<a href="https://kyzylorda-news.kz/">Kyzylorda-news.kz</a> «АМАNАТ» партиясының сайлауалды бағдарламасында жастарды баспанамен қамтуға ерекше мән берілген. &nbsp;Осы мақсатта Сыр өңірінде аймақ басшысының қолдауымен бағдарлама аясында арнайы «Сыр жастары» жобасы жүзеге асты. Жоба аясында бірқатар жастар баспаналы болып та үлгерген болатын. Бүгін партияның облыстық филиалы жанындағы Жастарды қолдау жөніндегі аймақтық кеңес отырысында «Сыр жастары» тұрғын үй бағдарламасының жүзеге асырылу барысы көтеріліп, бағдарламаның тиімділігін арттыру, жастардың баспанаға қолжетімділігін жеңілдету жолдары талқыланды. Сонымен қатар, бағдарламаға қатысты туындаған сұрақтар мен ұсыныстар ортаға салынды.&nbsp;Кеңес жиынына &nbsp;«АМАNАТ» партиясы облыстық филиалының төрағасы Алмасбек Есмаханов, &nbsp;қалалық мәслихат депутаттары, атқарушы органдар мен БАҚ өкілдері және «Жастар Рухы» ЖҚ оқу орны бөлімшелерінің жетекшілері қатысты. Қызылорда облысының қоғамдық даму басқармасы басшысының орынбасары Уалихан Ибраев өңірдегі «Сыр жастары» мемлекеттік бағдарламасы жайындағы жасалып жатқан жұмыстар хабарлама жасады.<img src="https://knadmin.beoblood.kz/uploads/Whats_App_Image_2025_04_17_at_15_12_44_1_3009ade853.jpeg" alt="WhatsApp Image 2025-04-17 at 15.12.44 (1).jpeg"><blockquote>«Бағдарлама аясында мыңға жуық жастан құжат қабылданып, 60 жасқа 2024 жылдың мамыр айында қаламыздың Сол жағалауында орналасқан жаңа, үш бөлмелі пәтерлердің кілті табысталса, қалған 40 жасқа Бименді Баймаханов көшесіндегі жаңа үй пәтерлерінің кілті желтоқсан айында берілді. Бағдарламаның оңтайлы шарттары мен тиімді несиесі жастарға қолдау болып, қоғамда оң пікірге ие болып үлгерді. Осы орайда, бағдарламаны жүзеге асыру барысында келіп түскен ұсыныстар мен жүргізілген мониторингтік жұмыстардың нәтижесіне сәйкес, бағдарламаның 2025 жылғы ережесі мен шарттарына облыстық мәслихаттың 2024 жылдың 9 желтоқсанындағы №141 шешімімен бірқатар өзгерістер енгізілді. &nbsp;«Сыр жастары» бағдарламасын 2025 жылы жүзеге асыру үшін облыстық бюджеттен &nbsp;бюджеттік несие ретінде 1,2 млрд теңге бөлініп, «Отбасы банк» АҚ-ының банктің шотына аударылды» - деді Уәлихан Серікұлы.</blockquote>Отырыс қорытындысы бойынша «Сыр жастары» тұрғын үй бағдарламасын одан әрі жетілдіру және жастар арасында кеңінен ақпараттандыруға қатысты бірқатар нақты ұсыныстар қабылданды. &nbsp;Айтылған ұсыныстар арнайы хаттамаға енгізіліп, тиісті орыгандарға жолданатын болады.<img src="https://knadmin.beoblood.kz/uploads/Whats_App_Image_2025_04_17_at_15_12_44_1dd483b6d2.jpeg" alt="Аманат партиясы.jpeg">

