<a href="https://kyzylorda-news.kz/">Kyzylorda-news.kz</a> Байқоңыр қаласындағы №122 сайлау учаскесінде сайлау күні отбасылық сипаттағы ерекше сәттер де орын алды. Бірқатар тұрғындар балаларын ертіп, сайлау учаскесіне бірге келіп, өз таңдауларын жасады.Балаларымен бірге келген ата-аналар үшін бұл күн тек дауыс берумен шектелмей, өскелең ұрпаққа азаматтық жауапкершіліктің мәнін көрсететін мүмкіндікке айналды. Кішкентай бүлдіршіндер ата-аналарымен бірге сайлау учаскесіне келіп, ел өміріндегі маңызды күннің куәсі болды.№122 сайлау учаскесіне барлығы 5 отбасы балаларымен бірге келген. Ата-аналардың айтуынша, баланың санасына азаматтық ұстаным мен елге деген жауапкершілікті күнделікті өмірдегі осындай қарапайым әрекеттер арқылы сіңіру маңызды.Сайлау учаскесіндегі бұл көрініс отбасы құндылығы мен азаматтық белсенділіктің өзара сабақтас екенін көрсетті.<img src="https://knadmin.beoblood.kz/uploads/Whats_App_Image_2026_08_23_at_10_20_59_1_f7a25d1de8.jpeg" alt="Байқоңырлық отбасы.jpeg">

Байқоңырлық отбасы балаларымен бірге сайлау учаскесіне келді

<a href="https://kyzylorda-news.kz/">Kyzylorda-news.kz</a> Сырдария ауданында күріш өсірумен айналысатын еңбек адамдары дауыс беру күні өз азаматтық таңдауын жасауға белсенді қатысты.Егіс алқабындағы жұмыстан уақыт тауып, бір мезетте сайлау учаскесіне келген күрішшілер дауыс беріп, ел болашағына қатысты өз таңдауын білдірді.Сырдария өңірінің негізгі тіршілігі мен берекелі кәсібінің бірі – күріш шаруашылығы. Диқан қауымының сайлау процесіне белсенді қатысуы еңбек адамдарының қоғамдық өмірге деген жауапкершілігін көрсетеді.Күрішшілердің бір мезетте дауыс беруі – ел еңсесін тіктеп, ауыл шаруашылығының дамуына үлес қосып жүрген еңбек адамдарының азаматтық белсенділігінің жарқын көрінісі.<img src="https://knadmin.beoblood.kz/uploads/Whats_App_Image_2026_08_23_at_10_15_05_8edbe09a03.jpeg" alt="Сайлау.jpeg">

Сырдариялық еңбек ұжымы өз таңдауларын жасады

<a href="https://kyzylorda-news.kz/">Kyzylorda-news.kz</a> Ұлттық өнерді дәріптеп, халықтың рухани мұрасын насихаттап жүрген Шиелі ауданындағы «Нартай сазы» фольклорлық ансамблінің өнерпаздары ел өміріндегі маңызды саяси науқанға белсенді қатысты.Сайлау күні өнер ұжымы концерттік бағдарламасын ұсынып, тұрғындарға көтеріңкі көңіл күй сыйлады. Ұлттық өнерді ұлықтаған ансамбль мүшелері кейін бірлесіп сайлау учаскесіне барып, өз таңдауларын жасады. Өнерпаздар ел болашағына қатысты маңызды шешім қабылдауда әр азаматтың белсенділігі маңызды екенін атап өтті.<blockquote>– Ұлттық өнерді дәріптеп жүрген өнер ұжымы ретінде елдегі маңызды саяси науқанға бей-жай қарамаймыз. Өнер халықтың рухани айнасы. Сондықтан елдің болашағына қатысты маңызды шешімдерде әр азамат өз таңдауын жасап, азаматтық белсенділік танытуы қажет деп санаймыз. Біз де осы жауапкершілікті сезініп, ел ертеңі үшін дауыс бердік. Мемлекетіміздің тұрақты дамуы мен келешек ұрпақтың жарқын болашағына бағытталған маңызды қадам деп білеміз, – деді ансамбль мүшелері.</blockquote>«Нартай сазы» өнерпаздары ұлттық өнер өкілдерінің ел өміріндегі маңызды мәселелерге белсенді араласатынын көрсетті.&nbsp;

