<a href="https://kyzylorda-news.kz/">Kyzylorda-news</a> Еңбек адамдары – ел дамуының негізгі тірегі. Олардың қауіпсіздігі мен денсаулығы – қоғамның басты байлығы. 28 сәуір – Дүниежүзілік еңбекті қорғау күні осы еңбек адамдарының құқықтарын қорғауға, олардың қауіпсіз еңбек жағдайларын қамтамасыз етуге арналған маңызды күн болып табылады. Осыған орай бүгін Өңірлік коммуникациялар қызметінің ақпарат алаңында облыстағы еңбек қатынастарының жай-күйі, өндірістік жарақаттардың алдын алу және қауіпсіз еңбек жағдайларын жасау бойынша атқарылған жұмыстар туралы Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитеті Қызылорда облысы бойынша департаментінің бөлім басшысы Болат Досымов, облыстық кәсіподақтар орталығы төрағасы Мақсұт Нәлібаев және облыстық кәсіподақтар орталығы төрағасының орынбасары Марат Бәйімбетов айтты.<blockquote>- Еңбек – біздің өміріміздің маңызды бөлігі. Әрбіріміз еңбегіміздің әділ бағаланып, ең бастысы, қауіпсіз ортада атқарылғанын қалаймыз. Жұмыс орнындағы жарақаттану мен жазатайым оқиғалардың алдын алу – баршамыздың ортақ міндетіміз. Жұмыс берушілер қауіпсіз еңбек жағдайын жасауға жауапты болса, қызметкерлер еңбек қауіпсіздігі ережелерін сақтап, өз құқықтарын біліп, тәуекелдерге жол бермеуі тиіс. Осы мақсатта облыс аумағында жазатайым оқиғаларға арнайы тергеп-тексеру жүргізілді. Департамент барлық жұмыс берушілерді еңбек қауіпсіздігін күшейтуге, алдын алу шараларын дер кезінде қабылдауға шақырады. Қауіпсіз еңбек – әр қызметкердің өмірі мен денсаулығының кепілі екенін естен шығармайық,-деді, Болат Бекайдарұлы.</blockquote>&nbsp;<blockquote>- Әлем бойынша жыл сайын 28 сәуірде Халықаралық еңбек ұйымының бастамасымен Дүниежүзілік еңбекті қорғау күні атап өтіледі. Бұл күн – өндірісте қаза тапқан, жарақат алған және кәсіптік аурулардан зардап шеккен азаматтарды еске алуға арналған маңызды күн. Ол өндірістік процестерде адамның өмірі мен денсаулығы әрдайым басымдықта болуы керек екенін тағы бір мәрте еске салады. Қызылорда облысы аумақтық кәсіподақтар бірлестігі 12 салалық кәсіподақтардан құралған, құрамында 1015 кәсіподақ ұйымы мен 96 812 мүшесі бар. Бүгінде облысымызда еңбек ұжымдарындағы әлеуметтік-еңбек жағдайларын тұрақтандыру мақсатында 16 кәсіпорында салалық кәсіподақтармен бірлесіп мониторинг жұмыстары жүргізілді. Біз алдағы уақытта да еңбек қауіпсіздігін қамтамасыз ету бағытындағы жұмыстарды күшейте береміз,-деді, Мақсұт Ыбырайханұлы.</blockquote>&nbsp;<blockquote>- Бұл күн — жұмыс орындарында қауіпсіздік пен денсаулықты сақтау мәселесіне ерекше назар аударатын маңызды мереке. Еңбек — кез келген қоғамның негізі, дамудың бастауы. Біздің облысымыздың өркендеуінде өз қолтаңбасын қалдырып жүрген қарапайым еңбек адамдарының еңбегі ерекше құрметке лайық. Олар — таңның атысы, күннің батысы демей, өз ісіне адалдықпен қарап, экономикамыздың берік тірегі болып отырған нағыз қаһармандар. Облыстық кәсіподақтар орталығы тарапынан өндірістік жарақаттануды азайту, еңбек жағдайларын жақсарту бағытында бірқатар жұмыстар жүргізіліп келеді. Біздің мақсатымыз — әрбір еңбеккердің өз жұмыс орнында өзін қауіпсіз сезінуіне мүмкіндік беру. Осы мүмкіндікті пайдалана отырып, барлық еңбек адамдарын еңбектегі қауіпсіздік ережелерін қатаң сақтауға, өз өмірлеріне жауапкершілікпен қарауға шақырамын, - Марат Серікбайұлы.</blockquote>

