<a href="https://kyzylorda-news.kz/">Kyzylorda-news.kz</a> ​Бүгін қала әкімі Нұржан Ахатов Тасбөгет және Белкөл кентінің тұрғындарымен кездесіп, халықтың талап-тілегін тыңдады.​Кездесуде Мемлекет басшысы Қасым-Жомарт Кемелұлы Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауына байланысты тұрғындарға түсіндірме беріп, Президент Жолдауы – еліміздің болашағы үшін стратегиялық бағдар, экономикадан бастап әлеуметтік саясатқа дейінгі барлық бағыттарда үлкен өзгерістер, әрбір қазақстандықтың өмір сапасын жақсарту үшін нақты қадамдар екенін жеткізді. Сөз барысында күннің жарығы мен жылуы адам баласына қандай қажет болса, АЭС те еліміздің өркениетті мемлекеттер қатарына қосылып, электр жарығына тәуелсіз өмір сүруі үшін өте қажет. Болашақта электр жарығының тапшылық қаупі тұрғанда АЭС салудан бас тартпай, белді бекем буып, ел болып қолдасақ, ең алдымен тасымалданатын жарықтан құтылып, өзімізде өндірілген электр энергиясына қол жеткізу, экологияға зияны жоқ жасыл аймаққа айналдыру көзделгенін түсіндірді.​Қазіргі уақытта Тасбөгеттегі халықтың саны 30 мыңнан асты. Кенттің әлеуметтік-экономикалық тұрғыдан өсімі де қарқынды. Сәйкесінше қажетті инфрақұрылым тартылып, тұрғындардың тұрмыс сапасын арттыруға бағытталған нәтижелі жұмыстар атқарылуда. Дегенмен, Тасбөгет кентінің түрғындары үшін емхана мәселесі өзекті болып отыр. Тұрғындар №4 емхананың ішкі аумағы тар екендігін айтып, оның шешілу жолдарын қарастыруды сұрайды.​Өз кезегінде қала әкімі: «Аталған ғимарат 2006 жылы күрделі жөндеуден өткізілгенімен құрылыс нормалары және талаптарына сәйкес келмейді, яғни типтік емес. Дәрігерлердің қызмет алушыларды қабылдау бөлмелері жеткіліксіз. Бұл мәселе маған белгілі. Сондықтан қажетті шараларды қабылдап, тиісті жұмыстарды жүргізетін боламыз,»- деді.​Тұрғындарды толғандырып жүрген тақырыптардың тағы бірі - апатты деп танылған үйлерді сүріп, орнына жаңа ғимараттар салу. Себебі қаңырап бос тұрған нысандардың қауіптілігі жоғары.<blockquote>​«Көтерілген мәселе өте орынды. Біз апатты деп танылған үйлердің орнына жаңа баспаналар салуды жоспарға енгіздік. Алдағы уақытта ескісі сүріліп, сәйкесінше орнына жаңа құрылыс бой көтереді,»-деді Нұржан Сәбитұлы.</blockquote>​Кенттің ардагерлері орталық бейітке барар жолды жөндеу бойынша ұсыныстарын жеткізіп, шаһар басшысы бұл талап-тілектің де орындалатындығын жеткізді.​Келесі кездесу Белкөл кентінде жалғасты. Жүздесуде тұрғындар ұзындығы 800 метрді құрайтын орталық көшеге аяқ су жүргізу мәселесін көтерді. Орталық көшені қайта жаңғыртуға жобалық-сметалық құжаттары әзірленді. Бұған байланысты бюджеттік өтінім ұсынылған. Яғни, бұл мәселе жаңғырту жұмысымен қатар шешімін табатын болады.<blockquote>​«Кентте мәдениет үйін салу өзекті болатын. Мұның да түйіні тарқатылып, мәдениет үйінің құрылысы бойынша жоба-сметалық құжаттары әзірленіп, бюджеттік өтінім ұсынылды. Қажетті қаражат бөлініп, руханият ошағы бой көтереді,» – деп көпшілікті қуантты қала әкімі.</blockquote>​Тұрғындар тарапынан кенттегі білім беру мекемесінің шатырын жөндеу, көшелерді жарықтандыру жөнінде де ұсыныстар білдірілді. Бұл жұмыстар кезең-кезеңімен шешімін табатыны айтылды. Кент тұрғындары шаһар басшысының жұмысына сәттілік тілеп, ақ баталарын арнады.<img src="https://knadmin.beoblood.kz/uploads/458282812_3692121287721269_2699285672398842065_n_6cd9cf5500.jpg" alt="458282812_3692121287721269_2699285672398842065_n.jpg">

Қызылорда қаласының әкімі шаһарға қарасты кент тұрғындарымен кездесті

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында Мемлекет басшысының Қазақстан халқына Жолдауындағы тапсырмаларын орындау мәселелері қаралды.Үкімет отырысынан кейінгі арнайы мәжілісте жауапты тұлғаларға бірқатар міндет жүктелді.Осы жылдың 7 айында өңірге барлық көзден 296,1 млрд. теңге инвестициялар тартылды. Оның 75,6 пайызы – жеке инвестициялар. Жыл соңына дейін жарты триллионнан астам инвестиция тарту жоспарлануда.Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі өткен жылдың қыркүйек айынан бастап оң динамикаға шықты. Өсім өңдеу өнеркәсібі есебінен қалыптасты. Сыр өңірі өңдеу өнеркәсібіндегі өсу қарқыны бойынша 2022 жылы республикада 11-орында болса, өткен жылдан бастап аймақтар арасында алдыңғы қатардан көрінді.<img src="https://knadmin.beoblood.kz/uploads/457840636_813138677674045_154463068461066444_n_955b8a7e35.jpg" alt="457840636_813138677674045_154463068461066444_n.jpg">Соңғы 2 жылда облыста 19,6 млрд. теңгенің 22 инвестициялық жобасы іске қосылды. Биыл 31,3 млрд. теңгенің 14 жобасын жүзеге асыру, 409 жаңа жұмыс орнын құру көзделуде. Одан бөлек, инвестицияның жаңа толқынын тарту мақсатында 77 млрд. теңгенің 6 жобасы бойынша жұмыс басталды.Жеке кәсіпкерлікті қаржылай қолдауға барлық қаржы көзінен 34,5 млрд. теңге қарастырылды. Екінші деңгейлі банктер мен қаржы ұйымдары арқылы 3 мыңға жуық жоба қаржыландырылуда. Қолдау шараларының нәтижесінде соңғы екі жылда шағын және орта кәсіпкерлікте жұмыспен қамтылған адамдар саны 15,4%, өнім шығару көлемі 1,7 есе, салықтық түсім 45,4% ұлғайып, кәсіпкерліктің жалпы өңірлік өнімдегі үлесі 18,9%-ға жетті.Биыл аймақта 43,3 млрд. теңгеге 300 шақырымнан асатын жол жөндеуден өтеді. Осылайша сапалы жолдардың үлесі 87,5 пайыздан 92 пайызға жеткізіледі. 2025 жылға дейін «Жайлы мектеп» ұлттық жобасы аясында 12 300 орынға арналған 21 мектептің құрылысы жүргізіледі. Жыл соңына дейін 6 900 орындық 10 мектеп пайдалануға беріледі.Өңірде Мемлекет басшысы айқындаған барлық тапсырмалар іске асырылады.<img src="https://knadmin.beoblood.kz/uploads/457748527_813138637674049_4466126660284531127_n_a344a7bdc8.jpg" alt="457748527_813138637674049_4466126660284531127_n.jpg"><img src="https://knadmin.beoblood.kz/uploads/458110795_813138504340729_8968416414049987409_n_683adcea59.jpg" alt="458110795_813138504340729_8968416414049987409_n.jpg">

