<a href="https://kyzylorda-news.kz/">Kyzylorda-news.kz</a> Елімізде ауыл шаруашылығы жерлерін тұрақты суаруды қамтамасыз ететін су қоймаларын, бөгеттер мен каналдарды қосқанда, 13 мыңнан астам гидротехникалық құрылыстар бар.2024 жылы еліміздің оңтүстік аймақтарындағы егістік алқаптарды суару үшін 10,9 км3 су жіберілді, ол суаруға арналған су қабылдаудың жалпы көлемінің 97%-ын құрайды. Талас және Шу өзендері бойынша көрсеткіштер айтарлықтай жақсарды, бұл сумен жабдықтау және суару бойынша іске асырылып жатқан іс-шаралардың тиімділігінің айғағы. Биыл Шардара су қоймасына 4,8 млрд м3 су келді, яғни, 2023 жылмен салыстырғанда 2 есе көп.&nbsp;Мемлекет басшысы жедел ден қоюды талап ететін бірқатар негізгі бағыттарды атап өтті. Олардың ішінде – су инфрақұрылымын жаңғырту, тарифтік саясатты қайта қарау, су үнемдеу технологияларын енгізу және заңнамалық базаны жетілдіру ісі бар.Су ресурстары және ирригация министрлігі құрылғаннан бері еліміздің су шаруашылығы саласын түбегейлі өзгертуге бағытталған ауқымды реформаларды бастады.Жаңа нормативтік-құқықтық базаны әзірлеу бойынша үлкен жұмыс атқарылды: жаңа Су кодексінің жобасы әзірленді, Мәжілісте алғашқы тыңдаулар өткізілді, 2030 жылға дейін су ресурстарын басқару жүйесін дамыту тұжырымдамасы бекітілді, сондай-ақ 2028 жылға дейін су саласын дамытудың кешенді жоспары және 2026 жылға дейін су үнемдеу жөніндегі Жол картасы әзірленді. &nbsp;Бұл құжаттар су саласын жаңғыртуға, су үнемдеу технологияларын енгізуге және климаттың өзгеруінің салдарына орнықтылықты қамтамасыз етуге бағытталған. 20 жаңа су қоймасын салу, сондай-ақ 14 мың шақырымнан астам суару каналдарын қосқанда, қолданыстағы 15 су қоймасын қайта жаңарту жоспарланған.2024 жылы Қазақстанда 93 гидротехникалық құрылысқа тексеру жүргізілді, жалпы ұзындығы 592,9 км болатын 260 бөгет салынып, нығайтылды. Сондай-ақ ауылдарды және шалғай аудандарды сумен қамтамасыз етуде маңызды қадамдар жасалды. 39 ауыл орталықтандырылған сумен жабдықтау жүйесіне қосылды, ал 166 елді мекенде блок-модульдер орнатылды.<img src="https://knadmin.beoblood.kz/uploads/aza_stanny_su_infra_rylymyn_zha_yrtu_6074ad5b3e.jpg" alt="Қазақстанның су инфрақұрылымын жаңғырту.jpg">@KZgovernmentФото:&nbsp;

Қазақстанның су инфрақұрылымын жаңғырту

<a href="https://kyzylorda-news.kz/">Kyzylorda-news.kz</a>&nbsp; Қызылордада NIS оқушыларының өзін-өзі басқару ұйымы көшбасшыларының «Lead to Inspire: шабытқа жетелеңіз» атты форум аяқталды.Еліміздің түпкір-түпкірінен 44 мектеп Президенті мен оның орынбасары Қызылорда қаласындағы Зияткерлік мектепте бас қосты. Екі күн бойы делегаттар&nbsp;мотивациялық кездесулер, тренингтер, өзара талқылаулар мен әртүрлі танымдық шараларға қатысып, басқарушылық дағдылары мен көшбасшылық қасиеттерін дамытты.«Мен және менің мотивациям» пленарлық отырысына өңіріміздің танымал тұлғалары қатысып, оқушыларға шабыт сыйлады. «Qyzylorda» телеарнасының директоры Нұрбек Амиша өз өмір жолын мысалға ала отырып, өзін-өзі дамыту арқылы жетістікке жетуге болатынын көрсетті. Ол жастайынан ағылшын тілін меңгеріп, Ұлыбританияда магистр дәрежесін алғанын айтып, қатысушыларды жігерлендірді. Ал Kyzylorda Hub технопаркінің басшысы Жанарыс Түбекбаев қазіргі заманғы көшбасшыға тән негізгі қасиеттерді атап өтті: шабыт бере білу, командада үйлесімді жұмыс істей алу және стандарттан тыс шешімдер қабылдау шеберлігі. Сондай-ақ жасанды интеллект (ЖИ) саласының сарапшысы Нұрлан Құлмырзаев оқушылардың өзін-өзі басқару жүйесіне ЖИ технологияларын енгізу туралы идеяларды ұсынды. Спикердің бұл бастамасы форум қатысушыларының ерекше қызығушылығын оятты.<blockquote>– Бұл форум барлығымыз үшін нәтижелі әрі сапалы білімге бай шара болатынына сенімдімін. Нағыз көшбасшыға сай қасиеттерін дамытып қана қоймай, мектеп жүйесіне өзгерістер енгізу арқылы басқа оқушыларды қарқынды түрде тартуға негіз болары анық, – деп атап өтті «Назарбаев Зияткерлік мектептері» ДББҰ өкілі Әсел Бабажан.</blockquote>Шара барысында жас көшбасшылар төл жобаларын таныстырып, оқушыларды ынталандыру, волонтерлік қызмет, әлеуметтік жауапкершілік және мектепте жайлы орта қалыптастыру бойынша пікірлері мен идеяларын ортаға салды.Ал тренингте қатысушылар көшбасшылықтың негізгі қағидаларын, шабыт көздерін қайдан және қалай табуға болатынын, сондай-ақ мектеп жобаларын әлеуметтік желілерде тиімді жүзеге асыру тәсілдерін меңгерді. Бұдан бөлек оқушылар үшін түрлі жағдайлық кейстерді талқылау алаңы ұйымдастырылып, күрделі мәселелердің тиімді шешімдері қарастырылды. &nbsp;Көшбасшылар форумы мектептегі өзін-өзі басқару жүйесінде жаңа жетістіктер мен табыстарға жету үшін ынтымақтастық, қолдау және тәжірибе алмасудың аса маңызды екенін көрсетті.<blockquote>«Форум өте мазмұнды болды. Бір минутта да бос уақытымыз болмады. Әртүрлі глобалды мәселелерді талдап, алдағы уақытта жұмысымызды қалай үйлестіретінімізді талқыладық. Форум маған эмоциялар, жаңа білім мен тәжірибе берді», –дейді Астана қаласындағы (IB) NIS-тің көшбасшысы Әділет Абзалиев.</blockquote>Форум аясында делегаттар Қазақстанның жетекші күріш және тұз өндіруші компаниялары – «Абзал и К» және «Алтын орда» кәсіпорындарында болып, өндіріс процесімен танысты. Ал «Абай-Дәулет»&nbsp;көпсалалы компаниясында түйеқұс, жылқы, қой, тауық пен қаздарды өсіру процесін көріп, аймақтың экономикалық дамуындағы маңызын байқады.&nbsp;Бұл сапар оқушыларға өз жобаларын жасауға шабыт беріп, болашақ көшбасшыларды қалыптастыруда бизнес пен білімнің ынтымақтастығын көрсетті.<blockquote>«Бұл форумды бір сөбен сипаттайтын болсам, жан-жақты деп айтар едім. Әртүрлі лидерлер келген, оның әрқайсысы әртүрлі тұлға, бойында санаулан қасиеттер бар, оны көре отыра, адамдардың қаншалықтыжан-жақты бола алатынын түсінесін. Сол арқылы сен өзіне мотивация аласын, шабыттанасын», – дейді Ақтау қаласындағы NIS-тің көшбасшысы Қарақат Нұрмұхамет.</blockquote>Жатақхана тәрбиешілерінің ұйымдастыруымен бірнеше қызықты шеберлік сыныптар өткізілді: гипстен сәнді қобдиша, икебана жасады және йога терапиясы мен командалық тимбилдингте көңілді уақыт өткізді.Форумының жабылу салтанатында әрбір қатысушыға арнайы сертификат табыс етілді.&nbsp;<img src="https://knadmin.beoblood.kz/uploads/ROM_3288_42a54fc605.jpg" alt="_ROM3288.jpg"><img src="https://knadmin.beoblood.kz/uploads/ROM_3314_aa45d2b5fa.jpg" alt="_ROM3314.jpg"><img src="https://knadmin.beoblood.kz/uploads/ROM_3695_8325c8cffc.jpg" alt="_ROM3695.jpg">

