<a href="https://kyzylorda-news.kz/">Kyzylorda-news.kz.</a> Облыс бойынша сайлауға қатысатын 2997 мүгедектігі бар адам бар. Көру қабілеті төмен сайлаушылар үшін дауыс беру бюллетеньдерін толтыру ережесі көрсетілген аудиоматериалдар мен трафарет қойылған.&nbsp;Қимыл-қозғалысы қиын мүгедектігі бар азаматтарды тасымалдау үшін 34 инватакси қызмет етеді. Оның 13-і Қызылорда қаласында, қалғандары ауданда. Түскі уақытқа дейін аймақта инватакси қызметіне 30 азамат жүгінген. Оның басым бөлігі – ауылдық елді мекен тұрғындары.&nbsp;Айта кету керек, сайлау күні облыс бойынша 42 онлайн сурдоаудармашылар ымдау тілі қызметтерін көрсетуде. Мұнан бөлек, бірінші топтағы жүріп тұруы қиын мүгедектігі бар адамдарға 2000-нан аса жеке көмекші қызмет етуде. Еске салайық, өңірде 373 сайлау учаскесі және 486 002 сайлаушы бар.&nbsp;

Өңірде мүгедектігі бар 30 азамат сайлауда инватакси қызметін қолданды 

<a href="https://kyzylorda-news.kz/">Kyzylorda-news.kz.</a> &nbsp;&nbsp;Сағат 14.10-дағы жағдай бойынша азаматтардың учаскелерге келуі туралы&nbsp;

Сайлау: 14:10-дағы жағдай қандай?

<a href="https://kyzylorda-news.kz/">Kyzylorda-news.kz.</a> &nbsp;Қазақстан Республикасындағы сайлау туралы Конститутциялық заңға сәйкес, үкімі заңды күшіне енбеген тергеу изоляторында ұсталынатын кәмілетке толған азаматтардың жалпыға бірдей сайлау құқығы бар. Осыған орай, бүгінгі сайлауда &nbsp;Қылмыстық атқару саласы &nbsp;Қызылорда облысы бойынша ҚАЖД-ға қарасы №68 мемлекеттік мекемесінде қамауда отырған 164 азамат сайлауға қатыстырылып, өз таңдауын жасады.&nbsp;<img src="https://knadmin.beoblood.kz/uploads/349eda88_f98e_4f4b_9a91_51c5a89fcbb1_40939a981b.jpg" alt="349eda88-f98e-4f4b-9a91-51c5a89fcbb1.jpg"> Бұл мекемеде №235 жабық сайлау учаскесі орналасқан. Жауапты маманның айтуынша, тергеу изоляторында, ұрлық, бұзақылық, сыбайлас жемқорлық пен алаяқтық &nbsp;қылмыстары бойынша тергеліп жатқан азаматтар отыр. Олар таңғы сағат 7:00-ден бастап мекеме қызметкерлерінің қадағалауымен топ-топпен келіп дауыс берді. Бұл уақытта мекемеде қауіпсіздік шаралары күшейтіле түсті.&nbsp;<blockquote>«Таңдау жасау барысында дауыс берушілердің әрекетін &nbsp;бақылаушылар &nbsp;жіті қадағалады» дейді жабық учаскелік сайлау комиссиясының төрағасы.</blockquote>Айта кететін жағдай, дауыс берушілердің арасында 15 әйел азаматша бар. Жаза басып, қылмысқа тартылған тергеудегі бұл азаматшалар елдің болашағына алаңдап, өз таңдауларын дұрыс жасап, дауыс беру орнына өзге азаматтардан бұрын ертерек келіп, белсенділік танытты. &nbsp;

