<a href="https://kyzylorda-news.kz/">Kyzylorda-news.kz</a> Сыр өңірінің әлеуметтік-экономикалық дамуына өлшеусіз үлес қосқан мемлекет және қоғам қайраткері Нәлқожа Ақбалаұлы Ергешбаевты еске алуға арналған тоғызқұмалақтан халықаралық турнирдің салтанатты ашылу рәсімі өтті.Тағылымы мол шараға облыс әкімінің бірінші орынбасары Данияр Еренғалиұлы, облыстық ардагерлер кеңесінің төрағасы Серік Дүйсенбаев, облыстық мәслихаттың тұрақты комиссия төрағасы Бауыржан Сәндібаев, қалалық ардагерлер кеңесінің төрағасы Өмірбек Шәменов, Қазақстанның Еңбек Ерлері Абзал Ералиев пен Имамзада Шағыртаев, облыстық мәслихат депутаты Жорабек Нұрымбетов, «Тоғызқұмалақ спорты федерациясы» заңды тұлғалар бірлестігінің вице-президенті, ұлттық құраманың бас жаттықтырушысы Айнұр Жақапбаева, Қожа Ахмет Яссауи университетінің «Халықаралық Түркі зияткерлік ойындар» орталығының басшысы, халықаралық дәрежедегі төреші Қашымхан Дәуренқұлов, Қызылорда облыстық тоғызқұмалақ зияткерлік қауымдастығының президенті Әбдіқадыр Ергешбаев қатысты.Салтанатты жиында &nbsp;сөз алған облыс әкімінің бірінші орынбасары Данияр Еренғалиұлы Нәлқожа Ақбалаұлының өнегелі ғұмыр жолы мен аймақ дамуына сіңірген елеулі еңбегіне тоқталды.<blockquote>— Аймағымыздың өркендеуіне бар күш-жігерін арнап, ел игілігі жолында аянбай қызмет еткен азаматтардың есімін ұлықтау – баршамызға ортақ парыз. Нәлқожа Ақбалаұлы – саналы ғұмырын халық игілігіне арнаған, жастардың білімді де бәсекеге қабілетті болып қалыптасуына айрықша көңіл бөлген бірегей тұлға. Оның бастамасымен өңірімізде бірқатар спорт нысандары мен мәдениет ошақтары бой көтерді. Бүгінгі дәстүрлі халықаралық турнир – сол еңбектің жарқын жалғасы деп білемін. Бүгінгі додада нағыз мықты спортшылар топ жарып, жеңіс тұғырынан көрінеді деп сенемін, — деді облыс әкімінің бірінші орынбасары.&nbsp;</blockquote>Сондай-ақ жиын барысында зиялы қауым өкілдері мен құрметті қонақтар құттықтау сөз сөйлеп, жарысқа қатысушыларға жеңіс тіледі. &nbsp;Айта кетейік, дәстүрге айналған халықаралық турнир биыл тоғызыншы рет ұйымдастырылып отыр. Байрақты бәсекеге Қырғызстан, Әзірбайжан, Түрікменстан, Ауғанстан мемлекеттерінен және еліміздің барлық өңірінен келген 450-ге жуық спортшы өзара сайысады.7-ші наурызға дейін жалғасатын жарыс қорытындысы бойынша жеңімпаздар мен жүлдегерлер арнайы медальдар және дипломдармен марапатталады.<img src="https://knadmin.beoblood.kz/uploads/To_yz_mala_respublikaly_turnir_2_1152ae4665.jpg" alt="Тоғызқұмалақ республикалық турнир 2.jpg">

