<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы құрылыс материалдары мен жиһаз өндіретін жергілікті кәсіпкерлердің және құрылысшы компаниялардың арасында әріптестік байланысты нығайту мақсатында көрме және кездесу ұйымдастырды.Шараға облыс әкімінің орынбасары Нұрымбек Сақтағанов, Кәсіпкерлер палатасының директоры Пірмұхаммед Сыздықов, облыстық мәслихат депутаттары мен құрылыс, білім басқармасының басшылары, «Samruk-Kazyna Construction» АҚ-ның және мүдделі мекеме өкілдері, кәсіпкерлер қатысты.Көрмеге 20-дан астам жергілікті тауарөндіруші компания өнімдерін әкелді.Атап айтқанда құрылыс материалдары мен жиһаз өндіретін «Компания Гежуба Шиелі Цемент» ЖШС, «Шиелі тас-Оңтүстік» ЖШС, «Мир 2001» ЖШС, «Вега пром» ЖШС, «Серікбаев» ЖК, «АКЗ-LTD» ЖШС, «Ниязбекова» ЖШС, «Орда СтройМарт» ЖШС, «Жанайым» ЖК, «Fortis Plastic» ЖШС, «КМЗ Квант» ЖШС, «ЭКСИМ» ЖШС, «КОМФОРТ - 1 KZ» ЖШС, «Nomad» ЖК, «Сыр Жиһазы» ЖШС, «Алис Трейд Казахстан» ЖШС, «Абзал мебель» ЖШС, «Пром стройматериал» ЖШС, «Stroy fasad» ЖК, «Завод композитных труб» ЖШС, «Панабек» ЖШС өндіретін өнімдерін көрсетті. &nbsp;Шараға «Жайлы мектеп» ұлттық жобасы бойынша өңірде алғаш болып мектеп құрылысын бастайтын компания басшылары да қатысты.Жаңақорған ауданында 300 орындық мектеп құрылысын салуды жеңіп алған «Алтын айдарлы» ЖШС директоры Ерғали Егізбайұлы жергілікті тауарөндірушілермен осыған дейін де әріптестік байланыста екенін айта келе, ұлттық жобада да олармен жұмыс істеуге әзір екенін жеткізді.Оған Жаңақорған ауданындағы 600 орындық мектептің мердігері «Аман құрылыс» ЖШС өкілі Ақмарал Қалменова да қосылып, жергілікті компаниялармен әріптестік қарым-қатынас орнататынын айтты.Сонымен бірге облыстық білім басқармасының басшысы Мейрамбек Шермағанбет пен «Samruk-Kazyna Construction» АҚ Ерік Қонақбаев ұлттық жоба аясындағы мектептерге қойылатын талаптармен таныстырып шықты.Айта кету керек, алдағы 3 жылда Қызылорда облысында 15100 орынға арналған заманауи 21 мектеп салынады деп жоспарланып отыр. Жобаның жалпы құны 100 млрд теңге. Қызылордада қаласында 8, Арал ауданында 4, Қазалыда 2, Қармақшыда 2, Жалағашта 1, Сырдарияда 1, Шиеліде 1 және Жаңақорған ауданында 2 мектеп бой көтереді. Биыл 10 мектептің құрылысы басталады.Қызылордалық құрылысшылар аталған жобаға қатысты барлық мәселемен Кәсіпкерлер палатасының сарапшысы Айгерім Рахымжановаға хабарласа алады. Байланыс нөмірлері: +7 775 124 1740, +7 /7242/ 40-09-81 (ішкі 4316).<figure class="image"><img src="https://knadmin.beoblood.kz/uploads/5a916e38_3e67_4446_9c4f_5f35e8720d82_85fac44c54.jpg" alt="5a916e38-3e67-4446-9c4f-5f35e8720d82.jpg"></figure>&nbsp;<figure class="image"><img src="https://knadmin.beoblood.kz/uploads/03b9b53f_9d05_4676_aeec_1d3a695739a4_fe7f65fbc2.jpg" alt="03b9b53f-9d05-4676-aeec-1d3a695739a4.jpg"></figure>

Қызылордада жергілікті құрылыс материалдары мен жиһаз өнімдерін өндірушілердің көрмесі өтті

