<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен 1 мамыр – Қазақстан халқының бірлігі күніне орай «Менің Қазақстаным» атты мерекелік іс-шара өтті. Салтанатты жиынға облыстық мәслихат депутаты Жұмабек Ембергенов, аудандық мәслихат төрағасы Ержан Әжікенов, ардагерлер кеңесінің төрағасы Мұса Келдібаев, қоғамдық кеңес төрағасы Марат Еспенбетов және зиялы қауым өкілдері мен аудан тұрғындары қатысты.Мерекелік іс-шара барысында этно-мәдени орталықтар мен жас суретшілер көрмесі және мәдени-спорттық көрмелер ұйымдастырылып, қонақтар назарына ұсынылды.&nbsp;Аудан басшысы этно-мәдени бірлестік көрмесін тамашалап, көпшілікті айтулы мерекемен құттықтады. Салтанатты іс-шара театрландырылған қойылым мен аудан өнерпаздарының мерекелік концертімен жалғасты. Аудан әкімі Қазақстан халқының бірлігі күні мерекесінің маңызын ерекше атап өтті.<img src="https://knadmin.beoblood.kz/uploads/Syrdariya_birlik_k_ni_73e0173812.jpg" alt="Сырдария бірлік күні.jpg"><blockquote>– Баршаңызды бейбітшілік пен келісімнің, достық пен татулықтың үлгісіне айналған 1 мамыр – Қазақстан халқының бірлігі күні мерекесімен шын жүректен құттықтаймын! Бұл мереке – берекелі бірлік пен ырысты ынтымақты дәріптейтін, өзара құрмет пен сенімнің темірқазығы. Дана халқымыз «Дамудың сыры – бірлікте, табыстың сыры – тірлікте» деген. Ауызбіршілік пен сыйластық үстемдік құрған жерде ғана нәтижелі істердің болатыны сөзсіз. Мемлекет басшысы Қасым-Жомарт Кемелұлы Тоқаев «Қазақ жерін мекен еткен сан алуан этностың мәдениеті, діні мен дәстүрі өзара үндесіп, бірегей өркениетке айналды. Бүгінде еліміздің барша азаматтары біртұтас ұлт болып Әділетті Қазақстанды құрып жатыр. Ырысты ынтымақтың арқасында халқымыздың қуаты арта түседі» деп ерекше атап көрсетті. Сырдария ауданында еліміздегі 130-дан астам ұлт пен ұлыстың 16 этнос өкілдері мекен етеді. Аудандық Ассамблеяның құрамы – этно-мәдени бағыттағы бірлестік өкілдерінен, қоғамда өзіндік орны азаматтардан тұрады. Ассамблея қазіргі таңда, &nbsp;«Аналар кеңесі», «Қоғамдық келісім кеңесі» және «медиация» &nbsp;бойынша жұмыстар атқаруда. Достық пен татулық, ынтымақ пен бірлік мерекесінде Сіздерге зор денсаулық, еңбектеріңізге табыс, шаңырақтарыңызға бақ-береке тілеймін! Тәуелсіздігіміз тұғырлы, бірлігіміз бекем болсын! Бейбіт өмірдің берекесі, халқымыздың ырыс-несібесі арта берсін, - деді Берік Әбдіғаппарұлы.</blockquote><img src="https://knadmin.beoblood.kz/uploads/Syrdariya_birlik_k_ni_2_13a9b17352.jpg" alt="Сырдария бірлік күні 2.jpg">Мерекелік концерт барысында өнерпаздар әннен шашу шашып, халықтардың ұлттық билерін орындады. Сондай-ақ, түрлі этнос өкілдері өз өнерлерін ортаға салып, халқымыздың бірлігін, достығын және мәдени ынтымақтастығын паш етті. Ұлттар арасындағы достық пен өзара құрметті нығайтуға үлес қосып жүрген азаматтар аудан әкімінің Алғыс хатымен марапатталып, сый-құрмет көрсетілді.<img src="https://knadmin.beoblood.kz/uploads/Syrdariya_birlik_k_ni_3_51815e7d4d.jpg" alt="Сырдария бірлік күні 3.jpg">Фото: Сырдария ауданы әкімінің баспасөз қызметі

