<a href="https://kyzylorda-news.kz/">Kyzylorda-news.kz</a> Әлеуметтік желіде мұғалімнің оқушыларға жөнсіз қылық көрсетіп, балағат сөздер айтқаны түсірілген видео тарады. Кадрлардан мектеп ұстазының балалармен сөзге келгенін көруге болады. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Әлеуметтік желіде тараған ақпаратқа сәйкес, оқиға Алматы облысы Шонжы ауылындағы мектептердің бірінде болған. Интернетте тараған видеода мұғалімнің оқушыны итеріп, ұялы телефонға түсіріп тұрғанын байқауға болады.Сондай-ақ&nbsp;мұғалім балаларды "ақымақ" және "мисыз" деп атайды.&nbsp;Ата-аналар мұндай шабуылдар одан да ауыр әрекеттерге ұласып, балаларының өміріне қауіп төне ме, деп алаңдап отыр. Олар облыстық білім басқармасынан жан-жақты тексеру жүргізуді талап етті.&nbsp;№1 Шонжы&nbsp;мектеп-лицейінің басшылығы мен Алматы облысы Білім басқармасының Ұйғыр ауданы бойынша білім бөлімінен ұстаздың әрекетіне түсініктеме беруін сұраймыз.Бұл оқиға әлеуметтік желілерде қызу талқыға түсті. Желі қолданушылардың пікірі екіге бөлінді.“Мұндай әрекет мұғалімге жараспайды”, “Балалармен жұмыс істеу кезінде этикалық нормаларды қатаң сақтау қажет”,&nbsp;&nbsp;“Керісінше қазіргі заман балалары өзін-өзі ұстай алмайды. Тіпті мұғалімдерге оқушылармен жұмыс істеу қиынға соғып барады”, –&nbsp;деп жазды желі қолданушылары. &nbsp;Аталған жағдайға қатысты <a href="https://stan.kz/">Stan.kz </a>тілшісі Алматы облысы білім басқармасынан мән-жайды сұрап білді.&nbsp;Басқарма мәліметінше, жанжалдың ортасында қалған мұғалім 36 жыл бойы ұстаздық еткен.<blockquote>"Ұйғыр аудандық білім бөлімі дене шынықтыру пәнінің мұғалімі Искандерова Эльмираның №1 Шонжы мектеп-лицейінде жұмыс істейтінін мәлімдейді. Жалпы педагогикалық өтілі 36 жыл. Мұғалім-модератор санатына ие. Желіде тараған видеоға қатысты қызметтік тексеріс жүргізілді. Видео үзіліс кезінде түсірілген. Онда мұғалім балаларды итеріп, қорлайды. Бұл оқиға бойынша тергеу амалдары жүргізілді. Мұғалімге педагогикалық әдепті бұзғаны үшін қатаң сөгіс жарияланды", – делінген хабарламада.&nbsp;</blockquote>Басқарманың хабарлауынша, видеода көрсетілген оқушыларға енді басқа мұғалім сабақ береді.&nbsp;<blockquote>"Видеодағы 7 "Е" сыныбының сағаттары басқа дене шынықтыру пәні мұғаліміне берілді. Мектеп әкімшілігі жағдайды бақылауда ұстайды. Аудандық білім бөлімі бұл деректі тексеру үшін арнайы комиссия құрды. Мектеп әкімшілігі аудандық білім бөлімімен бірлесіп 2024-2025 оқу жылында Искандеровамен профилактикалық жұмыстар жүргізді. Осы оқиғаға байланысты аудандық білім бөлімі бұл мәселені Педагогикалық әдеп жөніндегі кеңесте қарау үшін Алматы облысының білім басқармасына хабарласты", – делінген хабарламада.&nbsp;</blockquote>Фото: Видеодан скрин

"Ақымақ, мисыз": Желіде мұғалімнің оқушыларға балағат сөз сөйлеп, жөнсіз қылық көрсеткені түсірілген видео тарады

