<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатов кадрлық өзгерістерге байланысты өткен актив отырысында қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысын таныстырды.Қала әкімінің өкімімен Жүсіп Мақсат Өмірбекұлы қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы қызметіне тағайындалды.<blockquote>«Мақсат Өмірбекұлы – түрлі салаларда жемісті еңбек етіп, сатылап өскен білікті де, тәжірибелі маман. Тапсырманы тиянақты орындайтын жауапкершілігі мол азамат. Ол әлеуеті жоғары кадр ретінде өз жұмысын кәсіби деңгейде атқарады деп сенемін», – деді қала әкімі.</blockquote>Мақсат Өмірбекұлы 1983 жылы Қызылорда облысында дүниеге келген. Жоғары білімді. Қазақ мемлекеттік Заң академиясын «Құқықтану» мамандығы, Алматы қаласындағы М.Тынышпаев атындағы Қазақ көлік және коммуникациялар академиясын «Тасымалдауды ұйымдастыру және басқару» мамандығы бойынша тәмамдаған.Еңбек жолында 2005-2021 жылдары темір жол саласында жауапты қызметтерде болған. 2022 жылдан осы кезге дейін «Қызылорда» автобус паркі, «Жасыл Қызылорда» және «Қызылорда тазалығы» мекемелерінде директор қызметін атқарып келді.Ал, бұған дейін осы салаға жетешілік жасаған Әбсұлтанов Мұрат Байғабылұлы Қазалы ауданы әкімінің орынбасары лауазымына ауысуына байланысты атқарып отырған қызметінен босатылды. Мұрат Байғабылұлына шаһардың дамуына қосқан үлесі үшін Қызылорда қаласының ең жоғарғы марапаты «Құрмет» грамотасы табысталды.Мұнан кейін қала әкімі «Жасыл Қызылорда» мекемесінің директоры лауазымына тағайындалған Айдарбеков Айбол Базарбайұлын таныстырды.Айбол Базарбайұлы 1978 жылы Қызылорда қаласында дүниеге келген. 1999 жылы Қызылорда мемлекеттік университетін тәмамдаған.2001-2023 жылдары Қызылорда облысының кеден басқармасында инспектор, түрлі жеке мекемелерде машинист, инженер, орман және жануарлар дүниесін қорғау жөніндегі мекемесінде инспектор қызметін атқарған.2024 жылдан осы кезге дейін, яғни «Жасыл Қызылорда» мекемесінде бөлім басшысы, басшы орынбасары қызметтерін атқарып келді.Айбол Базарбайұлының жаңа қызметіне сәттілік тілеген шаһар басшысы қаланы көгалдандыру бағытындағы жұмыстарды жүйелеуді тапсырды.Өздеріңізге белгілі, Мемлекет басшысының Жарлығымен 2025 жыл - «Жұмысшы мамандықтары жылы» деп жарияланды. Бастама жұмысшы мамандықтарының маңыздылығын арттыруға бағытталып отыр. Бұл тұрғыда адал, әрі тиянақты еңбегімен табысқа жеткен адамдар қашан да құрметке лайық.Актив отырысында шаһар басшысы Нұржан Сәбитұлы қала әкімдігінде 30 жылдан аса уақыт инженер болып жұмыс істеген Бауыржан Оспанов пен 20 жыл шаруашылық қызметкері болған Бағила Балымбетованың зейнетке шығуына байланысты алғысын білдіріп, Қызылорда қаласының ең жоғарғы марапаты «Құрмет» грамоталарын табыстады.&nbsp;

 Кадрлық өзгерістер таныстырылды

<a href="https://kyzylorda-news.kz/">Kyzylorda-news.kz</a> Қызылорда да шаруашылық өнімдеріне арнайы QR &nbsp;код орналастырылуда. &nbsp;Ендігі жерде тұтынушылар QR код арқылы қаржылық сауаттылық туралы ақпарат алып, құқық бұзушылық орын алған жағдайда тікелей &nbsp; ҚР ҚМА Telegram-ботымен байланыса алады.<blockquote>– Қазақстан Республикасының Президенті Қ.К. Тоқаевтың экономикалық құқық бұзушылықтардың алдын алуға және халықтың қаржылық сауаттылығын арттыруға бағытталған саясатын іске асыру, сондай-ақ ҚР Қаржылық мониторинг агенттігінің төрағасы Ж.Элимановтың тапсырмаларын орындау мақсатында Қызылорда облысы бойынша экономикалық тергеу департаменті азаматтарды қаржылық қауіптерден қорғау бойынша кешенді іс-шараларды жүзеге асыруда. Бүгінде облыстық кәсіпкерлер палатасының қолдауымен жеке кәсіпкер «Даулетпен» келісім жасалды. Сол келісім негізінде 30000 өнімге ҚР ҚМА логотипі бар QR-кодты орналастыратын боламыз. Бұл QR код қаржылық сауаттылық туралы акпарат бере отырып, қаржылық құқық бұзушылық орын алған жағдайда азаматтарды ҚР ҚМА Telegram-ботымен байланыстыратын болады. Мұндай жұмыстар жыл бойына жалғасады, – дейді облыс бойынша экономикалық тергеп-тексеру департаменті, ұйымдастыру-бақылау басқармасының басшысы Нұрбол Әлкебайұлы.</blockquote><img src="https://knadmin.beoblood.kz/uploads/Whats_App_Image_2025_02_28_at_17_31_48_f8b90e9bb6.jpeg" alt="WhatsApp Image 2025-02-28 at 17.31.48.jpeg">Фото: Қызылорда облысы бойынша ЭТД

