<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы NIS-тің 10-сынып оқушысы Аяулым Тәуекел мен жетекшісі Айнұр Құрақбаевамен бірлесіп «Syntharion» жобасын жасап шықты. Бұл жылдам және әлсіз көрінетін астероидтарды анықтайтын жасанды интеллект жүйесі.EfficientNet-B1 нейрожелісін қолданып, дәстүрлі әдістер байқамай қалатын NEO-объектілерді табатын бұл база қолмен белгілеуді қажет етпейтін, нақты астероид іздерін модельдеуге мүмкіндік береді.Жоба авторларының айтуынша бар болғаны тек 4 түндік бақылауда 4 жаңа астероид табылды және бұл технологияның нақты аспанда да жұмыс істейтінін дәлелдеді.Жоба планетарлық қауіпсіздікті арттырып қана қоймай, еліміздің ғарыштық зерттеулер мен инновациядағы рөлін күшейтеді.Айта кету керек, Syntharion жобасы NASA International Space Apps Challenge халықаралық байқауында да жоғары бағаланып, 1-орынды иеленді.<img src="https://knadmin.beoblood.kz/uploads/NI_Sh_2_c6a591a8ab.jpg" alt="НИШ (2).jpg">

Syntharion: Аяулым мен жетекшісі Айнұр Құрақбаеваның ғарыштық инновациясы

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінде өткен Ашық есік күніне облыстағы жалпы білім беретін мектептердің 6-сыныптарынан 500-ге жуық оқушы қатысты. Іс-шара аясында болашақ үміткерлер білім беру үдерісінің ерекшеліктерімен және мектептің материалдық-техникалық мүмкіндіктерімен жан-жақты танысуға мүмкіндік алды.Бағдарлама аясында оқушылар мектеп ішін аралап, пәндер бойынша ұйымдастырылған эксперименттік алаңдарға қатысты. Сонымен қатар, шығармашылық үйірмелер мен жобалар туралы ақпарат алды.<img src="https://knadmin.beoblood.kz/uploads/2_Ashy_esik_k_ni_500_ge_zhuy_o_ushy_NIS_erekshelikterimen_tanysty_a3e599d14d.jpg" alt="2Ашық есік күні 500-ге жуық оқушы NIS ерекшеліктерімен танысты.jpg">Мамандар конкурстық іріктеу бойынша құжат қабылдау тәртібі, іріктеу кезеңдері және қабылдау комиссиясының жұмыс мерзімдері туралы түсіндіру жұмыстарын жүргізді. Қатысушыларға дайындыққа арналған ресми ресурстар, демонстрациялық материалдар және байқау тестілеу платформалары ұсынылды.<img src="https://knadmin.beoblood.kz/uploads/1_Ashy_esik_k_ni_500_ge_zhuy_o_ushy_NIS_erekshelikterimen_tanysty_6ad97fb4bc.jpg" alt="1 Ашық есік күні 500-ге жуық оқушы NIS ерекшеліктерімен танысты.jpg">Ашық есік күні болашақ үміткерлер үшін NIS мүмкіндіктері мен оқу артықшылықтарын таныстыруға арналған ақпараттық алаңға айналды.Айта кетейік, &nbsp;2026–2027 оқу жылында Назарбаев Зияткерлік мектептерінің 7-сыныптарында оқу үшін «Өркен» білім беру грантын тағайындау конкурсына құжат қабылдау 2026 жылдың 5-қаңтарында басталып 9-ақпанға дейін жалғасады. Кешенді тест 2026 жылғы 27, 28 наурыз күндері өтеді.

Ашық есік күні: 500-ге жуық оқушы NIS ерекшеліктерімен танысты

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университеті «Құқықтану» білім беру бағдарламасының 4 курс білім алушылары Алматы қаласында өткен ЖОО студенттері мен магистранттары арасындағы «КРИМЭКС – 2025», «Криминалистика және сот сараптамасының үздік білгірлері» атты жыл сайынғы 12-халықаралық байқауға қатысып, жоғары нәтиже көрсетті.Байқау Әл-Фараби атындағы Қазақ ұлттық университетінің Заң факультеті, Қылмыстық құқық, қылмыстық іс жүргізу және криминалистика кафедрасының ұйымдастыруымен өткізіліп, қатысушылардың кәсіби дайындық деңгейін, криминалистика саласындағы білімі мен практикалық дағдыларын бағалауға бағытталды.Студенттер жоғары дайындықтарының арқасында қазылар алқасының оң бағасын алып, жүлделі II орынды иеленді. Команданың жоғары кәсіби шеберлігі мен белсенділігін қалың көрермен де ерекше бағалады. Онлайн дауыс беру нәтижесінде олар ең көп қолдауға ие болып, «Көрермен көзайымы» номинациясымен марапатталды. Команда жетекшісі «Құқықтану» білім беру бағдарламасының аға оқытушысы Алия Мүйденова.Бұл жетістік – студенттердің білімге деген құштарлығының, табандылығының және жетекші оқытушының жүйелі еңбегінің нәтижесі. Сонымен қатар, білім алушылардың кәсіби бағдарын тереңдетуге, тәжірибелік дағдыларын дамытуға бағытталған оқу үдерісінің тиімділігін дәлелдейді.