<a href="https://kyzylorda-news.kz/">Kyzylorda-news.kz</a>&nbsp; Асхат Аймағамбетов халыққа ұнайтын ұсыныс жасады. Ол бұл туралы өз жазбасында мәлім етті, деп хабарлайды <a href="https://alash.kz/kz/article/suiinshi-ashat-aimagambetov-halyqqa-unamdy-usynys-jasap-eldi-quantty.html?utm_source=smi24">Alash.kz.</a><blockquote>– Салық кодексіне қатысты бір топ депутаттың ұсынған түзетулері туралы жазба жариялаған соң, бірқатар сұрақ келіп түсті. Әсіресе, «неге дәрі-дәрмекке, медициналық қызметтерге, кітаптарға және банк аударымдарына ҚҚС салмау керек?» деген сұрақтар жиі қойылады, – деді А.Аймағамбетов.</blockquote>Дәрі-дәрмек пен ем-дом шаралары туралы баяндап берді.<blockquote>– Біз ауыр, созылмалы және өмірге қауіп төндіретін көптеген ауру бойынша дәрі-дәрмек пен емдеуге қазіргі 0% ҚҚС мөлшерлемесін сақтап қалуды ұсынамыз. Мысалы: онкология, диабет, сирек кездесетін немесе аутоиммундық тағы басқа аурулар. Неге? Себебі, салықтың өсуі – бағаның өсуі. Ал дәрі-дәрмектің бағасының өсуі бірінші кезекте науқастар мен олардың отбасыларына ауыр салмақ. Бұл жай ғана салық мәселесі емес, бұл – адамгершілікке қатысты шешім. Онко-дәрілер мен сирек ауруларға арналған препараттардың бағасы қазірдің өзінде өте жоғары. Егер оларға ҚҚС енгізілсе, бұл – бағаның бірден 10%-ға өсуі деген сөз, – деді ол.</blockquote>

Асхат Аймағамбетов халыққа ұнамды ұсыныс жасап, елді қуантты

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтіп, бірқатар өзекті деген мәселелер күн тәртібінде кеңінен талқыланды.Жыл басынан бері ауданның әлеуметтік-экономикалық дамуына тікелей әсер ететін негізгі көрсеткіштері сала-сала бойынша қаралып келе жатқаны белгілі. Бүгінгі аппарат мәжілісінде ең ауқымды әрі маңызды сала құрылыс, автомобиль жол бойынша атқарылып жатқан жұмыстар мен алдағы міндеттер жиынның негізгі тақырыбына айналды.Ең алдымен аудандық құрылыс, сәулет және қала құрылысы бөлімінің атқарған жұмыстары мен алдағы міндеттері туралы осы бөлімнің басшысы Т.Ұзақов хабарлама жасады.Айтуынша өткен жылы аудан бойынша орындалған құрылыс жұмыстарының көлемі 8,5 млрд. теңгені құрап, 2023 жылдың сәйкес кезеңімен салыстырғанда 124 пайызға артық орындалған. Дегенмен сала ауқымды болған соң кемшіліктер де жоқ емес.Жиын барысында аудан басшысы А.Оңғарбаев саладағы бірқатар кемшіліктерді жіпке тізіп, құрылыс сапасына қатысты сын-ескертпелерден қысқа мерзім ішінде нәтиже шығару керектігін атап өтті. Сонымен қатар алдағы міндеттерге қатысты бірқатар тапсырмалар жүктеп, жұмыстың белгіленген мерзім ішінде аяқталуын бақылауды салаға жетекшілік ететін аудан әкімінің орынбасарына жүктеді.Мұнан соң аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Ж.Құдайберген аудандық маңыздағы автомобиль жолдары мен елді мекенішілік көшелердің жай-күйі туралы хабарлама жасады.Өткен жылы ауданымыздың жол құрылысын дамытуға 5 млрд. 255 млн. теңге бөлініп, 74 шақырымнан аса жол жөндеуден өтті. Нәтижесінде жақсы жағдайдағы жолдардың үлесі 52 пайыздан асты. Биылғы жылы да жол құрылысына ауқымды қаражат бөлініп отыр. Аудан әкімі тиісті бөлім басшысына биылғы жылы жүзеге асатын жол құрылысы жобаларының сапалы әрі мерзімінде жүзеге асырылуын қамтамасыз етуді тапсырып, бірқатар кемшіліктер бойынша атқарылуы тиіс жұмыстарды саралады. Жиында жол сапасына қатысты да кемшіліктер айтылды. Алдағы уақытта орын алған әрбір кемшіліктерге қатысты айтылған сын-ескертпелерден нәтиже шығару керектігі айтылды.2025 жылдың 3 айында Арал ауданының аумағында 2 жол-көлік оқиғалары тіркелді, оның салдарынан 2 адам қайтыс болып, 4 адам жарақат алған. Өткен жылдың осы кезеңімен салыстырғанда жол-көлік оқиғалары 60 пайызға азайған. Осы және өзге де сала бойынша атқарылған жұмыстар жөнінде аудандық полиция бөлімінің басшысы Н.Әлтай хабарлама жасады.Кешкілік уақыттарда қала ішінде автокөлік жүргізушілерінің жол ережесін сақтамайтындығы азаймай тұр. Олардың басым бөлігі жастар. Бұл бойынша аудан әкімі Аманжол Сақыпұлы заң аясында қатаң шаралар қабылдау керектігін атап өтіп, жол-көлік оқиғаларын алдын алу бағытында профилактикалық жұмыстарды жандандыруды тапсырды.Бұдан бөлек салаға қатысты өзге де кемшіліктер бойынша бірқатар тапсырмалар жүктелді.Фото: Арал ауданы әкімінің баспасөз қызметі