Көшбасшылар форумы: Шабыт, тың идеялар, жаңа бастамалар

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Тамара Дүйсенова Сыр еліне жұмыс сапары кезінде спорт мекемелерінің басшыларымен кездесті. Кездесуге салалық министрліктің өкілі, сала мамандары қатысты. Бұл туралы облыс әкімінің баспасөз қызметі мәлімдеді.Жиында аймақ басшысы Нұрлыбек Нәлібаев спорт инфрақұрылымын дамыту бағытындағы жұмыстарға, алда жүзеге асырылатын жобалар мен қолға алынған бастамаларға тоқталды.<blockquote>«Мемлекет басшысы ХХХІІІ жазғы Олимпиада ойындарының жүлдегерлерімен кездесуде сөйлеген сөзінде «Бұқаралық спортқа және балалар мен жасөспірімдер спортына баса мән беру қажет. Бұл – өте маңызды міндет. Себебі, бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз» деп атап өтті. Бапкерлер құрамын күшейтуге, алда өтетін халықаралық спорт додаларына дайындықты пысықтауға қатысты бірқатар нақты тапсырма жүктеді.Сыр өңірінде Туризм және спорт министрлігімен үйлесімді жұмыс, ауқымды іс-шаралар атқарылуда. Аймақта 1490 спорт нысаны бар. Тұрғындардың спорт нысандарымен қамтылу көрсеткіші 44 пайыз, 328 597 адам дене шынықтыру және спортпен жүйелі шұғылданады. Облыстағы 22 спорт мектебінде 640 жаттықтырушы-оқытушы 22 266 баланы жаттықтырады. Биыл Сыр спортшылары Әлем және Азия чемпионаттары мен кубоктарынан 120 медаль жеңіп алса, ҚР чемпионаттары мен кубоктарынан 808 медальға қол жеткізді», – деді Н.Нәлібаев.</blockquote>Айта кетейік, өңірде Мемлекет басшысының, Үкіметтің қолдауымен жаңа спорт кешендері көптеп ашылуда. Өткен жылы 13 спорт кешенінің құрылысы жүргізіліп, оның 9-ы қолданысқа берілді. Биылға өтпелі болған 4 нысанның құрылысы аяқталды. Жақын күндері ел игілігіне беріледі.«Samruk-Kazyna Trust» әлеуметтік жобаларды қолдау қорымен бірлесіп 3,4 млрд. теңгеге заманауи үлгідегі «Үстел теннисі орталығы» салынды. Аудандарда 4,7 млрд. теңгеге 10 спорт кешені, Қызылорда қаласында халықаралық стандарт талаптарына жауап беретін 11 мың орындық «Орталық стадион» бой көтеріп келеді.<img src="https://knadmin.beoblood.kz/uploads/Tamara_D_jsenova_sport_mekemelerini_basshylarymen_kezdesti_1_893fbb2e24.webp" alt="Тамара Дүйсенова спорт мекемелерінің басшыларымен кездесті 1.webp">

