<a href="https://kyzylorda-news.kz/">Kyzylorda-news.kz</a> Облыста соңғы жылдары заманауи үлгідегі жаңа спорт нысандары көбейіп, спортшылар үшін мемлекеттік қолдаудың ауқымы кеңеюде. Соның бірі – 2023 жылы Қызылорда қаласы Тасбөгет кентінде жаңа спорт ғимараты ашылып, нысан №5 облыстық олимпиадалық резервтің мамандандырылған балалар-жасөспірімдер мектебінің теңгеріміне берілді. Жаңа спорт нысанында екі спорт залы, жаттығу залы, емдеу бөлмесі, әкімшілік және киім ауыстыру бөлмесі қамтылған. Сондай-ақ, онда 15 жаттықтырушы 440 спортшыға бірнеше спорт түрлері бойынша жаттығу өткізеді. Атап айтқанда, еркін күресте – 117, таеквандода – 122, қазақ күресінде – 132, каратэде – 69 спортшы қамтылған.№5 облыстық олимпиадалық резервтің мамандандырылған балалар-жасөспірімдер мектебіне қарасты тағы бір спорт кешенінде бокс және дзюдодан 339 спортшы жаттығуда. Оларға 10 жаттықтырушы аталған спорт түрі бойынша жаттығу өткізеді.Аймақта қарқынды дамып келе жатқан ерекше спорт түрі - байдарка мен каноэде есу спорты. Бүгінде дәл осы спорт түрімен 65 спортшы түрлі деңгейдегі жарыстарға қатысып, үздіктер қатарынан көрінуде. Аталған спортпен айналысатын спортшылар №5 облыстық олимпиадалық резервтің мамандандырылған балалар-жасөспірімдер мектебіне қарасты есу базасында шынығады. Қазіргі таңда онда 5 жаттықтырушы қамтылған.Сонымен қатар, аталған спорт мектебі Қызылорда қаласындағы №143 орта мектебінің спорт залында әйелдер күресі, еркін күрес және қазақ күресінен қосымша үйірмелер ашып, жұмыс істеуде. Қазіргі таңда онда 3 жаттықтырушы 110 спортшыны кәсіби бағытта үйрету жүр.Аталмыш спорт мектебінің спортшыларды қолдаудағы жемісті жұмыстарының нәтижесінде 2024 жылы ҚР чемпионаттарында 17 алтын, 14 күміс, 27 қола медаль жеңіп алды. Ал Азия чемпионаттарынан 2 алтын, 2 күміс, 4 қола медаль иеленді.Фото: Қызылорда облысының дене шынықтыру, спорт және туризм басқармасы

Чемпиондарды шыңдаған спорт мектебі

<a href="https://kyzylorda-news.kz/">Kyzylorda-news.kz</a> Соңғы 2 жылда мемлекет тарапынан жасалып жатқан қолдаудың арқасында облысымыздың тұрғын үй құрылысының өсу қарқыны рекордтық көрсеткішке жетіп отыр.Атап айтқанда, 2022-2023 жылдары 4 мыңға жуық пәтер табысталып, 17 мың тұрғынның баспана мәселесі шешілген болса, 2024 жылы бюджет есебінен және жеке салушылардан дайын пәтерлер сатып алуға 40,3 млрд. теңгеге 2 500-ден астам пәтер табысталып, 10 мыңнан аса тұрғын баспаналы болды (кредиттік-504, әлеуметтік осал таптарға-1948 апатты деп танылған азаматтарға-121)Нәтижесінде облысымыз халықтың әлеуметтік осал топтарына тұрғын үй сатып алу көрсеткіші бойынша Республикада 2-ші орынға шықты. (1-ші Түркістан облысы 2086 пәтер)2024 жылы Тұрғын үй-коммуналдық инфрақұрылымды дамытудың 2023 – 2029 жылдарға арналған тұжырымдамасы аясында тұрғын үй құрылысына және пәтер сатып алуға 40,3 млрд.теңге қаржы бөлінді.Бөлінген қаржыға 904 пәтерді құрайтын 16 кредиттік тұрғын үйдің құрылысы жүргізілді.Оның ішінде, Сырдария өзенінің сол жағалауында 7-қабатты 84-пәтерлі 6 тұрғын үй пайдалануға берілді, №2 тұрғын ауданында 5-қабатты 40-пәтерлі 10 тұрғын үйдің құрылысы 2025 жылға өтпелі.Сонымен бірге, тұрғын үй кезегінде тұрған азаматтарды баспанамен қамтамасыз ету мақсатында халықтың әлеуметтік жағынан осал топтары үшін 1 948 пәтер &nbsp;сатып алынды.Оның ішінде: Қызылорда қаласында 933 пәтер, ал аудандарда 1015 пәтер (Арал – 150, Қазалы – 148, Қармақшы – 156, Жалағаш – 111, Сырдария – 148, Шиелі – 178, Жаңақорған ауданында – 124 пәтер).&nbsp; &nbsp;Қызылорда қаласында жалғыз баспанасы апатты деп танылған азаматтарға 121 пәтер сатып алынды.Бүгінгі күні облыс бойынша тұрғын үй кезегіне 36 234 азамат тіркеліп отыр. Оның ішінде Қызылорда қаласы бойынша 25 825 азамат тіркелген.&nbsp;2024 жылдың қорытындысымен қаңтар-желтоқсан айларында қаржыландырудың барлық көздері есебінен 866,8 мың шаршы метр тұрғын үй пайдалануға беріліп, өткен жылдың сәйкес кезеңіне 116,9% құрады.2025 жылы Тұрғын үй-коммуналдық инфрақұрылымды дамытудың 2023 – 2029 жылдарға арналған тұжырымдамасы аясында тұрғын үй құрылысына және сатып алуға 7,7 млрд.теңге қаржы бөлінген.Облыстық бюджеттен бөлінген 3,9 млрд. теңгенің 2,2 млрд.теңгесіне 650 пәтерді құрайтын 15 тұрғын үйдің құрылысы жүргізілетін болады.Оның ішінде:Сатып алу құқығынсыз жалға берілетін тұрғын үйлер құрылысы бойынша Байқоңыр қаласындағы 50-пәтерлі &nbsp; &nbsp; &nbsp; &nbsp; &nbsp; &nbsp; &nbsp; 5 тұрғын үйдің құрылысын аяқтап, пайдалануға беру.Кредиттік тұрғын үй құрылысы бойынша Сырдария өзенінің сол жағалауында 5-қабатты 40-пәтерлі 10 тұрғын үйдің құрылысын аяқтап, пайдалануға беру көзделуде.Қалған 1,7 млрд.теңгеге Қызылорда қаласында жалғыз баспанасы апатты деп танылған азаматтарға 135 пәтер сатып алынатын болады.Ал, республикалық бюджеттен бөлінген 3,8 млрд.теңгеге тұрғын үй кезегінде тұрған азаматтарды баспанамен қамтамасыз ету мақсатында халықтың әлеуметтік жағынан осал топтары үшін &nbsp;292 пәтер сатып алынатын болады.&nbsp;Б.ЖахановОблыс әкімінің орынбасары