«Нартай сазы» ансамблі өз таңдауын жасады

<a href="https://kyzylorda-news.kz/">Kyzylorda-news.kz</a> 23 тамыз - Құрылтай сайлауы күні Жаңақорған кентінің орталық алаңында ауыл шаруашылығы өнімдерінің жәрмеңкесі ұйымдастырылуда.Сауда сөрелеріне жеміс-жидек, көкөніс және басқа да ауыл шаруашылығы өнімдері қойылып, тұрғындарға нарықтағы бағадан шамамен 20 пайызға төмен бағада ұсынылуда.Жәрмеңкеге ауданның бірқатар елді мекендерінен шаруалар мен кәсіпкерлер қатысып, өз өнімдерін көпшілік назарына ұсынуда. Бұл тұрғындар үшін қажетті азық-түлікті қолжетімді бағамен сатып алуға мүмкіндік беріп отыр. Оған келген аудан тұрғыны мұндай шаралардың халық үшін тиімді екенін атап өтті.<blockquote>«Жәрмеңкеде өнімдердің бағасы қолжетімді екен. Әсіресе көкөніс пен жеміс-жидекті отбасыға қажетті мөлшерде алып жатырмыз. Бағаның нарықтағыдан төмен болғаны қуантады. Осындай жәрмеңкелердің жиі ұйымдастырылғаны тұрғындарға жақсы қолдау деп ойлаймын», – деді аудан тұрғыны.</blockquote><img src="https://knadmin.beoblood.kz/uploads/Whats_App_Image_2026_08_23_at_09_46_19_14736c8527.jpeg" alt="Жаңақорған жәрмеңке.jpeg">

Жаңақорғанда сайлау күні азық-түлік өнімдерінің жәрмеңкесі өтіп жатыр

<a href="https://kyzylorda-news.kz/">Kyzylorda-news.kz</a> Құрылтай сайлауы күні Руханият скверінде ұлттық рухты ұлықтаған айрықша салтанатты шеру өтті. Мәдениет орталығының өнерпаздары ұйымдастырған шараға 50-ге жуық адам қатысып, халқымыздың салт-дәстүрі мен ұлттық болмысын дәріптеді.Шеру сапында айбынды батырлар, ел ағалары ақсақалдар, абыз аналар және ұлттық киім киген мәдениет саласының қызметкерлері жүріп өтті.Батырлар қолдарына найза ұстап, жандарында қазақтың саятшылық дәстүрін айшықтайтын қыран құстары мен тазы иттерін ертіп, көшпелі мәдениеттің айбынды келбетін көрсетті.<img src="https://knadmin.beoblood.kz/uploads/Whats_App_Image_2026_08_23_at_09_46_17_f2f74704a4.jpeg" alt="Шеру.jpeg">

Құрылтай сайлауы күні ұлттық нақыштағы салтанатты шеру өтті

<a href="https://kyzylorda-news.kz/">Kyzylorda-news.kz</a> Жаңақорған ауданында Құрылтай сайлауына қатысу жоғары деңгейде өтуде. Аудан тұрғындары саяси науқанға белсенді қатысып, өз таңдауын жасап жатыр.Сайлауға қатысқан тұрғындардың арасында биыл 102 жасқа толған Тәжбен Исабекова әже де бар. Ғасырдан астам ғұмыр кешкен қазыналы қария өз шаңырағында дауыс беріп, ел болашағына бейжай қарамайтынын көрсетті. Ақ жаулықты әже сайлау рәсімінен кейін ақ батасын беріп, елдің амандығын, жұрттың бірлігін тіледі.<blockquote>– Еліміз аман, жұртымыз тыныш болсын. Ел тізгінін ұстайтын азаматтарымыз халықтың қамын ойлап, елге адал қызмет етсін. Ұрпағымыздың болашағы жарқын, ынтымағымыз берік болсын. Әр шаңыраққа бақ-береке, денсаулық пен қуаныш тілеймін. Ақ жолдан таймай, ел болып еңселі өмір сүрейік, – деді Тәжбен әже ақ батасын беріп.</blockquote>

Жаңақорғанда ғасыр жасаған әже дауыс берді

<a href="https://kyzylorda-news.kz/">Kyzylorda-news.kz</a> Сайлау күні Ақжар ауылында сайлау учаскесінің алдында тұрғындарға көтеріңкі көңіл-күй сыйлау мақсатында радиоконцерттер мен концерттік бағдарламалар ұйымдастырылды.Мәдени шараларға жергілікті шығармашылық ұжымдар, өнерпаздар мен мәдениет саласының өкілдері жыраулар қатысып, көпшілікке ән мен жырдан шашу шашты. Сайлау учаскелеріне дауыс беруге келген тұрғындар өнерпаздардың концерттік қойылымдарын тамашалады.Әсіресе жергілікті өнерпаздардың өнер көрсетуі тұрғындарға ерекше әсер сыйлады. Сайлау учаскелерінің маңындағы әуезді әуен мен концерттік бағдарламалар маңызды күннің атмосферасын одан әрі жандандыра түсті.

