<a href="https://kyzylorda-news.kz/">Kyzylorda-news.kz</a> Жошы Ұлысының 800 жылдығына орай өтіп жатқан «Талас-Ұлытау-Сарайшық» атты республикалық тарихи-этнографиялық экспедициясы Сыр елі, жыр елі Қызылорда жерінде жалғасын тапты.&nbsp;Алғаш болып экспедиция қатысушылары Сыр елінің мәдени ошағы Қызылорда облыстық тарихи-өлкетану музейінде экскурсияда болды. Қызылорда жерінің тарихымен танысып, құнды жәдігерлерін тамашалады. Ары қарай Әбділда Тәжібаев атындағы облыстық кітапханада &nbsp;жергілікті тарихшы-ғалымдардың, археологтардың, музей басшылары мен қызметкерлерінің қатысуымен кездесу диалог, дөңгелек үстел өтті. Жергілікті ғалымдар мен экспедиция қатысушылары өзара пікір алмасып еркін талқылау болды.&nbsp;Кейін экспедиция құрамы Қызылорда облысының тарихи-мәдени мұралар тізіміне енген ортағасырлық Қышқала қалашығында болды. Сыр өңіріндегі Қышқала қалашығы – ерекше сәулет ескерткіштерінің бірі. XIII-ХV ғғ. өмір сүрген қала орны 1243 жылдан бері &nbsp;Қышқала аталып келеді. Қышқала аталуының себебі – қала құрылысы күйдірілген қыштан құрылған. Ол Қызылорда облысының Қоғалыкөл ауылының маңында, 30 шақырымға жуықтайтын жерде орналасқан. Жалпы аумағы 40-50 шақырымды құрайды. 2018 жылы мамыр-маусым айларында тарих ғылымдарының докторы, аталмыш экспедициясы қатысушысы Мадияр Елеуовтің жетекшілігімен археологиялық зерттеу жүргізіліп, ортағасырлық сәулет өнерінің жарқын үлгісі аршылған болатын.Экскурсия Қорқыт ата кешенінде жалғасып тапты. Экскурсия қатысушылары кешенді аралап, видео түсірілім жасалды.&nbsp;Осылайша туы биік, тұғыры берік Қызылорда өңіріндегі сапар аяқталып, Ақтөбе қаласына жолға шықты.

«Талас-Ұлытау-Сарайшық» экспедициясы Сыр елінде жалғасын тапты

<a href="https://kyzylorda-news.kz/">Kyzylorda-news.kz</a> Туркия Республикасының жастары облыстық жастар орталығы жұмысымен танысты.Бүгін «Мәдени мұра» халықаралық жобасы аясында Түркия Республикасының Жастар және спорт министрлігінен келген делегация облыстық жастар орталығының ғимаратына келіп, орталық қызметімен танысты.Делегация құрамында Анталия қаласының жастар орталығының басшысы, қызметкерлері мен белсенді, ерікті жастары бар.Кездесу нәтежесінде екі ел жастары арасында алдағы уақытта бірлескен үлкен жобаларымызды жүргізуге және мамандарымыздың тәжірибе және біліктілігін арттыру мақсатында өзара келісім жасалды.Кездесу соңында барлық қонақтарға өңіріміздің тарихы мен мәдениетінен сыр шертетін кітап кәделер сыйға тартылып, естелік суреттерге түсті.