<a href="https://kyzylorda-news.kz/">Kyzylorda-news.kz.</a> Гаджеттерге алаяқтық шабуылдар күн сайын жасалып тұрады. Алаяқтар пайдаланушылардың есептік деректерін және телефондардан басқа да жеке ақпаратты ұрлауға маманданған зиянды трояндарды белсенді түрде таратқан.Өзіңізді және телефоныңызда сақталған құпия ақпаратты қалай қорғауға болатынын Fingramota.kz айтып береді.Алаяқтар қандай деректерді алғысы келедіСіздің картаңыздың немесе шотыңыздың нөмірін және сіздің атыңызды, тегіңізді, ЖСН білу, алаяқтардың шоттан ақша алуына жеткіліксіз. Бұл үшін оларға картаның толық деректемелері қажет: жарамдылық мерзімі және қауіпсіздік коды, мысалы, VISA карталарына арналған CVV коды немесе MasterCard карталары үшін CVC-код. Сондай-ақ олар сіздің телефоныңызға SMS, логин, онлайн-банкингтен пароль, мобильді банктік қосымшадағы жеке кабинеттер түрінде келіп түсетін банктің кодтары мен хабарламаларын білуі қажет. Сонда ғана олар сіздің шотыңыз бойынша кез келген операцияларды кедергісіз орындауға мүмкіндік беретін барлық төлем ақпаратына ие болады.Әлеуметтік инженерия мен фишингті қолдана отырып, алаяқтар сіздің гаджеттеріңізге, атап айтқанда ұялы телефонға қашықтан қол жеткізу және осылайша құпия ақпаратты ұрлау мақсатында конфиденциалды деректерді білуге тырысады.Гаджетіңізді кибершабуылдардан қалай қорғау керек&nbsp;Әрине, ешкім де маңызды қаржылық ақпаратты алаяқтарға өз еркімен бергісі келмейді. Онда қаскөйлер түрлі бағдарламалық қамтылымдарды (БҚ) пайдаланады. Мысалы, трояндарды іске қосады, трояндар - рұқсат берілген БҚ түрінде бүркемеленген зиянкес бағдарлама. Олар пайдаланушылардың жүйелеріне рұқсатсыз қол жеткізуге көмектеседі және қажетті қаражатты ұрлайды. Көп жағдайда трояндар мобильді қосымшалар мен мессенджерлерге шабуыл жасайды, себебі адамдар үнемі өз телефонын банктік қосымшалар орнатылған, парольдер мен басқа да маңызды ақпараттар сақталатын сенімді құрылғы ретінде қолданады. Сонда-ақ, шабуылдар кезінде электрондық хаттар, SMS немесе push - хабарламандыру қолданылады.Мұндай шабуылдардан қорғану үшін тексерілген вирусқа қарсы бағдарламаларды пайдалану қажет. Оларды өзіңіз қолданатын барлық құрылғыларға орнатып алыңыз, және оларды жиі-жиі жаңартып отыруды ұмытпаңыз, себебі алаяқтар үнемі БҚ мен қосымшалардағы кемшіліктер мен осалдықтарды іздеп отырады.Сіздің поштаңызға келетін сілтемелерге назар аударыңыз, егер де домен күдік туғызатын болса, сілтемені ашпаңыз, бұл жерде бұзып кіру қауіпі бар. Спамдарды бұғаттаңыз және оны корзинаға жөнелтіңіз. Операциялық жүйені жаңартып отырыңыз және барлық қосымшаларға, пошта жәшіктеріне, әлеуметтік желілердегі аккаунттарға сенімді және әртүрлі құпия сөздерді орнатыңыз. Қосымшалардың және басқа да маңызды сервистердің парольдерін/кіру кодтарын телефонда сақтамаңыз. Құрылғының жадында электрондық цифрлық қолтаңбаның (ЭЦҚ) кілтін сақтамаңыз. Құрылғылардың жадында банк карталарының фотосуреттерін, сондай-ақ парольдің жазылуы мен дербес/құпия деректердің ұрлануына әкелуі мүмкін басқа да ақпаратты бейнелейтін фотосуреттерді сақтамаңыз және мессенджерлерде жібермеңіз.Тексерілген ақпарат көздеріне ғана сеніңіз …Айфон иелері қосымшаларды AppStore-ден ғана, ал Android базасындағы телефондар – Google Play-ден алуға қажет. Қосымшаны жүктемес бұрын пайдаланушылардың түсіндірмелерімен мұқият танысыңыз және әзірлеушілердің қосымшаны кезеңмен жаңартып отыруына (ресми дүкендерде міндетті тәртіппен соңғы жаңартулардың күні көрсетілген) көз жеткізіңіз. Уақыт өткен сайын орнатылған қосымшалардың тізімін тексеріңіз. Керек емесін, егер оларды жиі пайдаланбасаңыз, әсіресе, егер олар ресми дереккөздеріне болмаса және соңғы рет қашан жаңартылған белгісіз болса алып тастаңыз. Сіз құрылғынызды бұзу әрекетіне осылайша жол бермейсіз. Банк картасын қосымшалардың ақылы сервистарына байланыстырмаңыз.&nbsp;…және белгісіз адамдарға сенбеңізСіз зиянды бағдарламалар ғана қауіп төндірмейтіндігін түсінуге тиіссіз. Алаяқтар сіздің ақшаңызды алу және гаджетіңізді басқару үшін қашықтан қолжетімділіктің жария бағдарламаларын жиі пайдаланады. Осы бағдарламалардың көмегімен қылмыскерлер мыналарды: банктен келетін пароль мен кодтары бар SMS-ты оқи алады, сіздің мобильдік банктік қосымшаға кіре алады, сіздің атыңыздан ақша аударады немесе кредит алады. Мұның бәрі, егер сіз өзіңіздің мобильді телефонға «шпиондық» қосымшаны көшіріп алған болсаңыз іске асады. Сондықтан сізден түрлі себептер бойынша қандай да бір бағдарламаны немесе қосымшаны көшіріп алуды сұрайтын адамдарға сенудің қажеті жоқ. Мысалы, сізге телефонға банктің немесе өзге де қаржы ұйымдарының қызметкерлері болып қоңырау шалады және сіздің шотыңызға алаяқтық шабуылдарға байланысты қосымшаны көшіріп алуды сұрайды.Конфиденциалдылық теңшеуін мұқият бақылаңыз&nbsp;Қосымшалар орнатқан жағдайда, бағдарламаға деректерді бақылауға, геолокацияға және байланыс телефондар тізіміне кіруге рұқсат беру-бермеу керектігін ойланыңыз. Мұны қажет болған жағдайда ғана жасауға болады, мысалы: такси қосымшасына сіздің орналасқан жеріңізді білуге немесе коллаж жасау үшін галереяңызға кіруге мүмкіндік беріңіз. Егер талаптардан күдіктенсеңіз, бас тартуға және басқа, неғұрлым сенімді қосымшаны таңдауға құқығыңыз бар. Пайдаланушы келісімін жаңартқан кезде онымен мұқият танысып, барлық шарттарды зерделеуді ұсынамыз.Қосымшаларыңызға бірдей парольдер қоймаңызПароль қою кезінде ол кемінде сегіз таңбадан тұруы керек екенін ұмытпаңыз: цифрлар, бас әріптер және басқа да белгілер. Танымал сөздерді, туған-туыстар мен достардың туған күнін, аты-жөндерін пайдалану ұсынылмайды. Әрбір аккаунтқа немесе қосымшаға әртүрлі парольдер қоюға ерінбеңіз. Телефон сізге парольді автоматты түрде сақтауды ұсына ма? Бас тартыңыз. Әр уақытта парольді қайта енгізуге тырысыңыз. Екі факторлы бірдейлендіруді теңшеңіз, содан кейін жүйе SMS-хабарлама немесе электрондық мекенжайға хабарлама түрінде дереу келетін кодты растауды сұрайды.Телефонды жоғалтып алған жағдайда деректердің қауіпсіздігін қалай сақтау қажет?&nbsp;Байланыссыз төлем жасау үшін гаджеттерін пайдаланатын телефон иелеріне екі есе мұқият болу қажет. Телефонды жоғалтып алуға болады немесе оны ұрлап кетуі мүмкін. Осындай ықтималдылықты ескере отырып, бұл туралы алдын ала ойланып, смартфон қаскөйлердің қолына түскен жағдайда өзіңізді қауіптен сақтау қажет.Ұялы телефоныңызды жоғалтқан жағдайда не істеу қажет?&nbsp;Бұғаттауды пайдаланыңыз.Телефонның теңшеулерінде экранның автоматты бұғатталуын қосыңыз, саусақ ізінің немесе Face ID көмегі арқылы биометрикалық құпиясөзді қолданыңыз.Қадағалау теңшеуін орнатыңыз.Құрылғының орналасқан орнын қашықтан қадағалауға мүмкіндік беретін бағдарламаны пайдаланыңыз. Телефоныңызды жоғалтып алған жағдайда сіз өзіңіздің гаджетіңіздің қай жерде екенін қадағалап, оған қосылып, өзіңіздің барлық деректеріңізді өшіре аласыз.Мысалы, Android базасындағы құрылғыларда Google Find My Device телефонды іздеу функциясы бар, Samsung девайстарында – Samsung Find My Mobile ұқсас опциясы, iOS алаңында – Find My iPhone опциясы бар. Оларды гаджеттің теңшеуінде міндетті түрде алдын ала іске қосыңыз.Резервтік көшірмелер жасаңыз.Міндетті түрде деректеріңіздің резервтік көшірмелерін жасаңыз. Бұл опция теңшеу конфигурациясын, барлық қосымшаларды және жеке ақпаратты сақтау үшін ойлап табылған. Берілген функция жоғалған құрылғыдан деректерді қалпына келтіруге және оларды жаңа құрылғыға көшіруге көмектеседі.Егер сіздің телефоныңыз ұрланған болса, қандай әрекеттер жасау керек?Сіздің банктік картаңызға тікелей байланысты нөмірі бар телефон жоғалған жағдайда, сізге қызмет көрсететін банкке шұғыл түрде хабарласуға кеңес береміз. Барлық карталарды бұғаттауды сұраңыз. Оларды кейін қайта шығаруға тура келеді. Басқа құрылғылардан пошта жәшіктеріне, әлеуметтік желілердегі аккаунттарға құпия сөздерді шұғыл түрде өзгертіңіз.Егер сіз телефоныңыз ұрланғанына сенімді болсаңыз, ұрлық туралы құқық қорғау органдарына өтініш жазуды ұсынамыз, тіркелген көшірмені өзіңізде сақтаңыз. Сіздің шотыңыз бойынша операциялар соңғы рет қашан жасалғанын банктен нақтылаңыз. Егер алаяқтар сіздің картаңыздан қаражат алып үлгерсе, онда банкке өтініш жазып, ішкі тергеу жүргізуді сұраңыз. Сіз барлық сақтық шараларын сақтадыңыз деп талап етіңіз. Осы өтінішке телефонды ұрлау туралы өтініштің көшірмесін қоса беріңіз.Кредиттік тарихыңызды міндетті түрде кредиттік бюродан сұраңыз, Қазақстанда олар екеу: Мемлекеттік кредиттік бюро және Бірінші кредиттік бюро, сондай-ақ портал арқылы egov.kz немесе тұрғылықты жері бойынша ХҚКО. Мұны жасау қажет, өйткені қаскүнемдер сіздің атыңызға кредит алуға тырысуы мүмкін. Fingramota.kz бұл жағдайда не істеу керектігі туралы жазған.Мұндай жағдайларды болдырмауға тырысыңыз, ең жақсы шара – алдын-алу шарасы, телефонды, құпия деректеріңізді сақтаңыз және қаржылық сауаттылығыңызды Fingramota.kz!-пен арттырыңыз! Бізге әлеуметтік желілерде жазылыңыз!&nbsp;

Алаяқтардың гаджеттеріңізге қол жеткізуіне жол бермеңіздер! 

