<a href="https://kyzylorda-news.kz/">Kyzylorda-news.kz</a> Қызылордада жыр мен әділет үндестігі: республикалық жыршы-термешілер байқауы өз мәресіне жетті.Қызылорда қаласында ҚР БП Құқықтық статистика және арнайы есепке алу жөніндегі комитетінің Қызылорда облысы бойынша департаментінің бастамасымен «Заң мен тәртіп» қағидасы аясында «Әділетті заң – әділетті қоғам» тақырыбындағы жыршы-термешілердің республикалық байқауы жоғары деңгейде өтті.&nbsp;Ауқымды мәдени іс-шараны Қызылорда облысының әкімдігі және «AMANAT» партиясы Қызылорда облыстық филиалымен бірлесіп ұйымдастырылды.&nbsp;Аталған республикалық байқауды айтыскер ақын, үш мәрте «Алтын домбыра» және «Құрмет» орденінің иегері Ниязов Мұхтар Мәуленұлы жүргізді.Байқаудың басты мақсаты – ұлттық өнерді ұлықтау, дәстүрлі жыр-терме мәдениетін дамыту және қоғамда әділеттілік, заң мен тәртіп құндылықтарын кеңінен насихаттау. Өнер додасына Астана, Шымкент қалалары мен Павлодар облысы, Қарағанды облысы, Ақтөбе облысы және Қызылорда облысынан келген 10 өнерпаз қатысып, екі кезең бойынша бақ сынады.&nbsp;Бірінші кезеңде қатысушылар «Заң мен тәртіп» қағидасына негізделген жаңа туындыларын ұсынса, екінші кезеңде өз репертуарындағы үздік шығармаларын орындады. Қазылар алқасы орындаушылық шеберлік, мақам-сазды меңгеру, дәстүрлі мектеп ерекшеліктерін сақтау және шығарманың мазмұнын аша білу деңгейі бойынша бағалап, үздіктерді анықтады.&nbsp;Байқау қорытындысы бойынша бас жүлде Ерлан Рысқалиға бұйырды. Бірінші орынды Қарағандылық Дидар Қамиев иеленсе, екінші орын Марат Сүгірбайға табысталды. Ал үшінші орынды Ғабит Шырынбек (Шымкент қаласы) пен Бөкен Жігер (Павлодар облысы) бөлісті. Қалған қатысушылардың барлығы қаржылай сыйлықтармен марапатталды.&nbsp;Іс-шараның ашылуында облыс әкімінің бірінші орынбасары Жаналинов Данияр Еренғалиұлы сөз сөйлеп, қатысушыларға сәттілік тілесе, марапаттау рәсімінде сөз алған ҚР БП Құқықтық статистика және арнайы есепке алу жөніндегі комитетінің Қызылорда облысы бойынша департаментінің бастығы Абилдаев Асхат Дулатұлы, Қазақстан Жазушылар және Журналистер одағының мүшесі, қазылар алқсаның төрағасы Әбдікәрімов Шакизада Өтетілеуұлы және «AMANAT» партиясы Қызылорда облыстық филиалының төрағасы Базартай Жандос Нұртайұлы қатысушыларды құттықтап, байқаудың маңыздылығына тоқталды. &nbsp;«Бұл байқау — жыр-терме дәстүрін дәріптеумен қатар, заң мен тәртіп қағидаларын кеңінен насихаттаған маңызды рухани алаң болды.&nbsp;Жалпы додада орындалған әрбір жыр – өткен мен бүгінді жалғаған алтын көпір, ұлт рухының үнін жеткізген асыл мұра болды. Сыр елінде өткен бұл рухани кеш жыр мен әділетті қатар өріп, көрермен жүрегіне терең әсер қалдырды.

