<a href="https://kyzylorda-news.kz/">Kyzylorda-news.kz.</a>&nbsp; ҚР Парламенті Мәжілісі мен түрлі деңгейдегі мәслихат депутаттарын сайлау ел көлемінде ерекше маңызға ие болды. Себебі алғаш рет мажоритарлық жүйемен өткен сайлау жаңалыққа толы әрі әділетті Қазақстан қалыптастыру жолында жасалған айрықша қадам екені жасырын емес. Сайлау өткізілетін күн белгіленгеннен бастап асыға күткен қазақстандықтар елдің ертеңіне, кемел болашаққа деген сеніммен нық қадам жасады.&nbsp;Дәл осы күнді өз деңгейінде дүбірге айналдыру аймағымызда да айқын көрініс тапты. Оның бір дәлелі республикада қызылордалық сайлаушылардың саяси додаға қатысу көршеткі бойынша бірінші орынға тұрақтауы дер едім.Жалпы айтар болсақ 373 сайлау учаскесі қызмет еткен Қызылорда облысының осындай жоғарғы нәтижеге қол жеткізуіне аралдықтардың да тигізген үлесі өте жоғары. Аудан көлемінде сайлаушыларға қызмет еткен 55 сайлау үйінде де дауыс берушілердің белсенділігі халықтың қаншалықты құлықты екендігін анық аңғартты. Біз бүгін маңызды күннің көрінісін тарқата кетсек.Елім деп соққан жүрегіБіз аудан көлеміндегі сайлаушылардың таңдау жасауға келгенін ғана көзбен көре алдық. Бірақ қашанда кіндік қаны тамған топырағын өзгеден биік қойған, туған елдінің ертеңіне алаңдап, елдегі жаңалықтарға жанашырлық танытатын шалғайдағы жастарымыз да жетерлік. Олардың патриоттық сезімі мен келешекке сенімі де осы сайлауда көрініс тапты. Мәселен берісі Қырғызстан, әрісі Оңтүстік Корея мемлекетінде жүріп өз дауысын берген аралдықтар отансүйгіштігін осылайша дәлелдеді.Қарттардың батасы – кемел болашақҒасырға жуық тарихтың куәгерлері тағы бір жаңалықтың куәсіне айналды. Қарттықтың қызығына жеткен шақта өздері бастан өткерген, тәуелсіздікті жанымен аңсаған ақсақалдар келешектен зор үміт күтеті. Талай жылдық арманына айналған азаттықтың мәңгі болып, ел іргесі берік, еңсесі биік болуы үшін бекітілген сайлау учаскелерінде таңдау жасаған Қазақстан Республикасына еңбегі сіңген мәдениет қайраткері, Арал ауданының құрметті азаматы, ардагер-журналист, 95 жастағы Шәкірат Дәрмағамбетов, Қазақстанның еңбек сіңірген қайраткері, белгілі күйші-композитор әрі ақын-жырау Мұрат Сыдықов отбасымен бірге, өзге де ардагерлер мен ауданға қарасты кенттер мен ауылдардағы ақсақалдар "ұрпақтың ертеңі сәулелі болғай" деп ақ батасын берді.&nbsp;Ананың тілегі қабылАудан көлемінде 552 "Алтын алқа", 1300 "Күміс алқа" иегері бар. Міне, халықтың демографиялық өсіміне үлес қосып жүрген алтын құрсақты жандар да сайлаудан тысқары қалмады. Барлық сайлаушылармен бірге дауыс беріп, айтулы саяси додағы келген олардың тілегі бреу ғана. Ол – ұрпағының бақытты ғұмыр кешуі, тәуелсіз елдің тірегіне айналуы және көптеген мүмкіндіктерге жаңа жолдың ашылуы. Қазақ қашаннан "Ананың тілегі қабыл" деген емес пе. Міне тілеуі адал жандардың сайлау күнгі тілегі қабыл болғай.Ел болашағы жастардың қолындаАрал қаласындағы З.Шүкіров атындағы мәдениет үйінде орналасқан 45 сайлау учаскесінде дауыс берген 18 жасар Әсет Жұмахметовтің «Әр азаматтың дауысы маңызды екенін түсіндім. Біздің дұрыс шешіміміз ел болашағының жарқын бейнесіне жол салады» деген сөзінен осыны анық аңғарамыз. Міне осындай мақсатпен додаға өзі таңдаған кандидатына дауыс берген жастар өте көп. Олардың қатарында алғаш рет сайлауға қатысып тұрғандар қаншама. Солардың бірі Ақшатау елдімекенінің тұрғыны Мадияр Әбішов. 19 наурыз күні №19 сайлау учаскесіне барған 19 жастағы азаматтың да тілегі қазірдің өзінде жастарды қолдаудың жан-жақты жолын тапқан Қазақстанның алдағы уақытта да алар асуы көп болуы. «Туған күнімнің сайлаумен тұспа-тұс келгені мен үшін өте ерекше жайт болды. Бүгін мен өз дауысымды бердім және сол арқылы еліміздің кемел келешегі үшін өз таңдауымды жасадым» – деген Мадияр осындай сәйкестіктердің қуанышына айналғанын айтты.&nbsp;Баршаға тең мүмкін жасалдыСайлау үйлеріне барып дауыс беруге мүмкіндігі жоқ жандарға үйден таңдау жасауға жағдай жасалды. Елді елеңдеткен жақсы жаңалыққа өздерінің де үлес қосуы үшін осындай мүмкіндік тудырған ұйымдастырушыларға олар алғысын айтып, батасын берді.&nbsp;Ұжымдық ауызбіршілік көрініс таптыБұл додада елді сүйсінткен тағы бір көрініс түрлі сала қызметкерлерінің бірге келіп, дауыс беруі. Әсекери сала мен медицина қызметкерлерінен бөлек өндірістік бөлімше ұжымдары, теміржолшылар, мұнан өзге де көптеген мекеме қызметкерлері жұдырықтай жұмылып, жұртшылықпен бірге болды. Бұл қатарда «ақ алтынмен» Аралдың атын әлемге танымал еткен тұзшылардың да бірлігін атап айтқан артық болмас.Салтанат сипат алған СайлауҰлыстың ұлы күні қарсаңындағы өткен саяси додада Сайлау үйлері ұлттық мерекенің де мерейін өсірді. Ән мен жырдан шашу шашылып, ұлттық астан дәм ұсынылса, қазақи ойындар да ұйымдастырылды. Мұнан бөлек талайды таң-тамаша қалдырған жағдайларға куә болдық. Мәселен егіздер бірге барып таңдау жасаған учаскелерде көрген жандар таңданысын жасыра алмаса, енді бірлері ұлттық нақышта киінген егіздерін құшақтап отбасымен бірге дауыс берді. Ал сайлауға топ болып мотоциклмен барған Тоқабай жастары мен түйе мінген, салт атты жастар ата-баба салтымен халықтық рухты көтеріп тастады.Міне, саяси науқан аралдықтардың есінде осындай айта жүрерлік кереметтермен қалды. Жаңашылдыққа бет бұрған еліміздің ертеңі де дәл осы ерекше күннен басталатыны сөзсіз. Халық қалаулысы атанған кандидаттар осы бағытта өлшеусіз еңбек етіп, дамудың даңғыл жолына бастайды деген сенім мол.