QR код арқылы құқық бұзушылықтың алдын алуға болады

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясы жанындағы Партиялық бақылау комитетінің отырысы өтіп, онда өңірлердің су тасқыны жағдайына дайындық жұмыстары және барлық гидротехникалық құрылыстардың дайындығы талқыланды.Комитет отырысына бейнебайланыс режимінде партияның облыстық филиалының төрағасы Алмасбек Есмаханов, партия филиалы жанындағы партиялық бақылау комиссиясы төрағасының орынбасары Ержан Искендер, Қызылорда облысы әкімі аппараты басшысының орынбасары Ерлан Бакиров, сонымен қатар жауапты сала басшылары мен орынбасарлары қатысты.Жиында күн тәртібіне сай Төтенше жағдайлар министрлігі, Су ресурстары және ирригация министрлігі өкілдері, Солтүстік Қазақстан, Шығыс Қазақстан, Батыс Қазақстан облыстары әкімдерінің орынбасарлары хабарлама жасап, осы бағытта атқарылған жұмыстармен бөлісті.Күн тәртібіндегі сұрақ соңғы жылдары еліміз үшін өте маңызды проблемаға айналды. Өткен жылғы көктемгі су тасқыны еліміз үшін қиын жағдайда өтіп, көптеген шығындар алып келді. Елдегі су тасқыны көлемі жағынан соңғы 80 жылдағы ең ірі табиғи апат болып, су басқан 10 облыста төтенше жағдай жарияланды. Бүгінгі күні өңірде су тасқынының алдын алу бойынша кешенді шаралар жүргізілуде. Бұған партияның аймақтық және аумақтық филиалдары жанындағы партиялық бақылау комиссияслары мүшелері Сырдария өзенінің бойын жағалай мониторинг жұмыстарын жүргізді. Арнайы мамандар мен бас қосып, анықталған кемшіліктер бойынша отырыс өткізіп, оларды түзету бағытында ұсыныстар берді. Қазіргі таңда су басу қаупі бар аймаққа арнайы техника, күш-құралдары бар жауапты мекемелер бекітіліп, жағдай жіті бақылауда ұсталуда.&nbsp;

Партиялық бақылау комитетінің отырысында су тасқынының алдын-алу мәселелері талқыланды

<a href="https://kyzylorda-news.kz/">Kyzylorda-news.kz</a> 1972 жылдан бастап Халықаралық Азаматтық қорғаныс күні атап өтіледі. 1 наурызда Халықаралық Азаматтық қорғаныс ұйымы (ХАҚҰ) құрылды. Қазіргі кезде аталмыш ұйымның құрамында 58 ел бар. ҚР Президентінің Жарлығымен еліміз ХАҚҰ Жарғысына қосылды. Аталмыш «Қазақстан Республикасының Халықаралық азаматтық қорғаныс ұйымының Жарғысына қосылуы туралы» заң 1997 жылдың 31 қазанында №182 санмен бекітілді.Осыған орай Қызылорда облысы ТЖД Жедел-құтқару жасағының базасында «1 наурыз – Дүниежүзілік Азаматтық қорғаныс күніне» арналған Ашық есік күні ұйымдастырылды.Ашық есік күні барысында құтқару жабдықтары, өрт сөндірушілер мен құтқарушылар техникасының көрмесі өткізілді. Құтқару жұмыстары басрынан көріністер көрсетілді.Ашық есік күнінде Қызылорда облысы ТЖД бастығының бірінші орынбасары азаматтық қорғау подполковнигі Жасұлан Түйменов құттықтау сөз сөйлеп, ашты. Ашық есік күніне арналған іс-шараға мектептер мен колледждердің оқушылары, оңалту орталығының балалары, еріктілер және «Қызыл-Ай» қоғамының қызметкерлері қатысты.Оқушылар құтқару киімдерін киіп көрді, кинологтардың жұмысымен танысты, құтқару жұмысы барысынан шеберлік сағатын өткізді.<img src="https://knadmin.beoblood.kz/uploads/Azamatty_or_anys_jpg_1_640b057a58.jpg" alt="Азаматтық қорғаныс.jpg 1.jpg">