Тамара Дүйсенова спорт мекемелерінің басшыларымен кездесті

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары Тамара Дүйсенова, облыс әкімі Нұрлыбек Нәлібаев Н.Бекежанов атындағы театрда, «Оқушылар сарайында», С.Ысқақов атындағы Қызылорда құрылыс және бизнес колледжінде мектепке дейінгі, орта, техникалық, кәсіптік білім беру ұйымдарының қызметкерлерімен кездесті. Бұл туралы облыс әкімінің баспасөз қызметі хабарлады.Басқосулар салалық министрлік өкілдерінің, облыстық білім басқармасы, қалалық, аудандық білім бөлімдері, мемлекеттік және жекеменшік мектепке дейінгі ұйымдар басшыларының, мектеп, техникалық және кәсіптік білім беру мекемелері директорларының қатысуымен өтті. Сондай-ақ, жиынға басқа өңірлерден келген білім саласының басшылары да қатысты.Облыс әкімі Нұрлыбек Нәлібаев мәжілісті жүргізіп, атқарылған жұмыстар туралы айтты.<blockquote>«Білім мен тәрбиеге қатысты еліміздегі жаңа бастамаларды, тың жобаларды талқылауға бас қостық. Президентіміздің, Үкіметтің қолдауымен аймақта жаңа білім нысандары көптеп салынып, ел игілігіне берілуде.«Білімді қолдау қоры» есебінен Қызылорда қаласында физика-математика мектеп-интернаты, «Шығармашылық-инновациялық орталық», «Саутс Ойл» компаниясының демеушілігімен музыкалық колледждің жаңа ғимараты салынуда.Қазан айында Мемлекет басшысының бастамасымен қолға алынған «Жайлы мектеп» ұлттық жобасы аясындағы алғашқы 900 орындық мектепті табыстадық. Қазіргі таңда тағы 9 мектептің құрылысы жүруде. Жыл соңына дейін 4 мектеп іске қосылады.«Адал адам. Адал еңбек. Адал қоғам» қағидаты негізінде еңбек адамын құрметтеу, жастарымыздың жұмысшы мамандығына деген қызығушылығын арттыру, сапалы және қолжетімді, заманауи техникалық, кәсіптік білім беру бағытындағы жұмыстарды жалғастырамыз. Өңірдегі 28 колледж 97 мамандық пен 158 біліктілік бойынша еңбек нарығына қажетті кадрлар даярлайды»,– деді Н.Нәлібаев.</blockquote>Кездесуде Тамара Дүйсенова әлеуметтік саладағы ауқымды жобаларға тоқталып, қатысушылардың ұсыныс-пікірлерін тыңдады, алдағы жұмыстар бағытын айқындады.Сонымен қатар, Оқу-ағарту министрлігі мектепке дейінгі тәрбие және оқыту департаментінің директоры Манара Адамова, Білім беру саласындағы сапаны қамтамасыз ету комитетінің төрағасы Ернұр Дәуенов, «Қаржы орталығы» АҚ президенті Асқар Ибраимов, басқа да қатысушылар өз ойларын ортаға салды.Айта кету керек, биылдан бастап Тараз, Түркістан және Шымкент қалаларының мектепке дейінгі ұйымдарына ваучерлік қаржыландыру жүйесі енгізілді. Облыстағы 12 шағын жинақты білім ошағын «Тірек мектептер» жобасына енгізу үшін 3 мектеп бекітілді. Бұл ретте «Қазақстан халқына» қорының «Білім беруді тұрақты дамыту» қорымен бірлесіп, «Ауылдық аймақтардағы тірек мектептердің әлеуетін дамыту» жобасы жүзеге асырылуда. Оның шеңберінде 2022-2024 жылдары 6 мектеп 1,5 млрд теңгеге қайта жабдықталды. Алдағы жылға 2 мектепке сұраныс берілді. Қазір атқаратын жұмыстар жүйеленуде.<img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_1_71e7951d20.webp" alt="Білім мен тәрбие берудегі мәселелер талқыланды 1.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_2_1993130e3d.webp" alt="Білім мен тәрбие берудегі мәселелер талқыланды 2.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_3_5ca5e30e0e.webp" alt="Білім мен тәрбие берудегі мәселелер талқыланды 3.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_4_6646ee945c.webp" alt="Білім мен тәрбие берудегі мәселелер талқыланды 4.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_5_11f2fa22fb.webp" alt="Білім мен тәрбие берудегі мәселелер талқыланды 5.webp">

Білім мен тәрбие берудегі мәселелер талқыланды

<a href="https://kyzylorda-news.kz/">Kyzylorda-news.kz</a> 2024 жылғы 12 желтоқсанында Астанада өткен баспасөз мәслихатында «Әділдік және өркендеу» қоғамдық қоры өзінің жаңа бастамасын жариялады. Жосықсыз жұмыс берушілер тізімінің мақсаты – жұмыс берушінің еңбек заңнамасын сақтауына қоғамдық бақылауды күшейту. Еңбек кодексін бұзу жайттарын жария ету.Реестрдің ережесі Қордың adildik.org.kz сайтына жүктелді.Жұмысшының Еңбек кодексінің 22-бабында қарастырылған құқығын бұзған кез келген жұмыс беруші реестрге енгізілуі мүмкін. &nbsp;Жалақының кешіктірілуі, қауіпсіздік техникасын сақтамау, жұмыс тоқтап тұрғаны үшін ақы төлеуден бас тарту, төленетін еңбек демалысын бермеу, жұмыстан заңсыз шығару сынды жағдайлар реестрге енгізуге себеп бола алады. Бұл тұста жұмыс беруші мен жұмысшы арасында еңбек шартының болуы міндетті емес. Қолында еңбек шарты болмаса да, жұмысшының Еңбек кодексінде қарастырылған құқықтары бар. &nbsp;Еңбек құқығының бұзылуы жайлы ақпаратты жұмысшы, ұжым, БАҚ, билік органдарының өкілдері, кәсіподақтар, үкіметтік емес ұйымдар және оқиға куәгері де ұсына алады. Бұл үшін Қор сайтында арнайы форманы толтыру керек.Реестрде заңды тұлғаның атауы, мекенжайы, саласы, құқықбұзушылық түрі мен саны және т.б. деректер болады.Жосықсыз жұмыс беруші реестрінің ережесінде ұсынылған мәліметтердің &nbsp;дәйектілігі қатаң бақыланады. Өтініш беруші еңбек қатынасы мен құқықбұзушылық фактісін растайтын құжаттарды ұсынуға тиіс (мәселен, хабарламалар &nbsp;скриншоты, еңбек шартының көшірмесі…). Егер жұмыс берушінің әрекетіне қатысты еңбек ұжымынан шағым түссе, жұмысшылар қол қойған парақты ұсыну жеткілікті.Қор ақпаратты ашық дереккөздерден тексере алады. Қажеттілік туындаған жағдайда ресми сұрау жібереді. Алайда деректердің растығы үшін жауапкершілік өтініш берушіге жүктеледі. Шындыққа жанаспайтын шағымдардың алдын алу үшін өтініш берушіні жауапкершілік жайлы ескертудің бірнеше кезеңі қарастырылған.Реестрге енген жұмыс берушілер уәжбен келіспесе, ақпаратты жоққа шығаратын дәлелдерді ұсына алады. Олар расталса, тізімнен шығарылады. Бірақ құқықбұзушылық қайталанса, бұл жұмыс берушіні реестрден алып тастау уақыты созылады.Қор өтініш берушілердің жеке деректерін жарияламайды. Реестр қордың adildik.org.kz сайтында жарияланады. Кез келген адам оның мазмұнымен таныса алады. Онлайн режимінде толықтырылып отырады.Осылайша ақпаратты бір жерде жинақтау қазақстандықтарды жосықсыз жұмыс берушімен еңбек қатынасынан қорғайды.«Бұл реестрдің жүзеге асырылуы еңбек құқығы бұзылған жұмысшылар мен осы мәселеге бейжай қарамайтын қазақстандықтардың белсенділігіне байланысты. Жұмыс беруші алдап кетсе немесе осындай жағдайға куә болсаңыз, бізге хабарлауға шақырамыз. Реестрге қоссақ, компания атауы мен жетекшілерін барша ел білетін болады!Реестр – жай ғана тізім емес. Жұмысшы құқығын қорғау мүмкіндігі. Біздің бастамамыз әр адамның еңбегі бағаланатын қоғам құру жолындағы қадам боларына сенеміз», – деді баспасөз мәслихатында Қор директоры Дана Рысмұхамедова.Реестрді іске қосу қоғамдық бақылауды дамытып, құқықтық мәдениетті нығайтуға жағдай жасайды.Қор барша жұмысшыны, қоғамдық ұйым өкілдері мен азаматтарды еңбек адамының құқығын қорғап, әлеуметтік әділдікті нығайтуды көздейтін бастаманы белсенді қолдауға шақырады.Жосықсыз жұмыс берушілердің алғашқы реестрі 2025 жылдың басында жарияланады.Анықтама:«Әділдік және өркендеу» қоғамдық қоры – жаңа үлгідегі үкіметтік емес ұйым.Қор белсенді азаматтық ұстанымы бар, Әділетті Қазақстан құруға үлес қосқысы келетін қазақстандықтарды біріктіреді. 20 өңірде өкілдігі мен &nbsp;7000-нан астам жақтасы бар.Қор өз жұмысында қоғамдық бақылау мен әлеуметтік мониторингке ерекше басымдық береді.Еңбек және халықты әлеуметтік қорғау министрлігінің ақпаратына сәйкес, жыл басынан бері 277 кәсіпорынның 18,7 мың жұмысшыға жалақы бойынша қарызы бар екені анықталған. Берешектің жалпы сомасы – 4,4 млрд теңге. Тексеріс кезінде түрлі ұйымда еңбек құқығының бұзылуының 7,5 мың жағдайы белгілі болды.&nbsp;<img src="https://knadmin.beoblood.kz/uploads/Zhosy_syz_zh_mys_berushilerdi_al_ash_y_reestri_zhasaldy_1_588738d656.webp" alt="Жосықсыз жұмыс берушілердің алғашқы реестрі жасалды 1.webp">