Сайдау-2023: Аралда 55 сайлау учаскесі қызмет етті.

<a href="https://kyzylorda-news.kz/">Kyzylorda-news.kz.</a> Сағат 20.10-дағы жағдай бойынша азаматтардың учаскелерге келуі туралы

Сайлау: 20:10-дағы жағдай қандай?

<a href="https://kyzylorda-news.kz/">Kyzylorda-news.kz.</a> Саяси науқан тек Қазақстандағы ғана емес, сонымен қатар шетелде білімін жетілдіріп жатқан отандастарымыз үшін де зор маңызға ие.Халықаралық, республикалық байқаулардың лауреаты, жыраулық өнердің жас өркені, жырау Бидас Рүстембеков пен Қармақшы аудандық Жыраулар үйінің директоры Айгерім Ешбаеваның шәкірті Малика Алдамжарова да Анкарадағы сайлау уаскесінде өз таңдауын жасады.Малика Қорқыт ата атындағы Қызылорда университетінің "Дәстүрлі өнер" факультетінде білім алған. Бүгінде Түркияның Анкара қаласында магистратурада оқиды. Мәжіліс пен облыстық, аудандық мәслихат депутаттарын сайлауға үн қосқан жерлесіміз "Сайлауда дауыс беру - азаматтық парызым" деп есептейді.&nbsp;

Жерлесіміз Анкарадан дауыс берді

<a href="https://kyzylorda-news.kz/">Kyzylorda-news.kz.</a> &nbsp;Сағат 18.10-дағы жағдай бойынша азаматтардың учаскелерге келуі туралы.

