<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Нұрлыбек Нәлібаев Қызылорда қаласындағы медициналық нысандардың құрылыс барысымен танысты.Мемлекет басшысы қаламызда өткен Ұлттық құрылтайдың бесінші отырысында:"Қазір Қызылорда облысында, әсіресе, әлеуметтік салада жақсы жаңалық көп. Үш жылда осы аймақта 34 білім беру, 45 мәдениет және спорт нысаны салынды. Бұған қоса, 40 медицина нысаны ашылды. Менің тапсырмаммен Қызылордада 300 орынға арналған көпбейінді аурухананың құрылысы басталды. Көп ұзамай 500 орындық емхана және 200 орындық перзентхана салынады" деп атап өткен болатын.&nbsp;Нұрлыбек Машбекұлы Титов шағын ауданында салынып жатқан, бір ауысымда 400 келушіні қабылдайтын №5 қалалық емхананың құрылыс алаңына барды.Бүгінде аумағы 9 мың шаршы метрлік медициналық нысанның үшінші қабатының монолитті бағандары бетондалуда. Бірінші қабаттың аралық қабырғалары қаланып, ішкі инженерлік желілер тартылып жатыр. Жертөле қабатының аралық қабырғаларын қаланып біткен.&nbsp;Үкімет басшысының бірінші орынбасары Сырдария өзенінің сол жағалауындағы бір ауысымда 500 адам қабылдайтын емхана құрылысымен де танысты. Қазіргі уақытта нысанның іргетасы қалануда. Көпсалалы орталықта амбулаториялық-емханалық, диагностикалық және күндізгі стационарлық қызмет көрсетіледі. Мұнда жалпы және акушерлік-гинекологиялық тіркеу, педиатрия, мамандандырылған және шұғыл медициналық көмек, профилактика және мектеп медицинасы бөлімдері орналасады. Сондай-ақ, 50 төсектік күндізгі стационар, орталық стерилизация бөлімі, дәрілік қамтамасыз ету қызметі, оқу кабинеттері, 50 орындық аудитория және 200 орындық конференц-зал қарастырылған.Сол жағалаудағы 300 төсектік көпбейінді аурухана - бір ауысымда 100 адамды қабылдайтын емханасы бар медициналық кешен. Онда емхана, пансионат, операция, реанимация, химиотерапия және радиотерапия бөлімдері, физиотерапия, қабылдау және әкімшілік блоктары болады. Қазіргі уақытта абаттандыру және ішкі-сыртқы әрлеу жұмыстары жүргізілуде.Бұған дейін бетондалып, аралық қабырғалары қаланып және сырланып біткен, еденнің тегістегіш қабаты құйылған. Осы кезде керамикалық плитка төселіп, сыртқы қасбетке линеарлы панель орнатылып жатыр.<img src="https://knadmin.beoblood.kz/uploads/primeminister_kz2_fbc0fae0ee.jpg" alt="primeminister.kz2.jpg">

Медициналық нысандар құрылысы қарқынды жүргізілуде

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Нұрлыбек Нәлібаев Қызылорда облысына жұмыс сапарында Мемлекет басшысының қолдауымен ашылған Ботаникалық бақ пен «Ai-Kerim» оқу-сауықтыру орталығына барды. Еске салсақ, Президент саябағы аумағындағы бұл нысандар аймақты Нұрлыбек Машбекұлы басқарған &nbsp;кезде салынған. Құрылысына 4,9 млрд теңге бөлінген Ботаникалық бақ жобасының бас мердігері - «Alem Qurylys AQ» ЖШС.&nbsp;Экологиялық мәдениет пен туризмді дамытуға бағытталған заманауи көпфункционалды кешенде бірнеше мемлекеттен арнайы әкелінген экзотикалық және тропикалық өсімдіктер бар. Атап айтқанда, Қытай, Оңтүстік Африка, Жапония, Оңтүстік және Орталық Америка, Австралия, Мадагаскар сияқты елдерде өсетін 92 түрлі 3300-ден астам өсімдік егілген. Жасыл желекке қолайлы жағдай жасау үшін микроклиматты автоматты басқарудың, суару және су дайындаудың заманауи инженерлік жүйелерімен жабдықталған.<img src="https://knadmin.beoblood.kz/uploads/primeminister_kz3_d4b19def44.jpg" alt="primeminister.kz3.jpg">Аймақта Президент қолдауымен халық игілігіне табысталған тағы бір нысан – жыл бойы қызмет көрсететін «AI-KERIM» оқу-сауықтыру орталығы. Құрылысына 10 млрд теңге бөлінген 300 орындық тынығу лагерінің материалдық-техникалық базасы әлемдік озық стандарттарға толық сәйкес келеді. &nbsp;Орталық аумағында әкімшілік ғимарат, ауқымды іс-шараларға арналған ивент-аймақ, 4 жайлы жатақхана және қонақүй үлгісіндегі ғимарат бар.Сонымен қатар балалар демалысын тиімді ұйымдастыру мақсатында барлық қажетті инфрақұрылым мен заманауи жабдықтар орнатылып, демалыс аймақтары жасақталған. Аумағы толық абаттандырылып, көгалдандырылған.&nbsp;Нұрлыбек Нәлібаев бастаған делегация спорт залын, бассейнді, кітапхананы, инклюзия, робототехника, 3D графика, ғарыш инженериясы, өнер, ғарыш және радио байланыс, астрономия, әуе және ұшқыш, биология кабинеттерін, лагерь ауласындағы амфитеатр, киіз үй және жатақхананы аралады.