Қызылордалықтар халықаралық криминалистика байқауында үздіктер қатарынан көрінді

<a href="https://kyzylorda-news.kz/">Kyzylorda-news.kz</a> &nbsp;Өзбекстан Республикасының Нүкіс қаласында Бердақ атындағы Қарақалпақ мемлекеттік университетінің ұйымдастыруымен өткен «Қазіргі қарақалпақ филологиясының маңызды мәселелері» атты халықаралық ғылыми-теориялық конференцияға Қорқыт ата атындағы Қызылорда университетінің атынан философия докторы (PhD), Қазақ тілі мен әдебиеті және журналистика білім беру бағдарламасының жетекшісі Серікхан Жүзеев қатысты.Қарақалпақ тілі мен әдебиеті мамандығының 90 жылдық мерейтойына арналған бұл халықаралық шараға Орталық Азия елдері мен шетелдік беделді жоғары оқу орындарының жетекші ғалымдары, тілтану және әдебиеттану саласының мамандары жиналып, аймақтық тіл ғылымының өзекті мәселелерін талқылады. Конференция барысында филология ғылымдарының қазіргі даму бағыттары, түркологиядағы жаңа ғылыми әдіснамалар, әдеби мұраларды заманауи тұрғыдан зерделеу, тіл мен мәдениеттің жаһандану үдерістеріндегі орны сияқты маңызды ғылыми тақырыптар бойынша мазмұнды баяндамалар ұсынылды.Серікхан Әлханұлы ғылыми конференция барысында мазмұнды баяндама жасап, әртүрлі елдердің ғалымдарымен тәжірибе алмасып, зерттеулер бағытында университетаралық әріптестікті кеңейтуге бағытталған тығыз ғылыми байланыстар орнату мәселелерін көтерді.

Университет ғалымы Қарақалпақстанда өткен халықаралық конференцияға қатысты

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің «Экономика және құқық» институтында «Аманат» партиясының Қызылорда қалалық филиалының Атқарушы хатшысы, облыстық мәслихат депутаты Гүлшат Мусаеваның қатысуымен «Әлеуметтік жұмыс» және «Мемлекеттік және жергілікті басқару» білім беру бағдарламасының студенттеріне арналған «Адал азамат – Әділетті Қазақстан» тақырыбында дәріс өткізілді.Дәріс барысында әділетті қоғам құрудың маңызы, адал азаматтың қоғамдық дамуға ықпалы, ұлы тұлғалардың өнегелі пікірлері жайлы мәліметтер берілді. Сонымен қатар Президент Жолдауында атап көрсетілген негізгі бағыттар — әділетті Қазақстан қалыптастыру, тең мүмкіндіктер жасау, ашық қоғам құру, азаматтардың өмір сапасын арттыру мәселелері талқыланды. Адал азаматты тәрбиелеуде отбасының, мектеп пен жоғары оқу орындарының, қоғамдық ортаның және жеке дамудың рөліне назар аударылды.Шарада Әбу Насыр Әл-Фарабидің «Қайырымды қала тұрғындарының көзқарастары» еңбегіндегі адамзаттың өзара көмекке негізделген қоғам құру туралы тұжырымдары мысалға келтіріліп, оның әділетті мемлекет жайлы ойлары қазіргі реформалардың идеясымен үндес екені атап өтілді. Сондай-ақ Мемлекет басшысы Қасым-Жомарт Тоқаевтың «Жаңа Қазақстан – әділетті Қазақстан» қағидатының маңызы да сөз болды. Студенттер дәріс мазмұны бойынша белсенді пікір алмасып, өз көзқарастарын ортаға салды.

«Адал азамат – Әділетті Қазақстан» тақырыбында дәріс өтті

<a href="https://kyzylorda-news.kz/">Kyzylorda-news.kz</a> Бүгін – Сыр өңіріндегі ғана емес, ел өміріндегі айтулы күн! Өйткені экономиканың күретамыры саналатын отандық жол инфрақұрылымын жетілдіру тарихының жаңа парағы ашылды! Халық көптен күткен, көлік жүргізушілері мен жолаушылардың арманына айналған «Қызылорда-Жезқазған» жолы пайдалануға берілді.Салтанатты рәсімге облыс әкімі Нұрлыбек Нәлібаев, «Қазавтожол» ҰК» АҚ басқарма төрағасы Дархан Иманашев, құқық қорғау органдарының бірінші басшылары, облыстық мәслихат хатшысы Мұрат Тілеумбетов, депутаттар және ардагерлер қатысты.Аймақ басшысы бұл жолдың өңір экономикасына, өндірістің өркендеуіне, тұрғындардың әл-ауқатының артуына тигізетін оң ықпалы мен ерекше маңызын атап өтті.<blockquote>«Бүгін – аймағымыз үшін тарихи күн! «Қызылорда-Жезқазған» автомобиль жолының ашылу рәсімінде бас қостық. Халқымыз ұзақ жылдан бері армандап келген автожолды салуға қолдау көрсеткен Мемлекет басшымыз Қасым-Жомарт Кемелұлына барша Сыр жұртшылығының атынан зор ризашылығымызды, шынайы алғысымызды білдіреміз.Республикалық маңызы бар автомобиль жолы туралы мәселе Тәуелсіздік алған кезеңнен бері бірнеше мәрте көтерілді. Ауа райының қолайсыздығына қарамастан, тұрғындарымыз қара жолмен Елордаға, Ұлытау, Қарағанды облыстарына қатынады. Астанаға 2 мың шақырымнан астам жол жүріп, Балқаш арқылы да барды.Енді міне, Президентіміздің ерекше қолдауының арқасында қанша жылдан бері халқымыз көтерген өзекті мәселе өз шешімін тапты. Облыс аумағындағы 216 шақырым жол толық қайта жаңғыртудан өтіп, тиісті жұмыстар аяқталды. Жобаны жүзеге асыруға 84 млрд. теңге бөлінді.Бұрынғы өткен бабалардан қалған «Бақ, қайда барасың, ынтымағы жарасқан елге барамын», – деген жақсы сөз бар. Әрдайым бірлігіміз бекем, ынтымағымыз ырысты болсын! Жүргізушілер мен жолаушыларға әрдайым ақ жол, сәт сапар тілейміз! Жаңа жол берекенің бастауы болғай», – деді Нұрлыбек Машбекұлы.</blockquote>Рәсімде ауқымды жобаның жүзеге асуына үлес қосқан құрылысшылар мен инженерлерге, жол саласының мамандарына облыс әкімінің Алғыс хаты табысталды. «Қазавтожол» ҰК» АҚ басқарма төрағасы Дархан Иманашев, облыстық ардагерлер кеңесінің төрағасы Серік Дүйсенбаев құттықтау сөз сөйледі.Негізі «Қызылорда-Жезқазған» жолының ашылуы келесі жылға жоспарланған болатын. Халықтың сұранысы ескеріліп, мерзімінен бұрын пайдалануға берілді.<img src="https://knadmin.beoblood.kz/uploads/588310925_2461691284226369_5897200104540059547_n_16d35524f7.jpg" alt="588310925_2461691284226369_5897200104540059547_n.jpg"><img src="https://knadmin.beoblood.kz/uploads/590425837_2461691577559673_2693692616413657905_n_d4c9225201.jpg" alt="590425837_2461691577559673_2693692616413657905_n.jpg">Бұрын сапарға шыққандар екі аралықта 20 сағат жол жүретін. Енді жаңа жолға түскен жолаушылар 16 сағатта діттеген жеріне барады. Жол тегіс, сапасы жоғары, қауіпсіздік, жайлылық ескерілген.Ұлытау облысының аумағында басталған құрылыс жұмыстары аяқталып, жаңа жол пайдалануға берілгенде Астанаға бағыт алған көлік 12 сағатта жететін болады.Бүгінде «Қызылорда-Жезқазған» жолын «Батыс Еуропа-Батыс Қытай» автодәлізіне қосатын 25 шақырымдық айналма жол салатын мердігер мекеме анықталуда. Жақын күндері құрылысы басталады. Жоба құны – 46 млрд. 3 млн. теңге.<img src="https://knadmin.beoblood.kz/uploads/586964906_2461691604226337_7306959996438302161_n_ccf1f94fb7.jpg" alt="586964906_2461691604226337_7306959996438302161_n.jpg">Республикалық маңызы бар жол көлік қатынасын едәуір жеңілдетіп, жүк тасымалының тиімділігін арттырады. Жол бойында заманауи сервистік қызмет көрсететін пункттер бой көтеріп, шағын және орта бизнес жанданады. Аймақтар арасындағы әлеуметтік-экономикалық интеграция нығая түседі.Фото: Қызылорда облысы әкімінің баспасөз қызметі