Тоғызқұмалақтан халықаралық турнир басталды

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігінің нұсқаулығына сәйкес 28 ақпан – 2 наурыз аралығында республикалық «Жасөспірім» жедел-профилактикалық іс-шарасы басталды.Іс-шараның негізгі мақсаты – жасөспірімдер қылмысының алдын алу, кәмелетке толмағандар тарапынан кешкі және түнгі уақытта жасалатын құқық бұзушылықтардың жолын кесу, олардың құқықтарын қорғау саласындағы әкімшілік құқық бұзушылықтарды анықтау, сондай-ақ балаларға қатысты қылмыстық қол сұғушылықтардың алдын алу.Іс-шараның екі күнінің қорытындысымен барлығы 221 әкімшілік хаттама рәсімделді. 12 кәмелетке толмаған ішкі істер органдарының есебіне алынды. Қадағалаусыз және панасыз қалған 1 жасөспірім кәмелетке толмағандарды бейімдеу орталығына орналастырылды.Әкімшілік құқық бұзушылықтар бойынша:• ҚР ӘҚБтК-нің 127-бабы (ата-аналардың немесе заңды өкілдердің бала тәрбиесі жөніндегі міндеттерін орындамауы) бойынша 19 ата-анаға хаттама толтырылды.• 127-2-бап (кәмелетке толмаған адамды жәбірлеу – буллинг, кибербуллинг) бойынша 1 дерек анықталып, ата-анасына хаттама рәсімделді.• 132-бап (кәмелетке толмағандардың түнгі уақытта ойын-сауық мекемелерінде болуына жол беру) бойынша 15 құқық бұзушылық анықталып, мекеме иелері мен әкімшілік өкілдеріне шара қолданылды.• 423-1-бап (21 жасқа толмаған адамдарға темекі және темекі бұйымдарын сату) бойынша 1 дерек тіркелді.• 435-бап (кәмелетке толмағанның ұсақ бұзақылығы) бойынша 2 дерек анықталып, заңды өкілдеріне хаттама толтырылды.• 437-бап (түнгі тыныштықты бұзу) бойынша 3 дерек тіркелді.• 442-бап (кәмелетке толмағандардың түнгі уақытта заңды өкілдерінсіз жүруі) бойынша барлығы 175 жасөспірім анықталып, олардың заңды өкілдеріне әкімшілік хаттамалар рәсімделді.Сонымен қатар, кәмелетке толмағандарды тәрбиелеу, оқыту және бағып-күту жөніндегі міндеттерін тиісінше орындамайтын 15 ата-ана профилактикалық есепке алынды.

Республикалық «Жасөспірім» жедел-профилактикалық іс-шарасы өтуде

<a href="https://kyzylorda-news.kz/">Kyzylorda-news.kz</a> Ғасырлық тарихы бар, бүгінде мыңнан астам адам еңбек ететін “Аралтұз” АҚ ұжымы жаңа конституцияны қолдайтынын мәлімдеді.Зауыт директорының жалпы сұрақтар бойынша орынбасары Ғани Сисекешов мемлекетіміздің болашағы мен дамуы баршаға ортақ құндылық екенін атап өтті.<blockquote>“Арал өңірінде көп жылдан бері еңбек етіп келе жатқан бір ғасырлық тарихы бар жауапты әлеуметтік компаниямыз. Елдің болашағы барлығымыздың жауапкершілігімізден тұратынын түсінеміз. Референдумға қатысу бұл - жай ғана рәсім емес, бұл - азаматтық кемелдік пен жауапкершілік көрінісі. Бұл - Қазақстанның тұрақтылық пен өркендеуіне қосатын үлес. Әділетті Қазақстан - халық тілегі. Бұл - біздің болашағымыз. Жаңа конституцияны қолдаймыз” - деді ол.</blockquote>Зауыт директорының орынбасары Бержан Рысмамбетов “Аралтұз” жүз жыл бойында елмен бірге даму барысында түрлі кезеңдерден өткенін жеткізді. Оның айтуынша, күрделі уақыттардан сенімді өрлеуге дейінгі әр кезеңде компания тұрақтылығының негізі - заң үстемдігі, тәртіп және болашақ алдындағы ортақ жауапкершілік болған.<blockquote>“Бүгін біз Республикалық Референдумды қолдаймыз. Конституция мемлекеттің берік іргетасы, бұл - әрбір азаматтың құқықтары мен бостандықтарының кепілі. Бұл - әділетті қоғам мен тұрақты дамудың негізі”, - дейді Бержан Рысмамбетов.</blockquote>Зауыттың Еңбекті қорғау және өнеркәсіптік қызметінің аға инженері Гаухар Рысмаханова алдағы референдум ел тарихындағы елеулі оқиға екенін жеткізді.<blockquote>“Біз “Аралтұз” ұшымы 15 наурызда өткізілетін республикалық референдумды әрбір азаматтың тарихи таңдауы және ел тағдырына тікелей әсер ететін маңызды кезең деп есептейміз”, - дейді ол.</blockquote>