Қамаудағы азаматтар сайлауда дауыс берді

<a href="https://kyzylorda-news.kz/">Kyzylorda-news.kz.</a> Жаңақорған &nbsp;ауданында да ірілі-ұсақты бірнеше жылыжай бар. Соның арқасында жергілікті тұрғындар көкөніс, бау-бақша өнімдерімен толық қамтылып келеді. Жылыжай егелері көктем шыға салысымен қияр, қызанақты қолжетімді бағамен саудаға шығаруда. Өңірімізде ата кәсіпті жалғап, кәсіптен нәсіп тапып отырған шаруалар аз емес.Айталық, кент тұрғыны Жандос Құлахметов әке жолын жалғап, ата¬кәсіптен қол үзбей жылыжай ісін дөңгелетіп келеді. Маңдай терімен нан тауып, ата кәсіпті жалғастыруды мақсат еткен азамат бүгінде ешкімге алақан жаймай, кәсібінің нәсібін көріп отыр. «Еңкейгеннің еңсесін еңбек көтереді» демекші, еңбек етіп, мақсатқа жеткен жанның шаруасы шалқып, несібесі артатыны айдан анық.<blockquote>«Бала күнімнен әкемнен көргенімді жалғастырып келе жатырмын. Әкемнің әкесі жылыжай шаруашылығымен айналысқан екен. Біздің отбасымыздың атакәсібі осы жылыжай өндірісі деуге әбден болады. «Жылыжайдың іші жыл он екі ай жылы болуы тиіс. Қазір осы мақсатта жұмыс істеп жатырмын. Негізі әр көкөністің күйі әр бөлек. Мәселен, қияр ылғалды сүйеді. Оның қасына құрғақ ауада өсетін көкөністі отырғыза алмайсың. Қиярдың бірнеше түрін өсіріп көрдік. Барлығының шығымы жақсы. Жүйесін тапсаң, жұмыс көп қой», – дейді еңбекқор жан.</blockquote>Жылыжай шаруашылығы оңай кәсіп емес. Әр өнім мұқият күтімді талап етеді. Жылыжайда өскен өнімнің артықшылығы, көкөніс жылдам өсіп, сырты көз тартарлықтай жылтыр болады. Сонымен бірге, ылғал мен жылу барлық аумаққа бірдей таралады. Бірақ, жабық жерде өскен өнімнен күннің иісі сезілмейді. Дәмі мен иісі жағынан далада өскен көкөністен айырмашылығы да осында. Десе де, құрамында қажетті дәрумендер мен минералдар жеткілікті. Бұл шаруашылықтың да өзіне тән қиындығы аз емес. Сапалы өнім алу үшін шаруаға біраз тер төгуге тура келеді. Жылыжайды жылу жүйесімен, сумен, жарықпен қамтамасыз ету үшін аз шығын шықпайтыны анық. Ақпараттарға зер салсақ, соңғы бес жылда елде жылыжай шаруашылығы 746 га өсті. Олардың 89 пайызы Түркістан облысында ор¬наласқан. Жабық жерде ерте пісетін көкөністер өнімі 132 мың тоннаға жетті. 1062 га жылыжайдың 1035 га көкөніс, 25 га гүл өсіріледі, – дейді ол.Польшада жылыжай шаруашылықтарының алқабы 6000 гектардан асады, Гол¬ландияда – 10000, Түркияда – 41000 гектарды құрайды. Ал Қытайда шамамен 1,5 млн га жерді алып жатыр. Олардың көлемі үлкен, әрі жаңа технологиямен жабдықталған. Сондықтан едәуір дамып тұр. Жылыжай кешенін салуға керек бір гектар жердің құны 1,5-2 миллион еуроға дейін жетеді екен. Олардың құрылымында қуатты өте көп тұтынатын қосымша жарықтандыру, жылыту секілді ерекше жүйелер бар. Біздің елде болса мұндай кешенді салуды жеке кәсіпкердің қалтасы көтермейді. Әрбір жылыжай қымбат тұрғаны былай, өнімді өсірудің өзінің қиындығы аз емес.Осы тұста, ауданымыздағы шаруалардың жай-күйін бағдарлап көрдік. Аудандық ауылшаруашылығы бөлімінің мәліметінше, бүгінде аудан көлемінде жұмыс жасайтын ірілі-ұсақты бірнеше жылыжай бар. Алайда, қазіргі уақытта жұмыс жасап тұрғандары өте аз. Соның бірі Амантай Сарбасов жетекшілік ететін қожалық Қаратөбе аумағында орналасқан. Білдей бір ауданда жұмысын үздіксіз жалғастырып келе жатқан шаруақожалыққа арнайы барып, кешен иесі Амантай Сарбасовпен жүзбе-жүз кездесіп қайттық.<blockquote>«2010 жылдан бері осы диқаншылықпен айналысудамыз. Көлемі 70 соттық аумақты құрайтын жылыжайда қияр өсіреміз. Осы уақытқа дейін қияр мен қызанақты бірге егіп жүргенбіз. Екі жылдан бері елімізге індет келгелі қызанаққа сұраныс азайды, әрі шығыны көп. Ерте көктемде еккен қиярды жинап алып, енді күздік егінді бастадық. Бұйыртса, қараша айынан бастап өнім бере бастайды. Негізінен жылыжайдан өнім алу өте қиын шаруа. Оған күтім көп керек. Неге десеңіздер, біздің ауданда мамандар жоқтың қасы. Бастапқы¬да өзге өңірден мамандар алдыртып, тәжірибесімен бөлісіп, өзіміз кәсіби бағбандар дайындадық. Қазір жаман емес, шығымы жақсы, кешенде 6-7 адам жұмыс жасайды. Жылыжайда егін егу, бесіктегі нәрестені мәпелегенмен бірдей. Сәл желкем соқса солып қала¬ды. Жылыжайдың температурасы +6 градустың өзінде жеміс жаурап өспей қалады. Сосын 40-45 күн жылы суда жату керек. Өйткені, оның өзегінде су жатпаса өліп қалады. Қияр сумен өседі», – дейді кәсіпкер.