<a href="https://kyzylorda-news.kz/">Kyzylorda-news.kz.</a> Жаз – жарқын мезгіл. Балалардың демалып, денсаулығын нығайтатын, ата-анасына көмектесетін кезең. Ауыл баласы – қалаға, қала баласы – ауылға ағылады, оқудан босаған оқушылардың кейбірі демалыс лагерьлеріне баруға таңдау жасайды. «Жаз жайнатып, күн күлдіріп, біз лагерьге барамыз» деп оқу жылы аяқталысымен мектеп оқушылары жазғы тынығу лагерьлеріне баруға асығады. Жайраңдаған жаздың қуаныш пен шаттыққа толы ұмытылмас естеліктері осындай жазғы демалыс лагерінен бастау алады.Жаз келді дегеннен әрбір ата-ана «Баламның жазғы демалысын қалай ұйымдастырсақ екен?», «Уақытын тиімді өткізу үшін қосымша курстар мен үйірмелерге берейік пе, әлде оқу-білімнен же¬рітіп аламыз ба?» деген сұрақтарға жауап іздейтіні белгілі.Расында да жазғы каникул балалардың жылдағы бос уақытының айтарлықтай бөлігін алады. Сондықтан да баланың демалысын дұрыс ұйымдастыра білу маңызды мəселе. Мектеп психологтары үш ай уақытты тиімді, қызықты әрі үнемді пайдалану үшін бәрін алдын ала ретімен жазып, жоспарлап алуға кеңес береді. Жоспарда баланың еркіндігіне, қалауына мүмкіндік берген жөн.<blockquote>«Балалардың жаз мезгілін асыға күтетіні белгілі. Мен маусым айындағы демалысты қызықты, көңілді етіп ұйымдастыруға кеңес беремін. Алғашқы айда баланың ойы да, бойы да жақсы демалу керек. Тіпті бұл айда смартфонын сөндіріп тастаған жөн. Егер мүмкіндік болса, балаларға арналған демалыс орындарына, лагерьге жіберген дұрыс. Ол жерде баланың та¬мақтануы, ұйқысы, демалуы, ойнайтын және шомылатын уақыты қадағаланады. Өз қатарластарымен ба¬ланың демалысы қызықты өтеді. Егер баланы лагерьге жіберудің реті келмесе, жазғы демалыстың бірінші айында табиғат аясында жиі отбасылық демалыс ұйымдастырып, шомылуға ертіп баруға болады. Баламен бірге футбол ойнау, қыдыру, серуендеу, бірге кәуап пісіру – оның қалауын, хоббиін, армандарын, байқамай жүрген қабілетін білуге мүмкіндік береді. Жалпы тек жазғы демалыста ғана емес, басқа айларда сенбі-жексенбі күндері отбасылық демалыс ұйымдастыруға тырысу керек. Бұл отбасындағы балалар мен ересектер арасында түсіністік орнауына септігін тигізеді, әрі көп мәселенің алдын алады», – дейді мектеп психологі.</blockquote>Ал аудандық білім бөлімі тарапынан аудандық төтенше жағдайлар бөлімімен бірлескен түрде мектептерде қауіпсіздікке, су, өрт жағ-дайларының алдын алу бойынша түсіндірме жұмыстары ұдайы жүргізіледі.<blockquote>«Қазіргі жасөспірімдердің күн тәртібіндегі бірінші мәселесі – олардың қауіпсіз, бақытты өмір сүруі. Осы орайда білім беру мекемелеріндегі ата-аналар жиналысында біздің мамандар қатысып, жазғы дема-лыстағы баланың қауіпсіздігі түсіндіріліп, ақпараттар берілді. Жазғы тынығу кезінде, демалыс лагерьлерінде оқушының қауіпсіздігі басты назарда болуы керек екені ескертілуде. Сонымен қатар, табиғатқа шығу демалыстары, су, өрт, көлік, төтенше жағдайларға байланысты қауіпсіздік шаралары жөнінде жиналыстар ұйымдастырылып, ережелер жадынама ретінде таратылды. Мұның барлығы – бала қауіпсіздігі үшін атқарылған шаралар. Алдағы уақытта да мұндай жұмыстар жалғасын таба бермек. Демеушілердің көмегімен Жаңақорғандағы «Облыстық олимпиадаларға дайындау және қосымша білім беру» лагеріне 50 бала, Шымкенттегі «Балдәурен» лагеріне 20 бала, Алматыдағы «Спутник» лагеріне 50 бала жіберіледі.Қазіргі таңда бұл оқушылардың басым бөлігі лагерьде тынығып жүрсе, жартысы жолға шығуға дайындық үстінде. Ал аудан оқушыларының 4100-і мектептегі лагерьге барады», – дейді Қармақшы аудандық білім бөлімінің әдіскері Ақтолқын Тоқшылықова.</blockquote>Демалыстағы бала қауіпсіздігі аудандық білім бөлімі үшін басты орында. Мектеп ұжымы демалыс кезінде де өз оқушыларын назардан тыс қалдырған емес. Олардың қайда өткізетіні сұралып, зерттеледі. Сондықтан ата-ана неғұрлым баласын қауіпсіз орында ұстағаны абзал.Кейде біз көп нәрсені ұсақ-түйек санаймыз. Ал мән беріп қарасақ, жазғы лагерьлер – тек демалыс орны ғана емес, үлкен тәрбие мен үгіт-насихат құралы. Табиғат аясындағы демалыс, таза ауа, жайдары көңіл-күй, сергектік балаларға күш-қуат сыйлап, жаңа оқу жылына бар ынта-жігерімен кірісуге септігін тигізері сөзсіз.Осы орайда айта кеткен жөн, жаз маусымы басталысымен балаларын түрлі лагерьлерге жібергісі келетін ата-аналардың уайымы көбейеді. Бірі – балаларының лагерьге барғанын дұрыс, бірі – бұрыс көреді. Шын мәнінде жазғы лагерь қаншалықты қызықты әрі қауіпсіз? Ата-аналардың бұл уайымы орынды. Алайда психологтар баланы үнемі үйде ұстағанша, лагерьге жібергенді жөн санайды. Себебі жазғы лагерь – бұл тек демалатын жер емес. Лагерь – әр түрлі жарыстарға қатысып, баланың ашылмай жүрген талантын, белгілі бір қабілетін ашатын орын. Жарыстардан бөлек, онда балалар өздері концерттік қойылымдар ұйымдастырып, спорттық ойындар ойнайды. Онымен қоса жазғы сауықтыру лагерьлерінде балалар топпен жұмыс істеуге, көпшіліктің ортасында өзін көрсетуге бейімделеді.Түрлі ойындар, хормен ән айту, кешке би кеші – әрине, мұның бәрі жақсы. Бірақ лагерь баланың тәуелсіз болып жүретін жері. Себебі лагерьде бала ата-анасының қадағалауынсыз қалып, кішігірім шешімдерді өзі қабылдап, жеке жүріп дағдыланады. Лагерьдің тағы бір пайдасы – таза ауасы. Әдетте жазғы лагерьлер тауда, табиғат аясында орналасқан. Сабақтардың, іс-шаралардың табиғат аясында өтуі – мектепте ең жетіспейтін нәрсе еді. Таза ауасымен тыныстап, ағын судың жанында ойнау бала денсаулығына, иммунитетіне, шымыр болуына көп көмектеседі.Сондай-ақ лагерьде асыр салған көңілді балалар бір-бірімен достасып та үлгереді. Көңілді демалыс балдырғандардың жанын әнге, сыңғыр күлкіге тойдырып, күн сайын қызықты сайыстар мен думанды кештер өткізіледі. Қарап отырсақ, баланың күні бойы компьютердің алдында отыруы немесе көше кезіп жүргенінен гөрі жазғы демалысты лагерьде қызықты әрі пайдалы өткізгені әлдеқайда тиімді. Жазғы лагерь баланың қоғамдық өмір дағдыларын дамытып, өзін-өзі басқаруын, ұқыптылығын шыңдайды. Ата-ананың жұмысын алаңсыз тындырып, көз-қуаныштарымен сағынысып қауышатыны да бар. Ал баланы лагерьге жіберу, жібермей – ата-ананың өз еркі.&nbsp;Жалпы баланың жазғы демалысында денінің саулығын, білімін, тәрбиесін және шығармашылық талантын дамытумен үйлестіре білуді – демалысты дұрыс ұйымдастыру дейді. Бұл әр ата-ананың өз қолында. Айналып келгенде, балаға бүгінгі жасалатын қамқорлық – елдің ертеңіне салынған инвестиция іспеттес.