“Аралтұз” АҚ зауытының ұжымы жаңа Конституцияны қолдайды

Құрметті референдумға қатысушы!Егер сіз 2026 жылғы 15 наурызда дауыс беру күні өзіңіздің тіркелген жеріңізден тыс жерге баратын болсаңыз, қалай дауыс бере аласыз?Ол үшін 2026 жылғы 14 наурызда сағат 18:00-ге дейін Сіз өзіңіздің учаскелік комиссияңызға жазбаша өтінішпен жүгініп, жеке басыңызды куәландыратын құжатты ұсынуыңыз қажет. Комиссия сізге есептен шығару куәлігін табыс етедi.Есептен шығару куәлігін сенімхат негізінде өкіл арқылы да алуға болады. Сенімхатты нотариаттық куәландыру талап етілмейді.Есептен шығару куәлігі жоғалған жағдайда ол қалпына келтірілмейді және оның телнұсқасы берілмейді.Бір елді мекен шегіндегі басқа учаскеде дауыс бергісі келетін азаматтарға есептен шығару куәлігі берілмейтініне назар аударыңыз.Дауыс беру күні өзіңіз болатын жердегі учаскеде есептен шығару куәлігін көрсетіңіз. Учаскелік комиссия сізді дауыс беруге арналған тізімге енгізеді.Толық ақпарат алу үшін өзіңіздің елді мекеніңіздің әкімдігінің Сall-орталығына хабарласуға болады.Әрқайсымыздың дауысымыз маңызды!