Сыр өңірінде өткен жылы 10 мыңнан аса тұрғын баспаналы болды

<a href="https://kyzylorda-news.kz/">Kyzylorda-news.kz</a> &nbsp;Қызылордада 20 қаңтардан бастап №3 қалалық халыққа қызмет көрсету орталығы жаңа ғимаратқа көшеді. Бұл туралы «Азаматтарға арналған үкімет» Мемлекеттік корпорациясының» Қызылорда облысы бойынша филиалы хабарлады.Жаңа орталық Ұзақбай Қараманов көшесі, 96 мекенжайы бойынша өз жұмысын жалғастырады. Айта кету керек, бұрын бұл орталық Ақмешіт м/а 1Б мекенжайында орналасқан.Жаңа ғимарат азаматтар үшін ыңғайлы жерде орналасқан. Кеңейтілген қызмет көрсету аймағы заманауи қызмет көрсету стандарттарына сай жабдықталған.Еске салайық, №3 ХҚКО бөлімі сағат 09.00-ден 18.00-ге дейін жұмыс істейді. Орталықта мемлекеттік қызметтердің барлық түрі, соның ішінде жеке құжаттарды рәсімдеу, жылжымайтын мүлікті тіркеу, әлеуметтік және зейнетақы мәселелері бойынша қызмет көрсетіледі.Фото: ХҚКО

№3 халыққа қызмет көрсету орталығы жаңа ғимаратқа көшеді

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – ұлттық экономика министрі Серік Жұманғарин экономиканың нақты секторын дамыту мәселелері бойынша кеңес өткізді, онда Қызылорда облысының инвестициялық дамуы қаралды.Былтыр жалпы құны 1,9 трлн теңгені құрайтын 86 инвестициялық жобаны іске асыру жөніндегі бес жылдық бағдарлама шеңберінде өңірде 411 жаңа жұмыс орнын ашқан 37 млрд теңгеге 21 жоба іске асырылды. Оның ішінде 6 жоба құрылыс материалдарын өндіру бойынша, 10 жоба агроөнеркәсіптік салада, 1 жоба көлік логистикасы саласында, қалғандары сауда және білім беру саласына қатысты. Ірі жобалардың қатарында Қорқыт ата әуежайының жаңа терминалы бар. 2025 жылы Қызылорда облысында мыңға жуық жұмыс орнын құрып, 30,8 млрд теңге өнім шығаруға мүмкіндік беретін 275,3 млрд теңгені құрайтын 24 жобаны іске қосу жоспарлануда. Ірі зауыттардың қатарында қуаты жылына 90 млн дана кірпіш шығару, түйе сүтінен жылына 392 тонна ұнтақ өндіру, жолаушылар вагондарын жөндеу, техникалық қызмет көрсету және салу жөніндегі жобаның бірінші кезеңі, қуаты 240 МВт болатын жаңа ЖЭО құрылысы бар.<blockquote>«Алдағы уақытта жалпы қуаты 141 МВт болатын 4 күн және 1 жел электр стансасының құрылысын жүзеге асыруды жоспарлап отырмыз. Облыстың электр энергиясына деген сұранысы тәулігіне 200 МВт-ты құрайды, өңірде жалпы қуаты 89 МВт болатын 9 күн электр стансасы жұмыс істейді. 5 жоба іске қосылғанда өңіріміз толығымен жасыл энергетикаға көшеді», — деп атап өтті облыс әкімінің орынбасары Ардақ Зебешев.</blockquote>ҚР СІМ Инвестициялар комитеті қатысушыларға Ұлттық цифрлық инвестициялық платформаны яғни инвесторлардың, мемлекеттік органдардың және квазимемлекеттік сектордың өзара іс-қимылы үшін бірыңғай терезе мүмкіндіктерін таныстырды. Бүгінде платформа пулында 836 жоба бар, оның 246-сын осы жылы жүзеге асыру жоспарлануда.Кеңесте облыстағы екі ірі инвестициялық жобаны жүзеге асыруға қатысты түйткілді мәселелер талқыланды. Бұл «Шалқия» полиметалл кен орнының тиімділігін арттыру және кальцийлендірілген сода өндіретін зауыт салу.Атап айтқанда, тағамдық және өнеркәсіптік ас тұзын, полипропиленді қапшықтар шығаратын «Аралтұз» АҚ қазіргі таңда Қазақстандағы кальцийленген сода шығаратын алғашқы зауыт құрылысының жобасын іске асыруда. Шыны бөтелкелерді өндіруге қажетті бұл шикізат компоненті елімізде толығымен импортталады. Жоба айтарлықтай инвестицияларды қажет етеді, несиелік қаржыландыру мерзімдері мен шарттарын ұзарту бойынша мәселелер бар. Вице-премьер тиісті қаржы институттарына жобаны қолдау үшін барлық мүмкіндіктерді қарастыруды тапсырды.<blockquote>«Мемлекеттік органдар инвестициялық жобаларды жүзеге асырудағы кедергілерді жоюда бизнеске барынша көмек көрсетуі керек. 2025 жылға арналған 246 жобаның мақсаты – жақсы көрсеткіш, оған жету үшін мүмкіндігінше барлық кедергілерді жойып, уақытылы қаржыландыруды қамтамасыз ету керек. Ол үшін қысқа мерзім ішінде Инвестициялар комитеті Өнеркәсіп министрлігімен және әкімдіктермен бірге басым сала әрі жоғары қосылған құн қағидаты бойынша жобаларды градациялауды жүргізуі қажет. Сонымен қатар нәтижелерге сүйене отырып, оларды жүзеге асыруға қолдау білдіруі керек», — деп қорытындылады жиынды Серік Жұманғарин.</blockquote>Фото: Өңірлік коммуникациялар қызметі