Ботаникалық бақ пен оқу-сауықтыру орталығы келушілерге сапалы қызмет көрсетуде

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Нұрлыбек Нәлібаев Президент саябағы аумағында салынып жатқан еліміздегі үшінші Президенттік кітапхана мен драма театр құрылысын көріп шықты.&nbsp;Еске салсақ, Мемлекет басшысы Ұлттық құрылтайдың бесінші отырысында Қызылорда қаласында тәулік бойы жұмыс істейтін кітапхана мен жаңа драма театр салуды тапсырған болатын.&nbsp;Осы тапсырмаға сәйкес сәуір айында екі нысанның іргетасы қаланды. Кітапхана құрылысына инвестор қаражаты есебінен 20 млрд теңге бөлінген. Жалпы аумағы 13 мың шаршы метр ғимаратта электронды оқу, конференция залдары, архив, баспахана, бағдарламалау және жасанды интеллектіні дамыту медиазертханасы, подкаст студиясы, оқырмандарға қызмет көрсету бөлімдері болады. Мұнда бір миллионнан астам кітап қорын сақтауға мүмкіндік бар. Жаңа нысан өңірдегі кітапхана инфрақұрылымын дамытып, ақпараттық-мәдени ортаны нығайтады.<img src="https://knadmin.beoblood.kz/uploads/Stroitelstvo_Prezidentskoj_biblioteki_i_dramteatra_nahoditsya_na_osobom_kontrole_Pravitelstva1_0d17b861d0.jpg" alt="Строительство Президентской библиотеки и драмтеатра находится на особом контроле Правительства1.jpg">Ал жаңа драма театрдың &nbsp;жалпы аумағы 4 мың шаршы метрден асады, 520 көрерменге арналған. Онда репетициялық залдар, студия және шығармашылық кеңістіктер, әкімшілік кабинеттер орналасады. Сондай-ақ, заманауи сахналық техника, қуатты дыбыс жүйесі және соңғы үлгідегі жабдықтар түрлі жанрдағы қойылымдарды жоғары деңгейде сахналауға мүмкіндік береді.Екі нысанның құрылыс барысымен танысқан Премьер-министрдің бірінші орынбасары жауапты сала басшыларына ғимараттардың сапалы әрі заманауи үлгіге сай болуын жіті қадағалауды тапсырды.&nbsp;Сырдария өзені жағалауындағы қорғаныс бөгетінің құрылысы да қарқын алған. Ұзындығы 3 шақырым аумақтың екі шақырымына геобекіткіш тор төселіп, таспен толтырылады. Қалған бөлігінде еңісті қалыптастыру жұмыстары жүргізілуде. Сонымен қатар, жағалауды шайылудан қорғайтын арнайы тірек құрылымдары орнатылуда. Тұрғындарға қауіпсіз әрі қолайлы болу &nbsp;үшін жаяу жүргіншілер жолы мен веложолақ салынады. Бүгінде жұмыстың 50 пайызы аяқталған.Бұдан кейін Нұрлыбек Машбекұлына алдағы уақытта өңірде жүзеге асатын жаңа инвестициялық жобалар таныстырылды. Олар - сол жағалауда салынатын &nbsp;тұрғын үй кешені, желдету және ауа баптау қондырғыларын құрастыру, санитарлық-техникалық бұйымдар құрастыру және өндіру жобалары, &nbsp;томат пастасы мен көкөніс пюресі өндірісі, сұйытылған табиғи газ өндіру, екі қорғасын-мырыш тау-кен байыту зауыты, көпфункционалды сауда-ойын-сауық кешені.&nbsp;<img src="https://knadmin.beoblood.kz/uploads/Stroitelstvo_Prezidentskoj_biblioteki_i_dramteatra_nahoditsya_na_osobom_kontrole_Pravitelstva2_dabf6a6c40.jpg" alt="Строительство Президентской библиотеки и драмтеатра находится на особом контроле Правительства2.jpg">

