<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев 2025 жылды «Жұмысшы мамандықтар жылы» деп жариялады. Осыған орай, Қазақстан Халық партиясы Қызылорда облыстық филиалы «Қызылорда тазалығы» ұжымымен кездесті.&nbsp;Мұнда 500 ге жуық адам еңбек етеді. Күннің ыстық, суығына қарамастан адал еңбек етіп, қаланың тазалығын сақтап жүрген «Қызылорда Тазалығы» ЖШС ұжымы зор құрметке лайық. Таңның атысы мен кештің батысына дейін көше аралап жүретін азаматтарға барынша қолдау көрсетілуі қажет. &nbsp;Шара барысында Қазақстан Халық партиясы өкілдері ұжымды партия атынан құттықтап, олардың лайықты жұмысы үшін алғыс білдіріп, құттықтау хат табыстады. Жұмысшы мамандықтар жылы – жұмысшылардың мәртебесін арттыруға, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға бағытталған. Партия ұйымдастырып отырған салтанатты құттықтау шарасы жұмысшы мамандықтарды құрметтеу мен қолдаудың символына айналып, еңбек ұжымдарының Қазақстанның тұрақты және табысты дамуының қалыптасуындағы маңызын айқындайды және де бұл бастама жұмысшы мамандық иелерін дәріптеу арқылы қоғамда еңбекқор және нағыз маман болып қалыптасу идеясын насихаттауды көздейді.Фото: ҚХП Қызылорда облыстық филиалы

Тазалық қызметкерлерін марапаттады

<a href="https://kyzylorda-news.kz/">Kyzylorda-news.kz</a> Дубайда SWAT Challenge халықаралық жарысы өтті. Онда 100-ден астам елдің күштік құрылымдары арнайы бөліністерінің қызметкерлері бақ сынады.Биыл алғаш рет бұл жарыста ерлермен қатар әйелдер құрамасы да қатысты. Кедергілер жолағын еңсеру барысында әйел-офицерлер ептілік пен атыс дағдылары бойынша ерлерден қалыспай өнер көрсетті.Дубайдың төрінде өткен жауынгерлер жарысында олар біршама команданы артта қалдырды. Жарыстың үшінші күнінде сайыс қорытындысы бойынша әйелдер кұрамасы 50-ден аса команданы басып озды.“Томирис” командасы барлық сынақтан сәтті өтіп, өз қабілеттерін көрсетті. Нәтижесінде әйелдер арасында Қазақстан құрамасы екінші орынды иеленді.Қазақстанның көк туын желбіретіп, биік дәрежеде Қазақстанның атын шығарған «Томирис» әйелдер командасының құрамында Сыр елінің тумасы Қызылорда облысы Полиция департаментінің қызметкері, ЖҚАЖ иснпекторы, полиция капитаны Төлекова Лаура Қарабекқызы болды. Полицей қыз барлық қиындыққа төтеп беріп, ерлермен иық теңестіре нәтиже көрсетті.<img src="https://knadmin.beoblood.kz/uploads/yzylordaly_policzej_zharys_d941138dd4.jpg" alt="Қызылордалық полицей жарыс.jpg">Фото: Облыстық полиция департаменті

Қызылордалық полицей сыннан сүрінбей өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев өңірлік құқық қорғау органдары басшыларымен бірге облыс аудандарының тұрғындарымен кездесу өткізді.&nbsp;Атап айтқанда, Жалағаш, Қармақшы, Қазалы, Арал, Шиелі және Жаңақорған аудандарының халқын толғандыратын өзекті мәселелер бойынша қоғамдық қабылдаулар өтті.Осы іс-шараларға Сыбайлас жемқорлыққа қарсы қызметтің Қызылорда облысы бойынша департаментің басшысы Қ.Ахметқалиев қатысып, жергілікті тұрғындарды жеке қабылдады. Сұрақтарына жауап беріп, түсіндірме жұмыстарын жүргізді.Жеке қабылдауға келген әрбір азамат қазаң талаптарын түсіндіріліп, мәселені шешу жолдарының бағыт-бағдары көрсетілді.

Өңірлік Антикор басшысы аудан тұрғындарын жеке қабылдады

<a href="https://kyzylorda-news.kz/">Kyzylorda-news.kz</a> Астана мен Алматыда көлігін ақылы автотұрақтарға қоятындардың проблемасы шешімін тауып келеді, деп хабарлайды <a href="https://baq.kz/nartay-aralbayuly-eldi-tagy-quantty-200007386/">BAQ.KZ</a> тілшісі.Мәжіліс депутаттары Нартай Аралбайұлы мен Үнзила Шапақ Астана және Алматы қаласы әкімдігіндегі тұраққа жауапты тұлғалармен жұмыс тобын өткізіп, бірқатар проблеманы талқылаған.Нартай Аралбайұлы жиынның нәтижесін жариялады.<blockquote>Астана қаласындағы ақылы автотұрақтар 2025 жылдың жаз мезгілінде толықтай әкімдікке өтетін болды. Ақылы автотұрақтың ақысын төлеуді ұмытып кеткендерге алдымен sms-хабарлама барсын дегенбіз. Алматы бір қадам жасапты. Алматыда ақылы автотұраққа кірсеңіз, ол жерде сізді камераға түсірсе, "сіздің көлігіңіз ақылы автотұраққа кірді" деген хабарлама келеді екен, - деді ол.</blockquote>Сөзінше, жақында бұл жоба қалада толығымен іске қосылмақ.<blockquote>Бұл біздің әкімшілік кодекске енгізген өзгерістерімізден кейін жасалған қадам. Енді біз "төлемді ұмытқандарға sms жіберілсін, содан кейін 24 сағат ішінде төлемегендерге ғана айыппұл салынуы мүмкін" деген талапты қойдық. Әкімдіктер "орындаудың амалын іздейміз" деді. Айтпақшы, ақылы автотұрақтардың ақысын төлемегендерге салынатын айыппұлдың құнын 3 есеге түсіргенімізді алдында айтқанмын. Заң наурызда күшіне енеді, - деп айтты депутат.</blockquote>Мәжілісмен тағы бір жақсы жаңалығын бөлісті. Ол атағандай, бүгінде Астанада ақылы автотұрақта 5 минут қана тегін тұра аласыз. Депутат оның уақытын ұзарту керегін айтып, депутаттық сауал жолдаған. Сөзінше, Астана әкімдігі өкілдері тегін тұру уақытын 15 минутқа созуға келісіп отыр.Нартай Аралбайұлы өзгеріс күшіне енгенде хабарлайтынын айтты.<blockquote>Халыққа қызмет көрсету орталықтарының алдында ақылы автотұрақ болмау керек дедік. Әкімдік уәжбен келісті, іске асыру тетіктерін дайындап әкеледі, - деп қоса кетті Мәжіліс депутаты.</blockquote>Фото: ҚР Парламентінің Мәжілісі

Мәжіліс депутаты ақылы автотұрақ мәселесінің шешімін тапты

<a href="https://kyzylorda-news.kz/">Kyzylorda-news.kz</a> Жалағаш ауданында қаржы институттары арқылы кәсіпкерлер ұсынған 325 жоба &nbsp;қаржыландырылып, 176 жаңа жұмыс орны ашылды. Бұл туралы Өңірлік коммуникациялар қызметінің баспасөз алаңында аудан әкімі хабарлады.Мемлекет басшысының ауылдық жерлердегі тұрғындардың табысын арттыру туралы тапсырмасына сәйкес, 2023 жылдан бастап ауданда «Ауыл Аманаты» жобасын іске асыру жұмыстары сәтті жүзеге асырылып келеді.<blockquote>- «Байқоңыр ӘКК» ҰК» АҚ арқылы «Ауыл аманаты» жобасы аясында қаржылық қолдауға ие болу үшін әртүрлі бағыттар бойынша 268,4 млн. теңгені құрайтын 48 жоба «Ауыл Аманаты» цифрлық платформасына енгізілді. Оның ішінде 60 млн. теңгені құрайтын 11 жоба қаржыландырылып 11 жұмыс орны құрылды. Бұдан бөлек, өткен жылы желтоқсан айында 43 млн. теңгені құрайтын 10 жоба комиссияда мақұлданып, 2025 жылдың басында толық қаржыландырылды. Ауданда өңдеу саласын дамыту мақсатында жеке кәсіпкер Халық Серіктің жеке қаражаты есебінен жалпы құны 300,0 млн. теңгені құрайтын «AKNIET» құрылыс қоспаларын шығару цехы іске қосылды. Сонымен қатар, «Таң ЛТД» ЖШС-нің жалпы құны 422 млн. теңгеге «Өндірістік база» цехының құрылысы жүргізілуде, жақын уақытта іске қосу жоспарлануда. Цех мақсарыдан май, жүгеріден ұн және күріштен лапша өнімдерін шығаруды жоспарлауда. Цех іске қосылған кейін жаңадан 22 жұмыс орны құрылатын болады, - деді аудан әкімі Ардақ Ибраимов.</blockquote>Айта кетейік, былтыр Жалағаш ауданында кәсіпкерлердің бастамасымен құны 600 млн. теңгені құрайтын 3 сауда орталығы ашылып, пайдалануға берілген.

Жалағашта 176 жаңа жұмыс орны ашылды

<a href="https://kyzylorda-news.kz/">Kyzylorda-news.kz</a> 2024 жылы халыққа қызмет көрсету орталығы мен мамандандырылған ХҚКО арқылы 500 мыңға жуық мемлекеттік қызмет көрсетілді. Сондай-ақ қазақстандықтар 548 мыңнан астам қызметті Сonnection point өзіне-өзі қызмет көрсету секторлары арқылы алған.Айта кетсек, ХҚКО арқылы шамамен 335 мың қызмет, МХҚКО арқылы 135 мыңнан астам қызмет көрсетілген. Атап өткенде, алғашқы үштікке келесі мемлекеттік қызметтер кірді: көлік құралдарын тіркеу, жеке куәліктер мен төлқұжат алу, ЭЦҚ алу мен оны қайтарып алу. Ең көп өтінімдер саны Алматы, Астана, Шымкент және Түркістан облыстарында тіркелді.<blockquote>«Мемлекеттік корпорация әрдайым тұтынушылардың жайлылығы мен ыңғайлылығына басымдық береді. Біз өз қызметтерімізді қолжетімді және ыңғайлы ету үшін оларды үнемі дамытып, жетілдіріп отырамыз. Біздің мақсатымыз – барлық процестердің ашық әрі қауіпсіз екеніне кепілдік беру арқылы әрбір адамға қызмет алу мүмкіндігін қамтамасыз ету», – деп атап өтті «Азаматтарға арналған үкімет» Мемлекеттік Корпорация Басқарма Төрағасының орынбасары Айбат Ілиясов.</blockquote>Мемлекеттік корпорация азаматтарға қызмет көрсету сапасын жақсартуға бағытталған инновациялық шешімдерді тұрақты негізде енгізуде. Мәселен, «ХҚКО» мобильді қосымшасының функционалдығы айтарлықтай кеңейтілді. Сонымен қатар, халыққа қызмет көрсету орталықтарында және мамандандырылған ХҚКО-ларда дербес менеджерлер практикасы енгізілді, бұл жеке жұмыс істеудің деңгейін арттырып, қызметтерді алу процесін жақсартады.Фото: ХҚКО

Қызылордалықтарға ХҚКО арқылы 500 мыңға жуық мемлекеттік қызмет көрсетілді 

<a href="https://kyzylorda-news.kz/">Kyzylorda-news.kz</a> Дәл қазір Қызылорда ерекше қарқынмен дамып келеді. Салынып жатқан үйлер, білім, мәдениет, спорт, денсаулық нысандары, жөнделген, кеңейген көшелер сөзімізге дәлел бола алады. Одан бөлек жылу электр орталығының құрылысы, көпқабатты үйлерге арман болған ыстық су сынды ел игілігі үшін атқарылып жатқан жұмыстар аз емес. Бүгін Қызылорда қаласының әкімі Нұржан Ахатов өңірлік коммуникациялар қызметінде өткен брифингте &nbsp;өткен жылы атқарылған игі істер мен нәтижелі жұмыстардың есебін баяндады.&nbsp;<blockquote>– Соңғы жылдары Сыр елі қол жеткізген табыстары, жасампаз істері және жарқын жетістіктерімен өңірлер арасында көш бастады. Жуырда Үкіметтің кеңейтілген отырысында Мемлекет басшысы Қасым-Жомарт Кемелұлы өңірде жүзеге асқан маңызды жобаларды ерекше атап өтіп, негізгі макроэкономикалық көрсеткіштердің өсімі мен аймақтың дамуына оң бағасын берді. Мұның барлығы әрине, ел Президентінің, Үкіметтің тұрақты қолдауының нәтижесі, аймақ басшысының ұтымды үйлестіруінің, жерлестеріміздің ауызбіршілігінің жемісі, – деп бастады сөзін қала әкімі. &nbsp;</blockquote>Қала басшысының айтуынша, дамудың даңғыл жолына түскен облысымыздың бюджеті 750 млрд теңгеден асқан. Осыдан екі жарым жыл бұрын аймақ бюджеті 364 млрд теңге болатын. Ал 2024 жылдың басында 58,2 млрд теңгемен бекіген қала бюджеті жыл соңында 112,7 млрд теңгеге жетті. Көрсеткіш 193,6 пайызды құраған.<blockquote>– Қаланың түсімдері 119 млрд 534 млн теңгеге орындалып, 106,1 пайызға ұлғайды. Оның ішінде, өз кірістеріміз 37 млрд 892 млн теңге &nbsp;немесе 124,5 пайызға артығымен орындалды.Бұл қаржылар өзекті мәселелерді шешуге, тұрғындарымыздың өмір сүру сапасын арттыруға және инфрақұрылымдық жобаларды жүзеге асыруға бағытталды, – деген қала әкімі өткен жылы аймақ басшысының тегеурінді талабы мен тың бастамаларының нәтижесінде барлық салада өсім қалыптасқанын жеткізді.&nbsp;</blockquote>Қала әкімінің сөзіне сүйенсек, аймақтың негізгі капиталына 640 млрд теңге инвестиция тартылып, өсім 21,7 пайызды құраған. Одан бөлек құрылыс жұмыстарының көлемі республикалық орта көрсеткіштен 41 пайызға жоғарылады. Өңдеу өнеркәсібі – 19,6 пайызға, ауыл шаруашылығы – 2,3 пайызға, тұрғын үй – 16,9 пайызға, көлік – 2,8 пайызға, сауда &nbsp;6,6 пайызға артты. Бұл өсімдерде облыс орталығы – Қызылорда қаласының үлесі бар екенін атап өткен жөн.&nbsp;<blockquote>– Атап айтар болсам, қаламыздың негізгі капиталына салынған инвестиция 288,5 млрд теңгені құрап, 119 пайызға артты. Құрылыс жұмыстарының көлемі 158,2 млрд теңгеге жетіп, 159,7 пайызға өсті. Ауыл шаруашылығы өнімдерінің жалпы өнім көлемі15,2 млрд теңгені құрап, өткен жылмен салыстырғанда 101,3 пайыз болды. Бөлшек сауда көлемі 443,7 млрд теңгені құрап, 105,7 пайызға көтерілді, – деді Н.Сәбитұлы.</blockquote><img src="https://knadmin.beoblood.kz/uploads/2025_01_17_09_38_30_1beaa1641b.png" alt="2025-01-17_09-38-30.png">Сыр өңірінде кәсіпкерліктің де көкжиегі кеңіп келеді. Брифингте айтылған деректерге сенсек, Президент бастамасымен қолға алынған «Ауыл аманаты» жобасы аясында 34 жобаға 277,8 млн теңге несие берілген.«Өңірлік инвестициялық орталығы» арқылы өнеркәсіп саласының 41 жобасы қолдау тауып, 502,3 млн теңгеге қол жеткізді. Екінші деңгейлі банктер арқылы 647 кәсіпкер 22,6 млрд теңге жеңілдетілген несие алып, нәтижесінде қала кәсіпкерлерінің саны 34 мыңнан, ондағы жұмыспен қамтылғандар 65 мыңнан асты. Шағын және орта кәсіпкерлікпен 300 млрд теңгеге өнім өндірілді. Биыл 15 жаңа инвестициялық жобаны іске қосу жоспарлануда. Біз бұл жобалармен қатар, биыл қаладағы «Жаңа» және «Ескі базар» аталып кеткен қос сауда орталығын жаңғыртудан өткізу де жоспарланған.<img class="image_resized" style="width:100%;" src="https://knadmin.beoblood.kz/uploads/Auyl_amanaty_zhobasy_23d0aa26ad.jpg" alt="Ауыл аманаты жобасы.jpg">Экономикамыздың өзегі ауыл шаруашылығында екені жасырын емес. Себебі жылдан-жылға мұнай қоры сарқылып, осы салаға басымдық берілуде. Өткен жылы 8 298 гектар жерге егін егілген.Дала еңбеккерлері ала жаздайғы еңбегін жауын-шашынға қалдырмай, мерзімінде толық жинай алды.Халықты жұмыспен қамту да әкімдер алдында тұрған үлкен міндеттің бірі десек, қателесе қоймаспыз. Мемлекет басшысының да арнайы тапсырмасы бар. Қызылордада бұл бағыттағы жұмыстар да өз ретімен жүруде.<blockquote>– Өткен жылы 13 458 жаңа жұмыс орны құрылды. Жаңа бизнес – идеяларды іске асыру бойынша 520 адамға мемлекеттік гранттар берілді. Жыл көлемінде 12 рет «Бос жұмыс орындары» жәрмеңкесі өткізіліп, 1 188 бос жұмыс орны ұсынылды. Елімізде 2025 жыл «Жұмысшы мамандықтар жылы» деп жарияланғаны белгілі. Бұл бастама жұмысшы мамандықтарының маңыздылығын арттыруға, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға бағытталуда, – деген қала әкімі былтыр қалада 2 574 пәтерлі 63 көпқабатты тұрғын үйдің құрылысы жүргізілгенін атап өтті.&nbsp; &nbsp;</blockquote>Брифингте қала әкімі биыл шаһарымыздың бас жоспары қайта бекітілетінін атап өтті. Қала әкімінің сөзінше, жаңа бас жоспар саяжайларды да қамтиды екен.&nbsp;<blockquote>– Басты құжатқа сүйене отырып, біз «Эдельвейс», «Еңбек», «Орбита» секілді саяжайларға да газ желісін жүргізуді жоспарлап отырмыз, – Нұржан Сәбитұлы.</blockquote>Бұдан бөлек қала әкімі Қызылөзек ауылдық округі мен Бірқазан елді мекенін «көгілдір отынмен» қамту негізгі жоспарға енгізілетінін мәлім етті.<img src="https://knadmin.beoblood.kz/uploads/gaz_shyrpy_5d333fa68c.png" alt="газ - шырпы.png">Мұнан соң шаһар басшысы қала тұрғындарын тұрақты электр энергиясымен қамту жұмыстарының жалғасып жатқанын жеткізді. «Өткен жылдың өзінде құны 4,8 млрд теңгені құрайтын 9 жобаны жүзеге асырып, электр желілерінің тозу деңгейін 62 пайызға дейін төмендеттік. Әрине, жауын-шашынды немесе дауылды күндері апатты ажыратулардың орын алатындығы жасырын емес. Дегенмен, арнайы бригадалар ақауларды көпке ұзатпай қалпына келтіруде» деген қала әкімі &nbsp;өткен жылы аймақ басшысының тікелей қолдауымен 99 көшеге жол құрылыстары салынып, қайта жаңғыртылғанын баян етті.&nbsp;<img class="image_resized" style="width:100%;" src="https://knadmin.beoblood.kz/uploads/Elektrik_d398679098.png" alt="Электрик.png">Мемлекет басшысының тапсырмасына сәйкес, Қызылорда қаласында «Жайлы мектеп» ұлттық жобасы аясында 2 мектеп пайдалануға берілді. Оның бірі Сырдарияның сол жағалауынан ашылса, екіншісі Ақмаржан ықшам (КБИ) ауданында екенін айта кетейік. Шаһар басшысы биыл дәл осындай заманауи тағы үш мектептің құрылысы аяқталып, игілікке табысталатынын жеткізді.Тағы бір айта кетерлігі, Қызылордада Мемлекет басшысының, Үкіметтің тікелей қолдауымен, облыс әкімінің ұтқыр үйлестіруімен 215 млрдтеңгеге қуаттылығы 240мегаватты құрайтын жаңа жылу электр орталығы салынып жатыр. &nbsp;Инвестор – «Акса Энерджи» түрік компаниясы. Жаңа жылу-электр станциясы – мемлекетімізде инвестор қаржысына салынып жатқан ең ауқымды, теңдессіз жобалардың бірі. Осы күні жұмыстың 70 пайызы еңсерілді. Нысан қыркүйек айында пайдалануға беріледі. Сонымен қатар Президентіміздің қолдауымен, Қызылорда қаласын ыстық сумен қамтамасыз ету жобасы сәтті жүзеге асырылуда.&nbsp;Қала әкімі баяндамасында спорт саласындағы жұмыстарға, медицинадағы соны жетістіктерге тоқталды. Сонымен қатар Қорқыт ата әуежайының жаңа терминалы және жаңа автовокзал ашылғанын, теміржол вокзалы күрделі жөндеуден өткенін тілге тиек етті. Одан бөлек қала көлеміндегі саяжайлардың жөнделетінін айтты.<blockquote>– Қазір қалалық мәдени және демалыс паркі қайта жаңғыртылуда. Кеше ғана Тұңыш Президент, Денсаулық саябақтарына да жаңғырту жұмыстарын бастадық. Бұл аумақтарда күрделі жұмыстар жүргізіліп, соңғы үлгідегі аттракциондар қойылады.Су бұрқақтары, амфитеатр, жаяу жүргіншілер мен веложол салынып, балаларға арналған ойын және спорт алаңдары ашылады. Маңызды жобаларымызда Батырхан Шөкенов атындағы саябағы мен Қорқыт ата мемориалы аллеясы бар. Осы аумақтарда биыл абаттандырылып, жаңа кейіпке енеді. Сонымен қатар Сырдария өзенінің үстінен Астана мөлтек ауданы мен Тұңғыш Президент және Денсаулық саябақтарын байланыстыратын жаяу жүргіншілер көпірін салу жоспарда бар, – деген Нұржан Ахатов биыл қаланың, оған қарасты кенттер мен ауылдық округтердің әлеуметтік-экономикалық дамуына арналған 166 жоба әзірленгенін мәлім етті. &nbsp;Сондай-ақ Қызылорданың астана болғанына 100 жыл толуына орай жоспарланған гаралардың бар екенін жеткізді.</blockquote><blockquote>– Биыл Сыр елінің бас шаһары Қызылорда қаласының Астана болғанына және «Қазақ» атауының қайтарылуына 100 жыл толып отыр. Бұл жалғыз Сыр өңірінің мерейтойы емес, бұл – тұтас ұлт, мемлекет тарихына қатысты кезең.Қызылорда астана болған тұста бұл жерде ел болашағына қатысты маңызды тарихи шешімдер қабылданып, Ахмет Байтұрсынов, Сұлтанбек Қожанов, Қоңырқожа Қожықов және өзге де тарихи тұлғалардың ұлт болашағы үшін еңбек еткенін жақсы білеміз.Қазіргі таңда мерейтойды атап өтудің тұжырымдамасы мен облыстық іс-шаралар жоспарының жобасы әзірленіп, оған 40-қа жуық ауқымды іс-шара енгізілді. Мерейтойды ұйымдастыру және өткізу жөніндегі комиссияның алдын ала талқылау отырысы өткізіліп, онда республикалық деңгейде белгілі тарихшылар мен ғалымдардың, зиялы қауым өкілдерінің қатысуымен ғылыми-танымдық конференциялар ұйымдастыру, «Алаш арыстарына» арналған музей ашу, қала орталығынан «Тұңғыш астанаға 100 жыл» аллеясын ашу секілді ұсыныстар берілді. Осы және өзге де ұсыныстар бойынша облыс әкімдігімен бірлесіп, тиісті шаралар қабылдау жоспарлануда.Мерейтой қарсаңында «Қызылорда – Алаштың жүрегінде» атты тарихи-танымдық кітап шығарылатын болады. Республикалық композиторлар конкурсы, белгілі вокалды- аспапты ансамбльдердің қатысуымен ретро-фестиваль және өзге де мәдени-танымдық, қоғамдық-саяси маңызды шараларды ұйымдастыру көзделуде, – деді қала әкімі.</blockquote><img src="https://knadmin.beoblood.kz/uploads/Gorodskoj_park_rekonstrukcziya_3c5d727a10.jpg" alt="Городской парк реконструкция.jpg">Қала әкімінің баяндамасынан соң журналистер сұрақ қойып, көңілге қонымды жауаптарын алды.Қызылорда қаласының әкімі Нұржан Ахатовтың баяндамасынан атқарылған істің аз еместігі, ал атқарылатын істің одан да көп екенін аңғардық. Бұдан облыс пен қала басшылығының бар күш-қуатын, ерік-жігерін Сыр бойының жүрегін, облыстың бас қаласын гүлдендіруге жұмсап жатқанын көруге болады. &nbsp;Әзиз ЖҰМАДІЛДӘҰЛЫ&nbsp;

Қызылордада нәтижелі жұмыс аз емес

<a href="https://kyzylorda-news.kz/">Kyzylorda-news.kz</a> Қытайдың Харбин қаласында өтіп жатқан 2025 жылғы қысқы Азия ойындарында Қазақстан құрамасы фристайл-акробатикадан алтын жүлде жеңіп алды. Бұл туралы <a href="https://stan.kz/aziya-oyindari-2025-kazakstan-kyramasi-ekinshi-altindi-413640/">Stan.kz</a> ақпарат агенттігі хабарлайды.Синхронды секіру бағдарламасында Қазақстан құрамасы сапынан Роман Иванов пен Шерзод Хаширбаев өнер көрсетті. Спортшыларымыз Қытай құрамасын қапыда қалдырып, чемпион атанды.Айта кетейік, қытайлық спортшылар қатарында олимпиада чемпионы Ци Гуанпу жарысқа қатысқан еді.Осылайша отандастарымыз тарихи жүлдені қоржынға салды. Себебі, Азия ойындарында Қазақстан фристайл-акробатикадан алтын жүлдені алғаш рет ұтты.Бұл фристайлшылардың қысқы Азия ойындарындағы төртінші жүлдесі.Фото: olympic.kz

Азия ойындары-2025: Қазақстан құрамасы екінші алтынды жеңіп алды

<a href="https://kyzylorda-news.kz/">Kyzylorda-news.kz</a> Цифрландыру – жай ғана тренд емес, мемлекеттік қызметтерді мүлде жаңа деңгейге көтеретін қуатты құрал. Ол қағазбастылықтан арылтып, халыққа қызмет көрсетуді жеңілдетіп, жылдам әрі ыңғайлы етуге бағытталған. Сандық әскери билет, балабақшаға онлайн тіркелу немесе жол-көлік оқиғаларын реттеудегі “Еуропалық хаттама” сияқты жаңашылдықтар – цифрлық трансформацияның нақты нәтижелері. Бүгінде бұл өзгерістер азаматтардың уақыты мен күшін үнемдеп қана қоймай, мемлекеттік аппараттың тиімділігін арттыруда.Бұрын құжат рәсімдеу үшін ұзын-сонар кезекте тұру қалыпты жағдай болса, қазір eGov порталы арқылы небәрі бірнеше минут ішінде қызмет алуға болады. Смартфон арқылы анықтама алу, биометриялық сәйкестендіру, QR-қолтаңба сияқты технологиялар процестерді оңтайландырып, қауіпсіздікті күшейтуде. Бұл әсіресе ірі қалаларда өз тиімділігін көрсетіп отыр.Алайда, цифрландыру тек мегаполистердің артықшылығы болып қалмауы тиіс. Ауыл-аймақтарда да интернет инфрақұрылымын дамыту, цифрлық сауаттылықты арттыру – маңызды қадам. Себебі цифрлық мемлекет – баршаға тең мүмкіндіктер беретін мемлекет. Цифрландырудың басты мақсаты – азаматтардың өмірін жеңілдетіп, кез келген қызметке жылдам әрі ыңғайлы қол жеткізуін қамтамасыз ету. Ендеше, осы өзгерістердің игілігін барша қазақстандықтар көруі үшін жаңа мүмкіндіктерді белсенді түрде пайдаланайық!Нұрлан ҚұлмырзаевҚорқыт ата атындағы Қызылорда университетінің&nbsp;Жасанды интеллект институтының директоры

Цифрландыру – мемлекеттік қызметтерді жаңа деңгейге көтеретін қуатты құрал

<a href="https://kyzylorda-news.kz/">Kyzylorda-news.kz</a> Мемлекет басшысы Атырау қаласында өткен Ұлттық құрылтайда «Тіліміздің қолдану аясын кеңейте түсу – мемлекеттік саясаттың басты бағыты болып қала береді. Бұл – біз үшін мызғымас ұстаным», - деген болатын. Расында, ұлттық саясатты жүргізуде мемлекеттік тіл саясаты жұмыстарының алатын орны ерекше. Бүгін партияның облыстық филиалы жанындағы «Мiras» аймақтық кеңесінің отырысында мемлекеттік тілді меңгерген халықтың үлесін арттыру және бизнес субъектілеріндегі мемлекеттік тілдің қолданылу жағдайы кеңінен талқыланды.Жалпы Сыр өңірінде халықтың 96 пайызын қазақ ұлты құрайды. Қазақ тілін меңгерген азаматтарымыздың үлесі 99,8 пайыз. Жиында сөз алған партияның облыстық филиалының төрағасы Алмасбек Есмаханов &nbsp;ұлтты ұйыстырушы рөлінде, қазақ тілін біртіндеп дамытып, оның практикалық маңызы мен қолданыс аясын кеңейту «AMANAT» партиясының да басты мақсаттарының бірі екендігін және сайлауалды бағдарламада қазақ тілін насихаттай отырып, заманауи фильмдер мен мультфильмдер дубляжын қазақ тіліне аудару, танымал қосымша мессенджерлер мен әлеуметтік желі интерфейстерін қазақ тіліне аудару, сонымен бірге жасанды интеллектіні қазақ тілінде сөйлету жұмыстары партияның сайлауалды бағдарламасына енгізілгендігін атап өтті.Мемлекеттік тілдің мәртебесін арттыру, қолданыс аясын кеңейтуде ең маңызды қозғаушы күштің бірі - көрнекі ақпарат пен жарнама. Бұл мәселе Сыр өңірінде де өзекті болып отыр. Жиында Кеңес төрағасы Баймырза Қожамберлиев бизнес субъектілеріндегі көрнекі ақпараттарға жасалаған мониторинг қорытындысына тоқталды.<blockquote>«Біздің кеңес мүшелері жауапты сала өкілдерімен облыс орталығындағы Тоқмағамбетов көшесінде орналасқан бизнес субьектілеріндегі мемлекеттік тіліміздің жағдайына мониторинг жүргізді. Алайда нәтиже көңіл қуантпады. Халының 99,8 пайызы қазақ тілін меңгерген біздің аймақ үшін, мейрамханалардағы мәзірлер, көрсетілетін қызметтерді былай қойғанда, облыс орталығындағы бір көшедегі көрнекі ақпараттардың толыққанды қазақ тілінде болмағандығы бұл ойландыратын мәселе»,- деді кеңес төрағасы.</blockquote>Жиында облыстық қоғамдық даму басқармасы басшысының міндетін атқарушы Уалихан Ибраев хабарлама жасап, осы бағытта атқарылып жатқан жұмыстарды жеткізді. Оның айтуынша аталған мәселені шешуде басқарма және қала, аудан әкімдіктері тарапынан кәсіпкерлер арасында ақпараттық-насихаттық түсіндірме жұмыстары кеңінен жүргізіліп, екінші жыл қатарынан «Көрнекі» жобасы іске асырылуда. &nbsp;Тоқсан сайын облыстық Кәсіпкерлер палатасы жанындағы Сауда, қызмет көрсету және туризм кеңесі отырыстарында облыс кәсіпкерлеріне көрнекі ақпараттарда, ас мәзірлерінде және бақылау касса машиналарының тілінде «Тіл туралы» Заң талаптарын сақтау қажеттігі түсінідіріліп, жарнама мәтіндерін мемлекеттік тілде сауатты жазу, мемлекеттік тілді оқыту курстарын ұйымдастыру бойынша ұсыныстар да берілген. Сонымен бірге, мемлекеттік тілді дамыту бағытында жұмыс жасайтын сайттарды &nbsp;кеңінен пайдаланып, насихат жұмыстары жүргізілуде.Атап өту керек, 13 қаңтарда «Қазақстан Республикасындағы тіл туралы» және «Рұқсаттар мен хабарламалар туралы» ҚР заңдарына тілдерді дамыту саласындағы құзыреттіліктерді кеңейту бойынша бірқатар толықтырулар енгізілді. &nbsp;Ендігі жерде, облыстық маңызы бар қала мен аудан әкімдері маңдайшаны облыстық және аудандық маңызы бар қалада, ауылда, кентте орналастыру туралы хабарламаларды қабылдауды және қарауды жүзеге асыратын болады, яғни келісім беретін болады.Жиында &nbsp;жұмысты жетілдіру бағытында ұсыныс – пікірлер ортаға салынып, Кеңестің жылдық жоспары бекітілді.Фото: «AMANAT» партиясы облыстық филиалы

«Мiras» аймақтық кеңесінің отырысы өтті

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің орынбасары Самат Қыдырбекұлының төрағалығымен аудан әкімдігі жанындағы терроризмге қарсы комиссия аппаратының жанындағы жұмыс тобы отырысы өтті.Күн тәртібінде «Экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарын Қызылорда облысында жүзеге асырудың ісшаралар жоспарының» орындалуы бойынша аудандық қоғамдық даму бөлімінің басшысы Н. Сайымовтың баяндамасы тыңдалды.Отырыс қорытындысы бойынша жауапты мекемелерге нақты тапсырмалар беріліп, жоспарланған іс-шараларды тиімді іске асыру бойынша ұсыныстар айтылды.Аудан әкімінің орынбасары экстремизм мен терроризмнің алдын алу жұмыстарын күшейту қажеттігін атап өтіп, жоспардың сапалы орындалуын қамтамасыз ету маңызды екенін жеткізді. Сонымен қатар, жұмыс тобы өз қызметін одан әрі жалғастырып, аудандағы қауіпсіздік шараларын күшейту мақсатында тұрғындар арасында түсіндіру жұмыстарын жандандыруды тапсырды.Фото: Қармақшы ауданының әкімдігі

Экстремизм мен терроризмнің алдын алу жұмыстары күшейтіледі

<a href="https://kyzylorda-news.kz/">Kyzylorda-news.kz</a> «Тез және кепілді кіріс» – бұл қаржы пирамидаларын ұйымдастырушылардың азаматтарды өздерінің күмәнді жобаларына инвестициялауға шақыру кезінде айтатын уәделерінің бірі. Олардың күн сайын қандай жаңа схемалар ойлап табатындары және өздерінің алаяқтық қызметін қалайша бүркемелейтіні жөнінде <a href="https://www.fingramota.kz/kk/post/arzhy-piramidalaryny-zamanaui-shemalary-franshizalar-messendzherler-zhne-mlsherlemeler">Fingramota.kz</a> айтып береді.&nbsp;Белгілі есімдер &nbsp;– бұл кірістілік кепілі емес!&nbsp;Заманауи алақтар өзгелердің жетістіктері мен белгілі тұлғалардың есімдерін пайдалануды жақсы көреді. Әлеуметтік желілерде жұмыс істеп тұрған аты белгілі компаниялардың «табысты» инвестициялық жобаларының жарнамаларын жиі көруге болады. Бұл ірі банк, мұнай өндіруші ұйым немесе инвестициялық қор болуы мүмкін.Қаскүнемдер ірі ойыншылардың логотиптері мен есептіліктерін қолдана отырып, жалған сайттар құрады және жоғары әрі тұрақты кірістілік әкелетін цифрлық активтерге, криптожобаларға немесе стартаптарға инвестициялауға шақырады.Шын мәнінде, мұндай ұйымдарға ақша аудару арқылы сіз қаражатыңыздан айырылып қана қоймай, алаяқтардың қолына өзіңіздің жеке ақпаратыңыздың түсуі қаупін тудырасыз. Небір әккі схемаларда алғашқы уақытта біраз «табыс» та түсуі мүмкін, бұл алаяқтардың өз құрбанының сеніміне кіріп, оған көп инвестиция салдыруға мүмкіндік береді. Жеке кабинетте бұл ретте кірістіліктің кез келген сомаларын көрсетулері мүмкін, алайда проблемалар «пайдаға түскен» қаражатты шығару кезінде басталады. Мысалы, ақшаңызды шығарғыңыз келген кезде сізге комиссия немесе салық төлеу қажеттілігі жөнінде айтулары мүмкін, сонда ғана түскен пайданы алуға болады-мыс. Және мұндай төлемдерді алаяқтың торына түскен адам төлемге қабілетінен айырылғанға дейін талап ететін болады.Қаржы пирамидаларының классикасы – сізге жаңа пайдаланушыларды немесе алаяқтардың өздері «серіктестер» деп атауды ұнататындар адамдарды тартқаныңыз үшін қосымша табыс ұсынылады. Сіз неғұрлым көп тартсаңыз, соғұрлым табысыңыз да геометриялық прогрессия секілді көп өседі.Бейтаныс адамдармен сөйлесуге тыйым салынады!Қазіргі алаяқтар өздерінің арам ойларына мессенджерлер мен әлеуметтік желілерді қосқанды ұнатады. Көбіне олар адамдарды түсініксіз салаларға инвестициялауға және қосымша қатысушыларды тартуға негізделген түрлі табыс түрлерін ұсынатын чатқа қосады.Өз жобаларының сәтті екендігінің дәлелі ретінде қаскүнемдер осындай чаттарда табысты болуының тарихын, табыс тапқан қатысушылардың әңгімелері жазылған бейнежазбаларды, сондай-ақ қосымша ықпал ету әдісі ретінде түрлі әлеуметтік және қайырымдылық жобаларға көмектескендері туралы ақпарат жариялағанды ұнатады.