<a href="https://kyzylorda-news.kz/">Kyzylorda-news.kz</a> Бүгін «Таза Қазақстан» республикалық экологиялық акциясы аясында Қызылорда қаласындағы «Сыр сүлейлері» аллеясында «Таза қала – ортақ жауапкершілік» атты тазалық шарасы ұйымдастырылды.Акцияның негізгі мақсаты – қоршаған ортаның тазалығын сақтау, экологиялық мәдениетті қалыптастыру және тұрғындардың табиғатқа деген жауапкершілігін арттыру.<img src="https://knadmin.beoblood.kz/uploads/Taza_ala_orta_zhauapkershilik_ekologiyaly_akcziyasy_tti1_f58ed97805.jpg" alt="«Таза қала – ортақ жауапкершілік» экологиялық акциясы өтті1.jpg">Шараға «Жасыл ел» еңбек жасақтарының сарбаздары және белсенді жастар қатысып, аллея аумағын қоқыстан тазарту, жасыл желектердің маңын ретке келтіру, сондай-ақ аллея бойында орналасқан ескерткіштер мен мүсіндерді сүртіп, күтіп-баптау жұмыстарын жүргізді.Шараның арнайы қонағы әрі спикері – үш дүркін «Алтын домбыра» иегері, белгілі айтыскер ақын Мұхтар Ниязов болды. Кездесу барысында ақын жастармен еркін пікір алмасып, «Сыр сүлейлері» аллеясының ашылу тарихы мен оның рухани-мәдени маңызына тоқталды. Сондай-ақ ол Сыр өңірінен шыққан жыраулар мен шайырлардың қазақ әдебиеті мен өнеріндегі орны туралы айтып, жастарды ұлттық құндылықтарды құрметтеуге және тарихи-мәдени мұраларды көздің қарашығындай сақтауға шақырды.Акция аясында қатысушылар экологиялық мәдениеттің маңызы туралы пікір алмасып, қоғамда тазалық пен тәртіпті сақтаудың ортақ міндет екендігін көрсетті. Жастар қоршаған ортаны қорғауға бағытталған бастамаларға белсенді қатысып, туған қаланың көркеюіне өз үлестерін қосты.Мұндай шаралар тұрғындардың экологиялық сауаттылығын арттырып қана қоймай, қоғамда табиғатқа жанашырлық пен жауапкершілік мәдениетін қалыптастыруға ықпал етеді.«Таза Қазақстан» акциясы аясындағы игі бастамалар алдағы уақытта да өз жалғасын табады.

«Таза қала – ортақ жауапкершілік» экологиялық акциясы өтті

<a href="https://kyzylorda-news.kz/">Kyzylorda-news.kz</a>&nbsp; Президент Қазақстанда БАҚ қызметіне қажетті жағдай жасалғанын айтты.<blockquote>– Заманауи технологиялар цифрлық алаңда алауыздықты әдейі ушықтыратын «ботофермалардың» пайда болуына түрткі болды. Көпе-көрінеу жалған ақпарат тарату, адамды қаралау, өтірікті шындай соғатын қауіпті құбылыс қалыптасты. Оны қазір дипфейк деп атайды. Яғни объективті фактілер эмоцияның көлеңкесінде қалып, қасақана арандатушылық туғызады. Қоғамның ынтымақ-бірлігіне сына қағып, мемлекеттік институттардың атына кір келтіру үшін жасанды интеллект құралдары қолданылады. Танымал тұлғалардың жасанды цифрлық бейнелерін түпнұсқадан ажырату мүмкін емес. Мұндай технологияларды түрлі алаяқтар мен деструктивті күштер белсенді пайдаланады. Сондықтан медиа саласының қызметкерлері жауапкершілік танытып, мемлекеттің аталған гибридті, аса қауіпті қатерлерге төтеп беруіне атсалысуға тиіс. Осы орайда сіздердің еңбектеріңіз орасан.&nbsp;Елімізде пікір алуандығы мен сөз еркіндігі бар, ал цензураға заң жүзінде тыйым салынған. Алайда, сөз бостандығы дегеніміз жүгенсіздікке және тәртіпсіздікке жол беру деген сөз емес. Сондықтан қоғамдық пікірді өздерінің теріс пиғылына пайдаланып, медиа саласында айласын асырғысы келетіндер мына бір қарапайым қағиданы жадында ұстауы қажет: бірде-бір адам шексіз құқық иесі емес. Басқаша айтсақ, өз құқыңды білу және сақтау өзгенің құқын бұзу немесе ар-ожданын таптау деген сөз емес. Алдымызда адамдар жалған ақпараттың жетегінде кетпей, күрішті күрмектен ажыратуы үшін медиасауаттылықты барынша арттыру міндеті тұр. Қоғам қауіпсіздігі мен құқықтық тәртіпті қамтамасыз ету үшін жасанды интеллект технологиясының мүмкіндіктерін кеңінен пайдалану қажет, соның ішінде кез келген заңсыз ақпаратты жедел анықтау және бұғаттау жұмысын қолға алу өте маңызды. Біз Заң мен тәртіпке бағынатын ел ретінде құқықтық нигилизмге, әсірешілдікке, яғни, радикализмге және халқымыздың болмысына жат құндылықтарды насихаттау ісіне түбегейлі тосқауыл қоюымыз керек. Бұл – өте маңызды міндет, – деді Мемлекет басшысы.</blockquote>t.me/aqorda_resmiФото: Ақорда

