<a href="https://kyzylorda-news.kz/">Kyzylorda-news.kz</a> Жалағаш кентіндегі №133 сайлау учаскесінде дауыс беру үдерісі Қазақстан Республикасының қолданыстағы сайлау заңнамасының талаптарына толық сәйкес ұйымдастырылған. Учаскеде азаматтардың өз таңдауын еркін білдіруіне барлық қажетті жағдай жасалып, дауыс беру процесі ашықтық пен айқындық қағидаттары негізінде жүргізілуде.Атап айтқанда, учаскеде мүмкіндігі шектеулі азаматтарға қолжетімді орта қалыптастырылып, санитарлық және техникалық талаптар сақталған.Сонымен қатар, қоғамдық тәртіптің қамтамасыз етілуі, дауыс берудің заң талаптарына сай өтуі және азаматтардың құқықтарының бұзылмауы тұрақты бақылауда. Учаскеде бақылаушылар мен комиссия мүшелері өз міндеттерін жауапкершілікпен атқарып, дауыс беру барысының заң талаптарына сай жүргізілуіне ерекше назар аударуда.Жалағаш кентіндегі №133 сайлау учаскесінің комиссия мүшесі Гүлнар Мырзалиеваның &nbsp;айтуынша, учаскеде барлық рәсімдер заң аясында, белгіленген тәртіппен ұйымдастырылған.<blockquote>«Біздің учаскеде дауыс беру процесінің ашық әрі заң талаптарына сай өтуіне ерекше көңіл бөлінген. Әсіресе, заң талаптарының қатаң сақталып, құқық бұзушылықтың алдын алу және болдырмау мақсатында барлық жұмыстар атқарылуда», – дейді комиссия мүшесі Гүлнар Мырзалиева.</blockquote>Жалпы, №133 сайлау учаскесінде әрбір азаматтың конституциялық құқығын жүзеге асыруына толық мүмкіндік жасалып, дауыс беру процесінің әділ, ашық және қолжетімді жағдайда өтуі қамтамасыз етілген.Сурет: pixabay.com

№133 сайлау учаскесінде дауыс беру белсенді ұйымдастырылуда

<a href="https://kyzylorda-news.kz/">Kyzylorda-news.kz</a> Сырдария ауданындағы №156 сайлау учаскесінде дауыс беру күні учаскелік сайлау комиссиясының жұмысы белгіленген тәртіпке сәйкес ұйымдастырылуда.Сайлау учаскесінде азаматтарды қабылдау, олардың дауыс беру құқығын қамтамасыз ету және қажетті рәсімдерді жүргізу жұмыстары талаптарға сай жүзеге асырылуда. Комиссия мүшелері сайлаушыларға түсіндірме жұмыстарын жүргізіп, дауыс беру барысын ұйымдастыруға жауапкершілікпен атсалысуда.Сайлау учаскесінде қоғамдық тәртіп пен қауіпсіздік шаралары да назарда. Дауыс беру процесі ашық әрі ұйымдасқан түрде өтіп, азаматтардың өз таңдауын еркін білдіруіне барлық жағдай жасалған.Учаскелік комиссия мүшелері дауыс беру процесінің белгіленген талаптарға сәйкес өтуін қамтамасыз етіп, сайлаушылардың белсенді қатысуына жағдай жасауда.Фото: ҚР ОСК &nbsp;

Дауыс беру күні учаскелік комиссиялардың жұмысы белгіленген тәртіппен өтуде

<a href="https://kyzylorda-news.kz/">Kyzylorda-news.kz</a> Бүгін еліміздің қоғамдық-саяси өміріндегі маңызды күндердің бірі. Тарихта алғаш рет өтіп жатқан Құрылтай сайлауына халықтың белсенділігі айрықша байқалуда. Ел болашағына бейжай қарамайтын азаматтар сайлау учаскелеріне келіп, өз таңдауын жасап, азаматтық ұстанымдарын білдіруде.Сайлау учаскелеріне келіп, белсенділік танытқандар қатарында Қазалы ауданының спортшылары да бар. Аудан спортшыларының айтуынша, елдің ертеңі әр азаматтың таңдауынан басталады.<blockquote>«Сайлауға қатысып, өз таңдауымды жасау мен үшін азаматтық міндет. Спортта жеңіске жету үшін қалай мақсат қойып, аянбай еңбек етсек, елдің болашағы үшін де әр азамат өз жауапкершілігін сезінуі керек. Бүгінгі таңдауымыз ертеңгі күнге деген сеніміміздің көрінісі. Елімізде тұрақтылық пен бірлік нығайып, жастарға спортпен айналысуға, білім алып, өз қабілетін дамытуға мол мүмкіндік жасала берсе екен», – дейді спортшы.</blockquote>Ал тағы бір спортшы елдегі оң өзгерістердің жалғасуына әр азаматтың өзіндік үлесі бар екенін атап өтті.<blockquote>«Спортшы ретінде туған жерімнің намысын қорғау мен үшін үлкен мәртебе. Ал азамат ретінде ел өміріндегі маңызды саяси үдеріске қатысу үлкен жауапкершілік. Бүгін біз өз таңдауымызды жасап қана қоймай, жастарға ел болашағына бейжай қарамаудың үлгісін көрсетіп отырмыз. Мемлекетіміздің мерейі үстем, келешегіміз кемел болсын», – дейді ол.</blockquote>Сайлауға белсенді қатысқан спортшылар осылайша елдік мәселеге бейжай қарамайтынын танытты.&nbsp;

