<a href="https://kyzylorda-news.kz/">Kyzylorda-news.kz</a> Қазгидромет еліміз бойынша 26-28 желтоқсанға арналған ауа райы болжамын жариялады. Еліміздің басым бөлігінде&nbsp;ауа райы тұрақсыз болады. Бұл туралы <a href="https://stan.kz/kar-zhauip-koktaygak-boladi-sinoptikter-elimiz-boyinsha-411677/">Stan.kz</a> ақпарат агенттігі хабарлайды.Синоптиктердің мәліметінше, ел аумақтары&nbsp;солтүстік-батыс циклонының ықпалында болады. Салдарынан&nbsp;ауа райының тұрақсыздығы туындайды. Қар жауып, республиканың оңтүстік-батысында жауын-шашын болады.Елдің оңтүстігінде ғана антициклон әсері&nbsp;негізінен жауын-шашынсыз ауа райы болжанып отырРеспублика бойынша бұрқасын, тұман, екпінді жел болады. Елдің батысында көктайғақ болжанып отыр.Қазақстанның басым бөлігінде ауа температурасы түнде 3 -15 аязға дейін, күндіз 6&nbsp;-5 градус болады.&nbsp;Елдің батысында ғана температуралық режимде күрт өзгерістер болмайды.Фото:&nbsp;pixabay.com

"Қар жауып, көктайғақ болады": Синоптиктер еліміз бойынша алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz</a> Сейсенбі күні Superdevolui шипажайындағы (Жоғары Альпі таулары) 240-қа жуық шаңғышы лифтіде тұрып қалып, шұғыл эвакуациялауды бірнеше сағат күтуге <a href="https://kaz.inform.kz/news/frantsiyadagi-tau-shangisi-kurortinda-240-turist-liftte-turip-kaldi-8eeba9/">мәжбүр болды</a>.Le Parisien басылымы күндізгі сағат 13:00 шамасында белгісіз себептермен Festur лифтінің электр қозғалтқыштары тоқтап қалғанын жазады. Зардап шеккендер болмаса да, шаңғышылар тікұшақпен құтқаруды ұзақ күтуге тура келді.<blockquote>– Кейбіреулер күйзеліске түсті. Ұзақ уақыт тұрып қалдық, суық тигізе бастадық, – дейді оқиғаның ішінде болған Леа Барталай. Ол «алғашқылардың бірі болып эвакуацияланғанын» айтты.</blockquote>Турист Натан BFMTV арнасына лифтте шамамен 3,5 сағат қалғанын жеткізді.<blockquote>– Соңғылардың бірі болып мен құтқарылдым. Кейбір адамдар бас айналуынан қатты қорықты, сондықтан олар алдымен құтқарылды. Мен биіктіктен қорықпаймын, сондықтан бәрі жақсы болды, – деді турист.</blockquote>Құтқару жұмыстарына Жоғарғы жандармерия взводының жандармдары, тау тобының өрт сөндірушілері және станция көтергіштерінің қызметкерлері, сондай-ақ тікұшақ жұмылдырылды.<blockquote>– Шаңғышылардың көпшілігі арқандар арқылы жерге эвакуацияланды, ал кейбіреулері ұшақпен жеткізілді, – дейді шаңғы алаңын басқаратын SEM Devoluy бас директоры Лоран Телен.</blockquote>Гап пен Гренобль арасында орналасқан Деволуи тау шаңғысы аймағымен байланыстырылған Superdevolouy және La Joux du Loup деген екі курорттан тұрады. Оның веб-сайтына сәйкес елуге жуық беткейі мен 22 лифті бар және маусымын 14 желтоқсанда ашты.Айта кетейік, бұған дейін Франция жаңа үкіметінің құрамы белгілі болған.Фото: instagram/marje.1307