Бірлік мерекесін тойлады

<a href="https://kyzylorda-news.kz/">Kyzylorda-news.kz</a> Қазақстан халықтарының бірлігі күні мерекесін айдынды Арал жұртшылығы өзіндік сән-салтанатымен атап өтті.Мемлекеттегі бейбітшілік пен тұрақтылықтың символына айналған мереке 1996 жылдан бері аталып келеді. 130-дан астам ұлт пен ұлысты ұйыстырып отырған мемлекет үшін бұл күннің орны ерекше. Еңселі ел, іргелі мемлекетке айналу жолында бірлік, келісім және өзара қолдау қағидаттарын дамыту жолындағы Қазақстан халқы Ассамблеясының да қосқан үлесі айрықша.<img src="https://knadmin.beoblood.kz/uploads/Aral_birlik_k_ni_6a756f05c1.jpg" alt="Арал бірлік күні.jpg">Осы орайда Арал жұртшылығы бейбітсүйгіш елдің бірлігін айғақтайтын ұлы мейрамды кең көлемде тойлады. Қалың елді береке-бірлікке бастайтын бұл күні қаламыздың орталық алаңында «Қазақстан – бірлік пен татулықтың мекені» атты мерекелік концерт өтті.Ереше көңіл-күймен бастау алған мерекеде аудан әкімі Аманжол Оңғарбаев сөз алып, алаңға жиналған қауымды бірлік мерекесімен құттықтап, ақжарма лебізін білдірді.<img src="https://knadmin.beoblood.kz/uploads/Aral_birlik_k_ni_5_763bc94e6c.jpg" alt="Арал бірлік күні 5.jpg"><blockquote>– Қадірлі жерлестер, ардақты ағайын! Баршаңызды татулық пен тұтастықтың мерекесі – 1 мамыр – Қазақстан халықтарының бірлігі мерекесімен құттықтаймын! Біздің баға жетпес байлығымыз – бабалардан өсиет болып қалған, халқымызға қасиет болып қонған береке-бірлігіміз. Біз достықты дәріптеп, өзара түсіністік пен сыйластықты биік қойған халықпыз. Осы құндылықтар біздің елдігіміздің тұғыры, мемлекетіміздің ең басты байлығы. Біз «Бірлік түбі – береке» деген елміз. Сондықтан, халқымыздың тұтастығы мен ырыс-ынтымағының символы болған бұл мерекенің Тәуелсіздік тарихында да алар орны ерекше. Еліміздегі татулық пен тұрақтылықтың нәтижесінде мемлекетіміз өркендеп, қарқынды дамып келеді. Бұл елдегі татулық пен ұлттар тұтастығының, қоғамдағы ынтымақ пен тыныштықтың арқасы. Осы құндылықтардың арқасында Қазақстан іргелі әлеуметтік-экономикалық табыстар мен саяси тұрақтылыққа қол жеткізді. Айтулы мерекемен шын жүректен құттықтай отырып, баршаңызға зор денсаулық, әр шаңыраққа құт-береке, бақыт тілеймін! Елдігіміз еңселі, мемлекеттігіміз мәңгі, келешегіміз кемел болсын, – деді аудан әкімі Аманжол Сақыпұлы.</blockquote>Биыл Қазақстан Халқы Ассамблеясына да 30 жыл толып отыр. Ассамблея – ел бірлігін, тұтастық пен тұрақтылықты орнықтыра түсетін тиімді құрылымға айналды. Бұл – конституциялық мәртебесі бар маңызды қоғамдық орган. Тағдыр жазуымен қазақ топырағына қоныстанған түрлі этнос өкілдерінің қазақ қоғамымен біте қайнауына зор мүмкіндіктер жасалды.Елдің бірлігі мен татулығын жырына қосқан өнерпаздар әуезді ән шырқап, тұрақтықылық пен татулық символы ретінде түрлі-түсті шарларды көкке қалықтатты. Мерекелік шараның сәні болған бүлдіршіндер өз өнерімен жиналған жұртты тәнті қылды.Кең көлемде өткізілген мәдени-көпшілік шараға қала тұрғындары мен қонақтары қатысып, бірлік мерекесін шаттыққа толы мерекелік көңіл-күйде атап өтті.<img src="https://knadmin.beoblood.kz/uploads/Aral_birlik_k_ni_2_6d04b6ac53.jpg" alt="Арал бірлік күні 2.jpg"><img src="https://knadmin.beoblood.kz/uploads/3_b0ecfa08f8.jpg" alt="3.jpg">Фото: Арал ауданы әкімінің баспасөз қызметі