Сайлау күні өнер ұжымдары тұрғындарға көтеріңкі көңіл-күй сыйлады

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев «Құзыреттілік орталығындағы» №222 сайлау учаскесіне барып, Қазақстан Республикасы Құрылтай депутаттарының сайлауында дауыс берді. Тұрғындармен кездесіп, пікірлерін тыңдады.<blockquote>«Жыл басында Сыр бойында өткен Ұлттық құрылтайдың қорытынды бесінші отырысында Президентіміз еліміздің алдағы стратегиялық бағытын айқындап, конституциялық реформаларды ұсынған болатын.Жалпыхалықтық референдум арқылы қабылданған жаңа Конституциямыз аса ауқымды қоғамдық-саяси үдерістерге жол ашып, мемлекеттік басқару жүйесін жаңғыртуға мүмкіндік берді. Бүгін өтіп жатқан Құрылтай депутаттарының сайлауы – Әділетті әрі Қуатты Қазақстанның жаңа бағдарын айқындайтын тарихи оқиға. Жаңа Құрылтай Парламенттік жүйенің тарихи сабақтастығын сақтап, егемен еліміздің жарқын болашағына қызмет етеді. Сыр жұртшылығы еліміздің ертеңіне бейжай қарамай, бүгінгі сайлауға да белсенді қатысады деп сенемін», – деді Мұрат Нәлқожаұлы.</blockquote>Қызылорда облысында 500 591 дауыс беруші тізімге енгізілген, 386 учаскеде 2720 комиссия мүшесі қызмет атқарады. Қызылорда қаласында 132 учаске бар. Учаскелер таңғы сағат 6.00-де ашылды. Дауыс беру 7.00-ден басталып, 20.00-ге дейін жүргізіледі.<img src="https://knadmin.beoblood.kz/uploads/Whats_App_Image_2026_08_23_at_10_08_33_03eb0b7066.jpeg" alt="Облыс әкімі дауыс беру.jpeg">Азаматтардың учаскесін анықтауға арналған 4 онлайн сервис жұмыс істейді. Сондай-ақ, уақытша тіркеу қызметімен айналысатын 5 учаске бар.Қимыл-қозғалысы қиын мүгедектігі бар азаматтарды тасымалдау үшін 67 инватакси, 45 сурдоаудармашы ымдау тілі қызметін көрсетуде.Айта кетейік, азаматтардың дауыс беру учаскесін нақтылау мақсатында Call-орталық (109) және «Өзіңді сайлаушылар тізімінен тексер» сервисі (saylau.orda.gov.kz/ru) жұмыс істейді.Әр азамат жеке сәйкестендіру нөмірін теру арқылы қай сайлау учаскесінде тіркелгенін және сол учаскесінің қай мекенжайда орналасқанын картадан онлайн көре алады.Сонымен қатар, telegram-бот (saylaukzo_Bot) және «Smart Qyzylorda» мобильді қосымшасы арқылы тексеру мүмкіндігі қарастырылған.Сайлау учаскелерінде ұлттық ойындар, тақырыптық көрмелер ұйымдастырылып, өнерпаздар әннен шашу шашты.<img src="https://knadmin.beoblood.kz/uploads/Oblys_kimi_dauys_beru_2_4460b4f684.jpg" alt="Облыс әкімі дауыс беру 2.jpg">

Аймақ басшысы Құрылтай сайлауында дауыс берді

<a href="https://kyzylorda-news.kz/">Kyzylorda-news.kz</a> Республикалық Құрылтай сайлауында Қызылорда қаласындағы №200 сайлау учаскесінде сайлаушыларды арнайы робот қарсы алуда.&nbsp;Заманауи технология элементі ретінде енгізілген робот келушілерге Құрылтай сайлауы туралы қысқаша ақпарат беріп, дауыс беру тәртібі жөнінде мәлімет ұсынады.&nbsp;Робот көмекші балаларымен бірге дауыс беруге келген сайлаушыларға ерекше көңіл-күй сыйлауда. С.Толыбеков атындағы №3 мектепте орналасқан сайлау учаскесінде 1103 сайлаушы дауыс беруге құқылы.&nbsp;Айта кетейік, өңірде 386 учаске құрылып, 2720 комиссия мүшесі қызмет атқаруда. Аймақта 500 591 азамат дауыс беру құқылы.<img src="https://knadmin.beoblood.kz/uploads/66d59ae5_2faa_4c63_a8fc_ae0f154a050b_25272b80e9.webp" alt="66d59ae5-2faa-4c63-a8fc-ae0f154a050b.webp">