28 сәуір – Дүниежүзілік еңбекті қорғау күні

<a href="https://kyzylorda-news.kz/">Kyzylorda-news.kz</a> Бүгінгі таңда қоғамда цифрлық сауаттылықтың маңызы арта түсуде. Осыған орай “Азаматтарға арналған үкімет” мемлекеттік корпорациясының Қызылорда облыстық филиалы “Қорқыт ата” университетінің студенттеріне арналған практикалық сабақ өткізді. Шара барысында жастар мемлекеттік қызметтерді онлайн түрде алу жолдарын тәжірибе жүзінде меңгерді.Сабақта студенттер электронды үкімет порталы арқылы түрлі қызметтерді рәсімдеу, сондай-ақ мобильді қосымшалар арқылы қажетті анықтамаларды алу, өтініш беру сияқты дағдыларды үйренді. Мамандар әр қызмет түрінің қолжетімділігін, қауіпсіздік шараларын және цифрлық қолтаңбаны қолдану жолдарын да түсіндірді.Іс-шараның басты мақсаты — жастардың цифрлық дағдыларын арттыру, оларды заманауи технологияларды тиімді пайдалануға үйрету. Бүгінде мемлекеттік қызметтерді үйден шықпай-ақ смартфон арқылы алу мүмкіндігі бар, бұл өз кезегінде уақыт үнемдеуге және қызмет көрсету сапасын арттыруға септігін тигізеді.Осындай бастамалар жастардың цифрлық мәдениетін қалыптастыруға, олардың еңбек нарығындағы бәсекеге қабілеттілігін арттыруға үлкен үлес қосады.<img src="https://knadmin.beoblood.kz/uploads/Whats_App_Image_2025_04_28_at_15_37_34_0cffc6aa5f.jpeg" alt="Университет.jpeg">

Жастарды цифрлық сауаттылыққа баулу жалғасуда

<a href="https://kyzylorda-news.kz/">Kyzylorda-news.kz</a> Б.Шөкенов атындағы саябақта талантты жерлесіміз, өнер әлеміне өшпес мұра қалдырған музыкант Батырхан Шөкеновты еске алу іс-шарасы өтті.&nbsp;Шарада Қазақстанның еңбек сіңірген қайраткері Батырхан Шөкеновтың рухына арналған тағзым гүлі қойылып, 1 минут үнсіздікпен еске алды.​ Сонымен қатар, қала әкімінің орынбасары Бақытжан Омаров және Б.Шөкеновтың ағасы Мүсірәлі Шөкенов виртуоз музыкант, талантты әнші-композитор жайлы естеліктерін айтты.Еске алу шарасында әнші, композитор Ғалым Елубаевтың орындауында Батырханның әндері шырқалды.<img src="https://knadmin.beoblood.kz/uploads/Batyrhan_Sh_kenov_eske_alu_580237761d.jpg" alt="Батырхан Шөкенов еске алу.jpg">