 Қызылорда қаласында Азаматтық қорғаныс күніне орай Ашық есік күні өтті

<a href="https://kyzylorda-news.kz/">Kyzylorda-news.kz</a>&nbsp; Бүгін Семей ядролық сынақ полигонының жабылуына түрткі болған халықаралық антиядролық «Невада-Семей» қозғалысының құрылғанына 36 жыл толды.Атаулы күнге орай Қызылорда қаласындағы «Тағзым алаңында» ядролық сынақ полигонында әскери борышын өтеп, құрбан болған азаматтарды еске алу митингісі өтті.Еске алу митингісіне Қызылорда облысы әкімінің орынбасары Шахмардан Байманов, Қызылорда қалалық мәслихатының төрағасы Ибадулла Құттықожаев, облыстық Ардагерлер кеңесінің төрағасы Серік Дүйсенбаев, облыстық «Қызылорда-Невада-Семей» қоғамдық бірлестігінің төрағасы Сәбит Әбіш, салалық ардагерлер, жастар ұйымдарының жетекшілері мен БАҚ өкілдері қатысты.Шарада облыс әкімінің орынбасары Шахмардан Байманов ардагерлерге ізгі лебізін білдіріп, дендеріне саулық тіледі.<img src="https://knadmin.beoblood.kz/uploads/NEVADA_SEMEJ_haly_araly_antiyadroly_oz_alysyny_ryl_anyna_36_zhyl_1_5ba2b5ee5c.webp" alt="«НЕВАДА-СЕМЕЙ» халықаралық антиядролық қозғалысының құрылғанына 36 жыл 1.webp"><blockquote>«Бүгінгі күні Қазақстан әлемде ядролық қарудан бас тартқан және халықаралық саясатта сенімнің жаңа моральдық үлгісін жасаған ел ретінде тарихта алтын әріппен жазылып қалды.Ендігі кезекте Ұлы дала төрінде тек бейбітшілік заман болып, аналарымыз мұңаймасын, балаларымыз жыламасын.Семей полигоны қасіретінен қаза болған аға-бауырларымызды әрдайым еске алып, тағзым етеміз, ұмытпаймыз», – деді Шахмардан Асқарұлы.</blockquote>Шара барысында қатысушылар «Невада-Семей» ядролық сынағының зардабын жоюға қатысып қаза болған ардагерлерді 1 минут үнсіздікпен еске алды.Жиналғандар Сыр жұртшылығы атынан гүл шоқтарын қойып, ардагер сарбаздардың рухына құран бағыштады.<img src="https://knadmin.beoblood.kz/uploads/NEVADA_SEMEJ_haly_araly_antiyadroly_oz_alysyny_ryl_anyna_36_zhyl_2_0dc95ba5f6.webp" alt="«НЕВАДА-СЕМЕЙ» халықаралық антиядролық қозғалысының құрылғанына 36 жыл 2.webp">&nbsp;