Франциядағы тау шаңғысы курортында 240 турист лифтте тұрып қалды

<a href="https://kyzylorda-news.kz/">Kyzylorda-news.kz</a> Қазақстандық ауыр атлет Алексей Чуркин жастар арасындағы Азия чемпионатында жеңімпаз атанды. Бұл туралы Olympic.kz сайтына сілтеме жасай отырып <a href="https://el.kz/qazaqstandyq-ziltemirshi-aziya-chempionatynda-top-zhardy_400007299/">El.kz</a> ақпарат агенттігі хабарлайды.Чуркин жарыста 89 келіге дейінгі салмақ дәрежесінде жеңіске жетті. Қоссайыстың нәтижесі бойынша ол 360 (163+197) келі көтерді.Екінші орынды ирандық Илия Салехипур еншіледі – 356 (161+195) келі, ал қола медальді тағы бір ирандық Аббаспур Алиреза жеңіп алды – 355 (159+196) келі.Айта кетейік, жақында Манама қаласында өткен ересектер арасындағы әлем чемпионатында Алексей Чуркин күміс жүлдеге ие болған еді.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: ҚР ҰОК

Қазақстандық зілтемірші Азия чемпионатында топ жарды

Қызылорда қаласында жаңа форматтағы Халыққа қызмет көрсету орталығы – СуперХҚКО-ның ресми ашылуы өтті. Салтанатты шараға ҚР Цифрлық даму министрі Жаслан Мәдиев пен «Азаматтарға арналған үкімет» Мемлекеттік корпорациясының Басқарма Төрағасы Арман Кенжегалиев қатысты. Жаңа форматтағы СуперХҚКО – бұл тұрғындарға барлық мәселелерді бір жерде жылдам әрі ыңғайлы шешуге мүмкіндік беретін көпфункционалды инфрақұрылым. Енді азаматтарға түрлі мекемелерге барудың қажеті жоқ, себебі бұл жерде мемлекеттік және үкіметтік емес ұйымдар шоғырланған. Жаңа ғимарат заманауи талаптарға сай салынған: кең бөлмелер, ыңғайлы навигация, заманауи дизайн және цифрлық технологиялардың енгізілуі қызмет алу процесін айтарлықтай жеңілдетеді. Барлық жағдай келушілердің уақытын үнемдеп, қызметті барынша жайлы алу үшін ұйымдастырылған. «СуперХҚКО – бұл халыққа қызмет көрсету жүйесінің жаңа стандарты. Олар азаматтардың ең бағалы ресурсы – уақытын үнемдеуге көмектесіп, қызметтерді қолжетімді, ашық және сапалы түрде ұсынады. Бұл – азаматтардың жайлы өмір сүруін қамтамасыз етуге бағытталған маңызды қадам», – деп атап өтті «Азаматтарға арналған үкімет» Мемлекеттік корпорациясының Басқарма Төрағасы Арман Кенжеалиев. Шара барысында Цифрлық даму министрі Қызылорда облысындағы «Азаматтарға арналған үкімет» филиалының қызметімен, сондай-ақ алдағы жоспарларымен және даму перспективаларымен танысты. Естеріңізге сала кетейік, СуперХҚКО Қызылорда қаласы, Ғ. Мұратбаев көшесі, 2Е мекенжайында орналасқан. Бұл осындай форматтағы Қазақстандағы екінші орталық. Алғашқысы Қарағанды қаласында ашылып, өзінің тиімділігін дәлелдеді.

Қызылордада жаңа форматтағы СуперХҚКО ашылды

Қызылорда облысы бойынша ҚАЖД-ның №60 мекемесінде заттарды өткізу әрекеті кезінде жазасын өтеушіге кәмпит ішіне жасырылған есірткіге ұқсас затты өткізбекші болған азамат ұсталды. &nbsp; &nbsp; &nbsp;Аталған дерек бойынша Қызылорда қалалық полиция басқармасының жедел-тергеу тобы шақыртылып, тергеу барысында конфет ішіне жасырылған 5 дана өзіне тән иісі бар, жасыл түсті есірткіге ұқсас зат анықталды. &nbsp; &nbsp; &nbsp;Осы факті бойынша сәлем-сауқат алып келген азамат ҚР Қылмыстық кодекісінің 297/1-бөлігі бойынша қылмыстық іс қозғалып, сотқа дейінгі тергеп –тексеру жұмыстары &nbsp;жүргізілуде. Есірткі екені анықталса азамат қылмысық жауапкершілікке тартылатын болады. №60 мекеме баспасөз қызметі