«AMANAT»: Жастарды баспанамен қамту маңызды міндеттердің бірі

<a href="https://kyzylorda-news.kz/">Kyzylorda-news.kz</a> Мемлекет басшысы биылғы жылды «Жұмысшы мамандықтар жылы» деп жариялады. Бұл – қарапайым еңбек адамдарының қоғамдағы абырой-беделі мен әлеуетін көтеруге тікелей ықпал етері сөзсіз. Осы орайда «AMANAT» партиясының ұйытқы болуымен атаулы жылдың мәні мен мазмұнын арттыру бағытында көптеген ауқымды жұмыстар ұйымдастырылуда.Жақында Қызылордада «AMANAT» партиясы Сырдария аудандық филиалының ұйымдастыруымен Нағи Ілиясов ауылында күрішші-механизаторлармен кездесу өтті. Кездесуге Қазақстанның Еңбек Ері, «Қызылорда облысының Құрметті азаматы» Абзал Ералиев, «Мағжан және К» серіктестігі директорының орынбасары Еркебұлан Дарханұлы, Сырдария аудандық қоғамдық кеңесінің мүшесі Жадыра Бағдатқызы, сондай-ақ шаруашылықтың күрішші-механизаторлары мен БАҚ өкілдері қатысты.Кездесуде «AMANAT» партиясының Сырдария аудандық филиалының Атқарушы хатшысы, аудандық мәслихаттағы депутаттық фракция жетекшісі Ақтөре Ибрагимұлы мемлекет тарапынан қабылданып жатқан жұмыстар туралы айтты.«Үкіметтің кеңейтілген отырысында Мемлекет басшысы «Биыл – Жұмысшы мамандықтар жылы. Осыған орай, маңызды іс-шаралар мен жобалар жүзеге асырылмақ. Еңбек адамының абырой-беделін арттыру үшін нақты жұмыс жүргізіледі. Техникалық және кәсіптік білім беру жүйесін түбегейлі жаңғырту ісін бастау керек. Жауапты мекеменің бәрі және ең бастысы, жеке сектор бұл іске белсене араласуға тиіс», – деп нақты атап өтті. Оң бастаманың мақсаты біреу ол – нағыз еңбек адамдарын қоғамда дәріптей отырып, елдегі түрлі жұмысшы мамандардың мәртебесін арттыру, насихаттау. Енді әр салада тер төгіп жүрген азаматтарға, яғни құрылысшы, диқан, жүргізуші, шахтер, кенші және басқа да көптеген қарапайым жұмысшы өкіліне құрмет артар деген сенім бар. Бұл мақсатты жұмыс «AMANAT» партиясының да сайлауалды бағдарламасында көрініс тапқан, – деді Ақтөре Ибрагимұлы.Өз кезегінде Қазақстанның Еңбек Ері Абзал Ералиев жұмысшы мамандықтардың маңызын арттыру мен атқарылып жатқан жұмыстар төңірегінде ой бөлісті.<blockquote>«Мемлекет басшысы билғы жылды «Жұмысшы мамандықтар жылы» деп жариялағаннан кейін Премьер-министр Олжас Бектеновтің төрағалығымен өткен Үкімет отырысы өткізілді. Жиында мәлім болғандай, жұмысшы мамандықтардың маңызын арттыру, техникалық және кәсіптік білім беру жүйесін реформалауда Үкімет «Жұмысшы мамандықтарының жылын» ұйымдастыру жөніндегі республикалық жоспар бекіткен. 7 бағыт пен 70 қадамнан тұратын құжатта жаңа мамандықтар атласын әзірлеу, кәсіптік бағдар беру тұжырымдамасын жүзеге асыру, техникалық және кәсіптік білім беруді трансформациялау, кәсіби білікті кадрлар даярлау, сапалы жұмыс орындарын құру, жұмысшы кадрлардың құқығын қорғау және мәртебесін көтеру мәселесін қамтылғаны көңілге қуаныш ұялатты. Біліктілікті арттыруға басымдық беріп жатырмыз. Себебі қазіргі келіп жатқан техниканың барлығы цифрландырылған. Жұмыстың, өзіміз өндіріп жатқан өнімнің сапасын арттыруда жаңа техниканың рөлі зор. Сондықтан техника тілін меңгерген, білімі мол азаматтар қай кезде де сұранысқа ие, – деді Абзал Ералиев.</blockquote>Басқосуда Сырдария аудандық қоғамдық кеңесінің мүшесі Жадыра Бағдатқызы ауылда еңбек етіп, ауылшаруашылығын дамыту арқылы ауданның, аймақтың дамуына лайықты үлес қосып жүрген еңбек адамдарына шынайы алғысын жеткізді. Күн-түн демей еңбек етіп, ел қамбасын алтын дәнге толтырып жатқан күрішші-механизаторлардың жұмысына табыс тіледі. Ал күрішші-механизаторлар халқының аты да, даңқы да адал еңбекпен шыққан берекелі ауылда еңбек етуді зор мақтаныш санайтынын айтып, алдағы уақытта да ауылдың өсіп-өркендеуіне өз үлестерін қоса беретінін атап өтті.«Жұмысшы мамандықтар жылы» аясында ұйымдастырылған кездесуді қорытындылаған «AMANAT» партиясының Сырдария аудандық филиалының Атқарушы хатшысы Ақтөре Ибрагимұлы бірқатар күрішші-механизаторды партия филиалының атынан Алғыс хатпен марапатталды.<img src="https://knadmin.beoblood.kz/uploads/Whats_App_Image_2025_04_17_at_11_11_54_0784531413.jpeg" alt="Сырдария Аманат партиясы 2.jpeg">

