Kyzylorda-news.kz Қытайдың Харбин қаласында өтіп жатқан 2025 жылғы қысқы Азия ойындарында Қазақстан құрамасы фристайл-акробатикадан алтын жүлде жеңіп алды. Бұл туралы Stan.kz ақпарат агенттігі хабарлайды.
Синхронды секіру бағдарламасында Қазақстан құрамасы сапынан Роман Иванов пен Шерзод Хаширбаев өнер көрсетті. Спортшыларымыз Қытай құрамасын қапыда қалдырып, чемпион атанды.
Айта кетейік, қытайлық спортшылар қатарында олимпиада чемпионы Ци Гуанпу жарысқа қатысқан еді.
Осылайша отандастарымыз тарихи жүлдені қоржынға салды. Себебі, Азия ойындарында Қазақстан фристайл-акробатикадан алтын жүлдені алғаш рет ұтты.
Бұл фристайлшылардың қысқы Азия ойындарындағы төртінші жүлдесі.
Фото: olympic.kz