&nbsp;<a href="https://kyzylorda-news.kz/">Kyzylorda-news.kz</a> Қызылордада тағдырлас жандарға қол ұшын беріп, қоғамға араласуына мүмкіндік жасау үшін құрылған бірлестік бар. «Жәудір» мүгедектер қоғамдық бірлестігі 2 жылдан бері жұмыс істеп келеді. Бірлестік директоры – Гүлсім Әбілова. Бүгінде 10 адамды жұмыспен қамтып отыр.<blockquote>– Менің негізгі мамандығым – филолог. Біраз жыл Байқоңырдағы мектепте мұғалім болып жұмыс істедім. Бірақ көру қабілетім нашарлап, оқушылардың дәптерін тексере алмадым. Дәрігерлер үшінші топқа шығарып, жұмыс істеуге болмайтынын айтты. Қаншама ем алғаныммен көзімнің көру қабілеті жақсармады. Қазір бірінші топ мүгедегімін. Талай жыл ұстаздық қызметте болғандықтан маған бұл ауыр тиді. Басқа жұмысқа денсаулығым жарамайды. Біршама уақыт қаладағы соқырлар қоғамында жұмыс істедім. Бұл жұмыс та көңілімнен шықпады. Содан осы бірлестікті ашуды ұйғардым. Біз түрлі өнімдер шығарамыз. Бірақ мақсатымыз – пайда табу емес. Мүмкіндігі шектеулі жандардың қолынан қандай іс келеді, соны барынша ұқсатып, өз-өзін қамтамасыз етуге үйретеміз, – дейді ол.</blockquote>Үш бағытта жұмыс істейтін бірлестікте тағдыр тауқыметін тартқан жандар шүйіркелесіп, бір үйдің адамдарындай әр істі келісіп атқарады. Қолөнер, тігін және емдік массаж бағытында өз-өздерін жұмыспен қамтып отырған жайы бар. Мәселен, қолөнер бағыты бойынша гипстен көптеген бұйымдар жасайды. Осында қаңтар айында қоғамдық жұмысқа орналасқан Ботагөз Бөлегенова гипстен қобдиша, тиын салғыш, доп, той табақ заттарын жасауды тез үйреніп алған.<blockquote>– Бұл бұйымдарды жасау үшін арнайы гипсті пайдаланамыз. Оны суға араластырып, қалыпқа құямыз. Қатқан соң қалыптан шығарып, оны бояп, әрлейміз. Өнімдердің барлығы қолжетімді бағада. Бір қобдиша бағасы көлеміне қарай 250-300 теңге аралығында сатылады. Күніне 100 қобдиша, 50 тиын салғыш шығаруға мүмкіндігіміз бар. Қазір тойдың маусымы болғандықтан тапсырыстар көп, – дейді ол.</blockquote>Мұнан бөлек балалардың жастығы, көрпе, көрпешелер, кейінгі кезде ұмытылып бара жатқан сыпыра тігуді де қолға алған. Сапалы матадан тігілетін болғандықтан сұраныс жақсы. Оның үстіне бағасы базардағыдай аспандап тұрған жоқ. Қол еңбегіне үстеме қоймай, тек шикізатқа кеткен тауардың бағасына ғана ақы алады. Сонымен бірге, жіп, тоқыма бұйымдарын да жасайды.Тағы бір бағыты бойынша мүмкіндігі шектеулі жандарға тегін емдік массаж қызметі де бар. Айына бір адамға қайырымдылық көмек керсетіледі. Мемлекеттен берілетін мүмкіндікті де пайдаланып, жұмысшы орнын субсидиялау бойынша айлық төленеді. Өз-өздерін қаржыландырып отырған бірлестік алдағы уақытта жұмыс ауқымын кеңейтіп, аудандардан филиал ашуды да мақсат етеді.<blockquote>– Алға қойып отырған мақсатымыз бар. Бірлестік енді аяққа тұрып келе жатқандықтан, бізге кәсіпкер инвестиция жасаса деген ұсынысымыз бар. Өйткені, қаражат жағы жетіспейді. Айналым да көп емес. Тек қолдағы барды тиімді пайдаланып отырмыз. Тігіншілік бағытын дамытып, заманауи цех ашуды көздейміз. Онда мақтаны жуып, түтіп, қайта тазартып жаңадан көрпеше жасауды қолға алғымыз келеді. Қазір осы салада сұраныс көп. Перде тігуді де жоспарлап отырмыз. Әрине барлығына қаражат керек. Ауданда филиал ашып, ол жақта да мүмкіндігі шектеулі жандарды қоғамға араластырып, еңбекке баулығымыз келеді, – дейді бірлестік директоры.</blockquote>Расында еңбек ете білген жанның несібесі мол болады. Мүмкіндігі шектеулі екеніне қарамастан жұмыстан қашпай, тіршілік қылып жүрген жандардың еңбегіне сырттай сүйсінесің. Өзгеге масыл болмай, өз-өзін еңбекке баулыған бірлестік жұмысшыларының ісі көпке өнеге.&nbsp;