Қызылордада жаңа президенттік кітапхана мен драма театр салынуда

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары &nbsp;Нұрлыбек Нәлібаев Үкімет басшысының тапсырмасымен Қызылорда облысына &nbsp;жұмыс сапармен келді. Алдымен Президент саябағы аумағында бой көтерген тоғыз қабатты 15 тұрғын үйдің құрылыс барысымен танысты.&nbsp;Жалпы құны 22 млрд теңге болатын жоба республикалық бюджет есебінен қаржыландырылған. Бас мердігер «Мелиоратор» серіктестігі 8,2 гектар аумаққа заманауи үлгідегі 15 тұрғын үй кешенін салды. Жоба бойынша 945 пәтер пайдалануға беріледі. Оның 135-і бір бөлмелі, 540-ы екі бөлмелі және 270-і үш бөлмелі. Кешен қазан айында табысталады.<img src="https://knadmin.beoblood.kz/uploads/Pervyj_zamestitel_Premer_ministra_RK_oznakomilsya_s_hodom_stroitelstva_krupnyh_obektov_v_Kyzylorde_f28ecd58e0.jpg" alt="Первый заместитель Премьер-министра РК ознакомился с ходом строительства крупных объектов в Кызылорде.jpg">Бұдан кейін Нұрлыбек Машбекұлы облыс орталығында &nbsp;20 млрд. 61 млн теңгеге салынып жатқан &nbsp;«Қызылорда Арена» көпфункционалды спорт кешенінің құрылысын көрді. Жалпы аумағы 26 мың шаршы метр болатын кешен құрылысы 2025 жылы шілдеде басталған болатын. Мұнда 50 метрлік жүзу бассейні, халықаралық додаларды өткізуге арналған 2500 орындық зал, форумдар мен түрлі жиындарға арналған 300 орындық конференция залы қарастырылған.Қазір мұнда әрлеу, металл конструкцияларын орнату, терезелер мен витраждарды монтаждау, инженерлік және электр желілерін жүргізу, сондай-ақ аумақты абаттандыру жұмыстары қарқын алған.&nbsp;Ғимараттың қасбеті заманауи сәулет үлгісімен безендіріліп, витражы берік шынымен қапталады. Кешен пайдалануға берілгеннен кейін оқу-жаттығу жиындарын өткізуге толық бейімделеді. Нысанды биыл пайдалануға беру жоспарланған.Құрылыс барысымен танысқан Премьер-министрдің бірінші орынбасары жауапты сала мамандарына барлық жұмысты сапалы атқарып, белгіленген мерзімде аяқтауды, &nbsp;құрылыс сапасын тұрақты бақылауда ұстауды тапсырды.<img src="https://knadmin.beoblood.kz/uploads/Pervyj_zamestitel_Premer_ministra_RK_oznakomilsya_s_hodom_stroitelstva_krupnyh_obektov_v_Kyzylorde2_89f6f43491.jpg" alt="Первый заместитель Премьер-министра РК ознакомился с ходом строительства крупных объектов в Кызылорде2.jpg">

ҚР Премьер-министрінің бірінші орынбасары Нұрлыбек Нәлібаев Қызылордаға жұмыс сапарымен келді

