<a href="https://kyzylorda-news.kz/">Kyzylorda-news.kz</a> Дональд Трамп АҚШ-тың 47-президенті ретінде ресми түрде қызметіне кірісті. Бұл туралы <a href="https://stan.kz/tramp-insguraciya-412634/">Stan.kz</a> ақпарат агенттігі хабарлайды.Ұлықтау рәсімі әдетте ашық алаңда өтетін.&nbsp;Алайда бұл жолы ауа райының қолайсыздығына байланысты шара Капитолий ғимаратының ішінде өтті.Вашингтонда Трамп пен оның вице-президенті Дж.Д.Вэнс Капитолий Ротундада ант берді.Ант беру кезінде Трамп бірден екі кітапты пайдаланды. Ол Трамптың 1955 жылы анасы берген жеке Інжілі және 1861 жылы АҚШ президенті Авраам Линкольн инаугурация кезінде пайдаланған барқытпен тігілген тарихи Линкольн Інжілі."Мен Америка Құрама Штаттарының Президентінің қызметін адал атқаруға және қолымнан келгенше Америка Құрама Штаттарының Конституциясын сақтауға және қорғауға салтанатты түрде ант етемін”, –&nbsp;деді Трамп.Сонымен қатар ол АҚШ-тың жаңа дәуірі басталғанын айтты.“Дәл қазір Американың алтын ғасыры басталады. Осы күннен бастап біздің еліміз гүлденіп, бүкіл әлемде құрметке ие болады. Барша халық бізге қызғана қарайтын болады", –&nbsp;деді Трамп.Айта кетейік, бұл Трамптың екінші инаугурациясы. 2017-2021 жылдар аралығында ол АҚШ-тың 45-президенті болды.Инаугурацияға өз орындарын алу үшін атақты адамдар, әлемдік көшбасшылар мен әлемнің ең бай адамдары келген. Олардың қатарында Аргентина президенті Хавьер Майли, X әлеуметтік желісінің иесі, SpaceX және Tesla компаниясының бас директоры Илон Маск, Amazon негізін қалаушы Джефф Безос және Ұлыбританияның бұрынғы премьер-министрі Борис Джонсон бар. Қонақтар арасында 2016 жылғы сайлауда Трамптың басты қарсыласы атанған Билл мен Хиллари Клинтон да бар.Руперт Мердок, TikTok бас директоры Шоу Жу, UFC Дана Уайт және Ұлыбританияның бұрынғы премьер-министрі Борис Джонсон да инагурацияда бой көрсетті.Трамптың инаугурациясында Капитолий Ротундаға 800 адам, Эмансипация Холлға 1300 және Visitor Center театрына 500 адам келеді деп жоспарланған еді. Капитолий ғимаратында барлығы 2600-ге жуық адам болды.Фото: Euronews

Дональд Трамп АҚШ-тың 47-президенті ретінде ресми түрде қызметіне кірісті

<a href="https://kyzylorda-news.kz/">Kyzylorda-news.kz</a> Бұл туралы Қызылорда облысының дене шынықтыру, спорт және туризм басқармасының басшысы Бақтияр Артаев мәлімдеді.Бұдан былай қызылордалық клуб жаңа маусымда легионерсіз, басқаша айтқанда, 100% қазақстандық ойыншылармен өнер көрсетеді.Сонымен қатар, Олимпиада чемпионы «Қайсардың» жаңа басшысы Талғат Әбдіғаппарұлын таныстырды.Фото: instagram.com/<a href="https://www.instagram.com/fckaysar_official/#">fckaysar_official</a>