Бірлестік жұмысшыларының еңбегі көпке өнеге

<a href="https://kyzylorda-news.kz/">Kyzylorda-news.kz</a> &nbsp;Қазігі таңда жеке кәсіп ашып, өз жұмысымды жандандырамын деген адамға мүмкіншіліктер көп. Соның бірі мемлекет тарапынан берілетін көмек. «Кәсіп нан сұамайды – өзі тамақтандырады» деп бекер айтылмаса керек-ті. Бүгінде Сырдария ауданында, оның ішінде ауданнан шалғай орналасқан елді мекендерде, мемлекет тарапынан қолдау көріп,адал еңбекті ту етіп, алдына айқын мақсат қойғандар шағын кәсіптен-ақ көктеп, дамып келеді. Соның бірі Сырдария ауданына қарасты берекелі Бесарық ауылының тұрғыны Гүлмира Смағұлова. Ол бүгінде сұранысқа ие «Балауса» наубайхана өнімдері кәсібін дөңгелетіп отырған жеке кәсіпкер.Кейіпкеріміз Гүлмира Өсербайқызы негізінде Шиелінің тумасы. Жас кәсіпкердің негізгі мамандығы – фармацевт. Ауыл халқының табысын арттыру, ауылдағы кәсіпкерлікті дамыту мақсатында қолға алынған «Ауыл аманаты» бағ­дарламасының қолдауы Гүлмираның арманын жүзеге асырды. Жеке кәсіпкер 2024 жылы «Ауыл аманаты» мем­ле­кеттік бағдарламасына қатысуға өтінім беріп, СПК-Байқоңырдан жеңілдетілген 2,5 пайызбен 7 миллион тең­ге несие алды. Осы қаражатқа кәсіпкер Бесарық ауылында екі адамды жұмыспен қамтамасыз етіп, наубайхананы іске қосқан болатын. Бүгінде наубайхана тұрақты түрде өз жұмысын жалғастыруда. Ауыл тұрғындары «өнімдердің сапасы жоғары әрі дәмі тіл үйіреді» деп жақсы бағалауда. Наубайханада қазіргі нарықта сұранысқа ие нан өнім­дерінің барлығы қамтылған. Жеке кәсіпкер жұмыс барысында барлық технологиялық талапты сақтай отырып, өнім сапасын түсіретін, тұтынушы талаптарына қайшы асығыс қарекеттерге жол берілмейтіндігін алға тартады. Наубайхана таңғы сағат 7-ден бастап кешкі 8-ге дейін үзіліссіз аптаның жеті күнінде де жұмыс істейді. Сонымен қоса түнгі және күндізгі ауысым қарастырылған.<blockquote>– Жеңілдетілген несие алу мүмкіндігі – мемлекет жасап отырған жақсы қолдау. Кім еңбекті жақсы көрсе, оған қашан да жанына жайлы жұмыс табылады. Мемлекет тарапынан кәсіпкерлерге берілер көмек көп. Оны тек тиімді түрде пайдалану қажет. Көпшілігі «наубайхана жұмысы ауыр ғой» деп жатады. Алайда несібе өздігінен келе бермейді. Тура жүріп, адал еңбек етсең ғана түбі қайтарымы болады. Кәсіп бастауға негізгі себептің бірі – ауыл дүкендерінде көбінесе нан болмай қалатын. Бұл әрі берекесі мол кәсіп. Қазақ «Ас атасы – нан» деп бекер айтпаса керек-ті. Сондықтан өз ісімді қасиетті ас наннан бастауды жөн көрдім. Екіншіден, қай өнімнің де сапасы дұрыс болса ғана сұраныс тоқтамайды. Мен мұны анық түсіндім, – дейді жеке кәсіпкер.</blockquote>Мемлекеттік қолдаудың игілігін көрген Гүлмира Өсербайқызы кәсібімен қатар берекелі шаңырақтың түтінін түтетіп отырған көпбалалы ана. Кәсіпкердің айтуынша оның осы кәсіпті бастап, дөңгелетуіне мүмкіндік жасап, себепкер болып отырған отбасының қолдауының арқасында. Осы орайда кейіпкеріміз өзінің жақындарына, қолдаушылары ата-енесіне және жұбайына үлкен алғысын білдіреді. Кейіпкеріміздің кенжесі небәрі 9 айлық. Соған қарамастан декреттік демалыста отырып, айлық нәрестесімен берекелі кәсіптің көзін тапқан кейіпкеріміздің жұмысы көпке үлгі болары анық.Қазір цехта бөлке нан, қара нан, батон, тәтті тоқаштар, бәліш, торт, самса секілді өнімдердің бірнеше түрін шығаруда. Одан бөлек кондитерлік және жартылай дайын өнімдерді де дайындайды. Наубайхана өнім дайындауға қажетті барлық заманға сай құрал-жабдықтармен қамтамасыз етілген. Жас кәсіпкер бұл саланы алдымен үйде өзі нан пісіруден бастаған. Кейіннен тапсырыс көбейген соң наубайхана ашуды мақсат етеді. Сапасына сақтықпен қарайтын кәсіпкердің ендігі мақсаты – алдағы уақытта өндіріс орнын кеңейтіп, жұмыссыз жас­тарды жұмыспен қамту. Бүгінде жеке кәсіпкер Гүлмира Өсербайқызы ісіне береке дарып, бүкіл ауыл тұрғындарын түрлі нан өнімдерімен қамтып отыр.Бұдан бөлек ауылдың 3 дүкеніне бөлке нан күнделікті өткізіледі. Сондай-ақ той-томалаққа, жиынға, құдайы тойларға үлкен көлемде тапсырыс қабылдайды. Өз кезегінде нарыққа жаңадан қосылған наубайхана сапалы өнімдермен қуанта берсін демекпіз.Алтынай Жүнісова

Сырдариялық наубайшының несібесі

<a href="https://kyzylorda-news.kz/">Kyzylorda-news.kz</a> &nbsp;Мемлекеттен берілетін қолдаудың арқасында өңірдегі ауыл шаруашылығы саласының дамуында оң динамика қалыптасып отыр. Жыл басынан бері ауыл шаруашылығы өнімдерінің көлемі 3,8 пайызға артса, қайта өңдеу өнімдерінің көлемі мен ауыл шаруашылығының негізгі қорына салынған инвестицияда да өсім бар. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев айтты.<blockquote>– Биыл облыс бойынша 189,4 мың гектар ауыл шаруашылығы дақылдары егіліп, агротехникалық талаптарға сай толық жинап алынды. Мұндағы негізгі дақыл күріштің көлемі 85,6 мың гектарды құрап, әр гектарынан 58 центнерден өнім алып, жарты миллион тоннаға жуық күріш жиналды. Сонымен қатар, күріштен басқа дәнді дақылдардан 18,5 мың тонна, майлы дақылдар 4,9 мың тонна, картоп, көкөніс, бақша өнімдерінен 352,7 мың тонна, мал азықтық дақылдары 367 мың тонна өнім өндірілді. Өңірдегі су тапшылығы жағдайын ескере келе күріштің көлемі 3,4 мың гектарға қысқартылып, есесіне мал азықтық және майлы, дәнді дақылдарды ұлғайттық. Өндірісте суды үнемдейтін технологияларды қолдануды қарқынды дамытудамыз. Су үнемдеу технологияларын пайдалану көлемі өткен жылмен салыстырғанда бірнеше есеге артып, 4 400 гектарға жеткізілді,- деді Талғат Тұрсынұлы.</blockquote>Ел қамбасын мол астыққа кенелтіп, саланың өсіп-өркендеуіне аталған сала еңбеккерлерінің қосқан үлесі зор. Олар өздерінің қажырлы еңбегімен ел қоржынын сары алтынға толтырып, үнемі үздік нәтижеге қол жеткізіп келеді. Мәселен, биыл жиналған 189,4 мың гектар ауыл шаруашылығы дақылдары дәл осы қызметкерлердің дамылсыз еңбегінің арқасы. Бүгін Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев сала қызметкерлерін мерекемен құттықтап, атқарылып жатқан жұмыстарға тоқталды.<blockquote>– Агроөнеркәсіптік кешен – қоғам үшін өмірлік маңызы бар өнімдер өндірілетін және орасан зор экономикалық әлеует шоғырланған кез келген ел экономикасының құрамдас бөлігі. Биыл өңірде 3 инвестициялық жобаны іске асыру жұмыстары басталды. Тамшылатып суару әдісімен 800 гектарға жүгері, жаңбырлатып суару әдісімен 184 гектарға сүрлемдік жүгері мен жоңышқа егілді. Су шығынын азайту мақсатында егістік жерлерді лазерлік тегістеудің маңызы зор. Соңғы жылдары диқандар күріш егістіктерінің 55 мың гектарын лазерлік тегістеуден өткізді. Нәтижесінде, суды үнемдей отырып, өнімділікті 30 пайызға арттырдық. Ауыл шаруашылығы саласының өндірісі аймағымыздың әлеуметтік экономикалық дамуында маңызы зор екенін ескере отырып, алдағы уақытта саладағы мақсат-міндеттерге қол жеткізу жолында қарқынды шаралар ұйымдастырылып, тиісті жұмыстар атқарылатын болады, - деді Талғат Тұрсынұлы.</blockquote><img src="https://knadmin.beoblood.kz/uploads/auylsharuashyly_y_3e6cb82507.jpg" alt="ауылшаруашылығы.jpg">Фото: aikyn.kz

