<a href="https://kyzylorda-news.kz/ru">Kyzylorda-news.kz.</a> «Келіні жақсы үйдің керегесі алтын». Осы сөздің төркінінде терең мән жатыр. Өйткені шаңырақтың беріктігі, отбасындағы ынтымақ, бардың бағасын білу, ұлағатты ұрпақ тәрбиелеу, бәрі-бәрі келіндердің бойындағы жақсы қасиеттермен астасып жатады. Иә, заман түрленген сайын қазіргі келіндерде жаңа ғасырдың іс-әрекетіне бейімделуде. Тіпті әлеуметтік желінің көмегімен тындырымды тіршілігін оқырман қауымға ұсынып, көптің ықыласына бөленгендер де аз емес. Соның бірі – “робот келін”. Алғашында роботтан келін жасапты деген ой қалыптасуы мүмкін. Бірақ Ақтолқын Серікбай шапшаң тірілігінің арқасында ғаламтордағы аудиториясынан &nbsp;“робот келін” деген атқа ие болды.Оқырмандар бағасы– 23 жасымда тұрмысқа шықтым. Үйдің тіршілігі де, бала бағу да, қызмет атқарып, ата-ене мен жолдасыңның тілін табу да оңай емес. Бірақ бәріне үлгеруге тырысамын. Ғаламтор билеген заманда гаджетсіз өмірді елестете алмайтындай болдық. Үйдегі күнделікті тіршілігімді телефонның көмегімен instagram-ға сала бастадым. Күн сайын үзбей бейнероликтер салғаннан кейін оқырмандар бірте-бірте &nbsp;жинала бастады. Алғашында инстаграмдағы аккаунтымды Ақтолқын Серікбай деп қарапайым түрде аштым. Ол кезде 317-ғана оқырманым бар еді (күліп). Instagram-ның ауқымы кең ғой. Кез келген адамның аудиториясын қарауға мүмкіндік бар. Insta-да батыс пен оңтүстіктің блогер келіндері қалыптасыпты. Адамның істегенін адам істейді деп тәуекелге бел буып, аймақта алғашқы блогер келін ретінде Instagramда пайда болдым. Керек кеңестерді ұсынғаннан кейін оқырман жиналды. Бүгінде 470 мың оқырманым бар. Кейде роликтерден қауырт тіршілігімді көрген оқырмандар “Бәріне қалай үлгересіз?”, “Сіз осы демаласыз ба?”, “Қалай шаршамайсыз?” деген сұрақтарын жаудырады. Алғашында оларға әзілдеп, өзімді “робот келінмін” деп атайтынмын. Кейін осы ат тез таралып, әлеуметтік желіде “робот келін” атанып кеттім.Халықтың келінімін– «Келіннің аяғынан» дегендей үйдегі келіннің жүріс-тұрысынан, бойындағы ізеттілігінен оның тәлім-тәрбиесі, адамгершілігі айқын көрініп тұратыны сөзсіз. «Пәленше үйдің келіні жақсы екен, түгенше үйдің келіні осындай екен» деп, ақ жаулықты апаларымыз келін туралы тек жақсы пікір айтуға әдеттенген. Жалпы барлық адамның көңілінен шығу мүмкін емес. Бірақ қал қадірімізше өзімізді жақсы қырынан танытуға барымызды саламыз. Күн сайын Instagram-дағы Stories арқылы сәлем салып, елмен амандасамын. Үлкендер баталарын жазып, риза болады. Арасында “Неге сәлем саласыз? Сізді өзіңізден кішілер де қарайды ғой” деген хаттар келеді. Сәлем салғаным – мені қарап отырған үлкендерге деген құрметім, ал жастарға берген өнегем деп білемін. Еліміздің кей өңірлерінде бұл дәстүр ұмытылып барады. Мәселен, солтүстік өңірлерде сәлем салу дәстүрі жоқ екен. Сол жақтың келіндері “сәлем салғымыз-ақ келеді, бірақ біз жақта біртүрліқарайды” деп жазады. Мүмкін біз секілді келін-блогерлер “сәлем салу” эстафетасын барша келіндерге жолдасақ, көпшілікте қызығушылық оянып, керемет салтымызды жаңғыртуға болатын шығар. Осы ойымды құптаушылар табылса, эстафета бастауға болады. Ел арасында «халықтың келіні» деген дәрежеге жеткенімді көріп, бойымды мақтаныш сезімі кернейді.Instagram-да сыйлық таратамын– 470 мың адам назарын аударып көретін болған соң, кейде Instagram-дағы оқырмандарымды сергіту аясында сыйлық ойнатамын. Әрине барлығы тегін таратылады. Гив арқылы демеушілер іздеп, оқырмандар үшін ең қажетті сыйлықтарды алуға тырысамын. Өзге блогерлерден айырмашылығым – менде ұйымдастыру алқасы болмайды. Барлығына өзім атсалысамын. Өйткені ұйымдастырушыға сеніп, абыройсыздыққа ұшырағым келмейді.Енесі бар адамдар шаршамайды– Қоғамда ене мен келін тақырыбы жиі қозғалады. Келін туралы да, ене туралы да жағымсыз пікір баршылық. Енесімен бірге тұрып жатқан келіншектерге жаны ашып қарайтындар да жеткілікті. Ал негізінде, келіннің енесімен қара шаңырақта бірге тұрғанның пайдасы мен артықшылығы өте көп. Ата-енемен бірге тұруды құптаймын. “Қарты бар үйдің қазынасы бар” дейді. Жастар үлкендермен бірге тұрса, біраз нәрсе үйренеді. Береке болады. Ата-әженің қолында өскен немере де көпшіл, бауырмал болып өседі. Сол үшін тұрмысқа шыққалы жатқан қыздарға, жас келіндерге “атаңа не қылсаң, алдына сол келеді” дегенді айтқым келеді. Қара шаңырақтан қашпау керек!

