<a href="https://kyzylorda-news.kz/">Kyzylorda-news.kz</a> &nbsp;Өңірде өткен 5-ші дәстүрлі республикалық спартакиадада мұғалімдер 7 спорт түрінен сынға түсті. Айта кету керек, былтырдан бастап спартакиада бағдарламасына ұлттық ойындарды насихаттау мақсатында &nbsp;"Бес асық" және "Асық ату" ойындары енгізілсе, биыл "Тоғызқұмалақ" ойыны &nbsp;қосылған. Байрақты бәсекеде қызылордалық ұстаздар "Бес асық", "Тоғызқұмалақ" және ерлер арасындағы волейболдан бірінші орынды иеленіп, жалпы командалық есепте жеңіске жетті. &nbsp;Өңірлік коммуникациялар қызметінің ақпарат алаңына жауапты сала мамандары келіп, жарысты қорытындылады.<blockquote>– Өткен жылы Тараз қаласында өткен спартакиадада жалпы командалық есепте біздің облыстың мұғалімдері бірінші орынды иеленген еді. Биыл да осы дәстүрді жалғастырып, өзге өңірлерден озық шықтық. Тараз қаласындағы жарыстан кейін ұлттық ойындарды кеңінен насихаттау мақсатында спартакиада бағдарламасына үш ұлттық ойын түрін қостық. Сондай-ақ, қазіргі таңда аймақ басшысының қолдауымен "Сыр лигасы" жобасы қарқынды жүзеге асырылып келеді. Бұл жобада оқушылар 8 түрлі сайыс бойынша бақ сынап, өзара жарысады. Қараша айында облыстық кезеңінің нәтижесі белгілі болады. Одан бөлек, ұлттық ойындарды жаңғырту бағытында "Ләңгі fest" атты арнайы жобаны қолға алдық. Қазіргі уақытта бұл жоба өңірлерде кеңінен таралып жатыр. Мұнда оқушылар ләңгінің 5 түрінен сайысады. 8 қараша күні осы сайыстың қорытындысы өтеді, оған әр өңірден жеңімпаз болған 40 бала қатыспақ. Айта кетерлік тағы бір жайт, Арал ауданының ұстазы Түркияда өтетін "Асық ату" сайысына бас төреші ретінде шақырылды. Бұл – біздің Сыр спортының ұлттық ойындарымызға, ұлттық құндылықтарымызға қатты мән бергенінің белгісі деп білемін,- деді облыстық білім басқармасының тәрбие, спорт және қосымша білім беру орталығының директоры Фархат Досаев.</blockquote>"Бес асық" ойыны былтырдан бастап мұғалімдер спартакиадасының бағдарламасына қосылған болатын.&nbsp;<blockquote>Өткен жылы бұл сайыста біздің команда екінші орынды иеленсе, биыл жеңімпаз атанып отыр. Өзім осы сайыс бойынша І дәрежелі ретінде төрелік еттім. Жалпы, "Бес асық" – бұрынғы "Бес тас" ойынының жалғасы іспеттес. 2012 жылы бұл ойынның нақты ережелері бекітіліп, ресми түрде атауы берілді. Содан бері бұл ойын ұлттық мектеп лигасының құрамына және Қазақстан Республикасының чемпионатына енгізілді. Биыл елімізде өткен Көшпенділер ойындарында "Бес асық" түрінен Арал қаласындағы әріптесіміз Әлем чемпионы атанып, ел абыройын асқақтатты. Қазіргі таңда бұл ойынға мектеп оқушыларының да қызығушылығы жоғары,- деді республикалық мұғалімдер &nbsp;спартакиадасының «Бес Асық» түрінен төреші Үміт Есендікова.</blockquote>