«НЕВАДА-СЕМЕЙ» халықаралық антиядролық қозғалысының құрылғанына 36 жыл

&nbsp;«Бірлік пен ынтымақ басты құндылығымыз әрі мемлекеттік саясаттың бұлжымас бағдары болып қала береді», – Қазақстан Республикасының Президенті Қасым-Жомарт Тоқаев.<a href="https://kyzylorda-news.kz/">Kyzylorda-news.kz</a> Бүгінде Қазақстанда 124-тен астам этнос өкілдері татулық пен келісімде өмір сүреді. Олар елдің толыққанды азаматтары және мемлекеттің дамуына елеулі үлес қосып келеді. Қазақстандық бірегейлікті нығайту, этносаралық шиеленістің мен қақтығыстардың алдын алу – мемлекеттік саясаттың негізгі басымдықтары.Қазақстан Республикасының Мәдениет және ақпарат министрлігі 2024 жылы этносаралық келісімді нығайтуға, қақтығыстардың алдын алуға, этномедиацияны дамытуға, мамандарды даярлауға және этносаралық саладағы мемлекеттік саясатты жүзеге асыруға бағытталған кешенді шараларды іске асырды.Солардың бірі – 1 наурызда «Алғыс айту» күніне орай ұйымдастырылған республикалық телекөпір. Оған 1000-нан астам адам қатысты. Іс-шара аясында «Қайырымдылық керуені» республикалық акциясы және «Шаңырақ» шығармашылық байқауы өтті.Жылдың маңызды оқиғаларының бірі – 25 сәуірде өткен Қазақстан халқы Ассамблеясының (ҚХА) «Бірлік. Жасампаздық. Прогресс» XXXIII сессиясы. Оған Мемлекет басшысы төрағалық етті. Сонымен қатар, 28 сәуірде «Бірлік жүгірісі» атты жартылай марафон өтті. Оған 15 өңірден 15 мың адам қатысты.2024 жылы ҚХА жанынан «Жомарт жан» қоғамдық орталықтары құрылды. Олар бірнеше волонтерлік және қайырымдылық акциялар ұйымдастырды. Атап айтсақ, «Жүректен жүрекке» және «Мектепке жол» акциялары өтті. Жалпы, өткен жылы ҚХА мүшелері мұқтаж азаматтарға 1,3 млрд теңге көлемінде көмек көрсетті.«Жомарт жан» орталықтары негізгі 4 бағыт бойынша қызмет етеді.Мектепке жол – бұл көпбалалы және аз қамтылған отбасылардан шыққан балаларды жыл сайын мектепке дайындауға көмек көрсететін қайырымдылық акциясы. 2024 жылы 6,5 мыңнан астам бала мектепке қажетті құрал-жабдықтар мен киімдермен қамтамасыз етілді. Жалпы, 260 млн теңге қаржы жұмсалды. Жүректен жүрекке – бұл табиғи апаттар мен төтенше жағдайлар кезінде азаматтарға қолдау көрсетуге бағытталған жоба. Жоба аясында волонтерлердің көмегімен зардап шеккен өңірлерге 1700 тоннадан астам азық-түлік, дәрі-дәрмек және бірінші кезекте қажетті тауарлар жеткізілді. Гуманитарлық көмектің жалпы сомасы 805 млн-нан астам қаржы жұмсалды. Мейірім – инклюзивті топтар мен әлеуметтік осал азаматтарды қолдау бағыты. 2024 жылы жоба аясында 1320 отбасы және 483 азаматқа әлеуметтік көмек көрсетілді. Қамқор – спорттық және әлеуметтік инфрақұрылымды дамытуға бағытталған қайырымдылық жобалары. 2024 жылы өңірлерде жаңа спорт алаңдары құрылды, спортпен шұғылдануға арналған орталықтар ашылды, сондай-ақ мектептер заманауи білім беру құралдарымен жабдықталды (мысалы, интерактивті тақта және т.б.). Сонымен қатар, былтыр ҚХА 13 арнайы қоғамдық жобаны жүзеге асырды. ҚХА-ның 10 қоғамдық құрылымы белсенді жұмыс атқаруда. Олардың қатарында Ақсақалдар кеңесі, Аналар кеңесі, «Ассамблея жастары» республикалық қоғамдық бірлестігі, Журналистер клубы, Ғылыми сарапшылар кеңесі, «Жомарт жан» орталықтары, Этномедиация кеңесі, Шығармашылық ұжымдар қауымдастығы, Студенттік ҚХА, Жас ғалымдар клубы бар.ҚХА мыңнан астам этномәдени бірлестікпен тығыз байланыс орнатқан.