Қызылордалық блогерді оқырмандары «робот келін» атап кеткен

Қызылордалықтарға интеллектуалды мектеп артық болмайды

<a href="https://kyzylorda-news.kz/ru">Kyzylorda-news.kz.</a> Жасыл-желекке бөленген орманды аймақ экологиялық тұрғыдан пайдалы десек те, оған біршама шығынның жұмсалатыны рас. Адамның қол еңбегі мен ұзақ уақытты қажет ететін бұл бағытқа алдағы кезеңде өзгеріс енуі мүмкін. Себебі Назарбаев мектебінің оқушысы Бәйдібек Мұсаев ағаш егудің тиімді жолын ұсынды. Орман алқабын көбейтуді көздеген оқу озатының Eco-plant жобасы бір ағашты адам көмегінсіз алты минутта отырғыза алады екен.Бәйдібектің айтуынша, Eco-plant машинасы отынды қажет етпейді, яғни әмбебап құрылғы энергияны күн сәулесінен алады. Бұл өз кезегінде мемлекеттің қаржысын &nbsp;үнемдейді әрі &nbsp;құрылғыны жартылай шөлді немесе далалы аймақта ағаш отырғызу үшін пайдалануға болады.<blockquote>‒ Құрылғы екі қанаттан тұрады, онда екі үлкен цилиндр орналасқан. Үлкен цилиндрде көшеттер мен ағаш отырғызуға арналған сұйықтықтар, бұрғылау қондырғысы және топырақ пен тыңайтқыш қоймасы орналастырылады.Негізінен құрылғы Tesla Semi жүк көлігімен бірге жұмыс істейді, сондықтан пайдаланушыға көптеген мүмкіндік қарастырылған. Айталық, бұрғылау қондырғысы ағашты отырғызу алдында топырақты қопсытып дайындай алады, ал тыңайтқышы бар сұйықтық багы &nbsp;бір уақытта топырақ құнарын жақсартуды жеңілдетеді. Топырақтағы оттегі концентрациясы, ылғалдылығы мен көмірқышқыл газын анықтайтын датчиктер тыңайтқыштар мен су мөлшерін дұрыс таңдауға көмектеседі, бұл ағаштың жылдам өсуін қамтамасыз етеді. Ал биологиялық түрде оңай ыдырайтын крахмал орамасының көмегімен пайдаланушы ағашты топырағымен қоса бір орыннан келесі жерге оңай көшіре алады. Сондай-ақ күн батареяларының көмегімен құрылғы электр жүк көлігінің энергиясын үнемдейді. Автоматты машина топырақты қопсытып, &nbsp;ағашты түсіру үшін және шұңқырды топырақпен толтырып, құрылғыны қайта зарядтауға небәрі алты минут жұмсайды, ‒ дейді идея авторы.</blockquote>Жас өнертапқыштың сөзіне сүйенсек, Еco-plant жүк көлігі орманды қалпына келтіру машиналарын шығаратын Bracke Forest құрылғысына қарағанда ағашты дұрыс әрі тез отырғызады екен.<blockquote>‒ Ағаш отырғызу кезінде жүргізуші Tesla Semi-дің жүру бағытын алдын ала белгілей алады. Өйткені &nbsp;бұл машинаны Wi-Fi модулі арқылы &nbsp;қашықтан басқаруға болады. Ағашты жаңа техникамен отырғызғанда, диаметрі үлкен цилиндрлердің арқасында құрылғы ағашты келесі орынға оңай көшіре алады.Әзірге макет күйінде жетілдіріп жүрген Еco-plant жобасы қала айналасындағы микроклиматқа оң әсер етеді ойлаймын. Алдағы уақыттағы мақсатым – Батыс Еуропа ‒ Батыс Қытай көлік дәлізі бойымен орман алқабын отырғызу, ‒ дейді жас өнертапқыш.</blockquote>

Зияткердің ұрпақтың ұтымды идеясы: Еco-plant немесе адам көмегінсіз ағаш отырғызу