Қазалылық спортшылар сайлауда белсенділік танытты

<a href="https://kyzylorda-news.kz/">Kyzylorda-news.kz</a> Қармақшы ауданы, Жаңажол ауылы, №105 сайлау учаскесі Жаңажол ауылындағы №105 сайлау учаскесінде көпшілікке ерекше әсер қалдырған отбасылық көрініс орын алды. Бір шаңырақ астында 60 жыл ғұмыр кешкен Тортаевтар отбасы сайлау учаскесіне ұлттық киімдерін киіп, бірге келіп, өз таңдауларын жасады.Алты онжылдықты бірге өткерген ерлі-зайыптылардың өмір жолы – кейінгі ұрпаққа үлгі боларлық өнеге. Олар талай қуанышты бірге қарсы алып, қиындықтарды да бірге еңсеріп, шаңырақтың берекесін сақтап келеді.Тортаевтар отбасының бұл қадамы жастарға үлкенді сыйлау, отбасын қадірлеу және бірге өмір сүрудің мәнін көрсеткендей.

60 жыл бірге: Тортаевтар отбасы ұлттық киіммен өз таңдауын жасады

<a href="https://kyzylorda-news.kz/">Kyzylorda-news.kz</a> Гір спортынан жастар арасында әлем чемпионы Төлеген Қайсар Құрылтай сайлауында өз таңдауын жасап, маңызды қоғамдық-саяси науқанға белсенді қатысты.Халықаралық спорт ареналарында ел намысын абыроймен қорғап, көк байрақты биікте желбіретіп жүрген жас спортшы бұл жолы да азаматтық жауапкершілігін танытып, ел болашағына қатысты маңызды үдеріске өз үлесін қосты.Жас чемпионның айтуынша, елдің ертеңіне қатысты маңызды мәселелерде әрбір азаматтың пікірі мен таңдауының өзіндік орны бар.<blockquote>«Ел болашағына қатысты маңызды істерден шет қалмай, өз таңдауымды жасау әр азаматтың азаматтық парызы деп білемін. Құрылтайдың негізгі мәні де елдің келешегіне қатысты маңызды мәселелерді ортақ талқылап, халықтың үнін жеткізу деп ойлаймын. Біз, жастар, еліміздің болашағына бейжай қарамай, мемлекет дамуына өз үлесімізді қосуымыз керек. Ортақ мақсатымыз тұрақты, қуатты әрі жарқын Қазақстан», – деді Төлеген Қайсар.</blockquote>Әлем чемпионатының жеңімпазы ретінде халықаралық додаларда ел намысын қорғап жүрген Төлеген Қайсардың азаматтық белсенділігі &nbsp;жастардың ел тағдырына деген жауапкершілігінің артып келе жатқанын көрсетеді.

Гір спортынан әлем чемпионы өз таңдауын жасады

<a href="https://kyzylorda-news.kz/">Kyzylorda-news.kz</a> Қармақшы ауданындағы №105 сайлау учаскесінде «Ауылымның үлгілі келіндері» бастамасы аясында ерекше іс-шара ұйымдастырылды.Ауыл келіндері ұлттық киімдерін киіп, бір мезетте сайлау учаскесіне келіп, өз таңдауларын жасады. &nbsp;Қазақы нақыштағы ұлттық киім киген келіндердің бір уақытта учаскеге келуі көпшіліктің назарын аударды. Әсемдік пен салт-дәстүрді ұштастырған бұл көрініс сайлау күнінің есте қаларлық сәттерінің біріне айналды.Ауыл келіндері азаматтық белсенділігін көрсетумен қатар, ұлттық киімнің қадірін, қазақы салт-дәстүр мен әдет-ғұрыптың маңызын дәріптеді. Дәстүрі дәріптелген елдің ұрпағы да өнегелі болады.