2026 жылғы референдум: Тұрғылықты жерде болмаса қалай дауыс беруге болады?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, ҚР Бас прокуратурасы жанындағы Құқық қорғау органдары академиясының ректоры Нұрғалым Әбдіров құқық қорғау органдарының, басқармалардың, жергілікті оқу орындарының басшыларымен, профессорлар және студенттермен, адам және бала құқықтары жөніндегі уәкілдермен кездесті.Онда«Заң мен тәртіп»қағидатын өңірлік деңгейде нақты іске асыру, құқық қорғау органдарының кәсіби әлеуетін арттыру, ғылым мен практиканың өзара байланысын күшейту мәселелері талқыланды. Нұрлыбек Машбекұлы еліміздің құқық қорғау, заң шығару салаларындағы ауқымды реформаларға тоқталды.<blockquote>«Мемлекет басшымыз 2026 жылғы 15 наурызда жаңа Конституцияға арналған республикалық референдум өткізу жөнінде Жарлыққа қол қойды.Конституция жобасында Ұлы Даланың мыңжылдық тарихының сабақтастығы сақталып, мемлекеттің унитарлы сипаты мен шекарасына, аумақтық тұтастығына қол сұғуға болмайтыны нақтыланған. Біздің мақсатымыз ортақ, ол – Тәуелсіз еліміздің тұрақтылығын қамтамасыз етіп, халқымыздың өмір сүру сапасын арттыру. Ал «Заң мен тәртіп» қағидатының Конституция деңгейінде бекітілуі заң үстемдігі мемлекет пен қоғам өмірінің басты құндылығына айналатынын білдіреді. Бұл міндет, ең алдымен, құқық қорғау жүйесінің кәсібилігіне, кадр сапасы мен басқару мәдениетіне тікелей байланысты. Былтыр 30 желтоқсанда Мемлекет басшымыз «Құқықбұзушылық профилактикасы туралы» заңға қол қойды. Бұл заң құқықбұзушылықтың алдын алуды жазалау шараларынан басым қойып, профилактиканың бірыңғай жүйесін қалыптастырады. Кәмелетке толмағандар арасындағы құқыққа қайшы мінез-құлықтың, тұрмыстық зорлық-зомбылықтың, әлеуметтік тәуекелдердің алдын алу бойынша кешенді әрі ведомствоаралық жұмысты күшейтуге мүмкіндік береді. Президентіміздің тапсырмасымен «Адал азамат» біртұтас тәрбие бағдарламасы әзірленіп, барлық білім беру ұйымына енгізілді. Бүгінде бағдарлама «Заң мен тәртіп», «Еңбек адамы», «Таза Қазақстан» ұстанымдары аясына жүйеленді.Бұл – болашағына алаңдайтын, ұрпақ тәрбиесін басты құндылық санайтын еліміз үшін айрықша маңызға ие бағыттар», – деді Н.Нәлібаев.</blockquote>Жиында Нұрғалым Әбдіров сөз сөйлеп, академия білікті кадрлар даярлап, құқықтық сауаттылықты арттыруға бағытталған жүйелі жұмыстар жүргізетінін, оның түлектері құқық қорғау жүйесінің кәсіби әлеуетін нығайтып, «Адал азамат» қағидатын іске асыруға белсенді үлес қосатынын айтты.Қызылорда облысының прокуроры Ризабек Ожаров, Қорқыт ата атындағы университетінің ректоры Наурызбай Байқадамов, академияның кафедра меңгерушісі Артур Баймаханов күн тәртібіндегі мәселе бойынша баяндама жасады.Сөз қорытындысында облыс әкімі барша жұртшылықты алдағы маңызды саяси кезеңде елдік мүдде жолындағы іске жоғары жауапкершілікпен белсенді атсалысуға шақырды.Жиын соңында аймақ басшысы, ҚР Бас прокуратурасы жанындағы Құқық қорғау органдары академиясының ректоры, облыс прокуроры мен облыстық полиция департаментінің бастығы Қызылорда облысында кәмелетке толмағандардың қатысуымен жасалатын құқықбұзушылықтардың профилактикасы саласындағы ведомствоаралық өзара іс-қимыл туралы келісімге қол қойды.<img src="https://knadmin.beoblood.kz/uploads/Za_men_t_rtip_a_idaty_3_c41281963c.jpg" alt="Заң мен тәртіп қағидаты 3.jpg">

«Заң мен тәртіп» қағидатын өңірлік деңгейде іске асыру мәселесі талқыланды

<a href="https://kyzylorda-news.kz/">Kyzylorda-news.kz</a> Сырдария ауданындағы Руханият орталығында ерікті жастармен мазмұнды әрі ашық форматта кездесу ұйымдастырылды. Басқосудың негізгі тақырыбы – «Жаңа конституциялық реформа – әділетті қоғамның негізі».Кездесуге Жастар ресурстық орталығының директоры Н. Сейтжан және А. Ибрагимұлы қатысып, 2026 жылғы 15 наурызға жоспарланған республикалық референдумның маңыздылығы туралы кеңінен баяндады. Олар жаңа Конституция жобасында қамтылған негізгі бағыттарға тоқталып, реформаның ел дамуына, азаматтардың құқықтары мен мүмкіндіктеріне ықпалы жайында түсінік берді.Жиын барысында жастар белсенділік танытып, өз ой-пікірлерін ортаға салып, көкейлеріндегі сұрақтарын қойды. Ашық диалог форматында өткен кездесу өзара сенім мен еркін пікір алмасуға жол ашты.Іс-шара соңында қатысушылар қоғамдық өзгерістерге әрбір азаматтың атсалысуы маңызды екенін атап өтті. Саналы, белсенді ұрпақ – елдің тұрақты дамуының кепілі екені ерекше айтылды.<img src="https://knadmin.beoblood.kz/uploads/Zha_a_konstitucziyaly_reforma_2_9ead7d910a.jpg" alt="Жаңа конституциялық реформа 2.jpg">

