<a href="https://kyzylorda-news.kz/">Kyzylorda-news.kz</a> Қармақшы ауданына қарасты Ақай ауылына барған сапарымызда тұрғындар көгілдір отынның тиімділігін тілге тиек етті. Жыл сайын көмірдің кезегінде тұрып шаршаған жұрт көгілдір отынды асыға күткенін айтады.&nbsp;Қарап отырсақ, біздің тіршілігімізге жан беріп тұрған – жарық, газ. су. Осы үшеуіне жұмсалған коммуналдық төлем адал деп жатамыз. Әсіресе күз-қыс айларында аудан тұрғындары үшін қай-қайсысы да сөнбеуі керек. Осы ретте Жосалы кенті үшін 3 жылдан бері көгілдір отын маздап тұр. Тұрмыс тауқыметі жеңілдеп, өркениетке қарай қадам басып келеміз.&nbsp; &nbsp; Мұндай игілікке қадам басқан елді мекеннің бірі – ауданға қарасты Ақай ауылдық округі. Құрылыс жұмыстары 2022 жылдың тамыз айында басталып, 2023 жылдың 1 қарашасында толық аяқталған. Газ құбыры мен газ тарату желілерінің құрылысын «AKBARS Stroy Ltd» &nbsp;ЖШС мердігер мекемесі атқарған. Былтыр желтоқсан айында көгілдір отын іске қосылып көпті қуантты. Жалпы Ақай ауылдық округінде 1166 үй болса, бүгінгі таңда 648 үй толығымен газға қосылған. Құжатын қамдап, қосылуға дайын отырғандар да жетерлік дейді мамандар. &nbsp;<blockquote>– Бізге пеш жағып, күл шығарудан бұрын отын табу қиын еді. Күзге таяу көмір алу үшін ұзын-сонар кезек &nbsp;болады. Жыл өткен сайын бағасы да қымбаттай түсетін еді. Сондайда от жағып, күл шығармайтын қала тұрғындарына қызығатынбыз. Қазір ол күнге өзіміз де жеттік. Жылда жаз басталса қыстың қамына кірісіп отын, көмір іздейтін едік. Көптен күткен көгілдір отынның пайдасына кенелудеміз. Енді біз де отын жарып, пешке от жағып, күл шығармайтын болдық. Әсіресе әйелім мен келіндерімнің қуанышында шек жоқ. Олар қолдарын ыстық суға малып, жылы үйде уайымсыз тіршіліктерін қамдайтындығына дән риза. Тұрмыс тауқыметі азайып, халықтың әлеуметтік-тұрмыстық жағдайы жақсарды деген осы емес пе? Қазір алыстағы ауылдардың өзі өркениетке қарай оң қадамдар жасап жатыр. Жақында Төретам кенті де газға қосылмақ. Мұндай игілікті істердің қатары арта берсін, – дейді ауыл тұрғыны Қазбек Күншығаров.</blockquote>Көгілдір отын барда көңілдің отының да маздап тұратыны шындық. Ендеше осы игіліктің олқы болмауы жолында аянбай тер төгіп жүрген азаматтарға жұрт алғысы қашанда мол деп батыл айта аламыз. Олардың табысы қаулап, әр үйде газ лаулап тұрсын деп тілейік.&nbsp;Ардақ СӘКЕНҚЫЗЫ

Ақай ауылы көгілдір отынмен қамтылды

<a href="https://kyzylorda-news.kz/">Kyzylorda-news.kz</a> Соңғы жылдары ауданымызда жақсы тенденция қалыптасуда. Ол ауыл халқының &nbsp;шаруашылықтардан бөлек, өндіріске де өріс қоя бастағаны. Оған дәлелді көптеп келтіруге болады. Біз соның бірі – Дауылкөл ауылдық округіндегі газоблок шығарып жатқан Жанболат Бекпановтың кәсібіне тоқталмақпыз.Жанболат Төребекұлы 1993 жылғы азамат. Осы шайыр ауылының тумасы. «Дәулетті болғыңыз келсе, кәсіппен шұғылдан» деген қағида ертеден аталарымыздан келе жатқан даналық. Бұл – кәсіптің, істің көзін таба білгеннің тұрмыс-тіршілігі сәулетті де дәулетті, бақуатты болатынын меңзейді. Кәсіп деп айтар ауызға оңай болғанымен, оның да өз басына жетіп артылатын машақаты бар. Солай екен деп қорқақтаудың да қажеті шамалы. Алға қадам басып, тәуекел ету, арман-мақсатқа қарай жүру – адам өмірін мағыналы етумен қатар, белгілі биіктерге көтереді. Материалдық жағынан қамтып, тәуелсіз етеді. Біздің кейіпкеріміздің де осы ойлар көптен мазалап, бір шешім шығаруына сеп болған еді. Сөйтіп, өткен жылы кәсіп ашуға бел буады. Жай шешім шығарып қана қоймай, мемлекет тарапынан кәсіпкерлерге көрсетіліп жатқан қолдауларға арқа сүйемекке бекінеді. Осылайша ол жыл соңына қарай «Ауыл аманаты» бағдарламасы аясында «Байқоңыр» ӘӘК» 8 млн 600 мың теңге несие алып, газоблок қыштарын шығару кәсібін қолға алады. Берілген несие-қаражатқа өндіріске қажетті құрал-жабдық, саймандарын алып, «екі қолға бір күрек» деп іске ә дегеннен кірісіп кетеді.&nbsp;<blockquote>– Осыған дейін құрылыс саласында жұмыс істедім. Кәсіп бастауда соншалықты қиналғаным жоқ. Өйткені құрылыс жұмысы маған таңсық емес. Қасыма бір адамды жұмысқа алғанмын. Екеуміз бірге істеп жатырмыз. Бұған дейін аздап қол үйретіп, шамалы мөлшерде құйып келдік. Әзірге үйдің ауласынан құюдамыз. Күніне 120 газоблок шығарамыз. Оның құрамына цемент, құм керек болса, сонымен қатар қосымша химиялық қоспалар да қосылады. Оларды арнайылап Алматыдан алдыртамын. Келешекте цех етіп ашсам деген жоспарым бар, – дейді шағын кәсіптің иесі өз сөзінде.&nbsp;</blockquote>Жалпы газоблок қазіргі таңда тұрғын үй, басқа да құрылыс жұмыстарында жиі қолданылатын құрал. Жанболаттың да өніміне сұраныс көбейген. Оған қоса, бағасы қолжетімді. Әр данасын 750 теңгеден саудалауда. «Сұраныс жаман емес. Бастысы – сапасына көңіл бөлудеміз. Сапалы заттың қашанда өтімі жақсы болады. Сайып келгенде не нәрсенің де бәрі еткен еңбегіңізге байланысты. Жұмыссыз жүрген азаматтар мен жастар болса, қолыңыздан келген шаруаны кәсіпке айналдыруға мүмкіндік екенін баса айтқым келеді» дейді ол.&nbsp; &nbsp;Сәрсенкүл АҚКІСІ&nbsp;