Сайлау: 18:10-дағы жағдай қандай?

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы Байзақ Момынбаев атындағы №278 орта мектепте №349 және №354 сайлау учаскелері орналасқан.ҚР Парламенті Мәжілісі және мәслихат депутаттарын сайлау күнінде аталған сайлау учаскелеріне келген көпшіліктің қарасы қалың болды. Ел өміріндегі саяси маңызды шараға белсенділік танытқан сайлаушылар таңертеңгі уақыттан келуде.Айта кету керек, №349 сайлау учаскесінде барлығы 2664 адам сайлаушы ретінде тіркелген. Олардың арасынан денсаулық жағдайына байланысты 10 адам үйден дауыс беруге мәжбүр.«Сайлау учаскесі комиссиясы құрамында тоғыз адам бар. Олардың барлығы маңызды шара басталғаннан бері көпшіліктің өз таңдауын жасауына қызмет етіп отыр. Халықтың белсенділігі жақсы», – деп №349 сайлау учаскесінің төрағасы Нұрлан Нұртаев пікір білдірді. Ал, №354 сайлау учаскесінде 2460 адам сайлаушы ретінде өз дауысын бере алады. Сайлау учаскесіне басшылық жасап отырған Эльмира Азатбаева маңызды шараға жастардың да белсенділігі ерекше екенін айтады. Мәселен, бүгін алғаш рет дауыс беруге келген 18 жастағы Мейірім Сейдубатталқызына комиссия мүшелері өзгеше сый-сияпат жасады. Оған «Абай» кітабы тарту етілді.<figure class="image"><img src="https://knadmin.beoblood.kz/uploads/f2e2c8f0_af0b_403a_87ac_8917240fba9b_6cae8357cd.jpg" alt="f2e2c8f0-af0b-403a-87ac-8917240fba9b.jpg"></figure>&nbsp;