Жосықсыз жұмыс берушілердің алғашқы реестрі жасалды

​<a href="https://kyzylorda-news.kz/">Kyzylorda-news.kz</a> Тәуелсіздік күні қарсаңында облыс әкімі Нұрлыбек Нәлібаев тұрғын үй кезегіндегі азаматтарға жеті қабатты 84 пәтерлік 6 жаңа тұрғын үйдің кілтін табыстады. Рәсімге Сыр өңіріне жұмыс сапарымен келген Премьер-министрдің орынбасары Тамара Дүйсенова, жауапты сала басшылары, еңбек ардагерлері мен қала тұрғындары қатысты, – деп хабарлайды облыс әкімінің баспасөз қызметі.Аймақ басшысы жаңа пәтерге қоныстанушыларды құттықтап, өңірдің құрылыс саласының жетістіктеріне тоқталды.<blockquote>«Ел Президенті Қасым-Жомарт Кемелұлы өз Жолдауында «Елімізде бірыңғай тұрғын үй саясатын әзірлеу қажет. Негізгі қағидат – тұрғындар үшін баспананың қолжетімділігін арттыру» деген болатын. Мемлекет басшысының қолдауымен ұлттық жобалар аясында соңғы 2 жылда 4 мыңға жуық пәтер табысталып, 17 мың тұрғынның баспана мәселесі шешілді. Жыл басынан бері 1500-ден астам отбасы қоныс тойын тойлады. Биыл мемлекеттік бюджеттен бөлінген 34 млрд. 100 млн. теңгеге 2,5 мыңнан астам пәтер пайдалануға беріледі. Осылайша тұрғын үй құрылысының көлемі 126 пайызға өсті.Мемлекет басшысының қолдауымен аймағымыз бүгінде қарқынды құрылыс алаңына, өркенді өзгерістердің ордасына айналды. Өткен жылдан бері қаламызда жеті, тоғыз, он екі қабатты тұрғын үйлер бой көтеруде. Бүгін өздеріңізбен бірге тағы 500-ден астам отбасының қуанышын еселеп, баспана бақытына кенелгеніне куә боламыз! Шаңырақтарыңыз жылулық пен мейірімге, балалардың шат күлкісіне толсын!»– деді Н.Нәлібаев.</blockquote>Сыр өңірінде соңғы жылдары мақсатты бастамалар қолға алынып, ауқымды жобалар жүзеге асуда. Әлеуметтік-экономикалық дамудың барлық негізгі көрсеткіштерінде оң серпін сақталып, облыс республика бойынша алдыңғы қатарға тұрақтады. Екі жыл бұрын облыс бюджеті 364 млрд. теңге болса, бүгінде екі есе артып, 750 млрд. теңгеге жетті. Бұл ауқымды қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Тұрғындарды электр энергиясымен қамту бағытында 38 жоба қолға алынған. Бұл тозған электр желілерін 66 пайыздан 62 пайызға төмендетеді. Елді мекендерді газдандыру бойынша 30 млрд. 500 млн. теңгенің 20 жобасы іске асуда. Жыл соңына дейін өңірді газбен қамту көрсеткіші 78 пайызға жетеді. Тұрғындарды орталықтандырылған ауыз сумен қамтуға бағытталған 5 млрд. 300 млн. теңгенің 13 жобасы бар. Сондай-ақ, 43 млрд. 300 млн. теңгеге 300 шақырымнан астам автомобиль жолдары жөндеуден өтуде. Осылайша облыс аумағындағы жақсы жағдайдағы жолдардың үлесі 92 пайыздан аспақ.<img src="https://knadmin.beoblood.kz/uploads/yzylordada_504_otbasy_baspanaly_boldy_1_e3384705b1.webp" alt="Қызылордада 504 отбасы баспаналы болды 1.webp">