Ауыл тұрғыны газоблок шығаруда

<a href="https://kyzylorda-news.kz/">Kyzylorda-news.kz</a> Жас болса да чемпион тәрбиелеп жүрген жанның бірі – Гүлайым Нұрмаханова. Ол жастарды спортқа баулып қана қоймай, жігерлендіріп, рухани күш-жігер беріп, отансүйгіштікке, намысшылдыққа, сергектікке тәрбиелеп жүрген ұстаз. Гүлайым Жосалы кентінің тумасы. Өзі де бала күнінен спортты серік еткен сұлу. Балалық қызығушылығы бүгініне айналып, спорт саласынан алыстамады. Керісінше, спортсүйер сұлуларды жеңіске жетелеуде.&nbsp;<blockquote>– Бала күнімнен спортқа жақын болдым. Бақберген Тәттімбетов ағайымнан самбо күресінің қыр-сырын үйрендім. Өсе келе тыңғылықты жаттығуымның арқасында аудандық, облыстық, республикалық жарыстарда орын алдым. Әрбір спортшының арманы болған Азия биігін бағындырдым. Кейіннен әлемдік байрақты жарысқа қатысып, жүлдемен елге оралдым. Спорттың арқасында ел, жер көріп көптеген жетістікке жеттім, – дейді жас жаттықтырушы.</blockquote>Кент орталығындағы №183 орта мектепте тәлім алған Гүлайым жоғары білімді «Болашақ» университетінен «Спорт және туризм» мамандығын меңгереді. 2017 жылдан бері №16 Балалар мен жасөспірімдер спорт мектебінде жаттықтырушы болып жұмыс істейді. Еңбек өтілі 7 жылды жуықтаған маманның біршама жетістігі де бар.&nbsp;<blockquote>– Осы салада барлық білген тәжірибелерімді шәкірттеріме үйретудемін. Оқушыларымның ішінде алғаш болып Ұлтай Сейілова жақсы нәтижелер көрсетті. Облыстық, республикалық чемпионаттарда жеңімпаз атанып, самбо күресінен Азия чемпионатының екі дүркін қола жүлдесін иеленді. Белбеу күресінен Әлем чемпионатының қола жүлдегері. Қазіргі таңда Ұлтай тыңғылықты оқу жаттығу жиынында алдағы әлемдік додаға дайындық үстінде. Венера Борисова мен Айниса Орынбасарова қыздарым ел чемпионаттарында қола жүлдегер атанды. Осы қыздарымның артынан спортшы сіңлілері өсіп келе жатыр. Ақбота Жақсылықова, Мадина Бейбітова, Дарина Мұқашова, Айшабибі Амантаевалар республикалық, облыстық жарыстарда топ жарып жүр. Алдағы уақытта бұдан да жақсы нәтижеге жету үшін дайындалу үстіндеміз. Өсіп келе жатқан жас балуан қыздарымыз биіктерді бағындырады деген үмітім мол, – дейді Гүлайым Нұрмаханова.&nbsp;</blockquote>Жалпы спорт темірдей тәртіп пен салқынқанды мінезді қажет етеді. Мұндай талап нәзікжандылар үшін оңай емес. Десе де, ерлермен қатар еңбек етіп жүрген Гүлайым бір жанұяның отанасы. Болашағынан зор үміт күтер 2 перзенттің анасы. Жаттықтырушылық жұмыс пен келіндік қызметті қатар алып жүрген жастың жұмысы да жауапты.&nbsp;<blockquote>– Жаттықтырушы болу – өте жауапты жұмыс дер едім. Ең қызығы, тәрбиелеген шәкірттеріңнің жақсы нәтижеге жетіп қуанғанын, эмоциясын көру. Кейде қыз бала болғасын мықты қарсыласын әзер жеңіп, қуаныштан көздеріне жас алып қалады. Спорт болғаннан кейін кейде дене жарақаттарын алады. Ата-аналарынан аманат етіп алып кеткеннен кейін жарыстан соң үйлеріне аман-сау жеткізгенше уайымдаймын. Ата-ана ретінде оларды да түсінемін. Негізі спорт мінездің қалыптасуына әсер етеді. Спортшы сабырлы, салмақты намысшыл, төзімді болуы керек. Мықты спортшы болу – көп жастың арманы. Бірақ, көбі жарты жолдан тастап кетеді. Спортқа шын құмар баланың ынтасы ерекше болады. Оның ептілігі, жылдамдығы, мінезі, еңбекқорлығы бірден байқалады. Табиғатына қарай кейбір бала уақыт өте келе ашылады. Жеңімпаз атану үшін физикалық жағынан ғана емес, рухани жағынан да мықты дайындық қажет. Жарыста жеңіс пен жеңіліс қатар жүреді. Жеңімпаз болғанда да, жеңілгенде де өзіңді-өзің ұстай білу адамның рухани өресіне байланысты. Жеңіске ұқыптылық пен тиянақтылықтың, еңбекқорлықтың арқасында ғана жетесің. Егер жеткен жетістігіңе рухани әлемің сай болмаса, абыройың аяқасты болуы бір-ақ сәтте, – дейді бапкер.</blockquote>Міне, бойындағы бар білімін өзінен кейінгімен бөлісуге, аудан абыройы үшін қызмет етуге дайын Гүлайымдай жастар көп болса дейміз. Өйткені жауапты жаттықтырушыдан жеңімпаз шәкірт шығатынына сенім мол.&nbsp;&nbsp;Ардақ СҮЛЕЙМЕНОВА