Батырхан Шөкеновты еске алу іс-шарасы өтті

<a href="https://kyzylorda-news.kz/">Kyzylorda-news.kz</a> Денсаулық сақтау министрлігі өкілдері соңғы уақытта елімізде қызылша&nbsp;және көкжөтелмен сырқаттанушылық бойынша эпидемиологиялық жағдай нашарлағанын мәлімдеді. Бұл туралы <a href="https://stan.kz/densaulik-saktau-ministrligi-kizilsha-zhane-kokzhotel-b-417138/">Stan.kz</a> ақпарат агенттігі хабарлайды.Ведомство мәліметінше, қызылша бойынша 75% жағдай және көкжөтел бойынша 87% жағдай жоспарлы вакцинация&nbsp;алмаған балаларға тиесілі. Министрліктегілер нақты қанша бала қызылшамен және көкжөтелмен сырқаттанып&nbsp;жатқанын хабарламады.Айта кетейік, Қазақстанда 27 сәуірде еуропалық иммундау апталығы басталды, бұл шара 3 мамырға дейін жалғасады.<blockquote>“Вакцинаның арқасында Қазақстанда 1996 жылдан бастап полиомиелит, 2009 жылдан бастап дифтерия тіркелмеген. Эпидпаротитпен сырқаттанушылық 100 еседен астам, А гепатиті –&nbsp;32 есе, В гепатиті –&nbsp;92 есе, қызамық&nbsp;2 мың&nbsp;еседен астам төмендеді”, –&nbsp;делінген хабарламада.</blockquote>Бүгінгі таңда иммундау бағдарламасы 21 инфекциядан қорғайды.Еске салсақ, 2024 жылдан бастап Ұлттық күнтізбеге 11-13 жас аралығындағы қыздарға арналған АПВ-ға қарсы вакцинациялау қосылды.Фото: Нұрболат Нұржаубай

Денсаулық сақтау министрлігі эпидемиологиялық жағдайдың қолайсыз екенін мәлімдеді

<a href="https://kyzylorda-news.kz/">Kyzylorda-news.kz</a> Қызылорда облысының қоғамдық даму басқармасының мемлекеттік әлеуметтік тапсырысы аясында «Асыл Мұра – Орда» қоғамдық қорының ұйымдастыруымен Қорқыт Ата атындағы Қызылорда университетінің «Шоқайтану» ғылыми орталығында «Чернобыль апаты: Ерлік пен естелік» тақырыбында тағылымды кездесу өтті.Шараға Қызылорда қалалық «Чернобыль» қоғамдық бірлестігінің төрағасы &nbsp;Шахатов Жұмабек Алиханұлы мен бірлестік мүшелері, «Жәрдем-Содействие» облыстық мүгедек әйелдер қоғамы» қоғамдық бірлестігінің төрайымы Аликулова Жанат Садикуловна, облыстық қоғамдық даму басқармасының «Азаматтық қоғам институттарымен жұмыс және жастар» бөлімінің басшысы Бихожаев Ернұр Бауыржанұлы, сондай-ақ университеттің студенттері қатысты.Кездесуге Қорқыт Ата атындағы Қызылорда университетінің Гуманитарлық-педагогикалық институтының директоры, тарих ғылымдарының кандидаты, доцент Тайман Сағат Тамшыбайұлы модераторлық етті. Ол өз сөзінде Чернобыль апатының әлемдік тарихтағы орны, оның зардаптары мен әлеуметтік салдарына тоқталып, қоғам жадында сақталуы тиіс маңызды тарихи оқиғалардың бірі екенін атап өтті.Шара барысында Чернобыль апатының зардабын өз көзімен көрген ардагерлер естеліктерімен бөлісіп, жастарға бейбіт өмірдің қадірін ұғындыру мақсатында жүрек тебірентерлік ойлар айтты. Жұмабек Алиханұлы өз сөзінде апат аймағында қызмет еткен азаматтардың жанқиярлық ерлігін тілге тиек етіп, бұл оқиғаның ел тарихындағы орнына ерекше мән берді. Жиын соңында қатысушыларға алғыс хаттар мен естелік сыйлықтар табысталды.&nbsp;Студенттер тарапынан қойылған сұрақтарға ардагерлер жан-жақты жауап беріп, кездесудің ашық диалог форматында өтуіне мүмкіндік жасалды.Бұл шара – өткенді ұмытпай, ерлікке тағзым етіп, жас ұрпаққа өнеге болатын тарихи сәттерден сабақ алу жолындағы маңызды қадам болды.