Биыл облыстағы ауыл шаруашылығы өнімдерінің көлемі артты

<a href="https://kyzylorda-news.kz/">Kyzylorda-news.kz</a> Сырдария ауданының орталығы Тереңөзектен шалғайда жатқан Іңкәрдария ауылы өзінің 60 жылдығын тойлады. Ауылдағы білімнің қарашаңырағы саналатын №191 орта мектебі де 1964 жылы құрылған. Ауыл тарихымен бірге жасап келе жатқан мектепті &nbsp;осы жылдар ішінде жүздеген түлектер бітіріп, еліміздің түкпір-түкпірінде қызмет атқаруда. Қызылқұмдағы ауылдан шыққан азаматтардың қатарында профессорлар, ғылым кандидаттары, мұғалімдер, дәрігерлер, журналистер, экономистер, ауылшаруашылығында жұмыс істейтін мамандар да бар.&nbsp;Ауылдағы білім ошағы 1990 жылы 624 орындық қос қабатты ғимарат болып қайта салынғанда ел-жұрттың қуанышында шек болмады. Жаңа типті оқу орнының талабы мен сұранысына сай білім ордасында оқу-тәрбие үрдісін ізгілендіру жолында игі жұмыстар атқарылып келеді.<blockquote>– Мектеп – ғылым ғимараты. Сондықтан мектептегі тәртіп мүлтіксіз орындалуы тиіс. Мектептегі басты принциптердің бірі – балаларды оқуға қызықтыра отырып білім беру.&nbsp;Мектеп те – мешіт секілді қасиетті орын. 2023-2024 оқу жылын 185 оқушы аяқтады. 50 оқушы оқу озаты, 48 оқушы оқу екпіндісі болды. Бұл оқушылардың білім сапасының 67 пайызын көрсетті. Мектепте 16 кабинет жұмыс жасайды. 42 компьютер бар, 2 компьютер интернет желісіне қосылған. Оқушыларға 38 мұғалім дәріс береді. Оның 35-і жоғары білімді, 3-і арнаулы орта білімді. Бірқатар пән электронды оқулықпен оқытылады.Жыл сайынғы оқушылардың білімін сарапқа салатын Ұлттық бірыңғай тестілеу Қазақстан Республикасында қолданылатын мектеп бітірушілердің білімін сынау жүйесі. ҰБТ-ның нәтижесі жалпы және орта білім ұйымдары бойынша мемлекеттік аттестацияның қорытындысы ретінде есептеледі. Жыл сайын ҰБТ-ға қатысқан оқушының барлығы да грант иегері атанып жүр.2023-2024 оқу жылында орта мектепті 8 оқушы аяқтады. Осы оқу жылында 11 сынып оқушылары Әйгерім Дайрабайқызы «Алтын белгі», Әсемай Бекет «Үздік аттестат» иеленсе, негізгі мектепті бітіруші Шұғыла Әбдіразақ, Жайна Кәдірқызы, Айтолқын Темірбай, Аяулым Іңкәрбекқызы «Үздік аттестат» иегерлері атанды. Республикалық «Дарын», «Зерде» ғылыми жобалар сайыстарына оқушыларымыз белсене атсалысып келеді. Биылғы оқу жылында 10 оқушымыз қатысып, оның үшеуі аудандық кезеңде жүлделі орындармен марапатталды. Оқушыларды іскер­лікке, еңбекке, төзімділікке үй­ре­ту мақсатында қолөнер, шахмат, волейбол, футбол, ән-хор, домбыра үйірмелері жұмыс жасайды, – дейді мектеп директорының&nbsp;орынбасары Елена Сейдахметова.</blockquote>Елена Сейдахметованың айтуынша, қазіргі жаңа технологияға байланысты жаңартылған білім мазмұны бойынша 33 педагог, яғни 84,6% білімдерін жетілдірген. Деңгейлік курстан барлығы 6 педагог білім жетілдірсе, олардың 2-еуі І (ілгері) деңгей, 4-еуі ІІІ (базалық) деңгей бойынша бітірді. Тілдік курстан 1 педагог өткен. Химия және биология пәнінің мұғалімі Әйгерім Жәлімбетова В2, С1 деңгейі бойынша аяқтаған. Қысқа мерзімді түрлі тақырыптағы жаңа технологияға байланысты, критериалды бағалау, инклюзивті білім беру, жекелеген пән бойынша да кезекпен жылда 20-25 педагог білім жетілдіріп отырады. Мектепте 4 жас маман бар. 2-еуі жоғары, 2-еуі арнаулы орта білімді.Өткен оқу жылы бойынша «Жаңа жыл – жаңа қадам, жаңа бағыт» акциясы өтіп, әлеуметтік қолдауды қажет ететін көмекке мұқтаж және мектеп оқушыларына жаңа жылдық сыйлық беру мақсатында «Ақ­жарма және К» ЖШС төрағасы Қайрат Нұрсейітов, «Думан» сауда үйінің директоры Мей­рамбек Қонақбаев, «Ақжарма 1» ЖШС төрағасы Марат Бисенов, «Биали спорт» компаниясының директоры Асхат Шаукенбаев, ауыл кәсіпкерлері Салтанат Несіпбаева, Ақгүл Сәрсенбаева оқу құралдарымен қамтамасыз еткен.<blockquote>– Мектептің 4 оқушысы үйден оқы­тылады. Оларға мектеп мұғалім­дері үйлеріне барып білім береді. «Қара­қасқа» елді мекенінен, №42 бекеттен 10 оқушы тасымалданады.Мектеп жанынан 2009 жылы «Еркетай» шағын орталығы ашылған бола­тын. Онда 2 топта 40 бала тәрбие­ленуде. Ел ертеңі – жас ұрпақты саналы тәрбие, сапалы білім берген мектеп ұжымы тағы бір оқу жылын табысты аяқтап, жаңа оқу жылына дайындықты бастап кетті, – дейді Елена Сейдахметова.</blockquote>Соңғы оқу жылдарында мектеп оқушылары саламатты өмір салтын ұстану мақсатында спорттық үйірме­лерге қатысып, түрлі сайыста жүлделі орын иеленуде.Мәселен, «Бесасық» ұлттық ойын түрінен мектеп командасы ауданның алды болып, облыстық сайысқа қатысып, жақсы нәтижеге жетті. Шағын футболдан аудандық, облыс­тық жарыста бірінші орын иеленіп, республикалық сайысқа қатысты. Сонымен қатар волейболдан мектеп спортшылары ауданда үздік шығып, облыстық сайысқа жолдама алды. Жас спортшылардың арасында қол күрестен ауданда жоғары нәтижеге жеткен шәкірттер мектеп, ауыл мақтаныштары. Үйірме жетекшісі – Іңкәрбек Аяпов, Саят Байманов, Медет Төкенов оқушыларды спортқа баулып, жетістіктерге жетуде.«Мектеп театры» жобасымен «Шам­шырақ» мектеп театрының мүше­­­лері сахна қойылымын шебер орындауға үйренуде. Үйір­ме мүше­лері түрлі сахналық қойы­лым­дармен бай­қау­ларға қатысып, жүлделі орындарды жеңіп алды. Театр жұмы­сының жандануына ата-ана­лар тарапынан қолдау көрсетілуі де үлкен жетістік екенін айту керек.Бибісара ЖАНӘЛІ<img src="https://knadmin.beoblood.kz/uploads/Syrdariya_9247f2c1c4.jpg" alt="Сырдария.jpg">Фото: baq.kz