Білім ордаларында ұлттық құндылықтар насихатталып жатыр 

<a href="https://kyzylorda-news.kz/">Kyzylorda-news.kz</a> &nbsp;Fingramota.kz онлайн-алаяқтықтан қорғау тақырыбына арналған «OYLA» журналының бірінші шығарылымын ұсынады.Орта және жоғары мектеп жасындағы балалардың қаржылық сауаттылығын арттыру мақсатында Fingramota.kz «OYLA» ғылыми-көпшілік журналымен ынтымақтастықты жандандырды.Балаларға арналған қосымшаның бірінші шығарылымындағы тақырыптардың бірі «Цифрлық гигиена дегеніміз не және ол балаларға не үшін қажет» деген тақырыпқа арналған. Бұл материалда сіздер Интернетте балаларды қандай киберқауіптер күтіп тұрғанын және желідегі қауіпсіздіктің қандай негізгі ережелері бар екенін білесіздер. Бұл ақпарат онлайн-алаяқтардың құрбаны болмау үшін тек балаларға ғана емес, ересектер үшін де маңызды.Танымдық ақпарат, глоссарий, түрлі түсті иллюстрациялар, коллаждар жас оқырмандарға киберқылмыскерлердің тұзақтарын тануға, өздерін және жақындарын қорғауға көмектеседі.Қаржылық іс-қимыл мәдениеті жанұядан басталуы керек. Балаңызды интернеттегі алаяқтардан қорғау үшін оның қаржылық сауаттылығын ерте жастан арттыру керек. Ата-аналар мен ұстаздар балалардың Интернетте не істеп жатқанын бақылап қана қоймай, оларға киберқауіпсіздіктің негізгі ережелерін үйретуі керек, Ең жақсысы – өздері үлгі болуы керек, сондай-ақ олармен ашық және шынайы сөйлесуі керек.Балаларға арналған қосымша Қазақстан Республикасы Қаржы нарығын реттеу және дамыту агенттігінің қолдауымен мемлекеттік және орыс тілдерінде шығарылатынын естеріңізге саламыз.Келесі шығарылымдарда сіздер қаржылық көрсетілетін қызметтердің алуан түрлі болуы және олардың ерекшеліктері, арманға қалай дұрыс ақша жинау керектігі, мобильді қосымшалар, әлеуметтік желілер мен мессенджерлер қандай қауіптерге толы екендігі, төлем карточкасын қалай дұрыс пайдалану қажеттілігі және қаржы пирамидаларына кірмеу үшін не істеу керектігі және тағы басқалары туралы білесіздер. Жіберіп алмаңыздар!<h2 style="text-align:justify;">Цифрлық гигиена дегеніміз не және ол балаларға не үшін қажет?</h2>Заманауи өмірде интернет балалардың білім алуына, қарым-қатынас жасауына және көңіл көтеруіне үлкен мүмкіндіктер береді. Алайда сонымен қатар оның белгілі бір қауіпі де бар. Тек биыл жыл басынан бері Қазақстан полициясы 9,4 мыңға жуық интернет-алаяқтық оқиғасын анықтаған, бұл барлығы үшін, әсіресе балалар үшін желідегі қауіпсіздік мәселесі өзекті болып тұрғанын көрсетеді.Балаларға&nbsp;цифрлық&nbsp;гигиенаны&nbsp;үйретудің&nbsp;маңызыЦифрлық гигиена — өзіңізді және деректеріңізді қауіпсіз түрде қорғауға көмектесетін интернеттегі тәртіп ережелерінің жиынтығы. Бұл әсіресе балалар үшін өте маңызды: олар көбіне өзіне төнуі мүмкін желідегі барлық қауіпті түсіне бермейді. Цифрлық гигиенаны үйрену шынайы өмірдегі қаржы қауіпсіздігі негіздерін үйрену сияқты өзекті. Яғни, офлайн өмірде де маңызы бар.Балаларға&nbsp;арналған&nbsp;интернеттегі&nbsp;негізгі&nbsp;қауіптер1.Кибербуллинг — онлайн-ортада баланы қорлауға бағытталған агрессивті немесе қорлау әрекеттері. Олар баланың психикалық денсаулығына елеулі теріс әсер етуі мүмкін.2.Алаяқтық&nbsp;— балалар әлеуметтік желілер, мессенджерлер, ойындар арқылы ақша немесе жеке мәліметтерін бопсалайтын қаскүнемдердің құрбаны айналуы мүмкін: үйдегі ересектердің төлем картасының толық дерегін, артқы жағындағы құпия кодты, геолокацияны, тұратын жері туралы мәліметтерді сұрайды. Алаяқтар баланың сенімін пайдаланады.3.Жасына&nbsp;сай&nbsp;емес&nbsp;контент. Интернетте балалар байқаусызда өз жасына сәйкес келмейтін материалдарға тап болуы мүмкін. Олар: зорлық-зомбылық көріністері, бейәдеп сөздер, 18+ арналған ақпарат және т.б.4.Интернетке&nbsp;тәуелділік. Интернетте тым көп уақыт өткізу баланың денсаулығы мен мектептегі үлгеріміне теріс әсер етуі ықтимал. Балалар көбіне шынайы өмірді ұмытып, виртуалды кеңістікке еніп кетеді. Бұл олардың физикалық және психикалық әл-ауқатына әсер етеді.Балаларға&nbsp;арналған&nbsp;цифрлық&nbsp;гигиенаның&nbsp;негізгі&nbsp;ережелері1.Жеке&nbsp;ақпаратпен&nbsp;бөліспеңізИнтернетке жеке ақпаратты ешқашан жарияламаңыз: үйіңіздің мекенжайы, мектебіңіз, телефон нөміріңіз, құпия сөздер, банк карталары және т.б. Бейтаныс адамдар бұл ақпаратты өз мақсатына, мысалы, деректер немесе ақша ұрлау үшін пайдалануы мүмкін.2.Интернеттегі&nbsp;бейтаныс&nbsp;адамдарға&nbsp;сенбеңізИнтернет арқылы ғана таныс адамдарыңызбен кездесуге ешқашан келіспеңіз. Олар өздерін кез келген адам ретінде көрсетуі мүмкін, мысалы, құрдастар, банкирлер, полиция қызметкерлері, мұғалімдер. Олар ойын ойнауды ұсынса да, нұсқауларын орындамаңыз. Сонымен қатар, алаяқтар жеке ақпаратыңызды алу немесе кездесуді алаяқтық жолмен ұйымдастыру үшін жарыстар мен сауалнамалар сияқты түрлі айла-тәсілді жиі қолданады. Интернеттегі бейтаныс адамдардың ұсыныстарына «жоқ» деп айтуды үйреніңіз және ата-анаңызға бәрін айтатын болыңыз!3.Бірнәрсені&nbsp;интернетке&nbsp;жариялағанда&nbsp;сақ&nbsp;болыңызИнтернетте жарияланған кез келген ақпарат (фотолар, видеолар, мәтіндер) сонда мәңгі қалады және киберқылмыскерлер оны өздерінің пайдакүнемдік мақсатына, мысалы, бопсалау үшін пайдалана алады.4.Күдікті&nbsp;сілтемелерді&nbsp;ашпаңыз&nbsp;немесе&nbsp;тексерілмеген&nbsp;көздерден&nbsp;бағдарламалар&nbsp;жүктемеңіз.Қолданбаларды тек ресми дүкендерден орнатыңыз және жүктеп алмас бұрын шолуларды тексеріңіз. Бұл құрылғыға вирустардың кірмеуіне және жеке ақпаратыңызды қорғауға көмектеседі.5.Бірегей&nbsp;әрі&nbsp;күрделі&nbsp;құпиясөздерді&nbsp;пайдаланыңызӘртүрлі сервистер үшін бірдей құпиясөздерді пайдалану — ең жиі кездесетін қателік. Кибералаяқтар олардың біреуіне кірсе болды, қалған барлық аккаунтыңызды бұза алады. Ұзындығы кемінде 8 таңбадан тұратын және әріптерден, сандардан және арнайы таңбалардан тұратын күрделі құпиясөздер құрастырыңыз.6.Маңызды&nbsp;сервистерге&nbsp;кіру&nbsp;үшін&nbsp;жария&nbsp;Wi-Fi-ды&nbsp;пайдаланбаңызҚоғамдық орындарда әлеуметтік желілердегі аккаунттарға, түрлі қолданбаларға, әсіресе банк картасы байланыстырылғандарына кіру қауіпті. себебі деректер қорғалмаған желілер арқылы ұрлануы мүмкін. Мобильді интернетті немесе қорғалғалған VPN-қосуды қолданған дұрыс.7.Достарыңызбен&nbsp;желіден&nbsp;тыс&nbsp;сөйлесіңізГаджеттерге ұзақ уақыт жұмсап, шынайы өмірде достарыңызбен және жақындарыңызбен әңгімелесуден алатын қуанышты сәттерді өткізіп аласыз. Спортпен айналысу, хобби, кітап оқу сияқты істерді де ұмытпаңыз.&nbsp;Цифрлық гигиена заманауи балаларды тәрбиелеудің ажырамас бөлігіне айналып келеді және ол отбасы мен мектептен басталады. Ата-аналар мен мұғалімдер балаларының интернетте не істеп жатқанын бақылап қана қоймай, сонымен қатар оларға қарапайым қауіпсіздік ережелерін, ең жақсысы — өзі үлгі болуы, сондай-ақ балаларымен ашық және шынайы сөйлесуі керек.&nbsp;Фото: Fingramota.kz&nbsp;