Аралдықтар ынтымақ күнінде ерекше шаттыққа бөленді

<a href="https://kyzylorda-news.kz/">Kyzylorda-news.kz</a> Әбділдә Тәжібаев атындағы облыстық әмбебап ғылыми кітапханада Сыр өңірінің рухани өмірі үшін ерекше қуанышты әрі тарихи сәт орын алды.Ұлтымыздың руханиятына өлшеусіз үлес қосып жүрген жергілікті қаламгерлер - Серікбай Қошқаров, Еркін Әбілов, Бейбітбек Бүркітбаев, Жұмабай Жақып, Ерғали Абдуллаев, Сәкен Алдашбаев, Тұрақ Ахетов және Сандыбай Піржан - Қазақстан Жазушылар одағының мүшелігіне қабылданып, мәртебелі мәреге жетті. Бұл - олардың саналы ғұмырын әдебиетке арнап, туған жердің тұғырын сөзбен биіктеткен қажырлы еңбектерінің лайықты бағаланған сәті.Салтанатты іс-шарада Қазақстан Жазушылар Одағы облыстық филиалының жетекшісі Қаршыға Есімсейітова құттықтау сөз сөйлеп, жаңа мүшелерге одақтың куәліктерін салтанатты түрде табыс етті. Ол қалам иелерінің әдебиет әлеміндегі ізденістері мен қолтаңбаларына тоқталып, Сыр өңірінен шыққан шығармашыл тұлғалардың ел руханиятындағы орны айрықша екенін атап өтті. Бұл - жас буын үшін де үлкен өнеге, шабыт көзі.Айта кету керек, жуырда ғана сырбойылық ақын, Қазақстан Жазушылар одағының мүшесі Елубай Әуезов қазақ әдебиетіне қосқан елеулі еңбегі үшін Халықаралық «Алаш» әдеби сыйлығымен марапатталды. Бұл марапат - тек жеке тұлғаның ғана емес, тұтас Сыр елінің сөз өнеріндегі абыройын асқақтататын айтулы жетістік.Осындай рухани жеңістер - өңіріміздің мәдени әлеуетін арттырып, ұлттық әдебиеттің дамуына тың серпін беретіні сөзсіз.<img src="https://knadmin.beoblood.kz/uploads/Kitaphana_is_shara_01_05_25_ff8714e42d.jpg" alt="Кітапхана іс-шара 01.05.25.jpg">

Қаламгерлер мерейі

<a href="https://kyzylorda-news.kz/">Kyzylorda-news.kz</a> 1 мамыр – Қазақстан халқының бірлігі күніне орай Сыр өңірінде «Бірлік марафоны» ұйымдастырылды. Татулық пен ынтымақты ту еткен жалпыхалықтық марафонға Қызылорда облысынан бөлек Ақмола, Абай облыстарының тұрғындары қатысып, барлығы 1000-ға жуық адам жарыс алаңына шықты.Облыстық дене шынықтыру, спорт және туризм басқармасының бастамасымен өткен шараның негізгі мақсаты – ел бірлігін нығайту, салауатты өмір салтын насихаттау және түрлі ұлт өкілдері арасындағы достық пен ынтымақтастықты арттыру.Марафон шаһардың сол жағалауында ұйымдастырылып, қатысушылар 5 шақырымдық қашықтықты бағындырды.Жарыс нәтижесі бойынша жеңімпаздар дипломдармен және медальдармен марапатталды.<img src="https://knadmin.beoblood.kz/uploads/Birlik_marafony_2_3ee36f457a.jpg" alt="Бірлік марафоны 2.jpg"><img src="https://knadmin.beoblood.kz/uploads/Birlik_marafony_3_e827306421.jpg" alt="Бірлік марафоны 3.jpg">&nbsp;