Әрбір тапсырма орындалуымен құнды

<a href="https://kyzylorda-news.kz/">Kyzylorda-news.kz</a> Алматыда орын алған қатты дауыл кезінде ұшақтың сәтті қонуы туралы видео әлеуметтік желіде кең таралып жатыр, деп хабарлайды Алматыдағы <a href="https://baq.kz/almatyda-dauyldagy-ushaqtyn-qongan-satinin-videosy-tarap-zhatyr-200011243/">BAQ.KZ&nbsp;</a>Бейнежазбаның біреуі жерден түсірілсе, екіншісі Душанбе-Алматы рейсінің бортында жолаушылар тарапынан түсірілген.Душанбе-Алматы рейсінің бортында түсірілген видеода ұшақ ішіндегі жағдайды анық көруге болады: адамдардың толқып, шулағаны, ал кейбір балалардың қорқыныштан жылағаны естіледі.Жолаушылардың эмоциясы дауыл кезіндегі ұшақтың әуежайға жақындау сәтінің қаншалықты күрделі болғанын көрсетеді.Жерден түсірілген видеода ұшақтың қатты желдің әсерінен әуеде шайқалып тұрғаны байқалады. Көпшілік үшін бұл көрініс үрей тудырса да, ұшақтың сәтті қонғаны бәрінің көңілін орнына түсірді.Бұл жағдай ұшқыштардың тек техникалық білім мен тәжірибенің ғана емес, сонымен қатар қиын сәттерде сабырлық сақтап, дұрыс шешім қабылдай алу қабілетінің маңызды екенін көрсетті. Дауыл кезінде ұшақ басқару – авиация саласындағы ең қауіпті сынақтардың бірі.Фото: Видеодан скрин