Алпыстың белесіндегі Іңкәрдария мектебі

&nbsp;<a href="https://kyzylorda-news.kz/">Kyzylorda-news.kz</a> Өңірімізде де кітапхана ісін дамыту мақсатында жаңа бастама қолға алынды.Мемлекет басшысы Қасым-Жомарт Тоқаев Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзінде «Кітапхана – мемлекеттің, ұлттың негізгі жады. Еліміз үшін құнды тарихи деректер мен материалдардың дені кітапханада сақталады. Сондықтан кітапхана ісін дамытуға бей-жай қарауға болмайды. Кітап оқырманға қолжетімді болуы керек» деп атап өткен болатын.Ә.Тәжібаев атындағы облыстық әмбебап-ғылыми кітапхана мен 1 қалалық, 7 аудандық орталық кітапханалар қызмет көрсету режимін түнгі сағат 24:00-ге дейін ұзартқан. Түнгі кітапхана оқимын, ізденемін деген кез келген адамға қолайлы ортаға айналды. Күндіз жұмыста, сабақта болатын кітапсүйер қауым енді қарастырылған уақытта кітапханаға келіп, кітап, газет-журнал оқуына мүмкіндік бар. Мұнда жайлылық, тыныштық әрі қор байлығы қызықтырмай қоймайды. Облыстық кітапхана – барлық жастағы оқырмандарға қызмет көрсететін аймақтағы ең ірі қазына орталығы.<blockquote>– Қазір кітапхана оқырманға кітап ұсынып, оны қайта қабылдап алатын орын ғана емес, жұмысы жүйеленген үлкен орталыққа айналды. Заман талабына сай кітапхана қызметі де түрленіп келеді. Бізде кітап оқуды насихаттау мақсатында жылына 300-ге жуық іс-шара ұйымдастырылады. Кітапхана қазір қоғамдық даму орталығы, әлеуметтік институт, шығармашылық алаң ретінде, барлық мәдени ортаның тоғысуынан тұрады. Түнгі кітапханаларда маусым-шілде айларында 895 оқырманға қызмет көрсетіліп, кітап ұстанымы 5609-ға жеткен. Сонымен қатар келушілер саны 2640 адамды құрады. Басты міндет – оқырман санын көбейту, жастарды дәстүрлі оқуға тарту. Біздегі болып жатқан жаңашылдықтың бәрі осыған бағытталады, – дейді оқырмандарға қызмет көрсету бөлімінің меңгерушісі Қалдыгүл Досмағанбетова.</blockquote>Айта кету керек, мұнда коворкинг орталығы, «Еркетай» балалар алаңы, «Жас қалам», «Кездесу» клубы, IT сауаттылыққа үйрететін «Шаңырақ» интеллект орталығы, АРТ-студия, сурет салу, «Ісмер», «Көркемсөз», «English for kids» үйірмелері жұмыс істейді.Қалалық орталықтандырылған кітапханалар жүйесі де Президент пәрменіне орай оқырмандарға оқу ықтималдығын арттырып отыр. А.Пушкин атындағы орталық кітапханада 107 мыңнан астам кітап қор бар. Жыл сайын 6 мыңға жуық оқырманға қызмет көрсетеді.<blockquote>– Түнгі кітапхана жобасының мақсаты айқын. Оқырман қауымды кітапханаға кеңінен тарту. Жастар арасында қызығушылық артып келеді. Көркем әдебиетке, тарихи туындыларға оқырман тарапынан сұраныс жоғары. «Универсам» аумағындағы оқырмандар ата-аналарымен келіп түнгі кітапхана қызметін пайдаланады, – дейді кітапханашы Гүлзия Молдасанова.</blockquote>&nbsp;

Кітапсүйер оқырман үшін жаңа бастама қолға алынды

<a href="https://kyzylorda-news.kz/">Kyzylorda-news.kz</a> Облыс орталығында есірткі жарнамасы бар граффити жазуларды өшіру бойынша ауқымды акция өтті. Полиция қызметкерлері, студенттер мен еріктілер есірткі қылмысымен күресу баршаға ортақ іс екенін айқын көрсетті.Полиция департаментімен тұрғындардың нашақорлыққа қарсы иммунитетін қалыптастыру мақсатында 391 профилактикалық іс-шара өткізілді.Профилактикалық жұмыстарды нығайту мақсатында қала, аудан жасөспірімдері арасында есірткі заттарының алдын алу үгіт-насихат жұмыстары жүргізіліп, оған кәмелетке толмағандар ісі жөніндегі қызметкерлері, оқушы, ата-аналар мен оқытушылар қауымы қатысты. Жалпы ұйымдастырылған барлық іс-шараларға 79 мың 846 адам қатысты.Есепті мерзімде 286 есірткі қылмысы тіркелген (оның ішінде өсіру 72, өткізу 18, аса ірі көлемде сақтау 6, жарнамалау 18, теріс қылық 107).«Amanat» партиясының өкілдерімен бірлесіп есірткі жарнамасы бар 50-ден астам граффити-жазулары жойылып (Қызылорда қаласында), нәтижесінде оларды салу деректері азайды. Бұл бағыттағы жұмыстар жалғасуда.Акцияға қатысушылар трафареттерді, қала ғимараттарының, үйлердің, гараждардың сыртқы қабырғаларында есірткінің таралуын насихаттайтын сайттарды жарнамалайтын граффитилерді бояды. &nbsp;<img src="https://knadmin.beoblood.kz/uploads/2_cb28eda6d2.webp" alt="2.webp">Фото: Полиция департаменті

