<a href="https://kyzylorda-news.kz/">Kyzylorda-news.kz</a>&nbsp;Жаңа Су кодексі бес негізгі қағидатқа сүйене отырып әзірленді. Олар: суды қоршаған ортаның ажырамас бөлігі және азаматтардың өмір сүруі мен экономикалық дамудың негізі ретінде тану, су ресурстарын пайдаланудағы экономикалық құндылық, жерүсті және жерасты су ресурстарын кешенді пайдалану, суды тиімді және ұтымды үнемдеу, сондай-ақ су қорын сақтау мен пайдалану мәселелерін шешуге жұртшылықты тарту.Жаңа кодексте су ресурстарын басқару бойынша Бас және бассейндік жоспарлар жасау көзделген. Сонымен қатар гидротехникалық құрылыстарды жан-жақты тексеріп, олардың қауіпсіздігі туралы арнайы құжат дайындау міндеті енгізіліп отыр. Бұл нысандардың тізімі де жүйеге келтірілмек.Су саласындағы заң бұзушылықтар үшін жауапкершілік талаптары күшейтілді. Уәкілетті органдарға жедел әрекет етуге мүмкіндік беретін қадағалау функциялары енгізілді. Судың «көлеңкелі нарығымен» күресу үшін суды рұқсатсыз пайдалануға жол бермеу және су айдындарында, су қорғау аймақтары мен белдеулерінде шаруашылық қызметке тыйым салуды сақтау бойынша бақылау күшейтілді.Ауыл шаруашылығындағы тиімсіз шығындарды азайту мәселелері қаралды. Ирригациялық кондоминиум құру тәртібі реттелді. Егер ондай ұйым құрылмаса, мұндай мүлікті сырттай басқару құқығы жергілікті атқарушы органдарға беріледі.Су секторын су тасқыны мен құрғақшылықтың алдын алу үшін климаттың өзгеруіне бейімдеу шаралары реттелді. Су саласын цифрландыру аясында Ұлттық ақпараттық жүйе құру көзделіп отыр.Су шаруашылығы құрылыстарын есепке алу, олардың жағдайын бағалау, баламалы су көздерін пайдалану, еріген қар суын арнайы рұқсатсыз жинау және суаруға пайдалану, су нысандарын бақылау бойынша нақты нормалар енгізілді.Кодекс сумен жабдықтау және су бұру жүйелерін дамыту, нөсер және дренаждық ағындарды реттеу, иесіз жүйелерді коммуналдық меншікке беру жөніндегі нормаларды қамтиды. Сондай-ақ өнеркәсіптік қажеттіліктер үшін ауыз судың орнына техникалық суды пайдалану және техникалық аудит негізінде сумен жабдықтау және су бұру инфрақұрылымын жоспарлы жаңарту шаралары көзделген.Жерасты суларын іздеу, бағалау, бақылау және қорғау жұмыстарын реттеу енді министрліктің құзыретіне беріледі. Бұл мәселелермен Су ресурстары және ирригация министрлігінің құрамындағы Ұлттық гидрогеологиялық қызмет айналысады.Су ресурстарын басқару шешімдеріне жұртшылықтың қатысуы кеңейтілді. Бассейндік кеңестер су пайдаланудың рұқсат етілген көлемдерін қысқарту, су тасқыны мен құрғақшылыққа қарсы іс-шаралар, сондай-ақ жергілікті атқарушы орган жіберген бұзушылықтарды түзету жөнінде ұсыныстар бере алады.

Су ресурстарын басқарудағы қоғамдық бақылау: Жаңа Су кодексіндегі басты жаңалықтар