Алматыда дауылдағы ұшақтың қонған сәтінің видеосы тарап жатыр

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен денешынықтыру- сауықтыру кешенін салу жобасы бойынша жиын өтті. Оған «Қазақстан халқына» қоғамдық қорының басқарма төрайымы Ләззат Шыңғысбаева, жауапты сала басшылары, зиялы қауым өкілдері және қордан балаларының еміне көмек алған ата-аналар қатысты.Басқосуда Қызылорда облысының әкімдігі, «Қазақстан халқына» қоғамдық қоры және «Р и А Сервис ЛТД» жауапкершілігі шектеулі серіктестігі арасында денешынықтыру-сауықтыру кешенін салу туралы үшжақты меморандумға қол қойылды. Аймақ басшысы бірлесіп атқарылатын жұмыстарға тоқталып, алдағы жоспарларды бөлісті.<blockquote>«Президентіміз Қасым-Жомарт Кемелұлының тікелей бастамасымен денсаулық сақтау, білім беру және әлеуметтік қолдау салаларындағы мәселелерді шешу мақсатында құрылған «Қазақстан халқына» қоғамдық қорымен тығыз байланыс орнатылып, өңірімізде бірлескен жобалар қолға алынған.Бүгін қордың қолдауымен Қызылорда қаласынан құны 2 млрд. 900 млн. теңге (қор – 2 млрд. 300 млн. теңге, ОБ – 600 млн. теңге) болатын денешынықтыру- сауықтыру кешенін салу үшін үшжақты келісімге қол қою рәсіміне жиналдық.Президентіміздің, Үкіметтің ерекше қолдауымен Сыр өңірінде байыпты бастамалар қолға алынып, жасампаз жобалар жүзеге асуда. Облыс бюджетін 750 млрд теңгеден асырдық. Сәулеті мен сәні келіскен жаңа ғимараттар бой көтеріп, ел игілігіне табысталуда.Мемлекет басшысының «Туған жерді бірге түлетейік!» үндеуіне орай жергілікті кәсіпкерлер, қоғамдық қорлар, облыстан шыққан меценаттар ортақ іске белсенді араласып, қайырымдылық шараларына, Сыр елін көркейтуге үлес қосуда.Бүгінде демеушілердің 50 млрд. теңгеден астам қаржысына іргелі істер атқарылды. Қор ұжымына қажырлы да қомақты еңбегі үшін ризашылығымызды білдіреміз. Болашақта да қарым-қатынасымыз өзара тиімді негізде құрылады деп үміттенеміз», – деді Н.Нәлібаев.</blockquote>Жиында Ләззат Шыңғысбаева өңірдегі жұмыстарға оң бағасын берді. Сонымен қатар, облыстық ардагерлер кеңесінің төрағасы Серік Дүйсенбаев пен еңбек ардагері, қоғам қайраткері Ибрагим Абибуллаев бастамаларға сәттілік тіледі. Ата-аналар атынан Досбол Сәттібаев қор ұжымына лебізін білдірді.Айта кетейік, «Қазақстан халқына» қоғамдық қоры аймағымызда 7 млрд. 150 млн теңгенің жобаларын жүзеге асыруда. Соңғы екі жылда өңірдің денсаулық сақтау саласына 4 млрд. 800 млн. теңге қаржы бағыттады. Бұл қаржыға облыстық балалар ауруханасы базасында және Жаңақорған ауданында «Қамқорлық» орталықтары ашылып, қажетті дәрі-дәрмек алынды.Қордың қолдауымен Арал ауданында да «Қамқорлық» орталығы салынуда. Мамыр айында пайдалануға беріледі. Сондай-ақ, облыстық онкология орталығын құны 1 млрд. 100 млн. теңге болатын скрининг жүргізуге арналған жылжымалы медициналық кешенмен қамтамасыз етті. Бұл кешен еліміздің 3 өңірінде ғана бар. Қазіргі кезде аймақтың шалғай елді мекендеріндегі тұрғындарға тұрақты қызмет көрсетеді.«Қазақстан халқына» қоғамдық қоры «Ауылдық аймақтардағы тірек мектептердің әлеуетін дамыту» жобасын да іске асыруда. Жоба аясында 2022-2024 жылдары 6 мектеп 1 млрд. 500 млн. теңгеге қайта жабдықталды. Биыл тағы 2 мектепке 500 млн теңге қаржы қаралған.Қор демеушілігімен 172,5 млн. теңгеге жылдам тұрғызылатын ангар типтес спорт кешені Шиелі ауданы Ақтоған ауылында салынып, ел игілігіне табысталды. Жалағаш ауданы Аққыр ауылындағы спорт кешені жақын күндері пайдалануға беріледі. Ал Сырдария ауданына спорттық құрал-жабдықтар алынып, бөлмелер жабдықталды.&nbsp;Фото: Қызылорда облысы әкімінің баспасөз қызметі