"Жұмысшы мамандықтар жылы" аясында механизаторлармен кездесу өтті

<a href="https://kyzylorda-news.kz/">Kyzylorda-news.kz</a> Текей Батыр Қарпықұлы атындағы жоғары колледжде кездесу өтті. Қызылорда облыстық Қазақстан халқы Ассамблеясы жанындағы Этномедиация орталығының ұйымдастыруымен өткен шара студент жастарға этномедиацияның маңызын түсіндіруге арналды.Кездесу барысында облыстық ҚХА жанындағы этномедиация орталығының төрағасы, психолог-медиатор Жанна Мирамбекқызы мен этномедиация орталығының үйлестірушісі, «Қоғамдық келісім» КММ бөлім басшысы Шахизат Абдраманова студенттермен ашық әрі мазмұнды әңгіме жүргізіп, қоғамдағы татулық, өзара түсіністік, буллинг пен ойынқұмарлықтың алдын алу туралы кеңінен баяндады.Колледж директорының тәрбие ісі жөніндегі орынбасары Болатбек Айтбенбетов шараға ризашылығын білдіріп, жастар тәрбиесінде мұндай кездесулердің маңызы зор екенін атап өтті.Кездесу еркін форматта өтіп, студенттер көкейлеріндегі сауалдарын қойып, құнды жауаптар алды.<img src="https://knadmin.beoblood.kz/uploads/Assambleya_2_5745d4c7d9.jpg" alt="Ассамблея 2.jpg">

Студент жастармен кездесу өтті

<a href="https://kyzylorda-news.kz/">Kyzylorda-news.kz</a> Биыл Қызылорда қаласының Қазақ АКСР-нің астанасы болғанына және «Қазақ» атауының қайтарылғанына 100 жыл толды. Бұл айтулы дата Сыр өңірінің тарихи-экономикалық, қоғамдық-саяси қызметіне үлкен өзгеріс пен серпін берген кезеңнің көрінісі. Тарихи күнге орай бүгін Студенттер сарайында облыстық симфония оркестрінің концерті өтті.Оркестрдің көркемдік жетекшісі және бас дирижері — Қазақстанның еңбек сіңірген қайраткері, профессор Мүсілім ӘмзеМузыка кешінде орындалған әлемге әйгілі классиктердің танымал шығармаларын корермен қауым жылы қабылдап, саз кешінен ерекше әсер алды. Концерт тамашалаған мәдениет және өнер жанашырлары, қоғам белсенділері, білім және мәдениет өкілдері, зиялы қауым өкілдері және жастар кеш соңында өнер иелеріне шексіз ризашылық танытып, зор құрметпен қол соқты.<img src="https://knadmin.beoblood.kz/uploads/Simfoniya_orkestri_2jpeg_29dfe17b12.jpeg" alt="Симфония оркестрі 2jpeg">