«Тәтті кәмпит» ішінен есірткіге ұқсас зат табылды 

<a href="https://kyzylorda-news.kz/">Kyzylorda-news.kz</a> Монументтік өнер құрылыстарын орнату қағидаларына өзгеріс енгізілді. Бұдан кейін бір елді мекенде бір аса көрнекті тұлғаға немесе маңызды оқиға бір ғана құрылыс орнатылады. Бұл туралы Өңірлік коммуникациялар қызметінің баспасөз алаңында Қызылорда облыстық тарихи-мәдени мұраны қорғау орталығының басшысы Ерқазы Алданазаров мәлімдеді.<blockquote>- ҚР Мәдениет және спорт министрінің 2020 жылғы 28 сәуірдегі № 103 бұйрығына төмендегідей өзгерістер мен толықтырулар енгізді. Монументтік өнер құрылыстарын орнату қаһармандық пен ерлік танытқан, мемлекет тәуелсіздігін нығайтуға айтарлықтай ерен үлес қосқан жағдайларды қоспағанда, аса көрнекті тұлғалар қайтыс болған және маңызды тарихи оқиғалар орын алған күннен бастап кемінде бес жыл өткен соң орнатылады. Республикалық деңгейдегі БАҚ беттерінде және жергілікті атқарушы органдардың интернет ресурстарында жұмыс жобаларына республикалық конкурс жарияланады. Республикалық комиссияның қарауына кемінде 3 жұмыс жобасы ұсынылады. Монументтік өнер құрылыстары мемлекеттік меншіктегі жалпы ортақ пайдаланылатын орындарда орнатылады. Талаптарды ескермей ескерткіштер орнатылған жағдайда әкімшілік жауапкершілікке тартылып, айыппұл салынады, - деді Ерқазы Алданазаров.</blockquote>

Ескерткіш орнату қағидаларына өзгеріс енгізілді

Қызылорда қаласының тұрғыны 25 жастағы Қанат Тасберген 60-қа жуық адам тұратын үйдегі өртті сөндіріп, ерлік көрсетті. Оқыс оқиғаның алдын алып, қызыл жалынның таралуына жол бермеген оның бұл әрекеті көзсіз батырлықты талап етеді. Өзгенің өмірі үшін өз басын тәуекелге тіккен &nbsp;Қанат Төтенше жағдайлар министрлігінің «Өртте көрсеткен қайсарлығы үшін» медалімен марапатталды. «Мен осы тұрғын үйде жұмыс істеймін. Кезекті жұмыс күнімде сол маңнан өрт шыққанын естіп, жүгіріп бардым. Мен барғаннан кейін өрт көлемі үлкейіп кетті. Балкондағы бар заттарды төменге лақтыра бердім. Ұзамай өрт сөндірушілер келіп, төменге түс деп нұсқама берді. Бірақ бар ойым жалынды өшіріп, балкондағы тез жанатын заттардан тазарту болды. Өрт сөнгеннен кейін төменге түссем халық фото-видеоға түсіріп, қошемет көрсетіп жатыр екен. Мен бұл ісімді ерлікке баламағандықтан ол жерден тез кетіп қалуды ойладым. Менің орнымда кім болса да солай жасар еді. Қолдан келіп тұрса көмек бергенге не жетсін?!», - деді Қанат Алматұлы. Еске сала кетсек, оқиға 21 қыркүйекте Шұғыла мөлтек ауданындағы №15 көпқабатты үйде болған. Екінші қабаттағы пәтердің жанып жатқанын естіген 25 жастағы жігіт еш ойланбастан балкон арқылы төбеге көтеріліп, өртті өз күшімен сөндіреді. Осы арқылы қызыл жалынның таралуына жол бермей, адам өміріне төнген қауіптен сақтап, оқыс оқиғаның алдын алды. Жеке мекемеде сантехник болып еңбек ететін ол бокстан спорт шеберлігіне үміткер.