Бақтияр Артаев: "Қайсар" клубы легионерсіз ойнайды

<a href="https://kyzylorda-news.kz/">Kyzylorda-news.kz</a> Медициналық және фармацевтикалық департаменті дәріхана қызметінің талап-ережелерінің сақталуын бақылайтынын білеміз.Аталған департамент 2024 жылы жеке және заңды тұлғалардың өтініші бойынша 74 тексеру жүргізген. Жүргізілген тексерулер бойынша тиісті шаралар қаралып, жауаптылар жүйелі жұмыс жасауда. Жыл бойы атқарылған жұмыстарды Медициналық және фармацевтикалық бақылау комитетінің Қызылорда облысы бойынша департаменті басшысының міндетін атқарушы Жанерке Жақсылық баяндап берді.<blockquote>– Жалпы Қызылорда облысы бойынша фармацевтикалық қызметті 522 нысан жүзеге асырады. 2024 жылдың 12 айында Департаментке Тиісті дәріханалық практика GPP талаптарына сәйкестігіне инспекция жүргізуге 28 өтініш түсті. Өткізілген 28 инспекцияның ішінде GPP талаптарына сәйкестігіне 26 сертификат берілді. 2024 жылы фармацевтикалық қызмет саласында мемлекеттік қызмет көрсетуге 457 өтініш келіп түсті. 2024 жылдың 12 айында Департаментке азаматтардың «Е-Өтініш» барлық өтініштерін қабылдау мен өңдеудің бірыңғай платформасы арқылы 67 жолданым келіп түсті,- деді Жанерке Алмасқызы.</blockquote><img src="https://knadmin.beoblood.kz/uploads/d_ri_irlik_1fcb2a5b3a.jpg" alt="дәрі өңірлік.jpg">Фото: Нұрболат Нұржаубай

Қала дәріханаларына GPP талаптарына сәйкес сертификаттар берілді

<a href="https://kyzylorda-news.kz/">Kyzylorda-news.kz</a> Елімізде &nbsp;жақында 5-18 жас аралығында балаларға арналған "Келешек" бағдарламасы басталды. &nbsp;Бұл ұрпақ тәрбиелеп отырған кез келген ата-ана үшін қуанышты жаңалық болды. Өйткені, мемлекеттік қолдауымен баланың кішкентай кезінен келешегіне аз-аздан белігілі бір мерзім аралығында қаржы жинауға мүмкіндік туды.Бұл білім беру жүйесінің сапасын жақсартуға бағытталған жоба деп есептеймін. Өз кезегінде еліміздің жұмыс күшінің сапасын арттырып, еңбек нарығындағы сұранысқа сай кадрларды қамтамасыз етеді.Бағдарламаның тағы бір тиімді тұсы ата-аналардың қаржылық сауаттылығын арттырады. Бұл, өз кезегінде, экономикалық тұрақтылықты сақтауға ықпал етіп, ел экономиканың өсуіне жағдай жасайды.Сонымен қатар, бағдарлама Қазақстанның білім беру жүйесіне бәсекелестік тұрғысынан оң әсер етпек. Өйткені есепшотында білім алуға қажетті қаражат жиналғанда балада таңдау болады. Осы арқылы ел ішіндегі білім сапасының артуы және шетелдегі білім алу мүмкіндіктері артады. Нәтижесінде студенттер мен ғалымдар өз әлеуетін толық пайдаланып, Қазақстанды білім мен ғылым саласындағы жаһандық деңгейде бәсекеге қабілетті елдер қатарына қоса алады. Шетелдік білім беру жүйелерімен ынтымақтастық еліміздің білім саласындағы ашықтықты арттырып, халықаралық деңгейде танылуына ықпал етеді.