Жолдау: Қызылорда облысында 22 инвестициялық жоба іске қосылды

<a href="https://kyzylorda-news.kz/">Kyzylorda-news.kz</a> 47 жастағы Құралай Батырхан 5 шілдеде Алматыдағы танымал Amira емханасында артық майын алып тастайтын липосакция отасын жасатамын деп ажал құшты. Марқұмның жақындары әділдікті талап етіп, кінәлілердің жазалануын талап етті. Бұл туралы Stan.kz ақпарат агенттігі “Көреміз” бағдарламасына сілтеме жасап хабарлайды.47 жастағы Құралай Батырхан құны 2 миллион теңге тұратын ота арқылы арықтамақ болыпты. Себебі 2 баланың анасы 103 келіге дейін салмақ қосып, өзін жайсыз сезінген, денесінде қатпарлар пайда болып, терісі қиылып қалған. Жоғары қабатқа көтерілгенде, ентігіп, автобустарға міне алмайтынын түсінген. Бауырларының айтуынша, 25 жылдық өтілі бар мұғалім физикалық жаттығулар жасап, тонус клубына да жазылған, ұзақ уақыт артық салмақпен күрескен. Алайда жыл сайын салмақ қоса беріпті.Оның үстіне 5 жыл бұрын марқұмның жатырын алып тастапты. Бауырларының сөзінше, осыдан соң гормон дизбалансы болып, толықтауына әсер етіпті.<blockquote>"Бала кезінен тез толады. Бірақ соңғы уақытта тез салмақ қосты. Қарны салбырап, аяғы ісіп кететін. Өзі де ауырсынып қалатынын, артық салмақ ағзасына кері әсер етіп жатқанын айтатын еді. Сол үшін “майымды сорғызамын” деді. Мұны бір ауыр ота деп ойламадым”, – деді Құралай Батырханның анасы Нұрбала Тойымбаева.</blockquote>Құралайдың сіңлілері пластикалық ота жасайтын емхананы ұзақ зерттеп іздегендерін айтты. Сөздерінше, барлық блогер жақсы пікір айтып, мақтағаннан соң Amira емханасына жасататын боп шешкен. Бұл емханада әнші Луина, блогер Карина Оксукпаева пен Әсел Асқар, Ninety One әншілері пластикалық ота жасатқан екен.Клиника дәрігері Данияр Урмурзин ота жеңіл өтетінін және 2 сағатта аяққа тұрып, үйіне қайта алатынын айтып сендірген. Алайда 7:40 шамасында отаға кірген Құралай 5 сағаттан соң жан тапсырды.<blockquote>“Оның талдау анализдері жақсы болды, денсаулығында ешқандай кінәрат болмаған. Оған липосакция және абдоминопластика жасалады деді. Яғни майды сорғызған соң артық теріні алып тастайды. Әпкемді шешіндіріп қарады. Денеден 4 кг май аламыз деді. Бұл ота жеңіл өтеді дегесін дәрігерге сендік”, – деді марқұмның сіңлісі Гүлнәр Батырхан.</blockquote>Отадан оянған соң 12:42-де Құралай жұбайына жазған. Әлі дәрі қабылдап жатқанын, өзіне келе алмай, өте нашар сезініп жатқанын жеткізген. Күйеуі дереу келгенде, ол комаға түскен екен. Қолы өте суық болған. Алайда емханада реанимациялық кабинет болмады дейді.Әйелдің өлімінің себебі – жедел миокард инфаркті деп жазылған.Кардиолог маман бұл жерде пластикалық хирург науқасты зерттемегенін және дұрыс талдау анализдерін алмағанын баса айтты. Себебі 3,4-дәрежелі семіздік кезінде гормон ауытқуы, қалқанша безі толыққанды тексерілуі керек еді дейді.<blockquote>“Әпкеміздің жағдайы қиын екенін біліп, бәріміз емханаға келдік. Алайда олар жедел жәрдем шақырмады. Біз шақырып едік, “мамандардың өзі шақырмаса, біз келмейміз” деді. Біресе қан қысымы көтерілді, біресе қанты жоғарылады деп түрлі нәрселерді айта берді, бірақ нақты түсіндірген жоқ. Не үшін жағдайы нашарлағанын түсірдірмеді. Шамалыдан кейін оның көз жұмғанын айтты. Біз жылап жүрген кезде бізге ескертпестен мәйітханаға денені беріп жіберіпті”, – деді марқұмның бауыры.</blockquote>Маман Данияр Урмурзин әлі қызметін жалғастырып жүр. Сөзінше, ол мұндай жағдаймен бірінші рет кезігіп отыр.Қазір Қылмыстық кодекстің 317-бабы “Медицина немесе фармацевтика қызметкерінің кәсіптік міндеттерін тиісінше орындамауы” бойынша іс қозғалып, сот-медициналық сараптама тағайындалды.&nbsp;Фото: stan.kz

Клиникада 2 миллион теңге тұратын ота арқылы арықтамақ болған әйел көз жұмды 

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстан Республикасының Президенті Қасым-Жомарт Тоқаевтың Қазақстан халқына арнаған «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауын талқылауға арналған дөңгелек үстел өтті.Жиында Басқарма Төрағасы-ректор Бейбіткүл Сәрсемханқызы сөз бастап, Жолдаудың негізгі басымдықтарына тоқталды. Келелі кеңес барысында ғылым мен білім саласын дамыту бойынша біршама мәселелер қозғалып, университет профессорларының ашық пікірлері сараланып, экономикалық саясатты одан әрі жетілдіру, цифрландыру және адам құқығы туралы Президент Жолдауында бұрын қабылданып, бүгінде жүзеге асырылып жатқан жұмыстардың нәтижесі айтылды.Мәселен, Қорқыт Ата атындағы Қызылорда университетінің профессоры, философия ғылымдарының докторы Баймырза Қожамберлиев «Ғылым мен білім саласының маңызды аспектілері» тақырыбында баяндама оқыса, профессор, тарих ғылымдарының докторы Тастанбек Сатбай «Президент жолдауы - Әділетті Қазақстан құрудағы маңызды қадам» бойынша өз ойын ортаға салды.&nbsp;«Инжинирингтік технологиялар» білім беру бағдарламасының профессоры, химия ғылымдарының кандидаты Нұрбол Аппазов «Қазақстанның энергетикалық қажеттіліктері: АЭС-тің өзектілігі» тақырыбында баяндама жасады:<blockquote>- «Көмірге келетін болсақ, ол табиғи сорбент, яғни, радиоактивті элементті бойына сіңіріп алып, ол өртенген кезде атом электр станциясына қарағанда әлде қайда жоғары деңгейде қоршаған ортаны ластап жатады. Сол себепті оң шешім қабылданса, атом электр стансасы біздің энергетикалық қауіпсіздігімізді және тәуелсіздігімізді қамтамасыз етеді деп есептеймін», - деді Нұрбол Орынбасарұлы.</blockquote>Айта кету керек, Мемлекет басшысы Қасым-Жомарт Тоқаев «2024 жылғы 6 қазанда республикалық референдум өткiзу туралы» Жарлыққа қол қойған болатын. Ел үшін маңызы жоғары Президент Жолдауын жалынды жастар да бірауыздан қолдады. Шара барысында олар өз ойларын ортаға салып, білім беру мәселелері, жастарға патриоттық тәрбие беру ісі туралы да пікір алмасты.&nbsp;Жолдау – жұрт болып жұмылуға, ұлт болып ұйысуға үндейді. Мемлекет басшысының Жолдауы елдегі шешілмей жатқан күрмеуі көп мәселелерді шешуге бағытталған. Осы орайда университет басшысы ұжымды Жолдауды іске асыруда белсенділік танытуға шақырды.<img src="https://knadmin.beoblood.kz/uploads/458394525_502158142566549_2437205223899053108_n_6b3fa78904.jpg" alt="458394525_502158142566549_2437205223899053108_n.jpg"><img src="https://knadmin.beoblood.kz/uploads/458351560_502158135899883_2523871622064514456_n_c62517cb75.jpg" alt="458351560_502158135899883_2523871622064514456_n.jpg"><img src="https://knadmin.beoblood.kz/uploads/94ad5541_2c60_4072_996c_2a912b286efd_bfd3c0c0ce.jpg" alt="94ad5541-2c60-4072-996c-2a912b286efd.jpg">