Туркия жастары Қызылорда жастарының жұмысымен танысты

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев арнайы мәжілісте Алматы қаласындағы Қызылорда облысының өнер күндерін жоғары деңгейде ұйымдастырып, өткізуге атсалысқан өнерпаздарға, мәдениет саласының қызметкерлеріне алғыс білдірді.«Мемлекет басшысы Қасым-Жомарт Кемелұлы «Ұлт мәдениеті – халық өмірінің айнасы. Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, яғни, руханиятымызға баса мән бергеніміз жөн», – деген болатын.<blockquote>Мәдениеттің мәртебесін көтеріп, өнерін құрметтеген ұлттың өресі биіктей бермек. Өткен жылы елордада Астана қаласының 25 жылдығына орай Қызылорда облысының өнер күндері жоғары деңгейде өткізілді. Халықтың ыстық ықыласы мен қошеметіне ие болған дәл осындай өнер күндері Алматы қаласында да ұйымдастырылды. Ән-жырдың туын желбіреткен сырбойылық өнер майталмандары таланты мен талғамын, кәсіби деңгейінің биіктігін, еліміздің басты сахналарының біріндегі концертке тыңғылықты дайындықпен барғанын дәлелдеді. Мың жылдық тарихы бар, мың бояулы мәдени астанамыз Алматыдағы мерекені өткізуге атсалысқан барша ұйымдастырушыларға, өнерпаздарға, театр әртістеріне, мәдениет саласы қызметкерлеріне, мекеме басшыларына және қала, аудан әкімдіктеріне Сыр жұртшылығының және өз атымнан зор ризашылығымды білдіремін», – деді Нұрлыбек Машбекұлы.</blockquote>Іс-шарада өнер күндерін шебер ұйымдастырып, әсерлі әрі көңілді етіп өткізген қызметкерлерге облыс әкімінің Алғыс хаты табысталды.Айта кетейік, «Сұлу Сырдан – ару Алматыға» атты Республика сарайында өткен гала-концертке мемлекет және қоғам қайраткерлері, Парламент Сенаты мен Мәжілісінің депутаттары, Қазақстанның Еңбек Ерлері, мәдениет және өнер қайраткерлері, елімізге белгілі ақындар мен жазушылар, Алматы қаласы, Алматы облысы әкімдігінің өкілдері арнайы қатысты.Айтулы іс-шара аясында «Сыр өңірі – Түркі өркениетінің алтын бесігі» атты жылжымалы көрме ұйымдастырылды. Көрмеге Сыр өңірінің тарихын баяндайтын археологиялық және этнографиялық экспонаттар – «Шірік-Рабат сақ жауынгері», «Сығанақ ханшайымы», «Түгіскен көсемі», «Жетіасар ақсүйек әйелі» реконструкциялары және Қорқыт ата, Марал ишан мұралары, зергерлік бұйымдар коллекциялары қойылды. С.Айтбаев атындағы көркемсурет галереясы қорындағы майлы боумен салынған өлкенің табиғаты, тарихи және жаңадан бой көтерген ғимараттары бейнеленген картиналар келушілер назарына ұсынылды.Алматылық көрермен Сыр өнерпаздарына ыстық ықыласы мен қошеметін көрсетті.Алатау баурайындағы ару қаладағы өнер күндері Тұрмағамбет атындағы халық аспаптар оркестрінің «Жыр – қазына, күй – күмбез» атты концертімен қорытындыланды.<img src="https://knadmin.beoblood.kz/uploads/Madeniet_1_6dfaf3e108.jpg" alt="Мадениет 1.jpg"><img src="https://knadmin.beoblood.kz/uploads/madeniet_2_74e4eae4f6.jpg" alt="мадениет 2.jpg"><img src="https://knadmin.beoblood.kz/uploads/Madeniet_dcf0dadb1d.jpg" alt="Мадениет.jpg">Фото: Қызылорда облысы әкімінің баспасөз қызметі

Аймақ басшысы мәдениет қызметкерлеріне алғыс айтты

Мен, мәселен, 28 жасымда тұрмысқа шықтым. Сол уақытқа дейін құлағыма сағыздай жабысты "Кәрі қыз" деген жиіркенішті атау.&nbsp;Белгілі журналист Дина Төлепберген тұрмыс құрмаған қыздарға қолдау білдіріп, өзінің оқиғасын баяндап берді, деп хабарлайды <a href="http://skifnews.kz/">Skifnews.kz</a> ақпарат порталы.БАҚ өкілі&nbsp;әйелдерге арналған жаңа жобасын таныстырды. Мақсаты – қыз-келіншектерде&nbsp;кездесетін мәселелердің алдын-алу.&nbsp;&nbsp;<blockquote>"Қызды да, ұлды да шаңырақ көтеруге асықтырмаңыздар! Мен, мәселен, 28 жасымда тұрмысқа шықтым. Сол уақытқа дейін құлағыма сағыздай жабысты "Кәрі қыз" деген жиіркенішті атау. Құтыла алмай жатқандай, "қашан тұрмысқа шығасың?" деп сұрау – манипуляция! Яғни жеке шекарадан аттау!", – деп жазды Дина Төлепберген.</blockquote>Сондай-ақ, журналист жобаның алғашқы қонағы, актриса Құралай Анарбекованың да басындағы жағдаятты талқылап көрді.&nbsp;<blockquote>"Құралай да: "Құлағыңды жегідей жейтін сөздер жүрегіме ауыр тиеді" – дейді. Тағы қайталаймын, әр ұл, әр қыздың өз шекарасы бар, оны бұзбауды ата-ана, жақын деген адамдар өздерінен бастауы керек. Таяуда авторлық жобам жарыққа шығады. Din Dina Show – әйелдер үшін. Қонағымыз Құралай Анарбекова", – деп хабарлады медиа маманы.&nbsp;</blockquote>Фото: https://www.instagram.com/dina_tolepbergen/

