<a href="https://kyzylorda-news.kz/">Kyzylorda-news.kz</a> &nbsp;ҚР Оқу-ағарту министрі Жұлдыз Сүлейменова Үкімет отырысында мектепке дейінгі және бастауыш білім беру саласындағы кешенді жоспар мен жаңартулар туралы <a href="https://kaz.inform.kz/news/mektep-bagdarlamasina-zhana-mndett-pander-engzld-56bca202">баяндады.</a><blockquote>– Осы негізде 2026-2028 жылдарға арналған мектепке дейінгі және бастауыш білім беруді дамытудың кешенді жоспары әзірленді. Негізгі басымдықтардың бірі мектепке дейінгі тәрбие және оқытумен қамтудың жұмысын кеңейту, – деді министр.</blockquote>Оның айтуынша, бастауыш білім беру жүйесінде елеулі өзгерістер енгізілген.<blockquote>–&nbsp;Себебі алғаш рет біздің жаңа Конституцияда бастауыш білім конституциялық мәртебеге ие&nbsp;болды. Осы негізде балалардың жас ерекшеліктері ескеріле отырып, оқу бағдарламаларының мазмұны кешенді түрде қайта қарастырылды,&nbsp;– деді Жұлдыз Сүлейменова.</blockquote>Министр бастауыш сыныптардағы математика пәні бойынша өзгерістерге тоқталды.<blockquote>–&nbsp;Атап айтар болсақ, 1-4 сыныптарға арналған математика пәні бойынша 244 оқу мақсаты толық қайта қаралды. Оның ішінде оқушылардың жас ерекшеліктеріне сәйкес келмейтін бірқатар мақсаттар алып тасталды, бірқатар мақсаттар жоғары сыныптарға ауыстырылды. Сонымен бірге пәннің практикалық бағыты күшейтілді, күрделі теориялық тақырыптардың көлемі қысқартылды және оқу жылының басы мен соңында өткенді қайталау бөлімдері сағаттармен енгізілді. 1-сынып оқушылары үшін бейімделу кезеңі енгізілді. Бұл әртүрлі дайындық деңгейімен келген бүлдіршіндеріміздің білім беру процесіне жеңіл бейімделуіне, санау, оқу және жазу дағдыларын жүйелі қалыптастыруға зор мүмкіндік береді,&nbsp;– деді ол.</blockquote>Сонымен қатар спикер тілдік пәндер бойынша да&nbsp;жаңартулар бар екенін атап өтті.<blockquote>–&nbsp;Тілдік пәндердің мазмұны айтарлықтай жаңартылды. Әліппеге дейінгі кезең 12 сағатқа ұзартылды. Әліппе пәнін оқуға 84 сағат бөлінді. Сонымен бірге «Ана тілі» пәні екінші жартыжылдықта 102 сағат көлемінде оқытылатын болады. Оқу бағдарламаларында ауызша сөйлеу мәдениеті, коммуникацияны дамыту, мәтінді түсініп түйсіну оқуы, оқырман сауаттылығы мен жазбаша коммуникация дағдыларын дамытуға бағытталған тапсырмалар күшейтілді,&nbsp;– деді министр.</blockquote>Оның айтуынша, білім беру мазмұны жаңа талаптарға сай жаңартылып жатыр.<blockquote>–&nbsp;Бұдан бөлек, тұтастай алғанда мектепке дейінгі және бастауыш білім жаңа конституциялық білім беру саясатының берік іргетасына айналуы үшін бұл сапалы бастауышты білім сапалы орта білімнің, ал&nbsp;сапалы орта білім елдің бәсекеге қабілетті адам капиталының негізіне айналуы тиіс,&nbsp;–деді Жұлдыз Сүлейменова.</blockquote>Сондай-ақ министр жаңа оқу жылынан бастап енгізілген міндетті пәндерге тоқталды.<blockquote>–&nbsp;Жаңа оқу жылынан бастап білім беру мазмұнына бірқатар жаңа міндетті курстар толықтырылды. Бұл 5-7 сынып оқушылары үшін «Конституция негіздері» пәні, 8-11 сыныптарда «Заң және тәртіп» міндетті курсы, 5-11 сыныптарда «Жеке қауіпсіздік» міндетті курсы енгізілді. Келесі оқу жылынан бастап 8-9 сыныптарда «Қазақстан географиясы» пәні қайта енгізілді. Бұған дейін таңдау пәні ретінде жүргізілген «Құқық негіздері» ендігі уақыттан бастап барлық оқушыларымыз үшін міндетті пәнге айналды. Жаңа Конституцияның қағидаттарына толық сәйкестендіріліп, жаңа мазмұнда оқытылатын болады,&nbsp;– деп толықтырды министр.</blockquote>Фото: Оқу-ағарту министрлігі

Мектеп бағдарламасына жаңа міндетті пәндер енгізілді  

<a href="https://kyzylorda-news.kz/">Kyzylorda-news.kz</a> Аккредиттеу және рейтингтің тәуелсіз агенттігі (АРТА) жариялаған «Қазақстан Республикасы жоғары оқу орындарының сұраныс рейтингі – 2026» қорытындысы бойынша Қорқыт ата атындағы Қызылорда университеті еліміздің үздік жоғары оқу орындарының алғашқы ондығына еніп, 7-орынға тұрақтады.Биылғы рейтингке Қазақстанның көпсалалы, техникалық, гуманитарлық-экономикалық, медициналық, педагогикалық және өнер бағытындағы 32 жоғары оқу орны қатысты. Сонымен қатар, рейтингке енгізілген білім беру бағдарламаларының саны өткен жылмен салыстырғанда 10,7 пайызға артты.Рейтинг қорытындысында университеттің 31 білім беру бағдарламасы Қазақстан бойынша үздік үштікке енді.Бұл нәтиже университеттің білім беру сапасының жоғары деңгейін, профессор-оқытушылар құрамының кәсібилігін, ғылыми әлеуетін және түлектерінің еңбек нарығындағы сұранысын тағы бір мәрте дәлелдейді.

Қорқыт ата университеті үздік ондықта

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебінің 2026 жылғы түлектеріне аттестат табыстау салтанатты рәсімі өтті. Биыл мектепті 135 оқушы аяқтап, жаңа өмір жолына қадам басты.<img src="https://knadmin.beoblood.kz/uploads/Nish_attestat_2_18b18d4318.jpeg" alt="Ниш аттестат .jpeg">Бітіруші зияткерлердің қатарында 17 оқушы Үздік аттестат иегері атанса, 2 түлек «Алтын белгі» төсбелгісін растады. Сонымен қатар әрбір алтыншы түлек Назарбаев Университетіне шақырту алып, тағы 15 жас Гонконг, Италия, Жапония, Оңтүстік Корея, Литва және Венгрияның жетекші жоғары оқу орындарының білім гранттарын жеңіп алды.<img src="https://knadmin.beoblood.kz/uploads/Nish_attestat_3_d9254490e2.jpeg" alt="Ниш аттестат .jpeg">Оқу жылдары ішінде түлектер халықаралық және республикалық олимпиадаларда, ғылыми жобалар мен инженерлік байқауларда жоғары нәтижелер көрсетті. IESO жас геологтардың халықаралық олимпиадасы, WRO дүниежүзілік робототехника олимпиадасы, Infomatrix Asia, Samsung Solve for Tomorrow, Kazakhstan Smart Space және өзге де беделді жарыстарда жеңімпаз атанып, мектеп абыройын асқақтатты. Түлектер арасында IELTS халықаралық емтиханынан 8.0–8.5 балл жинаған, SAT емтиханынан 1500-ден жоғары нәтиже көрсеткен дарынды оқушылар көп. Бұл көрсеткіштер олардың жоғары академиялық әлеуетін дәлелдеді.<img src="https://knadmin.beoblood.kz/uploads/Nish_attestat_4_9f209b0526.jpeg" alt="Ниш аттестат 4.jpeg">Салтанатты жиында мектеп директоры Акбар Тусупбаев түлектерді жетістіктерімен құттықтап, алдағы өмір жолында сәттілік тіледі.<blockquote>«Шәкірттеріміздің бұл жетістігі – олардың қажырлы еңбегінің, ұстаздарымыздың кәсіби біліктілігінің және ата-аналардың сенімі мен қолдауының нәтижесінде келген бүкіл мектеп қауымдастығының ортақ жеңісі. Мектеп қабырғасында алған білім мен тәрбие түлектерімізге қай жерде жүрсе де дұрыс бағыт көрсетіп, биік мақсаттарға жетелейді деп сенемін. Қандай мамандық иесі болса да, білімдерің мен қабілеттерің туған елдің өркендеуіне жұмсайтын азамат болып қалыптасуларыңа тілектеспін», – деді Акбар Асқарұлы.</blockquote>Салтанатты шараға Қамқоршылық кеңес мүшелері, өңірдің бизнес қауымдастығы өкілдері мен ата-аналар қатысты. Қонақтар түлектерге ақ жол тілеп, ізгі лебіздерін білдірді. Кеш барысында бітіруші түлектер ән шырқап, мектепке, ұстаздары мен ата-аналарына жүрекжарды алғыстарын жеткізді. Жылы естеліктер мен әсерлі сәттерге толы мереке ерекше атмосферасымен есте қалды.