«Қызылорда- Жезқазған» жолы пайдалануға берілді

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде өңдеу өнеркәсібін дамыту және цифрландыру, Үкімет қаулыларының жобалары қаралды. Оған облыс әкімінің бірінші орынбасары Данияр Жаналинов селекторлық режим арқылы қатысты.Үкімет отырысынан кейін облыс әкімінің бірінші орынбасарының төрағалығымен өткен мәжілісте осы және өзге де мәселелер жан-жақты талқыланып, жауапты басшыларға тапсырма берілді.<blockquote>«Өңдеу өнеркәсібінің көлемін барынша арттырып, жыл қорытындысымен оң динамикаға жету үшін нақты әрі жедел шаралар қабылдауды тапсырамын. Өңірдегі ірі өнеркәсіптік кәсіпорындардың өндірістік жоспарын нақтылау керек. Туындаған мәселелерін жедел шешіп, қосымша өсім көздерін анықтаңыздар.Теміржол вокзалдарының сыртқы келбеті ғана емес, жолаушыларға қызмет көрсету деңгейі де жоғары болуы тиіс. «Қазақстан Темір Жолы» компаниясының облыстық филиалы, көрсетілетін қызмет сапасын қадағалаңыздар. Вокзалдар аумағының абаттандырылуын, көгалдандырылуын, санитарлық тазалығын тұрақты бақылау қажет.Қала, аудан әкімдері, тек теміржол вокзалдарының аумағы ғана емес, автовокзалдардың, жолдар мен көпірлердің, жол бойындағы май құю бекеттері мен сервистік кешендердің күтіп ұсталуы назарда болуы керек», – деді Данияр Еренғалиұлы.</blockquote>Биылғы 10 айда аймақта 328 млрд теңгенің өнімі өндіріліп, өңдеу өнеркәсібінде 10,7% өсім тіркелді. Экономиканы әртараптандыру аясында жоспарланған 20 жобаның 13-і іске қосылды, қалған 7-уі жыл соңына дейін пайдалануға беріледі. Соңғы бес жылда өңдеу өнеркәсібінің жалпы өнеркәсіптегі үлесі 12,9% өсіп, өнім көлемі 2,6 есе артты.Өңір кәсіпорындары цифрлық және автоматтандырылған технологияларды кеңінен қолдануда. Шыны зауыты өнім жинау мен тасымалдауда жапон роботтарын, ал шыны кесуде италиялық автоматты пайдаланады.Тампонажды цемент зауытының өндірісіне Siemens басқару жүйесі мен интеллектуалды логистика енгізілген. «Мағжан и К» күріш зауыты кореялық толық автоматтандырылған жүйемен жұмыс істейді.Фото: Қызылорда облысы әкімінің баспасөз қызметі