<a href="https://kyzylorda-news.kz/ru">Kyzylorda-news.kz.</a> Жұмыртқа десе, елдің есіне нарықтағы қымбат баға түседі. Құс тұмауының салдары, жылда қайталанатын баға өсімі деп көңілді бірлесек те, құр сөздің көпке жұбату болмайтыны анық. Бірақ бұл мәселенің де шешімі табылар күн алыс емес. Осыдан 1-2 жыл бұрын Назарбаев зияткерлік мектебінің оқушысы Жангерей Зинелов бағасы қолжетімді инкубатор жобасын ұсынған болатын.&nbsp; &nbsp; ‒ Жангерей, Пекинде өтетін IESO ‒ 2021 халықаралық олимпиадасына жолдама алғаныңыз. Мектепте озат оқумен қатар, жан-жақты жобалармен де айналысасыз. Осы орайда әңгімемізді инкубатор құрастыру идеясынан бастасақ…‒ &nbsp;Мен отбасыммен бірге бірнеше жыл бойы тауық асыраумен айналысып, үй құстарының өмір сүру жағдайын зерттедім. Тауықтардың құрыққа жатып, балапандарды басып шығару үрдісі менің қызығушылығымды тудырды. Уақыт өте келе жұмыртқаның барлығынан балапан шыға бермейтінін, кейбір балапандардың толықтай жетіле алмайтынын аңғардым. Осы мәселені жетекшім, биология пәнінің мұғалімі Салтанат Сұлтанғазықызымен талдап, өңірдегі құс шаруашылығы туралы статистикалық мәліметтерді іздестіре бастадым. Нәтижесінде Қызылорда облысында жұмыртқа өндірісінің деңгейі төмен екенін білдік. Нақтырақ айтсам, 2020 жылдың 10 айында жұмыртқа өндірісі ұлттық нормадан 18,2 есе, ал дүниежүзілік денсаулық сақтау ұйымының бекіткен физиологиялық нормасынан 31,1 есе төмен. Жұмыртқа өндірісін арттыру және азық-түлік қауіпсіздігін қамтамасыз ету үшін біз мектеп жағдайында инкубатор жасау туралы идеяны ойластырып, жүзеге асырдық. Жетекшіммен бірге инкубатордың құрылысын жоспарлап, әртүрлі әдебиеттерден материалдардың қасиеттері және бағалары туралы ақпарат жинақтадық. Ғаламтор желісі арқылы қажетті материалдарға тапсырыс беріп, бір ай көлемінде инкубаторды құрастырып шықтық.‒ Құрылғының жұмыс істеу механизмі қандай? Тәжірибеден кейінгі нәтиже өзіңіз күткендей болды ма?‒ Инкубатордың құрылысына тоқталсам, корпусы пеноплэкс материалынан жасалған. Сонымен қатар 40 ватт, 220 вольтты құрайтын 2 шам, компьютерлік кулер (вентилятор), автоматты жұмыртқа айналдыратын лоток, сандық таймер, термореттегіш және су құюға арналған ыдыс (лоток) орналасқан. Жұмыртқаның жұмыс істеу механизмі балапандардың шығуы үшін оптимальды жағдайлар қалыптастыруға негізделген. Автоматты жұмыртқа айналдыратын лоток жұмыртқалардың дұрыс орналасуы үшін және ішіндегі ағзалық заттардың бір бетке жабысып қалмауы мақсатында екі сағат сайын айналып тұрады. Автоматты лотоктың астында су құюға арналған ыдыс қойылған, ол балапандарға суды буландыру арқылы жеткізу үшін қажет. Инкубатордың ішкі жоғары бөлігінде компьютерлік кулер әрбір 10 минут сайын 20 секундқа іске қосылып, артық көмірқышқыл газын сыртқа шығарады. Сандық таймер барлық жүйемен байланысып, желдеткіш пен автоматты лотоктың белгілі уақыт бойынша жұмыс істеуін қамтамасыз етеді. Ал термореттегіш балапандардың дамуы үшін шамнан бөлінетін жылуды оптимальді 38,8 С температурада сақтайды. Біз тәжірибені 2 жыл бойы жалғастырдық. Алдымен жақсы жетілген эмбрионы бар жұмыртқаларды овоскоп құралы арқылы анықтап, іріктеу жасадық. Сонымен қатар ғылыми тәжірибе жүргізу мақсатында кальций дұрыс таралмаған жұмыртқаларды да алдық. Тауық балапандары 21 күнде шыға бастады. Инкубаторға салынған 19 жұмыртқадан 12 балапан жұмыртқаны жарып шықты.‒ Балапанды жұмыртқадан жасанды жолмен шығаруға арналған аппарат бұрыннан қолданыста бар. Ал сіз ұсынған жобаның басты артықшылығы неде? &nbsp;Кемшін тұстары жайында не айтар едіңіз?‒ Жоба экономикалық тұрғыдан тиімді, себебі қажетті материалдар қолжетімді және бағасы арзан. Жоғарыда айтып өткен пеноплэкс материалының артықшылығы, ол тоқ көзіне қосылмаған жағдайда да 2 сағатқа дейін жылуды инкубатор ішінде сақтап қалады. Бұл құрылыстағы ең жақсы жылуоқшаулағыш материал болып есептеледі. Сонымен қатар оның салмағы айтарлықтай жеңіл, мектеп немесе үй жағдайында оңай тасып жүруге болады. Осы арқылы экономикалық шығынның алдын алып, өнімділікті арттыра аламыз. Ал өндірістегі инкубатор бағасы шамамен 60 000 теңгеге бағаланады, себебі корпусы металдан жасалған. Сәйкесінше ол ауыр әрі алып жүруге қолайсыз. Ал біздегі инкубатордың бір кемшілігі, автоматты жұмыртқа айналдыратын лотокқа 42 жұмыртқа ғана сыяды.‒ Мектебіңіз жайлы ой бөліссеңіз…‒ Біздің мектепте жыл сайын дәстүрлі түрде мектеп президенті сайланады және оған әр сыныптан үміткер өз сайлауалды бағдарламасын ұсынады. Сайлауда мұғалімдер мен оқушылар дауыс беру құқығына ие. Қазан айында мен де өз бағдарламамды оқушыларға таныстырдым, нәтижесінде ең жоғары дауыс жинап, мектеп президенті атандым.Президент ретінде мен сайлауалды бағдарламада көрсетілген жобаларды жүзеге асыруға талпыну үстіндемін. &nbsp;Әр ай сайын іс-шаралар тізімін жасап, өзін-өзі басқару кеңесіне орындалу жоспарын тапсырамын. Жобалардың ережелерін құрастырып, мұғалімдермен бірге сайыс пен білім байқауын өткіземін. Өзге НЗМ мектеп президенттерімен келіссөздер жүргізіп, ортақ идеяларды жүзеге асырамын. Оқушылардың оқу жөніндегі мәселелерін шешуге көмектесемін. Бір сөзбен айтқанда, мектеп әкімшілігі мен оқушылар арасындағы байланысты жақсарту үшін оқушылар бірлестігі атынан жұмыс атқарамын.Жалпы өзім мектептен тыс іс-шаралармен де айналысып, академиялық және ғылыми табыстарға қол жеткізуді қалаймын. Осы бағытта жиі ізденіп, білім алуға тырысып жүрмін. Нәтижесінде Назарбаев Зияткерлік мектептер желісінде дәстүрлі түрде өтетін пәндік олимпиадада Қазақстан тарихы пәнінен &nbsp;ІІ орын иелендім, сонымен қатар «Дарын» республикалық ғылыми-практикалық орталығының ұйымдастыруымен өткен олимпиадада химия, биология, Қазақстан және дүниежүзі тарихы пәндерінен жүлделі орынды иелендім. «DOSTYK KZ» жастар саясатын дамытуға бағытталған әлеуметтік жобалар байқауында әріптесім Әбілқайыр Ерғалиев екеуміз бірігіп жасаған «Диабет мектебі» жобасын қорғап, бас жүлдені жеңіп алдық. Сондай-ақ Гете институты мен неміс театры ұйымдастырған VI жасөспірімдер театралды фестивалінде мектеп командасымен қатысып, «Үздік видео-концепт» номинациясына қол жеткіздік.‒ Сұхбатыңызға рақмет!