Балаларға арналған қаржылық сауаттылық жөніндегі арнайы жобаны іске қосу туралы 

<a href="https://kyzylorda-news.kz/">Kyzylorda-news.kz</a> Азияның үздік университеттерінің рейтингі - &nbsp;QS Asia University Rankings 2025 аймақтық рейтингі жарияланды. Биыл Қорқыт Ата атындағы Қызылорда университеті барлық азиялық университеттер арасында 541-560 диапазонында лайықты орын алып, өткен жылғы нәтижені жақсартты (601-650).2025 жылғы QS Asia University Rankings рейтингі тарихтағы ең үлкені болып табылады, оған 25 елден 984 университет кірді: Қытай, Жапония, Оңтүстік Корея, Тайвань, Гонконг АӘА, Сингапур, Пәкістан, Иран, Үндістан, Малайзия, Вьетнам, Қазақстан, Өзбекстан, Қырғызстан, Тәжікстан және Түрікменстан және т. б.Қазақстан Орталық Азияның басқа елдері арасында ең көп ұсынылған ел болып табылады: рейтингке 35 университет кірді.Рейтингті жасау үшін пайдаланылған негізгі көрсеткіштерге академиялық бедел, жұмыс берушілер арасындағы бедел, ғылыми педагогикалық құрам мен студенттердің арақатынасы, бір қызметкерге шаққандағы жарияланымдар саны, халықаралық ғылыми байланыстар, университеттің интернеттегі әсері, PhD дәрежесі бар қызметкерлердің үлесі, бір мақалаға дәйексөздер саны, шетелдік қызметкерлер &nbsp;үлесі және шетелдік студенттер үлесі жатады.QS Asia University Rankings 2025 рейтингінде біздің университеттің позициясының жақсаруы ұжымның бірлескен және ұйымшыл жұмысының және біздің оқытушыларымыздың, ғалымдарымыздың, қызметкерлер мен білім алушыларымыздың ғылымда қол жеткізген жоғары көрсеткіштері мен мамандарды даярлау сапасын арттыруға бағытталған жеке үлесінің нәтижесінде &nbsp;мүмкін болды.<figure class="image"><img src="https://knadmin.beoblood.kz/uploads/korkyt_1_02a61b8a92.jpeg" alt="коркыт 1.jpeg"></figure><figure class="image"><img src="https://knadmin.beoblood.kz/uploads/korkyt_2_85d0cdd91b.jpeg" alt="коркыт 2.jpeg"></figure>

Korkyt Ata Kyzylorda University QS Asia University Rankings 2025 рейтингіндегі позициясын жақсартты

<a href="https://kyzylorda-news.kz/">Kyzylorda-news.kz</a> &nbsp;Өңірде жыл басынан бері 14 108 сәби дүниеге келген. Нәтижесінде, Сыр елі туу көрсеткіші бойынша төртінші орынға тұрақтаған. Ұлттық статистика бюросының Қызылорда облысы бойынша департаментінің мәліметінше, аймақта күніне орташа есеппен 52-55 сәби өмірге келеді. Бұл туралы Өңірлік коммуникациялар қызметінің ақпарат алаңында аталған департамент басшысының орынбасары Гүлмира Иманбаева мәлімдеді.<img src="https://knadmin.beoblood.kz/uploads/G_lmira_Imanbaeva_9083c29905.jpg" alt="Гүлмира Иманбаева.jpg"><blockquote>– Биыл аймақтың әлеуметтік-экономикалық дамуында оң тенденция сақталған. Мәселен, облысқа тартылған инвестиция көлемі өткен жылдың осы кезеңімен салыстырғанда 25,1 пайызға артса, ауыл, орман және балық шаруашылығы өнімдерінің жалпы көлемі 3,8 пайызға, ал өнеркәсіп өндірісі 2,0 пайызға өскен. Жыл басынан бері облыста 2 802 жеке және 128 көп пәтерлі тұрғын үй пайдалануға берілді. Олардың жалпы ауданы былтырғы жылмен салыстырғанда 4,6 пайызға өсіп, 646 мыңнан астам шаршы метрді құраған. Сондай-ақ, өңірдің Еуроазиялық экономикалық одаққа мүше мемлекеттермен, яғни, Ресей, Беларусь, Қырғызстан және Армениямен өзара саудасы 2,8 есеге артса, дәл осы елдермен экспорт 4,4 есеге, импорт 32,2 пайызға өскен,- деді Гүлмира Жеткергенқызы. &nbsp;</blockquote>Фото:freepik

