Қызылорда облысы Полиция департаменті тарапынан жүргізіліп жатқан «Браконьер» жедел-профилактикалық іс-шарасы аясында Арал аудандық полиция бөлімінің қызметкерлері табиғатты қорғау бағытында бірқатар рейдтік іс-шаралар өткізуде.Рейд барысында Ваз 2121 автокөлігімен заңсыз аңшылықпен айналысқан 42 жастағы Арал ауданының тұрғыны ұсталды. Көлікті тексеру кезінде 1 дана аңшы мылтығы, 9 дана оқ және жүк салғыштан 2 қапқа салынған жалпы саны 55 дана үйрек пен қасқалдаққа ұқсас құстар табылып, тәркіленді.Аталған дерек бойынша заңсыз аңшылық фактісімен іс қозғалып, тиісті сараптамалар тағайындалды. Қазіргі таңда тергеп-тексеру амалдары жүргізілуде.Полиция қызметкерлері азаматтарды табиғатты қорғау заңнамасын сақтауға және заңсыз әрекеттерден бой тартуға шақырады.

Аралдық полицейлер заңсыз аңшылықпен айналысқан азаматты анықтады 

Әлемдегі ең биік ғимарат Бурдж-Халифада Қазақстанның көк туы бейнеленді. Бұл туралы&nbsp;<a href="https://stan.kz/">Stan.kz</a>&nbsp;агенттігі хабарлайды.Біріккен араб Әмірліктеріндегі Дубай қаласында Бурдж-Халифа ғимраты Қазақстанның көк туымен көмкеріліп, &nbsp;мемлеккеттік әнұранымыз қосылды. Ерекше сәтті Дубайдағы Қазақстан елшілігі өзінің Instagram парақшасында жариялады.&nbsp;“Біріккен Араб Әмірліктері Қазақстанды Республика күнімен құттықтады”,&nbsp;–&nbsp;делінген желідегі жазбада.

Әлемдегі ең биік ғимарат Қазақстанның көк туымен көмкерілді 

26 қазанда Орталық стадионда Қазақстан Премьер-лигасының соңғы турындағы матч өтті. Онда алматылық "Қайрат" өз алаңында "Астанамен" тең түсті.&nbsp;&nbsp;Бұл туралы&nbsp;<a href="https://stan.kz/">Stan.kz</a>&nbsp;агенттігі хабарлайды.Осылайша алматылық “Қайрат”&nbsp;қатарынан екінші жыл еліміздің чемпионы атанды.Кездесу алаң иелерінің белсенді шабуылдарымен басталды, алайда нақты гол соғатын сәттер бола қойған жоқ. Ал қонақтар сирек ұйымдастырған қарсы шабуылдарының бірінде нәтижеге қол жеткізді: 15-минутта “Астана”&nbsp;капитаны Марин Томасовтың&nbsp;соққысы қақпаға дәл кірді.“Қайрат”&nbsp;есепті теңестіруге талпынғанымен, бірінші тайм қонақтардың бір голдық басымдығымен аяқталды.Үзілістен кейін алаң иелері қарсыластың қақпасына жойқын шабуыл ұйымдастырып, өз мақсаттарына жетті. 55-минутта алматылық команданың ойыншысы Дастан Сатпаев есепті теңестірді.Бүгінгі “Қайрат”&nbsp;пен “Астана”&nbsp;арасындағы кездесу Қазақстан футболының нағыз эль-классикосы. Ойынның тағдыры чемпиондыққа тікелей әсер ететіндіктен, жанкүйерлердің қолдауы ерекше. Стадион маңында көтеріңкі көңіл күй, музыка мен ұрандар, балалардың күлкісі мен қолындағы командалық жалаушалар бәрі де бұл кештің ерекше екенін аңғартады.