Қармақшы ауданының келіндері ұлттық киіммен сайлау учаскесіне келіп, дауыс берді

<a href="https://kyzylorda-news.kz/">Kyzylorda-news.kz</a> Арал ауданына қарасты Қаратерең ауылында 10 балықшы дауыс беруге өздерінің балық аулау құрал-жабдықтарымен бірге №25 сайлау учаскесіне келді.Кәсібі балық аулаумен байланысты ауыл тұрғындары сайлау күні өз міндеттерін орындауды маңызды деп санайды. Олар өздерімен бірге күнделікті кәсібіне қажетті қармақ, ау және басқа да балық аулау құралдарын алып келіп, дауыс беруге қатысты.Балықшылардың айтуынша, ауыл тұрғындары үшін балық шаруашылығы дәстүрлі кәсіптің бірі. Сондықтан олардың сайлау учаскесіне балық аулау құралдарымен келуі күнделікті еңбегі мен азаматтық белсенділігін қатар көрсеткен ерекше көрініске айналды.<blockquote>– Біз күнделікті балық аулап, нәпақамызды осы кәсіптен тауып жүрген азаматтармыз. Сонымен қатар азаматтық міндетімізді орындап, дауыс беруге бірге келуді жөн көрдік. Дауыс беру әр азаматтың өз таңдауын білдіретін құқығы. Қандай кәсіппен айналыссақ та, ел өміріне қатысты маңызды мәселелерге өз көзқарасымызды білдіруіміз керек деп ойлаймын.</blockquote>

Аралда балықшылар дауыс беруге бірге келді

<a href="https://kyzylorda-news.kz/">Kyzylorda-news.kz</a> Белгілі спортшы, 2004 жылғы Афина Олимпиадасының чемпионы, халықаралық спорт шебері Бахтияр Артаев Қызылорда қаласындағы №380 сайлау учаскесінде Құрылтай депутаттарының сайлауына қатысып, өз дауысын берді.Әйгілі боксшы өз сөзінде бұл саяси шараның мемлекет үшін тарихи маңызын айрықша атап өтті.<blockquote>«Мемлекет басшысы Қасым-Жомарт Тоқаев сайлау қарсаңындағы үндеуінде бұл саяси науқанның ел болашағы үшін айрықша маңызын атап өтті. Құрылтай депутаттарын сайлау – мемлекетіміздің даму бағытын айқындайтын жауапты кезең. Сондықтан әрбір азаматтың дауыс беруге қатысып, өзінің конституциялық құқығы мен азаматтық ұстанымын білдіруі маңызды. Науқанның заң талаптарына сай, жоғары деңгейде өтуін қамтамасыз ету – баршамызға жүктелген ортақ міндет», - деді Бахтияр Ғарифоллаұлы.</blockquote>

Бахтияр Артаев: «Сайлаудың жоғары деңгейде өтуі – баршамызға ортақ жауапкершілік»

<a href="https://kyzylorda-news.kz/">Kyzylorda-news.kz</a> Құрылтай депутаттарын сайлауында дауыс берушілер тізіміне енгізілген 4 670 816 адам таңдау жасады. Бұл туралы Орталық сайлау комиссиясының мүшесі Ләззат Сүйіндік айтты, – деп хабарлайды <a href="https://kaz.inform.kz/news/kuriltay-2026-46-mln-nan-astam-azamat-dauis-berd-475ebb87">Қазақпарат.</a>Оның мәліметінше, астананың, облыстардың, республикалық маңызы бар қалалардың аумақтық сайлау комиссиялары ұсынған деректерге сәйкес, сағат 12:00-дегі жағдай бойынша өңірлерде сайлаушылардың дауыс беруге қатысуы мынадай:1. Астана қаласы бойынша – 35,28%.2. Абай облысы бойынша – 38,51%.3. Ақмола облысы бойынша – 39,57%.4. Ақтөбе облысы бойынша – 42,53%.5. Алматы облысы бойынша – 39,05%.6. Атырау облысы бойынша – 35,84%.7. Батыс Қазақстан облысы бойынша – 35,49%.8. Жамбыл облысы бойынша – 35,54%.9. Жетісу облысы бойынша – 47,29%.10. Қарағанды облысы бойынша – 40,56%.11. Қостанай облысы бойынша – 34,72%.12. Қызылорда облысы бойынша – 47,59%.13. Маңғыстау облысы бойынша – 34,68%.14. Павлодар облысы бойынша – 35,74%.15. Солтүстік Қазақстан облысы бойынша – 38,13%.16. Түркістан облысы бойынша – 43,14%.17. Ұлытау облысы бойынша – 34,93%.18. Шығыс Қазақстан облысы бойынша – 41,89%.19. Алматы қаласы бойынша – 17,87%.20. Шымкент қаласы бойынша – 41,60%.<blockquote>- Жалпы, еліміз бойынша сағат 12:00-де 4 670 816 сайлаушы бюллетень алды. Ол тізімге енгізілген азаматтардың 37,05 пайызын құрады. Сайлаушылардың дауыс беруге қатысуы туралы келесі ақпарат сағат 14:00-де беріледі, - деді ол.</blockquote>Бүгін еліміздің барлық өңірінде Құрылтай депутаттарын сайлау өтіп жатыр. Дауыс беру 10 423 сайлау учаскесінде өтеді.Сурет: ҚР ОСК