Еліміз бойынша 35 Достық үйі мыңнан астам этномәдени бірлестік үшін заманауи комьюнити-орталықтар ретінде қызмет етеді. 2024 жылы бұл орталықтарда 2 757 іс-шара ұйымдастырылып, оған шамамен 300 мың адам қатысты.2024 жылы ҚХА құрылымдарының қатысуымен 15 000-нан астам әлеуметтік маңызы бар іс-шара өтті, 700 мың адам қатысты.Елдегі төрт университеттің журналистика факультетінде «Этносаяси сауаттылық» атты арнайы курс енгізілді.Этносаралық қатынастар саласындағы маңызды бағыттардың бірі – қақтығыстардың алдын алудың тиімді тетігі ретінде этномедиацияны дамыту. 2024 жылы 233 кәсіби этномедиатор республикалық, өңірлік және жергілікті деңгейде даярлықтан өтті. Сондай-ақ 30 семинар мен тренинг өткізіліп, 1 207 адам оқытылды.Этносаралық қатынастардың жай-күйін объективті бағалау мақсатында 2 социологиялық зерттеу жүргізілді, өңірлерге 10 мониторингтік сапар жасалып, олардың қорытындысы бойынша мемлекеттік органдарға тиісті ұсыныстар берілді.Зерттеу нәтижелері бойынша ел азаматтарының 97,3%-ы этносаралық жағдайды тұрақты және қолайлы деп бағалады.Этносаралық мәселелер бойынша 80 өңірлік ақпараттық-түсіндіру тобы 160 мыңнан астам адам қатысқан 3 000-нан астам іс-шара өткізді. Олар конференциялар, кездесулер, семинарлар, кеңестер, дөңгелек үстелдер және басқа да форматтарда өтті.Министрлік нәсілдік кемсітушіліктің барлық түрлерін жою туралы халықаралық конвенцияны орындау және антидискриминациялық заңнаманы талқылау мәселелері бойынша тұрақты ведомствоаралық жұмыс тобын құрды. Жұмыс қорытындысы бойынша осы саладағы заңнаманы жетілдіруге арналған ұсыныстар әзірленді.Қазақстанда қоғамдық келісім мен этносаралық өзара іс-қимылды нығайту жөніндегі жүйелі жұмыс 2025 жылы да жалғасын табады. Қазақстан Республикасының Президенті Қ.К.Тоқаевтың төрағалығымен ҚХА-ның XXXIV мерейтойлық сессиясы өткізіледі. Бұл – ұлттық бірлікті дамытудағы басым бағыттарды айқындайтын негізгі іс-шаралардың бірі болмақ.ҚХА-ның 30 жылдығына дайындық аясында 400-ден астам ірі іс-шараны ұйымдастыру бойынша жоспар әзірленіп, бекітілді. Сонымен қатар, ҚХА Антологиясы мен мерейтойлық медалі шығарылады.Биыл ақпараттық-түсіндіру жұмыстарына, мемлекеттік органдар мен қоғамдық құрылымдардың этностарды қазақстандық қоғамға интеграциялау тиімділігін арттыруға, сондай-ақ этносаралық тұрақтылықты қамтамасыз етуде азаматтық қоғамның рөлін күшейтуге ерекше назар аударылады.Бұл саладағы кәсіби мамандарды дамыту үшін ҚХА Журналистер клубы аясында 200-ден астам журналист оқытылады, ал этносаралық қатынастар саласындағы 1000-нан астам кәсіби келіссөз жүргізушінің біліктілігі арттырылады.2025 жылғы негізгі басымдықтардың бірі – салалық кадрларды даярлау. «Этносаясаттану» және «Этножурналистика» мамандықтары бойынша оқытылған мамандардың санын арттыру жоспарда бар.Сонымен қатар, ҚХА жобалары, Достық үйлері, лингвистикалық кабинеттер және басқа да мамандандырылған құрылымдар арқылы мемлекеттік тілді этносаралық қатынас тілі ретінде қалыптастыру жұмыстары күшейтіледі.Бұл міндеттер Қазақстан Республикасында қазақстандық патриотизмге, азаматтық бірлікке және ел халқының рухани-мәдени тұтастығына негізделген қоғамдық келісім мен жалпыұлттық тұтастықты қамтамасыз етуге мүмкіндік береді.ҚР Мәдениет және ақпарат министрлігінің баспасөз қызметіФото: Қазақстан халқы ассамблеясы