Қызылордада күніне 50-ден астам сәби дүниеге келеді

<a href="https://kyzylorda-news.kz/">Kyzylorda-news.kz</a> Әлемдегі озық мемлекеттердің үлгісіне ой жіберсеңіз, ұлттық құндылықтарын құрметтей білген елдің біртұтас даму жолына бет алғанын көруге болады.Ұлттық сана шекара таңдамайды. Жер шарының екі қиырында өмір сүрсе де елім, жұртым дегенде өзегін жұлып берер асыл ниет бір арнаға тоғысқанда ұлт мұраты айқындалады. Міне, осындай асыл идеяларға адалдығымен бір қазыққа байланып, қазағының қамын жеген, екі түрлі концепсия, екі түрлі саясат, екі түрлі қоғамда ғұмыр кешіп жатса да жұдырықтай жүректе байыз таппаған бір тілек, бір мүдде, бір арманды қанат қылған ықылас-пейілінен бір-біріне туғаннан да жақын болып өткен ұлтжанды азаматтар – Хасен Оралтай ағамыз бен Алшынбай Тұртанұлының есімін қатар атауымызға не себеп?Хасен Оралтайдың әкесі ұлт-азаттық қозғалысына терең дем берген кісі. Хасеннің өзі халықаралық медианы пайдалана отырып қызыл империяның кеңес одағы деген біртұтас кеңістікке зорлықшыл өктемдігін әшкерелеуден танбағаны құлағы түрік, көкірегі ояу әркімге аян. Ол осындай &nbsp;іс-әрекетімен ұлттық сананы қалыптастырып, теңдікке деген біртұтас көзқарасты шыңдауда қайраткерлік күресін бір күн де тоқтатқан жоқ. Ел тәуелсіздігін жариялаған алғашқы жылдары Хасен Оралтай туған жерге тәу етіп Қазақстанға келген сапарында өзімен мұраттас біраз тұлғаларды тауып қайтты. Солардың бірі – біздің Алшынбай ағамыз.&nbsp;Ауылда тұрып арды биік қойған &nbsp;мемлекетшіл тұлға жас кезінен төл мамандығы бойын¬ша мінсіз қызмет етіп, аудан экономикасы мен әлеуетінің дамуына бір кісідей үлес қосты. Қай салада болмасын елгезектігімен, көзі ашықтығымен, ең бастысы, шаршап-шалдығуды білмейтін еңбекқорлығымен Алшынбай аға араласпаған тірлік қалды ма атамекенінде? Инженер-құрылысшы ретінде жаңадан ірге көтерген шаруашылықтарды аяққа тұрғызған енапат еңбегі өз алдына, тоқсаныншы жылдары тұралаған тірлікті аяққа қоюда қиыр асып, ту қияндағы ну табиғаттың қожайындарымен ымыраға келіп, Сібір мен Сырдың арасын жалғаған кім? Оның мұрындық болуымен Жаңақорғанның құмында өскен қауын-қарбыз, асқабақ пен алмасын, күріші мен салысын қат көріп қаптап алған тюмендіктер бартерге вагон-вагон ағаш артып жіберуді жүйелі жолға қойып, аудан ғана емес, облыс құрылысына қажет қор қалыптасқанын &nbsp;қалай ұмытамыз?Ол кісінің бойындағы осындай мәмілегерлік қабілеттің іскерлік мәнерден де биік қайраткерлік қасиетке арна тартқанына өзі сырттай еңбегіне қанық, шын жүрегімен пір тұтып келгенұлт &nbsp;жоқшысы Хасен Оралтайды тауып, Жаңақорғанда тұңғыш рет халықаралық конференциясын өткізбекке бел буып, &nbsp;демеуші болған қадамы дәлел бола алады.Өткен сенбіде, Адырбек Сопыбеков атындағы кітапханада өткен Алшынбай Тұртанұлының өмірден озғанына жыл толған шарасына орайлас жарық көрген «Асу бермес Алшынбай» атты кітаптың тұсаукесер шарасына жиналғандар &nbsp;қос арысты табыстырған ұлы сезім – ұлтқа деген сүйіспеншілік мәселесіне жан-жақты тоқталды.Олардың қатарында тарих ғылымдарының докторы, профессор Нәбижан Мұхаметханұлы, Қазақстанның еңбек сіңірген қайраткері Қалқазбек Әжібеков, Хасен Оралтайдың бауыры &nbsp;Әбілбашар Ілиясұлы, облыстық мәслихаттың депутаты Жанкелді Ысқақ, ұстаз Ы.Алтынсарин медалінің иегері Айсара Нәлібаева, бауырлары Дәулетбек және Оразалы Жұматовтар және осы кітаптың авторы Нұрлат Байкенже өздерінің жүрекжарды лебіздерін жеткізді.Міне, осы азаматтардың қатарында Қазақстанға еңбегіі сіңген қайраткер, жазушы, Алшынбай ағаның туған бауыры Жолтай Жұмат: «Осындай ұстанымымен, осындай өр мінезімен бейбіт күннің өзінде биік тұғырдан танылған Алшекең егер отызыншы жылдары туғанда Алаш қайраткерлерінің қатарында болар еді деген ой келеді. Жақын танысып, дос болған Хасен Оралтай жөнінде бірде маған айтқан мына сөзі есімнен кетпейді. «Жолтай-ау, Хасен ағаң қоғам қайраткері ғана емес, ол мәдениеттің, әдебиеттің &nbsp;руханияттың, жалпы ұлтты сүюдің, қазақты сүюдің эталоны екеніне көзім жетті. Жүрегіммен қабылдап, аға-інідей болып кеттік» деп еді. &nbsp;Осындай азаматты терең танып бағалауы, сол кісінің деңгейінде пікір өрбітіп, тіпті отбасылық та қарым-қатынас орната білуі біздің Алшекеңнің де биік парасатын, қайраткерлік деңгейінің дәрежесін көрсетеді.Ол кісінің әдебиетші ретінде де таным-түсінігінің кеңдігін кейде шығармаларым төңірегінде айтылатын сын-ескертпесінен, кеңесінен аңдап, көзқарас көкжиегіне еріксіз бас идім. Оның мықты бизнес өкілі екеніне де уақыт өз бағасын берді.