Жаңа Конституциялық реформа – әділетті қоғамға бастар жол

<a href="https://kyzylorda-news.kz/">Kyzylorda-news.kz</a> Бүгін Сырдария ауданында аумақтық коалиция мүшелері Алмас Есназар, Ақтөре Ибрагимұлы, Жадыра Бағдатқызы, Абылайхан Қилымханов, Абай Мейрамбеков білім саласы өкілдерімен кездесу өткізді. Онда жаңа Конституция жобасының негізгі ережелері, білім беру жүйесін дамытуға бағытталған бастамалар, педагог мәртебесін нығайту және білім сапасын арттыру мәселелері кеңінен талқыланды.Коалиция мүшелері Конституциялық өзгерістер қоғам өмірінің барлық саласына, соның ішінде білім беру жүйесіне де тікелей әсер ететінін жеткізді. Референдум – халық еркін білдіретін маңызды демократиялық тетік екенін айтып, әр азаматтың белсенді ұстанымның маңызына тоқталды.&nbsp;Коалиция мүшесі Ақтөре Ибрагимұлы жаңа Конституция жобасында сапалы білім алуға тең мүмкіндік беру, білімнің қолжетімділігі мен үздіксіздігін қамтамасыз ету, педагог мәртебесін арттыру мәселелері нақты көрсетілгенін атап өтті. Бұл өз кезегінде ұстаздардың кәсіби әлеуетін арттыруға және білім беру жүйесінің сапасын көтеруге оң ықпал ететенін жеткізді.&nbsp;Кездесуде коалиция мүшелері жаңа Ата заң жобасы қоғамдағы маңызды реформаларды іске асыруға негіз болатыны жөнінде бірқатар пікірлерімен бөлісті. Сала өкілдерінің ұсыныстарын тыңдап, қойған сауалдарына жауап берді. Әр азаматтың ел болашағына бейжай қарамай, саналы таңдау жасауы маңызды екенін атап өтті.&nbsp;Білім саласы өкілдері елімізде жүргізіліп жатқан мемлекеттік саясатты, конституциялық реформаларды және жаңа бастамаларды қолдайтындықтарын айтты.<img src="https://knadmin.beoblood.kz/uploads/Konstitucziyaly_reforma_2_b12dce718e.jpg" alt="Конституциялық реформа 2.jpg">