Қармақшыда 120 бала сырт қаладағы жазғы лагерьге жіберіледі

<a href="https://kyzylorda-news.kz/">Kyzylorda-news.kz.</a>&nbsp;Соңғы жылдары елімізде қуаңшылық жағдайы жиі орын алуда. Бұл жайт бірталай шаруа қожалықтарды титықтатып тастады. Мол өнімнен үміт күткен диқан қауымының еселі еңбектері еш болып кете жаздады. Алайда әкімдік тарапынан түрлі жұмыстар жүргізіліп, шаруаларға үлкен қолдаулар білдірді. Бірақ әлі де босаңсыуға болмайды. Себебі егін науқаны қызған шақта Сырдарияның суы әп-сәтте сарқылып қалатыны жасырын емес. Десе де, жыл сайын диқандардың ауызбірлігінің арқасында негізгі күріш алқабын кезектесіп суару әдісі қолданылып келеді.Еліміздегі су көздерінің бірқатары нақтырақ айтсақ, 9 ірі өзен торабының төртеуін көрші елдерден алады. Сол елдерде суды тұтыну көлемі айтарлықтай артқан. Мәселен, Ертіс пен Іленің бастауы Қытайда, Сырдария Қырғыз Республикасы, Тәжікстан, Өзбекстан елдерінен шекара асып өтеді. Жайық өзенінің қайнар көзі Ресейде жатыр. Мұны көпшілік жұрт жақсы біледі.Өткен жылы астықты өлкедегі Сыр елінің шаруалары су тапшылығының қиындығына қарамастан мол өнім жинады. Облыс диқандары 188 500 гектар жерге егін егіп, оның ішінде негізгі дақыл күріштің әр гектарынан 56,7 центнерден өнім алды. Ал Жақаевтың ізбасарлары еккен негізгі дақыл күріштің көлемі 12 025 гектар алқапты құрады. 41 Социалистік Еңбек Ері шыққан ауданның еңбеккерлері биыл да қамбаны астыққа толтырып, береке мен бірлігін күллі елге танытады деп нық сеніммен айта аламыз.Бүгінде аудан аумағындағы «02» каналының 3,8 шақырымын, «R-7» каналының 20 шақырымы тазартылған. Ал республикалық бюджет есебінен «Жаңа Сұлутөбе» каналының 27 км, «L-6» каналының 12 км, «01» каналының 10 км, «R-8» каналының 14,6 км, «R-10» каналының 8 км, «Жаңа Бестам» каналының 10 шақырымы қазылған. Сонымен қатар ауданда су тапшылығының алдын алу мақсатында 22 каналды механикалық тазалау, 41 ұңғыманы жөндеу және бұрғылау, сорғы қондырғыларын сатып алу жұмыстарын жүргізуге Үкімет резервінен 3,6 млрд теңге бөлініп, тиісті жұмыстар атқарылған. Қабылданған шаралардың арқасында жалпы вегетациялық кезең шығынсыз аяқталды, – деді «Шиелісушар» мекемесінің басшысы Дихан Әубәкіров.Өткен жылы атқарылған жұмыстар легіне тоқталар болсақ, ауданға сағадан 609,55 млн текше метр су алынған болса, оның ішінде егістікке – 489,55 млн текше метр, экологиялық қажеттілікке 120 млн текше метр су жұмсалған екен. Күз айларында Сырдария өзеніндегі су тапшылығына сәйкес, қашыртқы суын қайта пайдалану мақсатында R-12 каналының аяғында орналасқан шаруашылықтарға Үкімет резерві есебінен алынған насостардың 3 данасы берілген. Ал биыл ауданға сағадан 699,70 млн текше метр су лимиті бөлінген. Атап айтар болсақ, 579,70 млн текше метр су көлемі егістік алқапқа бөлінсе, 120 млн текше метр су экологиялық қажеттілікке бөлінген. Бүгінде егістіктерге жоспарланып берілген су толығымен орындалған. Қазіргі таңда аудан көлемінде негізгі дақыл күріштің 92 проценті суға бастырылып үлгерген. Сала мамандарының болжамы бойынша маусым айының он күндігі мен шілде айының бірінші он күндігі арасында су тапшылығы орын алуы мүмкін деген болжам бар. Осы ретте «Шиелісушар» өндірістік мекемесінің қызметкерлері су тапшылығын алдын алу мақсатында шаруашылық құрылымдарымен бірге тығыз жұмыс жүргізуде.Осы ретте дүйсенбі күні аудан әкімі Нұржан Ахатовтың қатысуымен «Шиелісушар» мекемесінде аяқ судың тапшылығына байланысты, еккен егін мен төккен тердің бос кетпеуі үшін шаруа қожалық төрағаларымен келісілген мөлшерден артық күріш дақылын екпеу жайы талқыланды. Шаруа қожалық төрағаларына бірлесіп, өздері су алып отырған арналарға насос қондырғыларын орнату арқылы, қысылтаяң уақыттан шығынсыз шығудың шұғыл әрекетін қарастыру қажеттігі айтылды. Аудан әкімі тарапынан айтылған ұсынысты төрағалар бір ¬ауыздан қолдап, бірнеше каналға электрлі насос қондырғыларын орнатуға келісім берді. Сондай-ақ арналарға насос қондырғылары орнатылғанан кейін «Шиелісушар» өндірістік бөлімшесінің қарамағына өтіп, орнатуға кеткен шығындарды мекеме есебінен өтеу жолдары қарастырылатынын атап өтті. Айта кетейік, осы көтерілген мәселелерге байланысты электр желілерін тартуға аудандық КРЭК мекемесі де атсалысатын болады.P.S. Қалай десек те, Сыр өңірі десе көз алдымызға жайқалған күріш елестейді. Сырдың шырайын ашқан сары алтындай күріш емес пе?! Оған себеп болған Сырдария өзенінің тағдыры – Сыр елінің тағдыры.

Шиелі: Аяқ су мәселесі қашан да өзекті

<a href="https://kyzylorda-news.kz/">Kyzylorda-news.kz.</a> Қазалы аудан әкімінің орынбасары Жалғас Сүйеубаев пен аудандық төтенше жағдайлар бөлімінің бастығы Алтынбек Қалиев аудан аумағындағы рұқсат етілмеген қауіпті суға шомылу орындарын аралап, қауіпсіздік ережелерін түсіндірді.Нақтыласақ, Басықара ауылдық округіндегі 13-ші бекет, А.Тыныбаев атындағы Қазалы су торабы, Сырдария өзенінің жағалаулары мен Әйтеке би кентінің шығыс беткейіндегі Алтай каналының бойын аралады.Жыл басынан бері облыс аумағында 10 адамның суға кету оқиғасы тіркелсе, оның екеуі Қазалы ауданында орын алған. Бүгінгі күнде суға шомылу аймағы болып облыс әкімінің 2013 жылғы 13 қаңтардағы «Су объектілері мен су шаруашылығы құрылыстарындағы көпшілік демалуына, туризм мен спортқа арналған жерлерді белгілеу туралы» №7 қаулысымен (көпшіліктің арасында «Милиция көлі деп танылған) «Қашқан су» демалыс аймағы белгіленген.Осыған орай, жақыныңа жанашырлық танытып, тыйым салынған және таныс емес орындарда шомылуға, балаларды қараусыз қалдыруға жол бермейік.<blockquote>«Сақтансаң, сақтаймын» деген. Әсіресе ата-аналар балаларының қайда, кіммен жүргеніне мұқият болғаны жөн. Су – тілсіз жау. Сондықтан әр адамның жауапкершілігі аса маңызды», – дейді мамандар.</blockquote>