Тағылымды кездесу өтті

<a href="https://kyzylorda-news.kz/">Kyzylorda-news.kz</a> Қазақстанның Денсаулық сақтау министрлігі мектеп оқушыларының тамақтануын ұйымдастыруға мемлекеттік бақылауды күшейтетінін мәлімдеді. Бұл туралы <a href="https://stan.kz/kazakstandagi-mektep-ashanalari-eskertusiz-tekseriledi-417120/">Stan.kz </a>ақпарат агенттігі хабарлайды.Бұл шешім Маңғыстау облысы мектептерінің асханаларында балалардың жаппай улану жағдайларынан кейін қабылданды.Министрліктің мәлімдеуінше, қазіргі қолданыстағы заңнама нормалары балалардың барлық жүрген жерлерін мемлекеттік бақылау толық қамтуға мүмкіндік бермейді.<blockquote>"Санитариялық-эпидемиологиялық талаптардың бұзылуына байланысты мәселелерді жүйелі түрде шешу үшін Денсаулық сақтау министрлігі білім беру объектілеріне мемлекеттік бақылаудың жаңа тәсілдерін әзірледі. Бұл тәсілдер балалардың барған орындарына ерекше мәртебе беру, тексерулер туралы алдын ала хабарламаны алып тастау арқылы объективті бағалау жүргізу және санитариялық-эпидемиологиялық талаптарға сәйкестігін қамтамасыз ету мақсатында мониторингтік сапарларды енгізуді көздейді", – деп хабарлады ведомствоның баспасөз қызметі.</blockquote>Маңғыстау облысы мектеп асханаларындағы балалардың жаппай улануынан кейін 72 білім беру мекемесінің тізімі жасалды, ол жерлерде асханалардың жоспардан тыс тексерулері жүргізілетін болады. Бүгінгі таңда 14 мектеп асханасы тексеруден өтті.Улану оқиғаларын тергеу үшін ағарту және денсаулық сақтау министрліктерінің, сондай-ақ Бас прокуратураның өкілдерінен құралған ведомствоаралық жұмыс тобы құрылды.Өткен жылдың қыркүйегінде Маңғыстау облысы Бесшоқы ауылындағы №8 мектепте 460 оқушы жаппай уланған болатын, балалардың көпшілігі ауруханаға түсті. Оқушылардың ата-аналары журналистерге балалардың асханадан жиі сапасыз тамақ ішетініне шағымданған.Фото: freepik.com

Қазақстандағы мектеп асханалары ескертусіз тексеріледі

<a href="https://kyzylorda-news.kz/">Kyzylorda-news.kz</a> Облыс әкімінің орынбасары А. Зебешев қалада орналасқан өндіріс орындарының жұмыс барысымен танысты.Алдымен, «Қызылорда Нан» серіктестігі қолға алған, нан-тоқаш, кондитерлік және макарон өнімдерін өндіру кешенінің құрылысымен танысты.&nbsp;Жоба Бірыңғай индустрияландыру картасына енгізілген.&nbsp;Жоба 3 кезеңнен тұрады:<ul><li style="text-align:justify;">І кезеңде: нан – тоқаш, &nbsp;кондитерлік және макарон өнімдерін өндіріледі,&nbsp;</li><li style="text-align:justify;">ІІ кезеңде – ұн тарту комбинатын салу,&nbsp;</li><li style="text-align:justify;">ІІІ кезеңде: өсімдік майы өндіріледі.&nbsp;</li></ul>Инвестициялардың жалпы көлемі - 3,8 млрд. теңге. Жобаны іске асыру үшін мемлекеттік қолдау шарасы ретінде 5 гектар жер телімі бөлінді.Әрі қарай, «Панабек» серіктестігі 2003 жылдан бері жиһаз өнімдерін (кеңсе, асхана, мектеп және т.б.) шығарумен айналысады. Кәсіпорын 40 адамды жұмыспен қамтып отыр.&nbsp;Сонымен қатар, серіктестік кеңейту үшін қаладан ауданы 2,7 мың шаршы метр жер телімін сатып алды. Қазіргі таңда, құрылыс жұмыстары 80%-ға аяқталып ішкі және абаттандыру жұмыстары қалды.<img src="https://knadmin.beoblood.kz/uploads/K_sipkerlik_nysandardy_aralau_2_f5c3345348.jpg" alt="Кәсіпкерлік нысандарды аралау 2.jpg">