Құрылтай-2026: 4,6 млн-нан астам азамат дауыс берді  

<a href="https://kyzylorda-news.kz/">Kyzylorda-news.kz</a> Ел өміріндегі маңызды саяси науқанға Қазалы ауданындағы жедел жәрдем қызметкерлері де белсенді қатысып, өз таңдауларын жасады.Күнделікті халықтың денсаулығы мен қауіпсіздігі үшін тынымсыз еңбек ететін ақ халатты жандар кезекшілік кестесіне қарамастан, азаматтық міндетін орындап, дауыс беруге атсалысты.Ел болашағына бейжай қарамай, маңызды таңдауға белсенді қатысу – әр азаматтың жауапкершілігі.

Қазалылық жедел-жәрдем қызметкерлері дауыс берді

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев сайлау учаскесіне барды. Мемлекет басшысы Қазақстан Республикасының Құрылтай депутаттары сайлауында дауыс берді, – деп хабарлайды <a href="https://bairaqmedia.kz/kz/article/prezident-k-uryltaj-deputattary-sajlauynda-dauys-berdi-1787469025.html">Вairaqmedia.kz</a>.Президент Қасым-Жомарт Тоқаев Тәуелсіздік сарайында орналасқан №520 сайлау учаскесіне барып, Қазақстан Республикасы Құрылтай депутаттарының сайлауында дауыс берді.Содан кейін Мемлекет басшысы бұқаралық ақпарат құралдары өкілдеріне брифинг өткізді<blockquote>– Шын мәнінде, бүгін – еліміз үшін тарихи күн. Тұңғыш рет бір палаталы Құрылтай сайлауын өткізіп отырмыз. Бұл – маңызды тарихи оқиға. Біз біртұтас ел болып, ауқымды реформалар жүргізіп жатырмыз. Мұны бәріңіз білесіздер, куә болып отырсыздар. Ойдағыдай нәтижелерге қол жеткіздік. Дегенмен алдымызда тұрған жұмыс ауқымды, мақсатымыз маңызды деп айтуға болады. Бүгінгі сайлау – осы жұмыстың бастауы ғана, – деді Қасым-Жомарт Тоқаев.</blockquote>Сурет: Ақорда

Президент Құрылтай депутаттары сайлауында дауыс берді

<a href="https://kyzylorda-news.kz/">Kyzylorda-news.kz</a> Тереңөзек кентіндегі №155 сайлау учаскесінде Ұлы Отан соғысының ардагері, 105 жастағы Яхия Тасыров дауыс беріп, өз таңдауын жасады.Ғасыр жасаған қария ел болашағына бейжай қарамай, маңызды саяси науқанға қатысып, азаматтық белсенділіктің жарқын үлгісін көрсетті. Бүгінде ол облыстағы жалғыз Ұлы Отан соғысының ардагері ретінде үлкен құрметке ие. Қарты бар ел – қазыналы ел десек, бейбіт күннің қадірін терең түсінетін ардагердің ақ батасы мен өнегесі кейінгі ұрпақ үшін әрдайым құнды.Қарт майдангер елдің тұрақтылығы мен болашағы үшін әр азаматтың дауыс беруі маңызды екенін атап өтіп, мұндай саяси науқанға қатысу – әрбір азаматтың борышы екенін жеткізді.<blockquote>– Еліміздің ертеңі жарқын болуы үшін әркім өз таңдауын жасауы керек. Бірлігіміз бекем, тәуелсіздігіміз тұғырлы болсын, – дейді Яхия Тасыров.</blockquote>Ардагердің бұл игі ісі жастарға үлгі болып, ел тағдырына бейжай қарамай, қоғамдық өмірге белсенді қатысудың маңыздылығын тағы бір мәрте айқындап отыр.

Қазақстан және Қызылорда облысының жаңалықтары