Үшжақты меморандумға қол қойылды

<a href="https://kyzylorda-news.kz/">Kyzylorda-news.kz</a> Қызылордалық боксшы Нұрсұлтан Алтынбек Бразилияда World Boxing аясында өткен әлем кубогында чемпион атанды. Дүбірлі доданы іріктеу кезеңінен бастаған ол ақтық сында алқалы елдің абыройын асырды.Осыған орай облыс әкімі Нұрлыбек Нәлібаев өзінің әлеуметтік желідегі парақшасында жерлесімізге қолдау көрсетіп, өз тілектестігін білдірді.«Біздің батыр спортшымыз Нұрсұлтан Алтынбек Бразилия мемлекетінде бокстан өткен World Boxing Әлем кубогында 55 кг салмақ дәрежесінде жеңіске жетіп, аймақ қоржынына алтыннан олжа салып, ел абыройын асқақтатты.Жерлесіміз Нұрсұлтан Алтынбектің тар­тысты бәсекедегі қарсыластары әлемдік додалардың бірнеше дүркін жеңімпазы болса да, мықтылардың арасында өз шеберлігімен ең үздігі атанды", – деді.Фото: Сыр спорты

Бокс: Жерлесіміз Нұрсұлтан Алтынбек Әлем кубогының жеңімпазы атанды

<a href="https://kyzylorda-news.kz/">Kyzylorda-news.kz</a> Облыс аумағындағы орман қоры жерінің жалпы көлемі 7,0 млн гектар болса, оның 3,8 млн гектары орманды алқаптарды құрайды. Биыл аймақтағы орман өрті 50 пайызға азайған. Қазіргі таңда оның табиғатқа келтірілген шығыны анықталу үстінде. Бұл туралы Өңірлік коммуикациялар қызметінің ақпарат алаңында облыстық ТЖД бастығының бірінші орынбасары Жасұлан Түйменов айтты.<blockquote>– Биыл өрттің алдын алу және болдырмау мақсатында облыс бойынша құрамында 78 адамы бар 15 мобильді топ құрылды. Олармен бірге қала мен аудандар бойынша 28 рет рейдтік шара жүргізілді. Орман және тоғайлы алқаптарда табиғи өрттің алдын алу бағытында қала, аудан төтеншеліктері тарапынан ауылдық округ әкімдері мен орман шаруашылығы қызметкерлері, шаруа қожалық иелерімен бірлесіп 64 іс-шара ұйымдастырылды. Іс-шараға барлығы 628 адам қатысқан. Сонымен қатар, «Қазақстан Ғарыш Сапары» мекемесінің сайты арқылы департаменттің жедел кезекшісі күнделікті космомониторинг жұмыстарын жүргізеді. Космомониторинг кезінде анықталған белгілер бойынша координаттары нақтыланып, аталған елдімекеннің жергілікті атқарушы органдарынан ақпарат алынады. Жалпы облыс бойынша орман алқаптарында барлығы 6 503 шақырымға минералды жолақтар жүргізу жоспарланса, қазіргі таңда 500 шақырымына жүргізілген. Аймақта жергілікті атқарушы органның есебінен 31 өрт сөндіру бекеті құрылған. Ол бекеттер 118 298 тұрғыны бар 76 елді мекенді өрт қауіпсіздігімен қамтамасыз етуде. Қазіргі таңда өрт қауіпті кезеңі бойынша профилактикалық шаралар жүргізіліп, тиісті мамандардың қатаң бақылауында,- деді Жасұлан Қалдыбайұлы.</blockquote><img class="image_resized" style="width:86.97%;" src="https://knadmin.beoblood.kz/uploads/t_arushylar_auipsizdik_sharasyn_sa_tau_a_sha_yrdy_9109e31ba3.jpg" alt="Құтқарушылар қауіпсіздік шарасын сақтауға шақырды.jpg">Фото: Нұрболат НұржаубайҚызылорда облысының Өңірлік коммуникациялар қызметі