Өңдеу өнеркәсібін дамыту және цифрландыру мәселелері қаралды

<a href="https://kyzylorda-news.kz/">Kyzylorda-news.kz</a> Қазақстан экономикасы соңғы жылдардағы ең тұрақты әрі сенімді өсім қарқынын көрсетуде. 2025 жылдың он айының қорытындысы бойынша елдің жалпы ішкі өнімі 6,4%-ға артты, бұл көптеген аналитиктер мен халықаралық сараптамалық институттардың болжамдарынан айтарлықтай жоғары. Мұндай өсім ішкі сұраныстың кеңеюі, инвестициялық белсенділіктің күшеюі және негізгі салалардың қалпына келуі нәтижесінде қалыптасып отыр.Айта кету керек, оң серпін экономика салаларының басым бөлігінде байқалады — қызмет көрсету мен саудадан бастап өнеркәсіп пен агроөнеркәсіп кешеніне дейін. Әсіресе нақты сектордың нығаюы анық көрінеді: өндіріс көлемі артып, қуаттар жаңартылып, инвестициялық белсенділік күшеюде.ЖІӨ өсіміне ең үлкен үлес өнеркәсіп саласына тиесілі — плюс 7,3%. Бұл жалпы өсімнің 30%-дан астамын қамтамасыз етті. Сауда және көлік салаларымен бірге өнеркәсіп ЖІӨ өсімінің 70%-дан астамын құрады.Экономиканың жекелеген секторларының өсімге қосқан үлесі төмендегідей:<ol><li style="text-align:justify;">&nbsp;көлік және қоймалау — *+20,7%*;</li><li style="text-align:justify;">&nbsp;құрылыс — *+15,1%*;</li><li style="text-align:justify;">&nbsp;өнеркәсіп — *+7,3%*;</li><li style="text-align:justify;">&nbsp;сауда — *+9%*;</li><li style="text-align:justify;">&nbsp;ауыл шаруашылығы — *+5,4%*;</li><li style="text-align:justify;">байланыс — *+4%*.</li></ol>Өнеркәсіптің өз ішінде тау-кен өндіру секторы 9,6%-ға, өңдеу саласы 5,8%-ға өсті. Өңдеуші өнеркәсіптегі өсім келесі бағыттардағы өндірістің артуымен байланысты:<ol><li style="text-align:justify;">&nbsp;машина жасау — *+11,5%, оның ішінде автомобиль жасау — *+13,3%**;</li><li style="text-align:justify;">&nbsp;химия өнеркәсібі — *+10,9%*;</li><li style="text-align:justify;">&nbsp;тамақ өнімдері өндірісі — *+9,1%*;</li><li style="text-align:justify;">&nbsp;мұнай өңдеу — *+6,3%*;</li><li style="text-align:justify;">&nbsp;металл бұйымдары өндірісі — *+14,1%*;</li><li style="text-align:justify;">&nbsp;құрылыс материалдары — *+5,3%*.</li></ol>Бұл жан-жақты өсім Қазақстан экономикасының бірнеше тәуелсіз драйверлерге сүйеніп, неғұрлым тұрақты әрі әртараптандырылған модельге бет алғанын дәлелдейді. Сонымен қатар, Қазақстан ЖІӨ өсімінің қазіргі қарқыны әлемдік орташа көрсеткіштен әлдеқайда жоғары: ЭЫДҰ болжамынша, биыл жаһандық ЖІӨ небәрі 3,2%-ға өседі.Экономиканың тұрақты өсуіндегі «Самұрық-Қазына» қорының рөліҚазақстан экономикасының ұзақ мерзімді тұрақты дамуы негізгі салаларды жаңғырту және стратегиялық жобаларды қолдау сияқты мақсатты шараларсыз мүмкін емес. Осы міндеттерді іске асырудың басты құралдарының бірі — «Самұрық-Қазына» Ұлттық әл-ауқат қоры.Ұлттық компанияларды жаңғыртуға, жаңа технологияларды енгізуге және инфрақұрылымдық жобаларды дамытуға бағытталған инвестициялар өндірістік қуаттардың артуына және экспорттық әлеуеттің нығаюына елеулі әсер етуде. 2025 жылы қор тобының инвестициялық портфеліне жалпы құны 50 трлн теңгеден асатын шамамен 130 жоба кіреді. Оның ішінде 46 жоба — мұнай-газ, мұнай-химия, энергетика, көлік-логистика, құрылыс және басқа да салалардағы жаңа ірі бастамалар. Олардың жалпы инвестиция көлемі – 33,3 трлн теңге.Жаңа жобалар қатарында:<ol><li style="text-align:justify;">&nbsp;«Комфортты мектептер» пилоттық ұлттық жобасы — 1,4 трлн тг;</li><li style="text-align:justify;">&nbsp;энергетика нысандарын салу, қайта жаңарту және жаңғырту бағытындағы 18 жоба — 10,3 трлн тг;</li><li style="text-align:justify;">&nbsp;Қазақстан бойынша 5G желісін салу — 536,9 млрд тг;</li><li style="text-align:justify;">«НИНТ» АЭА (Қарабатан учаскесі) инфрақұрылымын салу — 619 млрд тг;</li><li style="text-align:justify;">&nbsp;«Мойынты — Қызылжар» теміржол желісі (320 км) — 566 млрд тг;</li><li style="text-align:justify;">басқа да бастамалар.</li></ol>Қордың қаржылық нәтижелері2024 жылдың қорытындысы бойынша «Самұрық-Қазына» тобының активтері 41,1 трлн теңгеге жетті — бұл өткен жылмен салыстырғанда 11,3% көп және соңғы тоғыз жылдағы ең жоғары өсім. Негізгі көрсеткіштердің барлығында оң динамика байқалады:<ol><li style="text-align:justify;">түсім — *+6,5%* (16,4 трлн тг);</li><li style="text-align:justify;">&nbsp;меншікті капитал — *+17,7%* (25,6 трлн тг);</li><li style="text-align:justify;">&nbsp;таза пайда — *+38,6%* (2,4 трлн тг).