«Шаңырақ көтеруге асықпаңыздар»: Дина Төлепберген тұрмысқа шықпаған қыздарға қолдау білдірді

<a href="https://kyzylorda-news.kz/">Kyzylorda-news.kz</a> Мемлекет басшысының, Үкіметтің тұрақты қолдауы негізінде және аймақ басшысының үйлестіруімен қаланың жол - көлік инфрақұрылымы қарқынды дамуда. Биыл осы бағытқа 36 млрд. теңге бөлінді. Бөлінген қаражатқа қала, кент және ауылдық округтердегі 99 көшеге орташа жол жөндеу, қайта жаңғырту, жол және көпір құрылыстарын салу жұмыстары жүргізілуде.Қазіргі уақытта Әуежай жолы және Шиелі ауданынан кіреберіс айналма көпірден, аспалы көпірге дейінгі аралық кеңейтілуде.Сонымен қатар, Қожа Ахмет Яссауи және Тәуелсіздіктің 25 жылдығы көшелері қайта жаңғыртылуда. Қ.Яссауи көшесін жақын күндері ел игілігіне табыстау жоспарлануда.Осы жұмыстардың жалғасы ретінде, жуырда ғана магистралды көшелердің бірі – Жаппасбай батыр көшесі қайта жаңғыртылып, 2 жолақтыдан 4 жолақтыға ауыстырылды. Жүріс бөлігінің ені 14 метрге кеңейтілді.Н. Назарбаев даңғылынан Тәуелсіздіктің 25 жылдығы даңғылына дейінгі аралыққа жаңа жол салынып, көлік ағынын реттеуге жағдай жасалынды.Ең ұзын көшелердің бірі саналатын Е.Көшербаев көшесіне де жаңғырту жұмыстары жүргізіліп, пайдалануға берілді. Сол секілді М.Шоқай көшесі күрделі жөндеуден өткізілді.Бүгінгі күні ауқымды жұмыс Қорқыт ата көшесінде атқарылуда. Жөндеу жұмыстарының барысын пысықтаған қала әкімі Нұржан Сәбитұлы жауапты мердігерлерге сапаға мән беруді тапсырды.Айта кету керек, алдағы күндері ұзындығы9,6 шақырымды құрайтын «Қызылорда - Жезқазған» бағытының қалаішілік автомобиль жолына да жөндеу жүргізілетін болады.<img src="https://knadmin.beoblood.kz/uploads/zhol_cad848d7b7.jpg" alt="жол.jpg"><img src="https://knadmin.beoblood.kz/uploads/zhol_2_48e7bca590.jpg" alt="жол 2.jpg"><img src="https://knadmin.beoblood.kz/uploads/zhol_3_6cba154a49.jpg" alt="жол 3.jpg">