18 жастағы сайлаушыға «Абай» кітабы сыйға берілді

<a href="https://kyzylorda-news.kz/">Kyzylorda-news.kz.</a>Қармақшының Дүр Оңғар ауылында жеке кәсіппен айналысатындар қатары көбейіп келеді. Олардың дені мемлекеттің қолдауымен кәсіптерін кеңейтуде. Солардың бірі – Дархан Айманов.Жас кәсіпкер ауылдан «Айман» шағын сүт цехын ашып, отбасылық кәсібін дөңгелетуде. Мұнда ол ешқандай қоспасыз 5 түрлі сүт өнімін шығарады. Оның ішінде айран, ірімшік, кілегей, құрт, тіпті балмұздақ та бар. Жергілікті өнімге деген сұраныс та жоғары. Цех заманауи құрылғылармен жабдықталған. Мұнда тәулігіне 100 литр сүт өңдеуден өтеді. Мемлекеттің қолдауын тиімді пайдалана білген кәсіпкер, болашақта өнімдерінің көлемін ұлғайтуды көздеп отыр.&nbsp;<blockquote>«Бұл кәсіпті бастауыма түрткі болған – әкем. 2018 жылы оқу бітірген соң, ауылда екі жылдай жұмыссыз жүрдім. Арада пандемия басталып кетті. Бос жатқаннан пайда жоқ. Содан әкем ауданда мұндай кәсіпті ешкім қолға ала қоймағанын айтып, сүт цехын ашуды ұсынды. Бірінші жұмысты мал басын көбейтуден бастадым. Ол үшін «Микробизнес Қызылорда» бағдарламасы арқылы 3 млн несие алдым. Қайта орайы келіп, оны уақытынан бұрын өтеп тастадым. Содан соң сүт цехын ашу үшін өңірлік инвестиция орталығынан тағы да 10 млн теңге несие алдым. Оған Ресейдің Екатеринбург қаласынан сыйымдылығы 500 литр сүт өңдейтін 2 құрылғы алдырып, іске қостым. Алда өнім көлемін арттыратын тағы 1 құрылғы алуды жоспарлап отырмын», – дейді жас кәсіпкер.</blockquote>Бүгінде Жосалы, Төретам кенті мен жақын жатқан ауылдарды сүт өнімімен қамтамасыз еткен цех жаз айларында 250-300 литрге дейін өнім өндіреді. Сол аралықта құйма балмұздақтың да саудасы жүреді екен. Мұнда 1 литр айран 400 теңге, ал кілегей 650-700 теңгеден саудаланады. Шығын көлемі көбірек болғандықтан өнім нарық бағасынан сәл де болса қымбатырақ. Өйткені өнім қорабы мен жапсырмасына 65 теңге кетеді екен.&nbsp;Айтпақшы, цех шағын төрт бөлмеден тұрады. Бір сүт өңдейтін бөлме, ыдыс-аяқ жуатын орын, ағарғанды сақтайтын салқын бөлме және демалыс орны бар. Санитарлық талап қатаң сақталған. Кәсіпкер осында бір адамды жұмыспен қамтып отыр.<blockquote>«Сүт өндірудің пайдалы шаруа екендігін аңғарған соң уақытты созбай былтыр Қазалыдағы «РЗА» ЖШС-дан сүт бағытындағы 2 сиыр сатып алдым. Содан бері өнім көлемі артып, сапасы да жақсара бастады. Жергілікті сиыр күніне 5-6 литр сүт берсе, ал кейінгі асыл тұқымды сиырдың әрқайсысынан 10 литрден әрі сүт алуға болады. Бұған дейін өнімді қорамыздағы қарапайым 25 сиырдан алып келдім. Кейде шикізатты ауылдағы «Жаңажол» серіктестігіне қарасты шаруашылықтан нарықтағы бағамен сатып аламын. Сөйтіп үйдегі сиырлардың сүтін қосып бір күн қоямын. Цехта жұмыс таң атысымен басталады. Жиналған сүтті өңдеп, өнімімізді жасаймыз. Құрылғылар тоқты көп қажет ететіндіктен, қуаты таусылмай тұрып, барынша тез бітіріп алуға тырысамыз. Себебі ауылда жұмыс қызғанда жарықтың күші төмендеп кетеді. Әуелгіде тілін түсінбей, біршама қиындық туындады. Сүттің дәмін ойдағыдай келтіре алмаған да күндер болды. Ал қазір бәрі орнына келді», – деді ол.</blockquote>Кәсіп иесінің айтуынша, оған үйіндегілер отбасылық ұжым болып көмек көрсетеді. Әкесі Төлеу малдың жағдайын жасаса, анасы Зада күнделікті сиырын сауысады. Ал ағасы сүт өнімдерін дүкендерге жеткізіп жәрдемдеседі.&nbsp;<blockquote>«Бұл кәсіпті ашуды бірнеше жыл жоспарладық. Сүт цехының атауын ұлым атасының есімімен атауды жөн деп тапты. Ал енді өнімге келсек, сұраныс бар. Облысқа құрт жіберсек, аудан мен ауыл дүкендеріне айран, ірімшік, кілегей таратамыз. Кейде үйге дейін іздеп келетіндер бар. Балмұздақ көбіне ауыл ішінде саудаланады», – дейді кәсіпкердің анасы.</blockquote>Иә, бұл сүт цехының өзге сүт зауыттарынан ерекшелігі – ешқандай қоспасыз, жүз пайыз табиғи сүт өнімдерін өндіреді. Кәсіпкердің мақсаты белгілі – кәсібін кеңейту. Дархан Төлеуұлы алда кәсіпке қолдау білдіретін бағдарламаларға қатысып, тағы құрылғылар алып, қаймақ, йогурт шығаруды жоспарлап отыр.<figure class="image"><img src="https://knadmin.beoblood.kz/uploads/9c01f327_76b0_4dd7_9e75_cbf814441ef2_bdb402f5d5.jpg" alt="9c01f327-76b0-4dd7-9e75-cbf814441ef2.jpg"></figure>&nbsp;<figure class="image"><img src="https://knadmin.beoblood.kz/uploads/0570c86e_1142_4255_98ab_4a8e284c9938_61ce27b191.jpg" alt="0570c86e-1142-4255-98ab-4a8e284c9938.jpg"></figure>