Инвестициялау бағыттары әр түрлі болуы мүмкін – тауарларды интернетте сатып алудан бастап самокаттарды жалға беру франшизаларына дейін. Алайда, уәде етілген пайданың әлі де алынбайтынын түсіну керек. Сонымен қатар, мұндай чаттарда алаяқтар дропперлік схемаларды да қолданады.Мәселен, сізге «200 мың теңге таптыңыз» дейді. Ол үшін сіздің картаңызға 500 мың көлемінде аударым жасайды, ал сіз қалған ақшаны банкомат арқылы алып, оның менеджеріне немесе «кураторына» беруіңіз немесе аударуыңыз қажет. Сіз алған ақша да алаяқтық жолмен алынған ақша болуы мүмкін және сіз оны «жылыстатуға» ықпал еттіңіз. Заң тілінде бұл «заңсыз баю» деп аталады. Нәтижесінде ақшасы алынған жәбірленуші сізді сотқа бере алады. Егер сіз мұндай операцияларды үнемі және саналы түрде жасағаныңыз дәлелденсе, онда іс қылмыстық жауапкершілікке дейін жетуі мүмкін.Сөз соңында, алаяқтар мұндай чаттарда сіздің құрылғыларыңызға қашықтан кіру үшін түрлі зиянды сілтемелер мен бағдарламалық қамтамасыз етуді таратып отыруды өте жақсы көреді.Кез келген инвестициялық жобалар компанияда инвестордың, реттеушінің лицензиясының бар болуын, сондай-ақ компания мен жеке инвестор арасында шарт жасауды болжайтынын есте ұстаңыз.Мырзалар, бәс тігіңіздер!Заманауи қаржы пирамидалары белсенді түрде клиенттерді ұтыссыз-мыс бәс тігуге шақыра отырып, букмекерлік кеңселердің атын жамылуы мүмкін. Егер ресми букмекердің өз қызметіне үнемі лицензиясы болса және &nbsp;бәс тіккенде кассалық немесе электрондық чек және бәсті растау туралы купон берсе, онда алаяқ ұйымдардың ресми лицензиясы жоқ, көбіне олар мессенджерлер арқылы «жалған» чектер жібереді.Қаржы пирамидаларының ұйымдастырушылары өздерінің қатысушыларына спорттық оқиғалар нәтижелерінің қаншалықты екендігі емес нәтижелеріне қарамастан, сіз бәс тігетін нақты қанша адам әкелетіндігіңізге қарай жоғары кіріс алуыңызды ұсына отырып, түрлі «әріптестік бағдарламаларды» да қолданады. Мысалы, &nbsp;белгілі бір сома енгізуіңіз қажет және де олар үшін белгілі бір дивиденттер алатын кемінде белсенді екі клиент тартуыңыз қажет. Нәтижесінде пирамида жаңа «инвесторлардың» ақшасы есебінен белсенді түрде дамитын болады.Алғашқы кезеңдерінде төлемдер жасалуы әбден мүмкін. Әдетте аз көлемде. Алайда сіздің «ұтыс» қалай ірі сома болысымен, сізді жай ғана бұғаттай салады.Сонымен, толығымен қарулану үшін Fingramota.kz сіз үшін қаржылық пирамиданы анықтауға болатын белгілердің чек-парағын дайындады:Алып келген клиенттер үшін берілетін сыйақы<ul><li style="text-align:justify;">Нарық деңгейінен бірнеше есе жоғары кірістілікке кепілдік беру</li><li style="text-align:justify;">Қажетті лицензиялардың болмауы</li><li style="text-align:justify;">Ресімдеуге, оқытуға, акцияларға және т.б. кіру жарнасының болуы;</li><li style="text-align:justify;">Меншікті негізгі қаражаттың, басқа да қымбат активтердің болмауы</li><li style="text-align:justify;">Агрессивті жарнама науқаны</li><li style="text-align:justify;">Ұйым қызметінің нақты анықтамасының болмауы</li><li style="text-align:justify;">Төлемдер тек қолма-қол ақшамен немесе электрондық әмияндарды толтыру арқылы қабылданады</li><li style="text-align:justify;">Консультациялар тек жеке кездесу кезінде немесе мессенджерлердегі бейнеқоңыраулар арқылы беріледі</li></ul>«Шартқа» қол қоятын уақытта ойланбай әрекет етуге шақырады. Ақшаңызды беруден бұрын сіздің ақшаны кімге және қандай мақсаттарға беріп жатқаныңыз жайлы ойланыңыз. Өз қаражатыңызды сеніп тапсырғалы отырған ұйымда жоғарыда атап көрсетілген белгілердің бірін немесе бірнешеуін анықтайтын болсаңыз, өзіңізді кезекті қаржылық пирамидаға тартып жатпағаны туралы ойлану қажет.<img src="https://knadmin.beoblood.kz/uploads/Fingramota_piramida_8f6277315f.png" alt="Fingramota пирамида.png">Фото: fingramota.kz

Архив