Қызылордада 504 отбасы баспаналы болды

<a href="https://kyzylorda-news.kz/">Kyzylorda-news.kz</a> 2024 жылдың басынан бастап Қазақстанда Еурохаттама – полиция мен сот қызметкерлерінің қатысуынсыз ұсақ ЖКО жүргізушілерінің оңайлатылған ресімдеуі сияқты рәсім жұмыс істей бастады. Бұл – өте ыңғайлы әрі пайдалы құрал екені сөзсіз.ҚР Қаржы нарығын реттеу және дамыту агенттігінің (ҚНРДА) сақтандыру нарығын дамыту басқармасы бастығының орынбасары Мақсат Бәкешов Fingramota.kz-пен Еурохаттама бойынша маңызды ақпаратпен бөлісті.Еурохаттама Қазақстанда 2024 жылғы 1 қаңтардан бастап енгізілді. Бұл ЖКО кезінде сақтандыру жағдайын ресімдеудің жеңілдетілген рәсімі – яғни, егер сіз Еурохаттаманы қолдансаңыз, апатты тіркеу үшін полицияны шақырудың қажеті жоқ. Дегенмен, сақталуы қажет белгілі бір шарттар бар.Біріншіден, жол-көлік оқиғасына қатысқан екі автомобильдің қолданыстағы міндетті автокөлікті сақтандыру полистері болуы керек. Залал сомасы 100 АЕК-тен (2024 жылы 369,2 мың теңге) аспауға тиіс және ЖКО-ға қатысушыларда кінәлі болуына қатысты келіспеушіліктер болмауға тиіс. Бұдан басқа, ЖКО қатысушыларына және (немесе) үшінші тұлғалардың денсаулығы мен мүлкіне зиян келтірілмеуге тиіс. Егер Сіз үшінші көлікке немесе жаяу жүргіншіге зиян келтірсеңіз, Еурохаттаманы рәсімдеу мүмкін емес.<blockquote>«Еурохаттама онлайн-режимде Play Market және App Store дүкендерінен жүктеуге болатын сақтандыру ұйымдарының интернет-сервистері немесе мобильдік қосымшалары арқылы ресімделеді. Сонымен бірге нарықта Сақтандыру төлемдеріне кепілдік беру қоры (СТКҚ) әзірлеген «Еурохаттама» бірыңғай қосымшасы бар. ЖКО болған жағдайда, Сіз тіркеуден өтіп, барлық қажетті деректерді толтырасыз, құжаттарды қоса беріп, оларды мобильдік қосымшасы арқылы сақтандыру компаниясына жібересіз. Сәтті жіберілгеннен кейін Сізге Бірыңғай сақтандыру дерекқорынан өтініштің қабылданғаны туралы SMS келеді. Содан кейін ғана сіз оқиға орнынан кете аласыз, себебі жүйе барлық қажетті деректерді алды», - деп түсіндірді Мақсат Бәкешов.</blockquote>Бұл ретте, бір мәселе бар – мобильді интернет немесе Wi-Fi болмаған жағдайда, Еурохаттаманы сол жерде рәсімдеу мүмкін емес. Сондықтан, егер ЖКО айдалада орын алса, бұл форс-мажорды басқа жолдармен шешуге тура келеді.Айта кетейік, Қазақстанда бүгінгі таңда барлық сақтандыру жағдайлары тіркеліп, сақтандыру базасына енгізіледі. Еурохаттама, кез келген басқа сақтандыру жағдайы сияқты, 2025 жылы сақтандыру құнына бірнеше факторлар ескеріле отырып әсер етеді: жүргізушінің жасы, оның тәжірибесі, көлік типі, пайдалану мерзімі, өңір, сондай-ақ жүргізушінің жүргізу тәртібіне байланысты сақтандыруға белгіленетін жеңілдіктер мен сыйлықақылар.Кез-келген тәжірибелі автокөлік иесінде ақылға қонымды сұрақ туындауы мүмкін: егер зақымдану мөлшері талаптарда көрсетілгеннен жоғары болса ше? Сіз Еурохаттаманы пайдаланып, жәбірленуші ретінде төлем алған кезде, сізде үлкен соманы талап етуге құқығыңыз болмайды.Егер сіз залал сомасы 100 АЕК-тен жоғары екенін байқасаңыз, ресімдеу сатысында жол полициясына жүгініп, барлығын әдеттегідей ресімдей аласыз -онда жәбірленушінің мүлкіне келтірілген зиян үшін өтемақы сомасы 600 АЕК-пен шектеледі (2024 жылы 2,2 млн теңге). Сондай-ақ, залал сомасы 100 АЕК-ке дейін болатын жағдай болуы мүмкін, алайда жүргізуші соңғы төлеммен келіспейді. Мұндай жағдайларда сақтандыру омбудсманына жүгіну ұсынылады, ол өтінішті екі айға дейінгі мерзімде тегін қарайды. Сіз өтінішті сақтандыру компаниясы арқылы немесе тікелей сақтандыру омбудсманының кеңсесіне жібере аласыз.<blockquote>«Сондай-ақ сақтандыру омбудсманының сайты жұмыс істейді, өтініштерді сайт арқылы жіберуге болады. Алайда, сақтандыру омбудсманы барлық өтініштерді қарамайтынын білген жөн. Мысалы, ол азаматтар мен шағын кәсіпкерлік субъектілерінің сақтандырудың барлық түрлері бойынша өтініштерін қарайды. Ал ірі заңды тұлғалар, мәселен, оған тек міндетті автосақтандыру шеңберінде ғана жүгіне алады. Және де өтініштердің сомасы 10 мың АЕК-тен (2024 жылға 37 млн теңге) аспауға тиіс. Бұл ретте, омбудсманның шешімі өтініш беруші үшін емес сақтандыру компаниялары үшін міндетті болады. Егер өтініш беруші омбудсманның шешімімен келіспесе, онда ол сотқа жүгінуге құқылы. Сақтандыру ұйымы омбудсманның шешімін алған кезде оны орындауға және омбудсман айқындаған соманы жәбірленушіге төлеуге міндетті» - деп атап өтті Мақсат Бәкешов».</blockquote>Орта есеппен алғанда, Еурохаттама бойынша төлем жасау рәсімі күнтізбелік 3 күннен 15 күнге дейін созылады. Ал стандартты рәсім шеңберінде сақтандыру төлемін жүзеге асыру мерзімі 3 айға дейін жетуі мүмкін. Сондай-ақ, егер жол-көлік оқиғасына дейін жүргізуші жол қозғалысы ережелерін бұзса және камералар оны жазып алған болса, оған айыппұл төлеуге тура келеді, Еурохаттама бойынша ол өтелмейді.ҚНРДА сақтандыру нарығын дамыту басқармасының деректері бойынша ағымдағы жылдың басынан бастап Еурохаттаманың мобильдік қосымшасы арқылы 9 366 оқиға бойынша 1,7 млрд теңге сомаға төлемдер жүзеге асырылды. Ал Еурохаттаманы таңдаған адамдар саны күннен күнге өсіп келеді.<img src="https://knadmin.beoblood.kz/uploads/11_12_infographics_kaz_569afdb58f.png" alt="11.12 infographics kaz.png">Қаржылық сауаттылығыңызды<a href="https://fingramota.kz/kk/post/zhyldam-yajly-zhne-pajdaly-nelikten-avtoklik-ieleri-eurohattamaa-nazar-audaruy-kerek"> Fingramota.kz</a>-пен бірге арттырыңыз!Фото: fingramota.kz

Жылдам, ыңғайлы және пайдалы: неліктен автокөлік иелері Еурохаттамаға назар аударуы керек  

