<a href="https://kyzylorda-news.kz/">Kyzylorda-news.kz</a>&nbsp; 30 шілде – Бүкіләлемдік адам саудасына қарсы күрес күні. Бұл күн әлемнің көптеген елдерінде адам саудасының алдын алу, оған қарсы күресті күшейту және азаматтардың құқықтық сауаттылығын арттыру мақсатында түрлі ақпараттық-насихаттық шаралармен атап өтіледі. Осыған орай Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Азамат Мыңбаев пен облыстық Полиция департаментінің өкілі, полиция подполковнигі Әділхан Шопанов өңірде адам саудасының алдын алу, құрбандарды анықтау және оларға кешенді әлеуметтік, құқықтық көмек көрсету бағытында атқарылып жатқан нақты жұмыстар мен құқық қорғау шаралары туралы мәлімдеді.<blockquote>– Адам саудасына қарсы күрес – біздің басты басымдықтардың бірі.&nbsp;Биыл облыста бұл бағытта жүйелі әрі нәтижелі жұмыстар жүргізілуде. ҚР ІІМ нұсқауына сәйкес екі рет «Стоп-трафик» жедел-профилактикалық іс-шаралары ұйымдастырылып, қала мен аудандардағы құрылыс нысандары, қонақ үйлер, сауналар сияқты орындарда тұрақты тексерулер жүргізілуде. Сонымен қатар, тұрғындарға бағытталған ақпараттық-түсіндіру жұмыстары белсенді жүргізілуде. Адам саудасының құрбандарына қолдау көрсету бағытында нақты шаралар қабылданып, оларға баспанамен, тамақпен және медициналық көмек көрсетілуде. Үкіметтік емес ұйымдармен және жергілікті билікпен бірлесе отырып, мобильді топтар құрылып, ауылдық жерлерде де түсіндіру жұмыстары белсенді жүргізілуде. Біз алдағы уақытта да адам саудасына қарсы күресті одан әрі күшейтіп, қоғамымыздың қауіпсіздігі мен амандығын қамтамасыз етуге бар күшімізді саламыз. Қызылорда облысының Полиция департаменті бұл маңызды іске үлкен жауапкершілікпен қарап, халықпен ашық әрі тиімді ынтымақтастық орнатуда,-деді Адилхан Қалдыбекұлы.</blockquote>Адам саудасы&nbsp;– қазіргі қоғамдағы маңызды әрі өзекті мәселе.&nbsp;<blockquote>– Бұл қылмыспен күресу үшін кешенді және үйлесімді шаралар қажет. Қызылорда облысында адам саудасының құрбандарына жан-жақты қолдау көрсететін арнайы орталықтар жұмыс істейді. Оларда әлеуметтік, медициналық, құқықтық, психологиялық, еңбек, мәдени, педагогикалық және экономикалық көмектер көрсетіледі. Өткен жылы 12 адамға, оның ішінде 3 балаға, ал биылғы есептік кезеңде 22 адамға, оның ішінде 9 балаға қызмет көрсетілді. Қазіргі таңда 8 адам, оның ішінде 3 бала, көмекті жалғастыруда. Облыста «116 16» және «150» жедел желілері тұрақты түрде жұмыс істейді, ол арқылы тұрғындар құқықтық және психологиялық кеңес ала алады. Сонымен бірге, мобильді топтар профилактикалық іс-шаралар мен ақпараттық жұмыстарды жүргізуде. Жыл басынан бері құқық қорғау органдары адам саудасының алдын алу бағытында бірнеше іс-шара өткізді. Құрбандарға қажетті көмек көрсетіліп, олардың құқықтары қорғалуда. Алдағы уақытта да адам саудасына қарсы күрес жалғасын тауып, халық арасында ақпараттық-түсіндіру жұмыстары күшейтіледі, –деді Азамат Амантайұлы.</blockquote>