Мемлекет басшысы журналистердің жалған ақпарат таратуға қарсы күресте атқаратын рөліне тоқталды

<a href="https://kyzylorda-news.kz/">Kyzylorda-news.kz</a> «Халықаралық нашақорлыққа қарсы күрес күніне» орай айлық шеңберінде Қызылорда қаласындағы дәріхана ұйымдарында ақпараттық-түсіндірме жұмыстары жүргізілді. Іс-шараға Қызылорда облысы Полиция департаментінің Есірткі қылмысына қарсы іс-қимыл басқармасының жедел уәкілі, полиция капитаны Темірхан Асқатұлы және Департаменттің фармацевтикалық қызметті бақылау бөлімінің басшысы Айжан Сағнадинова қатысты.Іс-шара барысында дәріхана қызметкерлеріне күшті әсер ететін заттарды рецептсіз босатудың алдын алу мәселелері түсіндіріліп, дәрілік заттар айналысы саласындағы қолданыстағы заңнамаға енгізілген өзгерістер туралы ақпарат берілді.Атап айтқанда, 2026 жылғы 1 қаңтардан бастап Қазақстан Республикасында күшті әсер ететін дәрілік заттарды, психотроптық заттар мен прекурсорларды рецептсіз өткізуге қатысты жауапкершіліктің күшейтілгені түсіндірілді.<img src="https://knadmin.beoblood.kz/uploads/2304c464_811c_487c_94f7_1311c33b29fd_9212cdd0cf.jpg" alt="2304c464-811c-487c-94f7-1311c33b29fd.jpg">Күшті әсер ететін заттардың тізбесі Қазақстан Республикасы Денсаулық сақтау министрінің 2023 жылғы 26 маусымдағы №120 бұйрығымен бекітілген. Аталған тізбеге 94 атау енгізілген, оның ішінде Тропикамид, Прегабалин, Зопиклон, Циклопентолат, Сибутрамин секілді дәріханалар арқылы босатылатын дәрілік препараттар да бар.<img src="https://knadmin.beoblood.kz/uploads/111_604cfccad9.webp" alt="111.webp">Сонымен қатар, №120 бұйрықпен бекітілген күшті әсер ететін заттарды рецептсіз өткізгені үшін Қазақстан Республикасының Қылмыстық кодексінің 301 және 303-баптарына сәйкес қылмыстық жауапкершілік көзделгені туралы түсіндіру жұмыстары жүргізілді.Іс-шараның мақсаты – дәріхана ұйымдары қызметкерлерінің заңнама талаптарын сақтауын қамтамасыз ету, күшті әсер ететін заттардың рецептсіз босатылуының алдын алу және халық денсаулығын қорғау.