Қызылордада есірткі жарнамасы бар граффити жазулар жойылды

Бексұлтан Орынбасар – Сыр сүлейлерінің ізін жалғаушы

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы бойынша ішкі мемлекеттік аудит департаменті мемлекет қаржысының белгіленген мақсатқа сәйкес жұмсалуына аудит жүргізеді. Олардың басқа мақсатқа пайдалануының жолын дер кезінде кеседі, мемлекет есебінен тіршілік етудің кез келген көріністері мен сыбайлас жемқорлықтың түбіріне балта шабады.&nbsp;Соңғы 6 ай көлемінде ішкі мемлекеттік аудит департаментімен барлығы 57 аудиторлық іс-шара жүргізілді. Департамент қарауына өтініштер мен шағымдар көптеп түседі. Олардың дені мемлекеттік сатып алу мәселесі бойынша және еңбек ақы есептеу, құрылыс саласындағы заң бұзушылықтарға қатысты. Бұл туралы ҚР ҚМ Ішкі мемлекеттік аудит комитетінің Қызылорда облысы бойынша ішкі мемлекеттік аудит департаментінің басшысы Ербол Күзембаев мәлімдеді.<blockquote>– Өздеріңізге белгілі Ішкі мемлекеттік аудит органдары Мемлекеттік сатып алу заңнамасының сақталуына бақылау жүргізетін уәкілетті орган болып табылады. Департамент тарапынан, мемлекеттік аудит объектілеріне анықталған бұзушылықтарды жою және оларға жол берген лауазымды адамдардың жауаптылығын қарау туралы барлығы 57 нұсқама жолданып, оның 36-сы толығымен орындалса, қалған 21 нұсқаманың орындалу мерзімі келмеген. Яғни, алдағы уақытта олардың толық орындалуы қатаң бақылауға алынатын болады. 2024 жылдың І жартыжылдығында білім беру ұйымдарында артық еңбек ақы аудару және нақтысында жұмыс жасамайтын тұлғаларға еңбек ақы есебінде ақша қаражаттарын аудару бойынша бұзушылықтар анықталып, олар бойынша 3 мемлекеттік аудит материалдары құқық қорғау органдарына процессуалдық шешім қабылдауға жолданды”, – деді Ербол Қабаштайұлы.</blockquote>