Адам саудасымен күрес – ортақ міндет

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының бастамасымен «Таза Қазақстан» республикалық экологиялық жобасы аясында Қызылорда облысының Арал ауданында санитарлық тазалықты сақтау, абаттандыру және тұрғындардың өмір сүруіне қолайлы жағдай жасау бағытында ауқымды жұмыстар атқарылуда.Соңғы жылдары аудан аумағында қолға алынып жатқан ауқымды жобалармен қатар құрылыс жұмыстары да қарқынды жүруде. Олардың дені бүгінде халық игілігіне пайдалануға берілді. Сонымен қатар, бюджет қаражаты есебінен Арал қаласындағы көпқабатты тұрғын үй, кіре беріс қақпа күрделі жөндеуден өтіп, жаңаша кейіпке енді.Соңғы үш жылда 104,0 млн. теңгеге қаладағы көппәтерлі 6 тұрғын үйге күрделі жөндеу жұмыстары жүргізілген. Соның ішінде тұрғындарға қолайлы орта қалыптастыру мақсатында 16 пәтерлі тұрғын үйді жөндеу жұмыстары биыл аяқталып, пайдалануға берілді.Сонымен қатар, қаланың кіре беріс қақпасын қайта жаңғыртуға15 млн. 700 мың теңге қаралып, ескі қақпаның сыртқы бөлігі қайта жаңартылды. Жарық шамдары қайта орнатылып, қазақы оюмен әрленді.Ауданға қарасты елді мекендер ішінде санитарлық тазалық пен абаттандыруға мән беріп, тұрғындар үшін жайлы өлкеге айналған үлгілі елді мекендер қатарында Аманөткел ауылы алғашқылардың бірі болып аталады. 2024 жылы аймақта өткен «Үлгілі елді мекен» конкурсында «Үлгілі ауыл» номинациясы бойынша &nbsp;III орын иеленді.Ауыл халқының негізгі кәсібі балық және мал шаруашылығы болып табылады. Қазіргі таңда, заманауи тенологиямен тамшылатып суару арқылы егін шаруашылығы қарқынды дамуда.Тоғыз жолдың торабында орналасқан елді мекеннің 5 көшесіне асфальт жолдары төселген және 7 көшесіне түнгі жарық шамдары орнатылған. Әлеуметтік-экономикалық дамуы, өсу қарқыны, географиялық орналасу жағдайына орай келешегі де бар.Елді мекендегі 7 мыңға жуық қаратал, терек және жеміс-жидек ағаштары бар саябақ бүгінде ауыл тұрғындарының демалыс орнына айналған. Орталығындағы «Тағзым» алаңы мен «Нұртуған» кесенесі аумағына отырғызылған 300-ден астам терек, қаратал ағаштары күтіп бапталуда.Биылғы жылы елді мекендегі әлеуметтік нысандардың аумақтары толық абаттандырылып, барлығы 1000-ға жуық ағаш көшеттері егілді.2025 жылы Арал ауданындағы республикалық, облыстық және аудандық маңызы бар автомобиль жолдары бойында жасыл белдеулер құру жөніндегі іс-шаралар жоспары бекітілген.Осыған сәйкес, Аманөткел елді мекеніне кіре беріс автомобиль жолының бойында аумағы 0,5 гектарды құрайтын жасыл белдеу құру жоспарлануда.Онда 200 түп терек және қара тал ағаштары отырғызылды. Жоба 2025-2026 жылдың көктем және күз айларында демеушілік есебінен жалғасын табатын болады.Қазіргі таңда қаладағы тарихы және архитектуралық сәулеті жөнінен ескі ғимарат саналатын Арал теңізі станциясының вокзал ғимараты күн тәртібінде тұр. Ғимарат мемлекет меншігіндегі тарихи-мәдени нысан саналғандықтан оның құрылыс жұмыстарын жүргізу алдағы уақытта нақтыланатын болады.<img src="https://knadmin.beoblood.kz/uploads/1_Aralda_Taza_aza_stan_ekologiyaly_zhobasy_17b601e54e.jpg" alt="1 Аралда «Таза Қазақстан» экологиялық жобасы.jpg"><img src="https://knadmin.beoblood.kz/uploads/1_Aral_02dae09980.jpg" alt="1 Арал.jpg"><img src="https://knadmin.beoblood.kz/uploads/Aral_bfe1f78028.jpg" alt="Арал.jpg">

Аралда «Таза Қазақстан» экологиялық жобасы аясында қарқынды жұмыстар жүргізілуде

<a href="https://kyzylorda-news.kz/">Kyzylorda-news.kz</a> «Қазақстан Республикасы Конституциясының отыз жылдығына байланысты рақымшылық жасау туралы» Заң аясында Қызылорда облысы бойынша Қылмыстық-атқару жүйесі департаментінің &nbsp;№60 мекемесінен алғаш рет &nbsp;рақымшылықпен бір сотталған бостандыққа шықты.55 жастағы ер адам ұрлық жасағаны үшін сотталған. Жаза мерзімінің аяқталуына небәрі бес ай қалған еді. Бостандыққа шыққан азамат өз қателігін мойындап, жаңа өмірге қадам басуға дайын екенін айтты:<blockquote>– Қателігімді түсіндім. Жер ортасына келген жаста қылмыс жасап, сотты болғаныма өкінемін. Енді отбасымның жанына барып, балаларыма тәрбие беріп, жіберген қателігімнің орнын толтырғым келеді. Қаншама уақытым зая кетті. Рақымшылықпен босап жатқаныма қуаныштымын, – деді ол.</blockquote>Айта кету керек, бұған дейін де рақымшылықпен ҚАЖ департаментінің №37 мекемесінен 3 сотталған және пробация қызметінен 15 сотталған азамат бостандыққа шыққан болатын.