Жетістігі мол жас жаттықтырушы

<a href="https://kyzylorda-news.kz/">Kyzylorda-news.kz</a> Қарапайым қимыл-қозғалыстың ең жеңіл түрі жаяу жүру десе, бүгінде егде адам түгілі жас жеткіншектердің өзі аяқ тартып, құлшыныс таныта қоймайды. Автокөлік пен қоғамдық көліктер тоқтаусыз жүріп жатқан уақытта бір жерден екінші жерге жаяу бару әлдекім үшін миға қонымсыз болуы мүмкін. Алайда жаяу жүріп қимылдау арқылы бойыңыздағы дертке қарсы үлкен шипа барын бірі білсе, бірі білмес.Жосалы кент тұрғыны Гүлжамал Жиенбаева әжей жаяу жүрудің денсаулыққа нағыз пайдасын білген жанның бірі. Бүгінде кейуананың жасы сексен төртте. Ол жаяу жүруді 2010 жылдан бастап әдетке айналдырған. Оған сол уақытта жиі ауырып, сырқаттануы сеп болыпты.<blockquote>— Денсаулықтың қадірін қартайғанда білесің деп дана халқымыз бекерге айтпаған. Адамның жасы келген сайын сырқаты көбейе түсетіні рас екен. Бұрын жастықпен жұмыстың ауыр-жеңілін елемей, елге қызмет еттік. Жолдасым екеуміз Кеңес уақытында Қармақшы, Иіркөл ауылдарында мал баққан жандармыз. Ол кезде қой санын көбейту керек деген қатаң тапсырма бар. Күннің ыстық-суығына да қарамадық. Әйтеуір абыроймен сол үдеден шығып, бәйгесін алып, елдің құрметіне бөлендік. Бірақ осы тынымсыз жұмыстың та әсері денсаулыққа кейін сыр бере бастады. Балаларымыз болса да кейінгілері тұрмады. Жасым ұлғайған сайын қан қысымым жиі көтеріліп, ауруханаға көп түстім. Маған сол кезде көптің ақылы көмектесті. Қаныңыз қоюланып қалған, көп жүру керек деген кеңестер пайдасын тигізді. Міне, жиырма бес жылдан бері үздіксіз жаяу жүрумен айналысамын. Таң намазынан соң қолыма таяғымды алып, кенттің сыртқы жағын күнделікті жолым бойынша үш-төрт шақырымды артқа тастаймын. Үйге келген соң әрі қарай жарты сағаттық жаттығуға көшемін. Құдайдың құдіретін сезсеңіз таңғы уақытта ауа сондай таза болады. Адамға күш-қуат береді, – дейді әжей.</blockquote>Таяқ ұстағанға тым қарт кісі деп ойлап қалмаңыз. Гүлжамал әжей сырт көзге әлі де тың. Қазір бұралқы иттердің көше кезіп жүретін әдеті емес пе? Содан қорған болу үшін таяқты серік етемін дейді. Жаяу жүргеннің пайдасы бүгінде ол жүрек ауруынан айыққан. Тек күн жылыда ғана жаяу жүрмей, қыста да осы әдетінен жаңылмаған. Аязды күн мен қатты жел соғып, ауа райы құбылғанда жаттығуын үйде жасайды.Әлемдегі кей ғалымдар халықты сырқаттардан арашалап алудың ең қолжетімді әрі тиімді жолы күн сайын таза ауада жаяу жүру екенін айтқан. Американың Онкологтар қауымдастығы қатерлі ісіктің алдын алудың бірден-бір жолы ретінде де жаяу жүруді ұсынған.Рас, мынау тұрған төрт-бес үй әрі тұрған дүкенге көлік мініп баратынымыз жасырын емес. Жас болсақ та жаяу жүруге ерініп, мәшиненің ығына жығыла кетеміз. Осыдан кейін салмақ қосып, толығып кеттім деп уәжімізді айта бастаймыз. Ал бүгінде денсаулықтың қадірін білген Гүлжамал әжей жаяу жүрудің пайдасы зор екенін айтып, саламатты өмір салтын ұстануға кеңес береді.&nbsp;Ерсін СӘДУҰЛЫ

Жаяу жүруді әдетке айналдырған 83 жастағы әжей

<a href="https://kyzylorda-news.kz/ru">Kyzylorda-news.kz</a>&nbsp; Соңғы жылдары Арал ауданда құрылыс жұмыстары қарқынды дамып келеді. Оны күнделікті көзбен көріп жүрміз. Әсіресе, халық қажеттілігін өтейтін нысандардың бой көтеріп, ел мүддесіне жұмыс істеп &nbsp;жатқаны көңіл қуантады. Әдемі құрылыс нысандары өңірдің &nbsp;ажарын аша түсуде. Құрылысшылардың кәсіби мерекесі қарсаңында &nbsp;саладағы серпінді істерді саралап өтсек.&nbsp;Өтпелі жобалар ретінде «Арал ауданының Сексеуіл кентінде АГТС орната отырып «Бейнеу-Шымкент» магистарльды газ құбырынан бастап газ құбыры тармағын салу» және «Сексеуіл кентіне газ жеткізу құбырының және кварталішілік газ тарату желілерінің құрылысы» жобаларының құрылысы жалғасуда.Оған қоса, «Арал қаласындағы №4 мөлтек ауданға газ желісін тарту құрылыс жұмыстары», Арал қаласындағы 300 орындық Жайлы мектеп құрылысы, Сексеуіл кентіндегі 40 төсектік аурухана құрылысы және демеуші қаражаты есебінен салынып жатқан Тоқабай елді мекендегі мектеп құрылысы биыл жалғасын тапты.&nbsp;Қарқын мұнымен тоқтап қалмақ емес. 2024 жылы &nbsp;құрылыс саласында инфрақұрылымдық жобалары дамытуға, білім беру мен медицина саласының қажеттілігін қолдауға бағытталған жобалар қолға алынды. Олардың қатарында &nbsp;«Арал қаласындағы №1 мөлтек ауданға электр желісін тарту», «Арал қаласы 0,4 кВа әуе желілерін жүргізу», «Арал қаласындағы №5 мөлтек ауданға газ желісін тарту», «Арал қаласы №6 мөлтек ауданға газ желісін тарту құрылыс жұмыстары» және талай уақыттан бері халықтың өтініші мен тілегіне айналған Арал қаласы бойынша кәріздің сыртқы желісінің құрылысы 1-кезеңі де тап осы жылы қолға алынып отыр. Сондай-ақ болашақ ұрпаққа сапалы білім беру мақсатында &nbsp;Ақшатау елді мекеніндегі мектеп құрылысы, Сексеуіл кентіндегі 300 орындық «Жайлы мектеп» құрылысы да басталып кетті. Ал Тоқабай елді мекеніндегі дәрігерлік амбулатория құрылысы &nbsp;осындағы халықтың тілегін қамтамасыз ету мақсатында қолға алынып отыр. Жоғарыда айтылған маңызды жобалар қаржысы шешіліп өз бастауын алған болса енді басталып жатқан жобалардың да ауқымы кең. Жалпы аудандағы құрылыс саласында қарқынды жұмыс атқарылып, маңызды жобалар мәнін табуда. Сөзімізді дәлелдей түсу үшін осы жылы бастау аған жобалардың &nbsp;бірқатарын тілге тиек ете кетсек.&nbsp;Қазіргі күні облыс әкімінің бастамасымен «Руханият орталығының» құрылыс жұмыстары қолға алынған. &nbsp;Мұнда музей, кітапхана, архив, неке қию залы, ардагерлер және аналар, жастар орталықтары сынды бірқатар тарихи-мәдени, рухани ұйымдарды біріктіретін орталық болмақ. Бір ғимарат &nbsp;мәдени-көпшілік шаралар, концерттер, мерекелік кештер өткізіліп, тұрғындар жиі келетін мәдениет ошағына айналмақ.&nbsp;Арал қаласындағы Арал туберкулезге қарсы диспансері ғимаратын «Қамқорлық» ерте араласу оңалту орталығы етіп реконструкциялау» жобасы &nbsp;оңтайлы бастама ретінде қолдау тауып отыр. Биыл шижағалықтардың бірқатар көкейтесті мәселесі оң шешімін тапты. Шижаға елді мекеніне 0,4 және 10 кВ әуе желілерінің құрылысын жүргізу, газ құбыры желілерін салу, дене шынықтыру және сауықтыру кешенінің құрылысы қолға алынды. Сонымен бірге Аманөткел елді мекенінде 150 орындық ауылдық клубтың құрылысы басталғалы тұр.&nbsp;Құрылыс саласындағы атқарылып жатқан тағы бір ауқымды жоба һам халық үшін ақжолтай жаңалық халықтың әлеуметтік жағынан осал топтарына сатып алынатын 124 пәтердің құрылысының жүргізілуі. Еске сала кетейік, өткен жылы осындай 100 отбасы қоныс тойын тойлаған болатын.&nbsp;Салыстырып қарайтын болсақ, аудандағы құрылыс саласындағы жұмыстарда ілгерілеу бар. Мұның бәрі де халық сұранысын қамтамасыз етіп, елдің игілігіне жұмыс істеу мақсатында қолға алынуда. Оған қоса, қаладағы сәулеті келіскен кәсіпкерлік нысандар да жыл сайын қатарын көбейтуде. Міне мұның бәрі &nbsp;елдің дамуын көздейтін бастамалар.&nbsp; Н.МАРАТҚЫЗЫ&nbsp; Фото: ашық көздерден