Облыс әкімі Мұрат Ергешбаев қаладағы құрылысы жүріп жатқан нысандарды аралады.&nbsp;Алдымен Президент саябағы аумағында бой көтерген &nbsp;тоғыз қабатты 15 тұрғын үй кешеніне барды. Бас мердігер «Мелиоратор» ЖШС 8,2 гектар аумаққа тұрғындарға жайлы әрі сапалы баспана салуда. Жоба бойынша 945 пәтер жақын арада пайдалануға беріледі.Жалпы кейінгі төрт жылда қаржыландырудың барлық көзінен 3,2 млн шаршы метр тұрғын үй &nbsp;табысталды. &nbsp;Кезекте тұрған азаматтарды баспанамен қамтамасыз ету үшін 6010 дайын пәтер сатып алуға 117,1 млрд.теңге қаржы қаралды.<img src="https://knadmin.beoblood.kz/uploads/akimat_ed072f2f55.jpg" alt="акимат.jpg">Қызылорда облысында 2026-2030 жылдары 3,7 млн. шаршы метр тұрғын үй беру жоспары белгіленген. Биылғы меже - &nbsp;950,0 мың шаршы метр тұрғын үй.Келесі нысан – Сырдария өзені жағалауындағы қорғаныс бөгеті. Ұзындығы 3 шақырым &nbsp;аумақтың екі шақырымына геобекіткіш тор төселіп, таспен толтырылады. Қалған бөлігінде еңісті қалыптастыру қолға алынған. Сонымен қатар, жағалауды шайылудан қорғайтын арнайы тірек құрылымдары орнатылып жатыр. Тұрғындарға қауіпсіз әрі қолайлы болу &nbsp;үшін жаяу жүргіншілер жолы мен веложолақ салынуда. Бүгінде жұмыстың 50 пайызы аяқталған.Облыс әкімі жауапты тұлғаларға құрылыс сапасы мен мерзіміне қатысты талаптарды ескертіп, &nbsp;тұрақты бақылауды &nbsp;тапсырды.<img src="https://knadmin.beoblood.kz/uploads/akimat_9ba78190b2.jpg" alt="акимат.jpg">