 Қорқыт ата атындағы Қызылорда университеті Президент Жолдауын талқылады

<a href="https://kyzylorda-news.kz/">Kyzylorda-news.kz</a>&nbsp; Жаңақорған ауданында «Қамқорлық» балаларды оңалту орталығы ашылды. Мұнда орталық жүйке жүйесі мен тірек-қимыл аппаратында ақауы бар балалар емделеді.11 жастағы егіздер Ерзат пен Нұрзатта сирек кездесетін генетикалық ауру – Дюшен бұлшықет дистрофиясы анықталған. Ауру бұлшықет әлсіздігімен сипатталады, бұл жыл сайын бұлшықет тонусын әлсіретеді және өте тез дамып, науқастың толық қозғалмауына әкеледі.<blockquote>«Балаларым 2-3 сыныптарда оқып жүргенде шауып жүрген. Қазір олардың өз бетінше қозғалуы қиындап барады. Бұл диагнозды шетелдік мамандар анықтады. Емге Алматыға баратынбыз. Енді осы орталықтың ашылуымен тұрғылықты жерімізде ем алып жатырмыз. Барлық медициналық оңалту қызметтері бізде тегін. Қазірдің өзінде ұлдарымда оң нәтиже бар», – дейді егіздердің анасы Ақбота Оспанова.</blockquote>Оңалту орталығы Шиелі және Жаңақорған аудандарынан балаларды қабылдайды. Мұнда церебралдық паралич, тірек-қимыл аппаратының, орталық жүйке жүйесінің бұзылуы сияқты әртүрлі дертке шалдыққан 28 бала емделеді. Оңалту орталығы қажетті мамандармен қамтылып, заманауи құрал-жабдықтармен жабдықталған.<blockquote>«Мақсат – туа біткен ақаулары бар балаларды кешенді оңалту және хирургиялық араласудан кейін қалпына келтіру. Орталықта тәулік бойы және күндізгі стационарлар бар. Жылына 600-ге дейін бала қабылдауды жоспарлап отырмыз. МӘМС жүйесі аясында 18 жасқа дейінгі балалар медициналық оңалту қызметтерін тегін алады», - деді дәрігер-реабилитолог, бөлім меңгерушісі Мөлдір Есқабылова.</blockquote>Ағымдағы жылдың басынан Жаңақорған аудандық көп бейінді орталық ауруханасына Әлеуметтік медициналық сақтандыру қорынан медициналық оңалтуға 174,2 миллион теңгеден астам қаражат бөлінді.<img src="https://knadmin.beoblood.kz/uploads/zhanakorgan_kamkorlyk_011df55d3a.jpg" alt="жанакорган камкорлык.jpg"><img src="https://knadmin.beoblood.kz/uploads/kamkorlyk_4_528c6655cb.jpg" alt="камкорлык 4.jpg">

Жаңақорған ауданында «Қамқорлық» балаларды оңалту орталығы ашылды

<a href="https://kyzylorda-news.kz/">Kyzylorda-news.kz</a>&nbsp; Бүгін аудан әкімдігінің мәжіліс залында жиын өтіп, аудан әкімі Аманжол Оңғарбаев күн тәртібіндегі бірқатар мәселелерді мәжіліс мінберіне көтерді.Жиынды бастамас бұрын ауданда орын алған кадрлық өзгерістерге тоқталып өтті аудан басшысы. Бүгіннен бастап облыс әкімінің келісімімен, аудан әкімінің өкімімен аудан әкімінің орынбасары лауазымына Нұрмұхамед Омарұлы Бохаев тайғайындалғанын айтып, оның ұйымдастырушылық қабілеті мен мемлекеттік аппарат қызметі саласындағы басқарушылық тәжірибесі мол, мемлекеттік қызметте сатылап өскен кадр екенін атап өтті. Сондай-ақ мемлекеттік қызметтегі білім-білігінің жеткілікті деңгейде екенін алға тартып, жаңа қызметіне сәттілік тіледі.<img src="https://knadmin.beoblood.kz/uploads/458419329_3881349142193443_3536873642125323100_n_c16cf2648e.jpg" alt="458419329_3881349142193443_3536873642125323100_n.jpg">Сонымен қатар «Арал ауданының қоғамдық даму бөлімі» коммуналдық мемлекеттік мекемесі Жастар ресурстық орталығының директоры лауазымына Берік Бақытұлы Сұлтаниязов есімді жас әрі білікті кадр тағайындалғанын жеткізді. Бұл азаматтың да жастар ісі жөніндегі жұмыстардан алыс еместігін жеткізіп, оның осы кезге дейінгі қызмет жолына қысқаша тоқталып өтті.<img src="https://knadmin.beoblood.kz/uploads/458168733_3881349208860103_5157856603648013645_n_aed34b121e.jpg" alt="458168733_3881349208860103_5157856603648013645_n.jpg">Кадр мәселесінің өте өзекті екенін жеткізіп, әрбір мемлекеттік қызметші, бірінші басшылар қоғамның талабын жетік түсініп, халықтың әлеуметтік-экономикалық әлеуетін көтеруге мүдделік танытып, сеніп тапсырылған қызметті жоғары жауапкершілікпен және адал атқаруы қажет. Осыған сәйкес орын алған кадрлық өзгерістер негізінде аудан әкімі орынбасарлары арасындағы міндеттер бөлінісі қайта бекітілетінін жеткізді аудан басшысы.Жаңа қызметке келіп жатқан азаматтарға қызметтес аға-інілері өз тілектестіктерін білдіріп, артылған сенімді ақтауда аянбай еңбек ете беруге шақырды.Мұнан әрі жиын аппарат мәжілісіне жалғасып, онда жаңа оқу жылы қарсаңындағы балалардың жол жүрісі ережесіндегі қауіпсіздігіне байланысты мәселе көтерілді.<blockquote>– Жаңа оқу жылы басталды. Алайда, Арал қаласындағы автожолдардың бойындағы жол белгілері әлі күнге дейін көңіл көншітпей отыр, – деді аудан әкімі А.Оңғарбаев.</blockquote><img src="https://knadmin.beoblood.kz/uploads/458098169_3881348982193459_8609025332294411599_n_493d588152.jpg" alt="458098169_3881348982193459_8609025332294411599_n.jpg">Қала көшелеріндегі жол белгілерінің қайта жаңалауды қажет ететіндігін айтып, кемшіліктерді арнайы слайд арқылы көрсетіп, тиісті сала басшылығына сауал жолдады. Сондай-ақ бұған дейінгі өткен мәжілісте «Батыс Еуропа - Батыс Қытай» халықаралық автожолының бойында орналасқан Арал қаласы мен ауылдық округтердің әкімдеріне жол бойындағы қауіпсіздікті қамтамасыз ету мақсатында үй жануарларының макеттерін орналастыру жөніндегі тапсырманың да уақытылы орындалмағанын айтып, кемшіліктерге жол берген әкімдерді сынға алды.Қаладағы көше атаулары жазылған тақтайшалардың көпшілігі көнергендігі де жиын барысында сөз болды. Бұл мәселеге қатысты жауапты басшыларға тапсырма беріп, аталған сыннан нәтиже шығару керектігін жеткізді.Мәселелердің өзекті екенін алға тартқан аудан әкімі аудан бюджетінің игерілуі барысын да назарға алды. 1 қыркүйекке дейінгі аудан бюджетінің игерілуі 95,7 пайызды құраған. Жыл соңына дейін 450 млн. теңгенің үстіндегі қаржы толық игерілуі керек. Осы мәселеге тоқталған аудан басшысы тиісті бөлімдер мен қала, кент және ауылдық округтер бойынша қаржы игерудегі жұмыстарды жеделдету керегін атап өтті.Жиын соңында 1 қыркүйектен бастап қолға алынатын күзгі әскерге шақыру науқанына қатысты сөз сабақтап, жүргізіліп жатқан жұмыстар жөнінде аудандық қорғаныс істері жөніндегі бөлім басшысы С.Саяновтың жауабын тыңдады. Бұл жұмыстың да өзекті екенін айтып, ел қорғау ісіне енжарлық танытып жүрген жастарды әскер қатарына тарту мәселесінде барлық ауыл, қала, кенттер бойынша жұмыс жүйелі атқарылу керегін жеткізді.<img src="https://knadmin.beoblood.kz/uploads/458303021_3881349425526748_7212223893273667907_n_e90cc2838d.jpg" alt="458303021_3881349425526748_7212223893273667907_n.jpg">