Дәріхана ұйымдарында ақпараттық-түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Президент ел тағдырына тікелей әсер ететін маңызды оқиға қарсаңында Парламенттің 8-ші шақырылымы өз жұмысын аяқтайтынын еске салды.<blockquote>– Қос палатаның бірлескен отырысына міндетті түрде қатысамын: тарихи кезеңде атқарылған жұмысты қорытындылап, ел дамуының жаңа кезеңіндегі негізгі мақсат-міндеттерге тоқталып өтемін. Біз, Қазақстан халқы жасампаз әрі озық ойлы ұлт ретінде алысқа көз тігеміз. Осы даңғыл жолда берекелі бірлігіміз бен ырысты ынтымағымызды күшейтіп, барлық мақсатымызға жетеміз. Мен бұған кәміл сенемін, – деді Мемлекет басшысы.</blockquote>Қасым-Жомарт Тоқаевтың пікірінше, отандық бұқаралық ақпарат құралдары өздеріне жүктелген жауапты миссияны жоғары деңгейде атқару үшін халықаралық медиа қоғамдастықтағы бәсекеге қабілеттілігін арттыруға тиіс.<blockquote>– Медиаиндустрия цифрлық дәуірдің сын-қатерлерімен алғашқылардың бірі болып бетпе-бет келді. Осылайша, цифрлық матрицаның – қоғам өміріндегі жаңа санаттың бір бөлігіне айналды. Нарықтың түбегейлі өзгеруі салдарынан жаңалықтар порталы, әлеуметтік желілер мен мессенджерлер алдыңғы қатарға шықты. Мерзімді баспасөз бен телевизия бұрынғы үстемдігінен айырылды. Қазіргі жағдай осындай. Алайда мен «Дәстүрлі медианың дәурені өтті» деген пікірмен келіспеймін. Керісінше, газеттер мен телеарналар жаңа форматқа көшіп, инновациялық мультимедиялық платформа құрып, заман талабына сай дамып келеді. Олардың басты артықшылығы – мәселені терең талдап, шолу мен сараптама ұсына алуында. Ақпараттық кеңістікте қарабайыр тақырыптар қаптап, ұсақ-түйекті сөз қылу көбейген заманда сапалы әрі өзекті журналистиканың маңызы еселеп артады. Сондықтан, менің ойымша, дәстүрлі БАҚ қым-қиғаш уақиғалар нөпірінде қоғам үшін ақпарат айдынындағы компас, тіпті идеологиялық бағдар рөлін алдағы уақытта да атқара береді, – деді Президент.</blockquote>t.me/aqorda_resmiФото: Ақорда

Қасым-Жомарт Тоқаев: «Газеттер мен телеарналар жаңа форматқа көшіп, инновациялық мультимедиялық платформа құрып, заман талабына сай дамып келеді»

<a href="https://kyzylorda-news.kz/">Kyzylorda-news.kz</a> &nbsp;Президент ең алдымен бұқаралық ақпарат құралдары қызметкерлерін мерекесімен құттықтап, жылы лебізін білдірді.<blockquote>– Бұл кәсіби мерекенің ел өмірінде алатын орны айрықша. Себебі журналистер қауымы – ең алдымен қоғамның жаршысы әрі шынайы жанашыры. Сіздер әрдайым халықтың көкейінде жүрген өзекті мәселелерді көтеріп, жұрт мүддесіне адал қызмет етіп келесіздер. Қазіргі жаһандық технология дамыған заманда азаматтарға жедел, сапалы әрі шынайы ақпарат тарату, ұтымды сараптама ұсыну да журналистер қауымына жүктелген абыройлы міндет саналады. Мемлекет сіздердің ерен еңбектеріңізді жоғары бағалайды. Ел Президенті ретінде бүгін мен барша медиа саласы мамандарына шынайы ризашылығымды білдіремін, – деді Мемлекет басшысы.</blockquote>

Мемлекет басшысы БАҚ саласы қызметкерлерін марапаттау рәсімінде сөз сөйледі

<a href="https://kyzylorda-news.kz/">Kyzylorda-news.kz</a> Мемлекет басшысы журналистика саласында қай кезде де ұлт мүддесін бәрінен биік қоятын, парасатты, нағыз отаншыл тұлғалар қызмет еткенін атап өтті.<blockquote>– Баршаңызға мәлім, жыл сайын кәсіби мереке қарсаңында тілшілер қауымына пәтер кілтін табыстау жақсы дәстүрге айналды. Соңғы үш жылда Астана қаласында ғана 200 журналист баспаналы болды. Енді бұл бастаманың ауқымын кеңейте түсуді көздеп отырмыз. Әсіресе, сапалы хабар таратып, қажырлы қызмет етіп жүрген аймақ тілшілерінің еңбегін елеусіз қалдыруға болмайды деп санаймын. Сондықтан менің тапсырмаммен осы жылы алғаш рет облыстарда жұмыс істейтін журналистерге де пәтер кілті табысталады. Жалпы, биылдың өзінде бүкіл еліміз бойынша ақпарат саласының 66 қызметкеріне баспана беріледі, – деді Қасым-Жомарт Тоқаев.</blockquote>Фото Ru.freepik.com

Биыл алғаш рет облыстарда жұмыс істейтін журналистерге де пәтер кілті табысталады