Сыр жұрты "Бірлік марафоны" бақ сынады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қазатомөнеркәсіп» Ұлттық атом компаниясы» акционерлік қоғамының басқарма төрағасы Мейіржан Юсуповпен кездесті. Басқосуда ұлттық компанияның демеушілігімен &nbsp;3 млрд 800 млн теңгеге салынатын жаңа «Достық үйінің» &nbsp;құрылысы талқыланды.“Биыл - этносаралық түсіністіктің үлгісін әлемге танытқан Қазақстан халқы Ассамблеясының 30 жылдығы. Осы мерейлі жылда жаңадан салынатын «Достық үйі» – өңір халқының бірлігі мен ынтымағын нығайтуға атсалысқан этномәдени бірлестіктерге арналған, барлық қажеттіліктермен қамтамасыз етілген заманауи ғимарат болады. Бүгін өзіңіздің қатысуыңызбен оның іргетасын қалау рәсімі өтеді. Сізге және компания ұжымына Сыр жұртшылығының атынан шынайы алғысымызды білдіреміз”,– деді &nbsp;Нұрлыбек Машбекұлы.Кездесуде Мейіржан Юсупов екіжақты әріптестіктің алдағы уақытта да нығая түсетініне сенім білдіріп, жоспарларын бөлісті. Айта кетейік, «Қазатомөнеркәсіп» компаниясының қажетті жабдықтарды сатып алу жүйесіне жыл сайын шамамен 3 мыңға жуық кәсіпкер қатысады. Соның ішінде қызылордалықтар &nbsp;үлесі – 7%, яғни шамамен 200 кәсіпкер. Облыста 65 мыңға жуық кәсіпкер жұмыс істейді, оның &nbsp;4500-ге жуығының жұмысы өндіріске бағытталғанФото: Қызылорда облысы әкімінің баспасөз қызметі

Құрылыс жұмыстарын талқылады

<a href="https://kyzylorda-news.kz/">Kyzylorda-news.kz</a> Бүгін Қазақстан халқының бірлігі күнінде облыс әкімі Нұрлыбек Нәлібаевтың қатысуымен &nbsp;Қызылорда қаласында «Қазатомөнеркәсіп» ұлттық атом компаниясы» акционерлік қоғамының қолдауымен бой көтеретін «Достық үйінің» жаңа ғимаратының іргетасын қалау рәсімі өтті. Салтанатты шараға Парламент Сенаты мен Мәжілісінің депутаттары Руслан Рүстемов, Мұрат Ергешбаев, мемлекет және қоғам қайраткері Мұрат Бақтиярұлы, «Қазатомөнеркәсіп» ұлттық атом компаниясы» акционерлік қоғамының басқарма төрағасы Мейіржан Юсупов, зиялы қауым өкілдері мен сала басшылары қатысты.<img src="https://knadmin.beoblood.kz/uploads/V_Kyzylorde_zalozhili_fundament_novogo_Doma_druzhby_1_033961fe7e.jpg" alt="В Кызылорде заложили фундамент нового Дома дружбы 1.jpg">Облыс әкімі жиналған жұртшылықты Қазақстан халқының бірлігі күнімен, Қазақстан халқы Ассамблеясының 30 жылдығымен &nbsp;құттықтап, өңірдегі жобалар мен жаңа орталықта атқарылатын жұмыстарға тоқталды.<blockquote>«Береке-бірлігіміздің ұйытқысына айналып, еліміздегі этносаралық достық пен бірліктің үлгісін әлемге танытқан Қазақстан халқы Ассамблеясының құрылғанына биыл 30 жыл толды. Аталған құрылым бүгінде халқымызды бірлікке, достыққа үндейтін жалпыұлттық келісімнің негізіне айналды.Мемлекет басшымыз Қасым-Жомарт Кемелұлы Қазақстан халқы Ассамблеясының ХХХIV сессиясында: «Былтыр еліміздің рухани және тарихи-мәдени ордасы – Түркістанда жаңа "Достық үйі" ашылды. "Достық үйлері" тағы бірнеше қала мен аудан орталығында ашылады деп жоспарлануда. Мен бұл бастаманы қолдаймын. Біз қоғамдық келісім инфрақұрылымын біртіндеп кеңейте беруіміз керек», - деген болатын.</blockquote><blockquote>Жаңа «Достық үйі» – аймағымыздың бірлігі мен ынтымағын нығайтуға атсалысқан этномәдени бірлестіктер мен ассамблея белсенділері үшін барлық қажеттіліктермен қамтамасыз етілген замануи ғимарат болады», - деді Н.Нәлібаев.</blockquote>Жаңа нысанның іргетасын қалау рәсімінде Мейіржан Юсупов “Достық үйі” ел игілігіне, жақсылыққа қызмет етсін деген тілегін білдірді.Сондай-ақ, Руслан Рүстемов, Мұрат Ергешбаев, Мұрат Бақтиярұлы сөз сөйлеп, рәсімге қатысушыларды мерекемен құттықтады.«Достық үйінің» жаңа ғимараты «Қазатомөнеркәсіп» ұлттық атом компаниясы» акционерлік қоғамының қолдауымен 3 млрд. 800 млн. теңгеге салынады.