</blockquote>Әйткенмен, биылғы науқан былтырғы жылмен салыстырғанда төмендеу болғанын да жасырмады. Көктемгі науқаннан былтыр 30 тонна өнім алса, биыл небәрі 15 тоннаға жуық өнім жиналыпты. Себебі, қаражаттың тапшылығынан дәрі-дәрмекті уақытында ала алмады. Барға қанағат етіп отырған жылыжай иесі Түркістан мен Қызылорда қаласынан сұраныстың көп екенін де сөз етті.Сондықтан өнімді көрші облысқа жөнелтіп жатқанын жасырмады. Жыл сайын жылыжай шаруасын ширатып, ауыл тұрғындарын жұмыспен қамтып отырған қожалықтың берекелі ісіне жерлестер дән разы. «Жылыжай салу ісі көптен бері ойымда жүрген, ойға алған істі жүзеге асыру үшін қаржы мен күш керек екені белгілі. Бүгін сол арман мақсатыма қол жеткізіп отыр-мын. Жылыжайдың құрылысын қыста бастаған болатынбыз. Бірінші кезекте нысанды жылыту жүйесін орнаттық. Көкөністі тамшылатып суару жүйесімен суаратын боламыз. Өйткені бұл жүйе суды тиімді пайдалануға мүмкіндік береді» – деген ол:<blockquote>«Жылда егілетін өнімді көбіне өзге аймақтарға жөнелтеміз. Сондай-ақ, аудан орталығында да келісім бойынша өткізетін екі-үш мекеме бар. Жалпы, субсидия мәселесі бақшаға қаралсын, қаралмасын, біз мемлекеттен қолдау көрмейміз. Әуел баста жылыжайды қолға алғанда ғана субсидия беріледі. Одан кейін ыстық-суығына өзің жауаптысың. Содан болар аудандағы шы-ғынға ұшыраған өзге жылыжайлар қаражаттың жетіспеушілігінен тоқтап тұр. Егер мемлекет тарапынан аз-кем қолдау көрсетілсе, жұмысымыз жанданып кетер еді», – деп мәселесін айтты.</blockquote>Қожалық қияр ұрығын голландиялық компаниядан алады. Ал, тыңайтқыштар мен дәрі-дәрмекті Түркістандағы «Агро» дүкенінен тасымалдауда. Бір өкініштісі, аудан нарығы жергілікті өнімді сатып алуға құлықсыз. Міне, «7 kz» шаруа қожалығын осы мәселе алаңдатады. Аудан көлемінде қолға алынып, жұмысын қарқынды бастаған жылыжайлардағы кедергілер жөнінде аудандық ауылшаруашылығы бөлімінің маманы Дәурен Абибуллаев:<blockquote>«Дәл қазіргі уақытта аудан бойынша 1 ғана жылыжай жұмыс жасап тұр. Қалған үшеуі «Нұрлы кент», «Жан» және «Абдулла» шығынға батқан себебінен жұмысын тоқтатты. Егер оларға қолдау болса, жылыжайды дамытып, халықты көкөніспен қамтуға ниетті», – деді.</blockquote>Осы тұста, өзге елдердің тәжірбиелерімен де бөлісе кетейік. Дамыған елдердің көбі көкөніс өсіруге басымдық береді. Әлемде жылыжай салудан Қытай бірінші орында. Бұл елдің жылыжай шаруашылығының алқабы шамамен 1,5 млн гектар аумақты алып жатыр. Бұл сала едәуір дамып тұрған елдер тізімінде АҚШ, Оңтүстік Корея, Израиль, Испания, Жапония, Түркия, Үндістан, Нидерланды, Ресей, Иран, Мысыр елдері бар. Израиль, Қытай, Нидерланды секіл¬ді дамыған елдерде жаңа технологиямен жабдықталған 1 гектар жылыжай кешенінің құны 1,5-2 млн евро тұрады. Өйткені оның құрылымында қуатты көп мөлшерде тұтынатын жылыту, жарықтандыру жүйелері бар. Ал, Түркиядағы жылыжайдың 88 пайызында көкөніс өсірілсе, қалған 10 пайызына жеміс, қияр 2 пайызына егіледі. Халқының саны бізбен шамалас болса да, жері әлдеқайда кіші Нидерландының өзі әлемді азық-түлікпен қамтамасыз етуде. Бүгінде бұл ел тамақ өнімдерін экспорттау бойынша АҚШ-тан кейінгі 2-ші орында. Бір айта кетерлігі, еліміздегі біраз жылыжайлар Нидерланды технологиясымен салынған. Өйткені, олар¬дың қолданатын технологиясы біздің елімізге өте тиімді. Егер жергілікті диқандарға қолдау көрсетіліп, жұмыстары жүйеленсе, нарық бағамына да оң әсер ететіні сөзсіз.Ауданда кәсіппен айналысам деуші азаматтарға әрқашанда қолдау көрсетіліп отыр. Болашақта өзінің кәсібін жоғары деңгейге көтеріп, ауқымын кеңейтуге ниетті. Кім, қайдан, қашан береді деп алақан жайып отырмай, қолынан келген кәсіппен айналысып, пайдасын көріп, ел алғысына бөленуге талпынған адамның қолынан келерін тағы бір дәлелдей түскендей. Олай болса, жұмыс сұрап, табалдырық тоздырғанша, өз бетімен еңбек етіп, күн көруге ұмтылатын уақыт жеткен сияқты.