Қызылордадағы NIS-тің 135 түлегіне аттестат табысталды

<a href="https://kyzylorda-news.kz/">Kyzylorda-news.kz</a> Қызылорда облысының білім басқармасының басшысы Асқарбек Есжанов, И.Әбдікәрімов атындағы Қызылорда политехникалық жоғары колледжінің директоры Абайбек Жүнісов Қытай Халық Республикасының Бейжің қаласында халықаралық білім беру саласындағы маңызды құжатқа қол қойды.Төртжақты ынтымақтастық туралы меморандум Қызылорда облысының білім басқармасы, Чунцин электрондық ғылым және технологиялар кәсіптік университеті, И.Әбдікәрімов атындағы Қызылорда политехникалық жоғары колледжі және «Чунцин баспасы» компаниясы арасында жасалды.Аталған келісім техникалық және кәсіптік білім беру саласындағы әріптестікті нығайтуға, тәжірибе алмасуға және еңбек нарығына қажетті маман даярлауға бағытталған.Меморандум аясында тараптар оқытушылар мен студенттер алмасады. Қытайда білім алатын шетелдіктерді даярлау жүйесі дамиды, бірлескен оқу-тәжірибе орталықтарын, мамандандырылған шеберханалар құру көзделген. Екі тілде оқулықтар мен заманауи цифрлық білім беру ресурстары әзірленеді. Сонымен қатар «Қытай тілі + кәсіптік дағдылар» бағдарламасы енгізіледі. Өндірістік тәжірибеден өту, түлектерді жұмыспен қамту мүмкіндіктері кеңейтіліп, білім беру мен өндірісті ықпалдастыратын халықаралық жобалар іске асады.<figure class="image"><img src="https://knadmin.beoblood.kz/uploads/akimat_aa16a65b11.jpg" alt="акимат.jpg"></figure>Сапар Чунцин қаласындағы келіссөздермен жалғасып, білім беру және мәдениет салаларындағы ынтымақтастықты дамытуға бағытталған бірқатар кездесу өткізу жоспарланған. Бұл жаңа бастамалар мен бірлескен жобаларға жол ашпақ.Кейінгі жылдары Мемлекет басшысының және Үкіметтің ерекше қолдауымен &nbsp;аймақтың білім беру саласында 46 заманауи нысан ел игілігіне табысталды. Олардың қатарында сол кездегі аймақ басшысы Нұрлыбек Нәлібаевтың бастамасымен Қызылорда қаласында бой көтерген еліміздегі алғашқы «Құзыреттілік орталығы» да бар.Бүгінде орталық жастардың кәсіби дағдыларын шыңдауына, тұрақты жұмыспен қамтылуына оң ықпалын тигізіп келеді.<figure class="image"><img src="https://knadmin.beoblood.kz/uploads/akimat_854c6299c0.jpg" alt="акимат.jpg"></figure>

Төртжақты меморандумға қол қойды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Тарих және археология» білім беру бағдарламасының аға оқытушысы, философия докторы Ыслам Құрманиязов Қарағанды облысында ұйымдастырылған «Сарыарқаның көшпелі мәдениеті: Ұлы даланың құпиялары – Талды» атты халықаралық ғылыми симпозиумға қатысты.Халықаралық деңгейдегі маңызды ғылыми жиынға Қазақстанмен қатар Түркия, Германия, Венгрия және Ресей мемлекеттерінен жетекші ғалымдар, археологтар, тарихшылар мен мәдени мұра саласының мамандары жиналды. Симпозиум барысында тарихи-мәдени мұраны сақтау мен насихаттау, археологиялық зерттеулердің заманауи әдістерін қолдану, ғылыми нәтижелерді халықаралық деңгейде интеграциялау және ғылыми ынтымақтастықты дамыту мәселелері кеңінен талқыланды.Ғылыми басқосу аясында қатысушылар Орталық Қазақстандағы бірегей тарихи нысандардың бірі саналатын Талды археологиялық паркінің аумағында болып, қола дәуіріне жататын археологиялық ескерткіштермен танысты. Мамандар соңғы жылдары жүргізілген қазба жұмыстарының нәтижелерін ортаға салып, ежелгі көшпелі өркениеттердің мәдениеті мен тұрмыс-тіршілігіне қатысты тың ғылыми тұжырымдарымен бөлісті.Сонымен қатар, симпозиум бағдарламасында қазақ халқының дәстүрлі мәдениеті мен рухани мұрасын дәріптеуге арналған арнайы іс-шаралар ұйымдастырылды. Қатысушылар ұлттық қолөнер бұйымдарының көрмесін тамашалап, қазақтың салт-дәстүрлері мен ұлттық спорт түрлерінің ерекшеліктерімен танысты. Бұл өз кезегінде Қазақстанның бай мәдени мұрасын шетелдік ғалымдарға кеңінен таныстыруға мүмкіндік берді.Аталған халықаралық ғылыми алаң тәжірибе алмасуға, жаңа ғылыми байланыстар орнатуға және археология мен тарих саласындағы бірлескен зерттеу жобаларын дамытуға жол ашты. Сондай-ақ, жас зерттеушілер мен тәжірибелі ғалымдардың пікір алмасуына қолайлы орта қалыптастырады.Халықаралық симпозиумға қатысу Қорқыт ата атындағы Қызылорда университеті ғалымдарының ғылыми әлеуетін танытып қана қоймай, отандық археология мен тарих ғылымын халықаралық деңгейде насихаттауға ықпал етті. Мұндай ғылыми кездесулер тарихи-мәдени мұраны зерттеу мен сақтау бағытындағы ынтымақтастықты нығайтып, жаңа зерттеулердің жүзеге асуына негіз қалайды.<img src="https://knadmin.beoblood.kz/uploads/UNIVERSITET_ALYMY_HALY_ARALY_YLYMI_SIMPOZIUM_A_ATYSTY_2636cd6345.jpeg" alt="УНИВЕРСИТЕТ ҒАЛЫМЫ ХАЛЫҚАРАЛЫҚ ҒЫЛЫМИ СИМПОЗИУМҒА ҚАТЫСТЫ.jpeg">