Қызылордада республикалық жыршы-термешілер байқауы өз мәресіне жетті

<a href="https://kyzylorda-news.kz/">Kyzylorda-news.kz</a> &nbsp;Қазір ақпарат алу жеңілдегенімен, терең мазмұнның, рухани байлықтың кілті – кітапта екені ақиқат. Мұны ескерген ҚАЖ департаментіне қарасты №68 мекемесі 23 сәуір – Ұлттық кітап күніне орай, облыстық Ә.Тәжібаев атындағы кітапханаға табан тіреп, танымдық экскурсия жасады.Болмысты босаң, танымды тар етпейтін кітаптан көкейге түйеріміз көп. Бұл ретте кітапханашы Жанат Қараманова әр бөлімнің жұмысын таныстырып, шежіреге бай тарихты да тарқата айтты.Басылымдағы орнықты ой да оқырманды олжалы етіп келеді.&nbsp; Демек, баспасөздің – бөспе сөз еместігі анық. Қызметкерлердің түрлі газет-журналға айрықша назар салғаны да сол. Сондай-ақ, сөреден көңілі қалаған кітаптың мазмұнына да үңілді. Өзара талқылап, қызығушылық танытқаны да – құптарлық іс.Жеке құраммен жұмыс жөніндегі бөлімшенің аға инспекторы әділет майоры Динара Шахидың айтуынша, қызметкерлер арасында тәртіппен қатар құндылықты да дәріптеуге ерекше ден қойыла бермек.З. Қонысжан

Білім бұлағына бет бұрған сапар

Мемлекет басшысы Қасым-Жомарт Тоқаевтың «Тұрақты болашақ – ортақ көзқарас» Өңірлік экологиялық саммитінде сөйлеген сөзі

<a href="https://kyzylorda-news.kz/">Kyzylorda-news.kz</a> &nbsp;Президенттер мен шетелдік делегациялардың басшылары RES 2026 EXPO жасыл және орнықты технологиялар халықаралық көрмесіне барды. Бұл туралы Ақорданың баспасөз қызметі мәлім <a href="https://kaz.inform.kz/news/memleketter-basshilari-onrlk-ekologiyalik-sammittn-korme-pavilondarin-araladi-558be6/">етті.</a>Президенттер мен шетелдік делегациялардың басшылары RES 2026 EXPO жасыл және орнықты технологиялар халықаралық көрмесіне барды. Бұл туралы Ақорданың баспасөз қызметі мәлім етті.Экспозициялар орнықты экожүйені сақтауға, қоршаған ортаны қорғау саласында ынтымақтастық орнатуға, экологиялық мәселелерді шешудің тың тәсілдерін қарастыруға, Арал маңын қайта қалпына келтіруге үндейді.Мемлекеттер басшыларына аймақ елдеріндегі бизнестің экожобалары көрсетілді. Аталған бастамалар аясында компаниялар жасыл энергетика, экологиялық орта қалыптастыру және қалдықтарды қайта өңдеу бағыттарында өндірістік шешімдер ұсынады.Көрме әлемнің 30 елінен келген 240-тан астам қатысушы мен халықаралық серіктестердің басын қосты. 120-дан аса павильонда орнықты даму саласындағы озық бастамалар көпшілік назарына ұсынылды.Мемлекет пен бизнес арасындағы диалог алаңына айналған инвестициялық форум ерекше маңызға ие.Экспозицияда орнықты даму мен экологияның өзекті мәселелері талқыланатын халықаралық кездесулер, сарапшылар арасындағы пікірталастар өтіп жатыр.Сондай-ақ инновациялық жобалар мен жас кәсіпкерлерді қолдауға бағытталған «Жасыл» стартаптардың байқауы ұйымдастырылды.Меймандар аймақ елдері дизайнерлерінің туындылары мен экологиялық кино фестивалін тамашалай алады.Фото: Ақорда