Қызылордада рақымшылықпен тағы бір сотталған бостандыққа шықты

<a href="https://kyzylorda-news.kz/">Kyzylorda-news.kz</a>&nbsp; Жаңақорған ауданында тұрғындарды көгілдір отынмен қамту бағытында нақты жұмыстар жүргізілуде. Қазіргі таңда газбен қамтылған елді мекендер саны артып, жаңа ауылдарға газ жеткізу үшін құрылыс жұмыстары басталып кеткен. Бұл – өңір халқының тұрмыс сапасын арттырып, әлеуметтік инфрақұрылымды нығайтуға бағытталған маңызды қадам. Бұл туралы бүгін Өңірлік коммуникациялар қызметінің ақпарат алаңында Жаңақорған ауданының әкімі Мәжит Самитов мәлімдеді.<blockquote>– Қазіргі таңда 8 елді мекен газдандырылып, аудан халқының 52 пайызы көгілдір отынмен қамтылып отыр. Биыл тағы 7 елді мекен - Сунақата, Еңбек, Екпінді, Қожамберді, Ақжол, Ақсуат және Өзгент ауылдарын газбен қамту жұмыстары басталды. Аталған жобалар аяқталғаннан кейін бұл көрсеткіш 65 пайызға дейін өседі. Ал елді мекендер бойынша қамту деңгейі 23 пайыздан 43 пайызға жетеді. Сондай-ақ, Сырдария өзенінің батыс жағалауында орналасқан Қожакент, Жаңарық, Қыркеңсе, Байкенже, Билібай, Ақжол, Ақсуат және Өзгент ауылдарын газдандыру мақсатында қажетті құжаттамалар әзірленіп, құрылыс жұмыстары келесі жылы басталады. Бұдан бөлек, Бесарық ауылына автоматты газ тарату станциясын орнату және Түгіскен елді мекеніне дейін жоғары қысымды газ құбыры мен ауылішілік желілерді тарту бойынша жоба әзірленуде. Бұл жоба жүзеге асқанда, 13 елді мекен – Түгіскен, Келінтөбе, Қаратөбе, Қандөз, Қалғансыр, Қашқанкөл, Көктөбе, Бесарық, Кеңес, Бесарық бекеті, Манап, Талап бекеті және Аққұм ауылдарына көгілдір отын жеткізіледі. Газдандыру – тұрғындар үшін ең өзекті әрі маңызды мәселелердің бірі. Біз бұл бағыттағы жұмыстарды кезең-кезеңімен әрі жүйелі түрде жалғастырамыз, &nbsp;– деді Мәжит Самитұлы.</blockquote>Жаңақорған ауданында жол сапасын арттыру, ауылішілік инфрақұрылымды жаңғырту және тұрғындарға ыңғайлы жағдай жасау мақсатында ауқымды жұмыстар атқарылуда. Елді мекендердің көлік қатынасы мен қауіпсіздігін қамтамасыз етуге бағытталған жобалар кезең-кезеңімен жүзеге асырылып келеді.&nbsp;<blockquote>– Аудан халқының өмір сүру сапасын арттырудың маңызды бағыттарының бірі – жол инфрақұрылымын дамыту. Биыл облыстық маңыздағы «Байкенже-Қарғалы-Шиелі» жолының бір бөлігін қайта жаңғырту жұмыстары басталды. Сонымен қатар аудандық маңыздағы жолдардың жағдайы жақсарып келеді. Қазіргі таңда бұл көрсеткіш 96 пайыздан асты. Атап айтқанда, «Самара-Шымкент-Екпінді» және «Әбдіғаппар-Төлек ата-Хорасан ата» бағытындағы екі жолда орташа жөндеу жұмыстары жүргізілуде. Бұл жұмыстар толық аяқталған соң аудандық маңыздағы жолдардың қанағаттанарлық деңгейі 98 пайызға жетеді. Ауылішілік көшелерге келсек, қазіргі таңда 15 елді мекенде 35 көшеде жөндеу жұмыстары жүргізіліп жатыр. Бұл жалпы ұзындығы 50 шақырымнан асатын жолдарды қамтиды. Жыл соңына дейін аяқталған соң, көше жолдарының жағдайы да едәуір жақсарып, қанағаттанарлық деңгейі 66 пайызға дейін жетеді деп күтілуде. Жаяу жүргіншілер мен тұрғындардың қауіпсіздігін қамтамасыз ету үшін бірқатар қосымша шаралар қабылданған. 7 елді мекенде 8 көшеге тротуарлар салынуда. Сонымен қатар, 10 елді мекеннің 27 көшесіне көше шамдары орнатылып, жарықтандыру жүйелері жаңартылып жатыр. Бұл жұмыстардың барлығы – аудан тұрғындары үшін қолайлы әрі қауіпсіз орта қалыптастыруға бағытталған нақты қадамдар. Алдағы уақытта да бұл бағыттағы жұмыстар жалғасып, ауданның инфрақұрылымы жүйелі түрде жаңғыртыла беретін болады, – деді Мәжит Самитұлы.</blockquote>Жаңақорған ауданында ауыл шаруашылығы саласы тұрақты дамып келеді. Биылғы жылы егіс көлемі ұлғайып, су үнемдеу технологиялары енгізіліп, агротехникалық шаралар уақытылы атқарылуда. Шаруашылық құрылымдары өз әлеуетін тиімді пайдаланып, жаңа техникалармен жарақтануда.&nbsp;<blockquote>– Биыл ауданда 35 мың гектардан астам жерге ауыл шаруашылығы дақылдары орналастырылды. Оның ішінде күріш - негізгі дақыл ретінде 7 300 гектарды құрап отыр. Бұдан бөлек, күздік және жаздық бидай, тары, жүгері, майлы дақылдар, картоп, көкөніс, бақша өнімдері мен жоңышқа сынды дақылдар кең көлемде егілді. Жалпы ауданда 781 шаруашылық тіркелсе, соның 460-ы егін шаруашылығымен, 234-і күріш дақылын өсірумен айналысады. Су тапшылығын болдырмау мақсатында көктемгі егіс науқанына дейін 43 шақырымды құрайтын 17 канал тазаланып, су айналымы бойынша кезектілік кестесі әзірленіп, бекітілді. Қазіргі таңда су жетіспейтін танаптарға насос орнатылып, қашыртқы суларды қайта пайдалану жұмыстары жүргізіліп жатыр. Сонымен қатар, суды үнемдеу және тиімді пайдалану мақсатында аудан бойынша 100 гектарға жуық жерге тамшылатып суару технологиясы енгізілді. Мәселен, Сунақата ауылдық округіндегі «Әмір» шаруа қожалығы 14 гектар жерге осы технологиямен бақша өнімдерін екті. 2025 жылдың егісіне қажетті минералды тыңайтқыштар мен гербицидтер алынған. Егілген дақылдар толық агротехникалық шаралармен қамтылып, уақтылы күтім жасалуда. Тау бөктеріндегі шаруашылықтар жер асты суларын тиімді пайдалана отырып, бақша өнімдерінің көлемін арттырды. Әсіресе қарбыз дақылының көлемі 1 500 гектарға жуықтады. Жиналған өнімдер Ресейге және еліміздің солтүстік өңірлеріне жөнелтілуде. Ауыл шаруашылығы - біздің аудан экономикасының басты тірегі. Бұл салада еңбек өнімділігін арттыру үшін жаңа технологиялар мен заманауи техникалар қажет. Биыл шаруашылық құрылымдары өз қаражаттары мен лизинг есебінен 15 ауыл шаруашылығы техникасын сатып алды. Сонымен қатар, биылғы жылы 4 000 гектар күріш алқабы лазерлік тегістеуден өткізілді. Бұл – өнім сапасын арттыру мен суды тиімді пайдаланудың нақты көрінісі, – деді Мәжит Самитұлы.</blockquote>

