<a href="https://kyzylorda-news.kz/ru">Kyzylorda-news.kz</a> Қызылорда колониясына сүйек майына жасырылған есірткі заттарын өткізбекші болған.Қызылорда облысы бойынша ҚАЖД-ға қарасты №60 (қауіпсіздігі аралас) мекемесіндегі сотталғанға әйел адам есірткіні сүйекке жасырып беруге тырысқан. Азық-түлік салынған сөмкені мекемеге сотталған адамның танысы алып келген. Тексеру барысында арнайы құрылғы арқылы азық-түліктің ішіндегі заттардың күмәнді түсі байқалған. Сүйекті ашып тексерген кезде, тексеру тобының қызметкерлері оның ішінен түйіншектерді тапқан.&nbsp;Жедел-тергеу тобы шақырылып, табылған зат сараптамаға жіберілді. Сот-медициналық сараптама қорытындысына сәйкес, тәркіленген заттың салмағы 129,9 грамм кептірілген марихуана болып шықты.&nbsp;<blockquote>— Сотталғандармен және олардың туыстарымен көптеген ескертулер мен түсіндірме жұмысы жүргізілгеніне қарамастан, колонияға тыйым салынған заттарды жеткізуге әрекет ету әлі де орын алуда. Аталған жағдай бойынша ҚР Қылмыстық кодексінің 296-бабы (Есірткі, психотроптық заттарды, олардың аналогтарын өткізу мақсатынсыз заңсыз сақтау) бойынша сотқа дейінгі тергеп- тексеру жұмыстары жүргізіліп жатыр. Бұл бап бойынша 7 жылға дейін бас бостандығынан айыру жазасы қарастырылған, – деп мәлімдеді Қызылорда облысы бойынша ҚАЖД бастығының орынбасары Жәнібек Зиябеков.&nbsp;</blockquote>Айта кету керек, сәлемдеме жіберілген сотталған адам қарақшылық үшін жазасын өтеп жатыр.Фото: Polisia.kz

Қызылорда колониясына сүйек майына жасырылған есірткі заттарын өткізбекші болған  

<a href="https://kyzylorda-news.kz/ru">Kyzylorda-news.kz</a> Араққа сылқия тойған алматылық тұрғын пойыздан түсіріліп, 3 тәулікке қамауға алынды.28 қазанда Қызылорда станциясындағы желілік полиция бөлімінің қызметкерлері Алматы-Ақтөбе бағытындағы жолаушылшар пойызын патрульдеу кезінде құқық бұзушыны акт бойынша пойыздан түсірді.&nbsp;Тексеру барысында көлік полицейлері Алматы қаласының 49 жастағы тұрғынын ұстап, оның қоғамдық орында масаң күйде болғанын, ескертулерге құлақ аспай, жолаушылардың мазасын алып, қоғамдық тәртіпті бұзғанын анықтады.&nbsp;Құқық бұзушыға қатысты алкогольдік ішімдіктерді ішкені немесе қоғамдық орындарға масаң күйінде келгені және тыныштықты бұзғаны үшін екі әкімшілік хаттама толтырылып, 5 айлық есептік көрсеткіш мөлшерінде айыппұл салынды. Алкогольдік ішімдіктерді ішу фактісі бойынша материал сотқа жолданды, себебі ол бұған дейін осы құқық бұзушылықты бір жыл ішінде жасағаны үшін әкімшілік жауапкершілікке тартылған болатын. Сот шешімімен құқық бұзушы 3 тәулік мерзімге әкімшілік қамауға алынды.Фото: Polisia.kz