Бірлік пен жасампаздық: ҚХА-ның 30 жылдық мерейтойына арналған негізгі бастамалар

<a href="https://kyzylorda-news.kz/">Kyzylorda-news.kz</a> Қызылорда қалалық орталық «Нұр» мешітінде ақсақалдар арасында «Батамен ел көгерер» атты облыстық бата беру сайысы өтті. Оған аталған жарыстың аудандық және қалалық іріктеу кезеңінің жеңімпазы атанған 10 батагөй қария қатысып, өзара сынға түсті.Байқауға Қызылорда облысының бас имамы Дастан Құрманбаев арнайы қатысып, барлық қатысушыларға өз алғысын жеткізді.<blockquote>– Бата – дана халқымыздың ғасырлар бойы сақталып келе жатқан айрықша дәстүрлерінің бірі. «Жаңбырменен жер көгерер,Батаменен ел көгерер», «Қарғыс алма, алғыс ал», «Ақсақалдан бата алған,Құдайдың рақметіне жолығар» деген бабаларымыз батаның адам өміріндегі ерекше орнын кейінгі ұрпаққа дәріптеп, ұғындырып отырған. Оның маңыздылығын Мұхаммед пайғамбарымыздың (с.ғ.с.) хадистерінен де көреміз.Мысалы, Әнәс сахабаны (р.а.) анасы жас кезінде Пайғамбарымызға (с.ғ.с.) алып келіп, оған ұлыныңқызмет жасауын қалап, бата сұраған. Сонда Пайғамбарымыз (с.ғ.с.): «Уа, Алла, оның малына, өміріне, береке бер», деп бата жасайды. Сол батаның шарапатынан Әнәс сахаба өте дәулетті және ұрпағы көп болып, ұзақ өмір сүрген. Бұл дәстүр біздің халқымызда да бар. Кезінде ата-әжелеріміз кішкентай немерелерін жетектеп жүріп, ауызы дуалы, көпті көрген қариялардан бата сұраған. Біз Зере әжеміздіңҚұнанбайдыКеңгірбай биге апарып бата сұрағандығын, Төле бидің Жетес биден, Әнет бабадан, Әйтеке бидің Қосуақ биден бата алғандығын жақсы білеміз. Ал асыл дінімізде батаны «дұға» деп атайтыны баршаға аян. Алла Тағала мен құлының арасындағы байланысдұға арқылы орнайды. Дұға – мұсылманның қаруы, ғибадаттың негізі, діннің тірегі. Бата беру – дұға ету деген сөз. «Баталы құл арымас, батасыз құл жарымас» деген сөздің өзі қазақтың дүние танымында оныңтәрбиелік маңызы зор екендігін көрсетеді. Игі дәстүрімізді ардақтап, бата беру дәстүрін жаңғыртып келе жақан бүгінгі ақсақалдарымызға Алланың нұры жаусын, – деді Дастан Жанасұлы.</blockquote>Байқау екі кезеңнен тұрды.Ақсақалдар бірінші кезекте қазақтың салт-дәстүрлерінебайланысты сұрақтарға жауап берсе, екінші кезеңде бата беруденжүйрікті анықтады. Онда алдымен би-шешендердің, танымал тұлғалардың батасын айтуға тиіс болса, екіншісінде өздері шығарған батаны беру шарты қойылды.Бата сайысына қоғам қайраткері, «Айтыстың ақтаңгері» атанған ақын Серік Ыдырысов пен Қазақстан Журналистер одағы сыйлығының лауреаты, Ақпарат саласының үздігі Нұрсұлтан Мықтыбай қазылық етіп, баға беру барысында қариялардың сөз саптауы, батаның мағынасы, ұйқасы, жатқа айтуы, киім үлгісі мен сұрақтарға толық жауап беруіне баса мән берді.Ерекше атап өтерлігі, байқауға қатысушылардың ең үлкені 90 жаста болды.Сайыс қорытындысымен жалағаштық Берікбай Айназаров жеңімпаз атанса, қалған екінші, үшінші орындарға қазалылық Қадырбек Бекет, қызылордалық қос қария Серіәлихан Ахметұлы мен Оразбай Жакешов лайықты деп танылды. Жеңімпаздар мен барлық қатысушыларға арнайы дипломдар, қаржылай сыйлықтар табысталды.Айта кетейік, аталған байқау Қазақстан мұсылмандары діни басқармасының 35 жылдық мерейтойы аясында ұйымдастырылды. Жеңімпаз атанған Берікбай Айназаров алдағы уақытта Астана қаласында өтетін «Ақсақалдар арасындағы ІІ республикалық бата беру байқауында» облыс намысын қорғайтын болады.

«Батамен ел көгерер» атты сайыс өтті

&nbsp;<a href="https://kyzylorda-news.kz/">Kyzylorda-news.kz</a> “AMANAT” партиясы “Магистральды желі” БПҰ төрағасының қолдауымен “Ардагерлерді ардақтайық” жобасы аясында ардагерлер мен жастардың арасында шахматтан шағын турнир ұйымдастырды. Іс-шараны Қызылорда магистральдық желі бөлімшесінің экономика және қаржы бойынша директордың орынбасары Роза Қалжанқызы ашып берді, қатысушыларға сәттілік тіледі.Ойын барысында:Ардагерлер арасында1-орын Мәмбетов Әділ2-орын Шайжан Марат3-орын Қалиев ТұрақбайЖастар арасынды1-орын Умирзаков Берік2-орын Батырхан Алихан3-орын Қарымсақова Анаркүл иеленді.Ардагер Айдар Мұстафаев, жас &nbsp;Куаныш Мамбетовқатысқаны үшін Алғыс хатпен және түрлі сыйлықтармен марапатталды. &nbsp;Марапатты Қызылорда магистральдық желі бөлімшесінің директоры, “Магистральдық желі” БПҰ төрағасы Ербол Тәңірбекұлы Сәулебеков қатысушыларды марапаттап, ізгі лебіздерін білдірді.<img src="https://knadmin.beoblood.kz/uploads/Ardager_temir_zholshylar_sha_yn_turnirde_bas_osty_1_6200362ccf.jpg" alt="Ардагер темір жолшылар шағын турнирде бас қосты 1.jpg">