Конституциялық реформа Тәуелсіз Қазақстанның орнықты дамуын қамтамасыз етеді 

<a href="https://kyzylorda-news.kz/">Kyzylorda-news.kz</a> &nbsp;«Әділетті және Прогрессивті Қазақстанның Халықтық Конституциясы үшін!» жалпыұлттық коалициясының өңірлік филиалы өкілдері «Ана мен бала» орталығының ұжымымен кездесті.Жиын барысында жаңа Конституция жобасының негізгі бағыттары, оның әлеуметтік салаға, соның ішінде денсаулық сақтау жүйесіне ықпалы жан-жақты түсіндірілді. Кездесуге коалиция мүшелері Гүлшат Мұсаева, Сәрсенкүл Биқожа, Раушан Ысқақова қатысып, медицина қызметкерлерін 15 наурызда өтетін республикалық референдумға белсенді қатысуға шақырды.Коалиция мүшесі Гүлшат Мұсаева жаңа Конституция жобасының өзегінде адам өмірі мен қадір-қасиеті тұрғанын атап өтті. Оның айтуынша, құжаттың басты ерекшелігі – адамға бағдарланған мемлекет моделін бекітуінде. Жаңа Преамбулада адам құқықтары мен бостандықтары мемлекеттің негізгі басымдығы ретінде жарияланып отыр.Бұл – жай ұстаным емес, мемлекеттік саясаттың құқықтық тірегіне айналатын қағида. Әсіресе медицина саласы үшін қауіпсіз еңбек жағдайларына, әділ сыйақыға және әлеуметтік қорғалуға қатысты нормалардың конституциялық деңгейде бекітілуі аса маңызды. Дәрігерлер мен медбикелердің еңбегі – қоғам денсаулығының кепілі, сондықтан олардың құқықтық мәртебесі де жоғары деңгейде қорғалуы тиіс. Сонымен қатар, «Заң және тәртіп» қағидатының енгізілуі саладағы әділдік пен жауапкершілікті нығайта түседі.Сәрсенкүл Биқожа өз сөзінде жаңа Конституцияның стратегиялық бағытына тоқталды. Ол құжатта білім, ғылым және адами капитал ұлттық дамудың басты қозғаушы күші ретінде айқындалғанын айтты. Салауатты ұлт қалыптастыру – осы адами капиталдың негізі. Сондықтан денсаулық сақтау жүйесін нығайту мемлекеттің ұзақмерзімді дамуымен тікелей байланысты. Сонымен қатар, биліктің бірден-бір қайнар көзі – халық екенінің нақты бекітілуі әр азаматтың саяси процеске қатысу мүмкіндігін кеңейтеді. Қазақстан Халық Кеңесін құру бастамасы да қоғам мен мемлекет арасындағы ашық диалогты күшейтетінін атап өтті. Ол заңдарға кері күш беруге тыйым салу құқықтық тұрақтылықты қамтамасыз етіп, әрбір азаматтың ертеңіне сеніммен қарауына жағдай жасайтынын жеткізді.Раушан Ысқақова Конституция жобасының ұлттық бірегейлік пен егемендікті нығайтуға бағытталғанына тоқталды. Егемендік, аумақтық тұтастық және мемлекеттің унитарлық сипаты өзгермейтін құндылықтар ретінде айқындалуы – ел тұрақтылығының берік кепілі. Сонымен қатар, зайырлылық қағидаты нақты бекітіліп, білім беру мен тәрбие жүйесінің бейтараптығы сақталатыны көрсетілген. Бұл қоғамдағы келісім мен тұрақтылықты қамтамасыз ететін маңызды негіз. Ол сондай-ақ биліктің теңдестірілген әрі есеп беретін жүйесін қалыптастыру арқылы басқару сапасы арта түсетінін айтты. Бір палаталы Құрылтайды құру – өкілді демократияны күшейтетін маңызды қадам.Басқосуда ұжым мүшелері өз сауалдарын қойып, жаңа Конституция жобасына қатысты пікір алмасты. Олар ел дамуына ықпал ететін тарихи сәтте шегініп қалмайтындықтарын білдірді.&nbsp;

«Ана мен бала» орталығы ұжымына Ата Заң жобасындағы өзгерістер таныстырылды

<a href="https://kyzylorda-news.kz/">Kyzylorda-news.kz</a> Қызылорда қаласындағы облыстық полиция департаментінің жедел басқару орталығы 2006 жылы <a href="https://kaz.inform.kz/news/kizilorda-kalasinda-20-zhilda-272-beynebakilau-kamerasi-ornatildi-dacc7a/">құрылған.</a>Облыс әкімдігінен хабарлағандай, одан бері кезең-кезеңімен 272 бейнебақылау камерасы орнатылды, жұмыс істеп тұр.<blockquote>– 2024 жылы аудан орталықтарындағы осындай орталықтарға келіп түсетін ақпараттарды қабылдау мен тіркеу автоматтандырылды. Оған 2 млрд 240 млн теңге бөлініп, 539 бейнебақылау камерасы мен 49 стационарлы жылдамдық өлшегіш құрылғы орнатылып, іске қосылды.Қызылорда қаласына қосымша 1400 бейнебақылау камерасын және 20 мекен-жайға 80 зияткерлік қиылыс, 58 мекен-жайға 96 стационарлы жылдамдық өлшегіш қондырғы, жасанды интеллект функциясы бар бейнеаналитикалық жүйе орнатуға, орталықты қайта жаңғыртуға жергілікті бюджеттен 4,5&nbsp;млрд теңге бөлініп, келісімшарт жасалды,&nbsp;– делінген хабарламада.</blockquote>Қазіргі кезде бейнебақылау камералары интеграцияланды, алдағы уақытта толық іске қосылады. Стационарлық жылдамдық өлшегіш құрылғылар «ЕРАП» жүйесіне қосылып, жұмысын бастап кетті. Қызылорда облысы бойынша «Көмек-112» және «Көмек-109» автоматтандырылған ақпараттық жүйелерін Бас прокуратураның «Цифрлық қадағалау» бірыңғай ақпараттық-талдау жүйесімен интеграциялау толық аяқталды.– 2021 жылдан бері 112 нөмірлі бірыңғай кезекшілік-диспетчерлік қызметі 24/7 режимінде 101, 102, 103, 112 нөмірлі шұғыл қызмет қоңырауын қабылдап келеді. «Kөмек-112» жүйесіне 2021-2026 жылдар аралығында 1 263 173 қоңырау тіркелген.<blockquote>2020 жылдан бері Қызылорда қаласында, ал 2023 жылдан бері облыс аумағында 109 бірыңғай нөмірі арқылы коммуналдық мәселелер бойынша өтініштер қабылданады. Автоматтандырылған ақпараттық жүйеге 856 549 қоңырау түскен, – делінген әкімдік хабарламасында.</blockquote>Бұған дейін Алматы облысының полиция департаменті жол қауіпсіздігін арттыру мақсатында көлік құралдарының орташа жылдамдығын тіркеу жүйесін енгізіліп жатқанын мәлімдеді.Фото: Нұрболат Нұржаубай