Жаңақорған ауданында жылыжай шаруасы ширай түсті

Жаңақорғанда баспана бағасы ырыққа бағынбай тұр

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының ұйымдастыруымен өңірдегі этномәдени бірлестіктердің өкілдері сайлау учаскілеріне «Көңілді автобуспен» келді.&nbsp;Олар татулық шаңырағы - Достық үйінің алдында әсем ән айтып, бірлесіп бірнеше өздеріне белгіленген сайлау учаскісіне барып, кезек-кезек дауыс берді. Учаскілерде дауыс берушілерді жылы қарсы алды. Қазақтың ұлттық тағамы бауырсақтан дәм татқызып, қазақ халқының әндерін бірге шырқады.&nbsp;<blockquote>«Еліміздің жарқын болашағы үшін сайлауға қатысып, дұрыс таңдау жасауымыз маңызды. Балаларымыз бейбіт елде, бақытты ғұмыр кешкенін қалаймыз. Демалыс күні болғанына қарамастан қала тұрғындарының белсенділігі жоғары. Біз өз таңдауымызды жасадық» деді этномәдени бірлестіктің жетекшілері мен белсенді өкілдері.</blockquote><img src="https://knadmin.beoblood.kz/uploads/d9d71f5d_8cdf_4f85_bd24_924395475f07_0aa0478194.jpg" alt="d9d71f5d-8cdf-4f85-bd24-924395475f07.jpg"><img src="https://knadmin.beoblood.kz/uploads/ab52c9c7_d1f5_4826_9470_451f894ac808_6c855a786b.jpg" alt="ab52c9c7-d1f5-4826-9470-451f894ac808.jpg"><img src="https://knadmin.beoblood.kz/uploads/50444bc0_0331_46bc_b28e_651a4b2688c1_7ddb027d01.jpg" alt="50444bc0-0331-46bc-b28e-651a4b2688c1.jpg"><img src="https://knadmin.beoblood.kz/uploads/5b60e615_bbc0_4a6c_86b5_beec831b97bb_668397056c.jpg" alt="5b60e615-bbc0-4a6c-86b5-beec831b97bb.jpg">