Қызылордада мас жолаушы пойыздан түсіріліп, 3 тәулікке қамауға алынды 

<a href="https://kyzylorda-news.kz/ru">Kyzylorda-news.kz</a> Жыл басынан бері облыстық бақылау жөніндегі басқармасына жеке және заңды тұлғалардан 367 өтініш түскен. Ол өтініштердің 313-і заңнама талаптарына сәйкес жауап берілсе, 42-сі қарау реттілігімен басқа органға жолданған. Ал, 12 іс қазіргі таңда қаралу сатысында тұр. Бұл туралы бүгін Өңірлік коммуникациялар қызметінің ақпарат алаңында облыстық бақылау жөніндегі басқармасының басшысы Ғанижан Қалиев айтты.<img src="https://knadmin.beoblood.kz/uploads/G_Kaliev_Ispolzovany_100_byudzhetnyh_sredstv_9b0d1314b8.jpg" alt="Г.Калиев Использованы 100 бюджетных средств.jpg"><blockquote>- Жеке және заңды тұлғалардың жолданымдары бойынша 20 жоспардан тыс тексеру жүргізілсе, анықталған ақаулар мен кемшіліктерді жою жөнінде 11 нұсқама берілді. Анықталған заң бұзушылықтар бойынша 195 әкімшілік құқық бұзушылық туралы іс қозғалып, оның 103-і басқармамен қаралса, 92 іс сотқа жолданды. Бұдан бөлек, мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы түскен 1 999 хабарламаның заңдылығы тексеріліп, оның 1 123-і тізілімге енгізілсе, 876 хабарлама заңнама талаптарына сәйкес рәсімделмеуі себепті кері қайтарылды. Сол сияқты, 70 акредиттелген техникалық қадағалау ұйымдарынан “E-Qurylys” электронды жүйесіне 2 620 айлық есептері түсіп, оның 1 758-і қабылданса, 912-і ескертпемен қабылданды. Есепті мерзімде басқармамен көрсетілген 5 түрлі электронды мемлекеттік жүйесі “Е-лицензиялау” порталы арқылы 1 420 өтініш түсіп, оның ішінде 921 өтініш бойынша лицензиялау мен аттестаттар берілді. Алдағы уақытта да басқармаға жүктелген міндеттерді атқару бағытында жұмыстар жалғасатын болады,- деді Ғанижан Піртазаұлы.</blockquote>&nbsp;Фото:freepik.com