Облыстық симфония оркестрінің концерті өтті

<a href="https://kyzylorda-news.kz/">Kyzylorda-news.kz</a> Мәжіліс алаңында Ішкі істер министрінің орынбасары Санжар Әділов самокат пен велосипедшілерге қатысты заңды қатаңдату жоспары туралы айтты. Бұл туралы <a href="https://stan.kz/kazakstanda-velosiped-pen-samokat-zhurgizushilerine-mem-416575/">Stan.kz</a> ақпарат агенттігі хабарлайды.&nbsp;Журналистер самокат жүргізушілері тыйымға қарамастан жаяу жүргіншілерге арналған жолда жоғары жылдамдықпен жүретінін айтты. Соның салдарынан қарапайым жаяу жүргіншілер зардап шегіп жатқанын жеткізді.<blockquote>"Қазір самокат жүргізушілерімен жұмыс жүргізіліп жатыр. Әділет министрлігі жанындағы ведомствоаралық жұмыс тобының алаңында бірқатар қосымша түзетулер дайындап жатырмыз. Оның ішінде шетелдегідей енгізу туралы ұсыныс бар. Біз Швейцарияның тәжірибесін зерттедік. Самокаттарда ғана емес, велосипедтерде де мемлекеттік нөмірлер бар. Сондықтан елімізде бұл бағытта нормативтік жұмыстар жүргізіліп жатыр", – деді Әділов.</blockquote>Айта кетейік, бұған дейін Қазақстанда мопедтерді пайдаланудың жаңа ережелері күшіне енген еді. 5 сәуірден бастап қазақстандықтар мопедпен жүру үшін келесі құжаттар мен рәсімдерді жасауы қажет болған:<ul><li style="text-align:justify;">полицияда тіркелу;</li><li style="text-align:justify;">A1, A немесе B санатындағы жүргізуші куәлігі;</li><li style="text-align:justify;">техникалық байқау;</li><li style="text-align:justify;">азаматтық-құқықтық жауапкершілікті сақтандыру.</li></ul>Тіркелу үшін тұрғылықты жеріңіз бойынша мамандандырылған Халыққа қызмет көрсету орталығына келесі құжаттармен хабарласу қажет:<ul><li style="text-align:justify;">жеке куәлік (электрондық түрде болады);</li><li style="text-align:justify;">техникалық құжат немесе мопедтің сипаттамалары.</li></ul>Фото: Stan.kz/chatgpt.com көмегімен жасалған

Қазақстанда велосипед пен самокат жүргізушілеріне мемлекеттік нөмірмен жүру талап етілмек