<a href="https://kyzylorda-news.kz/">Kyzylorda-news.kz</a> Отан қорғаушы күні қарсаңында Оқу-ағарту министрі Ғани Бейсембаев мектептерде алғашқы әскери және технологиялық дайындық пәнінен сабақ беретін 40 мұғалімді ведомстволық наградалармен марапаттады. Іс-шараға Қорғаныс министрінің орынбасары Қаныш Әбубәкіров қатысты.Министр ұстаздарды мерекемен құттықтап, жастарды азаматтық және патриоттық құндылықтарға тәрбиелеуде олардың маңызды рөл атқаратынын атап өтті. Сонымен қатар, Оқу-ағарту министрлігі мен Қорғаныс министрлігі бірлесіп спорт секцияларын дамыту, АӘТД кабинеттерін жабдықтау, әскери бөлімдерге экскурсиялар ұйымдастыру, «Жас сарбаз» қозғалысын қолдау және кадрлар даярлау сапасын арттыру бағытында жұмыс жүргізіп жатқанын айтты.<blockquote>«Қазіргі таңда еліміздің мектептерінде 5 мыңға жуық АӘТД пәнінің мұғалімі қызмет етуде. Бұл пән жас ұрпақты тәртіпке, жауапкершілікке баулып, әскери қызмет пен Отанға деген құрметті қалыптастыруда маңызды рөл атқарады. Сіздер – елін сүйетін, бейбітшілікті қадірлей білетін өскелең ұрпақты тәрбиелеуге елеулі үлес қосып, ерлік пен азаматтық борыштың мәнін ұғындырып келесіздер», – деді Ғани Бейсембаев.</blockquote>Министрдің айтуынша, өскелең ұрпақтың рухани-адамгершілік тәрбиесі мен азаматтық ұстанымын қалыптастыру – білім беру саласындағы мемлекеттік саясаттың негізгі басымдықтарының бірі.Кәсіби шеберлігі мен тәрбие ісіне қосқан үлесі үшін 9 педагог «Еңбек ардагері» медалімен, ал 30-дан астам мұғалім «Білім беру ісінің құрметті қызметкері» төсбелгісімен марапатталды.Жиын соңында министр ұстаздарға адал еңбегі үшін алғыс білдіріп, педагог мәртебесін көтеру мен қолдаудың министрлік жұмысының негізгі бағыттарының бірі екенін атап өтті.<img src="https://knadmin.beoblood.kz/uploads/Whats_App_Image_2025_05_05_at_18_22_59_6170929daf.jpeg" alt="WhatsApp Image 2025-05-05 at 18.22.59.jpeg">

Мереке қарсаңында пән мұғалімдері марапатталды

<a href="https://kyzylorda-news.kz/">Kyzylorda-news.kz</a> Қазақстан ТЖМ ауылдық елді мекендердегі қауіпсіздікті нығайту бойынша жүйелі жұмысты жалғастыруда. Осының шеңберінде жергілікті атқарушы органдарды өртке қарсы қорғауды нығайтуға қолдау көрсету бойынша «Ауыл құтқарушылары» бағдарламасы іске асырылуда. Ауыл-біздің қоғамымыздың негізі, ауыл тұрғындарының қауіпсіздігін қамтамасыз ету министрліктің тұрақты назарында.Жоба төтенше жағдайлар министрі генерал-майор Шыңғыс Әріновтің басым бастамаларының біріне айналды. Осылайша мемлекеттік өртке қарсы қызмет пен еріктілер кезең кезеңімен өңірлерге бірыңғай қолдауды белсенді дамытуда.Бағдарламаның мақсаты мемлекеттік өртке қарсы қызмет жоқ шалғай елді мекендерде жедел және тиімді көмек жүйесін құру. Табиғи жағдайлар мен қашықтықты ескере отырып, бұл жерде уақтылы ден қою өте маңызды.<blockquote>&nbsp;«Ауыл халқы да қалалардың тұрғындары сияқты қорғалуы керек. Ерікті құрылымдар ден қою жүйесінің толыққанды бөлігіне айналады. Қауіпсіздік деңгейін және тұрақты инфрақұрылымды арттыру үшін нақты жағдайлар жасалуда, онда тұрғындардың өздері маңызды рөл атқарады», - деп министр атап өтті.</blockquote>Бағдарлама шеңберінде ТЖМ ауыл әкімдіктеріне өрт сөндіру техникасы мен жабдықтарын береді, ерікті өртке қарсы құралымдар мен бекеттер желісі дамуда, еріктілердің кезекшілігі мен жұмысы үшін жағдай жасалуда, барлық жергілікті бөлімшелер үшін бірыңғай визуалды сәйкестендіру енгізілуде.Жыл басынан бері Абай, Алматы, Қарағанды, Солтүстік Қазақстан және Шығыс Қазақстан облыстарының &nbsp;мемлекеттік өртке қарсы қызмет жоқ ауылдық елді мекендерінде ведомство басшысының қатысуымен 5 ерікті бекет ашылды. Осы бөлімшелерге &nbsp;қызмет атқару үшін заманауи техника, жабдықтар мен киім-кешектер берілді.Биылғы жылдың соңына дейін елде 40 ерікті өртке қарсы құралым мен жергілікті атқарушы органдардың бекетін құру жоспарлануда. Оларды қамтамасыз ету үшін министрлік 150 бірлік өрт техникасын беруді көздеді. Сондай-ақ жұмыс істеп тұрған 34 ерікті өрт сөндіру бекетін кезең-кезеңімен жаңартуға ерекше назар аударылды. Бұл төтенше жағдайларға ден қоюдың жеделдігі мен тиімділігін едәуір арттыруға мүмкіндік береді.Қазақстан ТЖМ ауыл қауіпсіздігіне, өртке қарсы қауіпсіздікті, азаматтардың сенімін нығайтуға және еріктілік мәдениетін дамытуға жүйелі көзқарасқа стратегиялық үлес қосады.