Жаңақорған: Газдандыру жұмыстары қарқын алуда

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатов ҚР Білім беру ісінің үздігі Мәдина Әліпбаеваны қабылдап, ардагер ұстазды 80 жас мерейтойымен құттықтады.Басқосуда білім саласының дамуына қосқан елеулі үлесі үшін Мәдина Нұрасылқызына Қызылорда қаласының ең жоғарғы марапаты – "Құрмет грамотасы" табысталды.Мағжан ақын айтқандай, «Алты Алаштың баласы бас қосқан жерде төр – ұстаздыкі» десек, ұлы мамандық иелеріне құрмет көрсету ерте заманнан қалыптасқан қастерлі қағида. Бұл ретте, ардагер-ұстаз Мәдина Нұрасылқызының өнегелі өмірі, жарқын еңбек жолы көпке үлгі.<blockquote>– Ұстаз еңбегі – өлшеусіз еңбек. Сондықтан ұстаздың қоғамда қашан да орны ерекше, абыройы биік. Өңірімізде де ардагер ұстаздарымызды ұлықтау, олардың еңбек жолын жастарға үлгі ету қашаннан қалыптасқан үрдіс. Соның бірі – парасатты педагог Мәдина Нұрасылқызы бүгін құрмет төрінде.</blockquote>Мерейтой иесі еңбек жолын қаладағы №6 балалар бақшасында тәрбиешіліктен бастап, №212 орта мектебінде мұғалім, 1972-1976 жылдары Қазақстан ЛКСМ Қызылорда қалалық комитетінің хатшысы болды. Мұнан кейінгі жылдарда №140 орта мектебі директорының орынбасары, Ғ. Мұратбаев атындағы №171 орта мектебінің директоры қызметтерін абыроймен атқарды. Өзінің ұзақ жылғы ұстаздық жолында мыңдаған шәкірт тәрбиелеп, олар еліміздің дамуына атсалысып жатқан айтулы азаматтарға айналды. Ерен еңбегіне сай ұлағатты ұстаз «ҚР Білім беру ісінің үздігі» атанды. Қаламыздың зор құрметке ие қадірлі ардагеріміздің қатарынан саналады.Мерейтой қуанышында Сізге мықты денсаулық, отбасыңызға бақ-береке тілейміз, – деді Нұржан Сәбитұлы.Мерейлі күннің құрметінде ардагерлер атынан қалалық ардагерлер кеңесінің төрағасы Шакизат Төребаев, әріптестерінен ардагер-ұстаз Гүлзия Оспанова, отбасылық досы Сайлаубай Әбішев ақжарма тілегін жеткізді. Сондай-ақ, шәкірті, «Отбасы банк» АҚ облыстық филиалының басшысы Әділжан Сайлебаев ұстазға құрметін әсем гүл шоқтарымен, әсерлі сөзімен жеткізді.Жиын соңында Мәдина Нұрасылқызы қала басшылығына, әріптестеріне ризашылығын білдірді.