<a href="https://kyzylorda-news.kz/">Kyzylorda-news.kz</a> Бүгін Сенаттың жалпы отырысы өтеді. Онда депутаттардың қарауына бұған дейін Мәжіліс қабылдаған бір ғана заң шығарылмақ, – деп хабарлайды <a href="https://kaz.inform.kz/news/bugng-senat-otirisinda-br-gana-zan-kabildanadi-77e457/">Қазақпарат.</a>Әдетте әр дүйсенбіде Сенат төрағасы Мәулен Әшімбаевтың төрағалығымен бюро отырысы өткізіліп, онда бейсенбіде өтетін палатаның отырысында сенаторлар қарауына шығарылатын заң жобалары бекітілетін. Осы аптаның басында палата төрағасы, Әлемдік және дәстүрлі діндер көшбасшылары Съезі Хатшылығының басшысы Мәулен Әшімбаев Сауд Арабиясы Консультативтік кеңесінің шақыруымен аталған елге сапармен барған еді. Сапар барысында Эр-Риядта Корольдіктің Консультативтік кеңесінің Төрағасы Абдалла бен Мұхаммед бен Ибрахим Әл-Аш-Шейхпен және Ислам істері, уағыз және насихат министрі Абдулатиф бен Абделазиз бен Абдрахман Әл-Аш-Шейхпен кездесулер өткізді. «Дін лидерлері әділетті және қауіпсіз әлем үшін» атты дөңгелек үстелге қатысты. Дүниежүзілік ислам лигасының басшылығымен кездесті. Сондықтан дәстүрлі бюро отырысы өтпеді.Дегенмен, бүгінгі палата отырысының күн тәртібіне 1 ғана заң шығарылғаны белгілі. Ол – «Көрсетілетін қызметтердің еркін саудасы, инвестициялардың құрылуы, қызметі және жүзеге асырылуы туралы келісімді ратификациялау туралы» Қазақстан Республикасының Заңы.Сенаторлар қарауына шығарылған құжат бойынша Сауда және интеграция вице-министрі Жанель Кушукова негізгі баяндама жасайды. Депутаттар күн тәртібіндегі мәселелерді қарап болғаннан кейін Үкімет мүшелерінің атына депутаттық сауал жолдауы мүмкін. Ал отырыстан соң БАҚ өкілдеріне брифинг ұйымдастырылып, онда Жанель Кушукова мен сенатор Серік Шайдаров тілшілер сауалына жауап береді.Айта кетерлігі, бұл заңды Мәжіліс депуттары осы жылдың 26 ақпанында қабылдаған еді.Заң жобасы туралы баяндама жасаған Сауда және интеграция министрі Арман Шаққалиев келісімнің негізгі мақсаты – Тәуелсіз мемлекеттер достастығына мүше елдердің көрсетілетін қызметтерінің еркін сауда аймағын қалыптастыру екенін айтқан болатын.<blockquote>- Қызмет көрсету саласы - жаһандық экономикалық өсудің ең үздік драйвері. Дамыған елдерде дүниежүзілік жалпы ішкі өнімнің шамамен 70 пайызын және дамушы елдерде 50 пайызын қызметтер алады. Қазақстанның жалпы ішкі өнім құрылымында қызмет көрсету үлесі 50 пайыздан астам, ал ТМД елдерінде бұл көрсеткіш 40 және 60 пайыз аралығында. Қазір жаһандық жалпы ішкі өнімдегі қызмет көрсету үлес өсіп жатыр. Заманауи технологиялардың қарқынды дамуы аясында бұл тенденция тек қана қарқын алады. Сондықтан біз үшін қызмет саудасына ерекше көңіл бөлу маңызды, - деген еді ол.</blockquote>Оның айтуынша, келісім ТМД-ға мүше мемлекеттердің қызмет берушілері үшін серіктестер нарығында неғұрлым тиімді шарттар ұсыну туралы міндеттемелерді бекітуге мүмкіндік береді. Сонымен қатар, ТМД кеңістігінде неғұрлым қолайлы инвестициялық ахуалды құрады. Қазақстанның ТМД елдерімен көрсетілетін қызметтерінің саудасы 2024 жылдың 9 айында 3,2 млрд АҚШ доллары болды. Бұл ретте экспорттық қызмет көрсету 1,61 млрд долларға жетті. Оның ішінде іскерлік, көлік, телекоммуникациялық, экологиялық, қаржылық және білім беру, құрылыс және туризм сияқты қызмет салаларында кепілдік береді. Ал ТМД елдерінен келген телекоммуникация, компьютерлік және ақпараттық қызмет, туристік, техникалық бағытта импорттық қызмет көрсету 1,59 млрд АҚШ доллары көлемінде болады.<blockquote>- Сонымен қатар, келісімде халықаралық тәжірибеге сәйкес, инвесторлардың мүддесін қорғаудың жоғары деңгейі ескерілген. ТМД елдерінен Қазақстан Республикасына тікелей шетелдік инвестициялардың жалпы ағыны былтырғы 9 айда 2,8 млрд АҚШ долларын құрады. Құжатқа Қазақстанның мемлекеттік сатып алу, жер мәселелері, жер қойнауын пайдалану, табиғи монополиялар, жаңартылатын энергия көздерін реттеу сияқты мәселелері жатпайды. Келісімді ратификациялау ТМД мемлекеттерінің сауда-экономикалық ынтымақтастығын кеңейтуге, көрсетілетін отандық қызметтер экспортын ынталандыруға, қазақстандық кәсіпорындар ТМД-да өз филиалдардың ашу кезінде, қолайлы жағдай және өзара инвестицияларды тартуға мүмкіндік береді, - деген болатын министр.</blockquote>Келісімге Қазақстанның мемлекеттік сатып алу, жер мәселелері, жер қойнауын пайдалану, табиғи монополиялар, жаңартылатын энергия көздерін реттеу сияқты мәселелері жатпайды. Келісімді ратификациялау ТМД мемлекеттерінің сауда-экономикалық ынтымақ-тастығын кеңейтуге көрсетілетін отандық қызметтер экспортын ынталандыруға қазақстандық кәсіпорындар ТМД-да өз филиалдардың ашу кезінде, қолайлы жағдай және өзара инвестицияларды тартуға мүмкіндік береді.Фото: Ағыбай Аяпбергенов/Қазақпарат