Қызылордада кірпіш зауыты, ЖЭО және түйе сүті ұнтағын өндіретін зауыт іске қосылады

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев елді мекендерді газдандыру мәселесіне қатысты арнайы жиын өткізіп, жауапты сала басшылары мен аудан әкімдеріне бірқатар тапсырма берді.<blockquote>«Елді мекендерді «көгілдір отынмен» қамтамасыз ету – маңызды міндеттердің бірі. Газдандыру тұрғындардың өмір сүру сапасын арттыруға, тұрмыс-тіршілігін жақсартуға оң әсерін тигізетіні белгілі. Облыстық энергетика және тұрғын үй-коммуналдық шаруашылық басқармасына қала және аудан әкімдіктерімен бірлесіп, газдандыру жобаларын әзірлеудегі және жүзеге асырудағы жұмыстың ауқымын ұлғайту керек. «ҚазақГаз Аймақ» акционерлік қоғамы жаңа инвестициялық бағдарлама аясында облысқа 22 млрд. теңге инвестиция салуға дайын екендігін жеткізді. Біз инфрақұрылымдық жобаларға барлық көзден қаржыландыру тетіктерін қарастыруымыз қажет. Жаңа инвестициялық бағдарламаның өңірімізде сапалы іске асырылуын қамтамасыз етіңіздер. Тарифті қатаң бақылауда ұстап, оның негізсіз өсуіне жол бермеу үшін тиісті шараларды қабылдаңыздар», – деді Н.Нәлібаев.</blockquote>Айта кету керек, өткен жылы газдандыру жобаларына 30 млрд. теңгеден астам қаржы бөлініп, жоспарланған жұмыс толық орындалды. Аймақтың 11 елді мекені табиғи газға қосылып, облыс тұрғындарының 78 пайызы газ тұтынатын болды, газдандырылған ауылдар саны 46-ға жетті. Жыл басынан бері 4 елді мекенге газ желісі тартылды.Фото: Қызылорда облысы әкімінің баспасөз қызметі

Елді мекендерді газдандыру мәселесі қаралды

<a href="https://kyzylorda-news.kz/">Kyzylorda-news.kz</a> Енді мамандандырылған халыққа қызмет көрсету орталығында өткізілетін теориялық және тәжірибелік емтиханға тек «ХҚКО» қосымшасы арқылы ғана жазылуға болады. Бұл жаңашылдық азаматтарға ыңғайы болу үшін және сыйбайлас жемқорлық тәуекелдерін азайтуға бағытталған.Қауіпсіздікті қамтамасыз ету мақсатында «ХҚКО» қосымшасының барлық қолданушысы екі факторлы аутентификациядан өтеді: алдымен – биометриялық идентификация, сосын 1414 нөмірінен келіп түскен SMS-коды арқылы өзінің жеке басын растайды. Одан кейін жүргізуші куәлігіне үміткер «Теориялық емтиханға жазылу» немесе «Тәжірибелік емтиханға жазылу» батырмасын таңдайды. Бұдан соң қызмет алушыға 1414 нөмірінен хабарлама келіп түседі. Айта кету керек, SMS хабарлама Мобильді азаматтар базасына тіркелген телефон нөміріне жіберіледі. Қосымша арқылы емтиханға жазылу үшін алдын ала мамандандырылған халыққа қызмет көрсету орталығына жүгініп, өтінім нөмірін алу қажет екенін ескертеміз.Бұл сервис емтихан уақыты мен емтихан тапсыру кестесіндегі өзгерістер туралы пайдаланушыларға хабарлап отырады. Бұл ақпаратты ыңғайлы түрде және дер кезінде алу мүмкіндігін едәуір арттырады.Еске салайық, емтиханға жазылу бұрын booking.gov4c.kz сайтында жүзеге асырылатын, алайда «ХҚКО» мобильді қосымшасы арқылы қызметті кеңейтілген ауқымда алу үшін сайттағы брондау функциясы өшіріледі. Десек те, сайт пайдаланушыларға емтихан тапсыру сәтінің трансляциясын онлайн режимде көрсету үшін өз жұмысын жалғастыра береді.Аталған қосымша ХҚКО-ға бару уақытын брондауға, электронды кезек үшін талон алуға, қызықтырған халыққа қызмет көрсету орталығының орналасқан мекенжайын табу және өзекті сұрақтармен танысуға мүмкіндік береді.Айта кету керек, «ХҚКО» қосымшасын Google Play және App Store арқылы жазып алуға болады.<img src="https://knadmin.beoblood.kz/uploads/Foto_Aslan_Sa_yndy_4a773a5172.webp" alt="Фото Аслан Сағындық.webp">