Қызылордалық Жангерей Зейнелов инкубатор ойлап тапты

<a href="https://kyzylorda-news.kz/ru">Kyzylorda-news.kz.</a> Баспана туралы естігенде есімізге журналист Қали Сәрсенбайдың баспаналы болған сәті еріксіз еске түседі. Оны Ержан Байтілес әдемі суреттеген.&nbsp;«Қали Сәрсенбай төрт баласымен Алматының төрт бұрышынан пәтер жалдаған «көшпенділердің» қатарынан қалмады. «Алматыда мен алдын көрмеген орыс кемпір қалмады ғой. Отызға жуық пәтер ауыстырыппын», – деп отыратын Қалағаңның өзі. Тәуелсіздік келгеннен Қали Сәрсенбай «Егемен Қазақстан» газетінен пәтер алады. Қаншама жыл зарығып жеткен қуанышы ғой, сол сәттегі оның сезімін бір сөзбен айтып жеткізе алмаспыз. «Ақсайдағы» төрт бөлмелі үйге кіріп, балалары бір бұрышта тып-тыныш көздері бақырайып отыр дейді. Балаларының үрпиіп отырған түрін көрген әке олардың жанына жақындап неге үнсіз отырғанын сұрамай ма?! Сөйтсе, үлкен қызы Мөлдір: «Қожайын ұрсады ғой», – деп жауап беріпті…&nbsp;Ойын баласының қожайыннан сескеніп, именіп, ойындағысын айта алмай, әрі-беріден соң бала болып алаңсыз ойнамайтынын естігенде Қалағаңның көзіне жас келіп, төрт баласын құшағына қыса беріпті», – дейді. Осыдан келе баспананың өзектілігіне көз жеткізуге болады. Пәтерден-пәтер жағалап қанша жылдан бері қиналған адам ғана пәтер кілтін иеленудің қандай бақыт екенін сезеді. Оның үстіне көп қабатты үйлер көптеп салынуда. Сол жағалауда да жаңа үйлер бой көтеріп, халық игілігіне берілуде. Биыл ғана баспана кілтін алған Наурызбайдан пәтер алудың тиімді тұстарын сұрадық. Наурызбай Мирамханұлы – «Ана мен бала» орталығы облыстық перзентханада невропатолог дәрігер. Жары Жансая Мұхтарқызы Тереңөзек кентіндегі №210 орта мектепте информатика және математика пәнінің мұғалімі.– Қоныс құтты болсын! Бүгінде баспанаға мұқтаж отбасы көп қой…– Иә, пәтерден-пәтерге көшіп жүргендерді аз кездестірмейсіз. Бүгінде екінің бірі баспанаға мұқтаж десек артық емес. Себебі, баспана алғысы келетіндер қатары көп. Оны өзім баспана кезегіне тұрған кезде аңғардым. Десе де баспаналы боламын дегендерге қарастырылатын жеңілдіктер жетерлік. Мәселен, «Нұрлы жер», «Шаңырақ», «Бақытты отбасы», «Орда», «Баспана хит» жақында шыққан «Ұмай» бағдарламасы да тұрғын үй кезегінде тұрғандарға септігін тигізбек. Өзіме келер болсақ, оқуымды 2018 жылы Қарағанды қаласында аяқтаған соң, отбасы жағдайыма байланысты, туған жеріме оралдым. Сұраныс бойынша ОПО «Ана мен бала» орталығына невропатолог дәрігер болып жұмысқа тұрдым. Сол уақыттан бері үй алғанға дейін ауданнан қалаға қатынап жұмыс істедім. Шыны керек, 50 шақырым жолмен қатынау қиынға соқты. Қаншама рет облыстық денсаулық сақтау басқармасынан көмек сұрадым. Бірақ олар ешқандай көмек көрсете алмады. Сол себептен ТҰЖБ-дан &nbsp;есепшот ашып, өзім қаржы салып, жинай бастадым. 2020 жылы ТҰЖБ сол жағалаудан «Нұрлы жер» бағдарламасы бойынша бюджет қызметкері ретінде конкурс жариялады. Бірақ менде 20 пайыз алғашқы жарна жеткіліксіз болды. Туған туысқандарым көмек көрсетіп, 1600000 теңге алғашқы жарнасын бердік. Осылайша конкурстан &nbsp;жеңіп шықтым. Сол арқылы 2 бөлмелі пәтерге ие болдым. Міне, сол жағалаудан бой көтерген, жаңа баспанада тұрып жатқан жайымыз бар. Үйіміздің іші кең, әрі әдемі.– Баспана кезегінде тұрғаныңызға қанша уақыт болды?&nbsp;– Баспана кезегіне ертерек тұрып қойғанның артығы жоқ екен. Мен Қызылордаға келген кезде баспанадан қиналдым ғой, сондықтан да баспана алуға ұмтылдым. Бірден кезекке тұруды, есеп ашуды қолға алдым. Кезекке тұрғаныма 2 жылдан асыпты. Осы уақыт ішінде баспанаға қол жеткізгенімізге қуаныштымын.– Қай бағдарлама арқылы үй алдыңыз, сіз үшін ол бағдарлама несімен тиімді болды?– &nbsp;Тұрғын үй саласында бұған дейін болған барлық механизмдер “Нұрлы жер” бағдарламасына енгізілді. Отбасы банк ипотекадан бөлек, жеке тұрғын үйді салу жүйесі де бар. Бағдарламаның негізгі мақсаты – осы саланы нарыққа барынша бейімдеу. Мемлекет оған көп араласпауға тиіс. Себебі халықтың өз жинақтары бар, табысы да жоқ емес. Ал әлеуметтік жағынан аз қамтылған азаматтар үшін арнайы баспаналар салынады.Мәселен, I топтағы мүгедектер мен жетім балалар арендалық үйді ала алады. Бірақ оны жеке өз атыңа аударуға рұқсат жоқ. Тұрғын үй жинақ жүйесі арқылы жеке баспананы алуға болады. Оған табысы мен жинақтары бар азаматтар қатысады. Мемлекеттік қызметшілер, дәрігерлер, мұғалімдер сияқты бюджет саласының мамандары, әскери азаматтар және тағы басқа тұрақты жалақысы бар адамдар дәл сол кредиттік баспананы алса да болады. Бұдан бөлек, екінші деңгейлі банктерді субсидиялау арқылы жекеменшік компаниялардан пәтер сатып алуға мүмкіндік бар екен. Ал өзім «Нұрлы жер» бағдарламасы арқылы үйлі болдым. Тиімділігі, әр санат бойынша конкурстар бөлек өткізілді. Соның арқасында конкурстан өттім. Оның алдында жалпылама конкурстарға қатысып, өте алмайтынмын.– Үйдің дизайны маңызды. Интерьер кеңесіне жүгіндіңіз бе?– Кімге болсын үйдің дизайны маңызды. Өзі жаңадан салынған баспана болған соң да ерекше ықылас болды. Көркемдеп, әсемдеп қоюға талпынасың. Үйге шамалы өзгеріс енгізілсе қызығасың. Жалпы интерьерден келіншегімнің хабары көп. Ғаламтордан қарап өзінің қалаған жерін өзгертіп жатады. Үйді өзі реттеп, өзі өзгертеді. Ал мен оның талғамына сендім.– Бағдарлама арқылы үй алғанда нені ескерген жөн. Жас отбасыға қандай кеңес берер едіңіз?– Бір айта кетерлігі, мемлекеттің көмегін пайдаланып, баспана алуға ұмтылу керек. Кім болса да пәтер жағалап жүргеннен, баспаналы болуға ұмтылған жөн. Қазір нақты ақшаға, сол мезетте үй алу оңай емес. Сондықтан да кезекке тұрып, тіркеліп қойғанның артығы жоқ екен. Жылды ойнатып отырсаңыз да тигізер тиімділігі көп. Сондай-ақ конкурста алғашқылардың бірі болып тұрса, қабаттарды таңдау еркіндігі болады. Егер ол маңызды болса, ұпайыңыз жоғары болғаны жақсы.– Үйдің кілтін қолыңызға ұстап, алғаш табалдырық аттаған сәтке оралайықшы. Қандай сезімде болдыңыз?– Тереңөзектен орталыққа қатынау оңайға соқпады. Сондықтан да баспананың болғанын асыға күттік. Аймақ басшысы Гүлшара Әбдіқалықова салтанатты түрде табыстады. Қолыма көптен күткен баспананың кілті тигенде ерекше сезімде болғанымды жасыра алмаймын. Ал үйге кіргендегі сезім мүлдем бөлек. «Бұл енді менің үйім» деп терең тыныстадым. Анам екеуміз бірге бардық, ол кісінің қуанышы өз алдына. Ұлының баспаналы болғанына қай ана қуанбайды дейсіз. Міне, енді бүгінде жаңа үйде жаңа өмір бастап жатқан жайымыз бар. Алла қаласа арман, мақсатымыз көп. Болашақта отбасымызбен, бала-шағамызбен қызықты күндерді осында өткізгіміз келеді.– Сол жағалаудағы &nbsp;тұрғын үйді бәрі мақтайды. Бірақ тұрып жатқан адам ғана қандай екенін біледі. Айтыңызшы, баспана ойыңыздан шықты ма?– Бақсаңыз, бүгінде сол жағалауда бәрі бар. Дүкен дерсіз, оқу орны мен мектепті де қарастырған. Жастар орталығы да сонда орналасқан. Ойын алаңдары да жаңадан салынған. Болашақта балаларымызды алып емін-еркін қыдыра аламыз. Әлі де біршама үйлер мен басқа құрылымдық мекемелер салынып жатыр. Барлық үйлер бір жобамен салынған. Әзірге үй айналасында толық аяқталмаған жұмыстар бар. Бірақ басты мұқтаждықтар реттелген. Қалғаны уақыт еншісінде. Баламыз өсіп жетілемін дегенше барлығы сәтті аяқталып, пайдалануға беріледі деп сенемін.– Жақында шаңырақ көтеріпсіз, құттықтаймын! Бақытты қалай түсінесіз?– Иә, рақмет. Биыл шаңырақ көтерген жайымыз бар. Келіншегім өте жақсы, қазақтың қарапайым қызы. Алла нәсіп етсе, кішкентайымыз дүниеге келмек. Алдымен ата-анаңның, отбасыңның амандығынан артық қандай бақыт болсын! Шын бақытты сезіне білу де бақытқа жатады. Кейде болғанның үстіне бола берсін деп қанағатсыздыққа бой алдырып жатамыз. Жалпы мен үшін байлық емес, отбасым маңызды. Солардың жағдайын жасап, көңілін табу – менің басты арманым. Солар күлімдеп, күлімсіреп жүрсе сол маған бақыт. Алланың берері таусылмасын.– Ұстанымыңыз қандай?– «Әкелгенің қуаныш болса, есікті қақпай кіре бер» деген сөзді ерекше бағалаймын. Күлкі бар жерде құт пен берекеде болады. Сондықтан күлімдеп, жайнап жүрген адамдарды ұнатамын. Бір нәрсеге көңілі толмай, қабағы түсіп кеткен сәттерді ұнатпаймын. «Күліп жүр, бұл сүннет» деген сөз өмірлік ұстанымым.– Сұхбатыңызға рақмет!