Енді асыл азаматтың екінші өмірі басталды. Бұл екінің біріне бұйырмайтын нығмет, – дей келе, өздері өмірден озып кеткенімен есімдері жүректе жырдай жатталып, &nbsp;жалпақ даласын кезіп жүрген Бердібек пен Алшынбай есімінің ел жүрегінде егіз сақталатынына &nbsp; ізгі сенімін жеткізді.«Адамзаттың бәрін сүй, бауырым деп» Абай атамыз айтқандай, мұндай биікке, мұндай дәрежеге бұл қос тұлға қайраткерліктен де бұрын азаматтық болмыс асқақтығымен жете алғандығын көпке үлгі етті.АЛШЫНБАЙДЫ АНАДОЛЫ ЖОҚТАДЫКелесі сөз алған қоғам қайраткері, Хасен Оралтайдың інісі Әбілбашар Ілиясұлы: «2005 жылы Хасан Оралтайәкесінің &nbsp;100 жылдығына орай ас берді. Сол асқа елден &nbsp;Алшынбай аға келді. Ол кісі &nbsp;Түркияға келгенінде осындағы қазақ ағайындардың үйінде болып, олардың бастан өткен қилы тағдыр хикаяларын бауыры езіле тыңдап, шетелде босқан қандастардың жағдайын жүрекпен қабылдайтын. Үнемі телефон соғып, бізбен хабарласып тұрды. &nbsp;Тәуелсіздіктің бекем болуына, шеттегі ағайынның елге келуіне шын тілектес ағаның бірі еді. Ол кісінің өмірден өткен хабарын естігенімізде Түркиядағы, Анадолыдағы бүкіл ағайын-бауыр езіле жоқтап жыладық. Міне, бүгін асыл ағаның жыл-дық асына бір қауым ел Түркиядан арнайы келдік. Ол кісінің алға қойған ізгі мақсатына жетуді ұрпақтарына нәсіп етсін» деді.Алшынбай ағаның халықаралық деңгейдегі бет-беделін былай жиып қойғанда ел ішінде күнделікті тұрмыста ол кісінің көңіл қоймайтын, бас ауыртып, бағыт бермей, жай қол сілтеп қоя салатын ұсақ-түйек мәселе болған емес. Ол барлық нәрсеге байыпты мән беріп, ұқыптылықпен іске асуына барынша мүдделі болып жүретін. Кешеге дейін аудандажаңа құрылыстардың техникалық сапасының қадағалаушысы ретінде көп кемшіліктің түзелуіне тер төкті. Қаптаған мердігерлер қатал мінезіне қанық болып, талабынан шығуға ұмтылды.Бұл жөнінде Қожамберді аулының экс әкімі Молдахмет Нәлібаев: «2010 жылы облыстық бюджеттен қаржы қаралып бас трассадан Төменарық елді мекеніне дейін 12 шақырым жолға күрделі жөндеу басталды. Жол құрылысы жүріп жатқанда ауданнан технадзор Алшекең келіп екеуміз объектіні аралауға шықтық. Ол кісі бірден қалада жүрген мердігерді шақыртты. Ол екі-үш сағатта келіп жетті. Алшекең оған қарап: «Техникаңды, адамдарыңды ал да бұл жерден қараңды батыр» деді. Жеңімпаз ескі техника, құрал-саймандарды тез жиып, алып кетті де, келесі күні жаңа техника, жаңаша жұмыс тобымен қайта келіп, жұмысты жалғастырды. Қожамбердінің тұсына кеп қалған еді, әрі қарай жол құрылысы тағы 3 см-ге биіктеді, яғни асфальт 5 см-ден 8 см-ге қалыңдады. Әлі күнге дейін бұл жерді ауылдықтар «Алшынбай төбе» деп атайды» деді.Тарихта атың қалу үшін алаөкпе боп атақ шығарудың қажеті жоқ, халқыңа шын жаның ашып, ақиқат¬тың салтанат құруына қолыңнан келгенінше қасқайып амал қыл. Әділ қарекетің күмәнсіз елдің жүрегінде қалады. Мына жағдай соның титімдей бір көрінісі.Жалпы, Алшынбай ағада мемлекеттік марапаттар жоқтың қасы. Уағында партия қатарына да өтуге құлықты болмағаны мансап пен лауазымға қызықпағанынан болса керек. Бірақ елім дегенде елжіреген пендесінің дәрежесін Құдырет өзі құрмет төріне шығарып қояды екен. Бүгінгі шарадан біз осындай ой түйдік.«ЖЕТПІС БЕС ЖЫЛ ҒҰМЫРЫМА ҚАНАҒАТ»– Мен Қытайда туып-өстім. Тәуелсіздіктің арқасында 1993 жылы Қытай қоғамдық ғылымдар академиzсынан Қазақстанға ауысып, институт директорының орынбасарлығына дейін көтерілдім.Алшынбай ағамен Хасен Оралтай арқылы жақын таныстым.Осы өмірімде рухани жақындықтың өте киелі болатынына осы екі азамат арқылы терең көз жеткіздім. Оған мысал келтірейін: «Жетпіс бес жыл ғұмыр сүрсем ризамын» деген Хасен ағамызға «Неге олай дейсіз?. Алла жомарт, одан артықтауын да береді ғой» деп жік-жапар болғанымыз бар еді. Сонда ол кісі: «Мен тіпті осы күнді көремін деп ойлап па ем? Қалың өртте жанбаған мақта сынды маңдайыма жарық күнді көруді жазыпты. Осы күніме қанағат» деп еді, – деген ғалым ағамыз Нәбихан Мұхаметханұлының сөзі біздің түйсігімізде мына жағдайды тірілтті.Бірде «Аманат» партиясының бір жиынында облыстық мәслихат депутаттарымен басқосуда Жаңақорғанның ауызсуы жағдайын айтып таусылған Алшынбай аға: «Өзіміз көп болса бір-екі жыл жүрерміз. Мұның барлығы ұрпаққа керек дүние ғой» деп таусылған. Әлі тың, денсаулығы мықты ағаның аузына бір-екі жылдан басқа сан түспеді ме деп, былай шыққан соң өзіне айттық та. Ол кісі жай күлді де қойды. Бірақ Алшынбай ағамыз да нақ жетпіс бес жасында жарық дүниені тәрк етіп кете барды. Бұл сәйкестікте нендей тылсым сыр жатыр?