ТЖМ ауылдық жерлерде қауіпсіздікті нығайтады

<a href="https://kyzylorda-news.kz/">Kyzylorda-news.kz</a> Аудан әкімі Ардақ Ибраимовтың төрағалығымен қатты тұрмыстық қалдықтарды қайта өңдеу мәселесі қаралды.Мәжілісте қалдықтарды жинау, сұрыптау және қайта өңдеу жұмыстарының қазіргі жағдайы талқыланып, жан-жақты ұсыныстар қарастырылды.Аудан әкімі бұл бағытта тиісті мекемелер тарапынан жүйелі әрі нәтижелі жұмыс жүргізілуі керектігін атап өтті.Жиын қорытындысымен күн тәртібінде қаралған мәселе бойынша тиісті сала басшыларына нақты тапсырмалар жүктелді.<img src="https://knadmin.beoblood.kz/uploads/Zhala_ash_audany_zhinalys_2_7da50bd4a3.jpg" alt="Жалағаш ауданы жиналыс 2.jpg">

Тұрмыстық қалдықтарды қайта өңдеу мәселесі қаралды

<a href="https://kyzylorda-news.kz/">Kyzylorda-news.kz</a> "Жолаушылар тасымалы" АҚ пойызға отырарда қандай заттарды алып жүруге болмайтынын еске салады, деп хабарлайды <a href="https://baq.kz/poyyzda-qanday-zattardy-alyp-zhuruge-bolmaydy-200012947/">BAQ.KZ тілшісі.</a>Қазақстан заңына сай, кейбір қауіпті заттарды пойызға алып өтуге мүлде тыйым салынған. Мұндай әрекет үшін жауапкершілік қарастырылған.Пойызда алып жүруге тыйым салынған заттар:<ul><li style="text-align:justify;">Жарылғыш заттар мен құрылғылар;</li><li style="text-align:justify;">Бензин, метанол сияқты тез тұтанатын сұйықтықтар;</li><li style="text-align:justify;">Жанғыш қатты заттар;</li><li style="text-align:justify;">Улы немесе күшті әсері бар химиялық заттар;</li><li style="text-align:justify;">Жұқпалы немесе биологиялық қауіпті материалдар;</li><li style="text-align:justify;">Атыс қаруы мен пышақ, кастет, сойыл сияқты суық қарулар;</li><li style="text-align:justify;">Оқ-дәрілер мен түрлі патрондар.</li></ul>Жолаушылар пойызға мінбес бұрын арнайы тексерістен өтеді. Барлық ірі вокзалдар заманауи қауіпсіздік құрылғыларымен жабдықталған: металл іздегіштер, рентген аппараттары, бейнебақылау жүйелері жұмыс істейді. Сонымен қатар, қауіпсіздікті полиция мен күзет қызметкерлері тәулік бойы қадағалап отырады.Пойыз ішінде де бақылау бар. Вагондарда орнатылған бейнекамералар арқылы қозғалыс үнемі тексеріледі. Бұл жазбалар тек арнайы мамандарға қолжетімді.Жолаушылар тасымалының мәліметінше, қазіргі таңда "Тальго" пойыздарының 24 құрамында 1350 камера жұмыс істеп тұр.Фото: Нұрболат Нұржаубай

Пойызда қандай заттарды алып жүруге болмайды?