&nbsp; Депутаттық фракция алдында қала әкімінің орынбасары Дархан Тұрсынбаев Жол картасының Қызылорда қаласында ағымдағы жылдың 11 айында орындалу барысын баяндады.«АМАNАТ» партиясының өңірлік сайлауалды бағдарламасын іске асыру жөніндегі Жол картасында облыс бойынша барлығы 122 іс-шара қамтылған, оның ішінде Қызылорда қаласы бойынша 2024 жылы 41 іс-шараның орындалуы жүзеге асырылуда.2024 жылғы 11 ай қорытындысымен жүргізілген талдау барысында жоспарланған 41 іс-шараның орындалғаны – 30 іс-шара (73%), орындалу сатысында – 11 іс-шара (27%).Осы кезекте Жол картасында көрсетілген Ауыл аманаты, Жер аманаты жобаларының шаһарымызда іске асу барысы қарқынды жүріп жатқанын атап өту керек.&nbsp;Ағымдағы жылы Жер аманаты жобасы аясында пайданылмай жатқан 842 ГА жер телімі мемлекет меншігіне қайтарылып, жоспар екі есеге артық орындалған болатын.Фракция отырысында партияның қалалық филиалының Төрағасы Ибадулла Дүйсенбайұлы Жол картасының орындауда барлық фракция мүшелерін белсенділік танытуға шақырып, жергілікті атқарушы органдармен ағымдағы жылдың жоспарын толық іске асыруға жұмыс жасалатындығын жеткізді.Жиын соңында фракция мүшелері Жол картасының іске асуына байланысты бірқатар сауалдар жолдап, пікір алмасты.Айта кетейік, ағымдағы жылы партияның Жол картасы аясында Қызылорда қаласында Сол жағалаудағы «Жайлы мектеп», Облыстық «Қан орталығы», «Қорқыт ата» атындағы әуежайдың жаңа терминалы ел игілігіне табысталған болатын.<img src="https://knadmin.beoblood.kz/uploads/Deputatty_frakcziya_otyrysy_tti_1_2cfc760364.jpg" alt="Депутаттық фракция отырысы өттi 1.jpg"><img src="https://knadmin.beoblood.kz/uploads/Deputatty_frakcziya_otyrysy_tti_2_21375daa33.jpg" alt="Депутаттық фракция отырысы өттi 2.jpg">

Депутаттық фракция отырысы өттi

<a href="https://kyzylorda-news.kz/">Kyzylorda-news.kz</a> Қазақстан Республикасының Қаржы нарығын реттеу және дамыту агенттігі (бұдан әрі – Агенттік) қаржы ұйымдарының ақпараттық қауіпсіздігін қамтамасыз ету, оның ішінде тұрақты негізде мобильдік қосымшаларының киберқауіпсіздігін қамтамасыз ету жөнінде шаралар қабылдайды.Қазіргі уақытта қаржы ұйымдарының клиенттеріне қашықтан қызмет көрсету кезінде негізгі фактор ретінде биометрияны пайдалана отырып, екі факторлы аутентификаттауды міндетті түрде қолдану бойынша талаптар қолданылады.Азаматтарды қорғауды күшейту мақсатында 2024 жылғы шілдеден бастап банктер мен МҚҰ электрондық тәсілмен кредиттер берген кезде міндетті қосымша биометриялық&nbsp;идентификаттау енгізілді.Бұдан басқа, электрондық қарызды ресімдеу үшін бөгде адамның фотосуреттерді немесе бейнежазбаларды пайдалануына жол бермеу мақсатында, 2024 жылғы тамызда Агенттік Биометриялық идентификаттауды жүргізу қағидаларын&nbsp;енгізді, онда бейнені&nbsp;екі кезеңдік тексеруді&nbsp;жүзеге асыру міндеті белгіленді.Ең алдымен, мобильдік қосымшада оның жалған фотосуреті немесе бейнекөшірмесі емес, нақты клиенттің болуы тексеріледі. Бұл клиенттің бейнесінің дұрыстығын тексеру деп аталады. Биометриялық идентификаттаудың келесі кезеңінде клиенттің бет-бейнесі эталондық базамен салыстырылады. Биометриялық тексерудің екі кезеңінің нәтижелері бойынша қаржы ұйымы қашықтан қызмет көрсету мүмкіндігі туралы шешім қабылдайды.Кейіннен биометриялық идентификаттау нәтижелерін тексеру мүмкіндігін қамтамасыз ету үшін Агенттік кредиттің бүкіл қолданыс мерзімі ішінде бейнелердің жиынтығынан алынған бірнеше бейнені электрондық құжат түрінде сақтау туралы талаптар белгіледі.Бұл тетіктер Интернет арқылы кредиттер мен микрокредиттер беру кезінде банктер мен микроқаржы ұйымдары үшін міндетті болып табылады.Бұдан басқа, осыған дейін Агенттік азаматтарды қорғауды күшейту үшін 2023 жылғы қазан айында банктер мен МҚҰ ақпараттық жүйелері мен мобильдік қосымшаларының қауіпсіздігіне қосымша талаптар енгізген болатын:пайдалануға берілгенге дейін мобильдік қосымшалар бастапқы&nbsp;кодтың қауіпсіздігіне міндетті түрде тексерілуі керек; мобильдік құрылғыда бұзу немесе қашықтан басқару белгілері болған кезде қарызды онлайн-ресімдеу сервисі&nbsp;бұғатталады; халықаралық алаяқтық жағдайларын анықтау үшін клиенттің геолокациялық&nbsp;деректерін жазу қамтамасыз етіледі. Сонымен қатар, Агенттік азаматтарды алаяқтықтан қорғау бойынша шаралар қабылдады. Мәселен, жалған&nbsp;кредиттер ресімделген азаматтардың құқықтарын қорғау заңнамалық түрде күшейтілді:2024 жылғы 20 тамыздан бастап кредиторлардың алаяқтық кредиттер бойынша тергеу іс-шараларын жүргізудің барлық кезеңіне сыйақы&nbsp;есептеуді және талап-арыз жұмысын тоқтата&nbsp;тұру міндеті енгізілді; жалған кредиттер бойынша клиентке қойылатын талаптар клиенттің&nbsp;қатысуынсыз алаяқтық тәсілмен қарызды ресімдеу фактісі анықталған заңды күшіне енген сот шешімі бойынша тоқтатылады; 2024 жылғы 1 қыркүйектен бастап кредиторлардың кредит алудан ерікті түрде бас тартуды белгілеу кезеңінде азаматтардың заңсыз ресімделген кредиттері&nbsp;бойынша борышты есептен шығару міндеті енгізілді («Стоп-кредит» қызметі). Банктердің ақпараттық қауіпсіздік жөніндегі талаптарды орындауын қамтамасыз ету мақсатында Агенттік үнемі бақылау және қадағалау іс-шараларын жүргізеді.Биыл Агенттік мобильдік қосымшалар арқылы қашықтан қызмет көрсететін екінші деңгейдегі 14 банкке қатысты пайдаланылатын бағдарламалық-техникалық құралдардың ақпараттық қауіпсіздік талаптарына сәйкестігі тұрғысынан тексерулер жүргізді. Нәтижесінде екінші деңгейдегі 7 банкке қатысты қадағалап ден қою шаралары қолданылды. Агенттік анықтаған банктердің барлық бұзушылықтары жедел түрде жойылды.Сонымен бірге «Дербес деректер және оларды қорғау туралы» Заңға сәйкес функцияларына дербес деректер және оларды қорғау саласындағы мемлекеттік саясатты іске асыруға қатысу кіретін Қазақстан Республикасы Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитеті&nbsp;(бұдан әрі – ЦДИАӨМ АҚК) дербес&nbsp;деректерді қорғау саласындағы уәкілетті орган болып табылатынын&nbsp;қосымша хабарлаймыз.Өз кезегінде, ЦДИАӨМ АҚК өкілеттігі шеңберінде дербес деректерді қорғау талаптарының сақталуын бақылайды, оның ішінде екінші&nbsp;деңгейлі банктер&nbsp;жеке тұлғалардың дербес деректерінің ықтимал жария болуына байланысты шағымдар бойынша тексерулер жүргізу арқылы бақылауды жүзеге асырады.Дербес&nbsp;деректердің жария болғаны үшін заңнамада әкімшілік және қылмыстық жауапкершілік көзделген.Ақпарат көзі: ҚНРДА сайтыФото: fingramota.kz