"Қайрат" командасы Қазақстан чемпионы атанды 

Қазақстанда Республика күнінде 709 бала дүниеге келдіРеспублика күні еліміздің перзентханаларында 709 нәресте дүниеге келді. Оның ішінде 359 ұл және 350 қыз бар.Сонымен қатар, жаңа туған сәбилердің арасында бес жұп егіз бар.Фото: Нұрболат Нұржаубай&nbsp;

Республика күнінде 709 бала дүниеге келді 

Қызылорда облыстық «Ақмешіт-Сырдария» орталық мешітінде «Құран – бірлік пен береке бастауы» атты облыстық Құран жарысының жеңімпаздарын салтанатты марапаттау рәсімі өтті.Қазақстан Республикасының ұлттық мерекесі – Республика күні және Қазақстан мұсылмандары діни басқармасының 35 жылдық мерейтойы аясында ҚМДБ Қызылорда облысы бойынша өкілдігінің ұйымдастыруымен өткен рухани шарада Қызылорда қаласы мен барлық ауданнан келген 50-ден аса үміткер Құран Кәрімнің 5, 3 және 1 парасын жатқа оқу бойынша өзара бақ сынасты.Сыр өңірінің бас имамы Дастан қажы Жанасұлы жүлдегерлер мен «Көрермен көзайымы» атанған қатысушыны құттықтап, оларға арнайы дипломдар мен қаржылай сыйлықтар табыстады. Сонымен қатар, байқауға қазылық еткен облыстық «Ақмешіт-Сырдария» орталық мешітінің наиб имамы Шыңғысхан Жаппарханұлы, Жаңақорған кенті «Һисамиддин Сығанақи» мешітінің имамы Мұқан Нұрланұлы, «Қазалы» қарилар дайындау орталығының ұстазын Исмаил Омарұлын, жүргізген қалалық «Мүсірәлі ата» мешітінің имамы Қайырбек Тоқтықбайұлын, демеуші азаматты алғыс хатпен марапаттады. Және де орын иеленбеген өзге қатысушылар да ынталандыру сыйақысы мен алғыс хаттарға ие болды.Айта кетейік, шараға жергілікті жас кәсіпкер, мешіт жанашыры демеушілік көрсетті.Әділқазылар алқасының шешімімен Құран жарысының жеңімпаздары төмендегідей:- «Құран Кәрімнің 5 парасын жатқа оқу» аталымы І орын – 200 000 тг – Асқар Байбатшаев ІІ орын – 150 000 тг– Нұрислам Еркебұланұлы ІІІ орын – 100 000 тг– Айбек Мамаджанов- «Құран Кәрімнің 3 парасын жатқа оқу» аталымы І орын – 150 000 тг – Бақыт Жәнібек ІІ орын – 100 000 тг – Рамазан Русланұлы ІІІ орын – 70 000 тг – Абдулла Нишанбаев- «Құран Кәрімнің 1 парасын жатқа оқу» аталымы І орын – 100 000 тг – Иманали Жиенбай ІІ орын – 70 000 тг – Ержігіт Амандықов ІІІ орын – 50 000 тг – Талғат Исаұлы- Көрермен көзайымы жүлдесі – 30 000 тг - Әлимұстафа Қайрат.ҚМДБ Қызылорда облысы бойынша өкілдігінің баспасөз қызметі