<a href="https://kyzylorda-news.kz/">Kyzylorda-news.kz</a> 2024 жылғы ақпаннан бастап заңнамалық тұрғыдан азаматтардың кредиттер алудан ерікті түрде бас тарту құқығы («Стоп кредит» сервисі) енгізілді. Бұл арнайы қорғану тетігі, оның көмегімен әрбір қазақстандық банктерде және микроқаржы ұйымдарында жаңа кредиттер алуға тыйым салуды дербес енгізе алады.&nbsp;«Бірінші кредиттік бюро» АҚ деректері бойынша, бүгінгі күні 2 млн азамат кредиттер мен микроқарыздар ресімдеуге ерікті түрде тыйым салуға өтінім беріп, осы мүмкіндікті дербес пайдалана алды.«Стоп кредит» сервисін қалай пайдалануға болатыны және ол қандай алаяқтық схемалардан сақтай алатыны жөнінде Fingramota.kz-пен қарастырып көрелік.Азаматтарды алаяқтық схемалардан қорғау мақсатында Қазақстанда банктік қарыздар мен микрокредиттер алудан өз еркімен бас тартуға мүмкіндік беретін «Стоп кредит» мемлекеттік қызметі енгізілді.«Стоп кредит» — бұл eGov.kz порталындағы және е-GOV mobile мобильді қосымшасындағы тегін мемлекеттік қызмет, оның көмегімен әрбір азамат шектеусіз уақытқа банктік қарыздар мен микрокредиттер беруге &nbsp;тыйым салу белгілей алады. &nbsp;Мұндай шектеуді тек қарыз алушының өзі белгілейді және кез келген уақытта ол кредит алуға тыйым салуды алып тастай алады.&nbsp;2024 жылғы 1 қыркүйектен бастап банктер мен МҚҰ қарыз алушының кредит тарихында кредиттерден ерікті түрде бас тарту туралы ақпарат болған жағдайда кредит бойынша берешекті есептен шығару міндеті бойынша заңнамалық түзету қолданылады. Яғни, егер азамат кредит алудан ерікті түрде бас тарту орнатса, алайда осы кезеңде оған заңсыз &nbsp;кредит ресімделген болса, онда банк немесе МҚҰ қарыз бойынша берешекті есептен шығаруға міндетті болады.«Стоп кредит» мемлекеттік қызметі қалай жұмыс істейді?1. &nbsp;Сіз тыйым салуды eGov.kz немесе eGov Mobile арқылы ресімдейсіз.2. &nbsp;Кредиттік бюролар сіздің шешіміңізді дерекқорда бекітеді.3. &nbsp;Банктер мен микроқаржы ұйымдары кредитті мақұлдамас бұрын тыйым салудың бар не жоқ болуын тексеруге міндетті. &nbsp;&nbsp;4. Сіз «Стоп кредит» қызметін қолданған жағдайда, сіздің кредитік тарихыңызға немесе кредиттік рейтингіңізге қарамастан, банк немесе МҚҰ Сізге қарыз беруден автоматты түрде бас тартады. &nbsp;&nbsp;«Стоп кредит» қызметін қалай пайдалануға болады?&nbsp;Қызметті&nbsp;смартфон арқылы&nbsp;пайдалану үшін&nbsp;сізге:<ul><li style="text-align:justify;">- eGov.kz порталына кіріп, «Кеден және салықтар» бөліміне өту;&nbsp;</li><li style="text-align:justify;">- тізімнен «Экономика және қаржы» бөлімін таңдап, «Банктік қарыздар, микрокредиттер алудан ерікті түрде бас тарту» қызметін таңдау;&nbsp;</li><li style="text-align:justify;">- қажетті жолды толтырып, ЭЦҚ көмегімен өтінімге қол қою;</li><li style="text-align:justify;">- қызмет нәтижесімен Жеке кабинетте танысу&nbsp;қажет.</li></ul>Осы қызметті &nbsp;компьютер арқылы да қосуға болады, ол үшін:<ul><li style="text-align:justify;">- өз логиніңізді және құпиясөзіңізді пайдалана отырып, ЭЦҚ көмегімен egov.kz сайтына кіріңіз;</li><li style="text-align:justify;">- сайттың негізгі бетіндегі «Сервистер» бөлімін таңдаңыз - &nbsp;« &nbsp; &nbsp;мерзімімен банктік қарыздар, микрокредиттер алудан ерікті түрде бас тарту» &nbsp;- «Қызметке онлайн тапсырыс беру»;</li><li style="text-align:justify;">- барлық міндетті жолдарды толтырып, ЭЦҚ арқылы өтінімге қол қойыңыз.