<a href="https://kyzylorda-news.kz/">Kyzylorda-news.kz</a> Астаналық ару Әйгерім Серік 5 тонналық жүк көлігін айдап, адал еңбек етіп, көптің көңілінен шығып жүр. Көлік айдап, жүк тасып, кәсібін дөңгелетіп отырған қыз техниканы 10 жасынан&nbsp;бастап меңгерген.&nbsp;Бұл туралы&nbsp;<a href="https://stan.kz/zhuk-tasitin-astanalik-kizdin-aylik-tabisi-1-million-t-408545/">Stan.kz</a>&nbsp;ақпарат агенттігі хабарлады.<blockquote>“Көлікке қызығушылық танытуыма әкем себепкер болды. Әкем –&nbsp;трактарист. Алғашқы көлігімді 18 жасымда алдым. Көрген адамдардың бәрі “қыз балаға механика қиын емес пе?” деп сұрайды. Жүк көлігін алған соң адамдардың&nbsp;қызғушылығы да, маған қояр сұрақтары да&nbsp;одан бетер артты. Танымал бола бастадым”, –&nbsp;дейді Әйгерім Серік.</blockquote>Әйгерімнің айлық табысы 1 миллион теңгеден асады. Айтуынша, күніне 4-5 тапсырыс алып, көлігімен жүк тасиды. Жүк тасу қызметіне сұраныс күн сайын артып келеді.<blockquote>“Әйгеріммен жұмыс істеп жүргенімізге 4-5 ай болып қалды. Өте жақсы қыз. Айтқан уақытта келеді, тапсырысты уақытында жеткізеді. Қосшыға дейін апарады, Қояндыға дейін апарған кездері болды”, –&nbsp;дейді қала тұрғыны Нұрсұлтан Қосекенов.</blockquote>Астаналық арудың негізгі мамандығы –&nbsp;ағылшын тілі пәнінің мұғалімі. Тіпті актерлік білімі де бар. Алайда Әйгерім дипломмен жұмыс істеуден көрі, болашағын көлікпен байланыстырғанды жөн көріпті.<blockquote>“Алдағы уақытта басқа елдерден техникалар алып келемін. Қазақстандықтарды түрлі техникалармен қамтамасыз ету. Жүк көлігі, трактор, су таситын көлік секілді құрылысқа керекті көліктерді алу келу ойда бар. Бұған дейін Дубайдан машина, көліктің бөлшектерін&nbsp;тасығанмын.</blockquote>Әйгерім Серік көлікті жөндеп қана қоймай, жөндей де біледі. Одан бөлек аттың құлағында ойнайтын өнері де бар. Астаналық ару тіпті әлеуметтік желіде де танымал.&nbsp;Фото: Видеодан скрин

"Мамандығы ағылшын тілі мұғалімі": Жүк таситын астаналық қыздың айлық табысы 1 миллион теңгеден асады

<a href="https://kyzylorda-news.kz/">Kyzylorda-news.kz</a> Қазақстанда 2024 жылғы 24 және 28 қазан аралығында бірқатар салықтар мен төлемдерді төлеу мерзімі аяқталады, деп хабарлайды <a href="https://kaz.zakon.kz/kogam-tynysy/6051282-elmzde-salytar-men-tlemderd-tleu-merzm-24-zhne-28-azan-aralyynda-ayatalady.html">Zakon.kz.</a>"Параграф" АЖ 25 қазанға дейін төлеу қажет екенін еске салады:<ul><li style="text-align:justify;">Берілген шетелдік персоналдың табыстарынан ЖТС;</li><li style="text-align:justify;">Қыркүйек айында есептен шығарылған кезде тарату декларациясы бойынша ҚҚС.</li></ul>28 қазаннан кешіктірмей төлеу қажет:2024 жылғы қазан үшін: КТС бойынша аванстық төлемдер;<ul><li style="text-align:justify;">сыртқы (көрнекі) жарнаманы орналастырғаны үшін төлемақы;</li></ul>2024 жылғы қыркүйек үшін:<ul><li style="text-align:justify;">Төлем көзінен ұсталатын КТС және ЖТС;</li><li style="text-align:justify;">ЖТС-ты пайдалана отырып, ЖК-дағы ЖК табыстарынан ЖТС;</li><li style="text-align:justify;">әлеуметтік салық;</li><li style="text-align:justify;">бірыңғай төлем;</li><li style="text-align:justify;">міндетті зейнетақы жарналары, жұмыс берушінің міндетті зейнетақы жарналары, міндетті кәсіптік зейнетақы жарналары;</li><li style="text-align:justify;">әлеуметтік аударымдар;</li><li style="text-align:justify;">ООСМС, ВОСМС.</li></ul>Сонымен қатар:<ul><li style="text-align:justify;">жер учаскелерін пайдаланғаны үшін төлемақы – қыркүйекте жер пайдалану шартын жасасу кезінде;</li><li>радиожиілік спектрін пайдаланғаны үшін төлем — егер рұқсат қыркүйек айында алынса.</li></ul>Фото: pexels