Ғ.Қалиев: Бюджет қаржысы 100 пайызға игерілді

<a href="https://kyzylorda-news.kz/">Kyzylorda-news.kz</a> Қызылордалық Жарқын Сапарғалиұлының қолынан келмейтіні жоқ. Матаға сурет басып шығарады, ағашға түрлі өрнектер салып, бұйымдар жасайды.Жарқын Сырдария ауданына қарасты Бесарық ауылының тұрғыны. Мамандығы техник-механик. Ол кәсібін ашпас бұрын механизатор, көлік жүргізушісі болып жұмыс істеп көреді. Жеке мекемеден қолдан бұйым жасауды үйренеді, тәжірибе жинайды. Кейін өзінің қаржысына шағын құрал-жабдық сатып алып, кәсібін бастайды.<blockquote>«Бұл шаруаны кәсіпке айналдырғаныма екі жылдай болды. Өзім сатып алған құралдармен ағаштан бұйымдар жасап жүрдім. Тапсырыс көбейген кезде құралдарды жаңартып, қосымша жабдықтар алу қажет екенін түсіндім. Кәсіпкерлік мақсатта жеңілдетілген несие беретін мекемелердің жұмысымен танысып, ыңғайлы қаржы ұйымын іздедім. «Қызылорда» өңірлік инвестициялық орталығының талаптары көңілімнен шықты. Құжат жинақтап, тиісті қаржыны алуға көп уақыт жоғалтпадым. Мемлекеттік бағдарлама аясында 6 пайызбен 15 млн теңге алдым. Бұл қаржыға сурет шығаратын, матаға сурет басатын және лазерлік станоктар алдым», - дейді кәсіпкер Жарқын Сапарғалиұлы. &nbsp;</blockquote>Бүгінде кәсіпкердің матаға салған суреттері мен ағаш бұйымдары жоғары сұранысқа ие. Тұтынушылар Жарқынның өнімдерін әлеуметтік желі арқылы көріп, онлайн тапсырыс береді екен.<blockquote>«Ағаштан шежіре жазылған тақтайша, сағат, сувениер бұйымдар жасаймын. Ал матаға салт-дәстүрге қажет маталар дайындаймын. Біздің облыстан өзге Ұлытау, Маңғыстау, Шығыс Қазақстан, Түркістан облысы мен Алматы, Шымкент қаласының тұрғындары өнімдеріме тапсырыс береді», - дейді кәсіпкер.</blockquote>Сапарғалиевтер отбасында шебер тек Жақын ғана емес екен. Жолдасы Айнұр да шебер тігінші. Негізгі мамандығы қазақ тілі және қазақ әдебиеті пәнінің мұғалімі. Мектепте тәрбиеші. Тігіншілік хоббиі.<blockquote>«Карантиннің кезінде тігін тігуді үйрендім. Кішкентай тігін машинам бар еді. Сонымен бастап кеттім. Кейін тәжірибемді жетілдірдім. Жеңілдетілген несиеге сапалы, заманауи тігін машинасын алып, тірлігімізді жасап жатырмыз. Қазір қолымнан шыққан қыз жасаулары мен тойтабаққа және сыйлыққа арналған ескерткіш бұйымдарды сұраушылар көп. Айына сувениер бұйымдардың 300 данасына дейін жасайтын кезім болады. Тапсырыс тек еліміздің азаматтарынан ғана емес, шет елден де түсіп жатыр. Жақында Ресейге өнімдерімді жібердім», - дейді Айнұр Алиева.</blockquote>Ерлі-зайыпты Сапарғалиевтер көпбалалы отбасы. Мақсаттары қолөнерді отбасылық кәсіпке айналдырып, болашақта балаларын да осы кәсіп түріне үйреткісі келеді.Айта кету керек, «Қызылорда» өңірлік инвестициялық орталығы - &nbsp;микроқаржы ұйымы. 10 жылдан бері аймақта кәсіпкерлік саласындағы жобаларды мемлекеттік бағдарлама аясында қаржыландырып келе жатыр. Бүгінгі күнге дейін орталық жалпы құны 14,6 млрд теңгені құрайтын кәсіпкерлік мақсаттағы 2739 жобаны қаржыландырды. 2953 жаңа жұмыс орны құрылды.<figure class="image"><img src="https://knadmin.beoblood.kz/uploads/kasip_4de421c2aa.jpeg" alt="касип.jpeg"></figure>

Қызылордалық азамат матаға сурет басып шығару өнерін кәсіпке айналдырды

<a href="https://kyzylorda-news.kz/">Kyzylorda-news.kz</a> Нашақорлыққа және есірткі бизнесіне қарсы күрестің 2023-2025 жылдарға арналған Кешенді жоспарын іске асыру мақсатында, Қызылорда облысының Есірткі қылмысына қарсы іс-қимыл басқармасы есірткіге қарсы бейнероликтер байқауын ұйымдастырды.&nbsp;Іс-шараның мақсаты - халықтың назарын салауатты өмір салтын ұстану қажеттілігіне аудару, бос уақытты тиымды пайдалану және жастардың шығармашылық әлеуетін дамыту.Байқауға жалпы орта білім беретін мектептердің жоғары сынып оқушылары мен оқу орындарының студенттері қатысты. Білім бөлімдері өткізген байқаудың бірінші іріктеу кезеңіне 62 адам қатысып, үздік жұмыстар екінші турға жіберілді. Байқау финалына қатысу үшін 32 конкурстық бейнеролик ұсынылды.Құрамына полиция қызметкерлері, «Қызылорда еріктілері» қорының, «Жастар спорттық туризмі және туристік көпсайыс» жастар қоғамдық бірлестігінің өкілдері кірген сайыстық комиссия 12 жұмысты атап өтіп, оның 4-ін үздік деп таныды, олар: М.Мәметова атындағы Қызылорда педагогикалық жоғары колледжінің студенті Ердібек Диана, Қызылорда қаласы N112 орта мектеп оқушысы Кемал Әлиасқар, Қазалы ауданы N204 орта мектеп оқушысы Жарылқасын Нұрай, Арал ауданы N14 мектеп-лицей оқушысы Оңалбек Қасымбек.&nbsp;Сайыста жеңіске жеткен жұмыстар бұқаралық ақпарат құралдарында орналастырылады және есірткіге қарсы іс-шараларды өткізу кезінде үгіт материалы ретінде пайдаланылады.