Құтқарушылар қауіпсіздік шарасын қатаң сақтауға шақырады

<a href="https://kyzylorda-news.kz/">Kyzylorda-news.kz</a> Айдынды өлкенің аспанын жыр тербеді. Аудандық мәдениет үйінде жерлесіміз, жыраулық өнердің лайықты мұрагері, Қазақстанның еңбек сіңірген қайраткері, сыр сүлейлерінің сарқыты Елмұра Жаңабергенованың «Ұлы менің қазағым» атты шығармашылық жыр кеші өтті.Кеш шымылдығы Нұртуған шайырдың «Қанеки, тілім сөйлеші!» атты жырымен ашылып, көрермен жүрегін бірден тербеп өтті. Елмұра Манасқызы кеште өзінің жыр жолындағы шәкірттерімен бірге сахнаға шығып, арда өнердің алтын арқауын жалғады.Жас жыршылар – Хасенхан Кішкенеев, Арайлым Өмірбекова, Салтанат Ерсұлтан және Әбілмансұр Манас – ұстаз ізін басып, көрермен көңілінен ерекше орын алды. Олардың орындауындағы туындылар көрермен ықыласына бөленіп, кеш көркемдігіне көрік қосты.Кеш соңында жиналған жұртшылықты аудандық мәслихат төрағасы Базарбай Төреахметов жүрекжарды лебізімен құттықтап, жыр өнерінің қасиетін айшықтады.«Сыр сүлейлерінің сарқытын ішіп, бекзат өнердің рухани болмысын танытып жүрген Елмұра Манасқызындай талант иесіне жерлестердің құрметі әрдайым ерекше. Осындай өнер кеші арқылы көрермендерге рухани ләззат сыйлап, жүректерге жылу ұялатқаныңыз үшін алғысымыз шексіз. Тектінің тұяғы, жампоз өнердің лайықты жалғастырушысы ретінде өнеріңіз өрге жүзсін!» – деп ықыласын білдірді.Мұнан соң, жыршыға аудан әкімнің арнайы құттықтауы табысталып, сый-құрмет көрсетілді. Айта кетейік, Елмұра Жаңабергенова шәкірттерімен бірге ауданға қарасты ауылдық округтерді аралап, елді мекендерде концерттік бағдарламалар өткізді.<img src="https://knadmin.beoblood.kz/uploads/Elm_ra_Zha_abergenova_shy_armashyly_keshi_2_6aa005c8a3.jpg" alt="Елмұра Жаңабергенова шығармашылық кеші 2.jpg"><img src="https://knadmin.beoblood.kz/uploads/Elm_ra_Zha_abergenova_shy_armashyly_keshi_3_778bda5423.jpg" alt="Елмұра Жаңабергенова шығармашылық кеші 3.jpg">

Айдынды Аралда шығармашылық жыр кеші өтті

<a href="https://kyzylorda-news.kz/">Kyzylorda-news.kz</a> Қазақстанда салауатты өмір салтына қол жеткізуде, денсаулықты сақтау мен нығайтудағы басты міндеттің бірі – бала құқығын қорғау, зорлық-зомбылыққа қарсы күрес жүргізу.&nbsp;1989 жылы «Бала құқығы» туралы конвенция, 2004 жылы «Бала құқығы» туралы заң қабылданды. Осыған орай, зорлық-зомбылықтың алдын алуға бағытталған профилактикалық сипаттағы іс-шаралар жүргізілуде.&nbsp;Атап айтар болсақ, «ӨРКЕН» балалардың әл-ауқатын арттыру ұлттық ғылыми практикалық институтының курс тренері Гүлвира Жалгасбаева «Білім беру ұйымдарында зорлық-зомбылықтың алдын алу» тақырыбында білім беру қызметкерлеріне 80 академиялық сағаттық курс өтті.&nbsp;Курста балалардың құқығын қорғау саласындағы нормативтік құқықтық актілерді, кәмелетке толмағандар арасындағы зорлық-зомбылықтың, буллингтің және суицидтің алдын алу бойынша профилактикалық жұмыстар жүргізу және де зорлық-зомбылықтың құрбаны болған жасөспірімдермен жұмыс істеу барысы айтылды.Курс барысында кері байланыс және рефлексия, оқытудың белсенді және интерактивті әдістері, дидактикалық ойындар, жағдайды талдау, миға шабуыл, үнсіз шабуыл, кейс-стади, пікірталас, рөлдік ойындар, диалог алаңы, жоба әдісі, проблемалық әдісті түрлері қамтылды.Немістің ұлы ақыны В.Гете серуенге шығарда қалтасына түрлі гүлдердің тұқымын салып шығып, шалғындардан, орманнан өткенде, тауға шыққанда гүл тұқымдарын сеуіп жүруді жаны сүйген. Оның жүрген жерлері мезгілі келгенде керемет гүлдер өсіп шығатын. Гете сепкен гүл ме, әлде табиғи жолмен өздері көктеді ме, оны білу міндетті емес. Тек сұлулық әлемі, әсемдік әлемі байыды. Сол сияқты дүниеде зорлық-зомбылық болмаса адам өмірі, адамзат дүниесі сұлу да әсем болар еді.<img src="https://knadmin.beoblood.kz/uploads/Bala_y_y_kurs_2_f987a3ca40.jpeg" alt="Бала құқығы курс 2.jpeg">Мереке Даниярова,Абай атындағы дарындыбалаларға арналған мамандандырылған&nbsp;сыныптары бар мектеп психологі