Мемлекеттен көмек алған қармақшылық кәсіпкер 5 түрлі сүт өнімін шығарады

<a href="https://kyzylorda-news.kz/">Kyzylorda-news.kz.</a> &nbsp;Жалағаш ауданындағы Еңбек ауылында тұратын 14 Батыр ана бір сайлау учаскесінде бірге таңдау жасады. Батыр аналар бұрыннан белсенділігімен көзге түсіп келеді. Басым көпшілігі ауылда құрылған отыз жылдық тарихы бар «Батыр аналар» ансамбілінде өнер көрсетеді.Олар бүгінгі Парламент Мәжілісі мен мәслихаттар депутаттарын сайлау шарасында да белсенділік танытты. Ауылда орналасқан №149 сайлау учаскесіне жұбын жазбай бірге келіп, өз таңдауын жасады.<blockquote>«Біз жас емеспіз. Бірақ қазақ халқының ертеңі үшін, тәуелсіз еліміздің мәңгілік болуы үшін әрбіріміздің қосар үлесіміз бар екенін білеміз. Саяси науқанның маңыздылығын ескергендіктен, барлығымыз бірге дауыс беруге келдік. Алдағы уақытта депутат болып сайланатын азаматтардың барлығы да ел мүддесіне жұмыс істейді деп сенеміз» деді Жанымкүл Есімова.</blockquote>Айта кетсек, Қызылорда облысында барлығы 486 002 адам сайлаушы ретінде тіркелген. Олардың 20434-і Жалағаш ауданында тұрады.

14 Батыр ана сайлау учаскесіне бірге келді

<a href="https://kyzylorda-news.kz/">Kyzylorda-news.kz.</a> Қармақшы ауданы, ІІІ Интернационал ауылдық округіндегі №106 сайлау учаскесі таңғы 07:00 ашылды. Тұрғындардың белсенділігін арттыру мақсатында сайлау учаскесінде Бауырсақ пати, Наурыз көже, Өзге ұлт өкілдерінің тағамдар жәрмеңкесі ұйымдастырылды.&nbsp;<img src="https://knadmin.beoblood.kz/uploads/8a570c4d_2b4a_45ed_9df0_95c27892cd65_8e24179219.jpg" alt="8a570c4d-2b4a-45ed-9df0-95c27892cd65.jpg">Сондай-ақ, ауылдың үлгілі келіндері, үлгілі отбасы мүшелері, Алтын алқа, күміс алқа иелерінің, сонымен қатар Патриоттық жастар шеруі, Ұлттық спорт түрлерінен түрлі сайыстар ұйымдастырылды. Ауылдық округтегі ұстаздар, медицина қызметкерлері ұлттық нақышта киініп бір уакытта дауыс берді.Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.<img src="https://knadmin.beoblood.kz/uploads/51dc6854_bbe4_49f3_b629_82376b24a045_10de53cf5b.jpg" alt="51dc6854-bbe4-49f3-b629-82376b24a045.jpg">

ІІІ Интернационалда өзге ұлт өкілдерінің тағамдар жәрмеңкесі ұйымдастырылды

<a href="https://kyzylorda-news.kz/">Kyzylorda-news.kz.</a> Жалағаш ауданындағы Мәдениет ауылдық округінде 101 жастағы Өтеш Маханова дауыс берді.<blockquote>«Бүгін еліміз үшін тарихи күн. Бұған дейін де көптеген саяси науқандарды өткердік. Бұл жолғы сайлаудың мәні бөлек. Халық оң өзгерістер мен жаңаша бастамалар күтеді. Ел ертеңі үшін мен де өз таңдауымды жасадым. Мемлекетімізде тек татулық пен бейбітшілік болсын. Еліміз аман, жұртымыз тыныш болғай» деген қарт сайлаушы батасын берді.</blockquote>Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды. &nbsp;

Жалағашта көп жасаған ана дауыс берді

<a href="https://kyzylorda-news.kz/">Kyzylorda-news.kz.</a> Қармақшы ауданындағы Төретам кентінің №113 сайлау учаскесіне Соңғыбаевтар отбасы жанұясымен бірге арнайы барып дауыс берді. Қазақ елінің жарқын болашағы үшін маңызды таңдау жасады.Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.&nbsp;

Қармақшы: Отбасымен таңдау жасады

<a href="https://kyzylorda-news.kz/">Kyzylorda-news.kz.</a> Сағат 16.10-дағы жағдай бойынша азаматтардың учаскелерге келуі туралы

Сайлау: 16:10-дағы жағдай қандай?