Бірлік мерекесінде "Достық үйі" жаңа ғимаратының іргетасы қаланды

<a href="https://kyzylorda-news.kz/">Kyzylorda-news.kz</a> Бүгін «Достық үйі» алаңында 1 мамыр – Қазақстан халқының бірлігі күніне орай «Сыр елі – татулық пен келісімнің мекені» атты мерекелік шара өтті. Алаңда &nbsp;қолөнер бұйымдарының, жас суретшілер туындыларының көрмесі ашылды. "Құстар фестивалі" де мерекенің сәнін келтіріп, жұртшылыққа ерекше көңіл-күй сыйлады.<img src="https://knadmin.beoblood.kz/uploads/Den_edinstva_naroda_Kazahstana_obl_akimat_1_ec9be4f10d.jpg" alt="День единства народа Казахстана обл акимат 1.jpg">Облыс әкімі Нұрлыбек Нәлібаев аймақ тұрғындарын бейбітшіліктің, келісімнің мерейлі мейрамымен құттықтады.<blockquote>"Бір мүдде, бір мақсат жолында ұйысып, ынтымағы жарасқан елдің бірлігін сақтау - баршамыздың азаматтық парызымыз. Президентіміз Қасым-Жомарт Кемелұлы «Егемендігіміздің мәңгілік үштағаны – байтақ жерімізді, қастерлі тілімізді және береке-бірлігімізді көздің қарашығындай сақтауымыз керек» - деген болатын. Еліміздегі этносаралық достық пен бірліктің үлгісін әлемге танытқан, жалпыұлттық тұрақтылық пен қоғамдық келісімнің қайнар бұлағы болған Қазақстан халқы Ассамблеясының 30 жылдық мерейлі мерекесімен баршаңызды құттықтаймын!"- деді аймақ басшысы.</blockquote>Нұрлыбек Машбекұлы жақында ғана Мемлекет басшысының төрағалығымен өткен Қазақстан халқы Ассамблеясының сессиясында талқыланған &nbsp;мәселелерге, болашаққа бағытталған тың бастамаларға тоқталды.&nbsp;<img src="https://knadmin.beoblood.kz/uploads/Den_edinstva_naroda_Kazahstana_obl_akimat_2_85b4491dec.jpg" alt="День единства народа Казахстана обл акимат 2.jpg"> Президентіміздің, Үкіметтің ерекше қолдауымен, жерлестеріміздің берекелі бірлігінің арқасында Сыр өңірінде жүзеге асқан жаңашылдықтарды атап өтті.Өңіріміздегі 30-дан астам этнос өкілдерінің экономика, мәдениет, спорт, білім, ғылым салаларының дамуына, еліміздің өркендеуіне қосқан үлесін жоғары бағалады."Барлық ауданда ішінде неке қию залы, кітапхана, музей, архив, жастар, ардагерлер мен аналар үйі бар, құны 11 млрд 500 млн теңге болатын «Руханият орталықтары" салынып, елдің ынтымағын нығайтуға бағытталған маңызды жобалар қолға алынды. Орталықтардағы «Қоғамдық келісім» кабинеттері &nbsp;этнос өкілдерінің мәдени-рухани бірегейлігін сақтауға мүмкіндік береді.Мемлекет басшысы Қазақстан халқы Ассамблеясының XXXIV сессиясында сөйлеген сөзінде: «Былтыр еліміздің рухани және тарихи-мәдени ордасы – Түркістанда жаңа 'Достық үйі" ашылды. "Достық үйлері" тағы бірнеше қала мен аудан орталығында ашылады деп жоспарлануда. Мен бұл бастаманы қолдаймын. Біз қоғамдық келісім инфрақұрылымын біртіндеп кеңейте беруіміз керек» - деген болатын.Биылғы Ассамблеяның 30 жылдығы аясында баршамыз үшін қуанышты жаңалық - Қызылорда қаласында "Қазатомөнеркәсіп" ұлттық компаниясының демеушілігімен, құны 3 млрд. 800 млн. теңгені құрайтын жаңа «Достық үйі» салынады. Осы шарадан кейін өздеріңізбен бірге барып, жаңа ғимараттың іргетасын қалаймыз, -деді аймақ басшысы.Мерекеде этномәдени бірлестіктер мүшелері Қазақстан халқы Ассамблеясының 30 жылдығына арналған медальмен марапатталды.Концертте Сыр еліндегі барлық этнос өкілдері өнер көрсетті, көпшілікке ән-жырдан шашу шашты. Әсіресе, патриоттық әндер бірлік пен татулық ұғымын ұлықтап, мән-мағынасын айшықтай түсті.