Ұлы мұрат ұлттық санадан бастау алады 

&nbsp;<a href="https://kyzylorda-news.kz/">Kyzylorda-news.kz</a> Бұдан жарты ғасыр бұрын Қаратаудың етегінде мырыш пен қорғасынның кең көлемді қоры бар екеніне көз жеткізген кеңес үкіметі кен өндірісін игеруге дендеп бет бұрғаны белгілі. Одақтық деңгейде &nbsp;әлеуеті бай өндірісті өркендету үшін ең бірінші жұмысшының жағдайы бірінші орынға қойылды. Шалқия кен аумағында типтік үлгідегі жаңа үйлер салынып, мектеп, балабақшалар бой түзеді. Сексенінші жылдардың өзінде жаңадан бой түзеген кеншілер қалашығы сәулеттік архитектурасы және тұрмыстық жаңашылдығы жөнінен аудан орталығы Жаңақорған кентінен әлдеқайда озық үлгіде қалыптасып үлгергенін сол кез адамдары жақсы біледі. &nbsp;Шахтерлердің жалақысы &nbsp;мұғалім, дәрігерлерден екі-үш есе артық белгіленуі өндірістің &nbsp;ел экономикасында табысты сала ретінде бағалануынан болса керек.Еліміз егемендігін алуымен бірге қоғамдық қатынастардың жаңа жүйеге көшіп, бір орталықтан басқарылған кәсіпорындардың бесжылдық жобаларды орындауда жаңаша тетік қалыптастырып үлгеруге қабілетсіздігі кеніш тірлігін тұралатқаны рас. Кеншілер жұмыссыз қалып, кәсіп іздеп жан-жаққа көшті. Шалқия кентінде көп қабатты үйлер иесіз қалып, бұл өңірдің жүрегіндей болған кеніш өндірісінің шын қадірін айқындап берді.Міне, сондықтан ел үкіметінің Шалқия кен орнын толық қуатында іске қосуда шетелдік әріптестермен ынтымақтастық қарым-қатынасқа ден қоюын құптауға болады.Нақ қазіргі күндері Шалқияның екінші тынысы ашылды. Ондағы бүгінгі күні жүргізіліп жатқан жобалар, мақсатты бағдарламалар жайлы жан-жақты көзбен көрмекке Шалқия кенішін бетке алдық. Бұған дейін де кеніш жұмысын жолға қоюда шет ел компанияларымен ымыраға келіп, тәуекелді талапқа бет бұрған тараптардың &nbsp;жоғары ведомствоның жобаларын жүзеге асырып үлгермей банкрот болған жағдайларына ел куә.&nbsp;Ал бүгінгі жағдайы қалай? &nbsp;Өндіріс орны жұмысын толық қуатында іске қосу тетіктері талаптағыдай ма? Кен орны келешегіне кепілдік беруге бола ма?&nbsp;Бұл жөнінде Шалқия Цинк ЛТД АҚ бас директоры Бейсембаев Өркен Рахметуллаұлымен кездесіп, ақпараттармен жан-жақты таныс болдық. Ұққанымыз, кеніш қоры жөнінен әлемде бесінші орында тұрмыз. Халықаралық сұранысқа ие құндылықты ынтымақтаса игеруге ынталы мүдделер тоғысы таяу уақытта өндірістің қалыпты ырғағын толық қуатында іске қосуға қол байласып отыр екен. Бұл жөнінде ғалым-менеджердің сұхбаты сенімімізді нығайтты.– Шалқия қорғасын-мырыш кен орнында тау-кен байыту комбинатын салу жобасы толық іске қосылғаннан кейін кәсіпорында жылына 4 млн тоннаға дейін кен өндірілетін болады, – дейді сұхбаттасымыз. Жоба Еуропалық қайта құру және даму банкісі арқылы қаржыландырылады. Құрылыс толық жобалық қуатында іске кіріскенде 1700 адамды жұмыспен қамтамасыз ететін боламыз. Сонымен қатар подстанция көлемі үлкейтіледі, басқа да қажетті инфраструктуралар кезегімен іске қосылады. Қазірде кен байыту фабрикасының қондырғыларын Американың үлкен компания жобасымен сәйкестендіріп, алдын ала қаржысы да аударыла бастады. Қазір осыған жан-жақты дайындық үстіндеміз. Кен өндіруге дайындық жұмыстарын мердігер атқаруда. Бұл Қытай компаниясы халықаралық деңгейде танымал, бұған дейін дүние жүзінде бірнеше өндірісті аяққа нық қойған. Қарауында 299 адам бар, басым көпшілігі жергілікті жердің өкілдері. Өйткені талап та солай. Ертең комбинат құрылысына, ол іске қосылған соң да алдымен маңайдағы Құттықожа ауылы және Шалқия мен Жаңақорған кентінен тұрақты жұмыс қолы тартылатын болады. Сол адамдарды қарамағымызға алып, тау-кен жұмыстарын өзіміз жүргіземіз. Қазір қарауымызда 270-тей қызметкер бар. Олардың ішінде Мәскеуде, Қарағандыда білім алған, Шымкент пен Қорқыт ата университетін, басқа да жоғары оқу орындарын бітірген жергілікті жастар бар екені қуантады. Үнемі жобаларды бірге талқылап, өндіріс көлемін толық меңгеруіне тәлімгерлік дәрісімізді жұмсап келеміз, – дейді ол.– Өңіріміздегі кен өндірістері айналасындағы әңгімеге құлақ түрсек, басшылыққа жергілік¬ті кадрларды жаратпайды, сырттың адамын тағайындауға бейім тұрады деген өкпе-реніш алдымыздан шығады. Бұл жөнінде не дейсіз?– Осындай ахуалдың бары рас, оны оңдау үшін жергілікті кадрлар намысқа тырысып, өндіріс технологиясына барынша мамандануы керек. Ол өз алдына, халықаралық бәсекеге сай имиджді қалыптастыруда көп тілді меңгеру деген мәселе тағы бар. Қызметтің қабатында оқу, іздену, тіл үйрену өте қажет міндет. Қарауымдағы азаматтарға осылай кеңес беріп отырамын. Ел мен жер осы азаматтардың қолында. Біз белгілі уақытта жобаны іске асырамыз, мақсатымызды орындаймыз, әрі қарай атамекен меншігінің маңдайын жандырып, иелік ететін солар болу керек. Сондықтан бір күнді қалт жібермей үйренсе, меңгерсе, жан-жақты маман болып шықса деген тілектестіктен басқа ниет жоқ бізде.Болашағы кемел кеніш орнын мамандармен қамту мәселесін бүгіннен қолға алмасқа болмайды. Осы бағытта Жаңақорғандағы техникалық колледжбен Қорқыт ата университетімен, ХҚТУ-мен, Алматы &nbsp;және Қарағанды қаласындағы политехникалық жоғары оқу орындарымен меморандумға отырып, тау-кен саласы бойынша факультетте мамандар даяурлауға бекініп отырмыз, – деді.Қазірде шетелдік мердігер қарауына берілген кеніш аймағында ұңғыманы қазуда қауіпсіздік ережелері қатаң бақыланып, апта сайын аппарат жиналысында жоба барысы сараланып отыратынын айтты.Кеніш жұмысы алға басуы үшін шешімді өз уақытында қабылдайтын инвестор керек, сонда жұмыс қарқыны еселеп артады.Кен байыту комбинаты іске қосылғанда Шалқия кеніші қуаттылығы бойынша жылына 4 млн тонна мырыш пен қорғасын өндіретін болады, бұндай көрсеткішпен кен орны Қазақстан бойынша гигант мекеме қатарына кіреді. Ал қазбаның қоры жөнінен әлемде 5-орындамыз. Аталған кен орнын игеру мырыш нарығында ірі компаниялардың бірі болуға және үлкен көлемде қорғасын өндіруге мүмкіндік береді. Жүйе бойынша нақты рудадан алатын 104 млн тонна қор бары кеніштің кемел келешегінен хабар беріп тұрғанын айтты өндіріс басшысы.– Кен орнының келешек жобаларына тоқталсаңыз.– Өндіріс орны басшылығы бәсекеге қабілетті болуы үшін ең бірінші мамандардың жалақысын көтеруге мүдделі, әйтпесе жақсы кадрлар орталыққа кетіп қалады. Айлықты көтерумен қатар жұмыскерлердің тұрмыстық-әлеуметтік жағдайы өркениетке сай болуы керек.Елдің ең бірінші байлығы – қорғасын мен мырыш, оны өңдей отырып, түскен табыс алдымен кеніштің модернизациясына салынады, содан соң жергілікті халықтың әлеуметтік жағдайына бөлінеді. Атап айтқанда, мектеп, мәдениет үйлері, балабақшалар салынады. Жергілікті жердің денсаулық саласына демеушілік жасалады.– Ал өзіңіз Шалқияны қандай дәрежеде елестете аласыз?– Қаратау қойнауында қайнаған тірліктің басы-қасында болуға тәуекел етіп келген күннен бастапжергілікті халықтың өмірімен, тыныс-тіршілігі, әлеуетімен жете танысуға тырыстым. Менің ойымша, кісі қай жерде жүрсе де ауасын жұтып, суын ішкен ортаның адамдарын құрметтей білуі керек. Ауданның саяси және мәдени өміріне тығыз араласып, &nbsp;қажет жерінде демеушілік көмегімізді көрсетіп келеміз. Қашан да болсын жергілікті халықтың қас-қабағының жадыраңқы, жағдайының жақсы болуына біз де мүдделіміз.«Жаңақорған – жер жәннаты» деп кентке кіреберіс маңдайшасына жазып қойылған қанатты сөздің жүрегімізді ерекше жылы сезімге бөлейтінін жасыра алмаймын. Қажырлы күш-жігерімді халық игілігіне арнаған жастық күндерімнің көп бөлігіне куә кенді өңірдің келешегі кемел екеніне сенемін. Жаңақорған ауданының соңғы екі-үш жылда мүлдем жаңарып, жақсы жобалардың қанат жаюынан ынтымақ пен бірліктің жемісін көргендей болып отырмыз. Жаңақорғандықтар осындай елдігінен ажырамаса екен деймін.– Әңгімеңізге рахмет.