Облыс әкімінің орынбасары өндіріс орындарының жұмыс барысымен танысты

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаменті Есірткі қылмысына қарсы іс-қимыл басқармасы мен «Аманат» партиясының «Жастар рухы» жастар бірлестігінің мүшелері «Таза Қазақстан» акциясына өз үлестерін қосты.Жастар бүгінгі таңдағы қоршаған ортаны қорғау мәселесін қолдап, Есірткі қылмысына қарсы іс-қимыл басқармасымен бірге Олимпиада чемпионы Илья Ильин атындағы саябақты тазалауға үлес қосуды жөн көрді. Акцияға атсалысқан Сыр жастары тазалық жұмыстарын сақтай отырып, тыйым салынған заттарды қоқысқа тастады.Қызылорда облысы ІІД Есірткі қылмысына қарсы іс-қимыл басқармасының ұжымы қала көшелері мен саябақтарын қоқыстан тазартып, есірткі қылмысына қарсылық білдіріп, акцияға атсалысқаны үшін жастарға алғыс білдірді.

Қызылордалықтар «Таза Қазақстан» акциясына үлес қосты

<a href="https://kyzylorda-news.kz/">Kyzylorda-news.kz</a> Соңғы 5 жылда Қазақстандағы өндірістік жарақаттану деңгейі 6,3% - ға төмендеді, деп хабарлайды <a href="https://baq.kz/bugin-duniezhuzilik-enbekti-qorgau-kuni-200012552/">BAQ.KZ</a> Еңбек және халықты әлеуметтік қорғау министрлігіне сілтеме жасап.Жыл сайын 28 сәуірде Дүниежүзілік еңбекті қорғау күні атап өтіледі, оның мақсаты – жұмыскерлердің құқықтары, олардың әлеуметтік қорғалуы мен еңбек қауіпсіздігін арттыру мәселелеріне назар аудару. Қазақстанда өндірістік жарақаттану деңгейін төмендету бойынша жұмыстар жоспарлы түрде жүргізілуде. Қабылданған шаралардың нәтижесінде соңғы 5 жылда өндірісте зардап шеккендердің саны 6,3% - ға, бұрынғыға қарағанда қаза тапқандар саны 2,9% - ға азайды.<blockquote>Биылғы Дүниежүзілік еңбекті қорғау күнінің тақырыбы "Еңбек қауіпсіздігі мен гигиенасына революциялық көзқарастар: жұмыс орындарындағы жасанды интеллект пен цифрландырудың рөлі". Әлемнің барлық аймағында үкіметтер, кәсіподақ ұйымдары, жұмыс берушілер бірлестіктері және еңбекті қорғау саласындағы тәжірибе мамандары іс-шаралар ұйымдастырады, олардың шеңберінде еңбекті қорғау саласын жаңа технологияларды енгізу және цифрлық трансформациялау, қауіпсіз және салауатты өндірістік орта құру мәселелері қаралатын болады, - дейді ведомоства.</blockquote>Халықаралық еңбек ұйымының деректері еңбекті қорғау саласындағы ауқымды проблемалардың сақталуын айғақтайды – әлемде жыл сайын 270 млн-ға жуық жазатайым оқиға және 2 млн-нан астам адамның өмірін қиған 160 млн кәсіптік ауру тіркеледі.Қазақстанда жыл сайын кәсіпорындарда 1400-ден астам жазатайым оқиғаға жол беріледі, оның 200-ге жуығы адам шығынымен аяқталады.Экономика салалары бөлінісінде зардап шеккендердің ең көп саны тау-кен металлургия кешенінің кәсіпорындарында – 15,3%, құрылыс саласында – 12% байқалады.Елімізде 470 мыңнан астам жұмыскер зиянды және қауіпті еңбек жағдайларында жұмыс істейді. 