Облыстық Құран жарысының жеңімпаздары анықталды

Қазақстанның даңқты боксшысы Геннадий Головкин халықаралық World Boxing федерациясының президенті лауазымына өз кандитурасын ұсынатынын мәлімдеді. Бұл туралы&nbsp;<a href="http://stan.kz/">Stan.kz</a>&nbsp;ақпарат агенттігі хабарлады.Бұны Геннадий Головкиннің өзі Instagram парақшасында жариялад“Достар, мен халықаралық World Boxing федерациясының президенті лауазымына өз кандидаттурамды ұсыну туралы маңызды шешім қабылдадым. Менің миссиям – бокстың олимпиадалық болашағын сақтау, сенімді нығайту және спортшыларды, жаттықтырушылар мен федерацияларды біздің спортты дамыту жолындағы талпыныстарында қолдау. Біздің басты мақсатымыз – Халықаралық Олимпиада комитетінің толық мойындауына қол жеткізіп, бокстың Лос-Анджелес-2028, Брисбен-2032 және алдағы Олимпиада ойындарындағы орнын бекіту. 23 қараша күні біз бокстың жарқын болашағына қарай маңызды қадам жасаймыз”, — деді Геннадий Головкин.Айта кетейік, Геннадий Головкин қазіргі таңда World Boxing ұйымының Олимпиадалық комиссиясының төрағасы және Қазақстан Ұлттық Олимпиадалық комитетінің президенті қызметін атқарады. Қазірдің өзінде Головкин World Boxing ұйымында ықпалды тұлғалардың бірі.Геннадий Головкин – Қазақстанның еңбек сіңірген спорт шебері, 2004 жылғы Олимпиада ойындарының күміс жүлдегері және 2003 жылғы әлем чемпионы.Кәсіби бокста Головкин IBF 2015–2018, 2019–2023, IBO 2011–2018, 2019–2023&nbsp;және WBA 2010–2018, 2022–2023&nbsp;нұсқалары бойынша әлем чемпионы атанды. Ол рингте қатарынан 23 рет қарсыласын нокаутпен жеңіп, орта салмақтағы ең жоғары нокаут көрсеткіші үшін Гиннестің рекордтар кітабына енген.

Геннадий Головкин World Boxing федерациясының президенті лауазымына өз кандидатурасын ұсынады

Қармақшы ауданының &nbsp;Т.Рысқұлов көшесінің бойында «Республика күні» мен «Алтын күз – 2025» мерекелеріне орай ауыл шаруашылығы өнімдерінің кең ауқымды жәрмеңкесі ұйымдастырылды.Молшылық мерекесіне айналған шараға аудан әкімі Жандос Еркінбек, аудандық мәслихат төрағалары мен депутаттары, ардагерлер қатысып, жергілікті шаруалардың өнімдерімен танысты.Жәрмеңкеге ауданның барлық ауылдық округтері мен кенттерінен келген диқандар мен кәсіпкерлер 38 автокөлікпен 114 тонна өнім жеткізді. Оның ішінде 25 тонна күріш, 50 тонна жеміс-жидек, көкөніс пен бақша өнімдері, 2 тонна сүт, ет және балық өнімдері, сондай-ақ 37 тонна жем-шөп тұрғындарға нарық бағасынан 15–20 пайыз төмен бағамен ұсынылды.Береке мен еңбектің мерекесіне айналған шара барысында жергілікті өнерпаздар әсем ән мен күйден шашу шашып, тұрғындарға көтеріңкі көңіл-күй сыйлады.Айта кетейік, өткен аптада облыс орталығында өткен «Алтын күз – 2025» жәрмеңкесіне де Қармақшылық шаруалар 51 жүк көлігімен 100 тоннаға жуық өнім жеткізіп, сапалы өнімдерімен жоғары бағаланған болатын.