Суға түсуде сақтық керек

<a href="https://kyzylorda-news.kz/">Kyzylorda-news.kz.</a> 5 маусым – дүниежүзілік қоршаған ортаны қорғау күні. Жалпы табиғатты сақтау бір күннің ісі емес. Қоғамда экологиялық мәдениет қалыптастыру, қоршаған ортаны қорғау жайы – бүгінгі сұхбатқа арқау болды. Қызылорда облысы бойынша экология департаментінің зертханалық талдамалы бақылау бөлімі басшысы Венера Мустаяпова зертхана жұмысының көтерер жүгі туралы айтты.– Өзіңіз жетекшілік ететін зертханалық-талдамалы бақылау бөлімінің жұмысы, міндеті туралы қысқаша айтып өтсеңіз...&nbsp;– Департаменттің зертханалық талдамалы бөлімінің сынақ зертханасы 2019 жылы ҚР аккредиттеу жүйесінде «Сынақ және калибрлеу зертханаларының құзыреттілігіне қойы-латын жалпы талаптар» ГОСТ &nbsp; ISO/IEC 17025-2019 талаптарына сәйкес қайта аккредиттеуден өтті. Аккредиттеу саласына байланысты су көздері бойынша – 61, топырақ ластануы бойынша – 30, атмосфералық ауа бойынша – 28, өнеркәсіптік шығарындылар – 12, радиациялық қауіпсіздік бойынша, автокөліктен шығатын газдардың шығарындыларына – 3 компоненттерге талдау жұмыстары жүргізіледі. Қор-шаған ортаның құрамдас бөліктерінің – судың, атмосфералық ауаның және топырақтың ластануының алдын алуды көздейтін табиғат пайдаланушылардың қоршаған орта сапа-сының стандарттарын сақтауына зертханалық-талдамалық бақылауды ұйымдастырады. Қоршаған ортаның ластануының жоғары және аса жоғары деңгейі туралы мониторинг деректерін алған кезде және төтенше және төтенше экологиялық жағдайлар туындағанда ластаушы заттардың ластану фактілері мен көздерін анықтайды. Ластану көзі және қоршаған ортаның жай-күйіне теріс әсер етуі мүмкін жерлерден сынамаларды іріктеу және талдау жұмыстарын жүргізеді.Инспекторларымен бірлесіп, кәсіпорындардың, бақылауға жататын ластаушы заттардың тізімдерін жасайды, облыстың (қаланың) кәсіпорындарында зертханалық талдау және бақылау жүргізеді.– Тәуелсіздік алғалы бері топырақ, су, ауа құрамы қаншалықты өзгерді? Дабыл қағарлық қандай мәселе бар?&nbsp;– Жалпы, қоршаған ортаның сапасына «Қазгидромет» мекемесі тарапынан үнемі мониторинг жүргізеді. Атап айтқанда, облыстың бірнеше аумағында атмосфералық ауа сапасын бақылауға арналған бекеттер орнатылған.&nbsp;Сонымен қатар, Қазгидромет мекемесінің &nbsp;мамандары топырақтан және судан сынамалар алып оның сапасына бақылау жүргізіліп отырады. Қандай да бір сәйкессіздіктер анықталған жағдайда нәтижесі экология департаментіне жолданады. Өз кезегінде экология департаменті тарапынан қоршаған орта сапасының бұзылу себептері анықталып, тиісті шаралар қабылданады.Осы ретте, Қазгидромет тарапынан мониторинг нәтижесімен қоршаған орта сапасының бұзылуы туралы ақпарат соңғы үш жыл көлемінде келіп түспеген. Сондықтан облысымыздағы топырақ, су, ауаның құрамына байланысты бүгінгі күнге дабыл қағарлық мәселе жоқ деп есептейміз.– Экологияның сақталуына мониторинг жасау барысында қандай кемшіліктер анықталды?– Жоғарыда атап өткендей, мониторинг жұмыстары «Қазгидромет» мекемесі жүргізеді. Ал, экология департаментіне табиғат пайдаланушылар тарапынан жүргізілетін өндірістік бақылау жұмыстарының нәтижесі келіп түседі. Өндірістік бақылау жұмыстарын І және ІІ санаттағы нысан операторлары тарапынан жүргізіледі. Осы ӨЭБ-ді жүргізудің бекітілген қағидалары бар. Ол Қазақстан Республикасы Экология, геология және табиғи ресурстар министрінің 2021 жылғы 14 шiлдедегі № 250 бұйрығымен бекітілген. Осы ретте, нысан операторлары тарапынан ӨЭБ жүргізу барысында осы қағида талаптары бұзылу деректері орын алады. Атап айтсақ, 2022 жылдың қорытындысымен 20 оператор ӨЭБ жүргізу талаптарын сақтамағаны үшін жауапкершілікке тартылды.Сондықтан осы сұхбатты пайдаланып ӨЭБ жүргізетін нысан операторларының назарына, бекітілген ережелер мен заң нормаларын қатаң сақтау керек екенін назарға салғым келеді. Сондай-ақ, департаменттің «Facebook» әлеуметтік желісіндегі парақша-сында осы мәселелерге қатысты үнемі түсіндірме жұмыстары жүргізілуде.– &nbsp;Соңғы кезде тұрғындар қалада тау болып үйілген қоқыстың өртеліп, түтіні қаланы басып қалатынын әлеуметтік желілерде жиі көтеріп жүр. Бұл мәселеге назар аудардыңыздар ма?– Әрине, аталған мәселе Экология департаментінің күн тәртібінен түскен емес. Мұндай келеңсіз жағдай орын алған бойда департаменттің зертханалық-талдамалы бақылау бөлімінің мамандары ауа атмосферасынан дереу сынамалар алады. Ауа құра-мындағы ластағыш заттардың концентрациясы белгіленген нормативтен асқан жағдайда тиісті «Экология» департаменті тарапынан кінәлі тұлға жауапкершілікке тартылады. Бұндай келеңсіз жағдай биыл қала полигонында орын алып, «Экология» департаменті тарапынан қатты тұрмыстық қалдықтар айналымына &nbsp;жауапты кәсіпорынға экологиялық талаптарды сақтамағаны үшін әкімшілік айыппұл салынды.– Ескі көліктердің қалада жүруіне қаншалықты тыйым салынған, оларға қандай шара көріледі? Жалпы ескі көліктерді бақылайтын қандай норма бар? Қандай стандартқа сүйенесіздер?&nbsp;– Облыс орталығындағы халық көп шоғырланатын аумақтарда автокөлік шығарындыларының нормативтерге сәйкестігін бақылау, қоршаған ортаға эмиссияларды азайту мақсатында, ішкі істер департаментінің жергілікті полиция қызметкерлерімен бірге «Таза ауа» акциясы тұрақты түрде ұйымдастырылып келеді.&nbsp;Акция барысында, қала ішіндегі &nbsp;автокөліктерге өлшеу жұмыстары жүргізіледі, нәтижесінде автокөліктен ауаға бөлінетін шығарынды заттардың белгіленген норма-тивтен асқан жағдайда, көлік жүргізушілеріне жергілікті полиция қызметкерлері тарапынан тиісті шаралар қолданылады. Аталған акция 2020 жылдан бастап тоқсан сайын жүргізіліп келеді. Автокөліктерден ауаға бөлінетін ластағыш заттардың нормалары белгіленген. Осы белгіленген нормадан асу деректері өлшеу жұмыстары барысында негізінен ескі көліктерде жиі тіркеледі. Яғни, ол автокөліктің техникалық жарамдылығына байланысты. ҚР 1433-2017 ұлттық стандарты бар. Осы стандарт талаптарына сәйкес бензин, газ және дизельмен жүретін автокөліктердің санатына байланысты нормалары белгіленген. Яғни, бензинмен жүретін автокөліктердің көміртек тотығының нормасы 0,2-3,5% аралығында көлемдік үлесі көрсетілген. Дизель қозғалтқыштарымен жабдықталған көлік құралдары үшін түтіннің нормалары 1,5-3 коэффициент аралығында.– Маман ретінде сізді не толғандырады?&nbsp;– Мемлекетімізде соңғы уақытта қоршаған ортаның жағдайына ерекше мән берілуде. Ел Президенті Қасым-Жомарт Тоқаев халыққа арнаған жолдауында «Қоршаған ортаны қорғау және экологиялық даму – еліміз үшін алдыңғы кезекте тұрған мәселе» деп атап көрсеткен еді. Ендігі кезекте қоршаған ортаның жағдайын жақсарту мақсатында қоғамда экологиялық мәдениет қалыптастыру керек деп есептеймін.– Сұхбатыңызға рақмет!

Венера Мустаяпова: Қоғамда экологиялық мәдениет қалыптастыру керек

<a href="https://kyzylorda-news.kz/">Kyzylorda-news.kz.</a> "Жолаушылар тасымалы" АҚ балалар үшін пойызға билет алу тәртібін түсіндірді, деп хабарлайды <a href="https://sputnik.kz/?_ga=2.185101985.900492070.1685931282-138522855.1629862799">Sputnik Қазақстан.</a>7 жасқа жетпеген балалар пойызбен тегін жүреді. Бірақ оларға бөлек орын берілмейді. Ал бөлек орын үшін балалар билетін сатып алу қажет.Егер 7 жасқа дейінгі балалар саны екі немесе одан көп болса, билет алуға тура келеді.7-15 жас аралығындағы балалар билетіне ересектер билеті құнының 50 пайызы көлемінде жеңілдіктер бар. Ал 15 жастан асқан балаларға ересек адамдармен бірдей билет сатып алу қажет.<h3 style="margin-left:0px;">Балалар билетін алу үшін қандай құжаттар қажет?</h3>Балаға билет алу үшін жеке басын куәландыратын құжат – баланың туу туралы куәлігі немесе паспорты керек болады.Баланың туу туралы куәлігі немесе оның нотариалды куәландырылған көшірмесі билетпен бірге жолсерікке пойызға мінер алдында беріледі.<h3 style="margin-left:0px;">Баланың өзін пойызбен жалғыз қалай жіберуге болады?</h3>15 жасқа дейінгі балалар тек ересектермен бірге ғана пойызға отыра алады. Егер бала пойызда оның заңды өкілі болып табылмайтын адаммен бірге жүрсе, онда сол адамның баланы ертіп жүруіне рұқсат ететін сенімхаты болуы шарт. Ондай құжатты нотариустан алады.15 жастан асқан балалар пойызда өзінің ата-анасы, яғни заңды өкілінің атынан оның жалғыз жүруіне рұқсат етілгені нотариалды куәландырылған сенімхат болған жағдайда өзі саяхатқа шыға алады.Ал жолаушылар пойызына отырғызғанда немесе жолда баланың қасында заңды өкілі бірге болған жағдайда сенімхат көрсету талап етілмейді.

Балалар неше жасқа дейін пойызбен тегін жүре алады?