Қайсарлық көрсеткен Қанат тұрғындарды өрттен құтқарды

Фото: Сыр бойы газетіЕліміздегі байырғы басылымдардың бірі – Қызылорда облыстық «Сыр бойы» газетіне 95 жыл. Басылым мемлекеттік-ақпараттық саясатты жүргізуде, аймақтың тыныс-тіршілігін үздіксіз насихаттауда аянбай қызмет етіп келеді. Айтулы мерейтой аясында облыс әкімінің орынбасары Шахмардан Байманов облыстық «Сыр бойы» және «Кызылординские вести» газеттерінің шығармашылық ұжымын мерейтойымен құттықтады.<blockquote>Мемлекет басшысы Қасым-Жомарт Тоқаевтың бастамасымен қолға алынған саяси реформаларды, кейінгі бес жылдың бедерінде елдің әлеуметтік-экономикалық дамуын қамтамасыз ету бағытында атқарылған ауқымды істерді насихаттауға, қоғамдық сананы жаңғыртуға да ерекше үлес қосуда.Осының бір айғағындай, 2023 жылы «Сыр бойы» газеті «Үркер» ұлттық сыйлығы бойынша «Үздік өңірлік БАҚ» номинациясын иеленді. Ақпараттық-коммуникациялық технологиялардың қанат жаюы масс-медианың алдына жаңа талаптар қойып отыр. Бұл ретте «Сыр бойы» газетінің бет-бейнесі де, мазмұны да заманға сай дамып келеді, – деді Шахмардан Асқарұлы.</blockquote>Кездесуге ұжымның ардагерлері мен журналистер қатысты. Сонымен қатар, Шахмардан Асқарұлы бірқатар ардагерлер мен журналистерді марапаттады. Ал «Сыр бойы» газетінің ардагерлері Қайырбек Мырзахметұлы мен Рысты Бекбергенова Қызылорда облысының «Құрмет грамотасымен» марапатталса, облыс әкімінің алғыс хатымен «Сыр бойы» газетінің бөлім басшысы Дүйсенбек Аянұлы, газеттің аға тілшісі Айсәуле Қарапаева, газет тілшілері Сара Адайбаева мен Тұрар Бекмурзаев облыс әкімі орынбасарының Алғыс хатымен марапатталды. облыстың «Құрметті ардагері» медалімен ардагерлер Мейрамбек Шілдебаев пен Бисенкүл Қарабөпеге табысталды.Қазақстан Журналистер одағының «Құрмет грамотасы» ардагерлер Жолдасбек Ақсақалов пен Нұрмахан Елтайға табыс етілді. «Қазақстанның құрметті журналисі» медалімен ардагер Жұматәлі Әбдіраман марапатталды. Ал салалық мәдениет, спорт және ақпарат қызметкерлерінің кәсіптік одағының «Еңбек даңқы» төсбелгісі газеттің корректоры Жаңылған Алдамұрат пен техникалық-компьютерлік бөлімінің басшысы Қуаныш Оразбаевқа табысталды.Айта кетейік, биыл аймақтың бас газеті «Сыр бойы» және «Кызылординские вести» басылымдарының 95 жылдығын атап өтуде.

Сыр баспасөзі және айтулы асу

Фото: видео скриншотҚаржаубай "Бұзақылық" бабы бойынша 15 тәулік қамауға алынған.Марқұм Шерзат Полаттың әкесі бостандыққа шықты, деп хабарлайды <a href="https://sn.kz/">Skifnews.kz</a> ақпарат порталы.Қаржаубай Нұрымовты адвокаты Асылбек Абдыраимов шығарып алған.“Қаржаубайда бәрі жақсы. Қазір ол отбасымен бірге уақыт өткізіп, демалғысы келеді. Жақсын уақытта қосымша ақпарат жариялаймыз”, – деді адвокаттары.Бұған дейін, Қаржаубай "Бұзақылық" бабы бойынша 15 тәулік қамауға алынған.