Республика күні, Алтын күз мерекесіне орай сырдариялықтар марапатталды

Арал аудандық мәдениет үйінде 25 қазан – Республика күні мерекесіне орай «Қыран елім – Қазақстаным» атты салтанатты шара шымылдық түрді.Алдымен еліміздің Тәуелсіздік жылдарындағы дамуы мен Сыр елінің, Арал ауданының жетістіктері қамтылған бейнеролик көпшілік назарына ұсынылды.Салтанатты шарада Мемлекеттік Ту сахна төріне шығарылып, еліміздің Әнұраны шырқалды.Ұлттық мерекенің мәні ашылып, отаншылдық рух, елге, жерге деген сүйіспеншілік кеңінен дәріптелген мерекелік шараға аудан әкімі Аманжол Оңғарбаев арнайы қатысып, аудан тұрғындарын мерейлі мерекемен құттықтады.– Құрметті жерлестер, қадірлі ағайын! Баршаңызды мемлекетіміздің Тәуелсіздігіне негіз болған ұлттық мереке Республика күнімен құттықтаймын! Бұл ұлық мереке – ата-бабамыз аңсаған арманның жүзеге асқан, елімізге еркіндік сыйлаған, еңсесін тіктеген, бірлігі мен болашағына сенім ұялатқан Ұлы күн. Асқан табандылықпен келген тәуелсіздігіміздің мәнін, елдің болашағын және ұрпақтарымызға қалдыратын мұраның құндылығын әрдайым есте сақтау парызымыз. Егемендік тарту еткен әр күннің өзі бақыт. Сол бақытты Отанымыздың даму қарқыны жоғары деңгейде. Ел өміріндегі өзгерістер мен нәтижелі істер Арал ауданында да лайықты дәрежеде атқарылып келе жатыр деуге толық негіз бар. Республика күні біздің тәуелсіз таңдауымыздың, еркіндік пен әділеттің символы. Еліміз осы жылдар ішінде қиындық пен сыннан сүрінбей өтіп, әлемге танылған қуатты мемлекетке айналды. Оның барлығы елдің ынтымағы мен азаматтардың қажырлы еңбегінің нәтижесі. Мықты мемлекет болудың да негізі осы. Бостандық пен еркіндіктің бастауы болып табылатын осы салтанатты күні Сіздерге игілік пен бақыт, бақ-дәулет, ырыс тілеймін, – деді Аманжол Сақыпұлы.Одан соң, мемлекеттік қызметке жаңадан тағайындалған жас мамандар салтанатты түрде ант қабылдады.Атаулы мерекеде қоғамның түрлі саласында еңбегімен дараланған азаматтар облыс және аудан әкімінің «Алғысымен» марапаталды.Сондай-ақ ауданның дамуына, білім саласының жақсы нәитже көрсетіп, жетістіктерге жетуіне атсалысқан сала ардагері, Арал ауданының құрметті азаматы Амангелді Бөлекбаевқа Қазақстан Республикасы Оқу-ағарту министрлігінің «Еңбек ардагері» төсбелгісі табысталды.Мерекелік кеш мағыналы әрі мазмұнды концерттік бағдарламаға ұласты. Шежірелі тарихымыздан сыр шертер әсем ән әуелеп, арнау айтылып, ұлттық аспаптардан күй күмбірлеп, патриоттық бағыттағы туындылар шырқалды.<img src="https://knadmin.beoblood.kz/uploads/FB_IMG_1761392857080_e90946dd5c.jpg" alt="FB_IMG_1761392857080.jpg">

Аралда мерекелік іс-шара ұйымдастырылды

“AMANAT” партиясының облыстық филиалы алаңында «Қарызсыз қоғам» жобасы аясында &nbsp;азаматтармен кездесу өтті.Жиынға «Қарызсыз қоғам» жобасының Қызылорда облысындағы қаржы сарапшысы Балдырған Мамен, Қызылорда облысының экономика және қаржы басқарма басшысының орынбасары Дастан Баймаханов, «ҚР қаржы нарығын реттеу және дамыту агенттігі» РММ Қызылорда қаласындағы өңірлік өкілдер басқармасының басшысы Ләззат Темірова, Қазақстан Заңгерлер Одағынының мүшесі, Заң консультанты, Дәулет Ізбасаров, медиатор Жақсыбай Жакеев қатысып, қаржылық сауаттылықты арттыру, қарыз жүктемесін азайту және жеке қаржыны басқаруда жауапкершілік мәдениетін қалыптастыру, алаяқтықтан қорғану, медиация тақырыптары аясында &nbsp; жан – жақты түсіндірме жұмыстарын жүргізді.«AMANAT» партиясының бастамасымен жүзеге асырылып жатқан «Қарызсыз қоғам» жобасы &nbsp;өңірде белсенді түрде жұмыс істеуде. Жоба өз тиімділігін дәлелдеп, азаматтар тарапынан жоғары сұранысқа ие болып отыр. Мемлекет басшысы бұл жобаның маңыздылығын Қазақстан халқына арнаған биылғы Жолдауында да &nbsp;ерекше атап өткен болатын.Атап өту керек, биыл жобаның ерекшелігі &nbsp;оқу курстарына банктер мен микроқаржы ұйымдары алдында 90 күннен астам берешегі бар азаматтар қатыстырылып отыр және мақсатта биыл өңірде 23 мыңға жуық азаматтың сауаттылығын арттыру көзделсе, бүгінгі күнге олардың 70 пайызынан астамына мамандар тарапынан нақты кеңестер мен көмектер көрсетілген.Бүгінгі кездесу барысында да азаматтар өздерін толғандырған барлық сауалдарына мамандардан тегін, тиісті кеңестерін алып, негізгі шарттармен танысты.&nbsp;