</li></ul>Бұрын белгіленген шектеулерді алып тастау үшін пайдаланушыға:<ul><li style="text-align:justify;">- «Банктік қарыздар, микрокредиттер алудан ерікті түрде бас тарту» қызметін таңдау;</li><li style="text-align:justify;">- «Қызметтен бас тартқыңыз келе ме?» сұрағына «Иә» деп жауап беріп, қол қоюдың қолжетімді әдістерінің бірімен қол қою&nbsp;қажет.</li></ul>«Стоп кредит» сервисі неден қорғайды?1. Алаяқтардың кредитті ұрланған жеке деректеріңіз бойынша ресімдеуі. Мысалы, Сіз жеке куәлігіңізді жоғалттыңыз немесе оның деректері алаяқтардың қолына түсті. Олар онлайн-өтінімдерді пайдаланып, банкте немесе МҚҰ-да кредит ресімдейді. Егер Сізде «Стоп кредит» болса, жүйе кредит беруге мүмкіндік бермейді және кредиттік ұйым автоматты түрде кредит ресімдеуден бас тартады.&nbsp;2.&nbsp;Қарызды рұқсатсыз кірген онлайн-банкинг арқылы ресімдеу.&nbsp;Мысалы, алаяқтар сіздің онлайн-банкингіңізге рұқсатсыз кірді дерлік&nbsp;(фишингтік сайттар немесе қолды болған мәліметтер базасы арқылы).&nbsp;Әдетте олар сіздің атыңызға бірнеше рет басу арқылы кредит ресімдей алады. Алайда, «Стоп кредит» іске қосылып тұрса, рұқсатсыз ашылған аккаунттың өзі көмектеспейді – қарыз&nbsp;мақұлданбайды.3.&nbsp;«Жалған банкирлердің» қатысуымен болатын алаяқтық схемалар.&nbsp;Мысалы, олар сізге «банктен»-мыс қоңырау шалып, атыңызға біреу кредит алмақшы деп хабарласады. Олар сізді ақша аударуға немесе кредит алуға және ақшаңызды «қауіпсіз шотқа аударуға» сендіреді. Егер сіз «Стоп кредит» қызметін алдын ала қосқан болсаңыз, алаяқтар деректеріңізді алғанның өзіне қарыз ресімдей алмайды.4.&nbsp;Алаяқтардың немесе таныстардың психологиялық қысымы.&nbsp;Мысалы, сізге «қаржы кеңесшісі» немесе «тиімді бизнес» деген сылтаумен кредит алуға көндіретін досыңыз қоңырау шалды делік. Сіз мұны істегіңіз келмейді, бас тартуға да қиналдыңыз. Егер сіз «Стоп кредит» қызметін қосқан болсаңыз, онда ол онлайн-кредиттерді беруді автоматты түрде бұғаттайды, тіпті қысым болған жағдайда да ешкім сіздің атыңызға қарыз рәсімдей алмайды.Егер сіз жақын арада кредит алуды жоспарламасаңыз, eGov.kz арқылы өзіңізге қарыз алуға тыйымды рәсімдеңіз – бұл тегін және бірнеше минут уақытыңызды алады. Кредит алудан ерікті түрде бас тарту («Стоп кредит» сервисі), егер деректеріңіз алаяқтардың қолына түссе де, сізді үлкен қаржылық проблемалардан сақтай алады.Назар аударыңыз!Бұл жаңашылдықты алаяқтар пайдаланғанын атап өткен жөн – олар ерекше алдау схемасын әзірледі. Банк қызметкерінің атын жамылған алаяқ ықтимал жәбірленушіге қоңырау шалып, қазіргі уақытта оның атына кредит алуға өтініш берілгенін хабарлайды. Қоңырау шалушы: «Сіз кредит ресімдеуге әрекет еткеніңізді растайсыз ба?» деген сұрақ қояды. Әдетте, азаматтар ешқандай өтініш берген жоқпыз деп бас тартады. Алаяқ мұндай жауапты болжап, кредит алуғаге өтінімнің күшін жойғанын хабарлайды, содан кейін мұндай жағдайды болдырмау үшін ол «Стоп кредит» сервисін &nbsp;пайдалануды ұсынады. Ол үшін ол азаматқа банктің ресми сайтына сілтеме жібереді, онда кредиттен ерікті түрде бас тартуды белгілеу үшін нысанды толтыру қажет.&nbsp;Шын мәнінде, бұл сілтеме жеке және қаржылық ақпаратты жинау үшін құрылған&nbsp;фишингтік сайтқа&nbsp;апарады. Осы сайттағы нысанды толтырғаннан кейін тұтынушылар алаяқтарға өздерінің дербес деректерін береді.БІЛУ МАҢЫЗДЫ! Кредиттерді беруге өз бетінше тыйым салуды банктердің сайттарында емес, электрондық үкімет порталындағы жеке кабинетте немесе eGov мобильді қосымшасында ғана дербес қоюға болады. Сондықтан, алаяқтардың айла-амалдарына берілмеңіз және қоңырау шалушы бейтаныс адамдар сізге нұсқау беріп, SMS немесе мессенджерлер арқылы түсініксіз сілтемелерге өтуді ұсынған кезде аса мұқият және сақ болыңыз.