Арал ауданда құрылыс қарқынды

<a href="https://kyzylorda-news.kz/">Kyzylorda-news.kz</a> Статистика Үкімет үшін ғана емес, қоғам үшін де маңызды. Жүздеген жыл ішінде Қазақстанның бұл жүйесі халықаралық талаптарға сай өзгерді. Заманауи технологиялар енгізіліп, жұмысы нақтылана түсті. Қазіргі уақытта статистикалық ақпараттарды жинау және өңдеу барысында жаңа ақпараттық технологиялар кеңінен қолданылуда. Ресми статистикалық ақпаратты пайдаланушылардың қолжетімділігі артты. Осы ретте 2024 жылдың алғашқы жартыжылдық есебінде қай салада болмасын өсім бар. Мұның бәрі – барша сала мамандарының бірлесіп жасаған жұмысының нәтижесі. Бұл туралы Арал аудандық статистика бөлімінің басшысы Еламан Қапанов&nbsp;хабарлайды.Мемлекетіміздің басты капиталы – ел азаматтары. Сондықтан олардың әрқайсысы мемлекетіміз үшін қымбат. Нақты айтар болсақ, статистикалық мәліметтер бойынша, Арал аудан халқы 2024 жылдың 1 маусымына 79 216 адамды құрап отыр. Бұл көрсеткіш облыс аудандары арасында халық саны жөнінен Жаңақорған, Шиелі және Қазалы аудандарынан кейінгі нәтиже болып саналады. Ал аймақ тұрғындарының жалпы саны 844 480 адамды құрап отыр. Ашып айтар болсақ, аудандағы тұрғындардың 37 275-і қала тұрғыны. Қалғаны ауылдық жерлерде тұрады. Халықтың 40 628-ін ерлер, 38 588-ін әйелдер құрайды.Арал уданның даму көрсеткішінде бірінші кезекте өнеркәсіп саласы тұр деуге болады. Өнім өндіріп, оны экспортқа шығарып келе жатқан кәсіпорындар 2024 жылдың алғашқы жартыжылдығында 16 354 млн. теңгенің өнімін өндірді. Бұл көрсеткіш өткен жылы өндірілген өнім көлеміне қарағанда нақты көлем индексімен 114,7 пайызға орындалғанын байқауға болады. Бұл ретте ауданның сыртқы нарыққа шығатын басты өнімдері ретінде йодталған ас тұзы, балық пен кварц құмы және тепловоздар мен жабдықтарды жөндеужұмыстарының қайсысы болса да өсімге ие болды.<blockquote>– Сонымен қатар, өңдеу өнеркәсібі саласында да даму байқалады. Қаңтар-маусым айларында жалпы 11 584 млн. теңгенің өнімі өңделіп шығарылса, бұл нақты көлем индексі арқылы өткен жылмен салыстырғанда 119,8% өсімді көрсетеді.Меншік нысандары бойынша тіркелген заңды тұлғалар саны 2024 жылдың 1 шілдесіне барлығы 525 болса, оның ішінде, жұмыс істейтіндер – 462, қызметін уақытша тоқтатқандар – 112, ал таратылу процесінде 2 нысан бар.2024 жылдың қаңтар-маусым айларында бөлшек сауда тауар айналымының көлемі 5377,9 млн. теңгені құрап, өткен жылдың тиісті кезеңімен салыстырғанда 102,8 пайызға өсті. Тауар айналымы жалпы көлемінің негізгі пайызын саудамен айналысатын кәсіпорындар мен жанар-жағармай өнімдерін сататын кәсіпкерлер құрайды.Тағы бір басты қозғаушы саланың бірі – инвестиция, құрылыс саласы екені жасырын емес. Ауданымызда да инвестиция, құрылыс жұмысы жоспарлы түрде жоғарғы деңгейде іске асып келеді. Негізгі капиталға салынған инвестициялар көлемі толықтай игеріліп, өткен жылдың тиісті кезеңімен салыстырғанда 14,6 пайызға артық орындалған. Қаржыландыру көздері бойынша бөлінген барлық қаражат тиісті бағытта мақсатты жұмсалды. Ал құрылыс жұмыстарының көлемі де 110,5 пайызға артығымен орындалды. Көрсеткіште қаладағы жаңа көпір құрылысы, Аққұлақ, Жаңақұрылыс, Аралқұм, Бекбауыл ауылдарындағы жол құрылысы және Сексеуіл кентіндегі газ жүргізу жұмыстары есептелген.Алғашқы жартыжылдықта аудан көлемінде жалпы 14 499 шаршы метр тұрғын үй пайдалануға берілген. Бұл өткен жылдың тиісті кезеңімен салыстырғанда 105 пайызға артық орындалып отыр. Осылайша аудандағы басты мәселенің бірі өз шешімін тауып келеді. Ауданымыздың басты кәсібі ауыл, орман және балық шаруашылығында да өсім бар. Нақты қолданыстағы бағамен 3 777,9 млн. теңге өнім өндіріліп, өткен жылдың кезеңімен салыстырғанда нақты көлем индексі 101,8 пайызға артық орындалып отыр.Мал шаруашылығында айтарлық өсім тіркелді. Оның ішінде, ірі қара мал саны 47 516 бас болса, түйе – 37 534 бас, жылқы – 61 401 бас, Шопан ата тұқымы – 37 504 бас және ешкі малы 65 239 бас тіркелді. Үй құстарының саны 4500-ке жетіп отыр. Төрт түліктің ішінде ең кемі жылқы малы 2% өсім алса, қой тұқымы 19,6 пайызға өсім алған.Аудан бойынша 5247 бірлік шағын және орта кәсіпкерлік субъектісі жұмыс істейді. Оның ішінде, 303 шағын кәсіпкерліктің заңды тұлғасы тіркелсе, 3874-ін жеке кәсіпкерлер құрайды. Шаруа немесе фермер қожалықтарының саны 1070-ке жетіп отыр.&nbsp;Биылғы жылдың 6 айлық есептік көрсеткішінде сандар осылай сөйлеп отыр. Алдағы уақытта ауданның әлеуметтік-экономикалық көрсеткіші бұдан да жоғары нәтижелерді көрсетеді деп сенеміз, – деді Еламан Қапанов.</blockquote>