Мемлекет басшылары Өңірлік экологиялық саммиттің көрме павильондарын аралады   

<a href="https://kyzylorda-news.kz/">Kyzylorda-news.kz</a> Су қауіпсіздігі – бүкіл Орталық Азия үшін аса маңызды мәселе. Бұл туралы елордадағы Өңірлік экологиялық саммитте Мемлекет басшысы Қасым-Жомарт Тоқаев мәлім <a href="https://kaz.inform.kz/news/prezident-aral-maseles-salgirttiktin-kanday-kasretke-akelp-sogatinin-eske-salip-turadi-4c8b4f/">етті.</a>Су қауіпсіздігі – Қазақстан ғана емес, бүкіл Орталық Азия үшін аса маңызды мәселе. Болашағымыз тіршілік нәрін қаншалықты ұтымды әрі әділ пайдалана алатынымызға байланысты. Арал теңізі салғырттықтың салдары қандай қасіретке әкеліп соғатынын еске салып тұрады. Сондай-ақ ол батыл әрі ғылыми негізі бар жүйелі шаралардың арқасында қандай нәтижеге жетуге болатынын көрсетеді, – деді Қасым-Жомарт Тоқаев.Президент бүгінгі таңда Солтүстік Аралдың 36 пайызға жуығы қайта қалпына келтірілгенін еске салды. Судың сапасы жақсарып, балық қоры молайды, маңайдағы елді мекендердің тұрмыс-тіршілігіне қан жүгірді.Бүгін Халықаралық Аралды құтқару қорының жоғары деңгейдегі кезекті отырысын өткіземіз. Жиын барысында әріптестерімізбен бірге Қазақстанның осы ұйымға үш жылдық төрағалығын қорытындылаймыз, – деді Мемлекет басшысы.Бұдан бұрын хабарланғандай, бүгін елордада Мемлекет басшысы Қасым-Жомарт Тоқаевтың қатысуымен «Орнықты болашаққа ортақ көзқарас» тақырыбымен Өңірлік экологиялық саммит (ӨЭС) жұмысын бастады.Фото: kulturologia.ru

Президент: Арал мәселесі салғырттықтың қандай қасіретке әкеліп соғатынын еске салып тұрады

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаев Өңірлік экологиялық саммиттің пленарлық отырысында сөз сөйледі. Президент экологиялық саясатты қалыптастыру барысында әртүрлі елдердің, әсіресе экономикалық дамушы мемлекеттердің қажеттіліктері ескерілуі керектігіне атап өтті, деп хабарлайды&nbsp;<a href="https://egemen.kz/">Egemen.kz.</a>Мемлекет басшысы бұл тұрғыда дамыған елдер қазіргі экологиялық стандарттарға ұзақ индустрияландыру үдерісі арқылы жеткені назарға алынуы тиістігін жеткізді.<blockquote>️«Менің ойымша, экология мәселесінде таңдаулыларға басымдық беру әбестік. Көп жағдайда экологиялық күн тәртібін әзірлеу немесе қалыптастыру барысында түрлі аймақтар мен елдердің, әсіресе, экономикалық әлеуетін нығайтуға ден қойған дамушы мемлекеттердің қажеттіліктері мүлдем ескерілмейді. Алайда дамыған елдер қазіргі экологиялық стандарттарға индустрияландырудың ұзаққа созылған үдерісінің нәтижесінде жеткенін естен шығармайық. Сондықтан жаһандық экологиялық модельге көшу үрдісі әділ, теңгерімді және ынталандырушы сипатта өрбуге тиіс», деді Президент.</blockquote>Президенттің пайымынша, баршамыз ақылға қонымды, мұқият ойластырылған прагматикалық тәсілге жүгінуіміз керек.<blockquote>«Сонда ғана мемлекеттер орнықты даму қағидаттарына сай алға жылжып, өзінің экономикалық өсімі мен прогресіне қауіп төндірмейді. Қоршаған ортаны қорғау саласындағы ынтымақтастық бізді бөлмей, керісінше бір мақсатқа біріктіруге тиіс. Ешкім бір-бірін жария түрде айыптамауы, өзгеден мін іздемеуі қажет. Бейбітшілік пен орнықты дамуға мүдделі серіктестер ретінде жауапкершілікті сезініп, нақты әрекет еткеніміз дұрыс».</blockquote>фото: Ақорда/ашық дереккөзден алынды

Президент: Жаһандық экологиялық модельге көшу үрдісі әділ сипатта өрбуге тиіс

<a href="https://kyzylorda-news.kz/">Kyzylorda-news.kz</a> Жыл сайын көктем-күз айларында Конго-Қырым геморрагиялық қызбасы ауруының алдын алу мақсатында елді-мекендерде кенелерге қарсы арнайы мекемелермен залалсыздандыру жұмыстары жүргізіліп келеді.Осыған орай бүгін Қармақшы ауданы әкімінің орынбасары Диас Молдабаевтың қатысуымен ауданда Конго-Қырым геморрагиялық қызбасына қарсы залалсыздандыру жұмыстары басталды.Биыл аудан бойынша 3 елді мекен эпидемиологиялық тұрғыдан қолайсыз ауыл қатарына белгіленіп отыр. Осыған байланысты бұл аумақтарда тиісті шараларды күшейту, санитарлық тазалықты сақтау, аула мен мал қораларын ретке келтіру бағытында жұмыстар жүргізілуде.Айта кетсек, залалсыздандыру жұмыстары бекітілген кестеге сәйкес 22–28 сәуір аралығында бірінші кезең, екінші кезең 30 сәуір мен 6 мамыр күндері «Ципертрин» дәрмегімен жүргізіледі.