Жүргізуші куәлігі: Емтиханға жазылу енді тек «ХҚКО» қосымшасы арқылы мүмкін

<a href="https://kyzylorda-news.kz/">Kyzylorda-news.kz</a> Мемлекет басшысы 2024 жылғы 2 қыркүйектегі Қазақстан халқына Жолдауында: «Үкімет жоғары білім саласын халықаралық білім беру кеңістігімен ықпалдастырып жатыр. Қазірдің өзінде елімізде шетелдің белгілі 23 жоғары оқу орны жұмыс жүргізе бастады. Оларға мейлінше қолдау көрсету керек. Атап айтқанда, маман даярлауға берілетін мемлекеттік тапсырысты біртіндеп көбейткен жөн», – деп атап өтті.34 шетелдік жоғары оқу орнымен серіктестік келісімдер жасалды. Бүгінгі таңда елімізде Ұлыбритания, Италия, Қытай, Ресей, АҚШ, Франция және Оңтүстік Кореяның 23 серіктес жоғары оқу орындары жұмыс істейді. 2025 жылы тағы 11 келісімді іске асыру қажет.Шетелдік серіктестік жоғары оқу орындарында қазақстандық студенттерге арналған 2 090 грант оқуға мемлекет бөлді.Бүгінгі таңда мыңдаған студент 34 мамандық бойынша білім алады, оның ішінде педагогикалық, инженерлік-техникалық және жасанды интеллект сияқты негізгі бағыттар бар. Бұл мақсаттарға мемлекеттік білім беру гранттары (бірлескен білім беру бағдарламалары және қос диплом бағдарламалары) және мемлекеттің қолдауымен оларға жағдай жасау арқылы инвесторлардың қаражаты бөлінеді.Шетелдік серіктес ЖОО-ларды іріктеу жекелеген салалардағы кадрлық қажеттілікке және өңірлердің сұраныстарына негізделеді.Шетелдік жетекші жоғары оқу орындарымен ынтымақтастық атом өнеркәсібі, «жасыл» сутекті әзірлеу, Қазақстанда баламасы жоқ су қауіпсіздігін қамтамасыз ету сияқты аса сұранысқа ие және тапшы мамандықтар бойынша мамандар даярлауға бағытталған.Мемлекет басшысының тапсырмасын орындау шеңберінде Қ.Жұбанов атындағы Ақтөбе өңірлік университеті базасында мұнай инженериясы, электр энергетикасы және компьютерлік инженерия бағдарламалары бойынша британдық Heriot Watt университетінің филиалы ашылды.Химия және химиялық технологиялар саласында кадрлар даярлау үшін М.Дулати атындағы Тараз өңірлік университеті базасында Д.И.Менделеев атындағы Ресей химия-технологиялық университетінің филиалы ашылды.Педагогикалық кадрларды даярлау мақсатында Оңтүстік Қазақстан педагогикалық университеті базасында Гази университетінің (Түркия) филиалы жұмыс істейді.Бейжің тіл және мәдениет университетінің (ҚХР) филиалы Астана халықаралық университеті базасында жұмыс істейді.Квинс университетінің филиалы (Ирландия) Нархоз университеті базасында жұмыс істейді.2025 жылға дейінгі жоғары білім беруді интернационалдандыру стратегиясы шеңберінде шетелдік азаматтарға, соның ішінде Қазақстан Республикасының азаматтары болып табылмайтын қазақ диаспорасының өкілдеріне арналған стипендиялық бағдарлама іске қосылды.2024-2025 оқу жылында шетелдік азаматтарға арналған стипендиялық бағдарлама бойынша Қазақстанның 37 ЖОО-да 550 білім алушы қабылданды (бакалавриат - 490, магистратура - 50, докторантура - 10). Стипендиялық бағдарлама тегін білім алуды және ай сайынғы стипендияны қамтиды.Қазақстанда білім беру туризмін дамыту«Болашақ» халықаралық стипендиясы 30 жыл бойы жүзеге асырылып келеді. Мемлекет басшысының тапсырмасы бойынша «Болашақ» халықаралық стипендиясы техникалық, инженерлік, медициналық және педагогикалық бағыттарға қайта бағытталды.Осы жылдар ішінде стипендия 12&nbsp;727 қазақстандыққа әлемнің жетекші жоғары оқу орындарында білім алуға мүмкіндік берді, оның ішінде 55%-ы гуманитарлық, 36%-ы инженерлік-техникалық, 7%-ы медициналық, 2%-ы мәдениет және өнер бағыты бойынша білім алды.Түлектер әлемнің 30-дан астам елінде 400-ден астам жетекші шетелдік жоғары оқу орындарында оқыды және тағылымдамадан өтті.2024 жылы бағдарлама түлектері 213 мың медициналық ота жасап, 145 мың білім алушы мен студенттерді оқытып, мыңнан астам ғылыми еңбектерін жариялады.2024 жылы ЖОО контингентіндегі шетелдік студенттердің үлесі 15%-ды құрады, әлемнің 23 елінен 97 университеттермен 245 қос диплом бағдарламасы іске асырылды.Шетелдік студенттер саны 93 елден 31 400 адамды құрады, бұл 2023 жылғы 82 елден 26 800 студентке қарағанда 4 600 адамға көп.Қазақстанның жоғары оқу орындарына оқытушылық қызметке 1600-ден астам шетелдік сарапшы тартылды.2024 жылғы білім беру бағдарламаларының нәтижесінде QS World University Rankings 2024 әлемнің үздік университеттерінің халықаралық рейтингіне 21 қазақстандық ЖОО кірді.«Университет пәндерін оқытудың мазмұны мен әдісін айтарлықтай жаңарту қажет. Болашақ мұғалімдер, дәрігерлер, агрономдар, заңгерлер және салалық мамандар жасанды интеллект бойынша базалық білімді міндетті түрде меңгеруі керек», – деп атап өтті Қасым-Жомарт Тоқаев.Мемлекет басшысының тапсырмасын іске асыру мақсатында еліміздің ғылыми ұйымдары мен ЖОО-на халықаралық дерекқорларға тегін қолжетімділік қамтамасыз етілді.Google компаниясымен бірлесіп еліміздің 15 жоғары оқу орнының 5000 студентіне арналған жасанды интеллект бойынша курстар іске қосылды.Coursera онлайн білім беру платформасы жобасы аясында қазақстандық студенттерге 40 мың лицензия бөлініп, 93 жоғары оқу орнынан 153 мың сертификат берілді.Корея мен Қытайдың жетекші жоғары оқу орындарымен білім беру және мамандарды бірлесіп даярлау бойынша уағдаластықтарға қол жеткізілді.Мемлекет басшысының тапсырмасы бойынша үш қазақстандық ЖОО базасында жасанды интеллект мектептері жұмыс істейді:Қорқыт ата атындағы Қызылорда университетінде Сеул Ұлттық Ғылым және технологиялар университетінің Жасанды интеллект және информатика мектебі ашылды. Қ.И.Сәтбаев атындағы Қазақ ұлттық техникалық зерттеу университетінде City University of Hong Kong филиалы ашылды. Д.Серікбаев атындағы Шығыс Қазақстан техникалық университетінде Лу Бань шеберханасының базасында ЖИ бойынша халықаралық зерттеу орталығы және көлікті басқарудың ақылды технологиялар орталығы ашылды.Отандық жоғары оқу орындарында Google, NVIDIA, Huawei, Coursera және басқа да халықаралық технологиялық алпауыттарының тиісті курстары енгізілді.Coursera, Google, Nvidia, «Huawei Technologies Kazakhstan» LLP, 01 Edu System, Binance Kazakhstan-мен меморандумдарға қол қойылды.AstanaHub технопаркі базасында бағдарламада Қазақстанның 47 жоғары оқу орнынан 700 оқытушыны қамтитын ЖИ бағыттары бойынша ЖОО оқытушыларын оқытуға арналған толыққанды курстар іске қосылды.Жасанды интеллект (ЖИ) саласында университетаралық ЖИ стандарты қабылданды, 20 ЖОО-мен 20 білім беру бағдарламасы әзірленді.Қазақ, ағылшын, орыс тілдерінде 148 миллиард токен негізінде KazLLM тілдік модельді оқыту аяқталды.Модель Nazarbayev University, әл-Фараби атындағы Қазақ ұлттық университеті, Шайсұлтан Шаяхметов атындағы «Тіл-Қазына» Ұлттық ғылыми-практикалық орталығы және т.б. командасының қатысуымен әзірленді.Әзірлеуге 117 сарапшы, оның ішінде 40-тан астам ғылым кандидаттары, PhD және зерттеу институттары мен жоғары оқу орындарының магистрлері тартылды.Министрлік Мемлекет басшысына жасанды интеллект, бағдарламалау және стартап акселерациясын оқитын 100 мың студентті қамтитын басым мамандықтар бойынша барлық деңгейдегі студенттер арасында ЖИ саласындағы дағдыларды жан-жақты дамытуға бағытталған AI-Sana ЖИ бойынша пилоттық бағдарламаны ұсынды.Фото: gov.kz