Арал ауданы әкімдігінде кадрлық өзгерістер орын алды 

<a href="https://kyzylorda-news.kz/">Kyzylorda-news.kz</a>&nbsp; Қазақстанда жалақысы миллион теңгеден басталатын жұмыс орындары бар. Head Hunter сарапшылары нарық ұсыныстарын талдап, сайтта орналастырылған «ең қымбат» 5 саланы атады, деп хабарлайды Azattyq Rýhy.Құрылыс және жылжымайтын мүлік, пайдалану, жобалау компаниялары жариялаған вакансиялар барлық бос орынның 18,21% құрайды. Осы салада жұмыс берушілер миллион теңгеден жоғары жалақы төлеуге дайын.<blockquote>«Құрылысшылардан кейін ақпараттық технологиялар, жүйелік интеграция және интернет саласындағы компаниялар (9,48%), бизнеске қызмет көрсететін фирмалар (8,17%) байқалады. Бөлшек сауда және тұтыну тауарларымен айналысатын компаниялар жоғары ақы төленетін жұмыс орындарының жалпы көлемінде сәйкесінше 8,13% және 7,89% құрайды», – делінген Head Hunter хабарламасында.</blockquote>Сондай-ақ, сату саласында миллион теңгеден айлық ұсынылады. Бос жұмыс орындарының 27,27%-ы сату менеджерлері және клиенттермен жұмыс жөніндегі менеджер орны.Head Hunter мамандары 2024 жылғы «ең қымбат» 5 жұмыс орнын атады:AMAZON шот-менеджері – Астанада 100 000-нан 10 000 000 теңгеге дейін айлық; Мұнай өнімдерін сату жөніндегі маман – Павлодарда 103 500-ден 10 000 000 теңгеге дейін; FMCG ірі компаниясының операциялық маркетинг жөніндегі директоры – Алматыда 15 000 доллардан 35 000 долларға дейін (бүгінгі бағам бойынша 7,1 млн теңгеден 16,7 млн теңгеге дейін); Стоматолог-дәрігер – Астанада салық шегерілгенге дейін 5 000 000 теңгеге дейін; Коммерциялық директор – Астанада 15 000 доллардан бастап айлық ала алады.

«Айлық табысы 16 млн»: Қазақстанда  жалақысы жоғары 5 сала жарияланды 

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев «Әділетті Қазақстан: заң мен тәртіп, экономикалық өрлеу, қоғамдық оптимизм» атты Қазақстан халқына Жолдауына Қорқыт Ата атындағы Қызылорда университетінің Құқықтану кафедрасының доценті, &nbsp;заң ғылымдарының кандидаты Мәдина Жүсіпбекова пікір білдірді.&nbsp;Жолдауда халықтың әл-ауқатын арттыру бағытында қыруар жұмыс атқарылғаны атап өтілді. Атап айтқанда, 102 заң қабылданып, әлеуметтік мәселелерге, соның ішінде балаларды қорғауға көп көңіл бөлінді, кәмелетке толмағандарды құмар ойындарға тарту үшін әкімшілік жауапкершілік енгізілді, балаларға қатысты зорлық-зомбылықтың кез келген түрі үшін жаза қатайтылды, т.б. Қазіргі уақытта қоғамда балаларға зорлық-зомбылық көрсету жағдайлары жиілеп кеткен кезде кәмелетке толмағандардың құқықтары мен заңды мүдделерін қорғауды қамтамасыз ету мәселелері әрқашан өзекті және мемлекеттің мемлекеттік әлеуметтік-құқықтық саясатының басым бағыттарының бірі болып табылады. Мұның бәрі «Тыңдаушы мемлекет» тұжырымдамасының сәтті жүзеге асырылып жатқанын көрсетеді.Сонымен қатар, Жолдауда қоғамда заң мен тәртіп идеологиясының орнығуы туралы айтылады, әрине, онсыз «Әділ Қазақстанды» құру мүмкін емес. Өйткені, заңды сақтау – әділеттіліктің негізі, сонымен бірге, әділетті қоғамда заң теңдік пен тәртіптің кепіліне айналады. Құқықтық мемлекеттегі әділеттілік заңмен реттелетін барлық қоғамдық қатынастардың өзіндік ортақ белгісіне айналады. Сонымен қатар заң талаптарын орындау жауапкершілікті де мойындайды.Мемлекет басшысы цифрлық технологияларды адамдардың күнделікті өмірінде кеңінен қолдану алаяқтықтың өсуімен қатар жүретінін және осыған байланысты мектептер мен жоғары оқу орындарында қаржылық сауаттылық және цифрлық гигиена негіздері бойынша білім беру бағдарламасын енгізу ұсынылып отырғанын атап өтті. Біз мұны дұрыс шешім деп санаймыз және балаларды ерте жастан қаржылық сауаттылыққа үйрету идеясын қолдаймыз.Сонымен қатар, қоғамымызға заң үстемдігі мен азаматтардың қауіпсіздігін қамтамасыз ету үшін қажет «Құқық бұзушылықтың алдын алу туралы» жаңа Заң жобасы әзірленіп жатқаны айтылды.Халықаралық қауымдастықтың басты мақсаты – заң үстемдігі. Сондықтан да көптеген мемлекеттер құқықтық мемлекет моделін құру кезінде билік көзі ретінде халықтың еркіне негізделген демократиялық және құқықтық негіздерін дамытады. Заң үстемдігі орнаған мемлекетте адам мен қоғамның құқықтары мен бостандықтарының құқықтық қорғалуы қамтамасыз етіледі, олар: заңның басымдығы, адамдар мен азаматтарды құқықтық қорғау, биліктің бөлінуі, заңдылық, азаматтық қоғамның болуы және соттардың тәуелсіздігі.Заң мен құқықтық тәртіп қоғам тұрақтылығының негізі мен кепілі екенін айта кеткен жөн.&nbsp;