Қызылорда: Жолдар жөнделіп, көшелер көркеюде

<a href="https://kyzylorda-news.kz/">Kyzylorda-news.kz</a> Бүгін аймақтық халықтық штаб төрағасы Алмасбек Есмаханов Тереңөзек кенті мәдениет үйінде АЭС салуды қолдау жөніндегі республикалық халықтық штаб мүшелері Мархабат Жайымбетов, Мұрат Әбеновпен бірге білім саласы өкілдерімен жүздесті. Еркін форматта өткен жиында Президент Жолдауынан туындайтын міндеттер, АЭС мәселесі жан-жақты талқыланды.«Алты алаштың баласы бас қосса, төрдегі орын ұстаздікі»,- деп бекер айтылмаған. Қоғамның мәдениетті де, білімді болуы да білім саласы мамандарымен тығыз байланысты.Жиында республикалық Халықтық штаб мүшесі Мұрат Абдуламитұлы сөз алып, Қазақстан энергетика секторын трансформациялаудың маңызды кезеңінде тұрғанын, энергетикалық кешенді дамыту бағытын таңдау мемлекеттің ұзақ мерзімді дамуына айтарлықтай әсер ететінін атап өтті.<blockquote>«Орташа алғанда, атом электр станциясын пайдалану кезеңінде жоғары және орта арнаулы білімі бар шамамен 2000 адамнан тұратын қызметкер қажет. Осы мақсатта болашақта атом энергетикасын дамытудың мемлекеттік бағдарламасы аясында кадрларды даярлау жоспары жеке әзірленіп, қабылданбақ. Оның негізінде қажетті мамандар даярланатын болады. Бұл біздің аймақтың білім саласы үшінде тиімді болмақ. Сала мамандарының пікірінше электр қуатын тұтыну көлемі елімізде жыл сайын 3 пайызға артуда. Ал өзімізге қажетті электр қуатын өндіруде көмірдің рөлі басымырақ. Бүгінде электр қуатының 70 пайызы көмірден өндіріледі. Осыны бағамдай келе елде АЭС салу мәселесі туындап отыр. Президет бұл ұсынысын халық таңдауына бергені – саяси стратегиялық қадам деп түсінуіміз керек», – деді Мұрат Әбенов.</blockquote>Қазір әлемнің алпауыт елдері дамыған, озық технологиялар көмегімен халықтың әлеуетін, ішкі экономикасының тиімділігін арттыруда. Оның ішінде уран өндірісінен туатын атом энергиясы да бар. Қазір ғалымдар атом станциясының соңғы моделін, яғни «3+» буынын ойлап тапты. Бұл механизм суды да аз қажет етеді. Қоршаған ортаға да зияны тимейді, әрі көп мөлшерде энергия өндірмек.Штаб мүшесі Мархабат Жайымбетов энергетика саласы төңірегінде кеңінен ақпарат беріп өтті.<blockquote>«Бүгінде ауаға тарайтын көмірқышқыл газы артып, экология ластауда. Осы орайда, дамыған елдер жасыл энергия саналатын атом электр станция жұмысын жандандырып, нәтижесін көруде. Атом энергетикасы қоршаған ортаға қолайлы, ел экономикасына тигізетін септігі мол сала. Қазір энергияның басым бөлігі көмірден өндіріліп жатыр. Негізенен электр қуатын жел, су, күн сәулесінен көздерінен алуға болады. Алайда бұл ауа-райына тәуелді болғандықтан тұрақты эенергия көзі болып табылмайды», – деді ол.</blockquote>Басқосуда сала өкілдері де атом энергиясының тиімді тұстары төңірегіндегі ойларын ортаға салып, жалпы референдумның ел болашағы үшін маңызды қадам болмағын тілге тиек етті.