<a href="https://kyzylorda-news.kz/">Kyzylorda-news.kz.</a>&nbsp;Бүгінде ауаның ластануы, қоршаған ортаға жанашырлық таныту күллі әлемді алаңдатып отырған мәселе. Осынау өзекті мәселе шиеліліктерді бейжай қалдырмады. Бұлай дейтініміз, «Гежуба Шиелі Цемент» зауытынан шығатын түтін жергілікті жерлерге зиянын тигізуде деп шағымданған тұрғындардың бұл мәселесін назардан тыс қалдырмаған әкімдік тиісті жұмыстың жүргізілуін қолға алды.Осы ретте аудан әкімінің орынбасары Ерсұлтан Апетовтың қатысуымен &nbsp;«Гежуба Шиелі Цемент» ЖШС &nbsp;1 санаттағы нысандарды пайдалануға экологиялық рұқсат алу үшін эмиссиялық нормативтік жобасы, қалдықтарды бақылау бағдарламасының жобасы, өндірістік экологиялық бақылау бағдарламасының жобасы, қоршаған ортаны қорғау жобасы, «өндірістік технологияны модернизациялау» құжаттамасы бойынша қоғамдық тыңдаудың отырысы өтті.Қоғамдық отырыстың тыңдауына аудандық ардагерлер кеңесінің төрағасы Өркен Исмаил, қоғамдық кеңестің төрағасы Қаблеш Бекшеев, кент ардагері Болат Күлімбетов, Насырбек Мырзабеков және өзге де зиялы қауым өкілдері, БАҚ мүшелері қатысты. Жиын барысында сөз алған&nbsp;<blockquote>«Дәл осындай цемент зауыт бізде ғана емес Шымкентте де бар. Жұмыс істеп тұрғанына 10 жылдан асты. Сол зауыт қаланың шетінде орналасқанымен айналасында бірнеше ауыл тұрады. Бірақ ол жерден шу шықпайды. Ендігі осындай үлкен зауыт Жамбыл да бар. Ол жақтың халқына ешқандай зияны жоқ. Ал біздің Шиеліге зиян. Негізі аталған екі қаладағы зауыттың технологиясы бір дегенімен біздегі ауа өткізгіш сүзгіден немесе жасалған технологиясынан ақау кеткен бе деп ойлаймын. Мысалы, сіздер екі қаладағы серіктес зауыттармен байланыс жасадыңыздар ма? Жаңағы мен айтқан зауыттың бірі қаланың ортасында, теміржолдың жағасында орналасқан. Оның жанында «Тассай» деген ауыл бар. Ол жерде Төңкерістен он есе үлкен ауыл тұр. Енді олардың халқы тыныш, сол зауытта еңбек етіп, нәпақаларын тауып жүр», – деді Насырбек Мырзабеков.</blockquote>Айта кетейік, «Гежуба Шиелі» зауытында тампонаждық және портланд цемент шығарылады. Өткен жылы 1,1 млн. тонна цемент өндіріп, оның 326 мың тоннасы Өзбекстанға экспортталды. Зауыттағы еңбекпен қамтылған жұмысшылардың 90 проценті жергілікті мамандардан тартылған.Жиын соңында қоғамдық кеңестің мүшелері түрлі ұсыныстар мен сұрақтарын қойып, зауыт басшысына алдағы уақытта нақты жұмыстар жүргізілу қажеттігін және бірінші кезекте тұрғындардың денінің саулығы маңызды екенін алға тартып, көркейту-көгалдандыру жұмыстарын да назардан тыс қалдырмауды сұрады. Зауыт басшылығыөндіріс аймағын айналдыра тал егу жұмыстарына қаржы қаралып, көркейту-көгалдандыруға байланысты екі жылдан бері жұмыс жүргізіліп келе жатқанын тілге тиек етті.

Шиелі: Қоғамдық кеңесте қоғамның жайы талқыланды

<a href="https://kyzylorda-news.kz/">Kyzylorda-news.kz.</a> Қазақтың ұшы-қиыры жоқ даласы, оның ішінде Сыр өңірінің киелі ән өнеріне деген махаббатын таразыға салу мүмкін емес. Жеті өнерді де аздық етіп, туған жерден түлеген таланттар қаншама!?. Әйгілі сөзді «әу демейтін қазалылық жоқ» деп өзгертсек те, жарасатындай. Күміс көмей қыз-жігіттердің мемлекет ішінде мойындалып, шетелдерде де шеткері қалмай, жетістік пен жеңістің шекпенін иелене жүруі көпке мақтаныш.Ел мақтаған елеулі азаматтың бірі Алтынбек Әбілда – опералық әнші, Астана мемлекеттік академиялық филармониясының жеке солисті, Қазақстан Республикасы Тұңғыш Президенті Елбасы қоры стипендиясының иегері. 22 қараша күні Мемлекеттік «Дарын» сыйлығын «Классикалық музыка» номинациясы бойынша иемденген жерлесімізбен сұқбаттасудың сәті түсті.– Алтынбек Еркінбайұлы, таланттарды тап басып танитын «Дарын» сыйлығын иемденіпсіз. Құтты болсын! Өнер саласында, соның ішінде, классикалық әншіге берілуі бұл бағытқа деген жақсы көзқарасты білдіретін сияқты…– Үлкен рақмет! Мемлекеттік «Дарын» сыйлығын иелену, оған лайық бола білу – мен үшін зор мәртебе. Жастарға қолдау, жарқын болашаққа ұмтылуға жігер беретін аталмыш сыйлықтың орны ерекше. Әрі қарай жаңа мақсаттарға, жетістіктерге жетелейтін жол іспетті. 1993 жылдан бастап ұйымдастырылып келе жатқан сыйлықты аға буындағы талантты әншілер иемденген. Ал маған опералық әнші болғандықтан, «Классикалық музыка» номинациясы бойынша берілді. Бұл музыка өнерінің ішіндегі ерекше бағытқа назар аударылып, мемлекет тарапынан бағасы беріліп жатқанына дәлел. Классикалық бағыт түбегейлі тарамаса да, қазақта бұрыннан бар. Ал соңғы жылдары тыңдарман талғамы өзгеріп, жаңа көзқарас қалыптасқандай.– Балалық шағыңыз туралы айтып берсеңіз... Музыкамен алғашқы таныстығыңыз қалай басталды?– Кіршіксіз таза, балалық кезең десе, туған жер көз алдыма келеді. Өзім 1993 жылы 6 маусымда қасиетті Қазалы қаласында қарапайым отбасыда дүниеге келдім. Бала жастан алғашқы музыкалық байқауларға қатыстым. Мектептің абыройын аудандық, облыстық, республикалық деңгейде қорғап, жеңіс тұғырынан көрініп жүрдім.Барлық бала дарынды, тек сол таланттың ұшқынын байқай білу керек. Өнер жолына келуіме себепкер әжем Зада Қонысова еді. Әжем алғаш менің бойымнан дарынымды байқап, музыкалық мектепке берген болатын. Осылайша Қазалыда бес жыл бойы музыкалық мектепте білім алып шықтым.