Мәдина Жүсіпбекова: Заң мен тәртіп – қоғам тұрақтылығының негізі

<a href="https://kyzylorda-news.kz/">Kyzylorda-news.kz</a>&nbsp; Алаяқтар қоғамдық өмірдегі үрдістер мен қаржы нарығындағы жаңалықтарды бақылап отырады, сондықтан да олар әдістері мен схемаларын үнемі жетілдіріп отырады. Қаскүнемдер өздеріне қажетті ақпаратты алса, аңғал адамдардың қалтасын бірнеше минуттың ішінде қағып алады.Fingramota.kz бұған қалай жол бермеуге болатынын және алдаудың заманауи тәсілдері несімен таңқалдыратынын айтып береді.«Кредит беруге ерікті тыйым салуды орнатуға көмектесеміз»2024 жылғы ақпаннан бастап азаматтардың кредит алудан ерікті түрде бас тартуды белгілеу құқығы заңнамалық түрде енгізілді. Бұл – арнайы қорғау тетігі, оның көмегімен әрбір қазақстандық банктер мен микроқаржы ұйымдарында жаңа кредиттер алуға өз бетінше тыйым сала алады. Алаяқтар бұл жаңалықты пайдаланбай қоймады – олар ерекше алдау схемасын жасады.Банк қызметкерінің атын жамылған қаскүнемдер ықтимал құрбанына қоңырау шалып, қазіргі уақытта оның атына кредит алуға өтініш берілгенін хабарлайды. Қоңырау шалушы: «Сіздің кредит алғыңыз келгені рас па?» деп &nbsp;сұрақ қояды. Әдетте, азаматтар ешқандай өтініш бермегенін айтып, бастарын ала қашады. Алаяқ осындай жауаптың боларын болжап, кредитке берілген өтінімнің күшін жойғанын хабарлайды, содан кейін алдағы уақытта мұндай жағдайды болдырмас үшін «Стоп кредит» қызметін пайдалануға кеңес береді. Ол үшін банктің ресми сайтына сілтеме жібереді, ал азамат кредиттен ерікті түрде бас тартуды белгілеу үшін сондағы нысанды толтыруы қажет.Шын мәнінде, бұл сілтеме жеке және қаржылық ақпаратты жинау үшін құрылған фишингтік сайтқа апарады. Осы сайттағы нысанды толтырғаннан кейін тұтынушылар алаяқтарға өздерінің дербес деректерін береді.Кеңес:&nbsp;кредиттер беруге өз бетінше тыйымды банктердің сайттарында емес, электрондық үкімет порталындағы жеке кабинетте немесе eGov мобильді қосымшасында қоюға болады. Сондықтан да алаяқтардың айла-шарғыларына берілмеңіз, қоңырау шалушы бейтаныс адамдарға нұсқау беріп, SMS немесе мессенджерлер арқылы түсініксіз сілтемелерге өтуді кеңес берген кезде өте мұқият әрі сақ болыңыз.«Ұялы байланыс қызметтерін көрсету туралы шартты қайта ресімдейік»Алаяқтар азаматтарға ұялы байланыс операторы қызметкерлерінің атын жамылып телефон шалып, абонент нөмірінің жақын арада қолданысы тоқтайтынын хабарлайды.&nbsp;Байланыссыз қалмау үшін азаматтарға онлайн-форматта байланыс қызметтерін көрсету туралы шартты қайта ресімдеуге кеңес береді. Ол үшін ұялы телефонға белгілі бір сандар комбинациясын теріп, ұялы байланыс операторы-мыс жіберген SMS-кодты хабарлау қажет.Егер сіз қаскүнемдерге сеніп, олардың айтқанының бәрін істесеңіз, қоңыраулар мен мәтіндік хабарларды, оның ішінде банктердің SMS-кодтарын алаяқтардың нөмірлеріне автоматты түрде бағыттауды іске қосасыз. Бұл оларға банктік шотыңызды қашықтан басқаруға қол жеткізіп, одан қолма-қол ақша алуға мүмкіндік береді.&nbsp;Кеңес:&nbsp;Мұндай телефон қоңырауы түскен кезде әңгімені тоқтатыңыз. Егер сіз сөйлесуді жалғастырсаңыз және сөйлесу кезінде телефоныңызға жеке кабинеттен SMS-код келсе, оны ешкімге айтпаңыз.&nbsp;Мобильді байланыс операторына қолдау қызметіне оның ресми сайтында көрсетілген нөмір бойынша өзіңіз қоңырау шалыңыз.&nbsp;«Мен саған лалагүл сыйлаймын…»1-қыркүйек қарсаңында кейбір қазақстандықтар гүлдерді әлеуметтік желілер арқылы жеткізуге тапсырыс береді.&nbsp;Соған байланысты фишингке тап болмас үшін, абай болу керек. Қаскүнемдер сырттай түпнұсқаларға ұқсайтын жалған интернет-дүкендер жасап, гүлдерді сату туралы хабарландырулар орналастырады, төмен бағамен гүл шоқтарын ұсынады. Сол бағаға қала бойынша, тіпті бүкіл ел бойынша жеткізу құны да қосылуы мүмкін.Әдетте, азаматтардың көпшілігі тауардың бар-жоғына көз жеткізбестен, бірден тауар ақысын аударып не электрондық әмиянға салып жібереді. Нәтижесінде, алаяқтар ақша келіп түскеннен кейін телефондардын бұғаттайды және жарнамадан алып тастайды, ал адресаттарда не ақша, не гүл жоқ болып қала береді.Алаяқтықтың тағы бір стандартты емес схемасы гүл жеткізумен байланысты. Қаскүнемдер азаматтарға қоңырау шалып, оларға шоқ гүлінің жеткізілгенін және оны алу үшін ұялы телефонына жіберілген SMS-кодты айту керектігін айтады. Мұның арты неге апаратынын болжау қиын емес.&nbsp;Кеңес: Егер сіз тауарды онлайн сатып алғыңыз келсе, сайттың шынымен интернет-дүкенге тиесілі екеніне көз жеткізіңіз. Дүкеннің сайтында ғана емес, сонымен қатар танымал іздеу жүйелері арқылы өнім туралы пікірлерді мұқият оқып шығыңыз.&nbsp;Жалған пікірлерді тану қиын емес. Сондай-ақ, әлеуметтік желілердегі &nbsp;дүкен парақшасының қанша уақыттан бері жұмыс істеп келе жатқанына назар аударыңыз.<img src="https://knadmin.beoblood.kz/uploads/3_d33deb5a36.jpg" alt="3.jpg">Толығырақ&nbsp;"<a href="https://www.fingramota.kz/kk/post/bas-tartua-bolatyn-synystar-alayatar-adamdardy-alaj-aldajdy">Абайлаңыз, алаяқтар</a>" бөлімінен&nbsp;оқыңыздар&nbsp;&nbsp;

Бас тартуға болатын ұсыныстар: алаяқтар адамдарды қалай алдайды? 

<a href="https://kyzylorda-news.kz/">Kyzylorda-news.kz</a>&nbsp;2024 жылғы 21 желтоқсаннан бастап Қазақстанда алғаш рет микроқаржы омбудсманы институты енгізіледі, ол азаматтардың микрокредит беру туралы шарттар бойынша дауларын, оның ішінде қазақстандықтардың микрокредиттер бойынша мерзімі өткен берешегін реттеу мәселелерін, коллекторлық агенттіктерге берілген шарттар бойынша дауларды қарайтын болады.Микроқаржы ұйымдары клиенттерінің құқықтарын қорғауға оның қалай көмектесетінін Fingramota.kz толығырақ айтып береді.Қаржы нарығын реттеу және дамыту агенттігінің (ҚНРДА, Агенттік) бастамасымен 2024 жылы болып жатқан көптеген заңнамалық өзгерістер қазақстандық қарыз алушылардың құқықтарын қорғауға бағытталған. Ол үшін Мемлекет басшысы ағымдағы жылғы19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» ҚР Заңы қабылданды. Жаңалықтардың бірі – Fingramota.kz бұған дейін жазған банк омбудсманының өкілеттіктерін күшейту және микроқаржы омбудсманы институтын құру.Заңды іске асыру үшін реттеуші тамызда осы жылдың 21 желтоқсанынан бастап күшіне енетін Микроқаржы омбудсманын сайлау, қызметін мерзімінен бұрын тоқтату және жүзеге асыру қағидаларын әзірледі.Микроқаржы омбудсманы деген кім?Бұл – өз қызметінде микрокредит беру туралы шарттар шеңберінде туындайтын барлық мәселелерді шешетін, қарыз алушылар мен микроқаржылық қызметті жүзеге асыратын ұйымдар (МҚҰ) арасындағы тәуелсіз жеке тұлға, делдал. Микроқаржы омбудсманына МҚҰ клиенттері – жеке тұлғалар ғана жүгіне алады және оның көмегі тегін болады.Мысалы, қарыз алушы микрокредит бойынша борышын уақтылы төлей алмады, төлеу мерзімі өтіп кетті. Ол туындаған проблемамен бейбіт келісімге келу және қайта құрылымдауға өтініш беру үшін өзінің МҚҰ-на жүгінді, бірақ ымыраға келе алмайды. Бұрын қарыз алушы мәселені қаржы реттеушісі арқылы немесе МҚҰ-мен соттасып қана шеше алатын. Енді желтоқсаннан бастап микроқаржы омбудсманына жүгінсе болғаны. Бұл ретте ол қабылдаған шешімді микроқаржы ұйымы немесе қарыз алушымен жасалған микрокредит беру туралы шарт бойынша құқық (талап) берілген тұлға орындауға міндетті болады. Егер тараптардың келісімімен өзге мерзім белгіленбесе, микроқаржы омбудсманының шешімін орындау мерзімі күнтізбелік 30 күнді құрайды.Микроқаржы омбудсманы өз қызметінде мынадай негізгі қағидатты басшылыққа алуға тиіс:&nbsp;- тараптардың теңдігі;- бейтараптық;- микрокредит беру құпиясын және заңмен қорғалатын өзге де құпияны сақтау;- тараптардың құқықтарын сақтау және заңмен қорғалатын мүдделерін құрметтеу;- қабылдау рәсімінің ашықтығы және шешімнің негізділігі.Микроқаржы омбудсманының заңда белгіленген өзге өлшемшарттардан басқа жоғары экономикалық және (немесе) заңгерлік білімі болуы; іскерлік беделі мінсіз болуы; қаржылық көрсетілетін қызметтер және (немесе) қаржылық қызметтерді реттеу саласындағы жұмыс өтілі (кемінде бес жыл) болуы маңызды. Оның микроқаржы ұйымында немесе коллекторлық агенттікте, сондай-ақ оның жақын туыстары, жұбайы немесе зайыбы, жекжаттары ҚНРДА немесе Қазақстан Ұлттық Банкінде (ҚҰБ) басшы орындарда жұмыс істемеуі тиіс. Жекжаттар – ата-аналар, асырап алушылар, балалар, оның ішінде асырап алынған балалар, туған бауырлары, атасы, әжесі және жұбайының немесе зайыбының немерелері.Осылайша, микроқаржы омбудсманына өтініш білдірген қарыз алушы тарапынан толық сенім болуға тиіс, сондықтан ол МҚҰ-мен және реттеушілермен үлестес тұлға болмауға тиіс. Мұны ҚНРДА, ҚҰБ және қаржылық қызметтерді тұтынушылардың құқықтарын, сондай-ақ микроқаржылық қызметті жүзеге асыратын ұйымдардың, коллекторлық агенттіктердің мүдделерін қорғаумен айналысатын қаржы ұйымдары қауымдастықтарынан бір өкілден тұратын Микроқаржы омбудсманы өкілдерінің кеңесі қадағалайтын болады.Микроқаржы омбудсманы қалай сайланады?Қазақстанда кімнің микроқаржы омбудсманы болатынын да сол Өкілдер кеңесі шешеді.Уәкілетті делдал заң бойынша Өкілдер кеңесі мүшелерінің көпшілік даусымен 3 жылға сайланады. Бұл ретте микроқаржы омбудсманы жасырын дауыс беру тәсілімен сайланады.Микроқаржы омбудсманының сайланғаны туралы ақпарат оның қызметке кіріскен күні көрсетіле отырып, Өкілдер кеңесі сайлағаннан кейін 2 жұмыс күні ішінде Агенттіктің www.gov.kz сайтында орналастырылады.Микроқаржы омбудсманы қандай өтініштерді қарамайды?Микроқаржы омбудсманы мына:- соттың қарауына қабылданған немесе олар бойынша заңды күшіне енген сот актісі бар;- олар бойынша қарыз алушы туындаған жағдайды реттеу мақсатында кредиттік шарт бойынша құқығы (талабы) берілген тұлғаға оның МҚҰ-ға өтінішінің жазбаша дәлелін ұсынбайтын;- істің жаңа мән-жайлары болмаған кезде қайта жіберілген өтініштерді қарастырмайды.<img src="https://knadmin.beoblood.kz/uploads/infografika_kaz_e6305f7457.png" alt="инфографика_каз.png">Микроқаржы омбудсманының шешімімен келіспеген жағдайда, қарыз алушылар немесе МҚҰ сотқа жүгінуге құқылы. Азаматтар микроқаржы омбудсманының әрекеттеріне немесе әрекетсіздігіне қатысты Қаржы нарығын реттеу және дамыту агенттігіне:&nbsp;- А15С9Т5, Алматы қ., Көктем-3 шағын ауданы, 21-үй мекенжайы бойынша жазбаша;- &nbsp;E-Otinish жүйелері арқылы;- аумақтық тиістілігі бойынша Өңірлік өкілдер басқармасы арқылы шағымдана алады.Азаматтар «1459» нөмірі бойынша Агенттіктің call-орталығы немесе «Fingramota Online» мобильді қосымшасы арқылы кеңес ала алады.Қаржылық сауаттылығыңызды Fingramota.kz-пен бірге арттырыңыз!&nbsp;

Микроқаржы омбудсманы: ол қандай мәселелерді қарайтын болады 

<a href="https://kyzylorda-news.kz/">Kyzylorda-news.kz</a>&nbsp; Ағымдағы жылдың тамыз айында Қаржы нарығын реттеу және дамыту агенттігі банк омбудсманының қызметіне қатысты қаулы қабылдады. &nbsp;2024 жылғы &nbsp;21 желтоқсаннан бастап банк омбудсманының өкілеттілігі кеңейтіледі.Қыста бізді қандай заңнамалық жаңалықтар күтіп тұрғаны және қарыз алушылар одан не ұтатыны жөнінде &nbsp;Fingramota.kz. айтып береді.&nbsp;<blockquote>«Банк омбудсманын сайлау, оның қызметін мерзімінен бұрын тоқтату және жүзеге асыру қағидаларын бекіту туралы» Агенттік Басқармасының 2024 жылғы 16 тамыздағы №53 қаулысы Мемлекет басшысы ағымдағы жылғы 19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» жаңа заңды іске асыру үшін қабылданған.&nbsp;</blockquote>Мәселен, заңда банк омбудсманы ағымдағы жылғы 21 желтоқсаннан бастап барлық қарыздар, оның ішінде тұтынушылық қарыздар бойынша дауларды қарайтын болады деп көзделген. Осы уақытқа дейін банк омбудсманы қарыз алушылар мен банктер, сондай-ақ банк операцияларының жекелеген түрлерін жүзеге асыратын ұйымдар арасындағы ипотекалық шарттар бойынша ғана келіспеушіліктерді реттеумен айналысуды жалғастырады. Бұл жұмысты ол 2011 жылдан бері жүргізіп келеді.Банк омбудсманы қазір қандай дауларды шешуде?Банк омбудсманы – бұл өз қызметінде тәуелсіз жеке тұлға және заң бойынша банктер оның шешімдерін орындауға міндетті. Қазіргі уақытта ол қарыз алушы-жеке тұлғалар мен банктер арасындағы ипотекалық қарыз шарттары бойынша дауларды сотқа жеткізбей шешеді. Омбудсманның өкілеттіктері «Қазақстан Республикасындағы банктер және банк қызметі туралы» ҚР Заңында жазылған.Банк омбудсманының офисінде азаматтар қарыздардың барлық түрлері, банк өнімдері жөнінде кеңес ала алады.&nbsp;Банк омбудсманы қарыз алушылар мен банктерге өзара ымыраға келуге көмектесетін делдал ретінде әрекет етеді. Егер банк ипотекалық қарыз шартының талаптарын немесе заңды бұзған жағдайда банк омбудсманы көмекке келеді. &nbsp;Мысалы, банк ипотека бойынша пайызды көтерді делік, оның салдарынан сіздің ай сайынғы төлеміңіз де &nbsp;көтерілді. Немесе кредит бойынша төлем мерзімін &nbsp;өткізу мәселелері жөнінде, қиын қаржылық жағдайға душар болған, оның ішінде алаяқтық жолмен рәсімделген кредиттерге байланысты іс-әрекеттер алгоритмі және тағы басқалар жөнінде кеңес береді.Қаржы ұйымдарының клиенттері үшін омбудсманының қызметтері тегін.Бұл ретте, банк омбудсманы &nbsp;аралық немесе азаматтық сотты ауыстырмайтынын атап өткен жөн. Банк омбудсманы институты ипотекалық қарыз шарттары бойынша міндеттемелерді орындау талаптарын өзгертуге қатысты қарыз алушылардың өтініштері бойынша нақты ұсынымдар әзірлейді. Ол сондай-ақ келіссөздер процесінде білікті кеңесші бола отырып, тараптардың кездесулері мен келіссөздерін ұйымдастыруға көмектеседі.Келіспеушіліктерді реттеу бойынша отырыстар мен кездесулер Алматыдағы банк омбудсманының офисінде өтеді. Қажет болған жағдайда, Банк омбудсманы сол жерге бара отырып, өтінішті қарай алады, сондай-ақ кездесулерді онлайн-режимде өткізуі мүмкін. &nbsp;Бұл ретте қаржы омбудсманы барлық дауларды қарастырмайды.Банк омбудсманының қандай өтініштерді қарауға құқығы жоқ?Омбудсман соттың қарауына қабылданған немесе ол бойынша заңды күшіне енген сот актісі бар азаматтардың өтініштерін не істің жаңа мән-жайлары болмауына байланысты қайта жіберілген өтініштерді қараудан бас тартады.&nbsp;Сондай-ақ, егер қарыз алушының банкке жүгінуінің жазбаша дәлелі болмаса, банк омбудсманына жүгінудің қажеті жоқ.2024 жылғы 21 желтоқсаннан бастап банк омбудсманына қандай мәселелермен жүгінуге болады?Банк омбудсманының құзыреті банктік қарыздардың барлық түрлеріне, сондай-ақ цессия шарты бойынша коллекторлық компаниялар мен өзге де қаржы институттарына берілген жеке тұлғалардың барлық қарыздарына кеңейтілетін болады. Цессия - бұл талап ету құқығын беру.Егер қарыз алушының қолданыстағы кредиттер бойынша банктермен даулы сәттері болса, кредиторлар шарттың талаптарын сақтамайды және қаржылық көрсетілетін қызметтерді тұтынушылардың құқықтарына нұқсан келтіреді, мысалы, есеп айырысуда қателік жіберіп, қызмет көрсетуден заңсыз бас тарту немесе қарызды қайта құрылымдау және т.б., онда азаматтар бұл мәселелермен уәкілетті қаржы делдалына жүгіне алады.Осылайша, банк омбудсманының шешімдері қарыздары басқаға берілген банктер мен коллекторлық агенттіктер үшін міндетті болады. Шұғыл қажеттіліктерге кредиті бар қарыз алушылар үшін бұл олардың құқығын қорғауды күшейтуге мүмкіндік береді. Жалпы омбудсманның өкілеттігін кеңейту мемлекеттік органдарға өтініштер санын азайтуға, омбудсман институтының қоғамдағы рөлін арттыруға және азаматтардың мерзімі өткен берешегін реттеу жүйесінің тиімділігін арттыруға мүмкіндік береді.<img src="https://knadmin.beoblood.kz/uploads/3_5c2675eae1.png" alt="3.png">Қазақстандағы банк омбудсманы кім?2023 жылғы 13 шілдеден бастап банк омбудсманы лауазымына ресми түрде Дархан Нұрпейісов тағайындалды. Заңға сәйкес омбудсман 2 жылға сайланады, бірақ ағымдағы жылғы 21 желтоқсаннан бастап Агенттіктің жаңа қаулысына сәйкес банк омбудсманын қаржы реттеушісімен келісілген кандидаттар арасынан 3 жыл мерзімге жасырын дауыс беру арқылы Өкілдер кеңесі сайлайды.Банк омбудсманының Өкілдер кеңесіне Агенттіктен, Ұлттық Банктен, «Қазақстан қаржыгерлерінің қауымдастығы» ЗТБ-дан, екінші деңгейдегі банктерден, ипотекалық ұйымдардан, қаржылық қызметтерді тұтынушылардың құқықтарын қорғауды жүзеге асыратын қоғамдық бірлестіктен, коллекторлар қауымдастығынан бір-бір өкілден кіреді.Толығырақ "<a href="https://www.fingramota.kz/kk/post/bank-ombudsmany-ol-ne-shin-azhet-zhne-oan-andaj-zhadajda-zhginuge-bolady">Кредиттер" бөлімінен</a> оқыңыздарФото: fingramota.kz