Жүйелі жұмыс жүргізілуде

<a href="https://kyzylorda-news.kz/">Kyzylorda-news.kz</a> &nbsp;Қазір кофе тек сусын емес, өмір сүру салтына айналды. Әлемде бұл индустрия қарқынды дамып, тұтынушылар қатары жыл сайын артып келеді. Қазақстан да осы үрдістен шет қалмады. Ал бұл нарықта сырбойылық кәсіпкерлердің де өз орнын тапқаны қуантады.Мәселен, жастардың жылы мекеніне айналған «Well Coffee» идеядан бизнеске өрбіген сәтті кейстердің бірі. Екі жыл бұрынғы сұхбатта кофейняның негізін қалаушы Фархад Орынбасар Қытайда алған білімі мен тәжірибесін қолданып, Қызылордада идеясын іске асырғанын баяндаған еді. Жуырда жас кәсіпкермен тағы да байланысқа шығып, соңғы өзгерістер мен кәсібінің қазіргі жағдайы туралы әңгімелестік. Осы уақыт аралығында бизнестің бірнеше нүктесі ашылғанын айтты.<blockquote>– Иә, алғашқыда бір кофейнямен кәсіп бастадым. Қазір Қызылордада «Well Coffee»-нің төрт нүктесі бар. Жақында бесіншісі ашылады. Басқа қалалардан ашуға ұсыныс түсіп жатыр. Бірақ мұндай масштабқа әлі ерте секілді. Алдымен Қызылорданың нарығында мықты бекіп, дамысақ дейміз. Ал франшиза уақыттың еншісінде, – деді ол.</blockquote>Фархад Орынбасар 2016 жылы студент атанып, Қытайдың Ухань қаласында IT маман ретінде білім алды. Сұхбат барысында сол кезеңді еске алып, жылы естелігімен бөлісті.<blockquote>– Қытайда жүргенімде логистика саласында жұмыс істедім. Сол жақтағы тәжірибем, менеджерлік қызметім – бәрі бүгінгі кәсібімнің негізін қалады. Сондай- ақ, «bubble tea» сатумен айналыстым. Сол кезде кофейня сегменті маған қызық әрі оңай болып көрінді. Елге оралған соң бұл бизнесті бастауға бірден бел будым. Әрине, кәсіп бастау оңай оңай емес. Локация таңдауда қателіктер болды, қаржылық есептеулерде де қиындықтар кездесті. Бірақ уақыт өте келе бұл мәселелердің барлығынан өттік. Қателіктер бізді жігерлендіріп, дамуға итермеледі.Бизнес ашу бала күнгі арманым емес еді. Кәсіпкерлікке деген қызығушылық кейінірек, Қытайда оқып, сол жақта жүргенімде пайда болды. Жан-жақты тәжірибе жинап, кәсіпкерлердің жұмысын көргеннен кейін ғана өзіме осы жолды таңдау керек екенін түсіндім, – дейді Фархад.</blockquote>Бүгінде ол кофейнялар желісімен қатар бірнеше жобаларды қолға алған. «Ybyrai» ұлттық мектебі, «125 High school Kyzylorda» және жақында ашылған «STEM school»-мен бірге жұмыс істейді. Сонымен қатар, қоғамдық тамақтану саласында жаңа жобалар жасауды жоспарлап отыр.Сұхбаттардың бірінде ол «Кәсіп бастауда, жалпы қай істі болсын формула арқылы жасау керегін түсіндім» деген еді. Ал «Well Coffee» үшін ол қандай формула қолданды?<blockquote>– Иә, бұрынғы сұхбаттарда осылай айтқаным бар. Кәсіптегі формуланың бірі – дұрыс орналасу, нақты миссияны анықтау, тәуекел өлшемін дұрыс есептеу. Мен де осы формуланы пайдаландым. Алдымен мақсатыңызды нақтылап алуыңыз керек. Сонымен қатар, жоспарыңыз ұзақ мерзімді болуы тиіс. Кем дегенде 10-20 жылға жоспар құрыңыз. Ең бастысы – тәуекелді дұрыс өлшеп, соған сәйкес қадам жасау. Егер тек ақшаны құндылық деп санасаңыз, бірнеше жылда-ақ бизнесіңізден айырылып қалуыңыз әбден мүмкін. Кәсіп бастау барысында бастысы эмоцияға берілмеңіз. Ғалымдар да жұмыс барысында бірінші тәжірибе жасап көреді емес пе? Содан кейін ғана нәтижесін анықтайды. Бизнесте де дәл солай. Мен кәсіпті бастағанда алдымен локацияға, яғни орналасу орнын таңдауға ерекше мән бердім. Мысалы, алғашқы нүктелерді ашуға дейін біз барынша қаланы зерттеуге тырыстық. Біздің алдымызда «Ақмешіт» немесе «Сырдария» ауданынан ашу таңдауы тұрды. Нәтижесінде «Ақмешіттен» кофейня аштық, ол әлі күнге дейін сәтті жұмыс істеп тұр. Яғни, миссияңызды анықтау, тәуекел өлшемін дұрыс есептеу және бизнес жүргізетін орынды дұрыс таңдау қажет, – деп атап өтті ол.</blockquote>Бүгінде адамдарды таңқалдыру қиын. Бұл орайда «Well Coffee» қандай жұмыс атқарып жатыр? Ал мәзірде ерекше сусындар бар ма? Бұл сауалымызға да жауап алдық.<blockquote>– Иә, біз әрқашан тұтынушыларды қызықтыру үшін түрлі тәсілдер қолданамыз. Мысалы, Б.Өсербаев көшесінде орналасқан нүкте әуелден-ақ жастардың бас қосуына, уақытын тиімді өткізіп, кітап оқуға қолайлы жер ретінде ашылды. Қазір де сол бағытта жұмыс істейді. Кітаптардың барлығы құнды білім беретін еңбектер. Бірақ ол нүктені биыл қаңтарда франшиза есебінде тәжірибе жүргізу үшін саттық.Біз кофейняны ыңғайлы жерден ашып, мәзірді жиі жаңартып, форматты өзгертіп отырамыз. Сол арқылы да клиенттердің қызығушылығын сақтаймыз. Авторлық рецептеріміз бар. Мысалы, «балды латте» біздің ерекше сусындарымыздың бірі. Смузи мен милкшейктерді де өзіміз ойлап таптық. Сондай-ақ, таргет жарнамасына емес, амбассадорлыққа мән береміз.Кофе бағытын ұтымды бизнес деп санаймын. Халықтың тұтыну мәдениеті дамып келе жатыр. Сондықтан осындай орындарға сұраныс жоғары. Фрилансерлер үшін де кофейнялар жайлы жұмыс орнына айналып отыр. Бұл бизнес әлі де дамиды.Кофе дәндеріне келсек, бұған дейін бірнеше компаниямен жұмыс істедік. Бірақ Қарағандыдағы компанияға тоқтадық. Олар жеткізетін кофе дәндері сапалы. Жемістегі дефект сияқты кофе дәндерінде де ақаулар болады. Оны қанша қуырсаң да, біз қалаған дәм шықпайды. Сондықтан сапаға басты назар аударамыз.Жұмыс барысында ұжымның да орны ерекше. Қызметкерлерді таңдау процесіне мен тікелей қатыспаймын. Менің жанымда команда жасақтап, олардың жұмысын бақылайтын және сыртқы коммуникацияларға жауап беретін менеджерлер бар. Әркім өз міндетін жақсы білетіндіктен, команданың жұмысы да үйлесімді жүреді, – дейді Фархад.</blockquote>Әңгіме барысында енді ашылатын жаңа нүкте туралы толық сұрадық. Ол «Global Coffee»-ның жанынан ашылады. Кейіпкердің айтуынша, бұл − психология.<blockquote>– Мысал ретінде қарастырсақ, егер университетте «Сoca-cola»-ның ғана автоматы болса, тұтынушыларда тек екі таңдау болады. «Иә» немесе «жоқ». Олар сол сусынды сатып алады, не алмайды. Егер басқа да автомат орнатылса, таңдау көбейеді. Халық «аламын, алмаймын» деп емес, «қайсысын сатып аламын?» деп ойланады. Оларда «жоқ» деген үшінші жауап болмайды. Бізде де солай.Бәсекелестік болғанымен, дұрыс жерден ашылса, клиент табылады. Адамдарды таңғалдыру қиын. Сондықтан адам көп жиналатын, халыққа ыңғайлы жерде болу керек. Жаңа нүктенің қасында автотұрақ, басқа да қолайлы жағдайлар қарастырылған. Мысалы, қалада KFC ашылған уақытта барлығы басқа дүкендер жабылады деп ойлады. Бірақ керісінше, олардың сатылымы өсті. Сондықтан бұл мәселеге де басқа көзқараспен қараған жөн, – дейді Фархад Орынбасар.</blockquote>Жас кәсіпкер шетелге көп саяхаттайды. Сол уақытта да нарықты зерттейтінін айтты.<blockquote>– Әр елдің кофе мәдениеті әртүрлі. Мысалы, Тайландта салқын кофе ерекше танымал. Оны көп тұтынады, басты назар сол бағытқа қойылған. Кореяда кофеге сусын ретінде қарайды, Қытайда да солай. Ал Еуропада керісінше, қара кофе басым. Олар кофені жақсы түсінеді, оны жай ғана сусын емес, мәдениет ретінде қабылдайды. Еуропада адамдар кофейняда екі-үш сағат отырып, уақыт өткізеді. Бұл олар үшін қалыпты жағдай.Дубайда жағдай өзгеше, онда Starbucks секілді мас-маркет форматтары кеңінен дамып келеді. Онда кофенің қасына тәттілер қоса сатылады. Азияда кофе сусын ретінде қарастырылады, ал Еуропада күн сайын таңертең кофе ішу – өмір салты. Бізде де кофе көбіне сусын ретінде қабылданады, сондықтан түнгі екіге дейін жұмыс істейміз. Ал Еуропада кофейнялар сегізде жабылады. Олардың көзқарасы басқаша, – деді ол.</blockquote>Әр бейсенбіде корица қосылған кофе ішу байлық пен сәттілікке әкеледі деген наным бар. Әлеуметтік желілерде де жиі айтылады. Қызық, мұндай дәстүр кофені одан әрі ерекше ету үшін ойлап табылды ма, әлде расымен іске аса ма? Фархадтың пікірін білдік.<blockquote>– Шынымды айтсам, мұндай наным туралы білмеймін. Бірақ бұл кофе сатылымын арттыру үшін ойлап табылған маркетингтік тәсіл секілді, – деп жауап берді.</blockquote>Қорытындылай келе, кофе бизнесінің тұрақты дамуы үшін сапалы өнім, ерекше қызмет көрсету және тұтынушылармен тығыз байланыс орнату маңызды рөл атқарады. Оған қоса, нарықтың сұранысын ескере отырып, жаңа дәмдер мен ерекше рецепттерді ұсыну кәсіптің табысты болуына ықпал етеді.&nbsp;Інжу МАРЖАН