“Келешек" - жас ұрпақтың болашағына жасалған инвестиция

<a href="https://kyzylorda-news.kz/">Kyzylorda-news.kz</a> Қызылорда қаласындағы «Евразия» спорт кешені облыстағы ұлттық спорт түрлері мен бұқаралық-сауықтыру және дене шынықтыруды дамытуға арналған ең үздік спорт кешені. Аталмыш ғимарат № 4 облыстық олимпиадалық резервтің мамандандырылған балалар-жасөспірімдер мектебінің теңгеріміне берілген. Мұнда 570 адамға арналған футзал, жаттығу залы, бокс және дзюдо залы, сонымен қатар жалпы ұзындығы - 25 метр, тереңдігі - 1,70 метр болатын бассейн қамтылған. Бұдан бөлек, жалға алу арқылы спорттың кейбір түрлері «Мұз айдыны» спорт кешенінде жүргізілуде.Қазіргі таңда № 4 облыстық олимпиадалық резервтің мамандандырылған балалар-жасөспірімдер спорт мектебінде 11 жаттықтырушы-оқытушы 402 спортшыны кәсіби түрде жаттықтыруда.Атап айтқанда, бокста – 1 жаттықтырушы, 28 спортшы, дзюдода – 1 жаттықтырушы, 53 спортшы, мәнерлеп сырғанауда – 1 жаттықтырушы, 31 спортшы, шорт тректе – 2 жаттықтырушы, 46 спортшы, хоккейде – 2 жаттықтырушы, 46 спортшы, жүзуде – 4 жаттықтырушы, 168 спортшы бар.Спорт мектебінің жемісті жұмысының нәтижесінде 2024 жылы ҚР чемпионаттарынан 2 алтын, 3 күміс, 4 қола медаль жеңіп алды.Айта кетейік, жоғарыда аталған спорттық үйірмелер балалардың жас ерекшелігіне байланысты ақысыз түрде қабылдайды.Нақтырақ айтқанда, бокс 10-12 жас, дзюдо 10-12 жас, жүзу 6-8 жас, мәнерлеп сырғанау 3-5 жас, шорт-трек 9-11 жас, шайбалы хоккей 6-8 жастан бастап қатысуына рұқсат етілген.Жеке сұрақтар бойынша № 4 Облыстық олимпиадалық резервтің мамандандырылған балалар-жасөспірімдер мектебі директорының оқу-ісі жөніндегі орынбасары Боздақбаев Бекзат 8 707 101 62 01 немесе қабылдау бөлімі 23 05 48 нөміріне хабарласуларыңызға болады.<img src="https://knadmin.beoblood.kz/uploads/Sport_mektebi_3_1746351949.jpg" alt="Спорт мектебі 3.jpg">Фото: Қызылорда облысының дене шынықтыру, спорт және туризм басқармасы

Жас спортшыларға серпін берген спорт мектебі

<a href="https://kyzylorda-news.kz/">Kyzylorda-news.kz</a> АҚШ-та TikTok жұмысын тоқтатқаннан кейін Еуропа елдері де аталмыш желіге тыйым салу идеясын көтерді. Бұл туралы <a href="https://stan.kz/">Stan.kz</a> ақпарат агенттігі хабарлады.Эстония сыртқы істер министрі Маргус Цахкна АҚШ-тан үлгі алып, TikTok-қа тыйымды Еуропада да қарастыру керегін айтты.Мұны Эстония шенеунігі X әлеуметтік желісінде (бұрынғы Twitter) жазды.<blockquote>«Соңғы жылдары біз TikTok-тың жалған ақпарат таратып, сайлау кезінде манипуляциялау алаңына айналатынын көрдік. Оның үстіне ауқымды деректер жинауы қауіпсіздікке үлкен нұқсан белгілі. Еуропада да TikTok-қа тыйым салуды қарастырған жөн», – деді ол.</blockquote>Еске салсақ, бұған дейін АҚШ-та TikTok желісіне тыйым салынғаны айтылды.Фото: Нұрболат Нұржаубай