 Университет ғалымы халықаралық ғылыми симпозиумға қатысты

<a href="https://kyzylorda-news.kz/">Kyzylorda-news.kz</a> Бүгін «28 маусым – Бұқаралық ақпарат құралдары қызметкерлерінің» кәсіби мерекесі қарсаңында БАҚ өкілдері арасында Сыр журналистикасында өзіндік қолтаңбасын қалдырған белгілі журналист Сағитжан Бермағанбетовты еске алуға арналған облыстық дәстүрлі шағын футбол турнирі өтті.Биыл үшінші мәрте ұйымдастырылған спорттық шараға республикалық БАҚ-ның аймақтағы меншікті тілшілері, облыстық, қалалық және аудандық бұқаралық ақпарат құралдарының өкілдері мен облыстық қоғамдық даму басқармасынан құралған «Qyzylorda TV», «Қаламгер», «Сыр медиа», «Сыр бойы» және «Даму United» командалары қатысып, өзара бақ сынасты.<img src="https://knadmin.beoblood.kz/uploads/S_Berma_anbetovti_eske_alu_turniri_4_eab816fe88.jpg" alt="С.Бермағанбетовті еске алу турнирі 4.jpg">Турнирдің басты мақсаты – өзінің қысқа ғана ғұмырында ақиқаттың ақ жолынан таймай, журналистиканың жауапты міндетін адал атқарып, ақпарат саласында өшпес із қалдырған қарымды қаламгер Сағитжан Бермағанбетовтың есімін ұлықтау, журналистер арасындағы ынтымақ пен бірлікті нығайту, салауатты өмір салтын насихаттау.Салтанатты ашылу рәсіміне облыстық қоғамдық даму басқармасының басшысы Руслан Каюпов, «Qyzylorda» телеарнасының директоры Нұрбек Әмиша және Сағитжан Бермағанбетовтың ата-анасы қатысып, турнирге қатысушы журналистерге сәттілік тіледі.Өз сөзінде басқарма басшысы БАҚ өкілдерін кәсіби мерекемен құттықтап, турнирдің маңыздылығына ерекше тоқталды.<blockquote>«Баршаңызды алда келе жатқан Бұқаралық ақпарат құралдары қызметкерлері күні кәсіби мерекесімен шын жүректен құттықтаймын! Биыл аймағымызда үшінші мәрте ұйымдастырылып отырған белгілі журналист, ұшқыр ойлы, өткір тілді, халқының сүйікті перзенті Сағитжан Бермағанбетов атындағы дәстүрлі шағын футбол турнирінің орны ерекше. Сағитжан ағамыздың парасатты пайымы, қоғамдағы өзекті мәселелерді батыл көтеретін өткірлігі, елдік мүддені бәрінен жоғары қоятын азаматтық ұстанымы көпшілікке үлгі болды. Жас болса да жалынды сөзімен, шынайы болмысымен халықтың ықыласына бөленген арда азаматтың есімін ұлықтау – кейінгі буын үшін үлкен өнеге. Мемлекет басшысы Қасым-Жомарт Кемелұлы Тоқаев ақпарат саласы қызметкерлерінің кәсіби жауапкершілігіне әрдайым жоғары баға беріп келеді. Өйткені шынайы ақпарат пен әділ сөз – қоғамның тұрақтылығы мен дамуының басты кепілі. Сіздердің ел бірлігі мен қоғам тұрақтылығы жолындағы еңбектеріңіз әрдайым жоғары бағалана береді. Бүгінгі доп додасында мықтылар анықталып, жанкүйерлер керемет әсерге бөленеді деп сенемін», – деді Руслан Мұхамедәліұлы.</blockquote>Жарыс қорытындысы бойынша жүлделі І орын республикалық БАҚ-ның меншікті тілшілерінен құралған «Қаламгер» командасына бұйырса, ІІ орын «Сыр медиа» командасы, үздік үштікті облыстық қоғамдық даму басқармасының «Даму United» командасы түйіндеді.&nbsp;<img src="https://knadmin.beoblood.kz/uploads/S_Berma_anbetovti_eske_alu_turniri_2_50adfa17b6.jpg" alt="С.Бермағанбетовті еске алу турнирі 2.jpg">Жеңімпаздар мен жүлдегерлерге арнайы кубоктар, дипломдар, қаржылай сыйақылар мен естелік сыйлықтар табысталды. Сондай-ақ жекелеген ойыншылардың шеберлігі де жоғары бағаланды.Атап айтқанда, жергілікті ақпарат саласының өкілдері «Сыр бойы» командасының ойыншысы Мұхтар Ибрашев «Үздік қақпашы» атанса, «Qyzylorda TV» командасының мүшесі Бауыржан Қожамұратов «Үздік қорғаушы», «Qyzylorda TV» командасының ойыншысы Ержан Батыршаев «Үздік шабуылшы», «Сыр бойы» командасының ойыншысы Болат Қожахметов «Үздік ойыншы» номинациясын иеленді.Спорт пен руханият үндескен бұл дода қатысушыларға көтеріңкі көңіл-күй сыйлап қана қоймай, кәсіби ортадағы достық пен ауызбіршіліктің жарқын үлгісін көрсетті.<img src="https://knadmin.beoblood.kz/uploads/S_Berma_anbetovti_eske_alu_turniri_784f17df30.jpg" alt="С.Бермағанбетовті еске алу турнирі.jpg">

Белгілі журналист Сағитжан Бермағанбетовті еске алуға арналған дәстүрлі турнир өтті

<a href="https://kyzylorda-news.kz/">Kyzylorda-news.kz</a> Биыл аймақтың әлеуметтік-экономикалық дамуында оң серпін байқалады. Ендеше сандарды сөйлетіп көрсек. Аймақтың өңдеу өнеркәсібі 6,4%-ға, ауыл шаруашылығының жалпы өнімі 1,3%-ға, негізгі капиталға салынған инвестициялар 10,6%-ға артты. Сонымен қатар құрылыс жұмыстарының көлемі 21,8%-ға өссе, пайдалануға берілген тұрғын үйлер 8,4%-ға, сауда көлемі 7%-ға ұлғайған. Бұл туралы Өңірлік коммуникациялар қызметінің ақпарат алаңында Ұлттық статистика Бюросының Қызылорда облысы бойынша департаментінің басшысы Қайрат Әбсұлтанов айтты.<blockquote>- Аймақтың құрылыс саласында қарқынды жұмыстар бар. Бір жыл ішінде атқарылған құрылыс жұмыстарының көлемі 21,8%-ға өсті. Ал тұрғын үй құрылысы аясында 3973 тұрғын ғимараты пайдалануға беріліп, жалпы алаңы 939 мың шаршы метрден асты. Аграрлық салаға да тоқталып өтсем. Ауыл шаруашылығы өнімдерінің жалпы көлемі 1,3%-ға өсті. Өткен жылы облыс бойынша 186,6 мың гектар жерге егін егілді, оның негізгі бөлігі – күріш. Мал басы да көбейіп келеді: жылқы 6,8%-ға, түйе 4,9%-ға, ірі қара мал 1,5%-ға артқан. Ет өндіру 7,5%-ға, сүт 3,0%-ға, жұмыртқа 7,1%-ға көбейген. Демографиялық ахуал да тұрақты. 2025 жылы облыста 16 641 сәби дүниеге келген. Аймақ 1000 тұрғынға шаққандағы туу көрсеткіші бойынша республикада тұрақты түрде төртінші орында тұр. Орта есеппен тәулігіне 40-45 сәби өмірге келсе, ай сайын 1300-1400 бала тіркеледі. Бұл халық санының табиғи өсімі сақталып отырғанын көрсетеді. Кәсіпкерлік саласында да өсім бар. 2026 жылдың 1 қаңтарына облыста 11 551 заңды тұлға тіркеліп, оның 10 354-і нақты жұмыс істеп тұр. Шағын және орта кәсіпкерлік субъектілерінің саны 68 152 бірлікке жетіп, белсенді жұмыс істеп тұрғандары 65 698-ді құрады. Жалпы алғанда, өңірде өндіріс, инвестиция, құрылыс пен кәсіпкерлік қатар дамып, халық саны мен еңбек нарығында тұрақтылық сақталып отыр,- деді Қайрат Байғабылұлы.</blockquote><img src="https://knadmin.beoblood.kz/uploads/Ajma_ta_ekonomikaly_belsendilik_artty_913e0aed1d.jpg" alt="Аймақта экономикалық белсенділік артты.jpg">Фото: pixabay