Жас кәсіпкер: тұтынушыларды қызықтыру үшін түрлі тәсіл қолданамыз

<a href="https://kyzylorda-news.kz/">Kyzylorda-news.kz</a> Жаңақорған ауданындағы &nbsp;Өскенбай Жұмаділла атындағы «Дарынды балалар» мектебінің ұстаздар ұжымы сабақтан тыс уақытта шығармашыл шәкірттердің бейімін анықтап, өнерге баулуда ізденісті жұмыстарымен танылып келеді. Білім ошағында өтіп жатқан қазақ тілі мен тарих апталығының сәрсенбідегі сәті «Армысыз асыл тұлғалар» деген тақырыпта жас ақындар айтысына арналды.Шараны ұйымдастырушы жас ұстаз Зейнеп Әбутәліпқызы бұған дейін де қоғам жұмысындағы белсенділігімен танымал, өзі аудан орталығындағы №163 орта мектебінде 42 жыл ұстаз болған Әбдіхалық Мұсабековтың келіні екенін білуші едік, бүгін оның өскіндер тәрбиесіне бар ділімен беріліп, жас көкіректе ұшқын оятуға ұмтылған шынайы талабын көріп шын сүйсіндік. Әріптестері – қазақ тілі мен әдебиеті пәні бірлестігі мұғалімдері – Ақжарқын Бабаджанова, Нұргүл Алдашова, Ақжүніс Әбділла, Қалкөз Аружан, бір кісідей бас біріктіріп тізе қосып, мақсат біріктіріп, апталықтың әр күніне мән-мазмұн дарытуға ұмтылған талпыныстарының жап-жақсы нәтижесіне бірге куә болдық. Апталықтың үшінші күнінде ұйымдастырылған мектепішілік айтысқа 6 «а», «ә», «б», «в» сыныбының оқушылары – Балтабай Нұрымжан, Құдайберген Саида, Қажымұқан Ерсұлтан, Төлеген Нұрсила, Тұрдымұрат Сәбина, Айару Сиязбекова, Ережеп Иманғали, Абдилла Нұрсила сайысты. Қолдарына домбырасын алып шығып, тәуелсіздіктің нұрлы шапағын жырлаған жас ақындардың сөз төркініне құлақ салдық. Бір-бірін сөз бәсекесінде сынға салған жас талаптардың бірі: «Өткен күнмен қақың жоқ таласуға. Тарихтың ізі қалған бар асуда. Еріктімін елімде көңілім тоқ, Бал татиды сімірсем қара су да» деп термелесе, енді бірі: «Қаратауым кей-кейде қара дауыл, Етегіне қоныпты біздің ауыл. Жұлдыздары біз едік болашақтың, Оқымасаң болады халің ауыр» деп қарсылас құрбысына дем беріп қояды. «Армысыздар, жиылған жұрт көрермен, Шашу шаштым інжу-маржан өлеңмен.Бүгінгі күн мерекеде шуақты, Төгейін кеп шуақты жыр көмейден. Қазағымның кие тұтқан ардағы, Сөз сайысы кемімесін салмағы. Азаттықты қадірлейік, бабамның – Өмір бойғы аңсап күткен арманы!» деп тағы бір талапкеріміз сөзден кесте өргенде үкілі үміт көңілді қанаттандырды. Білім ордасында тәрбиенің ең құдіреттісі – өнерді егіз өрбітіп, жас желкеннің жүрегіне орнықтыра алған тіл – әдебиет мамандарының еңбегіне өзінің алғысын жеткізген мектеп директоры Меруерт Әбусейітованың лебізі төмендегіше өрілді: – Айтыс – қазақтың байырғы мұрасы. «Өнер алды – қызыл тіл» деген халқымыз сөздің қадірін білген. Бір ауыз сөзге тоқтаған. Ауыздан шыққан әр сөзінің энергетикасынан тағдыр туатынын екшеген. Көшпенді халқымыз жаңа жерге келіп отау тіккенде шаңырақ бауларын қашан байлап біткенше тырс етіп сөйлемеген. Орынсыз айтылып кетсе опа бермес сөздің сыйқырынан сескенген. Міне, сондықтан әр сөзді абайлап айтып, мән беріп сөйлеуге тәрбиелейтін талап бүгін де маңызды. Бүгінгі өнер көрсеткен балапандарға, оларды тәрбиелеген ұстаздарына мың алғыс. Бұл біздің мектеп тарихындағы бірінші қадамымыз, – деп ризашылығын жеткізді. «Тайсалмастан ашық айттым ойымды, жылда-жылда жолығайық Республика тойында» деп балғын тілек жырға қосқанындай, алтын ұя – білім ордасынан шат-шадыман көңіл-күйге кенеліп оралдық.Баян АЛАУДИНҚЫЗЫ

Жаңақорғанда жас өрендер айтысты

<a href="https://kyzylorda-news.kz/">Kyzylorda-news.kz</a> Спорт жанашыры Асылхан Әбдірашитұлын еске алуға арналған қазақ күресінен жасөспірімдер арасындағы облыстық ашық турнир кім мықтыны анықтады.«Алпамыс батыр» атындағы дене шынықтырусауықтыру спорт кешенінде өткен турнирге аймақтың әр ауданынан 150-ге жуық жас балуан келіп, жүлде жолында барын салды. Турнирдің ашылу салтанатына аудан әкімінің орынбасары Бектас Нуридинов, облыстық белбеу күресі федерациясының президенті Мадияр Ахметов, Асылхан ағамыздың бауыры Ислам Шайыхов пен өзге де жақындар, спорт жанашырлары қатысып, жылы лебіздерін білдірді.Алдымен спорт жанашырының қысқаша өмір тарихына тоқтала кетейік. Асылхан Шайыхов 1960 жылы Жаңақорған кентінде дүниеге келген. Мектепті бітіре сала еңбекке араласып, қызмет жолында жүрді. Қызылорда қаласындағы политехникалық техникумын инженер-механик мамандығы бойынша бітіріп шығады. Тәуелсіздіктың алғашқы жылдарында кәсіпкерлік салаға бет бұрып, сауда-саттықпен айналыса бастайды. Туған өлкеге өзге өңірлерден тауар тасымалдай отырып, ауданның ішкі нарығын реттейді. Алғашқылардың бірі болып 400 орындық «Айсұлу» мейрамханасын, үлкен наубайхана, сауда орталықтарын, спорт кешенін халық игілігіне пайдалануға берді. Жаңа жұмыс орындарын ашып, ауданымыздың әлеуметтік-экономикалық дамуына үлесін қосқаны жерлестеріне аян. Халық қалаулысы атанған уақытта да ауыл-аймақты көркейтуге қомақты үлес қосқанын ел жақсы біледі. Көп жылғы еңбегі ескеріліп, түрлі марапаттардың иесі атанып үлгерді. Спорт саласына бүйрегі бұрып, демеушілік көрсетіп, жас балуандарды қолдады.«Жақсының аты өшпейді» демекші, артына өшпес із қалдырған ағамыздың жүріп өткен жолы кейінгі ұрпаққа үлгі-өнеге, жерлестеріне зор мақтаныш болып қала береді. Сонымен тұңғыш жалауы желбіреген турнир көркін қыздырған балуандар барлық салмақ дәрежесінде тұғыр төрінен табылды. Жеңімпаздар мен жүлдегерлер аудандық дене тәрбиесі, спорт және туризм бөлімінің грамоталарымен, демеушілердің тағайындаған медальдарымен және ақшалай сертификаттарымен марапатталды. Марапаттау рәсімінде аудан спортының басшылығы мен Әсілхан Әбдірашитұлының ет жақындары, бауырлары, достары мен жан-жары болып, жеңіс тұғырына қонған балуандарға құрмет көрсетті.&nbsp;<blockquote>– Жарыс жоғары деңгейде өтті. Бұйырса, келер жылы да ауқымы кеңейіп, жас балуандардың қатары артады деп сенеміз. Жалпы Сыр елінің қазақ күресі жылдан-жылға еңсе көтеріп келеді. Оның ішінде, біздің ауданнан да жас жеткіншектер өсіп келеді. Осындай тұғырлы турнирлердің нәтижесінде жастардың спорттық әлеуеті арта түсуде, – деді білікті бапкер Әбдісаттар Садықов. Жаңақорғанда қазақ күресінен</blockquote>шоқтығы биік жарыстар өткізілуде. Мұның барлығы қазақ күресінің көкжиегін кеңейтіп, жастарға үлкен қолдау болуда. №7 және №8 спорт мектебінің шәкірттерінің ертеңіне үлкен үмітпен қараймыз. Қазірдің өзінде белбеу күресі шыңға шықса, қазақ күресінен соң дзюдо да жақсы нәтиже бере бастады. &nbsp;