Құрылыс барысы тұрақты бақылауда 

Бүгін Н.Бекежанов атындағы драма театрда Теміржол көлігі қызметкерлері күніне арналған салтанатты шара өтті. Оған облыс әкімі Мұрат Ергешбаев қатысып, сала ардагерлері мен қызметкерлерін кәсіби мерекемен құттықтады.Мемлекет басшысының көлік-логистика инфрақұрылымын дамыту жөніндегі тапсырмаларына тоқталып, теміржол саласының ел экономикасындағы стратегиялық маңызын атап өтті.<blockquote>«Президент Қасым-Жомарт Кемелұлы: «Жол - тіршілік көзі. Теміржол болмаса, экономика дамымайды. Біз көлік-логистика инфрақұрылымын дамытуға ерекше мән береміз», - деп саланы өркендетуді стратегиялық басымдық ретінде айқындаған болатын.</blockquote><img src="https://knadmin.beoblood.kz/uploads/IMG_20260731_WA_0004_5b62d443de.jpg" alt="IMG-20260731-WA0004.jpg">Бүгінде елімізде мыңдаған шақырым жаңа теміржол желілері салынып, өткізу мүмкіндігі артуда. Сыр бойындағы болат жолдың тарихы тереңде жатыр.Бүгінде облыстың теміржол кешені заман талабына сай жаңарып келеді. Станциялар мен жол бойындағы нысандар автоматтандырылып, цифрлық жүйеге көшуде. 2024 жылы 600 млн. теңгеден астам қаржыға Қызылорда &nbsp;теміржол вокзалы ғимараты күрделі жөнделіп, іргелес аумағы абаттандырылды.Президентіміздің тапсырмасына сәйкес, республика бойынша 124 теміржол вокзалы қайта жаңғыртудан өтуде. Соның ішінде 10 жоба біздің облысымызда іске асып жатыр.Жақында ғана Қазалы, Шиелі, Жаңақорған, Сексеуіл теміржол вокзалдары мен Талап бекетіндегі жолаушылар платформасы халық игілігіне табысталды. Арал, Төретам, Жосалы теміржол вокзалдарындағы, Тереңөзек пен Жалағаш қызмет көрсету пункттеріндегі жұмыс кезең-кезеңімен аяқталып келеді. Биыл өңірімізде 80 шақырымнан астам теміржолға күрделі жөндеу жүргізіліп жатыр.<blockquote>Теміржол - ең алдымен, жоғары жауапкершілік пен темірдей тәртіпті талап ететін сала. Жаздың ыстығы мен қыстың аязына қарамастан, болат жолдың бойында үздіксіз қызмет етіп жүрген әрбір қызметкердің еңбегі зор құрметке лайық. Сіздерге &nbsp;барша Сыр жұртшылығының атынан шынайы алғысымды білдіремін. Баршаңызға мықты денсаулық, отбасыларыңызға амандық, жауапты да мәртебелі жұмыстарыңызға сәттілік тілеймін», - деді Мұрат Нәлқожаұлы.</blockquote>Салтанатты шарада теміржол саласының бірқатар қызметкері облыс әкімінің Алғыс хатымен, «Қызылорда облысының дамуына қосқан үлесі үшін» төсбелгісімен, Көлік министрлігінің «Құрметті теміржолшы», «Қазақстан темір жолы» ұлттық компаниясы» акционерлік қоғамының «Адал еңбегі үшін», «Кәсібі бойынша үздік», «Үздік жас маман», «Үздік жол шебері», «Үздік байланысшы» төсбелгілерімен, Құрмет грамотасымен және &nbsp; III дәрежелі «Теміржолшы даңқы» медалімен марапатталды.Жиында «Қазақстан темір жолы» ұлттық компаниясы» акционерлік қоғамы Қызылорда магистральдық желі бөлімшесі филиалының директоры Батырхан Базарбаев сөз сөйлеп, әріптестерін кәсіби мерекемен құттықтады. Қазіргі таңда өңірдің теміржол саласында 7 мыңнан астам маман еңбек етеді. Облыс арқылы өтетін жүк пен жолаушылар легі, Сыр өңірінің транзиттік әлеуеті жыл сайын артуда.Аймақтан &nbsp;«Батыс Еуропа – Батыс Қытай» халықаралық көлік дәлізімен қатар, ұзындығы мың шақырымнан асатын магистральдық теміржол желілері өтеді, 15 жолаушылар пойызы қатынайды. Жыл басынан бері 550 мыңнан астам жолаушы тасымалданып, 9 миллион тоннадан астам жүк жеткізілді.Биыл мамыр айында жылына 600-ден астам вагонға техникалық қызмет көрсететін «Марал Нұр» жауапкершілігі шектеулі серіктестігінің жаңа кешені пайдалануға беріліп, 100 жаңа жұмыс орны құрылды.Сонымен қатар қытайлық «CRRC» компаниясымен бірлесіп, заманауи жолаушылар вагондарын құрастыру жобасын іске асыру пысықталуда.<img src="https://knadmin.beoblood.kz/uploads/IMG_20260731_WA_0010_9b63160455.jpg" alt="IMG-20260731-WA0010.jpg">

Сыр теміржолшыларына құрмет көрсетті 

Бүгін ҚР Премьер-министрі Олжас Бектеновтің төрағалығымен өткен Үкімет отырысында «Энергетикалық және коммуналдық секторларды жаңғырту» ұлттық жобасын іске асыру барысы қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте осы және қосымша мәселелер талқыланып, &nbsp;жауапты сала басшыларына тапсырмалар жүктелді.Аймақ басшысы «Қызылорда электр тарату тораптары», «Қызылорда су жүйесі» және «Қызылорда жылу электр орталығы» мекемелеріне электр, жылу, ауызсу және кәріз желілерін жаңғырту жұмыстарын ұлттық жоба аясында сапалы әрі уақытылы ұйымдастыруды тапсырды.&nbsp; Сонымен қатар, табиғи монополияларды реттеу департаментіне &nbsp;жобаларды коммуналдық кәсіпорындардың тарифтік сметасына енгізуді жеделдетуді міндеттеді.Тұтынушыларды коммуналдық қызметтермен үздіксіз қамтамасыз ету - негізгі басымдықтардың бірі. &nbsp;Сондықтан жауапты мекемелер жұмысты үйлесімді әрі тиімді ұйымдастыруы керек.Биыл электр энергиясымен, жылумен қамтудың, ауызсу және су бұру желілерін жаңғыртудың 20 жобасы &nbsp;несие қаражатын тартпай, бюджет &nbsp;есебінен жүзеге асырылуда, 12 млрд теңгеге 5 жоба жоспарланған. Өңірде коммуналдық-энергетикалық инфрақұрылым нысандары жоспар бойынша &nbsp;жаңғыртылуда. Бүгінде электр желілері мен қондырғыларының 60 пайызы, жылу желілерінің 40, сумен жабдықтау желілерінің 15,8, ал су бұру желілерінің 16,9 пайызы тозған.