Елімізде салықтар мен төлемдерді төлеу мерзімі 24 және 28 қазан аралығында аяқталады

<a href="https://kyzylorda-news.kz/">Kyzylorda-news.kz</a> Өзін-өзі реттеу ұйымына мүше болмаған жағдайда такси қызметі заңсыз деп танылады.Енді еліміздегі такси алпауыттары өзін-өзі реттеу ұйымына мүше болуы тиіс, деп хабарлайды <a href="http://sn.kz/">Skifnews.kz</a> ақпарат порталы.&nbsp;<blockquote>«Қазір Қазақстанда Yandex, InDrive, Максим, Aparu сияқты таксиге тапсырыс берудің мобильді қосымшалары бар. Олар өз қызметін тәуелсіз, бәсекелестік негізде жүзеге асырады. Заң жобасына сәйкес бұл қызмет пен такси қосымшалары, такси агрегаторлары автотасымалдаушылар палатасының құрамында болуы тиіс. Осыған байланысты өз-өзін реттейтін ұйымдарда міндетті мүшелік туралы талаптың орындалуын қалай қамтамасыз ету керек?», - деп сұрады депутат ведомство өкілінен.</blockquote>Көлік министрі Марат Қарабаев өз-өзін реттейтін ұйымдарда міндетті мүшелік туралы талапты түсіндірді. Айтуынша, заңда екі мәселе қарастырылған.&nbsp;<blockquote>«Оның біріншісі – міндетті, екіншісі – еркін түрде. Сіз айтып отырған интернет алпауыттарына міндетті түрде осындай өзін-өзі реттеу ұйымына мүше болу қарастырылған. Егер ол өзін-өзі реттеу ұйымына мүше болмаса, онда оның қызметі заңсыз деп танылады. Нәтижесінде заңсыз қызмет атқаруына басқа заңнамалық актілерде тыйым қарастырылған. Сондықтан осындай үлкен интернет платформалары өз қызметін сақтап қалуы үшін міндетті түрде алдағы уақытта өзін-өзі реттейтін ұйымға мүше болады. Бұл олардың қызығушылығын тудырады», - деді ведомство басшысы.</blockquote>Фото: Pixabay

Енді таксилерге тағы бір жаңа талап қойылады

<a href="https://kyzylorda-news.kz/">Kyzylorda-news.kz</a> Осы жылдың мамыр айында Көлік және Ішкі істер министліктерімен және «ІnDriver», «Яндекс» такси қосымшаларының басшылығы арасында өзара Меморандум жасалған еді. Осы меморандумға сәйкес 2025 жылдың 1 қаңтарынан бастап «ІnDriver» такси қосымшасына басқа мемлекетте тіркелген, басқару құрылғылары оң жақта орналасқан және ҚР Заңнамасын жиі бұзатын автокөліктерге тіркелуге шектеу қойылады, деп хабарлайды&nbsp;<a href="https://egemen.kz/">Egemen.kz</a>.<blockquote>«Соңғы кездері жүргізушінің тынығу режимінің бұзылуы, рейс алдында медициналық және механикалық тексеруден өтпеуі, міндетті сақтандырусыз жолаушылар тасымалдауы салдарынан жол апаты көбейді. Елімізде «InDriver», «Яндекс» такси бағдарламасын мобильді қосымшаға тіркеу арқылы қаншама көлік жолаушыларды тасымалдайды. Алайда ол азаматтар бекітілген Ұлттық стандартқа, такси тасымалдаушыларына және қызмет көрсететін такси автокөліктеріне қойылатын талаптарына сәйкес келмейтін автокөліктермен жолға шығады», деді&nbsp;Жамбыл облысы әкімінің орынбасары Қанатбек Мәдібек.</blockquote>Фото: egemen.kz

Такси жүргізушілеріне талап қатаяды

<a href="https://kyzylorda-news.kz/">Kyzylorda-news.kz</a> Қазақстанның ішкі істер министрінің бұрынғы орынбасары, қазіргі депутат Марат Қожаев, 24 қазанда сенаттың куларында «оңтүстік өңірлерде қылмыс өршіп тұр» деген ақпаратқа пікір білдірді, деп хабарлайды <a href="https://kaz.zakon.kz/kogam-tynysy/6051287-deputat-ylmys-rshp-tr-degen-auesetke-pkr-bldrd.html">Zakon.kz</a>.Ол ресми статистиканы алға тарту керек екендігін айтты.<blockquote>«Тәуліктің кез келген уақытында қала көшелерімен еркін жүре аласыз, кез келген қоғамдық орындарға бара аласыз. Бір жерден вакханалияны көрдіңіз бе?» – деді сенатор.</blockquote>Жақында табылған қару-жарақ туралы сұраққа ол мұндай оқиға әлемнің кез келген елінде болатындығын айтты.Бұған дейін қостанайлық полицейлердің екі көлік ұрлығын «ізін суытпай» ашқаны хабарланған болатын.Фото: Zakon.kz

Депутат «қылмыс өршіп тұр» деген қауесетке пікір білдірді

<a href="https://kyzylorda-news.kz/">Kyzylorda-news.kz</a> Бұл туралы Мәулен Әшімбаев бүгін Сенат отырысында қаралған Қазақстан мен Өзбекстанның экология саласындағы ынтымақтастығы туралы келісімді талқылау барысында айтты, деп хабарлайды&nbsp;<a href="https://egemen.kz/">Egemen.kz</a> Сенаттың баспасөз қызметіне сілтеме жасап.Отырыс кезінде аталған құжаттың қазақ тіліндегі мәтінінде қателіктер кеткені белгілі болды. Сенат Төрағасы мұндай олқылыққа жол беруге болмайтынын баса айтты.<blockquote>«Қазақ тіліндегі құжаттарда қателердің кездесуі бүгін пайда болған мәселе емес. Бұл проблеманы депутаттарымыз да үнемі көтеріп жүреді. Сол себепті, қазіргі таңда қазақ тіліндегі мәтіннен қате жіберіп, оны қайта түзету орынсыз»,&nbsp; деді Палата Спикері.</blockquote>Сондай-ақ ол қазіргі таңда елімізде мемлекеттік тілдің мәртебесі нығайып, осы салада кәсіби мамандардың қатары артқанына назар аударды. Сондықтан Сенат Төрағасы бұл салада тиісті мамандармен жұмысты күшейту керек екенін айтты.<blockquote>«Бүгінде шет тілдердегі іргелі ғылыми еңбектерді қазақ тіліне аударып жүрген білікті мамандарымыз бар. Соңғы жылдарда олар белсенді жұмыс істеп келеді. Оны бәріміз көріп отырмыз. Сондықтан бізде түрлі терминдермен жұмыс істейтін, қалыптасқан мамандар жеткілікті деп айтуға әбден болады. Сол себепті, құжаттарда қазақ тіліндегі мәтінде қателік болмауға тиіс. Ал, халықаралық келісімдерде бұған мүлдем жол беруге болмайды. Сондықтан тиісті ведомство осы мәселеден қорытынды шығарып, кәсіби мамандармен жұмыс істегені жөн. Алдағы уақытта мұндай олқылық қайталанбайды деп сенеміз»,&nbsp; деді Мәулен Әшімбаев.</blockquote>Айта кетейік, бүгін Палата отырысында сенаторлар «Қазақстан Республикасының Үкіметі мен Өзбекстан Республикасының Үкіметі арасындағы экология және қоршаған ортаны қорғау саласындағы ынтымақтастық туралы келісімді ратификациялау туралы» заңды қарап, мақұлдады.Фото: egemen.kz

Қазақ тіліндегі құжаттарда қате жіберуге болмайды - Сенат төрағасы

<a href="https://kyzylorda-news.kz/">Kyzylorda-news.kz</a> 20 қазанда әлеуметтік желілерде оқушы қыздардың мұғалімге шабуыл жасағаны түсірілген&nbsp;видео тарады. Қыздардың анасына айыппұл салынып, тәртіптік жауапқа тартылды. Бұл туралы <a href="https://stan.kz/sirdariya-oblisinda-okushi-kizdar-mygalimdi-sokkiga-zhi-408534/">Stan.kz</a> ақпарат агенттігі хабарлайды.Мәліметке сәйкес, төбелес 7 қазан күні Сырдария облысының №2 мектебінде болған. Бейнежазбада екі оқушының мұғалімге шабуыл жасап, шашынан тартып, ұрғанын көруге болады. Сол сәтте жанындағы мұғалімдер оларға көмектеспек болған. Оқушылар&nbsp;медбикенің кезекшілікке кірісуді талап етуіне агрессивті түрде жауап беріп, физикалық күш қолданған. Денешынықтыру пәнінің мұғалімі төбелесті тоқтатуға тырысқанымен, қыздар оған да шабуыл жасаған.Мектепте болған жағдайдан кейін қыздар мен олардың ата-аналарының қатысуымен жиналыс өтті. Қақтығыстың себептері туралы ақпарат берілген жоқ.&nbsp;Сот оқушылардың анасының жұмыссыз, екі кәмелетке толмаған баланы тәрбиелеп отырғанын, отбасында асыраушының жоқ екенін ескерген. Осылайша анасына екі айлық есептік көрсеткіш мөлшерінде (750 мың сом)&nbsp;28,2203 теңге айыппұл салу туралы шешім қабылдады.Жағдайды <a href="https://t.me/sirdaryommtb/14740">облыстық білім басқармасы</a> бақылауға алып, қосымша ақпарат берілетінін айтты.Еске салайық, бұған дейін&nbsp;Семейде оқушыларын дәретханаға шығарып сөйлескен мұғалім жұмыстан қуылғанын жазған едік.&nbsp;16 қазан күні Семейдегі&nbsp;№38 мектеп-лицейде оқушылар мұғалім тарапынан қысым қысым көрген. Сұмдық жағдай туралы оқушының ата-анасы айтып берді.&nbsp;Ата-ананың сөзінше, 7-сынып оқушысының дәптері жоғын білген тарих пәнінің мұғалімі оны жеке сөйлесуге дәретханаға алып барған. Кейін оған тағы бір баланы ертіп алып келуге жіберген. Сөйтіп 13 жастағы балаларды әжетханада біраз уақыт ұстап, балағат сөздер айтып, белгілі бір “түсініктер” туралы әңгіме қозғаған. Мұғалім айғайлап, бұл жағдай туралы ешкім білмеу керегін айтып, қорқытқан.&nbsp;Фото:&nbsp;t.me/uztubepodrobno/6612

Оқушы қыздар мұғалімді соққыға жыққан сәт видеоға түсіп қалды

<a href="https://kyzylorda-news.kz/">Kyzylorda-news.kz</a> Энергетика министрінің 2024 жылғы 21 қазандағы бұйрығымен электр энергиясының шекті тарифтеріне өзгерістер енгізілді, деп хабарлайды <a href="https://kaz.zakon.kz/kogam-tynysy/6051251-azastanda-1-arashadan-bastap-keybr-aymatarda-elektr-energiyasyny-tarif-kterled.html">Zakon.kz.</a>Осылайша, 2024 жылдың 1 қарашасынан бастап тарифтер өседі:<ul><li style="text-align:justify;">бірінші топ (Б.Нұржанов атындағы Екібастұз ГРЭС-1) – кВт/сағ үшін 8,05 теңгеден 8,27 теңгеге дейін;</li><li style="text-align:justify;">екінші топ (Еуразиялық энергетикалық корпорация) – 7,40 теңгеден 7,98 теңгеге дейін;</li><li style="text-align:justify;">тоғызыншы топ ("Астана-Энергия" АҚ) – 8,49 теңгеден 9,28 теңгеге дейін;</li><li style="text-align:justify;">12-топ ("Қазақстан алюминийі" АҚ) – 6,05 теңгеден 7,87 теңгеге дейін;</li><li style="text-align:justify;">18-топ ("Степногорск ЖЭО" ЖШС) – 22,58 теңгеден 28,97 теңгеге дейін;</li><li style="text-align:justify;">28-топ ("Жаңажолская ГТП" ЖШС) – 11,44 теңгеден 11,85 теңгеге дейін;</li><li style="text-align:justify;">39-топ ("З-Энергоорталық" АҚ) – 13,79 теңгеден 15,09 теңгеге дейін;</li><li style="text-align:justify;">48-топ (ТНК "Қазхром" АҚ) – 7,59 теңгеден 10,67 теңгеге дейін.</li></ul>Сонымен қатар, тізімге жаңа компаниялар қосылды, олардың тарифтері алғаш рет бекітілді:<ul><li>кВт/сағ үшін 43,92 теңге тарифпен 56-топ;</li><li>56,63 теңге тарифпен 57-топ;</li><li>26,08 теңге тарифпен 58-топ;</li><li>22,56 теңге тарифпен 59-топ;</li><li>60-топ тарифі 3,07 теңге.</li></ul>Бұйрық 2024 жылғы 1 қарашадан бастап күшіне енеді.Бұған дейін алматылықтар үшін электр қуатының тарифі уақытша төмендегені хабарланған болатын."Алатау Жарық Компаниясы" АҚ тарифтері:<ul><li>2024 жылғы 1 желтоқсаннан 31 желтоқсанға дейін ҚҚС-сыз 11,35 теңге/кВт/сағ мөлшерінде (-0,44%);</li><li>2025 жылғы 1 қаңтардан бастап 31 қарашаға дейін ҚҚС-сыз 10,54 теңге/кВтсағ (-0,57%) мөлшерінде.</li></ul>Фото: unsplash

Қазақстанда 1 қарашадан бастап кейбір аймақтарда электр энергиясының тарифі көтеріледі

<a href="https://kyzylorda-news.kz/">Kyzylorda-news.kz &nbsp;</a> «Ұлттық мереке - Республика күнінде» аймағымызда 1 тәулікте барлығы 48 бала дүниеге келдi.Нәрестелердiң 28-i ұл бала болса, 20-сы қыз бала.

Ұлттық мереке күні 48 сәби дүниеге келді

<a href="https://kyzylorda-news.kz/">Kyzylorda-news.kz</a> Pinduoduo 19 қазаннан бастап барлық ресми онлайн тасымалдаушылардың жұмысын уақытша тоқтатты, деп хабарлайды&nbsp;<a href="https://el.kz/pinduoduo-qazaqstanga-tauar-zhetkizudi-toqtatty_136885/">El.kz&nbsp;ақпарат агенттігі</a>.«Қазпочта» АҚ мәліметінше, қазір маркетплейс жүйесінде техникалық жұмыстар мен жаңартулар жүргізіліп жатыр.<blockquote>Pinduoduo барлық ресми онлайн тасымалдаушыларды 19 қазаннан бастап техникалық жетілдірулерге байланысты уақытша тоқтатты. Өкінішке қарай, жұмысты қалпына келтірудің нақты мерзімін атай алмаймыз, – делінген хабарламада.&nbsp;</blockquote>Фото: El.kz

Pinduoduo Қазақстанға тауар жеткізуді тоқтатты

<a href="https://kyzylorda-news.kz/">Kyzylorda-news.kz</a> &nbsp;Қазақстандықтар желтоқсанда Тәуелсіздік күніне орай, ал қаңтарда Жаңа жылға орай <a href="https://turkystan.kz/article/250720-zheltoksan-men-kantarda-neshe-kun-demalamyz">демалады</a>.14 желтоқсан – сенбі, 15 желтоқсан – жексенбі, 16 желтоқсан дүйсенбі күнге түсіп тұр. 17 желтоқсан – сейсенбі. Сонда бес күн жұмыс істейтін қазақстандықтар қатарынан төрт күн – 14-17 желтоқсан аралығында демалмақ.30-31 желтоқсан – жұмыс күндері. Дүйсенбі мен сейсенбіге түсіп тұр.1-2 қаңтар, яғни сәрсенбі-бейсенбі күндері – демалыс. 3 қаңтар, жұма – жұмыс күні.7 қаңтар, сейсенбі – демалыс. Рождество мерекесі.

Желтоқсан мен қаңтарда неше күн демаламыз?

<a href="https://kyzylorda-news.kz/">Kyzylorda-news.kz</a> Татарстан астанасында қазақтың ұлы ақыны әрі ойшылы Абай Құнанбаевқа арналған ескерткіштің ашылу салтанаты өтті.Мәдениет және ақпарат министрлігі хабарлағандай, Ұлы ойшылдың ескерткіші Қазан қаласында Назарбаев пен Качалов көшелерінің қиылысында орнатылды.Іс-шара Қазақстан Президентінің 2024 жылғы 22-24 қазан аралығында өтіп жатқан БРИКС мемлекет басшыларының XVI Саммитіне қатысу үшін Қазан қаласына жұмыс сапары аясында өткізілді.Ашылу салтанатына Қазақстан Республикасының Мәдениет және ақпарат министрі Аида Балаева, Татарстан Республикасының Мәдениет министрі Ирада Аюпова, Қазандағы ҚР Бас консулы Ерлан Ысқақов, сондай-ақ Татарстан Жазушылар одағының төрағасы Ркаил Зайдуллин, сондай-ақ қала тұрғындары мен қазақ ұлттық-мәдени автономиясының өкілдері қатысты.ҚР Мәдениет және ақпарат министрі Аида Балаева Қазанда ескерткіштің ашылуын халықтар арасындағы достықтың, өзара түсіністік пен рухани туыстықтың үлгісі екенін айтты.<blockquote>«Бүгінгі іс-шараның БРИКС мемлекеттері ынтымақтастығы саммиті аясында өтіп жатқанының өзі іс-шараға ерекше сипат беріп тұр. Бұл екі ел арасындағы мәдени байланысты нығайтып, тереңдете түсері сөзсіз. Абай – өз ұлтының рухани байлығын бойына сіңіре отырып, жалпы адамзаттық ой-пікір деңгейіне көтерілген тұлға. Біздің халықтар арасындағы өзара мәдени құндылығымыз артып, достығымыз нығая берсін», – деді Аида Балаева.</blockquote>Ұлы ойшылдың ескерткіші Қазан қаласында Назарбаев пен Качалов көшелерінің қиылысында орнатылды. Бюст авторы – Қазақстан Республикасы Суретшілер одағының мүшесі, мүсінші Нұрбол Қалиев.<blockquote>«Қазақстанның Ресеймен достық қатынасын дамыту аясында Татарстанға, біздің мәдениетімізге шынайы қызығушылық танытып жатқаны қуантады. 2018 жылы Қазақстан тарапынан Қазан қаласына қонақжайлық белгісі – «Тайқазан» мүсіні сыйға берілді. Бүгін Абайдың ескерткіші де дәл осы жерде, осы алаңда орнатылуы кездейсоқ емес. Ресейде ұлы қазақ ақынына деген құрмет ерекше. Еліміздің астанасында Абайдың ескерткіші орнатылған. Сондай-ақ Ресейдің бірқатар қалаларында Абай Құнанбайұлының атымен аталған көшелер бар. Бүгінгі іс-шара – қазақ пен татар халықтарының рухани бірлігіне негізделген ұзақ жылдар бойғы жемісті іскерлік пен мәдени байланыстардың нәтижесі деп білеміз», – деді Татарстан Республикасының Мәдениет министрі Ирада Аюпова.</blockquote>Салтанатты іс-шара қазақ ақынының ескерткішіне гүл шоқтарын қою рәсімімен қорытындыланды.Фото: Мәдениет және ақпарат министрлігі

Қазақстан және Қызылорда облысының жаңалықтары