АЭС салу маңыздылығы түсіндірілді

<a href="https://kyzylorda-news.kz/">Kyzylorda-news.kz</a> Облыс көлемінде жылу беру маусымына дайындық жұмыстары жүйелі жүргізілуде. Жергілікті бюджет және кәсіпорын қаржысы есебінен 2 газотурбиналық қондырғының генераторы мен 11 қазандыққа күрделі, 1 турбина мен 15 қазандыққа ағымдағы жөндеу жүргізілуде. Қазіргі уақытта жұмыстың 98 пайызы орындалды.Жылу желілерін жаңғыртуға бағытталған 6 жобаны іске асыруға бюджеттен тиісті қаржы бөлініп, 9,5 шақырым жылу желісінің 8,6 шақырымына жөндеу жүргізілді. Облыстағы 1 067 әлеуметтік нысан қысқа 100 пайыз дайын.<blockquote>“Қызылорда жылу электр орталығының биылғы 2024-2025 жылғы маусымға дайындығы доспарға сәйкес жүргізіліп жатыр. Дайындықты көктем айларынан бастап кеттік. Іс-шара жоспарының 98 пайызы орындалды. Оның ішінде атап өтетін болсақ негізгі қондырғылардан алтыншы бу қазандық, тоғызыншы бу қазандық олар ағымдағы жөндеуден өтті. Ескі станцияның ішіндегі бу қазандығына да ағымдағы жөндеу жүргізілді. Бүгінгі күні іштегі системалардың барлығы суға толтырылып соңғы сынақтардан өткізіп жатыр”, - деді Қызылорда ЖЭО бас инженері Наурыз Сатханов.</blockquote><img src="https://knadmin.beoblood.kz/uploads/zhylu_1_d1d0107e7e.jpg" alt="жылу 1.jpg"><img src="https://knadmin.beoblood.kz/uploads/zhylu_2_c103e3a9e1.jpg" alt="жылу 2.jpg"><img src="https://knadmin.beoblood.kz/uploads/zhylu_3_7ad89b0d01.jpg" alt="жылу 3.jpg"><img src="https://knadmin.beoblood.kz/uploads/zhylu_4_4fa7a362d2.jpg" alt="жылу 4.jpg"><img src="https://knadmin.beoblood.kz/uploads/zhylu_6_fa18ca9137.jpg" alt="жылу 6.jpg">

Жылу беру маусымына дайындық жүйелі

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысының күн тәртібінде су тасқыны салдарын жою және оның алдын алу мәселесі талқыланды. Жиынға жауапты министрліктер қатысып, өңір әкімдіктері онлайн байланыс арқылы қосылды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, жауапты басшыларға бірқатар тапсырма берді.<blockquote>«Облыс аумағында 2023-2024 жылдары қыс-көктем мезгілінде су тасқынының алдын алудың кешенді шаралары ұйымдастырылды. Нәтижесінде оқыс оқиғалар мен қауіпті жағдай болған жоқ. Дегенмен, апат айтып келмейді. Алдын алу бағытындағы жұмыстарды жүйелі ұйымдастырып, дайын болуымыз қажет. Сырдария өзенінің су шаруашылығы нысандарын зерттегенде жағалаудың осал тұстары анықталған. Бұл учаскелердің кейбіреуі республикалық меншікте.Бұдан бөлек, облыс аумағында 4 стратегиялық маңызды су торабы бар. Олар арқылы мол суды қауіпсіз өткізу үлкен жауапкершілікті талап етеді. Бүгінде 6 су қоймасының 3-ін жөндеуге облыстық бюджеттен 94,9 млн теңге бөлінді. Сырдария өзені бетіндегі мұзды өз деңгейінде қатырып алу бірінші кезектегі мақсатымыз болу қажет. Сондықтан ықтимал су тасқынына дайындықты қазірден бастап жүргізу керек», – деді Нұрлыбек Машбекұлы.</blockquote>Жиын қорытындысында Қызылорда қаласы мен аудан әкімдеріне облыстық жұмылдыру дайындығы басқармасымен бірлесіп, өз аумақтарындағы учаскелерді қатаң бақылауға алу, аса қауіпті тұстарды нығайту тапсырылды. Ықтимал су басу аймақтарына арнайы техникалары бар жауапты мекемелерді бекіту қажет. Су тасқынына қарсы материалдық-техникалық қор жасақтау, эвакуациялық жинақтау және қабылдау пункттерін дайындау да маңызды. Облыстық табиғи ресурстар және табиғат пайдалануды реттеу басқармасына «Қазсушар» Қызылорда облыстық филиалымен бірлесіп, магистралды каналдар мен көлдер жүйесін түгендеу, су алу кестесін әзірлеу жөнінде тапсырма берілді.<img src="https://knadmin.beoblood.kz/uploads/akimat_1_5dc02e3a2f.jpg" alt="акимат 1.jpg"><img src="https://knadmin.beoblood.kz/uploads/akimat_2_d12d71d8ea.jpg" alt="акимат 2.jpg"><img src="https://knadmin.beoblood.kz/uploads/akimat_3_e353bb6a87.jpg" alt="акимат 3.jpg"><img src="https://knadmin.beoblood.kz/uploads/akimat_4_91fbcdd0c4.jpg" alt="акимат 4.jpg">Фото: Қызылорда облысы әкімінің баспасөз қызметі