Қызылорданың студенттері мен оқушылары есірткіге қарсы бейнероликтер әзірлеу байқауына қатысты

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a>Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде машина жасауды дамыту мәселелері қаралып, өңдеу өнеркәсібінің экономикадағы үлесі тау-кен саласынан асып, тұрақты өсім көрсеткені айтылды. Жиынға облыс әкімі Нұрлыбек Нәлібаев селекторлық режимде қатысты.</h4>Үкімет отырысынан кейін аймақ басшысы арнайы мәжіліс өткізіп, жауапты сала мамандарына шағын және орта кәсіпкерлікті дамыту, атаулы әлеуметтік көмек көрсету мен бюджеттің игерілуі бойынша тапсырмалар жүктеді.<blockquote>​«Биыл жеке кәсіпкерлердің 3 мыңға жуық жобасына 42 млрд. 500 млн. теңге көлемінде қаржылай қолдау көрсетілді. Дегенмен, аймақта дара кәсіпкерлер санының өсу қарқыны өткен жылмен салыстырғанда төмендеген. Әрбір әкім өзі басқаратын елді мекендегі жұмыссыздар санын азайту, жаңа жұмыс орындарын ашу, халықтың табыс көзін арттыру секілді негізгі шараларға баса назар аударуы керек.Менің тапсырмаммен жыл басында әлеуметтік көмек алушылар санын 30 пайызға төмендету туралы тиісті басқарманың, Қызылорда қаласы мен аудан әкімдіктерінің жоспары бекітілді. Шынайы табысын жасырып, жалған ақпарат ұсынып, масылдық оймен көмек алу үшін тұрғындар түрлі әрекеттерге баруда.Атаулы әлеуметтік көмек тек шын мұқтаж отбасыларға ғана берілуі қажет. Қала және аудан әкімдеріне учаскелік комиссиялардың жұмысын күшейтіп, жыл соңына дейін белгіленген жоспарды орындауды тапсырамын», – деді Н.Нәлібаев.</blockquote>Айта кетейік, өткен жылдың қорытындысымен жастардың кәсіпкерлік бастамасына шағын несие алу бойынша Қызылорда облысы республикада екінші орынды иеленіп, 492 азамат кәсібін бастаған.Сонымен қатар, Қызылорда өңірлік инвестициялық орталығының несиелендіру жұмысын жандандырып, ауыл шаруашылығы өнімдерін өңдеу саласын дамытуға 1 млрд. 500 млн. теңге қаржы бөлінді.Осылайша шағын және орта кәсіпкерліктің өнім шығарылымы 33,6 пайызға ұлғайып, облыс республикадағы алғашқы үштіктен көрінді.Биыл атаулы көмекке 5 млрд. 900 млн. теңге қаржы бөлініп, 9 айдың қорытындысымен 31 869 адамға 2 млрд. 100 млн. теңге төленді.