Арал ауданының өсу динамикасы тұрақты

<a href="https://kyzylorda-news.kz/">Kyzylorda-news.kz</a> Жанқожа батыр Нұрмұхамедұлының 250 жылдығына орай республикалық әдеби-мәдени, тарихи-танымдық «Әлімсақ» журналы мен Ә.Тәжібаев атындағы облыстық әмбебап кітапханасының ұйымдастыруымен Жанқожаның жеңімпаздық жолын жыр жолымен өрнектеу, елі мен жерін қорғауда ерен ерлік үлгісін көрсеткен батыр баба есімін насихаттау, жас ұрпақты отансүйгіштікке елжандылыққа тәрбиелеу мақсатында «Елдіктің туын желбіреткен қаһарман» атты жыр мүшәйрасы өтті.Жыр додасы алдында жанқожатанушы ғалым, филология ғылымдарының кандидаты Нұрлан Нұрмахановтың «Тарихи өлең-жырлар мен дастандардағы Жанқожа батыр тұлғасы» атты монографиясының таныстырылымы болды.Жанқожа – қазақтың тәуелсіздігі жолында күрескен батыры, ХІХ ғасырдың қаһарманы, Хиуа мен Қоқан хандықтарына, отаршыл Ресей империясына қарсы шыққан ұлттық-азаттық көтерілістің басшысы, 17 жасында батыр атанып, сексеннен асқанша қолынан қаруы түспей, ел тәуелсіздігі жолында күресіп өткен халық қаһарманы. Халқының бостандығы жолында бес қаруын асынып, қол бастап, жауымен текетіресіп, елінің тентіреп кетуінен сақтады. Жанқожа батыр сол ұрыстардың барлығына да қолбасшы әрі ұйымдастырушы ретінде қатысып, теңдессіз ерлік, көзсіз батырлық көрсеткен. Сонысымен, жанына ерген жауынгерлеріне үлгі болды, халқына қайрат, елім деген ерге ерік-жігер берген.Елдік дәстүрді, отаншылдық қасиетті, тарихи тұлғаларды насихаттауды, Жанқожаның болмысын, батырлығын жастарға үлгі етуді, есімін ұлықтауды мақсат тұтқан облыстық жыр мүшәйрасына бірінші кезеңнен іріктеліп келген 9 ақын батыр рухына арналған өлеңдерін оқыды. Жыр додасына ақын, Қазақстан Жазушылар одағының Қызылорда облысы бойынша өкілі Қаршыға Есімсейітова, ақын, бірнеше тарихи дастандар мен толғаулардың авторы Оңталап Базаралы және филология ғылымдарының кандидаты, жанқожатанушы ғалым Нұрлан Нұрмаханов қазылық етті. Тақырыптың терең ашылуын, өлеңнің ұйқасы және көркемдігіне және көрерменге жеткізе білуін назарға ұстаған қазылар алқасы жеңімпазарды анықтады. Бұл мүшәйраның ерекшелігі, додаға түскен ақындар жүлдесіз қайтқан жоқ. Жүлделі орындармен қатар Жанқожа батырдың үзеңкілес серіктері Мұсабай жырау, Төремұрат жырау, Бекмырза хан, Қызылбас палуан, Ақтан батыр, Дабыл батыр атындағы арнайы жүлделер батыр ұрпақтары атынан тағайындалды.Жыр мүшәйрасын елімізге белгілі жыршылар Марат Сүгірбаев пен Бексұлтан Орынбасаров отты жырмен, әуезді әнмен әрледі.Көрермендер «Баба ерлігі – ұрпаққа өнеге» атты кітап көрмесін тамашалады.Жыр додасында ІІІ орынға Нұркелді Өтепберген, ІІ орынға Бексұлтан Санақұл, жүлделі І орынға Айдар Сайлауов иеленді.<img src="https://knadmin.beoblood.kz/uploads/6305a615_ed38_45a4_85d7_003056b39d28_3081c62c29.jpg" alt="6305a615-ed38-45a4-85d7-003056b39d28.jpg"><img src="https://knadmin.beoblood.kz/uploads/1_a0f5a22eba.JPG" alt="1.JPG"><img src="https://knadmin.beoblood.kz/uploads/4_932074cdee.jpg" alt="4.jpg"><img src="https://knadmin.beoblood.kz/uploads/5_62c2ac2a4b.jpg" alt="5.jpg">Фото: Нұрболат НҰРЖАУБАЙ

Жыр арқауы – Жанқожа батыр

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖ департаментінің 37 мекемесінде жазасын өтеушілермен арнайы шара ұйымдастырылды. Бұл іс-шарада Дін істер басқармасының теологы Нарымбетов Олжас Жақыпбекұлы мен Опабек Асылбек Ерланұлы «Салт дәстүр мен дін сабақтастығы» тақырыбында лекция оқып, жазасын өтеп жатқан азаматтарға рухани-ағартушылық түсінік берді.Кездесу барысында теологтар діни ілімдер мен ұлттық салт-дәстүрлердің үйлесімін түсіндіріп, исламның негізгі құндылықтарын, оның адамгершілік және қоғамдық тұрақтылыққа қосар үлесін атап өтті. Сонымен қатар, дәстүр мен діннің арасындағы тығыз байланыстың маңыздылығына тоқталып, олардың адам өміріндегі орны мен рөлі туралы сөз қозғады.Дін мен дәстүрдің сабақтастығы туралы ақпарат берудің басты мақсаты – сотталған азаматтарға өздерінің рухани өмірін қайта қалыптастыруға және қоғамға қайта бейімделуге көмектесу болды. Бұл шараның мәні жазасын өтеп жүрген азаматтардың діни сауаттылығын арттырып, оларды құқықтық және адамгершілік құндылықтарға тәрбиелеуде ерекше рөл атқарады.Теолог мамандар дін мен ұлттық мәдениеттің, салт-дәстүрлердің адамдардың рухани тұрғыдан қалыптасуына қалай ықпал ететінін нақты мысалдармен түсіндірді.Іс-шара соңында сотталған азаматтар теолог мамандарға сұрақтарын қойып, өзара пікір алмасты.Бұл іс-шара біз үшін үлкен маңызды шара болды. Мамандармен кездесіп, сөйлесу арқылы рухани деңгейіміз көтеріліп, болашаққа жоспар құруымызға, қоғамға пайдалы азамат ретінде қайта оралуымызға көмектеседі. Ұйымдастырушыларға алғысым шексіз,-деді сотталған азамат.