Кредиттер мен микроқарыздар ресімдеуге ерікті түрде тыйым салу: қазақстандықтарға нені білу маңызды

<a href="https://kyzylorda-news.kz/">Kyzylorda-news.kz</a> Қармақшы ауданында Қазақстан &nbsp;Республикасының еңбек сіңірген жаттықтырушысы Серікбаев Әділбек Үргенішбайұлын еске алуға арналған жасөспірімдер арасында самбодан республикалық &nbsp;турнир басталды.&nbsp;Дүбірлі спорт додасының ашылу салтанатына аудан әкімі Жандос Еркінбек қатысып, спорт қайраткерінің өнегелі өмір жолы мен спорт саласының дамуына қосқан өлшеусіз үлесі туралы сөз қозғап, жарысқа қатысушы спортшыларға сәттілік тіледі.&nbsp;<blockquote>– Әділбек Үргенішбайұлы саналы ғұмырында Сыр спортының дамуына айрықша үлес қосты. Жүз шайыр шыққан киелі өңірді, жүз спорт шебері шыққан балуандар өлкесіне айналдырды. Ол 30-дан астам халықаралық дәрежедегі спорт шеберін, 100-ден аса спорт шебері мен бірнеше Әлем және Азия чемпиондарын дайындап шығарды. Оның қос бірдей шәкірті Мақсат Исағабылов пен Еламан Ерғалиев «Қазақстан Барысы» республикалық турнирінің жеңімпаздары атанып, ел мақтанышына айналды, &nbsp;– деді аудан әкімі.&nbsp;</blockquote>Сонымен қатар, спорттық іс-шараның ашылу салтанатына аудандық мәслихат төрағасы Ә. Қошалақов, Қызылорда облысы бойынша «Жер ресурстары» жер ресурстарын басқару департаментінің басшысы Қ. Тоғызбаев қатысып, &nbsp;республикалық турнирдің салтанатты ашылуымен құттықтады.&nbsp;Биыл бесінші мәрте ұйымдастырылып отырған дәстүрлі спорт додасында Өзбекстан, Қырғызстан, Тәжікстан Республикаларынан және еліміздің барлық аймағынан 12 команда, 130-ға жуық спортшы бақ сынайды.<img src="https://knadmin.beoblood.kz/uploads/Sambo_respublikaly_turnir_ce8f8f4026.jpg" alt="Самбо республикалық турнир.jpg">