Қызылордада Қазақстан халқының бірлігі күні аталып өтті

<a href="https://kyzylorda-news.kz/">Kyzylorda-news.kz</a> Жаңақорған ауданында экологиялық мәдениетті қалыптастыру мен қоршаған ортаны қорғау мақсатында кезекті "AMANAT" партиясының Жаңақорған аудандық филиалының &nbsp;ұйымдастыруымен &nbsp;"Таза бейсенбі" акциясы өтті.Бұл жолғы акция &nbsp;Қазақстан халқының бірлігі күніне орай "Бірлік ағашы" атауымен ұйымдастырылып, онда &nbsp;аудан тұрғындары мен партия мүшелері Шалхия трассасының бойында тазалық жұмыстарын жүргізді. Қатысушылар жол бойындағы қоқыстарды жинап, айналаны ретке келтіруге, көше бойын &nbsp;көгалдандыру жұмыстарына атсалысты. Акцияға «Жастар Рухы» ЖҚ мен еріктілер де белсене қатысты.Іс-шара аясында қатысушылар экологиялық сана мен жауапкершілікке үндейтін үгіт-насихат жұмыстарын жүргізіп, қоршаған ортаға жанашырлық таныту — әрбір азаматтың парызы екенін атап өтті.<blockquote>"Ата-бабадан аманат қалған жерімізді таза ұстау – баршамыздың міндетіміз. Бұл акция жастардың белсенділігін арттырып, қоғамдық жауапкершілікті нығайтады", – деді аудандық партия филиалының төрағасы Арман Мажитов.</blockquote>Айта кетейік, "Таза бейсенбі" – Мемлекет басшысы Қасым-Жомарт Тоқаевтың бастамасымен жүзеге асырылып жатқан "Таза Қазақстан" ұлттық жобасы аясындағы тұрақты экологиялық шаралардың бірі. Алдағы уақытта да мұндай акциялар Жаңақорған өңірінде жүйелі түрде жалғасатын болады.