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, Еңбек Ері Имамзада Шағыртаев қытайлық компаниялардың өкілдері Ван Дэфэнг, Лю Сювэй, Ван Цинцай және Бай Яньлунмен кездесті.Кездесуде өңірдің агроөнеркәсіптік кешенін дамыту, ауыл шаруашылығы өндірісін әртараптандыру және инвестициялық жобаларды жүзеге асыру мәселелері талқыланды.Аймақ басшысы су үнемдеу технологияларын енгізуге, суды аз қажет ететін дақылдардың егіс көлемін ұлғайтуға ерекше мән беріліп отырғанын атап өтті.<blockquote>– Биыл облысымызда дәндік жүгері 10 мың гектарға егілді. Жүгеріні терең өңдеу және тұқым шаруашылығын дамытуға, минералды тыңайтқыштар өндірісіне, жоңышқаның экспорттық әлеуетін арттыру бағытындағы бірлескен жобаларға қызығушылық танытамыз. &nbsp;Инвесторлармен ашық әрі сенімді қарым-қатынас орнатуға әрдайым дайынбыз, – деді Мұрат Нәлқожаұлы.</blockquote>Кездесуде өңірдің инвестициялық мүмкіндіктері таныстырылды. Басты артықшылықтар қатарында аймақтың халықаралық көлік дәліздерінің бойында орналасуы, суармалы жер қорының молдығы және қолайлы табиғи-климаттық жағдайы атап өтілді.Бүгінде облыста 286 мың гектар суармалы жер бар. Оның 178,6 мың гектары – инженерлік жүйеге келтірілген күріш ауыспалы егістіктері.Кейінгі жылдардағы су тапшылығына байланысты күріш егістігі оңтайландырылып, ылғалды аз қажет ететін дақылдар көбейтілуде. Агроөнеркәсіптік кешенді әртараптандыру және су үнемдеу технологияларын енгізу үшін республика көлемінде кешенді шаралар қабылданып, мемлекеттік қолдау тетіктері іске қосылды.Айта кетейік, су үнемдеу технологияларын енгізуге бағытталған жобаларды субсидиялау үшін алдағы үш жылға 34 млрд теңгеден астам қаржы қарастырылған.<img src="https://knadmin.beoblood.kz/uploads/ytajly_investorlarmen_kezdesu_2_f43cac3878.jpg" alt="Қытайлық инвесторлармен кездесу 2.jpg">

Қытайлық инвесторлармен ауыл шаруашылығын әртараптандыру жобалары талқыланды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Мейрамбек Шермағанбеттің төрағалығымен өңірдегі қоғамдық-саяси ахуалға байланысты кеңейтілген мәжіліс өтті.Жиынға қоғамдық даму басқармасының басшысы Руслан Каюпов, басқарма басшысының орынбасары, сондай-ақ қала және аудан әкімдерінің салаға жауапты орынбасарлары мен қоғамдық даму бөлімдерінің басшылары қатысты.Мәжілісте облыс аумағындағы қоғамдық-саяси тұрақтылықтың қазіргі жағдайы, атқарылып жатқан жұмыстардың барысы және алдағы кезеңге арналған міндеттер жан-жақты талқыланды. Әсіресе, өңірдегі әлеуметтік көңіл-күйді тұрақты бақылауда ұстау, халықпен кері байланысты күшейту, сондай-ақ ақпараттық-түсіндіру жұмыстарын жүйелі жүргізу мәселелеріне ерекше назар аударылды.<blockquote>- ​«Қоғамдық тұрақтылық – өңір дамуының негізгі тірегі. Сондықтан әрбір аудан мен қалада ахуалды жіті бақылап, тұрғындармен ашық әрі жедел кері байланыс орнату – басты міндеттердің бірі. Бұл бағыттағы жұмысты сөзбен емес, нақты іспен көрсету керек. Әрбір мәселе уақытында қаралып, жергілікті жерде шешімін табуы тиіс. Халықпен кері байланыс үзілмеуі керек, керісінше, күнделікті жұмыс тәртібіне айналуы қажет» - деді Мейрамбек Зинабдинұлы.</blockquote>Жиын барысында салаға жауапты құрылымдарға қоғамдық-саяси ахуалды тұрақтандыру бағытында нақты тапсырмалар беріліп, жергілікті жерлерде профилактикалық жұмыстардың тиімділігін арттыру, азаматтардың ұсыныс-пікірлерін жедел қабылдап, тиісті деңгейде шешу тетіктерін күшейту қажеттігі атап өтілді.Сонымен қатар, мәжіліс барысында мемлекеттік тіл саясатын іске асыру мәселесі де қаралды. Бұл бағытта өңірдегі мемлекеттік тілдің қолданылу аясын кеңейту, іс қағаздарын жүргізуде қазақ тілінің үлесін арттыру және азаматтардың тілдік қажеттіліктерін қамтамасыз ету бойынша атқарылып жатқан жұмыстар талқыланды.Мәжіліс қорытындысы бойынша барлық жауапты тұлғаларға берілген тапсырмалардың орындалуын қатаң бақылауға алу және атқарылған жұмыстар бойынша тұрақты есеп беріп отыру міндеттелді.<img src="https://knadmin.beoblood.kz/uploads/o_amdy_sayasi_ahual_ba_ytynda_y_zh_mystar_2_bdeab23e40.jpg" alt="Қоғамдық саяси ахуал бағытындағы жұмыстар 2.jpg">