Аймақта экономикалық белсенділік артты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде экономиканы одан әрі әртараптандыру шаралары қаралды. Оған облыс әкімі Нұрлыбек Нәлібав селекторлық режим арқылы қатысты.Үкімет отырысында «Orda Glass Ltd» ЖШС әкімшілік басқарма басшысының орынбасары Ғалымжан Қуатов баяндама жасап, өңірде 2022 жылдан бері жұмыс жасап келе жатқан республикадағы табақша шыны өндіретін жалғыз зауыттың жұмысы мен алдағы жоспарларын таныстырды.Отырыстан кейін өткен мәжілісте осы және өзге де мәселелер талқыланып, жауапты сала басшыларына тапсырмалар жүктелді.<blockquote>«Инвестиция тартуды күшейтіп, жаңа жобаларды іске асыру үшін инвесторлармен жүйелі жұмысты ұйымдастыру керек. Аудандарда, ауылдарда кәсіпкерлікті дамыту жайын жан-жақты зерделеп, нақты ұсыныстар енгізіңіздер. Қаржы институттарымен аудандарда, ауылдарда көшпелі түсіндірме жұмыстарын қарқынды жүргізу қажет.Сырттан келетін халық тұтынатын негізгі азық-түлік тауарларын «Ауыл аманаты» жобасы аясында өндіруді ұйымдастырыңыздар. Жоспарланған құрылыс нысандары уақытылы аяқталуы керек. Жаңадан салынуы келісілген нысандарға ғана жоба-сметалық құжат әзірлеңіздер.Мемлекет басшысының Катар сапарында жасалған келісім бойынша қуаттылығы 1100 Мвт-тық бу-газ қондырғысының жобалау жұмыстары жүргізілуде. Облыстық энергетика және тұрғын үй-коммуналдық шаруашылығы басқармасы маңызды екі жобаны сапалы әрі мерзімінде жүзеге асырыңыздар», – деді Нұрлыбек Машбекұлы.</blockquote>Айта кетейік, өңір экономикасын әртараптандыру, шикізатқа тәуелділікті азайту, өңдеу өнеркәсібін дамыту, ШОБ-ты қолдау және ауыл шаруашылығы өнімдерін өңдеуді арттыруда жүйелі жұмыс бар.2026-2029 жылдары 48 инвестициялық жоба жүзеге асырылып, 10 308 жаңа жұмыс орны ашылады. Биыл 100 млрд теңгенің 21 жобасы іске қосылады. Олардың қатарында қуаттылығы 3 500 тонналық құс фабрикасы, 5 200 тонналық тауарлы сүт фермасы, «Пана» қонақ үйі, гофрлеу және картонның тегіс қабаты үшін қағаз өндіру зауыты, жалпы қуаттылығы 50 МВт болатын 2 күн электр станциясы бар.Сонымен бірге 753 млрд 300 млн теңгеге бағаланған 14 ірі жобаның құрылысы межеленген. Өткен жылы кореялық «Уиз Ю» компаниясының тұрмыстық қатты қалдықтарды сұрыптау кешені және «Риксос» қонақ үйінің құрылысы басталды. «Табиғи тас Қызылорда» серіктестігі 17 млрд 300 млн теңгеге жылына 1 млн 100 мың тонна әк өндіретін зауытын іске қосады. «Шалқия» кен-байыту фабрикасы, «Арал сода» серіктестігінің кальциленген сода, «Севен Риверс» компаниясының шыны бөтелке, испандық «Рока групп» компаниясының жылына 500 мыңға дейін санитарлық-техникалық өнім шығаратын зауыт құрылысы басталады.Швейцариялық «Харвест Агро» компаниясының техникалық қарасора, жүгері және соя өсіру, қайта өңдеу, жүгеріні терең өңдейтін крахмал-сірне зауытының құрылысы бастау алды. Компанияға 14 200 гектар жер учаскесі табысталды.Фото: Қызылорда облысы әкімінің баспасөз қызметі

Экономиканы одан әрі әртараптандыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Құрылыс саласында да оң серпін байқалады. Қала аумағында атқарылған құрылыс жұмыстарының көлемі 182 млрд 276 млн теңгеге жетіп, 111,3 пайыздық өсім көрсеткен. Облыстағы үлесі 49,8 пайызды құрайды. Бұл туралы Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов мәлімдеді. Кездесу барысында шаһар басшысы қаланың әлеуметтік-экономикалық даму көрсеткіштері мен алдағы жоспарлар туралы кеңінен баяндады.<blockquote>«Әлеуметтің ең әлеуетті әрі өзекті мәселесі баспана. Бұл бағытта Қызылорда республика бойынша алдыңғы қатарда тұр. Өткен жылы көпқабатты тұрғын үйлерді салу және сатып алу үшін 35 млрд 812 млн теңге жұмсалып, 1 890 отбасы жаңа пәтерге қол жеткізген. Ал биыл кезекте тұрған отбасыларға тұрғын үй сатып алу мақсатында облыстық бюджеттен 39 млрд 474 млн теңге бөлініп отыр», – деді Нұржан Ахатов.</blockquote>Сонымен қатар, жол-көлік инфрақұрылымын дамыту мәселесі де назардан тыс қалған жоқ. Аймақ басшысының тікелей қолдауымен өткен жылы бұл салаға 30 млрд теңге қарастырылып, нәтижесінде 79 көшеде жол құрылысы жүргізіліп, күрделі және орташа жөндеу жұмыстары атқарылған.Қаланың негізгі магистральдарының бірі — «Тәуелсіздікке 25 жыл» даңғылы екі кезең бойынша жаңғыртылып, толықтай пайдалануға берілді. Қала әкімінің айтуынша, атқарылып жатқан жұмыстардың барлығы тұрғындардың өмір сапасын арттыруға және Қызылорданың тұрақты дамуын қамтамасыз етуге бағытталған.<img src="https://knadmin.beoblood.kz/uploads/yzylorda_alasynda_leumettik_ekonomikaly_damu_ar_yny_k_shejdi_30f0b19366.jpg" alt="Қызылорда қаласында әлеуметтік-экономикалық даму қарқыны күшейді.jpg">Экономиканың өзегі ауыл шаруашылығында екендігі бүгінгі таңда айқын сезілуде. Жылдан-жылға мұнай қорының сарқылуы бұл салаға басымдық беруді талап етіп отыр. Сырдария өзенімен өмірі өзектес Қызылорда өңірі үшін егіншілік тек күнкөріс көзі ғана емес, стратегиялық маңызы бар бағыт.<blockquote>«Биыл өңірде су тапшылығы ерекше байқалды. Бұл мәселе Мемлекет басшысының аймаққа жасаған жұмыс сапары барысында да диқандар тарапынан көтерілген болатын. Алайда қалыптасқан күрделі жағдайға қарамастан, аймақ басшысының ұтымды ұйымдастыруы мен жедел қабылданған шешімдерінің нәтижесінде аграрлық саланың берекесі бәсеңдеген жоқ. Нәтижесінде 8 041 гектар жерге орналастырылған ауыл шаруашылығы дақылдары мерзімінде толық жиналды. Оның ішінде негізгі дақыл күріш 3 354 гектар алқапқа себіліп, әр гектарынан 52 центнерден өнім алынды. Бұл су тапшылығы жағдайында қол жеткізілген айтарлықтай көрсеткіш» , - деді Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов.</blockquote>Саладағы қолдаулар биылғы жылы да жалғасын табады.<blockquote>«Ендігі басты міндет әрбір тамшы судың қадірін білу. Су үнемдеу технологияларын уақыт оздырмай енгізуіміз қажет. Осы мақсатта алдағы кезеңде лазерлік тегістеу мен тамшылатып суару әдістерін кеңінен қолдану жоспарланып отыр. Бұл тәсілдер суды тиімді пайдалануға ғана емес, өнімділікті арттыруға да мүмкіндік береді», - деді шаһар басшысы.</blockquote>Ауыл шаруашылығын дамыту өңірдің тұрақты дамуы мен халықтың әл-ауқатын арттырудың басты кепілі. Сондықтан аграрлық саладағы жүйелі жұмыстар алдағы уақытта да жалғасын таба бермек.Мемлекет басшысының бастамасымен жүзеге асырылып жатқан «Ауыл аманаты» жобасы өңірде нақты нәтижесін беруде. Бағдарлама аясында қала бойынша 46 жобаға 359 млн 500 мың теңге көлемінде жеңілдетілген несие берілді. Бұл ауыл тұрғындарының кәсіп ашуына және табысын арттыруына мүмкіндік жасады.<blockquote>"Қызылорда қаласында «Өңірлік инвестициялық орталығы» арқылы өнеркәсіп саласындағы 20 жоба қолдау тауып, жалпы көлемі 627 млн теңге қаржыға қол жеткізді. Бұл бастамалар өндірістік әлеуетті арттырып, жаңа жұмыс орындарын ашуға жол ашты. Кәсіпкерлікті қаржылай қолдауда екінші деңгейлі банктердің де үлесі зор. Осы арна арқылы 86 кәсіпкер жалпы сомасы 4 млрд 600 млн теңге көлемінде жеңілдетілген несие алып, өз ісін кеңейтуге мүмкіндік алды. Нәтижесінде Қызылорда қаласындағы кәсіпкерлер саны 35 мыңнан асып, бұл салада жұмыспен қамтылған азаматтар саны 63 мыңға жетті", - деді қала әкімі Өңірлік коммуникациялар қызметінің ақпарат алаңында өткен баспасөз конференциясында.</blockquote>Шағын және орта кәсіпкерлік субъектілері тарапынан өндірілген өнім көлемі 374 млрд 752 млн теңгені құрады. Бұдан бөлек, құны 240 млрд теңге болатын 16 жаңа инвестициялық жоба іске асырылды.<blockquote>"Инвестициялық жобалармен қатар, қаладағы сауда инфрақұрылымын жаңғыртуға да басымдық беріп отырмыз. Қазіргі таңда тұрғындар арасында “Жаңа базар” және “Ескі базар” аталып кеткен екі ірі сауда орталығы кезең-кезеңімен қайта жаңартылуда. Аталған жобалар қала экономикасын әртараптандыруға, кәсіпкерлік белсенділікті арттыруға және тұрғындардың тұрақты жұмыспен қамтылуына оң ықпал етуде", – деді Нұржан Сәбитұлы.</blockquote>