ҚАЖ департаментінің 37 мекемесінде «Салт дәстүр мен дін сабақтастығы» тақырыбында кездесу өтті

<a href="https://kyzylorda-news.kz/">Kyzylorda-news.kz</a> №60 мекеменің психологиялық қамтамасыз ету тобының психолог қызметкерлері &nbsp;жазасын өтеушілер арасында &nbsp;«Құм терапиясын» &nbsp;өткізді. Құм терапиясы психология аясында пайда болған психотерапия әдістерінің бірі. Бұл әлеммен және өзімен қарым-қатынас жасау тәсілі. &nbsp;шараның негізгі мақсаты ішкі шиеленісті жеңілдету, &nbsp;өзіне деген сенімділікті арттырады және дамудың жаңа жолдарын ашады. Құм терапиясы терең, шынайы өзін-өзі ұстауға, психикалық тұтастықты қалпына келтіруге, өзінің ерекше бейнесін және әлем бейнесін жинауға мүмкіндік береді. Бұл туралы №60 мекеменің баспасөз қызметі хабарлады.Шара барысында жазасын өтеуші азаматтарға психологиялық тренинг жаттығуларын жүргізе отырып, өз ойларынша түрлі суреттер салып, танымдық ойындар өткізу арқылы ашық &nbsp;пікірталас &nbsp;ұйымдастырылды.Мен «құм терапиясы» арқылы балалық &nbsp;шағыма саяхаттадым. Балалық шақ ең бақытты уайымсыз кезең. Өткен шақтың бақытты сәттерін еске алу керемет сезім сыйлайды. Әрі ойымыз бен ішкі &nbsp;сезімдерімізді әңгімелеу барысында босаңсып, жеңілдеп қалдым. Бізге осындай көңіл күй сыйлаған психолог мамандарға &nbsp;алғысымыз шексіз деді,-сотталған.Аталған терапия арқылы адамның шығармашылық, танымдық, интеллектуалдық карым-қатынас құзіреттілігі дамиды. Олар қиындықты бір сәтте естен шығарып, өмірге жаңаша оң көзқараспен қарап, ойша жағымды жағдайларды ойлап жүреді. Мұндай терапиялық тренингтер жазасын өтеуші азаматтардың ой-санасын өзгертіп, оң мінезді қалыптасуына әсері мол дейді,-мекеме психологы Шынар Көлбаева.

Сотталғандармен «Құм терапиясы» жүргізілді 

<a href="https://kyzylorda-news.kz/">Kyzylorda-news.kz</a> Қоғамда цифрландырудың маңызы күн өткен сайын артып келеді. Қазір онлайн-режимде банк қызметі мен мемлекеттік қызметтерді алуға болады. Өкінішке орай оны қылмыстық алаяқтар белсенді пайдаланады. Облыс көлемінде 252 интернет алаяқтық тіркеліп, азаматтарға 117 млн астам шығын келтірілген. Бұл туралы облыстық полиция департаменті бастығының орынбасары Серік Тоқтыбаев мәлімдеді.<blockquote>– Алаяқтықтың ең көп тараған тәсілі - ол белгілі сауда алаңдарының сайттарында. Сондай-ақ әлеуметтік желілер мен мессенджерлерде хабарландырулар орналастыру арқылы жасалатын интернет-сауда. Әдетте, алаяқтар тауардың немесе қызметтің төмен бағасын көрсетеді және алдын-ала төлемді не толық төлемді сұрайды. Биыл 48 осындай қылмыс тіркелді, - деді Серік Әбдімәуленұлы.</blockquote>Алаяқтың құрбаны болмас үшін тексерілген жарнама сайттарын пайдаланыңыз. Тауарды алғаннан кейін төлем туралы келісіңіз. Бейнеқоңырау арқылы тауардың бар екеніне көз жеткізіңіз. Егер сатушы басқа қалада болса, өзіңіздің таныстарыңыз немесе туыстарыңыздан тауарды алуын және жіберуін сұраңыз.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Интернет-алаяқтық жаһандық мәселе айналып отыр. Ақпараттық сауаттылықты дамыту және сақтық шараларын қолдану арқылы ғана біз өзімізді және жеке деректерімізді алаяқтардың ықпалынан қорғай аламыз.<img src="https://knadmin.beoblood.kz/uploads/inetrnet_2ffd6b873d.jpg" alt="инетрнет.jpg"> &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Интернет алаяқтарынан сақтанайық