Қаржы ұйымдарының ақпараттық қауіпсіздігін қамтамасыз ету және алаяқтыққа қарсы іс-қимыл жөніндегі шаралар туралы 

<a href="https://kyzylorda-news.kz/">Kyzylorda-news.kz</a>&nbsp; Арал ауданының әкімі Аманжол Оңғарбаев «Amanat» партиясының Арал аудандық филиалы ғимаратында кезекті жеке қабылдау өткізіп, тұрғындардың өтініш-тілегін тыңдады.Қабылдауға келген азаматтардың басым бөлігі жұмысқа орналасу туралы қозғаса, кейбірі тұрғын үй мәселесі бойынша жүгінді.Аудан әкімі Аманжол Сақыпұлы келушілердің мәселелеріне жеке тоқталды. Қабылдауға келген тұрғындар тұрғын үй қажеттілігіне байланысты мәселе көтерді. Сала бойынша жауапты мамандар тұрғындарды баспанамен қамту әр санат бойынша жүргізілетіндігін түсіндірді.Тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындары ұсынылды. Аудан әкімі тұрғындардың өтінішіне сай мамандығына сәйкес және қоғамдық жұмысқа орналасу бойынша жауапты бөлім басшыларына заң шеңберінде барлық мүмкіндіктерді қарастыруды тапсырды.Айта кетейік, тұрындар аудан әкімінің қабылдауына е-otinish бірыңғай базасы немесе әкімдікке келіп жазбаша өтініш тастау арқылы жазыла алады.Фото: Арал ауданы

Арал ауданының әкімі тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Бүгін облыс әкімдігінде «Ауыл аманаты» бағдарламасын іске асыру барысы талқыланған республикалық семинар өтті.Семинарға Қазақстан Республикасы Премьер-министрінің орынбасары Тамара Дүйсенова, Премьер-министрдің кеңесшісі Ералы Тоғжанов, «AMANAT» партиясының хатшысы Ержан Жылқыбаев, Ауыл шаруашылығы вице-министрі Ербол Тасжүреков, Ұлттық экономика вице-министрі Бауыржан Омарбеков, еліміздің барлық өңірлерінен облыс әкімінің орынбасарлары, ауыл шаруашылығы басқармалары мен әлеуметтік корпорациялар басшылары, ауыл әкімдері, бизнес өкілдері арнайы қатысты.Басты мақсат – Үкімет басшысының тапсырмасына сәйкес «Ауыл аманаты» бағдарламасын Қызылорда облысында іске асыру тәжірибесін республиканың өзге өңірлеріне кеңінен тарату.​Басқосуды аймақ басшысы Нұрлыбек Нәлібаев жүргізіп, өңірде атқарылған жұмыстарды атап өтті.<blockquote>​«Мемлекет басшысы Қасым-Жомарт Кемелұлының қолдауымен бастау алған «Ауыл аманаты» бағдарламасын іске асыру бойынша Қызылорда облысында ұйымдастырылған алғашқы республикалық семинарға қош келдіңіздер!Ауылдарды дамыту – мемлекеттік саясаттың маңызды стратегиялық мақсаттарының бірі.Бүгінде облыстың 447 мың тұрғыны немесе халықтың 53 пайызы ауылда тұрады. Мемлекет басшысының тапсырмасына сәйкес елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі», «Ауыл аманаты», «Дипломмен ауылға» мемлекеттік бағдарламалары сәтті жүзеге асуда.«Ауыл аманаты» бойынша өткен жылы өңірімізде 3 млрд. теңгеге 406 жоба жүзеге асып, 713 жаңа жұмыс орны ашылды. Биыл 4 млрд. 600 млн. теңгеге 575 жоба жоспарланған. Бүгінге дейін 2 млрд. 500 млн. теңге бөлініп, 1 млрд. теңгеге 150 жоба қаржыландырылды.Ауылдық аймақтардың жағдайын жақсартуда агробизнес өкілдері ауқымды жұмыс атқаруда. Бұл бағытта «Абай-Дәулет» жауапкершілігі шектеулі серіктестігінің нәтижелі жұмыстарын ерекше атап өту қажет. Қазіргі таңда серіктестіктің оң тәжірибесін кеңінен таратып, облыстың барлық ауылдарында жаңа өндіріс, сауда нысандарын ашу бойынша белсенді жұмыстар жүргізілуде», – деді Н.Нәлібаев.</blockquote>Семинардың алғысөзінде Тамара Дүйсенова ауыл халқының тұрмыс-тіршілігін, әл-ауқатын жақсарту бағытында жүзеге асырылып келетін «Ауыл аманаты» бағдарламасының ел дамуындағы маңызы зор екенін айтып, бірқатар мәселелерге тоқталды.Сонымен қатар, Батыс Қазақстан облысында бағдарламаны іске асыру барысы туралы облыс әкімінің кеңесшісі Алдияр Халелов, «Батыс сүт» ауыл шаруашылығы өндірістік кооперативінің басшысы Сергей Каверин, ауыл шаруашылығы өнімдерін терең өңдеу және өткізу туралы «Дәулет Бекет» серіктестігінің директоры Сыдық Дәулет, Шығыс Қазақстан облысында экотуризмді дамыту туралы жеке кәсіпкер Наталья Свахина баяндама жасады.Қызылорда облысында «Ауыл аманаты» бағдарламасын іске асырудағы оң тәжірибе туралы облыс әкімінің орынбасары Ардақ Зебешев айтты. Ал бизнестің әлеуметтік жауапкершілігі жайында «Абай Дәулет» серіктестігінің директоры Мұрат Сарсенбаев сөз сөйледі.Сонымен қатар, Түркістан облысы әкімінің орынбасары Нұрбол Тұрашбеков, «Алға БАМ» ауыл шаруашылығы өндірістік кооперативінің директоры Сабыржан Досжанов, Түркістан облысының жеке кәсіпкері Амантай Андасов өз ойларын ортаға салды.Республикалық семинар аясында бірқатар тақырыптық-панельдік сессия отырыстары ұйымдастырылуда. Отырыстарда «Ауыл аманаты» жобасы аясында кооперацияны дамыту, өнімдерді қайта өңдеу және өткізу, ауылдарда бизнесті өркендету, ауыл әкімдері мен әлеуметтік-кәсіпкерлік корпорацияның рөлі жан-жақты талқыланып, қатысушылар өзара тәжірибе алмасуда.Айта кетейік, жоба аясында аймақтағы арнайы әлеуметтік көмек алушылар саны 65 адамға қысқарды. Ауыл халқының табысы 20% ұлғайды, шағын кәсіпкерлік саны 275-ке артты, 33 ауыл шаруашылығы өндірістік кооперативі құрылды, өңдеу саласы бойынша 22 кәсіпорын, көлемі 1,2 гектар 34 жылыжай өндірісі ашылды, 1 175 бас асылтұқымды мал сатып алынды.Тұрғындардың 65 түрлі азық-түлік тауарын тұтыну көрсеткіштеріне қарасақ, облыстың 10 түрлі өніммен (күріш, тұз, сиыр сүті, қызанақ, қияр, қауын, қарбыз, асқабақ, жүгері, нан) 100% қамтамасыз етуге, экспортқа шығаруға мүмкіндігі бар. Сондай-ақ, тұтынушылар 10 түрлі өніммен (картоп, сиыр еті, сәбіз, балық, пияз, бұрыш, қызылша, қой еті, қырыққабат, жылқы еті) 73-21% пайыз аралығында, 17 түрлі өніммен ішінара қамтамасыз етілуде (4,2-0,1%). Қалған 28 түрлі өнім, оның ішінде негізгі үш өнім, яғни, қарақұмық, қант, күнбағыс майы облыста өндірілмейді. Дегенмен, «Ауыл аманаты» жобасын іске асыру нәтижесінде азық-түлікпен қамтамасыз ету деңгейінің өсімі байқалуда.Мысалы, құс шаруашылығы бағытында екі кооператив құрылып, 4 500 бас құс бағатын 6 типтік құс фермасы (птичник) жұмыс жасауда. Бүгінгі күнге кооперативтер 90 тоннадан астам құс етін өндірді. Құс етімен қамтамасыз ету көрсеткіші өткен жылмен салыстырғанда 4,9 %-ға өсті. Томат пастасы мен консервіленген өнімдерді шығаратын кооператив құрылып, қамтамасыз ету көрсеткіші 4,7 %-ға, балық шаруашылығы бағытында 20-ға жуық жоба іске асырылып, қамтамасыз ету деңгейі 7,4 %-ға артты, қой және жылқы етімен қамтамасыз ету деңгейі тиісінше 7,7 % және 10,7 % ұлғайды.Сыр еліне жұмыс сапары аясында Премьер-министрдің орынбасары Тамара Дүйсенова мен салалық министрліктер өкілдері ұжымдармен кездесіп, «Бесарық» ауылына барады деп жоспарлануда.<img src="https://knadmin.beoblood.kz/uploads/470010113_882815677373011_5309133252692800229_n_16da999670.jpg" alt="470010113_882815677373011_5309133252692800229_n.jpg"><img src="https://knadmin.beoblood.kz/uploads/1_d386fb0440.jpg" alt="1.jpg">Фото: Қызылорда облысы әкімінің баспасөз қызметі