Су тасқынына қарсы шаралар талқыланды

<a href="https://kyzylorda-news.kz/">Kyzylorda-news.kz</a>&nbsp; Н.Бекежанов атындағы &nbsp;драма театрында &nbsp; Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде&nbsp;мүгедектігі бар балаларға&nbsp;қуыршақ театрына саяхат ұйымдастырылды.Мақсат – мүгедектігі бар адамдар мен мүгедектігі бар балаларға әлеуметтік көмек көрсетуден бөлек оларды түрлі шараларға қатыстырып, қоғамдық ортаға бейімдеу, белсенділіктерін арттыру, мәдени, қоғамдық іс-шараларға қатыстыру.Бұл шара&nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ ұйымдастырумен өтті.&nbsp;«Нартайдың бүлдіршіндері» қуыршақ тобы&nbsp;балаларға «Қозы мен лақ» атты қойылымын сахналады.<blockquote>– Қойылымды көру балалардың эмоциялық әлеміне үлкен әсер етті. Балалар жағымды эмоция алып, жарқын, есте қаларлық бейнелер қабылдады. Өздерінің сүйікті кейіпкерлерін үлкен ықыласпен тамашалады. Балалардың көздерінде ұшқын, жүздерінде күлкі пайда болды, – деп атап өтті «Қызылорда облыстық мүгедектер қоғамы» қоғамдық бірлестігінің төрағасы С.Сиюов.</blockquote>Шараға &nbsp;30 мүгедектігі бар &nbsp;балалар және ата-аналары қатысты және балаларға арнайы бағалы сыйлықтар мен тәттілер таратылды.<img src="https://knadmin.beoblood.kz/uploads/d5313ca6_2bf9_4b48_a008_8e6a0a2b9cb4_46bfa298a1.jpg" alt="d5313ca6-2bf9-4b48-a008-8e6a0a2b9cb4.jpg">