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша барлық сайлау учаскесінде Наурыз мерекесі тойланып, жергілікті өнерпаздар сайлаушыларға мерекелік көңіл-күй сыйлады.Сайлау учаскесінің алды тақырыпқа сай этно бағытта безендірілген. Мұнан өзге, арнайы шатырлар құрылып, сайлаушыларға ұлттық тағамдар ұсынылды.Сондай-ақ, тұрғындар арасында ұлттық спорт түрлерінен жарыстар өткізілуде. Жарыс жеңімпаздары мен жүлдегерлеріне мадақтама грамоталары мен сыйлықтар табысталады.Бүгінгі сайлау қазақстандықтар үшін өте маңызды. Өйткені бүгін халық қалаулыларына жауапкершілік жүгін артатын күн. Бұл тұста жалағаштықтар да бірліктің үлгісін көрсетіп, ертелетіп өздеріне қарасты участіктерге келуде. Біз табан тіреген Еңбектегі сайлау округінің жұмысы қызу қарқын алыпты.Еңсесін тіктеген елді мекендегі жұртшылық Ұлыстың Ұлы күнімен тұспа-тұс келген саяси науқанды ерекше көңіл-күймен қарсы алды. Әсіресе таңдауын жасап, ел ісіне атсалысуға асыққан бір топ алтын құрсақты аналар көрген көзді сүйсіндірді. Отыз жылдық тарихы бар «Батыр аналар» ансамбілінің әрбір мүшесі өз даусының маңызды екенін жақсы біледі. «Ел ертеңі үшін жасалған әр істе тек бірлік керек» деген ақжаулық иелері ізгі тілектерін жаудырып қоя берді.«Біз жас емеспіз, бірақ қазақ халқының ертеңі үшін, тәуелсіз еліміздің мәңгілік болуы үшін әрбіріміздің қосар үлесіміз бар екенін білеміз. Саяси науқанның маңыздылығын ескергендіктен, барлығымыз бірге дауыс беруге келдік. Алдағы уақытта депутат болып сайланатын азаматтардың барлығы да ел мүддесіне жұмыс істейді деп сенеміз. Мақсат, абырой ортақ болса, кез келген белесті бағындыруға болады. Бұл жолда тек қана сәттілік тілейміз» дейді алтын құрсақты аналар. Иә, төл өнерді дәріптеп, қазақы салт-дәстүрімізді насихаттап жүрген аналар ансамбілінің аудандағы алар орны ерекше. Әсіресе мәдениет саласының көш ілгері болуына үлкен үлесін қосты. Қазіргі таңда 14 ана батыр аналардың осы жолдағы жұмысын жандандырып, өнерді өрге сүйреді.Айта кетейік, бірнеше жыл бұрын батыр ана, ақжаулықты әжелер эстафетасын аталған ауылдың жас 16 батыр анасына табыс етті. Батыр аналардың жолын жалғастыруды мақсат еткен жас аналардан құралған ансамбль бүгінде өскелең ұрпақты ұлттық үрдісте тәрбиелеу, халыққа қызмет көрсету, ұрпаққа үлгі-өнеге қалдыру жолында аянбай тер төгіп келеді. Аналар ізін жалғаған алтын құрсақты жас аналарда саяси науқаннан шет қалмайды. Анасын ардақтаған ауылдағы тындырымды тірлікке, бірлігі жарасқан берекелі өміріне біз де сүйсініп қайттық.Айта кету керек, Еңбектегі сайлау учаскесінде тұрғындар өз таңдауын жасап, ел ертеңіне жұмыс істейді деген үміткеріне дауыс берді. Батыр аналармен қатар жастар да, орта буын өкілдері де белсенділік танытып, халық қалаулыларын таңдауға асығуда. Асыл аналардың ақ батасымен басталған науқан қызу жүруде және ешқандай кемшілік байқалмады. Әлі де науқан соңына дейін қалған сайлаушылар таңдауларын жасайды деп сенеміз.&nbsp;

Архив