Сырбойылық жас отбасы баспаналы болды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен инвестициялық штаб отырысында өткен 4 айдағы негізгі капиталға салынған инвестициялар бойынша нысаналы индикаторлардың орындалуы талқыланды.Былтырғы тікелей шетелдік инвестицияларды тартудың, атқарылатын жүмыстардың, шетелдік инвесторлармен бірлесіп ірі жобаларды жүзеге асырудың жай-күйі қаралды. Министрлер мен өңір әкімдері жобалар туралы баяндап, алдағы міндеттерді таныстырды.Штаб отырысынан кейін облыс әкімінің міндетін атқарушы Серік Қожаниязов мәжіліс өткізіп, биылға 424,2 млрд. теңге инвестиция тарту индикаторы бекітілгенін айтты. Оның ішінде қаңтар-сәуір айларында белгіленген меже 136,8%-ға орындалып, Сыр өңірі республика бойынша алдыңғы қатарда. Алда өткен жылғы оң тәжірибені қайта жүзеге асыру міндеті тұр.<blockquote>«Премьер-Министр өткен жылғы өңірге іссапары кезінде құны 1 млрд. теңгеден асатын 5-6 жобаны іске асыруды тапсырды. Сәуір айындағы актив отырысында облыс әкімі Қызылорда қаласының әкіміне 1 млрд. теңгеден асатын 1 жобаны, әр ауданның әкіміне 500 млн. теңгеден асатын 2 жобаны биыл іске қосуды тапсырған болатын. Оның орындалуы Мемлекет басшысының тапсырмасымен әзірленген Жалпыұлттық жобалар пулы аясында бақыланады», - деп ескертті Серік Салауатұлы.</blockquote>Әр жоба жеке бақылауға алынып, қолданыстағы заңнама аясында мәселелер шешілуі керек. Облыстық энергетика және тұрғын үй-коммуналдық шаруашылық басқармасына Қызылорда қаласы және Шиелі ауданы әкімдіктерімен бірлесіп, биыл жаңа жылу электр орталығының құрылысын бастау, Шиелі ауданындағы күн электр станциясына қажетті жер телімін алуға сүйемелдеу жасау жүктелді.