Қызылорда облысы шағын және орта кәсіпкерліктің өнім шығарылымы бойынша алғашқы үштікте

<a href="https://kyzylorda-news.kz/">Kyzylorda-news.kz</a> Қызылорда облысының кәсіпкерлік және өнеркәсіп басқармасы (бұдан әрі - басқарма) Қазақстан Республикасы Үкіметінің 2024 жылғы 14 маусымдағы №473 қаулысына сәйкес түсті және қара металдардың сынықтары мен қалдықтарын жинау (дайындау), сақтау, қайта өңдеу және өткізу жөніндегі қызметті жүзеге асыруға арналған екінші санаттағы рұқсаттарды беретін уәкілетті орган болып табылатындығын хабарлайды.Аталған қаулы ресми ағымдағы жылдың 9 қазанынан бастап қолданысқа енгізілді.Бұған дейін бұл қызмет түрі басқармада заңды тұлғалардың түсті және қара металдардың қалдығы және сынықтарын жинауға, сақтауға және қайта өңдеуге қатысты хабарламаларын қабылдау тәртібінде жүргізілді.«Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы Қазақстан Республикасының 2024 жылғы 6 сәуірдегі № 71-VIII ҚРЗ Заңның 1-бабының 91-тармағы 5) тармақшасының екінші және үшінші абзацтары қолданысқа енгізілген күннен бастап бір ай ішінде "Рұқсаттар және хабарламалар туралы" Қазақстан Республикасының Заңында белгіленген тәртіппен екінші санаттағы рұқсатты алуға немесе түсті және қара металдардың сынықтары мен қалдықтарын жинау (дайындау), сақтау, қайта өңдеу және өткізу жөніндегі қызметті тоқтататыны туралы хабарламаны жіберуге міндетті екендігі көрсетілген.Осыған байланысты, бұған дейін хабарлама жолдаған заңды тұлғалар уәкілетті органға, яғни &nbsp;басқармаға «электрондық үкіметтің» веб-порталы арқылы:1) «Заңды тұлғалардың түсті және қара металдардың сынықтары мен қалдықтарын жинау (дайындау), сақтау, қайта өңдеу және өткізу жөніндегі қызметті жүзеге асыруға рұқсаттар беру» мемлекеттік қызметті көрсету қағидаларын бекіту туралы Қазақстан Республикасы Өнеркәсіп және құрылыс министрінің 2024 жылғы 17 қыркүйектегі № 327 бұйрығы;2) «Түсті және қара металдардың сынықтары мен қалдықтарын жинау (дайындау), сақтау, қайта өңдеу және өткізу жөніндегі қызметті жүзеге асыру үшін екінші санаттағы рұқсаттарды беру кезінде оларға сәйкестікті растайтын рұқсат беру талаптары мен құжаттар тізбесін бекіту» туралы Қазақстан Республикасы Өнеркәсіп және құрылыс министрінің міндетін атқарушының 2024 жылғы 19 шілдедегі&nbsp;№271 бұйрығы негізінде рұқсатты алуға өтінім немесе қызметті тоқтатындығы туралы хабарлама &nbsp;жіберуі қажет.Фото:soulmatesventures.com

Түсті және қара металдардың сынықтары мен қалдықтарын жинау, сақтау, қайта өңдеу және өткізу бойынша талаптар белгіленді