Ассамблея өкілдері сайлауға «Көңілді автобуспен» келді

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданында саяси науқан күні отбасылық өмірге қадам жасаған ерлі-зайыптылар №97 сайлау учаскесіне келіп, өз таңдауларын жасады.&nbsp;Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.

Сайлау күні шаңырақ көтерген жас отбасы таңдауын жасады

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданына қарасты Ақай ауылындағы №116 сайлау учаскесінде 2022 жылы «2021-2025 жылдарга арналган кәсіпкерлікті дамыту» жөніндегі ұлттық жобаға қатысып, грант жеңіп алған кәсіпкерлеріміздің кулинарлық және кондитерлік, нан өнімдерінің жәрмеңкесі ұйымдастырылды.Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.

Қармақшы: Нан өнімдерінің жәрмеңкесі ұйымдастырылды

<a href="https://kyzylorda-news.kz/">Kyzylorda-news.kz.</a> Қожакент ауылының тұрғыны, Еңбек және тыл ардагері, 107 жастағы Ақшая Бабажанова өз таңдауын жасады.<blockquote>«Мемлекетіміздің мүддесінен шығатын отаншыл азаматтар ауылымызды, аймағымызды дамыта берсін!» деп бата берді ғасыр жасаған қарт ана.</blockquote>Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.

107 жастағы кейуана сайлауда дауыс берді

<a href="https://kyzylorda-news.kz/">Kyzylorda-news.kz.</a> Қармақшы ауданы Жосалы кенті орталығындағы №4 округке қарасты №98 сайлау учаскесі науқанға тыңғылықты дайындалғаны көрініп тұр. Таңнан бері сайлау учаскесіне қарай ағылған дауыс берушілердің қарасы қалың.Бұл сайлауда алғашқылардың бірі болып Қармақшы ауданы әкімінің орынбасары Жұлдызхан Байназарұлы өз таңдауын жасады.<blockquote>– Келешек ұрпақ ештеңеден қысылмай, бақытты өмір сүргенін қалаймын. Бірде-бір сайлаудан қалыс қалған емеспін. Жерлестерімді де бүгінгі саяси науқанға белсенді қатысуға шақырамын, – деді аудан әкімінің орынбасары Жұлдызхан Байназарұлы.</blockquote>Ал №105 мектеп-лицейінің ұстаздары саяси науқанға ерекше дайындықпен келгендерін көрсетті. Ұлттық киіммен келген ұстаздар өз таңдауын жасап, дауыс берді.Сонымен бірге наурыз мерекесі қарсаңында дауыс беруге келген тұрғындарға аулада наурыз көже мен айран бауырсақ дайындалып, таратылды. №98 сайлау учаскінің төрайымы Г.Еркебаеваның айтуынша, биылғы сайлаудың ерекшелігі дауыс берушілерге 1 бюллетень емес, түрлі түсті бес қағаз беріледі. Тұрғындар Мәжіліс және облыстық және аудандық мәслихат депутаттарын таңдауда.Бірінші келіп дауыс берген тұрғындарға арнайы сыйлықтар табысталып, ынталандыру сыйлықтары берілді. Осылайша қармақшылықтар сайлауға белсенді қатысып жатыр.&nbsp;