Қарызсыз қоғам: Азаматтарға кеңес берілді

«AMANAT» партиясының «Кедергісіз келешек» партиялық жобасы аясында Қармақшы ауданындағы Психологиялық-педагогикалық түзету кабинетінде «Тең мүмкіндіктер» атты инклюзивті спорт фестивалі өткізілді.Шараның мақсаты – ерекше білім беруді қажет ететін балаларды қолдау, олардың қоғам өміріне белсенді араласуына жағдай жасау, денсаулық пен салауатты өмір салтын насихаттау.Фестивальдің ашылуында «AMANAT» партиясы Қармақшы аудандық филиалының төрағасы Ә. Қошалақов құттықтау сөз сөйлеп, бұл шараның балалардың әлеуетін арттырып, қоғамдағы тең мүмкіндіктер қағидатын нығайтуға бағытталғанын атап өтті.Іс-шара барысында балалар мен ата-аналар түрлі спорттық ойындарға қатысып, жарыс соңында жеңімпаздар мен белсенділерге алғыс хаттар мен естелік сыйлықтар табысталды. Мұндай игі бастамалар қоғамда инклюзия мәдениетін дамытуға, барша азаматтарға бірдей мүмкіндік жасауға жол ашады.

Инклюзивті спорт фестивалі өтті

Бүгін Қызылордадағы Мемлекеттік Рәміздер аллеясында облыс әкімі Нұрлыбек Нәлібаевтың қатысуымен Ұлттық мереке - Республика күніне және Қазақстанның Егемендік туралы декларациясының 35 жыл толуына орай Мемлекеттік Ту көтеру рәсімі өтті.Елдік рухты асқақтатып, ұлттық бірегейлікті, тәуелсіздік құндылықтарын және ұлттың мәңгілік мұратын айшықтайтын бұл рәсімге құқық қорғау органдарының, басқарма, департаменттердің басшылары, облыстық мәслихат депутаттары, зиялы қауым өкілдері мен күштік құрылымдар мамандары қатысты. Мемлекеттік Ту көтеру сәтінде әскери хор Мемлекеттік Гимнді орындады.&nbsp; Мерекелік салтанатты шара «Чемпионмен бірге жүгір» марафонына ұласты.Фото: Қызылорда облысының баспасөз қызметі