Қоғамдық-саяси ахуал бағытындағы жұмыстар сараланды

<a href="https://kyzylorda-news.kz/">Kyzylorda-news.kz</a> Бұқаралық ақпарат құралдары қызметкерлері күніне орай журналистер арасында бильярдтан турнир ұйымдастырылды. Турнирдің ашылу салтанатына қала әкімінің орынбасары Арнұр Нұрмағанбетов қатысып, қаламгерлер қауымын кәсіби мерекелерімен құттықтады. Қазақстанның құрметті журналисі, ардагер Жұматәлі Әбдіраман қатысушыларға тілегін жеткізді.&nbsp;Турнирге қатысушылар бильярдтағы шеберліктерін сынап, тартысты әрі қызықты ойын өрнегін көрсетті. Ойыншылардың жеңіске деген ұмтылысы байқалып, бәсеке жоғары деңгейде өтті.Жарыс қорытындысы бойынша Қызылорда қоғамдық телеарнасының аға монтажері Ержан Батыршаев жеңімпаз атанып, І орынды иеленді. ІІ орын «Қазақстан» ұлттық арнасының меншікті тілшісі Әділбек Жахановқа бұйырса, ІІІ орынды «Qyzylorda» телеарнасының өкілі Жангелді Әлібаев еншіледі. Жеңімпаздарға қала әкімінің алғыс хаттары мен қаржылай сыйы табысталды.Сондай-ақ, турнирде белсенділік танытқан бірқатар қатысушылар арнайы номинациялармен марапатталды. Атап айтқанда, «Сыр бойы» газетінің бөлім басшысы Дүйсенбек Аяшұлы, бас редактор Қуат Шарабидин және «77 ТВ» телеарнасының операторы Бақытжан Бегімбай марапатталды.

БАҚ өкілдері арасында бильярдтан турнир ұйымдастырылды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен аудан аумағында пайдалануға берілген құрылыс нысандарын заңнама талаптарына сәйкес құжаттандыру және тиісті мекемелердің теңгеріміне беру мәселелеріне арналған мәжіліс өтті.Жиында құрылыс нысандарын құжаттандыру, мемлекеттік тіркеу рәсімдерін аяқтау, оларды пайдаланушы мекемелердің теңгеріміне қабылдау бағытындағы жұмыстар бойынша аудандық құрылыс, сәулет және қала құрылысы бөлімінің басшысы Ж.Данабеков баяндама жасады.Атап айтқанда, Тоқабай елді мекеніндегі №248 орта мектептің, аудандық көпбейінді орталық ауруханасының жапсаржайы мен жұқпалы аурулар бөлімшесінің, сондай-ақ жаңадан пайдалануға берілген білім беру нысандарының құжаттарын рәсімдеу және теңгерімге қабылдау мәселелері қаралды.Сонымен қатар, аудан аумағындағы ауыз су, электр және газ инфрақұрылымы нысандарын теңгерімге өткізу жұмыстарының баяу жүргізіліп отырғаны айтылып, жауапты сала басшыларына нақты тапсырмалар жүктелді.Мәжілісте Арал қаласындағы автомобиль жолдарын, кіреберіс арка мен түнгі жарық шамдарын теңгерімге өткізу, сондай-ақ биыл пайдалануға берілген әлеуметтік нысандардың құжаттарын жедел рәсімдеу мәселелері де көтерілді.Жиын қорытындысында аудан әкімі Аманжол Сақыпұлы барлық жауапты мекемелерге құрылыс нысандарын құжаттандыру және теңгерімге беру жұмыстарын жеделдетіп, олардың орындалуын тұрақты бақылауда ұстауды тапсырды.<img src="https://knadmin.beoblood.kz/uploads/rylys_nysandary_Aral_3_0bf1f7fdd2.jpg" alt="Құрылыс нысандары Арал 3.jpg">