Бүгін Сенат отырысында бір ғана заң қабылданады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қала аумағындағы құрылыс нысандарын аралап, алдымен «Көрме залы» орталығының құрылыс алаңына барды.&nbsp;Одан кейін нан, кондитерлік және макарон өнімдерін өндіретін кешендегі жұмыспен танысты. Бұл жобаға мемлекеттік қолдау ретінде 5 гектар жер беріліп, су және кәріз жүйелерін жеткізуге қаржы қарастырылған. Жобаның І кезеңі биыл іске қосылады. Қазіргі таңда жұмыстың 80 пайызы орындалған. Нысанда 30-дан астам жұмысшы еңбек етуде, 10-нан астам техника бар.<img src="https://knadmin.beoblood.kz/uploads/Oblys_kimi_nysandardy_aralau_2_7bf919bd16.jpg" alt="Облыс әкімі нысандарды аралау 2.jpg">Сол жағалаудағы жаңа стадионның шығыс және батыс трибуналарының металл конструкциялары орнатылып, қабырғалары мен ішкі бөліктері, сыртқы витраждары қалануда. Жылу, су, электр, желдету желілері тартылуда. Қазіргі кезде футбол алаңын жабдықтау және аумақты абаттандыру жұмыстары қолға алынған.Физика-математика мектеп-интернатында ішкі әрлеу жұмыстары аяқталуға жақын. Нысанда техникалық жабдықтау мен аумақты абаттандыру қатар жүргізілуде. Құрылыс басында 150 жұмысшы мен 20 техника бар.<img src="https://knadmin.beoblood.kz/uploads/Oblys_kimi_nysandardy_aralau_39cb355fcc.jpg" alt="Облыс әкімі нысандарды аралау.jpg"><img src="https://knadmin.beoblood.kz/uploads/Oblys_kimi_nysandardy_aralau_3_44fbd6e8f5.jpg" alt="Облыс әкімі нысандарды аралау 3.jpg">Фото: Қызылорда облысы әкімінің баспасөз қызметі

Мамыр айында әлеуметтік нысандардың бірқатары пайдалануға беріледі

<a href="https://kyzylorda-news.kz/">Kyzylorda-news.kz</a> «Қазгидромет» РМК бүгінге, 17 сәуірге арналған ауа райы болжамын жариялады, деп хабарлайды <a href="https://baq.kz/zhanbyr-usik-bugin-elimizde-aua-rayy-qanday-bolady-200011879/">BAQ.KZ.</a>Синоптиктердің болжамынша, кезекті солтүстік-батыс циклоны мен онымен байланысқан атмосфералық фронталды бөліктер Қазақстанның басым бөлігінде тұрақсыз ауа райын қалыптастыратын болады.Жаңбыр мен қар түрінде жауын-шашын жауады. Тек ҚР батысы мен орталығына антициклон жотасы әсер ететін болады – жауын-шашынсыз ауа-райы болжанады. Республика бойынша желдің күшеюі, оңтүстікте шаңды дауыл мен тұман күтіледі, - делінген ақпаратта.Түнде Ақмола облысының солтүстік-батысында, Ақтөбе облысының солтүстігінде, Қостанай облысының батысы мен шығысында, Солтүстік Қазақстан облысының батысы мен солтүстігінде, Қарағанды, Шығыс Қазақстан облыстарының солтүстігі мен шығысында, Алматы облысының шығысы мен тау бөктері аудандарында, Жетісу облысының солтүстігі мен орталығында, Жамбыл облысының оңтүстігінде топырақ бетінде 1-3 градус үсік жүреді.Фото: Нұрболат Нұржаубай

Жаңбыр, үсік: бүгін елімізде ауа райы қандай болады?

<a href="https://kyzylorda-news.kz/">Kyzylorda-news.kz</a> Достық үйінде Қызылорда облысы әкімінің орынбасары Шахмардан Баймановтың қатысуымен кездесу өтті. Жиынға облыстық қоғамдық даму басқармасы мен «Қоғамдық келісім» КММ қызметкерлері, сондай-ақ «Ассамблея жастары» ұйымының белсенділері қатысты.Кездесу барысында 7-8 сәуір күндері өткен «Сыр елі – достық мекені» республикалық жастар форумының жоғары деңгейде ұйымдастырылуына үлес қосқан азаматтарға Қазақстан халқы Ассамблеясы Төрағасының орынбасары Марат Әзілханов пен облыс әкімінің орынбасары Шахмардан Баймановтың Алғыс хаттары табысталды.<blockquote>– Құрметті әріптестер, баршаңызды Қазақстан халқы Ассамблеясының 30 жылдық мерейтойымен шын жүректен құттықтаймын! Бұл «Сыр елі - достық мекені» республикалық жастар форумы – ел бірлігін дәріптейтін, жастардың белсенділігін арттыратын, мәдениеттер үндестігін насихаттайтын үлкен алаң болды. Сіздердің ынтымақпен атқарған еңбектеріңіз осы шараның сәтті өтуіне негіз болды. Алдағы уақытта да бірлігіміз бекем, мақсатымыз ортақ болсын, – деді Шахмардан Асқарұлы.</blockquote>Кездесу соңында қатысушылар естелік суретке түсті.<img src="https://knadmin.beoblood.kz/uploads/Sh_Bajmanov_zhiyn_2_7ca5205c10.jpg" alt="Ш.Байманов жиын 2.jpg">