Жаңақорған тұрғындары "Таза бейсенбі" акциясына үлес қосты

<a href="https://kyzylorda-news.kz/">Kyzylorda-news.kz</a> Қазақтың ұлттық тағамдары әлемнің үздік асханалары қатарына енді, деп хабарлайды <a href="https://baq.kz/qazaq-tagamdary-alemnin-uzdik-100-ashanasynyn-qataryna-endi-200012701/">BAQ.KZ</a> тілшісі.&nbsp;TasteAtlas халықаралық гастрономиялық платформасы жариялаған “100 Best Cuisines in the World” рейтингінде Қазақстан 94-орынға ие болды. Осылайша, қазақ тағамдары әлемнің үздік 100 ұлттық асханасы қатарына енді.Жаңа рейтинг бойынша еліміздің ұлттық асханасы 94-ші орынға тұрақтап, 3.9 орташа балл ұпаймен бағаланған. Өткен жылы Қазақстан бұл тізімде 90-орында болған. Биылғы сәл төмендеуіне қарамастан, ұлттық тағамдарымыздың әлемдік танымалдығы артып келе жатқаны байқалады.TasteAtlas сарапшылары ұлттық асханаларды бағалауда тағамдардың сан түрлілігіне, жергілікті өнімдердің сапасына және ұлттық ерекшеліктерге басымдық берген.Қазақ асханасындағы ең үздік тағамдар қатарында шұжық, бауырсақ, кеспе, лағман, ет (бесбармақ), қазы-қарта, шелпек, тоқаш, жал-жая, майпалау бар.Сонымен қатар, ең жоғары баға алған өнімдер қатарында құрт пен сары май тұр.TasteAtlas Қазақстан бойынша Алматы, Шымкент, Ақтау қалаларында ұлттық тағамдарды ұсынатын үздік мекемелерді де атап көрсеткен.Қазақтың бай дастарханы тек тағам емес, тұтас ұлттың тарихы мен мәдениетін бейнелейтін құндылық. TasteAtlas рейтингінде орын алу — бұл әлемдік қауымдастықтың қазақ асханасын мойындауының көрінісі.Фото: Нұрболат Нұржаубай

Қазақ тағамдары әлемнің үздік 100 асханасының қатарына енді

<a href="https://kyzylorda-news.kz/">Kyzylorda-news.kz</a> Қызылорда облыстық ҚХА жанындағы ақпараттық түсіндіру тобының ұйымдастыруымен 1 мамыр – Қазақстан халқының бірлігі күніне орай Қызылорда ашық университетінде кездесу өтті.“Бірлігіміз – әралуандықта” тақырыбындағы кездесуде “Мүсірәлі ата” мешітінің имамы Қайырбек Отызбаев, ҚХА жанындағы ақпараттық түсіндіру тобының мүшесі, “Қоғамдық келісім” КММ бөлім басшысы Ерсұлтан Есов сөз сөйлеп, еліміздегі бірлік пен ұлттық құндылық, Қазақстан халқы Ассамблеясының 30 жылдығы туралы, оның қалыптасу тарихына тоқталды.Сондай-ақ, бес түрлі кеселден сақтану, ысырапшылдықтың алдын алу және рухани байлықты дәріптеу тақырыптарында терең әрі тағылымды әңгімелер өрбіді.<img src="https://knadmin.beoblood.kz/uploads/Ashy_universiteti_3c09e7c920.jpg" alt="Ашық университеті.jpg">