ЖИ қызметі бар бейнесараптамалық жүйе орнатуға келісімшарт жасалды

<a href="https://kyzylorda-news.kz/">Kyzylorda-news.kz</a> 2026 жылдың қаңтарынан бастап Қазақстанда жер қатынастары саласындағы үш қызмет цифрлық форматқа көшті. «Азаматтарға арналған үкімет» Мемлекеттік корпорациясының хабарлауынша, енді жердің нысаналы мақсатын өзгерту, жалдау мерзімін ұзарту және жер учаскесін сатып алу қызметтерін онлайн алуға болады.Цифрлық форматқа көшкен қызметтердің бірі – жер учаскесінің нысаналы мақсатын өзгерту. Мәселен, ауыл шаруашылығы мақсатында берілген жер учаскесін құрылысқа пайдалану үшін оның нысаналы мақсатын қашықтан өзгертуге болады.Сондай-ақ жер учаскесін жалға алу мерзімін ұзарту қызметі де онлайн қолжетімді. Егер жалдау мерзімі аяқталуға жақындаса, оны ұзарту туралы өтінішті 90 күн бұрын онлайн беруге болады.Бұдан бөлек, жер учаскесін жеке меншікке сату рәсімі де цифрландырылды. Жерді онлайн түрде біржолғы төлеммен немесе бөліп төлеу арқылы сатып алуға болады. Бұл меншік құқығын рәсімдеу процесін жеңілдетеді.Қызметтер «Жылжымайтын мүліктің бірыңғай мемлекеттік кадастры» ақпараттық жүйесі, электрондық үкімет порталы және жергілікті атқарушы органдардың жүйелері арқылы көрсетіледі. Бұл негізгі процестерді онлайн форматқа көшіруге және өтініштердің мәртебесін жүйе арқылы бақылауды жеңілдетуге мүмкіндік береді.Қызметтерді автоматтандыру «Жылжымайтын мүліктің бірыңғай мемлекеттік кадастры» ақпараттық жүйесін дамыту аясында жүзеге асырылды және мемлекеттік қызметтерді цифрландыру бағытының бір бөлігі болып табылады. Цифрландыру және жасанды интеллект жылы аясында Мемлекеттік корпорация мемлекеттік қызметтерді, соның ішінде жер қатынастары саласындағы қызметтерді де кезең-кезеңімен онлайн форматқа көшіріп, азаматтар мен бизнес үшін олардың қолжетімділігін арттыруды жалғастырады.Фото: Азаматтарға арналған үкімет