</li></ol>Қор барлық бағыттар бойынша оң тренд көрсетуде:<ol><li style="text-align:justify;">&nbsp;шикі мұнай сату — *+1,2%*;</li><li style="text-align:justify;">жүк теміржол тасымалы — *+11,4%*;</li><li style="text-align:justify;">уран өнімдері сату — *+23,3%*;</li><li style="text-align:justify;">аффинирленген алтын өткізу — *+55%*;</li><li style="text-align:justify;">&nbsp;телекоммуникациялық қызметтер — *+9,4%*.</li></ol>Қор табыстарын экономиканы жаңғыртуға және әртараптандыруға қайта бағыттайды. Бұл мемлекет басымдықтарымен де, қордың қаржылық тұрақтылығымен де үйлеседі.Корпоративтік басқару және тиімділікІшкі басқару процестерінің жетілдірілуі — қор жұмысының маңызды бөлігі. Тәуелсіз директорлардың қатысуы, ашықтықтың артуы және халықаралық тәжірибеге бейімделу операциялық тәртіпті нығайтады. Қордың негізгі мақсаты — ұлттық компаниялар арасында синергия құрып, олардың бірлескен тиімділігін арттыру.Сонымен бірге қор стратегиялық мемлекеттік міндеттерді де, нарықтық тиімділік қағидаттарын да үйлестіре отырып, аралас басқару моделін қолданады. Әлеуметтік маңызы жоғары салаларда — теміржол тарифтері, өңірлік инфрақұрылым — әлеуметтік тұрақтылық басым. Ал бәсекелі секторларда — мұнай-газда — инвестициялық тиімділікке басымдық беріледі.2024 жылы қордың елдің тұрақты дамуына қосқан үлесі шамамен 11 трлн теңгеге бағаланды.Әлеуметтік ықпалы2024 жылы қордың әлеуметтік ықпалы 916 млрд теңгені құрады. Бұл:<ol><li style="text-align:justify;">&nbsp;«Қазақстан халқына» қорына аударымдар,</li><li style="text-align:justify;">&nbsp;Samruk-Kazyna Trust жобалары,</li><li style="text-align:justify;">&nbsp;қызметкерлерді әлеуметтік қолдау,</li><li style="text-align:justify;">өңірлерге көмек,</li><li style="text-align:justify;">&nbsp;өндірістік қауіпсіздік шаралары.</li></ol>Қор компаниялары 256 мыңнан астам адамды жұмыспен қамтып отыр.Экономикалық ықпалыЭкономикаға қосқан үлес — 8 256 млрд теңге:<ol><li style="text-align:justify;">&nbsp;салықтар — 2 086 млрд тг;</li><li style="text-align:justify;">дивидендтер — 737 млрд тг;</li><li style="text-align:justify;">инфрақұрылымға инвестициялар — 1 928 млрд тг;</li><li style="text-align:justify;">қазақстандық өндірушілерден сатып алулар — 3 505 млрд тг.</li></ol>Экологиялық ықпалЭкологиялық шығындар мен жобаларға бағытталған сома — 543 млрд тг. Бұған:<ol><li style="text-align:justify;">&nbsp;экологиялық төлемдер,</li><li style="text-align:justify;">ластануды азайту технологиялары,</li><li style="text-align:justify;">&nbsp;энергия тиімділігі,</li><li style="text-align:justify;">зерттеулер,</li><li style="text-align:justify;">өндіріс орындарын қалпына келтіру және экологиялық зардаптарды өтеу шығындары кіреді.</li></ol>Экономиканы субсидиялау2024 жылы қор соңғы тұтынушыларға түсетін жүктемені азайту үшін 1,3 трлн теңге көлемінде айқаспалы субсидиялау жүргізді:<ol><li style="text-align:justify;">&nbsp;теміржол тасымалдары — 358 млрд тг (транзит есебінен);</li><li style="text-align:justify;">ішкі нарықтағы мұнай өнімдері — 277 млрд тг («ҚазМұнайГаз» экспорттық кірістері есебінен);</li><li style="text-align:justify;">&nbsp;газ — 178 млрд тг (транзит және экспорт есебінен).</li></ol>Халықаралық тәжірибеСуверендік қорлар — әлемде кең таралған тәжірибе. Олар ұлттық байлықты жинақтау және экономиканы тұрақтандырудың тиімді құралдары.Өзбекстан 2024 жылы UzNIF — Ұлттық инвестициялық қор құрылды. Портфелі — 1,7 млрд доллар, энергетика, көлік, телеком, қаржы және өнеркәсіп секторларын қамтиды.Әзербайжан Екі негізгі құрылым бар:<ul><li style="text-align:justify;">&nbsp;AIH — 20–22 млрд долл актив;</li><li style="text-align:justify;">&nbsp;SOFAZ — 50–60 млрд долл актив, елдің басты суверендік қоры.</li></ul>Еуропа елдері (Ұлыбритания, Германия) Соңғы жылдары инфрақұрылым, энергетика және зейнетақы жүйелерін қолдау үшін жаңа қорлар құру бастамалары күшейді.2025 жылы әлемде 121 суверендік қор бар (бір жыл бұрын — 104).Өңірлік бөлініс:<ul><li style="text-align:justify;">Солтүстік Америка — 16;</li><li style="text-align:justify;">&nbsp;Латын Америкасы — 10;</li><li style="text-align:justify;">Еуропа — 19;</li><li style="text-align:justify;">Таяу Шығыс — 22;</li><li style="text-align:justify;">&nbsp;Африка — 17;</li><li style="text-align:justify;">&nbsp;Азия — 27;</li><li style="text-align:justify;">Австралия және Тынық мұхиты — 10.</li></ul>Әлемдік тәжірибе көрсеткендей, «Самұрық-Қазына» сияқты ірі ұлттық қорлар — экономикалық қауіпсіздікті нығайтатын, дамуға инвестиция салатын және елдің ұзақ мерзімді тұрақтылығын қамтамасыз ететін стратегиялық институттар.