Қызылорда қаласында әлеуметтік-экономикалық даму қарқыны күшейді

<a href="https://kyzylorda-news.kz/">Kyzylorda-news.kz</a> 2025 жылы Қазақстанның көлік саласы еліміздің транзиттік-логистикалық әлеуетін нығайтуға, инфрақұрылымды жаңғыртуға және тасымалдау тиімділігін арттыруға бағытталған жүйелі дамуды жалғастырды. Бұл бағыттар Мемлекет басшысы Қасым-Жомарт Тоқаевтың тапсырмаларына сәйкес жүзеге асырылды.Қазақстан «Шығыс – Батыс», «Солтүстік – Оңтүстік» халықаралық көлік дәліздерін және Транскаспий халықаралық көлік бағытын дамыту арқылы Еуразия құрлық көпірінің рөлін тұрақты түрде арттыра отырып, Еуропа мен Азия арасындағы негізгі дәнекерге айналып отыр. Инфрақұрылымдық жобаларды жүзеге асыру, жылжымалы құрамды жаңарту, көлікті бақылауда цифрлық шешімдерді енгізу және халықаралық бағыттар желісін кеңейту еліміздің өңірдегі негізгі транзиттік хабтарының бірі ретінде позициясын нығайтуға ықпал етті.2025 жылдың қорытындысы бойынша транзиттік тасымалдау көлемі 36,9 млн тоннаны құрады, бұл 2024 жылдың сәйкес кезеңі көрсеткішінен 6,6%-ға артық (34,6 млн тонна).&nbsp;Транзит көлемінің артуы – автомобиль, теміржол, әуе және су көлігін кешенді дамытудың, сондай-ақ логистика саласындағы халықаралық ынтымақтастықты кеңейтуге бағытталған дәйекті жұмыстың нәтижесі.<img src="https://knadmin.beoblood.kz/uploads/1_kz_23_672609c6fa.png" alt="1-kz-23.png">Автожолдар мен жол инфрақұрылымын дамыту2025 жылдың басты жетістіктерінің бірі – автожол желісінің кең ауқымды дамуы. Құрылыс және жөндеу жұмыстары рекордтық 13 мың шақырым автожолды қамтыды.Нәтижесінде республикалық жолдардың 94%-ы техникалық нормативті жағдайда.Ішкі шекарадағы өткізу пункттерін модернизациялау жұмыстары жүргізілуде. 2027 жылдың соңына дейін 37 өткізу пунктін аяқтау жоспарлануда.&nbsp;Жол саласын цифрландыру ерекше назарда. Мемлекет басшысының тапсырмасы бойынша e-Joldar шеңберінде жолдардың цифрлық паспорттары қалыптастырылуда, бұл жолдардың техникалық жай-күйін, қозғалыс қарқындылығын және пайдалану параметрлерін орталықтандырылған түрде есепке алуды қамтамасыз етеді.&nbsp;Жыл сайын жасанды интеллект технологияларын қолдана отырып жол диагностикасы жүргізіледі.&nbsp;Жол төсемін сақтау үшін 220 бірлікке дейін автоматтандырылған өлшеу стансаларын орнату жалғасуда. Қазіргі таңда оның 71 бірлігі іске қосылған.Авиация: маршрут желісін кеңейту және инфрақұрылымға инвестиция тарту2025 жылы азаматтық авиацияның дамуы әуе паркін жаңарту, халықаралық бағыттарды кеңейту және әуежай инфрақұрылымына инвестициялар тартумен қатар жүрді. Әуе кемелері паркі 109 бірлікке жетті, оның ішінде 8 жаңа Airbus A320 ұшағы және 4 Boeing 737 MAX 8 ұшағы бар. &nbsp;<img src="https://knadmin.beoblood.kz/uploads/2_kz_5_1_decaf76dd5.png" alt="2-kz-5-1.png">Қазақстан 2025 жылдың желтоқсан айындағы мәліметтер бойынша аптасына жалпы жиілігі 626 рейсті құрайтын 135 халықаралық бағыт бойынша 30 елмен әуе қатынасы іске қосылды. Халықаралық маршрут желісі ТМД, Еуропа, Таяу Шығыс, Азия және Оңтүстік-Шығыс Азия елдерін қамтиды.Сала бойынша бүгінде 25 мың адам жұмыс орындарымен қамтылды, бұл оның тұрақты жұмысын қолдауға және негізгі операциялық процестердің үздіксіз орындалуын қамтамасыз етуге көмектеседі.Өткен жылы Арқалық әуежайын қалпына келтіру жұмыстары басталды, Алматы әуежайын дамытудың бас жоспары таныстырылды және құны $362 млн болатын TAV Airport Holding инвестициялық бағдарламасы таныстырылды, «Қорғас – Шығыс қақпасы» АЭА аумағында жүк-жолаушылар әуежайын салу бойынша жалпы құны 250 млрд теңгені құрайтын Инвестициялар туралы келісім жасалды.Қазақстан Республикасының пилотсыз азаматтық авиациясын дамытудың 2025-2031 жылдарға арналған тұжырымдамасының қабылдануы маңызды қадам болды. Сонымен қатар аз шығынды бірқатар жаңа авиакомпания ел нарығына шықты, сонымен қатар 35-тен астам жаңа халықаралық бағыт, оның ішінде Будапешт, Шанхай, Сеул, Гуанчжоу және Мюнхенге рейстері ашылды.ИКАО жүргізген аудит қорытындысы бойынша халықаралық авиациялық қауіпсіздік және формальдылықты жеңілдету стандарттарына сәйкестік деңгейі 95,7%-ды құрады.Теміржол және су көлігі: тасымалдаудың өсуі мен инфрақұрылымдық жобалар2025 жылдың қорытындысы бойынша жүктерді темір жол көлігімен тасымалдау көлемі 320 млн тоннаны құрады, бұл 2024 жылдың сәйкес кезеңімен салыстырғанда 5,5%-ға артық. Мемлекет басшысының тапсырмасы аясында 2029 жылға дейін 11 мың шақырым теміржол учаскесін жөндеу қарастырылған. Бүгінгі таңда 4,4 мың шақырымнан астам жолда жұмыстар орындалды, оның ішінде 1 575 шақырымы 2025 жылы аяқталды.<img src="https://knadmin.beoblood.kz/uploads/3_kz_3_1_5766582bd4.png" alt="3-kz-3-1.png">2025 жылдың негізгі оқиғаларының қатарына ұзындығы 836 шақырым «Достық – Мойынты» теміржолының екінші желісінің іске қосылуы, сондай-ақ ұзындығы 323 шақырым жаңа «Қызылжар – Мойынты» желісінің құрылысының басталуы болды. 775 локомотив пен 2,7 мың фитингтік платформаны жеткізу бойынша келісімшарттарға қол қойылды. Бүкіл ел бойынша 124 теміржол вокзалын жаңғырту басталды.Су көлігі де оң динамиканы көрсетті. 2025 жылы теңіз көлігімен 8 млн тонна жүк тасымалданды, бұл 2024 жылғы көрсеткіштен 7%-ға артық. Теңіз порттары арқылы контейнерлік тасымалдау 29%-ға артты – 90 637 ЖФЭ өтті; Транскаспий халықаралық көлік бағыты бойынша өсім 36%-ды құрады.Ақтау портында контейнерлік хаб құрылысы аяқталды, Құрық – Баку желісіне 1 құрғақ жүк кемесі жеткізілді, 2 паром сатып алынды.Өзен көлігімен тасымалдау көлемі 1,5 млн тоннаны құрады. Тасымалдау Ертіс, Орал – Каспий және Іле – Балқаш бассейндерінде жүзеге асырылды.Автомобиль тасымалдары және көлік бақылауы: цифрландыру мен халықаралық ынтымақтастық2025 жылы халықаралық автомобиль тасымалы географиясын кеңейту жұмыстары жалғасты. Қазақстан жыл сайын шетелдік рұқсат бланкілерінің квоталарымен алмасу жүзеге асырылатын 42 елмен үкіметаралық келісімдер жасасты.<img src="https://knadmin.beoblood.kz/uploads/4_kz_3_1_b5200f1976.png" alt="4-kz-3-1.png">Түркіменстанмен, сондай-ақ Иранмен екіжақты және транзиттік тасымалдарға рұқсат етілмеген тасымалдау жүйесі енгізілді. Түркиямен келісімге қол жеткізілді. Қазақстан Қытай аумағына транзиттік автотасымалдауды жүзеге асыру құқығын алған алғашқы ел болды.Қытаймен және Өзбекстанмен бірлесіп, шетелдік рұқсат бланкілерімен электрондық алмасу жүйесі енгізілді, бұл барлық ШРБ-ның 65%-ын цифрландыруға мүмкіндік берді. Цифрландыру жұмыстары Әзербайжанмен, Түркиямен және Қырғызстанмен жалғасуда.Нарықтың ашықтығын арттыру үшін шетелдік рұқсат бланкілерін бөлудің жаңа ережелері қабылданды, сондай-ақ жүк көлігін цифрлық өлшеуге көшу жөніндегі шаралар жүзеге асырылуда. Елде әкімшілік айыппұлдарды автоматты түрде рәсімдеу жүйесімен біріктірілген 73 автоматтандырылған өлшеу стансасы орнатылған.Бұдан бөлек, техникалық байқау операторларының қызметін ашуға рұқсат беру тәртібі енгізілді және белгіленген талаптарды бұзғаны үшін жауапкершілік күшейтілді.Фото: primeminister.kz