Еуропада да TikTok желісіне тыйым салу ұсынылды

<a href="https://kyzylorda-news.kz/">Kyzylorda-news.kz</a> Жасанды интеллект - ғаламдық дамудың жаңа бағыты. Осы саланы терең меңгерген маман болашақта үлкен сұраныста болатыны анық. Қазіргі таңда жаңадан бой көтерген Жасанды интеллект институтының алғашқы білім алушылар қатарынанмын.&nbsp;Уақыт өте келе бұл таңдауымның дұрыс екеніне көзім жетуде. Себебі, оқытушылардың кәсібилігі мен жаңа мүмкіндіктердің ашылуы жасанды интеллект саласына қызығушылығымды одан әрі арттыруда.&nbsp; Қазіргі таңда жаңа технологиялардың тілін түсініп, оларды қолдану дағдыларын дамытудамыз. Жасанды интеллект саласы болашақта жоғары сұранысқа ие болып, &nbsp;жаңа жұмыс орындарының ашылуына мүмкіндік ашады. Қазіргі таңда Жасанды интеллект үлкен мәліметтерді (Big Data) өңдеуде және анализдеуде керемет құрал болып табылады. Осы бағытта биыл институтта SeoulTech университетімен қос дипломды «AI архитекторы», «Деректерді басқару» білім беру бағдарламалары бойынша кадрларды даярлау жүзеге аспақ.Алдағы уақытта осы бағдарлама негізінде Кореяда білімімді жетілдіріп, жаңа технологияларды әзірлеуге және болашақтың ғылымын өзгертуге ықпал етуді армандаймын. &nbsp;Толғанай Жақсыбай, Жасанды интеллект институтының 1-курс студенті