<a href="https://kyzylorda-news.kz/">Kyzylorda-news.kz</a> Жыл сайын онлайн&nbsp;шопингке&nbsp;басымдық беретін адамдар саны артып келеді. Бұл өте ыңғайлы, себебі интернетке қосылған кез келген жерде тәуліктің кез келген уақытында сауда жасауға болады. Алайда, желіде&nbsp;киберқатерлер&nbsp;әрдайым бар, сондықтан сақ болу және алаяқтардан қалай қорғану керектігін білу маңызды. Бұл туралы Fingramota.kz толығырақ айтып береді.&nbsp;Онлайн алаяқтар сатып алушыларды қалай алдайды?&nbsp;Тұзақ №1. Танымал сайттардың жалған көшірмелері&nbsp;Алаяқтар белгілі сайттардың жалған нұсқаларын жасайды және оларды нақты интернет-дүкендерден ажырату кейде қиын, бірақ бұл мүмкін, өйткені олар сайт атауындағы әріптерді ауыстыра алады немесе баннерді сәл өзгерте алады. Мұндай интернет-ресурстарда сатып алушылардан толық банк деректемелері көрсетілген элементтерді қамтитын пішіндерді толтыру ұсынылады. Бұл ақпаратты алғаннан кейін алаяқтар ақшаны алып, кредит алуға және басқа да заңсыз әрекеттерді жасай алады.Тұзақ №2. Алаяқтық сатылымдар&nbsp;Алаяқтар азаматтарға үлкен жеңілдіктермен акцияларға қатысуды ұсынады. Жеңілдік тек бірнеше сағатқа ғана созылады деп мәлімдеп, тіркелуді талап етеді. Тиімді шарттарға қызыққан сатып алушылар алдын ала төлем жасайды, содан кейін алаяқтар байланыссыз қалады.Тұзақ №3. Есептік жазбаларды ұрлау&nbsp;Алаяқтар сатып алушылардың интернет-дүкендердегі тіркелгілеріне, банк карталары тіркелген есептік жазбаларына қол жеткізеді. Олар карта иесі байқамай тұрып, сатып алуды жүзеге асырады. Себебі, барлық әрекеттер жеке есептік жазба арқылы жасалды.Тұзақ №4. Тауарлар туралы жалған хабарландырулар&nbsp;Алаяқтар өздерін сатушы ретінде көрсетіп, түрлі тауарлар туралы жарнамаларды орналастырады. Сатып алушы тауарды сатып алғысы келгенде, олар тауарды тек пошта арқылы жіберетінін айтады. Жаңа жеткізу қызметін ұсыну арқылы алаяқтар төлем жасау үшін сілтеме жібереді. Сатып алушы сол жерде картасының мәліметтерін енгізсе, картасынан барлық ақша шешілген соң, "сатушы" із-түзсіз жоғалады.<img src="https://knadmin.beoblood.kz/uploads/Whats_App_Image_2024_10_17_at_15_49_57_9848095883.jpeg" alt="WhatsApp Image 2024-10-17 at 15.49.57.jpeg">Алаяқтықтан қалай сақтануға болады?&nbsp;Онлайн сатып алу кезінде қарапайым қауіпсіздік ережелерін сақтаңыз. Олардың негізгілерін атап өтейік:Ресми қосымшаларды жүктеу. Онлайн-дүкендердің қосымшаларын тек Google Play немесе App Store арқылы жүктеңіз. Олардың пікірлерін алдын ала оқып шығыңыз. Құрылғыңыздың қауіпсіздік параметрлерінде ресми емес дүкендерден бағдарламаларды орнатуға рұқсат бермеңіз.Сілтемелерді тексеру. «Сатушылардан» SMS, push-хабарламалар немесе электрондық пошта арқылы келген күмәнді сілтемелерге ешқашан өтпеңіз. Акциялар туралы ақпаратты нақтылау үшін дүкеннің ресми нөмірлеріне қоңырау шалыңыз. Сенімді дүкендер сізден төлемдерді немесе балама төлем әдістерін талап етпейді.Құжаттарды талап ету. Онлайн-дүкендердегі сатушылар төлем құжаттары мен шот-фактураларды ұсынуға міндетті. Егер сатушы бас тартса, бұл сізге күмән тудыруы керек.URL мекенжайларын тексеру. Сайт арқылы сатып алулар жасаған кезде, әрқашан онлайн-дүкендердің URL мекенжайларын тексеріңіз. Егер https:// мекенжайындағы «s» әрпі жоқ болса, сіз алаяқтық сайтқа кіріп кетуіңіз мүмкін.Қауіпсіз желілерді пайдалану. Тауарларды тек өзіңіздің Wi-Fi желіңіз арқылы сатып алыңыз. Қоғамдық желілер қауіпті болуы мүмкін және алаяқтарға картаңыздың деректері, жарамдылық мерзімі мен артқы үш таңбалы коды сияқты жеке ақпаратқа қол жеткізуге мүмкіндік беруі мүмкін.Цифрлық карталармен төлем жасау. Онлайн-сатып алулар үшін бөлек, шектеулі сомасы бар, мысалы, виртуалды карта ашыңыз. Бұл алаяқтық жағдайда шығындарыңызды шектейді.Гаджеттерді&nbsp;қорғау. Барлық құрылғылардағы антивирустық бағдарламалық жасақтаманы үнемі жаңартып отырыңыз және күрделі құпиясөздер жасап, оларды мезгіл-мезгіл өзгертіңіз. Мүмкін болса, биометриялық идентификацияны орнатыңыз.Қауіпсіз зарядтау құрылғыларын пайдалану. Тек өзіңіздің зарядтау құрылғыңызды пайдаланыңыз – бұл бір қарағанда оғаш болып көрінуі мүмкін, бірақ алаяқтар қоғамдық USB зарядтағыштарға хакерлік құрылғыларды орнату арқылы құпия ақпараттарды ұрлауы мүмкін.Бейтаныс адамдарға сенбеңіз. Егер сізбен курьер байланысқа шығып, сіз дәл сатып алмаған немесе жеткізу мерзімін есіңізде жоқ тауарды жеткізу туралы хабарласа, абай болыңыз. Алаяқтар соңғы уақытта курьерлер ретінде маскировка жасап, тауарды алу үшін SMS арқылы келген кодты айтуды сұрайды. Қауіпсіз болу үшін, сізге қоңырау шалған немесе хабарлама жіберген ұйыммен байланысып, мәліметтерді нақтылаңыз.Цифрлық гигиенаның осы қарапайым ережелерін сақтау арқылы сіз онлайн алаяқтардың құрбаны болудан аулақ боласыз. Ақпаратпен достарыңызбен және жақындарыңызбен бөлісіңіз. Өздеріңізді, ақшаңызды сақтаңыз және Fingramota.kz-пен бірге қаржылық сауаттылығыңызды арттырыңыз!&nbsp;Фото: fingramota.kz

Жоспарланбаған шопинг: онлайн сатып алу кезінде ақшаңызды жоғалтпау үшін не істеу керек

<a href="https://kyzylorda-news.kz/">Kyzylorda-news.kz</a> Қазалыда туып, өнерімен талайды тамсандырып жүрген талантты жандар жетерлік. Бірі ғылым саласында өзіндік қолтаңбасын қалдырса, енді бірі қазақ өнері мен мәдениетін өркендетуге үлес қосуда. Солардың қатарында талантты жерлесіміз, ҚР Дизайнерлер одағының ескерткіш медалінің иегері, ҚР мәдениет саласының үздігі Құрманқазы Қадыр да бар.Бейнелеу өнерінің хас шебері ретінде бірқатар туындысы Қазақстандағы және шетелдік жинақтарда сақтаулы тұрған белгілі суретші Құрманқазы Қадырмен сұхбаттасудың сәті түскен еді.– Құрманқазы аға, талай дүлділ дүниеге келген қасиетті Қазалы топырағының тумасысыз. Орта мектепті осында тәмамдадыңыз. Одан ары қарай өмір жолыңыз қалай жалғасын тапты?– Мен 1977 жылы Жаңақазалы станциясындағы Ы.Алтынсарин атындағы №421 онжылдық мектепті бітірген соң, Ленинград қаласына оқуға аттандым.1981 жылы Ленинград қаласындағы И.Е.Репин атындағы кескіндеме және сәулет институтының академиялық сурет, 1983-1985 жылдары В.А.Серов атындағы көркемсурет училищесінің кескіндеме бөлімінде дәріс алады. 1989 жылы сол қаладағы қала құрылысы және сәулет өнері мектебінің сәулет бөлімін бітірім. Менің Ленинградқа баруыма себепкер болған жан – менің ұстазым Қабылов Жасылық Санауұлы. Менің дарынымды танып, бағыт-бағдар беріп, талантымды ұштауға үлес қосқан сурет пәнінен беретін ұстазыма мың да бір рахмет айтамын. Жаны жәннәта болсын. Өте керемет жан еді.Бірде сабақта отырған едік, қасыма келіп:«Ертеңнен бастап маған қосымша сабаққа кел» деді. Менің суретшілік кәсібім осылай басталды. Бұл 5-сынып болатын.Одан кейін Алматының Абай атындағы Қазақ ұлттық университетінің көркемсурет және бейнелеу өнері факультетін де үздік тәмамдадым. Сол кезден бері Алматы облысының Еңбекшіқазақ ауданында қала құрылысы және сәулет бөлімінде сәулетші, жетекші сәулетші, Есік қаласында жетекші сәулетші-дизайнер болып қызмет атқардым.– Суретшілік қанмен келген қасиет пе әлде жүре келе дамыған дарын ба?– Суретшілік қанмен келген десекте болады. Өйткені әкем Қайролла ағаштан түрлі тұрмысқа қажетті бұйымдар жасайтын шебер еді.– Кімді ұстаз тұтасыз?– Меніңалғашқы ұстазым жоғарыда айтып өткенімдей Жақсылық Санауұлы деп танимын. Ол маған бәрін берді, менің ағамдай болды. Мәскеуден суретке арналған арнайы аспаптар, красклер алдырып беретін. Бұдан өзге өмір жолымда талай ұстаздар кездесті. Бәрі де жаны жайсаң, шәкіртке берер тәлім-тәрбиесі мол өте жақсы ұстаздар.– Ең алғаш салған суретіңіз есіңізде ме? Бала Құрманқазының қиялы қағаз бетіне қандай бейнені бейнеледі?– Алғашқы салған суретім әрине есімде. Ол ҚАЗ ССР-дің гербі болатын. Мен оны айнытпай салып, іліп қойатынмын. Мұны әкем көріп, «О, бәрекелді, менің балам суретші болады» деп мақтанатын.– Сізді кәдесый жасаудың хас шебері ретінде де танимыз. Қолыңыздан шыққан жауһар дүниелер көздің жауын алады. Әрқайсысының өзіндік ерекшелігі, мән-мағынасы бар. Алғашқы жасаған кәдесыйыңызды қалай атадыңыз? Шығу тарихына тоқталсаңыз...– Алғашқы жасалған кәдесый ол «Құда мың жылдық»деп аталды.Неге құда мың жылдық, өйкені, қазақ бауырмашыл, құдасын құдайдай сыйлағанхаықпыз. Сонау 1990 жылдары егемендігімізіді алып,бөлініп шыға бастаған кезеңде, суретшілерде өз ойларын ортаға сала бастады. Соның ішінде менде бармын. Малды сойып, жіліктеу, оны асып табақ тарту, осы табақтардың ішінде қай табақ кімге тартылады, нендей мән-мағынасы бар барлығы тұнып тұрған тәрбие. Мәселен, жанбас жілігі салынған табақ қадірлі қонағына тартылады. Осы жамбас жілікті сомдап, «Құда мың жылдық» деген кәдесый дүниеге келді. Кәдесыйдың философиялық маңызы зор десем болады.– Сүйекті қолданып та талай туындыны дүниеге әкелдіңіз. Бұл шығармаларыңызбен халыққа айтқыңыз келген ойыңыздың бары анық...– Сүйектен «Жамбас», «Жауырын», «Омпа», «Өткел», «Таразы», «Ақ жол», «Үш биші», «Қызыл елік» атты туындылар жасадым. Менің халыққа айтарым жас ұрпақ, ел болашағы жастарөз мәдениетін, салт-дәстүрін білуі тиіс.Босағаң берік болсын деген ниетпен ертеде аталарымыз кәрі жілікті босағаға іліп қоятын. Үйді бәле-жәледен қырық бір ұрыдан сақтайды деп, жауырын ілген. Жауырынға қарап жол ашқан,болмаса көріпкелдік жасаған бұның бәрінде философиялық маңызы терең ұғым бар. Қарапайым малды союдың өзінде реттілік бар. Қайда қарап сою керек, оның басын қайда қарату, не айту керек, оны жіліктеп асу міне осының бәрі салт-дәстүр. Мен өз шығармашылығым арқылы осылардың мәнін ұқтырғым келеді.– Аға, 2015 жылы Біріккен Араб Әмірліктерінің астанасы Абу-Даби қаласында Әмірліктің бұрынғы шейхы Зайд ұрпақтарының ұйымдастыруымен өткен Халықаралық көрмеге арнайы шақыртумен қатысып, онда қазақ қолөнерінің ерекшелігін насихаттап, сертификат иеленіп қайттыңыз. Алған әсеріңізбен бөліссеңіз...– 2015 жылы Біріккен Араб Әміршілігіне барып қазақ халқының мақтанышы «Құда мың жылдық», «Ақ жол»,«Босағаң берік болсын», тағы басқа жұмыстарды апарып, таныстырдым. Алған әсер өте көп. Оның бәрін сөзбен айып жеткіу оңай емес. Оны тек көру керек.– «Өнер сатылмайды, бағаланады» деп жатамыз. Ең жоғары бағаға бағаланған суретіңіз немесе кәдесыйыңыз...– Өнер ақшамен бағаланбауы керек. Өнердің бағасы оның құндылығында, философиялық маңыздылығында.– «Адам ұрпағымен мың жасайды» дейді дана қазақ. Ұл-қыздарыңыздың арасында әке жолын таңдағандары бар ма?– Әрине бар. Ол менің ұлым Дархан қазір Испания елінде оқиды.– Жерлестеріңіз, Қазалы халқына айтар лебізіңіз болса, мархаббат– Киелі қасиетті Қазалым гүлдене берсін.Бес батыр шыққан Қазалым жайнап, жаңарсын. Газет оқырмандары көп болсын. Осы тұста ұсынысмды айта кетсем деймін.Қазалы ауданының мәдениет бөлімі елден шыққан азаматтарды шақырып, кездесу ұйымдастырып, көрмелер жасаса, қуана қолдар едім.– Уақыт бөліп, сұхбат бергеніңізге, ізгі тілегіңізге рақмет. Шығармашылық табыс тілеймін.&nbsp;Ұлболсын ТАЛАПБАЕВА

Қазақстан және Қызылорда облысының жаңалықтары