Құрылыс нысандарын заңнама талаптарына сәйкестендіру басты назарға алынды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан ардагерлерімен бірге «Оқшы ата» кесенесінде жүргізіліп жатқан абаттандыру жұмыстарының барысымен танысты.Республикалық маңызы бар тарих және мәдениет ескерткіші саналатын бұл киелі орын «Қазақстанның киелі жерлерінің географиясы» жобасы аясында «Жалпыұлттық қасиетті нысандар» тізіміне енгізілген. Бұл қасиетті мекен - Сыр өңірінің рухани-тарихи мұрасының маңызды бөлігі болып табылады.Оқшы ата кесенесі - ел тарихының алтын арқауы. Мұнда Оқшы ата, Асан ата, Есабыз әулие, Ғайып ата, Бала би, Досбол би, Қыш ата секілді ұлы тұлғалар мәңгілік тыныс тапқан.Қазіргі таңда кесене аумағында келушілердің жүріп-тұруына қолайлы жаяу жүргіншілер жолы салынуда. Сонымен қатар, мазарат аумағы толықтай көркейтіліп, көгалдандыру жұмыстары жүргізілген.Айта кетейік, Мемлекет басшысының бастамасымен қолға алынған «Таза Қазақстан» республикалық акциясы және «Тағзым орны таза болсын, рух пен тазалық – бір ұғым» атты жалпыхалықтық акция аясында көктем мезгілінде кесене аумағында ауқымды көркейту-көгалдандыру жұмыстары ұйымдастырылып, оған аудан тұрғындары белсенді қатысқан болатын.Аудан әкімі абаттандыру жұмыстарының сапасына ерекше назар аударып, тарихи-рухани нысандардың тазалығы мен көркіне тұрақты түрде мән беру қажеттігін атап өтті. Сондай-ақ, атқарылып жатқан жұмыстарды сапалы әрі белгіленген мерзімде аяқтауды тапсырды.

Шиелі ауданының әкімі абаттандыру жұмыстарының барысымен танысты

<a href="https://kyzylorda-news.kz/">Kyzylorda-news.kz</a> Арал ауданы әкімдігінде аудан әкімі Аманжол Оңғарбаевтың төрағалығымен Конго-Қырым геморрагиялық қызбасының алдын алу мәселелеріне байланысты мәжіліс өтті.Жиында өңірдегі эпидемиологиялық ахуал, аурудың алдын алу шаралары, кенеге қарсы залалсыздандыру жұмыстарын ұйымдастыру және жауапты мекемелердің өзара іс-қимылын күшейту мәселелері қаралды.Мәжіліс барысында көктемгі залалсыздандыру жұмыстарының нәтижелері мен кенеге қарсы өңдеу жұмыстары жайында аудан әкімінің орынбасары Шерхан Есжанов хабарлама жасады.&nbsp;Аудан басшысы мәселені назарға алып, сапалы әрі тиімді жұмыстар жүргізу бойынша жауаптыларға бірқатар тапсырмалар берілді. Бұған дейін кеткен кемшіліктер жиын барысында назарға алынып, бақылауды назардан тыс қалдырған ауылдық округ әкімдерінің жұмысы қатаң сынға алынды.&nbsp;Сонымен қатар, қала, кент және ауылдық округ әкімдеріне бөлінген қаражатты мақсатты пайдалану, қора-жайлардың санитариялық жағдайын қамтамасыз ету және атқарылатын жұмыстардың сапасына қатаң бақылау жасау міндеттелді.&nbsp;Арал ауданының әкімі Аманжол Сақыпұлы жиын барысында шаруа қожалықтарында кенеге қарсы профилактикалық шараларды үздіксіз жүргізу, малдарды арнайы препараттармен өңдеу және ветеринариялық іс-шараларды күшейту қажеттігін атап өтті.Аудан басшысы жауапты сала басшыларына және ауылдық округ әкімдеріне Конго-Қырым геморрагиялық қызбасының алдын алу бағытындағы жұмыстарды жүйелі ұйымдастырып, олардың орындалуын тұрақты бақылауда ұстауды тапсырды.

Қазақстан және Қызылорда облысының жаңалықтары