Сыр өңірінде «Ауыл аманаты» бағдарламасын іске асыру барысы туралы республикалық семинар өтті

<a href="https://kyzylorda-news.kz/">Kyzylorda-news.kz</a> Арал көп бейінді&nbsp;орталық аудандық ауруханасының дәрігерлері түйенің&nbsp;астында&nbsp;қалған&nbsp;төрт жасар қызды құтқарды.Тамилла әкесімен балабақшадан қайтып келе жатқанда,&nbsp;желіп бара жатқан түйеге тап болады. Жануар сүрініп, оларға&nbsp;бар салмағымен құлайды. Салдарынан бала бас-ми жарақатын алған. Ер адам зардап шеккен жоқ. Кішкентай&nbsp;пациент шұғыл түрде&nbsp;аудандық ауруханаға жеткізілді.<blockquote>«Түйе бар салмағымен қызымның үстіне құлаған. Құдай сақтап, аман қалды. Тамилла ауыр жағдайда болды. Қазір денсаулық жағдайы тұрақтанды. Дәрігерлерге дер кезінде медициналық көмек көрсеткені үшін алғыс айтамын», – дейді анасы Нағима Жұмағалиева.</blockquote>Диагностикалық тексеру кезінде баланың бас сүйегінде&nbsp;шытынау анықталған.<blockquote>«Бала ес-түссіз күйде&nbsp;ауруханаға жеткізілді, құлағынан қан&nbsp;кеткен. КТ арқылы&nbsp;тексеру жүргізілді. Бассүйегінің&nbsp;самай&nbsp;бөлігінде&nbsp;шытынау&nbsp;анықталды. Мида&nbsp;қан&nbsp;ұюы белгілері жоқ. Облыстық балалар ауруханасының нейрохирургтарымен кеңестік. Консервативтіем ұсынылды, науқас бақылауда», -деді Арал аудандық көп бейінді орталық ауруханасының бөлімше меңгерушісі ТұрғанбекЕрсеитов.</blockquote>Бала тиісті емін алып, үйіне шығарылды, деп хабарлады дәрігерлер. Әлеуметтік медициналық сақтандыру қорының облыстық филиалында атап өткендей, 18 жасқа дейінгі балалар жеңілдігі бар санатқа жатады, олар үшін МӘМС аударымдарын мемлекет жасайды. Сондықтан медициналық көмек балаларға толық көлемде қолжетімді.2024 жылы ТМККК және МӘМС шеңберінде Арал көп бейінді орталық аудандық ауруханасына Әлеуметтік медициналық сақтандыру қорынан 7,5 млрд. теңге қаражат бөлінді.<img src="https://knadmin.beoblood.kz/uploads/aral_paczient_2_1_e42ead72e7.png" alt="арал пациент 2 (1).png"><img src="https://knadmin.beoblood.kz/uploads/aral_vrach_0107a82bd8.png" alt="арал врач.png">Фото:freepik.com

Қазақстан және Қызылорда облысының жаңалықтары