Ұлағатты ұстаз ұлықталды

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Президентінің ішкі саясат мәселелері жөніндегі көмекшісі Арман Қырықбаевтың төрағалығымен мәжіліс өтті. Күн тәртібінде туристік аймақтардың тазалығы, «Таза Қазақстан» республикалық экологиялық бағдарламасының іске асырылу барысы қаралды.Оған облыс әкімі Нұрлыбек Нәлібаев селекторлық режим арқылы қатысты.Осы жылдың бірінші тоқсанында өңірге 48 мың турист келген. Келушілер саны өткен жылмен салыстырғанда 89,2 пайызға артты. Туристерге 653 миллион теңгеге қызмет көрсетіліп, бұл көрсеткіш те 81,4 пайызға өсті.Байқоңыр қаласы мен Төретам кенті курорттық аймақтар тізіміне енгізілді. Биыл «Байқоңыр» ғарыш айлағына 4 мыңнан астам турист келген, бұл көрсеткіш жыл соңына дейін артады деп күтілуде.«Батыс Еуропа – Батыс Қытай» халықаралық автодәлізі бойында 55 сервистік кешен, сондай-ақ қала мен кенттерде 15 демалыс орны жұмыс істейді. Арнайы жұмыс тобы туристік нысандардағы қауіпсіздік пен санитарлық талаптардың сақталуын тұрақты бақылауда ұстайды.Мемлекет басшысының бастамасымен қолға алынған «Таза Қазақстан» экологиялық бағдарламасы аясында санитарлық тазалық, абаттандыру және тұрғындар үшін қолайлы орта қалыптастыру бағытында кешенді жұмыс жүргізілуде. Бюджетпен қатар, кәсіпкерлердің қолдауымен орталық алаңдар, демалыс, ойын және спорт алаңдары жаңғыртылуда. Қызылорда қаласындағы орталық алаң 1 млрд теңгеге, мәдени-демалыс паркі 6,3 млрд теңгеге қайта жаңартылып, пайдалануға берілді. Президент саябағындағы жаңғырту жұмыстары тамыз айында аяқталмақ. Саябақта спорт, ойын алаңдары, санитарлық тораптар, экобокстар мен фандоматтар орнатылады.Бұл бағыттағы жұмыстар, яғни жаңа демалыс орындары мен аллеялар салу, көшелерді абаттандыру, жарықтандыру аудандарда да жалғасын тапқан. 2023 жылы өңірде бірыңғай дизайн код бекітіліп, облыс орталығы мен елді мекендердегі ғимараттар, аялдамалар, ойын алаңдары мен жарық бағаналары жаңа стандартқа сәйкестендірілді.Қызылордада 60 көпқабатты тұрғын үйдің қасбеті мен 20 үйдің ауласы абаттандырылды. Биыл тағы 20 үйді жаңартуға 1 млрд теңге бөлінді.Облыс орталығындағы теміржол вокзалы мен перроны 577 млн теңгеге жөнделді. «Қазақстан Темір Жолы» ҰК-мен бірлескен бұл жұмыстар аудан орталықтарындағы вокзалдарда да жүргізілуде.Мемлекеттік-жекеменшік әріптестік шеңберінде Қызылордада 992 гектар аумақта жасыл белдеу құрылуда. Жалпы 2030 жылға дейін 2,5 млн ағаш отырғызу, тұқымбақтар мен зертханалар салу жоспарланған. Сонымен қатар, 2025-2030 жылдар аралығында 80 көшеге 71 мың ағаш егу, 66 гектар жасыл алаң, 430 мың гүлзар және 500 шағын архитектуралық форма орнату көзделген.Фото: Қызылорда облысы әкімінің баспасөз қызметі