Қармақшыда кенеге қарсы залалсыздандыру жұмыстары басталды

<a href="https://kyzylorda-news.kz/">Kyzylorda-news.kz</a> Жақын адамнан айырылу – қашан да қиын. Бұл кезде туыстардың эмоционалдық жағдайы нашарлап қоймай, сонымен бірге заңды мәселелерді шешу қажеттілігі де туындайды. Ең маңыздыларының бірі – мұраны рәсімдеу.Көптеген азаматтар бұл мәселені кейінге қалдырады, мерзімдерін білмейді немесе «бәрін кейін шешуге» тырысады. Нәтижесінде туыстар арасында даулар, сот процестері және тіпті мұрагерлік құқығынан айрылуы &nbsp;да мүмкін.Қазақстанда мұраны қалай дұрыс ресімдеу, қандай мерзімдерді сақтау керектігін және азаматтар қандай қателіктерге жиі жол беретінін талдап көрейік.Мұра қашан ашылады?Заңды түрде мұра мүлкі мұрагерлерге өтетін адам – мұра беруші қайтыс болған күні ашылады.Осы сәттен бастап&nbsp;алты айлық&nbsp;мерзім&nbsp;басталады, оның барысында мұрагерлер мұраға құқығын талап етуі керек.Егер 6 ай ішінде мұрагер нотариусқа жүгінбесе, ол мұрагерлік құқығынан айырылуы мүмкін екенін түсіну маңызды. Оны тек сот арқылы және дәлелді себептермен қалпына келтіруге болады.Мұраны ресімдеу үшін қайда жүгінуге боладыМұра нотариус арқылы ресімделеді. Нотариус мұрагерлік істі ашады, мұраның бар-жоғын тексереді, мұрагерлердің кім екенін анықтайды, құжаттарды қабылдайды және мұрагерлік құқығы туралы куәлік береді. Егер мұрагерлер әр түрлі қалаларда тұрса, олар кез-келген нотариусқа жүгіне алады, бірақ мұрагерлік істі мұра ашылған жердегі нотариус жүргізеді.Қандай құжаттар қажет болады?Мұрагерлік істі ашу үшін әдетте келесі құжаттар қажет:&nbsp;• &nbsp; мұрагердің жеке куәлігі;&nbsp;• &nbsp; мұра қалдырушының қайтыс болғаны туралы куәлік;&nbsp;• &nbsp;туыстық қатынастарды растайтын құжаттар (туу, неке туралы куәлік және т.б.);&nbsp;• &nbsp;қайтыс болған адамның соңғы тұрғылықты жері туралы анықтама;&nbsp;• &nbsp;мүлікке (пәтер, үй, автомобиль, жер учаскесі) құжаттар;&nbsp;• &nbsp;жылжымайтын мүлікке құқық белгілейтін құжаттар;&nbsp;• &nbsp;банктік шарттар немесе шоттар туралы мәліметтер (бар болса);&nbsp;• &nbsp;өсиет (егер ол жасалған болса).Нотариус жағдайға қарай қосымша құжаттарды сұрай алады.Заң бойынша өсиет немесе мұрагерлікҚазақстанда мұраны екі жолмен ресімдеуге болады: өсиет бойынша немесе заң бойынша.Өсиет бойынша. Егер қайтыс болған адам өсиет қалдырса, мүлік оның еркіне сәйкес бөлінеді. Алайда, кейбір мұрагерлер, егер өсиет болса да, міндетті үлеске ие. Оларға мыналар жатады: кәмелетке толмаған балалар, &nbsp;еңбекке жарамсыз балалар мен ата-аналар және еңбекке жарамсыз жұбайы. Бұл адамдар өсиеттің мазмұнына қарамастан мүліктің бір бөлігін алуға құқылы.Заң бойынша. Егер өсиет болмаса, мүлік мұрагерлер арасында кезекпен бөлінеді. Бірінші кезекте мұрагерлер жұбайы (зайыбы), балалары мен ата-аналары болып табылады. Егер бірінші кезектегі мұрагерлер болмаса, мұра екінші кезекке өтеді, олар заңда көзделген бауырлары, әпкелері және басқа туыстары болып келеді.Неліктен алты айлық мерзімді жіберіп алмау маңыздыАлты ай — мұрагерлік құқықтағы негізгі мерзім. Егер мұрагер осы кезеңде нотариусқа өтініш бермесе, ол мұраны қабылдамаған болып саналады.Мерзімді&nbsp;тек сот арқылы&nbsp;қалпына келтіруге болады: ауыр ауру, ұзақ іссапар немесе мұра қалдырушының қайтыс болуы туралы ақпараттың болмауы.