Қазақстанның жоғары оқу орындарын интернационалдандыру: халықаралық білім беру стандарттарына жасалған қадам

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Алмасбек Есмаханов бұқаралық ақпарат құралдарының өкілдеріне өткен жылы партия филиалымен атқарылған жұмыстар мен алдағы жоспарлар бойынша баспасөз конференциясын өткізді.Жалпы, партияның халық алдындағы ең басты міндеті – Сайлауалды бағдарламасының мүлтіксіз орындалуы. Есепті мерзімде өңірде Сайлауалды бағдарлама 91,4 пайызға жүзеге асқан. Яғни, Жол картада жоспарланған 116 іс-шараның 106 орындалып, 6-ы жұмыс барысында.Атқарылған жұмыстардың бірқатарына тоқталып өтсем, 2024 жылға елді мекендерді газбен қамтамасыз ету деңгейін 74% жеткізу жоспарланған болатын. Алайда жергілікті әкімдікпен бірлескен жұмыстар нәтижесінде өңірде 15 елді мекен көгілдір отынға қосылып, елді мекендерді газбен қамтамасыз ету деңгейі 78% жетті. 866,8 мың шаршы метр тұрғын үй пайдалануға берілді. Соның ішінде Қызылорда қаласында жалғыз баспанасы апатты деп танылған азаматтарға 123 пәтер тапсырылды.Спорт саласы бойынша 4 нысан пайдалануға берілді. Халықты спорттық инфрақұрылыммен қамтамасыз ету қарқыны өсіп, 1000 адамға шаққанда 46,2%-ға жеткізілді.Білім саласында «Жайлы мектеп» ұлттық жобасы бойынша 6 900 орындық 10 мектептің құрылысы жүргізілді. Оның ішінде Қызылорда қаласы Сырдария өзенінің сол жағалауындағы 900 орындық, КБИ мөлтек ауданындағы 600 орындық мектеп және Жаңақорған ауданының Жаңарық ауылында және Арал қаласында 300 орындық 2 жайлы мектеп табысталды. Сонымен қатар Арал ауданы Тоқабай ауылындағы №248, Шиелі ауданы Шиелі кенті №252 және Жансейіт ауылындағы №133 апатты мектептердің мәселесі шешілді.Денсаулық сақтау саласы бойынша Облыстық қан орталығы, ауылдық елді мекендерде 9 дәрігерлік амбулатория және 2 фельдшерлік-акушерлік бекет пен Арал ауданы Сексеуіл кентінде 40 төсек орынға арналған ауылдық аурухана ел игілігіне табыс етілді. Бұл жұмыстар биыл да жоспарға сәйкес жүргізілетін болады»,- деді Алмасбек Есмаханов.Сондай-ақ, есепті мерзімде өңірде 1 аудан, 38 ауылда әкімдер сайлауы өтіп, онда «AMANAT» партиясынан ұсынылған 38 үміткер жеңіске жеткен.Партиялық бақылау комиссияларының аймақтық және аумақтық деңгейлерде 117 отырысы өтіп, оларда көтерілген 543 ұсыныстың 398-і орындалған. Жол картасында көрсетілген 76 нысанға партиялық бақылау бекеттері орнатылып, бүгінгі күні 60-ы пайдалануға берілген. Партиялық бақылау комиссияларынан бөлек барлық деңгейдегі мәслихаттардағы фракциялардың жұмысы жаңа жолға қойылған. Есепті кезеңде мәслихаттардағы фракциялардың 60 отырысы өткізіліп, фракция мүшелерімен тиісті органдарға 768 депутаттық сауал жолданған.Сонымен бірге түрлі мәселелер бойынша нақты практикалық шешімдерді әзірлейтін диалог алаңдарына айналған партия жанындағы Кеңестердің 155 отырысы өтіп, оларда қаралған 302 мәселе бойынша 783 ұсыныс тиісті органдарға жолданған.Қоғамдық қабылдау бөлмелеріне 6904 арыз-өтініш түсіп, олардың 5141 (77,4%) оң шешілген. 1 763 өтініш бойынша заңнамалық түсіндірмелер мен құқықтық кеңестер берілген.Брифинг барасында партия филиалының төрағасы Мобильді қабылдау жұмыстары бойынша да атап өтті.<blockquote>«Партия үшін әрбір азаматтың өтініші маңызды. Осы орайда шалғай елді мекендер тұрғындарының өзекті мәселелерін оңтайлы шешу үшін өткен жылы 14 елді мекенде мобильді қабылдау өткізу жоспарланған болатын. 14 ауылда өткен мобильді қабылдаулар барысында 189 мәселе қаралып, 89-ы оң шешілді (47%) 49 мәселе бойынша нақты кеңес берілсе, 51 мәселе бойынша жұмыс жасалып жатыр»,- деді Алмасбек Есмаханов.</blockquote>Есепті кезеңде партия филиалымен атқарылған жұмыстар бойынша бұқаралық ақпарат құралдарында 6030, әлеуметтік желілерде 21 194 материал жарияланған.<img src="https://knadmin.beoblood.kz/uploads/Partiya_filialyny_t_ra_asy_2024_zhyly_at_aryl_an_zh_mystar_bojynsha_baspas_z_m_slihatyn_tkizdi_1_e7602db44f.jpg" alt="Партия филиалының төрағасы 2024 жылы атқарылған жұмыстар бойынша баспасөз мәслихатын өткізді 1.jpg"><img src="https://knadmin.beoblood.kz/uploads/Partiya_filialyny_t_ra_asy_2024_zhyly_at_aryl_an_zh_mystar_bojynsha_baspas_z_m_slihatyn_tkizdi_2_3b069818c3.jpg" alt="Партия филиалының төрағасы 2024 жылы атқарылған жұмыстар бойынша баспасөз мәслихатын өткізді 2.jpg">