«Таза Қазақстан» бағдарламасы аясында кешенді жұмыстар жүргізілуде

<a href="https://kyzylorda-news.kz/">Kyzylorda-news.kz</a> Қалалық дене тәрбиесі, спорт және туризм бөлімі басшысының міндетін атқарушы Думан Бодықов бұқаралық ақпарат құралдарының өкілдеріне І жартыжылдықта салада атқарылған жұмыстар мен алдағы жоспарлар бойынша баспасөз конференциясын өткізді.Есепті мерзімде қалада бұқаралық спорттық іс-шаралардың күнтізбелік жоспарына сәйкес 70 спорттық іс-шара өтіп, оған 5 мыңға жуық адам қатысты.Жастардың бос уақытын тиімді пайдалану және бұқаралық спортты дамыту мақсатында бөлімге қарасты Қажымұқан Мұңайтпасұлы атындағы спорт клубында спорттың 11 түрінен үйірме жүргізілуде. Аталған үйірмелерде 1396 қала тұрғыны тұрақты негізде спортпен шұғылдануда. Осы үйірмелердің спортшылары спорттың парапауэрлифтинг, қоян-қолтық ұрыс, грэпплинг түрлерінен жарыстарға қатысып, жүлделі І, ІІ, ІІІ орындар алып, нәтижелі жетістіктер көрсетуде.<blockquote>- Қала тұрғындары мен қонақтары үшін негізгі туристік аймақтың бірі – демалыс орындары. Қала аумағында 15 демалыс орны жұмыс істейді. Қазіргі уақытта «Сыр самалы» кешенінде реконструкция жұмыстары жүргізіліп жатса, ашық су айдыны – «Көксу» аймағы жағажай талаптарына сәйкестендірілуде. Сондай-ақ, «Эдельвейс» қалалық жағажайы да өз қызметін бастады. Суға шомылу маусымында қала тұрғындарының қауіпсіздігін қамтамасыз ету мақсатында қаладағы барлық жағажай нысандарына тұрақты бақылау орнатылған. Бұдан бөлек, қалада туристік қызметті қамтамасыз ету бойынша 13 турагенттік орналастыруды ұйымдастыру қызметімен айналысады, - деді Думан Қонысбекұлы.</blockquote>Жалпы, бұқаралық спорт түрлерімен жүйелі айналысу көрсеткіші өткен жылы 155 755 адамды құрап, меже 43,1%-ға орындалды. Биыл бұл межені жоғары көрсеткіште сапалы орындау - бірінші кезектегі негізгі міндет.

Спорт саласындағы негізгі көрсеткіштер

<a href="https://kyzylorda-news.kz/">Kyzylorda-news.kz</a> Қызылорда облысында төтенше жағдайлардың алдын алу, азаматтық қорғаныс пен жұмылдыру дайындығы бағытында бірқатар жұмыстар атқарылуда. Әсіресе әскери қызметке шақыру, азаматтарды оқыту және төтенше жағдайлар кезінде халықты қорғауға бағытталған іс-шаралар жүйелі түрде жүргізіліп келеді. Бұл туралы Өңірлік коммуникациялар қызметінің ақпарат алаңында облыстық жұмылдыру дайындығы басқармасының басшысы Марат Құрманбаев мәлімдеді.<blockquote>&nbsp;– Қызылорда облысының жұмылдыру дайындығы, аумақтық және азаматтық қорғаныс басқармасы өз салалары бойынша мемлекеттік саясатты іске асыруда жүйелі жұмыстар атқаруда. Басқарма құрамында «Жұмылдыру дайындығы және шұғыл жұмыстар орталығы» коммуналдық мемлекеттік мекемесі жұмыс істейді. Ағымдағы жылдың алғашқы жартыжылдығында облыстық төтенше жағдайлардың алдын алу және жою жөніндегі комиссияның 2 отырысы өткізіліп, 7 маңызды мәселе қаралды. Көктемгі су тасқыны кезеңінде облыс аумағында су тасу қаупі бар 29 аймақ бақылауға алынды. 1 200-ден астам адам, 400-ге жуық арнайы техника жұмылдырылып, 60-тан астам эвакуациялық пункт дайындалды. Қамбаш пен Ақшатау көлдеріне су жинақтау арқылы судың артық көлемі реттелді. Конго-Қырым геморрагиялық қызбасына қарсы залалсыздандыру жұмыстары барысында 600 мыңнан аса мал мен 30 мыңнан астам аула аумағы өңделді. Халықты төтенше жағдайлар кезінде жедел құлақтандыру үшін биыл 40 сиреналық-сөйлеу құрылғысы орнатылуда. Терроризмге қарсы комиссияның 2 отырысы, жұмыс тобының 6 отырысы өтіп, 60-тан астам профилактикалық іс-шара ұйымдастырылды. Жастар мен осал топтармен жүйелі жұмыс жүргізілді. Мерзімді әскери қызметке шақыру науқаны жоспарға сай орындалып, облыстан барлығы 812 азамат мерзімді әскери қызметке жіберілді. Әскери міндеттілерді даярлау бойынша оқу-жаттығу өткізіліп, практикалық машықтары жетілдірілді. Басқарма алдағы уақытта да тұрғындар қауіпсіздігін қамтамасыз ету және тиісті салалардағы мемлекеттік саясатты іске асыру бағытындағы жұмыстарды жалғастыра береді, – деді Марат Ердәулетұлы.</blockquote><img src="https://knadmin.beoblood.kz/uploads/T_tenshe_zha_dajlar_a_dajyndy_zh_ne_zh_myldyru_zh_mystary_zh_jeli_zh_rgizilude_7286a4d5b8.jpg" alt="Төтенше жағдайларға дайындық және жұмылдыру жұмыстары жүйелі жүргізілуде.jpg">Фото: pixabay