Сот рәсімі бірнеше айға созылуы мүмкін және қосымша шығындарды талап етуі мүмкін.Мұраны рәсімдеу кезінде жиі кездесетін қателіктерТәжірибе көрсеткендей, көптеген азаматтар ұқсас қателіктер жібереді.1-қателік. «Біз пәтерде тұрып жатырмыз, яғни ол біздің мұрамыз»Кейбір туыстары қайтыс болған адамның мүлкін пайдалануды жалғастыруда және бұл жеткілікті деп санайды. Алайда, нотариусте ресімдемей меншік құқығына ие болмайды. Мысалы, анасы қайтыс болғаннан кейін қызы пәтерінде тұрып, коммуналдық қызметтерді төлеуді жалғастырды. Бірнеше жылдан кейін жылжымайтын мүлік оған заңды түрде ресімделмегені анықталады. Нәтижесінде басқа туыстар арасында дау туындайды және мәселені сот арқылы шешуге тура келді.2-қателік. Мүлікті жасыруКейде туыстар нотариусқа мүліктің бір бөлігі, мысалы, банк шоттары немесе жер телімдері туралы хабарламауға тырысады. Бірақ мүлікті жасыру мұрагерлер мен сот талқылаулары арасында күрделі дауларға әкелуі мүмкін. Бұдан басқа, нотариус мемлекеттік деректер базасына сұрау салуға құқылы.3-қателік. Кейінірек хабарласуКейде мұрагерлер мұраны «уақыты келгенде» рәсімдеуге болады деп есептейді. Мысалы, әкесі қайтыс болғаннан кейін ұлым нотариусқа бір жылдан кейін ғана жүгінді. Бұл кезде мұраны басқа туыстар рәсімдеген болатын. Нәтижесінде уақытын қалпына келтіру үшін оның сотқа жүгінуіне тура келді.Егер уақыты өтіп кетсе, не істеу керекЕгер мұраны қабылдау үшін алты ай өтіп кетсе, жағдайды шешудің екі нұсқасы болуы мүмкін.Мұрагерлер арасындағы келісім. Егер барлық мұрагерлер келiскен болса, олар мұраны жаңа мұрагердiң қабылдағанын жазбаша түрде растай алады. Сотқа жүгіну. Егер келісім болмаса, мұраны қабылдау үшін мерзімді қалпына келтіру туралы талап-арыз беру қажет. Сот өткізіп алған себептерін қарайды және мерзімін қалпына келтіру мүмкіндігі туралы шешім қабылдайды. &nbsp; Қайтыс болған адамның қарыздарына не боладыМұрагерлер мүлікпен бірге қайтыс болған адамның міндеттемелерін де қабылдай алатынын есте сақтау маңызды. Мысалы, бұл банктік кредиттер, салықтар бойынша борыштар немесе коммуналдық қызметтер үшін берешектер болуы мүмкін. Бұл ретте мұрагерлер алынған мүліктің құны шегінде ғана борыштар бойынша жауапты болады.Назар аударыңыз! Бұрынғы жұбайына алимент төлеу міндеті немесе тұраққа дұрыс қоймағаны үшін айыппұл салу сияқты жеке міндеттемелер мұра қалдырушының қайтыс болуына байланысты тоқтатылады және мұрагерлерге өтпейді.Мұраны рәсімдеу кезінде қиындықтарды болдырмау үшін нотариусқа жүгінуді кейінге қалдырмаңыз және өсиеттің жасалғанын алдын ала анықтаңыз. Мұра қалдырушының мүлкіне сіздің құқығыңызды растайтын барлық құжаттарды жинаңыз және активтер туралы барлық ақпаратты адал көрсетіңіз. Даулы немесе күрделі жағдайлар туындаған кезде өз құқықтарыңызды қорғау және заңды рәсімдерді сақтау үшін нотариуспен міндетті түрде кеңесіңіз.<img src="https://knadmin.beoblood.kz/uploads/infographics_12_11_2026_04_02_T125716_597_07ff5ceced.png" alt="infographics 12.11 - 2026-04-02T125716.597.png">Мұраны рәсімдеу — формальдылық емес, мұрагерлердің құқықтарын қорғайтын заңды рәсім. Нотариусқа уақытылы жүгіну, құжаттарды дұрыс жинау және мүлік мәселелеріндегі ашықтық &nbsp;жанжалды, сот дауларын және мұраны жоғалтуды болдырмауға көмектеседі.Фото: fingramota.kz