Қызылордада Республика күніне орай Мемлекеттік Ту көтеру рәсімі өтті

Кеше облыс әкімі Нұрлыбек Нәлібаевтың қатысуымен «Өнер орталығында» Республика күніне арналған мерекелік салтанатты шара өтті. Оған басқарма, департамент, құқық қорғау органдарының басшылары, Қызылорда қаласы мен аудан әкімдері, зиялы қауым өкілдері қатысты.Аймақ басшысы жиналған жұртшылықты Ұлттық мереке – Республика күнімен құттықтап, өңірде атқарылған, жоспарланған жұмыстардың бағыт-бағдарына тоқталды.– Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын маңызды мереке.Президентіміз Қасым-Жомарт Кемелұлы «Бұл – қазақтың мемле­кеттілік дәстүрі қайта жаңғырған тарихи күн. Көк түріктер дәуірінен, Алтын Орда, Қазақ хандығы заманынан келе жатқан елдігіміз тамырын тапқан күн. Бұл – Алаш арыстарының азаттық жолындағы арпалысы ақталған күн» – деген болатын.Рухы биік бабаларымыздың арманы болған азаттықты аялау, халқымыздың татулығын сақтау – біздің басты парызымыз.Бүгінгі мерейлі сәтті аймағымыз толайым табыстармен, жарқын жетіс­тіктермен, ерекше көңіл-күймен қарсы алуда. Өңіріміздің негізгі макро­экономикалық көрсеткіштерінің өсімі қамтамасыз етіліп, республикада алдыңғы қатардамыз.Биыл облыстың жалпы өңірлік өнім көлемі 3 трлн теңгеден асады. Соңғы үш жылда аймақ экономикасына 1 триллион 600 млрд теңге инвестиция құйылса, осы жылы 720 млрд теңгеден астам инвестиция тартылады. 2025-2028 жылдары құны 2 трлн теңгеден асатын 89 инвестициялық жоба аясында 11 мыңнан астам жаңа жұмыс орны ашылады.Президентіміздің, Үкіметтің ерек­ше қолдауымен облыс бюджеті 851 млрд 300 млн теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды. Даму бюджетінің көлемі 2021 жылы 47 млрд теңге болса, биыл 207 млрд теңгеге жетіп, 4,5 есе артты.Бұл қаражат аймағымыздың ең өзекті деген мәселелерін шешуге, тұрғындардың өмір сүру сапасын жақсартуға, жаңа инфрақұрылымдық жобаларды іске асыруға бағытталды.<h2 style="margin-left:0px;text-align:justify;">Дана халқымыз «Бірлік бар жерде тірлік бар» деген. Ата-бабамыздан мирас болған мәдениетіміз бен ұлттық дәстүрлерімізді сақтаған, ана тілімізді биік тұғырға қондырған халқымыз бекем бірлігімен жасай бергей! – деді облыс әкімі.</h2>Сыр өңірінде 2022 жылдан бері 200-ге жуық халыққа қажетті әлеу­меттік нысан салынып, тұрғындар игілігіне берілген. Сондай-ақ 1600 шақырым автомобиль жолы мен 30 көпір өткелін салуға, күрделі жөндеуден өткізуге 144 млрд 775 млн теңге бөлінді. Биыл жақсы жағдайдағы жолдың үлесі 95 пайызға жетеді. Қызылорда қаласында 270 көше қайта жаңғыртылды.Мемлекет басшысының тапсыр­масына сәйкес, барлық елді мекен 100 пайыз орталықтандырылған сапалы ауызсумен қамтамасыз етілді. 2021 жылдың соңында газдандыру деңгейі 67 пайыз болса, бүгінде бұл көрсеткіш 83 пайызға жетті.Кейінгі жылдары тұрғын үй кезегінде тұрған азаматтарға 5 мыңнан аса пәтер табысталды. Аудандарда алғаш рет бір жарым мыңға жуық жаңа пәтер жерлестерімізге берілді. Биыл 3600 пәтерлік тұрғын үй салуға бюджеттен 58 млрд 785 млн теңге бөлінген.Республика күніне арналған салтанатта еліміздің әлеуметтік-гума­нитарлық дамуындағы аса үздік жетістіктері, белсенді қоғамдық қыз­меті, мемлекеттік және қоғамдық қызметтегі сіңірген еңбегі, халықтар арасындағы достық пен ынты­мақ­тастықты нығайтуға қосқан елеулі үлесі үшін бірқатар азаматқа мем­лекеттік наградалар табысталды.Мерекелік іс-шара облыс өнерпаз­дарының концертіне ұласты.

Қазақстан және Қызылорда облысының жаңалықтары