Сайлау учаскесінде сайлаушыларды арнайы робот-көмекші қарсы алды

<a href="https://kyzylorda-news.kz/">Kyzylorda-news.kz</a> Қызылорда қаласындағы Абай атындағы үш тілде оқытатын дарынды балаларға арналған мамандандырылған сыныптары бар мектепте орналасқан №353 сайлау учаскесінде ерекше сәт болды. Аталған сайлау учаскесіне аталған мектепті бірге тәмамдаған 18 жас түлек алғаш рет дауыс беруге келді.Бүгінде олардың барлығы еліміздің әр өңіріндегі жоғары оқу орындарында білім алып, студент атанған. Осы күні олар сайлаушы ретінде алғаш рет өз таңдауын жасап, азаматтық құқықтарын жүзеге асырды.Жас сайлаушылар бюллетень алып, заңнамада белгіленген тәртіппен дауыс берді. Олар үшін бұл күн азаматтық белсенділіктің алғашқы қадамы әрі елдің қоғамдық-саяси өміріне араласудың маңызды кезеңі болды.Жастардың айтуынша, алғашқы дауыс беру – жай ғана сайлау рәсімі емес, сонымен қатар өз таңдауына жауапкершілікпен қараудың және ел болашағына қатысты азаматтық ұстанымын білдірудің маңызды мүмкіндігі.Бұл бастама жас буынның сайлау процесіне белсенді қатысуының, азаматтық жауапкершілігі мен қоғамдық белсенділігінің артып келе жатқанын көрсетеді.

18 жасқа толған 18 түлек алғаш рет дауыс берді

<a href="https://kyzylorda-news.kz/">Kyzylorda-news.kz</a> Жалағаш ауданындағы №131 сайлау учаскесінде 95 жастағы қария Мыңбай Байтынов Құрылтай сайлауында өз таңдауын жасап, елдік іске белсенділік танытты.Ғасыр ғұмырға жуық ғұмыр кешіп, талай тарихи кезеңнің куәсі болған ақсақалдың маңызды саяси науқаннан шет қалмай, азаматтық ұстанымын білдіруі кейінгі ұрпаққа үлкен өнеге. Қарияның сайлау учаскесіне келіп, өз таңдауын жасауы ел тағдырына, туған жердің келешегіне бейжай қарамайтынын аңғартады.<blockquote>«Құрылтай сайлауы елдің болашағына қатысты маңызды мәселелерді талқылауға, халықтың үні мен ұсынысын жеткізуге мүмкіндік беретін маңызды қоғамдық алаң. Сондықтан оған қатысу азаматтың ел тағдырына деген жауапкершілігін танытатын маңызды қадам. Ел аман, жұрт тыныш болсын. Келешек ұрпақтың бағы ашылып, мемлекетіміздің іргесі берік болсын. Ел үшін жасалған әрбір игі бастама халықтың игілігіне қызмет етсін», – деп ақ батасын берген қария ел-жұртқа амандық пен береке тіледі.</blockquote>Қарияның таңдауы аға буынның ел ертеңіне деген сенімінің белгісі. Ал оның ақ батасы кейінгі ұрпаққа жол сілтейтін рухани аманат.<img src="https://knadmin.beoblood.kz/uploads/Whats_App_Image_2026_08_23_at_08_41_11_520d03a67b.jpeg" alt="95 жастағы қария құрылтай сайлауында өз таңдауын жасады.jpeg">

95 жастағы қария құрылтай сайлауында өз таңдауын жасады

<a href="https://kyzylorda-news.kz/">Kyzylorda-news.kz</a> Құрылтай депутаттары сайлауында 11 мыңнан астам отандасымыз шет елде дауыс береді. Қазіргі уақыттың олардың 228-і таңдау жасап үлгерді. Бұл туралы Сыртқы істер министрінің орынбасары Арман Исетов мәлім етті.<blockquote>— Қазақстан Республикасы Құрылтайы депутаттарын сайлауға шетелде жүрген азаматтарымыздың конституциялық құқығын жүзеге асыруын қамтамасыз ету мақсатында Қазақстанның шетелдегі мекемелерінің жанынан 61 мемлекетте 79 сайлау учаскесі құрылды. Тіркелген сайлаушылардың жалпы саны — 11 402 адам. Сағат 08:00–дегі жағдай бойынша шетелде 26 сайлау учаскесі ашылды. Алғашқы болып дауыс беруді Токио мен Сеул қалаларындағы отандастарымыз бастады. Жалпы осы уақытқа дейін сайлау учаскелеріне келіп, дауыс бергендер саны — 228 адам, — деді Арман Исетов.</blockquote>Сағат 07:00–дегі жағдай бойынша өңірлерде 10 363 сайлау учаскесі дауыс беруге кірісті. Құрылтай сайлауына қатысты барлық жаңалықпен мына сілтемеге өтіп оқи аласыздар. Елімізде тарихи Құрылтай сайлауында 145 депутаттық мандатқа «Әділет», ЖСДП, «Байтақ», ҚХП, «Ауыл» партиясы, «Ақ жол» және Respublica — барлығы 7 партиядан 545 кандидат тіркелген.Сурет: pixabay.com

Қазақстан және Қызылорда облысының жаңалықтары