Жаңақорғанда еңбек ардагеріне құрмет көрсетілді

<a href="https://kyzylorda-news.kz/">Kyzylorda-news.kz</a> Оқыту – тек білім беру ғана емес, сонымен қатар баланың бойындағы жақсы қасиеттерді дамытуды көздейді. Яки, шығармашылық қабілеттерін ашып, жүрегіне жол табу өнері. Әрбір бала – өзіндік қажеттіліктерімен ерекшеленетін кішкентай әлем. Сондықтан мұғалімнің міндеті – осы кішкентай әлемдердің кілтін табу және олармен тиімді қарым-қатынас орнату.<blockquote>– Баланың жүрегіне жол табудың маңыздылығы өте зор. Білімге деген жаңа қадамды бастаған оның жүрегіне жол табу – оқыту процесінің негізі болып табылады. Егер бала мұғалімге сенім артса, оның сабақтарына қызығушылық танытса, онда ол жаңа ілімдерді оңай меңгереді және өзін-өзі дамытуға ұмтылады. Баланың жүрегіне жол табу арқылы мұғалім оның өзіне деген сенімін арттырады. Шығармашылық қабілеттерін дамытады. Оқуға деген қызығушылығын ұлғайтады. Жаңа білімдерді оңай меңгеруіне көмектеседі. Өзгелермен қарым-қатынас жасау дағдыларын қалыптастырады. Баланың жүрегіне жол табудың бірнеше жолы бар. Ол үшін мұғалім түрлі әдісті қолдана алады. Олармен жылы лебізбен сөйлесу, олардың ойын тыңдау, мақтау және қолдау көрсету маңызды, – дейді С.Сейфуллин атындағы №165 орта мектептің бастауыш сынып мұғалімі Мөлдір Рамбердиева.</blockquote>«Сабақ беру үйреншікті жай ғана нәрсе емес, ол жаңадан жаңаны табатын өнер» деген тәмсілді ұстанатын мұғалима киелі орданың табалдырығын аттағанына тура 20 жыл болды. Әр адам өмірге келгенде оның пешенесіне қандай да бір бақыттан үлесі болатыны жазылады демей ме? Міне, Мөлдір Маратқызы да қиыны мен қызығы қатар жүретін ұстаздық мамандықты жүрек қалауымен таңдаған.<blockquote>– Менің бақытым ұстаздық жолдан бұйырғандай сезіледі. Мектеп өмірінде үлгілі оқушы болып, алдыңғы сапта жүретін мен үшін балалық шағымнан өзімді ұстаздық жолға бағыттағандаймын. Өмірге көзқарас қалыптастыруда мектеп өміріндегі тамаша кезеңде кереметтей ұстаздардан тәлім алуымның үлкен әсері болды деп ойлаймын. Жүректегі арманым жетелеп, Ақтөбе гуманитарлық колледжі мен Ақтөбе мемлекеттік педагогикалық институтын бастауыш сыныптар мұғалімі мамандығы бойынша тәмамдадым. 2004 жылдан бері №165 С.Сейфуллин атындағы орта мектепте бастауыш сынып мұғалімі болып қызмет етіп келемін, – дейді Мөлдір Маратқызы.</blockquote>Ұстаздық – ұлы қасиет. Әр оқушыға білім беріп, оған өмірлік бағыт сілтеуші сөзсіз – мұғалім. Заман ағымына сай ұдайы біліммен қаруланып, ой-өрісі үздіксіз ізденісте, жан-жақты дамытып, қалыптастырып отыратын Мөлдір жаңартылған білім мазмұнына сай біліктілігін жетілдіру жолында түрлі курстардан өтті. Маман ретінде атқарған еңбегі елеусіз қалмай, әрқилы дәрежедегі жетістіктерге қол жеткізді. Үздік педагогтар қатарынан көрінген ол Алтын белгі иелерін де көптеп тәрбиеледі. Мектеп басшысынан бастап, ұжымдастары мен ата-аналардың оған деген пікірі бір бөлек.<blockquote>– Биыл бірінші сыныпқа барған қызымның апайы Мөлдір алғашқы сабақтан-ақ тынымсыз ізденіп, оқытудың жаңа формасы мен әдіс-тәсілдерін тиімді пайдаланады. Үйге түрлі тапсырма береді. Біз барынша баланы қадағалауға тырысамыз. Бірге ертеңгі сабаққа дайындаламыз. Оңай емес, әрине. Дегенмен сынып жетекшісіне алғысымыз шексіз. Ол жаңашыл жас ұрпаққа сапалы білім мен саналы тәрбие беруде шеберліктің шыңына өрлей беретініне сенімдіміз. Ал ұстаздық жолындағы әр қадамы сәтті болғай, – дейді ата-ана Меруерт Шапихова.</blockquote>Бастауыш сынып мұғалімі Мөлдір Рамбердиева сабақ барысында әрбір баланың ерекшеліктерін ескереді. Балалардың белсенділігін арттыруға барын салады. Шығармашылық қабілетін ояту бағытында оқушылардың өз ойларын еркін жеткізуіне мүмкіндік береді. Қазіргі кезде жаңашыл мұғалім ретінде даму – уақыт талабы. Сондықтан да XXI ғасыр ұстазы бүгінгі күн талабына сай жан-жақты дамыған, терең біліммен қаруланған оқушы тұлғасын сомдау үшін өзі де шеберліктің шыңынан көрінуі тиіс. Осылайша «Жаңашыл ұстаз» ретінде Мөлдір Маратқызы өрелі ой мен саналы сезімін әрқашан білімге жетелейтініне сенім мол. &nbsp;Фото: freepik

Архив