Қармақшыда сайлаушылар қарасы қалың

<a href="https://kyzylorda-news.kz/">Kyzylorda-news.kz.</a> Бұқарбай батыр ауылында сайлау учаскесінде бұқарбай батырлық сайлаушылар белсенді түрде өз таңдауын жасауда. Олардың қатарында сол елдің ақылгөй ақсақалы Қабыланбек Нұрмағанбетов те бар.Бір қызығы, ауыл ақсақалы саяси науқанға барлық отбасы мүшелерімен бірге келіпті. Осындай өнегелі отбасының сайлауда төбе көрсетуі де кейінгі жастарға үлгі деуге әбден болады. Нұрмағанбетовтер әулеті Ұлыстың Ұлы күнімен тұспа-тұс келген саяси науқанға ұлттық киіммен келіп, мерекенің мәнін, маңызын арттыра түсті. Біз аялдаған Бұқарбай батыр ауылында ақ түйенің қарны жарылып, тіршілік жаңарып, Жер-Ана бусанып, қазақ халқы үшін жыл басы саналатын Наурыз мерекесінің де лебі сезіліп тұрды.<blockquote>– Ел ішінде өте маңызды саяси науқан болып жатқанда өз таңдауыңды жасауға асықпау, бұл азаматтық парызды орындамау деп ойлаймын. Мен осы жасыма дейін елдегі елеулі істерден тыс қалып не болмаса саяси науқандарда бейжай қарап отырмадым. Өйткені мен үшін елдің ертеңі маңызды. Жалпы, бірлік бар жерде тірлік боларын ауылдағы ағайын жақсы біледі. Ел ішіндегі мәселелерді ашық айтып, енді алдағы уақытта осы мәселелерді мәслихат мінберінде көтергісі келетін азаматтарға сенім артуда әр адамның таңдауы шешуші рөл атқаратыны да даусыз. Сондықтан мен де ел ақсақалы ретінде әрбір сайлаушыны науқанда белсенділік танытуға шақырамын. Ал осы сайлауда дауыс жинап, ел сенімін арқалайтын азаматқа тек сәттілік тілеймін, – деген Қабыланбек атамыз халық таңдаған азаматтарға артылатын жауапкершілік жүгінің де ауыр екенін жасырмады.</blockquote>Елдің жайын елден бұрын ойлайтын, жастардың болашағы үшін қам жейтін қазына кеуде қарияның бірауыз пікірі, өркениетке тағы бір қадам жасалмақ деген салмақты сөзі біздің көңілімізге дем беріп, күш-жігерімізді шыңдады. Айта кетейік, Бұқарбай батырдағы сайлау науқаны да барлық талаптарға сай өтуде.&nbsp;