– Неліктен классикалық музыка бағытын таңдадыңыз?– Классикалық бағыттың ішінде менің мамандығым – опералық әнші. Өнердің сүрлеуі бөлек ерекше бағыты алғаш Италияда пайда болған. Музыкалық жанрлардың ішінде ең шоқтығы биігі классикалық әуендер деп есептеймін. Оқушы кезімде ән өнерімен жалпылама танысып жүріп, классикалық бағытқа қызықтым. Әрі қарай мақсат қойып, 2009 жылы мектеп бітірген соң Қызылорда қаласындағы Қазанғап атындағы музыкалық колледжіне академиялық ән салу мамандығына тапсырып, жалғастырдым. Оны үздік боп тәмамдадым. Өнерге деген құштарлығымнан шығар, кәсіби білім алуды тоқтатпадым. 2013 жылы Нұр-Сұлтан қаласы Қазақ ұлттық өнер университетінде «Вокалдық өнер» мамандығы бойынша оқуға түстім. Студенттік жылдарымда Халықаралық «Звездный мост», ҚазКСР xалық әртісі профессор Н.Шарипова атындағы І республикалық вокалистер байқауы, Х Ұлттық жастар Дельфийлік ойындары сынды түрлі деңгейде кәсіби байқауларға қатысып, сахна мен театр мәдениетін бойыма сіңіре түстім. Ал 2020 жылы аталған университет магистратурасын бітіріп, «өнертану ғылымдарының магистрі» атандым.– «Адамдардың көбі 25 жасында өледі, тек оларды 75-інде жерлейді» дейді Бенджамин Франклин. Арманы жоғалған күні адамның да өлетінін меңзесе керек. Осы жолда қандай қиындық кездесті?– Өнер жолы оңай емес. Дегенмен қиындықтар кездесті деп айтқым келмейді. Адам алдына мақсат қойып, нені қалайтынын білсе, жақсы көретін ісімен айналысса, қиындық кедергі емес. Әр қиындық – бір баспалдақ. «Өзіңе сен, өзіңді алып шығар, ақылың мен еңбегің екі жақтап» деген Абай сөзі бәріміздің ұстанымымызға айналуы тиіс. Өзім мектеп бітірген кезімде опералық әнші болуды мақсат еттім. Әрі қарай оқуды жалғастырып, барлығын үздікке бітіруім осы мақсаттан, арманға адалдық танытудан шығар.– Тәжірибелі кәсіби маман ретінде шәкірт тәрбиелеуге қалай қарайсыз?– Қазіргі буынның, жастардың классикаға деген құлшынысы жоғары, қызығушылығы басым. Шәкірт тәрбиелеуге университет бітірген кезден кірісіп, осынау нәзік бағыттағы қазақтың мықты әншілерін шығаруға бар жиған білімімді, күш-жігерімді салуға тырысудамын. «Шәкіртсіз ұстаз тұл» демекші, алғашқы ізбасарларым түрлі байқаулардан жүлделі орынға ие болып, өзім де тәжірибе жинақтай түстім. Ұстаз үшін шәкіртінің болашағы, өзіне, өнеріне сенгені маңызды. Кәсіби маман ретінде қазақ мәдениетін әлемге танытар бұлбұл дауысты ұл-қыздарды дайындау – басты мақсат.– Соңғы жылдары өнер ғана емес, ғылым саласында ізденген талай қазақтың шетелге көшіп жатқаны мәлім. Себеп жеткілікті: шетелде қолдау көп, өнерге құрметпен қарайды, материалдық жағынан да тиімді. Бұл туралы ой болмады ма?– Басқа салаларды білмеймін, классикалық бағыттағы әншілерді, таланттарды елімізде алып қалу үшін мемлекет тарапынан қолдау көрсетіліп, түрлі жобалар іске асырылуда. Шетелден кем емес. Соның бір дәлелі – 2021 жылы Астана Халықаралық опера академиясының ашылуы. Мұнда жастар екі жыл білім алып, түрлі шеберлік сағаттарына қатыса алады. Арнайы осы мақсатта шетелдің үздік маэстролары, кәсіби кадрлары шақырып алынды. Осыдан кейін шетелге кетудің мәнісі жоқ.Жалпы мақсат қойған адамға мүмкіндік көп. Қазақстанда жүріп-ақ қолдау табу, керемет мүмкіндіктерге ие болу өз қолымызда. Ешқашан көшу туралы ойлаған емеспін. Қазақстанда классиканың алтын дәуірі келе жатыр.– Өзіне сенімді, рухани иммунитеті мықты ұрпақты қалай тәрбиелейміз?– Мен үшін отбасы – бірінші орында. Жолдасым екеуміз ұлымыз бен қызымызға көп көңіл бөліп, қазақи тәрбиеден ажырап кетпеуін қадағалаймыз. Ата-әжеміз, әке-шешеміздің үлгісінде үлкенді сыйлап, кішіге ізет көрсетуді ұстанамыз. Қадыр Мырзалиев ақынның «Адам боп оңай туғанмен, адам боп қалу көп қиын» деген өлеңі бар. Уақыт өткен сайын құндылықтар өзгереді, қоғамдағы қарым-қатынас үлгісі ауысады. Бірақ бәрібір адам болып қалудан айнымау керек. Ал бала тәрбиесінің өзі осы адамгершілік үлгісі емес пе?!– Басшылыққа келіп, отырған орнынан айырылмайтын «ақсақалдар» көп. Еліміздің болашағы жастар десек, сенім білдірер кез жеткен сынды. Бұл жүйеге көзқарасыңыз қандай?– Мәселенің біздің салаға аса қатысы жоқ. Дегенмен қалыптасқан жүйенің бары рас. Қазіргі жастар өздеріне сенімді, ой, сөз еркіндігі бар. Тәуелсіз, саналы ұрпақтың көші келді. Бейбітшілік заманда әркім өз ісімен айналысып, сол саланы дамытса, одан артық жетістік жоқ. Ендеше неге жастарға орын бермеске?!Алға жылжу бары байқалады. Түрлі басшылықта жастарды көремін. Ғанидың өзі 23-інде жаспын деген жоқ. Жастардың қолынан бәрі келеді. Тек сену керек.– Өнер аш халықты тойдырып, материалдық тұрғыдан жыртықты жамамайтыны анық. Шынайы өнердің мақсаты не?– «Қылдан нәзік, қылыштан өткір» өнер саласы адамды аштықтан, материалдық қиындықтан құтқара алмайды. Дегенмен, ең бастысы, адамның жанына рух, жүрегіне жігер беріп, жақсылыққа құлшындырады. Өнер деген – қасиет пен кие. Мәселен, екінші дүниежүзілік соғыс кезінде Роза Бағланова апамыздың ән салып, сарбаздарға жігер беруі неге тұрады? Өнер адам жанының тазартқышы іспетті. Бір ауыз өлеңнің өзі өмірді өзгертіп, бойыңды тіктеп жібере алады.– Әдемі әңгімеңізге рақмет!