Ұлттық жобаны іске асыру барысы талқыланды 

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен ел ағалары Қазалы ауданына жұмыс сапары кезінде Ақтан батыр, Жанқожа батыр, Бекарыстан би, Майдакөл және Ү.Түктібаев елді мекендерінің тұрғындарымен кездесті.Кездесуге жиналған жұртшылық ұсыныс-пікірлерін айтып, әлеуметтік, инфрақұрылымдық жобалар туралы сауалдарын қойды.&nbsp;Бұдан кейін аймақ басшысы Әйтеке би кентінде бой көтерген жаңа дене шынықтыру-сауықтыру кешенінің ашылу рәсіміне қатысты.<figure class="image"><img src="https://knadmin.beoblood.kz/uploads/750582946_1336926835295224_4743684168221927971_n_ca71fb9750.jpg" alt="акимат "></figure><blockquote>«Бүгінде өңірімізде Мемлекет басшысының қолдауымен ауылды дамыту, аймақтардың әлеуетін арттыру, тұрғындардың өмір сапасын жақсарту, кәсіби және бұқаралық спортты дамыту бағытында ауқымды жұмыстар атқарылып келеді. Міне, Өздеріңізбен бірге «Ауыл – ел бесігі» бағдарламасы аясында салынған Әйтеке би кентіндегі кезекті дене шынықтыру-сауықтыру кешенінің ашылу рәсіміне куә болудамыз.&nbsp;Мұнда &nbsp;қазақ күресі, үстел теннисі, волейбол, футбол, гандбол, баскетбол, дзюдо сынды спорт түрлерімен айналысуға барлық жағдай жасалған. Нысанда бір күнде 150 спортшы жаттыға алады.&nbsp;Жаңа спорт кешені дені сау ұлтты қалыптастыруға қызмет етіп, осында жаттығушылар арасынан әлемдік ареналарда Тәуелсіз Қазақстанның көк Туын көкте желбірететін чемпиондар шығады деп сенеміз», - деді аймақ басшысы.&nbsp;</blockquote><figure class="image"><img src="https://knadmin.beoblood.kz/uploads/akimat_d32434ec1e.jpg" alt="акимат.jpg"></figure>Шарада ҚР спорт шебері, бокстан жастар мен жасөспірімдер арасындағы Азия чемпионы Зарина Толыбай, еңбек ардагері Әлімбай Қасқырбай сөз сөйлеп, ел ағасы Самұрат Имандосов бата берді. Ауданның әлеуметтік-экономикалық дамуына үлес қосқан азаматтар, спорт кешенін салған мердігер мекеме өкілдері облыс әкімінің Алғыс хатымен марапатталды.&nbsp;Жыл басында Қазалы ауданының &nbsp;Бекарыстан би ауылында да дене шынықтыру-сауықтыру кешені ашылған болатын. Жалпы ауданда &nbsp;спортпен шұғылданушылар саны 35 мыңнан асты.&nbsp;Спортшылар халықаралық турнирлерден 3 алтын, 7 күміс, 6 қола медаль, Қазақстан чемпионаттарынан 14 алтын, 19 күміс, 27 қола жүлде &nbsp;иеленді.<figure class="image"><img src="https://knadmin.beoblood.kz/uploads/akimat_61c75ddfe1.jpg" alt="акимат.jpg"></figure>