Жастар республикалық турнирде бақ сынады

<a href="https://kyzylorda-news.kz/">Kyzylorda-news.kz</a> Синоптиктердің болжамы бойынша, 5 мамырда антициклон салдарынан еліміздің басым бөлігінде ауа райы жауын-шашынсыз әрі жылы болады.<blockquote>- Қазақстанның батысы мен шығысында ғана атмосфералық фронтальды бөліктердің жылжуына байланысты найзағай ойнап, жаңбыр жауады, батыс өңірде нөсер жаңбыр жауып, бұршақ түсуі мүмкін, - деп ескертті&nbsp;«Қазгидромет» РМК.</blockquote>Фото: freepik.com

Жаңбыр, бұршақ жауады: 5 мамырға арналған ауа райы болжамы  

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Н.Ілиясов ауылында «Абзал және К» толық серіктестігінің жүлдесі үшін жасөспірімдер арасындағы дзюдодан республикалық турнирдің ашылу салтанатына қатысты. Іс-шараға спорт және туризм басқармасының басшысы Бахтияр Артаев, облыстық мәслихат депутаты Жұмабек Ембергенов, Сырдария ауданының Құрметті азаматы Марат Омаров және «Абзал және К» толық серіктестігінің директоры Мағжан Ералиев қатысты.Спорттық іс-шарада аудан басшысы құттықтау сөз сөйлеп, жарысқа қатысушыларға сәттілік тіледі.<blockquote>– Мемлекет басшысы Қасым-Жомарт Кемелұлы Тоқаев Қазақстан халқына арнаған «Әділетті мемлекет. Біртұтас ұлт. Берекелі қоғам» Жолдауында спорт саласы бойынша әр облыста және ірі аудан орталықтарында саламатты өмір салтын қалыптастыру үшін арнайы спорт орталықтарын ашу қажет деді. Қазақстан Президентінің бұл тапсырмасы Үкімет басшысы және облыс әкімі Нұрлыбек Машбекұлы Нәлібаевтың қолдауымен Сыр елінде қарқынды жүргізілуде. Өткен жылы «Самұрық қазына траст» қорының демеушілігімен 3 млрд. 400 млн.теңгеге «Үстел теннисі орталығы» салынып, халыққа қызмет етуде.</blockquote>Облыс орталығында халықаралық стандарттарға сай келетін 11 мың орындық орталық стадион бой көтеруде. Сонымен қатар, «Қызылорда Арена»көпбейінді спорт кешенінің құрылысы басталып, келесі жылы ел игілігіне берілетін болады. «Қазақстан халқына» қорының қолдауымен көпсалалы дене шынықтыру-сауықтыру кешенінің іргетасы қаланды. Жаңа нысан жыл соңына дейін пайдалануға беріледі.<blockquote>Алдағы күндері бірқатар спорттық үйірмені қоса қамтитын «Шығармашылық академиясы» ашылады. Дені сау ұрпақ – ұлт болашағы екенін ескерсек, жастарымыздың ертеңі үшін осындай спорттық іс-шаралардың маңызы ерекше. Өскелең ұрпақтың денсаулығын шыңдау үшін спорттық жарысты ұйымдастырушы Қазақстанның Еңбек Ері Абзал Ералиевке шынайы алғысымды білдіремін, – деді Берік Әбдіғаппарұлы.</blockquote>Турнирдің ашылуында облыстық дене шынықтыру, спорт және туризм басқармасының басшысы Бахтияр Артаев және «Абзал және К» толық серіктестігінің директоры Мағжан Ералиев те сөз сөйлеп, жыл сайын ұйымдастырылып жатқан байрақты бәсекеге қатысушыларға сәттілік тіледі.Бүгінде Нағи ауылында ашық турнирлерді тұрақты ұйымдастыру үрдіске айналған. 2012 жылдан басталып, биыл 14-ші рет жалауын желбіреткен республикалық турнир спортшылардың үлкен жетістіктерге жетуіне мүмкіндік жасауда. Елді мекенде «Абзал және К» толық серіктестігінің жүлдесі үшін үстел теннисінен де ашық турнирлер жыл сайын өткізіліп келеді.Айта кетейік, жасөспірімдер арасындағы дзюдодан республикалық турнирге еліміздің түпкір-түпкірінен 400-ге жуық спортшы қатысуда.<img src="https://knadmin.beoblood.kz/uploads/Dzyudo_respublikaly_turnir_4b82664f25.jpg" alt="Дзюдо республикалық турнир.jpg">Фото: Сырдария ауданы әкімінің баспасөз қызметі

Архив