"Ассамблея жастары" ұйымының белсенді мүшелерін марапаттады

<a href="https://kyzylorda-news.kz/">Kyzylorda-news.kz</a> Аудан әкімдігінің мәжіліс залында аудандық мәслихаттың кезекті 37-ші сессиясы өтті. Жиынды аудандық мәслихат төрағасы Ғазиз Әліш ашып, жүргізіп отырды.&nbsp;Сессияға аудан әкімі Мейрамбек Шермағанбет, аудан прокуроры Дарын Әбіш, аудан әкімінің орынбасарлары, облыстық бағыныстағы мекеме басшылары, қала, кент, ауылдық округ әкімдері мен дербес бөлім басшылары және мектеп директорлары мен мемлекеттік және жекеменшік балабақша меңгерушілері қатысты.Күн тәртібінде екі мәселе қаралды. Бірінші мәселе «Өндіріс салалары, ауыл шаруашылығы, экология, табиғат ресурстарын пайдалану» жөніндегі тұрақты комиссияның есебі туралы аудандық мәслихаттың депутаты, комиссия төрағасы Арғын Орымбаев хабарлама жасады. Екінші мәселе «Аудандық білім бөлімінің атқарған жұмыстары мен алдағы міндеттері туралы» аудандық білім бөлімінің басшысы Әділхан Жөлекешов баяндады.&nbsp;Жиында аудан әкімі сөз сөйлеп, күн тәртібіндегі мәселелерге байланысты тиісті сала басшыларына нақты тапсырмалар жүктеді.&nbsp;<blockquote>-Сессияның күн тәртібіндегі әрбір көтерілген мәселелерді зерделеу үшін арнайы уақытша құрылған комиссиялардың жұмысын әлде де жетілдіру керек. Мәселен, комиссия аудандағы білім беру ұйымдарының барлығын дерлік түгел аралап, олардан анықталған кемшілікті тез арада қайта қалпына келтіруге жұмыс жасауы керек. Егер кемшіліктер өз мерзімінде қалпына келмесе, тиісті құзырлы органдарға ұсыныс бергені дұрыс. Мектеп директорлары, ұстаздар ата-аналармен бірлесе отыра бала тәрбиесіне қатысты да нақты шараларды жүзеге асыру қажет. Сондай-ақ түнгі рейдтік шараларды да күнделікті тоқтатпай, бала қауіпсіздігіне аса мән беруіміз қажет, - деді аудан әкімі.&nbsp;</blockquote>Сонымен қатар жасөспірімдердің қауіпсіздігі, олардың тәрбиесі, мектептер мен балабақшалардың жағдайына байланысты білім беру ұйымдарының басшыларына бірқатар тапсырмалар жүктеп, жауапты &nbsp;орынбасарларына қатаң бақылауға алуды тапсырды.Ал, сессия барысында аудан прокуроры Дарын Әбіш жеке балабақшаларға байланысты анықталған кемшіліктер бойынша заң аясында тиісті жұмыстар жүргізіп, аудандық прокуратураға ұсыныс беру қажеттігін ескертті. Аудандық мәслихат депутаттары тарапынанда білім саласына қатысты ұсыныстар айтылып, сауалдар жолданды.<img src="https://knadmin.beoblood.kz/uploads/azaly_audany_m_slihat_otyrysy_2_30d71dab9b.jpg" alt="Қазалы ауданы мәслихат отырысы 2.jpg">Фото: Қазалы ауданы әкімінің баспасөз қызметі