Әйтеке би кентінде заманауи спорт кешені ел игілігіне берілді

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Казстройподряд» ЖШС құрылтайшысы, «TUKİB» түрік-қазақ кәсіпкерлер қауымдастығының төрағасы Аталай Хикметті қабылдады.Тараптар облыс орталығында заманауи сауда-ойын-сауық орталығын салу жобасын талқылап, алдағы жоспарларды бірлесіп жүзеге асыру жайын қарастырды.<blockquote>«Өткен аптада Қызылорда облысына арнайы келіп, өңірдің инвестициялық әлеуетімен танысқаныңыз үшін Сізге алғысымды білдіремін. Сол жолы заманауи сауда-ойын-сауық орталығын салуға қатысты жоспарды жан-жақты талқылаған болатынбыз. Баршамызға белгілі, «Казстройподряд» – халықаралық деңгейде танылған, күрделі құрылыс жобаларын табысты жүзеге асырып келе жатқан бірегей компания. Сіздердің мол тәжірибелеріңіз Қызылорда қаласында заманауи &nbsp;сауда-ойын-сауық кешенін салуға мүмкіндік береді деп сенеміз. Облыс әкімдігі жер телімі, қажетті инженерлік инфрақұрылыммен қамтамасыз ету және мемлекеттік органдармен келісу рәсімдеріне жан-жақты қолдау көрсетуге дайын», – деді аймақ басшысы.</blockquote>А.Хикмет өңірде инвестициялық жобаларды жүзеге асыруға қолайлы жағдай жасалғанын атап өтіп, қолдау үшін алғысын білдірді.Айта кетейік, «Казстройподряд» ЖШС – 2005 жылы құрылған отандық құрылыс компаниясы. Негізгі қызметі – заманауи құрылыс индустриясын дамыту, жоғары сапалы әрі сенімді стандарттарды қалыптастыру.Компания осы уақытқа дейін Астанадағы ірі сауда-ойын-сауық орталықтарын, кеңсе ғимараттарын, заманауи тұрғын үй кешендерін, қонақ үйлерді, білім беру ұйымдарын, спорт кешендерін және болат конструкциялардан тұратын түрлі нысандарды салған.Кездесуде компанияға сол жағалаудан немесе Президент паркі аумағынан жер телімі ұсынылды. Тамыз айында сауда-ойын-сауық орталығының нақты эскизі таныстырылады.

Қызылордада заманауи сауда-ойын-сауық орталығы бой көтермек

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Liaoning Hongda Group» директорлар кеңесінің төрағасы Тан Цзюганды және аталған компанияның өкілдерін қабылдады.Кездесуде облыс әкімі компанияның Қазақстан мен Қытай арасындағы инвестициялық ынтымақтастықты дамытуға қосып отырған үлесін жоғары бағалап, Жаңақорған ауданында іске асырылатын жалпы құны 1,3 млрд АҚШ доллар болатын қорғасын-мырыш тау-кен байыту кешендері жобасының өңір үшін стратегиялық маңызын атап өтті.Жоба аясында екі карьер, екі тау-кен байыту фабрикасы және кейіннен металлургиялық зауыт салу жоспарланған. Өңір басшысы облыс әкімдігі тарапынан жоба «Жасыл дәліз» тетігіне енгізілгенін айтып, оны іске асыру барысында қажетті әкімшілік қолдау көрсетілетінін, жан-жақты сүйемелденетінін жеткізді.Өз кезегінде компания басшылығы жобаны іске асырудың қазіргі кезеңі, инфрақұрылым жеткізу және металлургиялық зауыт құрылысына дайындық бойынша атқарылып жатқан жұмыстар туралы ақпарат берді. Кездесу қорытындысында тараптар инвестициялық жобаларды уақытылы әрі тиімді іске асыру бағытындағы өзара ынтымақтастықты одан әрі жалғастыруға дайын екендіктерін білдірді.Айта кетейік, бүгінде компания Жаңақорған ауданында кен орнын игеру бағытындағы жобаның алғашқы кезеңін бастап, онда 260 жергілікті тұрғынды жұмыспен қамтып отыр. Бұл – өңірдің әлеуметтік-экономикалық, өндірістік әлеуетін арттырудағы маңызды жоба. Тау-кен саласын өркендетудегі бастамалар табысты әрі жүйелі жүзеге асып келеді. &nbsp;

Облыс әкімі «Liaoning Hongda Group» компаниясының басшылығымен кездесті

Облыс әкімі Мұрат Ергешбаев «Fabe Agro» компаниясының басшысы Ахмет Буданмен кездесті. Кездесуде Қазақстан-Түркия ынтымақтастығы аясында Қызылорда облысында заманауи жылыжай кешенін салу барысы және инвестициялық әріптестікті одан әрі кеңейту мәселелері талқыланды. «Қазақстан-Түркия форумы аясындаоблысымызда заманауи жылыжай кешенін салужобасы бойынша меморандумға қол қойып, бірлескен жұмыстың жаңа кезеңіне негіз қалаған болатынбыз.Бұл кездесуіміз қол жеткен келісімдерді іске асыруға, инвестиция, ауыл шаруашылығы және өзге де салалардағы ынтымақтастықты кеңейтуге тың серпін береді деп сенеміз», – деді аймақ басшысы.Сондай-ақ жылыжайда өндірілетін қызанақты ішкі және сыртқы нарыққа жіберуге қажетті қорап-жәшік шығаратын өндіріс орнын ашу бастамасы да талқыланды. Бұл өнімдерді заманауи талаптарға сай қаптауға, логистикалық шығындарды азайтуға және өнімнің бәсекеге қабілеттілігін арттыруға мүмкіндік береді.Аймақ басшысы өңірде жаңа өндірістерді орналастыруға қолайлы жағдай жасалғанын атап өтті. «Қорқыт Ата арнайы экономикалық аймағынан» инвесторларға жер учаскесін беру, инфрақұрылым шығындарының бір бөлігін өтеу және «бір терезе» қағидаты бойынша кешенді қолдау шаралары қарастырылған. Аталмыш жобаны жүзеге асыру бойынша инвестициялық келісімшарт жасасуға қажетті құжаттарды рәсімдеу жұмыстары жүргізілуде.<img src="https://knadmin.beoblood.kz/uploads/FB_IMG_1784437526916_a9d43e771f.jpg" alt="FB_IMG_1784437526916.jpg">

Инвестициялық әріптестікті одан әрі кеңейту мәселелері талқыланды 

Облыс әкімі Мұрат Ергешбаев Мемлекет басшысының тікелей қолдауымен Қызылорда қаласында бой көтерген жаңа жылу-электр орталығының жұмысымен танысты. 240 мегаватт электр, 277 гигакалория жылу энергиясын өндіретін орталық құрылысына түркиялық «AksaEnergy» компаниясы 215 млрд теңге инвестиция салды.Жоба аясында қуатылығы 176 МВт 2 &nbsp;газ турбиналық қондырғы, 95 МВт бу турбинасы, қуаттылығы 120 тн/сағ 2 &nbsp;бу қазандығы мен 150 Гкал/сағ 4 жылу қазандығы орнатылған. Бүгінде жылу орталығы толық іске қосылып, &nbsp;240 мегаватт электр энергиясы өндірілуде және қуаттылығы 150 МВт 4 су жылыту қазандығы қосылды. Алдағы жылу беру маусымында Қызылорда қаласының тұрғындары жаңа станция арқылы жылумен қамтамасыз етіледі.Бұдан кейін облыс әкімі «Қызылордажылу-электр орталығына» барды. Қазіргі мұндағы жылу энергия көздерінің 85 пайызы,жылу желілерінің 40 пайызы тозған. Станция 67 мегаватт электр, 355 гигакалория жылу энергиясын өндіреді.Жалпы алдағы жылу беру маусымына дайындыққа 5,5 млрд теңге қаржы бөлу жоспарланған. Бұл қаражат есебінен 8,7 шақырым жылу желісін жаңғырту жобасы аяқталып, №1 және №2 газ турбиналық қондырғыларға күрделі жөндеу жүргізіледі. Сонымен қатар, 1,3 шақырым жылу желісі, 1 қазандық, 1 турбина, 10 автономды қазандық, негізгі және қосалқы жабдықтар жөнделеді.Облыс әкімі «Қызылорда электр тарату тораптары» мекемесіне де барды. Мекемеге қарасты 10 608 шақырым электр желісі, 2 058 қосалқы станция бар, ал трансформаторлардың жалпы қуаты 1 350 мегаватт.Тұрғындардың қалыпты тұрмыс-тіршілігін қамтамасыз ететін нысандарды аралау қорытындысымен жауапты сала жетекшілеріне тапсырмалар берілді. Олар – алдағы жылу беру маусымына дайындықты уақытылы, сапалы жүргізу, тұтынушыларға электр энергиясын тұрақты жеткізу.<img src="https://knadmin.beoblood.kz/uploads/FB_IMG_1784349560978_fddad2082e.jpg" alt="FB_IMG_1784349560978.jpg">

Қазақстан және Қызылорда облысының басты жаңалықтары