<a href="https://kyzylorda-news.kz/ru">Kyzylorda-news.kz</a> Ұлттық мереке – Республика күні қарсаңында Мемлекет басшысы Қасым-Жомарт Тоқаевтың Жарлығымен еліміздің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін бірқатар азамат мемлекеттік наградалармен марапатталды. Олардың арасында Қызылорда облысының да еңбекқор азаматтары бар. Мәртебелі марапат төрінен көрінген жерлестеріміз бүгін Өңірлік коммуникациялар қызметінің ақпарат алаңында қонақ болып, өз әсерлерімен бөлісті.<blockquote>– Мен бұл мемлекеттік награданы Мемлекет басшысының қолынан алдым. Бұл мен үшін үлкен қуаныш, орны бөлек мәртебе болды. «Құрмет» ордені тек менің емес, барлық еліміздің сушыларына, оның ішінде Сыр елінің сушыларына берілген марапат деп есептеймін. Өздеріңіз білесіздер, ел Президенті өз Жолдауында ендігі наградалардың бәрін жұмысшыларға, сушыларға, геологтар мен шахтерларға және техникалық қызметкерлерге береміз деген болатын. &nbsp;Бұл марапаттар соның бір көрінісі болды. Ең алғаш осы салаға «еліме адал қызмет етсем» деген ниетпен келген едім. Міне, бүгінде соған 44 жыл толып отыр. Осы уақыт аралығында өзге өңірлерден де шақыртулар болды, десек те мен өз еліме, өз жеріме қызмет етуді таңдадым. Соның арқасында еңбегім бағаланып, үлкен наградаға ие болып отырмын,- деді облыстық мәлихаттың депутаты, «Құрмет» орденінің иегері Жорабек Нұрымбетов.</blockquote><blockquote>– Марапат адамға стимул береді. Тоқсаныншы жылдардан бергі үш он жылдықта елдің дамуында, халықтың тұрмыс-тіршілігінің өсуінде, жалпы экономиканың өрлеуінде үлкен өзгерістер бар. Оның ішінде біздің облысымыз бүгінгі деңгейде дейін халықтың жүріп өткен жолы, облыстың даму қадамдары оңайға түскен жоқ. Бүгінгідей экономиканың қалыпты жағдайға жетіп, тіпті, өрлеуге аяқ басқан кезеңіне дейінгі еңбектің бағалануы біз үшін стимул деп айтқым келеді. Шынын айтқанда, басқа облыстармен, қалалармен салыстырғанда біздің қаламыздың, облыстың келбеті, жағдайы, экономикалық әлеуеті мақтанарлық жағдайда. Сондықтан да журналист ретінде де осы үлкен қарбаластың ортасында жүргеніме қуаныштымын. Қолдан қаламымыз түскенше елдің, халықтың мүддесі үшін, сондай-ақ, облысымызда болып жатқан оң өзгерістерді, оң қадамдарды дұрыс жеткізу үшін, оларға үлкен сенім ұялату үшін жұмыс жасауымыз керек,- деді ақпарат саласының үздігі, сарапшы журналист, "Ерен еңбегі үшін" медалінің иегері Айткүл Шалғынбаева.</blockquote><blockquote>– Кеше ғана өткен Қазақ елінің, Тәуелсіз Қазақстанның ең ұлық мерекесі Республика күні баршаңызға құтты болсын! Біздің ұрпаққа, замандастарымызға жұмыс істеп өмір сүру, ата-бабалар армандаған тәуелсіздікті көру мүмкіндігі туды. Соның арқасында жаңа нарықтық экономикаға сәйкес қызмет жасадық. Қолымыздан келгенше осы елдің өркендеуіне, өсуіне бар мүмкіндігімізді, білімімізді, тәжірибемізді жұмсадық. Менің осы уақытқа дейін алған марапаттарым елге еткен еңбектерімнің еленгені деп ойлаймын. Күні кеше облыс әкімі 47-ден астам әртүрлі сала мамандары мен еңбек ардагерлерін марапаттады. Өздеріңіз көріп отырсыздар, Қызылорда облысының тарихында бұрын болмаған 7 Парасат орденінің 3-еуі еңбек ардагерлеріне табысталды. Бұл өскелең ұрпақ пен қазіргі ардагерлердің Отанды, елді, ұрпақты тәрбиелеудегі еңбегінің қайтарымы. Ал, 14 Құрмет ордені мен Ерен еңбегі үшін және &nbsp;Шапағат медалі Сыр елінің еңбеккерлерінің, Сыр елі халқының, Тәуелсіздік жолдарындағы атқарған жұмыстарына берілген баға деп есептеймін,- деді еңбек ардагері, «Парасат» орденінің иегері Нәжмадин Мұсабаев.</blockquote>

Қызылордалық азаматтар құрмет төрінде

<a href="https://kyzylorda-news.kz/">Kyzylorda-news.kz</a> Қызылорда облысы тұрғындарының орталықтандырылған ауыз су жүйесімен 98,7%, орталықтандырылмаған сумен 1,2%, тасымалды ауыз сумен 0,1% &nbsp;қамтамасыз етілген. Жалпы облыс &nbsp;бойынша негізінен жер асты су көздері пайдаланылуда.Бүгінгі таңда Қызылорда облысының санитариялық-эпидемиологиялық бақылау департаментінің бақылауында 204 сумен жабдықтау объектісі бар, оның ішінде: 182 орталықтандырылған жүйелердің су құбырлары және 22 орталықтандырылмаған сумен жабдықтау объектілері. Бұл туралы Қызылорда облысы бойынша ДСЭК басшысының орынбасары Ерлан Ұзақбаев мәлім етті.2024 жылдың 9 айында орталықтандырылған сумен жабдықтау объектілерінен микробиологиялық көрсеткіштеріне 1983 су сынамасы алынып, оның 5-уі талаптарға сәйкес келмеді, сай келмейтін сынамалардың үлес салмағы 0,25 пайызды құрады (талаптарға сай келмейтін су сынамалары Жалағаш, Қызылорда қаласында анықталды). &nbsp;Ауыз судың санитариялық-химиялық көрсеткіштеріне 1983 сынама алынып, оның 39-да сәйкессіздік анықталды, сай келмейтін сынамалардың үлес салмағы 1,97 пайызды құрады &nbsp;(талаптарға сай келмейтін су сынамалары Қазалы, Жалағаш, Сырдария, Шиелі аудандарында және Қызылорда қаласында анықталды). Санитариялық-химиялық көрсеткіштер бойынша сәйкессіздік көбіне: құрғақ қалдық, хлоридтер бойынша &nbsp;нормадан жоғары анықталды.Облыс көлеміндегі барлық орталықтандырылған &nbsp;сумен жабдықтау объектілерінде жуу-тазалау және дезинфекциялау жұмыстары толығымен жүргізілді. Халық арасында су факторына байланысты аурушаңдық &nbsp;тіркелген &nbsp;жоқ.&nbsp;Фото:freepik.com

«Ауыз су сапасы бақылауда», – Қызылорда облысының СЭБД

<a href="https://kyzylorda-news.kz/">Kyzylorda-news.kz</a> Қызылордада дәстүрге айналған «Мың бала» республикалық мәдени-ағартушылық жобасының өңірлік кезеңінің қорытындысы болып өтті. Қазақ тілін еркін меңгерген түрлі этнос оқушылары үшін сайыс тартысты әрі қызықты болды.&nbsp;«Жарқыра, жас дарын!» тақырыбында өткен облыстық байқауда Қызылорда қаласынан және аудан мектептерінен 7 қатысушы бақ сынады.&nbsp;«Мың бала» жобаны іске асыруда жыл басынан бері облыс көлемінде түрлі форматта іс-шаралар өткізілді. Дөңгелек үстел, шығармалар байқауы, ашық диктант, кездесулер, аудан мектептерінің жазғы тынығу лагерлерінде ұлттық және спорттық ойын түрлерінен жарыстар, байқаулар ұйымдастырылды. Жобаға тартылған 1000-нан аса жастар қазақстандық бірегейлік пен бірлікті нығайтудағы мемлекеттік тілдің маңыздылығын жете түсінді.Шарада «Қоғамдық келісім» КММ директорының орынбасары Руслан Құрманов «Мың бала» жобасының маңыздылығын атап өтті. Бұл жоба татулық пен бірліктің, ынтымақтың алтын бастауы екендігін алға тартты.Тартысты байқауда бірінші «Таныстыру», екінші «Салт-дәстүр – сан ғасырлық саф мұра» қазақтың салт-дәстүрінен сахнада көрініс қою кезеңі болды. Үшінші «Сиқырлы ұяшықтар» кезеңінде қатысушылар ұяшық таңдау арқылы мақал-мәтелді жалғастырды. Ал төртінші соңғы кезең «Шығармашылық өнер», яғни өлең айту, билеу, көркемсөз оқу, музыкалық аспапта ойнау сынды өнерлерін көрсетті.&nbsp;

Қызылордада «Мың бала» жобасының өңірлік кезеңі өтті

<a href="https://kyzylorda-news.kz/">Kyzylorda-news.kz</a> Тұтынушылар дүкеннен азық-түлік сатып алғанда тауардың сапасына, шыққан күніне мән береді. Ал дәрі алғанда оның қашан және қаншалықты заңды жолмен жасалғанына көңіл бөле бермейді. Енді оны «Нақты өнім» мобильдік қосымшасы арқылы тексеруге болады. Бар болғаны дәрілік заттағы белгіні сканерлейсіз. Ары қарай сізге препараттың қай күні, қай елде шыққаны құрамы, тіпті соңғы рет қай дәріханада сатылымда тұрғанына дейін көрсетіледі.<blockquote>— Бұл жөнінде мен бірінші рет біліп тұрмын сіздерден. Негізі жақсы болды. Әсіресе ата-аналар үшін. Неге? Себебі біз витаминдер аламыз, дәрілер аламыз, — дейді Астана қаласының тұрғыны Аягөз Шойынбаева.</blockquote>Бұл ретте ескеретіні — дәрілерді міндетті түрде таңбалау осы жылдың шілдесінен басталды. Сондықтан осы мерзімге дейін шығарылған препараттарда ақпарат не код болмауы мүмкін.<blockquote>— 2022 жылдан бастап дәрілерге матрикс код енгізу басталды. Сол уақытта 90 дәрілік препарат анықталды. Биыл барлығына міндеттелді. Елге жеткізетін өндірушілер мен тасымалдаушылар таңба басады, — дейді Дәрілік заттарды таңбалау және қадағалау жөніндегі жоба жетекшісі Анар Кәрібаева.</blockquote>Таңба арқылы тексеру біріншіден — денсаулық кепілі. Екіншіден — тауардың қаншалықты заңды жолмен шыққанына және оған салық төленгеніне куә боласыз.<blockquote>— Бізге, балабақша, мектеп, жол керек. Ал оның барлығы салықтың қаражатына салынады. Сондықтан бұл жерде тұтынушы өзінің ғана емес, мемлекеттің де мүддесін қорғайды, - дейді Мемлекеттік органдармен өзара іс-қимыл департаментінің директоры Нұрлыбек Исабеков. &nbsp;</blockquote>Қосымша арқылы тұтынушы «халықтық бақылау» жүргізе алады. Егер тауарда таңба болмаса немесе код жалған болып шықса шағымдана алады. Бағдарлама «Е-өтініш» платформасымен интеграцияланған. Бірден өтініш мемлекеттік органдарға түседі. Шағымды анонимді жазуға болады.&nbsp;Источник: Jibek JolyФото: Envato.com

Дәрі-дәрмекті қаншалықты заңды жолмен жасалғанын тексеретін қосымша іске қосылды

<a href="https://kyzylorda-news.kz/">Kyzylorda-news.kz</a> Синоптиктер Қазақстанның басым бөлігінде әлі де жауын-шашын сақталатынын хабарлады.<blockquote>«Таяудағы үш тәулікте Қазақстанның басым бөлігінде атлантикалық циклонының ықпалымен тұрақсыз ауа райы сақталады, жауын-шашын (жаңбыр, қар), көктайғақ және тұман болжанады», — деп мәлімдеді Қазгидрометтен.</blockquote>Ал 30 қазанда республиканың батысында қатты жаңбыр жауады, сонымен қатар жел күшейеді деп күтілуде.Температуралық режимде айтарлықтай өзгерістер болжанбайды.

Қазақстан және Қызылорда облысының жаңалықтары