Ардагер темір жолшылар шағын турнирде бас қосты

<a href="https://kyzylorda-news.kz/">Kyzylorda-news.kz</a> Рамазан - жақсылық пен мейірімге толы ерекше ай. Күллі мұсылман күтетін қасиетті рамазан айы 1-29 наурыз аралығында өтеді. Ал, ораза айт мерекесі 30 &nbsp;наурызға тура келеді. Қасиетті Қадір түні 26-нан 27-не қараған түні өтеді. Бұл туралы бүгін «Ақмешіт-Сырдария» мешітінің бас имамы Дастан Құрманбаев айтты.&nbsp;<blockquote>- Баршаңызды мұсылмандар үшін қасиетті болып саналатын Рамазан айының келуімен құттықтаймын! Бұл айда қайырымдылық пен жанашырлық, ізеттілік пен имандылық сияқты қасиеттерді дәріптейтін ерекше кезең. Биыл Рамазан айы 1-і наурызда басталады. Ал наурыз айының 26-нан 27-не қараған түн – қасиетті Қадір түні. 30-ы наурыз – ораза айт мерекесі. Биыл Рамазан айында 29 күн ораза ұстаймыз. Сонымен қатар, Қазақстан мұсылмандары діни басқармасының Төралқа мәжілісінде биылғы пітір садақасының мөлшері 655 теңге болып белгіленді. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады. Сонымен қатар “Рамазан қоржыны”, “Мұқтаждарға 35 мың азық-түлік себет” республикалық телемарафоны, “Құран сыйла Уақып ет”, “Рамазанда бір тал ек”, “Рамазан сыйы” сынды қайырымдылық акцияларын және түрлі форматтағы іс-шаралар мен жарыстар өткізу жоспарлануда,-деді, Дастан Жанасұлы.</blockquote>Фото: Өңірлік коммуникациялар қызметі

Рамазан – береке мен мейірімге толы қасиетті ай

<a href="https://kyzylorda-news.kz/">Kyzylorda-news.kz</a> 2025 жыл &nbsp;елімізде «Жұмысшы мамандықтар жылы» деп жарияланды. Бұл бастама еңбек нарығындағы маңызды жұмысшы мамандықтарына деген сұранысты арттыру, жастарды техникалық және кәсіптік білім алуға ынталандыру, сондай-ақ жұмысшы кадрлардың біліктілігін жақсарту мақсатында қолға алынған. Жұмысшы мамандықтарының қоғамдағы маңыздылығын арттырып, мамандардың кәсіби деңгейін көтеру және жастарды сапалы мамандықтарға дайындау арқылы ел экономикасына оң әсер ету көзделуде. Өңірлік коммуникациялар қызметінің ақпарат алаңында «Жұмысшы мамандықтар жылы» туралы Жалағаш аудандық ауыл шаруашылығы және жер қатынастар бөлімінің әдіскері Нұрмағанбет Айтбай және Қорқыт ата атындағы Қызылорда университеті «Сәулет және құрылыс өндірісі» БББ жетекшісі, т.ғ.к. Гүлназ Жакапбаева өз ойларымен бөлісті.&nbsp;<blockquote>- Биылғы жылды Мемлекет басшысы «Жұмысшы мамандықтар жылы» деп жариялауы үлкен маңызы бар қадамдардың бірі болды. Қазіргі уақытта мемлекетті дамытуда жұмысшы мамандардың рөлі айтарлықтай жоғары. Әсіресе, ауыл шаруашылығы саласы елдің экономикалық негізін қалыптастыруда басты орынға ие. Экономиканың тірегі болып табылатын ауыл шаруашылығы саласында жұмыс істейтін жастардың саны артып келеді. Сонымен қатар, жұмысшы мамандықтарды қолдау шаралары да үнемі назарда ұсталып, олардың маңыздылығы арттырылуда. Жастарды кәсіби бағыттау және жұмысшы мамандықтарына қызығушылықты арттыру мақсатында түрлі оқу бағдарламалары мен оқу орындарына қолдау көрсетілуде. Бұл қадамдар еліміздің еңбек нарығын дамытуға және болашақта қажетті мамандарды дайындауға зор үлес қосады, - деді Нұрмағанбет Оразбайұлы.</blockquote>Қорқыт Ата атындағы Қызылорда университеті бұл бастаманы қолдап, жұмысшы мамандық иелерін даярлау мен қайта даярлауда белсенді жұмыс жүргізуде. Университет инженерлік, ауыл шаруашылығы, құрылыс, IT және өндірістік технологиялар салалары бойынша білім беріп, студенттерді тәжірибелік оқытуға басымдық береді.&nbsp;<blockquote>- 2025 жылды ел Үкіметі жыл сайынғы стратегиялық бастамаларды іске асыру аясында «Жұмысшы мамандықтар жылы» деп жариялады. Қорқыт Ата атындағы Қызылорда университеті де осы бастамаға белсене қатысып, жұмысшы мамандықтарының маңыздылығын кеңінен насихаттауда. Жас мамандарды кәсіптік бағдарлау және жұмысшы мамандықтарға қызығушылықты арттыру мақсатында университетте түрлі көрмелер, семинарлар мен форумдар ұйымдастырылып, осы салалардың маңыздылығы көрсетілуде. Қызылорда облысында жұмысшы мамандықтарын игерген жастарға «Жұмыспен қамту жол картасы» және «Даму» мемлекеттік бағдарламалары аясында түрлі гранттар ұсынылып, жұмысқа орналасу мүмкіндіктері кеңейтілді. Алдағы уақытта құрылыс саласын жандандыру мақсатында бірнеше іс-шаралар жоспарланып отыр. Жалпы, жұмысшы мамандықтар жылы Қызылорда облысында кәсіби білім беру жүйесін жетілдіру, жастарды еңбек нарығының қажетті мамандықтарына тарту бағытында маңызды қадам болып табылады. Бұл шаралар аймақ экономикасының дамуына және жастардың жұмысқа орналасуына оң әсерін тигізетініне сенімдіміз,-деді, Гүлназ Абсадыққызы.</blockquote>