Шерзат Полаттың әкесі бостандыққа шықты

<h2>Ақтаудағы ұшақ апатынан мерт болған қазақстандықтар туралы ақпарат белгілі болды. Ішінде ана мен бала да бар.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлады.</h2>Фотода Эльдар Жұмағат, Гаухар Шаймерденова, Салима Джутаева, Сәндібек ТөлесіновҚұтқару қызметі ұшақ апаты кезінде қаза болған Қазақстан азаматтары туралы ақпарат берді. Көбі Маңғыстау облысынан екен.<ul><li>36 жастағы&nbsp;Сәндібек Төлесінов –&nbsp;Маңғыстау облысы, Жаңаөзен қаласының тұрғыны;</li><li>39 жастағы Бауыржан Жұмағұлов – Маңғыстау облысы, Жаңаөзен қаласының тұрғыны;</li><li>46 жастағы Галина Махсудова –&nbsp;Ақтау қаласының тұрғыны;</li><li>49 жастағы Гаухар Шаймерденова –&nbsp;Астана қаласының тұрғыны, бірақ Алматыда дүниеге келген.&nbsp;</li><li>11 жасар Эльдар Жұмағат – Астана тұрғыны. Гаухар Шаймерденованың ұлы.&nbsp;</li><li>29 жастағы Салима Джутаева Аманжолқызы –&nbsp;Қарағанды қаласының тұрғыны.</li></ul>Желіде қаза болғандар туралы ақпарат тарады. Мәселен Гаухар Шаймерденова Астанада нотариус болған екен.&nbsp;Тележүргізуші Санди Сұлтан Гауһар Шаймерденованың ұшақта болғанын хабарлады. Журналист олардың дос екенін және ол 10 жасар ұлы Эльдармен бірге Бакуден ұшқанын&nbsp;айтты.Ал Салима Джутаева Қарағандыда стоматолог болып жұмыс істегені белгілі болды.Еске салсақ,&nbsp;Ақтау маңында&nbsp;Бакуден Грозныйға ұшып бара жатқан "Azerbaijan Airlines" әуе компаниясына тиесілі&nbsp;жолаушылар&nbsp;<a href="https://stan.kz/ishinde-zhuzge-zhuik-zholaushi-bolgan-aktau-maninda-ysh-411664/">ұшағы&nbsp;құлағаны туралы</a>&nbsp;жазған едік. Желіде&nbsp;ұшақтың ішінде&nbsp;<a href="https://stan.kz/aktau-maninda-kylagan-yshaktin-ishinde-apatka-deyin-zha-411697/">апатқа дейін және кейін түсірілген</a>&nbsp;видеолар пайда болды.&nbsp;Айта кетейік, Ақтау маңындағы ұшақ апатынан<a href="https://stan.kz/aktau-manindagi-yshak-apatinan-38-adam-kaza-tapti-411705/">&nbsp;38 адам қаза тапқаны</a>&nbsp;белгілі болды. Ұшақтағы&nbsp;<a href="https://stan.kz/aktauda-apatka-yshiragan-yshaktin-bortinda-bolgan-kazak-411706/">қазақстандықтардың барлығы&nbsp;</a>көз жұмды.

Ақтаудағы ұшақ апатында қаза болған қазақстандықтардың есімі аталды

<a href="https://kyzylorda-news.kz/">Kyzylorda-news.kz</a> Жаңа жылдық мереке күндері коммуналдық қызметтер мен төтеншеліктердің жұмысы қызу болады. Олар тұрғындардың қауіпсіздігін қамтамасыз етіп, коммуналдық қызметтердің толық берілуін қадағалайды.&nbsp;Өңірлік коммуникациялар қызметінің баспасөз алаңына келген жауапты саланың мамандары мереке күндері күшейтілген жұмыс режиміне көшетіндерін айтты.<blockquote>- Облыс бойынша жылу беру маусымына тіршілікті қамтамасыз етуші кәсіпорындар мен әлеуметтік сала нысандарының дайындығы бекітілген кестеге сәйкес жүргізіліп, жоспарланған жұмыстар толығымен орындалды. Қазандықтар сыртқы ауа температурасына сай жылу энергиясы берілуде. Өңір бойынша жауапты штаттық режимде жұмыс істеп жатыр. Жылу маусымының үздіксіз өтуі облыс әкімдігінің тұрақты бақылауында, - деді облыстық энергетика және тұрғын үй-коммуналдық шаруашылық басқармасы басшысының орынбасары Бауыржан Ізмағамбетов.</blockquote>Қауіпсіздікті қамтамасыз ету, адам өмірі мен денсаулығын, меншікті және қоршаған ортаны өрттен қорғау мақсатында азаматтық қорғау қызметкерлері жүйелі түрде облыс тұрғындарындарына үгіттеу-түсіндіру жұмыстарын жүргізуде.<blockquote>- Жергілікті атқарушы органдармен бірлесіп жаңа жылдық іс-шаралар өтетін орындардың тізімі қалыптастырылуда. Бүгінгі күні облыс аумағында 763 объектінің тізімі нақтыланды. Олардың басым бөлігі білім беру объектілері, яғни мектептер мен балабақшалар. Барлық объектілер мен құрылған шыршалардың өрт қауіпсіздігі жағдайына қарау жұмыстары жүргізіліп, барлығы 169 бұзушылық анықталды. Бұзушылықтар дер кезінде жойылып, қалпына келтірілді, - деді облыстық ТЖД бастығының орынбасары Нұрсұлтан Ибрагимов.</blockquote>Мереке күндері қалалық шаруашылық объектілері мен тіршілікті қамтамасыз ету жүйелерінің үздіксіз жұмыс істеуін қамтамасыз ету үшін барлық шаралар қабылданды. Барлық кезекші персонал жоғары дайындық режимі туралы танысып, нұсқаулықтан өткен.&nbsp;