Президент тапсырмаларын жүзеге асыру: Еліміздің көлік саласы мен логистикалық әлеуетін дамыту

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Мұрат Ергешбаев Сырдария ауданына жұмыс сапары барысында Бесарық ауылындағы №12 аудандық балалар-жасөспірімдер спорт мектебінің жұмысымен танысты. Спорт кешенінде &nbsp;дзюдо, бокс және таэквондо үйірмелері жұмыс істейді. Қазір мұнда 180 адам спортпен тұрақты шұғылданады. Мекемеде 18 қызметкер еңбек етеді.Одан кейін аймақ басшысы ауылдың орталық алаңында тұрғындармен кездесіп, шағын өндірістік орталық пен ауылдық мәдениет үйінің жұмысын көрді.Жұртшылықтың ұсыныс-пікірлерін тыңдап, Бесарық ауылын одан әрі дамытуда атқарылатын жұмыстар мен алдағы жоспарларға тоқталды.Мемлекет басшысы Қасым-Жомарт Кемелұлының бастамасымен ауыл тұрғындарының тұрмыс сапасы мен әл-ауқатын арттыруға бағытталған «Ауыл аманаты» бағдарламасы Бесарық ауылында сәтімен жүзеге асуда.Мұнда «Абай-Дәулет» серіктестігінің демеушілігімен фри картобын өндіретін зауыт жұмыс істейді. Сонымен қатар наубайхана, кондитерлік және жартылай дайын өнімдер цехтары, жұмыс қолғаптарын, пластик ыдыстарды, сабын мен ағаш бұйымдарын өндіретін кәсіпорындар іске қосылған.«Қызылорда» супермаркеті мен дәмхана тұрғындарға сапалы қызмет көрсетіп келеді.&nbsp; Еске салсақ, 2024 жылы ауылда жалпы аумағы 1 мың шаршы метр болатын шағын өндірістік орталық пайдалануға беріліп, 13 кәсіпкерге өз кәсібін бастауға мүмкіндік жасалды.Оның 4-еуі «Ауыл аманаты» бағдарламасы арқылы, 5 жоба «Өңірлік инвестициялық орталықтың» қолдауымен, ал 4 жоба шаруашылықтың өз қаражаты есебінен жүзеге асты. Нәтижесінде 25 жаңа жұмыс орны ашылып, жобаларға 960 млн теңге инвестиция тартылды. Бүгінде кәсіпкерлер шағын өндірістік орталықта өз өнімдерін шығаруда.Айта кету керек, «Абай-Дәулет» серіктестігі 2018 жылдан бері ауылдың әлеуметтік-экономикалық дамуына 1,5 млрд теңгеден астам қаражат бағыттады. Бұл қаржы 360 орындық мектеп, 120 орындық балабақша, дәрігерлік амбулатория, мәдениет үйі секілді әлеуметтік нысандарды салуға, жөндеуге, абаттандыруға және көгалдандыру жұмыстарына жұмсалды. Фото: Қызылорда облысы әкімінің баспасөз қызметі

Бесарық ауылының тыныс-тіршілігімен танысты

Облыс әкімі Мұрат Ергешбаевтың төрағалығымен құқықбұзушылық профилактикасы жөніндегі ведомствоаралық және сыбайлас жемқорлыққа қарсы іс-қимыл мәселелері жөніндегі комиссия отырысы өтті. Күн тәртібінде тұрмыстық зорлық-зомбылықтың және масаң күйде жасалатын құқықбұзушылықтың алдын алу, зардап шеккендерді қорғауда атқарылған жұмыстар, өңірдегі сыбайлас жемқорлық ахуалы және алдын алу үшін қабылданған шаралар, әлеуметтік саладағы сыбайлас жемқорлық тәуекелдері қаралды.Мемлекет басшысы «Сыбайлас жемқорлықпен ымырасыз күресу – біздің саясатымыздағы негізгі басымдықтың бірі» деп атап өтті. «Заң үстемдігін орнықтырып, құқықтық мемлекет құру үшін ең алдымен, сыбайлас жемқорлықтың барлық көріністеріне тосқауыл қою керек» деген міндет қойды.Аймақ басшысы осы талаптар өңірдегі барлық мемлекеттік органның қызметінде бұлжытпай орындалуға тиіс екенін атап өтті. «Мемлекеттік қызмет туралы жаңа заңды қызметкерлерге түсіндіріп, оның талаптарын мүлтіксіз сақтау керек. Медициналық ұйымдардағы сыбайлас жемқорлық тәуекелдерін қайта зерделеп, рәсімдерді кезең-кезеңімен автоматтандыруға қатысты нақты ұсыныстар енгізуді тапсырамын.Денсаулық сақтау саласына халықтың сенімі бәрінен маңызды. Сондықтан басқармаға қарасты барлық медициналық ұйымда сыбайлас жемқорлық тәуекелдерінің алдын алуды түбегейлі күшейтіп, әрбір бас дәрігердің жеке жауапкершілігін арттыру керек. Бірде-бір заң бұзушылық пен негізді шағым бақылаусыз қалмауы тиіс», – деді Мұрат Нәлқожаұлы.Сонымен қатар, масаң күйде жасалатын құқықбұзушылықтың алдын алуда ведомствоаралық жұмысты жандандырып, алкоголь өнімдерінің заңсыз айналымына бақылауды күшейту тапсырылды. Қылмыс деңгейі жоғары елді мекендерде «Ішімдіксіз ауыл» жобасын кеңейту үшін жергілікті ақсақалдар, қоғамдық кеңестер, учаскелік полиция инспекторлары және қоғам белсенділері нақты профилактикалық жұмыс жүргізуі тиіс.Отбасын қолдау орталықтары, мобильді топтар және әлеуметтік қызметтерге бөлінген қаражаттың тиімді пайдаланылуын қатаң бақылау маңызды. Бұл ресурстар қолайсыз отбасыларды ерте анықтап, тұрмыстық зорлық-зомбылықтың алдын алуға бағытталуы қажет. Осыған байланысты отбасын қолдау орталықтарының қызметін ведомствоаралық деңгейде қайта қарау жүктелді.

Заң үстемдігі – мемлекеттік саясаттың негізгі басымдығы 

Облыс әкімі Мұрат Ергешбаевтың төрағалығымен мәжіліс өтті. Күн тәртібінде өңірдің әлеуметтік-экономикалық даму көрсеткіштері, бюджет қаражатының игерілуі, аграрлық шаруашылық каналдарын бетондау, пайдалануға берілген әлеуметтік нысандарды теңгерімге қабылдау, инвестиция тартудағы өзекті мәселелер талқыланып, алдағы кезеңге арналған міндеттер нақтыланды.Аймақ басшысы жауапты сала басшыларына алты айлық инвестиция жоспарын орындауды, өңдеу өнеркәсібін дамытуға бағытталған жаңа бастамаларды және инвестициялық жобаларды тиімді жүзеге асыруды тапсырды.Облыстық құрылыс басқармасына, қала және аудан әкімдіктеріне статистика департаментімен бірлесіп құрылыс нысандарының есебін жүйелеу, айлық, тоқсандық және жартыжылдық статистикалық есептерді толық әрі уақытылы ұсыну міндеті жүктелді.Бюджет қаражатын тиімді әрі толық игеру мәселесі де назардан тыс қалмады, жауапты басшыларға нақты тапсырмалар берілді. Жаңадан ашылған әлеуметтік нысандарды теңгерімге қабылдау және қабылдау актілерін рәсімдеуді бір апта ішінде аяқтау, аудандардағы спорт кешендерін заңнама талаптарына сәйкес аудан әкімдіктерінің теңгеріміне беру жайы да пысықталды.Бұл тұрғындардың сұранысына сай тиімді жұмыс кестесін, ағымдағы жөндеу жұмыстарын жүйелейді, материалдық-техникалық қамтамасыз етуді жақсартады.

Әлеуметтік-экономикалық көрсеткіштер мен инвестициялық жобалар талқыланды 

<a href="https://kyzylorda-news.kz/">Kyzylorda-news.kz</a> 30 маусым күні Қазақстан Республикасының Конституциялық Соты жаңа Қазақстан Республикасы Конституциясының күшіне енуіне орайластырылған «Жаңа Конституция: орнықты дамудың институционалдық және құқықтық негізі» атты ғылыми-практикалық конференция өткізді.Конференция жұмысына мемлекеттік органдар, Парламент, сот жүйесі, адвокатура, халықаралық ұйымдар, ғылыми және сарапшылық қоғамдастық өкілдері, сондай-ақ еліміздің және шетелдің жетекші жоғары оқу орындарының ғалымдары мен сарапшылары қатысып, 150-ден астам адам куә болды.Қазақстан Республикасы Конституциялық Сотының Төрағасы Эльвира Азимова конференцияны ашып, 2026 жылғы 15 наурызда республикалық референдумда қабылданған Қазақстан Республикасы Конституциясының 2026 жылғы 1 шілдеден бастап күшіне енетініне тоқталып өтті.Эльвира Азимова өз сөзінде «Қазақстан халқының ерік білдіруімен еліміздің конституциялық дамуында жаңа кезеңнің негізі қаланды. Бұл құқықтық жүйені, мемлекеттік басқаруды және адам құқықтары мен бостандықтарын қорғау тетіктерін одан әрі жетілдірудің стратегиялық бағдарларын айқындап берді.Жаңа Конституцияның қолданысқа енгізілуімен Конституциялық Сот Ата Заңның үстемдігін қамтамасыз етіп, конституциялық құндылықтарды қорғауды одан әрі нығайтады. Бұл Қазақстанның тарихи әрі құқықтық дамуының жаңа кезеңінің бастауын білдіреді» деп атап өтті.<img src="https://knadmin.beoblood.kz/uploads/Zha_a_Konstitucziya1_28f3fc9193.jpg" alt="Жаңа Конституция1.jpg">Біріккен Ұлттар Ұйымының Қазақстан Республикасындағы Тұрақты үйлестірушісі Раднарагча Саранго мен Азиядағы өзара іс-қимыл және сенім шаралары кеңесінің Бас хатшысы Қайрат Сарыбай конференция қатысушыларына өз құттықтауларын бейнетүсірілім арқылы жеткізіп, Қазақстанда жүргізілген конституциялық реформалардың құқықтық институттарды нығайту және орнықты даму үшін өте маңызды болғаны жайында өз ойларымен бөлісті.Сонымен қатар, Түркі мемлекеттері Парламенттік ассамблеясының Бас хатшысы Рамиль Гасан мен Өзбекстан Республикасы Олий Мажлисінің Адам құқықтары жөніндегі уәкілі Феруза Эшматова да қатысушыларды бейнетүсірілім форматында құттықтады. Олар Қазақстандағы конституциялық өзгерістерге өңірлік және халықаралық деңгейде жоғары қызығушылық бар екенін атап өтті.Тақырыптық пікір алмасу барысында қатысушылар жаңа Конституцияның құқықтық жүйені дамытудағы және конституциялық мемлекеттілікті нығайтудағы рөлін талқылады. Заң алдында жұрттың бәрінің тең болуы, сот төрелігіне қолжетімділік, заңнаманы жетілдіру, қоғамдық келісімді нығайту мәселелеріне ерекше назар аударылды. Адам құқықтарын қорғау аясындағы қазіргі заманғы сын-қатерлер, цифрлық құқықтарды дамыту, құқықтық мәдениет деңгейін көтеру және құқықтық ақпаратқа қолжетімділікті кеңейту мәселелері де талқылауға өзек болды. Қазақстан Республикасының Конституциясына ғылыми комментарий әзірлеу де талқыланды.Конференцияда жетекші қазақстандық ғалымдар, Конституциялық Соттың, Конституциялық комиссияның, жоғары оқу орындарының және сарапшылық институттардың өкілдері баяндама жасады. Бейнетүсірілім форматында Техас университетінің профессоры Ричард Альберт пен Франция халықаралық қатынастар институтының (IFRI) атқарушы төрағасы Тьерри де Монбриаль халықаралық перспектива жайында ойларын білдіріп, Қазақстандағы конституциялық реформалардың демократиялық институттарды, құқық үстемдігін нығайтудағы және орнықты дамуды қамтамасыз етудегі маңыздылығын ерекше атап өтті.Ата Заңымыздың мәтініне барша азаматтың тең қол жеткізуін қамтамасыз ету мақсатында Үкімет бастама көтеріп, «Инклюзивті қоғам үшін Конституция» аясында басып шығарылған Брайль қарпіндегі Қазақстан Республикасы Конституциясының да таныстырылымы осы конференцияға тұспа-тұс келді.Іс-шара барысында Қазақстан Республикасы Конституциялық Сотының Төрағасы Эльвира Азимова мен «Қазпошта» АҚ Басқарма төрағасы Бекежан Жәкеев Қазақстан Республикасы жаңа Конституциясының күшіне енуіне арнайы дайындалған пошта маркасына мөр басу рәсіміне қатысты.Қатысушылар конференцияны қорытындылай келе, жаңа Конституцияның Қазақстан дамуындағы жаңа кезеңнің берік институционалдық және құқықтық негізіне айналғанын атап өтті.

Жаңа Конституция: орнықты дамудың институционалдық және құқықтық негізі

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаевтың төрағалығымен актив отырысы өтті. Актив жиынында аудан басшысы кадрлық өзгерістерді таныстырды. Облыстық дене шынықтыру және спорт басқарма басшысының бұйрығымен №11 аудандық олимпиадалық резервтің балалар-жасөспірімдер спорт мектебінің директоры лауазымына Мүбараков Диас Ғаниұлы тағайындалды.<img src="https://knadmin.beoblood.kz/uploads/11_audandy_olimpiadaly_rezervti_balalar_zhas_spirimder_sport_mektebini_direktory_tanystyryldy_b093ba0c02.jpg" alt="№11 аудандық олимпиадалық резервтің балалар – жасөспірімдер спорт мектебінің директоры таныстырылды.jpg">Диас Ғаниұлы 2000 жылы Сырдария ауданында дүниеге келген. 2021 жылы «Болашақ» университетінде «Мемлекеттік және жергілікті басқару» мамандығы бойынша және 2025 жылы «Ақмешіт» университетінде «Дене шынықтыру және спорт» мамандығын бойынша жоғары білім алған.Еңбек жолын 2023 жылы Сырдария ауданы әкімдігінде әдіскер болып бастаған. Әр жылдары аудандық олимпиадалық резервтік мамандандырылған балалар мен жасөспірімдер спорт мектебінде еркін күрес жаттықтырушысы және Нағи Ілиясов ауылдық спорт кешенінің меңгерушісі қызметтерін атқарды.Аудан басшысы жаңадан тағайындалған директорды құттықтап, жауапты қызметіне сәттілік тіледі. Сондай-ақ, жас спортшылардың кәсіби шеберлігін арттыру, бұқаралық спортты дамыту және спорт мектебінің жұмысын жаңа деңгейге көтеру бағытында нәтижелі еңбек ететініне сенім білдірді.Фото: Сырдария ауданы әкімінің баспасөз қызметі&nbsp;

Сырдарияда актив отырысы өтті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев азаматтарды жеке мәселелері бойынша қабылдап, олардың өтініштері мен ұсыныстарын мұқият тыңдады.Қабылдауға келген тұрғындар тұрғын үй мәселесі, тұрақты жұмыспен қамтылу, әлеуметтік қолдау және өзге де маңызды мәселелер бойынша өз сауалдарын қойып, өтініштерін жеткізді.Аудан басшысы әрбір мәселені жеке қарап, қолданыстағы заңнама талаптарына сәйкес тиісті түсіндірмелер берді. Сонымен қатар, көтерілген мәселелердің шешу жолдарын қарастыру үшін жауапты бөлім басшыларына нақты тапсырмалар жүктеді.<img src="https://knadmin.beoblood.kz/uploads/Audan_kimi_azamattardy_zheke_abyldady1_f0cb7759d8.jpg" alt="Аудан әкімі азаматтарды жеке қабылдады1.jpg">Жұмыссыздық мәселесі бойынша келген азаматтарға аудан көлеміндегі бос жұмыс орындары ұсынылып, оларды тұрақты еңбекпен қамту бағытында тиісті шараларды қабылдау тапсырылды.Қабылдау қорытындысында аудан әкімі Аманжол Сақыпұлы жауапты сала жетекшілеріне тұрғындардың өтініштері мен ұсыныстарын жан-жақты зерделеп, әрбір мәселені заң талаптарына сәйкес және мүмкіндігінше оң шешу бағытында жүйелі жұмыстар жүргізуді тапсырды.Фото: Аудан әкімдігінің баспасөз қызметі&nbsp;

Арал ауданының әкімі азаматтарды қабылдады

<a href="https://kyzylorda-news.kz/">Kyzylorda-news.kz</a>&nbsp; Қазалы ауданының әкімі Алмасбек Есмаханов Әйтеке би кентіндегі орталық көшелер — Әйтеке би және Қ.Пірімов көшелерінің бойын аралап, орталық көшелер мен көше бойында орналасқан кәсіпкерлік нысандардың санитарлық тазалығын көрді.Аралау барысында аудан басшысы көше бойындағы тазалық жұмыстарына, кәсіпкерлік нысандардың сыртқы келбеті мен санитарлық жағдайын бақылады. Орталық базар аумағындағы тазалық, сауда қатарларының орналасуы, аяқ су арықтарының тазалығы, жол жиектерінде ретсіз өскен шөптерді шабу, бей-берекет тасталған қоқыстарды дер кезінде тазарту мәселелеріне назар аударды.<img src="https://knadmin.beoblood.kz/uploads/K_sipkerlik_nysandardy_sanitarly_tazaly_y_talap_a_saj_boluy_tiis_b3e4a267ac.jpg" alt="Кәсіпкерлік нысандардың санитарлық тазалығы талапқа сай болуы тиіс.jpg">Аудан басшысы кент әкімі мен аудандық кәсіпкерлік бөлімі, аудандық полиция бөлімі, құрылыс бөлімінің басшыларына бірқатар тапсырмалар жүктеді. Атап айтқанда, орталық көшелердегі сәулеттік келбетке сай келмейтін кәсіпкерлік нысандарды анықтап, заң аясында тиісті шаралар қабылдау, көше бойындағы санитарлық тазалықты тұрақты бақылауда ұстау, заңсыз қоқыс тастаған тұрғындар мен кәсіпкерлерге тиісті шара қабылдау, абаттандыру жұмыстарын күшейту тапсырылды.Кәсіпкерлерге өздеріне тиесілі аумақтардың тазалығын тұрақты сақтау жөнінде түсіндірме жұмыстарын жүргізу, кәсіпкерлік нысандардың алдына қоқыс тастауға жол бермеу, ғимараттардың сыртқы келбетін талапқа сай ұстау қажеттігі қатаң ескертілді.Аудан басшысы кент тазалығы мен көркі — баршаға ортақ жауапкершілік екенін атап өтіп, берілген тапсырмалардың сапалы әрі мерзімінде орындалуы тұрақты бақылауда болатынын жеткізді.&nbsp;

Бас тақырыптар