Жаңақорғанда өндіріс қуаты қарқынды

&nbsp;<a href="https://kyzylorda-news.kz/">Kyzylorda-news.kz</a> Кеудесін өлеңнің оты кернеп, жырмен жұбатқан Халықарылық Жазушылар одағының мүшесі, «Құрмет иесі» медалінің иегері, ақын Тұрсынкүл Құрманбекова туған жері Ақжол ауылындағы клубта алғаш рет шығармашылық кеш өткізді.Ол 1951 жылы 5 маусымда Ақжол ауылында дүниеге келген. Орта мектепті бітірген соң аудандық «Комунизм жолы» газетінің баспаханасында жұмыс істеген. 1968 жылы сол кездегі «Юбилейный», қазіргі Кеңес ауылына келін болып түседі. Отбасында ері Жақсынбек екеуі бес перзентті өмірге әкеліп, тәрбиеледі. 1996 жылдан бастап бүгінге дейін Алматы қаласында тұрады.Бүгін ауыл сахнасында тыңдарманның жүрегін тербеген өлең өрнектері Тұрсынкүл ақынның жүрегін жарып шыққан жыр әлемінің көрінісі екені даусыз.«Өлеңім – өмірімнің өрнегі» атты шығармашылық кешінде ауыл әкімі Бағдаулет Сердалиев, ауылдық ақсақалдар төрағасы Бақберген Бөлеков, ардагер ұстаз Серікбай Сұлтановтар сөз алып, ізгі тілектерін арнады.Шығармашылық кештің иесіне аудан әкімі Мажит Самитұлының «Құттықтау хаты» мен сый-сыяпаты табысталды.Рухани шарада Халықаралық жазушылар одағының мүшесі, арнайы Тараз қаласынан келген қадірменді әріптестері қатарында Нақсұлу Шегебайқызымен, Халықаралық жазушылар одағының мүшесі Жібек Искакова арнау өлеңдерін оқып, ақындық жолынан айнымаған анамыздың еңбегін дәріптеді. Кентау қаласынан келген сазгер-композитор Жұпаркүл Бекшораева ақын сөзіне жазылған бірнеше әндерді орындап, кейіпкердің сан сырын аша &nbsp;білді.Ағайындары атынан Әлімхан Құрманбеков, Ерғали Оразбеков, сондай-ақ, ауылдың ақ жаулықты аналары, ақынның әулет үлкендері, Жаманбай ауылдық округінің әйелдер кеңесінің төрайымы Рысжан Төлепбергеноваға ақ тілектерін жаудырды.Ауылдың бір топ оқушылары ақын апаларының өлеңін жатқа оқы¬ды. Солардың қатарында Ергешбай Қарахат, Түгелбай Шұғыла, Әлмахан Әбдірахман, Дүйсенбек Мұхамежан көптің ықыласына бөленді.Жергілікті өнерпаз Көкен Өскенбай «Сөзімді арқау етіп жаздым өлең» жырын термеге қосты. Бүгінгі кеште оқылған өлеңдердің көбі Тұрсынкүл Құрманбекованың жаңадан жарық көрген «Желіден ескен жылы леп» атты кітаптың парақтарында тоғыстырылған. Осы кеште туындының тұсауын кесу құрметі Халықарылық Жазушылар Одағының, Түрік Әлемі Жазушылар Одағының және Қазақстан Журналистер Одағының мүшесі, Қызылорда облысының «Құрметті ардагері», Жаңақорған ауданының «Құрметті азаматы» ақын-журналист Файзулла Пазылбекұлы және Халықаралық жазушылар одағының мүшесі Нақсұлу Шегебайқызына ұсынылды. Кеш соңында Тұрсынкүл Құрманбекованың сөзіне жазылған Сазгер Жупаркүл Бекшораеваның орындауында «Сұлуымды сағындым», «Айымсың, сен айымсың» атты әні орындалды.Жанға шуақ, санаға сәуле құяр жырларымен шынайы болмысына тәнті еткен ақын ананың «Өлеңім серігімсің» әнін жыршы- термеші Мұхтар Дәрібаев орындағанда халықтың құрмет-қошеметі ерекше артты. Ауылдың жас ақыны Бекарыс Бексаба ақынға арнайын оқып берді.Өлеңнің қадір-қасиетін түсінетін жандар барда Тұрсынкүл апа секілді отты жүрек ақынның орны төрде. Жас ұрпақ ақын апаның төл туындыларынан отанға деген шынайы сезімі, туған жерге деген сағыныш сырларын ұғып, отты жырларынан қуат алады. Жасын жырдың қызуын ұрпағы жанына жақын тұтса ғана өміршең болады. Сонда ғана келер ұрпақ ақынның қуатты жырынан нәр алып, рухты болып өсері кәміл.

Туған жерім – тұмарым

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министр Олжас Бектеновтің төрағалығымен Үкімет отырысы өтті. Күн тәртібінде су тасқыны кезеңіне дайындық мәселесі қаралды. Жиынға жауапты министрліктер қатысып, өңір әкімдіктері онлайн байланыс арқылы қосылды.Үкімет отырысынан кейін аймақ басшысы Нұрлыбек Нәлібаевтың төрағалығымен өткен арнайы мәжілісте жауапты сала мамандарына су тасқынының алдын алу, тұрмыстық қатты қалдықтарды басқару бойынша бірқатар тапсырма жүктелді.«Біз 2023-2024 жылдардағы су тасқыны кезеңін шығынсыз өткіздік. Дегенмен, апат айтып келмейді. Алдын алу бағытындағы жұмыстарды жүйелі ұйымдастырып, дайын отыруымыз қажет. Сырдария өзенінің қауіпті тұстарын жөндеу, қалпына келтіруді қысқа мерзімде аяқтаңыздар. Су тасқынына қарсы материалдық-техникалық қордың толық болуын қамтамасыз ету керек», – деді Н.Нәлібаев.Бүгінде су тасқынының алдын алу мақсатында арнайы құрылған жұмыс топтары қорғаныс бөгеттерін қарап шығып, қауіпті учаскелерді анықтады. Қорғаныс бөгеттерін, 3 нысанды жөндеу-қалпына келтіруге облыстық бюджеттен 130,5 млн. теңге қаржы бөлінді. Қазіргі таңда жұмыс жүргізілуде.Су қоймаларының жобалық көлемі 34,4 млн. текше метр болса, биыл 12,03 млн. текше метр су жиналып, елді мекендерді аяқ сумен қамтамасыз етуге, шабындықтар мен жайылымдарды суландыруға мүмкіндік туды.Мемлекет басшысы коммуналдық меншіктегі гидротехникалық құрылыстарды пайдаланатын, басқаратын мамандандырылған ұйымдарды үш ай ішінде құру туралы облыс әкімдіктеріне тапсырма берген болатын. Соған сәйкес, «Арна» коммуналдық-мемлекеттік мекемесі құрылды.Сонымен қатар, аймақ басшысы тұрмыстық қатты қалдықтарды қайта өңдеу жобаларын «Өнеркәсіпті дамыту қоры» сараптамасының екінші кезеңінен өткізуді тапсырды.

Су тасқынына қарсы шаралар талқыланды

<a href="https://kyzylorda-news.kz/">Kyzylorda-news.kz</a> Бүгінгі таңда тұтынушылар үшін дүкен сөрелерінде таңдау межесі өте кең. Дегенмен оның барлығы бірдей қауіпсіз әрі сапалы бола бермейтіні анық.Қаптаманың арғы жағында не жатқанын білу – саналы таңдау жасауүлкен жауапкершілікті талап етеді. Қызылорда облысының санитариялық-эпидемиологиялық бақылау департаментінің аумақтық басқармаларымен өнімдер қауіпсіздігін бақылау мақсатында мониторингілеу тұрақты түрде жүргізіледі. Жыл басынан бері облыстағы сауда орындарынан барлығы 161 сынама сатып алынып, зертханалық зерттеу жұмыстары жүргізілді. &nbsp;Бақылауға алынған өнімдердің &nbsp;72,1% – тағам өнімдерін &nbsp;және 27,9% – тамақ емес өнімдерін құрады. Оның ішінде &nbsp;отандық өнімдер үлесі – 20,5%, &nbsp;Еуразиялық Экономикалық Одаққа мүше елдерде өнірілген өнімдер – 50,9% және өзге елдерде өндірілгендер үлесі – 28,6%. Бұл туралы Қызылорда облысының санитарлық-эпидемиологиялық бақылау департаменті басшысының орынбасары Ерлан Ұзақбаев мәлімдеді.<blockquote>– ҚР ДСМ ҚДСК "Ұлттық сараптама орталығы" ШЖҚ РМК Қызылорда облысы бойынша филиалымен жүргізілген сараптамалар нәтижесімен сатып алынған барлық өнімдердің 39 үлгісі, яғни 24,2 пайызы техникалық регламенттердің таңбалануы бойынша талаптарына сай келмей шықты. Яғни өнім қаптамасында мемлекеттік тілде ақпараттар ұсынылмаған. Дұрыс әрі толық таңбаламаның болмауы қауіпсіз сатып алуға елеулі кедергі келтіретіні анық.Кеден Одағы техникалық регламенттер талаптарына сәйкес келмеген өнімдер бойынша сауда объектісіне &nbsp;өнімді кері қайтарып алу түрінде жедел ден қою шараларын қолдану туралы қаулылар берілді. Сонымен қатар, таңбалануы сәйкес келмейтін алкогольсіз сусындарға қатысты түскен арыздар бойынша тексерулер нәтижесімен сауда нысандарының иелеріне жалпы соммасы 673790 теңге айыппұл салынды, – деді Ерлан Ұзақбаев.</blockquote>&nbsp;Фото:freepik.com