Қатесіз мұрагерлік: мүлкіңізді жоғалтпау үшін нені білу маңызды 

<a href="https://kyzylorda-news.kz/">Kyzylorda-news.kz</a> Туризм және спорт министрі Ербол Мырзабосынов жуырда Өзбекстан астанасы Ташкент қаласында өткен таеквондодан (WT) юниорлар арасындағы әлем чемпионатының жеңімпаздары мен жүлдегерлерімен кездесті.Кездесу барысында министр спортшыларды жоғары жетістіктерімен құттықтап, олардың жеңісі ел мерейін үстем ететін маңызды нәтиже екенін атап өтті.&nbsp;<blockquote>«Әлем чемпионатындағы жарқын жеңістеріңіз – барша еліміздің мақтанышы. Сіздердің табандылықтарыңыз бен қажырлы еңбектеріңіз халықаралық аренада Қазақстанның беделін арттыруға зор үлес қосты», – деді министр.</blockquote>Өзбекстанда өткен таеквондодан (WT) юниорлар арасындағы әлем чемпионатында отандасымыз Айым Серікбаева әлем чемпионы атанды. Бұл нәтиже отандық спорт үшін тарихи маңызға ие. Бұған дейін еліміздің өкілі осы жас санатында соңғы рет 2006 жылы Жалғас Бекқасымов әлем чемпионы атанған болатын. Араға 20 жыл салып, бұл жетістікті Айым Серікбаева қайта жаңғыртты. Чемпионат қорытындысы бойынша Айым Серікбаева «Үздік спортшы» атағына ие болды.Сондай-ақ юниорлар арасындағы әлем чемпионатында Ерасыл Ерзат, Ислам Медетбай, Алидар Әбдікәрімов және Әділет Шері қола жүлдегер атанып, ел қоржынына жүлде салды.Кездесу барысында министр спортшылардың табысты өнер көрсетуінде жаттықтырушылардың еңбегі зор екенін атап өтіп, олардың кәсібилігі мен жүйелі жұмысы жоғары нәтижелерге жол ашқанын жеткізді.<blockquote>«Федерация басшылығының, жаттықтырушылар құрамының кәсіби біліктілігі мен жүйелі еңбегінің арқасында осындай жоғары нәтижелерге қол жеткізіліп отыр. Сіздердің еңбектеріңіз жас ұрпаққа үлгі болары сөзсіз», – деді Ербол Мырзабосынов.</blockquote>Жиын соңында Туризм және спорт министрлігі мен Қазақстан таеквондо федерациясы атынан спортшылар мен жаттықтырушылар марапатталып, оларға Құрмет грамоталары мен Алғыс хаттар табысталды.