Қазақстанның ЖІӨ өсімі әлемдік көрсеткіштен екі еседен асады

<a href="https://kyzylorda-news.kz/">Kyzylorda-news.kz</a> Қазан айындағы оң нәтижелер ел экономикасының өсуі бір реттік серпіндерге емес, құрылымдық өзгерістерге негізделгенін көрсетті. Өңдеу саласының кеңеюі, өңірлердің дамуы, экспорт пен өндіріс базасының әртараптанудың барлығы ұзақмерзімді тұрақтылықтың негізін қалайды.Ұлттық статистика бюросының деректеріне сәйкес, 2025 жылғы 10 айда елдің ішкі жалпы өнімі 6,4% өсім көрсетті. Бұл тоғыз айдағы көрсеткіштен 0,1 пайызға жоғары.Өсімнің басты драйверлері қатарында құрылыс, сауда, өнеркәсіп және ауыл шаруашылығы бар. Олардың барлығында дерлік өңірлік деңгейде оң динамика сақталуда.Маңыздысы нарықта қызып кету белгілері байқалмады. Өсу сапамен және өндіріс құрылымының жақсаруы­мен қатар жүруде. Бұл макроэкономикалық тепе-теңдіктің сақталғанын көрсетеді.

Қазақстан экономикасы жай өсу сатысынан сапалы даму рельсіне ауысты

<a href="https://kyzylorda-news.kz/">Kyzylorda-news.kz</a> “QazaqGaz” ұлттық компаниясының басшысы Әлібек Жамауов “Самұрық-Қазына”&nbsp;қорының Қоғамдық кеңесі отырысында Қазақстанда газдың көтерме бағасын арттыру қажет екенін&nbsp;мәлімдеді.&nbsp;Бұл туралы&nbsp;Stan.kz&nbsp;ақпарат агенттігі хабарлайды.Әлібек Жамауовтың айтуынша, тауарлық газдың көтерме бағасы кезең-кезеңімен өсіп&nbsp;жатқанына қарамастан, Қазақстан әлі де халық үшін көгілдір отынның тарифі ең төмен елдердің бірі болып отыр.“33% көлеміндегі соңғы түзетуді ескергеннің өзінде, ішкі нарықтағы “QazaqGaz” компаниясының жыл сайынғы субсидия көлемі 200 миллиард теңге деңгейінде қалып отыр. Сонымен қатар соңғы жылдары газ бағасының өсуі әлеуметтік маңызы бар тауарлардың көпшілігіне қарағанда әлдеқайда төмен болды. Бұдан бөлек, соңғы он жылдықта қазақстандықтардың коммуналдық шығындарындағы газдың үлесі 6,4%-дан 5,2%-ға дейін азайды”, — деді ол.Оның сөзінше, газдың тұрақты жеткізілуін қамтамасыз ету, инвестициялық жобаларды іске асыру және инфрақұрылымды дамыту үшін көтерме бағаны біртіндеп өзіндік құн деңгейіне дейін жеткізу қажет. Әлібек Жамауов бұл елдің энергия қауіпсіздігін нығайтып, Қазақстанның барлық өңірлерін сенімді түрде газбен қамтамасыз етуге мүмкіндік береді деп санайды.Фото: Ru.freepik.com

"Тарифі ең төмен елдердің біріміз": Қазақстанда газдың бағасын өсіру ұсынылды

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында көптен бері шешімін күткен маңызды мәселе - Сабалақ елдімекені табиғи газға қосылуда. Бұл жаңалықты Сабалақ тұрғындары аса зор қуанышпен қабылдап жатыр.Қала маңында орналасқан Сабалақ елдімекенінде халық саны жыл сайын артып, жаңа тұрғын үйлер мен әлеуметтік нысандар салынуда және соңғы 3 жылдың ішінде 5 млрд. теңге жуық қаржыға ауқымды инфрақұрылымдық жобалар жүзеге асырылды.Оның ішінде жол, жарық, ауыз су желісі тартылып, бірқатар көшелерге жарықтандыру жүргізілді. Қоғамдық көлік қатынасы реттелді.Осы жұмыстармен қатар, тұрғындардың басты сұранысы табиғи газ мәселесін шешу болатын.Аймақ басшысы халықтың сұранасын қанағаттандыру мақсатында тиісті салаға мәселені жедел шешу туралы тапсырма беріп, демеушілік есебінен 53 млн. теңгеге жоба сметалық құжаттама әзірленді.Нәтижесінде, республикалық және облыстық бюджеттен жобаны жүзеге асыруға 3,2 млрд теңге бөлініп, 2024 жылы елді мекенді газдандыру жұмыстары басталды.Мердігер мекеме «Сырэнергогазстрой» ЖШС арқылы 3 кезеңнен тұратын жоба &nbsp;аясында 100 шақырымға жуық газ құбыры тартылып, &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; 1 дана газ реттеуіш пункті мен 5 дана шкафты газды реттеу пункті орнатылды.Қазіргі таңда пайдаланушы мекемелер тарапынан тексеру және қабылдау жұмыстары аяқталып, елдімекенге жеткізуші газ құбыры жоғары қысымды газ желісіне қосылды.Жыл соңына дейін барлық жұмыстар аяқталып, 1670 абонент көгілдір отынға қосылуға қол жеткізеді.Айта кету керек, аймағымызда 2021 жылдың соңында газдандыру деңгейі 67 пайыз болатын. Атқарылған ауқымды жобаларадың арқасында 2022-2025 жылдар аралығында 63 млрд. 600 млн. теңгеге&nbsp;77 жоба жүзеге асырылып, биыл облысымызда газдандыру көрсеткіші 83 пайызға жетті.<img src="https://knadmin.beoblood.kz/uploads/Sabala_eldimekeni_gaz_a_osyldy_a137a636a7.jpg" alt="Сабалақ елдімекені газға қосылды.jpg">

Сабалақ елдімекені газға қосылды

<a href="https://kyzylorda-news.kz/">Kyzylorda-news.kz</a> Қазалы ауданының Әйтеке би кентінде кәсіпкер Асылан Бақытбектің жеке қаражаты есебінен салынған жаңа қонақүйдің ашылу рәсімі өтті. Оған облыстық мәслихат төрағасы Мұрат Тлеумбетов, облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, жауапты сала басшылары мен зиялы қауым өкілдері қатысты.Облыс әкімінің орынбасары аймақтың әлеуметтік-экономикалық даму барысына тоқталып, жаңа нысанның жұмысына сәттілік тіледі.<blockquote>«Қазалы ауданында айтулы істер, жарқын жобалар жүзеге асуда. Биылға аудан бюджеті 18 млрд. 900 млн. теңге болып бекітілсе, нақтыланған бюджет көлемі 27 млрд. теңгеге жетті. Мұнда Президент тапсырмасымен мемлекетке қайтарылған активтер есебінен 1 медициналық, 4 ауыз сумен қамтамасыз ететін, 5 әлеуметтік нысан құрылысы басталған болатын. Шалғайдағы Сарбұлақ, Шилі, Шәкен және Шитүбекке таза ауыз су жеткізілді. Жаңадан ашылған қонақүйдің қызмет сапасы жоғары, табысы берекелі болғай», – деді Қ. Нұртай.</blockquote>Рәсімде аймақтың әлеуметтік-экономикалық дамуына үлес қосқан кәсіпкерлер облыс әкімінің Алғыс хатымен марапатталып, облыстық мәслихат депутаты Ібайдулла Тілеп ізгі тілегін жеткізді.<img src="https://knadmin.beoblood.kz/uploads/1_jteke_bi_kentinde_zha_a_ona_j_ashyldy_f682da426b.jpg" alt="1 Әйтеке би кентінде жаңа қонақүй ашылды.jpg">Айта кетейік, кәсіпкер жобаны жүзеге асыруға жеке қаражаты есебінен 500 млн. теңге салған. Ғимарат қазіргі заман талаптарына сай, ресепшн аймағынан бастап қонаққа жайлы етіп жасақталған, 17 бөлмесі (37 орын), кездесулер мен іс-шараларға арналған конференц залы, лаундж аймағы бар.Фото: Қызылорда облысы әкімінің баспасөз қызметі

 Әйтеке би кентінде жаңа қонақүй ашылды

<a href="https://kyzylorda-news.kz/">Kyzylorda-news.kz</a> &nbsp;ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде көлік-транзит саласын дамыту және цифрландыру мәселесі қаралды.Оған облыс әкімінің бірінші орынбасары Данияр Жаналинов селекторлық режим арқылы қатысып, осы және өзге де мәселелерге орай жауапты сала басшыларына нақты тапсырмалар жүктеді.<blockquote>«Жоспарланған жол сапалы салынып, жыл соңына дейін мерзімінде бітуі тиіс. Әсіресе асфальт төсеу кезіндегі жұмыс барысы қатаң бақылауда болсын.Қала, аудан әкімдерімен бірлесіп, мәдени-көпшілік іс-шаралар өтетін қоғамдық орындар мен нысандар тізімін нақтылап, өрт қауіпсіздігінің сақталуын қамтамасыз етіңіздер. Талапқа сай келмейтін пиротехникалық бұйымдарды пайдалануға жол бермеу керек. Оларды сақтайтын және сататын орындарға рейдтік жедел-профилактикалық шаралар ұйымдастырыңыздар.Мереке өтетін нысандарда өрт сөндіру және қоғамдық тәртіпті сақтау қызметтері кезекшілікке тұруы тиіс. Корпоративтік кештер өтетін мейрамхана иелеріне өрт қауіпсіздігіне қатысты түсіндірме жүргізіңіздер. Медициналық қызмет те күшейтілген режимде жұмыс істеуі қажет», – Данияр Еренғалиұлы.</blockquote>Облыс аумағынан 3 545 шақырым жергілікті маңызы бар жол өтеді, оның ішінде 1 024,5 шақырымы республикалық, 555 шақырымы облыстық, 1 965,5 шақырымы аудандық маңызы бар жолдар.Биыл жергілікті жол инфрақұрылымын дамытуға бюджеттен 46 млрд 644 млн теңге бөлінді. Бұл қаржыға 329 шақырым автожол жөнделіп, жақсы және қанағаттанарлық жағдайдағы жолдар үлесі 95 пайызға жеткізілмек. Сонымен қатар, 3 учаскеге автоматтандырылған өлшеу станциялары орнатылады.Облыс аумағынан 1051 шақырым теміржол желісі өтеді. «Қазақстан Темір Жолы» ұлттық компаниясына қарасты 8 теміржол вокзалы, 2 қызмет көрсету пункті бар.Фото: Қызылорда облысы әкімінің баспасөз қызметі

Көлік-транзит саласын дамыту және цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов Қазалы ауданына жұмыс сапарымен барып, аудан әкімі Алмасбек Есмахановпен бірге құрылыс нысандарын аралады.&nbsp;Бахыт Дүйсенұлы алдымен Қазалы теміржол вокзалындағы күрделі жөндеу жұмыстарын, теміржол үстінен өтетін жаяу жүргіншілерге арналған көпір құрылысын көрді. Күрделі жөндеуді «Қазақстан Темір Жолы» ұлттық компаниясының қаржыландыруымен «Бақ Береке» ЖШС жүргізуде. Эскиздік жобаға сәйкес, ғимараттың іргетасы мен қабырғалары нығайтылады, шатыры ауыстырылып, есік-терезелерді жаңартылады. Жолаушыларға арналған күту залдары заманауи талапқа сай жабдықталып, мүмкіндігі шектеулі азаматтарға қолайлы жағдай жасалмақ. Қауіпсіздік жүйелері орнатылып, аумақты көгалдандыру және брусчатка төсеу секілді ауқымды жұмыстар атқарылады. Бүгінде ғимараттың сыртқы жұмысының басым бөлігі аяқталып, құрылысшылар ішкі жұмыстарға кіріскен.Облыс әкімінің орынбасары Әйтеке би кентіндегі халықтың әлеуметтік осал топтары үшін салынып жатқан 2 пәтерлік 40 тұрғын үйдің құрылысын көрді. Құрылыс аяқталуға жақын, жуық арада тұрғындар игілігіне берілмек. Мұндағы жұмыс барысы облыс әкімі Нұрлыбек Нәлібаевтың тікелей бақылауында екенін айтқан Бахыт Дүйсенұлы мердігер мекеме өкілдеріне тұрғын үйлерді сапалы етіп салып, инфрақұрылыммен толық қамтамасыз етіп, мерізімінде пайдалануға беруді тапсырды.Жұмыс сапары Қарлан көпірінде, &nbsp;Бекарыстан би ауылындағы спорт кешінінің құрылыс алаңында жалғасты. Көпір құрылысын «НұрлыТау ЛТД» жауапкершілігі шектеулі серіктестігі қолға алған. Кіреберіс жолы салынып, Сырдария өзені суын уақытша бөгеу арқылы бетон тіреулер құйылуда. Дарияның арғы бетіндегі 12 мыңға жуық халық үшін бұл көпірдің маңызын айтқан Бахыт Дүйсенұлы ең бірінші кезекте құрылыстың сапасы мен мерзімінде аяқталуын тапсырды.«Ауыл – ел бесігі» жобасы аясында «Жылу ХХІ» жауапкершілігі шектеулі серістестігі салып жатқан Бекарыстан би ауылындағы спорт кешені құрылысы аяқталуға жақын. Іске қосылғанда мұнда ауыл жастары бос уақытын тиімді өткізеді.Айта кетейік, аталған жоба аясындағы спорт кешендері Әйтеке би кенті мен Қожабақы ауылында да салынуда.<img src="https://knadmin.beoblood.kz/uploads/rylys_nysandaryn_aralady_3_8267a1b7e5.jpg" alt="Құрылыс нысандарын аралады 3.jpg">