Қызылорда Ашық университетінде рухани кездесу өтті

<a href="https://kyzylorda-news.kz/">Kyzylorda-news.kz</a> Оқырмандардың сұрақтарына Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Мен МӘМС жарнасын төлеймін, сақтандырылғанмын, бірақ қандай медициналық қызметтерді ала алатынымды білмеймін. МӘМС аясында көрсетілетін медициналық көмек тізіміне (Қазақстан Республикасы Үкіметінің 2019 жылғы 20 маусымдағы № 421 қаулысына сәйкес, «Міндетті әлеуметтік медициналық сақтандыру жүйесіндегі медициналық көмекті бекіту туралы») келесі қызметтер кіреді:&nbsp;<ul><li style="text-align:justify;">- Амбулаториялық деңгейдегі арнайы көмек: профилактикалық тексерулер, бейінді мамандардың кеңесі, созылмалы аурулары бар адамдарды динамикалық бақылау, белгілі бір санаттағы азаматтарға стоматологиялық көмек, диагностика және процедуралар;</li><li style="text-align:justify;">- Үйдегі стационар қызметтерін қоса алғанда стационарды алмастыратын жағдайдағы арнайы және жоғары технологиялық көмек, сондай-ақ жоспарлы және шұғыл стационарлық көмек (тәулік бойғы стационарда емдеу, күрделі хирургиялық оталар, күндізгі стационарда ем қабылдау).</li><li style="text-align:justify;">- Медициналық оңалту (аурудан, жарақаттан, операциядан кейінгі оңалту);</li><li style="text-align:justify;">- Емхана деңгейінде және стационарда көрсетілетін медициналық көмек аясында дәрі-дәрмекпен қамтамасыз ету (диспансерлік есепте тұрған пациенттер үшін).</li></ul>Дәрігер емханада екпе тағайындап, емшара кабинетіне жіберді. Дәрілерді өзім сатып алдым. Бұл заңды ма?МСАК ұйымына тіркелген пациенттер белгілі бір препараттармен тегін қамтамасыз етілуге құқылы. Бұл дәрілер емхана арқылы берілетін дәрілік заттар мен медициналық бұйымдар тізбесіне енгізілген (Қазақстан Республикасы Денсаулық сақтау министрінің 2021 жылғы 5 тамыздағы № ҚР ДСМ-75 бұйрығы). Егер тағайындалған дәрілер мен пациенттің диагнозы осы тізбеге кіретін болса, емхана оларды өзі ұсынуға міндетті.Егер тағайындалған дәрілер тегін тізімге кірмесе, онда пациент оларды өз қаражатына сатып алады.Менен жарналарды төлеуді талап етуде, бірақ мен жеңілдік санатына кіремін. Айтуларынша, мен МӘМС жүйесінде сақтандырылмағанмын.Егер пациент жеңілдік санатына кіретін болса, оның жарналарын мемлекет төлейді, сондықтан ол өзі ешқандай төлем жасамауы тиіс.Егер пациенттің мәртебесі болмаса, оның себебін анықтау қажет. Мысалы, күндізгі бөлімде оқитын студент туралы мәліметтер Ұлттық білім беру дерекқорына енгізілмеген болуы мүмкін, сондықтан ол сақтандыру мәртебесін жоғалтқан.Немесе азамат мерзімді әскери қызметтен өткен, бірақ бұл деректер Әлеуметтік медициналық сақтандыру қорына берілмеген болуы мүмкін.Жағдайды нақтылау және мәртебені жаңарту үшін Әлеуметтік медициналық сақтандыру қорына жүгіну қажет.

МӘМС жүйесіне қандай медициналық қызметтер кіреді?

<a href="https://kyzylorda-news.kz/">Kyzylorda-news.kz</a> Жалағаш ауданындағы «Руханият орталығында» Қазақстан халқының бірлігі күні мен Қазақстан халқы Ассамблеясының 30 жылдығына орай салтанатты қабылдау өтті.Жалағаш ауданы әкімінің орынбасары Ғ.Сүлейменов бірлік пен бейбітшілікті сақтауда Қазақстан халқы Ассамблеясының алатын орны ерекше екенін атап өтіп, ауданның қоғамдық және мәдени өміріне белсене атсалысып жүрген бірқатар азаматтарға аудан әкімінің құттықтауын табыстады.<img src="https://knadmin.beoblood.kz/uploads/Assambleya_abyldau_2_39f0046d8c.jpg" alt="Ассамблея қабылдау 2.jpg">Сондай-ақ, этносаралық татулықты сақтаудағы "Руханият" орталығынан ашылған «Қоғамдық келісім» кабинетінің қызметі, облыс орталығында салынып жатқан «Достық үйінің» маңыздылығы, өңірдегі барлық этнос өкілдерінің ел игілігі жолындағы еңбегі атап өтілді.Мерекелік қабылдауда қоғам белсенділері мен ардагерлер сөз сөйлеп, бірлік пен достықты, ұрпаққа үлгі боларлық ортақ құндылықтарды дәріптеп, мазмұнды ойларын ортаға салды.<img src="https://knadmin.beoblood.kz/uploads/Assambleya_abyldau_3_f35dfff00a.jpg" alt="Ассамблея қабылдау 3.jpg">

Қазақстан және Қызылорда облысының жаңалықтары