Таеквондодан әлем чемпионатының жеңімпаздары мен жүлдегерлерін қабылдады 

<a href="https://kyzylorda-news.kz/">Kyzylorda-news.kz</a> Қызылордада «Жайдарман» ойындарының финалдық кезеңі өтіп, жеңімпаз команда анықталды.Аталған жобаға Қызылорда облысы бойынша Экономикалық тергеп-тексеру департаменті маусым басталғалы бері тұрақты түрде қолдау көрсетіп, оның мазмұндық бағытын нығайтуға үлес қосты. Финалдық кезеңде Департамент өкілдері де қатысып, қатысушылардың өнерін тамашалады. Жалпы маусым басталғалы жобаға 30 команда, 400-ден астам жас қатысып, өз өнерлерін ортаға салды. Финалға 5 команда қатысып, өзара тартысты ойын өрнегін көрсетті.Биылғы маусым «Заң мен Тәртіп» тақырыбына арналды. Қатысушылар сахнада әзіл мен сатира арқылы қоғамдағы маңызды мәселелерді көтеріп, көрерменге ой салды. Атап айтқанда, алаяқтық, қаржы пирамидалары және құмар ойынға тәуелділіктің зияны сынды өзекті тақырыптар &nbsp;қамтылды.«Жайдарман» – жастардың шығармашылық әлеуетін дамытумен қатар, олардың азаматтық ұстанымын қалыптастыруға бағытталған маңызды алаң. Осылайша, жоба тағы бір мағыналы маусымды сәтті қорытындылады.Мұндай жобалар алдағы уақытта да тоқтамай, жастардың шабытын ашуға, көрерменге ерекше әсер қалдыру үшін ұйымдастырылатын болады.

Заң мен тәртіп: Қызылордада «Жайдарман» ойындарының жеңімпаздары анықталды

<a href="https://kyzylorda-news.kz/">Kyzylorda-news.kz</a> Ағымдағы жылдың 21 сәуір күні Астана қаласында Қазақстан Республикасы Премьер-Министрінің орынбасары, Ұлттық экономика министрі С.Жұмангарин және Моңғолия Премьер-Министрінің бірінші орынбасары, Моңғолияның Экономика және даму министрі Ж.Энхбаярдың қатысуымен «Қазақстан–Моңғолия» бизнес-форумы өтті.Аталған іс-шара Моңғолия Президенті У. Хурэлсүхтің ресми сапары аясында ұйымдастырылды. Форумға моңғолиялық және отандық кәсіпкерлер, оның ішінде жүн мен тері өңдеу саласының өкілдері қатысты.Бизнес-форум аясында өңірдің инвестициялық және агроөнеркәсіптік әлеуеті баяндалды. Қызылорда облысы мал шаруашылығы дамыған өңірлердің бірі болып табылады. Өңірде мал басының тұрақты өсуі және ет, сүт өнімдері өндірісінің артуы байқалады.Өңірдің жүн және тері бағытындағы зор шикізаттық әлеуетін ескере отырып, аталған салада терең өңдеу өндірістерін кеңейтуге кең мүмкіндіктер бар.Қазіргі таңда облыста бірқатар инвестициялық жобалар жүзеге асырылуда. Атап айтқанда, Арал ауданында «Qazaq Camel» ЖШС тарапынан түйе сүтінен құрғақ ұнтақ өндіру жобасы іске асырылуда.Жобаның құны 3 млрд теңгені құрайды, жылдық қуаттылығы 392 тонна. Өнімді Қытай нарығына экспорттау бойынша 10 жылдық оффтейк-келісім жасалған.Сонымен қатар, Арал ауданында «Тоғыс-Аралотын» ЖШС жүн мен теріні өңдеу бойынша инвестициялық жобаны жүзеге асыруда. Қазіргі таңда өндірісті іске қосу үшін қажетті жабдықтар жеткізілуде.Бұдан бөлек, өңірде құны 7,5 млрд теңгені құрайтын 700 басқа арналған тауарлы-сүт фермасының құрылысы жүргізілуде. Форум барысында тараптар жүн және тері өңдеу саласында ынтымақтастықты дамыту, озық технологиялар енгізу және тәжірибе алмасу мәселелерін талқылады.Жалпы, аталған бизнес-форум Қазақстан мен Моңғолия арасындағы сауда-экономикалық ынтымақтастықты одан әрі нығайтуға және бірлескен жобаларды іске асыруға жаңа серпін береді.<img src="https://knadmin.beoblood.kz/uploads/yzylorda_Mo_oliya_yntyma_tasty_18e1512a0c.jpg" alt="Қазақстан-Моңғолия ынтымақтастық.jpg">

Бизнес-форумда Қызылорда облысының инвестициялық және агроөнеркәсіптік әлеуеті таныстырылды