Партия филиалының төрағасы 2024 жылы атқарылған жұмыстар бойынша баспасөз мәслихатын өткізді

<a href="https://kyzylorda-news.kz/">Kyzylorda-news.kz</a> Кеше Сыр медицинасының тарихында айтулы күн болды.Аймағымызда алғаш рет бауыр ауыстыру отасы жасалды. Көпбейінді облыстық ауруханада 40 жастағы еңбекке қабілетті пациентке жасалған бауыр трансплантациясы отасы сәттi аяқталды. Донор – 1993 жылы дүниеге келген пациенттің туысы. Тоғыз жылдан бері бауыр циррозы дертіне шалдығып, емi нәтижесіз болған науқас үшін бұл көптен күткен қуаныш.Он сағатқа созылған ота сәтті өтті. Қазіргі уақытта ем алушы бұрынғы өмірiне оралды десек болады, яғни емделуге тәуелділiк, уақыт пен тамақтануға байланысты шектеулерден босап, жұмыс істеуге және белсенді өмір салтын ұстануға толыққанды мүмкіндік алды.Трансплантацияның Қызылордада жасалуына А.Н.Сызғанов атындағы Ұлттық ғылыми хирургия орталығының басқарма төрағасы, медицина ғылымдарының докторы, профессор, жоғары санатты дәрігер Баймаханов Болатбек Бимендіұлы жетекшілік ететін трансплантологтар қолдау білдірiп, арнайы келді.Айта кетейік, көпбейінді облыстық аурухана дәрігерлері де отаға қатысып, тәжірибе алмасты. Бауыр ауыстыру отасы алдағы жылдары да жалғастырылмақ. Бүгінде Қызылорда облысында 16 адам бауыр трансплантациясын жасатқан. Олардың денсаулығы жақсы.Заманауи хирургияда донорлық бауырды сәтті трансплантациялау – созылмалы, асқынған ауруы бар науқастарды қалпына келтіріп, олардың толықтай медициналық және әлеуметтік оңалуын қамтамасыз етеді.<img src="https://knadmin.beoblood.kz/uploads/Ajma_ymyzda_al_ash_ret_bauyr_auystyru_otasy_zhasaldy_1_0d5e24fd39.jpg" alt="Аймағымызда алғаш рет бауыр ауыстыру отасы жасалды 1.jpg"><img src="https://knadmin.beoblood.kz/uploads/Ajma_ymyzda_al_ash_ret_bauyr_auystyru_otasy_zhasaldy_6277150b58.jpg" alt="Аймағымызда алғаш рет бауыр ауыстыру отасы жасалды.jpg">