Бала құқығы – басты құндылық

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек &nbsp;Нәлібаев вьетнамдық «Sovico Group» компаниясының басшысы Нгуен Тхань Хунгпен кездесті. Кездесуде «Қорқыт ата әуежайы» терминалының және әуежай жұмысын одан әрі жандандыру, дамыту үшін оны Азиядағы тәжірибелі әрі ірі конгламераттардың бірі «Sovico Group» компаниясына сенімгерлік басқаруға беру мәселесі талқыланды.&nbsp;Былтыр қараша айында Мемлекет басшысының қолдауымен «Қорқыт Ата халықаралық әуежайының» жаңа терминалы іске қосылды.&nbsp;<blockquote>«Жаңартылған терминал Халықаралық әуе көлігі қауымдастығының (IATA) және Халықаралық азаматтық авиация ұйымының (ICAO) жоғары стандарттарына сәйкес келеді. Жалпы бұл жоба облыстың әуе көлігі қызметін халықаралық деңгейге жеткізуге мүмкіндік береді деп күтеміз. Президентіміздің Жолдауындағы тапсырмасына сәйкес әуежайдың тиімді географиялық орналасуын ескеріп, әуе хабын құру және дамыту, осы аумақта логистикалық бағыттағы еркін экономикалық аймақ (СЭЗ) ашу мақсатында Үкімет қаулысы әзірленуде», –деді аймақ басшысы.&nbsp;</blockquote>Қалыптасқан әлемдік тәжірибе бойынша ірі халықаралық компаниялар инвестиция құю, қаржы-экономикалық модельді әзірлеу және даму стратегиясын жасау үшін тартылады. Ал компания 5, 10, 15, 20 жылдық жоспарын ұсынып, соның негізінде әуежайдың даму стратегиясы құрылады.&nbsp;Атап өту қажет, «Sovico Group» компаниясы Қазақстан нарығына кіріп, «Qazaq Air» әуе компаниясын сатып алды. Бүгінде 20-дан астам ұшақ әкелуді жоспарлаған. Сенімгерлік басқаруға алған &nbsp;инвестор &nbsp;ICAO стандарттарын сақтауға, бақылау мен қауіпсіздікке басымдық беруге міндетті және негізгі шарт осы. Сонымен қатар, бұл қадам халыққа қызмет көрсету сапасын жоғарылатуға, халықаралық және ішкі рейстерді ұлғайтуға, өңірге инвестиция тартуға, көлік-логистикалық орталықтар ашуға, туризмді өркендетуге мүмкіндік береді.<img src="https://knadmin.beoblood.kz/uploads/aeroport_N_rbolat_c6cfc071a0.jpg" alt="аэропорт Нұрболат.jpg">Фото: Нұрболат Нұржаубай