Төтенше жағдайларға дайындық және жұмылдыру жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a>&nbsp; Павлодарда 5-қабаттан балаларын лақтырып, артынша өзі де секіріп кеткен. Оқиға туралы жедел жәрдем қызметіне сағат 13:00 шамасында хабар түскен, деп хабарлайды <a href="https://kaz.inform.kz/news/pavlodarda-ayel-ek-balasin-terezeden-laktirip-oz-desekrp-ketken-50c213/">Kazinform</a> агенттігінің тілшісі.Облыстық жедел медициналық жәрдем станциясының мәліметінше, шақырту түскен сәттен кейін 6 минут ішінде дәрігерлер оқиға орнына жеткен.<blockquote>– Нұрмағамбетов көшесіндегі үйлердің бірінде әйел 5-қабаттан екі баласын терезеден лақтырып, өзі де секіріп кеткен. Бірінші санаттағы шұғылдықпен үш жедел жәрдем бригадасы жолданды, – деп мәлім етті медицина қызметкерлері.</blockquote>Екі бала ауыр халде облыстық балалар ауруханасына жеткізілді. Әйелдің өзі де&nbsp;ауыр жағдайда Павлодар қалалық № 1 ауруханаға жеткізілген.Фото: Артём Викторов/ Kazinform

Павлодарда әйел екі баласын терезеден лақтырып, өзі де секіріп кеткен 

<a href="https://kyzylorda-news.kz/">Kyzylorda-news.kz</a>&nbsp; Сырдария ауданы ауыл шаруашылығын дамыту мен ауыл тұрғындарының тұрмыс деңгейін жақсарту бағытында «Ауыл Аманаты» жобасының аясында ауқымды жұмыстар жүргізілуде. 2023 жылы өңірімізде 3 млрд теңгеге 406 жоба, ал 2024 жылы 2,5 млрд теңгеге 376 жоба қаржыландырылып, нәтижесінде 2 жыл ішінде 1110 жаңа жұмыс орны ашылды. Бұл жобалар ауылдағы кәсіпкерлікті қолдауға, өндірістік кооперативтер мен шағын өндіріс орындарын дамытуға бағытталған.Осы маңызды бастамаларды барынша жан-жақты таныстыру мақсатында арнайы баспасөз туры ұйымдастырылып, өңірдегі жетістіктер мен алдағы жоспарлар кеңінен жарияланды. Мысалы, Бесарық ауылында «Абай Дәулет» ЖШС демеушілігімен салынған 642 млн теңгеге бизнес-инкубатор ғимараты іске қосылды. Бұл орталықта 13 жоба жүзеге асып, 25 жаңа жұмыс орны құрылды. Жоба аясында ауыл кәсіпкерлері санитарлық нормаларға сай жабдықталған ғимаратта тегін орналасып, өз жобаларын дамыта алады.Облыс бойынша 2025 жылы 5,5 млрд теңге бөлініп, 815 жоба іске асырылмақ. Басым бағыт - өңдеу саласы, кооперативтер мен жеке қосалқы шаруашылықтарды дамыту, соның ішінде балық, құс шаруашылығы, егін және мал шаруашылығын кеңейту, импортқа тәуелді өнімдерді өңірде өндіру.Баспасөз туры барысында осы қолдау шараларының маңыздылығы мен нақты нәтижелері таныстырылып, ауыл тұрғындарының әл-ауқатын арттырудағы оң өзгерістер айқын көрсетілді. Бұл бастамалар ауыл экономикасының тұрақты дамуына, халықтың еңбекпен қамтылуына және өңірдің әлеуметтік-экономикалық дамуына тың серпін беретініне сенім мол. Алдағы уақытта да осындай игі істердің жалғасын тауып, ауылды жаңғырту жұмыстары жүйелі түрде жүзеге асатынына күмән жоқ.<img src="https://knadmin.beoblood.kz/uploads/1_Auyl_amanaty_zhobasyny_tiimdi_n_tizheleri_men_zha_a_m_mkindikteri_80b1c53af2.jpg" alt="1 Ауыл аманаты жобасының тиімді нәтижелері мен жаңа мүмкіндіктері.jpg"><img src="https://knadmin.beoblood.kz/uploads/2_Auyl_amanaty_zhobasyny_tiimdi_n_tizheleri_men_zha_a_m_mkindikteri_52f8867814.jpg" alt="2 Ауыл аманаты жобасының тиімді нәтижелері мен жаңа мүмкіндіктері.jpg">