Банк омбудсманы: ол не үшін қажет және оған қандай жағдайда жүгінуге болады 

<a href="https://kyzylorda-news.kz/">Kyzylorda-news.kz</a>&nbsp; ІІМ деректері бойынша, 2022 жылдың қараша айынан бастап Қазақстанда 58 миллионға&nbsp;жуық&nbsp;телефон қоңыраулары, оның ішінде жалған нөмірлерден&nbsp;қоңыраулар&nbsp;бұғатталды. Ал осы жылдың алты айында&nbsp;қаскүнемдер&nbsp;өздерінің алаяқтық схемаларының көмегімен «табуды» көздеген&nbsp;380 млн теңге ақшаны шығару&nbsp;мүмкіндігі бұғатталды.&nbsp;Fingramota.kz&nbsp;алаяқтар өздерін спуфингтің көмегімен басқа адам ретінде көрсететіні және&nbsp;олардың шабуылдарынан қалай қорғануға болатынын&nbsp;толығырақ&nbsp;айтып береді.Спуфинг – бұл қылмыскер өзін басқа біреу ретінде көрсетіп, ықтимал құрбанының сеніміне кіру үшін түрлі әрекеттер жасайтын жалған әдіс. Бұл ретте, алаяқтар қолданатын айла-амалдар техникалық жағынан қарапайым болуы мүмкін – бұл сайтты, электрондық поштаның мекенжайын, телефон нөмірін ауыстыру, сондай-ақ заманауи технологиялар мен жасанды интеллектті қолданып, күрделі де болуы мүмкін. Атап айтқанда, бұл домендік атауды, геолокацияны өзгерту, GPS сигналдарын манипуляциялау, екі құрылғы арасында берілетін деректерді ұстап алу және ауыстыру және басқалары.Олардың ең көп таралғандарын қарастырып көрелік – қоңырау шалушының жалған нөмірімен шығу және SMS- спуфинг.Күдікті&nbsp;қоңырауКөптеген азаматтар егер белгісіз нөмірден қоңырау түссе және код қазақстандық болмаса, қоңырауларға жауап беруге асықпайды. Алаяқтар мұны жақсы біледі, сондықтан олар кез-келген нөмірді алмастыра алатын VoIP (IP телефония) технологиясын қолданады.Мысалы, бұл банктің байланыс орталығының қысқа нөмірі немесе тіпті әріптесіңіздің немесе туысқаныңыздың нөмірі болуы мүмкін. Смартфоныңыздың экранында қоңырау соғушы туралы жалған мәліметтер шығады, ал қылмыскерлер осы уақытта қандай да бір аралда, яғни әлемнің кез келген елінде тұрып, өзінің айла-әрекетін жүзеге асыруға тырысуы мүмкін. Алаяқтар құрбанның дербес деректерін алу үшін әлеуметтік инженерия әдістерін жиі пайдаланады: төлем картасының толық деректемелері, әсіресе, артқы жағындағы үш таңбалы код, SMS немесе push хабарламасының коды.Бұл үшін қаскүнемдер өздерін қаржы ұйымдарының топ-менеджерлері, құқық қорғау органдарының қызметкерлері, жедел жәрдем, ұялы байланыс операторлары, танымал жеткізу қызметтерінің курьерлері немесе дүкен кеңесшілері деп таныстырып, түрлі аңыздар ойлап табады. Олар сіз бағалы сыйлық жеңіп алдыңыз, сізге пакет жеткізгілері келетінін немесе сіздің SIM картаңыздың мерзімі аяқталғаны немесе банктік шотыңызға кибершабуылдар жасалып жатқанын және барлық қаражатты дереу «қауіпсіз шотқа» аудару қажет деп айтулары мүмкін.&nbsp;Әлеуметтік инженерлер де сіздің таныстарыңыз болып көрінгісі &nbsp;келуі мүмкін, нейрондық желілер арқылы дауысты бұрмалап, ақшалай көмек сұрай алады.Мұндай шабуылдардан қалай қорғануға болады?Телефон шалушымен байланысты үзіңіз және қайта қоңырау шалмаңыз. Ақпаратты нақтылау үшін Сізге қоңырау шалған ұйымға хабарласқан дұрыс. Мұндайда байланыс орталығының нөмірін өзіңіз теру маңызды. Бұл жақын адамға қоңырау шалуға да қатысты – егер туысыңыз немесе досыңыз қоңырау шалса, онда оның нөмірін өзіңіз теріңіз.Егер спуфинг-шабуылдар жиілеп кетсе, ұялы байланыс операторына хабарласыңыз, онда спам қоңырауларын тексеру қызметі бар ма екенін сұраңыз. Алаяқтар болуы мүмкін телефон нөмірлерін бұғаттаңыз.&nbsp;Алдау мақсатындағы хабарларSMS-спуфинг – бұл мәтіндік хабарламалардағы мәліметтерді өзгерту. Алаяқтар смс жіберушінің идентификаторын қолдан жасауға мүмкіндік беретін арнайы бағдарламалық қамтылымды пайдаланады.Пайдаланушы ештеңе білмейді, оған бәрі сенімді болып көрінеді және өз гаджетіне зиянды бағдарламаны жүктеу арқылы ол фишингтік сілтемеге де өтуі мүмкін. Немесе, мысалы, банк өткізген акцияның жеңімпазы болдыңыз деген SMS хабарға сеніп, алаяқтарға барлық қаржылық мәліметтерді жіберуі мүмкін.&nbsp;Мұндай шабуылдардан қалай қорғануға болады?SMS арқылы, сондай-ақ мессенджерлер арқылы келетін сілтемелер бойынша өтпеу керек. Әсіресе, егер бұл «құпиясөзді қалпына келтіру» сілтемелері болса.Егер досыңыз немесе басшыларыңыз жазса, олардың Сізге жіберген мәтіндік нұсқауларына сенбеңіз. Өз нөмірлерін теру арқылы оларға қайта қоңырау шалған дұрыс.Есіңізде болсын, банктер Сізге құпия ақпаратты жіберу және қаражат аударуды өтіну мақсатында хабарлама жібермейді немесе қоңырау шалмайды. Бұл – алаяқтар!Егер сіздің картаңызда қандай да бір проблемалар болса, онда банк оны өзі бұғаттай алатынын және бұл туралы шартта келісілген арна бойынша хабарлама жіберетінін ұмытпаңыз. Ең дұрысы – банктің филиалына қайта қоңырау шалып, олар шынымен хабарлама жіберді ме екенін нақтылау.<img src="https://knadmin.beoblood.kz/uploads/Insta_2023_kaz_125dc28f84.png" alt="Инста 2023 каз.png">Сақ болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Архив