«Қуыршақ театрына саяхат» ұйымдастырылды

<a href="https://kyzylorda-news.kz/">Kyzylorda-news.kz</a> Облыста мемлекеттік көрсетілетін қызметтердің сапасы үнемі бақылауда. Көрсетілетін қызметтердің сапасын арттыруда Департамент жанынан құрылған Ведомствоаралық жұмыс тобының қызметіне бөлек тоқталғым келеді.Өткен жылдың желтоқсан айында департамент басшысының жеке қабылдауында болған бір қала тұрғыны өзінің мекен-жайы бойынша үй тіркелімінде бөтен адамдардың тіркеліп тұрғанын айтып, наразылығын жеткізген болатын.Мәселені анықтай келе, қаламызда осындай жүйелі проблема бар екені анықталды. Сол себепті Департамент осы бағытта әрі қарай зерттеу жұмыстарын жүргізді.Өздеріңіз білетіндей, бұрын қағаз түрінде үй кітапшасы қолданылып келді (домовая книга). Оны электрондық форматқа өзгерту үшін 2018 жылдың аяғынан бастап «Электрондық үй кітабын» іске қосқан болатын.Ал электрондық үй кітабы толыққанды жұмыс істеу үшін әрбір үйге 16 цифрдан тұратын бірегей (уникальный) «мекен-жай тіркелім коды» (РКА код) беріліп, «Мекенжай тіркелімі» ақпараттық жүйесіне енгізу қажет болды.Яғни, үй иесі Халыққа қызмет көрсету орталығына барып, мекенжай бойынша меншік туралы және тіркелген тұлғалар туралы ақпаратты енгізуі керек болатын.Алайда, 2019 жылы елімізде сайлау құқығы бар азаматтардың тізімін шұғыл қалыптастыру тапсырмасына сәйкес, электрондық үй кітабына көшуді жылдамдату қажеттілігі туындап, жауапты қызметкерлер әрбір үй-жайды жағалап, тиісті РКА кодын беріп, сол мекенжайда тіркелген азаматтар тізімін жасақтап шығарған.Жұмыс барысында белгілі бір себептермен кемшіліктер орын алған, сондай-ақ мүдделі мемлекеттік органдардың базаларын интеграциялау барысында да қателіктер кетіп, көптеген мекенжайларға бірдей «мекен-жай тіркелім коды» (РКА код) беріліп кеткен. Осыған байланысты бір мекен-жайда бірнеше бейтаныс адамдар тіркеліп кеткен болса, кейбір жағдайда адамдар өздерінің мекен жайларында тіркеуде жоқ болып шықты. Бұл мәселе адамдардың мемлекеттік қызметтер алу кезінде әуре-сарсаңға салынуына алып келді.Мәселенің маңыздылығы ескеріле отырып аталған сұрақ Департамент жанындағы ведомствоаралық жұмыс тобының ағымдағы жылдың наурыз айындағы кезекті отырысының күн тәртібіне шығарылды.Тиісті құзырлы органдарға қыркүйек айына дейін туындаған мәселені шешу бойынша нақты тапсырмалар берілді. Кемшіліктерді жою бойынша ұзақ мерзім берілуі мәселенің күрделі екеніне байланысты болды.Департамент бастамасымен осы мәселені шешу үшін «Азаматтарға арналған үкімет» мемлекеттік корпорациясы, қалалық сәулет және қала құрылысы бөлімі және облыстық көші-қон қызметімен ағымдағы жылдың наурыз айында бірлескен жұмыс жұмыс тобы құрылды.&nbsp;Жұмыс тобы шеңберінде мәселені шешу алгоритмі қалыптастырылып, тиісті ақпараттық жүйелер арқылы 5 мыңнан астам (5311) қала тұрғыны әртүрлі мекенжайда жүргені анықталды.Нәтижесінде, нақты тізім жасақталып, Қызылорда қаласында 720 тіркелім кодына сәйкестендіру жұмыстары жүргізілді. Халыққа қызмет көрсету орталығына шақыра отырып, мемлекеттік қызмет көрсетілді, яғни тіркелім кодына сәйкес мекен-жайлары түзетілді. Бірлесіп атқарылған жұмыс нәтижесінде бүгінгі таңда мәселе өз шешімін тапты.Дегенмен де, кейбір қызмет алушылар өздерінің мекен жайын ауыстырған немесе соған ұқсас жағдайлар орын алған кезде дер кезінде өзгерістер енгізбесе, мұндай жағдайлар қайталануы мүмкін екені ескерілді.Бұл мәселе департамент жанындағы Ведомствоаралық жұмыс тобының қыркүйек айында өткен мәжілісінде талқыланып, құзырлы органдарға тиісті ұсыныстар берілді.Жалпы, жыл басынан бері Департамент жанындағы Ведомствоаралық жұмыс тобының 3 отырысы өткізіліп, мемлекеттік органдарға 20 астам ұсыныстар берілді.Сонымен бірге, әр ай сайын Ведомствоаралық жұмыс тобының мүшелері, әсіресе қоғам белсенділері аудан, қала және облыс орталықтарында халыққа қызмет көрсететін орталықтарға барып, қызметтердің сапасына мониторинг жұмыстарын жүргізіп отырады. Орын алған кемшіліктерді департаментке хабарлап, олар бойынша тиісті ұсыныстар енгізіледі.Алдағы уақытта да көрсетілетін қызметтердің сапасын арттыруда, қызмет алушылардың бұзылған құқықтарын қалпына келтіру жұмыстары департаменттің негізгі басым бағыттарының бірі болып қала бермек.&nbsp; &nbsp; &nbsp; &nbsp; Егер Сіздің мемлекеттік қызмет алуда құқықтарыңыз бұзылған болса Қазақстан Республикасының Мемлекеттік қызмет істері агенттігінің Қызылорда облысы бойынша департаментіне шағымдануыңызға болады.Біздің мекен-жайымыз: Қызылорда қаласы, Сұлтан Бейбарыс,1. Байланыс нөмірлері: 8 (7242) 70-56-36, 70-00-40.&nbsp;Е.Мендалиев,ҚР Мемлекеттік қызмет істеріАгенттігінің Қызылорда облысы бойыншадепартаментінің басшысы, Әдеп жөніндегікеңестің төрағасы