2024 жылы аттестаттау нәтижелері бойынша 679 мың жұмыскер еңбек жағдайлары зиянды жұмыста істегені үшін түрлі өтемақы алды. Бұл мақсаттарға жұмыс берушілер 297,4 млрд теңге бөлді, бұл 2023 жылмен салыстырғанда 16,6% - ға көп.Салауатты және қауіпсіз еңбек жағдайларын одан әрі қамтамасыз ету үшін ҚР Еңбек және халықты әлеуметтік қорғау министрлігі (бұдан әрі – Еңбекмині) шаралар кешенін қабылдауда.2024 жылдың қорытындысы бойынша құқық қорғау органдарына жазатайым оқиғалар туралы 1042 материал жіберілді, олар бойынша 215 қылмыстық іс қозғалды. Жұмыс орындарында еңбек жағдайларының нақты жай-күйін бағалау мақсатында 7,7 мыңнан астам өндірістік объектілерді аттестаттау жүргізілді.Бұзушылықтардың алдын алу және болдырмау мақсатында еліміздің 3262 кәсіпорны еңбек қауіпсіздігі және еңбекті қорғау стандарттарын енгізді.2019 жылдан бастап Нөлдік жарақат тұжырымдамасы – Vision Zero белсенді түрде жүргізілуде. Бүгінгі таңда оған республиканың 605 кәсіпорны қосылды.Қазақстанның 318 кәсіпорны құрылыс саласының мердігерлік ұйымдарында қауіпсіз еңбек жағдайларын қамтамасыз ету үшін бақылаудың тікелей моделін енгізді.Зиянды еңбек жағдайларында жұмыс істейтін жұмыскерлерді әлеуметтік қорғаудың қосымша тетіктерін енгізу шеңберінде 2024 жылғы 1 қаңтардан бастап Қазақстанда арнаулы әлеуметтік төлем енгізілді. Бұл төлемдерге кемінде 7 жыл міндетті кәсіптік зейнетақы жарналары аударылған 55 жасқа толған жұмыскерлер құқылы. Осы мүмкіндікті пайдалана отырып, 14 мыңнан астам жұмыскер зиянды еңбек жағдайларындағы жұмысын тоқтатып, арнаулы әлеуметтік төлемдер алуда.Қазақстанда 2030 жылға дейінгі қауіпсіз еңбек тұжырымдамасы (бұдан әрі – Тұжырымдама) іске асырылуда, ол: еңбекті қорғау жөніндегі шараларды қаржыландыруда жаңа тәсілдерді қолдану, жұмыскерлердің жазатайым оқиғалардан міндетті сақтандыру жүйесіне қатысуын жандандыру; оқыту сапасын арттыру және еңбекті қорғау жөніндегі білімді тексеру есебінен еңбек жағдайларын жақсартуды және өндірістік жарақаттану мен кәсіптік аурулар деңгейін төмендетуді көздейді білімді тәуелсіз бағалауды енгізу арқылы еңбек ету; қоғамдық бақылаудың рөлін күшейту.Тұжырымдаманы іске асыру шеңберінде Кәсіпорындардың цифрлық картасы және Еңбек тәуекелдерінің цифрлық картасы іске қосылды, бұл нақты уақыт режимінде еңбек қауіпсіздігі мен еңбекті қорғауды қамтамасыз етуге, сондай-ақ кәсіпорындардағы еңбек қатынастарына байланысты тәуекелдерді бақылауға және алдын алу шараларын қабылдауға мүмкіндік береді.2025 жылдың 28-30 мамырына жоспарланған Еңбекті қорғау және өнеркәсіптік қауіпсіздік жөніндегі дәстүрлі конференция мен көрме Халықаралық еңбекті қорғау күніне орайластырылған. Бұл өзекті сын-тегеуріндерді талқылау және қауіпсіз еңбек жағдайларын қамтамасыз ету саласындағы шешімдерді іздеу үшін жетекші мамандарды, мемлекеттік органдардың, бизнестің және халықаралық ұйымдардың өкілдерін біріктіретін маңызды салалық іс-шара.Фото: freepik.com