Аймағымызда алғаш рет бауыр ауыстыру отасы жасалды

<a href="https://kyzylorda-news.kz/">Kyzylorda-news.kz</a> Өмірде әр түрлі жағдайлар болады. Ағымдағы кредиттік міндеттемелерді төлеуге мүмкіндік болмай кететін жайттар кездеседі. Мұндай жағдайда не істеу керек? Ең бастысы – шыдамсыздыққа салынбай, жағдайды кредит берушімен жайбарақат талқылау қажет. Оның үстіне, жағдайды сәтті шешудің барлық тетіктері бар.&nbsp;Туындаған проблемалық берешекті қалай шешуге болатынын және бұл үшін қандай заңнамалық тетіктер бар екенін Fingramota.kz айтып береді. &nbsp;Қарыз алушылар қалай қорғалған?&nbsp;Барлық азаматтардың кез келген төлем мерзімі өткен берешегін реттеу үшін 2021 жылғы қазан айында банктер мен МҚҰ-ның жеке тұлғалардың төлем мерзімі өткен берешегін реттеудің бірыңғай және міндетті сотқа дейінгі тәртібі заңнамалық түрде енгізілді. Қарыз алушылардың жолданымдарын қарауға кредит берушілердің формальды көзқарасы және 6 және одан да көп айға созылатын шешім қабылдау рәсімінің ұзақтығы бірыңғай тәртіпті енгізудің алғышарттары болды.Сол кезден бастап нормативтік құқықтық актілерге кредиттер бойынша төлем &nbsp;мерзімін кешіктірумен байланысты мәселені тез және тиімді шешуге мүмкіндік беретін көптеген түзетулер енгізілді. Нәтижесінде бірыңғай тәртіп өмірлік қиын жағдайға тап болған және өз қарыздары бойынша төлем жасай алмайтын азаматтарға арналды.1. Тәртіпке сәйкес банктер мен МҚҰ төлем мерзімі кешіктірілген сәттен бастап күнтізбелік 10 күн ішінде ол туралы қарыз алушыны хабардар етуге міндетті. Хабарламада кредиторлар сондай-ақ туындаған мерзімі өткен берешектің нақты мөлшерін, олардың банкке немесе МҚҰ-ға жүгіну құқығын және кредиттер мен микрокредиттер бойынша өз міндеттемелерін орындамау салдарын көрсете отырып, төлемдер енгізу қажеттігі туралы азаматтарды хабардар етуге тиіс.2. Қарыз алушы мерзімі өткен күннен бастап күнтізбелік 30 күн ішінде кредиторға қарызды қайта құрылымдау үшін жазбаша өтінішпен, сондай-ақ цифрландыру объектілері арқылы не кредиттік шартта жазылған өзге де тәсілмен жүгінуге құқылы. Өтініште кешіктірудің себебі және ықтимал қайта құрылымдау нұсқалары көрсетіледі.3. Қарызды қайта құрылымдау талаптары:сыйақы мөлшерлемесін азайту; төлемді кейінге қалдыру; өтеу әдісін өзгерту; қарыз мерзімін ұлғайту; мерзімі өткен негізгі борышты және (немесе) сыйақыны кешіру, айыпақыны (айыппұл, өсімпұл), комиссияларды және қарызға қызмет көрсетуге байланысты өзге де төлемдерді жою; ипотека нысанасы болып табылатын жылжымайтын мүлікті дербес сату немесе кепіл мүлкін кредиторға беру арқылы бас тарту төлемін ұсыну; сатып алушыға міндеттемені бере отырып, жылжымайтын мүлікті сату түрінде болуы мүмкін. 4. Кредитор күнтізбелік 15 күн ішінде қарыз алушыларға өтінішке жауап беруі керек.Анықтама үшін: 2021 жылдан бастап бірыңғай тәртіп 1,7 млн қарыз алушыға шарттардың талаптарын өзгертуге мүмкіндік берді, оның ішінде 2024 жылы кредиторлар 420 мыңнан астам қарыз алушының (189 мың банк қарыз алушысы, 231 мың МҚҰ қарыз алушысы) қарыздарын қайта құрылымдады.Банктер мен МҚҰ-ға қандай жаңа талаптар белгіленді?&nbsp;Азаматтардың проблемалық берешегін реттеудің сотқа дейінгі тәртібінің тиімділігін арттыру үшін банктер мен МҚҰ-ға жаңа талаптар белгіленді.Мәселен, егер 2021 жылғы 1 қазандағы заңда қарыз алушы банкке немесе МҚҰ-ға мерзімі өткен берешекті реттеуге 30 күн ішінде өтініш бере алса, онда ағымдағы жылдың қаңтарынан бастап нормативтік құқықтық акт қарыз шартының талаптарын өзгертуге, оның ішінде мерзімі өткен күннен бастап күнтізбелік 30 күн өткен соң өтініш беруге мүмкіндік береді.Демек, қарыз алушы мерзімнің өту күніне қатаң байланысты емес және кез-келген ыңғайлы уақытта қарызды реттеу үшін кредиторға жүгіне алады. Жаңа ережелер банктің мобильдік қосымшасы арқылы банктік қарыз шартының талаптарына өзгерістер енгізу туралы өтініш беруге мүмкіндік береді.Тағы бір норма банктер мен МҚҰ кредитті қайта құрылымдау мәселесін қарау үшін қарыз алушыдан мерзімі өткен берешекті немесе оның бір бөлігін біржолғы өтеуді талап ете алмайтынын&nbsp;көздейді.Іс жүзінде кредит бойынша төлемдердің жаңа кестесін ұсыну үшін көптеген банктер мен МҚҰ қарыз алушыдан алдымен берешек сомасының 20-30%-ы мөлшерінде жарна төлеуді талап еткен және осыдан кейін ғана қайта құрылымдау мәселесін шешуге кіріскен. Енді мұндай практика болмайды.Азаматтардың Агенттікке жолданымдарынан банктер кредиті бойынша мерзімін өткізу пайда болған қарыз алушыларға олардың құқықтары мен міндеттері жөнінде толық ақпарат бермейтін проблеманың орын алатыны белгілі болды.Ендігі жерде Агенттік бекіткен қарыз алушыны пайда болған мерзімі өткізу туралы хабардар ету нысанында негізгі борыш бойынша мерзімі өткен берешектің толық сомасы, сондай-ақ есептелген сыйақы көрсетілетін болады. Сонымен қатар, хабарламада негізгі борышты қайтару және (немесе) сыйақы төлеу жөніндегі міндеттемелерді бұзғаны үшін есептелген айыпақының (өсімпұлдың) сомасы болуға тиіс.<img src="https://knadmin.beoblood.kz/uploads/Fingramota_a34e0e090c.png" alt="Fingramota.png">Бұдан былай банк қызметкері кредит бойынша мерзімін өткізуі бар &nbsp;клиентті жұмыс күндері сағат 8.00-ден 21.00-ге дейінгі кезеңде тұрғылықты жері не қарыз алушының орналасқан жері, не қарыз алушының тіркелген жері бойынша не банктің (филиалдың) үй-жайында аптасына үш реттен артық емес және жұмыс күні бір реттен артық емес хабардар ете алады.Жұмыс күндері сағат 8.00-ден 21.00-ге дейінгі кезеңде үш реттен артық емес және демалыс және мереке күндері сағат 9.00-ден 19.00-ге дейінгі кезеңде банктің бастамасы бойынша телефон арқылы келіссөздер жүргізу арқылы екі реттен артық емес.Банктің үшінші тұлғамен өзара іс-әрекеттесуіне мерзімі өткен берешекті реттеу және (немесе) өтеу үшін қарыз алушының орналасқан жерін және (немесе) байланыс деректерін белгілеу мақсатында жол беріледі.Ұқсас нормалар коллекторлық агенттіктер үшін де белгіленген.2024 жылғы маусымда заңнамалық өзгерістердің үлкен блогі қабылданды. Мәселен, жаңа заңнамаға сәйкес кредитордың қарыз алушыны туындаған мерзімін өткізу туралы хабардар ету мерзімі 20-дан 10 күнге дейін қысқартылды. Бұл ретте кредитордың кредит беру шартының талаптарын өзгерту жөніндегі ұсыныстарын алған күннен бастап күнтізбелік 30 күн ішінде қайта құрылымдау талаптары бойынша келісімге қол жеткізбеу реттеуден бас тарту болып есептеледі.2024 жылғы желтоқсанда омбудсмандар бойынша инновациялар қабылданды. Ендігі жерде кредитормен келісімге келмеген жағдайда банктік немесе микроқаржы омбудсманына жүгіну қажет. Олардың шешімдері кредиттік ұйымдар үшін міндетті болып табылады.Осылайша, азаматтарға кредиттерін төлеуге байланысты кез-келген мәселелерді проблемасыз және қаржылық шығындарсыз шешуге мүмкіндік беретін ыңғайлы және тиімді тетік ұсынылып отыр.Қаржылық сауаттылығыңызды Fingramota.kz-пен бірге арттырыңыз!Фото: FinGramota.kz