Ауыл аманаты жобасының тиімді нәтижелері мен жаңа мүмкіндіктері

<a href="https://kyzylorda-news.kz/">Kyzylorda-news.kz</a> «AMANAT» партиясы «Халықпен бірге!»,- деп аталатын 2023-2027 жылдарға арналған Сайлауалды бағдарламасында білім беру ұйымдарында оқушылар үшін қауіпсіз және қолайлы жағдайлар жасауды мақсат еткен болатын.&nbsp;Осы орайда бүгін партияның облыстық филиалының төрағасы Алмасбек Есмаханов және облыстық, қалалық &nbsp;партиялық бақылау комиссиясының мүшелері Қызылорда қаласындағы Н.Ильясов атындағы №9 жалпы білім беретін мектеп-гимназиясының күрделі жөндеу жұмыстары бақылау жасады.Мектептің құрылыс жұмыстары 2025 жылғы 25 мамыр күні басталған. Ғимаратқа толық күрделі жөндеу жұмыстары жасалатын болады. Қазіргі таңда мектептің шатырын демонтаждау жұмыстары жүргізілуде. Ал ғимараттың ішкі жұмыстары бойынша сылақтары түсіріліп, қабырғаны тегістеу, сылау және кафельдер қою жұмыстары атқарылуда. Едендер тегістеліп, құйылмалы еден құюлуда. Мұнан бөлек электр тоқтарын жаңадан жаңартып монтаж жұмысы жүргізілуде. Қосымша жылу беру трубалары, су, кәріз құбырлары да жаңадан жасалуда.<blockquote>«Білім беру сапасы-қолайлы ортадан басталады.Мемлекет басшысы Қасым-Жомарт Кемелұлы Тоқаевтың тапсырмасымен, Үкіметтің, аймақ басшысы Нұрлыбек Машбекұлы Нәлібаевтың қолдауымен өңірдің білім саласында ауқымды жұмыстар атқарылуда. Оның ішінде, аймақтағы білім ошақтары жаңалануда. Бұл – болашақ ұрпақтың сапалы білім алуына жасалып жатқан нақты жұмыстар. Сондықтан күрделі жөндеу жұмыстары сапалы жүргізіліп, уақытылы аяқталуы тиіс, – деді төраға Алмасбек Есмаханов.</blockquote>

Білім ордаларындағы жаңғырту жұмыстары партия назарында

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен мәжіліс өтіп, еңбек нарығын дамыту, суармалы егіс алқаптарының жағдайы, мәдениет, білім, денсаулық, спорт, туризм салаларына қатысты мәселелер қаралды.<blockquote>– Облысымыз жұмыспен қамтудың өңірлік картасы бойынша республикада үздік үштікте. Ауданымызда да жұмыспен қамту шаралары тұрақты жүргізілуде. Мемлекет басшысының 10 мың адамға 100 жаңа жұмыс орнын ашу тапсырмасы, Ұлттық жобалар және қайтарымсыз грант беру жұмыстарын жандандыру қажет. Жоспарланған барлық көрсеткіштердің толық орындалуын қамтамасыз етуді тапсырамын, – деді Берік Әбдіғаппарұлы.</blockquote>Мұнан соң аудан басшысы биыл өңіріміздегі вегетациялық кезең өте күрделі жағдайда өтіп жатқанын атады.<blockquote>– Мәселе Ел Президентінің, Үкімет және аймақ басшысының тікелей назарында. Бұл бағытта жұмыстар жүргізілуде. Егінді су тапшылығы жағдайында белгіленген кестеге сәйкес кезектестіріп суаруды ұйымдастырып, қолда бар мүмкіндіктерді пайдаланып, насостардың тұрақты жұмыс жасауын қамтамасыз ету қажет, – деді аудан әкімі.</blockquote>Мәжіліс барысында мәдениет саласында үйірмелердің жұмыс жасауы, ескерткіштерді құжаттандыру, туризмді дамыту, МӘМС, балабақшалар жұмысы талқыланып, нақты тапсырмалар жүктелді.

Архив