Қабыланбек ақсақал әулетімен келіп таңдау жасады

<a href="https://kyzylorda-news.kz/">Kyzylorda-news.kz.</a> Бүгінде баланың дамуындағы кешеуілдеу мен оның ерекшеліктері жаһандық мәселелердің бірі болып отыр. Себебі ондай балғындар қоғамнан оқшауланып, елеу-ескерусіз, өзін ешкімге қажет еместей сезінеді. Соның нәтижесінде баланың сана-сезімі қараңғы қапаста қалады. Мұндай жағдайда балғынды қоғам қарасына еріте білу мен кәнігі өмірде өзін еркін сезінуі үшін көмекке инклюзивті білім беру бағдарламалары келеді. Қуанышымызға орай, ауданда мұндай мәселемен күресіп келе жатқан инклюзивті білім беру бағытында 5 жылдық тәжірибесі бар, мықты мамандармен толыққан «Рауан» балабақшасы бар.Алғашында 96 орындық болып ашылған «Рауан» балабақшасының сыйымдылығы бүгінде 132 орынға жеткен. Мұнда топтар екі бағытта жұмыс істейді. Алғашқысы әрі басымдық берілген түрі тіл дамуында тежеуі бар балалармен айналысатын арнайы топ болса, келесісі қалыпты балалар мен ерекше күтімді қажет ететін бүлдіршіндерді бірге тәрбиелеп, қоғаммен араласуына атсалысып, педагогикалық-психологиялық қолдау көрсету. Сондай-ақ балалардың ата-аналарына жайлы жағдайлар жасалған.Балабақша меңгерушісі, тәжірибелі ұстаз-кәсіпкер Қуанышкүл Дәулетиярқызы бұл бағытта бұрын да жұмыс істеген. Тіпті ерекше балалармен жүйелі жұмыс жасау мақсатында шетелден тәжірибе алмасып қайтқан.<blockquote>«2017 жылы сәуір айында аудан орталығынан «Рауан» инклюзивті орталығын аштым. Арнаулы мамандармен жұмыс істей жүріп, бұл топтағы балаларға арналған балабақша ашу қажеттілігін ұғындым. Сөйтіп, 2018 жылы көздегенімізге жеттік. Басқа балабақшадан өзгешелігіміз, біздегі әрбір бүлдіршіннің жеке бас ерекшеліктері негізге алына отырып, түрлі бағыттарда жұмыстар жүргізіледі. Біздер мұнда – «Бала ерекшелігінің даму деңгейі неғұрлым төмен болса, соғырлым мұғалімнің білім деңгейі жоғары болу керек» деген принципті ұстанамыз. Себебі бұл атүсті қарайтын іс емес», – дейді ол.</blockquote>Тәрбие орнында тәрбиеші, тәрбиешінің көмекшісі, логопед, дефектолог, психолог, қолөнер, хореограф, музыкант, дене тәрбиесі нұсқаушысы, медбике жұмыс істейді. Тәрбиешілер мен арнайы мамандар республикалық ұлттық сауықтыру орталығында білімдерін жетілдірген. Бағдарламалары да тәрбие алушылар мүмкіндіктеріне лайықталған. Мамандардың қосымша құрал-жабдықтар және арнаулы қондырғылармен жабдықталған жұмыс бөлмелері бар. Сенсорлы кабинет, құм терапиясы мен жасыл коридор режимі арқылы дамыту ісі жолға қойылған. Балабақша мамандарының тағы бір мақтана айтар қолға алған жұмысының бірі – ментальді арифметика. Мамандар оны пайдалана отырып, балғындардың сол жақ мишығының оң жақ мишықпен қоса жұмыс жасап, дарындылық қабілетін оятады екен.Мұнда бүлдіршіндер 2 жастан бастап қабылданады. Балаларды тасымалдау да шешімін тапқан. Ерекшелігі, иппотерапия арқылы емдеу-сауықтыру жұмыстары да жолға қойылған. Келушілер қызығушылығын тудырып отырған ерекшеліктердің тағы бірі – шетелден арнайы алынған «ArtikMe» құрылғысы. «ArtikMe»-мен жұмыс жасаған бала айна тектес экрандағы тапсырмаларды орындау барысында өз-өзін көріп отырады. Бұл балғынның даму үдерісін жылдамдатады. Десе де әлеуметтік орынның қиындығы да жоқ емес. Ғимаратты жалға алған олар келешекте қолдаушылар демеушілік танытса, өз алдына типтік үлгідегі балабақша салып, қабылдаушылар қатарын көбейтуді мақсат тұтып отыр.Балабақшаның бетке ұстар мамандары осындағы бүлдіршіндерге арнап құрған бағдарламарын жуырда Астана қаласында өткен «Білім өркениеті» сайысында ұсынып, бірінші орынды иеленіп қайтқан. «Рауан» балабақшасы есік ашқалы Германия елінің танымал логопеді Ренате Гриссер және Алматы қаласындағы «Кеңес» оңалту орталығымен келісімге отырып, бүгінге дейін бірлесе жұмыс жасап келеді. Соның нәтижесінде 2020 жылдан бергі тәмамдаған балалардың 70-80 проценті дерлік қарапайым мектеп оқушыларымен қатар білім алып, үлкен нәтиже көрсетуде.Мүмкіндігі мол балабақшада алдымен бала тәрбиесі бағыттарын айқындау мен оның дамуындағы ауытқулардың алдын алу үшін психологиялық диагностика тексерістері жүргізіледі. Онда алдымен жақын және актуалды даму аймағы, оқу барысындағы қиыншылықтардың себептері мен механизмдері анықталса, екінші сатыда баламен жүргізілген түзете-дамыту жұмысының баланың оқу танымдық қызметіне тигізген әсерінің тиімділігін анықтауға мүмкіндік туады.Қазіргі таңда 53 адамды, оның ішінде 23 техникалық қызметкер мен 30 педогог маманын жұмыспен қамтыған мемлекеттік жекеменшік әріптестік аясында жүзеге асқан әлеуметтік маңызы зор тәрбие ошағы экономикамызды өрістетер кәсіп қана емес, перзентінің ертеңіне алаңдаған көптің таңдауы, сондай-ақ ерекше балалардың ескерусіз қалмайтын орны болып отырған жайы бар.

Архив