Инвестиция тарту мәселелері талқыланды

<a href="https://kyzylorda-news.kz/">Kyzylorda-news.kz.</a> Америка Құрама Штаттарының Алматыдағы бас консулы Кэролайн Сэвидж іссапармен Сыр еліне келіп, Ә.Тәжібаев атындағы облыстық әмбебап ғылыми кітапханасына ат басын тіреді.Кітапханадағы кездесуге ардагерлер, жазушылар, жастар ұйымдарының өкілдері, кітапхана оқырмандары қатысты.Жылы жүздесу Қорқыт ата университетінің жанынан құрылған жастар &nbsp;театры дайындаған «Әуезовтің ой толғауы» спектаклінің үзіндісімен басталды. Мұнан соң Кэролайн Сэвидж сөз сөйлеп, кітапхана сөресіне М.Әуезовтің «Америка әсерлері» кітабын тарту етті.Абайды әлемге танытқан, қазақ әдебиетінің классигі Мұхтар Әуезовтің 125 жылдық мерейтойына орай шығарылған бұл кітап әзірше Алматы және Қызылорда кітапханасының қорындағы ағылшын тілінде жарық көрген &nbsp;құнды сыйлық болып отыр.1960 жылы қазақ жазушысы Мұхтар Әуезов КСРО-дағы Л.Леонов, О.Гончар, С.Щипачев секілді бірнеше әріптестерімен АҚШ Мемлекеттік департаментінің шақыруы арқылы Америкаға сапарлаған.Әуезов сол сапарда Нью-Йорк, Вашингтон, Аризона мен Калифорния штаттарын бір ай бойы аралап, көрген-білгендерін жолжазба жинағына түсірген. Жолжазба Американың сол замандағы әралуан саладағы жетістіктерін, табиғатының сұлулығын және халқының тұрмысын сипаттаған.Осы сапарынан бір жыл өткен соң 1961 жылы жазушы қайтыс болып, жолжазбасы аяқталмай қалады. Алайда, шығарма сол қалпында-ақ тарихи құндылығын сақтап қалған.Қазақстандағы АҚШ дипломатиялық миссиясы 2021 жылы Қазақстанда тұратын америкалық гид және оқытушы Деннис Кинмен бірігіп, Әуезовтің Америка сапарының жолжазбаларын ағылшын тіліне аударып, алғаш рет кітап етіп басып шығарды. Бас консул осы жайында айтқан сөзінің жарысын қазақ тілінде жеткізді.Кэролайннің қазақ тіліне деген қызығушылығы мен тіл үйренудегі талпынысы – жастарға үлгі боларлық қадам. Кездесуге қатысқан облыстық мәдениет және спорт басқармасының басшысы Мира Қазбекова бұл күнгі шараның маңыздылығына баса тоқталып, Бас консулға алғыс білдірді.<blockquote>«Абайды Әлемге танытқан Мұхтар Әуезовтің «Америка әсерлері» кітабын тарту етуіңіз – біз үшін баға жетпес сый, кейінгі ұрпаққа үлкен мұра. Бұл туындының кітапханадағы ағылшын тіліндегі маңызды әдебиеттерден ұйымдастырылған Америка бұрышын толықтырары сөзсіз. Алдағы кезеңде де екі ел арасындағы мәдени ынтымақтастығымыз арта түседі деген сенімдеміз», – деді М.Қазбекова. Сонымен бірге басқарма басшысы Бас консулға Мұхаммед Қайдар Дулатидің «Тарих-и Рашиди» еңбегін сыйға берді.</blockquote>Кітапхана басшысы, тарих ғылымдарының кандидаты &nbsp;Н.Мыңжас «М.Әуезовтің қазақ мәдениетіне әсері» атты баяндама жасап, ұлы жазушының қазақ руханияты мен әдебиетіне қосқан зор үлесін, халықаралық деңгейдегі орнын атап көрсетті. «Кітап құрттары» клубының мүшесі Қадыр Мырза Әлінің «Әуезовке арнау» өлеңін оқыды.Қонақтар «Әлем таныған Әуезов» кітап көрмесімен, «Шаңырақ» интеллект орталығымен, Қалтай Мұхамеджанов залымен және Ә.Тәжібаев мұражайымен танысып, Америка бұрышында видео түсірілім жасады.Көп жағдайда аудармашының аузына қарай бермейтін Кэролайн Сэвидж БАҚ өкілдеріне берген сұхбатында ынтымақтастық бағытындағы өзара іс-қимылдардың жалғаса беретіні туралы ойын жеткізді. &nbsp;

АҚШ-тың Алматыдағы бас консулы «Америка әсерлері» кітабын Сыр жұртшылығына тарту етті

<a href="https://kyzylorda-news.kz/">Kyzylorda-news.kz.</a> Автонарық тақырыбы қай кезде де халықтың назарында тұрған дүние. Былтыр шетелдік көлігі бар азаматтарды қуантқан бір жаңалық болғанын бәріміз білеміз. Бірнеше жылға созылған талқыдан соң Қазақстанда шетелдік нөмірдегі көліктерді тіркеуге рұқсат берілген еді. Бұл процесс 23 қаңтарда басталып қойды, қыркүйекке дейін созылмақ. Осыған орай біз өңірімізде көлік тіркеудің қалай жүріп жатқанын білдік. Бұдан бөлек, жалпы ел аумағында шетелдік көлікті тіркеудің кері жақтары да барын талдаймыз.Сандар сөйлесе…Бұл шешім талайды қуантқаны рас. Шетелдік нөмірмен жүрген көліктерді жиі ұшыратамыз, бұған дейін иелерін тіркеу жайы мазалап келді. Арзан көлік іздеп, шекара асып келгендердің қарасы мол екені былтырғы утильалым дауында байқалған. Президент пәрменінен кейін біз атаған қауым бірреттік 200 мың теңге төлемін беріп, көлігін «қазақыландырып» алатын болды.Қош, тақырыптың өзегіне оралайық. Жыл басындағы дерек бойынша, елімізде бас-аяғы 307 мыңнан астам шетелдік тіркеудегі машина бар.&nbsp;Көбі Еуразиялық экономикалық одақ елдерінен кіргізілген. Әрине, оның бәрі тіркеуден өтпесі анық. Мәселен, кейбірінің шанағы ауысқан, оларды иесі тіркете алмайды.Қызылорда облысында бұл істің белсенді жүріп жатқаны аңғарылады. Полиция департаментінің бізге ұсынған дерегіне қарасақ, тіркеу жұмыстары басталған қаңтардан бері шетелдік автокөліктерді заңдастыру үшін 9281 өтініш қабылданып, 8221 өтініш мақұлданып, осынша көлік заңдастырылып, тіркеліпті. Тағы 627 қызылордалық еліміздің өзге өңірлерінде шетелдік автокөліктерін тіркеткен. Тіркеудің басталғанына тура 4 ай болғанын ескерсек, алдағы 3 айдың төңірегінде бұл сан екі есеге дейін өсуі мүмкін екенін ескерген абзал.Ескі-құсқыны еселеп алдықБіз жоғарыда осы тақырып айналасында проблема барын айттық. Әрине, жүргізушілер үшін бұл шешім тиімді, Үкімет үшін пайдасы бар, тіркеуден түскен ақша аз да болса ел қазынасын молайтады, яғни, жауаптылар да есепсіз емес, салықтың бәрі ел экономикасына оң әсер етеді. Алайда стандартты утильалым мен алғашқы тіркеу құнының орнына бірреттік төлем жүргенімен, жауаптылар машиналардың шыққан жылына, экологиялық сәйкестігіне талап қоймады. Әуелде-ақ құжатта билік заңдастыратын көліктердің шыққан жылына қатысты ақпарат жоғын көз шалды. Бірақ құжат дайындалып жатқанда ІІМ машинаның экологиялық класы мен техникалық жабдықталуына қатысты шектеу болмайтынын айтқан. Елімізде ескі көліктің көп екенін ескерсек, шетелден келген машиналар осы санатты одан әрі толтырып, экологиялық зардабын тарттыруы мүмкін. Бұл дегеніңіз ескі-құсқы, құр шанағы әрең жүрген ескі көліктерді де қабылдап алғанымызды аңғартады. Онсыз да елімізде ескі көліктер өте көп. Былтыр еліміздің жолдарында жүрген 1 млн 200 мың көліктің зауыттан шыққанына 20 жылдан асқаны мәлім болды. 2015 жылы шыққанына 10 жылдан асқан автокөліктердің үлесі елде 59 пайызды құраса, 2020 жылы 70 пайыздан асыпты. Уақыт тоқтап қалған жоқ, бұл үлестің артқаны даусыз. Сонда елдегі 4 млн көліктің 3 млн-ға жуығы тозған әрі экологиялық талапқа сай емес болып шығады. Шетелден кіргізілген көліктердің бәрі жаңа емес, басым бөлігіне 10 жылдан асқаны жасырын емес. Мәселенің тамыры тереңде жатыр. Екіншіден, Қазақстанда автонарық тұрақсыз, көбіне бағалар шарықтауға бейім. «Қаңтардан бастап шетелдік көліктер тіркеледі» дегенде автонарықтағы бағалар лезде көтеріле бастағаны есімізде. Әйтпесе оған дейін шетелдік нөмірдегі көліктердің бағасы өзгесінен біршама арзанырақ болатын. Биылға дейін шетелдік тіркеумен жүрген Toyota Camry көліктері аяқасты қымбаттай бастағаны байқалды. Жаңалықтан кейін шетелден әкелінген көліктің иелері бағаны күрт өсірді. Әрине, жұртты айыптай алмаймыз, халықтың сұранысындағы Toyota Camry көлігінің 40-тық шанақтағы нұсқасының шыққанына да 15 жылдан асып барады. Соған қарамастан қазір кемі 7 миллион теңге сұрайды. Осыдан кейін азаматтар шетелге шапқылайтыны түсінікті жайт. Не десек те, бізде ғана емес, қазір әлем елдерінде автокөлік нарығында баға шарықтап барады.Сонымен, тақырыптың күнгейі мен көлеңкелі жағын қатар қарастырып, қысқаша шолып шықтық. Біз айтқан мәселелерді құзырлы ведомство өкілдері алдағы уақытта пысықтай жатар. Осы жерде бізді тағы бір толғандырғаны, шетелден көлік әкелу үрдісі әлі де болса тыйылмай тұр. Жақындағы Грузия мен Арменияны қойып, ел арғы құрлықтағы Америкадан да көлік алдыртпаққа шарлап жүр. Олар кіргізілген жағдайда ертеңгі күні, шамамен 2-3 жылдан кейін иелері көліктерін тіркеуді сұрап, тағы да талап қоймасына кепіл жоқ.