Жасанды интеллект  - келешектің келбеті

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Соңғы уақытта спеарфишинг деп аталатын алаяқтықтың бір түрі кеңінен таралуда. Бұл әдістің ерекшелігі – жеке тұлғаларға да, ұйымдарға да қауіп төндіруі.Fingramota.kz жаңа материалында спеарфишинг дегеніміз не және алаяқтардың аңдығаны кімдер екендігін талдаймыз.Спеарфишинг (spear phishing, аудармасы – «жасырын фишинг») – бұл нақты адамдар мен компанияларға бағытталған фишингтің түрі. Алаяқтар дербестелген тәсілдерді пайдаланып, құпия ақпараттарға, ақшаға немесе жүйелерге қол жеткізуді көздейді. Жаппай фишингтен айырмашылығы, спеарфишингтің шабуылдары алдын ала жоспарланып, нақты мақсаттарға бағытталады.Бұл қалай жүзеге асады?Спеарфишингтің бірнеше мысалын қарастырайық.Бірінші жағдайда алаяқтар компаниялардың топ-менеджерлері мен бухгалтерлеріне шабуыл жасайды. Олар қаржылық ақпаратқа немесе құжаттарға жоғары деңгейде қол жеткізе алатындықтан таңдалады. Алаяқтар бұл қызметкерлерге бас директордың атынан шұғыл ақша аудару немесе ішкі жүйелерге кіру құқығын беру туралы жалған хат жібереді. Бұл жерде спеарфишинг басқа алаяқтық түрімен – «Fake Boss» әдісімен тығыз байланысты.Біз бұл туралы осыған дейін жазған едік.Спеарфишингтің келесі ықтимал құрбандары – мемлекеттік қызметкерлер мен әскери құрылымдар. Мұнда алаяқтар әлдеқайда жоғары деңгейде жұмыс істейді, өйткені олардың мақсаты – тыңшылық немесе іріткі салу үшін құпия ақпараттарға қол жеткізу. Қаскөйлер мемлекеттік мекемелерге жұмыс құжаттарына байланысты деген сылтаумен қосымшасы бар хат жібереді.Алайда, бұл қосымша зиянды бағдарламаны қамтиды. Бұл санаттағы азаматтар нысанаға алынған себебі – олардың құпия мәліметтері стратегиялық маңызға ие болуы мүмкін.Спеарфишингтен дара кәсіпкерлер де зардап шегуі мүмкін. Алаяқтарға олардың серіктестері, клиенттері немесе қаржылық ресурстары туралы мәліметтер қажет. Бұл ақпаратты алу үшін алаяқтар оларға «өнім беруші» атынан жалған шотты төлеу туралы хат жібереді. Әдетте, шағын компанияларда киберқауіпсіздік әлсіз болады, сондықтан алаяқтар қажетті деректерді оңай алып, кәсіпкерлерді алдап, ақшалары мен құпия мәліметтерін тартып алады.Егер сіз әлеуметтік желілердің белсенді пайдаланушысы болсаңыз, спеарфишингтік алаяқтардың назарына түсуіңіз әбден мүмкін. Құпия деректеріңізді алғаннан кейін алаяқтар достарыңыз бен жақындарыңызды алдап, олардың ақшасын тартып алуға тырысады немесе сіздің атыңыздан ірі қарыздар ресімдеуге әрекет етеді. Сондай-ақ, дербес деректеріңізге қол жеткізіп, сізді бопсалауы мүмкін, мысалы, жеке хаттар мен фотоларыңызды пайдаланып, «үндемеу» үшін ақша талап етеді. Тағы бір әдіс – «ұтыс» туралы хабарлама немесе жалған парақша арқылы құпиясөзді қалпына келтіру туралы сұрау салу жіберіледі. Егер сеніп, құпиясөзді өзгертсеңіз, сіз туралы барлық қажетті ақпарат алаяқтардың қолына түседі.<img src="https://knadmin.beoblood.kz/uploads/spearfising_infographics_kaz_1_096cfc87cd.png" alt="spearfising-infographics-kaz-1.png">Спеарфишингті қалай тануға болады?«Әңгімелесушілер» сіздің дербес деректеріңізді – атыңызды, лауазымыңызды немесе жұмысыңыз туралы ақпаратты пайдаланады; Қаскүнемдер шұғылдық ахуалын жасанды түрде туындатады – мысалы, әлеуметтік желідегі аккаунтыңызды өшіру немесе маңызды жүйеге қолжетімділікті жоғалту қаупімен қорқытады; Бөгде адамдар ақша аудару немесе құпия ақпарат жіберу туралы ерекше өтініштермен жүгінеді; Алаяқтар жалған сайттарға сілтемелер жібереді – олардың URL мекенжайында бір қарағанда байқалмайтын ұсақ қателер болуы мүмкін. Мекенжай әрдайым https-тен басталуы керек екенін есте сақтаңыз.Спеарфишингтен қалай қорғануға болады?Киберқауіпсіздік туралы ақпаратты үнемі оқып, тренингтер мен шеберлік сабақтарына қатысып, тиісті әдебиеттерді оқыңыз;Құрылғыларыңызда екі факторлы аутентификаттауды қосыңыз;Корпоративтік поштада спам мен фишингтен қорғау сүзгілерін орнатыңыз;Ақпаратты растау үшін жіберушіге ресми байланыс арқылы қоңырау шалыңыз;Белгісіз жіберушілердің қосымшаларын ашпаңыз және кім екенін айтса да бейтаныс адамдарға сенбеңіз. Fingramota.kz-пен бірге қаржылық сауатты болыңыз!fingramota.kz

Спеарфишинг: алаяқтардың аңдығаны кімдер? 

<a href="https://kyzylorda-news.kz/">Kyzylorda-news.kz</a> Әйгілі ұялы телефон өндіруші Nokia телефон шығаруды ресми түрде тоқтатты. Бұл туралы <a href="https://stan.kz/aygili-nokia-kompaniyasi-telefon-shigaru-nariginan-kett-412590/">Stan.kz</a> ақпарат агенттігі хабарлайды.Фин өндірушісінің барлық смартфоны мен планшеті 2017 жылдан бері телефон шығару құқығына ие болған HMD Global сайтынан жойылды.Брендтің өнімдері Apple және Samsung сияқты сала көшбасшыларымен бәсекеге түсе алмады. Nokia дәуірінің аяқталуы да компанияның соңғы бірнеше жылда елеулі жаңалықтарды немесе жаңа үлгілерді ұсынуымен байланысты болды.Бұл ретте компания ғарышта ұялы байланыс желісін орнату сынды жаңа жобалармен жұмысты жалғастырмақ.Бұрынғы кнопкалы телефондары қалады, бірақ жаңа смартфондар шығарылмайды.&nbsp;Фото: Нұрболат Нұржаубай

Әйгілі Nokia компаниясы телефон шығару нарығынан кетті

<a href="https://kyzylorda-news.kz/">Kyzylorda-news.kz</a> Бүгінде ғылым мен білімнің дамуына, халықаралық байланыстарды нығайтуға, сондай-ақ елімізде жаңа технологиялар мен инновацияларды енгізуге ерекше көңіл бөлінуде. Соның бірі – Болашақ бағдарламасы шеңберіндегі “ 500 ғалым” жобасы.Бұл жоба қазақстандық ғалымдардың өз салаларында жаңа бағыттарды меңгеріп, халықаралық тәжірибені қолдануына, сондай-ақ Қазақстанның ғылыми ортасын жаңартып, зерттеу жұмыстарын кеңейтуге мүмкіндік береді.Былтыр жоба аясында Қазақстанның ғылыми әлеуетін арттыруға және әлемнің жетекші университетінде тәжірибе алмасуға мүмкіндік алып, АҚШ-тың Иллинойс (UIUC) университетінде ғылыми тағылымдамадан өттім. UIUC әлемдегі ең үздік 50 университеттің қатарына кіреді. Әсіресе жаратылыстану, инженерия, информатика және бизнес саласындағы білім, ғылым, өндірістік бағдарламаларымен танымал. Осы ретте, өз саламда шетелдік ғалымдардың жеке дәрістеріне, тілдік дағдыларды арттыру мақсатында әртүрлі семинарлар мен академиялық іс-шараларына қатысу арқылы кәсіби білімімді шыңдадым.Америка Құрама Штаттары білім беруге ерекше көңіл бөледі. Ғылым мен білім саласындағы әлемдегі озық әрі жетекші оқу орындары да осы елде орналасқан. Тағлымдама барысында білім беру жүйесінің тиімділігі мен сапасын арттыру үшін үздік басқару әдістері мен стратегияларды қолдануды үйрендім.Шетелден келген кейін жаңа ғылыми жобаларды қолға алудамын. Тағылымдама кезінде байланыс орнатқан ғалымдардың қатысуымен экология саласында зерттеу тәжірибесін дамытып, жаңа жобалар ашуды жоспарлап отырмыз. Жаңа білімім мен тәжірибемді университеттің дамуына, білім алушылар мен жас әріптестерге үйретіп, заман талабына сай білім беру үшін қолданғым келеді.Фото: Қорқыт ата атындағы Қызылорда университеті

Рахат Құрманбаев: “500 ғалым” жобасы Қазақстан ғылымының болашағына тың серпін береді

<a href="https://kyzylorda-news.kz/">Kyzylorda-news.kz</a> Қазір жасанды интеллект саласы қарқынды дамуда. Сондықтан менің таңдауым Қорқыт ата университетінде Сеул Ұлттық ғылым және технологиялар университетімен бірлесіп ашқан білім бағдарламасы болды.Бүгінде мен Жасанды интеллект институтының 1-курс студентімін. Жаңа институттың алғашқы білім алушылар қатарында болғаныма қуаныштымын. Бұл салада білім алу – сұранысқа ие маман болу үшін үлкен мүмкіндік.Қазірдің өзінде жасанды интеллект институтындағы білім беру сапасының деңгейі жоғары деп айта аламын. Практикалық жобалармен айналысуға, стартап жобаларымызды ұсынуға мүмкіндер көп.Мен бағдарламалау жүйесі саласына қатты қызығамын. Болашақта осы саланың дамуына өз үлесімді қосқым келеді.Әділет Ерланұлы,Жасанды интеллект институтының 1-курс студентіФото: автордан

Қазақстан және Қызылорда облысының жаңалықтары