Коммуналдық қызметтер мереке күндері күшейтілген режимде жұмыс істейді

<a href="https://kyzylorda-news.kz/">Kyzylorda-news.kz</a> &nbsp;Семейде жаңажылдық шыршаны безендіру кезінде биіктен құлаған мұғалім Қуат Айтқалиевтің мәселесі Мәжілісте айтылды. Бүгін жалпы отырыста депутат Жұлдыз Сүлейменова бас прокурор Берік Асыловқа депутаттық сауал жолдады, деп хабарлайды <a href="http://qaz365.kz/">Qaz365.kz</a>.<blockquote>Ашық ақпараттардан белгілі болғандай, 2024 жылғы 21 желтоқсанда №49 мектептің қазақ тілі мен әдебиеті пәнінің мұғалімі, 49 жастағы Қуат Айтқалиев орталық алаңда жаңа жылдық шыршаны безендіру кезінде жоғары биіктіктен құлап, ауыр жарақат алған. Қазіргі уақытта жағдайы өте ауыр. Мемлекет басшысы Тоқаевтың тапсырмасымен қабылданған «Педагог мәртебесі туралы» заң ұстаздардың заңды мүддесі мен құқықтарын қорғауға арналған. Аталған заң мұғалімдердің негізгі қызметіне жатпайтын артық міндеттерден қорғауы шарт. Алайда, осы жағдай педагог мәртебесі туралы заңды өрескел бұзып тұр, – дейді Жұлдыз Сүлейменова.</blockquote>Ол осы ретте бірнеше ұсыныс енгізді.1. Мұғалімдерді заңсыз жұмысқа тарту шешімін қабылдаған және «Педагог мәртебесі туралы» заңды бұзған тұлғаларды анықтап, қатаң жауапкершілікке тартуды сұраймыз.2. Зардап шеккен мұғалімге толық медициналық көмек көрсетуді және заңды өтемақы төлеуді, оның ішінде педагогтың алған жарақатын өндірістік жарақат деп тануды және оған өмір бойы өндірістік жарақатқа берілетін төлемді тағайындауды қарастыруды сұраймыз.3. Семей қаласында шыршасын орнату мен безендіруге бөлінген қаражатты тексеріп, бюджет қаражатын мақсатсыз пайдаланғандар болса, оларды заң аясында жауапкершілікке тарту қарастырылсын.4. «Педагог мәртебесін туралы» заң талаптарын сақтамау жағдайларына байланысты барлық білім беру ұйымдарында тексеріс жүргізіп, мұғалімдердің құқықтары мен қауіпсіздігін қамтамасыз ету бойынша қосымша шаралар қабылдауды ұсынамыз.5. AMANAT партиясы фракциясы Қазақстан Республикасының бас прокуратурасынан осы мәселені жеке бақылауға алып, кінәлілерді жауапқа тартып және зардап шеккен жағдайы ауыр педагогтың құқықтарын толық қорғауды қамтамасыз етуде нақты шаралар қабылдауды сұраймыз.Фото: parlam.kz

Архив