Бүгін Дүниежүзілік еңбекті қорғау күні

<a href="https://kyzylorda-news.kz/">Kyzylorda-news.kz</a> "Жолаушылар тасымалы" АҚ Ұлттық тасымалдаушының 1 маусымнан бастап Орал-Маңғыстау бағыты бойынша әйелдер вагонын іске қосатынын мәлімдеді.&nbsp;Бұл туралы&nbsp;<a href="https://stan.kz/kazakstan-temir-zholi-tagi-bir-bagit-boyinsha-ayelder-v-417140/">Stan.kz</a>&nbsp;ақпарат агенттігі хабарлайды.Вагон №614/613 пойызы құрамында жүреді.&nbsp;Компания әйелдер вагондары келесі бағыттар бойынша қатынайтынын еске салды:<ul><li style="text-align:justify;">№77/78 "Алматы – Маңғыстау";</li><li style="text-align:justify;">№351/352 "Алматы – Маңғыстау";</li><li style="text-align:justify;">№45/46 "Павлодар – Түркістан";</li><li style="text-align:justify;">№37/38 "Маңғыстау – Семей";</li><li style="text-align:justify;">№47/48 "Атырау – Астана";</li><li style="text-align:justify;">№33/34 "Ақтөбе – Алматы";</li><li style="text-align:justify;">№4/3 "Астана – Алматы";</li><li style="text-align:justify;">№71/72 "Астана – Шымкент";</li><li style="text-align:justify;">№354/353 "Астана – Семей";</li><li style="text-align:justify;">№24/23 "Ақтөбе – Алматы";</li><li style="text-align:justify;">№25/26 "Алматы – Шымкент";</li><li style="text-align:justify;">№614/613 "Орал – Маңғыстау".</li></ul><blockquote>“Әйелдер вагондарында ер адамдардан&nbsp;тек жеті жасқа дейінгі ұл балаларға ғана рұқсат етіледі. Мұндай вагондарда тек әйелдер жолсерік болып жұмыс істейді”, –&nbsp;делінген хабарламада.</blockquote>Компания өкілдері жолаушыларға билеттерді онлайн рәсімдеу кезінде 'ЖН' (әйелдер) аббревиатурасына назар аударуға шақырды.&nbsp;Бұл билет тек әйелдерге&nbsp;сатылатынын білдіреді.Қазақстанда әйелдерге арналған вагондар&nbsp;2021 жылы пайда болды.&nbsp;Фото: Қазақстан темір жолы

Қазақстан темір жолы тағы бір бағыт бойынша әйелдер вагонын іске қосты

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық үйінің мәжіліс залында Пасхалық концерт аясында “Красная горка” мерекесі тойланды. Іс-шараны «Славяне» қоғамдық-мәдени орталығы ұйымдастырды.Концертке Қазан Құдай Ана Иконасы шіркеуінің бас шіркеу қызметкері, протоиерей Виталий Ивашинин, облыстық Қазақстан халқы Ассамблеясының ардагері Асылбек Жұмабаев, этномәдени бірлестіктердің өкілдері, музыкалық жоғары колледж студенттері, мектеп оқушылары мен мұғалімдер, қала тұрғындары қатысты.Іс-шараны жүргізушісі «Славяне» орталығы жанындағы «Надежда» жастар тобының жетекшісі Елена Павлова еліміздегі Қазақстан халқы Ассамблеясының бірлік пен келісімді нығайтудағы рөлін атап өтіп, барлық христиан қауымын Пасха мерекесімен құттықтады.<img src="https://knadmin.beoblood.kz/uploads/Pasha_4_9e9274a4a4.jpg" alt="Пасха 4.jpg">Құттықтау сөздерден кейін қатысушыларға балалардың театрландырылған қойылымы ұсынылып, өлеңдер оқылып, түрлі этностардың билері орындалды. Сондай-ақ мерекеге арналған блиц-викторина ұйымдастырылды.Концерт барысында «Сударушки» вокалды тобы мен орталық белсенділері әндер орындап, көрермендердің ықыласына бөленді.Іс-шара соңында орталық төрайымы Галина Щербакова барлық қатысушыларға алғысын білдірді. Қонақтарға Пасхалық тағамдар ұсынылды.<img src="https://knadmin.beoblood.kz/uploads/Pasha_3_f40cc7e937.jpg" alt="Пасха 3.jpg"><img src="https://knadmin.beoblood.kz/uploads/Pasha_2_8da7cc6ba5.jpg" alt="Пасха 2.jpg">

Этнос өкілдері Пасха мерекесін атап өтті

<a href="https://kyzylorda-news.kz/">Kyzylorda-news.kz</a> Қазақстандық десантшылар Ұлы Отан соғысындағы Жеңістің 80 жылдығына арналған 9 мамыр парадына қатысу үшін Мәскеуге барды. Бұл туралы Stan.kz ақпарат агенттігі хабарлайды.&nbsp;Қорғаныс министрлігінің мәліметінше, Мәскеудегі парадқа Қазақстан атынан Десанттық-шабуылдау әскерлері Кеңес Одағының Батыры генерал-майор Иван Панфилов атындағы 37 десанттық-шабуылдау бригадасының әскери қызметшілерінен құралған парадтық есептоп шығады.Чкаловский әскери әуеайлағында қазақстандық десантшыларды Ресей Федерациясындағы Қазақстан Қорғаныс министрлігінің қорғаныс мәселелері жөніндегі атташесі генерал-лейтенант Талғат Қойбақов қарсы алды. Ол жауынгерлерге тарихи маңызы бар шарада елдің атынан абыроймен сап түзеп өтуіне тілектестік білдірді.Салтанатты лекті 37-ші десанттық-шабуылдау бригадасының командирі, екінші дәрежелі "Айбын" орденімен және "Жауынгерлік ерлігі үшін" медалімен марапатталған полковник Алмас Төлегенов басқарады.Парадтың есептобында барлығы 80 адам бар. Оның ішінде 11 офицер, 24 келісімшарт бойынша әскери қызметші және 45 мерзімді қызметтің сарбазы.Министрліктің хабарлауынша, 37-ші десанттық-шабуылдау бригадасы Ұжымдық қауіпсіздік туралы шарт ұйымы Жедел ден қою ұжымдық күштерінің құрамына кіреді. Бұл әскери құрылым жауынгерлік тұрғыда әркез дайын. Бейбіт уақытта ол төтенше жағдай режимінде қоғамдық қауіпсіздікті қамтамасыз ету, мемлекеттік шекараны күшейту, аса маңызды объектілерді күзету және қорғау, бөлімшелерді терроризмге қарсы операцияларда, табиғи және техногендік сипаттағы жағдайларда қолдану міндеттерін орындайды.

Қазақстан және Қызылорда облысының жаңалықтары