Облыс әкімі вьетнамдық компания басшысымен кездесті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Сенатының депутаты Нурия Ниязова және «Ассамблея жастары» қоғамдық бірлестігінің төрағасы Тимур Жұмырбаевпен кездесті.Кездесуде Қазақстан халқы Ассамблеясының мерейлі 30 жылдығы аясында өңірде атқарылған жұмыстар мен алдағы жоспарлар сөз болды.Қызылорда облысында білім, ғылым, журналистика, қоғамдық қызмет, спорт, медицина, мәдениет, кәсіпкерлік, өндірісте еңбек ететін, мемлекеттік жастар саясатының дамуына өзіндік үлесін қосқандарға облыс әкімінің «Сыр үміті» сыйлығы жыл сайын табысталып келеді. Баспанаға мұқтаждық мәселесін шешу үшін «Сыр жастары» бағдарламасы қолға алынды. Оған облыстық бюджеттен «Отбасы банк» тұрғын үй құрылыс жинақ банкі» арқылы кредит беруге 1,2 млрд теңге бөлінді.«Сыр жастары» – жылына 100 жас отбасыны баспанамен қамтуға бағытталған, өңірлік тың жоба, аймақ жастарын қолдау мен қамқорлықтың жарқын үлгісі.Аудан орталықтарының барлығында типтік үлгідегі «Руханият орталықтары» бой көтерді. Бұл ғимаратта ардагерлер, аналар кеңесі, архив, музей, жастар орталықтарымен бірге Ассамблея мүшелеріне де «Қоғамдық келісім» кабинеті қарастырылған. Онда жергілікті этномәдени бірлестіктер бас қосады. Облыстық этномәдени бірлестіктер «Достық үйінде», ал аудандарда «Руханият орталықтарында» белсенді жұмыс жасап, этносаралық қатынастың нығаюына септігін тигізе бермек. Биыл Қызылорда қаласындағы Бейбарыс сұлтан көшесінің бойынан жаңа үлгідегі «Достық үйінің» құрылысы басталды. Ғимарат жыл соңында ел игілігіне беріледі.Нурия Ниязова мен Тимур Жұмырбаев Сыр елінде атқарылған жұмыстарға оң бағасын беріп, осы істердің барлығы жастардың, этнос өкілдерінің, жалпы тұрғындар арасындағы татулықты, келісімді одан әрі нығайтатынын айтты.<img src="https://knadmin.beoblood.kz/uploads/Zhastardy_oldau_zh_mystary_zh_rgizilude_31605a4298.jpg" alt="Жастарды қолдау жұмыстары жүргізілуде.jpg"><img src="https://knadmin.beoblood.kz/uploads/Ajma_basshysy_kezdesu_75a389e5d0.jpg" alt="Аймақ басшысы кездесу.jpg">Фото: Қызылорда облысы әкімінің баспасөз қызметі

Жастарды қолдау жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Республикалық жастар форумына қатысушылар Қорқыт Ата атындағы Қызылорда университетінің ботаникалық бағындағы тал егу акциясына қатысты. «Таза Қазақстан» бағдарламасы аясында ұйымдастырылған шара барысында әр өңірден келген делегациялар көшет отырғызды.Форум қатысушылары табиғатты, қоршаған ортаны қорғау, жауапкершілікті арттырудың маңыздылығына тоқталды. Жастардың экологиялық мәдениетін көтеру, айналаны ластамауды насихаттау үшін бірлесе жұмыс істеуге дайын екенін айтты.Еске салайық, аймақта Қазақстан Халқы Ассамблеясының 30 жылдығына арналған форум өтуде. Ертең қатысушылар Байқоңыр ғарыш айлағына барып, зымыранның ұшу сәтін тамашалайды. Ғарыш саласының даму кезеңдерімен, жетістіктерімен, тұңғыш ғарыш айлағының тарихымен танысу үшін музейге саяхаттайды. Қазақстан Халқы Ассамблеясының және «Ассамблея жастарының» туларын ғарышқа жіберу үшін ресми тапсырады.Сондай-ақ, қонақтар сәулет өнерінің ерекше үлгісі Қорқыт ата мемориалдық кешеніндегі музеймен танысып, мәдени шараның куәсі болмақ.<img src="https://knadmin.beoblood.kz/uploads/Tal_egu_is_sharasy_2_1cc735772a.jpg" alt="Тал егу іс шарасы 2.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары