерін ұмытып қалды ғой деймін», – деп жарыса жазды желідегілер.</blockquote>Мешітке жиналған адамдарға тегін тамақ таратқан «Miko» деген мейманхана болып шықты. Мейманхана басшысының айтуынша, жыл сайын Қадір түнінде адамдарға тегін тамақ таратады. Алайда мұндай қаумалаған адамды бірінші рет көрген.<blockquote>«Өз қызметкерлерімізге мешіт маңында тегін тамақ таратанымыз туралы айттық. Бірақ мұндай хабарламаны желіде жариялаған жоқпыз. Біз мұны жылда істеп жүрміз. Бірақ мұндай жағдай болмаған. Желіге салған адам жиналғандардың таласып жатқанын, газельдің келіп тоқтаған сәтін түсірген. Бірақ одан кейін адамдар кезекке тұрды. Біз кезекпен таратып бердік. Оны түсірмеген. Жалпы мың адамға шақтап дайындаған едік. Алайда жиналғандардың саны одан көп болып кетті», – дейді басшылық.</blockquote>Болған жағдайға қатысты астаналық полиция да пікір білдірді. Ведомствоның мәліметінше, тамақ таратқандар атқарушы органның рұқсатын алмаған.<blockquote>«Қадір түні» кезінде Әзірет сұлтан мешітінің аумағында мешіт қызметкерлерінің келісімімен, бірақ жергілікті атқарушы органның рұқсатынсыз, ораза кезіндегі сәресі уақытында тамақ таратылған.&nbsp;Бұл жағдай адамдардың жаппай жиналуына себеп болды. Полиция қызметкерлері оқиға орнына барып, жағдайды реттеді», – деп мәлімдеді полиция.</blockquote>Сондай-ақ полиция қызметкерлері мешіт басшылығына қоғамдық тәртіп бұзушылықтарға жол бермеу туралы профилактикалық әңгіме жүргізді.Фото: Видеодан скрин

Астанада Қадір түнінде мешітке жиналған жұрт тегін тамаққа таласты

<a href="https://kyzylorda-news.kz/">Kyzylorda-news.kz</a> «Жұмысшы мамандықтар жылы»&nbsp;аясында Облыстық жастар ресурстық орталығында &nbsp;«Бос жұмыс орындары жәрмеңкесі»&nbsp;өтті. Іс-шараға Қызылорда облысының жұмыспен қамту және әлеуметтік бағдарламалар басқармасы басшысының орынбасары Ж.Дәулетбаева қатысып,аймақтағы жұмыссыз азаматтарды қолдау және еңбек нарығын дамыту мәселелеріне назар аударды.Шараға жергілікті жұмыс берушілер, жұмыссыз азаматтар мен оқу орындарының түлектері қатысты.Жәрмеңкеге 24 жұмыс беруші қатысып, жұмыс іздеушілерге 240-қа жуық жұмыс орындарын ұсынды. Қатысушыларға кәсіптік бағдар беріліп, мемлекеттік бағдарламалар арқылы қолдау көрсету және кәсіпкерлік бастамаларды дамыту мүмкіндіктері таныстырылды.Сондай-ақ,&nbsp;жұмыс берушілердің халықты жұмыспен қамту саласындағы мемлекеттік саясатын іске асыруы бағытындағы жұмыстарды арттыру және жұмысшы мамандықтарының беделін көтеру, кәсіби білім беру және еңбек нарығына қажетті мамандықтар бойынша оқытуды жетілдіру мақсатында облыстық жұмыспен қамтуды үйлестіру және әлеуметтік бағдарламалар басқармасы мен&nbsp;«Реал Строй Снаб ЖШС», «Інжу-Маржан» ЖК, «Керім -сұлу &nbsp;Qyzylorda» ЖК&nbsp;арасында ынтымақтастық және әріптестік туралы меморандумға қол қою рәсіміөткізілді.Жыл көлемінде&nbsp;жұмысшы мамандықтардың беделін арттыруға, жастарды кәсіптік білім алуға ынталандыруға және жұмысшылардың әлеуметтік жағдайын жақсартуға бағытталған бұдан да өзге бірқатар іс-шаралар алдағы уақытта да өз жалғасын табатын болады.

«Бос жұмыс орындары жәрмеңкесі» өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қоғам қайраткері Әбдіжәлел Бәкірді 85 жасқа, Денсаулық сақтау саласының үздігі Абдулла Шүленбаевты 75 жасқа толған мерейтойымен құттықтады.<blockquote>«Сыр өңірінде адал қызмет атқарып, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген аға буын өкілдеріне лайықты құрмет көрсету дәстүрге айналды. Мемлекет басшысы Қасым-Жомарт Кемелұлы: «Адал еңбек етіп, адал табыс тапқан адам жетістікке жетеді, құрметке ие болады. Нағыз еңбек адамы бұл – істің адамы, яғни әр ісіне, әр қадамына жауапкершілікпен қарайтын адал азамат. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс» деген болатын.Үлкендеріміз еңсесі биік ел іргесінің сөгілмеуін, келешек ұрпақ жолының ашық болуын тілеп, тұтас қауымды әрқашан бірлікке үндеп келеді. Бүгінгі жиынымыз адал еңбегімен халықтың ыстық ықыласына бөленген, өнегелі істердің ұйытқысы бола білген ардақты ағаларымыздың құрметіне арналады.Сыр жұртшылығы аймақтың дамуына зор үлес қосқан, елдің ыстық ілтипатына бөленген өздеріңіздей жерлестерімен мақтанады. Тілеулес азаматтардың, ақадал ниетті жерлестеріңіздің атынан бүгінгі мерейтойларыңызбен шын жүректен тағы да құттықтап, дендеріңізге саулық, отбастарыңызға амандық тілейміз! Ұрпақтарыңыздың қызығын көре беріңіздер! Тойларыңыз тойға ұласа бергей!»,– деді Н.Нәлібаев.</blockquote>Әбдіжәлел Қошқарұлы 1940 жылы Сырдария ауданында дүниеге келген. Н.В.Гоголь атындағы Қызылорда педагогика институтының филология факультетінде білім алған. Еңбек жолын мұғалімдіктен бастап, әр жылдары Қызылорда қалалық комсомол комитетінде, комсомол, партия органдарында, «Қазақстан-Қызылорда» телеарнасында, Қазақ гуманитарлық заң университетінде жауапты қызметтер атқарған. ҚР Парламенті Мәжілісінің депутаты кезінде өзекті мәселелерді көтеріп, еліміздегі «Бұқаралық ақпарат құралдары», «Жарнама туралы», «Тіл туралы», «Саяси партиялар туралы» заңдардың қабылдануына атсалысты. Алаш қозғалысын зерттеп, 10 монография, 2 оқулық, 200-ден астам ғылыми мақала жазған. Ерен еңбегімен саяси ғылымдар докторы, профессор ғылыми атақтарын, «Ыбырай Алтынсарин» төсбелгісін иеленіп, Қазақстан Республикасы Президентінің Құрмет грамотасымен марапатталды. Қызылорда қаласының құрметті азаматы атанды.Абдулла Сыздықұлы 1950 жылы Қызылорда қаласында дүниеге келген. Алматы мемлекеттік медицина институтында «Емдеу ісі» мамандығы бойынша білім алған. Еңбек жолын 1973 жылы облыстық ауруханада қатардағы дәрігерден бастап, бөлім меңгерушісі, директор қызметтерін атқарған. Құрметті зейнет демалысына шыққаннан кейін Сыр медицинасының қарашаңырағы көпбейінді облыстық ауруханада қызметін жалғастырып, жас мамандарға хиругия саласының қыр-сырын үйретумен айналысып келеді. Жарты ғасырдан астам еңбек жолында 15 мыңнан астам ота жасап, мыңдаған адамның өміріне араша болған. Қазіргі таңда еңбек жолын хирург-кеңесші ретінде жалғастыруда. Қазақстан Республикасы Президентінің Құрмет грамотасымен, «Құрмет» орденімен, «Шапағат» медалімен, «Денсаулық сақтау ісіне қосқан үлесі үшін» төсбелгісімен марапатталды. Қызылорда облысының құрметті азаматы.Басқосуда мерейтой иелеріне облыстың ең жоғары марапаты – Қызылорда облысының Құрмет грамотасы табысталып, халқымыздың игі дәстүріне сай шапан жабылды.Мерекелік жиында Қызылорда облысының құрметті азаматтары Тұрғанбай Маханов, Ибрагим Әбибуллаев, Шахизат Төребаев мерейтой иелерінің еңбек жолына тоқталып, құттықтау лебіздерін жеткізді.<img src="https://knadmin.beoblood.kz/uploads/1_Arda_ty_azamattar_a_lajy_ty_rmet_k_rsetildi_f1fe4ef81f.jpg" alt="1 Ардақты азаматтарға лайықты құрмет көрсетілді.jpg"><img src="https://knadmin.beoblood.kz/uploads/2_Arda_ty_azamattar_a_lajy_ty_rmet_k_rsetildi_3cc2af84c9.jpg" alt="2 Ардақты азаматтарға лайықты құрмет көрсетілді.jpg"><img src="https://knadmin.beoblood.kz/uploads/3_Arda_ty_azamattar_a_lajy_ty_rmet_k_rsetildi_b102e7e15c.jpg" alt="3 Ардақты азаматтарға лайықты құрмет көрсетілді.jpg">Фото: Қызылорда облысы әкімінің баспасөз қызметі

Ардақты азаматтарға лайықты құрмет көрсетілді

<a href="https://kyzylorda-news.kz/">Kyzylorda-news.kz</a> 28 наурыз сағат 03:42-де Қазақстанның бірнеше аймағында жер сілкінді. Бұл туралы <a href="https://stan.kz/kazakstanda-bes-balldik-zher-silkinisi-boldi-415621/">Stan.kz</a> ақпарат агенттігі хабарлайды.Сейсмикалық станциялар желісі 28 наурызда сағат 03:42-де жер сілкінісін тіркеді. Жер сілкінісінің ошағы&nbsp;Алматыдан оңтүстік-батысқа қарай 323 шақырым жерде орналасқан. Ол бірнеше аймақта сезіліпті:Меркі – 5 балл; Құлан – 4 балл; Шу&nbsp;– 2 балл; Төле би – 2 балл; Сарыкемер – 2 балл; Тараз қаласы – 2 балл; Қордай – 2 балл; Аса – 2 балл; Мойынқұм – 2 балл;Қирандылар, дүмпуден зардап шеккендер туралы ақпарат түскен жоқ. Барлығы қалыпты жұмыс істеп тұр.Төтенше жағдайлар министрлігінің басқару орталығында сейсмикалық жағдайды бақылау бойынша жедел штаб құрылды.Төтенше жағдайлар вице-министрі Батырбек Әбдішевтің төрағалығымен аумақтық бөлімшелермен жұмыс кеңесі және видеоконференция өтті.<blockquote>“Төтенше жағдайлар министрлігі жағдайды бақылап жатыр. Жағдай тұрақты. Құтқару бөлімшелері қажет болған жағдайда әрекет етуге&nbsp;дайын. Жамбыл облысында химиялық қауіпті 5 нысан бар. Мамандар оларды тексерді,&nbsp;қауіп жоқ”, –&nbsp;деп толықтырды ТЖМ.</blockquote>Фото: Pixabay.com

Қазақстанда бес балдық жер сілкінісі болды

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың төрағалығымен облыс әкімдігі жанындағы терроризмге қарсы комиссия отырысы өтті. Күн тәртібінде 3 мәселе қаралды.Облыстық жұмылдыру дайындығы, аумақтық және азаматтық қорғаныс басқармасының басшысы Марат Құрманбаев терроризмге қарсы орталық пен облыстық комиссияның хаттамалық шешімдерінің, ақпараттық қажеттілік тізбесінің орындалуы туралы баяндады. Облыстық дін істері басқармасының басшысы Дінмұхамед Ермеков тәуекел топтармен жүргізілген ақпараттық-түсіндіру жұмыстарының нәтижелеріне тоқталды. Этносаралық қарым-қатынастар мен этностар арасындағы қақтығыстардың алдын алуда атқарылған жұмыстарды облыстық қоғамдық даму басқармасының басшысы Руслан Каюпов айтты.Жиында облыс әкімі көтерілген мәселелерге қатысты жауапты тұлғаларға бірқатар тапсырма берді. Облыстық жұмылдыру дайындығы, аумақтық және азаматтық қорғаныс басқармасы терроризмге қарсы орталық пен облыстық комиссияның хаттамалық шешімдерінің орындалуын қатаң бақылауға алып, шараларды толық әрі сапалы жүзеге асыруы тиіс. Профилактикалық шаралардың сапасын арттыруда Қызылорда қаласы мен аудан әкімдіктері, жауапты мемлекеттік органдар әдістемелік көмек көрсетуі керек. Облыстық дін істері басқармасына тәуекел топтармен жүргізілетін профилактикалық шаралардың тиімділігін арттыру үшін ақпараттық-түсіндіру тобының жұмысын жетілдіру жүктелді.Аймақ басшысы этносаралық қарым-қатынас ерекше бақылауды қажет ететін маңызды мәселе екенін атап өтті. Өңірлік ақпараттық-түсіндіру тобының көмегімен этнос өкілдері көп шоғырланған жерлердегі профилактикалық және мәдени-көпшілік іс-шараларға оларды кеңінен тарту, этносаралық достық пен татулықты насихаттау әрдайым назарда болуы керек.<img src="https://knadmin.beoblood.kz/uploads/1_Terrorizmge_arsy_komissiya_otyrysy_tti_f5a9b7d6b2.jpg" alt="1 Терроризмге қарсы комиссия отырысы өтті.jpg">Фото: Қызылорда облысы әкімінің баспасөз қызметі

Терроризмге қарсы комиссия отырысы өтті

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы жанындағы партиялық бақылау комиссиясының өкілдері Сайлауалды бағдарлама аясында мал басын көбейту, асылдандыру мен өнімін ұлғайту бағытында атқарылған жұмыстарды саралау масқатында Қызылорда қаласына қарасты Қосшыңырау ауылдық округінде орналасқан «Аруана» шаруа қожалығы жұмысына партиялық бақылау жасады.Мониторинг жұмысына партияның облыстық филиалының төрағасы Алмасбек Есмаханов, партиялық бақылау комиссиясы төрағасының орынбасары, облыстық мәслихаттағы «AMANAT» партиясы депутаттық фракциясының мүшесі Ержан Искендер, облыстық ауыл шаруашылығы және жер қатынастары басқармасының мал шаруашылығын дамыту бөлімі басшысы Даулетбек Абдирасулов, сонымен қатар қалалық ауыл шаруашылығы және жер қатынастары бөлімінің басшысының орынбасары Нұрбек Әзірбек қатысты.Атап өту керек, Қызылорда қаласы бойынша түрлі бағытта жұмыс жасап тұрған 279 шаруа қожалық бар. Солардың бірі «Аруана» шаруа қожалығы. Қожалық 2004 жылдан бастап, мал шарушалығы бағытында жұмыс істейді. Бүгінде қожалықта 363 ірі қара, 93 жылқы мен 75 түйе бар. Оның ішінде 180 бас аналық «Ақбас» породасы өсіріледі. Шаруа қожалығының аумағы 1000 га жайылымдық жерді құрайды.Бір ғана түйенің сүтін сатып, кәсіп бастаған Бақыт Жакешбаев, үлкен шаруа қожалығын ұстап тұруда мемлекет тарапынан қолдау жасалғандығын атап өтті.<blockquote>«Аграрлық сектор капиталды көп қажет ететін өндіріс. 2022 жылы «Аграрлық несие корпорациясы» АҚ арқылы ауылшаруашылығы техникасына және мал шаруашылығына 30 млн. теңге несие алдық. Сондай-ақ, ірі қара малдың асыл тұқымды аналық басымен селекциялық және асыл тұқымдық жұмысты жүргізуге субсидия алып отырымыз. Жұмыс істесең перспиктивасы бар, бірақ кәсіби көзқарасты талап етеді. Қолдан келгенше жұмыс істеудеміз. Қазір 4 азаматты жұмыспен қамтып отырмыз. Ауыл шарушылығына мемлекет тарапынан қолдау жеткілікті. «Сыбаға» бағдарламасын сәтті іске асырып, бүгінгі күні өз төлдерін сататын репродуктор шаруашылық деңгейіне жетіп отырмыз», – деді қожалық иесі Бақыт Жакешбаев.</blockquote>Өз кезегінде сөз алған партияның облыстық филиалының төрағасы Алмасбек Есмаханов агроөнеркәсіпті қолдау, ауыл халқының табысын арттыру Мемлекет басшысы мен «AMANAT» партиясының стратегиялық міндеттерінің бірі екенін атап өтіп, осы бағытта атқарылып жатқан жұмыстарды жеткізді.<blockquote>«Мемлекет басшысы ауылшарушылығы еңбеккерлерінің бірінші форумында агроөнеркәсіп саласындағы қызметтер мен процестерді толығымен электронды форматқа көшіруді жеделдету қажеттігін атап өтіп, субсидия алу мен жеңілдіктерді пайдалану алгоритмдері фермерлер үшін барынша қарапайым және түсінікті болуы керектігін айтты. Расында цифрландыру агроөнеркәсіп кешенінің бәсекеге қабілетін арттырады, көлеңкелі сектордың үлесін азайтуға септігін тигізеді», – деді ол.</blockquote>Фото: Аманат партиясы