Қызылордалықтар еліміздің өзге өңірлерінде шетелдік автокөліктерін заңды түрде тіркеткен

Фото: Сурет облыстық денсаулық сақтау басқармасынан<a href="https://kyzylorda-news.kz/">Kyzylorda-news.kz.</a> Қызылордада наурызда 900 грамм салмақта дүниеге келген екі айдан кейін үйіне аман-есен шығарылды, деп хабарлайды <a href="https://www.inform.kz/kz/kyzylordada-900-gramm-salmakta-duniege-kelgen-nareste-uyine-shygaryldy_a4072153">ҚазАқпарат.</a>Биыл 28 наурызда Қызылорда қаласының 22 жастағы тұрғыны Мөлдір Жұбаниязова облыстық перинаталдық орталығында жүктіліктің ​27-ші аптасы мерзімінде шарананы дүниеге алып келді. Нәрестенің салмағы 900 граммды құраса, бойы 30 сантиметрді шамалады.​«Облыстық перинаталдық орталық мамандары нәрестелер реанимациясы және қарқынды терапия ​ бөлімшесінде сәбиге ерекше ​күтім жасады. Оған сапалы емдеу жасап, ұзақ уақыт бойы бақылауды жүргізді. Нәтижесінде сәби ​27-ші тәулікте нәрестелер патологиясы бөлімшесіне ауыстырылды. Онда аса ұқыптылықпен күтім жасалып, сапалы емі жүргізу жалғасты. Өмірге келгеніне шамамен 2 ай өткенде, 58-ші тәулікте аман-есен анасымен үйіне шығарылды, Сәбидің салмағы 2 келіні құрады», - деп мәлім етті Қызылорда облыстық денсаулық сақтау басқармасынан.Облыстық ​ перинаталдық орталығында жыл басынан бері 275 сәби мерзімінен бұрын өмірге​ келді. Орталық шала туған сәбилерді күтуге, оңалтуға қажетті жабдықтардың барлығымен толық қамтылған.

Қызылордада 900 грамм салмақта дүниеге келген нәресте үйіне шығарылды

Асқар Жұмаділдаев: Поэзия мен математиканың түбі бір

<a href="https://kyzylorda-news.kz/">Kyzylorda-news.kz.</a> Биыл Қазақстандағы мәдениет, әдебиет саласының талантты ұйымдастырушыларының бірі, көрнекті мемлекет және қоғам қайраткері Темірбек Жүргеновтің туғанына 125 жыл толады. Тарихи тұлғаның мерейтойын атап өту мақсатында Үкімет жалпыреспубликалық жоспарын жариялады, деп хабарлайды <a href="https://www.inform.kz/kz/biyl-kyzylorda-kalasynda-temirbek-zhurgenovtin-eskertkishi-boy-koteredi_a4072155">ҚазАқпарат.</a>«Темірбек Жүргеновтің туғанына 125 жыл толуына дайындық және өткізу жөніндегі жалпыреспубликалық жоспары бекітілсін. Жарты жылдың қорытындысы бойынша 2023 жылғы 20 маусымнан және 20 желтоқсаннан кешіктірмей ҚР Мәдениет және спорт министрлігіне жалпыреспубликалық жоспардың іске асырылу барысы туралы ақпарат ұсынсын. Министрлік 2023 жылғы 25 желтоқсаннан кешіктірмей ҚР Үкіметінің Аппаратына жалпыреспубликалық жоспардың іске асырылу барысы туралы жиынтық ақпарат ұсынсын», - делінген Мәдениет және спорт министрлігінің ресми сайтында жарияланған Үкімет қаулысында.Жоғарыда көрсетілген жоспарға сай, жыл соңына дейін ел бойынша 80-ге жуық мәдени іс-шара мен ғылыми конференциялар өтеді. Бұған қоса, отандық телеарналардан тұлғаның өмірі мен еңбегіне арналған деректі фильмдер көрсетіп, басылымдарда мақалалар жариялау жоспарған.Сонымен қатар, құжатта көрсетілгендей, биыл қарашада Қызылорда қаласында Темірбек Жүргеновтің ескерткішін орнатылмақ. Оған 98 млн теңге бөлінбек.Өткізілетін іс-шаралардың жоспарын мына <a href="https://www.gov.kz/memleket/entities/mcs/documents/details/472406?lang=kk">сілтеме </a>бойынша өтіп, көруге болады.

Биыл Қызылорда қаласында Темірбек Жүргеновтің ескерткіші бой көтереді

<a href="https://kyzylorda-news.kz/">Kyzylorda-news.kz.</a> Кітапты таңдап, талғап оқи білу, оны түсіну мен түйсіну, алған әсерді өмір қажетіне жарата білу – әрбір адамның пайымы мен парасатын айқындайды. Өткен сенбіде аудандық орталық кітапхананың жас оқырмандарының кітаптан алған білігі мен білімін анықтайтын «Үздік оқырман – 2023» байқауы өтті. Орталық кітапхананың оқырмандарға қызмет көрсету бөлімінің ұйымдастыруымен өткен сайысты Қазалы аудандық қоғамдық даму бөлімінің бас маманы Жеңісбек Айымқұлов ашып, талапкерлерге сәттілік тіледі.<blockquote>«Бәсекеге қабілеттіліктің басты көрсеткіші – білім, ал білімнің кәусарыбұлағы кітап екені бәрімізге мәлім. Өркениеттің көшінен қалмау үшін біз білім саласын арттыруымыз керек. Сондықтан жастардың бойына рухани байлықты сіңіріп, оларды кітаппен жақындастырудың маңызы зор. Балалардың дүниетанымы мен көкжиегін кеңейтуде ұйымдастырылып жатқан «Үздік оқырман» байқауы оқуға құштар жастардың білімі мен білігін айқындайды деп сенемін. Барлық қатысушыларға сәттілік тілеймін», – деді Жеңісбек Советұлы.</blockquote>Жарысқа жалпы білім беретін мектептердің 8-11 сынып оқушылары қатысты. Қатысушылар байқау шартына сәйкес, үш кезең бойынша бақ сынады. «Кітап білім– бұлағы» деп аталатын алғашқы кезеңде талапкерлер оқыған кітаптарын таныстырып, өздеріне ұнаған кітабы бойынша шығарманың қысқаша желісін баяндады. «Поэзия көктемі» кезеңінде ақын-жазушылардың шығармашылығынан өлең жатқа оқыды. Ал соңғы «Кім тапқыр?» бөлімінінде жасырылған сұрақтарға жауап берді.Тартысқа толы додаға«Қызылорда облысының тілдерді оқыту» орталығы КММ Қазалы ауданы бойынша мемлекеттік тілдің оқытушысы Жұбатқан Таңжанов, аудандық мәдениет және спорт бөлімінің әдіскері Қарлығаш Рахманбергенова, №91 орта мектептің қазақ тілі мен әдебиеті пәнінің мұғалімі Оразалы Айнұр, Аудандық оқушылар Үйінің «Сөз өнері» үйірмесінің жетекшісі Шынар Сариева, №182 орта мектептің кітапханашысы Закира Қоңырбаева төрелік етті.Байқау қорытындысы бойынша 13 талапкердің ішінен оқ бойы оза шауып бас жүлдені М.Матаев атындағы № 170 қазақ орта мектебінің 9 сынып оқушысы Нұрсая Хасенова иемденді. І орынды №266 мектеп-лицейдің 10 сынып оқшысы Айнұр Дүйсенбаева алса, ал І орынды Е.Бозғұлов атындағы №249 мектеп-лицейдің 9 сынып оқушысы Азат Қыстаубай қанжығаады. ІІІ орын Ж.Жабаев атындағы №234 қазақ орта мектебінің 9 сынып оқушысы Құндызай Әлмұратоваға бұйырды. Ал өзге қатысушылар бірқатар номинацияларға ие болды. Атап айтсақ, «Дарынды оқырман» номинациясымен С.Сейфуллин атындағы №165 қазақ орта мектебінің 9 сынып оқушысы Аружан Жаңалықова, Жанқожа батыр атындағы №70 қазақ орта мектебінің 10 сынып оқушысы Аяжан Өмірзақ марапатталды. «Білімді оқырман» номинациясына Қ.Сәтбаев атындағы №216 қазақ орта мектебінің 10 сынып оқушысы Фариза Панабек, Б.Мергенбаев атындағы № 226 мектеп-гимназияның 10 сынып оқушысы Көркем Қожаберген, сондай-ақ М.Горький атындағы №16 мектеп-лицейдің 10 сынып оқушысы Аяла Жүсіпбек ие болды. «Үлгілі оқырман» номинациясымен Ы.Алтынсарин атындағы №204 қазақ орта мектебінің 9 сынып оқушысы Жаннұр Абдуллақызы, «Сөз шебері» номинациясымен Ғ.Мұратбаев атындағы №17 қазақ орта мектебінің 10 сынып оқушысы Аружан Бекмырза, «Белсенді оқырман» номинациясына Қ.Нұрмаханов атындағы № 95 қазақ орта мектебінің 9 сынып оқушысы Аружан Мұрат, №276 қазақ орта мектебінің 9 сынып оқушысы Ерасыл Жеткерген лайық деп танылды.Сайыс сағатының соңында аудандық «Қазалы» газетінің бас редакторы Есет Табынбаев сынға түскен барлық қатысушыларды марапаттап, жеңімпаздарды құттықтады.<blockquote>«Хакім Абай атамыз «Танымның бар тамашасы – кітапта, оған қол жеткізу үшін кітап оқудан жалықпа» деген еді. Расымен кітап оқу – таным көкжиегімізді кеңейтіп, тұлғалық жағынан дамуымызға тікелей әсер етуші құрал саналады. Сондықтан өскелең ұрпақты кітап оқуға үндеп, олардың ой-өрісін дамытып, руханиятты танып өсуіне осындай шаралар ықпал етуіміз керек. Байқау барысында дұрыс жолда келе жатқанымызды аңғардым. Жастардың кітап оқуға деген талпынысы, ізденісі анық байқалды. Бүгінгідей техникаға тәуелділік артқан қоғамда бізден кейінгі толқынның кітапқа деген құмарлығы ерекше қуантты. Алдағы уақытта осындай игі шаралар жалғасын тауып, кітапқа кұштар жастардың легі бұдан да көп болсын», – деп сөзін қорытындылады Есет Жұмабекұлы.</blockquote>

Архив