Қазалылық өнерпаз Алтынбек Әбілда: Классиканың алтын дәуірі келеді

<a href="https://kyzylorda-news.kz/">Kyzylorda-news.kz.</a> Статистикалық мәліметтер Қазалы ауданы бойынша 23907 жас бар екендігін көрсетеді. Олардың 12669-ы ерлер болса, 11 238-і әйелдер. Яғни аудан халқының 29,9 процентін осы сала буыны құрап отыр.&nbsp;Олармен жан-жақты жұмыс жасау үшін арнайы орталық құрылған. Бірнеше жылдан бері түрлі бастамалар көтеріп, игілікті істер атқаруға мұрындық болып жүрген Қазалы аудандық «Жастар ресурстық орталығының» басшысы Нұрбек Ақпанбетовтен жастардың жайын білмек болдық.– Нұрбек Нысанбекұлы, біздегі ақпаратта бүгінгі күнге дейін ерікті жастардың қатысуымен 80-нен астам іс-шара өткізгендіктеріңіз жазылған. Тарқата айтсаңыз, не істедіңіздер?– Иә, түрлі шаралар өтті. Оған, 3000-ға жуық жас қатыстырылды. Ұйымдастырылған шаралардың негізгі бағыты жастардың әл ауқатын көтеру мен шығармашылығын шыңдау, оларды патриоттыққа баулу болып табылады.Үстіміздегі жылдың 5 айлық көрсеткіші бойынша 30 мәдени шара, 17 спорттық сайыс, 6 кеңес беру акциясы, жастар арасында құқық бұзушылықтардың алдын алу бағыттары бойынша 30-дан астам қоғамдық рейдтік шаралар ұйымдастырылып, «Жастарға кеңес» акциясы аясында 800 жасқа кеңес берілді.&nbsp;Сонымен қатар, ауданымызда жастарды қолдау мақсатында «Жаңа дәуір – Жаңа Қазақстан» тақырыбында жастар фестивалі ұйымдастырылды. Оған барлығы 157 жас қатыстырылып, 4 бағытқа бөлінді. Нәтижесінде, ғылыми жобалар бағыты бойынша үздік деп танылған жеңімпаздарға Қорқыт ата атындағы Қызылорда мемлекеттік университетінің оқу гранты және оқу ақысына 50%, 25% жеңілдікпен оқитын сертифиаттары, бағыттарына байланысты барлығы 300 мың теңгенің көлемінде қаржылай сыйақылар табысталды. Бұл аталған шара алдағы уақытта да жалғасын табатын болады.&nbsp;Сондай-ақ, ерікті қыз-жігіттердің ұйымдастыруымен алдағы (маусым-тамыз) айларында жастардың бос уақытын тиімді пайлдану мақсатында «Жастар керуені» атты жастар жобасы жүзеге аспақ. Елді мекендерде кешкілік концерттік бағдарламалар өткізіп, көшпелі қоғамдық қабылдаулар ұйымдастыру жоспарлануда.– Мемлекет тарапынан көрсетіліп отырған қолдаулар мен көмектерге қазалылық жастардың қолы жетіп жүр ме?&nbsp;– Әрине, ауданымызда жыл санап жас кәсіпкерлер қатары артуда. Олардың басым көпшілігі мемлекеттен қайтарымсыз қаржы алып, өз ісін ашқандар.&nbsp;Осы жылдың наурыз айында жаңадан кәсіп бастағысы келетін не бар кәсібін кеңейтуге ниетті жастарға 2,5 пайызбен несие беріле бастады. Бұл бағдарлама 2,5%-дық микрокредит жастардың кәсіпкерлік бастамаларына жәрдемдесу мақсатында беріледі. Аталған бағдарламаға сәйкес, 2,5 % несие бойынша жұмысшы топ құрылып аудан көлеміндегі барлық дербес бөлімдер, мекемелерге, білім саласындағы жас мамандарға және жастарға түсіндірме жұмыстары жүргізілді. Түсіндірме жұмыстарының нәтижесінде қазіргі таңда ауданнан 5 жасқа 3 және 5 миллион теңге көлемінде кәсіп ашу үшін қаржысын алуға мақұлдама берілген.– NEET санатындағы жастар тасада қалып қойып жатқан жоқ па?– Жоқ, біз үшін барлық адам маңызды. Жастардың қоғамнан тыс қалуын құп көрмейміз Олардың қоғамға бейімделуіне, түрлі жеңілдіктерге қол жеткізе алуына, мәдени-көпшілік іс-шаралардан қалыс қалмауына күш саламыз.&nbsp;Қазалы ауданы бойынша NEET санатындағы жас саны 829. Жастардың дерекқорын анықтау мақсатында сәуір айының 7-14 күндері ауданаралық аурухананың арнайы РПН (бекітілген халықтық тізбесі) базасы, жұмыспен қамту орталығының базасы, Қазалы ауданының полиция бөліміндегі көші-қонның базасы бойынша және учаскелік полиция қызметкерлерінің қызметтік планшеттенжеке сәйкестендіру номерлері арқылы нақты байланыс құралдары мен мекен-жайлары анықталды. Осы бойынша адрестік, базалық жұмыстаржүргізілді. Қазіргі таңда аудан бойынша «Отбасылық цифрлық карта» базасында 829 жас өзектендіріліп, 100 процент ақпараттары енгізілді. Бұдан бөлек, пробация есебінде тіркеуде тұрған жастармен адресті түрде жұмыстар жүргізіп келеміз. Бүгінде 30 жас тіркеуде тұр. Оның 3-уі студент.&nbsp;Алдағы уақытта да, барлық елді мекендерде жастардың бос уақытын тиімді пайдалану және NEET санатындағы жастарды мемлекеттік бағдарламаға кеңінен тарту, ауданның шығармашыл жастарымен ауыл жастарының арасында байланыс орнату, ауыл жастарының еркін ұсыныс-пікірін тыңдау шараларын жүзеге асырылатын болады.– Қоғамда ең өзекті мәселенің бірі – діни тұрақтылық пен сауаттылық. Жат ағаымның жетегінде жүрген жастар жоқ емес. Осы тұста сіздердің тараптарыңыздан түсіндірме жұмыстары жүргізіледі ма?– Дін мәселелері бойынша ақпараттық түсіндіру тобы 2023 жылдың басынан бері 11 кездесу өткізді. Атап айтқанда, «Діни сауаттылықтың маңыздылығы» тақырыбында «Қазалы Көркем сервис» ЖШС, Қазалы ауданы Полиция бөлімі қызметкерлерімен кездесу, «Тамшы су» ЖШС,Қамқор Вагон» ЖШС «Қазалы вагон жөндеу депосы» филиалының ұжымдарымен, «Қоғамның діни өміріндегі ұлттық құндылықтардың рөлі» тақырыбында Қазалы көлік-техникалық жоғары колледжі, Қазалы аграрлы – техникалық колледжінің студенттерімен, «Діни экстремистік идеологиядан сақ болайық!» тақырыбында №17 Қазалы ауданының мамандандырылған балалар-жасөспірімдердің олимпиадалық резерв мектебі, №18 Қазалы қаласының балалар-жасөспірімдер спорт мектебі, №266 мектеп-лицейі мен №70 орта мектептің оқушыларымен кездесу өтті.Аудан көлемінде терроризм мен діни экстремизмнің алдын алу мақсатында 11 профилактикалық шаралар ұйымдастырылды. Республикалық, облыстық, аудандық теологтардың қатысуымен 20 адрестік профилактикалық жұмыстар жүргізілді. «Терроризм мен діни экстремизмнің алдын алуға бағытталған ақпараттық-түсіндіру шараларын ұйымдастыру» жобасына арнайы қаржы бөлінді. Жоба аясында бейнероликтер арқылы қарсынасихаттық шараларды ұйымдастыру, Діни бірлестіктерге келушілер арасында профилактика объектілерін тарта отырып, кіші футболдан және стол теннисінен жарыс ұйымдастыру, ұлттық спорт түрлерінен сайыстар ұйымдастыру, ұлттық құндылықтарды насихаттау бағытында бейресми форматта шара ұйымдастыру, жастар арасында қазақстандық құндылықтарды насихаттау тақырыбындағы бейнеролик дайындау сайысын ұйымдастыру шаралары жоспарланған.Ақпараттық түсіндіру шаралары медиа кеңістікте де ұйымдастырылып келеді, бұл ретте арнайы DIN-KAZALI әлеуметтік желіде парақша ашылған, онда барлығы 2600-ға жуық желі қолданушы тіркелген. Жыл басынан бері дін мәселелері тақырыптарында 7 видеоконтент пен 18-ге жуық ақпарат бөлісілді.&nbsp;– Сұхбатыңызға рақмет, жұмыстарыңыз жемісті болсын!

Нұрбек Нысанбекұлы: Жастардың қоғамнан тыс қалуын құп көрмейміз

<a href="https://kyzylorda-news.kz/">Kyzylorda-news.kz.</a> Қызылорда облыс орталығында аймақ басшысы Нұрлыбек Нәлібаев мектеп оқушыларын тасымалдауды сапалы ұйымдастыру мақсатында 9 мектепке су жаңа автобустың кілтін табыстады.Заманауи құрылғылармен жабдықталған сыйымдылығы 40 орындық автобуста оқушылардың жайлылығы мен қауіпсіздігі үшін барлық жағдай жасалған. Көлік қауіпсіздік талаптарына сай. Есіктері ашық тұрған сәтте қозғалысты бұғаттау механизмі, маяктар және ерекше қажеттілігі бар балаларға арналған пандустар бар. Автобуста сағатына 60 шақырымға дейінгі жылдамдықты шектеу жүйесі қарастырылған, орындықтар қауіпсіздік белдіктерімен жабдықталған. Сонымен қатар мектеп рюкзактарына арналған арнайы сөрелер бар.Әйтеке би кентіндегі Е.Бозғұлов атындағы №249 мектеп-лицейдің ата-аналар ұжымы мен шәкірттері жаңа автобусты күтіп алды. Балалар игілігіне берілген көліктің мүмкіндіктерімен танысып, игі тілектерін жаудырды.<blockquote>«Автобус балаларымызға өте ыңғайлы екен. Заманауи құрылғылармен жабдықталған көлікті тек игіліктеріне мінсін. Әр оқушы оқуда озат болып, ата-ана, ұстаздарының үкілеген үмітін ақтасын. Осындай сый жасап, балаларға қуаныш сыйлаған облыс басшылығына алғыс білдеріміз», – дейді бір топ ата-ана.</blockquote>

Қазалылық шәкірттерге жаңа автобус пайдалануға берілді

<a href="https://kyzylorda-news.kz/">Kyzylorda-news.kz.</a> 2023 жылғы 4 маусымда өткен Арал ауданының Жаңақұрылыс және Құланды ауылдық округтері әкімдерінің сайлауы заң талаптарына сай ұйымдастырылып, қорытындыланды.Құрылған сайлау округтері бойынша сайлаушылар тізіміне барлығы 675 адам енгізілген, оның ішінде Жаңақұрылыс сайлау округінде 408 адам, Құланды сайлау округінде 267 адам. Дауыс беруге қатысқан сайлаушылар саны 584 адам, оның ішінде Жаңақұрылыс сайлау округінде 324 адам, Құланды сайлау округінде 260 адам.Есептен шығару куәліктері бойынша дауыс бергендер жоқ, дауыс беру жайынан тыс жерде дауыс бергендер – 17 адам, оның ішінде Жаңақұрылыс сайлау округінде - 13, Құланды сайлау округінде – 4. Жарамсыз деп танылған бюллетень саны – 9, оның 9-ы Жаңақұрылыс сайлау округінде.Ауылдық округ әкімінің кандидаттығына 7 адам ұсынылып, 7-і сайлау бюллетеньдеріне енгізілді, оның ішінде Жаңақұрлыс сайлау округі бойынша – 4, Құланды сайлау округі бойынша – 3.Дауыс беру қорытындысымен Жаңақұрылыс ауылдық округінің әкімі болып Елшекенов Елнұр Бекназарұлы сайланды.1996 жылы туған, ұлты қазақ, «Қожағұл Ата» шаруа қожалығының төрағасы, Жаңақұрылыс ауылдық округінде тұрады. Өзі-өзін ұсынған.Құланды сайлау округінде дауыс беру қорытындысымен ауылдық округ әкімі болып Ғабиболатов Сұлтанбек Ғабиболатұлы сайланды.1984 жылы туған, ұлты қазақ, Арал аудандық қоғамдық даму бөлімінің бас маманы, Арал қаласында тұрады, «АMANAT» партиясының мүшесі, өзі-өзін ұсынған.Жоғарыда көрсетілген әкімдер сайлауының нәтижелері туралы ақпарат Арал аудандық сайлау комиссияларының интернет-парақшаларында орналастырылды және жергілікті бұқаралық ақпарат құралдарында жарияланады.

Архив