Мал басын көбейту бағытында атқарылатын жұмыстарға мониторинг жасалды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбековтың төрағалығымен аппарат мәжілісінің отырысы өтті.Аппарат отырысында Көктемгі егінге дайындық барысы туралы; Мерзімді әскерге шақыруды ұйымдастыру барысы туралы; Бюджет қаржысының игерілуі және экономикалық орындалуы жөнінде; Цифрлық карта, МӘМС және НЕЕТ санаты бойынша; Әлеуметтік желі белсенділігіне талдау жұмыстары жөнінде және Заңсыз такси тасымалын тоқтату және қоғамдық көліктерге жағдай жасау туралы мәселелер қаралды.Мәселелер бойынша бірінші аудандық ауылшаруашылық және жер қатынастары бөлімінің басшысы М.Әшірбеков. Екінші аудандық қорғаныс істері жөніндегі бөлім бастығы Р.Шарипбаев. Үшінші аудандық экономика және қаржы бөлімінің басшысы М.Жұмаділ. Төртінші Ааудандық жұмыспен қамту және әлеуметтік бағдарламалар бөлімінің басшысы А.Төлегенов. Бесінші аудандық қоғамдық даму бөлімінің басшысы К.Есенбаев. Алтыншы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ғ.Аманжолов баяндама жасаған.Мәжіліс соңында аудан әкімі Айтбай Жандарбеков сала басшыларына тиісті тапсырмалар беріп, әрбір мәселені назарда ұстап, нақты нәтижелерге қол жеткізу үшін жүйелі жұмыс жүргізуді тапсырды. Ол тұрғындардың талап-тілектерін уақытылы және тиімді шешуді, әрбір өтінішке жауапкершілікпен қарауды міндеттеді. Аудан басшысы сала басшыларына нақты бағыттар бойынша жұмыстарды ұйымдастыруды және алдағы уақытта өзара байланыс пен үйлесімділікті арттыруды тапсырды. Бұл мақсатта қажетті ресурстар мен қолдауды қамтамасыз етіп, тұрғындардың мәселелерін дер кезінде шешу маңызды екенін атап өтті.Фото: Шиелі ауданы әкімдігінің баспасөз қызметі

Бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Қызылорда облысында Қазақстан халқы Ассамблеясының 30 жылдығына орай маңызды шаралар пысықталды.Облыс әкімінің орынбасары Шахмардан Баймановтың жетекшілігімен Ассамблеяның мерейтойын атап өту және 1 мамыр – Қазақстан халқының бірлігі күнін тойлау жұмыстары талқыланды.Кездесуге облыстық этномәдени бірлестіктердің төрағалары, қоғамдық даму басқармасының басшысы Руслан Каюпов және «Қоғамдық келісім» КММ директоры Бақытжан Камалов қатысты.Бақытжан Камалов Ассамблеяның 30 жылдығына арналған түрлі іс-шаралар туралы баяндама жасап, жыл бойы өтетін мерейлі даталар мен ауқымды шаралар жайлы мағлұмат берді. Сонымен қатар, облыстың Қазақстан халқы Ассамблеясының ардагері Асылбек Жұмабаев, еліміздің бірлігі мен Ассамблея институтының қызметі туралы өз пікірін білдіріп, өткен 30 жылдағы жетістіктерге тоқталды.Этномәдени бірлестіктердің төрағалары да мерейтойлық шараларды бірлесіп, жоғары деңгейде атап өтудің тиімді жолдары туралы ұсыныстарын жеткізді.Облыс әкімінің орынбасары Шахмардан Байманов барлық іс-шараларды жоғары деңгейде өткізу үшін басқарманың әзірлеген жоспарларын жүзеге асырып, республикалық деңгейдегі шараларға дайындықты алдын ала пысықтауды тапсырды.Фото: Ассамблея Қызылорда

Архив