Қызылордада өнімдер қауіпсіздігін бақылау мониторингі жүргізілуде

<a href="https://kyzylorda-news.kz/">Kyzylorda-news.kz</a> Бүгін Жалағаш аудандық жастар орталығы ғимаратында өткен семинар-тренингте қылмыстың қайталануының алдын алу, жоғалтқан әлеуметтік-қажетті байланыстарды қалпына келтіру, бас бостандығынан айыру орындарынан босатылған және босатылғаннан кейін оның мәселелерін шешуге қажет қызмет түрін айқындау мәселелері қаралды.Кездесуге Жалағаш аудандық жұмыспен қамту және әлеуметтік бағдарламалар бөлімінің әдіскері С.Алиев, аудандық пробация қызметінің инспекторы Е. Оразалыұлы және аудандық Отбасы қолдау орталығының психологы А.Темірбекқызы мен “Ұлы Орда Күші” қоғамдық бірлестігінің төрағасы С.Айдынбай қатысты.Шарада аудан бойынша бас бостандығынан айыру орындарынан босатылатындар және босатылғандар, сонымен қатар пробация қызметінде есепте тұрған азаматтарды тұрақты жұмысқа орналастыру және елдегі тұрақтылықты, тыныштықты және қоғамдық тәртіпті қамтамасыз етудің маңыздылығы түсіндірілді. Яғни, олардың тұрақты жұмыспен қамтылуы, дер кезінде психологиялық көмек алуы керектігі түсіндірілді.Шара соныңда азаматтар өздерінің көкейлеріндегі сұрақтарын қойып, ұсыныс-пікірлерін ортаға салды.

Пробация есебіндегі азаматтарға психологиялық, әлеуметтік және құқықтық көмектер көрсетілді

<a href="https://kyzylorda-news.kz/">Kyzylorda-news.kz</a> Арал аудандық пробация қызметінің есебінде тұрған қоғамнан оқшаулауға байланысты емес жазаларға сотталған азаматтардың рухани байлығын арттыру, олардың мәдениетке деген қызығушылығын дамыту мақсатында Арал аудандық тарихи-өлкетану музейінде экскурсия ұйымдастырылды.Аудандық пробация есебінде 60-қа жуық азамат есепте тұрса, оның 25-і осы іс –шараға қатысты. Бұл іс-шара сотталғандардың мәдениетке деген қызығушылығын арттырып, оларды қоғамға қайта бейімдеуге бағытталған. Экскурсия барысында музей қызметкері аудан тарихынан сыр шертетін, қазақ халқының дәстүрі мен мәдениетіне қатысты экспонаттар қойылған 9 залымен таныстырды. Сотталғандарға музей жәдігерлерінің тарихы мен маңызы туралы және ауданның белгілі тұлғалары туралы кеңінен ақпарат берілді.&nbsp;<blockquote>– Бүгін бірнеше жыл бойы сақталған &nbsp;эспонаттарымен таныстық. Мұражай бұл тұнып тұрған тарихымыз, адамға рухани азық сыйлайтын мекен. Әрбір азамат өзінің туған жерінің тарихын білулері тиіс. Еліміздің ертеңі өткен тарихпен тығыз байланыста екенін ұмытпаумыз керек. Мен де балаларымды музейге жиі апарамын.Өскелең ұрпақ тарихты біліп өсуі керек деп есептеймін. Бүгінгі шараны ұйымдастырған пробация қызметі мен мұражай қызметкерлеріне алғысымыз шексіз, – деді пробация есебіндегі азамат.</blockquote>

Арал аудандық пробация есебіндегі азаматтар тарихи-өлкетану музейіне экскурсия жасады

<a href="https://kyzylorda-news.kz/">Kyzylorda-news.kz</a> &nbsp;Облыста жолаушылар тасымалы жанданып келеді. Халықаралық рейстер де жақын арада ашылмақ. Маусым айынан бастап «Fly Arystan» әуе компаниясымен Түркияның Анталья қаласына тікелей рейс ашылды. Одан бөлек, облыста 212 елді мекенді аудан және облыс орталығымен байланыстыратын автобус маршруттары ұйымдастырылған.&nbsp;<blockquote>– Автобустар қалааралық, 101-і аудандық, қалаішілік және қаламаңы бағытында жолаушылар тасымалдайды. Сондай-ақ Ташкент, Астана, Алматы, Шымкент қалаларына, Жезқазған, Түркістан, Сарыағаш, Ақтөбе және тағы басқа өңірлерге автобус ұйымдастырылған, – деді облыстық жолаушылар көлігі және автомобиль жолдары басқармасы басшысының орынбасары Руслан Ибрагим.</blockquote>Қорқыт Ата әуежайының жаңа терминалы алдағы уақытта ел игілігіне пайдалануға беріледі. Жаңа нысан Болат Өтемұратов қорының қолдауымен салынған. Жалпы ауданы 7 500 шаршы метрді құрайтын екі қабатты ғимарат сағатына 250-ге жуық жолаушыға қызмет көрсетеді деп жоспарланып отыр.<blockquote>– Жаңа әуежай халықаралық талаптарға сай болады. Онда халықаралық, ішкі рейстер және транзиттік жолаушыларға қызмет көрсетуге арналған бірнеше зал бар. Сондай-ақ жолаушыларға ыңғайлы болу үшін телескопиялық трап, 2 эскалатор мен 2 лифт, автоматты түрде жүк тапсыру жүйесі, сауда орындары, медициналық көмек көрсету пункті, дәмхана, жүк сақтау және ана мен бала бөлмелері қамтылған, – деді Қорқыт ата әуежайының Басқарма төрағасы Баян Ажмолдаев.</blockquote>«Қазақстан Темір Жолы» Ұлттық компаниясы» АҚ Қызылорда магистральдық желі бөлімшесі филиалының бас инженері Берік Бекжанов облыс басшылығының қолдауымен «Қазақстан темір жолы» компаниясы тарапынан Қызылорда қаласындағы теміржол вокзалын қайта жаңғырту жұмыстары жүргізілгенін, сыртқы және ішкі жөндеу жұмыстары арқылы ғимарат жаңа кейіпке енгенін атап өтті.

Архив