Кредит берушімен байланыста болу – проблемалық берешекті қалай реттеуге болады

<a href="https://kyzylorda-news.kz/">Kyzylorda-news.kz</a> Қызылорда облысы бақылау жөніндегі басқармасының ұйытқы болуымен 2024 жылы бірқатар нәтижелі жұмыстар атқарылды. 34 жоспардан тыс тексеру жүргізіліп, нәтижесінде анықталған заң бұзушылықтарды жою жөнінде 19 нұсқама берілді. Оның 16-ы орындалса, біреуі орындалу сатысында. Қалған екеуі сотпен қаралуда. Жүргізілген тексерулер нәтижесімен сәулет-құрылыс бақылау саласындағы заңнама талаптарын бұзған тұлғаларға қатысты әкімшілік құқық бұзушылық туралы іс қозғалып, тиісті шаралар қаралған. Бұл туралы аймақтың бас ақпарат алаңы өңірлік коммуникациялар қызметі басқарма басшысының міндетін атқарушы Марат Мырзабеков мәлімдеді.<blockquote>- 2024 жылы жеке және заңды тұлғалардан 630 өтініш түсіп, оның 85-і қарау реттілігімен басқа органға жолданса, қалған 545-і заңнама талаптарына сәйкес тиісті шаралар қабылданып жауаптар берілген. Жалпы өтініштерді қарау тәртібі мен мерзімдерін бұзу деректері орын алған жоқ. Мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы түскен 3056 хабарламаның заңдылығы тексеріліп, оның 1805-і тізілімге енгізілсе, 1251 хабарлама заңнама талаптарына сәйкес рәсімделмеуі себепті кері қайтарылды. Сондай-ақ, 2757 объектіні пайдалануға қабылдау туралы актінің 1338-не оң қорытынды берілсе, 1419 актіге теріс қорытынды берілді. Сол сияқты, 70 аккредиттелген техникалық қадағалау ұйымдарынан “Е-Qurylys” жүйесіне 4135 айлық есептері түсіп, оның 2983-і қабылданса, 1152-і ескертпемен қабылданды,- деді Марат Салқадинұлы.</blockquote><img class="image_resized" style="width:100%;" src="https://knadmin.beoblood.kz/uploads/Brifing_rylys_ed4f9be585.jpg" alt="Брифинг құрылыс.jpg">Фото: Нұрболат Нұржаубай

Құрылыс нысандарының сапасы бақылауда

<a href="https://kyzylorda-news.kz/">Kyzylorda-news.kz</a> ҚР Президенті Әкімшілігі Басшысының бірінші орынбасары Дархан Сатыбалдының төрағалығымен өткен мәжілісте «Жайлы мектеп» ұлттық жобасының, «Таза Қазақстан» республикалық экологиялық бағдарламасының іске асу барысы талқыланды.«Жайлы мектеп» ұлттық жобасымен облыста 12 300 орынға арналған 21 мектеп салу және оның 6 900 орындық 10 мектебін 2024 жылы пайдалануға беру жоспарланған.2023 жылы жайлы мектептер құрылысына 19,6 млрд. теңге қаржы бөлініп, «Самұрық - Қазына Констракшн» акционерлік қоғамының шотына аударылды. 2024 жылға жоспарланған 21,3 млрд. теңге игерілді. Қызылорда облысының әкімдігі мектептерге инфрақұрылым жеткізудің жоба-сметалық құжаттарын әзірлеуге жергілікті бюджеттен 118,4 млн. теңге бөліп, сараптаманың оң қорытындысы алынды.Одан әрі жергілікті бюджеттен 1,7 млрд. теңге қаржы бөлініп, бүгінде 10 мектептің инфрақұрылым жұмыстары толық аяқталды. Іргелес аумақтарын абаттандыру, жол салу үшін жергілікті бюджеттен 2 млрд 80 млн теңге бөлінді. Мердігерлер анықталып, жұмыс жүргізілуде.Өткен жылдың қазан айында республикада алғашқылардың бірі болып Қызылорда қаласындағы Сырдария өзенінің сол жағалауынан 900 орындық мектеп ел игілігіне табысталды. Қаңтар айының басында тағы 2 мектеп пайдалануға берілді. Бүгін Қызылорда қаласы КБИ мөлтек ауданындағы 600 орындық мектеп ашылды. Жақын күндері Жаңақорған кенті Саяжай мөлтек ауданындағы600 орындық мектеп пайдалануға беріледі. Қалған 5 мектептің құрылысы осы жылы бітеді.«Таза Қазақстан» республикалық экологиялық бағдарламасының өңірлік жоспары жасалып, ол бойынша кешенді жұмыс жүргізілуде. Демеушілік есебінен Қызылорда қаласындағы 28 ескі көпқабатты тұрғын үйдің қасбеті заманауи панельмен қапталды, 20 көпқабатты тұрғын үйдің аулалары абаттандырылды.Қызылорда қаласындағы орталық алаңды қайта жаңғыртуға демеушілік есебінен 1 млрд. теңге және облыстық бюджеттен 1 млрд. теңге қаралды. Теміржол вокзалының ғимараты мен перроны күрделі жөндеуден өткізілді. Балалардың игілігі үшін 80 ойын және спорт алаңы салынды. Жаңақорған ауданында демалыс паркі, Сырдария ауданының Нағи Ілиясов ауылында «Еңбекшілер паркі» ашылды, Қармақшы ауданының Жаңажол ауылында орталық алаң және Жалағаш ауданының Таң ауылында көшелер абаттандырылып жарықтандырылды.Облыстық бюджеттен қаралған қаражатқа 17 көпқабатты тұрғын үй аулалары, 14 спорт, ойын алаңы салынып, 7 ойын алаңы жөнделді. Демеушілер есебінен 63 көпқабатты тұрғын үй мен 2 әлеуметтік нысанның қасбеті заманауи үлгіде әрленуде. Аудандарда да көшелер абаттандырылып, ойын алаңдары мен скверлер салынуда.Облыс орталығынан бастап барлық елді мекендегі мекеме ғимараттары, аулалар, ойын алаңдары, аялдамалар, жарық бағаналары бекітілген бірыңғай архитектуралық талапқа сәйкестендірілді.Өңірде жыл сайын «Үлгілі елді мекен» конкурсы өткізілуде. Бүгінге дейін 1,5 млрд. теңге бөлініп, үздік атанған елді мекендерге күнделікті тұрмысқа қажетті 48 арнайы техника табысталды. Биыл 564,4 млн. теңге бөлініп, 19 коммуналдық техника сатып алынады. Өткен жылы коммуналдық сала және абаттандыру мекемелері 73 техникамен, жыл соңына дейін тағы да 33 арнайы техникамен жарақталды.Облыс орталығында және барлық ауданда «Үздік аула» конкурсы дәстүрлі түрде жыл сайын өткізілуде.Фото: Қызылорда облысы әкімінің баспасөз қызметі

Архив