Тұрғындардың құқығы қалпына келтірілді

<a href="https://kyzylorda-news.kz/">Kyzylorda-news.kz</a> Желіде әскериге белгісіз біреудің “әлімжеттік” көрсетіп жатқаны түсірілген видео тарады. Кадрлардан &nbsp;Ұлттық ұлан&nbsp;әскери киімін киген жауынгердің сарбазды ұрып-соғып, балағаттап жатқанын байқауға болады. Бұл туралы <a href="https://stan.kz/zhelide-ylttik-ylannin-kiimin-kigen-askeridin-sarbazdi-406760/">Stan.kz</a> ақпарат агенттігі хабарлайды.Еліміздің Ұлттық ұланның "Батыс" өңірлік қолбасшылығы бұл ақпаратты растады.<blockquote>"Аталған факті бойынша 2024 жылдың 23 қыркүйегінде "Батыс" РМК Әскери полициясы қылмыстық кодекстің 440-бабының 1-бөлігі (Әскери қызметшiлер арасында бағыныштылық қатынастар болмаған кезде олардың арасындағы өзара қарым-қатынастардың жарғылық қағидаларын бұзу)&nbsp;бойынша сотқа дейінгі тергеуді бастады. Тергеу жалғасып жатыр. Оқиғаның мән-жайын анықтау үшін барлық қажетті шаралар қабылданды", –&nbsp;делінген хабарламада.</blockquote>Айта кетейік, бұған дейін Қазақстанның Қорғаныс министрлігі&nbsp;әскердегі өлімнің 90%-ы әлімжеттіктен емес, отбасылық кикілжіңдер үшін болатынын мәлімдеген еді.&nbsp;Фото: Видеодан скрин

Желіде Ұлттық ұланның киімін киген әскеридің сарбазды ұрып-соққаны түсірілген видео тарады

<a href="https://kyzylorda-news.kz/">Kyzylorda-news.kz</a> &nbsp;6 қазан күні еліміз бойынша республикалық референдум өткізіледі. Маңызды саяси науқанда Қызылорда өңірінің 492381 азамат дауыс беруге құқылы. Жауапты кезенде аймақта 380 учаскелік комиссия құрылып, 2652 комиссия мүшесі қызметке тартылды.Референдумды ашық әрі заң талабына сай өткізу УРК тікелей міндеті. Комиссия құрамына енген әрбір азаматтың білім деңгейін жетілдіру және әдістемелік көмек көрсету мақсатында Қызылорда облысының өңірлік оқу орталығы және Қызылорда облысының аумақтық референдум комиссиясының ұйымдастыруымен учаскелік комииссия мүшелері үшін оқыту өткізілді.Салалық тақырыптарға мамандаған кәсіби лекторлар референдум өткізудегі құқықтық және құжаттамалық мәселелер, дауыс беруші азаматтардың тізімімен жұмыс жүргізу, байқаушылар, БАҚ өкілдерімен жұмыс жүргізудің тиімді шарттары тақырыбында ой бөлісті.Басқосуларда Қызылорда қаласындағы және аудандардағы құқық қорғау саласының өкілдері референдум кезінде құқық бұзушылықты болдырмау, дауыс беру учаскелерінде тәртіп ережелерін сақтау мәселелері бойынша негізгі ережелерді түсіндірді.Оқу семинарында лекторлар комиссия мүшелерін рөлдік ойындарға бөліп, ситуациялық жағдайларға негізделген практикалық кейстерді талқылады.Қызылорда қаласындағы 3 күндік оқытуға 683 комиссия мүшесі тартылды. Әрі қарай лекторлар семинарды көшпелі форматта барлық аудандарында жалғастырды. Мұнда 1065 комиссия мүшесі оқытылды.Оқытуға төраға, төраға орынбасары, хатшы және жаңадан қосылған комиссия хатшылары шақырылды. Арнайы оқытудан өткен комиссия мүшелері каскад әдісімен өзге де мүшелері оқытады.Айта кетейік, Қызылорда өңірінде дауыс беруші азаматтардың өз учаскесін анықтау үшін referendum.orda.kz сайты және 109 бірыңғай байланыс орталығы іске қосылды. Сондай-ақ, тізімге тіркелген әрбір дауыс беруші азаматқа шақыру қағаздары мен смс хабарламалар жіберілетін болады.<img src="https://knadmin.beoblood.kz/uploads/AES_fcd6a46081.jpg" alt="АЭС.jpg">

Архив