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңестің кезекті отырысы өтті.Жиынды кеңес төрағасы Мақсұт Ыбрайханұлы Нәлібаев жүргізді. Отырысқа партияның облыстық филиалының төрағасы Жандос Базартай,кеңес мүшелері, сондай-ақ күн тәртібіндегі мәселеге жауапты мемлекеттік органдар мен мекемелердің басшылары қатысты.Жиында жол қауіпсіздігін қамтамасыз ету және жол-көлік оқиғаларының алдын алу мәселесі қаралды. Аталған тақырыптың өзектілігі ерекше атап өтіліп, бұл бағыттағы жұмыстарды күшейту қажеттігі айтылды. Әсіресе, облыс аумағынан өтетін «Батыс Қытай – Батыс Еуропа» халықаралық автодәлізіндегі қауіпсіздік мәселесіне баса назар аударылды.Күн тәртібіндегі мәселелер бойынша Қазақстан Республикасы Көлік министрлігі Автомобиль көлігі және көліктік бақылау комитетінің облыс бойынша көліктік бақылау инспекциясының басшысы Ербол Талекенов, «ҚазАвтоЖол» ҰК» АҚ облыстық филиалының директоры Жасұлан Керімқұлов және &nbsp;Қызылорда ОПД ӘПБ бастығының орынбасары полиция подполковнигі Нұркен Бақтияров баяндама жасады.Отырыста партия филиалының төрағасы Базартай Жандос Нұртайұлы жол-көлік оқиғаларының санының артуы алаңдаушылық туғызатынын атап өтіп, соңғы жылдары республика бойынша жол апаттары айтарлықтай көбейіп, зардап шеккендер санының өскенін айтты. Әсіресе, өңірлер арасында Қызылорда облысында бұл көрсеткіштің жоғары болуы мәселенің өзектілігін күшейте түседі. Осыған байланысты жол қауіпсіздігін қамтамасыз ету, алдын алу шараларын күшейту және жауапты мекемелердің үйлесімді жұмысын арттыру қажеттігіне баса назар аудару керек екенін тілге тиек етті.<blockquote>«Облыста жол қауіпсіздігін қамтамасыз ету және жол-көлік оқиғаларының алдын алу бағытында заманауи автоматтандырылған бақылау жүйелері кеңінен енгізілуде. Бүгінде әкімшілік құқық бұзушылықтарды автоматты түрде тіркейтін құрылғылар саны 124-тен 183-ке дейін көбейтіліп, 47,6%-ға артқан. Сонымен қатар, «ПЦ ЕРАП» жүйесімен біріктірілген «Интеллектуалды қиылыс» құрылғыларын орнату жұмыстары жүргізілуде. Бұл шаралар жол қозғалысын бақылауды күшейтіп, құқық бұзушылықтардың алдын алуға және жол қауіпсіздігін арттыруға мүмкіндік беруде.»-деді Қызылорда ОПД ӘПБ бастығының орынбасары полиция подполковнигі Нұркен Бақтияров.</blockquote>Инспекция басшысы Ербол Тәлекеновтың айтуынша Қызылорда облысы бойынша көліктік бақылау инспекциясы автомобиль, теміржол және су көлігі салаларында бақылау-қадағалау жұмыстарын тұрақты түрде жүзеге асыруда. 2025–2026 жылдар аралығында мыңдаған әкімшілік құқық бұзушылық анықталып, айыппұлдар өндірілген, мемлекеттік қызметтер толық көлемде көрсетілуде. Сонымен қатар, ауыр жүк көліктерін бақылау үшін автоматтандырылған өлшеу станциялары орнатылып, жол қауіпсіздігін арттыру бағытында нақты шаралар қабылдануда. Инспекцияда сыбайлас жемқорлықтың алдын алу мақсатында ішкі бақылау күшейтіліп, ашықтық пен заңдылықты қамтамасыз етуге бағытталған жүйелі жұмыстар жүргізілуде.Жиын барысында саладағы өзекті мәселелер талқыланып, жауапты мекемелерге нақты міндеттер жүктелді. Сонымен қатар, ұсыныстар мен пікірлер айтылып, алдағы жұмыстарды үйлестіру бағыттары айқындалды.

Қазақстан және Қызылорда облысының жаңалықтары