"Жұмысшы мамандықтар жылы" – ел экономикасын дамытудағы маңызды қадам

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек арнайы жиын өткізіп, ауа райының қолайсыздығына байланысты жол-көлік оқиғаларының алдын алу және жаяу жүргіншілердің қауіпсіздігін қамтамасыз ету мәселелерін талқылады.Аудан әкімі жолдарды қардан уақтылы тазарту және инертті материалдарды себу жұмыстарын күшейту қажеттігін атап өтті. Сондай-ақ, мектеп оқушыларының қауіпсіздігін қамтамасыз ету мақсатында білім беру ұйымдарының маңында полиция инспекторларының қызметін күшейту тапсырылды.Бұдан бөлек, мұздықтардың еруінен туындайтын сел қауіптерін бақылау мәселесіне ерекше назар аударылды. Жауапты органдарға тиісті алдын алу шараларын ұйымдастыру тапсырылды.Сонымен қатар, қасиетті Рамазан айының басталуына байланысты аудан тұрғындары мал сою бекеттерінде құрбандық шалып, мешіттерде құлшылық етеді. Осыған орай, халықтың қауіпсіздігін қамтамасыз ету, сондай-ақ мал сою және ауызашар беру рәсімдерін санитарлық талаптарға сәйкес ұйымдастыру бойынша нақты міндеттер жүктелді.Алдағы Алғыс айту күні мен Наурыз мерекесіне байланысты іс-шаралардың жоғары деңгейде өтуін қамтамасыз ету мәселелері де қарастырылды. Аудан басшысы мерекелік бағдарламалардың сапалы ұйымдастырылуы мен қоғамдық тәртіптің сақталуын басты назарда ұстау қажеттігін атап өтті.Фото: Қармақшы ауданының әкімдігі

Тұрғындардың қауіпсіздігі басты назарда

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев бекітілген кестеге сәйкес тұрғындарды жеке мәселелері бойынша қабылдады.Қабылдауға келген азаматтар тұрғын үй, жер, денсаулық сақтау және тұрақты жұмысқа орналасу мәселелерін көтерді. Қабылдау барысында аудан әкімі әрбір тұрғынның мәселесіне жеке тоқталып, заңдылыққа сәйкес түсіндіріп өтті.Жұмыссыздық мәселесімен жүгінген тұрғындарға, бүгінгі таңда аудан бойынша бос жұмыс орындарын ұсына отырып, мәселесін шешу үшін тиісті сала басшысына тапсырмалар жүктеді.Мұнымен қоса, денсаулық сақтау, тұрғын үй және жер мәселесімен келген азаматтардың арыз-шағымдары мен ұсыныстары бойынша жауапты сала басшыларына мүмкіндіктерді қарастыра отырып, заң аясында шешу қажеттігін тапсырды.Айта өтейік, тұрғындар аудан әкімінің қабылдауына е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/T_r_yndardy_abyldau_Aral_17bca1701e.jpg" alt="Тұрғындарды қабылдау Арал.jpg">Фото: Арал ауданының әкімдігі

Архив