Енді жерді жалға алу, сату және мақсатын өзгерту онлайн рәсімделеді

<a href="https://kyzylorda-news.kz/">Kyzylorda-news.kz</a> Қазалы ауданы әкімі Алмасбек Есмахановтың төрағалығымен өткен мәжілісте наурыз айындағы мереке күндері коммуналдық салалардың үздіксіз жұмыс жасауы, қоғамдық саяси ахуал, аудан көлемінде тазалық жұмыстарын ұйымдастыру сынды бірқатар өзекті мәселелер талқыланды.Мәжілісте алдымен бірнеше күннен бергі қалың түскен қарды уақытылы тазалау, алдағы күндері ауа райының жылынуына байланысты еріген қар суларын тазарту, көшелерді су басу қаупінің алдын алу шаралары қаралды. Бұл бағытта аудандағы барлық мекеме, кәсіпорындар мен жауапты мекемелер жұмылдырылып, арнайы техникаларды толық дайындыққа келтіріп, ортақ іске бірлесе атсалысу жөнінде тапсырма берілді.Жиында алда өтетін наурыз айындағы мерекелік іс-шараларды жоғары деңгейде ұйымдастыру мәселесіне ерекше назар аударылды. Аудан әкімі мерекелік күндерде қоғамдық тәртіпті сақтау, тұрғындар үшін қауіпсіз әрі орта қалыптастыру – барша салаға ортақ міндет екенін атап өтті.Демалыс және мереке күндері коммуналдық салалардың тұрақты әрі үздіксіз жұмыс істеуі де мәжілістің басты тақырыптарының бірі болды. Атап айтқанда, су, жарық және жылу жүйелерінің қалыпты жұмысын қамтамасыз ету – халыққа көрсетілетін ең маңызды қызмет екені айтылды.– Демалыс халыққа берілген, біз ел үшін, халық үшін қызмет етуіміз керек. Әрбір сала тұрғындардың тұрмысына тікелей әсер ететінін ұмытпауымыз қажет, – деген аудан басшысы осы бағытта барлық жауапты бөлімдерге қатаң бақылау орнатуды тапсырды.Жиында ауданның әлеуметтік-экономикалық даму көрсеткіштерінің орындалу барысы да қаралды. Әр сала бойынша бекітілген жоспарлардың орындалуы, көрсеткіштердің сапалы әрі уақтылы жүзеге асырылуы бойынша тиісті басшыларға нақты міндеттер жүктелді. Қазіргі таңда салынып жатқан құрылыс нысандарының барысы және биылға жоспарланған елді мекендерді газдандыру жобаларын жыл соңына дейін толық аяқтау мәселелері көтерілді.Мәжілісте қоғамдық-саяси ахуал да назардан тыс қалмады. Тұрғындармен кері байланысты нығайту, әлеуметтік тұрақтылықты сақтау және кез келген мәселені дер кезінде шешу – жергілікті атқарушы органдардың басты міндеті екені атап өтілді. Жиын соңында аудан әкімі барлық кент, қала және ауылдық округ әкімдеріне өз аймақтары бойынша тазалық, абаттандыру жұмыстарында осы кезден бастап қолға алу жөнінде нақты тапсырмалар берді.

Арнайы мәжілісте алдағы мақсат-міндеттер талқыланды

<a href="https://kyzylorda-news.kz/">Kyzylorda-news.kz</a> 2026 жылдың 15 наурызында республикалық референдум өтеді.2026 жылғы 27 ақпаннан бастап Сізге өз учаскеңізде референдумға қатысуға құқылы азаматтардың тізімінде өзіңіз туралы деректерді тексеру мүмкіндігі берілетін болады.Қандай да бір өзгерістер енгізу қажет болса Cіз дереу учаскелік референдум комиссиясына өтінішпен жүгіне аласыз. Егер азамат өзінің болатын жерін өзгертсе, ол 2026 жылғы 27 ақпаннан бастап, 14 наурыз күнгі сағат 18:00-ге дейін учаскелік референдум комиссиясына өтініштің негізінде есептен шығару куәлігін алуға құқылы. Есептен шығару куәлігін сенімхат негізінде алуға рұқсат етіледі.Есептен шығару куәлігін ұсынған кезде учаскелік референдум комиссиясы дауыс беру күні азаматты оның болатын жері бойынша учаскедегі тізімге енгізеді. Бір елді мекеннің шегіндегі басқа учаскеде дауыс бергісі келетін азаматтарға есептен шығару куәлігі берілмейді. Әрқайсымыздың дауысымыз маңызды!Фото: Қазақстан Республикасының Орталық референдум комиссиясы

Қазақстан және Қызылорда облысының жаңалықтары