Облыс әкімінің орынбасары құрылыс нысандарын аралады

<a href="https://kyzylorda-news.kz/">Kyzylorda-news.kz</a> “AMANAT ”партияcы облыстық филиалының төрағасы Жандос Базартай Қазақстан Республикасы Президентінің жанындағы Мемлекеттік басқару академиясының облыстық филиалы базасында ауыл әкімдерімен кездесіп, «Ауыл әкімдері: жауапкершілік және көшбасшылық» тақырыбында дәріс оқыды.&nbsp;Іс-шара барысында ауыл әкімдерінің қызметіндегі жауапкершілік деңгейі, тиімді басқару принциптері, көшбасшылық қасиеттерді дамыту тетіктері, халықпен кері байланысты нығайту жолдары, сондай-ақ жергілікті атқарушы органдар жұмысының сапасын арттыруға бағытталған негізгі басымдықтар кеңінен түсіндірілді.&nbsp;Дәріс ауыл әкімдерінің кәсіби біліктілігін жетілдіруге, ауылдық аумақтарды дамытуға және мемлекеттік басқару тиімділігін арттыруға бағытталды. Онда ауыл әкімдері өзекті мәселелерді ортаға салып, тәжірибе алмасып, ауылдық округтердің дамуына қатысты нақты ұсыныстар ортаға салынып, талқыланды.&nbsp;«Ауыл әкімдері: жауапкершілік және көшбасшылық» тақырыбында өткен дәріс ауыл әкімдері үшін ауылды дамытуға арналған жаңа идеялар мен бастамалардың туындауына негіз болды деп айтуға болады.&nbsp;<img src="https://knadmin.beoblood.kz/uploads/Amanat_d_ris_o_u_1ef378f3a9.jpg" alt="Аманат дәріс оқу.jpg">

Партия төрағасы ауыл әкімдерімен кездесіп, дәріс оқыды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов пен қала әкімі Нұржан Ахатов Президент паркіндегі құрылыс жұмыстарының барысын бақылады.Мұнда бас мердігер «Bi Global» ЖШС ауқымды абаттандыру жобасын жүзеге асыруда. Саябаққа 3 аллея, 6 субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, биіктігі 50 метр болатын айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен көпірлер, шахмат, баскетбол және футбол алаңдарын, арқан саябағы мен модульдік санитарлық нысандар салынуда.&nbsp;<img src="https://knadmin.beoblood.kz/uploads/Prezident_sayaba_y_ba_ylau_3_43813cce28.jpg" alt="Президент саябағы бақылау 3.jpg">Сонымен қатар, бұл аумақта жыл он екі ай жұмыс істейтін 300 орындық заманауи балалар тынығу лагері мен Ботаникалық білім беру орталығы бой көтеріп келеді. Бас мердігер Alem Qurylys AQ ЖШС жобаға сәйкес спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна орнатады. Қазір саябақтағы нысандарда қызу жұмыс жүруде.<img src="https://knadmin.beoblood.kz/uploads/Prezident_sayaba_y_ba_ylau_2_e35cdcc54c.jpg" alt="Президент саябағы бақылау 2.jpg">

Президент саябағындағы нысандар құрылысы қарқынды жүруде

<a href="https://kyzylorda-news.kz/">Kyzylorda-news.kz</a> Қазақстан аумағына тауық жұмыртқасын әкелуге уақытша тыйым салынды. Бұл туралы <a href="https://stan.kz/kazakstanga-tauik-zhymirtkasin-akeluge-uakitsha-tiyim-s-427587/">Stan.kz</a> ақпарат агенттігі хабарлайды.Қазақстанға үшінші мемлекеттерден және Еуразиялық экономикалық одақ елдерінен барлық көлік түрімен тауық жұмыртқасын әкелуге уақытша тыйым салынды. Шектеу бір ай мерзімге енгізілді. Тиісті бұйрыққа ауыл шаруашылығы министрі қол қойды.Ауыл шаруашылығы министрлігінің мәліметінше, шектеу&nbsp;отандық тауар өндірушілерді қолдау мақсатында енгізілген.<blockquote>“Айта кету керек, тыйым Қазақстан Республикасының аумағы арқылы тауық жұмыртқаларының транзитін, сондай-ақ олардың Еуразиялық экономикалық одаққа мүше бір мемлекеттің аумағынан Еуразиялық экономикалық одаққа мүше екінші мемлекеттің аумағына Қазақстан аумағы арқылы өтуіне қатысты қолданылмайды”, –&nbsp;делінген министрлік хабарламасында.&nbsp;</blockquote>Фото: freepik.com

Бас тақырыптар