Күн тәртібіндегі негізгі мәселелер талқыланды

<a href="https://kyzylorda-news.kz/">Kyzylorda-news.kz</a> Интернет алаяқтық – заманауи технологиялардың дамуына байланысты кең таралған қылмыс түрі. Біздің елімізде де бұл мәселе өзекті болып отыр. Себебі жыл сайын мыңдаған азаматтар киберқылмыскерлердің құрбанына айналуда. Түрлі желілер арқылы алаяқтардың арбауына түскен азаматтардың саны аз емес. Бүгін Өңірлік коммуникациялар қызметінің ақпарат алаңында облыстық полиция департаментінің киберпол басқармасы бастығының орынбасары Тимур Хамитов интернет алаяқтықтың алдын алу үшін өңірде атқарылып жатқан жұмыстарды мәлімдеді.<blockquote>– Интернет алаяқтықтың басқа қылмыстарға қарағанда басты ерекшелігі – жалпақ жұрттың бәріне қатысты жасалуында болып отыр. Ол дегеніміз - қолында компьютер, смартфон, планшеті бар адам кез келген уақытта интернет алаяқтардың құрбанына айналуы мүмкін. Қылмыскерлер уақыт талабынан қалмай, азаматтардың ақшалай қаражатын жымқырудың түрлі жаңа әдіс-тәсілдерін қолдануда. Әсіресе, олар әлеуметтік желілердің мүмкіндігін ұтымды пайдаланып отыр. Өңірде жыл басынан бері 298 дерек тіркеліп, ол жалпы тіркелген қылмыстық құқық бұзушылықтардың 37,3 пайызын құрап отыр. Жыл басынан бастап облысымызда 118 интернет-алаяқтық дерегі бойынша қылмыстық істер тіркеліп, сотқа дейінгі тергеп-тексеру нәтижесімен 41 қылмыстық іс өндірістен аяқталып, түпкілікті шешім қабылданған. Қазіргі уақытта өңірімізде ең жиі кездесіп жүрген бірнеше интернет алаяқтықтың түрлері бар. Ең жиі кездесетіні – өзін ұялы байланыс операторы немесе банк қызметкері ретінде таныстырып, жеке деректеріңізге қол жеткізгісі келеді. Айта кету керек, Қазақстанның байланыс операторлары алаяқтық мақсатпен шетелден қоңырау шалатын нөмірлерді бұғаттайды. Осы уақытқа дейін 50 миллионнан астам қоңырау бұғатталған. Облысымызда интернет-алаяқтық қылмыстарымен айналысу мақсатында «Киберқылмысқа қарсы іс-қимыл басқармасы» құрылып, арнайы ақпараттық техникалармен жабдықталып ашу бағытында жұмыстарды атқаруда,- деді Тимур Зуфарұлы.</blockquote>Фото: Қызылорда облысының Өңірлік коммуникациялар қызметі

Алаяқтардың арбауына түспеу үшін не істеу керек?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілістің күн тәртібінде жылу беру маусымының қорытындысы және алдағы жауапты маусымға дайындық, ауызсумен қамтамасыз ету мәселелері талқыланды. Оған қала, аудан әкімдері, жауапты сала басшылары қатысты.<blockquote>«Бюджеттік бағдарлама әкімшілері және жылу-энергия нысандарының басшылары, 1 мамырға дейін алдағы жылу беру маусымына дайындық жөніндегі штабтар құрып, іс-шара жоспарын бекітіңіздер. Әлеуметтік нысандарды газға көшірудің жоба-сметалық құжаттамаларын 1 шілдеге дейін әзірлеңіздер. Қажетті көмір қорын жасақтауды шілде айынан бастаңыздар. Сұйық және қатты отын жеткізуші мердігерлермен жасалған келісім-шарттарда көрсетілген бағамен жеткізу бойынша жұмыс жасаңыздар. Қызылорда қаласындағы көпқабатты тұрғын үйлерді ыстық сумен қамтудың екінші кезеңі сапалы жүргізіліп, жылу беру маусымына дейін аяқталуы керек. Мемлекет басшысы 2025 жылдың соңына дейін тұрғындарды 100 пайыз ауыз сумен қамтуды тапсырғаны белгілі. Орталықтандырылған ауыз су жүйесіне қосылмаған елді мекендерді қамту үшін қажетті қаражат толық бөлінді. Арал және Қазалы аудандары әкімдері, ауыз сумен қамту жобаларын мерзімінде және сапалы етіп бітіріңіздер. Бірлік, Ақтам елді мекендеріне су тұшытқыш орнатуды тез арада аяқтаңыздар», – деді Н.Нәлібаев.</blockquote>Айта кету керек, Мемлекет басшысының тапсырмасына сәйкес өткен жылы Қызылорда қаласындағы 187 көпқабатты тұрғын үйге ыстық су жеткізуге Үкімет резервінен 11 млрд.теңге бөлініп, бірінші кезеңдегі тұрғын үйлерге қосылды. Биыл қаржы тапшылығына қарамастан, Үкімет резервінен 5 млрд. теңге бөлінді. Бұған қаладағы 61 үйге ыстық су тартылады.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары